غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-12-2014, 07:20 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي دنيا تعيشنا القدر و والواقع/بقلمي؛كاملة


((دنيا تعيشنا القدر و الواقع ))

اولا خل اقول لكم عن الشخصيات ......
هم عايلة اماراتية
بو محمد عمره 55 طيب يحب عياله ويتعب ويشتغل عشانهم ,رباهم وتعب عليهم بأحسن الطرق لان مايبغي يعيد طريقة التربية الي هو تربى عليها طبعا هو يملك املاك وايده بفضل الله ومرته ام محمد عمرها 47 ام حنونة تحب عيالها وماترضى عليهم بشي عندهم ثلاث اولاد
اكبرهم محمد عمره 35 ويشتغل ,حنون ويحب اخوانه وخواته طويل شوي و وسيم لونه حنطاوي يعني لا هو ابيض ولا اسمر عيونه لونها رمادي فاتح
وجسمه حلو مب متين ابدا ولا ضعيييف عادي الصراحة يعني حلو للحين الله ماكتب له يتزوج بس انشالله بنشوف شو بيكون نصيبة ؟؟؟ ... بعده نهيان وعمره 23 كمل دراسته وخلص من الجامعة ,
حبوب وهادي نادر ما كان يحتشر ويرتبش وياهم ,ابيضاني طوله عادي معضل شوي خشمه طويل ومنسق وماشالله عليه حليو ,
عز واصغر واحد بين اخوانه عاد عز هذا بلوه وسييييييييييم ويطيح الطير من السما بس مب احلى من حمد ولد عمه ,فيه دقه في حنكة وشعره طويل شوي ويسوي فيه تساريح تطلعه اكثر جمال
,عاد هذا خقاااااااااااااااااااق وماتعيبه اي بنت على كثر مايلاحقنه الا انه مايسوي سالفة
,عندهم ثلاث خوات توأم عاد دومهن ويا بعض ولاصقين ويا بعض من يومهن صغار الشبه بينهم واييييييد قريييييييييييب لدرجة ان مرات الناس يخربطون بينهن بالذات في المدرسة عمرهن 19 سنة ويدرسن
,مهرة ماشالله عليها جمال ودلال واخلاق سمرا شوي لكن سمارها حلو ,محيرة حق ولد عمها سيف ويحبون بعض من زمان ,اسماء مب غير عن اختها بس هدوءها مميزنها بين خواتها
,تحب تكتم كل الي فخاطرها وحبوبة وايد وحنونة ويا الكل سمارها مثل سمار خواتها الباقيات لون عيونها !!!!!!!يجنن جي عسلي على بني صح ان نفس خواتها بس هي عليها غير سبحان الله
,سلامة يييييييييييييي يهالسلامة هاذي عكس خواتها فيها جمال بس ماتطلعه مخشوش ماتطيق الدلع ابدا دفشة ودومها تضحك وتنكت وتسولف ويا الكل ,تصرفاتها قريب شوي من الشباب
وعادي عندها الشباب والبنات نفس الشي وعايشة حياتها بالطريقة الي تبيها بس في شي معقدنها وكل ماتتذكره تخاف وينعفس حالها لانها تضن ان حياتها بتخترب بمجرد مايتنفذ الي فبالها

عمهم بو خالد عمره 57 الله مارزقه بعيال اول ماعرس بس بعد سنوات الحمدلله يته اول بنت واكبر وحدة شجون الي عمرها 33 سنة
بنت خلوقة وسمعتها عالية ومعروفة عند الكل ,دكتورة نفسية تعالج المرضى وتنجح دوم بهالشي يمكن لانها تحس بضعف داخل تحب هالشغلة ,بارة بامها وابوها وايد وتحبهم تشبه امها وابوها
وايد مع ان موضوع الشبه غريب شوي وسبب الشبه اغرب ,ام خالد حرمة صالحة ومطيعة وتحملت سنين لين نالت ,
ناصر عمره 29 كان اسعد ريال في الحياة يوم انه عرس وخذا حب حياته وياه ولد منها بس للاسف انتهت السعادة
,يشتغل مع ابوه وعمامه في الشركات الخاصة لهم ريال ماشي سيدة بس يحب ولده واهله بطريقة ماتنوصف بس مب قادر يبين هالحب حق ولده ,خالد عمره 24 فله هالريال ويحب الوناسة
ودومه يضحك ,وطيوب ,اهم ماعنده خواته حليو والكل يحبه ,مكتوم عمره 22 شاب مثل باقي الشباب في هالسن ,لعااااااااااااااااااااب بطريقة فظيييييييييييعة لدرجة ان مابقى
بنت مايعرفها حليو مثل باقي اخوانه ويمكن هالشي الي مخلنه جي ويا البنات ,مقردنجي (وايد يقردن )
وممشي حاله ومايقعد في البلاد الا مرات ولد بريطانيا الحبيب ,متحكم وعصبي دوم,منصور 21 حبوب وايد وقريب وايد من بنت عمه اسماء من يوم كانوا ياهال ,يستشيرها بكل شي ومايخش عنها شي حتى انها شهد على حبه مع غاية ,
عنود عمرها 26 عنيدة وعصبية والي في بالها يصير يعني يصير ولو على حساب مصلحتها ماتسمع من حد وماتحب حد يتدخل فيها ورغم كل هالعناد والقوة الا انها طيبة واجتماعية ومن داخل غيييير
,تناهيد عمرها 20 شعرها اسود غامج وطويل يتعدى ضهرها وجسمها ممتلي شوي يعني وزنها 56 بس دومهم داقرينها وملعوزينها على اساس انها دبة
بس بعدها تبقى عسل وتحب الكل و ماتتحمل حد يغلط على حد جدامها والاهم من كل هذا انها عايشة قصة حب مع نهيان ولد عمها ,عذاري عمرها 17 اخر العنقود طبعا ودلوعة البيت حساسة وايد طبعا شي طبيعي الي في هالسن يكونون حساسين ,
رمستها ابر منها وحتى عقلها والبنات مايستغنون عنها ابدا ,علي ولد ناصر ,فرفوش ويحب يستخف دمه وايد ويا عمامه وعيال عم ابوه وبالذات مكتوم حتى انه صار مايقعد في البلاد نفس مكتوم وقام يتصف ببعض صفاته بس بعد ينصح مكتوم ويحاول يصلبه,ماشالله عليه عمره 15 بس الي يجوف اسلوبه وحركاته يقول اكبر,اشقر على امه .

عمهم بو سيف عمره50 شريك في شركات العايلة والمعتمد عليه ليش انه يعتمد عليه وذكي وقد الشغل ,ام سيف عمرها 44 اصغر من ريلها بوايد
,سيف البكر عمره 24 اسمر وعيونه عسليات وحتى شعره ,معضل بس بطريقة حلوة وسبحان الله خشمه سيف على اسمه ويعشق مهرة بنت عمه ,يشتغل ومنظم عمره وشخصيته قوية ,حمد 20 لعاب شرات مكتوم
ولد عمه يمكن تعلم منه الواته والهياته والاستهتار بالذات انهم دارسين سوى في نفس المدرسة والجامعة
طبعا لان مكتوم ماشالله مارسب ابدا<<هههه ,هنادي عمرها 19 وايد وايد وايد حساسة وقلبها نظطييييييييف وابييييض وكلها براءة وشايلة فكرة الزواج من بالها خايفة تضيع حياتها وتنجرح عس رتاج الي عمرها 18 مستخفة عالزواج وتدور فارس احلامها القو عشان تحبه طبعا هن حنطاويات وضعااااف اضعف بنات العايلة .


<<<<<<<<<<<<<<بارت 1<<<<<<<<<<<
مهرة :شو فيك
سيف:مافيني شي
مهرة:عيل ليش جي ساكت ارمس ابا اسمع صوتك
سيف: بس كنت متضايج شوي
مهرة :بسمالله عليك شوفيك؟
سيف:مافيني شي حياتي طوفي ...بس تدرين شو قاعد اتريا ليلة عرسنا ,الليلة
الي بتكونين فيها نصيبي وحلالي .قاعدة عدالي على الكوشة والناس كلهم يطالعونا ويرمسون عنا وعن طلتنا وكل شي فينا
مهرة :انشالله قريب انشاءالله بيتحقق الي نبيه
سيف يغمض عيونه ويتنهد بضيج :والله احبج موت .. احبج يا مهور
مهور بحيا :الله يخليك لي حبيبي حتى انا احبك
سيف ابتسم :لا خلا ولا عدم
مهرة تتثاوب
سيف : حبيبي فيج رقاد صح؟
مهرة:لا لا مافيني رقاد توا الناس
سيف :لا تقصين علي توج تتثاوبين زين ماطلع حلجج من التلفون...ههه
مهرة:مايضحك انزين؟
سيف :امبلا يضحك يضحك كيفي اصلا
مهرة: اسكت
سيف يضحك :خلاص خلاص بسكت لاجل عيونج كل ولا زعلج
مهرة :هيه اتحرا بعد
سيف:انزين يلا حبيبي بخليج ترقدين ماباج تسهرين وايد بعد هاي فترة امتحانات ومابا الهيج اباج تنجحين وتيبين الشهادة ونعرس بسرعة
مهرة :انشاءالله بنام بس ماقدر كل ماحط براسي عالمخدة الافكار تاخذني ويطير من عيوني النوم
سيف يتنهد :افا منو ماخذ تفكيرج ومسهرنج
مهرة :اكيد انت... انت ماخذ تفكيري ليل ونهار كل ماحط راسي عالمخدة ابداء افكر فيك ودي بس ايي اليوم الي اقوم فيه من رقادي والقا عمري نايمة بين احضانك
سيف:اااه
مهرة بخوف :سلامتك من الاااه شوفيك ؟
سيف :مافيني شي
مهرة تتنهد :حبيبي شو فيك امانة خبرني لا تخوفني اكثر من جي
سيف يتنهد :ولهان عليج ابا اجوفج جدامي دوم ,اباج حقي وبس مب قادر اعيش بدونج اكثر من جي يلا انجحي خليني اعيش مرة ثانية , يلا عاد شدي حيلج وانجحي ودي اجوفج واقعد معاج كل لحظة وكل دقيقة وكل
يوم ,مابي اتنفس بدونج لانج انتي نفسي اصلا
مهرة ميته حيا مب عارفة ترد عليه
سيف :انزين ردي جامليني على الاقل
مهرة :سيفو اسكت والله بموت خلاص لا تقهرني اكثر عن جي ترا برسب
سيف بغيض :تدرين ان ماحب اسمع طاري رسوبج ,ماباج تيبين هالطاري موليه حاليا لين تنجحين ونفتك من هالشرط
مهرة :اسفة حبيبي ماقصدت اضايقك
سيف:لا عادي ماتضايقت بس ماحب هالرمسة
بو محمد يدق الباب عمهرة :رقدتي؟
مهرة :لا ابويا بس الحين برقد وراي امتحانات فاينل باجر ولازم اقوم من الفير عشان اراجع ويا اسمو وسلمو
بومحمد:خلاص مب مشكلة حطي راسج ورقدي ابوي وربي يوفقج انتي وخواتج ,و هيه باجر بتسيرون ويا الدريول
مهرة :تتثاوب وتسوي عمرها راقدة وترمس بتعب انشاءالله ابوي
بومحمد:تصبحين عخير
....:مهرة
مهرة تزخ الفون وترد ترمس سواف
مهرة:تضحك ها؟اضحك اضحك عسى دوم اسمع هالضحكة
سيف يتثاوب :يلا حبيبي بخليج الحين برقد وراي دوام
مهرة تتافف :انزين خلاص يلا باي ارقد يالديايه
سيف:ههه انا دياية ؟يالعنز
مهرة:لاجل عيونك اكون عنز
سيف:فديت عيونج
مهرة تبتسم بحيا وتخوز التلفون بعيد وتصارخ احبك احبك احبك
سيف:ههههه انتي اييه تخبلتي شوه؟لا تصارخين اذني بتنطر فهمنا انج تحبيني اصلا غصبا عنج مب بكيفج
مهرة:انزين سيفو مافيني رقاد شو الحل؟
سيف:اااا خلاص بقولج شي وانتي سوي بدون لاتفتحين حلجج وتعلقين انزين؟
مهروة:انزين
سيف :انسدحي عالشبرية الحين
مهرة :انا حاليا منسدحة اصلا
سيف:زين تلحفي
مهرة :تلحفت
سيف :غمضي عيونج وتخليني راقد عدالج واحضنيني وارقدي
مهرة فخاطرها :ااااه ياقلبي بيذبحني هالسيف
سيف :يلا حبيبي انا بسوي نفس الشي وبرقد,عاد احلمي فيني
مهرة:هه انزين ,تصبح عخير
سيف:وانتي من اهله
مهرة :زين بسكر
سيف :ايييه مهور لاتبندين خليج وياي عالخط وارقدي جي اريح لنا
مهرة:انزين
>>>>>>>>>بارت 2>>>>>>>>>
صارت الساعة 5 الفير مهور قامت على صوت سيف وهو يوعيها عالخط ومن بعدها قامت تتوضا وتصلي وسارت صوب غرف خواتها
اسمو ,تقوم من رقادها وتوعي سلامة
اسمو:سلمو يلا قومي بسرعة ورانا امتحانات وحالة قومي راجعي لج شوي لازم تنجحين
سلمو قامت:افففف اسمو اففف بس عاد مامليتي وانتي تحنين خلاص ياخي بنقوم ذليتينا
مهور تقرب صوب غرفة اسمو وسلمو "يتشاركون الغرفة"..مهور شوي شوي تدق الباب
سلمو تفتح الباب بقو
مهور وسلمو يصارخون بنفس الوقت, مهرة:بسم الله خوفتينا من فير الله ,انتوا شو فيكم تصارخون ماتعرفون الا تتضاربون ؟
سلمو :جب جب صخي يلا مب وقتج,استغفرالله اصلا انا بس ابا افهم هاي امايا ليش مخلتني ويا هالعنز اصلا ليش انتي بغرفة بروحج انشاءالله؟ لا تنسين ان نحن توام ترا والمفروض الي ينطبق عليج ينطبق علينا بعد
مهرة:لا تتفلسفين انا اكبر منج
سلمو تتطالع مهرة من طرف عينها:اييه انتي كلهم دقيقتين واربع ثواني عن الخقة الزايدة عاد
اسوم:ههه ههه ههه لا والله خواتي تتضاربون على الاكبر ها؟انتوا اييه لا تنسون ان انا من قرادة حظي وحدة من التوأم الفاشل سوو لي اعتبار عالاقل
سلمو:لا والله اصلا انتي لازم تحمدين ربج وتبوسين ايدج ورا وجدام انج توامنا
مهرة:هيه والله اصلا نحن مانعترف بج نحن يايبينج من صوب المسيد ماقالولج قوم امايه؟
سلامة :اقول فكوني لاه بسير اكمل رقاد انا
اسوم ومهرة يطالعون سلوم : يلا اتزهبي عشان ندرس ونوعي الشباب
..
..
..
عالساعة 7 مهرة واسوم وسلامة ركبوا السيارة وهم متوترين وخايفين حيل
كومار السواق:هههه انت كلو بنات ليش في خوف مافي مشكلة انت في خوف الحين وبعدين ...ههه
سلوم:وبعدين شو كمل السيد كومار العزيز
كومار:انتي في اسكت وايد احسن ...كله لازم كلام بس انتي مافي ....كلو مرة في تقول انا في نجاح وامتحان زين سهل وبعدين كلو دويرة احمر كبير وفي مكتوب رسووووووووب وتعيد امتحان
........
نهيان:امايه ..ابويه وين ساروا عيالكم وخلوني الحين كيف بسير الكلية انشاءالله ؟وراي امتحانات فاينل ترا ,مابقى شي وبتخرج مابي اخربها على آخرها يعني
ام محمد:لا اله الا الله من هالولد الحين تروم تقول لي ليش محتشر ؟انت الي تاخرت عليهم وانا خليت كومار يروح ويوديهم وانت ماشي امتحان خلك في البيت وارسب انزين؟
نهيان :لا والله لا مابا ارسب لو رسبت عمي مول مابيرضى يزوجني تناهيد ولو مازوجني تناهيد والله بموت انزين؟
ام محمد :صخ يلا صخ شو هالويه الودر الي مصبحة عليه انا ,قايم من الصبح يتحرطم
بو محمد:بسج انتي وولدج اذيتونا من صباح الله لا خليتوني اشرب قهوتي ولا اقرا جريدتي ...يلا انا بطلع بسير دوامي احسن لي ,وانت اييه يلا الحقني "يقصد نهيان" يلا بسرعة
في الدرب بو سيف يتصل حق اخوه بومحمد
بو محمد :الوووه هلا باخوي هلا والله عاش من سمع صوتك وينك من زمان مالك حس
بو خالد :شخبارك ؟والله اشتقنا لك
بو محمد:انا بخير ومن صوبك؟
بو خالد :من صوبي ياي كل خير الا اقولك نهيان صوبك
بو محمد:هيه هاذو عدالي بوديه الجامعة سيارته في الوكالة من يومين اختربت شي فيها وخليت الدريول يوصل باقي العيال بيسيرون الجامعة
بو محمد : والله ياخوي كبرنا وكبرونا هالعيال وانشاءالله الحين مهرة وسيف بيعرسون وتناهيد ونهيان بيملجون
بو محمد:ها؟والله فرحتني ياخوي يعني انت راضي بولدي نهيان ؟
بو خالد:افا عليك ياخوي اكيد موافق الحمدلله نهيان ولد والنعم فيه مايعيبه شي
نهيان متشقق ومحتشر مب مستوعب عدل
بو خالد :اوووه انا نسيت ان المعرس عدالك يوده عن يوقف قلبه
بو محمد :الله يبشرك بالخير والله فرحتني وفكيتنا من حشرة معرسنا

>>>>>بارت 3<<<<<<
بيت بو سيف الظهر كلهم ردوا من دواماتهم وكان اخر يوم لامتحاناتهم وافتكوا
هنادي داخله تصيح وحالتها صعبة اما رتاج تضحك ومستانسسسسسة
هنادي ورتاج :السلام عليكم
حمد وسيف وام سيف :وعليكم السلام
الكل يطالع هنادي وهو ساكت فجاءة حمد نقع ضحك :هههههههههههههههههههه نفس السبب لاه؟*يطالع رتاج
رتاج :هههههههه هيه في شي يديد يعني
سيف يسير صوبها ويحط ايده عكتفها :يلا مناك مايخصكم فيها ,ليش تصيحين ؟
هنادي ساكتة وتطالعهم
سيف :قولي عاد
حمد زاخ صحكته :اييه نرمسج نحن قولي خلصينا بلا دلع
ام سيف :خلوها لا تلعوزونها
رتاج :هنادوووو عن الدلع شو نفس الدراما كل سنة ,احمدي ربج خلصنا والله اني مستانسة وانتي داقة مناحة
هنادي يتها ضحكة وجي تعفص ويهها عشان ماتطلع مب مصدقة انها خلصت
حمد :ههههههههههههه طاع الويه انتوا اضحكي دام فيج ضحكة يعني
!!!هنادي :جب جب ,والله وخلصت
سيف :عاد المهم الدرجات الحين
رتاج :اوهوووووووووو يينا على النكد فكنا لاه لا تذكرنا نحن بروحنا خايفين
حمد :هيه خافي على سواد ويهج الشيخة ترا طول هالايام تلعبين ويوم النتايج بتتادبين
رتاج جافته وسحبت عليه ماردت
سيف :عيل وينه ابوي
رتاج :ابوك برع في السيارة شوي وبينزل انشاءالله ,ليش شو تبا فيه؟
سيف:اها لا مابغيت شي بس اسال بعدين انتي شو يخصج ليش اللقافة يا رتاجوه
رتاج:حمود راد مبجر اليوم ؟
حمد:هيه
رتاج:عسى ماشر ليش ؟
حمد :مايخصج شو تبين فيني انتي ؟ها الي ناقص فصعونه وتتسألين عني
رتاج :جب جب ,دوم داقريني هالاخوان*تفر عليه مخدة
حمد :ههههه مابقولج شي خلاص بسكت مابخرب عليج وناستج مال اخر يوم
رتاج :انزين ليش راد مبجر؟
حمد: ماشي بس خلصت بسرعة وجي رديت
رتاج :زين بعد ابرك لك
هنادي :امايه وين الغدا ؟يلا بسرعة انا بسير وبرد ابا القى كل شي زاهب
ام سيف طالعة من المطبخ :لاه ؟احلفي هنود ليكون خدامة ابوج انا؟
حمد:افا !!!!!!بو سييف بيزعل والله انه
ام سيف:شعنه يزعل بسم الله
حمد :عيل مب خدامة ابوها ها ؟ما علي الحين بخبره انا
ام سيف :لا ويه زخ لسانك ياولد ,فديته بو سيف الله يحفظه ويخليه
رتاج :ههههههههههههههههههههههههههههه الحين فديته ومادري شو ؟هااا ؟
هنادي :والله وطلعتي حركات امايا
سيف :منو قدك بو سيف ؟*يصفر بصوت عالي
ام سيف استحت وابتسمت :بسكم ياعيال
سيف :انتوا سيروا بدلو وامايا خليهم يزهبون الغدا والله يوعان
ام سيف :انشاءالله بس يوم بزقر عليكم انزلوا مب تقعدون فوق نفس دوم


............
............
عذاري :هااااااااااااااااااااااه ؟
تناهيد :تعالي بسرعة براويج شي
"عذاري :اوك "وسارت لها الغرفة
عذاري:ها شو تبين ؟
تناهيد تراويها الفون :جوفي شو جفت انا
عذاري شهقت :شتتتتتتت شو ها ؟
تناهيد :والله ماتوقعته يوصل لهالدرجة من الوقاحة ,ولد امي وابي و يكون جي ؟لا مستحيل والله يفشل
عذاري :وين لقيتيها اصلا
تناهيد :في الاكسبلور مال انستا اليوم لقيتها
عذاري:هههههههههه والله هالولد مصخرة خقاق بعد والله
تناهيد :لا جوفي بعد ماسك ايدها اونه ويتمشون ومادري شو ........امحق
عذاري:اقولج ها كأنه صوب بحر البطين؟
تناهيد تطالع الصورة وتدقق:هيه والله صوب البحر
عذاري:انا اراويه السبال اقول له ودنا ويسحب وهالبقر يوديهن
تناهيد :هههههه هيه والله يا حيهن عيل
شوي ورن فون تناهيد وراحت الحمام ترد وعذاري ضحكت عليها وردت غرفتها
.
.
.
سلامة :خلونا نسير غياثي !!!!!!!والله ابا اسير
محمد:فاضية انتي شو غياثي الحين
مهرة :صح ليش لا خلونا نسير والله من زمان ماسرنا المزرعة اشتقت حق الهوش و البوش هههه
محمد :طبيعي اهلج ترا
سلامة :اييييه مب على اختي يلا مناك
محمد :افففففف يت الدفاع سلوم
مهرة :فديييييييت انا ,خلها تدافع عني ياخي شو تبا
محمد يغمز صوب اسماء ونهيان :ها ,لا بس اباج
نهيان واسماء يضحكون عليهم وعلى سوالفهم
مهرة استحت بس اونها يعني :لو سمحت تراني محجوزة
سلامة :كااااااااااااااااااك قفطووووووووووه
محمد :افا ماهقيتها منج الحين انا اقولج اباج تقولين لي محجوزة ,وتخلين العذال يضحكون *يأشر على سلامة
سلامة :عذال فعينك انزين ؟
محمد :انزين انزين بس فكينا من حشرتج
صوب اسماء ونهيان كانوا في هدوء تام...........نهيان :اقولج قريتي هالكتاب ؟
اسماء :اي واحد ؟
نهيان :اسمه ترى الحياة عجيبة
اسماء:مال الكويتي لاه ؟
نهيان :هيه
اسماء:لا والله ماقريته قالوا لي عنه بس ماقريته و مب في النت
نهيان :هيه مب من النت هو ,بس لو تبين تقرين بعطيج اياه
اسماء :عندك ؟
نهيان :هيه خذته من اسبوعين
اسماء ابتسمت :زين عيل عقب هاته ابا اقراه
نهيان :موجود في المكتب بين الكتب في الرف الثاني
اسماء :اتعايز الحين خلاف بسير
نهيان :اوكك
............
عالساعة 5 العصر ناصر يدور ويدور بالشوارع مب عارف وين يروح وشو يسوي حتى ,كان متضايج ومحتار وحاس بخنقة يبا يفجها مب قادر
ناصر :يارب ساعدني وصبرني على فراقها والله والله اني كل هالسنين ومب قادر انساج يا ندى والله مب قادر ,ليش ياربي ليش هي بالذات ؟استغفرالله شو هالكلام الي اقوله هذا حال الدنيا ومصيرنا كلنا الموت ,اااااااااااه ليش هديتيني يالغالية ,ليتج مارحتي
علاوي محتاجج ومحتاج حنانج ,محتاج ام تسأل عنه ,تداريه وتهتم فيه محتاجنج يا ندى وحتى انا محتاج لوجودج محتاج لدلالج لي ومساعدتج ,انتي وعدتيني ماتهديني ابدا بس شصار الحين ؟هه انتي مش موجوده ,اررررررررررررررججججججعييييييييييييييييييييييييي
*وبدا يصارخ بهستيرية ويدق ايده بالسكان بخوف ,بقهر ,بحزن بس ماشي فايدة ,السياير وراه تدق هرنات وهو ولا عالبال والحال الي كان فيه كان صعب وايد *
خذته الذكرى ليوم ولادة علي .............ندى تتنفس بصعوبة وخوف والعرق يصب وقاعدة تنزف بغزارة ,الالم كان ماينوصف كانت شوي تصيح وشوي تئن من الويع وحست بعمرها ان الامور ما بتمضي بخير ,ناصر ماسك ايدها ويحاول يهديها ,الكل برع ينتظر ويسأل والخوف
كان سيد المكان ,*داخل الغرفة *ندى بصعوبة وبنفس مقطع :ن ن ناصر امانة دير بالك على نفسك
ناصر يضغط على ايدها :بس خلاص سكتي شوي ,,,,يلا تحملي تحملي شوي اكثر
الدكتورة :يلا يا بنتي ما تفئدي الامل شوي كمان حاولي يلا دفي ....ايييه اييه اكتر اكتر شوي
ندى :ااااااااا ناصر ناصصصصصصصصصصر لحق علي بموووووووووووووووووووووووت ااااااااااا
ناصر دموعه تنزل ورا بعض ماقدر يمسك عمره ,ماقدر وهو يجوف مرته تتألم وتموت جدامه :لا تقولين جي حبيبتي تحملي شوي شوي بس قربنا
الدكتورة بتوتر وصراخ خفيف :مابيصير هيكك ياندى يلا لازم تحاولي معنا منشان تخلصي بسرعة ويخلص هاد العوار
الحال كان صعب والجو متوتر وصوت ندى مالي الغرفة وبعد هدوء ومحاولة ندى تكلمت ,ماقدرت تسكت وتخلي هالكلام بخاطرها
ندى تحط ايدها على راس ناصر :حبيبي امانة لا تصيح واصبر ,تحمل عروحك وعلى ولدنا الي بيي ,اباك تسميه علي مثل ماكنت تبا اوك؟
ناصر يحاول يسكتها بس هي مب راضية وتكمل حتى لو هو مب عاطنها مجال
ندى :لا تقاططعنييي نااصر اسمعني للاخر لو لي قدر عندك ,,,,,,قول حق علي اني انا وايد احبه لا تخليه يزعل ابدا ,صح ان الله خذا روحي بس بيرزقك بروح ثانية ,حاول تعوض نفسك بولدنا وحبه وربيه عدل ,تكفى لات لا تقطعني تعال لي دوم وقول لي عن علي,
كيف صار ؟يشبهني؟كيف عايش؟وشخباره ؟ ......دخيييييييييييييييلك ااااااااااااااااه *تتنفس بصعوبة وعلى كل نفس تحس روحها تطلع * ااااااااااااااااااا نااااااصر ,ياربيييييييييييييييييييييييييييييييي والله ما اقدر والله
الدكتورة بحماس :يلا يلا ليكي ليكي ايييه كل ما بتئوي حالك كل ما بنصل ليكي وصلنا ليكي
ندي وهي تصيح :مابيييييي امووووووووت ابي اجوف ولدي ...........ممممممممممممماااااااااااااااااااااااابي يييييييييييييييييييي ااااااااااااااااااااااااااااااااااااااه
ناصر قام بيطلع من الغرفة ,مب قادر يتحمل يجوفها اكثر مب قادر يجوف حياته تتركه ويسمع هالكلام منها ,مايبيها تموت ,مايبي يفقد احلى شي بحياته ,ناصر:يارب صبرني وقومها بالسلامة يارب سامحيني, غناتي سامحيني بس مضطر اطلع
ندى تطالعه بعين ترجي :لا تروح !!!*ما رد عليها وياي بيطلع بس فجاءة رجع وقف منه وتخدر من سمع الصوت *هذا صوت ياهل صح ؟هيه صوت ياهل انا متاكد ,,,,ولدي ؟ندى ولدت اخيرا ,الحمدلله يارب الحمدلله
الدكتورة :ليكي كيف عم يبكي !!!هه
علي يصيح بصوت عالي ,صوت يرد الروح ,صوت يزرع الامل والفرح ومحد يقدر يحس بهالشعور ويقدر هالصوت كثر الام بس وين الام ؟
ناصر شل الولد بسرعة وباسه :هذا ولدي دكتورة ؟هيه هيه ولدي جوفي ندوي جوفي ولدنا علوي ,اخيرا انولد حلمنا, جوفي
الدكتورة :يتربى بعزكون انشاءالله *طلعت من الغرفة
ندى تبتسم بتعب :الحمدلله يارب *خذته وباسته وباست ناصر *الله يحفظكم ويخليكم لبعض يارب ,ماشالله عليه طلع حلو مثل مابغيت انت جوفه
ناصر يمسح على راسها :ندى لا تقولين هالرمسة دخيلج بس ارحميني ,يلا عاد قومي انا مابطلع من هني بدونج
ندى تطالعه وبابتسامة :احبك .........اا ا اشهد ان
ناصر :ندى !!!بس بس ندى بسسسسسسسس
ندى :واشهههههد ان محممممممد
ناصر :لا تزعليني منج ندوي جوفي جوفي كيف علوي يطالعج ,جوفي اول ماشليتيه سكت جوفي
ندى شوي شوي تحط ايدها على راسه ونفسها يطلع بصعوبة وتشاهق بطريقة تخوف :عبددده ورسوووووووووله
شوي وانقطع صوتها وطلع صوت ناصر :ننننننننننننننننننننننننننننننددددددددددددددىىىىى ىىىىىىىىىىىىىىىىىىىىىىىىىىىىىى!!!!!!!!!!!!!!!!!! لاااااااااااااااااااااااا
...........شوي وعلى هالصرخة الي هزت القسم من قوتها دخلت امه وامها وانصدموا من الي جافوه(ناصر على الارض قاعد بيأس ,علي على حضن ندى يصارخ من الصياح وندى؟؟؟؟؟؟............للاسف كانت جسم بدون روح ,انتقلت لرحمة ربها
محد مصدق الخبر الحريم يصيحون وينوحون والشباب يحاولون يهدون ناصر ويهدون الحريم بس بدون جدوى ماشي حل
ام ندى :راحت الغالية راحت بنتي حشاشة يوفي الوحيدة الي كانت باقية لي راحت يا ناسسسس !!!من بقالي فهالدنيا ؟من؟هييييييييييييييييييييييييييييه يا بو ندى تركتني ورحت والحين الغالية راحت وبقيت بروحي ..بروووووووحي


تعديل وردة الزيزفون; بتاريخ 17-11-2018 الساعة 11:29 PM. السبب: بطلب من الكاتبة
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-12-2014, 07:23 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي رد: دنيا تعيشنا القدر و والواقع


اتمنى تعجبكم وتردون علي بتعليقات تساعدني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-12-2014, 07:35 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي رد: دنيا تعيشنا القدر و والواقع


<<<<<<<<<<<<<<<بارت4<<<<<<<<<<<<<<
.
.
.
نص ساعة مرت لا لا ساعة كاملة والشارع موقف بسبب سيارة ناصر الي مب راضية تتحرك ,الي عباله موقفة والي عباله السواق فيه شي والي والي بس محد يدري عن حال ناصر ,عن الذكرى المؤلمة الي يت فباله وعن احداث هالذكرى اصلا
!!!!!!!!!!!!!!!!!!!..........مشى في الشارع وهو مايدري عن الدرب ولا عن الطريج ,يجوف ضباب جدامه وباله بس مع ندى مب قادر يتصرف ولا يفكر باي شي لين
شوي شوي يبطل عيونه بتعب ومالقى عمره الا في المستشفى وكلهم صوبه ......ناصر بصمت :كلهم هني امايه ,ابويه ,عنود,تناهيد,شجون,منصور,مكتوم,علي وكلهم حوالي وموجودين هني بس !!ندى؟ندى وين ؟* وتبدا دموعه تنزل بدون حاسية مجرد ماتذكر الصدق
واستوعب بدت دموعه تنزل بدون سابق ولا انذار حتى......!!!!!!ندى

نهيان :هدي هدي حبيبي انشالله مافيه شي انتي ادعي له بس
تناهيد تصيح:مب قادره والله حاله يعور القلب انا مب قادرة اتحمل اجوفه بهالحال
نهيان :ماعليه انتي سمعيني وسوي الي اقوله اوك؟
تناهيد :اوك
نهيان :سيري قعدي شوي صوبهم وحاولي تعدلين الجو وتخلين خواتج وامج يردون البيت الشباب هناك مايقصرون
تناهيد :مابي مستحيل
نهيان :بس انتي قلتي لي بتسوين الي قلته صح ؟
تناهيد بتردد: هيه بس...مابي ارد ابي اكون صوبه
نهيان :انزين هو الحين تعبان وعقولتج ينام ويقوم يعني مافي داعي من وجودكم وانتي تعبتي ردي ريحي ومن باجر تعالي
تناهيد :انشالله
نهيان ابتسم :عفية
تناهيد :انزيييييييين؟
نهيان :وينج بالضبط؟
تناهيد :صوب الكوريدور الفاضي هذاك
نهيان :اي واحد ؟
تناهيد :الي كنا دوم نتيمع فيه انا والبنات قبل
نهيان :لا والله ؟
تناهيد بخوف شوي:هيه ........لييش؟
نهيان بعصبية:الحين تردين صوبهم
تناهيد خافت اكثر :مم انشالله بس شفيك ليش؟
نهيان :سايرة بروحج صوب الكوريدور ؟وتقولين ليش ؟
..........:تناهيد
نهيان :ردي لاتمين ساكتة
تناهيد تتقوى :شو تباني اقول يعني؟
نهيان :ماباج تسيرين هناك ابد
تناهيد :خلاص اوك ممكن تسكر الحين؟
نهيان انقهر و تنرفز وعشان يأدبها :اوك باي
..
..
عنود بعصبية :انت مايخصك فيني تفهم ؟
مكتوم :قلت ماشي طلعة يعني ماشي
عنود :خوز من دربي وخلني اطلع احسن لك الحين
مكتوم بعصبية :انا كلمتي وحدة وماتنعاد!!!!فهمتي؟
عنود تضحك باستفزاز:هه هه هه لا مافهمت تكفى فهمني
مكتوم ماقدر يسيطر وصفعها كف انصدمت منه ومن قوته ..طراااااااااخ!!!!!...هو بروحه انصدم من نفسه مب عارف كيف قدر يصفع اخته الي اكبر منه
عنود حاطة ايدها على ويهها من الالم والصدمة لكن ........ماكسر شوكتها هالكف ولا خلاها تسمع الكلام بالعكس عندت اكثر واكثر ....وتمت تكلمه بحقد :هااااااااااااااااااااااااااااااااااااااااااه تصفعني انا ؟انا يا مكتومو؟ماعليه والله والله والله لاراويك
مكتوم :شو بتراويني يعني ؟مابتقدرين تسوين شي واحترمي نفسج ماشي طلعة
عنود صارخت باعلى صوت :مكتووووووووووووووووووووووووووووم قلت لك بطلع يعني بطلع امي وابوي للحينهم عايشين وماعمرهم قالوا شي عن دخلاتي وطلعاتي و اضن انهم موافقين على طلعتي هاذي وانا ماكنت بسوي شي غلط بس الحين براويك اصرارك وعنادك الي ماعرف شو سببهم اصلا شو بيسوون
مكتوم انصدم منها !!!!!ماتوقع ابدا ترد عليه حس بقوتها وجبروتها وتم متصنم مب عارف يتصرف حتى وعنود شلت بعمرها وطلعت

....
عذاري :ههه غايو ويا ويهج يلا عاد تعالي
غاية :والله مافيني اتعايز اصك درب من دبي لين بوظبي عشانج
عذاري :افاااااا حتى لو عشاني؟
غاية :ممممم خلاص اوك بيي كم عذور عندي انا ؟
عذاري:احم احم مانروم ترا نستحي ههههههه
غاية :زين ....منو بيكون موجود في البيت ؟
عذاري :اااا مادري اضن عنوده و مكتوم ويمكن منصور
غاية :متاكدة ؟
عذاري :هيه
غاية استانست :خلاص خلاص بندي مال ساعتين تلقيني صوبج
عذاري :لو مايبتي لي سينابون مابفج باب بيتنا وحبيب القلب مابتجوفينه
غاية :ههههه يا مسودة الويه تبين الاكل انتي ماتبيني انا
عذاري :صراحة!!!؟....هيه ابا الاكل اكثر
غاية :هههه خلاص تم افا عليج بييب يلا باي
عذاري:باي

فجأة دخلت تناهيد البيت وهي ميته صياح وحالتها ماتسر وجافت عذاري بس تعدتها وصعدت غرفتها ,عذاري مب فاهمة شسالفة وقاعدة تطالعها ومحتارة تسير ولا لا بس اخر شي سارت
عذاري تدق الباب شوي شوي ...طق طق طق !!!لكن محد فتح
عذاري :نهود؟؟؟فجي الباب
......:تناهيد
عذاري :نهووود يلا عاد
تناهيد بصوتها الي هلكان من الصياح :خلاص خليني مافيني شي
عذاري :بدش
......:تناهيد
عذاري دشت وجافتها منسدحة عالشبرية وقاعدة تصيح وسارت صوبها
عذاري :شفيج؟
...........:تناهيد
عذاري :لا تسكتين ردي شفيج ؟
تناهيد :افف خلاص خلاص مافيني شي خليني بروحي ياخي
عذاري :مابسير لين تقولين يلا هاه وهاذي قعدة *قعدت وربعت ايدها *احم اترياج تتكلمين
تناهيد قامت وقعدت لانها تعرف اختها لو حنت ماتهون
عذاري :انزين؟
تناهيد :شو انزين
عذاري تمسك اذنها :يعني اسمعج غردي
تناهيد ضحكت على حركتها :ههه
عذاري :هيه جي خلج اضحكي واستهبلي وخلي سوالف النكديات حقهم ترا ماينفع لج
تناهيد ضربتها :حمااااارة!!!جب مايخصج اصلا الحق علي مدخلتنج غرفتي
عذاري :هه ترا مب انتي مدخلتني انا دخلت بكيفي اتذكري
تناهيد : اتذكر اتذكر
عذاري:انزين يلا قولي
تناهيد تحاول تضيع السالفة :الا وين عندو ماجفتها
عذاري بنص عين :اصلا انتي دشيتي البيت تركضين ودشيتي غرفتج متى لحقتي تجوفين عندو ولا غيرها ؟
تناهيد تقفطت :يالله منج ماتطوفين شي عليج
عذاري :طبعا!!!اكيد مايطوفني شي
تناهيد :مب منج من شوج اثرت عليج
عذاري :هيه والله فديتها ...والله اشتقت لها من فترة مانجوفها
تناهيد :هي متى بترجع ؟
عذاري :بعد باجر لان قالت عندها وايد مراجعين هناك
تناهيد :اها ,يا حيها في المانيا الحين
عذاري :تراج من شهر رادة من المانيا
تناهيد :ادري انزين
عذاري :انزين ؟
تناهيد:لا يعني ابا اسير
عذاري :هيه ترا سبع البرمبا بيخليج
تناهيد تذكرت وتعكر مزاجها بس كملت :سبع البرمبا ريلج ,يلا مناك مب على نهيان
عذاري :لا دام السالفة فيها ريلي خلاص بسكت
تناهيد :ههههه ايوا خلج جي اصطلبي
عذاري تربعت وصارت ملامحها جدية :شو فيج ؟
تناهيد :بسم الله شو فيني ؟
عذاري :انا ييت لج وقلت مابطلع الا وانا عارفة سبب صياحج واترياج ترمسين تراني, ولا هااا عبالج تميتي اتسولفين يعني خلاص ضاعت السالفة
تناهيد :ايييييييييييييييييييييييهييييييييي هاي الي بتطفرني اليوم
عذاري:وكل يوم فديتج
تناهيد :انزين انزين
عذاري :يلا قولي
تناهيد :اليوم في المستشفى سرت صوب الكوريدور الي دوم نقعد صوبه عشان ارمس نهيان
عذاري انصدمت وتغيرت ملامحها :الكوريدور؟
تناهيد استغربت :اففف ليش كل ما اقول حق حد جي يرد ,هيه الكوريدور ليش شو فيها ؟شو اليديد ؟
عذاري تتذكر .......تعالي ياحلوه عطينا ويه شوي
عذاري وهي خايفة ومب عارفة شو تسوي
**** تم يلحقها بكل خطوة :افا يهون عليج تمشيني كل هالممر يعني؟
.............:عذاري
تم يلاحقها :انزين بس الرقم بس ,له له الحلوات طلعن مب سهلات بعد
شوي ويا واحد من وراه :وخر عنها احسن لك
!!!!عذاري شهقت :نهيان
وانت منو اصلا شو تبغي ؟:*******
نهيان عطاه بكس سدحة عالارض ,,,,,:تبا تعرف انا منو ؟ويكمل يصفعه وبدت الضرابة والتصفيع بينهم ونهيان كل شوي يعيد عليه تبا تعرف منو انا ؟....لين قام الريال وقال هيه انت منو اصلا شو يخصك انا وحبيبتي واقفين نسولف داش بينا ليش؟
نهيان انصدم وتم يطالعه ويطالع عذاري الي انصدمت وتمت تصيح مب عارفة كيف تفهم ولد عمها ولا كيف تبرر الموقف
نهيان بعد الصدمة :هه انا ؟انا كنت ريلها *وطلع وخلاهم على حالهم ولا درى عن الي صار بعد ماطلع

هالذكرى نزلت دمعة من دموع عذاري لان هالذكرى للحين مسوية حاجز بين عذاري ونهيان الي كانت علاقتهم وايد ودية وروعة ,كانت عذاري هي الوسيط بين تناهيد و نهيان كانت تنقل اخبارهم لبعض ,تراضيهم لو تزاعلوا وتحب نهيان من كل قلبها وتعتبره
واحد من اخوانها ومافي فرق بين منصور وخالد وناصر ومكتوم ونهيان محبتها لهم وحدة,بس للاسف هالموقف دمر كل شي ماعادت علاقتهم مثل قبل ,ماعادت عذاري ترمس نهيان نفس قبل ولا تنقل سوالفهم لبعض ولا اي شي من حالهم الاولي
***************************
تناهيد تلوح لعذاري بايدها :ايييه وين سرتي ؟بسم الله ليش هالدموع
عذاري انتبهت ونقزت من الخوف :ها ؟لا ماشي انزين كملي
تناهيد :اوك عراحتج المهم دقلي وتمينا نسولف وعقب سألني وينج ؟وقلت له اني في الكوريدور الي دوم يوم نسير مستشفى *****نقعد فيه وعقب حسيته عصب وقال لي ردي صوبهم ولا تسيرين هناك مرة ثانية ومادري شو ,يعني حسيت وراه شي بس ماعطاني
مجال اعرف حتى وتخيلي قلت له بخليك ,قالي لي بكل برود اونه باي ,افففففففففففف والله اني مقهورة ياخي شو فيه عصب فجأة وليش مايباني اسير الكوريدور وليش كل ها اصلا ,ياخي انا انا *تأشر على عمرها *انا غبية الي قلت له والله .......وتمت تتحرطم وخنقتها العبرة
وردت تصيح ,عذاري حضنتها وتمت تهديها وتمت الذكرى في بالها ,:خاطري ابرر له خاطري افهمه ويرجع كل شي بس هو مب عاطني مجال حتى وهالشي غريب منه هو عادته يتفهم وهادي وايد ويعذر الكل ويسامحهم بس اكيد في شي وراه وانا مادري عنه,لازم اعرف

-فبيت بو محمد-
مهرة :سلوم بس عاد هههههههههههههههههه
سلامة تقلد:هيه زين حبيبي
مهرة :ماعليه بييلج يوم بتندمين وانا الي بتطنز عليج مب انتي
سلامة :لاه ؟وليش انشالله
مهرة :لانج بتلقين حد وبتقولين له نفس الي اقوله وانا عاد اتريا هاليوم عشان اقطعج هههههه
سلامة :ه ه ه ه مايضحك اصلا ,بسم الله علي لا تفاولين علي حشى
مهرة :شو ما افاول عليج ترا ها مصير كل بنت ولا تنسين ان هاليوم بيي بيي وانتي فاهمة عدل
................سلامة انقلب حاله 180 درجة واتلاشت ابتسامتها تذكر من ثلاث سنوات في عزيمة من عزايم يوم الجمعة كانوا كلهم قاعدين كلهم على السفرة يتعشون وفتحوا طاري الزواج ويا اسم سلامة وهي كانت مندمجة تبا تفهم الموضوع
بو خالد :هيه ماشالله عليهم ,في النهاية هالشي مكتوب عليهن كلهن وهن ماشالله حريم ويفهمن مب ياهال خلاص لازم يعرسن من يخلصن دراسة ثانوية
بو محمد:هيه والله صدقت يا بو خلود وانا اقولها من الحين *يطالع اخوانه وعيالهم *تراني مابقى احسن من عيالكم حق بناتي ولا احسن من بناتكم حق عيالي
بو سيف وبو خالد استانسوا على رمسة اخوهم ,بو سيف :ولا انا ونحن عارفين من زمان ان مهرة بنتك حق سيف ولدي الله يحفظهم ويوفقهم
مهرة مجابلة سيف ومستحية خلاص وفي نفس الوقت مستااااااااااااااانسة و عنود قاعدة تطفرها وتغمز لها بس هي مندمجة في سيف الي نظراته مقطعتنها
بو خالد :امين يارب وفقهم ولو في نصيب ترزق عيالي بازواج صالحين وبالذات لو كانوا من عيال اخواني
سلامة تطالعهم وتسمع سوالفهم بكل توتر وخوف ,خايفة تكون من ضمن هالاتفاقات وهالبنات الي ناوين يزوجونهم,خايفة يتحدد مصيرها وهي بعدها بنت ال 15 سنة خايفة تضيع كل احلامها ومخططاتها ويصير الي هي مب راضة فيه
"سلامة "لا ياربي لا انشالله لا ياخي والله مابي اعرس ,ها ؟لا لا لحظة ...شو قالوا ؟مكتوم ؟انزين منو من نصيب مكتوم ؟صراحة الله يعينها الي من نصيبه حشى يا انه بيكرهها حياتها اففففففففففف هالانسان ماينطاق حشى يوقف لي مثل العظمة في البلعوم
مكتوم قاعد يطالعها بنظرات مب مفهومة وهي لاحظت هالنظرات ,كانوا الكل ياكلون ويسولفون بس هي زاخة القفشة وتنبش بالصحن ولا دخلت ولا لقمة للحين ويوم قررت تاكل الا شوي وغصت من صدمة ومن قوة الكلام الي سمعته ,:لا يارب شو يقولون هاييل شو الي اسمعه انا ؟
سلامة :كح كح كح
هنادي :صحة صحة
نهيان ناولها الماي الي صوبه :اشربي ماي شوي
سلامة خذت الماي وشربت شوي وهي بعدها منصدمة مب عارفة شو المفروض تسوي وكيف المفروض يكون حالها بس هالشي الوحيد الي ماحطت له حساب

.......مرت هالذكرى بسرعة كبيرة وكانت الغرفة هادييييييية مهرة تصبغ اظافرها وتعدلهن ,اسماء تقرا رواية وسلامة زاخة فونها وتتذكر لحظة لحظة وحدث حدث
عز:اقول
كلهن لفوا لمصدر الصوت وجافوه ,وراحوا يسلمون عليه ويحضنونه
اسماء حضنته :الحمدلله عالسلامة
عز ابتسم :الله يسلمج
مهرة :تو ما نور البيت عزووووووز!!!مابغيت ترد حشى
عز :ههههههه شسوي كنت ادري ان البيت بدوني ظلام بس والله مابتم لكم دوم انور دوروا لكم على ليت غيري
سلامة ضربته عكتفه بخفيف وتحاول تبتسم :سخيف ترا
عز :شراتج يالسخيفة
سلامة :شحالك ؟
عز بخقة :بخير والله
سلامة:ابا افهم انت ليش خقاق ؟
عز يطالعها بخقة اكثر ويلعب بشعره :والله كل هالجمال والدلال والخبال ماتبيني اخق ؟
سلامة تطالعه بلا مبالاه خلاص تعودت عليه وعلى اسلوبه الخقاق هذا الي يفقع القلب ههه
مهرة :ها مالقيت لك وحدة حلوة في اسبانيا ؟
عز :وحدة ؟ههه ماعاش من يلفت نظر عز يا حلوة انا مافي بنت في العالم تقدر تييب راسي والله تبين تقص علي وحده اسبانيه ؟ماعليه
اسماء :يا عمي بطل خقة قلنا لك هالخقة ماتنفع بييلك يوم بتتحسر عليها
عز :انزين انزين خلاص مابنخق خلج في كتابج يالمثقفة ,الا شو هالكتاب ؟
اسماء :رواية اسمها اسبريسو
مهرة وسلامة ردوا لملتهاهم وعز قعد على شبرية مهرة عدال اسماء
عز يقرص خدها و يحركه يمين يسار ومبتسم:وشو هاي يا مثقفتنا ؟
اسماء:هاي رواية اسمها اسبريسو قلت لك ترا
سلامة :اوهو يا عمي بلا اسبريسو بلا كابوتشينو قولي له عن قصتها وخلصينا ياخي خليه يفارج
عز يناحس فيها ويبتسم الابتسامة الي تخليها خلاص تنقهررررررررررررررررر *يبتسم على صوب وحاجب مرتفع طبعا وجي نظراته خقاقه بعد
سلامة تسوي عمرها ماتجوفه واونها تسولف في الفون
اسماء :المهم هاي اول رواية توترية كتبها الكاتب عبدالله النعيمي ونزلت في تويتر
عز قام سار صوب :اها اقولج انا بسير غرفتي ببدل وبرقد
مهرة :انزين والرواية ؟حرام عليك البنت قاعدة تشرح لك
سلامة:هههههههه شو بعد الرواية حبيبتي قالج بيسير يرقد يعني انسي
مهرة :مسود الويه
اسماء تعدل نظارتها :عادي عادي تعودت عليه من جي انا من البداية ماقلت السالفة كاملة بس اعيد نفس الشي
مهرة :ههه ايوااا وانا اقول هاي ليش اول مرة ماتتحمس وتقول سالفة الكتاب اثاريج عارفة سوالفه
اسماء تهز راسه بثقة وتكمل قرايه
سلامة :اقول عندو بتيي بعد شوي
مهرة :عندو؟
سلامة :هيه توها قالت لي في البب
مهرة :مب عوايدها اليوم الثلاثاء وماحيدها تينا الثلاثاء وبعدين مكتوم وينه كيف رضى انها تطلع؟
اسماء عينها في الكتاب بس ترد عليهم كانها فاهمة الموضوع ,وحاست بوزها:مايباله شي اكيد اكيد تضاربت مع مكتوم كالعادة وعشان تقهره طلعت من البيت ومالقت مكان الا عندنا
مهرة :يمكن
سلامة فخاطرها :افف من هالمكتوم دومه جي اونه عصبي ويتفلسف وحاله فلسفة هالولد مادري شو عباله
سلامة :فقته
مهرة:منو الي فقته ؟
اسماء :هاي بعد سهلة اكيد مكتوم منو يعني ؟
سلامة تنرفزت من فلسفة اسماء :انتي كملي هالكتاب وصكي حلجج قبل لا اخليج تاكلينه صفحة صفحة
اسماء :اووه الحق علي الي اسمع سوالفكم خل ارد اقرا
سلامة :مالت عليج والله
.........:اسماء ولا كانها سمعت شي

-في المستشفى-
محمد:يلا عاد نصور خذه وخلصنا
ناصر :مابا لاعت جبدي من الادوية والله
خالد :امف عليك تتدلع علينا شرات الياهال؟
ناصر:والله هالدوا بس يرقد وانا زهقت من الرقاد بسني صارت احلامي اكثر من الواقع,انت مب حاس فيني ولا جان سويت اخس مني بعد
سيف:ههههههههههه في هاي صدقت والله
خالد :ويييه نويصر ماقلت لك اليوم وانا مار الشيشة لقيت لك ذيج البورش!!!!!!!والله انها خطييييييييييييييييييييييييرة لونها اسود ومخطط بابيض ومزودة وصوتها يهز الارض هز قسم بالله عفية عليه راعيها يتهنى
ناصر :افا طافني شكلها عيل ,بس تصدق عجيبه مواصفات الموتر احس خاطري اسوي موتري جي ,الا شخباره موتري عسى ماتكنسل ؟؟
سيف يتلفت يطالعهم شو بيقولون عشان يعرف يقول او لا ويوم تطمن:تبا الصدق ؟راحت عليك
ناصر شهق من الصدمة :شوووووو!!!؟شو هالحظ والله انا ها دافع عليه دم قلبي وتاعب عليه وتوه يديد يعني
سيف:نصيب بعد
خالد :الا تعال انت بكم خذته ؟
ناصر :اسكت يا ريال دافع عليها وايد والله
خالد:انزين قول كم ؟
ناصر :الله يسلمك دافع 995 الف
سيف :هيه والله وايد بس يلا انشالله بتتعوض انشالله
ناصر :انشالله
خالد :يلا بنخليك ورانا كم شغله وامايا ابويا الحين بيونك تراهم ساروا يصلون وبيردون
ناصر:سيروا الله يحفظكم
سيف وخالد :فمان الله *ظهروا عنه متوجهين الشركة عند بو سيف عشان يخلصون الشغل

مكتوم يالس على اعصابه ومحترق خلاص ويدق على فونها ماترد ابد ماعرف شو يسوي الوقت صار ليل والبنيه ماترد وهو مايعرف وينها وهي عبارة مسؤوليته وبسبته هي عندت وطلعت وكفاية مزعلنها ويعرفها عصبية وعنيدة عادي يستوي بها شي
مكتوم زاخ الفون ويلفه فوق وتحت ويمين ويسار يترياها ترد عليه او تدق بس ولا شي لا دقت ولا حتى ردت ,,,يدق ويدق ويدق ويدق لكن الفون يرن ومحد يرد واخر مرتين الفون مغلق عاد هني خلاص وصل حده والنار شبت في كل جسمه معصب وخايف ويتوعد لها
بس يعرف ان كل ها بدون فايدة اهم شي الحين يعرف وينها وانها ترد قبل لا يرجعون امه وابوه ......بس ياترى وينها عنود؟؟؟؟

جدام الشاطئ قاعدة عالرمل وتكتب اسمها وترسم على الرمل الرطب المبلول من موج البحر ,ما همها ظلام ولا الليل ولا همها اي خطر ممكن ان يصير لها لانها خلاص تعودت على هالشي من يومها ربيعة البحر ان كانت متضايجة ولا مستانسة
عنود تطالع فونها :اففففففف الساعة 11 ونص وانا يالسة هني ؟!!!؟.........اووه يلا عادي عادي مب مطولة ربع ساعة وبقوم (انتي مروقة ويالسة كل هالوقت وناوية تمددين وماتدرين عن الي يالس يترياج وهو محترق الحين )

<<<<<<<<<<<<<<<
اسماء قامت :انا بسير ارقد ابرك لي شكلها عنوده مابتيي
سلامة :هيه والله شكلها مابتيي صراحة انا روحي فيني رقاد بسير ارقد
مهرة :بس ليش مايت ؟ماقالت لج شي ؟*تقصد سلامة
سلامة :يعني لو قالت لي مابتيي بقعد للحين وبجابل ويوهكم ولا كأني ادري يعني,بس اكيد غيرت دربها
مهرة :اوك اوك عن ينط لج عرج هدي ماقلنا شي
سلامة ضحكت ماتدري ليش بس جي فصلت عغفلة :ههههههههههههههههههههههه
اسماء :الحمدلله والشكر على نعمة العقل ,اقول تصبحون عخير *وراحت غرفتها
سلامة:جوف انتوا هاي !!!!!!!!؟
مهرة :اقول يلا لحقيها خلصت الزيارة
سلامة عاقدة حوايبها:لا والله؟
مهرة ابتسمت :هيه والله
سلامة تقلدها :هيه والله !!!*فرت عليها مخدة وشردت
مهرة تعدل عمرها بعد الفلعة القوية الي يتها :هههههههههههههه ماعليه بردها يا سلوم ,هبلة هالبنت
............................!!!!شوي والا
محمد:ويعه ويعه ويعه
مهرة سمعت هالكلمة وعرفت ان بدت جولة سلامة الليلية ......هههههههههه
سلامة حاولت ماتضحك بس ماقدرت وبدت عاد
محمد :شفيج انتي خبلة ؟
سلامة :لا مينونة
محمد :ه ه ه تخففين دمج يعني؟
سلامة :لا اثقله هههههههههههههههههه
محمد:اييه بسج استهبال وفكيني خل ارقد ياخي
سلامة:تو الناس بعدها 12 وشي منو يرقد الحين ؟
محمد بكل برود :انا
سلامة :يلا عاد جي بنسولف وبنطالع فلم حلو توه نازل بعد
محمد:والله تعبان و وراي دوام سلوم خلصيني
سلامة :افففففف زين تصبح عخير
محمد:وانتي من اهله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-12-2014, 07:48 PM
صورة *دروب* الرمزية
*دروب* *دروب* غير متصل
©؛°¨غرامي فعال ¨°؛©
 
الافتراضي رد: دنيا تعيشنا القدر و والواقع


السلام عليكم ورحمة الله وبركاته
هلا خيتي اسوم
حبييييييييييت روايتك كثيييييييييييييييير
اتمنى تقبليني اكون من قراءا روايتك الجميلة
وااااااااااااااايد حبيت اللهجة الإماراتية
....
نصيحتي لك اختي اسماء
انك توصفي شكل المكان وحال شخصيات روايتك الجميلة
استمري في الابدااااع

*دروب* العند

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-12-2014, 04:33 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي رد: دنيا تعيشنا القدر و والواقع/بقلمي


شكرا واييييييد ,وانشالله اكون قد المسؤولية ,وانشالله بحاول اوصف الاماكن

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-12-2014, 12:38 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي : دنيا تعيشنا القدر و والواقع/بقلمي


<<<<<<<<<<<<<<بارت 5 >>>>>>>>>>>>>>
مكتوم يالس يترياها في الصالة وهو يهز ريوله بقهر وعصبية فظيييييييييييييييعة وفي نفس الوقت خايف عليها مامداه ياخذ سويجه وبيطلع يدور عليها بس جاف حد داخل البيت وماهتم ,ماكان ناقص شي زياده الي فيه يكفيه كان يضن ان امه وابوه الي ردو بس يوم فتح الباب
لقاها ,واقفه جدامه بالضبط ولا هامنها شي ومرت من صوبه وصعدت الدري ولا حتى نطقت وياه حرف وها الشي الي قهره اكثر واكثر وخلاه يصعد لها بعد عشر دقايق
................عنود فصخت عباتها وفلت شعرها ,لبست بيجامتها وخذت لها شال صوف يدفيها شوي من المكيف ويايه بتقعد في الصالة تطالع تلفزيون بس
دخل عليها بدون مايدق الباب حتى وهو ناوي على شر ومبين من عيونه الشرار ,لفت جافته بدون اهتمام ولفت ويهها تكمل تعديل جدام المنظرة ولا كأنها جافته ولا كأنه حد دخل الغرفة ,ماخوفتها عصبيته ولا اقلقها شرة ولا اي شي منه وهو على كل حركة منها ينقهر
اكثر واكثر لين حس انه مب قادر يسكت ويتقبل اكثر .......سارلها وسحبها من كتفها بقوة وهي بس فلتت ايده وجافته بنظرة برووووووووووود ولفت
مكتوم ويحاول يتمالك اعصابه :عنود
عنود:خير؟؟
مكتوم :لا تنرفزيني اكثر وقولي وين كنتي ومع منو لين هالوقت
عنود :انت متنرفز يعني ؟
مكتوم حس انها لو استمرت اكثر في هالاسلوب بينهل فيها ضرب من جي خاز عنها شوي بعيد وطالعها بدون مايتكلم
......عنود ابتسمت :ماشي طلعت اتمشى ويا حبيبي
مامداها تكمل الا وكف واحد ياها منه ,ماحست بولا شي
عنود خوزت خصل شعرها من ويهها وابتسمت ببرود اكثر:تدري ماعورني !!!!؟
مكتوم .......مافي داعي اقول لكم عن حاله خلاص لو هو من شوي كان واصل حده ف الحين حاله .........ماينوصف
مكتوم ياي بيطلع من الغرفة لانه حس ان لو قعد اكثر بيجتلها بس هي زقرته
عنود:مكتوم
............:يطالعها يترياها ترمس
عنود:ليش كل هذا ؟
.................:مكتوم
عنود:ليش تسوي جي ؟
مكتوم :لان تصرفاتج هي الي تجبرني اسوي جي
عنود :بس مهما كان انا ابقى اختك العوده وانت تعرف شو سويت ؟انت صفعتني اول مرة وصار عندك الموضوع عادييييييييي وصرت وقت مابغيت تصفعني ,ليش الموضوع سهل عندك؟
مكتوم مب عارف شو يرد لانه صدق متلوم من هالناحية ويدري ان غلط يمد ايده عليها لو مهما كان
عنود بنبرة تحير :روح روح الله يهديك انشالله
مكتوم صدق تلوم وانحرج منها ماتوقع ان ها بيكون ردها ,ماتوقع يصير جي اصلا واتمنى ان ايده انقصت قبل لايمدها ,هو لو لا حبه لها ماكان سوا شي بس ها الشي اوفر صراحة
.
.
.
ام خالد والدمعة في عيونه وهي تحضنها :الحمدلله عسلامتج الغالية
شجون :الله يسلمج ,لا تصيحين هاذوني جدامج وبين احضانج بعد شو تبين اكثر؟
بو خالد :هيه والله الله يهداج يام خالد
تناهيد :تو مانورت البلاد
*شجون تسلم عليها :منورة بوجودكم حبيبتي *وسلمت عليهم كلهم
عنود :وحشتيني وايد دكتورة شوج
شجون :ههه وانتي اكثر عنود خانو
عذاري:افا وانا شو بنت البطة السودا يعني ؟محد يقول وحشتج ولا حد جاملني
عنود:بدت الغيارة
عذاري:لازم اغار آخر العنقود ترا
شجون:فديت آخر العنقود انا
عذاري اونها استحت : احم احم استحي ترا
شجون:ههههههههههههههههههه زين خلاص تعلمت انج ماتنعطين ويه

.
.
.
سيف:ليش ماكلتي شي؟
مهرة :مابي
سيف:شو ماتبين ؟لازم تاكلين
مهرة :والله مالي خاطر صراحة
سيف:بس بعد لازم تاكلين
مهرة :افففففففففففففففففف
سيف:شو الي اف؟
مهرة :ماشي خلاص
سيف يبتسم :يلا عاد مهور كلي ولا انا بأكلج الحين
مهرة ابتسمت:لاه ؟
سيف يهز راسه ب هيه
مهرة :انزين اول شي قول انك مابتسير
سيف:هههههههههه فديت الي يباني اتم
مهرة :قول انك بتتم
سيف:لازم اسير والله وراي شغلة لازم اخلصها
مهرة :يعني ماتقدر تقعد بس ساعة زيادة ؟
سيف يلعب باصابعها :حبيبي انا وياج من ساعتين تقريبا بعد تبين ساعة زيادة ؟
مهرة بوزت:يعني ساعتين كفنك؟لهالدرجة مليت ؟
سيف :مب جي بس انشالله بييلج دوم يعني جوفي انا متعود اييلج كل اسبوعين ثلاث مرتين وهالاسبوع ييت اربع مرات عشانج بس ولا دوامي ماشي مجال
مهرة :اوك بس بتييني بعد اسبوعين صح؟
سيف ابتسم لها :هيه اكيد
مهرة :زين
سيف قام :انزين الحين ترا
مهرة مب من خاطرها :اوك ربي يحفظك .........كانت تباه يتم وياها
سيف :الله يحفظج الغالية تامرين على شي؟
مهرة :سلامتك
سيف:فمان الله *سار
مهرة تتنهد بخوف :والله اني مب مرتاحة من كل الي يصير وايد تغيرت يا سيف ,في وراك شي و الله يستر

اسماء ظهرت من الفيلا ويلست صوب الحديقة ويا مهرة ........سلامة :روح؟
مهرة :هيه
اسماء :بلاج؟
مهرة :ماشي ليش ؟
اسماء:لا بس جي اسأل
سلامة تيي من بعيد وهي تتحرطم
اسماء:استغفر الله العلي العظيم هاي دومها الا تتحرطم وتتذمر
مهرة : صدقتي والله
سلامة :شو هالبشر وشو هالحياة ياخي اجازة عالفاضي يعني؟
مهرة :بلاج تتحرطمين
سلامة :الواحد وين مايتذمر وهو يعيش بهالبيت
اسماء:ليش انزين ؟
سلامة :يعني بدت اجازتنا من كم اسبوع ونحن مابغينا نأجز ,,,وفي الاجازة مانطلع ؟
مهرة :هيه والله انا خاطري اطلع
اسماء:وين تبون تسيرون؟
سلامة :مادري اي مكان المهم طلعة من ايام الامتحانات ماطلعنا حشى ,بس منو الي بيودينا ياربي!!!!؟
مهرة بثقة :محد
اسماء بتحدي :تتحدوني !!!؟
سلامة بتحدي اكثر:هيه اتحداج
مهرة مب فاهمة :على شو نتحداج؟
اسماء:انتي بس قولي تتحدين ولا؟
مهرة :مممممم ك اتحداج
اسماء :دقايق ورادتلكم *ودشت تركض
مهرة :شسالفة وين سارت هاي ؟
سلامة :شدراني انا المهم شخبارج بعد ؟
مهرة :تماااام يخيتي انتي شخبارج وشخبار العيال وشخبار ريلج عساهم بخير
سلامة تسوي عمرها تنوح :اهئ اهئ اهئ لا والله .......شقولج يا وخيتي اول امس ماتوا كلهم
مهرة :ههههههههههههههه ماتوا مرة وحدة؟
سلامة :هيه جفتي كيف؟
مهرة :جفت جفت

..........
عذاري :اقولج دقي خلصينا
تناهيد :ياخي احس ............مابدق مابدق
عذاري :ليش انزين ؟
تناهيد :ياخي احسه معصب
عذاري :عنبو بيتم معصب ثلاث ايام هو ؟يلا دقي
تناهيد :انزين خلاص سكتي شوي
عذاري :يلا هاج الفون ودقي
تناهيد خذته وبعد تردد كبير واصرار من عذاري دقت ورد بعد ثلاث محاولات
تناهيد :الو
................:نهيان
تناهيد تهمس لعذاري :مايرد ياخي ....وترد ترمسه
تناهيد :الو!!!؟
نهيان :الو
...........:تناهيد
نهيان :داقه عشان تسكتين ؟
تناهيد :لااااااا
نهيان :ارمسي عيل
تناهيد :شخبارك؟
نهيان يجبر نفسه على الجفا:ماعليج من حالي ارمسي بالمهم شتبين؟,ماضن يهمج حالي كل هالايام ما سألتي الحين تسألين ؟بعد شو ؟
تناهيد سكرت عينها بقهر وتمالكت اعصابها ودموعها و بنبرة حزن :نهيان ........آآآآسسفة
نهيان :آسفة ؟على شو ولا شو؟
تناهيد نزلت دمعتها ماقدرت تسيطر عليها اكثر والسبب اسلوبه الجاف الي يرمسها فيه ولاول مرة بطول هالسنين
عذاري تهمس لها :لا تصيحين بسج يلا رمسيه
نهيان كان يسمعهم ويدري ان عذاري هي الي مصره عليها انها تدق من جي ابتسم وبنفس الوقت انقهر من اسلوبه مايحب يزعلها ابد
تناهيد تعدل صوتها :انا آسفة على كل الي صار
نهيان ابتسم :مافي داعي تعتذرين
...........:تناهيد
نهيان :جد مافي داعي انا مسامحنج على كل شي
تناهيد مب مصدقة وحاسة انها بتصيح من وناستها :جد؟
نهيان :هيه
تناهيد:مادري شقولك بس ........احبك رغم انك قهرتني
نهيان :وانا احبج رغم انج خليتيني اشتاق لج
تناهيد بحيا :اشتقت لي ؟
نهيان :وايييييييييييد
تناهيد :صح مبين عيل ليش ما سألت ولا حتى دقيت ؟
نهيان ابتسم بخبث :ومنو قال لج مادري عن حالج ؟
تناهيد عقدت حوايبها :كيف يعني ؟
نهيان :هه شو كيف يعني ادري وخلاص
تناهيد تطالع عذاري وهي مستغربة :قال انه كان يدري عن حالي واخباري تخيلي
عذاري توهقت وماعرفت شو تقول :ها ؟هيه زين يحليله
ونهيان كان ميت ضحك عليهم ويوم تناهيد ردت السماعة سمعته :ليش تضحك؟
نهيان :يعني للحين مافهمتي؟
تناهيد:شو افهم ؟
نهيان:السالفة ؟
تناهيد تطالع عذاري الي ناقعة ضحك وجنها فهمت :لا تقول.........!!!؟
نهيان :عذاري كانت توصل اخبارج
تناهيد تطالع عذاري :عذور!!!!!!ماعليه يا مسودة الويه ماعليه
نهيان :عطيني اياها
تناهيد :بسم الله كيف عرفت انها صوبي
نهيان :منو الي تحل المشاكل وتصفي القلوب غيرها ؟
تناهيد :ههه محد غيرها ,انزين دقيقة ....هاج شلي *ترمس عذاري
عذاري :الو
نهيان :هلا
عذاري :اهلين
نهيان :مشكورة
عذاري :مافي داعي عادي
نهيان :عذور ..............آسف
عذاري حست براحة واستانست وهي بعدها ماسمعت السبب
نهيان :آسف لاني شكيت فيج ومافهمت السالفة منج
عذاري :يعني انت مصدقني ؟
نهيان:هيه
عذاري:كيف وليش ؟
نهيان :مب مهم كل ها المهم اني واثق فيج وعرفت الصدق
عذاري :الحمدلله عيل و ثنكس
تناهيد تسمع عذاري ومب فاهمة السالفة اصلا وعذاري طالعتها وضحكت
عذاري:هههههه ك بعطيك اياها لو تجوفها كيف
نهيان :اكيد مب فاهمة شي
عذاري :اكيد
نهيان :زين يلا عطيها الفون خل ارمس حرمتي المستقبلية
عذاري :مالت عليكم |*فرت الفون على تناهيد
تناهيد :هلا
نهيان بحنان :احبج
تناهيد استحت وابتسمت غصب :وانا
نهيان :وانتي شو ؟
تناهيد :خلاص عاد
نهيان :وانتي شو ؟مب مخلنج الا يوم تقولين
تناهيد :وانا احبك
نهيان :هيه جي زين , شخبارج بعد؟
تناهيد :انت ادرى احيدها وصلت الاخبار بعد شو تبا
نهيان :ههههههههههههههههههه والله انج حركات بعد
تناهيد :جد بعد شو .........انت شخبارك؟
نهيان :بعد ماسمعت صوتج صرت بخير
تناهيد :دوم يارب
نهيان :شو الي دوم ...دوم اسمع صوتج ؟
تناهيد :لا انشالله دوم بخير
نهيان فاهم قصدها لازم يطولها وياها :بقربج يارب
تناهيد :ولو مب بقربي؟
نهيان :مابي اكون بخير
تناهيد :لا تقول جي ,تراني مب دايمه لك لازم بيي يوم ببتعد
نهيان :خلاص بدلي هالسالفة الي مالها داعي
تناهيد :انشالله
نهيان :صليتي ؟
تناهيد :صراحة ؟لا
نهيان :سيري صلي
تناهيد :انشالله
نهيان :وانا بعد بسير اصلي
تناهيد :تقبل الله
نهيان :آمين منا جميعا
تناهيد :فمان الله
نهيان :باي
تناهيد قعدت تناقز وتصارخ من الوناسة وعقب حست على عمرها وسارت توضت وصلت وعقب نزلت صوب اهلها


بعد يومين

محمد:لا راد من ساعة تقريبا
مهرة :زين
محمد:بغيتي شي ؟
مهرة :بتودينا بيت عمي ؟
محمد:والله مادري احس اني تعبان ومب قادر اقوم الحين يادوب انام لي كم ساعة وعقب اقوم اداوم وعقب اسير عند نويصر
مهرة :مممممم زين ,ارتاح ولا تتعب عمرك ,واستسمح من ناصر لان ماسرنا له ولا تحمدنا له بالسلامة
محمد:ليش انتوا ماسرتوا ؟
مهرة :سرنا ثاني يوم بس وهو ماكان حاس فينا اصلا
محمد يهد فونه :اها خلاص انشالله يوصل
مهرة :اخليك عيل
محمد :اوكك اقولج برقد الحين ومن يأذن الفير وعيني
مهرة :انشالله
محمد:اصلا انتي الحين توعين الفير ولا خلاص اجزتوا يعني ماتقومين؟
مهرة :هه لا اقوم عشان اصلي شو بعد
محمد : عبالي بعد تسوين لي حركات بو سالم
مهرة :هههه هاي بو سالم قصة ثانية بعد هاي كل مرة يتغير قانونها
محمد:انا احيد "سلامة" بشكل عام يعني تكون بنت بس هاي تقولين عز يالس ,تشبهه وماخذه اطباعه وتصرفاته بعد
مهرة :صدقت والله انزين يلا بسير اخرتني
محمد باستغراب :على شو اخرتج ياحسرة ؟
مهرة تحرك عينها يمين يسار من التوتر ماتعرف شو تدبر عمرها الحين :ها ؟....لا ماشي بس اخرتني وخلاص انا تراني وايد منظمة وعندي وقت لكل شي احم احم
محمد :هههههه سيري سيري الله يهديج
وطلعت تركض من الغرفة بتسير غرفتها .........محمد يصارخ عشان تسمعه :اقووول خفي علينا يا ام النظام انتي
مهرة :ههههههههههه
.....
مهرة :طولت ؟
سيف:هيه
مهرة :خل عنك عاد انا تراني الا سرت هني صوب حمود مب من بعد المكان ومب من كثر الكلام الي قلته
سيف :زين يالملسونة انتي
مهرة بصدمة :انا ملسونة؟
سيف:هههه هيه انتي
متى بتسكر بسك عاد : ***********
سيف حول الفون ميوت بسرعة :اششش بتسمعني والله
رد الفون طبيعي :حبيبي ببند الحين شوي وبرمسج
مهرة :اوك تحمل على عمرك
سيف:انشالله
وبند بسرعة
مهرة حاضنه الفون :فديتك والله

سيف :ههه لا شسوي ,والله بس تراها طيوبة وتنحب والله
خلود:يعني تبشرني انك تحبها ,وانا؟
سيف: بدت الغيرة هاا ؟
خلود مدت البوز:هيه اغار
سيف:اموت انا في الي يغارون
خلود ابتسمت بانتصار
سيف:ها وين تبين تسيرين اليوم ؟
خلود:كيفك عادي عندي انا
سيف:عيل قومي بنطلع الحين
خلود:على وين حددت؟
سيف:مايخصج انتي بس قومي بيعيبج المكان
خلود :زين بلبس وبيي
...........
عنود:هييييييييييه ذكرته توني
تناهيد :انزين هاذوه برا
عنود:اها انزين شسوي به اكيد ياي حق قوم مكتوم
تناهيد:هيه اكيد
عنود:ملل ياخي
تناهيد:قومي نطلع عيل
عنود:وين نسير ؟
تناهيد:قومي نسير ..........*تفكر شوي*هيييييييه خلينا نسير عاشوق بناخذ لنا ايسكريم عاشوق وعقب بنسير اي مكان
عنود:يباله والله انزين بجوف حصوه
تناهيد:نص ساعة وبنطلع اوك؟
عنود:اوك يلا
دقت عنود على حصة
حصة :الو ........هلا والله
عنود:حي الله حصوه
حصة :الله يحييج شخبارج؟
عنود:بخير .......خل عنج حالي الحين ,اقولج قومي بنسير عاشوق وعقب بنحوط شوي
حصة :هيه والله يباااااااااااله من الصبح ابا اطلع بس مب عارفة وين
عنود:يلا عيل تعالي بسرعة عشان نظهر مرة وحدة
حصة:شجون بتيي لاه؟
عنود:مادريبها بجوفها الحين
حصة :اوك يلا برايج
عنود:باي
سارت عنود تركض غرفة شجون
شجون :بسم الله خوفتيني شوي شوي انزين
عنود:ههههههههه المهم اقولج نحن بنطلع الحين بتيين ؟
شجون :وين ؟
عنود:بنمر عاشوق وعقب مادري وين
شجون :ويا منو ؟
عنود :اقولج خل عنج هالاسئلة بتيين ولا ؟
شجون :مادري بجوف
عنود :اوووه برايج انا بسير اتزهب *طلعت
>>>>>>>>>>
حصة :بسم الله منو ها الي داق علي الحين ؟.......لا لا مابرد ها رقم برا البلاد اصلا ههه اتخيل تطلع ساحرة ولا شي من هالارقام الي ينبهون منها,ماضن امي لان ها مب رقمهم اصا
تم يرن الفون ويرن ويرن وماوقف لين استسلمت وردت
حصة بتردد:ا الو؟
الو:***********
حصة :منو؟
ماعرفتيني؟:***********
حصة :ممممممم
انا .....امج :*************
حصة سكتت شوي من قوة الوضع عليها,ماعرفت شو ترد ولا تدري لو المفروض اصلا ترد او لا
ادري مصدومة ومب قادرة تردين بس :************
حصة :هه لا الغالية لا مصدومة من الاتصال ولا شي بس مصدومة من قواة العين الي خلتج تتصلين الحين
ام حصة تتنهد وهي متلومة :ماعليه خلي هالامور على صوب شوي وممكن تسمعيني ؟
حصة :انا من زماااااااااااان حاطة هالامور على صوب ترا و هيه بسمعج لو كان شي مهم وسريع يعني لان ماعندي وقت للاسف
ام حصة متفاجئة من هالاسلوب الي تسمعه ,حصة بعمرها بحياتها ماتجرأت ترمس جي وتستحقرهم بس الضروف اجبرتها
حصة :اسمعج
ام حصة :جوفي دشي غرفة ابوج بتلقين ورقة على الطاولة شلي هالورقة
حصة تقاطعها :وليش اسوي كل ها ؟اصلا شو هالورقة ؟
ام حصة :اقريها و بتعرفين ومن بعدها ,بليز بليز لا تدقين على هالرقم ولا كأني اتصلت لج
حصة :هههه حبيتها .....لا امانة امانة انا قد دقيت من قبل اصلا عشان ادق الحين ؟
.................:ام حصة
حصة :عالعموم برايج جان بتسكرين وتطمني انا بخير لو تبين تعرفين حالي وتقدرين ماتتصلين لو تبين لان مايفيدني اتصالج بشي *سكرت التلفون
انهارت صياح كانت تصارخ وتنوح من قهرها ,تبي تفرغ كل قهرها ومب عارفة كيف لين.........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-12-2014, 02:39 PM
جـوريه جـوريه غير متصل
©؛°¨غرامي مشارك¨°؛©
 
الافتراضي رد: دنيا تعيشنا القدر و والواقع/بقلمي


مبدعـه من البدايه ’’ بس لو كانت باللهجه السعوديه أفضل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-12-2014, 07:27 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي رد: دنيا تعيشنا القدر و والواقع/بقلمي


انا اكتب بالاماراتي لاني اماراتيه ,وماعندي خبرة قوية باللهجة السعودية بس انشالله لو قدرت بنزل رواية بالسعودي لاجل اهل السعودية


تعديل وردة الزيزفون; بتاريخ 17-11-2018 الساعة 11:29 PM. السبب: بطلب من الكاتبة
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-12-2014, 07:33 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي دنيا تعيشنا القدر و والواقع/بقلمي


<<<<<<<<<<<<بارت 6 >>>>>>>>>>>>>
*يندق الباب*
التفتت حصة صوب الباب وقامت تركض وحضنتها
شجون تمسح على راسها ومستغربة منها بس ماتكلمت خلتها لين سكتت عقب سألتها
شجون :تعالي يلسي هني وفهميني شو فيج
حصة :انزين
شجون :قولي
.............:حصة
شجون :عراحتج مابغصبج ان مابغيتي بس اعرفي ان الي تسوينه بعمرج من صياح وتكسير وتدمير مابيفيدج بس بمجرد ماتشكين لشخص بتحسين ان في شي تغير وبترتاحين
حصة بهدوء تمسح ويهها وتمسك ايدها مع بعض ,بعد شهيق كبير وابتسامة مصطنعة :دقت
شجون باستغراب :منو الي دقت ؟
حصة :امي
شجون انصدمت بالقو وتمت ساكتة
حصة :لا تنصدمين ولا شي عادي ترا
...........شجون :انزين
حصة :قالت دشي غرفة ابوج وبتلقين ورقة واقريها عدل
شجون :ورقة شو ؟
حصة :مادري
شجون :قومي نشوفها
حصة بخوف :مابي
شجون :حصة كبري عقلج يمكن هالورقة لها اهمية من جي امج تباج تعرفين عنها
حصة قامت وياها وساروا الغرفة
(الغرفة على مكانها ماتغيرت ابدا ولو حتى شوي ,اللحاف مرتب والفرش مرتب ونظيف ,الاوراق مثل ماهي ولا انلمس منهم شي وكل المستندات والتوقيعات موجودة مكانها )
حصة تسير صوب الطاولة الخاصة لابوها وميزت الورقة بين كل الاوراق ,كانت ورقة مطواية بعيد شوي ,شلتها وقرتها جان تبتسم بحزن وعطتها شجون ,شجون ماكانت ردة فعلها اهون من حصة بعد شو يسوون الحمدلله عكل حال
حصة :جفتي لأي درجة ؟لهالدرجة انا ولا شي لهم
شجون :شو ناوية تسوين ؟
حصة :ولا شي بتم في البيت ,ماقريتي ؟يقولج ان كل الاملاك تحت اسمي وتصرفاتي يعني شركتين وصالون وفلة ومزرعة ومكتب عقار حقي انا وبس
........شجون:بس
حصة :هم يضنون ان هذا همي وهذا يكفيني صح ؟خلاص انا بقبل بكل هالاشياء في النهاية على اسمي و بدبر الامور انشالله
شجون :انشالله
حصة سكرت الليت وردت الورقة وطلعوا من الغرفة ساروا الحوش
حصة :الا تعاي شو بغيتي ؟
شجون :كنا نبي نطلع وييت اجوفج جان بتخاوينا بس حضرتج خربتي علينا
حصة :هه ادريبها دقتلي من نص ساعة تقريبا ؟
شجون :والله مادري هاي عندو قالت لي يبون يسيرون بس ماحددوا مادريبهم والله
حصة :سايرين عاشوق وعقب بيتمشون ,المهم طلعوا ؟
شجون ترفع كتوفها بمعنى مادري
حصة :زين نحن بنطلع بعد فزي الحين يلا
شجون :اوك
.....................
اسماء والابتسامة شاقه حلجها :يلا قومن تلبسن بسرعة
مهرة :جذابة !!!!!!!!!!!!!!؟
اسماء :ههههههههههههههه شو الي جذابة ؟
مهرة بحماس :قولي والله بنطلع
اسماء :والله
سلامة :اخييييييييييييييييييييييييييييرا افففففففففففففففففففف *سارت تركض غرفتها عشان تتلبس

(في السيارة )
عز :وين بنات العم عنكم عيل ؟
مهرة :مايندرى والله مارمستهم اليوم
اسماء :ولا انا
سلامة :الا انت شو تبابهم تتخبر عنهم دومك
عز :شو تبين انتي بنات عمي ترا لازم نتخبر
سلامة تطالعه بنص عين :عزوووووووز حل عنك اقول ,,,,,قول قول منو ؟
عز :شو هالهبلة شو الي منو ؟
سلامة :على منو حاط عيونك ؟
مهرة تغمز حق سلامة
سلامة :ليكون ؟
مهرة هزت راسها وهي زين منها قادرة تمسك الضحكة
سلامة :هههههههههههه والله مب حي الله بعد
اسماء :ترا محد منا حي الله
سلامة :يا الله !!!!!!!جب جب
عز متوهق ان نعم هاييل عكيفهم ,اصلا شو ومنو يقصدون ؟اوووووووووووووووووه يولون لاه
شوي و وصلوا عاشوق
سلامة :الله !!!!اخيرا يينا عاشوق
مهرة :من زمان مايينا والله
عز :شو تبون ؟
مهرة :عاشوق
سلامة :ابا ........مممممممممم ابا عصير بنانا مع شقف
اسماء :ابا عصير بطيخ
عز :رفيق جيب واحد عصير بطيخ ,واحد عاشوق ,واحد عصير موز , واحد عصير فراولة
الهندي هز راسه وسار
اسماء :عزوز مب زين لك الفراولة
عز :ادري
مهرة :لا والله ؟
عز :شو يعني خاطري فيه انا ,يعني مرة وحدة ماتضر
اسماء :بس يا عز مب زين وانت تدري
سلامة بحماس شوي :يااااااااا عمييييييييي ولي لاه انتي وياها خله يشرب الي يباه ترا الحياة قصيرة وماشي وايد فرص خل يشرب الي يباه والمرض مايدوم ترا
عز :هههههههههههههههههه كفو والله السلم كفج!!!!ههه
اسماء :كيفكم لاه خل اقرا الكتاب ابرك لي
مهرة :اسوم حبيبتي ارحمي عيونج شوي بسج من هالقراية
اسماء :بس باقي عشر صفحات والله
سلامة شهقت من الصدمة :هااااااااااااا!!!!حشى انتي مب كأنج البارحة بادية ؟
مهرة :هيه ماشالله
سلامة :كيف خلصتي كل ها ؟عنبوج مال قوم دح انتي
اسماء :اولا ماشالله علي ثانيا مايباله شي اندمجي واقري وبتخلصين
عز يأشر على مخه ويرمس سلامة .......:ذكاء !!ذكاء الله يرزقنا منه
سلامة :هيه والله مب نحن ولا يخصنا بالذكاء حتى
اسماء لفت صوبها جان تجوف السيارة ........اسماء :بنات العم هني ترا
عز سيدة لف :وين ؟اي عم ؟
سلامة تطالع مهرة وهي فاهمة السالفة :اقول مهور عذور تقول تراها بتزعل ان ماكملنا الطلعة ويا بعض
مهرة :هيه والله يباله تصدقين ؟
اسماء :مسرع مالحقتي ترمسينها سلوم
سلامة :رمستها رمستها جوفي بعد *تغمز لها
عز متحرقص عاد جدام يبا يفهم بس مب قادر هالبنات لاعبات فيه لعبة
عز :الا مع منو يايات ؟
سلامة :مادريبهن بتخبرهن
مهرة :ضنتي الا رواحهن
عز:لا شو رواحهن لا لا ماضن
اسماء :و شو الي يمنع ؟
عز :ماضن وخلاص
اسماء :زين بنجوف ,اقولج ردت ولا ؟
سلامة :هيه تقول يايه هي وعنود وتناهيد
عز :بنات بروحهن ؟
سلامة :هيه شو فيها والله طرر وناسة
مهرة:هيه والله
سلامة :قسم بالله من اخذ ليسن مابقعد في البيت ابدا بحوط الامارات بكبرها ولا بمل من الدوارة والحواطة
عز :كاااااااااااااك وايد مصدقة انتي ......منو بيخليج ؟
سلامة :مايخصك افف ههه اصلا عادي كل شي له حل المهم اسمع انت اييه من الحين اقولك ياويلك ان خربت علي
عز :خير انشالله ,الا شفيه ها تأخر حشى مايسوى علينا كمن عصير
مهرة :هيه والله صدقت
شوي الا و وصل لهم العصير وحركوا ولحقوهم قوم عنود بسيارتهم ومالقوا عمارهم الا في دبي مول ...........نزلوا سلموا على بعض وتموا يتمشون
مهرة :اااااااااااه تعبت ياخي بسكم حواطة خل نقعد شوي
عنود :يلا عاد مهور شو هالعيازة الي فيج خل نتمشى ونستانس نحن زين منا يينا دبي من متى ماطبينا برا راك
مهرة :زين امري لله بس جوفي نص ساعة وبنقعد عقب في مطعم ولا كوفي ولا اي شي ارتاح فيه
تناهيد :من عيوني بس يلا طوفي
سلامة :كيوووووت هالهودي جوفيه
عذاري :هيه والله وايد حلو خل ناخذه
سلامة عن عمد :عععععززز تعال شوي
عذاري تطالعها تتوعد لها على الحركة
عز :ها شو تبين ؟
سلامة :انا وعذاري في خاطرنا هذا بس شنطة عذاري عند قوم مهور وجي ماعندها فلوس شرايك تدفع
عز :افا عليكم ...ااا لا شو نشاد عنكم انا
عذاري افتشلت !!!!!!!!!والله كان موقفها ماينوصف
عز :هههههه امزح امزح يلا يببو خل ادفع *شلهم وراح يدفع
عذاري قرصت سلامة وتمت تزيد وتزيد وسلامة متعورة بالقو بس تسوي عمرها انا القو الي ماتعور لين خلص عز دفع والتفت صوبهم عاد عذاري سيده نزلت ايدها وطلعوا من المحل وعذاري وسلامة كل شوي ينقعن ضحك على عمارهن
عز :بسكن خليتن الكل يتطمش علينا
سلامة تمت تضحك على عذاي اكثر لان في بالها شي والا تسويه(هو عز ماتعيبه ولا بنت مثل مايقول بس عذاري فيها شي خاص يعني من زمان في شي غير بين عز وعذاري )
عز لف صوبهن وبعصبية شوي :انا قلت بس لا والله العظيم ماشي طلعة مرة ثانية
عذاري انقهرت منه وفخاطرها (ياخي ها شو يبا افف بلاه معصب جي ياخي ماسوينا شي يعني )
عز (بلاني عصبت انا ؟!!)
وتمو يمشون وهو ساكتيييييييين خارجيا بس داخليا مليون الف كلمة وكلمة تنقال لين وصلوا المطعم صوب قوم مهرة
تناهيد :شو تبون تطلبون ؟
عذاري :ماطلبتوا ؟
مهرة :لا يلسوا ليش واقفين جي
عز :يلا برايكم بسير انا
اسماء:على وين ؟
عز :اي مكان ومن تخلصون دقوا لي وبنرد راك
مهرة :اوك
(pf changs )طلبوا لهم كل وحدة وجبة طبعا يعتبر عشا لان الوقت كان ليلي تقريبا ,عاد هالمطعم كله زحمة بما ان دبي دومها زحمة وبما ان هالمطعم محبوب من وايد ناس
عذاري :انا بقوم بسير الحمام وعقب بسير شوي صوب الاكواريوم وجي عقب برجع منو بتيي وياي ؟
سلامة :انا
تناهيد :انا بيي قوموا يلا
عنود :يلا انا بيي بعد يلا مهور واسوم قوموا
اسماء :تعباااااااااااانة
مهرة :مي تو خلاص سيروا انتوا
عذاري :اوكك ردوا عالفون يوم بندق لكم
اسماء :اكيد
.............
.............
ناصر :اخيرا رديت بيتي اااه
علي :الحمدلله عالسلامة ابويه
ناصر :الله يسلمك الغالي
خالد :خطاك الشر ياخوي ,عاد تحمل عروحك
ام ناصر :هيه ياوليدي تحمل عروحك ولا تتحرك وايد وماشي طلعة هالاسبوع سمعتني ؟
ناصر :انشالله انشالله
بو ناصر :يلا برايك بنخليك ترتاح شوي
خالد :هيه يلا امايا يلا علاوي
وطلعوا من الغرفة
بو ناصر :للحين ماردن البنيات؟
خالد :لا ابويه بعدهن شوي لان التقوا ب بنات عمي ومعاهم عز وتيمعوا وشجون توها مرمستني يالسة عند حصيص
بو ناصر :زين ,قول لهم لا يطولون
خالد:انشالله ابويه ,امايا سيري رقدي شوي صار لج كم يوم ماترقدين عدل
ام ناصر :هيه والله صدقت
بو ناصر :قومي يام ناصر خل نسير الغرفة وبنوطي راسنا لين يعدي باجر

..
خلود :يااااااااي كيووووووووت جوف كيف هالبينقوين
سيف :ههه هيه جفته يشبهج هالبينقوين تدرين ؟
خلود :لا والله ؟
سيف :ههه امزح امزح
خلود :عبالي بعد
سيف:انزين حبيبي متى نرد راك ؟
خلود :مادري
سيف :بعد باجر ؟
خلود :ليش نرد من وقت ؟
سيف:ممممممم ااا عشان مهرة
خلود :اففف مهرة مهرة مهرة انساها شوي
سيف:انزين حبيبي انزين كل ولا تزعلين انتي بس
كانوا يالسين يطالعون البطاريق ويسولفون بصوت عالي شوي و اي حد قريب يروم يسمع واستمروا على هالحال عادي ,بس .........مالاحظوا العيون الي كانت تراقبهم طول هالحوار ,عيون كلها حيرة ,كلها خوف ,عيون مب مصدقة الي قاعدة تجوفه وتحس ان الشخص الي تجوفه
!!!!...شخص ثاني ,من اكثر الناس الي تمنت شخصيتهم ,بس هالموقف غير وايييييييييييييييييد اشياء غير ,سيف وشخصية سيف واطباع سيف بطريقة كبييييييييرة بس ياليتها كانت للاحسن
خلود وسيف تمو يصورون ومامداه سيف لف راسه لقاهم
عنود:عذور بلاج متنحة جي يلا طوفي بنسير ذاك الصوب
عذاري بخوف:لا مابي اخاف
تناهيد :ماشي غير هالطريقة عشان نسير هناك ؟لازم نعبر الجسر
عذاري:هيه هيه ماشي يلا سيروا انتوا *تحاول تلتفت السايد الثاني عشان مايجوفون شي لين ساروا عنها وتنهدت وتمت تمشي بضيق كبير وما لحقت تقعد الا ياها من ورا
عز :شو تسوين بروحج ؟وينهم ؟
عذاري نقزت من الخوف :بسم الله الرحمن الرحيم !!!شوي شوي شو تبا ؟
عز :ماشي بس استغربت انج بروحج ؟ووينهم عنج ؟
عذاري :ساروا هاك السايد صوب الحشرات وجي وانا ماسرت اخاف
عز :من شو تخافين ؟من الحشرات ؟انزين هم في مكان مسكر وماشي بيستوي لج عادي (يالله عاد البنات مليقاااااااااات )
عذاري افتشلت شوي منه :لا مب من الشسمة اخاف من ها *تأشر على الجسر الخشبي
عز زاخ ضحكته بالقو :اها من ها *يهز راسه
عذاري (افف ياربي شو هالفشلة يعني كفاية اني استحي ارمسك بعد تحرجني !!!!؟)
عز :زين انا بسير اطالعهم وبرجع وياهم لا تسيرين مكان اوك؟
عذاري:زين تراني قاعدة هني
سار عنها صوب قوم عنود وتم يتمشى ويطالع وياهم وطبعا غامروا وايد و وحدة من المغامرات !!!!!؟
عنود تصارخ صريخ من قمة راسها :اااااااااااااااااااااااااااااااااااااااااااااااا مااااااااااماااااا
عز والباقي مب رايمين يزخون ضحكتهم من الموقف ومن شكلها :ههههههههههههههههههههههههههههههههههههههههههههههههه هههههههههه
عنود :جاااااااااااااااااااااااااااااااااااااااب ااااااااااااااااااااا مااااااااامااااااااااااا طلعووووووووووووونييييييييييي!!!!!!!ااااااااااااااا
عز :هاذو هاذو يا صوبج
عنود متثبتة بالكرسي مب طايعة تجوف تحتها لان تحتها المنظر يخوف اكثر ولا طايعة تجوف لا يمين ولا يسار لان المنظر نفسه كانت كل الاتجاهات نفس الشي ,كانوا راكبين نفس عبرة في حوض الاكواريوم نفسه, يعني كانت العبرة تمشي في نفس مكان القروش والسمك
وهالسوالف والماي غريييييييييييق ,تعرفونه اكواريوم دبي مول كيف يعني ماشالله غريق وكبير ومتروس مخلوقات ونصها تخوف
سلامة :والله كشخة الشي ,جوفي جوفي القرش هاذو عدالنا
عنود:ويييييييييييييين !!!!!!؟بسم الله بسم الله ياربيييييييييييييييييييييييييييييييييي
سلامة :ههههههههههههههههههههههههههههههههههههههههههههههههه ههه
تناهيد :بس يا عنود سكتي شوي والله بديت اصدع خلاص
عز :والله احمد ربي ان مافي حد غيرنا ,الحمدلله يارب الحمدلله ,تفشلوووووووووووووووووووون
سلامة :ههه هيه والله زين ان بس نحن
تناهيد بأدب كبييييييييير وهي منتبهه مع الفون عشان ماتنحرج:افا ولد العم نحن نفشل؟
عز ماعرف شو يقول توهق :لا والله بعيد عنج الفشلة بس عنود الله يهداها
عنود عطته نظرة ولفت ,حليلها هاي بعد سالفتها ثانية يا انها تخاااااااااااااااف من هالمغامرات وبعد مع قروش وحيوانات ؟خلاص جي تتعدى الخوف بواييييييييد ,,,,,,,,تمت سااااااااكتة وعلى اعصابها حتى ولا صورت ولا شي لين وقفوا ونزلوا اخيرا
سلامة :ههههههههههههههههههههههههههههههههههههههههههه لو تجوفين كيف كان شكلج ههههههه نكتة وربي ماتنوصفين
عنود تطالعهم باستحقار ,منقهرة منهم والله قطعوها ماخلو شي فيها
تناهيد تضحك بهدوء وتحت الغشوة بعد *تراها تتغشى يوم ماتكون مع نهيان او حد من اوخوانها
عز :يلا بسنا من هالحيونات خل نطلع يلا بنسير عند مهور واسوم وخلاف بنطلع
تناهيد :ايوا زين لان الوقت تأخر بعد
سلامة بصوت واطي وتخز تناهيد :الوقت تأخر ها؟ههه قولي عشان حبيب القلب نوني
تناهيد :هه طوفي لا تفشلينا
.
.
.
مهرة :اسوم تغشي
اسماء :انزين انزين
مهرة :بسم الله ها بلاه يطالع جي !!؟
اسماء بخوف وبصوت واطي :مادري
مهرة :اففف انا خايفة ياخي
اسماء :ياي صوبنا هاذو
مهرة :صوبنا!!!!؟يارب سترك
اسماء :شو نسوي ياخي هاذو ياي والله
مهرة :طوفي بنطلع من هالمحل *سحبتها وطافوا وتم يلاحقهم
يا حلو عطنا ويه انزين تعبت انا حرام عليج ,انزين بس الرقم
مهرة واسماء يمشون وهم خايفات خلااااااااص ومسوين له طاف ولا ردوا عليه ب ولا حرف لين زهق وفر عليهم ورقة
دقي هالرقم اترياج ,القصيرة مب انتي *يرمس مهرة وراح
اسماء حطت ايدها على قلبها:ااااااااااااه
مهرة :شو ها الوقاحة ؟
اسماء :كريييييييييييييييييييييييييه والله قليل ادب هالانسان حشى مشكلة الشباب اففففف,صدقها سلوم حسيت توني
مهرة :انا بدق حق عز يابوي بجوفه وين خلاص خل نرجع اصلا تعبت انا
اسماء :هيه الله يخليج دقي له ,ودقي طمني سيف عنج اليوم مارمستيه وايد
مهرة هزت راسها ب معنى ان اوك
.........
رتاج:حمد بسك خلصني
حمد :اول شي قولي حمد تاج راسي
هنادي :حمود خلها خلاص
حمد :ماشي خل تقول وعقب بعطيها اياه
رتاج تعبت ويلست عالكرسي :حمود والله تعبت وانا اركض دخيلك عطني خلاص مابنعيدها فكنا
حمد :مابعطيج لين تقولين
هنادي :عطها ياخي خلصنا .,تستاهلين انتي بعد حد قال لج تصورينه و تسوين سالفة
رتاج :من زينك يعني ,ابا افهم انت على شو مغتر بنفسك ترا عادي الا صورتك وانت راقد يعني
حمد:ياخي شو تبين تغارين ؟يعني انا جميل شسوي يوم ان البنات متخبلات على جمالي
رتاج تطالعه بطرف عينها :بخصوصك انت ؟انا الغبية راويتك الصورة لو مطرشتنها حق كل حد عقب مراوتنك احسن
حمد :فديت غبائج والله ,انا مرة ثانية لو رقدت بقفل الباب خلاص
هنادي :ههههههه انزين عادي مافيها شي الا لابس بوكسر وكشتك شوي ناقعه ولحافك طاير عادي يعني ماتفشل واييد
حمد:جب انتي
رتاج :خلاص مابصورك مرة ثانية بس والله ماهان علي اطوف شكلك ههههههه والله كنت ......*تغمز له
حمد فر عليها الفون :ههههههههه لا والله ؟زخي زخي ويا ويلج ان صورتي
رتاج خذت الفون وتمت تبوسه :فديت فوني انا فديته اموااااااح ههههههههه
هنادي :هههه مب صاحية انتي
حمد :والله كلكن مب صاحيات
هنادي :طالعات عليك اخونا العود بعد شو نسوي
حمد:ياليتكم ماخذين جمالي الفتاك *يتخقق شوي
رتاج :يالله افف
هنادي :يلا تصبحون عخير بسير ارقد انا
حمد :انا برجع ارقد احسن لي
رتاج :روح ارقد رقدت عليك طوفه
حمد:ماعليه مابرد عليج فيني رقاد انا
رتاج :روح روح مالت عليك يالمصخرة

.......
سلامة :عز لقيت لك وحدة تناسبك شكلي الا بزوجك اياها
عز :خسييييي!!! يلا مناك
اسماء :وليش لا مردك بتعرس وبتحب
عز :ماعاشت الي بتييب راس عز
سلامة :اقولك لاتخق علينا وايد انا اقولك من الحين وانت كيفك عقب
مهرة:ليش يعني ,شو فيهن البنات نصهن حلوات وانت ماشالله لك وايد معجبات خذ لك وحدة زينة وعرس ياخي
سلامة :هيه والله عرسوا خلصونا نبا عرس نبا اغاني وطقطقة ورقص و ربشة يعني
عز :هيه وانتي هذا همج اغاني وربشة ورقص ومادري شو ,مستخفة انتي
سلامة :هيه والله خل نرتبش شو فيها الحياة
عز :الله يعين الي بياخذج انتي *شوي ورن تلفونه
عز يطالعها ويبتسم بخبث :هاذو اتصل عمره طويل والله
سلامة تطالعه بقهر ولفت عنه
مهرة :منو يرمس ها ؟,,,شو فيج عفستي الويه انتي ؟
اسماء :مايبالها ذكاء اكيد هو
مهرة :والله ؟مكتوم ؟
اسماء :اكيد
سلامة :الله ياخذه
عز بعد كل السوالف انتبه وياهم :ههه فمان الله يوصل يوصل
سلامة :ويعة مابغى يسكر هالكريه
عز :ههه ياخي اقنعي عمرج بأي طريقة ترا مصيرج حقه خلاص
مهرة :ههه هيه والله
سلامة :اكرهه
اسماء :الكره مايدوم وبيي يوم بذكرج في صحة هالجملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 20-12-2014, 03:02 PM
صورة sevda الرمزية
sevda sevda غير متصل
©؛°¨غرامي مشارك¨°؛©
 
الافتراضي دنيا تعيشنا القدر و والواقع/بقلمي


<<<<<<<<<<<<<بارت 7 <<<<<<<<<<<<<<
الصبح في فندق اتلانتس في دبي ,يرن فون سيف والمتصل؟
خلود :صباح الخير حبيبي
سيف:صباح النور
خلود :كيف اصبحت ؟
سيف:زين عادي يعني
خلود :افا ليش ؟
سيف:مارقدت والله
خلود :ليش يعني ؟
سيف :مب قادر والله اخاف انها تقول حق مهرة و تعرف ,افففففف مب عارف شسوي
خلود :عادي خل تعرف
سيف:ها ؟
خلود :خل تعرف عادي عقب تعال عندي خلها شو تبا منها
سيف مذهول من كلامها لان ابدا ماكانت تقول جي قبل
سيف:برايج باي
خلود :مابجوفك اليوم ؟
سيف:لا و باي
خلود :شو سويت انا عشان تعصب
سيف بند ف ويهها وتم يفكر ويفكر ويفكر ومالقى نفسه الا قايم ومتلبس وراد راك عند مهرة

ام محمد :اقرب اقرب فديتك
سيف باسها على راسها :شحالج عمو ؟
ام محمد:بخير عساك بخير
سيف:الحمدلله
ام محمد تمد له استكانة الشاي :تفضل هني وعافية انشالله
سيف:مشكورة عمو ,الا وين مهرة ؟
ام محمد :فوق راقدة حليلها البارحة ردت من دبي متاخر وراده تعبانة اصلا
سيف تذكر وخاف اكثر (في دبي ؟ليكون !!!!!!!!؟لا يارب لا ,انزين ليش مادقت لي فليل ؟اعوذ بالله من الشيطان انشالله خير)
محمد نزل من فوق توه بيسير الدوام ,,,,,,,:السلام عليكم
ام محمد وسيف:عليكم السلام
محمد باس راس امه وتخاشم ويا سيف
سيف:وين بتسير ؟
محمد :الدوام
سيف:اي دوام هالوقت ؟احيد الناس الا يداومون الساعة 7 ولا 8 بالكثير مب 10 وشي
محمد : نحن اصحاب الشركات مختلفين دائما مب انتوا الموظفين ههه
ام محمد:لا تتهندق عليه يلا روح
محمد:افا امايه توقفين ضدي !!؟لا وتصرفيني بعد ههههه ماعليه يا الدب *يرمس سيف
سيف:فديتج عموه هه
ام محمد :وانت طالع ازقر لي الخدامة
محمد :انشالله ,يلا مع السلامة
محمد:الله يحفظك تحمل عاد
محمد :انشالله امايه
طلع ودخلت الخدامة سارت توعي مهرة بس هي اصلا واعية ونزلت دايركتلي بعد الخدامة ,يلس سيف في الميلس و ام محمد سارت المطبخ تزهب حق الغدا
مهرة تدخل الميلس عليه ....:السلام عليكم
سيف قام :وعليكم السلام
مهرة تعدته ويلست في الغنفة الي تبعد عنه بغنفتين وسيف استغرب منها طبعا لان مب منو عوايدها تقعد بعيد عنه
سيف:شخبارج
مهرة :الحمدلله انا بخير
سيف:يعله مديم انشالله
.........................:مهرة
سيف:فيج شي؟
مهرة :فيني شي؟لا مافيني شي تطمن انت
سيف :قولي الي في خاطرج احسن لج بدال هالاسلوب مهرة
مهرة :اسلوبي مب عايبنك ؟
..........:سيف
مهرة ابتسمت ببرود:حتى انت مب عايبني
سيف:كيف يعني ؟
مهرة :يعني انت مب سيف الي اعرفه
سيف:طلع مني شي ؟
مهرة بدت تفلت اعصابها وبانفعال بسيط:طلع منك شي؟تقول لي طلع منك شي؟كل ها ولا شي يا سيف ؟
سيف:انزين فهميني عشان ابرر لج
مهرة :الي يصير ماله غير تبرير واحد يا سيف
...........:سيف يطالعها وهو ساكت
مهرة طلعت منها بنبرة انفعال وقهر وضيق وعصبية كبيرة :انت ماعدت تحبني
سيف انصدم منها ماتوقع تقول هالكلام (لا يارب ماضن عرفت ,انا متأكد ماعرفت انا اعرف عذاري عدل ,عذاري تستر وايد وماترضى تضايق حد ,يارب!!!)
مهرة :خلك سيف بهالصمت ولا تتكلم ولا تبرر ,راجع نفسك جوف الغلط من منو فينا ؟جوف انت مقصر بحقي ولا لا ؟جوف احساسك وافعالك وعقب تقدر تقرر, عاد انت وضميرك ,بيتنا دومه مفتوح حقك ورقمي تعرفه ولا مادريبك يمكن نسيته ولا تناسيته من جي امس ادق عليك
مارديت علي ابد ماكلفت عمرك حتى تطرش مسج تعتذر انك مشغول ولا فيك شي بس ببساطة حقرتني
,غمضت عيونها بقوة ويودت باب الميلس بتطلع *فمان الله انا بسير غرفتي و مثل ماقلت لك وقت ماتحس انك تقدر تكلمني كلمني وبحاول اعذرك واصدقك لاني بعمري ماشكيت فيك وبعمري كامل
راح احاول اتقبل ضروفك واعذارك واسامحك على كل شي ...*راحت وخلته في صدمته ,صمته ,خوفه ,حيرته ماتوقع منها هالكلام ,ماتوقع انها خاشة كل هالقهر والغصة في قلبها ,تفاجئ من اسلوبها وكلامها الكبير الي صحاه على وايد اشياء فيها وفيه حتى ,بس ويت (دقتلي ؟
متى ؟صح انا وين فوني ؟اخ منك يا سيف اخخخخخخخ)*طلع من البيت مستعيل وركب سيارته سيدة على درب الشقة اتصل فيها وهو عالدرب
خلود :هلا بحبيبي
سيف:وينج؟
خلود:في البيت ؟
سيف:الحين تعالي الشقة
خلود :ليش صاير شي حبيبي؟
سيف:تعالي بسرعة اترياج *سكر فويهها الخط

منصور :هلا والله بالنايمين
اسماء بصوت نايم :اهلين يا مدمر النوم
منصور :ههه شسويبج يوم انج دوم راقدة ,حد يرقد لين هالوقت ؟
اسماء فزت من الشبرية :ليش الحين الساعة كم ؟
منصور الساعة :2 الظهر
اسماء شهقت من الصدمة :جذااااااااب؟ليش محد وعاني من قبل ؟
منصور :شدراني عنهم انتي المفروض تقومين مب شرط حد يوعيج
اسماء :هه اسكت لاه والله تعودت على ايام المدرسة يقوموني ست الصبح
منصور يغني :بتعدي في حته .. انا قلبي بيتكسر مية حته
افضل في مكاني .. انشاالله لسته الصبح بفكر فيه
اسماء :يا الله متفييييج!!خلاص يلا بند بصلي عقب بنزل لهم تحت
منصور :هههههههههههههههههههههههههههههه انزين انزين باي *قفل الخط
اسماء :بلاه ها ليش يضحك ؟اووه لاه مع نفسه خل اصلي انا عشان انزل
دشت توضت ويايه بتصلي الا ودخلت عليها مهرة ميته صياح
اسماء هدت السيادة على الارض وسارت صوبها :شو فيج ؟
مهرة بصياح يقطع القلب
اسماء :شفيه سيف ؟
مهرة :كلمته وقلت له انك متغير وانك ماتهتم وقلت له عن كل شي قاهرني فيه
اسماء :زين ها حقج صح ولا لا ؟
مهرة تهز راسها بمعنى صح
اسماء :ويوم انج تعرفين ان ها حقج ليش تصيحين ؟
مهرة :مادري كاسر خاطري مابيه يزعل وياخذ على خاطره
اسماء :خليه عشان يعرف هالشي اما لو تميتي ساكتة بيضن ان هالشي عادي وبتمين انتي تحترقين مع نفسج وعالفاضي وهو مايدري عن شي,بعدين انتي تعرفين ان سيف اغلاطه وايده وانا مادري انتي ليش دومج تسكتين وتسامحين
مهرة مسحت دموعها ويتها ضحكة
اسماء :شو الي يضحك ؟
مهرة :صلاة شو الحين ؟
اسماء عاقدة حياتها :تراني ماصليت الظهر
مهرة :اي صلاة الظهر الساعة 11 ,تصلين قبل الاذان انتي شو ؟ههه
اسماء مب فاهمة السالفة وعقب شوي استوعبت :حيوان !!!!انا اراويك
مهرة :ههه بسم الله منو الحيوان ؟انتي تخبلتي ؟
اسماء زخت الفون ودقت له بس مارد عليها
اسماء :ماعليه انا براويك يالتيس ,*تطالع مهرة *ها منصور حضرته قايل لي الساعة 2 الظهر وانا راقده للحين ف انا صدقته وقمت وتوضيت عساس بصلي لان طافتني الصلاة
مهرة :ههههههههههههه زين يسوي فيج والله ,وانتي بقرة ؟ماشي ساعة عندج ؟
اسماء :شدراني انا صدقته
مهرة :اثنينكم مينن ياهال ياهال عافاني الله
اسماء تطالعها بطرف عينها :نحن ياهال يالكبيرة يا انتي ؟
مهرة بدت تتكلم جد شوي :لين متى ؟
اسماء :شو لين متى ؟
مهرة :انتي فاهمة قصدي عدل
اسماء :فكيني من هالموضوع والله نحن بس ربع لا قولي اخوان يعني من يومنا ويا بعض من كنا ياهال والكل يعرف هالشي
مهرة :بس الحين غير
اسماء:صدقيني بس اخوان
مهرة :ادري بس بعد الحين غير جوفي نحن كبرنا ماعدنا الياهال الي كنا دوم نلعب ويا بعض في الفريج ونراكض ,كبرنا وصرنا ماشالله كل واحد مسؤول عن نفسه وحياته وصرنا فاهمين عدل والحين انتي صار عمرج 19 سنة وكبرتي يعني
وكلنا نعرف نهاية هالعلاقات فنصيحة ابتعدي شوي عشان تبتعد عنج البلاوي
......................
علي :افا !!!يعني راحت علينا؟
مكتوم :شكله جي
علي :شو بنسوي الحين ؟
مكتوم :شو نسوي بعد يلا المرات اليايه
علي :ياخي كان خاطري اسير
قطع عليهم صوت فون مكتوم
مكتوم :الوو ,هلا والله بالحب ,هلا بالطش والرش ,هلا بالي لفاني ياهلا به
مريم :الحين هلا وهلا ولا كل هالوقت ماتدري عني حتى
مكتوم :شسوي حبيبتي مشغول ,ويا الاهل البارحة تراهم مسوين لي حفلة حق عيد ميلادي
مريم :عيد ميلادك امس ؟
مكتوم :هيه وانتي ولا دريتي عني كنت اترياج تكونين اول وحدة تهنيني بعيد ميلادي و اول هدية توصلني منج كنت اباج تكونين وياي بس وقت ما اباج مالاقيج
علي ناقع ضحك عليه خلاص مب قادر يتحمل الخرط والتمثيل الي جدامه بس شيسوي تعود
:الله ككريم انا تعودت على هالحال خلاص طول عمري وحيد ومحد يعبرني ومب مترقع بدنيتي باي الله يحفظج ولو جفتيني بيوم سوي عمرج ماتعرفيني مابي ارد جروحي
عقب ماسكر الفون قعد يضحك ضحك ماله نهاية على حاله وتمثيليته

....في شقة سيف وخلود ......
سيف:نحن لازم نلاقي حل حق هالموضوع انا ماقدر اكمل على هالحال
خلود تصيح :وانا شو ذنبي ؟شو موقفي بينكم ؟
سيف:مادري يا خلود مادري
خلود :ذنبي اني حبيتك ؟اني رضيت على نفسي اكمل وياك ؟اني
يقاطعها سيف :يعني انا ماحبيتج ؟مارضيت اني اخون مهرة واكون ويااج ؟ماضحيت فوقتي وحب مهرة لي وياج ؟كل ها ماتجوفينه؟
خلود :تعايرني؟
سيف:انا ماطريت المعاير بس انتي تحسسيني اني وايد مقصر و ابد مب عاطنج حقج صراحة
خلود تطالعه عين بعين :امبلا مقصر ......تبي تعرف في شو ؟انت للحين ما حاولت تتقدم لي حتى مخلني جي معلقة ومستمرة عالغلط ومب عارفة شو لازم اسوي وشو بيصير حتى
سيف صابته غصه من كلامها بس ماقدر يرد على شي بنفس المستوى :انا آسف
خلود :لا تعتذر يا سيف بس سوي شي يخليني افهم هالعيشة لا تخليني جي مب قادرة اعرس عشان ماكون ضيعتك من ايدي ولا قادرة احط عيني بعين حد وحاسة بالذنب الي منكد حياتي ,انت عبالك مرتاحة جي ؟ولا عبالك الناس ترحم ؟
سيف:نحن مايخصنا في الناس
خلود :لا تقول مايخصنا تخيل ان وحدة من خواتك مكاني شو بتقول ,ولا مثلا انت تجوف وحدة تمشي في المول ويا واحد وانت تعرفهم مب محللين لبععض شو بتقول ؟!!!شو ؟
سيف يتقرب صوبها يحاول يهديها :خلاص حقج علي انا آسف بس ضايع ومب قادر اتصرف والله
خلود تبعد عنه :حتى انا آسفة سيف بس غلطت مرة مابعيد الغلطة مرتين
سيف استغرب من كلامها واييييييييييييييييييييييد واتمنى الارض تنشق ولا يحس بأحساس الذنب هذا
خلود :شو خلاص هالموضوع سيف
سيف:مادري والله مادري
خلاها وراح وبدت هي تصيح وتكسر كل الي حولها وتطلع حرتها في نفسها وفي الشقة

..............
سلامة:ادريبج عندج رمسة تبين تقولينها عذور قوولي
عذاري :لا ماشي شو بقول يعني ؟
سلامة :شدراني العلوم عندج انتي
عذاري تحاول تطلع اي شي عشان تنسي سلامة
سلامة :مب علي انا هالحركات قولي وخلصي عمرج تعرفيني عدل
عذاري :سلامي مكتوم بيسافر
سلامة بفرح :الساعة المباركة والله يوم السعد والهنا
عذاري :بس لا تنسين سلامي
سلامة :انسى ؟عبالج انا ناسية ؟هه اتمنى والله العظيم اتمنى لو نسيت بس المشكلة اني مب قادرة انسى
عذاري تمسح عضهرها :الله كريم ,هونيها وتهون انشالله
سلامة :انشالله
شوي ودخل عليهم مكتوم الصالة
سلامة :ويعة !!!!نعم خير ؟
مكتوم :تويع ابليس واهله
سلامة :هيه عبالي
مكتوم :عبالج شو ؟
سلامة :عبالي تويعني انا
مكتوم :اها شكلج مافهمتي انتي
عذاري :مكتوم شو تبا خلصنا
سلامة :صبري شوي انتي ,افهم شو انشالله ؟
مكتوم :انا يوم قلت ابليس واهله اطري ابليس وانتي تراج واحد من اهله
سلامة :ها ها ها ها يا ضريف ضحكتني والله
مكتوم :محد قال لج لا تضحكين الشيخة
سلامة :شيخة وغصبا عنك اصلا
مكتوم :انتي شيخة ؟انا اجوف الخقة زايدة
سلامة :من يومي شيخة
عذاري :وانا اشهد
مكتوم :وانتي بس يالسة تشهدين هني ؟دافعي عن اخوج عالاقل
عذاري :شحقه ادافع عنه ؟هو يروم يدافع عن عمره عاد لسانه كفاية عليه ,يلا يلا فج وفارجنا
مكتوم :قدها ؟
عذاري :قدها وقدود بعد
مكتوم :ماعليه اراويج
سلامة :انت اييه مب عليها تقعد تهدد وتستقوى اونك
مكتوم بطفرة :استغفرالله رزت بويهها هالمخلوقة ,ياخي انت شيخصج بين بنت واخوها
سلامة قفطت شوي بس لا !!ماترضى بالهزيمة ولا تستسلم بالذات لو كانت مع حد تكرهه:يخصني يوم اني اجوف الوقاحة جدامي ,الله لا يبلينا بس
مكتوم :والله بيتنا طول عمره هادي ومحترم بس انا ضنتي استويت وقح يوم انج ييتي
سلامة :شقصدك ؟
مكتوم :قصدي واضح اضن
سلامة شلت اغراضها ويايه بتطلع وعذاري سارت وراها ,,,,,,عذاري :سلوم عاد عن الاستهبال تعاي تعرفينه ها كيف مليق
سلامة بصوت عالي شوي :مليق على عبيده مب علي
مكتوم :تراج وحدة من عبيدي
سلامة انقهرت خلاص تحس بينفجر عندها عداد الصبر وشوي وبتصيح من الغصة ,بعمرها ما انهانت مثل جي من اي شخص غير هالمكتوم دومه الا يدقرها ويغصص بها وكملت دربها بس عذاري تمت تلحقها و وقفتها
عذاري :سلوم والله ان طلعتي الحين بزعل ولا برمسج ,لا تحسسيني انج ماتعرفينه
سلامة :خليني يرحم امج لو قعدت ثانية زيادة وهذا موجود بتخبل ,بستخف ,بين مادري اي شي
عذاري :افا وبتخليني انتقم بروحي ؟
سلامة ابتسمت على غباءها
عذاري :اعتبر هالابتسامة انج رضيتي ؟
سلامة دزتها صوب الباب :طوفي طوفي يلا الله يخسج
عذاري :ههه فديت انا الي مايردوني بطلب ,آمين آمين
مكتوم :هلا بنجود ,هلا بالغلا ,شخبارج ؟
نجود :تمام وانت ؟
مكتوم :انا بخير
نجود:متى بتيب لي الايفون الي وعدتني فيه ؟
مكتوم :الو ؟الو؟شو قلتي حبيبي؟
نجود:الو ؟حبيبي اقولك متى تيب لي الايفون ؟
مكتوم :الو..ماسمع ,الو؟يقطع يقطع
نجود:الو
طوووط طوووووووووط *بند الخط
عذاري وسلامة واقفين عالدري يسمعونه
عذاري :هههههههههههههههه والله انك مب صاحي ,خلاص اعقل ياخي اعقل
مكتوم :مايخصج انا اقول قلبي ويهج
سلامة :استغفر الله العلي العظيم
عذاري :الله يهداكم ,سمعوا هالعناد والنحاسة وكل الي تسوونه مايفيد ,عرسكم بعد كم شهر بس وانتوا تعرفون ان هالموضوع مب لعبة وماله رجعه وانتوا ماتقدرون تغيرون شي بهالفعايل الي تسوونها ,عالاقل حاولوا تجاملون بعض وتقدمون شوية احترام ترا من صالحكم
..........................:مكتوم وسلامة شعورهم كان واحد ,مقهورين ومب قادرين يتقبلون هالموضوع بس مصيرهم يتقبلونه
عذاري :ادري فيكم تسوون كل ها وتبينون هالكره بس عشان هالزواج وادري فيكم انزرع داخلكم شعور اشبه بالكره بس صدقوني مش كره انتوا تحسسون عماركم وتزرعون هالشي فيكم ,ادري كلامي يمكن مايفيد بس فكروا فيها عدل ماتحسون ان هالتصرات طفولية ؟ومالها
داعي ولا اساس الحين ؟خلاص طاف الوقت وتحدد الموعد ومنتشر الخبر , الله يعلم بالقدر ,نصيحة حاولوا بس حاولوا شوي وبتجوفون ان هالشي بيفيد و وقتها بتفهمون معنى كلامي عدل ,والي انا اعرفه ان اثنينكم ماشالله كبار وعقال واكبر مني بعد يعني مب ياهل تصحيكم

تمو واقفين بحيرتهم يطالعون بعض ,,,,مكتوم (انا ليش اسوي كل ها لها وانا اعرف الصدق واعرف الي بيصر ومتأكد منه ,بس والله هي تطلع الانسان من طوره ,اوووه خلاص بس مش ناقص عوار راس انا )
سلامة (الله يسامحكم يا ابوي ويا عمي ,دمرتوني والله دمرتوني بدون ماتدرون ,بس شمعنى انا شمعنى مب اي حد ثاني ؟هو احسبه طيب من داخل بس ليش جي يتصرف ليش يكرهني فيه ؟يمكن صح الي قالته عذاري ,يمكن من جي يتصرف بهالهطريقة ويرمسني بهالاسلوب
ياعمي ينجلع يوم بيعتدل يصير خير)

الرد باقتباس
إضافة رد

دنيا تعيشنا القدر و والواقع/بقلمي؛كاملة

الوسوم
روايات -طويله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بدعة تخصيص ليلة السابع و العشرين من رمضان بليلة القدر المباركة *سعادتي في رضا ربي* الواحة الرمضانية - غرام 8 30-05-2019 03:38 AM
روايتي الثانيه:تماديت باحلامي ونسيت ان القدر مكتوب ! كبريائي اكبر من الحب روايات - طويلة 20 22-08-2015 11:16 PM
دنيا تعيشنا القدر و الواقع sevda ارشيف غرام 4 31-07-2015 01:08 AM
فرقنا القدر وجمعتنا قلاده/بقلمي تيمم. أرشيف الروايات المغلقة - لعدم إكتمالها 74 27-07-2015 03:19 AM
القدر مكتوب احاسيس المستقبل خواطر - نثر - عذب الكلام 9 10-02-2015 02:57 PM

الساعة الآن +3: 10:16 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1