غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-10-2014, 10:04 AM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي روايتي الثانية:سراب انثى


"رفعت شعرها الأثيري وتمردت خصلات لتتراقص على كتفيها العاريين أضفت لمعة على شفتيها الحمراوتان وخطت عيناها العسليتان بالكحل الأسود ليزداد جمالهما وارتدت عقدا الماسيا جمل عنقها الحريري والثوب الفيروزي الذي يزين جسدها الخمري الفاتن"
صك لابتوبه بعد ما كتب هالفقره من روايته دخل الحمام^^يكرم القارئ^^ وتسبح طلع ولبس تي شيرت ذهبي وجاكيت اسود وجينز اسود وجوتي سبورت ذهبي وسكارف اسود الجوو كان برد في البحرين طلع من حجرته وشافته اخته الصغير مي:هاا علااوي وينه بتروح
نزل علي لمستواها وباس جبينها:بروح ل حسوون صديقي تبيين اجيب لش حلاوه
ضحكت بفرح وتعلقت برقبته وهي تردد:ايه اباا حلااوه
نزلها وباس خدها وطلع من البيت شاف سياره سودا مظلله واقفه عند بيتهم راح ورا سيارته فيه فضول
نطر ونطر ونطر لين ما تملل ولاعت جبده وركب سيارته بس في هاللحظه طلعت بنت كلمة جمييله قليلة عليها
وقف علي السياره وهو يطالعها بدهشه وهي تدخل بيتهم بكل ثقه
انتبه لروحه ومشى بسرعه عشان لا يزفه حسن راح ممشى عراد وشاف حسن واقف وحمقاان
نزل علي راسه وحك شعره:آسف خووك تأخرت عليك شووي
حسن بعصبيه:لا والله شووي ها صار ليي نص ساعه نااقع هنيي انطررك
علي:انزين انزيين لا تزف
زفر حسن وغمض عيونه ولم هدء شوي فتح عيونه وقال:سووري علااوي بس معصب شوي وماحصلت غيرك احط فيه حرتي
ابتسم علي:عاادي ما صار شيي
طبطب حسن على كتفه:علااوي يالله نتمشى عسى ينززل هالوزن
علي بضحكه:اييه انته دراام خماام
حسن بصدمه:انا درام خمام يالتانكي
علي يضحك:ههههههههه ما غيرك التانكي
سكتوا فتره وطالعوا ببعض وانفجروا ضحك
حسن:ههههههههههههههههههههه وييلي علييك ههههههههههههههههههههه
علي بس يضحكك ووجهه صار احمر وكل من يمر عليهم يتحمد ربه على نعمة العقل
نخلي هالمخاابيل ونرووح عند هذيك البنت اللي دخلت بيت علي
دخلت البيت بثقتها وكبريائها المعتاد وفي عيونها لمحة الم
استقبلتها مي بالأحضان وتعلقت فيها وهي تقول:طيوووفه وحشتيني
باستها طيف وقالت بحب:وانتيين بعد وحشتيني
طلعت جيس حلاوه من شنطتها وعطته مي وهي تبتسم
فرحت مي بشكل مو طبيعي و باست خد طيف بسعاده
توسعت ابتسامتها وهي تقول:مييمي حبيبتي ويينه نوناا
مي رفعت يدها فوق:نور فووق في حجرتها خاامره
ضحكت طيف على اسلوبها وركبت الدرج
اقتحمت حجرتها واحرجت من المنظر
نور قاعده بالروب القصير وشعرها مبلول
طفرت نور بزهقه وحطت يدها على صدرها بخوف
نزلت طيف راسها بخجل:سووري نوناا
نور بفزعه:براا يا تببن
طلعت طيف وهي مغمضه عيونها ودعمت بالطوف قالت بصرخه مكتومه:ااااه
بدلت نور بسرعه ولبست تنوره ل نص الساق بنيه مشجره وفانيله صوف سوده هاي نك رفعت شعرها بإهمال وطلعت
نور بإحراج:سوريي طيوفااا طردتتش
طيف:لا عادي
دخلوا حجرة نور وشالت طيف شيلتها
قعدوا يسولفون ويسوولفون لين ما رن فون طيف:هلاا.......اووك حسوون ثواني واطلع.........بباي
لفت شيلتها وباست نور:بااي نوونا حسوون جاا
عند حسن وعلي
كل واحد ركب سيارته ورجع بس انصدم لما شاف سيارة حسن عل باب بيتهم
بند السياره وطلع
دق جامة سيارة حسن
فتح حسن الجامه وظلوا يهدرون ويهدرون لين ما شرفت البرنسيسه طيف
تدنى علي عن السياره ونزل راسه للأرض ركبت طيف ومششت السياره
دخل علي البيت وهو يحس انه بيثلج من البرد شاف جدته قاعده بالصاله باس راسها وقعد يسولف وياها
سمعوا حس نور من وراهم:هاااا شتسوون
الجده بعصبيه:وينه انتين مخليتني قاعده بروحي هناها ومتخمره في حجرتش يالسنوره
نور:دهه جده شفييش هبيتين فيني اني كنت قاعده ويه مناار فووق وانتين ماكنتين قاعده تحت عشان نقعد وياش
علي:من تطلع دي بعد
نور:دي طيف صديقتي الصدوققه اللي احبهااا واجد
علي ضحك ساعات يحس انه يكلم طفله صغيره مو بنت عمرها 18 سنه
نور تخصرت:شفييك تضحك
علي:هههههههههه لا سلاامتش ما فيني شي
نور:علااوي بررد
علي:روحي سوي لشش كوفي وسوي ليي وياش
نور:ياااااااع وييشو كوووفي قول hot chocolate ماعليه بس كووفي واااااااع
علي بغضب وصراخ:لاتقولين واع على نعمة الله مره ثانيه
تغرغرت عيون نور بالدموع وصدت عنه وقالت:ان شاء الله ما بقول
الجده بصراخ:عليووه الله ياخدك لا تصارخ على نور ان سمعتك تصارخ عليها مره فانيه بکتلك كتاال
لفت نور عليهم وقالت ببتسامه جميله:لا عاادي جدهه ما صار شي
وراحت المطبخ تسوي ليها hot chocolate
صرخت:علاااوي تمباا hot chocolate لو كوفي
علي بنفس الصراخ:امباا كووفي
نور:انزيين
الجده:هدويييش بطييتون مخووخنا من هالصراخ
علي:جده انتين عندش بس مخ واحد جيفه نبط مخووخش
الجده:استغفرالله يالفووور انته ما تشوف اني اقصد جواادوه وهشااموه اللي كاعدين منييها له
علي:جده خرفتين مافيه احد الا انا وانتين
الجده رفعت عصاتها:اني مخرفه يالمعصققل
علي نط وركض والجده تركض وراه وما سمعوا الا صرخه:آآآآآآآآه
انتهى البارت
توقعاتكم!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-10-2014, 09:08 AM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


وما سمعوا الا صرخه:آآآآآآه
راح علي المطبخ بسرعه خايف على اخته
وقف مكانه وهو يشوف نور واقفه والكوفي عادمنها وهي شوي وتصيح
علي:يالعلله ما تعرفيين تسوين كووفي
نور بعصبيه:ايه ما اعرف انزيين وانقلع انته والكوفي مالك
وراحت فوق وهي تركض دخلت الحمام^^يكرم القارئ^^ وتسبحت وهي تحس ايدها تحرقها طلعت ولبست برموده رصاصيه فوق الركبه وفانيله حفر بيضه وفوقها جاكيت خفيف رصاصي طلعت وشافت اختها الكبيره عهد
نور بطيبه:هلوو عهووده
عهد بنفس خايسه:نعم ويشوو تمبيين وكملت بإستحقار:يا آنسه شريفه
نور حز في خاطرها هالكلام ودشت حجرتها ودفنت روحها في فراشها وهي تصيح وتصيح لييش اختها تسوي فيها جدي هي مو ذنبها وصارت تشاهق ودفنت راسها بالموسده وهي تزيد في صياحها
مرت فتره طويله وهي على هالحال
رفعت روحها بتثاقل واتصلت على اععز وحده من بنات عمها^^زينب^^
بعد جم رنه ردت
نور بصوت حزين:زووزا هم ليش يكرهوني اني شذنبي
زينب:من اللي يكرهش
نور بحزن اكثر:اختي عهد
زينب عرفت السالفه وقالت بعتاب:نوونا حبيبتي مو قلتيين بترمين كلامها ورا ظهرش ما اشوف شي صار........وكملت بحنان:نوونا حبيبتي لا تزعلين روحش ولا تطيحين دمووعش يالغاليه لا تهتمين ل كلام عهد الجارح
نور ببحه:شلوون ما اهتم وعهد كانت امي وابوي وصديقتي وحياتي كلها وعقب اللي صار صارت تكرهني وتقط عللي كلام يسم البدن هولي ليي شلوون ما اهتم
زينب تنهدت:خلااص نوونا لا تفكرين واجد وغسلي وجهش اني متأكده انش تميتين تصيحين وتنوحين ازيد من ثلاث ساعات صح
نور:صح
زينب:يالله عجل رووحي وغسلي وجهش ونزلي تحت وحاولي انش تنسين السالفه
نور:ان شاء الله.........يالله بااي زووزا
زينب:باي
وصكوا الخط
وقفت نور بخمول وتحس راسها يدور وااجد صااحت اليووم
غسلت وجهها ب ماي بارد حست بإنتعاش وشافت الساعه 12 فالليل
شهقت:يووووه كل هالفتره وأني اصيح
عدلت شكلها ونزلت تحت وهي تتسحب عشان ما تسمعها جدتها وتسوي ليها فضييحه
فتحت الثلاجه وطلعت ليها روتي ودهنته بالجبن واكلت
غسلت بوزها وطفت الليتات بس شاافت وزغه وصرخت من قمة راسها:يمااااااااااه
ونطت على الكرسي والكرسي طاح وهي طاحت وياه على ايدها اللي تحرقها صرخت اقوى من قبل:آآآآه ايدي
نزل علي بسرعه وطلعت الجده من حجرتها
وشافوا نور على وهي تصيح
حملها بخوف وحط عليها دفة جدته وشااال عليه للمستشفى
...................
بعد فتره قصيره طلع الدكتور وهو يقول:..........
توقعاتكم!!
شسالفة نوور؟!
ليش عهد تكره نور؟!
شنو بيطلع في نور؟!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-11-2014, 02:38 PM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


بعد فتره طلع الدكتور وهو يقول:البنت عندها كسر باليد اليسار وبس......راح
تنهد علي براحه ودخل حجرتها
شافها مغمضه عيونها براحه بس عرف انها مو نايمه
ناداها بلطف:نوونا
فتحت عيونها بهدوء وطالعته وابتسامتها شاقه حلقها:هاا بشر شقال الدكتور كسر لو خلع لو التواء
علي بفجعه:ويشوووو طااع هذي تفاول ع روحها بالخلع انتين فيش كسر
نور بحزن:كان خاطري يصيدني خلع
علي انفجع ازيد:شووف هااادي تمباني اكفخها اليووم
نور تضحك:ويشووو فيك مايصير يعني اتمنى
علي بغضب:اذا بتفاولين على روحش لا تتمنين
نور:انزين ما بفاول بس لا تعصب ورجعني البيت ابا اناام
علي:ناامي منااا
نور:ما امبا........امبا انام في البييت رجعني يعني رجعني
علي:لويه تمبين ترجعين البيت نامي مناا
نور بعناد:ما امبا ما اشتهي ريحة المستشفى واصلا باجر بروح السكوول
علي:تروحين السكول وجهش
نور بتمرد:بروح يعني بروح وبتشووف
علي تنهد:امري ل الله بروح اوقع اوراق الخروج
نور ابتسمت بإنتصار:يييس
طلع علي وهو يهز راسه وقع الخروج وجبسوا ايدها وطلعوا
لما وصلوا البيت ع طول راحت نور حجرتها ورمت روحها على السرير وخمدت بدون ما تشيل دفة جدتها والجوتي والشيله وحتى بدون ما تتلحف والمكيف باارد
دخل علي الحجره وشال الجوتي وفصخها العباه والشيله ولحفها وطلع بهدوء مثل ما دخل
صبااح يوم جديد
اشرقت الشمس وغردت العصافير وقعدت نور من النوم
دشت تسبحت بماي بارد ولبست مريولها الكحلي ورفعت قميصها ل كوعها
رفعت شعرها ولبست شيلتها السودا
نزلت وهي تتنطط على الدرج
علي:نوونا شوي شوي لا تنشدخين
نور:عادي احب التشدخ
علي:اركدي بس واقعدي محلش
قعدت على الطاوله واكلت زيتونه وشربت چايها نطت وسحبت شنطتها وضبطت شوزها
طلعت وهي تلوح ل علي بإبتسامه جمييله
ركبت الباص وهي مستانسه وقعدت صوب طيف اللي كانت تطالعها بإستغرابنور:شفييش طيوفاا
طيف:نوونااا شفيها ايدش
نور:عادي ولا شي بس كسر جمييل
طيف بدهشه:وووشو كسسر
نور:لهالدرجه انتين هبله ماتشوفينها مجبسه
طيف بخوف:نوناا من وييش
نور مبتسمه ع خوف طيف:عادي طحت
طيف:يعوورش
نور توسعت ابتسامتها:بس طيووفا ما يعورني شي لا تخافين ولا تحاتين
عم الصمت والهدوء ووصلوا المدرسه
نزلت نور وهي تناقز وطيف قلبها يرقع من خوفها على نور
نور بالنسبه ليها اختها اللي ما جابتها امها لو تنشمخ بس تقل الدنيا ف ما بالكم ب كسر
مرت الحصص بخفه بس جت الحصه الغثيثه الفييز
نور بطفش:يوووه حصة الغثيثه ام تنووره مقضوضه ام كشه
زينب منقهره:اراويها الزفته عجل تنقصني في درجات المشروع وهو كامل الله ياخذها هالعجييز
طيف بشر:زوزاا تبين ابرد حرتش
زينب:ايه
طيف رفعت حاجبها بشر وقالت:تعالوا ويايي غرفة العاملات
البات راحوا وراها وهي خذت ماي وكلوركس وديتول وصمغ خشب بعدين راحوا المطبخ وأخدت زيت زيتون وعلوج وبيض وطحين
رجعوا الصف وكتت طيف زيت الزيتون عند الباب وكتت وياه ماي وديتول وبيض وعقبه بالظبط طحين وبعدين حطت على الكرسي صمغ خشب وعلوج ورجعت مكانها والبنات رجعوا وياها مدهوشينطيف ل بنات الصف:بناات لا تعلمون
البنات:انزيين
البنات حاقدين من قلب عليها ع طول تسبهم وتمصخرهم وحتى مره صيحت نص الصف وكفختهم
قعدوا البنات بهدوء يترقبون لحظة دخول هالأستاذه
دخلت الأستاذه وهي تمشي بثقه ورافعه خشمها ولبسها مسخره تنوره خضرا ل نص الساق وفانيله نص كم برتقاليه فاقعه وكعب فوشي صارخ وكيلوو بودره في وجهها
المههم دخلت وجان تزلق وتطيح على وجهها الجيكر وكلما تحاول تقوم ترد تزلق
والبنات كاتمين ضحكتهم على شكلها وهم على وضعيه الهزاز
بعد معاناه قدرت تقوم وقعدت على الكرسي بإجهاد وقالت بتوعد:بس اعرف اللي مسويه هالمقلب السخيف بكفخها
وقفت زينب وقالت بطنازه:يالله قومي اهوو خلنا نشوف
المعلمه اشتطت وقامت بقوه والا صوت:جااااك جيييك شك شك
انشقت التنوره
البنات هني ما قدروا يتحملون وطاحوا على الأرض من زود الضحك والمعلمه قاعده على الأرض متفشله ووجهها احمر شلون تطلع الحين طلعت من شنطتها جاكيت اصفر فاقع وربطته على خصرها وطلعت وهي تعرج والبنات حدث ولا حرج اللي منسدحه على الأرض واللي مجوده بطنها من زود الضحك واللي تصيح من كثر ما ضحكت
مر اليوم الدراسي وطلعوا البنات من المدرسه
دخلت نور البيت وهي دايخه وتترنح في مشيتها وعيونها وخدودها حمراان
علي بخوف:نوناا شفيش
ارتمت نور بحضنه وقالت بصوت خافت:اششش ابا انام
وغمضت عيونها بهدوء ونامت
كسرت خاطره مريولها عليه غبار ووجهها احمر ويبين انها تعبانه حملها ل حجرتها وسدحها على سريرها وغططت في عالم الأحلاام
توقعاتكم!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 03-11-2014, 01:14 PM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


عند طيف
رجعت وحالتها مشابهه ل حالة نور شافها حسن وراح ليها بسرعه:طيوفاا شفييش
طيف بغضب:الهندي الغبي ودانا الصخير بدل ما يرجعنا بيوتنا ويو جا بيرجعنا اخترب الباص وتمينا ساعتين في الصخير
حسن بحنان:خلاص روحي بدلي وصلي ونامي
طيف دايخه:هممم حسوون ما اقدر امشي تعباانه
ابتسم وحملها بين ايدينه ووداها حجرتها ونامت هي الثانيه
اما زينب على طول تسبحت وصلت وبعدين نامت
الساعه 5 العصر
قعدت نور وهي دايخه تصك عيون وتفتح الثانيه
تسبحت وحست بطاقه
لبست برموده رصاصيه وفانيله علاق بيضا
صلت وطلعت من حجرتها
نزلت من على الدرج بهدوء وطلبت لها من المطعم
قعدت تطالع التلفزيون بملل البيت هدووء
قالت بطفش:هدويييه ويشوو صاير البيت صخه
سمعت صوت تميزه من بين الناس كلهم
كان صوت يملأه السخريه والأستحقار:هه طفشانه آنسه شريفه روحي ل خمتش خلهم يطيرون الملل
وقفت نور وهي تحس انه الدنيا تدور فيها وقالت بثبات:ايه اني آنسه شريفه وغصبا عنش شريفه والأفكار الوصخه اللي تدور في بالش امسحيها لأنني تربية علي وعلي عرف يربيني
قالت بسخريه:ايه باين تذكرين ذاك اليوم شفناش في اي وضضع
صرخت نور:عههد احترمي رووحش ولا بتصرف تصرف ثاني وياش
عهد تخصرت:شبتسوين يعني
نور تجمعت دموعها وصرخت:اكرررهش ما احببش ليش تسوين فيني چدي اني ماليي ذنب والله العظيم ماليي ذنب هم خدوني بالغصب
وراحت فوق وهي تركض
عهد عورها قلبها وقالت في نفسها:مايصير اقسى عليها چدي مهما كان هي اختي.........وردت رجعت ليها ذكريات هذاك اليوم وقالت بقسوه:لا خلها تستاهل عساها تمووت
عند نور
صرخت من اعمااق قلبها هي تحب عهد وتموت فيها وعهد بس تجرح فيها
رجعت بذكرياتها لذاك اليوم
كانوا رايحين السيف
نور بضحكه:موناا تبين تدشيين نعومي
ايمان بعصبيه ممزوجه بخجل:جبب قليلة الحيا
دشو فلم وفي نص الفلم نور طلعت تبي تروح الحمام
طلعت من الحمام^^يكرم القارئ^^وجت بترجع القاعه بس ترصدوا ليها شبابا وطلعوها من المجمع غصبا عنها
نور بدموع:خلووني هدووني بعلم عليكم عليي هدونيي
الشاب:مابنهدش انتين دخلتين مزاجنا يالحلووه
نور تصيح وترفس
واحد من الشباب:خلوود ارحمها صارت طمااط من الصياح
خالد بخبث:لا انا ابيها يعني ابيها وانت يا رشوود لا تتدخل
راشد عصب:خالد انا واحد ما بشترك في جريمتكم وبنقذها من بين اياديكمخالد رمى نور على واحد من الشباب ورفس راشد على بطنه وعطاه بقس فر مخه وسحب نور مشى بكل برود
ركبها السياره بالغصب وهي تشاهق وتنوح وترفس
محد عبرها........وصلوا عماره قديمه ودخلوا
سحبها خالد من عبايتها ورماها على سرير صغيير طالعها بتفحص وهجم عليها بسرعه مثل اسد منقض على فريسته شقق عبايتها وقميصها وتنورتها رقبتها صارت بنفسجيه
بعد عنها ونفض ايده شاف شنطتها مرميه على الأرض طلع فونها وضغط على رقم عهد
ترن ترن
ردت عهد:نوونا وينشش الفلم خلص
خالد بخبث:تبين نونا على قولتش تعالي عمارة ال.... شقه رقم ....... وبتشوفينها شتسوي
وسكر الخط
نور متكوره على روحها وتصيح
طلع خالد وعدل قميصه قال ل واحد اسمه جراح:جرااح دش وخلك في وضع يخلي اللي يدخل يشك انك مسوي مع هالبنت اللي بالي بالك
جراح ابتسم:حااضر
ودش جراح وسوى مثل ما قال له خالد بالضبط ونور تصارخ
مرت تقريبا نص ساعه ودخلت عهد ووياها علي وانصدموا من منظر نور وجراح
علي ما صدق عيونه اخته دلوعته ممكن تخون ثقته وتسوي هالشي القذر
وعهد مصنمه مكانها ودموعها تخر
صرخ علي بعصبيه وتل نور من شعرها وطلعها برا العماره ولحقته عهدرجعوا البيت ونور تحاول تقول لهم الصج بس هم ما يسمعونها
تلها علي من ايدها وضربها ضرب ما صار ولا استوى بدت نور تكح بقوه وترجع دم اختنقت وقلب وجهها ازرق
علي خاف ووداها المستشفى وطمنوه مافيها شي بس اذا تتعب ترجع دم ولازم يحاسب عليها ومايتعبها
دش عليها الحجره وهي بس شافته قامت تترجاه:علي الله يخليك لا تضربني هم غصبوني وسحبوني علي ماليي ذنب
علي عوره قلبه وصدقها وسامحها بس عهد لا وصارت تكرهها وتحقد عليها
وهذي قصة نور
انتحبت نور وصارت تصارخ من قمة راسها:ما اباااااا اكرهني اباا امووت ورمت كل عطوراتها وهي تصارخ بهستيريه وترجع دم
عند علي
كان قاعد ويه حسن في المجلس ويسولفون فجأه سمع صرخة حبيبته ودلوعته نور
فز وراح يركض ل حجرتها
ضرب الباب بقوه وقال بخوف:نوونا حبيبي فتحي الباب
نور تصارخ:ما ابيييكم ابا اموت ابا ارووح ل ماما انتوون ما تحبووني
علي خاف من قلب وقال برجفه:نوونا قلبي انتيين فتحي الباب عااد لاتوفييني نونااا انا احببش نوونا فتحي الباب
نور ما هان عليها علي يترجاها وتوها بتفتح الباب جان ترد ترجع دم:وااااااع
وطاحتوقفت بتعب وفتحت الباب
علي انفزع من منظرها عيونها حمرااان وثيابها معدومين دم
احتضنها بحنان:نوونا قلبي شفييش
نور بس تكح بس ثواني وهدئت وغاب حسها
صرخ علي من كل قلبه:نووووور
وشالها ع المستشفى
طلع الدكتور وقال:البنت تعبت بشكل كبير وأظن انا محذرنك لاتخليها تتعب صادتها انتكاسه قويه وفي اكتئاب حاد......وراح
رجع علي راسه على ورى ودخل اصابعه في شعره
قعد على الكرسي بضيق وتذكر حسن اللي وياه في البيت
اتصل عليه
ترن ترن ترن
رد حسن بلهفه:هاا علااوي شصاير
علي بحزن:نور ياحسن نور
حسن:شفيها نور
علي:قال له الكلامه اللي قاله ليه الدكتور
حسن:انته ما تدري من ويش
علي بغضب:من غيرها عهدووه سوسة البلا عسااها رييح متأكد انها جرحتها
حسن:الحين انته هدي شوي وقول ليي في اي مستشفى
علي:انا في السلمانيه
حسن:اووك دقايق وجاينك
علي:على خير ان شاء الله
مرت تقريبا ربع ساعه وجا حسن وقعد يهدي علي
طافت الأيام ومر اسبوع وحالة نور تحسنت
يوم طلعتها
دخل علي:ها نوونا جاهزه
نور بابتسامه باهته:ايه
لف ايده على كتفها ومشاها بهدوء وقبل ما يطلعون شالوا الجبس
ركبت السياره وغمضت عيونها البنات ما قصروا كانوا كل يوم يزورونها ويحاولون يطلعونها من جوها الكئيب وقرروا يسوون حفله ل طلعتها من المستشفى ماكان لها خلق بس ما حبت تكسر خواطرهم
نزلت من السياره ونامت تحس بخمولقعدت الساعه 7 دشت تمسحت و صلت بعدين تسبحت ولبست فستان ناعم وسرحت شعرها وحطت لها ميكب خفيف بس طلعت ملاااك
لبست عبايتها وغطت وجهها ونزلت تحت
قابلتها عهد وقالت بتجريح:هاا اشوفش لابسه عباتش ومغطيه وجههش لايكون رايحه ل خمتش
نور فضلت ما ترد وقعدت على الكرسي ببرود
جت عهد بتتكلم بس سمعت صرخه ارعبتها:عههد شهالكلاام مره ثانيه ان سمعته قصيت لسانش
عهد انطرمت مع انها اكبر منه لكنها تخاف منه وااجد
كمل علي بحنيه:يالله نوونا نمشي
وقفت نور وقالت ل عهد بلطف:عهد بتجين ويايي البنات مسوين حفله صغيرونه
عهد بلؤم:لا ماليي خلق
رفعت نور كتوفها:كيفش
وراحت ويه علي
كانوا حاجزين صالتين ودي جي وبوفيه وعازمين ربعهم كانت حفله على مستوى
الصاله الثانيه كانت للشباب
رن فون نور وطلعت من القاعه وظلت تتكلم بالفون وما حست باللي كان مبحلق عيوونه فيها وداايخ
عقب ما كملت مكالمتها التفتت وشهقت وطاارت ع القااعه
استانست نور في هالحفله وتعدلت نفسيتها
رجعت البيت الساعه 2 الفجر بحكم انه اخوها بيوصلها وعلى طوول نامت
انتهى البارت!!
توقعاتكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 03-11-2014, 02:31 PM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


صباح يوم جديد
قعدت نور مستانسه اليوم الجمعه وبيتجمعون في بيت جدهم
تسبحت ولبست ليقينز اسود وفانيله كحليه واسعه سوت شعرها كعكه
تذكرت انه اخوها قبل جم يوم جو ربعه واكيد المجلس عفسه
راحت المجلس وشافت واحد متغطي من ساسه لين راسه سحبت اللحاف وقالت بصراخ:علاااوي قووم
رجعت على ورى منفجعه اللي نايم مو علي
اما الولد انزهق وقام
نور متيبسه محلها والولد نزل راسه للأرض وقال:بتتمين واقفه واجد يعني
نور انحرق وجهها وطلعت طييران
ركبت حجرتها ولبست عبايتها ووجهها احمر
عند ذاك الصبي
كان مفهي دخل عليه عي وضرب كتفه:ها يا اﻷخوو ويينه راييح
الولد:هاا ويشوو انا مناا
علي:هاا ابو الجووود انا تخش عليي
الولد:جم مره قلت لك لا تناديني ابو الجوود انا اسميي جواد
علي:ولا تزعل ابو الجوود
جواد بغضب:علييوي انا شقلت
علي:هههههههههه جبريت انته
جواد:اقوول قوم نروح بيت جدي
علي:صببر بنادي خوااتي
جواد:انقللع شتنطر
علي طلع نادا نور ونزلت بس عهد مارضت وتحججت بأنها تعبانه
ركبت نور السياره وفصخت شيلتها ﻷنه الجامه مظلله وما حسبت حساب ل جواد
دخل جواد وشهقت نور بقوه وحطت شيلتها على راسها
جواد:بسش بيجي يوم بتنصرعين من زود ما تشهقين
انقهرت نور وقامت تتحلطم بصوت خافت:مالت عليه الدب مخرعني الصبح بكشته والحين بعد ويييع
جواد:سمعتش ترى
نور انزهقت وقالت:هدوييش اداين خفاش
جواد كتم ضحكته وسكتركب علي وقال:نوونا هذا جواد ولد عمي محمد اللي كان مبتعث
نور بصدمه:هذا ابو الجوود
علي ضحك:اييه ابو الجود
جواد بقهر:اسميي جواااد
نور للحين مو مستوعبه:يعني هذا اخوو زوزز
علي يهز راسه:اييه
ساق علي السياره ووصلو بيت جدهم
نزلت نور بسرعه ودخلت بيت جدها وهي تصاارخ:جدوووو حبيبي ويينه انتته
جدتها:وشو تكوولين الحينه رجلي صار حبيبش يالمكرووده
نور:جدده تغارين
جدتها:اسكتي ياكليلة الحيا
نور مدت شفتها السفليه بزعل:الحين اني صرت مقروده وقليلة حياا
سمعت صوت جدها من وراها:لا حاشااش
لفت وضمت جدها بسعاده:جدوووه وحشتني
سحب جدها خدودها:وانتيين بعد وحشتييني يا روووح جدووو
سمعوا صوتها الناعم:وأني طااح كرتي يعني
الجد لف ليها:مدام نوونا حبيبة جدها جت اكييد طاح كرتتش
نور مدت لسانها:ويييو جدوو يحبني اكثر من الاااء
الاء تخصرت:ججب دووبا
الجد:ما الدبه الا انتيين
نور ضربت كفها بكف جدها:عاااش جدووه
فاطمه:بس لاااه نبيي نشووفش
نور:يالله فوووق
البنات:يالله
نور فصخت عبايتها وشيلتها وقالت:بنااات
الكل:هلاا
نور:مدام احنا طفشانيين شرايكم نمكيج بعض ونتعدل ونصوور
البناات:اوووك
وقامت الحوسه اللي تسوي الشعر واللي تمكيج واللي تطلع فساتيين المهمم انه الجناح صار عفسه
الشباب اللي في الجناح الثاني انزعجو وطقوا البابطلعت لهم وريف لأنها مو متحجبه
وريف:نعممم اخ حموود
محمد:ازعجتوناا
وريف:كيفناا
وصكت الباب في وجهه
نور بصراخ:روورو من ع الباب
وريف:حمودووه السخيف يقول ازعجناهم
الاء:خ يولوون
كملو حوستهم وعقب ساعه برزوا اجملهم كانت نور مع انهم مطقمين بس الوان الفساتين غير
قعدوا يصورون ويستهبلون لين ما قالوا بس
مسحوا الميك اب وعدلوا الحوسه وما خلصوا الا عقب طلااع الروح
تفلعوا على السرير وانخمدوا من زود التعب
كانوا نامين بهدوء وسكينه واحلامهم جمييله الا نور اللي كانت عاقده حواجبها وتتقلب يمين ويسار وفجأه فتحت عيونها وصرخت:لالاﻻﻻﻻﻻﻻﻻﻻﻻﻻﻻﻻ
البنات طفروا وحضنتها زينب وهي تقرى عليها ونور تنتفض وتصيح
طلعت وريف وضربت باب جناح الشباب
طلع محمد وقال بنفس خايسه:نعم شتبين
وريف برجفه:محمدووه مووقتك ناد لي علي
محمد كان ما بينفذ اللي قالته بس شكلها يوحي انه في شي صاير
طلع علي وقال بملل:هااه شفيش
وريف بدموع:نور قعدت من النوم وهي تصارخ وتتنافض
علي دزها ودخل جناح البنات بدون ما يضرب الباب من خوفه على اخته
ضمها والبنات دشوا حجرة التبديل
سدحها وانسدح صوبها وهو يقرى لين ما نامت
حب جبينها بحنان وراح جهة غرفة التبديل:انتبهوا عليها
وطلع
انتهى البارت
توقعاتكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 03-11-2014, 02:36 PM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


البنات طلعو من حجرة التبديل ورجعوا ناموا
قعدوا قبل الأذان بساعه
نور:اووووف جوووع
وريف:وانتين بس جوعانه
نور:مو وقتشش ورييفوه امباا اكل
زينب:بقول ل جوااد يجيب لينا اكل
فاطمه:لا لا خلنا نطبخ
الاء:امممم اوك بس شنسويي
نور نطت:باااستا
البنات:اووك
لبسوا شيلاتهم ونزلوا تحت
نور:زووزا طلعني المعكروونه
زينب:اووك
طلعوا المعكرون والقدر واغراض الباستا وبدوا يطبخون
وريف:نوونا اني بسوي كب كييك تحليه
نور:اووك روحي سوي وخلي الاء تساعدش
زينب:اني بسوي الورق عنب
نور:اووك
قعدوا يطبخون كل وحده تسوي شي
نخليهم ونروح عند الشباب
جواد:علااوي امبا كوفي
علي:قول ل زينبووه اختك تسوي ليك
جواد:اسمها زينب يالدب
علي:اووهو شفييكم عليي دب ودب
محمد:لأنك دب
علاء شهق:ههههئ عليووه دب والله انه اضعف واحد فينا
علي ابتسم:شهادة اعتز بها
محمد:اقوول انقلع ل مرتك وجيب كيوونه العسسل
علاء:مانا اخاف عليها بعدين تاكلها
محمد بقق عيونه:ويشوو آكله شايفني حيوان مفترسعلاء قام:اييه......وشال عليه ومحمد يركض وراه
علي مجود بطنه ويضحك ثنينهم طواال زرافاات ويركضون
انضرب الباب
علاء بصراخ:منهووو
بنفس الصراخ:اني مررتك تعال خد كيان تمبااك
محمد نط وفتح الباب
سحب كيان من ايد امها وعض خدها:حلااوتها القمرهه
كيان تصيح
سحبها علاء وحملها:بس بابا كيوونه حبيبة ابووها ليش تصييح
وقعد يناغيها والصبيان حوالينه
ادن و صلوا
رجعوا من المسجد
علي:اححح ريحة باستا
محمد:وكب كيك بعد
علاء:و ورق عنب
دخلوا المطبخ وما شافوا احد
جواد:من وينه جايه الريحه
علاء طفر:غرفة الطعاام
تراكضوا على غرفة الطعام وشافوا الأكل مرتب على الطاوله بشكل حلوو والريحه تدووخ
علي سال ريريه
محمد:اححححح امباا
جواد:هيي انتوون مو تاكلون يمكن البنات مسوينه ليهم مايجووز تاخدون بدون اذن
هزوا الشباب روسهم ورجعوا جناحهم بخيبه
عند البنات
كل وحده تسبحت وطلعت ما باقي الا نور تتسبح
دخلت وشغلت الرشاش
مره وحده حست بدوخه والدنيا سوده حوالينها وووووووطاااااااخ
طاحت نور
بره عند البنات
زينب حطت ايدها على صدرها:بناات سمعتون صوت الشدخه
وريف بخوف:ايه شووفي نور يمكن فيها شي
تقدمت فاطمه وفتحت الباب وانصدمت
نور طايحه على الأرض ووجهها ازررق
صرخت برعب:نووووووور
دشوا البنات ورمت الاء فوطه على نور عشان تغطيها
فاطمه بأمر:بنات تعالو ساعدوني عشان نشيلها
انصاعوا البنات ليها وشالوها سدحوها على السرير وهي تتمتم بكلمات غريبه
فاطمه:جيبوا عطر وكلينكس
راحت الاء وجابتهم
رفعت فاطمه راس نور وشممتها العطر
كحت نور اكثر من مره وفتحت عيونها
تنهدت فاطمه براحه ومسحت على شعر نور بحنان:حمدلله على سلامتش نونا
نور برجفه:فطووم خايفه
فطوم حضنتها:من ويش خايفه هكوو احنا كلنا ويااش
نور ودموعها تطيح:اخاف تروحون وتخلوني اخاف تكرهوني لما تعرفون اللي فيني اني احبكم وما اقدر اعيش بدونكم كفايه عهد بعدت عني وكرهتني ما امباكم تكرهوني
فاطمه ابتسمت وشدت عليها:احنا ندري بكل شي وما بنكرهش لأنه الغلط مو منش ومو انتين اللي رحتين ليهم
نزلت دموع نور وقالت بصوتها المبحوح:احببكم لا تخلوني
زينب راحت صوبها وقالت بمرح:هدوييه قلبتونها فلم هندي درامي بس لاه شووفي دموعي باقي شوي وتطيح
ضحكت نور وسط دموعها وقالت:جووعانه امبا اكل
البنات طالعوا بعض وفطسوا ضحك عليها الناس في زلزله والعروس تبي رجل
فاطمه:قومي البسي عشان تبلعيين
نور:انزين
لفت اللحاف عليها وراحت حجرة التبديل لبست تنوره ورديه فاتحه وفانيله صوف ورديه ولفت شيلتها وطلعت
نور:يالله بطني يصوصو
طلعوا البنات ونادوا الكل ع الأكل وخو الشباب ياكلون بشفاحه كأنهم مو شايفين خير
انتهى البارت
توقعاتكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-11-2014, 11:58 AM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


شالوا البنات الصحون وقعدوا يغسلونهم والشباب يتطنزون عليهم
علي:يالله يالله خلصوا زتاات
زينب تخصرت:قول والله........انققلع بسس
جواد:وييييو يغسلون الموااعين ويييو
وريف:شصاار يعني
محمد بطنازه:ما اصدقق وريف الرقيقه الدلوعه تغسل مواعين
وريف:دلووعه وجههك هذا اللي نااقص بعد
علاء:نورووه لفيي شوي اشووفش
نور بغضب:اننجعم واطلع بره انته وياهم احترييت بفصخ شيلتي
جواد قعد على الطاوله وقال ببرود:فصخيها عاادي
نور فتحت عيونها على وسعهم:ويييشو ما سمعت عيد عيد مره ثانييه
جواد بغرور:كلامي ماينعاد مرتين
نور بقرف:وييييع عشتووا قال ماينعاد قال
جواد:شباب امشوا نطلع احس اني اختنقت فيه بعض الناس يكتمون النفس هنييها
وطلع والصبيان طلعوا وراه مخلين نور تصارخ من قمة راسها:اراااويك يالخااايس جواااادوه الحين اني اكتم النففس يالتتبن
البنات مجودين ضحكتهم عشان ما تطلع وتفنيهم نور من الوجود
فصخت نور شيلتها بقهر ورمتها على الأرض:اووووووف والله حاله
زينب راحت ليها وطبطبت على كتفها:عادي خيه لا تزعلين ولا توترين روحش تعرفين جواد من يوم ما كنتون صغار يحب ينرفزش
ابتسمت نور بسماحه:لا عاديي زووز
كملوا غسال المواعين وراحوا جناحهم
كلهم بدلوا ولبسوا قميص نوم ل تحت الركبه وردي فاتح وعليه دبدوب وفلوا شعورهم
نور:بنات شرايكم اقص شعري
زينب هجمت عليها:لاا لاتقصينه ان قصيتينه قصيت رااسش
نور انفجعت:يمااااه عساش ريح طفرتيني اني قلت باخد رايكم اذا ما وافقتون ما بقصه......ها بنات شرايكم اققصه
البنات في نفس الوقت:لااااا
نور طفرت:وشووو متفقيين انتوون تقولون في نفس الوقت هدوييش ناوين تدبحوني اليوم من زود ما تخرعوني
فاطمه فلتت المخده على نور:وش نسوي لشش بعد انتين بسرعه تتخرعين
نور طالعتها بلؤم ورمت عليها المخده بسس ماصادتها صادت الاء
الاء انزهقت كانت سرحانه
الاء:منهوو اللي فلتها
نور انخشت ورى وريف:سوووري لوولاا مو قصدي كنت بضرب هالبقره اللي قدامشالاء اخدت المخده وفلتتها على نور بس لأنه نور منخشه ورى وريف ما صادتها صادت وريف
وبدت بينهم حرب المخاد
طاحوا البنات على الأرض بتعب وماحسوا بروحهم وناموا على الأرض^^هدوييه مايشبعوون من النوم هدلين^^
عند حسن وطيف
طيف منسدحه وحاطه راسها على رجول حسن وحسن يلعب بشعرها
طيف مغمضه عيونها:حسااني ليش ماتتزوج
انقلب وجه حسن وقال بغضب وصراخ:طيييف جم مره قلت لشش لا تفتحين هالموضوع
طيف خافت وقامت عنه وراحت حجرتها تركض كل شي ولا انه حسن يزمر عليها تتقبل هذا الشي من اي شخص ما عدى اخوها وحبيبها حسن
دخلت حجرتها وقفلت الباب مرعووبه ودموعها شوي وتطييح ما تحب حسن يزمر عليها
حضنت دبدوبها الأبيض وحاولت تهدي روحها
اما حسن
رجع راسه على ورى وغمض عيونه لييش يا طييف ما حصلتين غير هالموضوع تتكلمين عنه تعرفين انني مستحيل اتزوج عقب ما رفضتني حبيبتي ودنيتي كلها تعرفين انني كرهت الزواج ليش تفتحين هالموضوع انا ما كنت ابا ازمر علييش بس ما قدرت اجود اعصابي
تذكر شكلها لما شالت راسها من على رجولها وراحت تركض
عوره قلبه ما يحب يزمر عليها ولا يحب يزعلها
ركب فوق وضرب باب حجرتها وقال بصوته المخملي:طيوووفا حبيبتي فتحي الباب
سمع صوتها الناعم:ما اباا اكرهك لييش تزمر عليي ويش سويت اني لك
تنهد وقال:طيف انا كنت معصب مو قصدي يالله عاد فتحي الباب
سمع صوت خطواتها وانفتح الباب
فتح عيونه على وسعهم لما شاف خشمها الأحمر يا الله شلون زمر عليها وصيحها يعرفها قويه بس قدامه تصير طفله صغيره تخاف من الدنيا وتخاف من الصراخ
ضمها بحنان ومسح على شعرها الناعم:خلاااص حبيبتي اناا آسف ما بعيدها مره ثانيه
دنت عنه وطالعت عيونه:وعد
ابتسم:وعد
ابتسمت وضمته بحب:احببك بابا لا تخوفني مره ثانيه
شد عليها:لا خلااص ما بخووفش
انتهى البارت
توقعاتكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-11-2014, 11:59 AM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


صباح يوم جمييل
قعدوا البنات من نومتهم متكسريين صلوا وقعدت كل وحده منهم بجهه
الاء كانت بعالم ثاني قلبها يعورها تحس انها ظلمته وجرحته
نادت بأعلى صوتها:نوووور
لفت علي نور:هااا
الاء بصوت كسير:تعالي ويايي المكتب اباش في سالفه
فاطمه:اوووب اوووووب اسرار من وراناا
عطتها نور نظره خلتها تتبريد الاء كان شكلها يححزن وجهها اصفر وتحت عيونها هالات سوود وعلى طول سرحانه
وقفت نور وراحت المكتب ولحقتها الاء
قفلت الاء الباب وقعدت على الكرسي وحطت وجهها بين ايدينها
نور قعدت صوبها ومسحت على شعرها الناعم بحنان:لوولو شفييش چدي حالش مو عاجبني منبهته بهاات
الاء بتعب:نوور حسيت اني ظلمته ضميري مأنبني احس اني كنت انانيه في قراري
نور مستغربه:ولوووي علميني شالسالفه من البدايه
تنهدت الاء بضيق وقالت:فيه واحد اسمه حسن كان يلاحقني من يوم كنت ب ثاني ثنوي لحد ما دخلت الجامعه وفي يوم جا واعترف ليي بحبه واني مادري شصادني وعطيته طراق
فتحت نور عيونها على وسعهم وقاطعتها:من صددقش عطيتينه طراق
نزلت الاء راسها:ايه اقولش تدودهت تخزبقت وهو راح مكسور والدمعه بعيونه قلبي عورني عليه بس قسيت قلبي وتوقعته خلاص ما بيلاحقني بس اللي صدمني انه في نفس اليوم جا وتقدم ليي تخييلي
نور شهقت:هههههئ ولووه هذا يحببش من صدققه
انعفست ملامح الاء:خليني اكمل عااد.......اني الغبيه قمت ورفضت بس حسن طلب من ابويي انه يشوفني وابويي وافق قال حسن ليي جمله هزت كياني وما اتوقع بنساها قال ليي:الاء لا تتوقعين انني بنساش لأني حبيتش من كل قلبي وكفش اللي عطيتيني اياه احلى وأجمل ذكرى عطيتيني اياها.......وطلع وخلاني واقفه مكسورهحسيت روحي غبيه لييش رفضته هو رجال زين ومايعيبه شي كرهت روحي اني جرحته بدون اي مبرر ليييش يعنييي ليييش والأسبوع اللي طاف جا ليي رجال زيين وارتحت ليه بس اني خايفه انني اوافق
نور:طااع خبووول اذا طلعناا روحي ل عمتيي وقولي ليها انش موافقه وبعدين حسن خلااص رااح مااضي
وعفست شعر الاء قالت بابتساامه:يلاا عاد ولوووي حبيبتي افردييها مو حلوو الزعل علييش يالقمر
ضحكت الاء:هههههههه خلااص ضحكنا
نور توسعت ابتسامتها:وفدييتهم اللي يضحكوون يلاا نطلع للبنات
الاء:يلاا
ملاحظه:الاء اسمها بالجواز ولاء بس الكل يناديها الاء بس نور تحب تناديها ولاء او ولووو
وريف:نورووه الااء برزوا روحكم بنطلع
الاء:منهوو بيطلعناا
وريف:علااوي
نور و الاء طييران راحوا يبدلوون
الاء بتعب:نوور حسيت اني ظلمته ضميري مأنبني احس اني كنت انانيه في قرارينور مستغربه:ولوووي علميني شالسالفه من البدايه
تنهدت الاء بضيق وقالت:فيه واحد اسمه حسن كان يلاحقني من يوم كنت ب ثاني ثنوي لحد ما دخلت الجامعه وفي يوم جا واعترف ليي بحبه واني مادري شصادني وعطيته طراق
فتحت نور عيونها على وسعهم وقاطعتها:من صددقش عطيتينه طراق
نزلت الاء راسها:ايه اقولش تدودهت تخزبقت وهو راح مكسور والدمعه بعيونه قلبي عورني عليه بس قسيت قلبي وتوقعته خلاص ما بيلاحقني بس اللي صدمني انه في نفس اليوم جا وتقدم ليي تخييلي
نور شهقت:هههههئ ولووه هذا يحببش من صدققه
انعفست ملامح الاء:خليني اكمل عااد.......اني الغبيه قمت ورفضت بس حسن طلب من ابويي انه يشوفني وابويي وافق قال حسن ليي جمله هزت كياني وما اتوقع بنساها قال ليي:الاء لا تتوقعين انني بنساش لأني حبيتش من كل قلبي وكفش اللي عطيتيني اياه احلى وأجمل ذكرى عطيتيني اياها.......وطلع وخلاني واقفه مكسوره حسيت روحي غبيه لييش رفضته هو رجال زين ومايعيبه شي كرهت روحي اني جرحته بدون اي مبرر ليييش يعنييي ليييش والأسبوع اللي طاف جا ليي رجال زيين وارتحت ليه بس اني خايفه انني اوافق
نور:طااع خبووول اذا طلعناا روحي ل عمتيي وقولي ليها انش موافقه وبعدين حسن خلااص رااح مااضي
وعفست شعر الاء قالت بابتساامه:يلاا عاد ولوووي حبيبتي افردييها مو حلوو الزعل علييش يالقمرضحكت الاء:هههههههه خلااص ضحكنا
نور توسعت ابتسامتها:وفدييتهم اللي يضحكوون يلاا نطلع للبنات
الاء:يلاا
ملاحظه:الاء اسمها بالجواز ولاء بس الكل يناديها الاء بس نور تحب تناديها ولاء او ولووو
وريف:نورووه الااء برزوا روحكم بنطلع
الاء:منهوو بيطلعناا
وريف:علااوي
نور و الاء طييران راحوا يبدلوون
خوو كلهم لابسين بدلات الا الاء لابسه عبايه
ورااحوا السووق
نور تنغز الاء من خصرها:ولووي تدشيين نعوومي تجهزيين
الاء حمر وجهها:جاااب دوباا
نور سحبت الاء وقبل ما يدشون شافت نور شخص ما توقعت تشوفه أبداً طالعته بصدمه وعيونها يلمعوون
انتهى البارت
توقعاتكم!!
من اهو حسن؟!
نور من شافت بالسوق؟!
الاء بتوافق ولا لا؟!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-11-2014, 12:02 PM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


طالعته بصدمه وعيونها يلمعون
زادت دقات قلبها ورجولها ما تشيلها هذا هو هذا اللي كان بيضيعها هذا المجرم اللي ذبح طفولتها وعيشها برعب هذا ^^خالد^^ غمضت عيونها بقوه وشدت على ايد الاء نزلت دمعه حاره من عيونها وكانت تصرخ في نفسها:اكرررررهك لييييييش ماتموووت
عند خالد
لمحها ووقفت الدنيا صار مايشوف غير نور شاف الألم بعيونها تذكر شسوى فيها وشلون سحبها اخوها من شعرها شكثر كان غبي وقتها شلون سمح ل روحه يأذي هالطفله البريئه هو الحين تاب يبي يصحح غلطه يبي يمحي الخوف اللي في قلبها ماحس الا وهو واقف قدامها
رجعت نور على ورى وقالت بصرامه:نعم شتبي
خالد بوجع:سامحيني الله يخليش قصوا عليي وخلوني اسوي اللي سويته وانا الحين تبت سامحيني
نور دمعت عيونها وقالت بسخريه لاذعه:هه وليش اسامحك انته شسويت مجرد انك حاولت تضيعني وخليت اخوي يشك فيني واختي الكبيره صارت تكرهني وقمت ما انام الليل من الكوابيس اللي تجيني لييش تعتذر ترى هالشي حده بسيط وما جرحني أبداً ومايحاتج تعتذر على هالشي السخيف
خالد نزلوا دموعه ووجهه صار احمر جثى على ركبتيه وقال:أنا ادري انني اذيتش وعيشتش في رعب بس مو انتين اللي كنتين تعانين حتى انا كنت اعاني انا دخلت مستشفى نفسي عشان اتعالج دموعش هداك اليوم وشكل اخوش وهو يجرش هزني جرحني من الأعماق انا الحين صرت انسان ثاني بس بعد فوات الأوان نور سامحيني ابوس ايدش ورجولش سامحيني ما امبا اموت وانتين زعلانه عليي
نور خافت من طاري الموت وهزها شكله عورها قلبها عليه
تنهدت وقالت بألم:رووح مسمووح ومو شايله عليك شي
شافت الدهشه بعيونه العسليه
لفت نور وسحبت الاء وياها وسط دهشة الكل وخصوصا اخوها علي
دخلوا الحمامات وانهارت نور وصارت تصيح بشكل هستيري وتقول بألم:ولووي تعباانه مو قادره اتحمل قلبي يعورني شكثر تحملت كل هالسنين شكثر كنت اعاني لما اشوف نظرة الكره بعيون عهد ولوووي احس روحي مخنوقه رجولي ما تشيلني احس روحي ضعيفه
ارتفعت شهقات نور اللي تعور القلب
ضمتها الاء بحنان:بس نوونا مو زين تسوين في روحش چدي خلااص هدي لااه
سكتت نور بس دموعها اسمتروا في النزول
وقفت نور واستندت على الاء
طلعوا من الحمامات وشافوا علي والبنات واقفين يحاتون نور
اما نور شكلها يعور القلب وجهها شاحب وعيونها منفخين من الصياح وترجف
حضنها علي بقووه كأنه يبي يدخلها داخله يبي يحميها من هالبشر اللي مايرحموون بعدها طفله صغيره ما تتحمل كل هالألم بعدها على الووجع حاس انه ضعييف لأنه ما قدر يحمي هالطفله من الآلام وما قدر يخليها تعيش براحه شكثر قصر بحقها
مشى وهو حاط ايد علي كتف نور والثانيه على خصرها وهو يمشيها ببطء تارك رفيقه حسن في المجمع بروحه وخوو البنات لحقوا وراه
رجع علي البات بيت جدهم ورجع ويا نور البيت
فتح الباب وصرخ بقوه:عههههههد
انفزعت نور من الصوت ودفنت وجهها في صدره
مسح على شعرها بحنيه وضمها ليه بعدت نور عنه وارتمت على الكنبه بتعب
نزلت عهد خايفه و لما شافت شكل نور تبدلت ملامحها وانخطف لونها وصارت تتنفس بسرعه ليش نور چذي شصاير ليها شيبي فيني علي.....كانت هالأسئله تدور في راسها
علي بأمر:عهد روحي ودي نور حجرتي وتعالي ليي عقب اباش في سالفه مهمه
انصاعت لأوامر علي وركبت ويا نور فوق
سدحتها على السرير ولحفتها ونزلت ل علي تحت
قعدت صوبه وهو قال بجديه:..........
انتهى البارت
توقعاتكم
علي وش يبي في عهد؟!
عهد هل بتتغير عقب ما شافت اختها الصغيره بهالشكل ولا بتزيد قسوتها؟!
طفلتنا نور شمصيرها هل بتتعذب اكثر في هالحياه لو بيحميها اخوها من كل الصعاب والآلام وما بيسمح لأحد يأذيها؟!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-11-2014, 12:03 PM
bnt 3sl bnt 3sl غير متصل
©؛°¨غرامي مشارك¨°؛©
 
الافتراضي رد: روايتي الثانية:سراب انثى


قعدت صوبه وهو قال بجديه:عهد اسمعيني معاملتش الززفت ويا نور تغيرينها ترى بعدها صغيره على الألم وتحتاج حنان وحب ما تحتاج كره وحقد تحتاج ام تعتني فيها وصديقه ترتاح لها وأخت تفضفض لها واخ تسنتد عليه واب تفتخر فيه انا ما اقدر اكون ليها الأم ولا الأخت ولا الصديقه هي تحتاجش اوقفي وياها بدل ما توقفين ضدها اليوم اختش الصغيره تعبت وتألمت من قلب وما اعتقد ان الزمن بيداوي هالجرح
تنهد وكمل:عهد تحملي في نور وصيري ليها الأم والأب والأخ والأخت والصديقه انا ابا اسافر وقلبي متطمن
في البدايه عهد انصدمت من سفر علي لكنها بعدين قالت ببرود ممزوج ويا اشمئزاز:اولا تروح وتزع بالسلامه استاذ علي ثانيا اختك نويير قلعتها عساها الموت ماني مهتمه فيها وثالثا اختك تبي تتطمن عليها افلتها عند خمتها وبچدي تكون تطمنت عليها
علي عصب وصرخ:والله العظيم يا عهد مانا مطوف لش هالكلام وصدقيني بتندمين وعطاها كف قوووي وطلع
اتصل ل حسن وايده ترجف من العصبيهرن رن رن رن
وصله صوت حسن:هلاا علاوي
علي بعصبيه ممزوجه بقهر:حسسن تعال خدني من بيتنا بسسرعه قبل لا اموت
حسن انفجع:انزين يالله باي ثواني وجاي بيتكم
وصك الخط
عند حسن
كان يرمش ببطء يبي يستوعب الشي ولاء حبيبته كانت واقفه ويا نور اخت علي ولاء حبيبته كانت قدامه الصدمه شلت اطرافه وما قدر حتى انه يلحقها او يتكلم وياها قطع سرحانه صوت فونه وخوو رد على المكالمه وراح طيران ل علي
بعد ربع ساعه تقريبا وصل حسن ل بيت علي
ركب علي السياره و صك الباب بعصبيه
مشى حسن بدون هدف
دخل علي اصابعه في شعره وهو يحس روحه يغلي من القهر
حسن بقلق:ابوو حسن وين ساارح شكللك مايطممن
علي بكل قهر الدنيا:عهد يا جععل مافيه ععهد
عقد حسن حواجبه:شصاير بعد
علي نزل راسه وعروقه طافرين من زود العصبيه:جيت بوصيها على نور لأني بسافر قامت وقطت عليها كلام يقههر ويعل الجبد وانا انقهرت وصفقتها طراق
حسن فتح عيونه على اقصاهم:علي من صدققك عهد تقط على نور كلام
علي بتعب:حسسن انا تعبان خايف على نور مانا قادر افكر شبسوي شلون اوصل ليها اني بسافر واصلا شلون بسافر وانا مو مأمن عليها
حسن:انزين خدها وياك
علي:حسنوه شفييك انا رايح علااج مو سياحه
حسن:ايه خدها وياك عشان تتطمن عليها وما تتعب نفسيتك من زود ما تحاتيها
جود علي راسد بيديه الثنتين:لو انا متت وأنا اتعالج اختي بتضيع في بلاد الغربه ولو بتروح وياايي بتوقف دراستها مثلا انا بقعد هناك سنتين مو شهرين ولا اسبوعين
حسن:عادي انا بجي وياك وبجيب اختي طيف منها تدرس هناك ومنها تونس اختك نور وتدرس وياها
علي حط ايده على ذقنه وقال:والله فكره نوونا بتستانس منااك ويا اختك
ابتسم حسن وراح البحر
قعدوا مناك شوي وبعدين تعشوا
عند عهد
كانت واقفه بصدمه وحاطه ايدها على خدها بعد فتره بسيطه استوعبت اللي صار وراحت حجرة علي وقتحت الباب بقوه
طفرت نور من نومهاصرخت عهد بوحشيه:اني يضربني علي عشانش يالس*** يال**** يال******* انخشت نور تحت اللحاف وهي ترجف خايفه عهد تضربها وبالفعل تقدمت عهد وشالت اللحاف من عليها وانهالت عليها بسيل من الشتائم والضرب
بعد ساعه وخرت عهد عن نور وهي تحس بتعب طلعت من الحجره وشدخت الباب وراها ونور حالتها حاله وجهها الجميل تشوه وصار كله رضوض وشموخ وحوالين عيونها بنفسجي وخدها منفخ وبوزها يطلع منه دم وفانيلتها مشققه جتفها مشمخ وشعرها تنتف من زود ما سحبته عهد
تكورت نور على روحها وصارت تصيح فجأه صارت تزوع دم وتلوى بشكل مخيف
عند عهد
صارت تتنفس بسرعه علي لو درى ما بيرحمها لبست عبايتها وحطت شيلتها اي كلام وطلعت بره البيت تركض ومي اختهم الصغيره تصيح جوعانه
وقفت نور بصعوبه وهي تصارع الألم اللي فيها
نزلت من على الدرج وهي تحس انها بتطيح وفي اخر 10 عتبات زلقت نور وطاااحت
غمضت عيونها بسكون وعلى شفايفها شبح ابتسامه
مي اللي كانت في الصاله صرخت من منظر اختها الغرقانه بدمها
دخل علي على صرخة مي وانرعب من المنظر
حمل نور على كتفه ومي جودها من ايدها ودموعه تخر
راح المستشفى وأخذوها الدكاتره منه وهو انهار مايتحمل
بعد ثلاث ساعات طلع الدكتور وهو منزل راسه بأسف:..........
انتهى البارت
توقعاتكم

الرد باقتباس
إضافة رد

روايتي الثانية:سراب انثى

الوسوم
الثانية:سراب , انتي , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
روايتي الأولى : أحبك لو تحب غيري .. و لو غيرك ترجاني / كاملة شايفة نفسي ويحقلي روايات كامله - يتم نقل الرواية هنا بعد اكتمالها 132 08-06-2015 08:43 PM
روايتي الأولي : احبك غصبن على الدنيا وبخليك تعشق حروفي تعبت منك أرشيف الروايات المغلقة - لعدم إكتمالها 7 15-03-2013 02:06 AM
روايتي الثانيه : جميلتي بين أحضان الأربعه أوراق مبعثرهه أرشيف الروايات المغلقة - لعدم إكتمالها 37 18-01-2013 06:01 PM
روايتي ذكريات الماضي... خواطر - نثر - عذب الكلام 6 27-06-2007 07:45 PM

الساعة الآن +3: 10:08 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1