شموخ كويتيه96 ©؛°¨غرامي جديد¨°؛©




الرواية بتحكي عن خمس بنات جمعتهم صداقه من نوع جميل وفاء وحب و ضحك وغشمرة اللي يشوففهم يقول خوات مو صديقات صداقتهم من 16 سنه 

نبدأ بأول بطلة طبعاً البطلات اعمارهم 18 سنه اول سنه جامعه 

الكادي ...  جمييله حبوبه وقلبها طيب 
جوري .. حلوه واحلى شي فيها عيونها ماشاءالله كبار و مكحله عصبيه وانفعالية بس ترضى بسرعه وتطخ
ساره ... هذي البنت فصله بشكل مو طبيعي خبله اشوي عليها يعني بالعربي الفصيح فاله امها 
الدانه ... هاديه وعاقله تحسب لكل شي ولأدق شي 
أفنان ... ملامحها ملامح اوروبية امها من الجنسية الألمانية وابوها كويتي الجنسية 

نبدأ بالرواية 

اليوم الاحد اول يوم دوامات البنات كلهم بجامعة الكويت وبنفس الكلية هم 

بالقروب بالواتس الساعه 8 ونص الصبح



جوري : بنات وينكم ؟ 

الكادي : ألحين طالعه من البيت 

الدانه : انا بالطريق ... امبيه بنات بطني يعورني 

جوري : عادي شعور طبيعي 

أفنان : انا وصلت بس ما ادري شالطبخه وين اروح ومحاضرتي تبدأ بعد 10 دقايق 😭

ساره : فنو كلمي بنات القوائم يعلمونج وين قاعتج 

افنان : طيب 

الكادي : بنات بالبريك خل نتجمع بالكافتيريا

ساره : اي ان شاءالله 

الدانه : سوير وينج فيه ؟ 

ساره حاطه فيس مستحي وخاش عينه : بالبيت 

الدانه منصدمه : وجع ليييش ؟؟ 

ساره : توني قايمه 

الدانه : يا حبيبتي انتي خلصي ماما ترا دكتورنا هذا ما يغشمر بنت عمي ماخذه عنده ويطرد ما يحب احد يتأخر عن محاضرته 

ساره : عادي ما يحاسب اول يوم 

جوري : على كيفج سوير 

الدانه تتطنز على ساره : اي جامعة ابوها تتأخر على كيفها 

ساره : جب انتي وياها 

الكادي : جوري و دودي صادفتكم زحمه ولالا ؟ 

جوري : انا جيت مبكر محد فيه الشوارع فاضيه 

الدانه : أنا توني واصله الجامعه الطريق نوعاً ما بدا يصير زحمه 

الكادي : يا ربي ان شاءالله ألحق 

الدانه : ان شاءالله 


..............................

#يتبع

شموخ كويتيه96 ©؛°¨غرامي جديد¨°؛©




تكملة ٢

وصلوا البنات كلهم للجامعة وبالبريك الجامعي تجمعوا خمستهم بالكافيتريا 

الدانه : اشلون محاضراتكم بنات ؟ 

جوري : ماشيه الحمدلله 

أفنان : تخيلوا بنات الدكتور طلع معتذر وانا خابه نفسي واركض ركض وما بقى احد الا ودرعمت فيه 

البنات : ههههههههههههههههههههههههه 

جوري : ما تسوى عليج 

افنان : اي والله 

الكادي : انتي على الاقل معتذر انا طردني الدكتور 

البنات بصدمة : لييييش ؟؟ 

الكادي : تأخرت عن محاضرته ربع ساعه 

الدانه : اووله !! بس انتي طالعه مبكر 

ساره : اي صح حتى طالعه قبلي

الكادي : اول شي امسكتنا الزحمه وبعدين الغبي سايقنا ضيع 

جوري : قطيعه شهالدكتور بسمله اول يوم مفروض يمشي 

ساره تضحك : هههههههههههههههههه اجل ما شفتيني انا الحمدلله حظي يكسر الصخر ابد انا دشيت والدكتور وراي داش هههههههههههههه 

الكادي : ماشاءالله يا حظج 

ساره بعياره : قولي ماشاءالله بعد تعطيني عين 

الكادي : وجع قلت ماشاءالله 

البنات : ههههههههههههههههههههههههههههههه

أفنان : كل هذا خوف سوير ما سمعتي يوم قالت ماشاءالله بس سمعتي كلمة يا حظج هههههههههههه

الكادي : اي شفتي اشلون كلتني 

ساره : ههههههههههههههههههههههههههه 

الدانه : مستانسة سوير ما قلتي لهم موقفج اللي يفشل هههههههههههههههههههه ساكته 

ساره تحط ايدها على حلجها ( حلقها ) بمعنى اوش اسكتي 

البنات بترجي للدانه : تكفيين قولي الدانه شنو شصار ؟ 

ساره : مالكم شغل مو لازم تعرفون 

البنات بحنه ورنه : امبلى امبلى بنعرف شنو 


الدانه : ههههههههههههههههههههههه موقفها يفشل وبنفس الوقت يضحك 

ساره اطالعها بحقد : انا اوريج دوينه 

البنات : خلصصي عاد 

الدانه تضحك وتتكلم : خلوا سوير تلف مو قادره اتكلم ههههههههههههههههههههههههههه

البنات عصبوا : سوير لفي لا اطالعينها 

جوري : والله مال تكفخ دوينه خلصي 

الدانه تحاول تمسك ضحكتها : هههههههههههههههه بس خلاهههههههههههههه ص بقولكم 
سلمكم الله اليوم لمن دش الدكتور سلّم قال السلام عليكم جان تقوم الخبله سوير وتقوم توقف وبأعلى صوت عندها قالت وعليكم السلام ورحمة الله وبركاته ..< وطبعاً تمد بالسلام كنا بالمدرسة لين ألحين مو مستوعبة انها خلاص صارت جامعية 

البنات فطسوا ضحك : ههههههههههههههههههههههههههههههههههههه

ساره تضحك : هههههههههههههههههههه اشدراني ١٢ سنه متعوده على هالشغله اقوم اوقف واسلّم وامط بالسلام السلاااام عليييكوووم ورحمة الله وبركاتوووو 

جوري : ههههههههههههههههههه بدعتي سوير 

الدانه اطق على راسها : والمشكله والطامه الكبرى ان السكشن القاعه شباب وبنات 

افنان : فشششششللله 

الكادي : ههههههههههههههههههه ياويلي يا فشله اسكتوا ولا ضحكوا ؟؟ 

ساره : تصرعوا من الضحك الله ياخذهم 

جوري : ههههههههههههههههههههه خبله 

الدانه : بنات الدكتور مات اغمى عليه من الضحك ههههههههههههههههههههههه ويقول تفضلي ارتاحي وهو يضحك 

البنات : ههههههههههههههههههههههههههههههه

ساره : ههههههههههههههههههه زين ما قلت له جزااااكي الله خيراً يا معلمتي هههههههههههههههههه 

افنان :هههههههه  بيقولج برااا ههههههههههههههههههههه

ساره : ههههههههههههه ايي والله 

الكادي : يلا بنات بروح البيت تبون شي ؟ 

البنات : لا سلامتج 

افنان : كوكو ابيج توصليني لبيتنا 

الكادي : ما عندج محاضره بعد البريك ؟ 

افنان : لا شفت الدكتور بتويتر معتذر 

الدانه : حرام كل دكاترتج اليوم معتذرين 

أفنان مكشره : اييي شفتي 
 
الكادي تكلم افنان : اي يلا اجل امشي ونمر ماك نتغدا فيه ( وتغمز لأفنان ) 

البنات : جيبي لنا 

الكادي تحرهم : اسفه لا خلصتوا من محاضراتكم مروا ماك اشترولكم 

جوري : نحيسسه 

الدانه : حييييل 

ساره : ما عليكم اليوم نطب عليها في بيتهم وتطلب لنا عشا من ماك 

جوري والدانه عجبتهم الفكره : خلاص صار 
افنان : ماشاءالله قرروا وخلصوا 

الكادي : شفتي اشلون 

البنات : ههههههههههههههههههههه


شموخ كويتيه96 ©؛°¨غرامي جديد¨°؛©


البارت الثاني 

وصلوا البنات البيت وخذوا لهم قيلولة 

بالقروب بالواتس اب 

ساره : هاي 

أفنان : هايات 

ساره : شخبارج افنانيتو نمتي ولا ؟ 

أفنان : تمام توني قايمه من النوم 

ساره : انا نمت ربع ساعه وقمت قومتني ميمي بنت اخوي المزعجه 

جوري : ها بنات بتروحون لكادي ؟ 

ساره وافنان : اي ان شاءالله 

جوري : بس وينها مالها حس كوكو 

أفنان : يمكن لي ألحين نايمه 

ساره : الدانه والكادي مختفيات لي ألحين نايمين شكلهم 

الدانه : لا انا ما نمت قاعده مع امي اتقهوى 

جوري : باقي كوكو وهي اهم شي 

ساره : شكلها انحاشت ابلشناها بالعزيمه ههههههههههههههههه

جوري : ههههههههههههههههههه اوريج فيها ألحين اتصل فيها واقومها من عز نومها 

الكادي غرفتها تهيئ تماماً لنومه عميقه مريحه ظلاام وهدوء وتكييف بااارررررد 

جوري احرقتها ١٠ مكالمات واخيراً الكادي قامت 

الكادي وصوتها مليان نوم : ألووو 

جوري : قومي خلصي زهبي القهوه والحلا ألحين جايينج 

الكادي وفيها النوم : ليش ؟ 

جوري : بعد شنو ليش خوش طردة اليوم الصبح بالجامعة قلنا بنجيج بليل 

الكادي : خبله اقصد ليش كم الساعه عشان تجون بهالوقت ؟؟ 

جوري : الساعه ٧ ونص حبيبتي خلصي قومي 

الكادي : يلا قايمه 

........……… 

الساعه ٧ ونص وصلوا البنات كلهم 

الكادي : يا هلا يا هلا 

البنات : هلافيج 

ساره : الله كوكو مسويه لنا مولتن 

الكادي ترمش بعينها : اييي شفتيني اشلون سنعه 

الدانه : مو باقيلج الا العريس 

جوري : اي والله صاجه 

الكادي تتطنز : يلا على ايدكم 

الدانه بجديه : ترا خالتي ادور لها على عروس 

أفنان : الله والعريس موجود 

ساره : يا سلام 

الكادي : ويي لاا طع هذولا صدقوا 

جوري : ترا يتكلمون من صجهم 

الدانه : ايي عيل اشلون من صجي اتكلم وتراه خوش ولد 

الكادي : لا حبيبتي مشكوره مابيه 

الدانه تتخصر : عشششتوو ليش ان شاءالله ؟؟ 

الكادي : بنطر فارس أحلامي يجيني على فرسه وياخذني 

جوري : وااااااااااو 

أفنان تتطنز : شقد حلمج كبير 

الكادي تكش عليهم : شعرفكم بس 

ساره تغمز للكادي : اكيد حاطه عينج على احد 

ساره تضحك : ههههههههههههههههههههههههه

البنات نقزوا عليها منو منو ؟ شسمه ؟ 

ساره تردهم لي ورا : بس كتمتوني 

جوري : يلا تكلمي 

ساره : مافي احد 

البنات : كذااابه 

ساره : قسم بالله مافي احد 

الدانه : عيل شحقه تضحكين وتكركرين ؟؟ 

ساره : ضحكت على كلام سوير شطحت ماشاءالله بتفكيرها 


البنات : هههههههههههههههههههههههههههههه 

رهوووفا ©؛°¨غرامي نشيط¨°؛©

رررررووووووووعه

رووووعه

ابدااااع

وردة الزيزفون
✿ إدارة الإقسام ✿

صباح الخير .. ياهلا فيك بغرام .. موفقة بطرحك .. عزيتي حاولي تستخدمي السرد والوصف لاتعتمدي على الحوار

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

شموخ كويتيه96 ©؛°¨غرامي جديد¨°؛©





بعد أسبوع بالجامعة 

بالكافتيرية متجمعين 

الكادي و الدانه و أفنان 

أفنان : بنات بغيت موديل ما باقي شي على عرس خالي 

الكادي : شفت لج موديل روعه بالانستقرام عند مصمم عجيب 

الدانه : هذا اللي قبل فترة سويتي لي منشن عليه 

الكادي : اييي بالضبط 

الدانه : ايي رهيب شغله 

افنان : تكفون سوولي منشن على حسابه 

الكادي : ان شاءالله 

أفنان : والله مبتلشه ما حصلت شي 

الدانه : اي صاجه والسوق كلش مو حلو 

الكادي : انا قبل شهر عرس ولد عمتي فريت السوق فر وععع اشوي عليه 

افنان : انا مدحوا لي محل بمجمع ....... حق نفانيف أعراس بس تخيلوا رحت له اوكي الموديلات ماعليها كلام ذرابة و ذوق بس شنو من ٣٠٠٠ وطالع 

الدانه و الكادي : أووووله 

أفنان : المشكله والله النفنوف ساده بس قصه بسيطه وسعره ٣٤٨٠ اشدعوووى ؟؟؟؟ 

الدانه : والله لو هو نفنوف عروس حشى 

الكادي : ايي والله 


ساره جاتهم : مرحبا 

البنات : مرحبتين 

أفنان : خلصتي محاضرتج ؟؟ 

ساره : ايي 

الكادي : اجل دام سوير جات انا بروح لمحاضرتي 

الدانه اطالع ساعتها : وانا بعد عندي محاضره 

الكادي : أي مبنى محاضرتج ؟؟ 

الدانه : مبنى ٥ 

 الكادي : نفس مبناي اجل امشي معاي منها نسولف بالطريق 

الدانه : يلا 

الكادي تمشي مع الدانه ودخلوا المبنى

الدانه : عاد ان شاءالله اليوم نطلع لكوفي نروق مع بعض انا وياج والبنات 

الكادي : اي ان شاءالله 

الدانه : يلا وصلتج لي قاعتج 

في شاب واقف عند باب القاعه وهذا  الشاب وسيم طويل أعجز وانا اقول مزيون 

الولد ظل يطالع بالكادي دقايق 

الدانه لاحظت نظرته اشلون غريبه واشلون متنح في الكادي و الكادي استحت من نظراته ونزلت عينها بالارض 

الدانه تتكلم بصوت قصير يعني بينها وبين الكادي 

الدانه : تعرفينه ؟ 

الكادي : لا والله اول مره اشوفه حتى 

الدانه : يلا أخليج وديري بالج على نفسج

الكادي : ان شاءالله 

مشت الدانه و الكادي دشت القاعه ودش الولد وراها 

القاعه عباره عن مدرجات الكراسي اللي على اليمين للبنات و الكراسي اللي على اليسار للشباب 
اصعدت الكادي للدرج الثاني واقعدت في اول كرسي على اليسار 
قام الولد نفسه وقعد بالدرج الثاني في أول كرسي على اليمين 

( يعني صار جمبها بس يفصلهم ممر ما بين كراسي البنات وكراسي الشباب )  

الكادي ما انتبهت لأنها سيدا قعدت ولفت على اللي جمبها تسولف 

............................

بالكافيترية 

ساره : اشتهيت سوفليه 

أفنان : أخخخ لي شهر مشتهيته 

ساره : خصوصاً لا قطعتي الكيك وطلع الككاو وهو سايح 

أفنان : ااااااا جب سوووير اشتهيته اكثر 

ساره : ودي اسوي آكشن جذي 

أفنان : استريحي بس 

ساره : مالت عليج 

أفنان : والله حبيبتي انتي بجامعة مو في بيت ابوج 

ساره : انزين اقولج جوري وينها ما شفتها اليوم ؟؟ 

أفنان : مدري اتصدقين بس اتوقع عندها محاضره 

ساره : دقيقه بتصل فيها اسألها 

جوري : ألو 

ساره : ألوات وينج ؟ 

جوري : انا برا بالحديقه 

ساره بإستغراب : بالحديقه ؟؟ 

جوري : اي اشفيج يا خبله بحديقة الكلية 

ساره : والله ما الخبل الا انتي 

جوري : وججججع ان شاءالله 

أفنان تأشر لساره شصاير وتقولها حطي اسبيكر خل اسمع 

ساره : وانا صاجه بهالشمس والحر وقاعده برا بالحديقه

 أفنان : عزيزتي شنو جوج ؟؟؟؟ 

جوري : اقول انقلعوا بس  

ساره : واحنا صاجيين 

جوري : انزين منو من البنات موجود ؟؟  

ساره : بس انا وفنو 

جوري : وما قلتوا لي ووجع 

أفنان : انتي اللي منثبره بالشمس برا 

ساره : اي والله 


جوري : انزين ألحين جايتكم بس اطلبوا لي ماي بااااارررد 

أفنان : طيب 

بالقاعه بمحاضرة الكادي 
الكادي ألمحت أحد يطالعها ويراقبها وما ينزل عينه منها لفت ولا عينها طايحه بعينه 
الكادي بسرعه نزلت عينها و هو طالع الدكتور بسرعه 

اشوي ورفع عينه وقعد يطالع في الكادي والكادي حاسه بنظراته لها وطول المحاضره متوتره 

الكادي بقلبها " يا ربي اشفيه هذا يخز جذي شهالبلشه استغفرالله " 

............................


بالكافيرتية عند الثلاثي المرح 

جوري : واااي يا راسي احس اشوي وبينفجر 

أفنان : مو منج من لقافتج اللي مخليتج تقعدين بهالحر 

ساره تكلم جوري : حسبي الله عليج 

جوري ترد على ساره : الله ياخذج ليييش ؟؟ 

أفنان مصدومه : الله يكافينا شركم شهالدعاوي ؟؟

ساره ترد على جووري : اي في احد صاحي يقعد برا بهالجو والحر 

.............…...…


خلصت محاضرة الكادي وطلعت وهي خايفه ومتوتره من هالشاب 

راحت للكافيترية بسرعه لأن ألحين البنات كلهم متجمعين لأنه بريك جامعي 

راحت لهم واقعدت 

أفنان : الكادي فيج شي ؟ 

الكادي تفكر ومتوتره 

جوري تأشر قدام عين الكادي : كوووكوووو

الكادي انتبهت : هلا 

ساره : اللي ماخذ عقلج يتهنى فيه 

الكادي : بنات 

الدانه كانت مشغوله بتلفونها ورفعت راسها 

البنات : اشفيج ؟ 

الدانه نست الشاب اللي يطالع في الكادي

الكادي : انا خايفه 

جوري : اسمله اشفيج ؟ 

الدانه : شصاير ؟ 

الكادي ظلت اطالع بالدانه وعرفت الدانه من نظراتها وتذكرت 

الدانه شهقت :  هئ لا يكون ذاك الولد اللي يطالعج سوالج شي ؟؟؟ قالج شي ؟؟؟ 

البنات ما يدرون شالسالفه : اشفيكم 

ساره : أي ولد ؟؟؟ 

أفنان : الكادي الدانه فهمونا 

جوري : شصاير خرعتونا ترا 

الدانه : اليوم لمن رحت انا وكدوي لمحاضراتنا لمن وصلنا لقاعة كدوي ولا واحد واقف برا وبس شاف زول الكادي طارت عينه فيها ما نزلها منها والكادي نزلت عينها بالارض وقلت لها تعرفينه قالت لا وبعدين رحت لمحاضرتي وهي دشت محاضرتها 

جوري : انزين وبعدين ؟ 

الدانه : كلمج كدوي ؟؟؟

الكادي تاخذ نفس : بنات شي غريب تخيلوا دشيت القاعه سيدا دش وراي قعدت بالمدرج الثاني اول كرسي جهة اليسار راح هو وقعد نفس مكاني 

ساره : اييي 

الكادي : وطول المحاضره يطالعني اول مره لمحت احد يخزني لفيت عليه وطاحت عيني بعينه نزلت عيني بالارض وهو لف يطالع الدكتور وتم اشوي وقعد يطالع فيني لين انتهت المحاضره 

جوري : شيبي قطيعه ؟؟؟؟؟ 

الكادي : مدري وربي خفت من نظراته وفوق هذا والله ما طلع من القاعه الا لمن طلعت انا هو طلع وراي مباشره 

أفنان : جد شي غريب ليش يخزج جذي 

الدانه : ديري بالج على نفسج الله يحفظج 

ساره وهي تقلب عيونها وتستعبط : يمكن الاخ معجب 

الكادي : طيري زييين 

البنات يحاولون يضحكون الكادي : هههههههههههههههه ايي والله صاجه سوير 

الكادي : شكووو ؟؟ 

جوري : ليش حبيبتي جمال و دين واخلاق بعد شيبي 

الكادي استحت : بس جب 

البنات : ههههههههههههههههههههههههههه 

ساره : انزين هو مزيون ولا جيكر ؟؟ 

جوري : اي والله صج 

الكادي تغيضهم : مالكم شغل ههههههههههههههههه

أفنان : ودي اشوفه صراحه هههههههههههههههه

الكادي : ههههههههههههههههههه يما يا بلاغة الشف اللي فيكم 

ساره : عزالله الدانه مو اللي عندنا يا حظي من يدشون من الباب لين تخلص المحاضره وهم نايمين الشباب 

الدانه : هههههههههههههههههههههه لا احنا عيالنا مؤدبين ههههههههههههههههه

ساره : اي قصي على نفسج ههههههههههههههههههه

أفنان : المهم كدوي باجر بوديج لقاعتج هههههههههههههههههههه

جوري وساره : ايي واحنا بعد 

الكادي : كل هذا بس عشان تشوفونه مو خوف علي مالت بس 

الدانه تحرهم : اهم شي شفته ههههههههههههههه عاد مزيوووون ماشاءالله ( وتغمز للكادي )ههههههه

جوري و ساره وأفنان انجلطوا : نبي نشووووفه 

الكادي : ههههههههههههههه يصير خير 

الدانه : وطبعاً يصير خير عند كوكو يعني بالاحلام هههههههههههههه

ساره تتخصر : لااا والله 

جوري : ما يصير دوينه تشوفه واحنا لا 

افنان : اي والله ما يصير 

الكادي تتطنز : يا حلاتني بس قاشتكم كلكم بس عشان تشوفونه يا فشله شبيقول جايبه رفيجاتها كلهم 

الدانه : هههههههههههههههههه بيقول مشافيح ههههههههههههههههه

جوري : مالنا شغل عاد 

ساره : نبي نشوفه 

الكادي : هههههههههههههههه اهم شي انكم سويتوا فلم وغصب تشوفونه 

بنتن لبوها ©؛°¨غرامي متألق ¨°؛©

يجنننننننننننننننننننن الباااااااااااااااااااااااااااااااااااارت تسلمممممم اناملك

انتظرك ع احر من الجمر
لا اوصيك خلي اللي يحب الكادي اسمه تركي
بليييييييييييييييز

شموخ كويتيه96 ©؛°¨غرامي جديد¨°؛©

بنتن لبوها حبيبتي تسلمين على التشجيع

ههههه ابشري من عيوني

شموخ كويتيه96 ©؛°¨غرامي جديد¨°؛©




على الساعه ٧ ونص بليل

بالكوفي 

أفنان : بنات تخيلوا لمن رديت من الجامعه ولا امي تقول جايين لج خطاب 

ساره : مبرووووك 

أفنان : ما وافقت 

البنات : لييييش ؟؟  

أفنان : مابي وبعدين بسمله تو الناس 

الدانه : وشقالوا اهلج ؟ 

أفنان : أبوي قال خلاص بتصل عليهم اعتذر واقول مالكم نصيب مع بنتنا 

الدانه تنهدت :

البنات : اسمله عليج اشفيج ؟؟ 

جوري : اكيد عشان ولد عمج صح ؟ 

الدانه تضايقت : وفي غيره 

( ولد عم الدانه يحبها ويبيها بس هي تكرهه وما تواطنه بعيشة الله واهله واهلها واقفين بصف ولد العم اللي هو زيد ) 

الكادي : ليش قايل شي جديد ؟؟ 

الدانه : لا بس لوعوا جبدي بطاريه وانا ما ابيه 

ساره : اشلون يجبرونج على زيد ولد عمج لو اني انا مكانج والله لا اقلب الدنيا عليهم 

جوري تغمز لساره يعني اسكتي وساره مكمله ومندمجه

ساره وهي تكمل : شنو وين قاعدين الحمدلله والشكر 

أفنان : خلاص ساره 

ساره انتبهت وسكتت 

الكادي تضيع السالفه : الله التشيز كيك فضيع 

أفنان : سوير ما طلبتي لي سوفليه 

ساره : اكد عليج انا 

أفنان : يا حماره هذي ضريبه عشانج شهويتيني فيه اكثر 

الدانه : ما عليج منها انا اشتريه لج 

أفنان : يا لبى قلبج 

ساره تتحرش بالكادي : بعض الناس من يوم خزها العاشق الولهان و هي صايره هاديه ومالها حس 

الكادي : هههههههههههههههههههه شكووو استغفرالله 

أفنان : ههههههههههههههههههههه صج شسمه الكادي ؟ 

الكادي : مدري اشدراني 

جوري تغمز لها : علينا ؟ 

الكادي : هههههههههههههههههه 

الدانه : تعرفين اسمه يعني

ساره تكلم الكادي : خلصي خلصي تكلمي 


الكادي : سمعت الدكتور وهو ينادي الاسامي بآخر المحاضره قال فارس وهو كان يطالعني وقال نعم 

ساره : الله اسمه يجججنن فارس 

افنان : ماشاءالله لقطتي اسمه من اول مره ههههههه

الدانه : هههههههههههههههه هذا وهو بس خزها ما كلمها لو مكلمج كدوي شصار وشنو عرفتي بعد هههههههههههههه

الكادي : هههههههههههههههه جب انتي وياها 

جوري : انزين يعني شنو معجب ولا حبج من اول نظره ولا شسالفه ؟؟؟ 

الكادي : مدري انا اول مره اشوفه 

أفنان كنها تذكرت شي : كوكو دقيقه 

الكادي : شنو ؟ 

أفنان : لا يكون هو نفسه اللي ذاك اليوم لمن كنتي بتتعرجبين بالطابوق ( حجر ) وبغيتي اطيحين بالجامعه و قال بسم الله عليج وانحاش بسرعه انحرج

الكادي تذكرت : أمبيييييييه هوووووو نفسه 

أفنان : صصصججج 

الكادي : ايييي 

البنات ما يدرون : شسالفه ؟ متى ؟ 

الكادي : ذاك اليوم بالجامعة كنت انا وفنو طالعين نتمشى ونسولف وهو كان ورانا ما انتبهت الا لمن بغيت اطيح تعرجبت بطابوق ولا يفز ويقول بسم الله عليج ويوم لفينا بنشوفه انحاش 

الدانه : يحححليله وطلع هو نفسه 

الكادي : انا اشوف نظراته غريبه لي وكأنه يعرفني بس نسيت شكله وبسرعه مشى لمن قط هالكلمه يعني بس لمحته على صوب 

أفنان : انا شفت وجهه لأني بسرعه لفيت بشوف من هذا اللي يتكلم عاد والله مزيووون ماشاءالله 

الكادي تبتسم 

جوري : شنو ورى هالابتسامه ؟؟ ( وتغمز ) ههههههه

الكادي : ههههههههههههههههههههههه مدري عادي 

أفنان اطق اصبع لساره : سوير شفته حررره 

ساره احترت : والله بكرى لا اروح اشوفه مع الكادي 

الكادي تحط ايدها على راسها : هييي لا تفشليني شبيقول 

ساره : مالي شغل هذلي ( تأشر على الدانه وأفنان ) شافوه وانا ما شفته 

جوري : ترا حتى انا ما شفته 

الكادي : ههههههههههههههه ياربي بلشه 

أفنان : إنزين عرف اسمج ؟؟ 

الكادي : مدري أتوقع اي وهم أتوقع لا 

جوري انجلطت : وااااي كل ما سألناها عنه قالت مدري ومدري 

الكادي : وانا صاجه والله مدري 


.............................

بعد أســبـــووووووع 

بالجامعه البنات قاعدين بالكافيترية 

أفنان : كوكو اشفيج احس وجهج ذبلان ؟ 

الكادي : تعبانه والله 

جوري : اسمله عليج اشفيج ؟؟ 

الكادي : صاير فيني ارق مو طبيعي صارلي ٣ أيام ما انام زين 

أفنان : ليش ما غبتي ؟؟ 

الكادي : دكاترتي عله يحاسبون على الغياب بشكل مو طبيعي 

الدانه : انزين رحتي الطبيب ؟ 

الكادي : لا مابي ( وقفت ) يلا عن اذنكم بروح لمحاضرتي 

ساره : تبيني اروح معاج ؟؟ 

افنان : اي سووير روحي معاها 

الدانه : لا لا انا بوديها انا وياها بنفس المبنى محاضرتنا 

الكادي تبتسم : اشدعوى مافيني شي بنات اقدر اروح بروحي 

الدانه : انا فيج وبلياج بروح ألحين فأمشي معاي نروح مع بعض 

جوري : اي صح كوكو روحي معاها 

الكادي استسلمت : يلا الشكوى لله امشي 

الدانه تبتسم : يلا بنات مع السلامه 

البنات : مع السلامه 

............................

عند قاعة الكادي 

الكادي : خلاص دودي روحي لقاعتج 

الدانه : لا لا لازم أدخلج القاعه وأقعدج بالمكان اللي بتقعدين فيه 

الكادي : واااي مافيني شي خلاص روحي لمحاضرتج

الدانه شافت فارس اللي قاعد بالقاعه بالمدرج الثاني ويطالع ف الكادي بس حس انها تعبانه من وجهها واول مره الدانه توصلها لي مكانها 

الدانه تتغشمر و تساسر الكادي : ودي اروح لفارس اقوله دير بالك عليها تراها تعبانه 

الكادي تبتسم : اقول توكلي بس 

الدانه : هههههههههههههههههه يلا اخليج 

...............................

عند البنات بالكافيترية 

ساره : يا الله صباح خير 

جوري : اشفيج ؟؟ 

ساره : هذي من صباح الله خير كيلو طحين على وجهها 

أفنان : اشعليج بالناس سوير بالطقاق 

جوري : اي والله 

ساره : كيفي يا اخي شورانا يخي خل نتظمش

أفنان : بس تمشين وتتطنزين على الناس 

جوري : المشكله فضيحه تتكلم بصوت عالي 

أفنان : اذا لفت عليج وحده وشرشحتج مالنا شغل احنا 

جوري : اي ترا بننحاش ونخليج 

ساره : نذلات 

جوري : والله محد قالج تكلمي وتطمشي على الرايح والجاي 

الدانه : السلام 

البنات : عليكم السلام 

أفنان : شنو ما عندج محاضره ؟؟ 

الدانه : امبلى بس الدكتور معتذر 

جوري : والكادي وين ؟؟ 

الدانه : بمحاضرتها 

ساره : يا حياتي كدوي مبين على وجهها التعب 

البنات : ايي حيييل 

..............................

الكادي خلصت محاضرتها واقعدت بكرسيها ما طلعت حست بدوخه الكل طلع الا فارس نطر الكل يطلع عشان يشوف اشفيها الكادي ما طلعت 

فارس قرب منها وقال : الكادي فيج شي ؟ تعبتي اكثر ؟ 

الكادي قامت اتشيل اغراضها ووقفت 

فارس : اقعدي الكادي انتي تعبانه 

الكادي اطالع بالارض : لو سمحت وخر بطلع 

فارس : انزين انا بطلع بس اتصلي على وحده من رفيجاتج تجيج لأن مبين حييل تعبانه وما تقدرين حتى تمشين 

الكادي جت بتمشي 

فارس : يا الكادي اسمعي الكلام 

الكادي وبلمحت بصر أغمى عليها و طاحت 

فارس : الكاااادددي الكااااادي 

الكادي ما ترد لأنها فاقده الوعي 

فارس يكلم نفسه : ياربي شسوي منو اعلم 

فارس اختبص ما يدري شيسوي قام وشلها وقعد يركض للعياده اللي بنفس المبنى 

......................

بالكافيترية عند البنات 

أفنان راحت تشتري ماي وجت : ما جت كوكو ؟ 

جوري : لا 

الدانه : صارلها ربع مخلصه محاضرتها انا قلبي ناغزني بتصل عليها 

........................

فارس حطها عند الممرضه اللي بالعياده وراح يجيب اغراضها من القاعه 
وهو جاي توه الدانه تتصل 
فارس شاف الرقم ورد 

الدانه : ألو كدوي وينج ؟ 

فارس : الكادي أغمى عليها وهي ألحين ......

الدانه قاطعته متخرعه : شنوووووو ؟؟؟ مغمى عليها وينها ألحين ؟؟ صحت ولالا ؟؟؟ 

البنات تخرعوا : اشفيها اشفيها 

فارس : هي ألحين بالعياده تعالوا لها 

وسكره 

.......................

جوري : اشفيها الكادي ؟ 

الدانه قامت : مغمى عليها وألحين هي بالعياده

البنات كلهم قاموا وراحو للعياده 

فارس كان داخل عند الكادي 

الكادي بطلت عيونها وشافت فارس قدامها 
فارس يكلم الممرضه : اشفيها دكتوره ؟ 

الممرضه : انت اخوها ولا زوجها ؟؟ 

فارس تلعثم : أأ زوجها 

الممرضه : هي فيها إرهاق ولازم تسوي تحاليل من المستشفى واحتمال كبير إن ممكن يكون لها تنويم بالمستشفى لأن صحتها حييل تعبانه ويبي لها عنايه 

فارس : ان شاءالله دكتوره 

الممرضه : هذي ورقة التحويل 

فارس : شكراً 

دشوا البنات عليها وهم متخرعين 

الدانه : سلامات حبي كدوي 

جوري تكلم الممرضه : شنو فيها دكتوره ؟؟ 

الممرضه : انا بلغت زوجها باللي فيها 

جوري تنحت عند كلمة زوجها : هاااا ؟؟ 

فارس يغمز لها يعني سكتي 

جوري اسكتت ومشت السالفه 

بنتن لبوها ©؛°¨غرامي متألق ¨°؛©

ههههههههههه احم كح كح

حلوووو البااارت تسلممين بس واااااااااااااااااي ماخليتيه تركي

عادي حتى فارس حلووو

انتظظرك ي اشطه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1