غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 271
قديم(ـة) 07-02-2015, 04:44 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي



ويُـسعدني ؛
أن أمزقَ نفسي لأجلكِ أيتها الغالية
ولو خيروني لكررتُ حبك للمرةِ الثانية
أيامن غزتُ قميصكِ من ورقات الشجر
أيامن حميتكِ بالصبرِ من قطرات المطر




الـــــبــاارت الحادي عشــــر





في مكان جديد
بعيد عن ابطالنا


عم تجهز نفسها بغرفتها رن تلفونها ردت : الو ... اي حبيبتي خلصت
مارح اتأخر عليكي .... باي
اخدت عبايتها وطلعت من غرفتها المتواضعة راحت للصالة الصغيرة
شافت اهلها قاعدين وبدلع : ماما لهلأ مالبستي
ام عدي : انا بكير عليي روح هلأ , خلص خلي عدي ياخدك
عدي فورا التفت : لا ماما دخيلك اليوم كتب كتاب رفيقي ولازم كون معو
خلي حسن يوصلك
شهد : وانا بخاف من سواقة حسن , طيب وصلني وبعدين روح لرفيقك
حسن بضحكة : الحمدالله انك بتخافي
شهد بزعل : هيك يعني ماحدا رح يوصلني
عدي شاف الساعة : و وين بيت رفيقتك بعيد ؟؟
شهد : لا مو بعيد قريب ووصفتلو المكان
عدي : يلا امري لله بوصلك
شهد ابتسمت : يلا باي مامي
ام عدي : باي الله معكن



<<نوقف لحظة لنعرفكم على عيلة ابو عدي>>

<< ابو عدي : متوفي >>

<< ام عدي : عمرها 47 سنة >>

<< حسن : عمرو 27 سنة بيشتغل بشركة اتصالات >>

<< عدي سبق وتعرفنا عليه >>

<< شهد : البنت الوحيدة عمرها 20 سنة
وبتدرس بكلية التجميل >>




بسيارة عدي
عدي : رفيقتك بنت مين ؟؟
شهد : بنت الدكتور احمد ال...
عدي بأستغراب : مو ابوها الي عندو مشفى بمنطقة ... !!
شهد بتعحب : اي هيي , بس شو عرفك انو ابوها عندو مشفى !!
عدي صار يضحك : هههههه , عرفتها
شهد رفعت حواجبها : شو عرفك فيها
عدي : طيب بتعرفي شو اسم الشب الي رح يخطبها
شهد : لا ما بعرف
عدي : مو متأكد اني بعرفها بس على مااظن بتكون بنت عم رفيقي
الي رح يخطبها اليوم
شهد فتحت عيونها وضحكت : ههههه شو هالصدفة
عدي : شفتي بقى ليش ضحكت , بس متل ماقتلك مو متأكد
شهد : طيب شو اسم رفيقك
عدي : لؤي
شهد : بس اوصل لعندها بسألها عن اسم خطيبها
او قلك ليش بس اوصل لعندها هلأ بحكي معها
ومسكت تلفونها ودقت على ريما
شهد : الو .... يلا ليكني رح اوصل لعندك
ريما : يلا قبل ماتروح الكوافيرة حتى اذا بدك منها شي
شهد : ان شاء الله بس بدي اسألك
ريما : اتفضلي
شهد : شو اسم خطيبك
ريما بأستغراب وضحكة : اسمو لؤي
شهد فتحت عيونها : لؤي ههههههههه طلع رفيق اخي
ريما : ههههه عنجد
شهد : اي والله يلا بس وصل بحكيلك باي
وسكرت التلفون : ظنك طلع بمحلو رفيقك خطيب رفيقتي
عدي بأبتسامة : الله يهنيهن يارب
و وصلوا على بيت ريما
شهد اخدت شنتطها ونزلت
قبل ماتمشي وقفت عند الشباك : يلا منيح طلع رفيقك نفسو خطيب رفيقتي
حتى لما تجي تجيب ماما معك
عدي هز براسو : ان شاء الله
ومشي بالسيارة
اما شهد فاتت للفيلة وسألت عن ريما وصعدت لفوق
دقت الباب ودخلت : هااااااي
ومشت لعند ريما وضمتها : مبرووووك ياقلبي
ريما : الله يبارك فيكي وع قبالك
شهد : لا انا بكير عليي ههههه
ريما بضحكة : انتي بتقولي هيك
الكوافيرة : يلا ريما خلينا نخلص قبل مايجو بيت حماكي
ريما : ايه يلا
وشهد قعدت عالكنبة وصارت تسألها لريما عن فستانها
وهيك شغلات







الساعة 7:00 المغرب
ببيت ابو لؤي

الكل بالصالة ماعدا لونا فوق عم تجهز نفسها
ولؤي رايح وجاي بالصالة وكل شوي ينظر بساعتو
مشي لعند الدرج وصار ينادي للونا : لونااااااااا يلا بسرعة
نزلت لونا عم تركض عالدرج : ليكني خلصت
ايهم : منيح خلصتي انسة لونا
العيلة كلها عم تستناكي
لونا بدلع : اي طبعا كلكن بدكن تستنو الاميرة لونا
ايهم حط ايدو ع شعرها ونفشو : ماقدرت على ثقتك
لونا : ياربي خربت لي شعراتي ايهم بتشوف شو رح اعمل فيك
لؤي واقف وعم يناظر بأخواتو : شو خلصتوا
ايهم نظر بأخوه وخبى ضحكتو : اوووه انت هون يلا نمشي
نسينا انو اليوم خطبتك
لؤي ناظر فيه بعصبية
وايهم فورا مشي للكراج قبل مايسمع شي من اخوه
ابو لؤي : يلا جاهزين نتوكل على الله
لؤي : اي بابا جاهزين
طلعوا الكل للكراج
لؤي ركب بسيارتو وطلع معو ابوه وامو
وايهم بسيارتو طلعت معو لونا وامير
واتوجهوا لبيت احمد
بسيارة ايهم
لونا وهي ترتب شعرها : مو مشكلة ياايهم اذا مابخلي فرح تكرهك
ايهم مابقى يقدر يمسك ضحكتو : هههههههههه
لونا بعصبية : عم احكي شي بيضحك مو هيك
ايهم حب يعصبها اكتر: لو حكيتي نكتة ماضحكت هيك ههههههه
لونا بنرفزة ضربتو على ايدو الي حاططها على الفرام : غليظ
نط امير : ايهم
ايهم : ياروووح ايهم
امير بدلع : مين فرح بنت عمو ابو ريان
ايهم شهق : لا لا حبيبي اختك اكيد في بعقلا شي
مافي لا فرح ولاشي بس لونا وانت بتعرفها مجنونة مابتعرف نفسها شو عم تحكي
امير وهوي يلعب بأيديه : انا فكرت فرح لاني انا بحبها
لونا فطست من الضحك : ههههههههههههه
ايهم رفع بحواجبو وصار يناظر بأخوه بالمراية : امير انت بتحب فرح
اميربدلع وهوي يحرك بكتافو : مو بس انا بحبها وفرح كمان بتحبني
لونا بعدها عم تضحك
ولفت لجهة امير ومسكت خدوده : وك يؤبشني انا العاشق الولهان
ووجههت نظرها بايهم ورجعت تضحك من كل قلبها
ايهم مقهور من ضحك لونا : بتسكتي ولا بخرب شعرك مرة تانية
لونا : لا دخيلك بسكت وخلي عيونك بالطريق لا تفوتنا بسيارة او بحيط
وفورا حطت سيدي وشغلت اغاني حتى مايقرب ع شعراتها
دقايق ووصلوا على بيت ابو ريما احمد
صفوا السيارات بالكراج ودخلوا عالصالة
كانوا بيت ابو ريان موجودين
سلموا عالكل
الا ريما فوق بغرفتا
انفصلوا الشباب بغرفة المضافة برا
والبنات بالصالة
شوي ودخلوا المعازيم وكلهم رفقاتها لريما واهاليهم والجيران
واجت كمان ام شهد وتعرفت عالموجودين
لونا صعدت لفوق ودقت باب غرفة ريما
سمعت من جوا : اتفضل
دخلت لونا واول مادخلت انبهرت فيها : واووووو شو هادا
شو هالحلو ياحلو
ريما : حاجي بقى خجلتيني
لونا بضحكة : اذا انا حكيت كلمتين وخجلتي
لكن شو رح يصير فيكي من اخي
عاد لؤي قاتل حالو من الصبح بدو يجي يكتب الكتاب ههههه
ريما بخجل : مو مصدق حالو
لونا : طبعا مو مصدق ههههه
وهلأ لنتبهت لشهد الي قاعدة عالكنبة
لونا راحت وسلمت عليها : عفوا ماانتبهت انك موجودة
شهد بأبتسامة : لا عادي
فهمت من حديثك ان اخوكي العريس
ان شاء الله الف مبروك ويتهنوا
لونا بأبتسامة : الله يبارك فيكي
ريما عرفتهن على بعض وبعدها صارت تدور: هلأ قليلي كيف طالعة
لونا وهي قاعدة على حرف الاريكة : بتجنني ... بتاخدي العقل
يلا اذا خلصتي ننزل
ريما وهي تناظر بحالها بالمراية : بس باقي لمسات اخيرة
لونا : ساعدك بشي
ريما : لا يسلمو ايديكي
ريما واقفة وعم ترتب فستانها على جسمها


<<لابسة فستان احمر مظلل طويل بدون اكمام
من عند الصدر ضيق ومرصع بالماس ناعم
ومن عند الخصرنازل بنعومة على جسمها الطويل
لون الفستان عاكس ع لون بشرتها وعاطيها نضارة اكتر
وشعرها عملتو تسريحة بسيطة
لبست كندرة لون احمر على فضي
ومكياجها خفيف وحلو
ولبست طقم اكسسوارالفستان
باختصار طالعة ملاااك بتجنن>>


ريما بأبتسامة : الكل اجى
لونا واقفة عم تعدل مكياجها الخفيف : اي الكل تحت
بتعرفي مو مصدقة رح تصيري زوجة اخي
ريما بأبتسامة : لا صدقي صدقي
شوي واندق الباب وكانت فرح ومايا
دخلوا للغرفة
فرح صارت تدور حول ريما : واااوووووو بتاخدي العقل
مايا بضحكة : ياويلي انا شو رح يعمل فيكي لؤي
الكل : ههههههه
وسلموا على شهد بعد ماتعرفوا عليها
فرح : ليكي اول مايدخل لؤي شو رح يعمل
وصارت تمثل على اساس هي لؤي
راحت لعند الباب ومشت مثل مشية لؤي
و وصلت لعند ريما مسكت ايدها وباستها
وضخمت صوتها شوي : يلا ياعروس عالبيت
بس قبل البيت بدي وبهمس بوسة ومشتها بدها تنزل لتحت
الكل صار يضحك على فرح وهي تقلد لؤي
وفرح بعدها عم تمشي ب ريما
مشت لعندها لونا ومسكتها من حرف فستانها
من عند رقبتها : تعالي لهوون لوين رايحة فيها
فرح لفت على لونا وبضحكة : يااااه نسيت وصدقت نفسي انا لؤي
وصارت تحصن نفسها : اعوذ بالله من الشيطان الرجيم
بسم الله عليي
لونا بضحكة : ييي علي عليك يااخي شوعملوا فيك
اما ريما ضحكت لحتى دمعت عيونها : اخ منك يافرح خرب مكياجي
قعدتها لونا وصارت تحطلا كحل وماسكارا من جديد
وفرح ومايا وشهد عم يرتبو مكياجهن
لونا : خلصتوا بنات انا خلصت
البنات : ايه خلصنا
فرح : يلا جاهزة ريما
ريما اخدت نفس : ايه جاهزة
لونا : يلا سمي بالله وننزل
ريما : بسم الله الرحمن الرحيم
ونزلوا لتحت
اول ماطلت ريما عالدرج حطولها زفة ونزلت عالزفة خجلانة
اجت ام لؤي وستقبلتها عند الدرج وسلمت على ريما
ام لؤي : اهلين حبيبتي .. اهلين بكنتنا الغالية
ريما : اهلين فيكي مرة عمو
وفرح ولونا ومايا ماتركوها بحالها
كل شوي يرقصوا ويغنولها
دقايق ورن تلفون مايا
مايا ردت : الووو .... اهلين عمي احمد .... طيب يلا دقيقة بس
وسكرت الخط وراحت لعند ريما
مايا : يلا ريما اجى الشيخ وبدو ياخد رأيك قبل مايكتب الكتاب
ريما ارتبكت وماعرفت شو تعمل
ام لؤي مسكتها من ايدها واخدتها لورا الباب
الشيخ من برا سألها اذا موافقة
ريما ردت بخجل : اي موافقة
و وقعت ودخلت
الكل قام وبارك لريما
وقبل ماتقعد حطولها اغنية ترقص عليها
صارت ترقص ريما بالنص
اجت المصورة وصارت تصورها فيديو
شوي واتصل ايهم على امو : ماما يلا رح يدخل لؤي
ام لؤي : اي يلا ثواني بس
ام لؤي : يلا يابنات العريس رح يفوت
كلها راحت وتغطت
ماعدا العروس ريما والبنات
ام لؤي مسكت التلفون ودقت على ايهم حتى تخبرو انو يفوتو
ايهم : اي ماما
ام لؤي : يلا اتفضلوا
لؤي سحب التلفون من ايهم : يلا رح نفوت بس بدي ريما تتغطى
ام لؤي استغربت : تتغطى
لؤي بجدية : اي تتغطى مابدي حدا يشوفها بدون حجاب
ام لؤي عجبها تصرف ابنها : اي تكرم هلأ بقلها
لؤي ابتسم : يلا ماشي
سكروا التلفون
ايهم للؤي : انت شو عملت هلأ البنت بتقول بنفسها بدا يفرض رأيو عليي
لؤي بجدية : مرتي وملكي انا مابدي بقى حدا يشوفها غيري
ايهم ابتسم بخبث وكأنو اجت ببالو فكرة : والله يااخي انك داهية ... مين قدك


بالصالة
ام لؤي سكرت التلفون وراحت لريما
واخدتها عالغرفة
ريما استغربت : خير مرة عمو شو في ؟؟
ام لؤي : لا حبيبتي مافي شي لا تخافي
بس لؤي طلب منك انك تتغطي
ريما بأستغراب : اتغطى
ام لؤي بأبتسامة : اي
سكتوا شوي
ريما بنفسها بدت الغيرة يالؤي وبأبتسامة : اي حلو بتغطى بس كيف مابعرف
ولا مرة حطيت ع راسي حجاب
ام لؤي راحت لشنطتها : انا جايبة معي عباية رح حطها عليكي
ريما بعدها بأبتسامتها وبرضى : اي مو مشكلة
ام لؤي حطت العباية على ريما وحطت شال ع راسها وطلعوا من الغرفة
الناس تفاجئت ب ريما ولا مرة شافوها بالحجاب
بس طالعة بتجنن بالحجاب
كلها صارت تصلي على النبي
لونا لريما : شو اشوفك تحجبتي
ريما بهمس : بتصدقي حبيت الحجاب
لونا : اي والله طالع بياخد العقل عليكي
ام لؤي راحت للونا: لونا حبيبتي شوفي اخوكي والشباب برا حتى يدخلوا
لونا : اي ان شاء الله
لونا وهي تمشي اجت بوحهها فرح : فرح حبابي طلعي لبرى
وشوفي اذا لؤي عند الباب مع الشباب خليهن يفوتوا
فرح : من عيوني ام اللول
طلعت فرح عالحديقة وهي عم تدور بعيونها على لؤي والشباب
وفجأة من وراها اجاها صوت وهي بتعرف منيح لمين هالصوت : انتي هون
فرح فورا لفت وبدها تفوت للصالة بدون ماتشوفو
ايهم مسكها من زندها : وقفي
فرح لفت وناظرت بأيهم : نعم
ايهم : ما شاء الله مؤدبة
فرح فتحت عيونها : طبعا مؤدبة
شو شفت مني حتى تقول عني غير هيك
ايهم ضحك بسخرية : شو شفت منك
فرح فتحت عيونها اكتر بأستغراب
وبنفسها هادا شو عم يحكي : لا انت اكيد صاير بعقلك شي
ايهم : اي طبعا رح يصير بعقلي وعقلك شي لما اشوفك بدون حجاب قدام الشباب
فرح بنفسها اليوم شو صاير بهالشباب
ايهم بمثل العصبية : يلا فوتي ولبسي عباية وحجاب
واذا بشوفك بدون حجاب موتك على ايدي
فرح مصدومة وفاتحة عيونها : طيب اترك ايدي
ايهم بعدو اساس معصب : رح اترك ايدك وبعد شوي رح نفوت
بس بدي شوفك متغطية فهمانة
فرح غصت بدموعا : ان شاء الله
تركها ايهم وركضت لجوا وفاتت عالغرفة ودموعها تنزل
مايا انتبهت لاختها وراحت وراها للغرفة
شافتها عم تبكي وبخوف : فرح شوفيكي
فرح بعدها عم تبكي ماردت
مايا بخوف اكتر : احكي صاير شي
فرح : ايهم عصب عليي
مايا بضحكة : وليش بقى عصب عليكي
فرح من بين دموعها : مسكني وعصب بدو ياني البس حجاب واتغطى
مايا فقعت ضحك : ههههههههه
فرح مسحت دموعها وصارت تناطر اختها : عم ضحكك انا مو هيك
مايا : صار يغار من اخوه
فرح ابتسمت : اي رح يجنني
مايا : وانتي شو رح تعملي هلأ
فرح : اذا مالبست حجاب بخاف يفشلني قدام الناس
او يموتني متل ماقلي
مايا رجعت ضحكت من قلبها : هههههههههههه
فرح ضربتها : انتي بس كلو تضحكي
مايا : هادا الحب وجنونو
فرح : يلا خليني البس ونطلع هلأ بيدخلوا الشباب
حطت ع راسها شال وتغطت بعباية وصارت تناظر بنفسها عالمراية وتبتسم
فرح : بتصدقي كتير حلو
مايا : اي والله حلو عليكي
ماكنت مفكرة هيك رح يطلع حلو عليكي وعلى ريما
فرح : طيب ليش مابتجربي انتي كمان
مايا : انا !!
فرح : اي انتي لكن خيالك
مايا بعدت فرح عن المراية : هيك رأيك
واخدت عباية وصارت تشوف نفسها
مايا : واااااي بجنن
فرح : شفتي طلع كتير حلو
مايا : ورح ضل فيه
وطلعوا من الغرفة
الكل صار يناظر فرح ومايا وامهم استغربت من حجابهن
لأنها من زمان تحكيهن على الحجاب و مايقبلوا
فرحت كتير لبناتها انو الله هداهن
ولونا صارت تناظر نفسها وعلى فستانها انو قصير وهي الوحيدة مو محجبة
خجلت من نفسها وركضت للغرفة وتغطت وعجبها كتير
االاهل فرحوا لبناتهن انهم تغطوا
لأن من زمان وهني يقنعوهن بالحجاب بس مايقبلوا
البنات بعد فرحوا باغطيتهم وتندموا بشدة
لانهم ضيعوا حياتهن بالسبور والموضة
ونسوا الحجاب والسترة
والاهم من هادا نسوا ربهم ودينهم




شوي ودخلوا الشباب
وعاملين عراضة شامية للؤي
طبعا ايهم ماشي اول واحد
وريان بجهة لؤي من اليمين وعدي على اليسار
واول مادخلوا وقفوا عند الباب وعملوا العراضة
وبدأ ايهم يغني والباقي يرد وراه

صلوا على محمد زين زين مكحول العين وهي
واول مابدينا عالنبي صلينا
واول مانبدي منقول صلوا ع طه الرسول
ياصلاتك يامحمد والصلاة صلوا عليه
وعلينا وعليه وعلى من زار قبره
وعلى من حج اليه حجت الحجاج لاجله

سكت شوي ورجع كمل

روح تجوز روح روح حاجة تبصص عالاسطوح

الكل صار يضحك ولؤي يضحك على اخوه
والشباب تصفر وتصفق
يعني عاملين جو للؤي مابينساه بحياتو

اتذكر شغلة وبخبث ضحك وكمل

لا تاخد بنت البلكون لو لبست لك كل يوم لون
خود البنت المستورة لو كانت فكحة وعورة

كلا التمت على ايهم وصاروا يسكتوا ويضحكوا

وفرح تناظر بنفسها وتضحك

ايهم بضحكة وبصوت عالي : خلص خلصت
الشباب اتنهدوا : الحمدالله
لؤي : منيح لو كنت مكمل كنت فضحتنا
والبنات بعد فقعانة ضحك على جنان ايهم
لؤي وصل لعند ريما
وريما ميتة من الخجل
اول ماوصل سلم عليها وباسها على جبينها
ولف على الشباب : يلا انتهت ادواركن بسرعة لفوا ورجعوا
ايهم : والله انك شاطر عملتلك العراضة لحتى تقلعني
ريان : متل ماقال اخوك عملنا عراضة لتقلعنا
عدي بس يضحك عليهن
ام لؤي جابت الحلقات ولبسها الحلقة
وريما لبستو الحلقة وايدها ترجف
لؤي بهمس : رح يوقع قلبك من رجفتك, قوي نفسك شوي
مافيها شي كلها حلقة عاد لو بوسة شو بصير فيكي
ريما ارتبكت واحمرو خدودها
البنات صاروا يصفقوا ويقولوا مع بعض : بدنا بوسة ... بدنا بوسة
ريما انقهرت وقلبها صار يدق بقوة
الشباب بعد صاروا يصفقوا ويقولوا مع البنات : يلا نفذ .. يلا نفذ
لؤي شافها خجلت وماحب يخجلها اكتر اكتفى ببوسة على خدودها وجبينها
الكل صار يصفق : هييييييييي
ايهم انتبه لفرح لابسة حجاب صار يضحك بينو وبين نفسو
ريان وعدي صاروا يدوروا على نفس الشخص بعيونهم وهي لونا
بس ماعرفوها لانها متحجبة وهي بعد مابينت نفسها كتير
حطوا اغنية وصار يرقص ايهم وريان وعدي
البنات كلها انعجبت ب ايهم وكلها صارت تسأل بعضها مين هادا الشب
طبعا بعد ماانعجبوا ب لؤي وحسدوها لريما على لؤي وشخصيتو
كلها صارت تقول : نيالها خطيبها بجنن وشخصية
لؤي بصوت عالي للشباب: يلا شباب خلصتوا بدي شوف خطيبتي
ايهم قعد جنب اخوه : لا ابو اللول مابصير اتركك لوحدك بخاف عليك بين هالبنات
لؤي قرصو من خصرو لايهم : اطلع لان انا كمان بخاف عليك من البنات
ريان مسك ايدو لايهم وشدو : يلا بلا سخافة واطلع
لؤي : اي ها هيك الشباب الحلوي بتطلع بأدب
ريان بضحكة : ليش مين قلك رح اطلع عم ابعد اخوك حتى اقعد مكانو
لؤي ضرب جبهتو بأيدو وناظر ب ريما : انا الله عطاني
أخي المصيبة وابن عمي مصيبة اكتر منو
ريان : مصيبة ها احمد ربك واشكرو نحن ولا شي بالنسبة ل ريما
ريما احمرت وارتبكت وتدعي بقلبها انو لؤي يطلع معاهن
لؤي : لاء مو هيك ويلا قدامي كلكن
خليني انادي لأم لؤي هي بتعرف تطالعكن لبرى : ام لؤي وينك
ام لؤي صارت تضحك : يلا شباب اطلعوا حتى يجي ابوها وعمامها يسلموا عليهن
الشباب كلهم طلعوا ودخلوا احمد وابو لؤي وابو ريان
شالوا عن ريما الغطا ولونا بعد شالت غطاها
لؤي انبهر فيها وبس يناظر فيها ويصلي عالنبي
اجى احمد وضم بنتو وسلم عليها وباركلها
وضم لؤي وباركلوا وهمس بأذنو : بنتي صارت امانة عندك حافظ عليها
لؤي : بعيوني الامانة ياعمي
وكذالك ابو ريان وابو لؤي سلموا على العرسان
واتصورا صور جماعية وطلعوا
اجت ام لؤي واخدت لؤي وريما عالغرفة يقعدوا شوي مع بعض
قعد لؤي وقعدت جنبو ريما
ضلوا ساكتين لؤي بس يناظر ب ريما
وريما تناظر بالارض من الخجل
بعد دقيقة من السكوت
لؤي وعلى وجهو ابتسامة : شو مضيعة بالارض ؟؟
ريما نظرت فيه وساكتة
لؤي بأبتسامة : طيب مبروووك لألنا
ريما ابتسمت : الله يبارك فيك
لؤي : اي هيك من زمان اسمع صوتك
لؤي : ريما ممكن توقفي
ريما بأستغراب : ليش ؟
لؤي وقف ومد ايدو لريما : وقفي وبتعرفي ليش
ريما ناظرت بأيدو واجت بدها توقف مسك ايدها لؤي
وقفها الا ان صارت مقابيلو ضلوا شوي مقابيل بعض
وبعدها لؤي صار يبعد عنها
و وقف بحيث صار يشوفها كلها
وقف يتأمل ملامحها بالفستان انبهر فيها جن عليها
عيونو كانت تلمع من فرحتو فيها
وبأبتسامة فيها حب وشوق : ريما انتي بتجنني انتي ملاك على هيئة بشر
ريما كانت تسمع الكلام ودقات قلبها تزيد
رجع قرب منها الا ان صارت انفاسو على وجهها
ريما صارت تبعد شوي شوي الا ان داست على فستانها واجت توقع
فورا مسكها لؤي من خاصرتها وقربها عليه : ليش بدك توقعي
وتبعدي عني , معقول خجلانة من خطيبك
ريما ساكتة وعم تناظر فيه ومو قادرة تتحرك من مسكة لؤي
حاطط ايديه على خاصرتها وعيونو بعيونها
اجى ليبوسها بدخلة لونا
لونا وقفت عند الباب وصارت تضحك
لؤي ابتسم للونا : خير شو بدك ؟؟
ريما اول مادخلت لونا حمدت الله وشكرتو بقلبها
لونا : ولا شي رح اطلع واخليكن تاخدو راحتكن
لؤي : ليش انتي خليتي راحة لحدا
لونا بضحكة : يلا لاحق عليها ونظرت ب ريما : مو هيك ريما
ريما ابتسمت للونا بمعنى منيح انك دخلتي
لؤي بقهر مصطنع : يلا قولي ليش اجيتي
لونا بتفكير : اممممم اي تذكرت
اجيت قلكن منشان تتصوروا لأن المصورة بدها تروح
لؤي : طيب خليها تستنى خمس دقايق
لونا : اوك وضلت واقفة محلها
لؤي : خير,ليش بعدك واقفة,ماتروحي
لونا بضحكة : ايه نسيت,يلا رح روح وخدو راحتكن
هي طلعت لؤي ناظر ب ريما الي قعدت بعيد عنو
: شايفة بنت عمك شو غليظة
ريما : لا حرام عليك لونا مافي منها
لؤي بضحكة : ههه اي طبعا مافي منها
ووقف ضحكتو : وبعدين ليش قاعدة بعيد عني
ريما : لا مو بعيد بس هيك مرتاحة
لؤي : اممم طيب ريما بدي اسألك سؤال ممكن ؟
ريما بنعومة هزت راسها بأي : تفضل
لؤي بجدية : انتي راضية على الحجاب
ريما : اي الحمدالله
وكنت اتمنى لو من زمان حدا مشجعني اني اتحجب
لؤي عجبو كلام ريما وبعصبية مصطنعة : واذا بشوفك بدون حجاب
او مبين شعرك او شي من جسمك قدام حدا موتك على ايدي
ريما فتحت عيونها وتناظر ب لؤي
لؤي ضحك على منظر ريما بقلبو
وبجدية : ريما انا لازم احكيلك شي ولازم تعرفيه
ريما بأستغراب من جدية لؤي : اتفضل
لؤي سكت شوي : ريما انا .....




بالفيلة بس بالخارج
وبالحديقة خاصة


واقف وماسك التلفون عم يحكي فيه بين الشجر
: سيدي كلو تمام ... اليوم الخطبة وقريبا العرس
حاضر سيدي
وهوي عم يحكي سمع صوت خطوات عم تمشي وراه
التفت لوراه وشاف شخص متجه عليه
كمل عالتلفون : سيدي فيه شخص جاي ولازم اسكر ... مع السلامة سيدي
سكر التلفون وحطو بجيبو بأرتباك وصار يتلفت حواليه
والشخص عم يقرب عليه اكتر



نهااااية الـــبـــارت

توقعاتكم
ياترى شهد رح يكون الها دور بالرواية ؟؟

لؤي شو رح يقول ل ريما ؟؟

ومين الشخص الي عم يحكي عالتلفون ؟؟ وعلى شو مخطط ؟؟

ومين الشخص الي شافو؟؟


قراءة ممتعة
تحياتي
سفينة الغرام



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 272
قديم(ـة) 07-02-2015, 05:47 PM
إبتهالـ إبتهالـ غير متصل
©؛°¨غرامي نشيط¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


البارت جميل ^_^. الاسم الجديد جميل


تعديل إبتهالـ; بتاريخ 07-02-2015 الساعة 05:49 PM. السبب: ااااااا
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 273
قديم(ـة) 07-02-2015, 06:36 PM
صورة فتى السلآم الرمزية
فتى السلآم فتى السلآم غير متصل
©؛°¨غرامي فضي¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


شهوده الها دور بالروايه
راح يقول لريما بدو تسافر معو وراح يخبرها لاهلها عن زوجتو هيناك
ماعرفتو
وهاذا كمان ماعرفتو
بس اشكركي كثيير على الرابط واتمنى الرابط اللي بعدو ترسليه لالي وكثييير حماس روايتك وانا تحمست كثيير متى اللي بعدو
ههههه اما امير ضحكني لالي وانا عم اقراء انو هوا يالي بيحب فرح
حلو انهون لبسو كلياتون حجاب لانو هاذا شي يرضي ربي
اممم كثير استمتعت معك بالبارت اتمنى اللي بعدو يجي بسرعه استناك بفارغ الصبر
معجبك النمبري حسوني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 274
قديم(ـة) 07-02-2015, 06:58 PM
صورة nasime الرمزية
nasime nasime غير متصل
©؛°¨غرامي فعال ¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


بارت جميل
ياترى شهد رح يكون الها دور بالرواية ؟؟
ايه اظن راح يكون لها دور
لؤي شو رح يقول ل ريما ؟؟
يمكن يقولها علي اوليفيا او موعد الزواج
ومين الشخص الي عم يحكي عالتلفون ؟؟ وعلى شو مخطط ؟؟
جاء على بالي عدي
ومين الشخص الي شافو؟؟
يمكن واحد من شباب
ذمتي بود


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 275
قديم(ـة) 08-02-2015, 12:22 AM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


اقتباس:
المشاركة الأساسية كتبها إبتهالـ مشاهدة المشاركة
البارت جميل ^_^. الاسم الجديد جميل

وجودك الاجمل حبيبتي
نورتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 276
قديم(ـة) 08-02-2015, 12:28 AM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


اقتباس:
المشاركة الأساسية كتبها حسوني المزيوني مشاهدة المشاركة
شهوده الها دور بالروايه
راح يقول لريما بدو تسافر معو وراح يخبرها لاهلها عن زوجتو هيناك
ماعرفتو
وهاذا كمان ماعرفتو
بس اشكركي كثيير على الرابط واتمنى الرابط اللي بعدو ترسليه لالي وكثييير حماس روايتك وانا تحمست كثيير متى اللي بعدو
ههههه اما امير ضحكني لالي وانا عم اقراء انو هوا يالي بيحب فرح
حلو انهون لبسو كلياتون حجاب لانو هاذا شي يرضي ربي
اممم كثير استمتعت معك بالبارت اتمنى اللي بعدو يجي بسرعه استناك بفارغ الصبر
معجبك النمبري حسوني

اهلا وسهلا

امممم توقعاتك ممكن
ا ن شاء الله اول ما نزل البارت برسلك الرابط
ههههههههه امير عم يتعلم من ايهم
اكيد حلو انهم لبسوا الحجاب وانا عم حاول اوصل لنقطة مهمة
وحقق هدف ببالي
ان شاء الله مارح اتأخر
شرف لي تكون من المعجبين بالرواية
نوررررررت بوجودك
دمت بحفظ الرحمن


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 277
قديم(ـة) 08-02-2015, 12:32 AM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


اقتباس:
المشاركة الأساسية كتبها nasime مشاهدة المشاركة
بارت جميل
ياترى شهد رح يكون الها دور بالرواية ؟؟
ايه اظن راح يكون لها دور
لؤي شو رح يقول ل ريما ؟؟
يمكن يقولها علي اوليفيا او موعد الزواج
ومين الشخص الي عم يحكي عالتلفون ؟؟ وعلى شو مخطط ؟؟
جاء على بالي عدي
ومين الشخص الي شافو؟؟
يمكن واحد من شباب
ذمتي بود

الاجمل طلتك ياقمررر
توقعاتك حلوة ياعسل
اسعدني مرورك العطر
ووودي




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 278
قديم(ـة) 08-02-2015, 01:38 AM
صورة عذرا مدى الايام الرمزية
عذرا مدى الايام عذرا مدى الايام غير متصل
©؛°¨غرامي فعال ¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


لا لا لا لييش وئفتي هوون! بدي اعرف شو صاير مع ريما وشو حكى معه لؤي

مرا بااارت حلو وحماااس

وعجبني كتييير الزواااج هههههههههههههه وايهم عم بيضحك كتييير

ربي يسعدك مرا ابدعتي بس لا تطولي علينا

ومبروووك اسم الروايه الجديد بس ليه غيرتي -_-<< لقافه ههههههه
وننتظرك لا تطولي وينااسو ع ريما ولؤي عم بيجننو
وتحياتي لك لا تطولي علينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 279
قديم(ـة) 08-02-2015, 04:27 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


اقتباس:
المشاركة الأساسية كتبها اترك العالم واجيـكـ<3 مشاهدة المشاركة
لا لا لا لييش وئفتي هوون! بدي اعرف شو صاير مع ريما وشو حكى معه لؤي

مرا بااارت حلو وحماااس

وعجبني كتييير الزواااج هههههههههههههه وايهم عم بيضحك كتييير

ربي يسعدك مرا ابدعتي بس لا تطولي علينا

ومبروووك اسم الروايه الجديد بس ليه غيرتي -_-<< لقافه ههههههه
وننتظرك لا تطولي وينااسو ع ريما ولؤي عم بيجننو
وتحياتي لك لا تطولي علينا

اهلين ياعمري
ههههههه يالبي عالحماس << شو رأيك سعودية صح

ان شاء الله مارح اتأخر بالبارت الجاي وبتعرفي شو رح يصير

الابداع منك وفيك ياعسسل
الله يبارك فيكي ههههههههههه تؤبشني لقافتك
هيك حبيت هادا الاسم يكون للرواية حسيتو بيلبقلها اكتر من القديم
ان شاء الله مااتأخر
حبيبة البي تسلميلي ربي يسعدك
نورررررتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 280
قديم(ـة) 09-02-2015, 08:53 AM
صورة اسيره ظلك الرمزية
اسيره ظلك اسيره ظلك غير متصل
©؛°¨غرامي جديد¨°؛©
 
الافتراضي رد: ماكان قصدي احبه بس اسلوبه ياعالم جبرني/بقلمي


شكرا على الدعوه الروايه جنان.......... اسفه على الرد المتأخر

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1