غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 25-10-2014, 02:21 PM
صورة وردة وفاا الرمزية
وردة وفاا وردة وفاا غير متصل
©؛°¨غرامي مشارك¨°؛©
 
الافتراضي رد: مهما تفرقنا الايام تجمعنا .. بقلمي


السلام عليكم

احم احم . . شكرا على الدعوة

والروايهه قميلهه . . بانتتظار القادم.


ودي~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 25-10-2014, 04:03 PM
صورة ToOoMaa الرمزية
ToOoMaa ToOoMaa غير متصل
©؛°¨غرامي مشارك¨°؛©
 
الافتراضي رد: مهما تفرقنا الايام تجمعنا .. بقلمي


روايتك مره حلوه
وتمنى تنوريني بروايتي وحيده في بلاد الغرب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 25-10-2014, 08:36 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


اقتباس:
المشاركة الأساسية كتبها جوهرة البحر مشاهدة المشاركة
روعة حبيبتي
انت الاروع حبيبتي ... اتمنى تعجبك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 25-10-2014, 08:39 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


اقتباس:
المشاركة الأساسية كتبها بنت ابن بطوطه مشاهدة المشاركة
مشاء الله عليك .. كل بارت يحمس اكثر من الثاني .. استمري في مفاجئتنا بالاحداث وشد الاعصاب هههههه
بس عندي ملاحظه بسيطه .. ليش ماتستقرين على لهجه محدده؟ لانك خلطتي كويتي على سعودي على ليبي هههههه صاره روايه كوكتيل باليمون
ربي يوفقك راح نستاحشك

مشكورة حبيبتي وانا للحيين اعررف على اهم ابطالي وباقي جزء او اثنين وتبداء الاحداث الفعلية ...
ههههههههه حبيبتي رح احاول استقر اكثر بس لازم تعدريني لان تعلمت اللهجة من الروايات وماكتبت بيها الا لاني احبها هههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 25-10-2014, 08:43 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


اقتباس:
المشاركة الأساسية كتبها صرخهـ آآآلم مشاهدة المشاركة
اممم ما شاء لله عليك حبيبتي روايتك تجنن مع اني قريت شوي منها بسسس - ان شااء لله تكملينهاا


اتمنى تكملينها وتعجبك .... والرواية مكملة اكيييد وما يردني ع تكميلها شي
اتمنى تعطيني رايك في الرواية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 25-10-2014, 08:45 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


اقتباس:
المشاركة الأساسية كتبها وردة وفاا مشاهدة المشاركة
السلام عليكم

احم احم . . شكرا على الدعوة

والروايهه قميلهه . . بانتتظار القادم.


ودي~



وعليكم السلام والعفو مادرت شي
بس مشكورة تلبيتك ليها ويهمني رايك في احداثها
دمتي بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 25-10-2014, 08:47 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


اقتباس:
المشاركة الأساسية كتبها tooomaa مشاهدة المشاركة
روايتك مره حلوه
وتمنى تنوريني بروايتي وحيده في بلاد الغرب
بادن الله اقراها .. ويهمني رايك بالسرد والاحداث ككاتبة
دمتي بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 26-10-2014, 09:08 PM
صورة ريتال حسين الرمزية
ريتال حسين ريتال حسين غير متصل
©؛°¨غرامي مشارك¨°؛©
 
الافتراضي رد: مهما تفرقنا الايام تجمعنا .. بقلمي


لم اتمكن من قراءة جميع الاجزاء ولكن كبدايه جميل ج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 26-10-2014, 10:55 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


اقتباس:
المشاركة الأساسية كتبها ريتال حسين مشاهدة المشاركة
لم اتمكن من قراءة جميع الاجزاء ولكن كبدايه جميل ج
مشكورة حبيبتي واتمنى تكمليها وتخبريني رايك كامل بالرواية
دمتي بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 26-10-2014, 11:33 PM
صورة tota A ash الرمزية
tota A ash tota A ash غير متصل
©؛°¨غرامي مجتهد¨°؛©
 
الافتراضي رد: مهما تفرقنا الايام تجمعنا .. بقلمي


الجزء السادس

الانتظار يزيد لهفتنا لشي
وكثرته تكرهنا فيييييه

له ساعة من وعى وهو فاتح النت .. يستنى رجعتها يبي يفهم السالفة .. حاسس ان فييييييها شي !
هو مو عارف ليييش .. بس مهتم فيها حيييل .. الشباب دايم الدوم ما يعايرونه بحبه لها .. بس هو مو حاسس بهالشي .. يحبها ممكن !!
بس حب صديق لصديقته واخ لاخته وبس .. ما يعرف ان الصداقة بين الرجل والمراءة حب على نار هادئة او ممكن مو مقتنع
مو عارف انه لو مهما صاار بتظل غريبة ومايعرفها ومو محرمة عليه .. يعتبرونه تحضر بس الحرام حرام وهذا الشررررع
كلم اهله قبل شوي وتطمن عليهم .. ومع انه مشتاااق لاخته الخبلة لكنها مشغولة مع البنات ع قولة محمد .. هو اكثر واحد يعرف تعلق اخته بصديقاتها المرجوجات مثلها .. تافف وهو يوقف يطلع يشوف الشباب .. مل من جلسته لحاله وهي للحين ما دخلت
وحاس في نفس الوقت ان الموقف ما يستاهل .. او ان البنت معطيها اهتمام اكبر من حقها
دخل عليهم وشافهم في حالة .. فادي جالس وجنبه بيتزا وبيرة .. وعزوز جالس متنح في التي في .. سكر التلفزيون وهو ياخد البيرة ويشرب منها .. ويقول بصوت ضاحك
_شلونكم ؟
ناظر به فادي بنارية .. وابتسم يوم تذكر انتقامه
_بالعافية عليك
رفع احمد حواجبه وهو متوقع زفة محترمة منه لكن مااااش .. عرف ان فييييه ان وكل اخواتها الكرااام لان فادي يكره شخص ياخد منه اكله
وع قولته البطن قبل الوطن هههههه
_وش صاير في الدنيا ؟
قال عزوز بصوته المبحووح
_مشتاق لهم حيييييل
جمعهم ما يبي يقول مشتاق لها .. فادي توقع انه بيتكلم عن اهله غيييير عن احمد اللي فهمه
_كلنا مشتاقيييين بس خلونا نتمتع قبل ما نرجع ننسجن في الرياض
ناظره احمد بحنق لانه قاعد يسب مدينته وبلده الملزوووم يحافظ عليها ويرفع راسها فووووووق .. هز راسه وسفهه وهو يكلم عزوز
_هونها وتهون يا صاحبي .. ترى كلها كم شهر تغمض وتفتح تلقى نفسك في ديرتك باذن الله
ابتسم عزوز له بصمت .. وفادي يبربر .. ضحك وسوالف .. كان يسولف معاهم وكل ذقيقة يناظر ساعته .. يبي يتاكد ان الوقت ما تاخر ولا هو تاخر عن دخلة النت .. وحسب الوقت وشاف ان الوقت تاخر عندهم تكون نامت ؟
تمنى لو عنده رقمها عـ الاقل بيتصل ويعرف سالفتها بلا انتظار وبلا بطيخ .. بس عارفها ما تعطيييه ولا هو اصلا اللي بيطلبه
لان مع انهم قاطين الميانة بس بانية حدود للمعاملة وخطووط حمراء ماتفوتها ولا هو يفوتها
هل اللي يصيير صح !؟
ممكن وممكن لا !؟

رجع فيها السواق للبيت وفراس ما تدري عنه ويييين غاط .. المفروووض يجيها ويوصلها .. لكن يلا .. مالها غيييير هـ السواااق الشايب بس
دخلت بيتها وهي فرحانة من الجو الجنان .. شافت امها واختها في الصالة راحت لهم جري .. بعد ما تابعوا الفيلم .. غيروا ثيابهم ولبسوا فساتينهم ورجعت للبيت .. جلست معاهم وهي تسلم
_السلام .. كيفكم من دوني !؟
ضحكت فدوى وقالت تبي تقهرها
_وش رجعك كان نمتي هناك .. نحنا ما صدقنا نفتك من كلمة طفش رجعتيلنا
ردت عليها وقالت
_لانكم جد تطفشون الشخص وتمللونه بعد
قالت امها تقطع عليهم ملاسنتهم ..
_شلون البنات ؟ .. وكيفها خالتك ؟
ابتسمت لها وقالت
_البنات بخيييير وعافية .. تونسنا بلمتنا الحلوة .. وام محمد بخييير جلست معانا شوي وطلعت .. ليش انت ما كلمتيها ؟
صحكت فدوى وقالت وهي تغمز وترفع وتنزل حواجبها بقصد واظح خافي عليها
_الا كلمتها
قالت امها وهي تناظر فدوى تسكتها
-يا بنتي كبرتي وصرتي عروس
قطبت الا حواجبها من الحيرة .. وش علاقة ام محمد بيها وبكونها كبرت .. قالت بهدوء غرييب
_خييير يمه .. صاير شي ؟
قالت امها ويدها عـ راس بنتها وتمسح شعرها .. وتهديها
_ام محمد خطبتك لولدها
رقع قلبها .. حمر وجهها .. توسعت عيونها .. ارتجفت يدها .. عرفت انه خطبها طيب ليش .. يكون عجبته اكييد مو معقول شي غييير
هــ اليوم شافني وفي نفس اليوم خطبني .. او ممكن رنيم كلمتهم واقتنعوا
ممكن !!!! ... سكتت وهي خجلانة .. تعرف امها موافقة وابوها رايه برايها .. اخوانها بيوافقون ابوهم ويمشون على راييه .. كانت تناظر في الارض وهي مو عارفة ترد بوشو
_يمه .. انا
وانرحمت
_السلام عليكم .. اوووه وش هـ اللمة وانا مو فييييه
انقفل الموضوع بدخول فراس .. ردت امه علييييه
_اهليييين يمه .. وينك اليوم ما شفناك ابد .. تولهنا علييييك
ابتسم فراااس لامه وهو يحب راسها ويجلس جنبها .. مقابل فدوى والاء اللي كانوا عـ كنبة وحدة
_والله كان ودي اجي واشوفكم واكحل عيني بحلاكم .. بس زوج الهانم اللي متربعة هناك كنها دب الباندا ببجامتها البيضاء والسوداء استلمني اليوووم بغثاه
قالت فدوى بتلقائية وهي مو مهتمه بسبته لها
_فدييييت غثاه انا
رفعت الاء حواجبها .. هي حائرة من فدوى وتعاملها مع فراس .. كانت ما تستحي منه مو كنه اخوها الكبير مع انه فارض احترامه عـ الكل وهو بحشيمته اللي كانت ميزة عنده .. فادي مو مهتم بهالشي كان كاسر الخجل بينه وبين اخواته بس فراس غير هو اللي يقرر متى يكسر الخجل مو حد ثاني .. قالت ترد تبي تتشمت فيها
_استحي عـ وجهك يا بت اخوك قاعد مقابلك وانت تتغزلييييين بزوجك الملكع
قالت لها فدوى وهي رافعة حاجبها لفوووق تقول .. انا عصبت
_ليش استحي .. بدافع عن زوجي ما سوييت شي انا
قالت الاء ببساطة وهي مو معطيتها وجه
_ايييه هين .. بس والله الحياء رميتيه عـ جنب من يوم تزوجتي
قالت فدوى بخبث تبي تاخد انتقامها من كلامها عـ زوجها بطريقة مو زينة
_معليش يا الخجول .. اسفة .. اعذريني بعد .. غيرت الموضوع وهي تكلم امها ببراءة مصطنعة :_ يمه تهقين فراس يعرف محمد ؟
انكتمت انفاس الاء من الخجل .. اخوها هنا موجود معاها ومقابلها وفراااس بذات تستحي منه .. ومع انه يمزح ويضحك معاها لكن المواضييييع اللي زي كده .. تستحي انها تسولف عنها قدامه عـ الاقل
قال فراس وهو عاقد حواجبه يوم شاف ابتسامة اخته الواسعة .. ونظرة الدهشة في عين الاء وخجلها .. رحمها .. عارف اخته وواثق بتربيتها .. وعرف انها ما تبيه يعرف وهي فييييه .. سكت ولا قال شي .. لكن امه قالت مجاوبة عـ اسئلته اللي خطرت في باله ولا صرح بيها
_تقدم لـ الاء ولد صديقتي ام محمد .. محمد ال ......
ضحك فراس من الصدفة وضحكته ما بشرتها ابد .. حسبته يتمسخر علييييه لكن كلامه خلاها تتراجع عن رايها .. كانت تسمع كلامهم وعيونها في الارض
_محمد ما غيره .. تصدقووون عاد اليوم كنت معاه
قالت فدوى وهي تناظر اختها وهي تبي تحرجها علشان لا عاد تتفلسف عليها
_الاء انت تعرفييييه مو هو اخ صديخقتك الصدووق .. شكلا يعني .. والا ما شفتييييه ابد !؟
قامت الاء ببطء وهي تقول بخجل
_برووووح انام
وقبل ما تشرد قالت امها
_فكري زيييين يمه وصلي استخارة
طلعت بسرعة وابتسم هو بنفسه عليها .. من خجلها الزائد .. مو زي الاخت اللي قدامه وقال يبي يحارشها وتحس عـ دمها شوي
_ترى كده تسوي البنت الطبيعية يوم تنخطب مو مثل ما سويتي يومها
ضحكت فدوى وهي تذكر انها يوم خطبها عدنان ابتسمت بقوة بحركة مو قاصدتها ووافقت وعذزها .. صدييييق اخوي ومتاكده انه ولد زيييين اخوي ما يخاوي الا الزييين ..
وبكده شك فراس وعرف قصة حبهم من اخته .. ضحك على اخته وهو يقوم ينام
_بروووح انوم .. تامرون على شي
قالت امه
_لا يا وليدي الله يوفقك يا ولدي .. ليتك تخاوي محمد وتتزوج بعد خلي نفرح بيكم تنيناتكم
حب راسها وهو معند
_يمه لو بغيت اتزووج اجي اقولك بس اللحين سكري السالفة
قالت اخته له وهي توقف
_تصبحي على خييير .. بروووح اكلم زوجي حبيبي
وقفت امهم وكل حد راح لغرفته اللي ينوووم مثل فراس
واللي يفكر والخجل والافكار الرومانس اخدته يميين وشمااال وعايشة في الاحلام الوردية
واللي تتكلم مع حب حياتها وزوجها

عندهم السهرة في بدايتها للحييين .. وكيييف ما استمتعوا في الصبح والمساء بيستمتعوا اللحييين بالليل .. قعدوا وهما مجلسييين محمد بينهم .. وكل وحدة بسوال عنه وعن الاء والخطبة والحب والبيت وووووووو .. ولع محمد وقال
_تراكم صدعتوني .. سلامات ؟ صاير شي ؟
قالت رهف بوناسة
_خطبت الاء .. تعرف ان البنت دلوعة حيييل بس لا تقرب للكورة لانها تنقلب 360 درجة
كملت رنيييم
_هي ناعمة صح وساعات رجة لكن ما تقدر تعرف لها حل وسط لانها كده خلقتها مزييييج منا ومناك
ضحك محمد وقال
_وخييييير يا طيييير .. انا بروح انوم
محمد مسوي فيييه شخصية ومو مهتم بس العكس كان صحيييح .. يبي يعرفها وقال كده لانه متاكد انه ما رح يتركونه وصدق ظنه .. قالت رهف بغضب
_هييييييييه انت لا تقووول كده .. خاطب وحدة من اعز صديقاتي وتراني بوقف معاها مو معاك يعني بذمك بكلمتيييين انسى االبنت بحالها وامها بعد .. بعدييين انت ليش خطبتها ؟
فهم عليها وقال بهدوء وبنبرة ساكنة
_قالت امي انها زينة وعرفت انها بنت المنتخب وهي بصراحة حلوة ووافقت
قامت رهف تتصل بـ الاء تبي تحرجها .. لازم تسوي حركاتها الهبلة .. لكن الباين انها نامت والا عارفة نيتها وبكدا ما ردت بعتت لها مسج .. ( هااااي فرحت يوم عرفت بالخبر ... اقول يا بنتي وافقي وتنتقل رنيم عندنا شكلك لعبتي بعقل اخوووووووووووي حلاااوة هههههه .. انتي تخيلي الوناسة في بيتنا وثلاثتنا مع بعض بس )
رنيييم جالسة مع محمد وتكلمه بهدوء
_طيييب .. قالت امي انها لو وافقت تكوون الملكة بعد اسبوع عائلييية قدر الامكان .. والعرس بعد شهرييين
محمد ساكت وهو يفكر بكلام رهف .. هو ليييش وافق ؟ .. ليش ؟ .. اخته تتكلم وهو مو معاها .. حس باللي قاعد يسوييه .. حس باللي صاير .. ماعرف وش السواة !؟ .. خلاص خطبها
ناظر رنيم وقال
_ما تكلمت عني ؟
سؤال عادي بس ما ينسال في الاحوال الطبيعية .. قاعد يدور له مخرج .. يتمنى لو سبته او قالت شي علشان ينهي السالفة من بدايتها
_لا .. هي اليوم اول مرة شافتك فيها وما قالت شي ولا بغت تعلق .. تعرفها اختك قعدت تضايقها بس الاء سوت نفسها ما تسمع وما اهتمت بكلامها
بوووووووووووووووووووم .. حس بالصخرة اللي طاحت عـ راسه ورجعته للواقع المر .. ما رد بشي قام واقف وهو يبرر ان فييييه نوووم .. مشى وتركها متنحة
مو فاهمة وش اللي صابه .. وقفت تدور رهف ولقتها تنط عـ الدرج تبي تجيهم قالت قاتلة املها بسهرة جماعية
_راح وتركني .. خلينا لحالنا احسن
تاففت رهف وهي تقول
_ايييه تعالي لغرفتي خلينا نسولف ونفهم منك قصتك
قالت رنيييم بصوت هادي
_ما ادري شو اللي فيني بالضبط .. حاسة باحساس مو حلو .. وعارفة انك مثلي
هزت رهف راسها
_اييييه انا بعد عندي هـ الاحساس .. ان شاء الله ما يصيب
قالت رنيم ببساطة
_ربك يستر
جلسوا في غرفة رهف ... كل وحدة قالت احوالها وسكتوا .. قالت رنيييم بدون مقدمات
_يا ريتني ما حبيته
ردت رهف وهي مع عربجيتها لكنها عاطفية حييييل ورومانسية بعد
_لييييش ؟
قالت رنييييم
_قاهرني حييييل .. ليش بارد معاي قدام الكل ولو صرنا لحالنا يقعد يناظرني باهتمام اتمنى افهمه .. اتمنى اعرف وش سالفته يا ناااااس فهموني
ضحكت رهف من كلام بنت خالتها .. صوووح كلامها صحييييح .. هي كم من مرة قالت لها عن مواقف يسوي فيهم لما ما يكون حولهم احد تبين اهتمامه والغييير كانها جداااار قاااعد في بيتهم مو بنت عمه .. قالت بهدوء
_ابي احب .. بس يقولون الحب يجي فجاءة لهذا انا استنى السربرايز اللي بتصير لي
قالت رنيييييم
_تبينه يجييييك ببيضة كندر والا كييييف
رفعت رهف حاجب واحد وطنشتها .. وهي تقوول
_بس حلو انك تحب ... تهقييين حنيييين تحب هـ الولد ؟
رفعت رنيم كتافها وقالت
_لا ما اظن
سالتها
_لييييش ؟
قالت رنيم وهي تقول بصوت هادي
_حنييييين عاقلة .. وتعرف ان نهاية العلاقات اللي زي كده ندم .. مستحييييل تغلط
قالت رهف بهدوء موازي لهدوءها
_تراني ما قلت انه بعلاقة معه اللهم اعفنا وابعدنا عنها هههه .. عارفة حنيييين ما بتغلط هيييييك غلط انا اقول عنها وعن مشاعرها .. تعرفييين نحنا بحكم اننا ما نعرف ولاد ولا قد سولفنا مع شباب تلقينا بسرعة نحب .. فاهمتيني ؟
هزت رنييييم راسها بلا .. وهي مو موافقة عـ كلام بنت خالتها .. وغيروا السالفة وهم يضحكون ويعبقون والذنيا في عينهم حلوة وعادية للحين



**************



[/CENTER][/CENTER]كل فتاة تحتاج لرجل يسمعها
ليقف معها دائما ويسندها

جالسة عـ اللاب توب .. تسولف معاه بهدوء .. كنه حبيبها مو بس صديق الباب مسكر عليها بالمفتاح لانها تخاف من اهلها وممكن لعلم منها ان اللي تسويه غلط .. مشغلة اغنية هادية من اللاب والضوء مسكر .. الاباجورة بس مفتوحة .. لابسة بجامة كحلية لها فترة من رجعت .. جلست مع اهلها شوية وبعدها قامت تشغل النت وتبدل ثيابها الا وهو ناط عليها رسائل يبي يفهمها .. صحاها رسالته اللي قال فيها
_تتوقعين بنتقابل يووم ؟
رفعت حواجبها باستغراااب
_كيف يعني ؟
قال يبررلها
_قصدي بعد عشرة سنييين او كده .. مو لازم بهالطريقة بس تخيلي نفسك تتزوجين اخوي او واحد يقربلي اجي عندكم واتعشى طبخك وانا ما اعرفك حتى
ضحكت من خياله .. وقالت
_ليش ما تتزوج انت بنت عمي .. وتجي لبيتنا تبي تاخدها وانا فوووق وانت ما تدري
قال احمد بجد هـ المرة
_تهقييين بنتقابل في يووووم ؟
رفعت حواجبها بحيرة
_وانا وش يعرفني بالله
قال لها بعد صمت
_انت تعرفييين ان اسمي احمد بس انا ما اعرفك
كتبت له بتوجس
_واذا ؟
كتب بهدوء وهو حاس انه قاعد يمشي بارض خطرة
_وشلون اعرفك اد صار وتقابلنا ؟
ردت عليه وهي مستغربة تناحته
_يعني لو قلت لك اسمي بتعرفني ؟
صفعه سوالها وهو حس انها معه حق
_صحيييح .. ناسي اللثمة انا
ضحكت وهو تكتب
_اللثمة يا اخوي تستر وجهي مو اسمي
قال لها بعد صمت وهو يضحك عـ غبائه اللي مسيطر عليييه اليوم
_صوووح .. معلييييش صاير متنح
قالت بمزحة
_حسيييت 😅
شافت رده وفطست ضحك
_لا يا شيخة
ردت علييييه
_انت اللي قلت
تضحك من قلب معاه .. دايم كده
_ايييه لاني توقعتك تقولييين لا .. وي غلطان .. انت مو متنح .. اي شي مو ردك البايخ اللي جاني
_حقك علي 😖
سكت ما قال شي وهي سكتت بعد ثواني كتبت
_سوووت فينا صديقتي موقف يا حلاه .. جننت البنات وخرعتني بس عقلت بعدها
كتب لها وهو فجاءة يتذكر اخته ومقالبها
_؟؟ .. اموت في المقالب 😍😍
كتبت وهي تشوف رده
_ههههه مو اكثر مني اكييد .. بس المقالب مع خوييتي غيييير .. تخيل انها قاعدة تشتم وتسب فينا وقفنا عليها تقول فزعة يا رجال عـ كلامها اللي شرشحتنا بييييه 😤 .. عـ اساس اخدييين بثارنا منها الا وهي تشرد قالت بنت خالتها انها اكيييد في البيت اللي في الحديقة لحقناها للملحق .. كان الموقف طبيعي للحين بس اول ما دخلنا كان في قماش عـ الارض خلف ما ادري ايش توقعنا انها منسدحة تبي تتخبى علشان لا نسوي فيها شي .. نحنا فرحنا لانها فاضحة نفسها بنفسها
بعتتها وهي تكمل الا ووصلها رده
_هههههه كملي تحمست
_الا وشخص يحط يده عـ كتف خوييتي وكلمة بووووووو تطلع من ورانا .. ناظرت وراي الا وكان فييييه مخلوووق ابيض ولثمة سودا صرخنا كلنا وقعدنا ندوروا دوائر مفرغة زي المجانيييين وهي فاطسة ضحك .. انا استوعبت السالفة بسرعة بس البنات ما توقعوها وحدة طلعت تنادي الخدم علشان يساعدونا وينقدونا من الوحش والثانية طاحت تصيييييح هههه والكلبة جالسة عـ الارض تضحك وهو مو قادرة تاخد نفسها 😂 وتمسح دموعها اللي نزلوا
_👍👍👍👍👍👍👍👍
كتبت له
_وشو ؟
_صديقتك عجبتني موقف جمييييل بسويييه لاصحابي 😜
ضحكت علييييه وكتبت
_حقووووق النشر محفوظة
رد عليها
_اييييه صدقتك
كتبت له وهي تتمغط
_بنام .. غدوة عندي عرس اروح له
_تصبحين على خييير .. دوريلي عروسة 😉 .. وانت هناك
ضحكت وقالت
_بنت عمي اكييييد .. وخلينا نتلاقوا 😁
رفعت حاجبها يوم شافت رده
_اخاف تشبهلك 😫
كتبت بعفوية
_تخسي تحصل مثلي يا ولد .. تراني غيييييير 😏
ضحك احمد جد من عصبيتها
_خلاص سكتنا .. بس دوريلي عروسة
قالت له
_دور لحالك .. انا بنام علشان ارتاح واطلع كشخة وانخطب .. باي باي
سكرت النت وهي تنسدح تنام .. ما استنت رده تعرف لو استنت .. بترد عليييه وتتعطل اكثر .. نامت وهي مرتاحة والنوم جاها بسرعة
عكس المفرووض في حالة احد يسوي الحرام


*****


عارف ان الوقت تاخر .. لكنه مو مهتم كلام هـ الماجد رن بوذنه ويدوور براسه من طلع
وفيه حلقة ناقصة من السلسلة يبي يعرفه .. ويبي يعرف وش اللي صاير . . حاس ان فييييه شي غلط
جاء لبيت ابوه هنا في بريطانيا وشاف الضوء مشتغل حس ان فييييه احد ساكنه وما كان كذب .. رااااح للبيت بحيرة مو عارف وش يسوي يطق الباب والا يكلم ابوووه
شوي الا واتصل بابوه في الاول .. رن فونه كم من رنة ولا رد .. عاود اتصل به ورد بعد الرنة الخامسة
_هلا يبه .. وشلونك .. سامحني عـ اتصالي في هـ الحزة
سمع صوت ابوه وعرف انه وعاه .. عصب عـ نفسه ليش ما شغل دماغه قبل ما يتصل .. سمع صوته القلق والخائف من مدري اييش
_اهليييين يبه .. فيييه شي صاير .. طمني وانا ابوووك
حس بتانيب الضميييير وقال
_لا ما فيييه شي .. بس جيييت اخد لي كم غرض من بيتك اللي هنا وما قدرت ادخل انت في العادة وييين تحط المفتاح
تنحنح ابوووه وارتبك بكل ما للكلمة من معاني وقال يبي يداري الفضيحة
_وش لك في البيت يا يبه .. انا مو قلت لك فرغه !
رد عليييه ببساطة وهو حاس بتغير حال ابوه للاهتمام والارتباك .. تاكد ان فيييه شي
_اييييه يبه بس نسيت اللحين انا بدق .. بس ما فيه من يرد .. مو قلت ان الخدم مو فيه انت ما طردتهم !؟
قال ابوه وهو مرتبك
_الا قاعدين .. تلاقينهم ناموا .. روح لهم الصبح
سكر راسه بعد اللي يسمعه .. وبعد ما تاكد ان فييييه شي وشي كبييير وايد .. والا علاش ابوه اللي وصل عمره لستين يثوتر بهالطريقة اللي مو فاهمها .. ليش فيييه حركة في البيت اصلا ومو في قسم الخدم .. وش مسوي يا ابوي ! وش اللي سويته بس ؟
_خلاص ما يخالف يبه .. انا بدق لهم ليييين يفتحون دامني وصلت .. وانت ارجع نام
كان بيسكر الفووون الا وصوت ابوووه جاه معصب
_قلت لك خلاص .. ارجع بيتك
قال وهو يحاول يحافظ عـ هدوء صوته وبطريقة صارمة
_ليييش يبه ؟ الخدم بيصحون واذا صحوا وش بيصيييير في الدنيا مثلا
قال له وصوته يرتفع لا اراديا
_انا قلت خلاص يا باسم ارجع بشرك لبيتك .. ولا تعصبني
قال باسم بعصبية وهو يبي يعانده لكن لازم يحترمه هذا ابوه
_حاضر يبه على هالخشم
عصب بجده وسكر منه .. عرف ان ابوووه مخفي شي .. والمرة وش علاقتها بالسالفة .. اكيييد متزوج عـ امي وحدة صغيييير .. اجل ليييش ما يبيه يروح لبيته .. صار يفكر برحلات ابوه اللي كثرت لبريطانيا حتى انه ساعات يجي وما يزوره .. وما شك
لو متزوج كان اعلن السالفة .. هو عارف ان امه بتزعل عليه بس احسن من اللي يسوييييه اللحين .. يظلم بنت الناس ويخليها عنده من غييير علم احد .. وكانه يخش مصيبة .. من هي يبي يتعرف عليها ! هذي اللحين بمكان امه .. يحترم ابوه ودامه تزوج ما يقدر يقول ليييه
خلاص ان فات الفوت ما ينفع الصوت
اتصل فييييه وهو عارف انه مو نايم .. لساته واقف في مكانه مو قادر يتحرك .. رد عليه بسرعة وهو يقول
_ما تبي تقصر شرك
قال له بتصميييييم
_ابي اشوف مرة ابوي .. يبه حرام تخبيها كده لازم يعرفووون عنها
سكت ابوووه من كلام ولده .. وما عرف وش يقول ؟
واخيرا نطق _ومن قال لك ؟
رد عليييه بصراحة
_جاني ولد ما ادري منو .. قال ان عنده شي في قرايته يبي شوري .. راح لبيتنا وشاف حرمة هناك وجاني لشركة يقول لي هـ الشي علشان اساعده
سكت ابوووه وقال
_وليش تبي تعرفها ؟
_يبه انت من حقك تتزوج ثلاثة على امي وهالشي كلنا نعرفوووه بس انك تخبيها كانها مصيبة انا ما ارضاها لاختي ولا لـ بنات الناس
سكت ابوه وما تكلم بشي كمل هو بصوته الواثق
_كلمها تفتح الباب .. ابي ارحب فيها بعيلتنا
قال ابووووه بعد صمت طاااال
_تم



انتهي البارت واتمنى يعجبكم .. ما ادري بالضبط متى اقدر انزل البارت بس ما اظن انزله بهاليومين
اتمنى اسمع تعليقاتكم .. ورايكم في ابطال روايتي واحب ابشركم ان اليوم انهيت التعريف عن ابطال روايتي ومن هنا ابداء في الاحداث الحقيقية
دمتم بود
Tota ash



تعديل وردة الزيزفون; بتاريخ 26-12-2014 الساعة 01:21 AM. السبب: تعديل حجم الخط
الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1