غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-11-2014, 01:17 AM
آبتسآمة مآبعد المطر آبتسآمة مآبعد المطر غير متصل
©؛°¨غرامي مشارك¨°؛©
 
الافتراضي وللحب مقبرة/بقلمي


بِسم الله الرحمن الرحيم

السلام عليكم ورحمة الله وبركاته

سأكتفي بمقدمات سترسمهآ أهداب عيونكم عِندما تقرأ فصلي الأول

تذكير هام / لا تدعوا تلك الحروف تُلهيكم عن واجباتكم اليومية !


وللِحب مقبرة / بقلمي , إبتسامة مابعد المطر


يوم الأربعاء , 12 نوفمبر



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-11-2014, 01:34 AM
آبتسآمة مآبعد المطر آبتسآمة مآبعد المطر غير متصل
©؛°¨غرامي مشارك¨°؛©
 
الافتراضي رد: وللحب مقبرة


نظرات عُيونها السودا اشعلت حُرقة قلبه , إبتسامتها المُنتصرة كسرت بقايا رجُولته , يكرهآ ويكره كل تصرفاتها المُتعجرفة .. غرورها المُتسلط
..
رفع راسه بشموخ اخير وهمس : إذا قطعتي رزقي رب العالمين موجود
نفث بقايا رجولته وطلع من الشركة الي صار لها اسم مرموق من جهده وثمرت تعبه , زفر بقهر داخلي وخرج ومازالت عيونها تراقبه بسخرية
ميلت فمها بإذلال : سارا ابيك تشوفي شخص بديل عنه
رفعت ايدها الحريرية وتلمست لمعة اظافرها وابتسمت وطلعت من البوابة الكبيرة وهي تشوف ريح سيارته تحرك اطراف عباتها المُزخرفة .




...


رفع حاجبه الكثيف بإستغراب : طردتك !!
صقر بقهر : انا مقهور من الأنانية الي اهي عايشتها رغم انها تدري الشركة قامت على ايدي بس مع ذالك تكابر وتنقص من مجهودي
ابتسم بِخفة ورمش عيونه العسلية : تشوقت اشوف بنت خالتك الي قدرت تقهر قلبك بهالسهولة
...


دخلت قصرها الفوضوي ولملمت بقايا ضحكاتها الفاتنة .. دفنت جسمها الرشيق بوسط الكنبة الي بلون الرمل وسحبت صورة واضح بقايا الزجاج المُتكسر فيها
وغاصت بالحنين ..
هاذي امها معاها والمُصور كان ابوها , هاذي الصورة الوحيدة الي تبقت لها من بعد الحادثة المريعة الي صارت بقصرها
من بعد ماجا ذاك الإنسان الضخم معاه مُراهق متلثمين واقتحمو البيت
قتلو ابوها وامها واغتصبو طفولتها ,
تمردت دموعها عليها مثل كل مرة ونزلت بألم , صارت وحيدة بالقصر مع خادمات يتذمرو من افعالها ’ سرحت بعيد لين ماانقطعت افكارها بصوت الخادمة ..

: ماما فجر في واحد برآآ
رفعت راسها بعصبية : منووو !!
الخدامة بخوف : مايدري
وقفت بخطوات متوسطة متجهة نحو الباب فتحته بسرعه من شافت هوية الضيف
ابتسمت بتوتر : ايش صار معاك
علي بإبتسامة واسعه : هاذي كاميرتك مع الفلاشة حقتها
تهلل وجها وسحبتها من ايده بدون ماتراعي نظراته الي انسحرت بجمالها
فجر ماكانت جميلة الجمال الباهر , بس كان لها جاذبية انثى تلفت الإنتباه , إهتمامها بنفسها وبأنوثتها زادو الجمال المتوسط جمال !!
رفعت راسها له بدون ماتشكره ورمت عليه الظرف وسكرت الباب بسرعه
هاذي الكاميرا الي ممكن تساعدها في قضية ابوها وامها
فتحتها بخوف حتى تكشف عن مكنونها
تفرجت على الصور بدقات قلب مٌتسارعة , وخابت ظنونها وهي تشوف صورة وحدة ممكن تكشف لها هوية الإنسان الي دمر اهلها
كانت صورة المُراهق الي كان مع الشاب الضخم وواضح فيها نص وجهه و عيونه العسلية كانت ابرز شي في ملامحه المجهولة !!
....


في ضجيج الأناشيد الإسلامية , كانت ترقص بدون خجل وسط نظرات النساء عليها , ضحكاتها غامرة المكان الصغير وهي تشوف اختها إسراء بالثوب الأبيض مكتسيها الخجل ومكياجها المائل على اللون الوردي والأبيض عاطيها لمحة جمال
وقفت رقص ونادت اختها رهف وسحبتها جنبها : إلا اهل زوج إسراء شفيهم كذا يطالعوون
ميلت فمها : من جمال رقصك يالهبلة وش ذا ماتستحي شوي وتموتين علينا
دلال بإبتسامة واسعه : والله فرحانه لها اول اخت من خواتي تتزوج ولا مو بأي احد إنسان وه يهبل (رمشت عيونها بسرعه وتنهدت بهيام ) انتي شفتي صورته حظ إسراء فيه
رهف بإستخفاف : اقول ساعدينا نضيف الناس احسن لك وبعــ
قطع كلامها البنت الواقفة قدامها مباشرة وبنبرة غرور : فهد ساعة وراح يدخل وياخذها ف يستحسن تعطوو اهلكم خبر
رفعت دلال حاجبها مع نظرات رهف المستنكرة لطريقة كلامها
دلال بإستياء : نعم !!
طنشت نظراتهم وكلامهم وابتعدت عنهم بحسرة وقهر على اخوها وعلى حظه
عطت نظرات كره لإسراء وتمتمت : آآآخ يا فهد تستاهل احسن منها بس وش اقول
جلست جنب البنت الي فيها غيض اكثر منها وهمست معاها : مدري كيف كل شي صار بسرعه والله يا ابرار فهد يستاهل احلى واجمل من ذي البنت مو معقولة امك وقرارها السريع
نزلت ابرار راسها بقهر : انتي شايفة الحال يعني ايش تبين
اماني بقهر : ومرت اخوك تدري بالحالة !
ابرار بنرفزة واضحة : لا تقولي مرت اخوك ان شاء الله فترة ويقطها على اهلها , و اعطيك الخبر بنت الفقر ماتدري وعساها تنصدم بالحال وتطلب الطلاق ويجي منها احسن
ابتسمت اماني بخبث وسحبت لها عصير ترتشفه وهي توزع نظراتها على إسراء لين ما دق جوال ابرار ب " طلال"
ردت عليه بسرعة : طلال تراك ازعجتني ايش صار بعد
طلال بملل : يالله عاد بلا سخافتك ابوك ماتركني بحالي .. المهم قولي لحرمة اخوك الفقر تقوم تلبس عباتها الراس هههههههههههه فهد بيجي ياخذها
ضحكت معاه وزادت من نبرة صوتها بمرور دلال الي تمشي من جنبها : اخباري عبات الراس مين يلبسها الحين هههههه

رفعت دلال راسها وتأملت عباية ابرار المطلية باللون الأزرق وبإستخفاف همست لرهف : رهوفة تهقين ذيك البنت لابسة عباية ولا سجادة
رهف بضحكة قوية : هههههههه مين تقصدي !!
غمزت دلال لأبرار مع إبتسامة إستحقار ومشت من عندها حتى تبلغ إسراء أن فهد وصل



فهد وصل
فهد وصل
فهد وصل
يالله شقد الكلمة تخوف , انها بيوم وليلة تعيش مع رجال وهي الي ماعمرها رفعت عينها بعين رجال
بدأ العرق يتصبصب بكل جسمها وعقدت حواجبها بخوف وهي تتلفت لدلال : دلال تكفين تعالي معاي انا مااعرفهم زين مااعرف إلا امه حتى اني ...
دلال بإبتسامة حنونة وطرف عيونها بدأ يدمع : شفيك يالمجنونة وين اجي معاك آآآه بس حظك سمعت ان بيتهم كبييير وفهد له اكبر جناح لأنه الكبير تتوقعي كيف غرفة نومكم (وبغمزة ) شنو لون فرش السرير
انخطف لونها ودق قلبها واكتساها اللون الأحمر من الإحراج : يا سخفيفة
دلال بضحكة : احسدك عليه من الصور وهو جنآآآآآآآآآآن
إسراء بتوتر وهي تمسك بوكيه الورد وترفع عباتها لراسها : وهذا الخوف اني ماعمري شفته إلا بالصور وانــ
قطعها صوت ام فهد الحنون وهي تمسك أيد إسراء : يالله حبيبتي زوجك ينظرك برآ
....




دقات قلبها تزيد نظراتها متشتته بالغرفة الواسعة , تسمع صوت جاي من ورى الباب , ومع كل خطوة قلبها يفز , بلعت ريقها وغمضت عيونها وهزت رجلها اليمين بقوة " ياربي سهل لي ياربي يسر ليلتي انا خايفة خايفة حيييل "
دخل عليها وعيونه بالأرض وعطره الرجالي نفذ لحاسة الشم عندها وحسسها ان المكياج بدا يسيح من العرق الي احتوى جسمها القمحي
همس : السلام عليكم
تقطعت انفاسها : و ع ل ي ك م السسلآ
حرف الميم كان مفقود وابتلعه توترها , ارتعشت كل خلية بجسمها وقت قال لها بهمس : ممكن ترفعي راسك
بلعت ريقها وهي تشم عطره النافذ بكل خلية فيها رمشت بخوف ورفعت راسها بتوتر وكانت الصدمة الأقوى المنظر الي نشف عروق دمها كـــان ...

مُقعد
مُقعد
مٌقعد


وللفصل تكملة آخرى غداً ..





تعديل آبتسآمة مآبعد المطر; بتاريخ 12-11-2014 الساعة 01:40 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 12-11-2014, 01:50 AM
دعاء فايز دعاء فايز غير متصل
©؛°¨غرامي جديد¨°؛©
 
الافتراضي رد: وللحب مقبرة


بإنتظآآرگ... :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-11-2014, 03:05 PM
آبتسآمة مآبعد المطر آبتسآمة مآبعد المطر غير متصل
©؛°¨غرامي مشارك¨°؛©
 
الافتراضي رد: وللحب مقبرة


دعاء فايز
ربما لن يمحو اسمك سريعا فهو اول تعقيب في روايتي
شكرا لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-11-2014, 06:22 PM
صورة ظل اليـَاسمين الرمزية
ظل اليـَاسمين ظل اليـَاسمين غير متصل
©؛°¨غرامي نشيط¨°؛©
 
الافتراضي رد: وللحب مقبرة


بدايه حلوه حبيبتي
استمري
بانتظار التكمله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-11-2014, 03:04 AM
آبتسآمة مآبعد المطر آبتسآمة مآبعد المطر غير متصل
©؛°¨غرامي مشارك¨°؛©
 
الافتراضي رد: وللحب مقبرة


فخر للسما ..
شاكرة روعة وجودك ، وان شاء الله اليوم تكون التكمله موجودة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-11-2014, 03:54 AM
آبتسآمة مآبعد المطر آبتسآمة مآبعد المطر غير متصل
©؛°¨غرامي مشارك¨°؛©
 
الافتراضي رد: وللحب مقبرة


هُول الصدمة جمد اطرافها , ودمعة واقفة بين هدبها تنتظر عيونها ترمش حتى تنزل ..
الي يصير غلط مو صح الي يصير حلم اكيد !!!!
امي ماتبيعني لأي رجال امي تحبني حييييل , يمكن يختبرني او يختبر صبري .. لا لا مستحيل طيب واخته والبنت الي معاها ونظراتهم واستحقارهم كله يفسر هالشي بس لـ
قطعها بصوته الحشرجي : عطتني امي خبر انك مادريتي بلي صار لي .. احب ابلغك يا اسراء أنتي زوجة مؤقته بحياتي لين يرجع لي جواز السفر واقدر اسافر اتعالج

جتها الغبنة وارتجفت شفايفها , سمحت لدموعها تنزل بكل طلاقة بعد ما تأكدت انه ( اعمى) ..
رفعت راسها وشهقت من قلبها الي تقطع على حالها .. ماقدرت تكتم هول صدمتها .. سحبت المثبتتات للتسريحة بقسوة وانساب شعرها البني على كتفها .. وقف له بكل ألم يعصر وجدانها وبهمس : لا تظن وافقت على الي تحمله بجيبك .. ولعلمك انا ادري انك مُقعد ووافقت لأني تمنيت اكسب ثواب فيك , ودام الشي صار كذا انا بطلع من حياتك من هاذي اللحظة وقبل لا تستلم جواز سفرك !!!!!!!!!!


( فهد)
رفع راسه يترقب كل كلمة تنطقها وهو يسمع صوتها الناعم بقوة , والي ثار رٌجولته .. طول عمره كان يكلم بنات ويتسلى ويعيش حياة الصداقة الغير مُبالية معاهم لين صابه حادث أخذ منه اغلى شي .. اترقب سماع صوت شهقاتها وصدمته بكلامها
كيف تدري وامي ماخبرتها ؟ من قال لها ؟ مستحييييل
وابتسم اول ماسمع كلمتها : ولعلمك انا ادري انك مٌقعد
وهمس بصوت شبه مسموع : كذابة !



...


مدت رجولها البيضاء بتعب وفصخت الخلخال الفضي وهي تتمتم : آآآآآآآآه تعب الرقص مايجي إلا وقت النوم
ابتسمت رهف بسخرية وبعثرت شعرها الأشقر : قصدك مايجي إلا مع الناس الي وراهم مدرسة آآآآآآوف
,
,
كانت تراقبهم بسرحان بسيط وبإبتسامة خفيفة , تنهدت بكسل وقالت : دلال ورهف ايش رايكم تجو عندي السبت هذا ؟

التفتو لها ..
رهف بإبتسامة واسعه : واخيراً بنت الخالة تكرمت تعزمنا على قصرها الملكي
ليال بإبتسامة مايلة : لا تستهزأي بشقتي تراها احلى من مليون قصر
دلال وهي تفصخ اكسسوار إذنها : نبي عشا فاخر مثلاً البشاميل اللذيذة الي من تحت ايدك ... تصدقين ليال احسد زوجك على الطبخ اللذيذ هههههههه
لمعت عيونها بإبتسامة ونزلت راسها اول مادق جوالها وبهمس قالت : ذكرتيه واتصل
ضغطت على الإتصال الأخضر بهدوء وهي تسمع صوته : هلا حبي انا برا إطلعي لي الحين
اكتفت بالسكوت ووقفت بإبتسامة : يالله بنات اودعكم مبروك لإسراء وعقبالكم يارب ومو تنسووو يوم السبت
رهف بإبتسامة حلوة بآن فيها لمعة اسنانها : ماننسى شي فيه وليمة (سكتت شوي وقالت ) امممم ايش رايك نقول لإسراء تجي بعد
دلال بسرعه وبغيرة إصطناعية : هاها مو من جدك ! الي يقول إسراء فاضية لنا الحين
رهف وهي تلوي شفايفها : بتفضى غصبً عنها هذا إذا مارحت اغثها بكرا من زمااااان ودي اشوف بيت ام فهد ..


...


تنهد بإنفاس حارة وهو يراقب حركة السيارات السريعه , رفع ايده السمرآ وتأمل الدبلة الي تحتضن البنصر بوضوح .. تنفس مرة ثانية بثقل بعد دخولها للسيارة وإبتسم : وين بنتك ؟
ليال وهي تسكر الباب : بتنام عند خالتي وبناتها الليلة
حرك سيارته بعد آخر كلمة قالتها وغمز لها : يعني سهرة خاصة الليلة ؟
تنفست بعمق وسندت راسها بكرسي السيارة وهمست : ممكن تخفض صوت الأغاني
خفضهم بتلقائية سريعه وإلتزم السكوت بعد مافهم سبب برودها , بلع ريقه ووقف بعد دقايق عند مبنى الشُقق
فتحت باب السيارة بسرعة وتقدمت للبوابة ويليها باب الشقة
فتحته وراسها منتكس بتعب وفصخت نقابها بتلقائية .. تنهدت ورفعت راسها وانصدمت من اللون الأحمر الطاغي على الصالة
شُموع .. شُموع وين ماتروح
ورد منثور
ومتلحف طاولة الطعام وشاح احمر وفوقه اطباق من الأكل والعصير
وجهت عيونها لكل مكان بذهول وإقشعرت بعد ماحضنها من ورى وتقرب عند أذنها وهمس : احبك
التفتت ليال بوجه متفاجأ : محمد هذا لي !!
رفع ايدها وبآس اطراف اصابعها المُلطخة بلون المناكير الأسود : حبيبتي المكان والي سوآ المكان كله لك
سحبته بسرعه لحضنها وحضنته بعمق وهو يفصخها عباتها ....
وفجأه .. كل شي توقف !!
تباعدت عنه بسرعه وعيونها متوقفة على رقبته المُلطخة بطبعة حمرآ
ثآر دمها وتصغرت عيونها من هول الصدمة وبحدة عالية : إنت رجعت لسوالفك يا محـــــــــــــــــمــــــــــــد !!
بلع ريقه وإرتبك : حياتي أنا .أ أ أ
قطعته بلعثمة ودموع واضحه : طلقني .. وهالمرة تحلم ارجع لك .. طلقني ماابيك طلقني للمرة الثالثة يا محمد وخلني اصير حرام عليك يالله طلقتي ماعدت اطيق خيانتك وريحتك !!


وإنتهت ليلة ماطرة بالعواصف بينهم ,, أخرستها الخيانة والذهول !!



................


صبآح بارد أثلج شتات الحرارة وأشعل اصوات الأمل ..
صباح هادي ومكتسي روعة الجمال من الغيوم الي حاجبة الشمس

اكتفت تتأمل بهدوء وارتشفت كُوب ساخن لسع لسانها ..
نزلته على الطاولة وتحجبت بعد دخوله الغرفة ,,
إبتسمت بثبات وهي تقدم له الصُورة : اتمنى تساعدكم بالقضية
استلمها وتأملها بدقة وهمس : آمممم اتمنى
وقفت بشموخ وطلعت من الغرفة وبداخلها نيران تآكل في بعضها من بعد إستلامها الكاميرا ,, مشت بالممر بسرحآن تام لين وقفها سقوط جوالها
انحت له ورفعت عيونها بسرعة للأيد الي سحبته قبلها : تفضلي
استلمته منه بشرود ورفعت راسه له بعد ماقال : تطالبي الحق وتظلمي اصحاب الحقوق !!
إبتسم بسخرية : يآ فجر
تباعد عنها وتباعدت هي بخطوات غير مهتمة .. وبأفكار ثانية تخص صاحب العيون العسلية الي دمر حياتها وللأبد !!

.....



الساعة الـ 5 عصراً
.
.

فتحت عيونها وفزت بسرعه تسترجع الي صار
تأملت الغرفة وهدأت شوي شوي ..
وقفت وتوجهت لدورة الميآه تغسل وجها وبقايا آثار الكحل
سمعت صوت دق باب الغرفة .. إلتفتت له وتنهدت واكملت غسيل وجها .. سحبت المنشفة وجففت وجهآ بتعب ..

رفعت راسها وشافت الخادمة قدامها : مدآآم ماما ام فهد يبي انتي
أومأت راسها بالإيجاب وانتظرت خروج الخادمة
نزلت لأم فهد بكامل حِجابها ووقفت تتأملها
ابتسمت ام فهد اول ماشافتها ووقفت : هلا ببنتي صباح النور يالغالية عسى نمتي زين
اكتفت بنظرات باردة , قرصت فيها قلب ام فهد الي قالت بتوتر : ماعليه يا بنيتي انا اصلاً جايبة لك بشارتين
الأولى ان الليلة بتكون حفلة عائلية بسيطة لك والبسي واكشخي فيها .. اهلي واهل ابو فهد يبون يشوفونك
والبشارة الثانية فهد بيستلم جوازه قريب وبيحجز له على اقرب موعد وبيتعالج لا تخافي الدكتور طمنا وقال إن العملية ناجحة مئة بالمئة ونظره بيرجع مثل قبل

بلعت ريقها وهي تسترجع ذكرى امس وهي تشوفه يكلم بنت ويضحك معاها .. ويرسم بقلبها آلاف الصدمات الي تقتل فيها وبمشاعرها .. ويخليها بدون شعور ترمي كل شي ورى ظهرها وترتمي بالسرير وتنام .. تنام وتحاول تصحى بكرا وتلقى كل شي حلم وكابوس بتصحى منه

هزت راسها لأم فهد بالقبول وبتفكيرها ألف فكرة .. مو عارفة ايش تسوي ولا لمين تتكلم .. سحبت نفسها للجناح الخاص فيها وبفهد
ولقته جالس على المقعد ويكلم
استحقرته اكثر وقفلت الباب عليها بقووة ..
اهتز جسمه من قوة الصوت وهمس : اماني شنو تبي الحين .. ترى يا بنت الناس ماعاد لي مثل سوالف قبل والله قلبي مكبووت .. ربي طلعني من الموت وانا رايح مـ
قطعته بسخرية : انا مو فاهمة توبتك الغريبة هاذي انت اصلاً من قبل الحادث وانت مو طبيعي عموماً حياتي كلها كم شهر ويرجع نظرك وترجع لنا فهد الي نعرفه
قفل الخط بوجها بدون مقدمات وغمض عيونه
مايدري كم مرة من الوقت وهو يفكر بس الي عرفه ان مؤكد مرت اكثر من ساعة وهو على هالحالة
فتح عيونه بعد تفكير طويل و قرب نفسه بالكرسي للباب بصعوبة ودقه اكثر من مرة
سمع صوت الباب ينفتح ونفحات اخترقت حاسة الشم عنده
تخيلها قدامه ورسم لشكلها الف صورة
إبتسم ببرود وبحدة : دخليني الغرفة
ميلت فهمها بإستخفاف وسحبته للغرفة ببطء متعمد وقالت بسرعه : لا امي ولا اخواني بيسكتو على الكلام الي قلته لي امس .. انا بس ماابي اخوفهم علي ولا بس يمضي اسبوع وانا طـ
قطعها بملل : انا تعبان وابي ارتاح مو لازم تعيدي علي كلام امس .. مااجبرك تجلسي معي بس ابي افهمك هاذي غرفتي من قبل لا تقتحمي انتي حياتي وملجأي الوحيد
تأملته بنظرات سريعه وتنهدت .. توجهت للشنطة الي كانت امس معاها وفيها ملابس كانت تظن انها بترتبها بالغرفة
سحبت اغراض كثير ومن بينهم فستان احمر دانتيل قصير
وتأملته ثواني وبعدها سحبت اقمصة النوم وتأملتهم ورفعت راسها بسرعه تناظر في فهد
عضت شفايفها بتوتر ورجعت اقمصة النوم بالشنطة وتنهدت براحة : احسن شي فيك انك ماتشوف
رفعت راسها وبصوت شبه عالي : لو سمحت اطلع برا بلبس
ضحك ضحكة تنرفز : تستهزأي فيني يا بنت الـ ....
بهدوء : مااستهزأ بس ابي البس وانزل .. امك قالت لي ماتجي ثمان إلا وانتي تحت
بعصبية قال : مابطلع من الغرفة ولا تخافي مااشوف شي ولو اشوف مابتأثر ولا بيهزني شكلك
تمتمت بقهر وفتحت ازرار قميصها بعشوائية وبسرعه
ورفعت راسها بتوتر وهي تتأمل فيه وبهمس : اطلع مااقدر ابدل
بهمس خافض : وليش
بلعت ريقها وسكرت ازرار القميص : احس بوجودك واحس انك تشوف !!


..............

ازدحم المكآن الواسع وزادت اصوات القهقهة والتمتمات ..
الكل كان يترقب يشوف زوجة فهد الي ماحظروا زواجها ولأنه كان عائلي جداً
إبتسمت ام فهد لدخول إسراء الي توجهت الأنظار لها
حست بالإرتباك وجلست جنب ام فهد .. ونظراتها على ابرار الي جالسة قبالها وتطالعها بإحتقار
ونظرات اماني الي تاكلها من القهر
انصدمت ماكانت تظن إن إسراء انعم بدون فوضة المكياج .. تأملت جسمها المخصر والي زاده جمال فستانها الأحمر الدانتيل ورفعت نظراتها لشعر إسراء الطويل والي يوصل لآخر خصرها ولجمال عيونها الواسعه
إبتسمت براحة لأن فهد مستحيل يشوف شكلها
.......



في مكان ثاني معزول عن ثرثرة الحريم
كانت له ثرثرة خاصة داخليه مايسمعها غيره
كان يخدش اللوحة البيضآ بأبشع الخطوط ويلوث نقاءها .. توقف عن الرسم وتمدد على السرير الأبيض وهو يهمس لنفسه : هآنت مابقى شي ويطلع .. سنين وهو مكتوم داخل غرفة مايشوف احد ولا يفكر احد يجي يزوره
حك شعر وجهه بقسوة وتأمل عقارب الساعه المتوقفة .. وتوجهت نظراته للباب الي انفتح ودخلت الممرضة بإبتسامة زائفة وبإيدها إبرة
ارتجف كل جسمه وهمس ببطء : ش ش نو تبي ؟؟
إبتسمت له بخبث : وحشتني يا انمار
سحبت ايده وغرست الإبرة بداخل واخترقت جلده بقسوة وهي تتأمل ملامحه بكل بشاعة !!


......

غمض عيونه وتقلب يمين ويسار .. النوم مجافيه .. ينتظر لحظة إستلامه للجواز ويقلع بأول رحلة ويرتاح من هذا العذاب
الظلام
الظلام
الظلام
صار كل حياته وماعاد يتحمله .. تنهد بألم وهو يتذكر اخوه انمار الي انسحب بقسوة من بيته إلى مكان معزول وبلع ريقه
آآآآآخ يا انمار يااخوي اول مايرجع لي بصري لازم اشوفك شقد كنت مقصر بحقك وظالم
بلع ريقه بعد ماسمع صوت الباب ينفتح ويسمع خطوات الكعب ترن بالبلاط
يسمع صوت الدولاب ينفتح وبعدها يتحرك الصوت للمرآية وبعدها للأدارج
وفجأة وقف الصوت ثواني فهمس : شنو صاير عندك
التفتت له ببرود : مادخلك
قام من مكانه بدون ماتنتبه له وهو يتلمس كل زاوية ويحاول يوصل لمكان الأدراج
لين مالمس جسمها وسمع صوت شهقاتها
: انت تمشي !!
ابتسم بهدوء : تقولي تدري اني مُقعد وموافقة علي
ارتبكت بخوف وهي تشوف ايده تتلمس في خصرها ,, بلعت ريقها بتوتر : شنو تسوي
سحبت ايده بسرعه والعرق بدا يتصبصب منها بعد ماحست ان ايده بتوصل لمكان بيغير الوان وجهآ
تمسك بأيدها وشد عليها : إسراء ليه وافقتي علي ؟
بلعت ريقها اكثر وبتوتر وهي تناظر بأياديهم : كنت اشفق عليك وقلت اكسب فيك اجــ
قطعها بهدوء : لا تكذبي انتي ماتدري عن شي
بلعت ريقها أكثر وتنفست بقوة : كان حالي حال أي بنت تنخطب وتفرح لها امها وتقول لها خطبك ولد ناس وتخليني اشوف صوره واسمع كلام حلو عنه .. حالي حال اي بنت بتتزوج وبتكف نفسها عن الحرام وبتكون لإنسان واحد بس .. تدري فهد المفروض انا الي اسألك ليش تزوجتني
رفع راسه وهو يهمس : اول مرة تقولي اسمي
ارتبكت وعضت على شفايفها بتوتر : جاوب على سؤالي
تنهد وهمس وهي يترك أيدها : اخليك الحين
طلع جواله من مخباته وطلع من الغرفة بصعوبة واتصل لآخر رقم كان يكلمه وردت عليه بسرعه : اووف لهدرجة مو طايق عيشتها
غمض عيونه بملل : ماكملتك حتى اسولف .. اظنك كنتي موجوده هنا اليوم
اماني بإبتسامة واسعه : اكيد مو انا صاحبة ابرار وزوجـ
قطع كلامها بهمس : اماني اوصفي لي شكل إسراء
انصدمت من سؤاله وصغرت عيونها بحقد : شنو تبي اوصف الجمال الفاتن مثلاً
همس بهدوء : لا تستهزأي واوصفي لي شكلها بسرعه
إبتسمت بسخرية : ادري ان الشكل مهم عندك عشان كذا بكون صريحة معك
فهد وهو يجلس على الكنبة بصعوبة : ياليت
تأففت بقهر وبسرعه : سودا وعـ
قطعها بسرعه اكبر : لا تألفي من عندك وقولي الصدق
قالت له بقهر يسري بعروقها : مااكذب عليك يا فهد يعني ماخذها من عائلة تحت بالحيل وش ترتجي يكون شكلها ترا صدق لونها اسود وشعرها قصير مجعد بس الليلة طبعاً حاولت كثير تنعمه ههههه مسكينة وجهآآ كله حبوب يمكن الشي الوحيد الحلو فيها آآآ تصدق مافي شي حلو

قفل من عندها كالعادة ورمى الجوال
يدري انها ماتكذب ومستحيل تكذب بشي مثل كذا . حس بغصة غريبة مافهم سببها يمكن لأنه رسم لها شكل ثاني وخاصة اليوم وهو يلمس ايدها ويحس شعور غريب يقول له هاذي حلالك هاذي المميزة بينهم لأنها حلال والباقي كلهم حرام !!

.................


وللبقية تكمله بعد ردودكم المُحفزة لي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-11-2014, 05:24 AM
صورة مرجوجة بس بطريقة راقية الرمزية
مرجوجة بس بطريقة راقية مرجوجة بس بطريقة راقية غير متصل
©؛°¨غرامي مشارك¨°؛©
 
الافتراضي رد: وللحب مقبرة


خورافي خورافي خورافي
يعني من جد غير عن باقي الروايات اللي اغلبها قصتها نفس الشي
اللي بالعاده تكون قصتها وحده تنغصب على واحد وما يكونون يحبون بعض بعدين يصيرون يحبون بعض!!
لكن انتي قصتك غير..
ننتظرك لا تطولي علينا
تحيآتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-11-2014, 02:04 AM
آبتسآمة مآبعد المطر آبتسآمة مآبعد المطر غير متصل
©؛°¨غرامي مشارك¨°؛©
 
الافتراضي رد: وللحب مقبرة


مرجوجه ،،
ردك رسم الفرحة على قلمي وان شاء الله بكرا الفصل الجديد بيكون موجود


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-11-2014, 06:18 AM
صورة مجنونه الريم الرمزية
مجنونه الريم مجنونه الريم غير متصل
©؛°¨غرامي مبدع¨°؛©
 
الافتراضي رد: وللحب مقبرة


روعه ماشاءالله روايتك لاتتاخرين
لان انتظرك هع

الرد باقتباس
إضافة رد

وللحب مقبرة/بقلمي

الوسوم
أقترب , وللحب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تعطير دورات المياه ولمدة شهر طريقة روعه وسهلة وماتاخذ وقت ولاجهد norah-1212 ديكور - أثاث - غرف نوم - مطابخ - حمامات 27 19-06-2011 01:56 AM
ثلاثة وزراء يشخصون الأخطاء الطبية وآلية التعامل معها ملكه الحساس أخبار عامة - جرائم - اثارة 10 24-09-2010 07:40 AM
الموت له هيبه وللحب هيبه 000 ! ياسر الصعب شعر - قصائد - قصايد - همس القوافي 11 17-04-2006 12:33 PM

الساعة الآن +3: 06:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1