قلاده حب ©؛°¨غرامي جديد¨°؛©

: شوفوا هالقصه
صج دعوة المظلوم مستجاب: وحده تقول
بخصوص اللي دايم نسمعهم يقولون تدعى ويستجاب دعائها---هاذي قصه من الواقع القريب مني شخصيا:

عمتى كانت توها طالعه من النفاس من قبل 7 سنوات ويجي زوجها ويقول لها بسافر انا وانتي وولدها سوريا نحضر عرس واحد من الربع وراحت معاه واستأجروا شقه فوق شقه اهل العروس وزوجها يطلع ويستانس وهي بالشقه قاعده قبل العرس بيوم طلعوا اهل العروس شقتها وقالو لها نبي نسوي تنظيمات العروس عندك بالشقه شقتنا زحمه وهي قالت مو مشكله وقعدن بصالتها ملبسين العروس بس فوطه ويشيلون لها شيره وعمتي عيونها على العروس  تقول بنوته صغيره وبيضاء...
تقول انا يالمره ما قدرت انزل عيني عنها وشلون الرجال وقعدت ادعىً يارب زوجي ما يشوفها ويتزوج على كانت خايفه ان زوجها يرجع ويشوف هالجمال وياخذ وحده سوريه .. المهم جلسن بس يغنون ويجهزون عروسهم وعمتى بغرفتها تدعى ان زوجها مايجي لين يخلصون
طقوا عليها الباب وقالوا نبيها تتسبح بحمام غرفتك لان الحمام اللي برا الماء بارد ودخلتها وتمت بغرفتها تدعى يارب ما يشوفها يارب ما يشوفها وفعلاً خلصت حمامها وطلعوا من شقتها .. اللي حصل بعدها زوجها رجع من مشواره ونام وقال لها صحيني بكرا بدري عشان العرس بكرا ولازم اوقف مع صديقي واهل العروس اذا يحتاجون شي بها اليوم
نام زوجها ونامت
الصبح قامت وقالت اقوم زوجي عشان العرس وحاولت تقومه من النوم ما قام تحاول وتحاول ابد الرجال مو حولها شافت النفس ولا مقطوع نفسه وقعدت تصارخ طلع زوجها متوفى الله يرحمه
وعلى صراخهاا طلعو اهل العروس لها يشوفون وش العلم فتحت لهم الباب وقالت لهم ولا تشوف العروس تركض لغرفه نومها وتصيح مع عمتى استغربت عمتى وقالت انا ابكي زوجي متوفي انتى شتبين تنوحين وكان الجواب اللي حطمها هذا كان بيصير زوجي اليوم .. اليوم دخلتنا على بعض  سبحان الله من دعائها الله اخذ امانته قبل لا يشوفها ولا يتزوجها طلعت العروس له مهب لرفيقه مثل ما قال 
وتوفي قبل لا يحرق قلب عميمتى وعلى فكره رجعت عمتى بنفس اليوم ولا اخذت فيه عزا وما تحسفت على دعائها خانها وحب يحرق دمها بالغربه وهى ما حولها احد 

اتقوا عاقبة دعوه من مظلوم على ظالم
بقصد او بغير قصد


خُزآمى ©؛°¨غرامي ماسي ¨°؛©

يآ الله

الله يهدي الجميع للخير


تحيآتي


مدمن كتابة ©؛°¨غرامي مشارك¨°؛©

الصراحه قواة عين تجي بيتها وتجهز سبحان الله اعطاها على قد نيتها من افعالها تدل ان الرجال ما يستاهلها
شكرا على القصه

princess2014 ©؛°¨غرامي فضي¨°؛©

أكيد دعوة المظلوم مستجابه

اللهم لاتجعلني ظالمه لأحد

قصه جميله

يعطيك العافيه


فطيمآه ©؛°¨غرامي نشيط¨°؛©

يآرب لاتخليني أظلم أحد

القصه أثرت فيني

يعطيك العآفيه

قلاده حب ©؛°¨غرامي جديد¨°؛©

منورين حبايبي

خلود..* ©؛°¨غرامي فعال ¨°؛©

بجد قصه معبره


استغفر الله

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1