اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 14-01-2015, 02:33 AM
عذرااء الحب عذرااء الحب غير متصل
©؛°¨غرامي مشارك¨°؛©
 
الافتراضي رد: رواية إحترقي يا وعود فالحب خدعة/بقلمي


وانت بخيــــــــــــــــر


آخر من قام بالتعديل عذرااء الحب; بتاريخ 14-01-2015 الساعة 02:45 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 14-01-2015, 02:43 AM
عذرااء الحب عذرااء الحب غير متصل
©؛°¨غرامي مشارك¨°؛©
 
الافتراضي رد: رواية إحترقي يا وعود فالحب خدعة/بقلمي




البراء:وانت بخير
اكرم: ونغم خليها تنام
البراء:نامت قبل شوي
اكرم:اوكي يلا سلام
البراء :سلام
قفل منه وشاف مدير اعماله جاي لعنده
اكرم: متى الطياره
غريب*مدير الاعمال* :بعد نص ساعه
اكرم:اجل خلينا نروح مانبي نتاخر يمكن نحصل زحمه هنا
غريب:اكرم
اكرم:هلا
غريب يفتح باب السياره لي اكرم وقفل الباب راح جهته وفتح الباب وركب:اكرم ليش ماتتزوج عيالك بحاجه لشي ذا
اكرم يتنهد :عارف بس تدري ماابي اتزوج
غريب:تزوج عشان عيالك
اكرم: وللي شفته قليل
غريب:اصابع ايدك مو سواه
اكرم يطالع غريب:راح اتزوج بس تكون مربيه متزوجه بس شغلتها مربيه
غريب رفع حاجب:طيب جيب مربيه وريح عمرك
اكرم:لو جبت مربيه ماراح اقدر ارتاح تعرفني مااحب الاجانب ماتعرف وش يسوى بعيالك من وراك ومايصلح اجيب حرمه تعيش ببيتي وهي ماتحل لي لازم اتزوجها على اساس اقدر ادخل واخرج وانا مرتاح على الاقل تكون مسلمه تخاف ربها مننا وفينا تعرف العادات والتقاليد تربي عيالي على عادات المجتمع فهمت علي
غريب سكت:وليش للحين منتظر
اكرم:قول من تقبل بس وانا اروح
غريب:زي ماقال بدر تدق أي باب بتحصل الموافقه
اكرم:مو بسهـوله
غريب تنهد:ماودك تأكل
اكرم:نأكل بالمطار

.
.
.
الاربعــاء -16-20011
بيــت هـــارون
الســاعه 9 مساء

دخل البيت ويد على شعره يلعب فيه واليد التانيه ماسك الجوال ويتكلم بصوت محد يقدر يسمعه كان يبتسم وشعور يدغدغ بداخله يحس بمشاعر قريبه لهم مع بعض حوالي سنه ويحس كل يوم ينعجب فيها اكثر صارت له اقرب من النفـــس صارت تعرف كل صغير وكبير بعد ماكان يقفل الجوال بوجهها صار الحين يتمنى بس يظل طول العمر يكلمها ماحس انها بتملك ولو جزء بسيط من قلبه مافاق الا ومشاعره تركض وراها
: ي عمــري والله توني وصلت
غزل بدلع: يووو هارون من ساعه تقول بطريق والحين توصل
هارون بنفس الهمس: زحمه والله الطريق اجازه الناس
غزل:طيب حبيبي وحشتني
هارون:والله مو كثري
غزل: هارون
هارون:عيون هارون
غزل بخجل وصوت حلو:احبـــك
هارون تنهد بعشق وقال:وانا اموت فيك يغزل
غزل بفرح: احبــك .. احبــك
هارون يضحك: اموت فيك
غزل:طيب حبيبي لازم اقفل الحين جو بيت خالي
هارون:طيب حياتي بس ها ماراح انام انتظر تعطيني رنه عشان اتصل عليك
غزل:طيب سي يو
هارون:سي يو

واقف بنص الصاله ويبتسم من غير مايحس نزل جواله وقفله رفع راسه وانصدم بي مي واقفه عند الدرج وتطالع في بشك وقالت:ايوا كذا تطلع الفضايح مع من
هارون :فضايح من
مي تنزل من الدرجتين:شوف حبيبي لاتسوي فيها ماتدري وش اقصد ترا من الحين اقول الرجال ينعرف لو يتكلم مع ولد او بنت
هارون رفع حاجب:بالله وكيف
مي تسوي نفس حركاته وتهمس وتبتسم :كذا كانه يكلم نمله مايبي حد يسمعه لو يكلم خويه كان صوته لي اخر شارع وكل المكالمه سب وشتم وبالاخير تقفل بوجهه
هارون: اختاري ي تختفي من قدامي ي تحصلي كيف الرد
مي :لا حبيبي ماحزرت اعترف ميــن
ماحصلت نفسها الا هارون ماسكها من شعرها وقال: لسانك يطول تاني مره
مي تتوجع:أي أي خلاص لا مابطوله توبه فك
هارون دفها وقال: ايوا احسب
مي تمسح على شعرها:يخرب بيتك وش من يد
وركضت لفوق وهي تصرخ لان هارون كان بيضربها هربت
ضحك على خبالها ودخل غرفته ياخذ شور وينام



الجمعة-20-2014
الساعه 8 الصباح
بنفس البيت
امه حاضنه وتبكي مو مصدقه انه رجع
ام هارون:يمه ولدي ليش كذا تسوي فينا ليش
هارون يبوس يدها:سامحيني يالغاليه سامحيني
ام هارون:مسامحتك*تمسح علة وجهه هارون* ليش كذا نحفت وش صاير لك
هارون يبوس يدها تاني مره ويدمع: وحشتيني يمه وحشتوني كلكم
امه حضنته بقوة وتبكي
جات مدى وحضنته وبكت وبعدها مي صح كانت تبكي بس يوم حست الكل يبكي غيرت جوهم بالهبال حقها
هارون وقف: بروح انام تعبانه
ام هارون وقف: وانا بسوي الغذاء
هارون :لاتتعبي حالك الخدامه تسوي
ام هارون:لا والله بسوي الاكل للي تحبه روح ارتاح
باس راس امه ودخل غرفته والهم واضح فيه عيونه تدور بالغرفه كان يحاول يسترجع ذكرياته رجع للخلف قبل كم سنه


جالسه بنص الصاله ومنزل راسه ويده على راسه من المصيبه للي صدمته انفتح الباب ودخل اخوه سلطان الكبير واضح الشر بعيونه ماقدر يقول بكلمه لان عارف وش كثر غلط ماحس لا وسلطان ماسكه من رقبته ويصرخ عليه: بنت تلعب عليك بنت اخ وين رجولتك وينها
جا اخو يوسف وعبدالرحيم قرب يوسف وسحب بالقوة سلطان عنه وقال: بس ماتنحل بالهواش خلونا نتفاهم
سلطان هو مقهور صرخ: مليونين تقول نتفاهم مليونين براحه تروح وش
قرب من هارون وصار يهزه بقوة:قول وين عقلك وين رجولتك تخليها تخدعك بسهوله ماتستحي انت ماتستحي

عبدالرحيم: سلطان بس الله يخليك ترا الولد مانطق شي واكلته اكل خلنا نفهم ليش سوى كذا
يوسف طالع هارون:قول ليش سويت كذا
هارون ماقدر يستحمل ومو عارف وش يقول يحس الدنيا تدور فيه مصدوم واخوانه زادو عليه الهم تركهم وراح لغرفته دخل الغرفه وهو يسمع سلطان يناديه :بالجبان والغبي وان كل الحريم بتضحك عليك عشان تاخذ من وراك فلوس
ماحس بنفسه الا وهو يكسر كل شي بالتسريحة قبل الزواج بيومين يكتشف الشيء ذا



صحى على صوت الجوال طلعه من جيبه وشاف المتصل صاحبه قفل الجوال ورمى حاله على السرير وغمض عيونه يحس النار تشتعل وماراح تنطفي الا بالانتقام ودام رجع وهي للحين بذمته راح يخليها تدفع الثمن كل كلمه اهانه اخذها من سلطان للي صار مايثق فيني وصار هو المدير اخواني كلهم صارو مايسلموني الاداره يخافو اضيع الحلال والله ي غزل ويحي مااكون هارون لو ماخليتكم تندمو التفت بجسمه للجه هالتاني عدل جلسته وسحب شنطته فتحها وكانت فيها اوراق والاب سحب ظرف الابيض وانسدح وهو يفتح الظرف وصار يتأمل ملامحها ويبتسم حتى ماحس بنفسه الا وهو بســـابع نومه


.
.
.


2006-الخميس
الساعه 11 مساء
بيت هاشــــــــــــــم
بغرفتها تحس بالوجع من الضرب جسمها ماعاد يتحمل الالام
يارب صبرني ماعاد فيني حيل استحمل الضرب شكلي طول ماابوي بالبيت ماراح اطلع من الغرفه عشان مايضربني
طالعت بالباب للي انفتح وحصلت كل اخوانها حوله
فيصل بحنان:تحتاجي طبيب
شادن تبتسم:لا الحمدالله بعدين جسمي تعود عادي
مناف:الله يعنك
شادن :ترا جوعانه
تميم:انا بروح اجيب عشاء وش تبغي
شادن: بيتزا وببسي
مناف: وانا بعد
تميم:وانت وش لك انا قلت لها مو لك
مناف:معليش اخوي العزيز كريم
تميم:لاتحاول تعال معاي طيب
مناف وقف:يلا
فيصل ابتسم وطالع شادن: ادري انك تتوجعي بس ماتبي تقولي كم مره قلت لك لاتحاولي تستفزي ابوي ماتفهمي تبغي تموتي
شادن:قهرني ي فيصل وش اسوي
فيصل:الله يهديك بس
شادن تزفر: احس بالضيقه ودي اطلع
فيصل : الحين
شادن:ايوا
فيصل :اجل خلي ابوي ينام ونطلع نمشيك ساعه ونرجع
شادن:ان شاء الله لو نص ساعه راضيه
فيصل: المهم كلمت صاحبي ابوه مدير بمستشفى...ابوه بتوسط لنا عند صاحبه يدرسك بالكليه حقته
شادن بفرح: جد
فيصل:ايوا بس قال راح يطول يعني يمكن شهر لان الرجال حاليا مو هنا برا
شادن: الحمدالله يارب بس ابوي
فيصل:ابوي خلي علي انا بس منتظر موافقة الرجال عشان اكلم ابو ي
شادن بحزن: مااظن بيوافق
فيصل: وانتي ليش كذا خليك ايجابيه شوي
شادن :مدري عن ابوك
فيصل : ان شاء الله يوافق



29-الاحد-2014
جالسه بمكتبها تقرا كتاب باقي نص ساعه ويبدا دوامها جايه بدري اليوم
قفلت الكتاب وسحبت المجلة للي توها وصلت وصارت تتصفح فيها بملل واضح حتى وقفت على صورته وهو لابس بدله شكله حلو كان وجنبه بالخط العريض ولون الخط احمر
**لــم اعتزل الزواج ســاتزوج من الفتاة التي ستكون ام لي اولادي **
عدلت جلستها بي هتمام وصارت تقرا كل كلمه بفضول ماحست الا بصوت على مكتبه رفعت راسه وشهقت والمجلة من الربكه قفلتها بسرعه ورمتهاعلى جنب وقفت بتوتر وقالت: اهــ ــــلا
جلس على الكرسي وهي جلست بس ماكنت قادره تأخذ نفسه الموقف مربكها تقرا اخباره بي اهتمام وفجأة تشوفه قدامها يويلي
اكرم : جاتني شكاوي ضدك
لفت بهتمام له وقالت بستنكار:انـــــــــــا ؟؟
اكرم طالع فيها بدون اهتمام وقال: ايوا
شادن: مااظن سويت شي
اكرم: انتي تعرفي ان عندي سمعة المستشفى عندي مهمه اذا عندك غرامات خليها خارج الشغل انتي جايه هنا لي وظيفة معينه
شادن وقفت وقالت: وش تقــول وش هالخرابيط أي غرام واي سمعة الحمدالله اشرف منك
اكرم وقف بهدوء: عفــوا وش قلتي
بلعت ريقها خافت من نظرته وقالت: انا ماسويت شي لاتجي وترمي علي اتهامات
اكرم:في اثبات
شادن غمضت عيونه بهدوء وهي عارفه مافي غيره النذل والحقير فارس : لو تجيب مليون اثبات انا واثقه من حالي
اكرم :انا جيت اقول لك شهرين عشان مااكون ظلمتك شهرين بس عشان تدوري على شغل غير لان ببساطه مايشرفني تكوني عندي
شادن رفعت حاحب:او الصراحه مره عادل تدري شلون الحمدالله جات منك
اكرم طلع من عندها بكل برود
اما هي جلست بقوة على الكرسي وعيونها ضايعه بالغرفة مو مصدقه قالها فارس""دامك صديتيني تحملي للي بيجيك""
ماتوقعته بهذه الانانيه اكثر من مره تعرض لها وكان يهددها بوظيفتها بس كانت تقول ماراح يسوي شي لان مو بيده يطردني بس الحين عرفت من فارس الله ينتقم منك
دق الباب وسمعت صوت ممرضتها مسحت دموعها وعدلت طرحتها واستعدت لدخول المرضه

.
.
.
13 –2014-الجمعــة
الساعه 3 العصر
اليوم خطبة اختها ولازم تنزل بيت اهلها عشان يروحو سوى الكوافير
السواق حق بيت عمتها هو بيودها لان انس كالعاده هالوقت بالشارع يجي من المدرسه الساعه 1 الظهر ويتغذاء ويطلع على الساعه 3 او 4 ومايجي الا الساعه 10 بالليل هذا حياته

وصلت الحاره بس كان في تجمع قريب استغربت مو بالعادة يكون زحمه وكمان من طريق اهلي ماقدر السايق يدخل اكثر انجبرت انزل وامشي برجولي دخلت لفت بيتنا وكان في اسعاف وصراخ الناس

..حريـــــــــــــــــق ... لاحول ولا قوة بالله كلهم ماتو .. من متى تشتعل الحريق وكيف صار كذا..

كانت تسمع الكلام وهي ترجف من الخوف وتدعي البيت مو بيتهم بس كان جبل وطاح فوقها يوم شافت النار تأكل بيتهم أكل والاسعاف تحاول تطفي النار
صرخت بقوة :لالا
وركضت لعندهم بس الرجل منعها :بعد امي اختي ابوي بعد الله يخليك
الرجال:ممنوع لو سمحتي ارجعي
طاحت بالارض وتبكي : امي ريما اهي
وقفت وكانت تبي تدخل بس رجع منعها الرجل جات حرمه من جيرانهم وحضنتها تبكي معاها ادعي لهم
ماحست الا وجسمها يرتخي وشوي شوي ماعادت تحس بشي




كـــــــــــــــــــــــــــــــــــــــــــــــــ ـــــــــت
كل ماكانت الردود اكثر وتحمس راح ينزل بارت
اتمنى ينال على اعجابكم
دمتم بحفظ الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 14-01-2015, 02:47 AM
عذرااء الحب عذرااء الحب غير متصل
©؛°¨غرامي مشارك¨°؛©
 
الافتراضي رد: رواية احترقي يا وعود فالحب خدعة/بقلمي


بكــــــــــــــــــــــــــــــــــــــــــــــــ ـــرا اخــــر اختبار لي ابي ارجع من الجامـــعة واحصل ردود حلوه
ادعولي ي حلوين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 14-01-2015, 10:25 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية إحترقي يا وعود فالحب خدعة/بقلمي


الله يوفقك حبيبتي بالاختبارات

سي يو سون يا قلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 14-01-2015, 06:26 PM
صورة عذرا مدى الايام الرمزية
عذرا مدى الايام عذرا مدى الايام غير متصل
©؛°¨غرامي فعال ¨°؛©
 
الافتراضي رد: رواية إحترقي يا وعود فالحب خدعة/بقلمي


واااااو لاااااا حرام عليكي توقفي كذا

حزننتي عذبه مرا اهىء اهىء

يارب م يصير ب اهلها شي

والبارت مرا حمااااس وروووووعه ابدعتي

والله يوفقك ب اختبارك يارب وييسر لك امورك

دمتي بود وبخير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 15-01-2015, 03:44 AM
صورة مها الورفلي الرمزية
مها الورفلي مها الورفلي غير متصل
©؛°¨غرامي مشارك¨°؛©
 
الافتراضي رد: رواية إحترقي يا وعود فالحب خدعة/بقلمي


السلام عليكم
مشكوره ع البارت الرائع
شخصيات الروايه تجنن خصوصا
فيصل واخوانه-شادن-غايه-هارون-عذبه
اتمنى انه عذبه تتطلق وتتزوج هارون في النهايه لانه بجد حرام تتزوج هالمراهق <<يقهههر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 19-01-2015, 08:37 PM
عذرااء الحب عذرااء الحب غير متصل
©؛°¨غرامي مشارك¨°؛©
 
الافتراضي رد: رواية إحترقي يا وعود فالحب خدعة/بقلمي


البارت يوم الاربعاء
الساعة 8 مساءا

انتظروني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 19-01-2015, 09:06 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية إحترقي يا وعود فالحب خدعة/بقلمي


ننتظرك العمر كله يا قلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 20-01-2015, 03:03 AM
عذرااء الحب عذرااء الحب غير متصل
©؛°¨غرامي مشارك¨°؛©
 
الافتراضي رد: رواية إحترقي يا وعود فالحب خدعة/بقلمي








الســـــــــــــــــــــلام عليكـــــــــــم



هذا البــــــــارت لعيون صديقتي تهـــاني


ولان بكرا راح اودي الاب يتفرمت خفت البارت ينمسح وارجع اعيد تعب قلت انزله احسن الحين وانتو تستاهلو


كل ماكنت التوقعات قريبه من الروايه كل ماكان في بارت مفأجاة

الرواية لاتلهيكم عن الصلاة
راح يكون البارت كل اثنين وجمـــعة واذا خلصت كتابه بدري انزله بدري ابي ردود طويله مابي ردود قصير يســلمو ومن الكلام ذا
احب الردود الطويله تكلمه عن الشخصيات

الخـــــــــــــــــــــــــــــــــ4ــــــــــــد عة


الجمعــة -28-2013
الســــــــــــــاعة 9ونص مساء






{ ثــم اني لا آبـــالي ان اخـــالف كل هذه البــشرية على ان ابــقى معــكــ !!}






**بيــــــــــــــــــــــت هـــــارون**


غـــــــــــــرفة هـــــــــــــارون

ظـــــــــلام .. وهــــــــــــدوء .. وبـــــــــــــــروده

تقلب على الفراش مد يده يتحــسس الكمدينة صوت المنبه مزعجه سحب الجوال وبعيون يالله يفتحها قدر يقفل المنبة رجع الجوال مكانه وغمض عيونه لدقايق وبعدها رفع جسمه وتكه ظهره براس السرير وضغط على الابجورة فتحت الاضاءاه حك عيونه بطفش وده ينام بس اليوم طالع زواج مسح على راسه بكسل وهو يبعد البطانيه عن جسمه فتح النور ودخل الحمام استحم سريع وصلى صلاة المغب والعشاء ولبس الثوب الابيض والكبك والغطرة ورش عطر ولبس الحذاء
كان قمة الرجوله والاناقه جماله ساحر احلى واحد بالبيت ومايشبه احد اخذ الجوال والمحفظة نزل من الدرج بخطوات سريعه رد على جواله وهو يقول: ايوا شوي وبجيك انتظرني يلا سلام
قفل جواله ودخله بجيب البنطلون وقف بنص الصاله يوم سمع اخته تقول: غــــزل وش فيك ترا مافي حد طلعي العباي
ماقدر يكمل طريقه من غير ماايشوف الشخص للي حبه التفت نص التفات وشافها وهي تفسخ العباي وتضحك مع مي وتقول: طيب طيب لاتعصبي
ماتوقع انها حلوه كذا صحى على صوت مي وهي تصرخ علي:هـــــــي وش فيك واقف كذا استحي على وجهك
رفع حاجب وطالع فيها وبنظرات ناريه كانه يهدد: وين امي
مي وهي تقفل باب الصاله قلت: راحت عند جارتنا الا تعال الكشخه هذه لمين
قال وهو يدخل الجوال بجيب الثوب: وانتي وش لقفك
مي تقرب منه:والله شكلك خطير لحظة اصورك ابي اقهر سماح تموت بالمزز
كان بيضحك على هبالها قال : والله احلفي ي شيخه
مي: جد ترا مدري وش يصير فيها يوم تسوف مز
هارون وهو رايحة جهة الباب:الحمدالله والشكر بس
مي تصارخ:هي لحظة وي ماحد يمدحه هذا
رجعت لغزل وهي تسب فيه بقهر


ركب سيارته وطلع جواله وبسرعه كتب رساله وارسلها لغزل انتظر دقايق وهو يعض شفته السفليه ماوصل رد انقهر ليش مطنشه الجوال رمى الجوال جنبه وحرك بسرعه لي بيت صاحبه ماجد وقف عند بيت ماجد واخذ الجوال اتصل عليه
قفل منه وصله رنه ابتسم فتحها وقراء وبعدها ضحك بصوت عالي دخل صاحبه السيارة وقال: بسم الله وش فيك تضحك وش صار
هارون يحرك السيارة:مالك دخل خلك بحالك
ماجد:الله واكبر المهم ترا اليوم كلمت امي ابي اعرس هالبزر يتزوج قبلنا مايصير
هارون وللحين الابتسامه بشفايفه:حاسد
ماجد:لا الله يوفقه ويسعده بس ابي اتزوج تحمست وانت؟؟
هارون طالع ماجد وطالع الطريق: انا أيــــش !!
ماجد: تتزوج
هارون وكان الفكره عاجبته: ليش لا نفكر
ماجد يصفق: ياسلام
هارون ضحك:هههههههه ليكون اخذ مليون
ماجد: مليونين ياراقل
وصلنا القاعه ونزلو سلمو على العريس وعلى الشباب وماجد قال بصوت مسموع
ماجد:يلا شباب كل واحد عشر الالف زي مااتفقنا اقنعته
راكان: كاذب
ماجد يضحك: وربي ها هارون مارقلت بتتزوج
هارون يرفع حاجب: أي النذل متفق معهم تقنعني وتأخذ على حسابي من كل واحد عشر
ماجد:ههههههههههه شفت كيف
مبارك العريس: دام بيتزوج لك العشر
راكان: انا سحبت
ماجد:للي بيسحب مو رجال الرجال قد كلمته
هارون: والله تكسب من ظهري
ماجد: حبيبي انت لك عزيمه على حسابي بس خلني اخذ الفلوس
يحي: انا اعفيني
ماجد:انت اول واحد تدفع انت للي قلت لو اقنعت هارون لك عشر الالف
يحي بتوتر: نمزح وي من وين لي انا خلني احصل ريال
هارون: انا ادفع عنه
يحي: خشمك
هارون يدف يحي بمزح: وخر لااغير رايه
يحي يبعد: لالا لاتغير بس اعطيه يسكت عني
ماجد:تدفع ماتدفع تجيني خمسين الف
هارون: طماع وش تسوي فيها
ماجد: وش لك هات وانت ساكت
هــارون :هههههههههههههههه
مبارك: خلاص عرسي مزاد صار
ماجد: فكره مو بطاله ليش لا
الكل:هههههههههههههههههههههههههههههه



الســــــــــــــــاعه 3ونــــــــــــــــص


.. بعــــــــــــــــــــد الزواج رجع البيت وهو تعبان رقص اليوم حتى شبع المطرب كان حمـــــــــــاس رمى جسمه على الكنب وهو يفتح الزرار خنقه من رقبته حط يده على الغطرة ورماها على الكنب سمع صوت امه رفع راسه وابتسم لها
جلست بالكنب مقابلته: وش فيك يمه
هارون: مافيني شي ليــش مانمتي؟؟
ام هارون: انتظرك
هارون: في شي انا قلت لي مدى تقول اني رايح الزواج وبتاخر
ام هارون:الا قالت لي بس ابيك بموضوع طول وقتك انت بدوام وماتنشاف قلت الحين اكلمك دام الكل نايم
هارون يعدل جلسته: خير يمه في شي
ام هارون تبتسم: كل خير
هارون: امري يالغاليه
ام هارون: ماودك تعرس
هارون كان بيضحك حظ ماجد ماشي الشباب ماحد اعطاه فلوس الا يوم اخطبه
ام هارون: يمه وين رحت
هارون:ها عنــدك .
ام هارون:الله اشوف بنت خالتك ليال بنت حلوه وطيبه ومن وفينا
هارون تغيرت ملامحه: يمه ابي اخت صاحبي غزل
ام هارون بفرح: حتى غزل كنت اتمناها لك بس قلت اكثر من مره قلت لك عنها وانت رافض بس دام تبيها ونعم الاختيار بنت حلوه وخلوقه
هارون ابتسم : يمه كلميهم اليوم العصر ونهاية الاسبوع نروح نملك
ام هارون: وش فيك مستعجل الناس تاخذ اسبوعين اقل شي اسبوع
هارون يوقف ويأخذ اغراضه: انا ابي املك على طول مابي خطبه
ام هارون: وي لازم شوفه تشوفك وتشوفها
هارون ابتسم يوم تذكر شكلها: مايحتاج مايهمني الجمال اهم شي اهلها اعرفهم وانتي تعرفي البنت وعاجبتك وانا واثق من اختيارك
ام هارون بفرح: ربي يوفقك ويسهل دربك يارب
هارون وهو طالع: امين يالغاليه
دخل غرفته ورمى الاغراص بالكنب وفسخ الثوب وطاح على السرير وهو يتصل على غزل
بعد كم رنه ردت عليه
هارون بهيام:هلا بالحب كله
غزل بخجل: والقلب كله
هارون ومغمض عيونه : تحبيني ؟
غزل: وهذا سؤال انت الروح والقلب انت كل شي حلوه بحياتي
هارون تنفس بهدوء وقال:احبك
غزل:وامــوت فيك كلمة احبك قليله عليك هارون انا مقدر اعيش بدونك انا اليوم يمكن كنت بتهور واحضنك ماصدقت عيني يوم شفتك قدام عيني حسيت بالغيره من مي ليش تقدر تشوفك وتلمس وانا لا
هارون وهو يتقلب للجهة تانيه: قريب بيكون لك الحق اكثر منهم وبيكون لي الحق اضمك واصبح بوجهك كل صباح
غزل :كيـــف
هارون: انا قلت لي امي وراح تتصل اليوم عليكم بس قلت لها مجرد مايردو بالموافقه ابي على طوله ملكه
غزل: ملكه صعبه ماكون جاهزه
هارون : ابي ملكه من غير حفله عشان اقدر اشوفك واكلمه قدام الكل والحفله بعدها بشهر
وش قلتي ي بعدي
غزل: طيب دام هذا رايك ليش لا
هارون: مابيك تطولي بالرد
غزل: بس مااقدر اعطيهم راي بسرعه بيشكو لازم على الاقل يومين
هارون:طيب يومين اكثر من كذا يويلك
غزل تضحك:هههههههههههه طيب يومين وبس
هارون زفر وقال: فيني نوم
غزل: طيب نام وانا كمان وراي جامعة اختبار بكرا
هارون: وذاكرتي
غزل: ايوا انا جيت عند اختك عشان اذاكر معاها
هارون:لاالصراحه ناجحه دام ذاكرتي مع مي هذه فاشله
غزل:ههههههههههههههههه حرام عليك والله شاطره فهمت منها بس هي تلعب كثير يعني لو تنتبه لدراستها تحصلها ماشاء الله فوق
هارون يضحك:ههههههههه الله هذه يطلع منها كذا
غزل: ايوا يل حبيبي نام وانا بنام
هارون يتنهد: تصبحي على خير
غزل: وانت بخير احبك
هارون:وانا احبك
قفل الجوال وتمدد عدل وهو يقرا المعوذات وماحس الا وهو بســـــــابع نومه


امـــــــــــــا غزل قفلت الجوال وهي فرحانه الخطه تمشي زي ماخططت دق الباب وقالت:ادخل
يحي دخل وهو شاق الابتسامه: عندي لك خبر
غزل: وانا كمان خبر والا اروع
يحي: وش قولي
غزل: لا انت بالاول قول
يحي يجلس بطرف السرير : هارون قرر يزوج خليت واحد من اصحابي يزن عليه حتى وافق يتزوج
غزل: يعني انت خليته يفكر بالموضوع
يحي:ايوا
غزل بفرح:يــــــــــــس
يحي: وانتي وش خبــــــرك؟؟
غزل: توه كلمني انه كلم امه تخطبني ويبي ملكه على طول
يحي بفرح: والله ماكنت احس انه خفيف كذا ايوا وش قلتي
غزل: سويت حالي مابي ملكه قريب لان مافي وقت اتجهز قال بس عقد وبعد شهر الحفله وافقت
يحي :اه ونلعب بالفلوس لعب من قدك
غزل: مااصدق راح اتزوج واحد غني فله وسواق خاص وفلوس تلعب بيدي وحساب خاص فيني وملابس من افخم الماركات وه ي قلبي بيوقف
يحي:هههههههههههههههههههه انتبهي بس لازم لاتغلطي
غزل: الله لنا سننه وشوي وماغلط بغلط الحين
يحي: مدري عنك
غزل: الا تعال لمتى بظل معاه تعرفني مااحبه والا افكر فيه
يحي: حتى مايحول لك مبلغ ويسجل بيت بااسمك ويجيب لي سياره بااسمي وبيت لي وفلوس على رصيدي ورصيدك وابي وظيفة بشهادتي للي للحين ماحصلت وظيفه حتى مانحس انا نص الاملاك صارت تحت يدك وقتها نهرب انا وانتي وتخلعي بالمحكمه ونقول له باي باي ماعاد يشوفنا لابالواقع ولا بالاحلام ههههههههههههههههههههههههههههههههههههه
غزل:هههههههههههههههههههههههههههههههههههههههههههه متى يجي هاليوم يارب بســــــــــرعة
يحي يوقف: بس طبعا هالشي مايجي الا اذا زاد حبه وصار واثق فيك ثقه عمياء لازم تخلي يثق فيك ويحبك اكثر عشان بعد كذا كل ماطلبتي يعطيك وهو موش ايف قدامه
غزل بفخر: افـــــــــــــا عليك وانا بنت غازي انا خلال سنه خليته يحبني ويجي يخطبني لاتستهون فيني
يحي:يالله تصبحي على خير
غزل تتمدد على السرير:وانت بخير

طفت النور وراحت بااحلام ورديه


ليـــــــــــــس كل مايتمنــــــــاه المـــرء يــــدركة




الاتــنيــن -22-2014

الســـــــــــــــ7 ــــــــــــاعه المغرب

غرفة هارون
جالس على طرف السرير وعيونه بالارض يفكر وجواله بيده يهز فيه واضح على ملامحه العصبية والشرود وقف اخيرا بعد ماقرر
فتح الباب ونزل جري على الدرج وقفه صوت امه
ام هارون: يمه وين رايح
هارون: جاي جاي ماراح اتاخر
خرج بسرعه وشطح بسيارته لبيت غزل
دق الباب بقوة وفتحت الباب وهي لبسه العباي والطرحه لفتها بشعرها
ابتسم بمصخره ودخل وهو يقول: خمس دقايق احصلك جاهز بسرعه
زي البرق راحت لغرفتها والخوف يهز كل خليه فيها ماكنت تتوقع لكبر المصيبه للي سوتها الا الحين مو مصدقه ان اخوها غذر فيها وتركها وهج بالفلوس وتركها للمتوحش هارون اصلا كيف عرف انها رجعت البيت واصلا هي مارجعت الا يوم قال لها يحي انه سافر
للمره التانيه كذب عليها كانت تسحب شنطتها ويدها ترجف بقوة مو قادره ترفع الشنطة عن الارض بسبب رجفة يدها وبيدها التاني تمسح دموعها فتح الباب بقوة تركت الشنطة ومن الخوف ماقدرت زاد صوت البكاء وغطت وجهها بيدها وصارت تبكي بصوت عالي
اما هو كل للي سواه سحب الشنطه وبيده التانيه دفها من كتفها وهو يقول :قدامي يلا
تجر رجلها جر عارفه انها غلطانه بس ماتوقعت ان مايطلقها اكيد راجع ينتقم والا هارون كيف يطلع هارون لو مااخذ حقه للي يشوف رجفة جسمها يتوقع من البرد بس هي من الخوف صارت ترجف
ركبت السيارة وهي مغطيه وجهها بكفوفها وتبكي دخل الشنطة ورا وركب وقفل الباب بقوة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 20-01-2015, 03:16 AM
عذرااء الحب عذرااء الحب غير متصل
©؛°¨غرامي مشارك¨°؛©
 
الافتراضي رد: رواية إحترقي يا وعود فالحب خدعة/بقلمي


وقال بصراخ ارعبها: انــــــــكتمي
كتمت صوتها بس دموعها تنزل زيادة
قال وهو يضرب بيده التانيه مكان الدريكسون: انا تسوي فيني كذا انتي واخوك الخاين والله لايطلع من عينك انت والله لاتبكي دم
وبصر اخ:ليــــــــــــــِش ليـــــــــــــِ ش انا من ايش حارمك كل للي تتمني اعطيتك اياه ولو طلبتي زياده كان عطيتك تسوي فيني كذا ي حثاله

وهي تبكي قالت وصوتها يرجف: والله .. مــــ ــــــا لــــــــــــــ ــــــي دخــــــ ــل هــــ و والله .. هـــــــــــــ ـــــو

بصوت كله قهر وصارخ: مابي اسمع صوتك انكتمي قلت اسكتي
صارت تبكي بصوت مكتوم وغصب عنها شهقاتها تطلع

وصل البيت راح جهة بابها فتح الباب بقوة وسحبها من يدها وهي تقوله الله يخليك سامحني
بس الغضب والعصبية عمته فتح الباب بيده التاني ودفها بقوة للصاله طاحت على الارض
وصل لعندها وصار طايح ضرب فيها ماكان قادر يسيطر على نفسه كل ماتذكر تمثيلها وخدعتها له وهروبها واستهزاء اخوانه عليه يزيد ضرب ماحس الا بصوت امه تدفه بقوة وهي تقول: بتــموته حرام عليك
هارون وهو يصارخ: الذبح حلال عليها يمه الله يخليك بعدي عني الله يخليك
امه ماسمه من يده: عشاني ياهارون لاتطيح قلبي البنت بتموت بيدك شوف كيف ضاربها
مي ومدى جنب غزل جالسين ومصدومين من ضرب اخوهم صح عصبي بس ماتوقعه يطلع من الضرب القاسي
هارون يمشي بسرعه تجاه غزل وضربها زياده
امه تسحبه: هارون تكفـــى بس عشاني ياهارون الله يخليك
بعد عنها وهو يتنفس مسك المزهريه من القهر للحين ماطلعه ورماها بقوة بالارض وهو يقول: حقـــــــــــــــــــــــــــــــــيرة
الكل صرخ بفزعه من صوت المزهريه
امه تقرب منه: يمه اهدا
هارون :كيف اهدا يمه الله يخليك لو تشوفيني اموتها لاتدخلي بيننا الله يخليك يمه ولدك تعبان وماراح يرتاح الا يوم اخذ حقي منها ومن الزفت يحي
ام هارون:ربك فوق يمه فوق
هارون رايح جاي: يمه لو بتتدافعي عنها ترا باخذها وبنطلع في بيت لحالنا
غزل اول ماسمعت كذا بكت زيادة وهي تقول: لالا خالتي لاتوافقي مابي اعيش معاه بيت لوحدنا والله يموتني الله يخليك
ام هارون بحزن: يمه لاتاخذها وماراح اتدخل بس ماتخرج من البيت
هارون بصراخ:انكتــــــــــــمي صوتك مابي اسمعه
راح لعندها وهي صرخته من قربه سحبها من يدها وجرها لفوق وهي تنادي على امه وتبكي
دفها لغرفته وقال: صوتي لااسمعه والا بقصه لك سامعه

رن جواله سحبه من جيبه ورد بعصبيه**الله يعين المتصل** : وشـــ من جــــــدك
**جلس بالسرير** لاحول ولاقوة الا بالله متى وين هــــــــــــي لالا بجي اكيد أي مستشفــــى
طيب طيب سلام قفل الجوال ورماه على السرير وقال : جهزي لبس لي بطلع المستشفى ابي ثوب
شافه تبكي بصمت صرخ عليها خلاها تفز واقفه وقالت برجفة: طيب طيب
دخل الحمام يستحم بيروح المستشفى وللحين يدور على يحيى الزفت والله لايندم متهني بكم فلس ماصيري بحصلك


.
.
.

الاربعــــاء -30 -20013
قــــــــــــــــــاعة .................
الســــــــــاعة 12 تمامـــــــا
الطاولة ازدحمت بالحضور وصوت المطربه مغطي على الكل والكوشه مزدحمة ببنات يرقصه

في غـــــــــــــرفة العـــــــروس
جالسه بالكنب وتشبك اصابيعها ببعض بتوتر وعيونها مركزتها على شادن
شادن باابتسامه: يختي فكي الخشه هذه
غايه بقهر كاتمته: أي صح فكي الخشه والا كيف بنتصور معاك وانتي كذا
عذبة رفعت عيونها الواسعه للي مزينتها بمكياج ناعم وروج احمر جرئي تحس بتبكي من القهر ماتبي الزواح ذا بس عشان امها رضيت والا وين هي وين انس والا القهر بينزف معاها امه تبي ينزف مو قادره الكل اكيد بيعرف انه اصغر منها لها اكثر من شهر وهي مو قادرة تعيش حياتها زي ماتبي حست بيد شادن تمسح على يدها الباردة ابتسمت لهم بحب صادق
وقالت وصوتها طلع مخنوق: الله لايحرمني منكم
شادن: امين ولامنك تصدقي طالعه قمر والنذله تزوجت قبلنا
غايه بضحك: تجرب وتقول الزواج كيف حلو الا
شادن: انتي مايمديك خاطبه والملكه الاسبوع الجايه العزوبيه انا الوحيده افا
عذبة: نجيب لك عريس ولا يهمك
شادن: أي بس يكون زي دكتور
غايه: هذه من يوم ماصارت دكتوره وهي معلقه تبي دكتور وين نحصلك دكتور نعمه لو نحصل واحد مكمل دراسه ويبيك
شادن تتخصر: ليش ان شاء الله وش شايفتني
عذبة : تكفــون لاتبدو الخصام يلا نتصور
دخلت مياده *اخت انس* : حبايبي العريس بيدخل يتصور
غايه بصوت مايسمعه الا شادن: عريس وطفل الله يدنيا الله يعينك ي عذبه طلعت منها بصوت عالي سمعه الكل:اه
شادن ضربتها ببطنها بكوعها وقالت: انطمي
عذبة : طيب بس بتصور مع صحباتي وبعدين يدخل
ميادة :اوكي
وقفت عذبة والبنات جنب بعض وكل وحده سوت حركه تتبهلل وصورتهم المصوره وهي تدخل على خبالهم اما الصور هالتاني صوره ثقل ورزه
بعدها نزلو تحت يطلعه مواهب الرقص على بال ماتتصور عذبه







السبت -15-2014
الســـــــــــــــاعه 9 صباحا

كانت سادحه وماتدري عن حد ثالث مره يعطوها ابره منومه لان الشيء للي صار ماقدرت تستوعبه جنبها شادن لبسه بالطو حقها والطرحه ومتلثمه لان عذبة بنفس المستشفى للي تشتتغل فيها ويوم عرفت جات جري لعندها تمسح على يدها وتبكي بحزن على حالها دق الباب مسحت دموعها وعدلت صوته وهي تقول تفضل كان ابوها دخل وواضح التعب بملامحه والحزن
للي ماته امها واختها ابوها كان برا البيت
ابوها قال:ماصحت
شادن بحزن: صحت بس كانت تصارخ وتبكي بهستريا اعطوها ابره منومه
ابو عذبه يجلس بالكرسي وهو يقول: لمتى بتظل كذا بنتي بتروح من يدي لو بتأخذ كل شوي ابره منومه
شادن تنحني وتبوس راس عذبة قالت: لا ان شاء الله مايصير لها شي
ابو عذبة قرب من بنته ومسح على راسها وبأسه وقال:انا لله وانا اليه راجعون انا لله وان اليه راجعون
خرج من الغرفة رواح لدكتور لها يومين بالمستشفى وللحين مو مصدقه تحس كل ماتصحى وتتاكد ان مو حلم تنجن وتصارخ وماتحس نفسها الا نايمه من اثر الابره

مــــــــــــــــــــرت اربع ساعات وصحيت لفت راسها بتعب وشافت شادن جالسه تقرا قران قالت وصوتها رايح: مــــاتو ؟؟
شادن رفعت راسها وحطت القران على الطاولة وفزت لعندها ومسحت شعرها: ادعي لهم ابوك تعبان مو قادر يشوفك كذا عشانه
عذبه ودموعها تنزل بغزاره وتبكي: شادن اتنين راحو بنفس الوقت امي واختي اغلى منهم ميــن شادن موقادرة اصدق احس بموت والله كثير علي ماقدرت افرح بزواجي الا بصدمه اكبر مني موتهم ابي امي شادن ابيها اه يمه ابي اموت مابي اعيش ابي اموت
وتصرخ باامي
شادن حاضنه راسها وتقولها: حرام مايجوز للي تسوي ادعي لهم مايجوز ي عذبة ماراح يرجعه لو بكيتي وصارختي الله يخليك هدي عشان ابوك بيتعب لو شافك كذا
عذبة وصوتها رايح من الصراخ والبكاء: وين ابوي وينه
شادن تبوس راسها:الحين يجي
دخل ابوها ويوم سمع بنته جا ركض لعندها وباس راسها ويدها وهو يقول: خوفتيني عليك يمه ليش تسوي بنفسك كذا
عذبة تبكي: يبه راحت امي واختي راحو يبه اه ي قلبي يوجعني مشتاقه لهم كنت جايه لهم وحشوني بس ماقدرت يبه وصلت وهم خلاص راحو راحو تركونا يبه الله يخليك قول انه حلم قول انه مجرد حلم يبه ابي امي ابيها
ماقدر يستحمل جلس يبكي مو قادر يسوي لها شي اذا هو مو قادر يصدق للي حصل بنته وزوجته بيوم واحد شلون المسكينه عذبة شلون باس يدها وهو يقول: عشاني لاتعبني اكثر الله يخليك لاتبكي مابي اشوف دموعك ادعي لهم ادعي

حاولت تمسك نفسها بالقوة عشان ابوها للي انهار قدامها




بعـــــــــــــــــــــــــد شهـــر رجعت بيت عمها وابوها افلس بسبب القمار
وعاش بغرفة الحارس بيت اخته
كانت مقهوره وهي تشوفه كذا بس ماتقدر تقول شي البيت مو بيتها وابوها ماعنده الريال عشان ياجر شقه له بس تتحسب على عمها للي مارحم كبر سنه واعطاه غرفه افضل واحسن
ولا يهددني لو تطلقت من انس راح يرفع قضية ضد ابوي لان ابوي تسلف منه مليونين عشان يسد ديونه وطبعا ماسدد الا البعض والبعض استخدمها بالقمار للي ضيع كل فلس منه
وانجبرت تستحمل انس بس عشان ابوها حتى طفح الكيل صارت تشك بحركات انس طلعاته الكثيره وريحته لمن يرجع خافت عليه كااخت مو زوجه ولد عمتها وانس كانت تعزه لانه الوحيد للي تاخذ وتعطي معاه قبل الزواج لكذا تحبه كااخ حاولت تعرف ليش يطلع كثير بس يقول لها عادي ولد اكيد بطلع الشارع
وبنت خالته للي رجت اهلنا بحب انس كل يوم تجي وتطيح فيني شماته ومصخره وانا مستحملتها لان ماودي احط عقلي مع بزر

قفلت الجوال من شادن وانفتح الباب رفعت راسها شافت انس داخل وريحة الدخان على عطر نساء واصلها عدلت جلستها وقالت: وين كنت
انس وهو يبتسم لها: هلا بزوجتي الحلوه
رفعت حاجب من متى يعرف يكون جملة عشان يتغزل: انس وين كنت
قرب منها وحط يده خلف ظهرها وقال: وش فيك ياقمر معصبة
بعدت يده وقالت:جاوب على سؤالي
انس : وين يعني مع الشباب
عذبة: الشباب
انس يجلس جنبها:أي امممم عذوبه
عرفت وش الدلع ذا وقفت وقال: انا طالع اتونس مع امك وانت نام شكلك تعبان
ماكلمت الجمله الا وهو ماسك يدها وجرها له وقال:يوم اجي تبغي تتونسي بعدين انا الحين ابيك
كانت بتدفه بس جرها بقوة معاه لسريــر
.................................................. .


طالعت فيه شافته نايم سحبت البطانيه تغطي جسمها رجعت راسها للخلف وعيونها دمعت نزلت دموعها بقهر وش الحياة هذا تذبح كل ماخليته يلمسني اموت قهر مو قادرة امنع شي من حقه مابي اغضب ربي وبنفس الوقت مابي يلمسني احس بصير مجنونه بسبته يارب ارحمني عمي وزوجته ماسكيني من اليد للي توجعني الله ينتقم منكم وراتاح تسحبت بشويش واخذت شور
ولبست صليت وبعد ماصليت جلست تدعي ربها وتدعي لي امها واختها وبكت ماقدرت تستحمل مر شهر مو متخيله الحياة بدون امها وهبال ريما
مسحت دموعه يوم سمعت الباب يدق رتبت السجادة وحطتها بمكانه طلعت الطرحه وحطتها بمكانه راحت لباب وفتحته شافته عمتها تكرها كره العمى : هلا عمتي
ام انس:حبيبتي يلا العشى
ماكان لها نفس وقالت:بالعافيه مالي نفس
ام انس: يوو وش فيك شوفي شكلك كيف نحفانه
بمجاملة تبتسم: مالي نفس لو جوعانه راح اكل صدقيني
ام انس: اجل صحي انس اخوانه بالمجلس ينتظرونه وترا متجمعين مع ندى*زوجته حسن*واهلها
عذبة: طيب بس اجهز وطلع
ام انس وهي رايحه: لاتتاخري
قفلت الباب وجيت لي انس وقفت عند راسه وهزيته بشويش بس ماتحرك هزيته بقوة فتح عيونه وطالع فيني مد يده يبي يمسكني بس بعدت عنه وقلت بصرامه: مو وقتك اهلك برا ينتظروك على العشى قوم لايجي ابوك يصحيك بنفسه
عدل جلسته ومسح على وجهه وانا رحت لتسريحه اعدل شعري ولبسي تعطرت وخرجت لهم وانا بالقوة اجر نفسي لعندهم مالي نفس اقابل حد ندى طيبه وماشفت منها الا كل خير بس اهلها احس فيهم شوفت نفس مدري على ايه يارب صبرني احس اني ماراح اتحمل اعيش باقي عمري متزوجه انس شهقت بقوة وحطيت يدي على راسه تذركرت مااخذت حبوب منع الحمل كل يوم اخذها بس اليوم نسيت يويلي لا يارب اكيد مارح مره وحده مااكلتها اكيد ماتضر يارب



مــــــــــــر الوقت بسرعة ماحسيت فيه كانت الونسه حلوه
صارت الساعه 12 ونص راحو الناس وانا على طول دخلت غرفتي مابي احتك مع أي حد لا عمتي ولا عمي جلست على الكرسي دخل انس ورمى حاله على السرير وقال: بكرا تجهزي بطلع مشوار معاك
طالعت فيه وقلت: وين
انس يبتسم: مفاجأة
استغربت صار يعرف ماشاء الله :اها
فتحت الكتاب وجلست اقرا الكتاب كان رواية اكرم مره كتاباته حلوه واسلوبه يجنن مره يعجبني بس للاسف كاتب بس رواية وحده عربي والتانيه اجنبي عاد لغتي الانجليزيه مو قويه مره لدرجة تخليني اقرا كتاب اجنبي


.
.
.


الثــلاثاء-1-2014
الســـــــــــــــاعه 2 ونــص مساءا

بمســـتشفى ..........
جــالسه على مكتبها وتضرب بالقلم على المكتب تفكر وين تحصل شغل وش تقول لي فيصل وانا قلت له الشغل هنا حلو ومرتاحه فجأة ابي اتوظف بمكان غير حسبي الله للي كان السبب
تنهد مع دق الباب تركت القلم وقلت :تفضل
الممرضة راحت تأكل لان واضح التعب فيها
دخل اول ماشفته فزيت واقفه بلعت ريقي مو وقته يطردني وربي بموت قهر كرامتي بتروح لو قال ليش ماطلعتي اوف
جلس وحط رجل على رجل وقال: وش فيك واقفه
جلست بسرعه وقلت: ترا بطلع بس منتظره موافقتهم امس اعطيتهم ملفي
قطع كلامها وقال: مايحتاج لان الممرضة وضحت لي كل شي وانا طردته هو ماخليته يجلس ولادقيقه للي يكذب علي ويخرب سمعة الغير مايشرفني يشتغل غندي

ارتاحت يوم قال كذا بس سكتت يوم كمل وقال: انا جاي اقولك تسامحيني
وقف وخرج من عندها من غير مايقول شي اما هي استغربت معقوله عنده ذمه وضمير وليش ماعنده مو انسان مايحس
رن جوالي واخذت الجوال وكانت افنان يوووو وحشتني البنت
شادن: والله لك وحشه
افنان: أي هذا للي فالحه فيه ياشيخه ماعاد نعرفك وش صار
شادن تضحك:ههههههههههههههههههه والله ماصار شي بس تعرفي ظروف
افنان:أي مره ظروف تمنعك تتصلي او ترسلي
شادن: اقول لو بتجلسي تعاتبي بقفل بوجهك
افنان: ابوك يا الولد تقفلي
شادن ماتت ضحك على الكلمه:هههههههههههههههههههههههههههه يخرب بيتك
افنان بتقليد لي نجوى: شو حبيتـــك
شادن : اسمعي ارجع البيت اتصل عليك بقوم أكل ميته جوع وبرجع البيت
افنان: طيب سي يو
شادن: سي تو

قفلت منها واخذت اغراضي وبروح البوفيه ادور أي شي ينبلع زي ماتقول غايه

.
.
.


2014

نفس المستشفى
بمكـــتب المدير
جالس يتقهوة مع ابو حمزة
اكرم بجديه: والله ياابو حمزة من بعد خطف نغم وانا ابي مربية تهتم فيهم ومايطلعو مكان الا معاها فكرة اتزوج بس قلت ماارح اثق الا برايك انت رجال كبير مصلي وتخاف ربك لو عندك بنت كان ماترددت ولا دقيقه
ابو حمزة بفرح:هذه الساعه المباركة اخيرا قررت مابغيت وانا اخوك
اكرم: وش اسوي العيال بحاجة لحنان الام ابي وحده تخاف الله فيهم تعتبرهم اكثر من عيالها
ابو حمزة بتفكير: والله اخت فيصل نعم الاخلاق الكل يمدح فيها الدكتورة شادن العيب مايطلع منها واخوها فيصل عمري ماشفت عليه شي نعم الرجال لو ولدي حمزة ماكان متزوج كان خليته يتزوجها والله يشهد الله علي لها سنه وهي هنا ماعمري سمعت شي عنها الا كل خير لو تبي شوري خذها وماراح تندم صدقني
اكرم: بس هي صغيره علي مره
ابو حمزة: مايهم العمر كثر مايهم العقل عقلها كبير والا ماكان وصلت لهذه المرحله طاوعني وانا اخوك وماراح تخسر
اكرم يتنهد: وانت الصادق حتى يوم اكلمها ماعمري شفت شي يقلل من احترامها
ابو خمزة: اجل ليش منتظر توكل على ربك واخطبها
اكرم يضحك: وش فيك مستعجل كذا
ابو حمزة: العمر يمشي
اكرم: انت ناسي وراي تصوير برنامج لازم ااسافر بكرا
ابو حمزة:نروح اليوم نخطب يوم ترجع اذا وافقت تتزوج على طول ليش نطوله عيالك بحاجتها
اكرم سكت لدقايق وقال: تشوف كذا
ابو حمزة: أي والله
اكرم يطلع الجوال:اعطيني رقم فيصل اخوها نروح لهم بعد المغرب
ابو حمزة يضحك: الله يتمم لك على خير
اكرم يبتسم: اللهم امين

اخذ الرقم وكلم فيصل على الزيارة
وحدد الوقت وسكر استأذن من ابو حمزة بيروح الشغل يخلص كم شغله
طلع من المستشفى وعرفها من سيارة اخوها لان كانت تمشي قدامه وركبت السيارة رفع يده بتحيه لي فيصل ومر من عنده ركب سيارته وحركها تجاه الشركـــة


خلص شغله ورجع البيت قريب المغرب جلس مع نغم والبراء شوي وطلع فوق استحم وبدل بسرعه وراح بيت فيصل تقابل هو ابو حمزة هنا
بعد الونسه دخل بالموضوع اكرم وخطب شادن وقال لهم بعد مايرجع يبي الزواج على طول لو وافقت عليه راح يرسل المهر تجهز حالها فيه وهو بيجهز كل شي ومجرد مايرجع يصير الزواج
اخوانه ماكان حد معترض خصوصا هذا اكرم رجال الكل يشهد بااخلاقه وشهامته ليش يترفض بعد ماطلع
نادو على امهم وشادن

شادن وهي تجلس:خير الواحد ماينام والله كنت بعز نومتي ماحصل الا الباب يدق بقوة كانه يتضارب مع الباب
مناف:كيس نوم ماتحسي الا كذا
فيصل: الحين اسمعيني
شادن:قول ي بعدي
مناف: أي بعدك هو ونحنا الله يعلم
تميم: مناف اسكت
فيصل: اليوم جا عندنا اكرم وخطبك
امي : من اكرم
فيصل: اكرم هذه هو للي درسها على حسابه وهو للي تشتغل بمستشفى عنده رجال من ذهب اخلاق وادب والله فعلا كنت اتمناه لك والحمدالله انه جاك ماتدري قد ايش فرحت لك
شادن بهــدوء مو مستوعبه: كيف ؟؟
فيصل: و ش كيف توه جا وتقدم لك قال راح يسافر بكرا بس لو تمت الموافقه نكلمه على الجوال وبيرسل المهر تجهزي حالك ويوم يرجع زواج على طول
شادن بتفكير:اهــا
امي: ي بنتي دام الرجال تمام مالك عذر استخيري وربي يكتب للي فيه الخير
الكل: امين
شادن : طيب عندي شرط
فيصل:وش
شادن: لو وافقت انت وتميم توافقو على الزواج
فيصل: طيب انا وافقت على الزواج
وتميم يبتسم: موافق حتى انا
شادن بفرح:يــِس خلاص نخطب لكم من بكرا
فيصل يضحك:ههههههههه وش العجله هذه
شادن :كيفي وي
مناف: طيب انا ابي اتزوج ليش فيصل وتميم وانا لا
امي: اصبر نزوجهم وبعدها انت لاتخاف كلكم بتلحقوهم
فيصل: بس مانبي نتزوج الحين لان لازم نغير البيت نبي بيت اكبر زي العمارة وكلنا نسكن فيها عشان نكون حول امي
امي: لو كذا بطول
تميم بهدوء: لا ماراح نطول سنه بالكثير وتكون العمارة جاهزة من زمان كنا نبني فيها لنا سنتين نجمع الفلوس كنا والحمدالله باقي سنه
شادن بفرح: ايوا كم دور
فييصل: اربع ادوار
شادن: وكل دور كم شقه
فيصل: 3
شادن تهز راسها:حلو طيب
تميم قال: أقول مافي اكل جوعان
فيصل وقف:على حسابي اليوم
امي وقف: لا انا طبخت مايحتاج تعالي شادن ساعديني
شادن وقف: يلا

.
.
.



الخمـــــــــــــــس -5-2014
بيت اهل عبدالله
الساعه 10 مساءا
اليوم العشى عندهم لان فاديه اختهم رجعت من شهر العسل
كان البيت مليان حريم وبنات اقاربهم وجيرانهم واهل العريس
كنت لبسه فستان عودي وفلات ذهبي مسوي لشعري تكسير ومكياج ناعم ذهبي والروج من درجات العودي
خرجت لصاله ودخلت المطبخ واقفه جنب فرح للي تجهز العصيرات مع الشغاله
فرح وهي تشتغل:ليشج ايه هنا
غايه وهي تقلب بالصحون تدور مكسرات: طفشت وانا جالسه قلت اجي اشوفك
فرح: توكلي مابيك تساعديني امي قالت لي يويلك لو تخلي غايه تساعد البنت حامل
ابتسمت لها هه لو تدري بس قلت بقهر لها : يووو ياخالتي تخاف علي مو مثلك
فرح: اخاف عليك ليش انتي بسبع ارواح
غايه: بسم الله علي

..فــــــــــــــــــرح القهوة خلصــــــــــــــ...
قطع كلامه يوم شافها بكامل زينتها واقفه جنب اخته وتتونس ماقدر يشيل عيونه عنها حبيبته شلون صارت بيوم وليله لي اخوه ليــِش عيونه فاضحه
اما هي اعطته بسرعة ظهرها ودقات قلبها سريعه تحس الاكسجين قل تخاف يدخل عبدالله ويسوي لها قصه من جديد هي ماصدقت قفل السالفه شلون الحين


ماسمعت الا صوت فرح وهي تقوله اطلع برا وبتجيب القهوة الشغاله
صارت تأخذ نفس بقوة رن جوالها من الفزعة طاح بالارض نزلت بسرعة اخذته وكان عبدالله بتنجلط لو عرف بعد تردد ردت وعدلت صوتها
غايه:ايوا... لالا انا اصلا بالغرفه ماطلعت منها ... لا بغرفه بعيده عن الضيوف جاني صداع قلت اريح بغرفة فرح طيب .. لا ماراح اطلع يلا ســلام

بتوتر جات بتطلع وقفت بصدمة يوم شافت عبدالله
دخل المطبخ بلعت ريقها مية مره يمكن من الخوف مر من جنبها واخذ الدله وهو يقول: ناصر جا هنا ليش ماقفلتي الباب عدل عشان مايدخل
فرح من غبائها : ايوا دخل وحتى وصل بنص المطبخ والغبي صنم كمان وطردته بنفسي

كانت معطيتهم ظهرها فتحت عيونها بقوة من الصدمة الغبيه يجرجرها بالكلام وهي تحسب عارف لو يعرف كان ماانتظر يسـأل ذبح على طول يمه مابي ارجع معاه يويل حالي حسبي الله على عدوك ي فـــرح لسـانك متبري منــك ببكي قسم بالله ببكي من الحين ميته رعب كيف لو صرت معاه ببيت لحالي
مر من جنبي من غير مايقول حرف زي البرق زفرت براحه على الاقل مامسح فيني البلاط قدام الناس
بس فجأة ركضت لعند الباب ماقدرت اطلع بس يدي بقلبي من الخوف انا اسمع صراخ ناصر وعبدالله يمه قامت الهواش الحين مين بيسكتهم فضحونا قدام الناس
طالعت بفرح وهي تجري لعندي وتقول:يمه وش فيهم
غايه بقهر:غبيه تسألي عادك كله من لسانك لازم تقولي له اخوك دخل علينا المطبخ اكيد بتقوم الحرب الحين بالله وش يقولو الناس ياربي مو ناقصه هم


فرح:يمه شوفي كيف صراخهم تقولي ميت عليهم حد هذه كله غيره
غايه رفعت حاجب:غيـره ها * وبقلبي والله ماتدري غيره والا أيــش**
رحت عند الضيوف وانا ميته خوف ماعاد ابي اسمع شي يومي قرب والله كف حقه للحين مانسيته وربي يرعب يوم يصارخ ماعنده تفاهم اصلا مايقدر يمسك اعصابه انسي
انا مافيني صبر لتحمل احس بطق وربي

جلست بس رجعت وقفت بسرعه وانا اسمع صوته عالي حتى عندي وهو يقول: غــــــــــايه تعالي بسرعه

صوت امه وهي تهدي فيه بس كان معاند يبي يروح البيت يويلي وش ذنبي انا الحين وربي يموتني ضرب حتى تطلع روحي مابي اروح جات ركض فرح تلبسني العبايه شوفه النذله تبغاني اروح معاه بعد مااعطته الموجز
لبست بعجله وسلمت على عمتي وعلى فاديه
وطلعت السيارة وكان ساكت بس واضح من ملامح وجهه انه معصب
وصلنا الشقة دخلت البيت وانا ماخليت ولادعاء بس ماقدرت اكمل يده التفت على يدي وسحبني له كـــــــــــــــــــــــــــــــــــــــف قوي طيحني بالارض من قوته نزل لمستواي وقال : هذا للي متواعده معاه تقابليه بالمطبخ ها انا تخدعيني بالغرفه مصدعه وبنهاية يطلع كذب
مسكها من شعرها بقوة وصرخ عليها : لو تموتي ماراح اخليك له انتي زوجتي محد راح يأخذك مني
دف راسها ورفسها بقوة على بطنها صرخت بوجـــــــــــــع وبكاء يهز البيت ماقدرت تدافع عن نفسها لان موراضي يصدقها اكثر من مره حلفت له انها مالها أي علاقه فيه لامن بعيد ولا من قريب بس كان يزيد ضرب
دخل الغرفه وقفل الباب بقوة نفض جسمها من صوت الباب


.
.
.

الجمـــــــعة-24-2014
الساعـــــــــــه 10 ونص
بيــــــــــــت انس


تكشخت زي ماقال لها انس فستان لونه اسود قصير وكعب احمر رتبت شعرها ومكياج ناعم اخذت الشنطه الحمرا وتعطرت على خفيف خرجت من الغرفه وهي تقفل العباي شافت عمتها وهي ميادة سلمت عليهم بمجاملة رن جوالها وانس يقولها يلا انا تحت
طلعت مع انس طبعا انس يعرف يسوق بس ماعنده رخصه صغير وصلت لفله كبيره لفت لي انس بستغراب وقال: وش هذا
انس وهو يخفي التوتر: بيت صاحبي هو واهله مسوين لنا حفله مو مصدق اني تزوجت بسنه ذا
هزت راسها وقالت:اهــا


نزلت من السياره وهو نزل معاها بس بعد شوي عنها واتصل على شخض تكلم معاه لدقايق
وبعدها فتح الباب ودخلت كانت الموسيقى الكلاسيكيه تنسمع والورود والبالونات بكل مكان انس دخلها من الخلف وطلعها لفوق بغرفة خاصه وقال :انتظريني هنا
عذبة مسكت انس: وش انتظرك هنا وين الناس وليش بغرفة نوم
انس: يوووو بتعرفي الحين انا بنزل تحت بشوف صاحبي وبجيك
عذبة بتوتر: طيب عيبه المفروض تحت نكون
انس يسحب يده ويدخلها الغرفه ويقفل الباب
اما هي دارت على الغرفة بااعجاب التفت على صوت الباب وهي تعدل شعرها اكيد واحده من البنات او انس بس عيونها فتحتها على الاخر وهي تشوف للي كــــــــــان بالمول قرب منها وابتسم على جنـــــــــــــب وقال:هــــاي ي قمر
رجعت للخلف بصدمه وقالت:انــــــــت؟؟
وهو يقرب: بشحمه ولحمه انا ي عذبة وش رايك بالمفاجاة
عذبــة:كـــــــــــيف؟؟
وقف جنبها وسحبها بقوة لعنده وقال وهو يتأمل جمالها: وش هالجمال
تحاول تفك يدها :ابعد ابعد *وبصـــراخ*انـــــــــــــــــــــــــــــــــس
وهو يطبع بوسه بخدها ويشم ريحة عطرها قال " :انــــــــــــــــس بشهر العسل تحت مايدري عنك ي جميله
انصدمت وش قصده ماسمعت الاصوت الاغاني يرتفع قال: اممم الرئيس بيفرح فيك كثـــير ماراح يصدق

حست بيغمى عليها وش يقول أي رئيس وانس يسوي فيني كذا بنت خاله كيف وليــِش
دفته بقوة وقالت بصراخ: وين انا ويــن

وهو يقرب منها: وش فيــــــــــــــك ي عسل علينا
ماسمع الا صوت صراخ وبعدها صوت الشرطه
كانت بتموت بمكانه اما هو ركض لبرا لكن هي طاحت بالارض تبكي مو مستوعبه ليـــــــــِش
وكيــــف ي ويلي انفضحت ماحست الا والشرطة عندها سحبها واحد من الشرطه وهي ماقدرت تغطي شعرها حتى نزلت تحت وشافت كيف البعض يهرب والبعض مسكوهم العساكر
فتح الشرطي الباب بس وقفهم صوت شخص وهو يقول
.. خــــلوها هـــــــــــذه المخطـــــوفة..
التفت براسها وعيونها مليانه دموعه شافته مد يده وبطاقة فيها للعساكر وماقدرت تشوف ايش البطاقه لان الشرطي تـــــــــــــــــــرك يدهــــــــــــــــــا.....


كـــــــــــــــــــــــــــــــــــت

انتـــــــــــــــــهى البارت اتمنى ينـــال على اعجابكم


عذرااء الحب



الرد باقتباس
إضافة رد
الإشارات المرجعية

رواية إحترقي يا وعود فالحب خدعة/بقلمي

الوسوم
الحب , احترقي , بقلمي , خدعه!!! , رواية , عذرااء , فالحب , وعند
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 29349 اليوم 04:56 PM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 05:56 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1