غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-12-2014, 07:11 PM
صورة وفاء الطوايلة الرمزية
وفاء الطوايلة وفاء الطوايلة غير متصل
©؛°¨غرامي فعال ¨°؛©
 
الافتراضي رواية خبروه اني على وصله حييت /بقلمي


بسم الله الرحمن الرحيم.
ياهلا والله وغلا بغرام وأهل غرام.
اليوم أبنزل لكم روايتي الثانية ((خبروه إني على وصلهه حيييييت)).
بعد مانزلت لكم روايتي الأولى اللي ماجازت لكن وماكملتها بس إن شاء الله ذي تصير أزين وألقى ردود وتفاعل وجمهور كثير يارب.
والله ماودي الشهرة وكذا مير عندي موهبة وودي أطلعها لكم أستفيد وتستفيدون.
.................................................. ........................................
وسط الجبال الشامخة وعمتة الليل كل الموجودين بخيام وبيوت الشعر نايمين ومافيه غير صوت الذيب
اللي يعوي ويبحث له عن عشاء له ثلاث مأكل..وأكيد بيكون جوعان ويعوي بشكل مخيييف.
صحت غرام من نومها وهي تصيح تبي أمها ومن الظلام ماتدري وينهي : ماااامااا.
هدى قامت بخوف وهي تقول : ياروح ماما تعالي أنا هنيه.
راحت لها غرام وحضنتها هدى وهي تهمس بإذن بنيتها اللي عمرها سنتين : ياليت أبووي مافرقنا عن أبوتس ولا كان هلحين أنا وأنتي بعماير القصيم مرقدين بعيد عن الذيابه والليل اللي يروع ياربي ترحمنا.
صحت أمها على همهتها وقالت بإنزعاج : هدى قومي أنتي وغرام لجيتني .
هدى خنقتها العبرة وإحتضنت غرام وهي تبكي وتقول بصوت خافت : توحين ياغرومه؟ ننطرد بأخر الليل وهالبرد القارس.
راحت لبيت الشعر وجلست بمجلس الحريم ونزلت غرام اللي تبكي بالأرض : غرااام ياروحي الروح إسكتي .
غرام عضت سبابتها وهي خايفه من صوت الذيب اللي قرب منهم .
صرخت بقوه وهي تحس أن الذيب دخل وهدى ضمتها وهي تحاول تهديها لأنها تدري أن الذيب بعيد ويمكن خلاف الجبل .
صحى همام (( أبو هدى )) وطلع من الرفة وهو يقول : هدى .
وقفت هدى : هلا يبه أنا وراء القاطع .
همام دخل ومسك غرام من يدها وجرها معه : تراني أبوديها لأبوها أذتني .
هدى برجاء : لا يأبي لا .
همام برجاء أكبر : ياهدى والله إنها لجه وأنتي وراتس جامعه وتراتس تهميني أكثر منها.
هدى أقتنعت بكلام أبوها وقالت باستفسار :يبه متى يقدر يردها حمود < أبو غرام > .
همام بثقة : ليامنتس خلصتي الجامعه وكل جمعه وهي عندتس لا تذلين عليها .



---
هذي البداية وإذا شفت أي تشجيع أو رد أو تفاعل أو توقع أو حتى نقد راح أكملها اليوم إن شاء الله.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-12-2014, 07:26 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية / خبروه اني على وصله حييت , بقلمي


السلام عليكم ورحمة الله وبركاته
كيفك يا عسل
بداية رائعه وغاااااامضه
فيها اكشنات شكلها لا كبرت غرام
يالبييييييييه بالقصيم الاحداث ياريت والله اعشق الروايات القصيميه
يسعدك ربي كمليها يا عسل
معاكِ بإذن الله متابعه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-12-2014, 07:40 PM
صورة safa89 الرمزية
safa89 safa89 غير متصل
©؛°¨غرامي مشارك¨°؛©
 
الافتراضي رد: رواية / خبروه اني على وصله حييت , بقلمي


بدايه جميله وروايه رائعه
استمري يا عزيزتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-12-2014, 08:43 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية خبروه اني على وصله حييت /بقلمي


مساء الخير .. ياهلا فيك بغرام مرة ثانية .. موفقة بطرحك .. بداية حلوة من ناحية الاسلوب مع ان البارت جدل جدا قصير وماوضح فكرة الرواية حتى نعرف اذا كات افكارك جديدة او لا

لكن استغربت عيشة هدى بخيام وهي بالجامعة يعني واضح انهم ناس متحضرين ليش بيسكنو خيام وبعيد عن الحضارة دام الابو مهتم بتعليم عياله على الاقل بينتقل لاقرب مكان يكون فيه مدارس وجامعات

لانك ماوضحتي ان هدى واهلها طالعين بالبر وواضح انه هم ساكنين بالخيام لذلك هدى حنت لعماير القصيم .. انتبهي مايكون عندك ثغرات وتناقضات حتى ماتخترب حبكة روايتك

تذكير بالقوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-12-2014, 12:21 PM
صورة وفاء الطوايلة الرمزية
وفاء الطوايلة وفاء الطوايلة غير متصل
©؛°¨غرامي فعال ¨°؛©
 
الافتراضي رد: رواية / خبروه اني على وصله حييت , بقلمي


اقتباس:
المشاركة الأساسية كتبها اسطوره ! مشاهدة المشاركة
السلام عليكم ورحمة الله وبركاته
كيفك يا عسل
بداية رائعه وغاااااامضه
فيها اكشنات شكلها لا كبرت غرام
يالبييييييييه بالقصيم الاحداث ياريت والله اعشق الروايات القصيميه
يسعدك ربي كمليها يا عسل
معاكِ بإذن الله متابعه
ياهلاااا ووغلااا بأسطورهه..
والله انتي الاروع جعل الفردوس الاعلى منزلك انتي ووالدينك.
لبى قلبتس انتي .
ودامتس رديتي على الرد الاول ياخيتي لاتحرميني من ردودتس وتوقعاتس على كل بارت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-12-2014, 12:22 PM
صورة وفاء الطوايلة الرمزية
وفاء الطوايلة وفاء الطوايلة غير متصل
©؛°¨غرامي فعال ¨°؛©
 
الافتراضي رد: رواية / خبروه اني على وصله حييت , بقلمي


اقتباس:
المشاركة الأساسية كتبها safa89 مشاهدة المشاركة
بدايه جميله وروايه رائعه
استمري يا عزيزتي
انتي الاجمل يمال الجنه لا تحرمني من ردك على تكملة البارت الاول


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-12-2014, 12:25 PM
صورة وفاء الطوايلة الرمزية
وفاء الطوايلة وفاء الطوايلة غير متصل
©؛°¨غرامي فعال ¨°؛©
 
الافتراضي رد: رواية خبروه اني على وصله حييت /بقلمي


اقتباس:
المشاركة الأساسية كتبها وردة الزيزفون مشاهدة المشاركة
مساء الخير .. ياهلا فيك بغرام مرة ثانية .. موفقة بطرحك .. بداية حلوة من ناحية الاسلوب مع ان البارت جدل جدا قصير وماوضح فكرة الرواية حتى نعرف اذا كات افكارك جديدة او لا

لكن استغربت عيشة هدى بخيام وهي بالجامعة يعني واضح انهم ناس متحضرين ليش بيسكنو خيام وبعيد عن الحضارة دام الابو مهتم بتعليم عياله على الاقل بينتقل لاقرب مكان يكون فيه مدارس وجامعات

لانك ماوضحتي ان هدى واهلها طالعين بالبر وواضح انه هم ساكنين بالخيام لذلك هدى حنت لعماير القصيم .. انتبهي مايكون عندك ثغرات وتناقضات حتى ماتخترب حبكة روايتك

تذكير بالقوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
ياهلااااااااا وغلااااااا بوردة الزيزفون .... ردكم علي أنتي وصفا واسطورة والله انه شرررف .
لا حبيبتي لاحظي ان هدى مهي متعوده على عيشة الخيام لانها خايفه من الليل .
وفكرة الروايه فررق 180 درجه عن الروايات اللي انا قريتها وان شاء الله توضح لتس الصورة بالبارتات الجايه .
واتمنى ماتحرميني من ردودتس


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-12-2014, 12:27 PM
صورة وفاء الطوايلة الرمزية
وفاء الطوايلة وفاء الطوايلة غير متصل
©؛°¨غرامي فعال ¨°؛©
 
الافتراضي رد: رواية خبروه اني على وصله حييت /بقلمي


تكملة الجزء الاول .....>

هدى أقتنعت بكلام أبوها وقالت باستفسار :يبه متى يقدر يردها حمود < أبو غرام > .
همام بثقة : ليامنتس خلصتي الجامعه وكل جمعه وهي عندتس لا تذلين عليها .



---


هدى ضمت بنتها وقالت بهمس : الله يحفظتس وترجعين لي .
وقالت بحنين : ياحظتس تبين تشوفين القصيم وتسكنين هناك بعيد عن الذيابه والليل اللي يروع .
شالها همام وهو يقول بثقة : ماعليتس ياهدى كلها كم يوم إن شاء الله وأنتي بالقصيم من هالبنيه .
هدى قبل لايروح لأبوها قالت له : يبه يبه تكفى وصلني للخيمه عند أمي ذاله لأمشي لحالي .
ضحك همام بخفه وهو يقول : مأحسبنتس تذلين كذا....يأبوتس أنا عشت بالبر حول 21 سنه والحين رجعت للبر وأحس إني رجعت لشبابي .
ودخلت هدى عند أمها وأبوها أخذ بنتها ومشى للقصيم اللي تبعد عنهم 15 كيلو .
نامت هدى ساعات قليله وطلع خيط الفجر يشق نوره من السماء .
هدوء البر مافيه صوت أذان مثل اللي إعتادو عليها ولا فيه منبهات .
قامت سماحة ( أم هدى ) وهي تقول بصوت خافت : لا إله إلا الله , أصبحنا وأصبح الملك لله .
وطالعت ببنتها هدى اللي نايمتن بجنبها : هــدى.. هدى.. هدى .
قامت هدى وهي خايفه وسمت عليها أمها وقالت بإستغراب : هدى وين غرام ؟
هدى بغت تبكي بس إبتسمت وقالت : غرام أخذها أبوي يبي يوديها لحمود .
سماحه بصدق : والله أنه أزين ياهدى حتى الورع ماهو مرتاح بهالبر ماتعودت عليه ياروحي روحها .
هدى بخوف على غرام : يبه بس أخاف أن مأحد ينتبه لها من الصغار .
سماحه بثقه : والله أن ام حمود ماهي مخليتن غرومه تنضرب وهي ساكته.....ولا تنسين أن اختس عهود هناك .
هدى بصوت مخنوق : ياقلبي ياعهود خبري فيها عندها الأختبارات النهائيه مدري هي نجحت ولا لا .
سماحه : ان شاء الله يومنها تخرج وحنا لاقين لنا بيت داخل القصيم ... الله يسامح أبوتس بس .
وخرجت تتوضى وتصلي وقامت هدى بعد وتوضت وصلت الفجر .
انبسطت لأن الصبح طلع والنور انتشر بالأرض يعني هلحين تقدر تتحرك باللي تبي .
راحت لبيت الشعر وشغلت الإسطوانه وسحبت ( المركابه ) وشغلتها .
وحطت فوقها الصاج وما أحتمى الصاج إلآ والعجينه جاهزه .
خبزت الخبر وهي تتذكر كيف كانت حياتها وكيف صارت الحين .
كانت عايشه مع أمها وأبوها من صغرها بفيلا من فلل القصيم وبداخل حي كبير وفخم .
وماناقصها شي وكل طلباتها ملبينها لها تزوجت حمود ولد عمها وماقصر معها بشي .
بس صار اللي صار وبسبب تصرف خاطي من أبوها هذولا هم عايشين ببيت شعر وخيمة .
هي تقدر الحين تروح لحمود وتعيش الحياه اللي هي تبيها بس ماهي نذله تترك أمها وأبوها بظروف مثل هذي .
واللي اصر على روحتها مع أهلها هو حمود عشان مكأفئتها الجامعيه تصير لأبوها .
1000 ريال يقدر يصرف نفسها فيها لو بالقليل والقليل حيل .
مع أن همام ببداية الأمر إعترض بس بالأخير ماله إلا هالألف يمشي حاله فيها .

___

مدينة القصيم .
الأشجار يحركها الهوا البارد اللي معلن قرب الشتاء .
الشوارع مكتظة بالسيارات العابره .
البيوت مليانه بالحياه عكس البر الهادئ القاتل .
في إحدى البيوت دخل حمود وهو شايل بنته غرام على كتفه : يمه يمه .
وقفت عمشاء اللي انبسطت يوم شافت غرام : عمك زانت أموره ؟
حمود بحزن : لا والله مير إن شاء الله تزين .... يمه عمي همام جاب لنا غرام يقول والله ماترقد الليل من الصياح والخوف .
أخذتها عمشاء وهي تقول بسعادة : ياهلا والله ببنيتي ... جعله يومن مبارك اللي شفتها فيه .
حمود بإبتسامة : يمه ترا عبير أبلشتني تقول تبي تروح هي وعهود لهدى .
عمشاء اتسعت ابتسامتها وهي تقول : والله اني كنت ابقولك نبي نروح لاهل عمك ناخذ لهم من هالارزاق هم محتاجين .
حمود اخذ نفس عميق : والله يايمه عمي همام مدري وش فيه.. عماني جمعو له ميتين الف يبونه يشتري له بيت مير عيا .
عمشاء بفخر : والله ان هذا الرجال اللي يعتمد على نفسه مهوب مثل ابوك يومنه بغى يشتري له سياره راح يشحذ اخوانه .
حمود : بس يايمه عمي همام يقول والله لو ماهو اهو اللي مضيعن حلاله كان أخذ الفلوس .
عمشاء مسحت على ظهر غرام اللي نامت على كتفها : ياروحي شكلها توها ذاقت الراحه .
حمود : يمه ابروح لدوامي وليامني طلعت ترا نبي نروح لعمي .
وطلع حمود ودخلت سُعاد اللي لابسه عبايتها وطرحتها على كتفها : صباح الخير يمه .
عمشاء : صباح النور ياهلا .. سُعاد ليامنتس شفتي هدى بالجامعه سلمي لي عليها وعلميها أن غرام والله ماهي إلا عند أمها الثانيه .
سُعاد : يمه اليوم هدى عنها of إن شاء الله لادرست يوم الخميس علمتها .
عمشاء : أجل ماني بحاجتس العصر نبي نروح لها ان شاء الله ونطمنها على بنتها .
سُعاد بحزن وهي تلف طرحتها : الله يعينهم عمتي سماحه وهدى عايشات بالبر وبناتهن هنيه .
عمشاء بحزن اكبر : عسى اللي جارا لهم مايجري على مسلم .
سُعاد : أمين يارب العالمين...........يله يمه أنا ابروح للجامعه ادعي لي عندي كويز .
عمشاء : الله ينجحتس .
طلعت سُعاد وبقت عمشاء لحالها ماعندها إلا غرام .
حمدت ربها اللي جاب لها غرام تملئ عليها وحشة البيت ووحدته .

__

إحدى ثانويات القصيم للبنات .
بفصل ثالث علمي .
نص البنات يختبرون حاسب عملي والنص الباقي مخلصين الاختبار .
جالسات بجنب بعض عهود وبنت عمها عبير .
عهود بفرحه : تصدقين عبور هذا احلى يوم اللي ابروح فيه لاهلي وبشوفهم .
عبير بفرحه لا تقل عن فرحة عهود : اشتقت لعمتي وهدى وازين شي أن اليوم الاربعاء ابشحذ امي بنرقد عندهم انا وانتي.
عهود بخوف : يمه تخيلي نرقد بالبر .
عبير باستغراب : ماتبين تنامين عندهم؟؟
عهود هزت راسها بلا : اخاف من البر .. وهدى امس يومني كلمتها من جوال أبوي تقول كل ششي حلو الا الليل يخوف .
عبير : عادي نسمي بالله وماهو جاينا شي ان شاء الله .
عهود : خلاص نقول لهم ونجرب ومدامنا نبي نسحب كل خميس نروح الاربعاء ونرقد هناك .
عبير : تم .
جات احدى الطالبات جلست قدامهم مكان البنات اللي طالعات من الفصل : صباح الخير .
عهود وعبير : صباح النور .
مرام : ماشاء الله عليكم بنات عم وبالبيت وبالمدرسه مع بعض .
ابتسمو لها البنات وهم ماعندهم رد لها .
وكملت هي : قالت لي وحده من البنات ان اهل عهود ماهم بالقصيم صدز ؟
عهود بقهر : روحي للي علمتس وتأكدي .
عبير بقهر اكبر : وانتي وش كارتس ؟ بالقصيم ولا ماهم بالقصيم مالتس شغل وقومي من هنيه .
مرام قامت والتفت عبير لعهود وهي تقول : لا تتضاقين منها .
عهود : وليه مأتضايق كافي علي اني بعيده عن اهلي .

__

البر....,
سماحه تجلس بجنب همام قدام النار وتقول : هاه ياهمام وشلون أهل القصيم ؟
همام بابتسامه : طيبين الحمدلله وترا اليوم اخوي مبارك يبي يجي هو وعايلته .
سماحه : هي جت العطله يومنهم يبون يجون من الرياض ؟
همام : لا مير يبون يجون يسلمون علينا ويرجعون قبل الاختبارات تبدأ .
سماحه : الله يوفقهم ويسلمهم .
همام : وبعد تبين تشوفين عهود اليوم ان شاء الله .
أنتهى الجزء الاول والليلة ان شاء الله الجزء الثاني لا تحرموني من ردودكم يمال الجنه البارده .



آخر من قام بالتعديل وفاء الطوايلة; بتاريخ 24-12-2014 الساعة 03:57 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-12-2014, 05:11 PM
صورة safa89 الرمزية
safa89 safa89 غير متصل
©؛°¨غرامي مشارك¨°؛©
 
الافتراضي رد: رواية خبروه اني على وصله حييت /بقلمي


تسلمين بارت رائع بانتظارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-12-2014, 12:38 AM
صورة صمت والم الرمزية
صمت والم صمت والم غير متصل
©؛°¨غرامي مجتهد¨°؛©
 
الافتراضي رد: رواية خبروه اني على وصله حييت /بقلمي


روايتس روووعة

بس حبيت استفسر هدى حمود مطلقهاولا

وعهود ليش ماهيب عايشة عنداهلهاوتروح وتجي مع هدى

شكل روايتك رهيبة بس امانة لاتعلقينافيها وتسحبين علينا

اختك صمت والم

رواية خبروه اني على وصله حييت /بقلمي

الوسوم
بقلمي , خبروه , حديث , رواية , وشله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 32653 اليوم 06:38 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 02:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1