غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 23-10-2014, 06:50 AM
صورة Qalb Faisal الرمزية
Qalb Faisal Qalb Faisal غير متصل
©؛°¨غرامي مشارك¨°؛©
 
01302798240 رد: روايتي الأولى : انتي غلا روحي وانته سكنت الروح


البارت الثاني :
طبعا نروح مكان ثاني وعند شخصية ثانية وبطلنا الثاني فيصل
( فيصل شخصيته طيب وحنون على اخوانه واهله وهادئ بس إذا عصب الله لا يوريكم وجه الثاني ... طريقة جسمه تبين انه معضل اسمراني صبغته حلوة طويل شعره اسود وناعم عيونه غريبة لما ادقق فيها لونين اسود على رمادي )
" اسمي فيصل عمري 31 سنة عندي شركتي متشاركين فيها انا وغلاي والحمد لله كل اموري تمام خطبت البنت اللي احبها واموت فيها والحمد لله امورنا كلها تمام التمام في هل اليوم المزعج قعدت من نومي وانا مخترع اتصلت على غلا الروح ما ترد اتصل واتصل حرقت تلفونها من الاتصالات ومع كل اتصال ما ترد فيه انا اخترع ازيد من قبل لين رد "
فيصل : بابا فيج شيء وييينج
...: مرحبا اخوي
فيصل ( اجوف التلفون وارد احطه ع اذني ) : غلا شفيها
الشرطي: اخوي صاحبة التلفون
فيصل: شفيها فيها شيء قول تكلم
الشرطي : هذي اعصابك اخوي سوت حادث بس هي بخير الحمد لله وهي في مستشفى ال............
" سكرت التلفون بدلت ما اعرف شنو لبست اي شيء جدامي وطلعت وانا ما شوف جدامي في بالي بس هي "
محمد : شفيك فيصل جاوبني شاير
فيصل : حمود بعد عني مو ناقصك
محمد ( مسكه من كتفه ) : شفيك شاير
فيصل غلا مسويه حادث وفي المستشفى ارتحت بعد خله اروح
محمد : اركب بأروح معاك
محمد : " كتبت في قروب الواتس اب انه غلا في المستشفى وصلنا المستشفى وفيصل ما نطر اوقف السيارة ونزل هل الإنسان مينون غلا اسميه الله لا يفرقهم شوي والكل حضر خواني وابوي قعدت اتصل في ابوها ما يرد واخوها بعد ما يرد عيزت لين خليتهم "
( محمد اسمراني اقصر من فيصل شوي بس طوله حلو يحب المزح وما يحب يشوف احد زعلان وإذا دخل مكان لازم ينشر طاقته الإيجابية ويسحب الطاقة السلبية من المكان اللي هو فيه )
---------------------
نرجع حق الضابط
" يوم رحت حق الشخص اللي جفته المشكلة كان مغطي ويه بالكاب والنظارة ملامحه ما كانت واضحة جان يشرد واركض وراه وركب الريسنق مالته وكانت بدون ارقام وشرد وركبت الدورية وراه بس للأسف قدر يشرد لأنه كان زحمة الدوامات بس بلغتهم وخليت كل الدوريات اول ما تجوف ريسنق ( دراجة موتر سيكل ما اعرف شنو تسمونها) توقفها وخصوصا بدون ارقام والمهم رجعت المستشفى وسمعت صراخ شخص الصراحة انا ارتعبت "
فيصل: لو تأخذ دمي كله ما يهم
الدكتور : يا اخ ما يصير دمك ما يركب عليها انته ما تقدر تتبرع لأي شخص
محمد : فيصل هدي انا بتبرع لا تحاتي دمي نفس دمها
الدكتور : اخ فيصل هدي اعصابك ما يصير جذي .. (التفت على الممرضة وخبرها انها تسحب دم من محمد)
الضابط: السلام عليكم ها بشر دكتور شفيها اخت غلا
الدكتور : صادها هبوط في الضغط وهي احين دخلت غيبوبة ومن قبل فيها نقص دم ولازم ننقل لها دم عن اذنكم
فيصل : شنو هل الدكتور يا رب مو قادر افهم منه شيء
الضابط : فيصل
فيصل ( رفع راسه وعرفه ) : هلا اخوي علي
الضابط علي: هلا عسى ماشر من الاهل
فيصل : خطيبتي اللي داخل يا علي
الضابط علي : ان شاء الله بتقوم بالسلامة وع فكرة انا اللي ماسك قضية الحادث اللي صار
فيصل : شلون صار الحادث ( يحاول يتكلم في اي شيء عشان بس يهدى لأنه إذا شوي عصب زيادة عادي انه يكسر المستشفى )
الضابط علي : في واحد دعمها من ورى وهي الحمد لله الله ستر كان قدامها طفل بس الحمد لله ما صاده شيء لأنه هو ركض من قدامها الظاهر عقب ما سمع صوت البريك
فيصل : وين اللي دعمها ان صادها شيء بذبحه
الضابط علي : هو شرد بس جاري البحث عنه انته هدي وان شاء الله تقوم بالسلامة
طلع الدكتور ..
فيصل : بشر شخبارها
الدكتور : هي في غيبوبه وبتكون في العناية والضغط نحاول نرجع طبيعي ونقلنا لها دم
فيصل : بدخل لها
الدكتور الزيارة ممنوعة وماله داعي وجودكم
فيصل: مو علي كيفك
الدكتور: لا علي كيفي وقلت لك الزيارة ممنوعة
فيصل : انته شفيك ما تفهم انته علي شنو حاطينك دكتور قلت لك بدخل يعني بدخل
محمد ( يوده ) : اهدى شوي انا بتفاهم معه دكتور خله يدخل يطمن عليها ويطلع
الدكتور ( بعناد ) : انا قلت لا
محمد ( بدى يتنرفز ) : اوك انا برويك شغلك فيصل اهدى بروح وبرجع
"محمد: نرفزني الدكتور ثقيل الدم هذا بس انا اعلمه شغله رحت اتصل حق رفيجي يصير له مدير المستشفى "
محمد : يوسف طلبتك
يوسف : خير شفيك
محمد: خطيبة اخوي في المستشفى والدكتور الزفت اللي مسوي مشرف ع حالتها مو راضي يدخل اخوي وقاعد يعاند كلم ابوك خله يتصرف معه لأنه يا ذابحه يا ذابحه
يوسف : خلاص تم دقائق والا هو داخل وبطرش لك احسن الدكاترة عندنا
محمد :تسلم مردودة
يوسف الله يسلمك في الخدمة ما تقصر
محمد " دقائق جان يصير استنفار دكاترة مادري من وين حضروا ومدير المستشفى بكبره يه يجوف السالفة "
د. عبدالله ( مدير المستشفى ) : هلا محمد لا تحاتون بس ندخل نجوف وضعها واخلي اخوك يدخل
محمد : ما تقصر
دخلوا الدكاترة وفحصوها وطبعا الدكتور القبلي راحت عليه شوي ويغمى عليه من الخرعة ومن الصدمة اللي جافها لأنه اشطر الدكاترة والمدير بنفسه حضر يجوف حالتها
د. عبدالله: يأتها صدمة عصبية و دخلت في حالة اغماء إذا قامت قبل 24 ساعة الحمد لله بس إذا طولت ممكن تدخل في غيبوبة بس كل شيء اوك ضغطها الحمد لله رجع طبيعي النبض مرة يكون طبيعي ومرة متسارع بس هذا شيء طبيعي من الصدمة اللي تعرضت لها ونقص الدم بسبب الجرح اللي براسها لأنها نزفت وايد والحمد لله بس ادعوا انها تصحى خلال الاربعة وعشرين ساعة
فيصل : ابي اشوفها يا اخوي
د. عبدالله : تقدر تجوفها بس بدون اي ازعاج وبس انته اللي تقدر تدخل لأنه محتاجة راحة
فيصل : مشكور
د. عبدالله : العفو
الضابط علي: دكتور بس هي ما كانت قادرة تتكلم يوم كنت اكلمها ولما تحرك جسمها كان تحسه ثقيل
د. عبدالله : هذا من اثر الصدمة بس إذا علي سالفة النطق هذا لما تقوم ان شاء الله بنسوي لها فحوصات ثانية نتأكد من سلامة النطق والحركة عندها .
محمد: تسلم عمي والله ما قصرت بس ولي يسلمك الدكتور القبلي ان جفته دفنته مكانه
د. عبدالله ( ضحك لأنه يعرف محمد رابي مع ولده ) : لا انا هذا الدكتور لي تصرف معه



توقعاتكم :
1- شرايكم في الشخصيات ؟
2- ابي توقعاتكم للبارت الياي ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 23-10-2014, 07:45 AM
صورة بنت العتيبي{آعجووبهه} الرمزية
بنت العتيبي{آعجووبهه} بنت العتيبي{آعجووبهه} غير متصل
©؛°¨غرامي فعال ¨°؛©
 
الافتراضي رد: روايتي الأولى : انتي غلا روحي وانته سكنت الروح


سوري ياقلبي انتي
اممم توقعاتي
غلا راحح تصحى وراح يفرح فيصل كثير
الشخص الي هرب راح ينمسك اتوقع ههههههههه
تحياتي
لينوو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 23-10-2014, 08:35 AM
صورة Qalb Faisal الرمزية
Qalb Faisal Qalb Faisal غير متصل
©؛°¨غرامي مشارك¨°؛©
 
الافتراضي رد: روايتي الأولى : انتي غلا روحي وانته سكنت الروح


اقتباس:
المشاركة الأساسية كتبها بنت العتيبي{آعجووبهه} مشاهدة المشاركة
سوري ياقلبي انتي
اممم توقعاتي
غلا راحح تصحى وراح يفرح فيصل كثير
الشخص الي هرب راح ينمسك اتوقع ههههههههه
تحياتي
لينوو
فديييتج والله

تسلمي على مرورج الطيب

نورتيني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 23-10-2014, 02:17 PM
Gaoana Gaoana غير متصل
©؛°¨غرامي مشارك¨°؛©
 
الافتراضي رد: روايتي الأولى : انتي غلا روحي وانته سكنت الروح


مرحبا..لا استطيع الحكم على البارت لعدم وجود احداث
تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 23-10-2014, 11:11 PM
صورة Qalb Faisal الرمزية
Qalb Faisal Qalb Faisal غير متصل
©؛°¨غرامي مشارك¨°؛©
 
الافتراضي رد: روايتي الأولى : انتي غلا روحي وانته سكنت الروح


تسلمين فديتج ع المرور

نورتي روايتي

تحياتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 24-10-2014, 08:13 AM
/سماء صافيه/ /سماء صافيه/ غير متصل
©؛°¨غرامي متألق ¨°؛©
 
الافتراضي رد: روايتي الأولى : انتي غلا روحي وانته سكنت الروح


حلوي شخصية فيصل ,والبارت حلو
الله يعطيك العافيه في انتظار الجديد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 24-10-2014, 11:16 AM
صورة Qalb Faisal الرمزية
Qalb Faisal Qalb Faisal غير متصل
©؛°¨غرامي مشارك¨°؛©
 
الافتراضي رد: روايتي الأولى : انتي غلا روحي وانته سكنت الروح


اقتباس:
المشاركة الأساسية كتبها /سماء صافيه/ مشاهدة المشاركة
حلوي شخصية فيصل ,والبارت حلو
الله يعطيك العافيه في انتظار الجديد
تسلمين فديييتج نورتي روااايتي

يعافيج ربي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 24-10-2014, 12:09 PM
صورة بنت العتيبي{آعجووبهه} الرمزية
بنت العتيبي{آعجووبهه} بنت العتيبي{آعجووبهه} غير متصل
©؛°¨غرامي فعال ¨°؛©
 
الافتراضي رد: روايتي الأولى : انتي غلا روحي وانته سكنت الروح


متى مواااعيد البارت ياقلبي
تحياتي
لينوو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 24-10-2014, 02:00 PM
صورة معشوقة الجماهـــير**ندى** الرمزية
معشوقة الجماهـــير**ندى** معشوقة الجماهـــير**ندى** غير متصل
©؛°¨غرامي مشارك¨°؛©
 
الافتراضي رد: روايتي الأولى : انتي غلا روحي وانته سكنت الروح


بــــارت جميييل و بدايــــة رائعة ...
بإإنتظـــآآر البــــــآرت الجـــــاي :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 24-10-2014, 02:42 PM
صورة Qalb Faisal الرمزية
Qalb Faisal Qalb Faisal غير متصل
©؛°¨غرامي مشارك¨°؛©
 
الافتراضي رد: روايتي الأولى : انتي غلا روحي وانته سكنت الروح


اقتباس:
المشاركة الأساسية كتبها بنت العتيبي{آعجووبهه} مشاهدة المشاركة
متى مواااعيد البارت ياقلبي
تحياتي
لينوو
هلا فديتج

البارتات ان شاء الله مرتين في الاسبوع يوم الاثنين و الخميس

تحياتي


الرد باقتباس
إضافة رد

روايتي الأولى : انتي غلا روحي وانته سكنت الروح

الوسوم
الأولى , الروح , انتي , روايتي , روحي , سكنت , وانته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
روايتي الأولى : رواية دامك على بالي ما همني الناس أصلاً بدونك الدنيا ما تسوى فديت شماغة وعقالة أرشيف الروايات المغلقة - لعدم إكتمالها 121 02-08-2013 01:56 AM
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الأولى : أبكسر لك من جروحي جرح وبخنق العبرات مغامرات مصورة أرشيف الروايات المغلقة - لعدم إكتمالها 17 25-01-2013 04:33 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM

الساعة الآن +3: 07:55 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1