منتديات غرام روايات غرام أرشيف الروايات المغلقة - لعدم إكتمالها أخبريني يا سيول هل أفكر بعقلي أم أجري وراء نبضات قلبي/بقلمي
كريزي وماخذه الدنيا ايزي ©؛°¨غرامي فعال ¨°؛©

السلام عليكم ورحمة اللة وبركاتة ..

اذا كنت من متابعيني يا مرحباـآ الساـآع
اما اذا كنت اول مرهه تقرأ لي ان شاء الله اكون تحت حسن ضنك ...
هذي روياتي الثاـآلثــة او بالاحرى الثـــانية ..
الاولى كان اللي يقراهاـآ يقول الكاتبة سوداوية وتسذا
ولكن الصحيح اني كنت ابي اكون واقعيه فيها طبعا لما اقراها اللحين اندم
لانها كانت سيئة جدا ولكن كل كاتب له بداية طبعاـآ ما حازت على متابعين كثير واللي تابعني انتقدني
وروايتي الثانية اللي ما كملتها لظروف ما ولقت اعجاـآب كبير لكن الواحد تحصل له شغلات غصب عنه ..
انا بديت هذي الرواية وكلي امل تحوز على اعجابكم .. طبعا الرواية حتتكون من بارتات فصل اول
وفصل ثاني الاول بيكون طويل والثاني بيكون قصير كانه مخرج يعني ..
وبحكم ان قريب الاختبارات راح توعدوني من اللحين محد يعصب علي وتسذا
راح انزل اللي اقدر عليه باذنه وان شاء الله تحوز على اعجبابكم ..
وطبعاً بيكون موعدنا للتنزيل كل ويك اند طبعا ما راح احدد متى
بالضبط لكن هو في الويك اند ان شاء الله ..

elham ..

كريزي وماخذه الدنيا ايزي ©؛°¨غرامي فعال ¨°؛©

مدخـــل :عندماـآ تختلط المشاـآعر في لحظه ويسرح العقل في تفكيره
وينبض القلب بعاطفته يختلـــف تفكير الكثيرين , الكثير منا يؤمن بأن عقل الانساـآن
يفكر بموضوعيه واما قلبه فيختار ويميل للامور العاـآطفيه
لنختبر ما نؤمن به مع بعــضنا البعض بقراءة هذه الـــرواية
احداث لا استطيع الجزم بانها من واقع الخياـآل واحداث اخرى
لا استطيع القول بانها من وحي الحقــيقة لذلك فانا اترك الخيار لكم
من يريد التصـــديق فل يصدق ..

كريزي وماخذه الدنيا ايزي ©؛°¨غرامي فعال ¨°؛©

البارت الاول .. الفصل الاول
وجود بعض البشر في حياتنا قد يمنحنا الراحه وقد يكون مقدر لنا اننا لا نحصل على هؤلاء الاشخاص ,, نعيش بظلمه ووحده ونترنم على انغام الموسيقى ننتظر ان تتحرك عقارب الساعة وان يتحرك خط الزمن ..
طوت كتاب مدوناتها بتنهيده : بطلة روايتنا هي فتاه بسيطه وعادية لن ابالغ بوصفها بالجميله ولن ابالغ اكثر بقولي انها كاملة مجرد فتاة عاشت 19 سنه بعذاب ومن يسمع هذا الرقم يتعجب من بلاغة هذه الفتاه
طلعت جويس من غرفتها تمشي بالممر متوجه للصالة وتغني : اللي نساك انساه واللي هواك اهوه
الا بصوت اخوها يعلى من غرفته : يا .... اللحين بتسكتين والا اطلع لك لا والاغنيه مغبرة بعد
جويس تفتح باب غرفة اخوها : حموووود قوم طلعنا والله بتطق كبدي من قعدت البيت احس عطلة ومو كأنها عطلة بالعادة هالوقت انا بسيول
محمد : شوفي اقول لك شغلة وما تقولين للوالده
جويس بفيس كيوت ودلع : قول وش امانه قول ؟!
محمد : لقيت لنا تذاكر لسيول على عددنا لكن باقي عاد نقنع الوالد بالروحه والا امي عادي عندها بتروح تشوف اهلها .
الام دخلت عليهم وبفرحه : What do you say now? ( ماذا قلت الان ؟ )
محمد : for us A plane ticket I found ( لقد وجدت تذكرة طائرة لنا )
• اللحين بكتب لكم بالعربي الفصحى ومعناتها انهم يتكلمون انجليزي بما ان متعب اكتب باللغتين .
الام : محمد انا جداً سعيده في هذه اللحظه هل اخبرت والدك ام لم تخبره
محمد : لا لم اخبره فقط اخبرت ابنتك جويس
الام : جويس دعينا نتوجه الى والدك ونخبره بما وجد لنا محمد
جويس تحضن امها : دعينا نذهب
التعريف بالشخصيات :
محمد الاخ الاكبر من جويس وهو يميل الى ملامح والدته الكورية اكثر من جويس وهو ف 26 من عمره مضرب عن الزواج في هذه الفتره ولكنه شخص طيب وسنتعرف عليه من الاحداث اكثر
الام اسمها كيم اون جونغ واسمها الاجنبي "مين" تعرف عليها الوالد في رحلة عمل الى امريكا لانها كانت من سكان امريكا وبعد كذا ذهب الى كوريا والتقاها هناك وتزوجها وهي في عقدها الرابع ولكن ما يبين عليها
الوالد اسمه سلمان وهو بزنس مان والله معطيه ورازقه ومثل ما تكلمنا هو متزوج كيم اون جونغ وعنده ولد وبنت محمد وجويس
راح نعرف الشخصيات ونتعمق فييهم مع الاحداث
توجهت جويس وامها الى مجلس الرجال يتكلمون مع الوالد
مين : ابو محمد اعتقد ان محمد وجد لنا تذاكر للرحلة الى سيول لا تصدق مقدار فرحتي
سلمان : ام محمد ببحكم عملي فانا لن استطيع التواجد معكم اذا كانت الرحلة هذا الشهر
محمد دخل الى مجلس الرجال وقال : ابي لقد تعنيت حتى وجدت هذه التذاكر الا تستطيع تاجيل العمل
سلمان : محمد انا لن استطيع بما انها صفقة رابحه ولكن سوف احاول ان ااتي لكم نهاية هذا الشهر ولكن لا اوعدكم
جويس : اذا ابي لما لا تعطيني بطاقة الصراف لكي اخرج الى السوق
مين : جويس يا ابنتي لا تخرجي لوحدك اخرجي مع بنات عمك او صديقاتك
جويس : حسنا امي
الاب مد لبنته البطاقة ووصاها على نفسها
محمد وهو يفكر : جويس اذا ما عندك احد يوديك بوديك
جويس طيب بس بتجهز واكلم بنات عمي وسوسن
محمد مبتسم : خلاص طيب تلقيني بالملحق اذا جهزتي تعالي لي
جويس تركض لغرفتها رمت نفسها على السرير ورفعت جوالها تدق : الوووو
......: يا اهلين يالله انك تحيي هالقاطعه
جويس بضحكه : والله اني مو قاطعه ولا شيء لكن صعبه انا اللي دايم ادق احس كاني نشبه
.......: لا يا حيوانه بس انتي عارفتني يالله اني اوفي طلبات عجوز النار
جويس باسف : سميرة يا حيوانة حرام عليك هي ربتكم وتعبت عليكم يوم امكم رمتكم اللحين صارت عجوز النار ؟ حتى ولو انها شديده شوي معاكم بس كله لمصلحتكم
صصصمت سكن المكالمة
جويس : اسمعي يا خبلة خلينا من النكد , حمود لقى لنا تذكرة لسيول ما تدرين قد ايش انا فرحانه
سميرة فز قلبها من طاري محمد بس مسكت حالها : امانه عاد من جدك وانا اقعد بهالعطلة مع نفسي ؟
جويس : يا هبله ماراح اطول بس شهرين شهر وشوي وارجع
سميرة : ايه هذا شوي اللحين
جويس بضحكه ممزوجه بفرح : اسمعي سيمو انا بطلع اتقضى عرفتي وما احب اكون بلحالي وامي قالت قولي لاحد يروح معاك المهم تعالي انتي وسماهر و ايليف
سميرة : خلاص اوك على الساعه كم طيب
جويس : اللحين اعطيني 10 دقايق البس واطلع لمحمد ونمركم
سميرة : خلاص بقول لعمتي وبلبس
جويس : اوكك يله سلام
سميرة : باي
جويس قامت بسرعة تطلع لها لبس وتطلع عبايتها سريع سريع لبستهم وهي تلبس العباية دقت وحطت سبيكر
..... : هلا جويس
جويس : يالله حي هالصوت
..... : الله يحيك وش هالصدى ليكون سبيكر زي المره اللي فاتت يا ويلك يا جويس مني
جويس : ايه يوم رحت ونسيته وقعدتي تسولفي على نفسك ههههههههه
............: سخيفه يعني اني يا سوسن تذكري السالفة ليه تقولينها يعني
جويس : خلاص خلاص اسفه , اسمعي ترى بمرك
سوسن : ليه يالله عصر خير ههههههههه
جويس : اقول عن الهبال بنطلع السوق لاني بروح سيول
سوسن : لا عاااااااااااااااااد مابي
جويس : وش تبين حاسدتني يله يله البسي ونكمل حكي بعدين
سوسن : خلاص انزين انقلعي يله
جويس : انقلعي انتي يله مع السلامه
سوسن : هلا مع السلامه
• التعريف بالشخصيات راح يكون وسط الرواية يعني تعرفونهم مع الاحداث بترك لكل شخص خياله .

كريزي وماخذه الدنيا ايزي ©؛°¨غرامي فعال ¨°؛©

البارت الاول .. الفصل الثاني
بين ازعاج السيارات ودخانها وزحمة السير اللي معروفه فيها سيول كانت سيارة من اغلى السيارات واقفه تنتظر في الاشارة
سرح بفكرة بالفتاة صاحبة الابتسامه التي اسرت قلبه : يا ترى اين هي الان لم اعد اراها تفتح نافذة غرفتها ولم استطع ان اراها طوال الاشهر الفائته تغني من شرفة منزلهم اين هي يا ترى اشتقت لها حقاً
استيقظ من تفكيرة من ازعاج السيارات خلفه وتحرك
توجهه الى بيته مسرعاً

في بيت كيم اون جونغ ..
والد كيم اون جونغ : والدة كيم اون جونغ لقد تحدثت الى ابنتي وقالت انها سوف تاتي الاسبوع القادم مع ابنائها لقد سمعت الفرحه في صوتها
الوالده : لا اصدق هذا لقد كنت خائفه ان لا تأتي هذا العام لقد اشتقت لها واشتقت لابنائها ..


اساأله شاركوني باجوبتها ..
• ماذا سوف يحدث لبطلتنا ؟
• كيف ستتقدم الاحداث ؟
• هل هنالك ابطال جدد من هم وكيف ستتطور الاحداث من ناحيتهم ؟
• ماذا سيحدث في سيول ؟

not alone ©؛°¨غرامي جديد¨°؛©

القصة مررررررة جميلة استمري

في انتظارگ

كريزي وماخذه الدنيا ايزي ©؛°¨غرامي فعال ¨°؛©

المشاركة الأساسية كتبها not alone اقتباس :
القصة مررررررة جميلة استمري

في انتظارگ
not alone يا اهلين ومرحبتين نورتي يا قلبي اكيد وانا كتبت البارت بنزله
بما اني شفت المشاهدات كثيرة مع انهم ما ردوا وحمسوني

كريزي وماخذه الدنيا ايزي ©؛°¨غرامي فعال ¨°؛©





*

*

الصداقة والحب لا تأتي من نفسها انما نحن من ندفع قلبنا لتلك
الامور الكثير منا لا يؤمن بهذه الجمل والقليل قد يؤمن ..
هذه الرواية هي طريق مبسوط بالكلمات لتأكيد قناعاتك ..








.

كريزي وماخذه الدنيا ايزي ©؛°¨غرامي فعال ¨°؛©





*
*


البارت الثاني .. الفصل الاول
عيونها التقت بعيونه في مراية السيارة في هدوء عم المكان .. ابتسم وتجاهل نظرتها بالرغم من معرفته التامه بشعورها واخيرا كسرت حاجز الهدوء وقالت
سوسن : جويس اللحين متى بتروحين سيول
جويس : والله ع كلام حمود بداية الاسبوع الجاي
محمد بمزح : قدك انا تقولين حمود ؟
جويس بضحكه : وش فيك الله يهديك ادلعك احمد ربك
ونطت هدى من مكانها بحكم الميانه مع ولد عمها : حميد اسمع ترى انا حدي جوعانه المهابيل قوموني مو النوم وانا ما اكلت ودني مطعم اول
محمد يضحك ويدزها : اقول يالخبله اقعدي انا بقطكم بالمول وسوو اللي تبونه اما انا عندي مشور ولا خلصتوا كلموني اجيبكم و كلموا السواق اذا ما رديت
جويس : خلاص اوك
سماهر بميانه : اقول محمد وش الشغله اللي بتسويها
محمد يخزها بالمرايه : يه اقول جويس بنات عمك دايم غبيات كذا لاني تو اكتشف الموضوع
جويس تضحك ..
سميرة اخيرا تكلمت وبمزح : حدك حدك
محمد : يه شوف الثانيه مسويه تدافع
سميره تقوي حالها : لا يالاخ بس حبيت اقول لك لا تجمعني معاهم لاني الذكية الوحيده فيهم
محمد : ههههههههههه وانا على بالي الاخت بتدافع طلعتي من جنبها
البنات خواتها يضربونها سماهر : سيمو يالنذله على بالي بتدافعين قلت اخص توها تتقمص شخصية الكبيرة
سميرة : هههههههههههههههه
بينما سوسن خانقتها العبره بما انها ما تقدر تتأقلم مع جو اللي بالسياره وصدت وهي تطالع برا الدريشة
محمد لاحظه وقرر يدخلها بالجو ويكسر الحاجز اللي بينهم : سوسن اخوك راكان وش اخباره من زمان عنه
سوسن : الحمد لله بخير دايم يقول وصلي سلامي وانسى
محمد : ايه اجل سلمي عليه
جويس : وش لك بصديقتي تسولف معاها سوق وانت ساكت
محمد ابتسم وهو يذكر الموقف اللي صار ووتر الجو بينهم
نرجع لاسبوعين فاتوا :
جويس تكلم سوسن وحاطه سبيكر
جويس : سوسن تصدقين لنا ساعه ونص واحنا نكلم بعض
سوسن : يا هبله من متى نكلم بعضنا دقايق
جويس انتبهت ان سلسالها اللي تحبه ضاع وتركت الجوال سبيكر وراحت تفتش البيت
سوسن بجديه : جويس بقولك شغله بس امانه لا تقولين اني منحرفه ولا تفكرين فيني تفكير غبي تدرين احنا نعرف بعض من ايام الابتدائي وكذا اهلنا يعرفون بعض واحنا مثل الاخوات الا اكثر وبقول لك هذا الشيء وابيه بينا طيب لا تقولين شيء لين اكمل كلامي
وطبعا بالجانب الثاني محمد يطالع جوال جويس اللي حاطته على السبيكر وشده الفضول
سوسن بتنهيده : اسمعي صار لي 3 سنوات اقاوم هذا الشعور وما ابيه يكون صدق لين هاللحظه اللي عرفت فيها ان مستحيل اقدر انكر اكثر
محمد الفضول زاد عنده و رفع الجوال لعنده
سوسن تكمل : جويس انا طول 3 سنوات اللي فاتت وقلبي ينبض اذا شفت محمد اخوك طول هالسنين اتجاهله اتجاهل اطالع بعيونه وحتى سلام راكان اخوي ما اوصله له من قوة ما كنت ما ابيه خصوصا اني على علم ان سميرة بنت عمك تحبه من يومكم صغار وانها محيره له ( محجوزه له ) وربي قلبي يعورني كل ما افكر بالموضوع جويس علميني وش اسوي لا تكلميني على انه اخوك جاوبيني على انك صديقتي
محمد مصدوم وفهم تصرفاتها ليه كانت كذا بالرغم انه كان يعتقدها تتجاهله غرورا منها ورحمها وقال : سوسن
سوسن انصدمت من الصوت وتذكرت ان جويس كانت حاطه سبيكر الكلبه جويس ليكون سمعته الكلام
محمد كمل : ما راح تردين
سوسن بتردد : نعم
محمد : بس انا تكلمت مع ابوي وعمي من زمان وفركشت كل شيء
سكت شوي وما حب يعيطيها امل كذاب وكمل : لكن اكيد تعرفين من جويس اني ما افكر في الزواج حالياً
سوسن خنقتها العبره
ودخلت جويس : اخيرا لقيت السلسال
جويس شافت الجوال بيد محمد وتذكرت ان سوسن على الخط اخذت الجوال من يده وشالت السبييكر
محمد : كانت تسولف لوحده وكنت بجيب لك الجوال
جويس : الو سوسن
سوسن : ....... صمت
جويس : سوسن وش فيككككككككك ؟
سوسن تشهق وتبكي : ...... اهىء
جويس : ليه ليه البكي اسفه والله ما قصدت بس نسيت ورب النعمه
مرت السالفه على خير ولكن الندبه في سوسن ما زالت خصوصا انه صدها وعؤف مشاعرها وجويس فهمتها على ان سوسن انحرجت انها تسولف ومحمد سمعها خصوصا ان سوسن بنت حساسه
اما سالفة ان سميره مجوزه لمحمد هذا كان وقت ما كانوا صغار وطبعا محمد فركش كل حاجه بحكم الشغل وبحكم انه ما يفكر فيها الا كاخت وطبعا ً ما اخفي عليكم سميرة كانت تحبه قد ايش وانصدمت من قراره لكن تقبلته وعرفت ان اللي مكتوب لها بيصير رغماَ عن الكل والين اللحين تصارع حبه وتبي تنسى وتعامله عادي مثل موقف السيارة
محمد يطالع سوسن بمراية السياره وسوسن بالجهه الثانيه سرحانه بكيف يمكن لها تقاوم مشاعرها وتنساه وعيونها مليانه دموع
صحى سرحان سوسن وقفت السيارة عند باب المجمع الكل نزل ونزلت سوسن بعد لكنها نست شنطتها
محمد كان بيحرك لكن شاف الشنطه ونادها
سوسن خايفه وترتجف خايفه انه يعلق زياده على الموضوع
محمد طالع فيها نظره ما فهمتها وقال لها : شنطتك نسيتيها
سوسن : اه ايه دقيقه
شالت الشنطه ولحقت البنات بخطوات سريعه
محمد قعد يطالعها لين تأكد انها دخلت ورى البنات وحرك

مشوار محمد ..
محمد دخل كوفي وشاف شخص وتوجه له يسلم عليه : عاش من شافك ما تنشاف الى لا بغيت حاجه
..... بحزن : لا والله ان الدنيا مشاغل زعلتني بكلامك
محمد : امزح معك الله يهديك سم امر انا كلي لك يا خالد
خالد : والله يا محمد محتاج 30000 ابي اكمل بها القرض حقي واخذ قرض جديد عشان ازيد عليه اكثر وبرجع لك 30 حقتك
محمد : بعطيك اياها بس بشرط والله ما اخذها اذا رجعت
خالد : والله انك تحرجني كذا يا محمد
محمد : وش دعوه خالد احنا اخواني واكثر
خالد : الله يسلمك والله انك رجال
محمد : الله يعافيك
خالد : وش اخبار خالي عساه طيب
محمد : والله الحمد لله ما عليه وانت اخبار عمتي والبنات عساهم مرتاحين الله يهديهم قلنا لكم اسكنوا عندنا لين يكمل بيتكم بس العناد عجيب
خالد : لا والله مو عناد ولا شيء
محمد : احنا بنروح سيول مع الوالده لكن ابوي بالبيت شاور امك من جديد ترى الاجار صعب عليكم وانا اخوك
خالد : ان شاء الله يصير خير بحاول فيها
محمد : واذا البنات مستحين مني انت عارف انا وياك نقعد بالديوانيه
خالد : لا لا وش دعوه مانبي نضيق عليكم
محمد : يا رجال ما فيها ضيق ولا شيء شاورها وكلمني
خالد : ان شاء الله

في مكان ثاني مكتب فخم غرفة كبيرة واثاث يعبر عن انسان فاحش الثراء
تذكر ابتسامتها مره اخرى وتألم : اههه متى يأتي هذا اليوم الذي استطيع رؤيتها به
وقطع حبل افكاره باب المكتب ودخلت السكرتيره التي كانت مبهرجه واشبه براقصات التعري من وقاحة ما كانت تلبس : سيد مين جون اعتقد ان الجميع وصل والان وقت الاجتماع
مين جون : حسناَ اذهبي اولا وسوف اتبعك
السكرتيرة : حسناً
مين جون شخصية مستقله حاول انه يبني نفسه بنفسه وفعلا استطاع رجل اعمال معروف بكوريا وله مكانته .
قبل اشهر ..
جويس كانت تسقي الورود بشرفة بيت جدها ابو امها وتغني
وشافها مين جون اللي كان جارهم مقابل بيت جدها مباشره شافها وما قدر يشيل عينه عنها من جمالها وسمع صوتها وهي تغني واعجبته حيل ومن يومها صار كل يوم يطلع من البيت بدري عشان يشوفها وهي بشرفة بيتهم واصبحت له عاده لين جاء يوم وما عاد صارت تطلع وتسقي الورد واليوم اللي بعده هكذا وهكذا وما عاد صار يشوفها ولكنها اخترقت كل تفكيره وصار كثير ما يسرح بفكرهه ويذكر ملامح وجهها ويقول لنفسه كل يوم لازم اتذكر ملامح وجهها عشان ما انساها واول ما اشوفها اعرف انها هذي هي البنت اللي اخترقت عقلي وقلبي بعد سنين من الفراغ
وطبعا بجانب جويس ابدا ما كانت تعرف ان في احد يرقبها كل يوم وفي احد اخترقت باله وتفكيرة
نرجع لصاحبنا اللي كان سارح وسط الاجتماع
رجل الاعمال : سيد مين جون هل سمعت ما تكلمنا عنه
مين جون : اوه اجل حسنا دعونا نكتفي بهذا القدر اليوم وبالاجتماع التالي سوف نحدد كل ما هو مطلوب منا ونوقع العقد
رجل الاعمال : اذا افعل ما تجده مناسبا
مين جون غادر الاجتماع وارخى الكرفيته : اتوقع انني سوف اجن ان لم ارها
..
سررعان ما مرت الايام ليأتي الينا اليوم المنشود يوم الرحلة الى سيول ..
في الطائرة ..
جويس : اوهه امي انا سعيده جدا
مين : اتوقع لا احد سعيد بقدر سعادتي جميله هي هذه الكلمات حينما نحط في مطار سيول
محمد : لم استطع النوم من حديثكم طوال الرحله
مسن تضرب ولدها بمزح : محمد انت تتذمر كثيرا في الاونه الاخيره
محمد يضحك
هبطت الطائرة ونزلوا للمطار في وقت ما جويس واهلها طالعين من المطار
مين جون والسكرتيرة دخلين ..







كريزي وماخذه الدنيا ايزي ©؛°¨غرامي فعال ¨°؛©



*
*


البارت الثاني .. الفصل الثاني
مين جون مشغول مع السكرتيرة وجايين المطار بحكم انهم يستقبلون رجل اعمال اجنبي لتوقيع صفقه رابحه ..
استنشق عطر اعجبه بشده ..
شاركوني بالاجوبه على هذه الاسئلة ..
• بيعرف مين جون ان اللي مرت من جنبه هي نفسها صاحبه الابتسامه اللي اسرته ؟
• ايش تطور الاحداث ومين بيطلع لنا جديد بالرواية ؟
• ايش المواقف اللي راح تصير قريب ؟
• اعطوني رايكم بالشخصيات ؟
حمسوني هالمره عاد والا ما بكمل =(





.

جـوريه ©؛°¨غرامي مشارك¨°؛©

بدايه حلوه موفقه

بس حاولي تطولين البارتات شوي وتخلين الخط لـ 5 عشان يكون واضح..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1