اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 12-12-2014, 09:40 PM
صورة hadoooy الرمزية
hadoooy hadoooy غير متصل
©؛°¨غرامي فعال ¨°؛©
 
الافتراضي رد: طيحتني بشباك عنادك/بقلمي


اقتباس:
المشاركة الأساسية كتبها la plus belle fille مشاهدة المشاركة
بارت مميز تسلم إيديك على طرحه
بإنتظارك
تسلمين حبيبتي
نورتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 12-12-2014, 09:41 PM
صورة hadoooy الرمزية
hadoooy hadoooy غير متصل
©؛°¨غرامي فعال ¨°؛©
 
الافتراضي رد: طيحتني بشباك عنادك/بقلمي


اقتباس:
المشاركة الأساسية كتبها انت حبيبي وتدلل مشاهدة المشاركة
اليارت يجنن مشكورة
]ايش راح يصير في المزرعة ؟؟؟[/b
بتصير احداث واااااااجد وبدي با احداث اكشن

وبانتظار الباقي لاتطولي علينا ❤❤❤

ودي/ميساء
"انتَـ حَ بِيبِي وٺدلَّلَّ"
تسلمين حبيبتي على توقعك اللي اسعدني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 12-12-2014, 09:53 PM
صورة hadoooy الرمزية
hadoooy hadoooy غير متصل
©؛°¨غرامي فعال ¨°؛©
 
Upload91196349b5 رد: طيحتني بشباك عنادك/بقلمي


[size="5"]اسفه على تاخيري بس كنت مضغوطه هالفتره اتمنى تتقبلون اعتذاري

البارت 4
اليوم هو موعد الروحه للمزرعه والبنات والحريم استعدوا من امس __ من الحماس اللي فيهم هع هع
### في بيت ابو بدر###
استعدوا كلهم ما بقى الا خالد وجلسوا يسولفون لمهم عن اللي حصل في الشاليه
بدر: واكل ضربه لا صارت ولا استوت
ام بدر تضحك : هههههههههه حرام عليكم مو بيده
بدر وهو متندم : اخخخ يمه جبنا لهم عشاء ويطالع سالم بقهر
سالم وهو يلعب بحواجبه : امااااا عشى لذيذ وبذات على حساب فصيل وبدير وتريك لذيذ طافك يمة
ام بدر: ههههههههه كان خليت لي بصينية
سالم : كان ودي بس كان لذيذ ماقدرت اتحمل
بدر: اقول اسكت لجيتنا لذيذ ولذيذ
ام بدر وسالم رجعوا يضحكوا: ههههههههههه
خالد نزل : انا جهزت
ام بدر : عيل توكلنا
سالم : وين ابوي؟؟!
ام بدر: هو في الشركه على المغرب بيجي المرزعة
سالم : طيب يلا
وطلعوا متوجهين لبيت ابو ملاك
@@@ في بيت ابو ملاك @@@
وصلوا كل العايلات بس باقي عايلة بو بدر
البنات جالسات سوالف وضحك على ما يتحركوا والشباب كل واحد لاهي بشي .. بعد فتره وصلت عايلة ابو بدر وريحوا شوي
ابو فيصل قام : يلا نمشي الحين
ابو تركي : يلا مشينا
فهد: بس كيف بيكون كل واحد يروح بسيارته والا كيف؟!!!
ابو ملاك : لا يعني بنروح باربع سيارات بس
ام ملاك: طيب كيف بيكون ترتيب السيارات ؟؟
ملاك وهي تناظر ابوها: يبه احنا نبي البنات مع بعض
ابو ملاك : ان شاء الله
تركي : عيل انا برتب السيارات
راكان : اطربنا يا الاخ
تركي : اقول اقعد وانت ساكت ولف على ابوه البنات مع فهد لان سيارته كبيرة وانا بيكون معي امي وخالد وعلي وابوي
وسياره ابو ملاك بيكون ابو ملاك والحريم
وسياره فيصل بيكون باقي الشباب وانت يبه وعمي ابو بدر
كلهم رضوا بالتقسيم بالاخص البنات لانهم مع بعض وانطلقوا متوجهين للمرزعة في سيارة فهد كان ازعاج لابعد درجه وفهد راسه صدع منهم وبعد ساعتين وصلوا المزرعه البنات نزلين واحين يريحين والشباب بعد ودوا الشغالات نزلين الاغراض وحطينهن في الغرفه

### س 3 الظهر
فيصل وراكان دخلوا الفله وهم معاهم الغداء فيصل وهو ينادي الشغاله : رووووووووووووز تعالي
روز : يس سير !!
راكان وهو يمد يده : هاك وديهم المطبخ وجهزي الاكل
روز: هادر -__ حاظر
راكان وفيصل دخلوا على الحريم : اح احم
ام فيصل : حيى الله من جانا حياكم
راكان : الله يحييك عمتي
فيصل: الا ليه ما ريحتوا
ام تركي : قلنا بالاول نتغداء وبعدين نريح مره وحده
راكان : ايه اوكي
ام ملاك : الا جبتوا الغداء ؟؟!
فيصل : ايه والغدامة قاعده تجهزه
ام بدر: تسلمون والله
فيصل وراكان : الله يسلمك يلا احنا بنروح نشوف الشباب ولما يجهز الاكل قولوا لنا
الحريم : الله معاكم
طلع راكان وفيصل رايحين الملحق الا راكان يسال فيصل وهو مستغرب : ما لاحظت ان الفله هدوء!!.؟
فيصل : هههههه ياغبي الشياطين مريحين شوي
راكان زاد استغرابه : اعوذ بالله وشو شياطين ؟؟
فيصل : يا اهبل ما تعرف شنو شياطين ؟؟ههههه
راكان وهو يضرب فيصل على كتفة : شنو قالوا لك عني ؟؟
فيصل يضحك:هههههههه يافهيم اللي اقصده انه البنات هم الشياطين وهم الحين مريحات شوي فهمت
راكان يضحك :هههههههههههههههههه والله انك تحفه فتح راكان الباب شافوا اشكال الشباب تفرط من الضحك اللي منسدح على بطنة واللي راسه عند رجول الثاني واللي نايم على الثاني ما كان فيه احد صاحي الا فهد قاعد يلعب بالجوال
فيصل ميت من الضحك:ههههههههههه بالله عليك شوف اشكالهم
راكان : هههههههههههههههههه يا حليلهم كذا التعب مسوي فيهم
فهد يسكتهم : اشششششششششش خلوهم ينامون حرام عليكم
فيصل يناظر راكان: اقول انقلع قال ينامون قال ركووني عندي خطة بسويها بس ابيك معي انت وذاك الدلخ
راكان : قداااااااااااااااااام

$$$ عند البنات $$$
سارة : بنو ايش رايك نعزم ندى على الحفله ؟؟
البندري : فكرة حلوه عاد بتجي ؟!
سارة : نقول لها ونشوف
البندري: طيب
ريم تحط راسها على رجول ريناد : هااااااااااي صبااااايا
البنات : هاااااياااااات
ريم : اااااااااه يا حلات الماي
ريناد : ههههههه اقول سكتي
دانة : يلاننزل نهبل في الحريم ؟؟
ملاك وهي تتمغط تبي تنام : مالي خلق ابي انام من امس مانمت
دانة تضرب كتفها : شنو تنامين مستحيل يا مامه
ملاك : حراام عليك والله تعبان
ريم وكسرت خاطرها ملاك: حرام شوفي عيونها كيف حمراء
دانة : اوف كسرتي خاطري وقاموا البنات نزلوا تحت الا ريم وملاك ناموا

نرجع للشباب....
راكان : وربي الفكره تطير العقل
فيصل يمسك قميصه وينفخ فيه: اعجبك
راكان يضربه بخفه : اقول ماخذ بنفسك مقلب
فهد وعجبتة الفكره : بس خلاص انت وهو ويلا ننفذ الفكره
فيصل : يلا بس انت اشبك جوالك على التي في وطول عليه الصوت
فهد : اوكيييييييييه
فيصل يناظر راكان : وانت جهز الكاميرا عشان التصوير
راكان : اوكية
فيصل : بالاول خلوني اتطمتن اذا الحبايب موجودين __ يقصد الرجال
فهد وراكان : طيب
فيصل وهو راجع : حبايبي المكان امان سوو اللي تبوه وعد 1 2 3 شغل فهد رفع الصوت بالاول وبعدين ضغط على ستارت عشان الموسيقة تشتغل : ترررررررررررررررن تررررررررررررررررن تررررررررررررررررررررن __ صوت جرس انذار حريق
الشباب قاموا مفجوعين من الصوت
فيصل يصرخ: حررررررررررررريق قوموا بسرعه
الشباب بس سمعوا اللي قاله بسرعه قاموا سالم يدور جواله : جوالي وين
راكان : الحين انت اطلع بسرعه قاعد يدور الجوال صدق غبي
خالد يبي يقوم وكل ما يقوم يطيح : يوووووووووه رجولي مو شايلتني من الخوف
فهد بس يطالعهم ويضحك :ههههههههههههههههههههه
علي قام ومسك ايد بدر: قووووم انفذ بجلدك اخاف اختي ترمل وتها شباب
بدر: فاضي لك انت وشكلك وقام يركض لبرا
فيصل وراكان وفهد يضحكوا: هههههههههههههههههههههه وربي انكم تحفه
تركي : اقول ضحكتوا بلا ضروس انجنيتوا انتوا
سالم : شكلهم تاثير الحريق
فيصل : هههههههههه اه يا بطني ههههههههههه
راكان : فهيدان قول لهم السالفه
فهد بكذب : هههههه اوكي اقول لكم استريحوا مافيه حريق
خالد : اوف الحمدلله والله رجولي تيبست مو قادر اوقف من الخوف
فيصل يضحك بقوه : ههههههههههههههههههههههههههههههههههههههههه ياحراااااااااام
راكان : خلوني اكمل لكم السالفه ... السالفه وما فيها انه احنا كنا نسمع موسيقى ومرت هالنغمة وانتوا قمتوا وسويتوا سالفه
الشباب ارتاحوا انه مافيه حريق
علي شك فيهم : وربي انكم مسويينها عمدا
فيصل :ههههههههههه وانت الصادق راكان ضربه بخفة وهمس له : فضحتنا يا اهبل
خالد: انا اعلمكم وراح فوق فهد وقعد يبكس فيه
والشباب هجموا على فيصل وراكان وبعد فترة مصارعه دخلوا الرجال
ابو تركي : ياولد ايش هذا الفوضة ؟؟
الشباب اعتدلوا : هاااه ولا شي بس كنا نتسلى شوي
ابو فيصل : الله يهداكم كذا واحد يتسلى
فيصل يناظر الشباب : ايه ما لقينا الا كذا
ابو ملاك: الله يهداكم وقعدوا يسولفون عن الشركة والشباب قاعدين وزهقوا من سوالفهم

عند الحريم..... س 4 ونص
خلصين تجهيز الاكل ام تركي : ريناد تعالي حطي الاكل على الطاوله
ريناد بكسل : طيب جايه ولفت على البنات اقول قوموا معي مو بس انا اللي باكل
دانة : يلا امشي انا وانتي
حطين الاكل وساره راحت تنادي الرجال والشباب عشان يتغدون
خلصوا الغداء ومر الوقت بسرعه وماكان فيه شيء جديد

......... اليوم الثاني .....س 3 الظهر
ملاك : بنات مين عزمتوا ؟؟!
سارة: انا وبنو عزمنا ندى وتاله
دانة : وانا عزمت كم وحده
ريناد : انا بعد
ريم : انا عزمت جوري
ملاك : عيل اوكيه بس باقي نجهز للحفله
البندري : اوكيه امشوا نقعد مع الحريم ونتفق على التجهيز كامل
البنات : اوكيه قداااااااااااااام

..... عند الشباب .....
فيصل وفهد وراكان قاعدين في الزاوية ويطالعون الفيديو
فيصل: هههههههه بالله شوف شكلهم كيف
راكان : خلنا نرسل لهم نشوف ردت فعلهم
فهد : والله فكره انا برسله لتركي ...
تركي كان يسولف مع سالم : من زمان ما رحت النادي
سالم : ايه والله حتى انا
تركي : ايش رايك نسجل اول ما نرجع من المزرعه
سالم: اوكية
بدر: انا بعد بسجل معكم وفهيدان يبي بس بقول له بعدين
تركي : طيب وسمع صوت تلفونه وفتحة وفتح الفيديو وقعد يشوف وهو مبقق عيونه :وربي لا ارويهم ان ارسلوه لاحد
بدر: شنو ؟؟ ومنو اللي تراويهم؟؟
تركي يناظر فيصل وفهد وراكان اللي يضحكوا : الثلاثي المرح
سالم : ليه شنو سوو؟؟!!
تركي عطاهم الجوال وشافوا الفيديوا وراحو عندهم : احق من ارسلتوه
فهد ببرائه: بس حق القروب
تركي وبدر وسالم : نععععععععم وانفضحنا ياشباب
وقعدوا يبكسون بعض وفيصل وراكان وفهد يضحكون : ههههههههههههههههههههههههههههههههههههه بس خلاص توبه ما نعيدها ههههههههههه
بدر: كذااااااااابين كذبوا على غيري

.... عند الرجال ....
كانوا يتفرجون على المزرعه ويشون كيف بيرمموها من جديد
ابو تركي : يا الله يحتاج لها كثير
ابو ملاك: ايه هالفتره التهيت مع الشغل ونسيتها
ابو فيصل : خلاص بس نرجع راح اجيب العمال يعدلونها
ابو بدر : حتى انا

... عند الحريم ....
ام تركي : كل شي جاهز
ريناد : اجل اجل سوف نحتفل
دانة : ههههههه من متى ونحن نتحدث هكذا ؟؟
ريناد : من الان
ساره: اقول سكتي انتي وهي
البندري : خلاص يعني بكره الحفله
الحريم بصوت واحد : ايه
البنات ضحكين عليهن وراحين يجهزين حق بكره

.... اليوم الثاني ... س11
نزلت ريم وهي تصرخ ودخلت المطبخ تبي تفطر : انا جوعاااااااااااااانه .. ابي اكل
فهد سمع صوتها ورجع يضحك:هههههههه مين هالهبلا اللي تصرخ
دخلت المطبخ : ثلاجه انا قادمه لكي وفتحت الثلاجه طلعت الجبن واخذت التوست وتبي تقعد على الطاوله الا تشوف فهد طالع حست بحراره في جسمها وتقول بينها وبين نفسها ياربي اكيد سمعني وشافني
فهد وهو لاف وجهه: السموحه منك بس انتي دخلتي وما خليتي لي مجال اطلع
ريم تبي تنشق الارض وتبلعها : آآآآ آآآ حصل خير
فهد طلع من المطبخ وراح عند الشباب وهي كملت اكلها بعدين راحت كلمت جوري عشان تاكد عليها تجي اليوم الحفله

ريم : الووو
جوري: هلا والله
ريم: كيفك ؟؟
جوري : بخير وانتي؟
ريم : انا عالي العال ايه بتجي اليوم اكيد
جوري : ايه حبيبتي بجي
وقعدة تسولف معها وبعدين طلعت تجهز للحفله

.... على الساعه 6 المغرب
البنات خلصوا ميك اب بس باقي يلبسون ملاك راحت عند امها
ملاك: يمه قلتي للشباب يطلعون ؟؟
ام ملاك: ايه حبيبتي وطلعوا من زمان بعد
ملاك : الحمدلله عيل اخليك الحين اروح اكمل لبس
ام ملاك: الله معك
ملاك راحت عند البنات : يلا مابقى شي ويجون
ريم : اوكيه انا جاهزه بس باقي البس الفستان
ملاك: رويم حبيبتي ابي البس فستانك عجبني مرررره
ريم : ههههه عادي حبيبتي البسية اصلا انا عاجبني فستانك
ملاك قامت وحضنت ريم : فديتك
ريم تضحك عليها : ههههههه لاتخربي تسريحتي

.. على الساعه 8
جت ندى وتاله والجوري وكم وحده من صديقات ريناد ودانة وملاك
كان في الصاله كل شيء جاهز ومرتب والدي جي شغال والبنات يرقصون
ملاك كانت لابسه فستان ازرق طويل ماسك من عند البطن بكرستالات بيضاء ومفتوح لنص الظهر وتسريحه مرفوعه وكان شكلها مررره حلو
دانة كانت لابسه فستان وردي حفره ماسك الخصر ومن تحت منفوش ورافعه شعرها لفوق بطريقه حلوة
ريناد كانت لابسة فستان ذهبي للركبه وفوقه شيفون طويل وتاركه شعرها مفتوح
ريم كانت لابسة بنطلون وفانيله زرقاء وتاركه شعرها مفتوح
سارة كانت لابسة فستان قصير من فوق اسود ومن تحت ابيض منفوش رافعه شعرها ومطلعه خصل باهمال
البندري كانت لابسة فستان قصير ذهبي من الصدر اسود وعلى الخصر ورده من جهه اليسار ورافعه شعرها بطريقه هادئه ومنزله خصل باهمال
ريم لبست اول وحده ونزلت
ام فيصل: الله يحميك طالعه قمر
ريم : يسلمووووو
ام فهد: اقري على نفسك المعوذات
ريم : ان شاء الله عمتي . عن اذنكم بروح استقبل البنات
الحريم : اذنك معك
وراحت عشان تسلم على الجوري : وحشتيني
الجوري : وانتي اكثر .. طالعه تحفه
ريم : احم احم يسلمو وانتي بعد تهبلي
وقعدت تستقبل هي وياها المعازيم
وصل تقريبا كل المعازيم والبنات كلهم كانوا في الصاله الا ملاك كانت تلبس فستانها

...عند الشباب...
خالد: هييييه انت
فهد يطالعه على طرف: خييييير يابو الشباب عندي اسم على ما اعتقد
خالد : اوووه توني اعرف
فهد يستهبل : ايه على بالي كنت بعطيك البطاقة عشان تعرف انه لي اسم يهبل فهووود
علي: اقول طير ياشيخ
فهد: اسكت بي ولف على خالد نعم ايش تبي؟؟
خالد : ايه تذكرت اتصل شوف فيصل وين
فهد وتوه يتذكر فيصل : اوكيه دقايق بس

..... عند فيصل...
توه صحي من النوم ودخل الحمام (عزكم الله) اخذ له شور
سمع جواله يرن فيصل :الوووو
فهد وهومستغرب : ليكون توك صاحي من النوم ؟؟
فيصل : ايه ليه فيه شي؟؟
فهد : لا بس تعال احنا في مجمع الـ(....)
فيصل : طيب مسافة الطريق بس
فهد: يلا بسرعه بااااي
فيصل : باااااي
وعدل شعره واخذ جواله والمفاتيح ولبس الالجوتي (عزكم الله) وطلع

...عند ملاك...
لبست الفستان وناظرت نفسها لاخر مرة وعطت روحها بوسه على الهواء وقالت: ياربي والله اني اخقق ورجعت تضحك :ههههههههه مجنونه وفتحت باب الغرفة وطلعت وهي قاعده تمشي وتسب البنات ليه خلوها لوحدها وصلت نص الصاله اللي في الطابق الثاني الا فيصل يطلع من الغرفة وهو كان فاكرها ريم :روووويم
ملاك تجمدت ووقادره تتحرك
فيصل مشى لعندها وحضنها من وراء ودار فيها : طالعه قمر
ملاك تحاول تفك يده من حول جسمها اللي تحس قلبها بيوقف من حركتة وهو يضحك على حركتها فيصل نزلها وهي لفت عليه وعطته كف جامد وقالت له : انت كيف تتجرأ وتلمسني ؟؟
فيصل وهو يتحسس مكان الكف : آآآ
ملاك معصبه: وبعدين مين سمح لك تدخل هنا؟ __من كثر العصبيه نست هي كيف كانت لابسة
فيصل متفشل وبنفس الوقت يبي يقتلها : اسف ماكنت اعرف انه انتي فكرتك ريم
ملاك عصبت اكثر: اقول طير ياشيخ اكب على غيري هالحركات ما تمشي معي
فيصل عصب : اقول سكتي لا اسكتك الحين بطريقتي
ملاك: هههههه باحلامك ويلا بررررررررررررا
فيصل يحس لو يجلس لحظة وحدة بيذبحها:اقول سكتي انتي ووجهك وحسك مره ثانيه ماترفعيه عليا فاهمه وطلع وهو حاقد عليها
ملاك: صدق قلة ادب ياربي بقى يجلطني ونزلت تحت وهي تحاول تتناسى الموضوع

...في عند الشباب ...
وصل فيصل وهو معصب وقعد على طول من دون ما يتكلم
بدر مستغرب: ايش فيه هذا؟؟
فهد:علمي علمك لما كلمتة كان يضحك
راكان : الله يستر
سالم كان قاعد جمب فيصل: فصيييل ايش فيك ؟؟
فيصل بهدوء عكس داخلة : ما فيني شي
سالم: اكيد؟؟؟!
فيصل صحك عشان يسكت سالم: ههه اكيد لهدرجه تحبني
سالم ارتاح : اقول اقلب وجهك لو خليتك وما كلمتك يكون احسن
فيصل : طير يا شيخ

.... في الحفلة ...
نزلت ملاك واول ما وصلت كل الانظار عليها لانها كانت تهبل ولايق عليها الاحمر ملاك بداخلها يمه ايش فيهم هذول وراحت سلمت على المعازي وبعدين راحت عند امها : السلام عليكم
ام ملاك: هلا وعليكم السلام ... ما شاء الله قمر ربي يحفظك
ام نواف : ما شاء الله تهبلين
ملاك استحت: تسلمين خالتي
ام نواف بمزح : خلاص انا بخلي ولدي يطلق مرته واخذك لنواف
ام ملاك:ههههههه ياحليلك يا ام نواف
ملاك صار وجهها الوان : هههه ياخفة دمك ياخالتي
ام نواف : فديتك
ملاك:مشاعل جت ؟؟
ام نواف :ايه شوفيها مع دانة
ملاك: عيل انا اخليكم
ام ملاك وام نواف : الله معك ...راحت ملاك تسلم على نوف
ام نواف: اقري عليها المعوذات لما تخلص الحفلة
ام ملاك : طيب ... وقعدين سوالف

... عند ملاك ... مشت من وراء دانة مشاعل بالخفيف عشان ما يحسون فيها وخوفت مشاعل :بوووووووو
مشاعل خافت : بسم الله ولفت وراء وشافت ملاك:ملووووووووك وحشتيني
ملاك: وانتي اكثر وينك يالدبه ؟؟
مشاعل : احم مشاغل
دانة تضحك:ههههه الا قولي مع حبيب القلب
مشاعل رفعت حاجبها: وانتوا ايش عليكم
...عند ندى وسارة والبندري ...
سارة معصبه : انا اعلمها تالوه الحــ###
ندى : تقول امها مارضت انها تجي
البندري: عذرها معها وانتي بس لا تسوي لنا مناحه
ندى : قوموا خلونا نرقص
سارة والبندري: يلا قداااااااام
ريم وريناد وملاك ودانة مشاعل شافوا بنو وساره وندى يرقصون راحوا معهم ورقصين نفس الرقصة وكل انظار المعازيم عليهن لان حركاتهن متناسقة ومع بعض بنفس الوقت خلصين رقص المعازيم صفقوا لهن تصفيق حار وسارة تحمست رجعت صفرت والبنات ضحكوا عليها
بعد فتره تعشوا وكل من راح على بيته والحريم راحوا ينامون بعد التعب اللي تعبوه اليوم والبنات قاعدات في المجلس والحش ابتدا عندهن

.... عند الشباب ...
تركي شاف جواله يرن اخذه ورد: الوووو هلا بالغاليه
ام تركي: هلا فيك يلا يا عيالي ردوا البيت كفايه عليكم كذا
تركي : توكم الحين تتفضلون علينا
ام تركي : افا يا ولدي
تركي لحق الموضوع بسرعة: يالغاليه كنت امزح معك
ام تركي :ههههه بطل هالحركات ويلا بسرعه تعالوا
تركي: طيب على امرك باااي
وقفل الجوال ولف على الشباب : يلااا قوموا انفتح لنا السجن
الشباب ضحكوا على كلامه :هههههههههه
تركي : قوموا ضحكتوا بلا ضروس ان شاء الله
وطلعوا متوجهين للمزرعه
واول ما وصلوا المزرعه كلهم توجهوا للغرف عشان ينامون

...عند البنات ..
اللي قامت خذت لها شور وراحت تنام واللي تقول بقعد شوي وبعدين انام
ريناد شافتهم كلهم نايمين رجعت خذت لها شور ولبست بجامه ساتره وخذت حجابها وطلعت برا عشان تخليهم ينامون
ريناد : الحين الحــ## ولا وحده قعدت معي وطلعت برا الفله وراحت الحديقة عند الورد وقعدت تتأملهم وقطفت لها وحده وقعدت تشمها : اخخخخ ريحتكم عذااااب
..: كان يشوف شنو قاعده تسوي من بعيد وبدا يقرب اكثر لانه عرف مين هي
ريناد كل عقلها مع الورد وردت قطفت وحده ثانيه
..: وصل عندها وقال: لهدرجه تحبين الورد؟!
ريناد تجمدت من الخوف يمه ايش اسوي الحين؟
ولفت عليه وهي تتلعثم بالكلام: سآآآ آآ للم
سالم ناظرها وهو يتذكر لما شافها ببيتهم: ايه سالم
ريناد : آآآ أأيش جاابك هنا
سالم وابتسم : قلبي جابني هنا ... وفي داخله (فديت روحك)
ريناد استحت وقلب وجها الوان قامت من على الارض ورمت الورد وركضت للفله
سالم ما حب يحرجها اكثر :ههههههه فديتها يا ناس اسرتني وجلس على الارض واخذ الورد وراح ينام

ريناد دخلت الغرفه وقفلت الباب وهي تتنفس بصعوب : اااااه انا غبيه مين قال لي اطلع اوووف وراحت نامت
... اليوم الثاني ...س4 العصر
البنات تعبانات من امس وقاعدات في الصاله يتفرجن على التي في ملاك زهقت : بنات زهقت
سارة: والمطلوب؟!
ملاك: مين تجي معي نتمشى في الحديقة
البنات بصوت واحد: محد جايه
ملاك قامت: مالت عليكن من بنات عم وطلعت
طلعت قاعده تتمتم بكلمات: انا علمكن ان سويت لكن شي ما حست الا وهي تصدم بجسم عريض
ملاك طاحت : ااااااااه عمى ان شاء الله
....: اسف انتي اللي جيتي قدامي
ملاك قامت وناظرتة : انت .. عمي ما تشوف؟!
فيصل هالبنت قاهرته: اولا انا لي اسم .. ثانيا يا هانم انتي اللي صدمتي فيني .. وثالثا قلت لك مرة من قبل لاترفعين حسك فاهـ...
ملاك قاطعته بعصبيه: بس عورت راسي ومشت وهي تدعي عليه
فيصل : ايش فيها ذي ومشا
ملاك معصبه: اووف هذا ايش فيه من امس واقف لي بالبلعوم وردت دخلت الفله وهي معصب
البنات شافوها وطنشوا كانوا مفكرين انها معصبه عشان محد طلعت معاها

مر اليوم عادي مافيه شي جديد
اليوم الثاني ... س5 المغرب
... عند الشباب ...
كانوا الرجال قاعدين ويتكلمون عن الاسهم والشغل وما خلوا الشباب يطلعوا وهم زهقوا من سوالف الشغل وابو فيصل سحب منهم الجوالات عشان ما يلتهوا فيه
خالد بهمس: علي قول حق فهد يكلم الشيوخ نبي نطلع
علي بهمس: لحظة وقاله حق فهد
فهد: اقول انقلع تبيهم يسووني سلطه
راكان ضحك: هههه ايش يقول ... فهد قال له وراكان قال حق بدر
بدر تحمس للوضع وتحم حم : احم احم
لفوا عليه الرجال : ايش عندك
بدر : ااااا انا ابي اقول
ابو ملاك : بخصوص الشغل؟
بدر وتوهق: لا بس كنت بقول
ابو بدر قاطعه: مدام مو في الشغل اقعد وانت ساكت
ابو فيصل يكلم: وطلعه مافيه
ابو تركي كمل عليهم: انتوا اهملتوا الشغل هالفتره
الشباب صار فيهم احباط وقعدوا بكرامتهم اللي يتثاوب واللي ينام ويفتح عيونه بسرع ___ ههههه مساكين عايشين حالات عذاب

*** في الجلسه اللي في الحديقة ***
الحريم قاعدين في الجلسه اللي في الحديقه يتقهوون ويتكلمون
ام ملاك: الا ايش صار على اختك يا ام فيصل ؟؟
ام فيصل بحزن : والله للحين في المستشفى ما تحسن حالها
ام تركي : الله يعينها ويعين عيالها
ام فيصل: آمين يارب
ام بدر:وهي كم عندها عيال
ام فيصل: عندها بنتين وولد
ام فهد: مساكين عسى كبار؟؟
ام فيصل : ايه بناتها متزوجات وولدها خاطب بنت عمه
ام ملاك: الله يوفقهم ويقوم امهم بالسلامه
البنات ملين من داخل ردين طلعين عند الحريم قعدين يتقهوين معهن وسوالف وضحك للساعه 8 وبعدين الحريم دخلين والبنات جلسين شوي
ساره تفكر:امممممممممم بنات
دانة: اعوذ بالله ايش عندك؟؟
ريناد: هذي تجيب بلاوي
البندري: تكلمي حبيبتي ما عليك منهم
ساره : ايش رايكم نشوف فلم رعب
ريناد خافت: هااااه لا انا ما ابي
ريم: رنود ليه انتي خوافه كذا بس اليوم
ريناد بتردد: آآآآ طيب
البندري حست ان ملاك مو معاهم: هيييييييييه يا بو وينك ؟ اللي ماخذ عقلك يتهنا
ملاك: اقول سكتي وش تبين
دانة: لااااا انتي مو معانا ابدا
ملاك: اخلصوا ايش فيكم؟
ريم: بنشوف فلم رعب تشوفين معنا
ملاك بتعب : لا والله تعبانه
ريناد تحمست : بكيفك
ريم: يالبى المتحمس ... وقاموا راحوا يجهزون لزوم السهره والمكان واختاروا فلم وبدوا يشاهدون
وملاك راحت قعدت على الطاوله اللي في الحديقة وحطت راسها بتعب


.... عند الشباب...
راحوا الرجال ينامون واخيرا رجعت الجوالات والحريه بس ماراح يطلعوا مكان بيقعدوا في الملحق كانوا قاعدين يسولفون الا تلفون فيصل يرن :الوو
سارة: فصول تبون اكل
فيصل : لحظة ولف على الشباب :تبوون اكل
راكان: اكيد حرام عليك من العصر ما اكلت شي
فيصل رجع للجوال: ايه نبي
ساره خلاص انا بجهزه وانت تعال اخذه من المطبخ
فيصل : طيب باااي وقفل الجوال
فيصل: علي روح جيب الاكل
علي بتافف: مالي خلق روح انت
فيصل : انا اعلمك وقام راح يجب الاكل


... عند البنات ...
قفلوا الليتات وكل وحدة بيدها شبس وبيبسي ومبققين عينهم على الفلم وكل ما يجي موقف يخوف ريناد تتمسك بريم وريم والبنات يضحكوا عليها
ريناد خايف: يممممممممه يخوف انا لو قعدت مع ملاك احسن لي
دانة وهي تناظر التي في: روحي مين مسكك
ريناد: لا مستحيل اطلع لوحدي
سارة: عيل انثبري مكانك وانتي ساكته
ريناد: اوووووف الله ياخذكم
البندري: هههههههه خوافه

فيصل طلع من الملحق ومشى وهو يصفر الا يلمح وحده مسنده راسها على الطاوله
فيصل بداخله ساروه قالت كلهم يطالعون التي في عيل هذي منو ؟؟ وراح لها لما وصل عندا تحم حم: احم احم
ملاك بتعب: همممممممم خييير
فيصل عرفها وعقد حواجبه ايش فيها ذي نفسيتها دايما زفت : اقول قومي من هنا مفكره قعدتك حلوه اي احد يطلع من الشباب بيشوفك
ملاك نرفزها كلامه: وانت ايش عليك مني ولي امري وانا ماعرف؟؟
فيصل عصب: اقول احترمي نفسك وادخلي داخل
ملاك: مو على كيفك واقلب وجهك من قدامي
فيصل نرفزة اسلوبها : انتي مين فاكره نفسك يلا داخل
ملاك بغرور: انا ملاك بنت الـــ....
فيصل اذا انتي ملاك وعقد حواجبه: اقول بلا فلسفه وادخلي
ملاك بعناد: مو بكيفك ليكون مكانك وانا ما عرف وحطت راسها على الطاوله
ملاك تمت تضغط على راسها بقوه من كثر الالم
فيصل عصب: عساك بهالحال واردى
ودخل المطبخ وهو معصب بقوه اخذ الاكل وهو مار شاف البنات يشوفون فلم رعب ضحك بخبث : نيهاهاها انا اعلمكن وراح قال للشباب وهم عجبتهم فكرته وقاموا طيران ينفذوها

.. عند البنات ..
مندمجات مع الفلم دانة ما تدري الا شي ضرب في ظهرها : يمممممممممه ايش هذا ؟؟
ريناد بخوف: شنووووو؟
دانة : ساره بطلي حركات البزرنة هذي
ساره: شسالفه ؟؟
لحظات الا يسمعون صوت يقترب ويخوف والليتات تتبطل وتقفل البنات حظنوا بعض وريناد من الخوف اغمى عليها وطاحت على حضن البندري
البندري شافت ريناد وضرخت : بناااااااااااات ريناد اغمى عليها
البنات بخوف : شنوووووووووووو؟
وقعدين يصحين فيها وخايفات بنفس الوقت
تركي سمع ان ريناد اغمى عليها تركهم وركض لها وهم لحقوه وصل عندها والبنات بعدين شوي شالها وحطها في حظنة وقعد يضرب على وجهها بخفة وهو خايف عليها: رنوود حبيبتي قومي
البنات قاعدات يصيحين
سالم شاف شكلها وتندم انه كان معهم وراح على طول المطبخ جاب ماء وعطى تركي
تركي اخذ الماء ورش على وجه ريناد
ريناد بدت تصحى شوي شوي : اااااه راسي
تركي حضنها: رنود حبيبتي انا اسف والله نسيت
ريناد بتعب : حصل خير
سالم شافها صحت ارتاح: الحمدلله
بعدين الشباب راحوا ينامون والبنات بعد ودوا ريناد ترتاح وناموا وفيصل اخر واحد طلع وهو طالع شاف ملاك للحين ماتحركت من مكانها
فيصل: انا ايش علي منها ذي المغروره عساها بجهنم ___ ماعليه حاقد عليها من الكف
وراح نام
ملاك حست انها ارتاحت شوي من عوار راسها وقامت تتمشى بعدين راحت تنام

... اليوم الثاني .. س10
ملاك كانت صاحيه من الساعه 8 .... صحت ريم وريناد ونزلوا تحت
في الصاله ام فهد: حيى الله بناتي
ريم وريناد: الله يحييك
ام بدر: روحوا فطروا في المطبخ
ريناد : طيب بس امي وين ؟؟
ام فهد: راحت هي وام ملاك وام فيصل يجيبون اغراض الشوي
ريم : واااااااااااو بنشوي اليوم ؟؟
ام بدر تضحك عليها: هههههههه ايه
ريناد وريم راحوا المطبخ
... في المطبخ ...
خلص يفطر بس كان قاعد يشرب الشاي الا تدخل ريم وريناد وهن يضحكين
ريناد : هههههه بسك عورتي راسي
ريم : افا وهذا انا بنت عمك
ريناد:هههههههه اسكتي بس
...: سمع صوتها وارتاح انها صارت بخير
ريم شافته: سلووم انت هني
سالم يستهبل : لا هناك
ريم : هههه حلوه بس لا تعيدها
ريناد كانت ساكتة ولا نطقت بحرف
سالم: هههه حاضر عمتي رويم
ريم ضربت على جبينها : اووووه نسيت اسالك
سالم : هههه شنو؟؟
ريم : كيفك؟؟
سالم ضحك: هههههههه بخير بشوفتك ويطالع ريناد وانتي ؟؟
ريم: عالي العال
سالم يطالع ريناد: كيفك ريناد؟؟
ريناد ووجها الوان: آآبخير وانت؟
سالم يستهبل : توني قلت بخير بشوفتك
ريناد ابتسمت ابتسامه جانبية
سالم : يلا انا اخليكم براحتكم
ريم : بااااي
سالم اخذ الشاي وقبل لا يطلع ناظر ريناد وطلع
ريم لفت على ريناد: اقول هييييييه وين صفنتي
ريناد:هااااه معك معك
ريم بعدم تصديق: ايه مبين انتي وراك سالفة وبعرفها
ريناد: ما وراي سالفه ولا شي
ريم: ايه صدقتك وجلست تاكل وتطالع ريناد بنظرات وتبتسم ابتسامه شر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 12-12-2014, 09:55 PM
صورة hadoooy الرمزية
hadoooy hadoooy غير متصل
©؛°¨غرامي فعال ¨°؛©
 
الافتراضي رد: طيحتني بشباك عنادك/بقلمي


...عند الشباب...
كانوا صاحيين من الساعه 9 وفطروا وقاعدين في الملحق
بدر: شباب ودي اسوي مغامره جديده
سالم: اقول انثبر مكانك بس تحب تودينا في المشاكل
بدر طير عيونه: نععععععععععم انا اسوي مشاكل
راكان: ايه
بدر يمثل انه زعلان: الله يسامحكم
خالد: ايش رايك تقفز من على الطائرة
علي بقق عيونه : هيييييييييه انت مجنون ؟!!!
فهد: اقول سكتوا صدعتوا راسي
بدر: ياخي طير كانك شايب عمره 90 سنه
فهد شهق: اهئئئئئئئئئئئئئئئئ انا
تركي : ايه انت وفيه غيرك
فهد يناظر فيصل: فصووووول شوفهم كلهم علي
فيصل : وهم الصادقين انت كله قاعد هناك بالزاويه ولا تتحرك
فهد : انا اعلمك ابيك عون طلعت لي فرعون
الشباب قعدوا يضحكوا عليهم

*** الساعه 4 العصر ***
ريناد وريم في الغرفة وريم صار لها ساعه تحن على ريناد تقول لها ايش سالفتها هالايام
ريم : رنووود يلا تكلمي
ريناد بعناد: قلت لك مافيه شي
ريم بعناد اكبر : وربي ان فيه يلا تكلمي
ريناد تتافف : اووووووووف منك خلاص بقول
ريم تعدل جلستها : لحظة بجلس عدل ... يلا قولي كلي اذون سامعه لك
ريناد : الحمدلله والشكر وبدت تحكي لها السالفه ... وهذي السالفه كامل لحد اليوم
ريم مبققه عيونها: اااااااااااااااااا ما صدق سويلم عشقان
ريناد تضربها بخفة على كتفها : رويم لا تبالغي يكمن بس لانه شافني لوحدي
ريم تسلك لها : ايه شكله

عند سارة والبندري....
سارة كانت منسدحة على رجول البندري والبندري تلعب بشعرها وملاك تضحك على شكلهن :ههههههههه يابو الشباب من وين نزلت لكن الرومنسيه
سارة: احنا طول عمرنا رومنسيات
دانة تشهق: اهئئئئئئئئئئ انتي وهي رومنسيات
البندري : اكيييييييييييييد
ملاك: عزت الله محد بيصير رومنسي اذا انتوا رومنسيات
سارت تناظر البندري : بنو مو كانه عطيناهم وجه
البندري : ايه خليك منهم
دانة وملاك: مالت عليكم من بنات اقلبوا وجهكم من عندنا
سارة : احنا كنا قاعدين قبلكم
ملاك: الا وين ريم وريناد؟؟
دانة : على ما اعتقد شفتهم صعدوا فوق
ملاك: اقص ايدي من كتفي اذا ما عندهم شي
دانه : هههههههههههه

*** على العشى *** س 8 ونص
كانوا قاعدين في الحديقة وفيصل وفهد يشوون والبنات يجهزون باقي الاكل
ام ملاك: ملاك حبيبتي قومي جيبي اللي خلصوا اللحم المشوي
ملاك : طيب وقامت متوجهه لعند فيصل وفهد وما كانت تدري انه فيصل اللي يشوي
...عند فيصل ...
فيصل : فهوود روح جيب باقي اللحم وانا بخلص هذول
فهد : طيب وراح
وصلت ملاك عند فيصل : فهد وين اللحم اللي خلصتوهن
فيصل عرف صوتها وحب يقهرها: انا مو فهد ياهانم
ملاك رفعت راسها اول ما سمعت الصوت: انت ؟!!
فيصل بتهديد : كم مره قلت لك عندي اسم
ملاك بعناد: كيفي واخذت اللحم وراحت
فيصل : على شنو شايفه نفسها من زينها عاد وبداخلة (والله انها قمر) تعوذ من الشيطان ورجع يكمل
فهد: خلاص ما بقى الا هذول
فيصل : اوكي تبي تريح روح وانا بكملهم
فهد: مشكور وراح
فيصل قعد يشوي وسرح في خياله لفتره وما صحى الا لمى حس بحراره في يده : ااااااااه وناظر يده شافها حمراء طنش الوضع وكمل شوي
جهزوا الاكل وحطوا للشباب والرجال في جهه والبنات والحريم في جهه عشان ياخذون راحتهم
... عند الشباب ..
كان ياكل ويحس يده خلاص بتموته من الالم بس ما حسس احد
تركي شاف ايد فيصل: فصووول ايش فيها يدك؟؟
فيصل كح : كح كح وشرب ماء هااه بس حرق بسيط
ام فيصل راحت تشوف ايده : اشوف ايدك
فيصل : يمه مافيني شي

خلص البارت ..
توقعاتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 12-12-2014, 10:25 PM
صورة roobee.rooby الرمزية
roobee.rooby roobee.rooby غير متصل
©؛°¨غرامي مشارك¨°؛©
 
الافتراضي رد: طيحتني بشباك عنادك/بقلمي


البببببببببااااااااااااااااااااارت جمييييييييل
بانتظار البارت القادم
و بالتوفيق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 13-12-2014, 01:41 PM
صورة _*DBH*_ الرمزية
_*DBH*_ _*DBH*_ غير متصل
©؛°¨غرامي مشارك¨°؛©
 
الافتراضي رد: طيحتني بشباك عنادك/بقلمي


معذورة حبيبتي
و البرات كان روووعة ومتحمسة للبارت الخامس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 13-12-2014, 06:32 PM
صورة ...غرور انثى... الرمزية
...غرور انثى... ...غرور انثى... غير متصل
©؛°¨غرامي متألق ¨°؛©
 
الافتراضي رد: طيحتني بشباك عنادك/بقلمي


البارت جنااااااااان
يجنن واحلى شي انه طويل ❤
وننتظر الباقي لاتطولين
بانتظارك



ودي/ميساء
"انتَـ حَ بِيبِي وٺدلَّلَّ"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 16-12-2014, 10:32 PM
همس القواف همس القواف غير متصل
©؛°¨غرامي فعال ¨°؛©
 
الافتراضي رد: طيحتني بشباك عنادك/بقلمي


حبيت أشكرج على الدعوة
روايتك روعة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 17-12-2014, 05:57 PM
صورة hadoooy الرمزية
hadoooy hadoooy غير متصل
©؛°¨غرامي فعال ¨°؛©
 
الافتراضي رد: طيحتني بشباك عنادك/بقلمي


اقتباس:
المشاركة الأساسية كتبها roobee.rooby مشاهدة المشاركة
البببببببببااااااااااااااااااااارت جمييييييييل
بانتظار البارت القادم
و بالتوفيق
تسلمين ودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 17-12-2014, 05:58 PM
صورة hadoooy الرمزية
hadoooy hadoooy غير متصل
©؛°¨غرامي فعال ¨°؛©
 
الافتراضي رد: طيحتني بشباك عنادك/بقلمي


اقتباس:
المشاركة الأساسية كتبها انت حبيبي وتدلل مشاهدة المشاركة
البارت جنااااااااان
يجنن واحلى شي انه طويل ❤
وننتظر الباقي لاتطولين
بانتظارك



ودي/ميساء
"انتَـ حَ بِيبِي وٺدلَّلَّ"
مشكوره حبيبتي على حماسك

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1