غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-11-2014, 03:32 PM
سرااب أنثى سرااب أنثى غير متصل
©؛°¨غرامي مشارك¨°؛©
 
الافتراضي رواية خنقت قلبي يادكتور


"خنقــت قـــلبـٓي يادكتـــور " روايه سعووديه للكـــِـاتـــبـــهـــ حيـــااتـــي ســــرااب

جـيــت لكم أضع بـيــن ايــديـــكـــم زهـــرتـــي الاولــــى "" خـنــــقـــت قـلــبــي يادكــتـــــور ""


وكـــــلـــي امـــل ان انجـح بطـرحها وتحــوز على مقــامـكــــم

روايتي هي شخصيتي !! أردتها ان تكـون بسييطهـ وخـاليـــهــ من اي تكـــلـــف او تصنع !!


كتبتها باسلوبـي البسييط ومن فكري الخاص والمختلف !!

هي موااقف حقييقيه قداكون تعرضت لها او عايشت احداثها او سمعت بها !!


مع خليــــــــط من ماصنعه احسااس خاطري وبوح قلمـي

هنا يجتمع الخير والشر !!


هنا يكمن الكرهـ البغيـض والحســد الدفيـــن والحبـــ الراقـــي


هنا تكمن المحبــــهــ والتضحيـــــه باسمى معــــانيــــها .....قديضحي احدهم بنفسه ليفتدى آخـــــر وقد

يضحــي بها ليفداهــــا من موقف آخـــٓر !!!

للخـــــــــيــــــانـــــــه >>حضور طااغــي وقـاسي على قلووبهم فيكف سيعالجها من تذووق مراارتها ؟

قد يخون احدهم اقرب الناس اليه !! وأحبهم لقلبه بمجرد انهـ من قلبه احبـــــها !!!!!


التســـــــــــــــــــــــامح >> نعمه وهبها الله لاهــل القلووب الساااميهـ وبسموهـ غرد بين بعض ورقاتي !!

فكييف سيسااامح من من اللهـ عليهــــم بذلـــكـ ...؟؟؟ ومن هم ؟؟!

...هـــــــم انـــــااس ذااقوا من السعادهــ حـــــلاوهـــ ومن الحـــزن مــراارهــ

ومـن الصــٓدااقهــ. سكــــر زياادهــ. ومن الصــــــــبر عبـــــــادهــ.


كـــل هذي المعااني ستقلــبــهــم بأحداث قلمــــــي ......

واخـــــــــيـــــراا

لاا تحرموني من ردودكم ومداخلاتكم فأنتم سر سعاادتـــي


" خنقت قلبي يادكتور" لـــــ حيااتـــــي ســــرااب

رجـــــــــــــاء خـــــااص >>>>لمن يود نقلها ان يذكر اسم الكاتبه والمصدر

الاجزاء مالها وقت محدد لكن ان شاء الله ماتزيد عن اسبوع.

لـكـــــــل انساان نقطة بدايه ولكل قصه حكاايه !!


ومن البداية انطلقت ....


الفصل الاول >>>>>>>الجزء الاول


تعديل سرااب أنثى; بتاريخ 09-11-2014 الساعة 04:43 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-11-2014, 03:34 PM
سرااب أنثى سرااب أنثى غير متصل
©؛°¨غرامي مشارك¨°؛©
 
الافتراضي رد: رواية خنقت قلبي يادكتور


" الجــــــــــــــــــــــــــــ الأول ــــــــــــــــــــــــــــــــــزء "

الساعه الخامسة والنصف عصرا وبالتحديد في مجمع برج الفيصلية .. كانت بطلتنا جالسة بكل شموخ .. في احد المطاعم المركونة في احدى الزوايا ... ومجلسة اخوانها الصغار .جنبها. على الكراسي الملفوفة حول الطاولة ... يرتاحوا لهم شويات ..وياكلوا لهم شي خفيف ويبلوا ريقهم ... بعد ماقضوا يوم شااق مليء بالالعاب والمغامرات ......
عمر : عيونه محمره مثل حمرة خدوده اللي تزيده حلااوه وكلها دمووع لنااا ابي هديك اللابة ماالأبتها( اللعبة مالعبتها )...
"وهــي تمسح على وجهه بحنية " طيب يا بابا انت الحين اجلس ونرتاح شوي وناكل ياقلبي وبعدين نروح نلعب مع بعض .. اتفقنا ؟؟
هز راسه "ببلاهه " تييب بث مااتنثيني يا لنااا ( ماتنسيني )..
"ابتسمت من تحت غطاها " " وهي بعدها تمسح على وجهه بالمنديل " من عيووووووني يا حبيبي
"فتح عيونه الوااسعه على كبرها " ياني بنلوح يالناا ؟!!
"ضحكت عليه بسرها " تموت في هالولد وتموت على برااءته ايييه يارووح يارروح رنا بنروووح بس قصر حسك حبيبي عييب يسمعونا الناس ..
"مسح دموعه وابتسم لها باستسلام وابتسمت من قلب له "
قام بدر ووقف على الطاولة وبعيوون مفتوحه واناا ابي سيارات التصادم يارناا لااتنسيني ؟
صرت ع لى سنونها " وبصوت مايسمعه الا هو "
بدررررر عيب حبيبي انزل واجلس على كرسيك بسرعه ولااتقول اسمي هنا عيييب يسمعونك يعني ترضى الناس اللي في الشارع يعرفوا اسم اختك ؟؟!
نزل من ع لى الطاولة بسرعه وراح لها " وحضنها بدفاشة " لاا ماارضى حبيبتي يعرف اسمها احد ولاارضى انها تزعل ابد
تفششلت رنا من تصرفه خصوصا ان الناس اللي كانوا متوزعين على الطاولات اللي حولهم كانوا منتبهين عليهم ويناظرون فيهم
لكن ماهمها الناس خلهم يناظرون " مدت يدينه وحضنت اخوها " بقووه "وفكته بحنان " بعد ماباسته على خده والحين ارجع حبيبي واجليس مكانك مؤدب عشان يحبونك الناس مثل مااحبك انا
"قاطعها وهو يرجع يوقف فوق الطاولة " انا بارجع اجلس على كرسيي وبصير مؤدب عشان يحبوني الناس مثل ماتحبني رنا هييييه >>> في هــ اللحظه جاهم الهندي اللي يوصل الطلبات جاهم ووقف عند الطاوله وعيونه على بدر "مفتووحه " بااباا ايس هدا ؟؟!!
الهين في تييييه سوى مشكل هدا وااجد كبيرر >>> وصار يحط طلباتهم على الطاولة وهو يتحلطم
رنا اللي كانت "تناظر فيه بتملل " سوووري مافيه كرر مشكله هادا مره تاني >> هز الهندي راسه بعد ماحط طلباتهم على الطاولة وراح
"ناظرت فيه بعتب " شفت كييف ؟ "رجعت ظهرها على كرسيها براحه " حتى الهندي زعل منك بدوور
رجع وجلس على كرسيه وتكتف وهو زعلااان يعني الحين مايحبني احد !
ضحكت عليه في خاطرها ووه بس فدييت قلبك لاا حبيبي كلهم يحبوونك " هزت راسها " والحين يرجع الهندي ويشوفك مؤدب ويفرح فيك
قاطعها " وانرسمت الفرحه بوجهه وبانت غمازتيه بقوه " ... دق قلبها له وفي قلبها ي لبى قلبك
صاحت فيهم اختهم الصغيره وزهرة البيت "الجوري " لناااا يلااا اتينا السنتويسته نبي ناكل !.....
عمر " والحمرة من نظرة الحقد اللي طالعه من عيونه بكل برااءة " وانااا اتيني حكتي ؟ تلا ازا مااتيتيني تلا بازلع !
"مدت يدينها لجانبيها " وضمتهم لها بحنان بما انهم الاقرب لها " وهـ ي لبى حبايب قلبي يخسسى الجوع الحين الحيين باعطيكم ولا تزعلون
فكتهم وتعدلت بجلستها " وفتحت العلب " " وصارت تطلع لكل واحد وجبته وتحطها قدامه " امممم والحين سمو بالرحمن حبايبي وقولوا بسم الله
سمو وبدو ياكلون
ناظرت في اختها جنى "اللي كانت جالسه معهم وتاكل بسكات " اممممم وش فيها الحلوه جنو ساكته ؟! لايكوون زعلانه ! " وابتسمت لها "
"جنى اللي حطت عصيرها على الطاولة بعد ماشربت منه " اممممم مافيني شي بس مااحب اسوي ازعاج لاطلعت
عفييييييي على الشطوره اللي ماتسوي ازعاج فديتها ياناس
"ابتسمت "جنى لاختها بفررح ورجعت تشرب من العصير
صرخوا عمر وبدر وجوري مع بعض اللي وقفوا اكل واحناااااا ؟؟؟!!
وبدت تطلع صجتهم من جديد
ابتسمت وهي تشوف اشكالهم البرييئه امممممم كلكم حلويين وشطورين امممممم يلااا كلوا بسرعه ووقفوا ازعاج اممممم كذا راح يروح عليكم الوقت
رفعت يدينها ببلاهه ويسكرون وانتم مـــــــــــــ.العبـ...... قاطعوها بصراخ لاااا نبي نااكل واحنا ساكتين عشان نروح نلعب
هزت راسها وهي تبتسم لهم
وما انتبهت على العيووون اللي كانت تراقبها بلهـــــــفهـــ .......
*************

في جهه ثانية وبنفس المكان

طلع من احد المقاهي الموجودهـ بعد ماقابل خويه في موعد مهم وهـو يناظر في ساعته لازم يرجع العيــــادهـ ناظر في ساعة يده يدهـ السوداء وفتح عيونه المتوسطة السود من ورا نظارته الشفافه الطبيهـ يوووه تأخرت على مرضاي
استعجل بخطواته "وطلع من البوابه بسرعه " يبي يمكن الوقت لكنـهـ رفع راسه ووووو شـــــ...ا.فهــ....ا..

********

في جهه ثانيه وبنفس المكان والزمان

كانت جالسة هي وبنات عمها المطافيق < شلتها > جالسات باحدى المقاهي وفالينها سوالف وضحك وجش بخلق الله
لمار : اللي كانت جالسة على الكرسي اللي بجنبها عطتها كوع وهي "تضحك " ريموووووه
شووفي شوووفي هذاكـ الخبل اللي ماسك الايفون بيده ومسوي نفسه يكلم !!
..."باستهبال " رفعت يدها ومطتها في الهوا قدامها " اقص يدي ان كانه صدق يكلم !
...حطت يدها على عيونها ..>>يقال لها تبي توخر حرقة الشمس عن عيونها !!؟
اممممممم ويـــــــــــــــــــن ؟؟!!
لمار : "ضربت رجلها برجلها " هيييه يالخبله شوووفيه قدامكـ ... أنتي عمياء ؟؟! " ووقفت وصارت تتلمس جبهة ريم من فوق عبايتها > يمقن فيها حراره او طقت شمس اوشي ...!!
....وخرت يدهـا عنها "بدفاشه " ووجع شيلي يدك عني عميتيني !!
وابتسمت ايــــهـ ايه ذاك الخبل شفته وش فيه ؟؟!
مسكت راسها لمار لايغمي عليها من كثر العصبية ! ووصلت معها " تبي تهفها باقرب شي تاصله يدها " "كشت عليها بيدينها وصارت تتطنز " أبد مافيه الا عافية ربي صبااح الليل ورجعت جلست مكانها ( وصارت تؤشر بيدها عليها يعني هااي )
اقول لك يالبقره ماسك الجوال ومسوي نفسه يكلم وماعنده ماعند جدتي !!
ريم "خيرا حست على نفسها وردت " وببلاهه " اوووهـ جتنا رشيد الثانيه وانتي وش عليك منه ؟؟
لمى "اللي كانت جالسه جنبها من الجهه الثانيه " " ضربت رجل ريم بقوه " هييييييه انتي لاتغتابين بنت عمنا ...!
ردت لها ريم الضربه " بضربه اقوى " وهي تفرك رجلها "بقوه وتتألم " أأأي ووجع يالحمارهـ كسرتي عظمي ياماال الكساار
لمى "تفرك رجلها بعد " اااااح ي ماال الماااح
لمار " مسكت جوالها اللي كان على الطاوله " وعلى راس ريم انتي وش بلااك اليوم ؟؟ أبد مانتيب صاحيه ي ختي اقوول خوذي هالضربه كود يرجع يتفرمت هالمخ !!
ريم "تفرك راسها من فوق عبايتها " وهي تصر على سنونها وودها تقوم وتقطع لمار من بين سنونها
ااااي يالحماره ياماال الضربه وش هالضربه !!؟
الا قولي امين عساك للضربه القاضيه اللي تقصم راسك وتفكنا منك ... !
لمار "بصراخ وخوف وفزع وهلع وكل شي " ووووجع ياازفته لاتدعين علي !
لمى "تناظر فيهم بغيض " ومتى ان شاء الله راح ينكتمون فضحونا مسكت عصيرها اللي كانت تشرب منه "وبدفاشه " اقوول ووجع اسكتن ياماال الفضيحه وقسسم ان ماسكتن بهالعصير الحين
لينا اللي كانت جالسه معهم وساكته .. كانت مسنده كوعها على الطاوله قدامها وبيدها جوالها وتناظر فيه وهي تضحك
ايوااااا شبابات كملوا كملوا الفيلم حقكم ذا
... وقسم ولااطلق فيلم ..!
استغربوا منها كلهم ....
لينا طبعها هادي ودلوع وماتحب هـالحركات >> قلبها مرهف الاحاسيس >> بالعربي اي شي يخوفها ويصيحها ...!!
وش عندها اليووم ؟؟؟!!
ريم : الي كانت جالسة مقابل لها بالظبط .. .يعني "ماتقدر تشوف وش كانت تسوي بالجوال اللي بيدها " تكتفت "وهي تناظرها بتفحص " هيييه يالخبله ووش سالفتك اليوم ؟! قوولي لاقوم عليك واقلب سلسفيل راسكـ الحين !!
لمى ولمار يناظرون فيها بشك
لينا يوم شافت كل العيون عليها عرفت انها مفضوحه مفضوحه وخرت يدها من على الطاوله "وسكرت جوالها وهي تتصنع البراءه و صارت تقلب عيونها في المكان " يالظالمات هذا ظنكم فيني ؟!
"مطت البوز من ورا نقابها " خلاص زعلت
"لمى ولمار يناظرون في بعض "كشفوها في وقت واحد
لمار بخبث "وبنفسها " هين يالينوه ان ماخليت ريموه تقطعك اليوم هالحين وتسويك شاورما .. خخخخخ "وبصوت عالي روعهم كلهم " لينوووه اعترفي مين كنتي تصورين هاا ؟؟ اعترفي ؟!
ارتااعت لينا من صوتها العالي "وطارت عيونها وخلاص انكشفت "
ضحكت ببلاهه وهي تتوعد بلمار ولمى ياحمارات كنت ابي اصور اطلق فيلم !
ريم "ببلاهه " ميـــــــــــــــن ان شاء الله انه انا
هزت لينا راسها ببراءه وهي تضحك أكيــــــد ..! وهل يخفى القمر ..!!
انهبلت ريم " شياطين الانس والجن والحيوان والنبات وكل ابوهم فوق راسها " نعم . نعم..!! لينووه عيدي ماسمعت وش قلتي .؟!
لينا "تضحك ببرود " مثل ماسمعتي ..!
انهبلت ريم وقامت تبي تاخذ الجوال منها
ريم : هااااتيـــه يالخبيثه تبين تسوين فيني مقلب هااااا! هين مردوده يالينوه
لينا : تهز راسها "ببلاهه " بلا ماااابي "وتضحك "
>>واشتغلت حرب بين البنات
ريم " تحاول تاخذه منها " هييييييه يالمخلوقه عطيني الجوال اقول لك
لينا "ماسكته بقوه بين يدينها "وميبسه راسسها وتهزه لاا مابي >> ولاهمهم الناس اللي بدت تنتبه لهم وتناظر فيهم
"وشبت الحرب بينهم "
لمار اللي كانت ضايعه بينهم دخلت معهم في الحرب وشاركت فيها >> تموووت على هالحركات
"قامت لمى اخيرا " وهي تشوف كيف ان الناس بدو ينتبهون عليهم " عضت على شفتها السفليه بحرج "
وصرخت فيهم "صرخه مكتومه " ووجع يوجعكن انتي واياها فضحتونا عند الناس وش فيكن انهبلتن انتن ؟
لمار : اللي وقفت من الحرب " تخصرت وهي تلهث وبطنازه " الحين يقالتس انتس ام العقل هـ الحين !
اقوول شاركي معنا في الحرب وانتي ساكته ... خخخخخ
ريم ولينا مستمرات في المعركه ولاهن داريات عن العالم من حولهم
ريم تلهث ووجعه لينوه اقوول هاتي الجواااال والله تعبت هااااتييه اقوول لك
لينا "ميبسه راسها وتهزه بقوه "لااااااااا
شافوهم "اثنين من الشباب وعجبتهم الهوشه " وقربوا منهم
حسام اللي كان لابس ثوب وقبعه حمرا مكتوب عليها كلام انجلش بالابيض
و "عبود " اللي كان لابس بنطلون جنز اسود وبلوزه حمرا رجاليه ونفس قبعة خويه ..
حسام بعد ماقرب منهم وقف "وبجرأة " " وعيونه معلقه على لينا " سلاااااام ياحلو تبي فزعه ؟ "غمز لها "ترانا حاضرين للطيبين
"بغى يغمى على لينا من الفزع "راحت وحضنت ريم من وراها .. وريم سحبتها وجلستها على الكرسي "وجلست على الكرسي اللي بجنبه وتكتفت وحطت رجل على رجل وصارت تهزها ببرووود ">> ماتهمها هالاشكال
لمى "ومو عاجبها الوضع ابد " خيرر نعم في شي !! يالله شوف طريقك انت واياه اشووف جازت لكم الشغله !!
"وسعت ابتسامة حسام وهو يحك راسه " اي والله جازت ... وخصوصا " وعيونه على لينا " ان الحلوو زعلاان وش فيــــ......
قاطعته لمى وهي تمسك العصير بيدها "ومعصبه " من قوة الضغطه كانت تحس انه بينفقع بيدها "
اقوول ولي بس انت واياه واقلبوا وجيهكم قبل لاتجي على روسكم وتندمون
ناظر فيه حسام وتكتف وضحك هو "وعبود اللي كان يبحلق في البنات " عليها ههههههههه
حسام : سمعت ؟ قالت تندمون قالت ههههههههههههههه وش عليه نندم ..! وبعدين "
وهو يناظر في العصير اللي بيدها " شوي شوي على هالعصير احسسه بينفقع بيـ....
أأأهـــــــــــــــــــ......ـئ ..
يا حــــــــ وش سويتي ..؟؟
عبود والبنات لفوا له وانصدموا
كــــــان العصير مغطي على ملامح وجهه وبلوزته
لمى اللي ماقدرت تتحمل كلماته " رمت في وجهه العصير "
نااظرها نظره ناريه وهو يلهث بعيون حمر ..!
هين يالمزيونه .. ان مارديت هالعصير اللي كبيتيه علي ذا بعشره هههههه
"وطلع مناديل وصار يمسح وجهه وبلوزته "وهو يتوعد فيها بس على طريقته الخاصة "
"لمى والبنات منصدمين "وش فيه ذا عيونه حمر و قاعد ي ضحك ..!! أكيد ماهوب صااحي ..
عبود "طايره عيونه " وش سويتي انتي ؟
لمى "صدت عنه بوجهها وماردت ماتحب تتكلم مع هالاشكال "
أخذ عبود مناديل وصار يفرك بلوزة خويه بقوه
حسام اي يا جثه تراك قشرت جلدي شايفني بطاطس ؟! عبود والبنات ههههههههه
"لمى معصبة " لاااا ظرييف انت واياه
عبود من بين ضحكاته فديتها اللي تضحك ياناس ...... و انصدموا .. !!
واخيرا تكلمت ببروود من تقصد ي الهرش ؟؟ .اقوول ظف خشتك انت واياه واقلبوا وجيهكم بس !
لف عليها عبود وتنح ....... عبود مو مصدق الخقة تكلمني ..!! لا ماتكلمني .... الا تكلمني واخيرا عطتني وجه و,,,,,", قطعت عليه افكاره لمار "
لمار والشياطين تناطط قدام عيونها تخصرت وصرخت بـــ عصبيه وووجع في وجهك اقووول انقلع انت واياهـ لألم عليكم خلق اللهـ
عبود وسعت ابتساامته وبانت غمازتهـ وتكتف وبانت عضلاتهـ اللي كانت باارزهـ على جسمه ...
احلى يالحلو اشووفكـ صرت شاعـــــر؟!

*******


تعديل وردة الزيزفون; بتاريخ 18-11-2014 الساعة 09:23 PM. السبب: تعديل البارت
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-11-2014, 03:35 PM
سرااب أنثى سرااب أنثى غير متصل
©؛°¨غرامي مشارك¨°؛©
 
الافتراضي رد: رواية خنقت قلبي يادكتور


*******
في جهه ثانيه
كان طالع من الشركة وهو مرهق حدهـ "اليوم اشتغل شغل كثير " نزل من سيارتهـ بعد ماعدل شماغه في مرايتها
وراح ودخل لأحد الكافيهات "وهو يتأفف."أفففف وهــذي لااازم تقابلني اليوووم؟؟ وش تبغى فيني ذي ؟؟ امممم يمكن تكون خاقهـ على عيوني ؟!!.....ضحك ضحكة طوييييله وعاااليه على افكارهــ

مسكـ ضحكتهـ وهـــو يشووف النااس اللي قاعدين على الطاولات حوالينهـ ويناظرون فيهـ باستغراب ...ابتسم ابتسامة اعتذار لهــم
عقد حواجبهـ وهــــو يشوف سيارتها وقفت قدامه ..........


*********
في جهه ثانيه وفي مكان اخر
طلعوا من بين زحمة الناس بصعوبه ! وقف شوي ولف للكعبه يناظرها "بعيون دامعه "
"مابعده فرغ الهم اللي فيه والخوف الي بداخله "
شاب مثله في مقتبل العمر .. في عمر الزهور ..في العشرينات من عمره .. لازم يفرح وينبسط بحياته وشبابه لكــــــــن هو كـــــــــــــان غير ..!
الهم اللي بداخله كان ماكله ..والخوف من المستقبل زلزل كيانه .!
خايف من المستقبل ومن بكره وش راح يصير له فيه خـــــــــــــــــايف من يومه وحاضره ومن هالخطوه المجنونه !!! اللي سواها بضغط من خوي عمره وبهجة حياته "نواف "
تنهد "وهويمسح دموعه " الله يهديك يانواف .. ياليتني ماطعتك ولاسمعت كلامك ..! هه وش كسبت من وراك الحين؟
"هز راسه " وهو بعده يكلم نفسه الظاهر انك تبي تتخلص مني للأبد ..!!
رجع يناظر في الكعبه" بسرحان " معقوول !! معقوول تنجح فكرة نواف ؟ معقوول بعد كل هالسنين يتحقق حلمه ,,؟!
ويقدر يعيش جنبها مايفصلهم الا كم مية كيلو ... بعد ماكان محروم منها الااف الاميال ؟؟!
معقوول يرجع يعيش على ارض وطنه وبين ربوع بلاده .... مثله مثل اي سعودي ..؟ بعد ماكان محروم منها 17 سنــ.................هـ ؟؟!!
هز راسه "ينفض هالافكار " لا يارائد مو معقول
"مسح دموعه بسرعه " وهو يشوفه راجع له وهو يزين باحرامه "وعاقد حواجبه " خيرر وراك واقف للحين .. مااشوفك تحركت انت وهالخشه ؟!!
ابتسم عليه وانت وش عندك اليوم اشوفك مطيور ؟
.. مط يدينه في الهوا بنعاس وسد فمه بيده وتثاوب " بكسل " يااخي وش اسوي ؟ حدي تعبان وجوعان
رائد : "اللي شال رداء احرامه من على كتفه ورجع غطاه " علامة توتره ...
مـــــــــــاشاء الله وينه اللي كان يقول " وغير صوته يحاول يقلده " ياراائد ! شد حيلك ترانا بناخذ عمرتنا اليوم .... فيني شده هاااا !!
قلنا لك خلنا نريح اليوم وناخذها بكره قلت لاا اليوم يعني اليوم ..
نواف : "اللي ماخفت عليه علامة توتر خويه وارتباكه رغم محاولاته انه يخفيها " .. ماعليه يا رائد اصبر بس شوي عشاني يارائد ... وعد مني يارائد .... اني لاقلع منك هالتوتر وهالخوف واشيله من عروقك وللابد !!
رائد : انتبه لسرحانه وضحك ...وش فيك تطالعني ؟ . فيه شي غلط لاسمح الله ..؟!
"وصار يناظر في شكله واحرامه "

... طارات عيونه وبغى يزنطه وش هالتفكير اللي عليه ذا..؟ ! وش قاعد يخبص ..!
راح له وضربه على كتفه وهو "يصر على سنونه " ي اخي وش هالرد اللي عليك وهالتفكير ...!! اقول امش قدامي بس ولايكثر امش خلنا نسعى ونحلل ونطلع ناكل ووننام ورانا بكرى يوم طويل مالي خلقك تر حدي ولهان على الاهل كلهم وخاصة جدي " قرب من اذنه وهمس " وحتى هو ولهان عليك ويبي يشوفك
رائد : "كل ملامح البسمه اختفت من على وجهه " ورجعت له الضيقة وانتفض وصد بوجهه عن نواف مايبي يشوف ملامح وجهه على الكلام اللي يبي يقوله له الحين خلاص اخذ القرار امممم وش اقول له ؟! وش ارد عليه ؟ اقول له خلاص انسى الموضوع اللي اتفقنا عليه والا ايييش ..؟؟ يارب ساعدني
.... قطع عليه افكاره "سأله بسرعه واصرار " وهو عارف بالضبط وش يفكر فيه رائد رائد وش فيك ..؟ انت ماتسمعني اقول لك يالله نمشي ليش وااقف ..؟؟
.رائد "نزل راسه وقبض على يدينه بقوه يبي يكبت الغيظ اللي بداخله والخوف والحرج اللي شتته " الله يسامحك ي نواف الله يسامحك حطيتني بموقف صعب وبعقده مااني عارف كييف اطلع منها ..!!
نــ ن نـــــ نواف اس اســمعني بقول لك كلام وارجـ ارجـــوك انك تحطه في بالك وتفهمه .... ار ارجووك انك تفهمني ...
"نزل راسه وعقد حواجبه وحاس بوزه قهر "اذا على هذيك السالفه اسمحلي انا ماراح اسمع منك كلمة واحده
"لف عليه وركز بعيونه الواسعه السودا " " وكأنه يقول " ارجوووووووووووووووك افهمني ؟؟؟ لاااا لااازم تسمعني يانواف نــ ن نــواف ي اخي طلبتك " ارتجف فكه " مـــ مــــاقدر اروح معك ...
ي ســـــــــلاااام وجــــــدي اللي من الحين قاعد يحتريك ؟! وش اقول له ؟ صدق انك قليل ذوق واصل
قاطعه "بهجوم طفيف " نواااااف كييف تبيني اروح معك وادخل على ناس مااعرفهم كييف ؟!! فششششله ي اخي ووش بيكون موقفي منهم هااا ؟؟ قل لي ؟؟ " تنهد " أ أاناا رااجع لكـــ.......سامحني يانواف
"وبزفره "وهو يغمض عيونه .".... مااااراااح اتراجع عن هالقــ....
"قاطعه "نواف "بصرخه مكتومه "ونظرة القهر طالعه من عيونه " قرب منه وهو يحط عيونه بعيون رائد "وبغيظ مكبوت "
اسسسسسسسسسسسسمع يارائد هي كلمة واحده ورد غطاها رجوووع مااارااااح ترجع يارائد انت تفهم ولا ماتفهم ..!!!
ماراح ترجع ولو على جثتي ساامع ؟ وبتجي معي وبطيب نفس منك وان صار كلام غير الكلام اللي سمعته ! فتراني مانيب رجال .... وتراني عطيتك وجه بزياده " ومن بين سنونه " والحين امش قدامي خلنا نروح ونكمل أشغالنا وننام أشوووووووف
تنهد رائد وهو يناظر فيه "بعتب " وتأفف منه بنفسه أففففففففففف من هالولد عنيييييد بشكل الله يعينني عليه بس.... الله يعينني عليك يانواف شكلي مالي فكه منك .. بس هالولد يوزن كنوز الدنيا بالنسبه له هو خويه وصديقه ورفيق عمره ,.....هو ابوه واخوه وكل عشيرته !! كيف مايكون وهو كا اهله بعد مافقد اهله اللي مايدري مين هم .....!!!!!
*******
في أرض بعيده جدا عن السعوديه هناك في كندا
زياده على هم الغربه وقرف الدراسه .. كان جالس وكتابه بيده يذاكر ومايذاكر . ! "جالس يفكر ومهموم ومتضايق "
ويــن تكوون راحت ؟؟ ويـــــــــــــــــــــــن ,,؟ معقوول اكون حطيتها في مكان ونسيتها ..؟! معقول تكون طاحت مني بمكان .؟! معقوووول يكون أحد من الشباب خذاها ..؟؟!!
"هز راسه " لا يافارس لايلعب فيك الشيطان مالقيت الا اخوياك تشك فيهم ؟؟!! وبعدين أنت حلفتهم كلهم انهم ماخذوا منك شي وهم حلفوا لك .. وش تبي بعد أكثر ..!!
"تنهد تنهيده طويله " زين انهم مازعلوا منك وتحسسوا من هالموقف البايخ ..!! وتفهموا وضعك يافارس ...
...حط القلم اللي كان بيده بين شفايفه وسرح ..."سرررررح بذاك اليوم ... قبل كم يوم "
وهو قالب الشقه فوق تحت وقاعد يدور وهو يلهث " وحده معصب " ويكلم الشباب اللي كانوا واقفين حوله ومندهشين من تصرفه وعصبيته وانقلاب حاله
.فارس : .. ماأحد منكم شاف شي خاص .؟؟ الكل : !!!!!!!!!!!!!
وائل : "بدهشه وهو فاتح عيونه على الاخير " فااااارس وش اللي قاعد يصير ؟؟!! وش تدور ؟؟!
"وهو يكمل تفتيش " مثل ماتشوف أدور شي خاص خااااص ياوائل هالشي أمانه أماانه ولاازم ألقاه
حمدي "خويهم المصري " وهو مو فاهم شي "فتح يدينه باندهاش " طب يافارس أولنا أول إنت بتدور على إيه .؟
عشان نأدر نساعدك يابني أصل اللي إنت بتعمله ده !! "ضرب يدينه في بعض " مايصحش خاالص
نواف " مسكه من كتفه ولفه له " "بقوه " فرووووووس خلاص يكفي ألغاز ورمووز ياأخي فهمنا وش السالفه ..؟!
تراك وترتنا معك
ورائد " دهشته ماكانت أقل منهم "
.. مارضى يعلمهم واكتفى بانه قال لهم انه فاقد شي خاص ولازم يلقاه وماارتاح الا لما حلفهم واحد واحد انهم ماخذوا شي وحلفوا له
قضوا الشباب ذيك الليله المشحوونه !! يدورون معه عن ضالته اللي مايدرون وشي وعلى روسهم ؟؟؟؟
مااحد منهم فاهم وش اللي قاعد يصير كل اللي يعرفونه انهم لازم يدوروا عن الضاله اللي قلبت كيان فارس .............
فااارس فاااااارس فروووووووووووووس اقول ماتبي تشرب معي قهوه ؟

********


تعديل وردة الزيزفون; بتاريخ 18-11-2014 الساعة 09:25 PM. السبب: تعديل البارت
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-11-2014, 03:38 PM
سرااب أنثى سرااب أنثى غير متصل
©؛°¨غرامي مشارك¨°؛©
 
الافتراضي رد: رواية خنقت قلبي يادكتور


... طلع من احد المقاهي الموجوده بعد ماقابل خويه في موعد مهم " وهويناظر في ساعته " لازم يرجع العياده .. ناظر في ساعة يده السوداء "وفتح عيونه المتوسطه السوداء من ورا نظارته الطبيه الشفافه " يوووه تأخرت على مرضاي استعجل بخطواته وطلع من البوابه بسرعه "يبي يمكن الوقت " لكــنه رفع راسه ووووو شـــــــ.....ــافهــ......ا
"شال النظاره من على عيونه "ورجع لبسها يبي يتأكد " أنا وش أشووف ؟ هذولي هم ؟؟ لامهم هم اقوول بلا دباشه .. الا هذولي هم هذا بدر وهذاك عمير ..
وهـــذي هــي جالسه قدامي لا ماأصدق احم خلني أروح لهم أقابلهم وأوديهم بنفسي وأخرش السواق
"ضحك على نفسه يوم خطط لهالفكره "
عارف ان رنا مستحيل تركب معه او مع اي احد .. او على الاقل ترضى تخلي واحد من اخوانها يركب .. . البنت محافظه ومن عايله محترمه وفوق كذا طبعها صععب صعععب مو اي احد يقدر يصيطر عليه .. او يثنيه
... "هز راسه ينفض هالافكار " طيب خلني اجرب حظي اليوم واروح لهم .... يمكن اليوم يفتحها الله بوجهي ويصير غيررر !!! من يدري !!!! << خذاه الوقت وهو يفكر ارووح ولا ماارووح ارو....... امممممم برووح وامري لله >> وقف شوي اممممم لاااا يافهد لاتنكد عليهم اكلهم اصصبر شوي واذا خلصوا توكل على الله ورح لهم بس كييف بترووح لهم وباي صفه ؟ وهـــــــــي اصلا "نزل راسه " وسكت شوي .... ماااتحبك ولاتوااطن خياالك
"قالها بمراره " وهو قابض على يدينه بقووه "انت السبب ياااافهد انت السبب انت اللي صنعت هالمشكله وانت اللي لااازم " تنهد بتعب " تحلهاا ..اذا ماتبيها تروح من يدك ! ... . صحى من افكااره على هزت واحد من الخدم المنتشرين في المكان بااابا اسس فيييه ؟؟؟ فتح عيونه على وسعها "وناظر فيه " هممممممم ولا شي
الهندي "بشك "ومستغرب منه باابااا انت فيه تابان ؟ فيه مسكل او اي سي ؟؟ "قاطعه وبعصبيه مصطنعه " اقوول ياابن الحلال وخر عني تراك اقلقتن <دفه على خفيف عن طريقه وراح> هز الهندي راسه وراح هو بعد لشغله وهو يتحلطم "ايس فيه ؟ هزا واهد في مزنون .....!

****
,,,,,عبود وسعت ابتسامته وبانت غمازته وتكتف وبانت عضلاته اللي كانت بارزه على جسمه
احلى يالحلو أشوفكت صرت شااعر؟!
......ولف على ريم وطاارت عيونه وانت يالحلو ووش فيك انبلع لــ..... قاطعته بهدوء وهي جالسه على كرسيها ومتكتفه وتهز رجولها بلا مبالاة ومجلسه لينا اللي كانت ترجف بالكرسي اللي جنبها "صرت على سنونها ا "قووول ورنا عرض كتوفك انت والقرد اللي جايبه معاك وقسم ورب الكون ان ماذلفت عن وجهي ان تندم ..... عبوود ا اللي خق على عيون ريم احلى يالحلو ا وهو بياكلها بعيوونه اقوول حسوون ؟؟ حساام و عيونه على لينا " رد ببلااهه " هاااا
وسعت ابتسامته و عيونه معلقة في عيونها "سمعت المثل اللي يقوول شين وقواية عين !!
ريم تنرفزت وهي بتحرقه بنظراتها خيررر ويسبني بعد !!
حسام والبنات ؟؟؟؟!!!!!
"وسعت ابتساامته اكثر "مو قادر يشيل عيونه منها مو مصدق انها معطته وجه وقاعده تناظر فيه الحين ..هـ الخفوق ".
اناا اقوول "زين المزايين مخقق الملاايين " وبحركة جرييئه منه مسك يدها
قامت ريم من مكانها مثل الاعصار وطاح كرسيها على ورا وهي تزفر بغيظ " ونفضت يدها منه بقووه "ظف يدك عني عساها الكسر باي حق تلمسني؟؟
وهو خااق على عيونها الوااسعه العسليه بحق اني حبيــتــــــ..... قااطع كلامه كف حاار على وجهه .... كــــــ.......سحبت شنطتها من على الطاوله "وطبلون راسها تفكك من كثر العصبية !".. اناا اللي اعرف كييف اخذ بحقي منكـــ....ي الح .
. قاطعها وهو يمسكها مع يدها ويرص عليها "بقوه "وعيونه حمر أنا ..؟ انااا تضربيني كف على وجههي ؟؟ وقدام خويااتكــ...بعد ؟؟ "" حست بانفاسه الحاره اللي كانت تطلع من صدره بكل حرقه وتحرق وجهها " يميين بالله ان تندمين ياللي ماادري وش اسمها نفضت يدها نفضه اقوى من الاولى " وبقرف "قلت لك تقلع عن وجههي يالقرد تراك بتندم ورفضت وهاذا جزاك اخذته
جت ب ترووح من المكان وسحبت لينا اللي كانت ميته الا شوي .معها ... اقوول قومي انتي الثانيه ... خلينا نمشي واشرت للمى ولمار .... اللي رووووسهم !!!!!!! وانتو بعد خلونا نبعد عن هالمجانين اففففف
"سبقها بسرعه وسد عليها الطريق بيدينه "وبنظرة تفحصتها وماعرفت وش معناها "وبهدوء على ويـــــــــــــــن " ؟؟ مابعد تحاسبنا ..؟؟
والله ان تندميين "وبحقد باين " يابنت اهلك " خافت ريم وارتبكت وحست ان ورا هالنظره ماراح يجيها خير لكن ماحبت تبين...
نفضت مكاان ماكان ساد عليهم بيدينها ومشت " اعلى مابخيلك اركبه يااقرد افففففف
سحبوا البنات شناطهم ورااحوا من المكان ...
..". زفر بغيض "وهو يشوفهم يختفون من قدامه "
وصار يمسح على راسه بعصبية " اااخ بس لوا مسك هذيك الخقه واقطعه بيديني بس اااااخ ....
.حسااام يضحك بروقان هيييييه يالحبييب وييين رحت ؟
وهو يناظر في خويه والله ويميين بالله لاخليها تندم بنت الكــ........" هزه وهو يضحك عليه " اقول يالحبيب تر الموضوع ماايحتااج كل هالقهر وهالعصبية ذيـــ
"قاطعه بقهر وصرااخ "اسسسسسسكت لاللعنك بدالها بلاااك ماجربت اللي انا جربته ولاااحسسسيت ولااا رااااح تحــــ "
سكت وهو يشوفه يبتسم بمكر "خييييرررررر وشش هالبسمه ؟؟!!
"شاف حسام يؤشر على الطاوله اللي كانوا جالسين عليها البنات و للحين البسمه شاقة وجهه " قرب وهو عاقد حواجبه وشاافـــــ...... ابتسم بمكر والله انك قدع ياااقدع "ضحكوا اثنينهم بمكر " وهم يضربوا ايديهم في بعض هههههههههه .... مد يده ولقطها من الطاوله وناظر في البريق اللي كان يبرق فيها بقوه " بعيون تلمع بمكر "
والله وطااحت البنيه في يدي طااحت ومااحد سمى عليها هههههههه
ابتسم له حساام بعيوون تلمع " وانا تكفى لاتخليني ابي هذيك البنيه ......." ابتسم له وهو يحط ذاك الشي بجيبه " انتاا تؤمر امر يااقدع انتاا ههههههااااي
ورجعوا يضحكوون
وقف عندهم العامل "وبشك "باااباااا وانت اييس سوي هنا ؟؟ "وهو خااايف "وسووو هزا سي فيه سييل ؟أشر على عيونه بخوف اانا فيه سووف
حسام ناظر فيه اقوول يااشيخ طير مناك ظف وجهك بس
العامل ويناظر في جيب عبود ا ااااممم بس هزاا نفر فيه سييل ؟؟ انا فييه االم سوورطه مسكه عبوود مع قميصه وخنقه وقسسم ياليابس انت ان احد بس عرف بالسالفه لادفنك هنا في مكانك انت فاااهم ؟؟العامل "مخنووق بيده " فااااااااهم فاااااهم باباااا ؟؟ فكه وعيونه تنقط شرر
ورااح عن المكاان
حساام ابتسم له وطلع 200 ريال من جيبه وحطها على الطاوله قدام العامل شااطر حبيبي وهذي لك لالانك شاااطر وتسمع الكلاام اوووكيييه ههههههههههههههههههاااااي
قرص خده قرصه نرفزته وراااح
"العامل وهو يزفر بخوف وبحقد منهم " هذا نفر فيه وااهد مزنون انا لااازم اكلم سووورطه ايييييس فيه ؟؟ هزا نفر اليوم كلوا فيه مزنون !!!

*******
بعد ماخلصت اكل هي واخوانها ... يلاا ياحلويين؟؟ من الشاطر اللي راح ينظف مكانه بعد ماخلص من الا.و....... قاموا بسرعه وكل واحد صار ينظف مكانه ويقول انااا اول انااا اول "ضحكت عليهم "
عفييييي على الشطااار
قامت ودتهم الحمام يغسلون ...طلعوا من عند المغاسل وشافوه واقف قدامهم ...."..عمر يضحك وفاتح عيونه وايدينه " امو فااد امو فااد ورااح له ركض يسلم عليه "شاله فهد بين يدينه وباسه على خده " ياقلب امو فهد انت ......
نزله وسلم على بدر " اللي مد يده وباسه على خده "وشلووون البطل اليوم ؟" بدر رفع كمه يوريه عضلاته وهو يضحك "طييب .....اممم.عمو فهد امممممممممم اليووم لعبت كثير وانبسطت ..
.."" حاس شعره الناعم الكثيف بيده " جعله دووم هالانبساط مو يوم
"رفع عينه ووطاحت عليها وشافها . ".واقفه قدامه بكل شموخ وماسكه يدين خواتها بيدينها الثنتين ...
شاف حب قلبه وحلم حياته ."...رنا "اللي بنى عليها احلامه وسعادته ومستقبله ..!! تمنى تمننننى بهـ اللحظه يكون هو مكاان خواتها ماسك يدينها وضامهن لـ قلبــهـ تمـــنــــــى يجي اليوم اللي تكون فيه ماسكة يدين اطفالها..!... اللي هم عيــالهـ ...!! " تنهد " آآااااه بس وينه هاليوم ...
أنت ويـــــن .. وأحلامـــــك ويـــــن يافهد ...!! ...". انتبه على هزت بدر له " عمو فهد فيك شي ..؟! صحى من أفكاره وناظر فيه لاا يابا مافيني شي ياحبيبي ....
رفع راسه ورجع حط عينه عليها
وبااين ماتبي تتحرك من هالمكاان قرب لها وهو يبتسم للجوري ماتبين تسلميين؟؟
جوري "رفعت عيونها لها و ناظرتها " لنااااا الوح اسلم ؟؟ ....باندفاع لااا مو لاازم تسلمين على رجال غريب ...
سمعها افااااااا انا غريييب ؟؟!! ماردت عليه ...
" جوري باندفاع وزعل " لنااااا امو فااد مو غلييب ابي بلووح اسلم .......
"فكتها بعصبيه وبنرفزه "بكيفك يالله رووحي ...اماجنى ماتحركت من مكانها لانها تستحي راحت جوري لفهد وسلم عليها "وباس خدها "مع مين جيتو يابا ؟؟ كانت بترد الجوري
لكن قاطعتها رنا بعصبيه الجوري ! انا قلت لك اخبار االبيت واسراره مااتطلع برا البيت فهمتي؟؟
هزت راسها وسكتت
لف فهد على بدر وهو يتنهد .". الدرب معك يا رنا طوييييييييييييييل "" يابا اذاخلصتوا قولوا لي ارجعكم البيت اتفقنا ؟؟ .."..بسرعه واندغاع "لاااااا مايحتاج احنا جايين مع السوااق وهو بيرجع لنااا .
"هز راسه . " ماعليه لاتخلونه يعاني ويجيكم واناا موجود وانا اصلا رااجع مايصير ترجعون بهالليوول مع السوااق بالحالكم ..
".مشت من عنده وقربت " تبي تمر وتروح من المكان وتنهي هالنقااش قبل لاتنفجر فيه " .لااااا شكرا اختي جايه معي وبناات عمي وبيرجعون معنا ....
".مسكت يد جوري " عمررررر بدرررر يلاااا تاخرنا خلونا نروووح للالعاب قبل تسكر
راح لها عمر "ومسكت يده ومشت "ومشوا معها اخوانها "بقل حيله..".... بعد مااختفوا عن وجهه "تنهد وهز راسه ."..... فتح عيونه على وسعها وهو يضرب على جبهته يارب تاخرت على الدوااام .........." تنهد وهو يناظر في السماء بحاالميه " الله يهديك يارنا لخبطتي كيااني !!!! ......

*****

انتهى البارت الاول>>>توقعاتكم؟؟!!


رنا وفهد إيبش المشكله اللي بينهم؟؟
ريم وشلتها والولدين .....لوين؟؟؟!!!

إيش قصة رائد؟؟وهل راح ينصاغ لنواف ويروح معه؟؟
فاااارس وضالته...اييش قصتها؟؟؟

والأبطال الاخرين والاحداث....خلوكم قريييب....


تعديل وردة الزيزفون; بتاريخ 18-11-2014 الساعة 09:25 PM. السبب: تعديل البارت
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-11-2014, 04:22 PM
آيـــســـل آيـــســـل غير متصل
©؛°¨غرامي ذهبي¨°؛©
 
الافتراضي رد: رواية خنقت قلبي يادكتور


。˚







واااو جنان الروايه كمليهاا












الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-11-2014, 04:35 PM
سرااب أنثى سرااب أنثى غير متصل
©؛°¨غرامي مشارك¨°؛©
 
الافتراضي رد: رواية خنقت قلبي يادكتور


اقتباس:
المشاركة الأساسية كتبها صمت و خجل مشاهدة المشاركة
واااو جنان الروايه كمليهاا
فديت كــ ي عمري ابششششري. منورهـ يالغلا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-11-2014, 08:10 PM
نهى عبد نهى عبد غير متصل
©؛°¨غرامي متألق ¨°؛©
 
الافتراضي رد: رواية خنقت قلبي يادكتور


رووووووووووووووعةة جنــــــــــــــــــــان كمليها يا حبيبتي
اعتبرينى أختا لكي في الله
أنا من غزة نهى عبد........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-11-2014, 08:23 PM
سرااب أنثى سرااب أنثى غير متصل
©؛°¨غرامي مشارك¨°؛©
 
11302798240 رد: رواية خنقت قلبي يادكتور


اقتباس:
المشاركة الأساسية كتبها نهى عبد مشاهدة المشاركة
رووووووووووووووعةة جنــــــــــــــــــــان كمليها يا حبيبتي
اعتبرينى أختا لكي في الله
أنا من غزة نهى عبد........
فديييييت قلبك ي عسسسسسل نواتي يالغلا وتشرفت في
كـ حبيبتي.....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 09-11-2014, 08:34 PM
آيـــســـل آيـــســـل غير متصل
©؛°¨غرامي ذهبي¨°؛©
 
الافتراضي رد: رواية خنقت قلبي يادكتور


。˚







اممم اتوقع رنا و فهد يقربون لبعض وبينهم مشاكل
اما عبود ما راح يخلي ريم لحالها
رائد للحين ما فهمت سالفته
مشكووره اختي و كمليهاا بلييز













الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-11-2014, 08:42 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية خنقت قلبي يادكتور


ررررررررروعة ماشاء الله كمليهاااااااااااا بلييييييييييز

الرد باقتباس
إضافة رد

رواية خنقت قلبي يادكتور

الوسوم
يادكتور , خنقت , رواية , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33909 اليوم 03:39 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM

الساعة الآن +3: 02:35 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1