غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 471
قديم(ـة) 06-04-2015, 07:34 PM
صورة *MEERA الرمزية
*MEERA *MEERA غير متصل
©؛°¨غرامي مجتهد¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


*











دقايق وبنزل البارت الـ 27 ,



تعديل *MEERA; بتاريخ 06-04-2015 الساعة 07:52 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 472
قديم(ـة) 06-04-2015, 07:36 PM
صورة *MEERA الرمزية
*MEERA *MEERA غير متصل
©؛°¨غرامي مجتهد¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


*











#البارت السابع والعشرين

عند منصور ..
منصور : منو انتي ؟
- وبدت تتوتر - : منصصور انا خلود .. ( تصارخ ) منصصور امك بتموووت من بين ايد ابويه .. لازم تساعدههااا !!
منصور : وانا شو يخصني !
خلود : منصور حرام عليك . . محمد مول ما رحمها !! من يوم ما خذها .. حرام تتعذب بدوو سبب ! ..
منصور - عقب تفكير - : انزين انا بخبر ابويه .. وبشوفه اذا يقدر يسوي شي ..
خلود : اوك بس حاول بأسرع وقت ..
منصور : اوك ..
.
.
.
عند العنود ..
وصلوا المستشفى ونزلت العنود .. ووراها علي ..
سارت صوب موظفة الاستقبال ..
العنود : السلام عليكم .. اممم انا حجزت موعد .. اسمي العنود راشد ..
وتمت تدور الموظفة ..
الموظفة : اي صح .. يلا الدكتوره تنتظرج .. ( واشرتلها مكان الغرفة ) ..
العنود : شكراً ..
الموظفة : الله يرقزج بأحلى ولد انشالله ..
العنود - بابتسامه - : ان شاء الله . .
ودخلت الحجرة ..
اما علي فتم يالس برع وتم يدعي ربه انه العنود تكون « حامل » !
بعد نص ساعه .. طلعت النيرس ..
النيرس : آسفه بس بعدها العنود مب حامل .. وو الحالات اللي تمر فيها سببها نقص في الفيتامينات .. وبنعطيها حبوب لازم تستمر عليهم ..
علي - بهدوء - : مب حامل !( سكت شوي ) اقدر ادخل ؟
.
.
.
الظهر ( في بيت ام نايف ) ..
ع الساعه 2 .. الكل كان متيمع في بيت ام نايف ..

ملاحظة : الشخصيات اللي بتكلم عنهم الحين ، اللي هم اخوان وخوات ام نايف ، شخصيتهم مب اساسيه ..

{ خال لمى : حارب وحرمته الهنوف وولدهم سيف عمره 3 سنوات ، خالتها : فاطمه وهي مب معرسه .. والثانيه مسافره .. اللي هي ام سلامة .. واسمها شما .. ويت سلامه ومنيره }
لمى : « لبست قميص اسود طويل واكمامه طويله .. فيه فيونكات بيضا صغييره .. وعليه لقنز اسود .. سوت لها عقص فرنسي ورسمت ايلاينر وحطت روج وردي هادي »
مرام : « لبست قميص أيده طويله ولونه عنابي وفيه خطوط بيضا ولبست عليه بنطلون عنابي .. ولفت شعرها بطريقة حلوه .. وتجحلت وحطت روج احمر وبلشر خفيف »
الهنوف « كانت لابسه دريس بسسيط ومرسوم ع الجسم .. لونه تركوازي وفيه كرستالات فضيه .. وكان مكياجها حلو وبسيط .. وشعرها كانت لافتنه »
سلامة : « كانت لابسه قميص اوف وايت اكمامه طويله .. وتنوره طويله وسودا وراسمه ايلاينر وروج خفييف .. وكانت مسويه ذيل حصان »
فاطمه : « كانت لابسه مثل الدراعه .. وكانت لافه شعرها .. ومكياجها بسيط »
باختصار كانت كل وحدة احلى من الثانيه ..
خلصوا من الغدا وعقب ساروا للميلس ..
مرام : شحالك حرروب ؟
حارب : الحمدلله .. وانتي ؟
مرام : تمام .. اخخخ والله من زمااان ما شفتك !! كببرت وطولت وو ( ابتسمت ) محلو ماشالله
حارب : ههههههه .. خلاص عقب ما نعرس لازم يعني ..
مرام : هههههههههه وماشالله حرمتك تجنن !
حارب : هيه الله يحفظها ..
مرام ( تبا تشل سيف بس كان متعلق ف ابوه ) : ماشالله علييه جمميل .. الله يرزقني ..
حارب : آمييين .. هههه
مرام : عاد انا عشقي اليهاال ..
..
لمى : سللامه ويينج قاططعتنا ؟
سلامة : ههه ترا خلاص عندي راشد شو ابابكم ..
لمى : ههههههههه ماعلييه ..!
سلامة : عظم الله اجرج حبيبتي ..
لمى ( ما حبت تفتح موضوعه ) : آمين ..
سلامة : انزيين وشخبار العنود ؟
..
فاطمه : زين يوم سويتي هالعزيمة .. هههه ردينا شرات قبل ..
ام نايف : هييه ..
فاطمه : بس ناقصنا هزاع ..
ام نايف - تضايقت - : لا تيبين سيرته !
فاطمه : لين متى انتي بتمين كارهتنه !! حرام مايستاهل
ام نايف : كيف ما يستاهل وهو السبب ف وفاة ابويه !!
فاطمه : لا مب هو السبب !! كله تحطين اللوم عليه
ام نايف : انزين خخلاص !! قلتلج ما نبا نرمس عنه ..
..
وتموا يسولفون ..
وعقب نص ساعه .. نشت لمى ووراها مرام وسلامة ..
وساروا حجرة لمى وحضروا فلم هندي ..
مرام - ودموعها اربع اربع - : ممممااات !!!! ليش يموووت
سلامة : انزين والحين حرمته شو بتتسسسوي !!
لمى : هههههه اسميكم مندمجين ع الآآآخخخخر . .
عقب نص ساعه .. خلصوا الفلم ..
انتبهت لمى ع الساعه وكانت الساعه 4 ونص !
لمى - شهقت - : الوقت بسرعه مر !!!!
وساروا وصلوا العصر وعقد طلعوا وساروا لحديقة بيتهم وتموا يسولفون ويضحكون الين اذان المغرب .. ودخلوا داخل يصلون ..
.
.
.
مرت ايام ، وأسابيع ، وشهوور ..
والوضع مثل ما هو .. :


( بعد أربع شهور )


# مرام وعبيد :
عرسهم بعد يومين .. والكل متحمس ويجهز .. مرام كانت تتواصل ويا عبيد ع الفون نفس كل مرهه .. ومافي شي يديد بينهم .. اللا انه كل يوم يزيد حبهم لبعض ..

# منيره ومايد :
عايشين حياتهم بحب واستقرار .. منيره حامل وفي الشهر الثالث .. وبدا مايد يخاف عليها اكثر واكثر .. ومدلعنها ع الاخيير ..

# ام منصور و محمد :
محمد دخل السجن من ورا ابو منصور .. ولأول مره ابو منصور يدافع عن ام منصور .. ومن غير ها محمد طلقها وفرحتها كانت ما تنوصف .. وهي الحين متحملة مسؤولية خلود .. بس اهم شي انها افتكت من محمد !

# منصور وو ( ميثا ) !
وأخيراً ! منصور ملج من بنت عمه ميثا .. وو فرحته ما تنوصف ! بس ميثا عكسه ! بنعرف السبب في باقي البارتات .. وعرسهم بعد ثلاث اسابيع ..

# العنود وعلي :
في اخر فتره تمت تاخذ ابر عشان تحمل .. بس ماشي فايده .. ومازالت مستمره ع الابر .. علي أمنيته انه يصير ابو .. وقال انه بيصبر وان شاء الله .. الله بيرزقه ..
بعد اسبوعين بيسافرون ايطاليا .. يستمتعون ويرفهون عن عمارهم ..

# سلامة وراشد ..
بعد ما رجع من اليابان ، علاقتهم تغيرت .. تغيرت للأسوأ ! راشد مازال يعصب عليها ع كل شي .. وخاصة عقب ما عرف انه حمدان كلم سلامة ! بدا ما يعطيها اهتمام نفس قبل ،، وام وأبو سلامة وأختهم فطوم .. ردوا الامارات بسلام ..

# لمى وناصر :
لمى للحين مصدقه انه ناصر هو سعيد ! وناصر للحين ما غير تصرفاته للمى .. لمى في الشهر السابع .. وتعبانه وايد من الحمل .. ناصر كان اغلب وقته برع البيت .. ولمى ما اعترضت ع هالشي .. المهم عندها انه سعيد رجع ! هالايام لمى عايفه كل حد واغلب وقتها طايحه ع السرير .. قبل كم اسبوع كان عندها موعد في المستشفى للجنين .. وقالولها انه كل شي طبيعي .. ناصر يوم عن يوم كان يكره لمى اكثر واكثر بتصرفاتها ! وفي نفس الوقت ما يقدر يخبرها الصدق ..
.
.
.
عند لمى ..
كانت في حجرتها ويالسة ع الكرسي تقرا قرآن ..
وفجأه .. سمعت صوت الباب ينفتح بقو ..
لمى : سعيد ! زين ييت في وقتك .. ابا اخبرك شي ..
ناصر : انا اللي بقوولج شششي ! ( فر ورقة الطلاق ) خلاص انا ما اقدر اكتم اكثثر عن جي !!! ههاي وررقة طلاققج من سسعييد !!
لمى - شهقت - : ولليششش تططلقنيي !!! ( سارت عنده ) لييش يا سعييد حررام علييك !!
ناصر - عطاها كف قوي - : بسسس ولا ككلمه !! عشان تتعلمين يوم انا اكلمج ما تقااطعييني !! بقولج ككل شي ومشكلتج اذا تصدقين ولا !! ( خذ نفس عميق .. وبصراخ ) انـــا مــــب ســـعـيــد !!! انا اخووه . . توأمه . . صح اني اشبهه في كل شي !! ومن صغغرنا ماكانوا يفرقون من بينا !! بس سسعيد مـــــــــات ! ( دمعت عيونه ) مممات وخلللاني برروحي ويا وححدة مثثلللج !!! خخخلاص ؟؟ ارتححتي !!!
لمى - ببرود - : سعيد مب وقت مزحك .. !
ناصر - من كثر ما هو معصب سار ودفرها ع السرير - : انا امززح هااه ؟؟؟ - ورد وقفها - انتي متى بتفهميييين خخخلاصصصصص !! اانننا تععبت من ورااج !! - ويصارخ - اكككككرههجججج ! ( سكت شوي ) وفووق هاا نحححن مب ححلال لببعضض !! ماباااج تحححضنييني ماباج تسووويلي اي شششي ! - ورد دفرها ع الشبريه - ..
طلع برع الحجرة وقفل عليها الباب ..
اما لمى ف تمت متصنمه في محلها ومب مصدقه الكلام اللي سمعته !!
لمى في داخلها ( معقووله هذذا مب سسسعيد !!! اخخ مسستحيل مستحيلل !! سعيد ما عنده توأم !! وبعديين لوو نفرض انه مب سعيد ! ككيف توصلني اوراق الطلاق وانا ما وققعععت ع ايي وررقققة !!! ووبدت تتذكر ) :
#
#
#
سعيد : حبيبتي وقعي هنيه شوي ..
لمى - مندمجه ف التيفزون - : ورقة شو ؟
سعيد ( يدور جذبه ) : امم هاي ورقة عشان .. اممم الادويه اللي انا اخذهم . . أأأ ..
لمى - ما عطته اي اهتمام ووقعت - ..
شل سعيد القلم وعلى طول سار حجرته وقفل الباب ..
سارت لمى تبا تسمعه .. سمعت صووته وهو يصييح .. صح انه كان يصيح بهدووء بس ينعرف يوم يصيح .. ..
#
#

وتمت تصيح بهدوء .. وفي نفس الوقت تحس بألم في بطنها ..
.
.
.
عند سلامة . .
سلامة : ههههههههههههههه حللفي ؟
مريم : والله العظيم .. لو تشوفين شكلها !!
سلامة : وحليلها ! كان فخاطري اشوفها وهي تنهزب . .
مريم : كل البنات تموا يضحكون عليها !! وبعدين انتي متى ناويه تداومين !!
سلامة : ماعليه خليني ارتب اموري ويستوي خير
وفجأه يدخل راشد .. وكالعاده كان معصصب ..
وهالمره غيير ! عصبيته واصله حدها . .
سار عندها ووو ..
.
.
.
عند العنود ..
العنود - صارخت - : لااااااااااااااا مـــــســـــتـــحــــيــــل
سمع علي صراخها وعلى طول سار عندها ..
وتم يدق عليها باب الحمام ..
العنود - تصيح - : ليييشش لييششش. !! انا ما ابببا
علي : خووفتينيي شووو مستوووي !
العنود - طلعت وعيونها كانت منتفخه من كثر الصياح - : ماكنت ابا هالششي يستوي .. والله مابا خخلاص ..
علي : شووو بلللاجججج ؟
العنود - ببحه - : حامل
علي : شششششششششووووو !!!!!! ( من الفرحة ) انتي حامل ؟؟ اكككيد ؟ ما تقصيين عليييه !!
العنود - تفر التست مال الحمل ع اليدار - : كيف انا ححامل ما يستوي ..
علي : ششو بعد كككيف !!! مبرووككك حبيبتيي والله فرحتلج ! وبعدين ليش تصييحيين ؟؟؟
العنود : انا ممـ..اببا ..
علي - يمسح دموعها - : ححبيبي والله .. بالعكس الشي وايد حلو ..
وعقب اصرار منه تقبلت العنود الشي ..
علي : خلاص سفرة ايطاليا بلغيها ..
العنود : لييييشش ؟؟؟ لا حرام
علي : تبين تسيرين وانتي حامل !! هه تخبلتي . .
العنود - بوزت - : حماسي راح عالفاضي ..
علي - حضنها - : انتي بس احمدي ربج انج حامل ..
.
.
.
نسير عند منصور ..
منصور : الو
ميثا : الو ..
منصور - يبتسم - : شحالج ؟
ميثا : بخير ، منصور قلتلك لا تتصل ..
منصور : افا ليش ؟
ميثا : يوم بنعرس هذيج الساعه .. اتصل .. ( وبصوت خفيف ) ها اذا عرسنا ..
منصور : شو قلتي ؟
ميثا : سلامتك ..
منصور : انزين احين انتي اذا ما تبين العرس يتم .. تراج مب مجبوره !
ميثا : امممم لا لا .. انا ماقلت جي ..
منصور : انتي ما قلتي جي بس مبين من تصرفاتج .. تراج والله مب مجبوره
ميثا : ادري اني مب مجبوره .. ( تتنهد ) مع الايام بتعرف ..
منصور : ....
ميثا : ....
منصور : ....
ميثا : ....
منصور : انزين ؟
ميثا : اممم باي بسير اخذل شاور ..
سكر عنها وهو مسستغرب منهها !
.
.
.
عند لمى ..
تمت تصيح بهدوووء ..
وكل مرة المها يزيد اكثر واكثر .. الين ما حسست بألم شدييييد وماقدرت تتحمل !
تمت تصيح بصوت مسموع وكانت تحاول تمسك صرخاتها بس ما تقدر ..
لمى : آآآآآآآآآآآآآآآه !! ما اقدددر اتحححممل ..
سمعت ام نايف صوتها وفتحت الباب .. شهقت بصوت عالي !
ام نايف : لمممى بسم الله علييج اميه شو ييااجججج ؟؟
لمى - تصارخ - : اممممايييه يعععوووورررر ماروووممم !!!!
ام نايف : لمممى بترررربي !! ( سارت عند بو نايف ) لممى بترربيي يا عبدالله !
ابو نايف : تجهزي بنسير ..
وردت للمى . .
ام نايف : يلا لبسسي عباتجج بسررعه
لمى : ماااروووووووووم ! مارووم اتحححركككك !!!
وفجأه .. يدخل ناصر ..
لمى - لبست شيلتها .. ومن حسن حظها انها كانت لابسه كندوره بإيد طويل - : ننااصصصصر الله يخليييكك ساععدننني مارووووم اتححمممل !
ناصر - استغرب من الاسم اللي زقرته .. بس ما بين .. وببرود - : انزين لبسي عباتج ..
سارت ام نايف وساعدتها عشان تلبس عباتها .. وو طلعوا
الكل كان ساكت في السياره وو ماينسمعلهم حس .. اللا لمى ..
فكانت تصارخ وتصيح في نفس الوقت .. ..
عقب ربع ساعه ، وصلوا المستشفى واستلموها الدكاتره وتموا يتريون برع .. ماعدا ناصر ف كان في طريجة بيروح
ابو نايف : ع وين ؟
ناصر - وقف - ..
ابو نايف : لمى محتاجتلك هالفترهه ! ليش تخلييها .. .. !
ناصر - صد صوبه - : لانه اللي في بطنها ماله اي علاقة فيني !
ابو نايف : انزين حتى ولو .. سعيد الله يرحمه وصاك عليها ولازم ما تخليها ..
ناصر - بصووت خفييف - : ماعرف شو اللي عايبنه فيها !
ابو نايف : قلت شي ؟
ناصر : لا بس قلت .. الله يرحمه ..
ابو نايف : آميين .. الحين يله ايلس وترياها
ناصر ( ياخذ نفس عميق ) : شوف يا عبدالله ! قبل لا اخاف عليها ولا اهتم فيها ! تراها مب حلال حقي .. هي كانت لسعييد وبس ! مب ححقي متى بتفهمووون ! ( يعلي صوته ) صصصح انه الغغالي وصصاني علييها ووهاي كانت وصيته الوحييدة !! الوحييدة هاااه ؟؟ بسس في ننفسس الوقت ما ابا اسسوي غغلط .. بروحه اللي فيني مكفيني ومب ناققص ! خلاص لمى بتعرف كل شي مع الايام وبتتعود ع فراق سعيد .. ( يتنهد ) يعني لين متى بتنكر بشخصية سعيد ! خلاص !! وبعدين قبل شوي هي زقرتني بأسمي .. يعني خلاص الحمدلله بدت تصدق ! ووان شاء الله ، الله بييسر امورها وخلاص انا .. ( بصوت شبه مسموع ) بخليها تتهنى ويا غيري ..
ابو نايف - سار ووقف عنده - : انته شششو تققول !! تبا تخللي لمى بروحها .. وتبيعها بهالسهولة !!
ناصر - يصارخ - : عييل ششششو الحححل !!!!
ام نايف - تقوم وتسير عندهم - : خخلاص نحن مب في البيت .. بعدين اتناقشوا ! الحين ادعوا حق لمى انه كل شي يتم بسلام ..
ابو نايف سار ويلس .. اما ناصر ف بكل برود طلع برع المستشفى !
بعد .. دخلوا منيره ومرام من باب الاستقبال ومشوا بخطوات سريعهه لعند حجرة لمى ..
مرام : شو اخبار لمى ؟
ام نايف : للحين ما خبرونا ايي ششي !
منيره : الله يكون في عونها !
دقايق وتطلع النيرس ..
النيرس - بابتسامه عريضه - : مبروووك بنت !
ام نايف - نزلت دمعتها - : الحمدلله الحمدلله ! اقدر اشوفها ؟
النيرس : هييه . . ( ابتسمت ) بس كالعاده الزوج هو اللي يسأل وهو اول واحد يدخل عليها ..
ام نايف - ابتسمت بحسره ودخلت - ..
ام نايف : الحمدلله ع السلامة امييه
لمى - ابتسمت - : الله يسلمج ..
ودخلوا خواتها ..
مرام : لميوووووه الحمدلله ع السلامة .. وه واخييراً استويت خاله !!
منيره : ويينها بنت اختي ؟
لمى - تأشر ع السرير - ؛
والكل سار وتيمع عندها .. وشلتها ام نايف ويلست تتفداها ..
اما لمى ف تنهدت بضيق وتساندت ع السرير. .
مرام : لميوه كيف انتي في الشهر السابع !!
لمى : ماعرف .. ( سكتت شوي ) اصلاً هم قالوا انه الجنين ما بيكون بخير .. يعني بيكون معاق .. بس الحمدلله كل شي فيها زين ..
ابو نايف : الحمدلله
ام نايف - باندماج - : سميها صبيحه ..
منيره ومرم : ههههههههههههههههههههههههههه
لمى : ههههههههههههه امايا شو صصبيحه !
ام نايف : انزين سموها علي .. شيخه
لمى : يستوي خير ..
استلمها ابو نايف ..
ام نايف : ماشاءالله تبارك الله .. شكلها تشبهج
لمى : ابوويه توها تتنفس وين تبا تشوف شكلها ..
ابو نايف : هههه فديت شيخووه ..
لمى - بوزت - : ابوويه مب حلو هالاسم
ام نايف - تطالعها بنظرات تخليها تسحب كلامها -
لمى : اممم .. سعيد .. وين ؟
.
.
.
نهاية البارت السابع والعشرين ..
توقعاتكم :
- شو بيكون جوابهم ؟
- هل ناصر بيكمل ويا لمى ، ولا بيخليها ؟
- شو بيسوي راشد في سلامة ؟
-رايكم في شخصية ناصر ؟


وبس ، آسفه ع التأخير ..
وادري انه مابيكون في تفاعل
لانه الوقت مب مناسب
بس شو اسوي ماقدر أأخر أكثر
في انتظاركم ،




تعديل *MEERA; بتاريخ 06-04-2015 الساعة 07:44 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 473
قديم(ـة) 06-04-2015, 08:33 PM
إبتهالـ إبتهالـ غير متصل
©؛°¨غرامي نشيط¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


البارت حلوه رائع يعطيك العافية








^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 474
قديم(ـة) 06-04-2015, 08:54 PM
صورة سوارا الرمزية
سوارا سوارا غير متصل
©؛°¨غرامي متألق ¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


باررررررررررت جمممممميل جدااااااااااااااا


هل ناصر بيكمل ويالمى ولا بيخليها؟
بيكمل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 475
قديم(ـة) 06-04-2015, 10:41 PM
صورة عندما يكون هناك امل الرمزية
عندما يكون هناك امل عندما يكون هناك امل غير متصل
©؛°¨غرامي فعال ¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


و الله البااااارت مهما وصفت ما اوفيه حقه الله يعطيك الف عافية
توقعاتي ...
شو بيكون جوابهم ؟
اظن انهم راح يقولون لها طلع له شغل وراح ...
هل ناصر بيكمل ويا لمي , ولا بيخليها ؟
بعد كل اللي سواه اظنه ماراح يكمل ... والله كسرت خاطري لمي المسكينة , بس ان شاء الله الله بيعوظها بالأحسن ... اما هذا الناصر ما يستاهلها ابداااا ...
شو بيسوي راشد في سلامة ؟
يمكن راح يضربها ...
رايكم في شخصية ناصر ؟
والله اظنه واحد مستبد ماينعطا ويه كلللش مغرور يفكر في نفسه وبس و قاسي ,
و مايشبه ابدا سعيد من جهة التفكير و التصرفات , والله احس ان كل المواصفات الشينة فيه ,{حاقدة الاخت بقوة هههه ههههههههههههههههههه }
اما اذا كان راح يتغير فهذا شي ثاني , يمكن بعدين نظرتي له تتغير ...

الله يعطيج الف الف الف عافية علي هذا البااااارت الأكثر من رااااائع
تحياتي لج ...
وودي ...
في انتظااااار الباااارت القادم بفارغ الصبر ...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 476
قديم(ـة) 06-04-2015, 11:17 PM
صورة ...غرور انثى... الرمزية
...غرور انثى... ...غرور انثى... غير متصل
©؛°¨غرامي متألق ¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


بااارت راااااائع
جميييل
توقعاتي

- شو بيكون جوابهم ؟
يمكن بيقولون انه يسوي شي وجذي اووو الللمهم
انه يجيب شي او مشغول وجذي
- هل ناصر بيكمل ويا لمى ، ولا بيخليها ؟
بيكمل عشان سعيد
- شو بيسوي راشد في سلامة ؟
مدري حمار لييه يسوي كذا قاهرني مررره قاهرني
-رايكم في شخصية ناصر ؟
مرررره ماعجبني حقييييير
وان ماحبها براويه اففف يقهر قال شلون حبها
اصلا شلوون سعيد وصاها لك اففف

ومرام كاسره خاطري مرررره
متولهة عالعيال وماتدري ان عبدالله عقييم
ياروووحي اكيد بتزعل خاصه هي مستانسه

وميثا ذي ممم تقهر مدري وش سالفتها الله يعين منصور
هئ لا يكووون مدري مو متاكدة

ام منصور واخيييرا افتكت من ذاك محمد فككككه احسن

وننتظرك بالبارت الجاي
لاتطولين وننتظرك تحمست


ودي/ميساء
"انت حبيبي وتدلل"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 477
قديم(ـة) 07-04-2015, 01:16 AM
صورة princess esraa الرمزية
princess esraa princess esraa غير متصل
©؛°¨غرامي متألق ¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


اهلاااااا

احممم طبععااا جميل كالعادة
شوفي انا صحيح زعلت لما مات سعيد لكن حسيت انو الروااية احلوت اكتر مش عاارفة ليه هههههههههه متفكرنيش شريرة لكن ناصر عمل جو جديد خخخخخخ
بس عجبني في حاجة وحدة وهي انو مش عايز لمى تحضنه وكدااا بس كرهته لما سابها صحيح مش حلاله لكن مش بالقسااوة دي لازم يفهما بهداااوة وعقلانية >>> يا سلاام يا ام العقلانية هههه

نيجي للتوقعااات

- شو بيكون جوابهم ؟
ممكن امو رااح يعمل حااجة
او يطرو يقولو لها الحقيقة او ممكن هي ترجع بنفسها وتقوول نااصر

- هل ناصر بيكمل ويا لمى ، ولا بيخليها ؟
والله معرفش بس ممكن ربنا يهديه ويرجع للمى وخصوصا لو عرف انو خليفه هيتجوزها و خليفه. حقير وكداا وعشان مش هيرضا على بنت اخووه تعيش مع غريب


- شو بيسوي راشد في سلامة ؟
انا حااسه انو حمداان لااعب بعقل راااشد
او لاا
بس ممكن يضربهاا كف ويحرجهاا قدام اللي معاها

-رايكم في شخصية ناصر ؟
نص نص خخخخخ

يلا قلبووو بانتظاار القاادم
ولساا اللي جااي احلى خخخ
سلاام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 478
قديم(ـة) 07-04-2015, 10:32 PM
صورة bint alain الرمزية
bint alain bint alain غير متصل
©؛°¨غرامي جديد¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


توقعاتي
- شو بيكون جوابهم ؟
انه اراح عنده شغل
- هل ناصر بيكمل ويا لمى ، ولا بيخليها ؟
ممممم احس هيه علشان اخوه وبنت اخوه
- شو بيسوي راشد في سلامة ؟
بيضربها
-رايكم في شخصية ناصر ؟
شخصيته عادية وغامضة شوي
كالعادة البارت جميل موفقة حبيبتي ان شاءالله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 479
قديم(ـة) 08-04-2015, 05:24 AM
صورة فتى السلآم الرمزية
فتى السلآم فتى السلآم غير متصل
©؛°¨غرامي فضي¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


اءيييش انا سهران يعني فصله على الاخر
الزبده بكرا بيوصلك الرد مادري وش قاعد اكتب بس بجد بعرف
بيحتاسو بس ابوها بيقول عندو مشوار لان الحين كلم نصور
بيكمل عشان مادري يمكن اذا شاف بنت اخوه
راشد بيبتعد عنها وبتصير مشاكل ومصايب وحوسه بعدها بيرد لها جي يعني وناسه بالنهايه وراح يندم على اللي سواه فيها لانه غبي بيكون لما مايفكر مع انها حتى هي غلطانه بس بنمشي لها الحال بتندم وبيغتذرو لبعض
نصور عدله شخيته واحسن شي انه مارضى بالغلط اهو الحين مبتعد عشانها مو حلاله وهاذأ يبين مدى اخلاقه الرفيعه يعني اهو الصح صدمني ابو نايف وام نايف حسيت اعقولهم صغيره مره مافكر انه اللي يسويه حرام هالبونايف يدخل بنته على اخو رجلها المتوفي هاذا عنده عقل ولا اصل مادخل براسي الموذوع فكرت بيخليها توقع عقد الزواج وكذأ بعدها بياخذها ناصر وبيقول لها الحقيقه بتتعب وبتحبه كذا فكرت
وبسسس اللي موعاجبته شخصيه ناصر يقولي الاسباب مويقول لانه صدها لانه ماحترم مشاعرها عذر اقبح من ذنب اسمع انتي وياها نصور عدل وانا عاجبتني شخصيته يعني تعجبكم غصبن عنكم انا الامير المزيون يعني اكيييد كلامي صح ولو هو خطاء بيكون صح لاني ماراح اقول الا الصح فهمتو ولا انفرنقعو عن وجهي واقلبو وجوهكم احسن لكم والي
الزبده انتي مبدعه ابداااع فاق الوصف بس اريد حماس اكثر لاني متحمس شوفي ياجواهير مادري شسمك نسيتك ماعليك اي وش كنت اقولك امممم صح من الحماس مادري وشاكتب ماحري منالنوم عاد انتي اختاري سهران لاني نسيت اقرا البارت مانسيت نسيت بس انشغلت لساعات قويره >>بقول قصيره بس هي طويله وطلعت الكلمه مادري منين مومهم الزبده <<حطيها بالفروزن لا تخترب
هههههه اي الامير المزيون ينتظرك لاتتاخرين وطبعا جهزيلي يم مقعدي الامامي فشار وشبسات وعصيييرات وكذا تعرفي امير ابي راحه تامه واي صح وفري تكيييف على الكيف ونظارات ثلاثيه الابعاد عشان اعيش جوي
واممم باقي شي اي صح وفري الكنب ناعم طبعا عشان ارتاح مو انا امير خلي كلشي راقي اوكي
ولا تخلين لمى تفترق عن ناصر ولا راح اهددك زي ذيك نسيت مين بس يعني محل النوم فقدنا نص الذاكره سلام. لالا لحظه لاتنسين الرابط يللا سلام
مع تحياتي
الامير حسين الزين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 480
قديم(ـة) 08-04-2015, 01:05 PM
صورة *MEERA الرمزية
*MEERA *MEERA غير متصل
©؛°¨غرامي مجتهد¨°؛©
 
الافتراضي رد: روايتي الأولى : موتك بإيدي وأنا أول من يحضر عزاك !


*











اقتباس:
المشاركة الأساسية كتبها حسوني المزيوني مشاهدة المشاركة
اءيييش انا سهران يعني فصله على الاخر
الزبده بكرا بيوصلك الرد مادري وش قاعد اكتب بس بجد بعرف
بيحتاسو بس ابوها بيقول عندو مشوار لان الحين كلم نصور
بيكمل عشان مادري يمكن اذا شاف بنت اخوه
راشد بيبتعد عنها وبتصير مشاكل ومصايب وحوسه بعدها بيرد لها جي يعني وناسه بالنهايه وراح يندم على اللي سواه فيها لانه غبي بيكون لما مايفكر مع انها حتى هي غلطانه بس بنمشي لها الحال بتندم وبيغتذرو لبعض
نصور عدله شخيته واحسن شي انه مارضى بالغلط اهو الحين مبتعد عشانها مو حلاله وهاذأ يبين مدى اخلاقه الرفيعه يعني اهو الصح صدمني ابو نايف وام نايف حسيت اعقولهم صغيره مره مافكر انه اللي يسويه حرام هالبونايف يدخل بنته على اخو رجلها المتوفي هاذا عنده عقل ولا اصل مادخل براسي الموذوع فكرت بيخليها توقع عقد الزواج وكذأ بعدها بياخذها ناصر وبيقول لها الحقيقه بتتعب وبتحبه كذا فكرت
وبسسس اللي موعاجبته شخصيه ناصر يقولي الاسباب مويقول لانه صدها لانه ماحترم مشاعرها عذر اقبح من ذنب اسمع انتي وياها نصور عدل وانا عاجبتني شخصيته يعني تعجبكم غصبن عنكم انا الامير المزيون يعني اكيييد كلامي صح ولو هو خطاء بيكون صح لاني ماراح اقول الا الصح فهمتو ولا انفرنقعو عن وجهي واقلبو وجوهكم احسن لكم والي
الزبده انتي مبدعه ابداااع فاق الوصف بس اريد حماس اكثر لاني متحمس شوفي ياجواهير مادري شسمك نسيتك ماعليك اي وش كنت اقولك امممم صح من الحماس مادري وشاكتب ماحري منالنوم عاد انتي اختاري سهران لاني نسيت اقرا البارت مانسيت نسيت بس انشغلت لساعات قويره >>بقول قصيره بس هي طويله وطلعت الكلمه مادري منين مومهم الزبده <<حطيها بالفروزن لا تخترب
هههههه اي الامير المزيون ينتظرك لاتتاخرين وطبعا جهزيلي يم مقعدي الامامي فشار وشبسات وعصيييرات وكذا تعرفي امير ابي راحه تامه واي صح وفري تكيييف على الكيف ونظارات ثلاثيه الابعاد عشان اعيش جوي
واممم باقي شي اي صح وفري الكنب ناعم طبعا عشان ارتاح مو انا امير خلي كلشي راقي اوكي
ولا تخلين لمى تفترق عن ناصر ولا راح اهددك زي ذيك نسيت مين بس يعني محل النوم فقدنا نص الذاكره سلام. لالا لحظه لاتنسين الرابط يللا سلام
مع تحياتي
الامير حسين الزين
احم احم ، اول شي شكراً على هالرد الجميل ..
ثاني شي ، قريت الرد كذا مره ، وللحين مافهمت ..
بس يله بنرد على اللي فهمته . . شكراً على توقعاتك ..
وو كل واحد وذوقه . . يعني منهم يحبونه ومنهم لا ..
شكراً ، اسمي ميره .. هههههه اوكي ..
انشالله برسلك الرابط .. شكراً مره ثانيهه ..


الرد باقتباس
إضافة رد

روايتي الأولى : موتك بإيدي وأنا أول من يحضر عزاك !/كاملة

الوسوم
موتك , الثانية , بإيدى , يحضر , روايتي , عساك , وأنا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : البُكاء في الحب مصداقية مشاعر ليس ذُلًّا/كاملة تَرَفّ روايات كامله - يتم نقل الرواية هنا بعد اكتمالها 169 26-01-2018 04:05 PM
روايتي الأولى : كادي إيلآيل روايات - طويلة 667 17-05-2017 02:43 PM
روايتي الأولى : أيام عشناها زمان أمل مستحيل روايات - طويلة 10 21-04-2015 12:21 PM
روايتي الأولى : زادت حكاوينا وكأني تعلقت الكاتبه العهود روايات - طويلة 9 29-03-2015 05:41 AM
~ودك تشوف الحب بـ اصدق معانيه شوف نادي الاتحاد وحب جمهوره*تغطية المونديالي ~ اميرة الروز كووره عربية 205 27-01-2015 07:55 AM

الساعة الآن +3: 08:04 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1