غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 321
قديم(ـة) 12-02-2015, 12:33 AM
صورة S3b Atrjak الرمزية
S3b Atrjak S3b Atrjak غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


،



صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..


لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..


أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..

وإلا تدري .. قله أكذب
.

.
.
.
.
#البـدر



،


][ البارت التاسع عشــر ][



،


موقف سيارته عند المسجد وماسك الدركسون بيدينه الثنتين وحاط راسه عليه تنهد وخرج من السياره لما سمع صوت الاقامه
صلى العشاء بس وخرج ماكمل التراويح ، ، ركب سيارته وشغل الراديو وحط على القناه السعودية سمع للصلاه حس براحه
وراح للمقهى لقى 2 من ربعه في الجامعه جلس معهم وهو متضايق




،


في بيت الجده



الكل حالته حاله ، جمعتهم هذي اللي مجتمعينها حتى يستانسون انقلبت حزن الجده طاحت عليهم واخذوها الرجال للمستشفى
ولحد الحين ماحد طمنهم ، دخلت بسمه الصاله وكان فيها رغد مع البنات اما ام سامي وريما وهبه راحو يصلون
بسمه : قوموا صلوا وان شاء الله مابه الا الخير شوي ويطمنونا
قاموا البنات وتوزعوا
راحت رغد عند المغاسل حتى تتوضا رفعت راسها للمرايه شافت صوره دينا
دينا بغضب : انتي ياوجه المصايب
استغربت رغد التفتت لها : نعم ؟؟
دينا وهي تقلد صوت رغد : نعم ،، انتي من اول ماجيتي لنا وحنا ماشفنا الخير
رغد : هي هي خير وش عندك جايه شايله قشك فوق راسك ، اذا انتي راسك هواش انا مالي خلقك
دينا قربت منها : اووف منك ان شاء الله نفتك منك ومن عمتك قريب وطلعت من عندها
اما رغد تسندت على المغسله وهي تنفخ بضيق : لااله الا الله وش هالمصيبه اللي طاحت علي بعد ناقصه انا
كملت الوضوء وراحت تصلي





،



جلست جنبه : هاه عمر وش صار مع هبه
عمر بعصبيه وقف : بسببك وديتيني بداهيه ،
ناظرته عبير بإستغراب من عصبيته : ليه وش فيه
تكلم وبقوه قال : تعرفين انه بيوم الموعد كانت متفقه مع الهيئة بس ربك ستر وقدرت افلت منهم
والتفت لها : ابعديني عن خططك بالله عليك ، وانا اقولها لك ماعادني مسوي شي من هالقبيل
وقفت عبير بغضب : تتخلى عني ياعمر
عمر بصوت عالي : ايه اتخلى عنك لما تبين تنتقمين بطريقه مو عادله خلي الحساب على ربك وهم بياخذون جزاهم
آسف من هاللحظه ماعاد تطلبين مني شي اسويه يضر لأبومتعب او اي احد تبيني بمساعده غير كذا عيوني لك واخدمك
باللي تبينه
صدت عبير عنه : دامك ابتعدت روح ماعاد ابي مساعدتك راح اسوي كل شي لحالي وانسى ان عندك اخت
عمر : لا ماراح انساك وكل مره بجيك وازورك راح اكلمك مثل عادتنا انتي اختي كيف أنسى
عبير : طيب وليه تخليت عني ؟!!!!
عمر : عبير الله يهديك انتي عارفه ان الشي اللي تسوينه خطأ وبيضرك وانا خايف عليك يااختي خلي كل شي على ربك
لو ماحصلوا جزاهم بالدنيا ماراح يفلتون منه بالاخره خلي الحساب لربك
عبير ماردت عليه وسرحت بخيالها بعيد





،




بالرياض ..

أبوسعود وسعود كانوا رايحين للجده عشان يخبرونها عن نتيجه التحليل ، وكانت أم عهود وأبوبندر معهم
أبوسعود وهو حفزان : يمه
الجده وهي تشوفه بنص عين : وش عندك
أبوسعود : التحاليل طلعت
الكل انشد انتباههم ، ام عهود بفرحه : هاه أكيد تطابق
أبوسعود : للأسف يااختي ماصار تطابق
أم عهود بصدمه: شلوووون
الجده بقهر : هذي أكيد سوالف زوجتك العقرب اكيد لها يد بالسالفه وخصوصا ان بدير ماسك الموضوع
ابوبندر واللي اخيرا تكلم : يايمه وش لهم هذي أشيا مايقدر أحد يتدخل فيها صعب
الجده : انت اسكت "والتفتت على سعود " وانت شفارجع حلل بمستشفى ثاني و ونشوف
انصدم سعود ، معقوله بدر يكون متدخل بالموضوع وقلب التحاليل حتى تكون سلبيه ، لا لا ان شاء الله
أبوسعود : كيف يحللون وهم محللين والنتايج طلعت
الجده : أنا قلت كلمه ومالها ثاني التحليل ينعاد وبمستشفى ثاني وشف يامحمد ولد بدر ماله أي شغل بالموضوع
ان دريت انه متدخل بشي لاتقرب صوبي حتى لو النتايج تطابقت




،


بالمستشفى

ابومتعب : اسامه دق على البيت طمنهم
اسامه التفت على سامي : ماشفت جوالي
سامي : لا
اسامه يدور بمخابيه : طيب دق طمنهم على جدتي وانا بروح اشوف بالسياره او انه بالبيت
سامي : طيب
خرج متعب من غرفه الجده
فارس ركض له :هاه متعب وش صار
متعب : الدكتور طمني بتكون بالعنايه لحد بكره حتى يتطمنون على ضغطها زين
ابوسامي : اكيد يامتعب
ابتسم متعب : اكيد ياعمي





،




التفتت له : بتتسحر اليوم بالبيت
بسخرية رد : يعني وين بتسحر
تنرفزت : يااخي انت وش فيك علي ، وش هالاسلوب الخايس اللي تكلمني فيه والله لو اني
سارقه حلالك ولا قاتله لك احد حتى تعاملني بالنفس الخايسه هذي
مسكها مع زندها بقوه : صوتك مايعلى وهزها فاهمه
رغد بقوه وهي تفلت يدها : لا موفاهمه
ونزلت من السياره ودخلت داخل البيت توجهت لشقتها وخلعت العبايه وعلقتها لبست بجامه أخف وتوجهت للمطبخ
بدت تسوي مكرونه أسهل وأخف مالها خلق لشي انتهت منها وقصرت عليها طلعت ومسكت جوالها
قررت تدق على أمها لأن من كذا يوم ماكلمتها رفعت السماعه وانتظرت ثواني وسمعت صوت رهف
رغد : السلام عليكم
رهف : هلا وعليكم السلام
رغد : شخباركم رهف واخبار ابوي وأمي
رهف : الحمدلله انت كيفك
رغد : الحمدلله ، امي عندك ؟
رهف : امي بالمطبخ
رغد : وش تسوي بالمطبخ مابعد خلصت السحور
رهف : توها قايمه تتأكد ، الا تعالي وش اخبارك مع رمضان
رغد تنهدت : والله تعب يااختي بيت وكل شي عليك ، الله يعين
رهف : اكيد أكيد جاتك عاده كل سنه بدايه رمضان تعبت ودوخه وانخفاض الضغط وكذا
رغد : ههههههه كنك عايشه معي
رهف : يالهتيره
رغد : هههههه حرام عليك ، وش أسوي طيب اذا ضغطي ينخفض بسبب تغير الروتين
رهف : ههههههههههههه ياحبيبتي ، يالله شوفي امي جت
رغد : عطيني اياها ولاتبعدين أبيك بسالفه لما أخلص مع امي
رهف : طيب ، خذي أمي
رغد سمعت صوت أمها وحست بالدموع تمتلي عينها ، ماتعودت يمر رمضان بدون ماتكون معهم وبجمتعم
أم سعود : هلا بأمي
رغد : هلا يمه كيفك يالغاليه
ام سعود : الحمدلله مانشكي باس ، انتي كيفك وكيف متعب وشخبارك مع رمضان عسان ماتعبتي
رغد : الحمدلله ، كل شي تمام يمه لاتقلقين
ام سعود : الحمدلله ، الله يوفقك ويرزقك الذريه الصالحه
رغد : ماقصرتي يالغاليه
أم سعود : يالله يابنتي مااوصيك على بيتك ورجلك
رغد : تامرين يالغاليه ، يمه عطيني رهف أبيها شوي
أم سعودي : خذيها
رهف : هاه وش عندك
رغد : هههههه وش هاه هذا جزاي اني مشتاقه لك
رهف : كثري منها ، المهم وش تبين
رغد : بسألك وش صار بموضوع سعود
رهف : اوووه فاتك والله
رغد : وش السالفه ؟!!
رهف وهي تهمس : شوفي بدق عليك بجوالي ماينفع اتكلم
رغد : طيب استعجلي بنتظرك
رهف : خلاص
سكرت رغد شويات الا وجوالها يرن معلن عن رهف ردت بسرعه والفضول ماكلها
رغد : هاه وش فيك
رهف بفرحه وحماس : فااتك يااختي التحاليل طلعت مومطابقه
رغد بفرحه : من جدك
رهف : والله ماتطابقت اساسا بدر كان متكفل بالتحاليل
رغد : زين الحمدلله لك ياارب ، ليتني معكم أشو ردات الفعل اللي صارت
رهف : احسن محد قالك تزوجي
رغد : ههههههه تراك لاحقتني كله شهر واقل بس
رهف : ع الأقل انا بالرياض موبالشرقيه
رغد : يالحـ.... تقهريني يعني انقلعي خليني أشوف سحوري
رهف : هههههههه ، يالله روحي
سكرت رغد وهي تحمد ربها على التحاليل وراحت تشوف السحور





،



بعد 3 ايام


الجده طلعت من المستشفى . . اول ماخطت رجلها البيت
دينا : يمممممممه
وركضت لها ضمتها وهي تبكي
الجده : بس يابنتي مافيني الا العافيه
فارس : خلاص دينا ابعدي خلي امي تجلس ترتاح
ابعدت دينا ومسكت امها مع يده وفارس مع اليد الثانيه ووصلتها للكنبه
دينا رجعت تضمها ، دخلت ريدآ وهي تقول : اقول دينوه بعدي جا دوري وراحت تسلم على جدتها
ريدآ : الحمدلله على سلامتك يمه
الجده : الله يسلمك يابنتي
دينا وهي تدف ريدآ اللي تدفها حتى تبعد : اقول ريدوه روحي عند امك هذي امي انا وضمتعها بقوه خبطتها
الجده على راسها : ابعدي زنطتيني
فارس وريدا وبسمه اللي توها داخله ولحقت على الموقف : ههههههههههههههههههههههههههههه
بسمه وهي تضحك : حلو على وقت دخولي زين اني لحقت على الموقف
دينا مدت البوز : زين كذا يمه ضحكتيهم علي
ابعدت بسمه عن امها بعد ماسلمت : يالله قومي عنها جا دوري انا
هزت الجده راسها وهي تتحمد : يالله لك الحمد انا اقول ماعندي الا الصغيره خبله والحين جت الكبيره خبله مثلها
الكل : ههههههههههههههههه





،





علاقه متعب ورغد من سيء لأسوأ لدرجه ان رغد ماعاد قامت تهتم بشي يخصه وراحت للرياض بدون علمه بعد مارفض يوصلها
عاندت وراحت مع خالها ابومتعب وهبه بدون علمه ورجعت معاهم "نذكر الموقف "

جلست على الكنبه : احم متعب
متعب وهو يتابع التلفزيون : هاه
تنرفزت من اسلوبه بس سكتت تخاف يعند ويرفض يوديها : ابي اروح لأهلي
متعب ببرود : لاا
وقفت بصدمه : ليه لا
متعب : مزاااااج
تنرفزت : حرام عليك طولت وانا ماشفتهم طول رمضان
متعب : عادي
رغد : لا موعادي انت اهلك عندك وكل يوم تشوفهم وانا مااشوفهم الا بالسنه حسنه
متعب مارد عليها : ..............
رغد راحت من عنده لما شافته سفهها ونزلت لقت عمتها هبه بالصاله سلمت وجلست
هبه : وش فيك
رغد : اشتقت لأهلي
هبه : طيب انا بعد يومين او ثلاث بروح للرياض وش رايك تجين معاي
رغد بتردد : ماادري بشوف متعب
هبه : طيب وردي لي




،



بسآم من بعد الموقف ولما راح للمقهى تهاوش مع واحد ورجع للبيت وكمل عليه اسامه اللي لامه على تصرفاته الصبيانيه
وعلى حالة جدته وصلت معاه وخرج من البيت وماعاد رجع من جديد ومايرد عليهم يدقون يدورونه بس محد حصله






،



سافرت رغد مع هبه ومتعب قلب الدنيا بالجناح وتوعد فيها اسبوع قعدت في الرياض ورجعت
بعدها مع هبه للدمام واول ماعتبت باب الجناح انمسكت يدها بقوه وانسحبت داخل الجناح : انتي كيف تسافرين بدون ماتاخذين اذن مني
رغد بسخريه : والله حبيبي مابغيت اتعبك فقلت اروح مع عمتي ومااكلف على نفسك
قرب وجهه منها ووبصوت هامس بس ملليان غضب : الظاهر اني بمد يدي عليك لو ماتعدلتي
رغد : بالله ، شايفني مرمية بالشارع حتى تمد يدك ، وبعدين والله انا اشوفك خبرتني لما سافرت لدبي . .
متعب : هذا اللي ناقص اخذ الاذن منك ، وبعدين ماتدرين ان حرام تروحين وانتي موماخذه اذن وانا موراضي
رغد بعصبيه : الحين قمت تعرف الحرام ، ومعاملتك لي حلال "ورمت الكلام من العصبيه بدون ماتحسب حساب " : رفقا بالقوارير يامتعب
وراحت من عند لما وصلت لباب الغرفه التفتت عليه ولدمع مالي عينها : ولاتحسبني يامتعب نايمه وموداريه عنك وعن اللي مخبيه
رمت رغد القنبله بوجه متعب جلس على الكنبه وهو يقول بنفسه : معقول عرفت عن عليا





،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 322
قديم(ـة) 12-02-2015, 12:45 AM
صورة S3b Atrjak الرمزية
S3b Atrjak S3b Atrjak غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


،





هبه حامل بالشهر الـ3 بعد أربع سنوات من زواجها من أبومتعب والكل طاير فيها من جهة ابومتعب وعبود ولمار ومن جهة ابوسعود وعياله



،



أما تحاليل سعود وعهود .. اتفقوا على يوم وبيروحون يسوون التحاليل

قبل التحليل بيوم ..



في بيت أبوسعود .. بغرفه سعود بالتحديد
كان سعود واقف بنص الغرفه والباب خلف وبدر مقابله
سعود : بدر ياخوي تكفي انت مسوي شي بالتحاليل
بدر: وش تحاليله؟!!
سعود : تحليل الزواج
بدر : لا
سعود بضيقه خفيفه : سألتك بالله بدر مو عشانك مسوي شي تخفي عني
ابتسم بدر ومشى ناحيه سعود حط يده على كتفه : رح ياخوي وحلل وانت واثق " سعود كان مصنم من كلمه بدر الواثقه ، أما بدر من بعد
كلامه طلع من الغرفه والابتسامه مازالت مرسومه وبتفكير وهو يكلم نفسه "أنا صحيح كنت ناوي أتدخل بالموضوع لو كانت النتايج مطابقه بس الحمدلله
رحمة من ربي وجت من عنده انها غير مطابقه "




،





راح الكثير من رمضان ماباقي الا القليل من هالشهر الكريم اليوم ليله 25


،


بالأيام الماضيه طلعت نتيجه تحليل سعود وعهود واللي كانت سلبيه من جديد هذا الشي ضيق الجده وفي بالها موال ثاني وتتجه لبدر
الفرحه عامه بيت أبوسعود من هالموضوع ونتيجته ، بدر واللي قلق من تحويل جدته له فقرر قرار وكلم أمه ووابوه فيه حتى يظمن
ماتنعاد سالفه سعود به





،




الرعب مالي قلبها من نظراته الخبيثه ، لما كانت بالدمام كانت مرتاحه منه ومن هالنظرات طول وقتها تتواجد مع امها او اخوها وحرمته
ولما يكونون موموجودين تحاول تروح لريم او لرهف احيانا تطلب من رهف يروحون يتقضون لها . . قامت من المجلس
ماعاد تقدر تستحمل نظراته راحت لغرفتها وبدت تبكي حست بالباب ينفتح رفعت نظرها وشافته دب الرعب بقلبها قرب منها وهي
ترجع بزحف لحتى وصلت لنهايه السرير نزل عليها وهمس بخبث : حلوه يانوره حتى وانتي تبكي " مد يده بيمسح دمعها لفت عنه وجهها "
ابتسم : شوفي ياحلوه اليوم ابيك لي محد بيكون موجود بالبيت اخوك انتي عارفه انه بمكه ,"وابتسم بسخريه " وامك انتي اخبر انها بعد صللاة التراويح يروحون لبيت وحده يجتمعون لحتى صلاة القيام "وغمز لها " يعني اليوم يومنا ياقمر


وخرج من الغرفه بعد مادب الرعب بقلبها راحت لجوالها واتصلت على رغد مالها الا هي بهالوقت





،




جلست عند اخوها : اقول سعودي وش رايك تتزوج
ابتسم والتفت لها : جالس فوق راسك انا
رهف : لا بس نبي نشوف عيالك وانا خيتيك عجزت خلنا نفرح فيك وماتدبس بوده من بنات عماتي وحتى تاخذ الفرحه مب يجي بدور ويشاركك الفرحه
سعود : هههههههههههههه ان شاء الله ماما رهف بس مو هالوقت
رهف بقهر : سخيف ، قوم يالله ودني السوق
سعود : بالله
رهف : بالله
سعود : الله يعين تركي عليك نخلص من وحده تطلع الثانيه
ضربته رهف على كتفه : أصلا لازم اترك أثر عشان تفقدوني شوفو رغد لما راحت وش صار البيت عاد أنا ورثت منها حتى
تحسون بالفرق مره لما أروح "ومدت لسانها وراحت "
سعود : ههههههه يالبزر




،




سكرت الدولاب بضيق ، ياربييه وين راح فستاني العيد حست عليه مالقيته مسكت جوالها ودقت على رهف
رغد : اهلين رهف
رهف : اهلين رغود كيفك
رغد : الحمدلله وانتي وامي وابوي
رهف : الحمدلله كلهم بخير ، هااه وش الطاري
رغد بإستفهام : وشو
رهف : غريبه طرينا على بالك
ضحكت رغد : مايحق لي
رهف : والله انتي من يوم اعرستي مادقيتي علي فالحين اكيد تبين شي
رغد : هههههههههه بالضبط
رهف : انا قاليه مو حبا واشتياق
رغد : المهم روحي شوفي بدولابي فيه فستان العيد اللي شريته وقت الجهاز أو لا
رهف :لاتقولين ناسيته
رغد بضيق : مااعرف دورته مالقيته
رهف : طيب بشوف وبرد لك برساله
رغد : طيب انتظرك

دقايق ووصلتها الرساله " يالزينه تراك ناسيته بالدولاب " خبطت جبينها بضيق : ياليل الحين كيف بقوله بروح للسوق اووف خليني اروح
اغسل المواعين واخلص المطبخ بعدين افكر كيف اقول للزين

راحت للمطبخ وخلصت غسيل المواعين ومسحت الطاوله وكنسته وبدت تمسح الارضيه استقامت بوضعيته وهي تحس بألم بظهرها نتيجه انعكافها
وقالت تكلم نفسها: آآآآآه ياظهري " ورجعت من جديد تكمل المسح وتقول " اغسل المواعين وامسح الفرن والطاوله بس ماامسح واكنس ارضيه واكوي
رفعت راسها لما سمعت صوت ضحك : طيب ليه ماطلبتي المساعده
خجلت لما عرفت انه سمعها : احم لا مايحتاج
متعب : الحين توك تقولين آه ياظهري ومدري ايش
رغد : خلاص خلصت "واشرت على الطاوله : خذ هذا معاك وروح الصاله الحين اجيك
ناظر بإستغراب : ايش هذا
رغد: شاهي نعناع ولا ماتحبه
متعب : هههههههه لا تمام
اخذه متعب وراح للصاله بعد وقت جت رغد وشعرها مبلول ومربوط وعلى وجهها بعض من الشعيرات المتناثرة بعشوائية
وجلست بنفس الكنبه اخذت نفس وهي تقول بنفسها اليوم مروق ياجعله دوم بطلب منه وان شاء الله يوافق : احم متعب
التفت لها متعب : هلاا آمري
تنحت شوي رغد اول مره يكون كذا وش حليله ومروق حست فيه يهز كتفها : وش فيك وين رحتي
رغد : هاه لا ولا مكان ، احم متعب "وبإحراج كملت " عادي توديني السوق
ابتسم متعب على احراجها : بس من عيوني
رغد هنا تقول بنفسها "لا أكيد الرجال فيه شي " : احمم تسلم عيونك
متعب : تجهزي بعد صلاه العشاء
رغد : مابتصلي تراويح
متعب : لا مابصلي اليوم بعد التراويح بيكون زحمه نروح بعد العشاء
رغد : طيب





،




بخجل : ليش تدق
ضحك عليها : ماقدرت ياقلبي
جلست على السرير : بس الزواج ماباقيله الا اسبوع تقريبا
ضحك : طيب واذا
تنرفزت : صققققققر
تنهد براحه : عيون وقلب صقر
ولعت لينا : خلاص عاد
بصت هامس تكلم : آآآآآه ياليون متى تجين عندي وربي مايفكك عني شي لأطلع هالأيام اللي تتغلين علي من عيونك
خجلت لينا وبصوت واضح فيه الربكه الخجل : حلااااالك
تو صقر بيتكلم الا وسمع صوت تقفيل الخط : هههههههههههههههههههههههههههههههههههههههههههههههههه هه
ياحبيي لك ياليون





،





دقت كم مره وماترد بكت وكيف ماتبكي وهي بهالمكان ماتحس بالامان مالها الا رهف تشوف يمكن تقدر
تنقذها
نوره : رهف
رهف : اهلين نوري
بكت نوره
رهف بخوف : وش فيك نوره
نوره : رهف انا بورطه تعالي خذيني من البيت
رهف : نوره حبيبتي فهميني السالفه
نوره : لو مااخذتيني يارهف بضيع وبيضيع شرفي وسمعتي الله يخليك
وقفت رهف والتفتت على سعود : طيب طيب جايه "وسكرت "
ناظرت رهف سعود : سعود بالله قوم وديني بيت نوره صديقه رغد
سعود : طيب بس وش فيك
رهف : مااعرف البنت منهاره وتقول كلام مافهمته
سعود بشك : وش تقول
رهف : بضيع وشرفي ومدري ايش
سعود بصرخه : بسرعه روحي جيبي عبايتك وانا انتظرك
ارتاعت رهف من صرخه سعود وركضت جابت عبايتها وركبت معاه وانطلقوا مسرعين لبيت نوره





،




دخل لبيته وشافه هدوء طلع لغرفته وشافها منسدحه ومبين عليها التعب تقدم لها بخوف : ريما وش فيك
فتحت ريما عينها وبتعت قالت : مااعرف بس احس مافيني حيل اسوي شي وبطني تآلمني شوي
فارس بقلق : قومي اوديك المستشفى
ريما ابتسمت : مايحتاج لما احس اني تعبانه بقوه بقولك
فارس : ريوم الله يخليك لاتعاندين
ريما : تطمن حبيبي ووعد اقلك لما احس بتعب اكثر
فارس : طيب انا ماراح اطلع من الغرفه تبين شي قوليلي
همست وهي تغمض عينها : الله يخليك لي
باس راسها ولحفها زين وراح يبدل ملابسه





،




دخلت للجناح مبسوطه بعد ماتقضت أغراض العيد وتسحروا هي ويا متعب مع لمار وعبود ورجعوا كانت الساعه تشير على 2ونص
استانست حيييل اول مره من زمان ماانبسطت كذا أخذت الاغراض وودتهم للغرفه طلعت لها ملابس واخذت الروب
راحت للحمام واخذت دوش سريع خرجت وهي تنشف شعرها تركت المنشفه على السرير ودهنت جسمها بلوشن وراحت
لبست الفستان وتوجهت للمرايه الطويله اللي بجانب التسريحه وبدت تشوف الفستان عليها ، كان باللون التيفاني ساده
وبالوسط حزام عريض باللون الأسود . . حست برضا وراحت للدولاب وطلعت لها ملابس فتحت الحزام والسحاب
حست بيد تبعد يدها وتكمل باقي السحاب . . ارتبكت والتفتت لقته متعب قرب منها وباس عنقها بقوه
ابتعدت رغد وهمست : متعب
متعب : أوشششش






،




لحد هالوقت تبكي ، ضمتها رهف : خلاص نورة هدي
نوره : .........
خرجت رهف من الغرفه بقله حيله وشافت امها وسعود بالصاله بالدور الثاني
سعود : هاه رهف
رهف : مازالت على حالها
ام سعود : لاحول ولا قوه الا بالله
التفت سعود على امه : يمه
ام سعود : سم يمي
سعود : انا بخطب نوره






،




فتحت عينها وفزت بسرعه لما سمعت الأذآن ، أخذت الروب من الشماعه وتوجهت للثلاجه واخذت كاستين مويه
هزت كتفه : متعب ، متعب قوم اشرب ماي بسرعه اذن
فتح عينه : وش فيه
رغد : أذن " مدت الكاسه له " خذ اشرب





،




][ همــســـة ][


إذا ابتليت ، فَ ارفع رأسك للسماء .. وقُل ...
الحمد لله ...
فَ هناك من هم أسوأ منكَ حالًا ..
وَ تذكّر ..
بِ أنّ الله اذا أحب عبدًا ابتلاه



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 323
قديم(ـة) 12-02-2015, 01:05 AM
صورة S3b Atrjak الرمزية
S3b Atrjak S3b Atrjak غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


السلام عليكم ورحمة الله وبركاته

هذا هو البارت بإعتقادي طويل

أعتذر كثيييير عن التأخير اللي حصل
بإذن الله الاسبوع الجاي بيكون فيه 3 بارتات
"السبت - الأثنين - الاربعاء "
بس أبي توقعاتكم للبارتات

ألقاكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 324
قديم(ـة) 12-02-2015, 01:03 PM
صورة ظل اليـَاسمين الرمزية
ظل اليـَاسمين ظل اليـَاسمين غير متصل
©؛°¨غرامي نشيط¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


بـَارت جميل حبيبتي تسلم ايدك :$
متيعيب يَ اخي صرت اكرهك ساعات وساعات احبك , احس رآح ينكشف عما قَريب وممكن رَغد تنفصل عنه لو عرفت
رغد يَ قلبي عليها مسكينه ممكن بدت تحب مَتعب , وممكن بعد ايام تَصير حامل
دينا ما بلعتها
سعود يييي حبيبي التحاليل ما متطابقه احلى خَبر
بدر اممممم ممكن يَقول لامه تخطب له قبل لا تحول عليه الجده
تًركي ما يَبين هاي الايام :$
عبير ممكن تترك هبه بحالها بعد كلام عُمر
وبـس بأنتظار البَارت القادم :*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 325
قديم(ـة) 12-02-2015, 02:33 PM
صورة nasime الرمزية
nasime nasime غير متصل
©؛°¨غرامي فعال ¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


بارت جميل
متعب مرات مليح و مرات شين
رغد يمكن تكون حامل
هبه فرحت امها جابة الهيئه لعمر وماطوعتهش و مشة هذاك الطريق
اظن ان سعود من اول عينه على نوره
بدر اكيد طلب منهم يخطبوله
ذمتي بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 326
قديم(ـة) 12-02-2015, 03:10 PM
غمآزة نملهه غمآزة نملهه غير متصل
©؛°¨غرامي متألق ¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


بارت خورافييييي خقيت


.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 327
قديم(ـة) 12-02-2015, 04:17 PM
ديب فريز ديب فريز غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


بارت روعه تسلم ايدج واحلى خبر تنزيل 3بارتات بالاسبوع حبي ننتظرج وشنو سر تغير معاملة متعب ويا رغد اعتقد بدايه حب وبالنسبه لعليا محبيتها ابد احس وراها مصيبه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 328
قديم(ـة) 12-02-2015, 04:50 PM
_Rymany _Rymany غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


ببااااااارت ججججميل



وااو وناسسسسسسسسسه سعود بتتزوج نوره
اتوقع متعب يعامل رغد بس كذا يعني يكذب عليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 329
قديم(ـة) 12-02-2015, 08:37 PM
صورة S3b Atrjak الرمزية
S3b Atrjak S3b Atrjak غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


اقتباس:
المشاركة الأساسية كتبها فَخر للسما اني قمرهَم مشاهدة المشاركة
بـَارت جميل حبيبتي تسلم ايدك :$
متيعيب يَ اخي صرت اكرهك ساعات وساعات احبك , احس رآح ينكشف عما قَريب وممكن رَغد تنفصل عنه لو عرفت
رغد يَ قلبي عليها مسكينه ممكن بدت تحب مَتعب , وممكن بعد ايام تَصير حامل
دينا ما بلعتها
سعود يييي حبيبي التحاليل ما متطابقه احلى خَبر
بدر اممممم ممكن يَقول لامه تخطب له قبل لا تحول عليه الجده
تًركي ما يَبين هاي الايام :$
عبير ممكن تترك هبه بحالها بعد كلام عُمر
وبـس بأنتظار البَارت القادم :*

انت اجمل
سعدت بتواجدك ىتعليقك
دمت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 330
قديم(ـة) 13-02-2015, 11:06 AM
صورة S3b Atrjak الرمزية
S3b Atrjak S3b Atrjak غير متصل
©؛°¨غرامي مشارك¨°؛©
 
الافتراضي رد: رواية كيف تجرح لك خفوق يعشقك بسكات / بقلمي


اقتباس:
المشاركة الأساسية كتبها nasime مشاهدة المشاركة
بارت جميل
متعب مرات مليح و مرات شين
رغد يمكن تكون حامل
هبه فرحت امها جابة الهيئه لعمر وماطوعتهش و مشة هذاك الطريق
اظن ان سعود من اول عينه على نوره
بدر اكيد طلب منهم يخطبوله
ذمتي بود
انت اجمل
شكرا يَ جميله لمتابعتك

دمت

الرد باقتباس
إضافة رد

رواية كيف تجرح لك خفوق يعشقك بسكات / بقلمي؛كاملة

الوسوم
بقلمي , يعشقك , رغد و متعب , رواية , رواية سعودية , رواية كيف تجرح , روايتي , روايه , روايه كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية ممكن طلب ؟ابيك تحبني /بقلمي ريماس#* روايات - طويلة 7 28-05-2016 02:38 PM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية عروس البحر/بقلمي Goong روايات - طويلة 9 13-10-2015 01:41 AM
رواية يوميات أسبار/بقلمي هدوء *() ~ أرشيف الروايات المغلقة - لعدم إكتمالها 10 25-07-2015 04:52 AM
رواية i need y o u / بقلمي eyzo-30 روايات - طويلة 2 01-02-2015 01:44 AM

الساعة الآن +3: 04:39 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1