غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 191
قديم(ـة) 26-11-2015, 01:21 PM
ashwa8ee ashwa8ee غير متصل
©؛°¨غرامي مشارك¨°؛©
 
الافتراضي رد: حبيتك وما دريت اني بحبي جريح/بقلمي


هلا حبايبي سامحوني ادري تاخرت عليكم كثيرررر مضغوطة كثيرررر بالاختبارات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 192
قديم(ـة) 27-11-2015, 07:28 AM
صورة olli الرمزية
olli olli غير متصل
©؛°¨غرامي فعال ¨°؛©
 
الافتراضي رد: حبيتك وما دريت اني بحبي جريح/بقلمي


أوك ما في مشكلة ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 193
قديم(ـة) 30-11-2015, 08:14 AM
ashwa8ee ashwa8ee غير متصل
©؛°¨غرامي مشارك¨°؛©
 
الافتراضي رد: حبيتك وما دريت اني بحبي جريح/بقلمي


صباح الخير حبايبي كيفكم؟؟
.
.
.
سامحوني على تاخير البارت
.
.
.
مضغووطة حييييل هالفترة عشان الاختبارات
.
.
.
بداية الجزأ الرابع والعشرييين
.
.
.

فزت من النوم مصدومة شافته واقف عند باب الغرفة وساند نفسه عليه ويطالعه بكل حقد وسخرية لمت الشرشف عليها بسرعة وطالعته بحيا قرب منها وهو يبتسم واستحت من نظراته جلس على السرير وصار وجهه ملاصق لوجهها وانفاسه الحارة تحرق ويهها نزلت راسها بحيا وهي مصدومة من قربه ويش صار فيه امس ثاير عليها واليوم حنون ويقرب منها

قال بهمس:طالعيني

ابتسمت بحيا ورفعت راسها وحطت عيونها بعيونه مد ايده ورجع شعرها لورا ورجفت من لمسته اول مرة تستحي من قربه..ومسرع ما قلب ابتسامتها لالم
صرخت من مسكته لشعرها من ورا وشده لها صار ويهه ملاصق خدها وراسها مرفوع لفوق من شدها لشعرها

قال بحقد:وتعرفي تستحين بعد؟لا يكون على بالك ميت عليك وخقيت وجايك ابي قربك؟ ما اكون رجااااال لو لمست او سمحت لنفسي اني اقرب وحدة حثالة مثلك..ياما كلمتك بالطيب وقلت لك ابعدي عن حياتي بس لا..انت مصرة..واصرارك هذا راح يكون سبب دمارك

دزها بقوة و وقف صرخ:انطقي لا اخلص عليك اللحين

طالعته برهبة وخوف..هي تخاف من تركي..وتوقعت منه يعصب بس ما هالكثر..كان ودها امس تشرح له ليش سوت كذا..وتقوله هي شكثر تحبه وتبي تبني حياتها معاه من اول وجديد بس لا..شكله ما هو راضي ولا راح يتقبل وجودها في حياته

قرب اكثر وقال بهمس مرعب:انطقي لا اسوي فيك شي ما يعجبك

قالت بخوف:ويش اقول

صفق وقال:لا والله ممثلة بارعة اهنيك على هالدور اللي تلعبينه

رفع صبع في وجهها:ما عرفتيني عدل يا مروج والله لاطلع سالفةالاغتصاب من عينك والشقة اللي كنت فيها والله لاجيب صاحبها لعند رجول اخوك المحترم واخليه يبكي بدل الدموع دم ويعترف باللي سواه فيك يا حقيرة انت وهو ولا ما اكون تركي هين عبالك انتقمتي مني؟ لسة ما شفتي الانتقام على اصوله يا بنت ابوك

طلع وصفق الباب بقوة وراه حس بقهر وقرف من وجوده معاها..طلع من الشقة بسرعة وهو يسكر الباب وراه بالمفتاح ويدخله في جيبه..ركب سيارته وحركها بسرعة رفع تلفونه اللي رن وتنهد شو يقول لها اللحين حس بالشفقة عليها اكثر وحدة مخدوعة هي

حاول يكون طبيعي:هلا بقلبي

هند والنوم فيها:هلا حبيبي وين رحت؟ صحيت وما لقيتك

تركي:كان عندي شغل ضروري اضطريت اطلع

هند:ايه طيب عمري وين بتروح اللحين؟

تركي:بمر شوي ابوي وبرد لك طيب؟

هند بحب:الله يحفظك يا قلبي طمني عليك

تركي:طيب يا عمري يالله ردي نامي

سكر من عندها وهو يحس الغضب يسعر فيه سعر..ضرب الدركسون باقوى ما عنده وصرخ باعلى صوته كارهها وحاقدها دمرت حياته مرة واللحين بتدمرها مرة ثانية والله لتموت هند لو عرفت حس دمعته تنزل غصب عنه رفع راسها ودعا من قلبه ان ربه يلهمه الصبر

........................

صحى من النوم وهو معزم على اللي بيسويه اليوم..دخل الحمام واخذ شاور ولبس تي شيرت وبنطلون جينز مشط شعره ورش من عطره المفضل وطلع من البيت حرك سيارته وفي باله وجهة وحدة وبس..وصل في نص ساعة صفط سيارته ونزل مشى للبيت بكل ثقة وهيبة..دق جرس البيت ثواني الا والشغالة فاتحه له الباب دخلته للمجلس وقالت له ينتظر

نزل راسه وجلس يقلب في عقله الكلام اللي راح يقوله وكيف يقنعها..شوي ودخل عليه المجلس رفع راسه وابتسم وضاقت ابتسامته

ضحك وقرب منه يسلم عليه:هههههه وشفيك قلبت كذا

وقف وسلم عليه وهو يبتسم:ابد والله ما توقعت انت تدخل علي

ضحك وغمز له:شكلك كنت متوقع حبيبة القلب

دق قلبه من طاريها ما درى ان هي تستحوذ جزء منه لو مو كله بس من يوم تركته وهو يحس بشوق ما هو طبيعي لها ولا قادر يفسره

قال باستفسار:هي نايمة؟

هز راسه:ايه

قال بسرعة:لا تصحونها عيل اجيها وقت ثاني

مسكه من كتوفه وجلسه:افا ويش هالكلام تيجي لما هنا واخرتها تروح كذا بلا ضيافة ولا شي

خالد:يا ولد الحلال واصل كله واصل بس لا تصحونها

مصعب بضحكة:ههههه شكله الشوق واصل حده ولا ما جيتنا اللحين وهالوقت

خالد بدون وعي:ليش الساعة كم اللحين

مصعب:معقول ما شفت الساعة..يا اخوي 8 ونص

حك راسه:اسمح لي متعود اروح الدوام هالوقت لا

مصعب:ههههههههه مسموح يا اخوي مسموع

خالد:الا انت متى جيت؟

مصعب:امس المسى واصل

خالد:اها واجازتك مطولة؟

هز راسه وهو يبستم له قام وتوجه للباب:وين رايح؟

مصعب:اعرف الفواد وين هههه ماهو عندي عشان كذا قايم اناديها لك

ابتسم له:ما تقصر

غاب عنه مدة نص ساعة ورجع وهو يحك راسه قال بحيا منه:اسمح لي خالد ميرا تقول تعبانة وما تقدر تنزل لك

خالد بخيبة امل:ما عليه اجيها لما تكون بخير

قام خالد وتعدى مصعب اللي طلع وراه يودعه..لفوا اثنينهم لجهة البيت لما سمعوا صراخ..طالع مصعب خالد وخالد نفس الشي وركضوا اثنينهم للبيت.بس خالد وقف برع عند الباب ومصعب دخل

وقف مصدوم تقدم بسرعة وبخفة سحبها من ايد ابوه قال وهو مقهور:ليش يبه

ابومصعب:اوص ولا تتكلم..زوجها يجيها لما هنا وحضرتها ترفض تطلع له

صرخت بعبرة:ما ابيه ما ابيه ولا يبيني ليش تغصبونا على بعض ليش

تقرب منها وبسرعة دزها مصعب وقال:روحي برع لخالد بسرعة

وقفت ميرا محتارة بين مصعب وخالد ما تبي تطلع له وتلجا له ويشوفها على هالحال كفاية الذل اللي لقته منه

ابومصعب بصرخة:مستقوي اشوفك يا ولد امك

مصعب:يبه اسمح لي طفح الكيل..خلاص يبه تعبت انا اشوفك كل يوم والثاني يا ماد ايدك على امي يا ميرا شفيك يبه

ابومصعب:اوص ولا كلمة..هالحريم يبيلهم تربيه والتربية ما تيجي الا بالقوة بكرة لا تزوجت تفهم
قال لامه:روحي فوق بسرعة يمه

هزت راسها وهي تمسح دموعها وراحت لغرفتها..شاف ميرا اللي واقفة بالنص وتبكي وتطالعهم تقرب لها ابوها وحاول مصعب يوصل لها قبله بس ما قدر رفع ايده يبي يصفعها

بس وقفته ايد خالد قال بهيبة مخلوطة باحترام:اسمح لي عمي ايدك ما تنمد على زوجتي وانا حي

نزل ايده بسرعة وبلعثمة قال:ها..انا بس كنت اعلمها السنع

مسك ايد ميرا وبحركة سريعة لفها ور ظهره وقال:يا عم السنع ما يتعلم بمد الايد..في شي اسمه تفاهم احترام

ابومصعب بحدة:شل مرتك وتوكل لبيتك يا خالد ولا تعلمني الاصول

هز راسه وهو يبتسم بامتنان لمصعب اللي كل يوم والثاني يثبت له انه رجل بمعنى الكلمة لف عليها ومسك ايديها وهو يطالع عيونها اللي مليانة دموع

قال بابتسامة وحنان:روحي جيبي اغراضك بنروح البيت

ما ودها تروح بس تعرف انها لو جلست هنا مصيرها ما راح يكون زين هزت راسها بصمت وركبت فوق تلم اغراضها

..........................

دخل عليهم المكتب وهم جالسين طالع ابوه اللي كان يتكلم بعمق

ابوخالد:خير يا تركي ويش في

تركي وهو يطالع الكل:معليش ابيك ضروري

ابوخالد:يا ابوك انتظر اخلص الاجتماع وبعدها قول اللي تبيه

تركي بحدة:قلت ضروري يبه لمرة وحدة سوي شي اطلبه

ابوخالد طالعه ومن ثم طالع البقية اشر براسه لهم قاموا ولموا اوراقهم وطلعوا من المكتب اول ما تسكر الباب

قال بحدة:ويش هالشي الضروري يا تركي اللي خلاك تقطع اجتماعي كذا

قرب منه وقال بعبره:يبه ابي افهم لمتى انت بتتلاعب بحياتنا مثل ما تبي؟ قول لي فهمني؟

عرف ان هالسالفة ما راح تعدي بخير:قلت لهند

تركي بسخرية:ايه قلت لها وتصدق مرة مستانسة وتقول جيبيها البيت عندي

طالعه وقال بحدة:ولد تكلم بادب

تنهد وقال:استغفر الله..اسمعني انا ما اقدر اعيش معاها تفهم او لا؟ ما اقدر ومستحيل اخرب بيتي و زواجي من هند عشان خاطرها هذي

وقف وقال:طالع حواليك..عادي عندك كل هذا يروح مننا بسببها؟ قول لي؟ بيتك؟ سيارتك؟ راتبك؟ كله يروح عادي؟

قال وهو شوي وينفجر:من قالك يهمني؟ من؟ انا تهمني راحتي لو انت ما تهمك انا ماني مرتاح يبه من امس ولا ذقت طعم النوم والله اني لاكشف السالفة واللي فيها فيها

ابوخالد بحدة:شوف لا تسوي شي تجنني عليه..لا تخبر هند..وسفرها عيشها برع سوي فيها اللي تبيه بس لا تطلقها لان اخوها متوعد

خلاص بينفجر:ما يهمني حد انا مستحيل اخدع هند واعيشها في كذبة والكل يدري مصيرها بتدري سواء اليوم او بكرة انا بكشف السالفة وهذا اخر ما عندي

طلع من المكتب ومتجاهل نداء ابوه له..جلس ابو خالد على الكرسي وهو يحس انه خلاص بيموت وبسبة عياله..كل ما يحاول يتركهم في حالهم يصير شي يغصبه يتدخل غمض عيونه وتنهد سامحني يا تركي سامحيني يا هند غصب عني

..................

وقف عند طرف الدرج وهو يشوفها تتسحب كعادتها كل يوم..كشفها ويعرف هي وين تروح بس سكت وتركها يبي يشوف وين بتوصل له

نزلت من الدرج وقال:على وين؟

لفت عليه بخوف:ها بطلع شوي

قرب منها وقال:بتروحين لناصر مو

نزلت راسها:ايه

ابوفيصل:وكذا تقوليها لي؟

رفعت راسها وقالت:يبه ناصر زوجي ليش ما تتقبل هالشي؟

قال بحدة:ماني متقبله لانك جيتيني باكية وترجيني اسامحك واردك لبيتي مو؟ ويش اللي تغير اللحين؟

سارة بياس:ناصر تغير وكل شي فيه تغير يا يبه ويبي يصلح حياته وانا من واجبي اوقف جمبه مو ضده يا يبه مو محتاجني اللحين اكثر من اول

ابوفيصل بحدة:محتاجك منك ايش قولي؟ مو يكفي رماك رمية الكلاب وفضل المخدرات عليك انت وعيالك؟

سارة برجا:يبه تكفى يبه..اسمعني هالمرة بس اسمعني يا يبه وافهمني..انا ما اقدر يبه اتطلق من ناصر انا بس قلت لك هالكلام لاني كنت معصبة منه ذاك الوقت وابي انتقم منه بس اللحين يا يبه لا ما اقدر ابعد عنه ولا ابعد عنه عيالنا

ابوفيصل جلس على الكرسي حاس فيها وفي كل كلمة تقولها بس هذي ضناه كيف يرميها له مرة ثانية ويتركها تتضرر بس اذا هذا قرارها ما يقدر يوقف في وجهها مرة ثانية وان صار لها شي لا تجييه

صد عنها وقال بالم:روحي بس تاكدي ان صار لك شي مرة ثانية لا تيجيني تطلبي مني الفزعة لاني وقتها راح اردك

بكت

تالمت

ثاني مرة اللحين يصير فيها هالشي..مشت للباب وهي بين كل خطوة تسرق نظرة..تبيه يقول اللي يريح لها بالها وقلبها وصلت للباب مسكت المقبض ولفته سمعته يقول بلهفة

ابوفيصل:سارة

لفت له ودمعتها نزلت على خدها:لبيه

ابوفيصل:روحي وقلبي راضي عليك

حست الدنيا ردت تنفتح لها من جديد ركضت وارتمت بحضنه حبت راسه وايده وشكرته من قلبها

وقفها ومسح دموعها وقال:لا تخليه يشوفك مكسورة عشان ما يكسرك كوني قوية يا بوك
هزت راسها وطلعت للمستشفى

................

شهر ولك غايب والكل فاقدك

لون عيونك ذبل؟ بهت؟ يا ترى تغير؟

سندت راسها على الجدار بتعب..طالعت حولها الكل حفظهم في المستشفى..صار الكل يمشي ويسلم ويسال عن حال اخوها قام مات صحى او لا في امل ولا الامل مات

طالعت امها الي في زاوية فارشة سجادة وتدعي فيها وتبكي بحرقة طالعت سالم اللي ما فارقهم ابد ولا لحظة طالعت سمية وعبدالله اللي انفجعوا بصباحية زواجهم بخبر حادث ناصر
ولا حد فيكم تهنى فشي

طالعت اخر الممر شافت الدكتور يمشي لجهتهم بكلل..هذا هو دكتور ناصر..ما تغير..ولا تغير شي بحالة ناصر..كل يوم يجي يقولهم نفس الجملة وكانه يقول لهم خلاص لا تحطون امل

وصل عندهم وسلم وكالعادة سال عن امي..دخل غرفة ناصر وسكر الباب ورا..رفعت ساعتي هذي حالتي احسب كم وقت له من يدخل عنده لو طول معناه في شي جديد لو لا معناه نفس الحالة

مرت دقيقة

اثنين

ثلاث

اربع

خمس

ست

عشرة

ولا طلع

طالعت ساعتي مرة دقيقتين ويطلع

مرت دقيقة

واثنين

واربع

وست

و ثمان

ومروا غيرهم عشر دقايق ولا طلع

وقف قلبي

وقفت قربت من الغرفة طالعت عبدالله باستفسار

قرب مني:خير

عبير:الدكتور طول

عقد حواجبه قلت ابرر:بالعادة عشر دقايق بس يجلس عند ناصر اليوم نص ساعة وما طلع
عبدالله توتر وبان عليه وقفنا عند الباب نحسب..مرت نص ساعة ثانية وطلع من الغرفة كلنا قربنا منه بامل ولو رفيع نبيه يقول لنا شي شفنا وجهه ملامحه ما تتفسر

عبدالله بقلة صبر:قول شفيه شصاير؟

الدكتور:ناصر.........................


كتتتتت

نهاية الجزأ الرابع والعشرين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 194
قديم(ـة) 30-11-2015, 08:14 AM
ashwa8ee ashwa8ee غير متصل
©؛°¨غرامي مشارك¨°؛©
 
الافتراضي رد: حبيتك وما دريت اني بحبي جريح/بقلمي


ادري البارت قصير وايد سامحوني هذا اللي قدرت عليه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 195
قديم(ـة) 04-12-2015, 11:34 PM
صورة olli الرمزية
olli olli غير متصل
©؛°¨غرامي فعال ¨°؛©
 
الافتراضي رد: حبيتك وما دريت اني بحبي جريح/بقلمي


جمميل البارت وحماس
دايما قفلات البارت على المقطع الحماس >< هههههههههههه

أتوقع ناصر بدأ حواسه تستجيب أو صحى من الغيبوبة ويمكن فقد الذاكرة

خالد وميرا حايتهم جدا راح تكون مقلوبة فوق وتحت بسبب عناد ميرا وخالد أتوقع راح يبدأ حياة جديدة معاها

تركي وهند ومروج : أتوقع تركي ما راح يقدر يبلغ هند باللي سواه وإن شاءالله تركي يتكلم مع هند قبل مروج تفتح
فمها ويفهمها الموضوع و الدور والباقي على هند
والبقية مالهم توقعات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 196
قديم(ـة) 09-01-2016, 12:02 PM
صورة olli الرمزية
olli olli غير متصل
©؛°¨غرامي فعال ¨°؛©
 
الافتراضي رد: حبيتك وما دريت اني بحبي جريح/بقلمي


فينك؟! سلامتك ليه الغياب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 197
قديم(ـة) 29-03-2016, 02:55 PM
صورة احاسيس دافئة الرمزية
احاسيس دافئة احاسيس دافئة غير متصل
©؛°¨غرامي مشارك¨°؛©
 
الافتراضي رد: حبيتك وما دريت اني بحبي جريح/بقلمي



السـلآم عليكم ورحمة الله وبركاته

رواية قمـة في الــروعــه

آبدعت في طرحكـ


الرد باقتباس
إضافة رد

حبيتك وما دريت اني بحبي جريح/بقلمي

الوسوم
بدبي , حبيبك , يرحب , يريد
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حبيتك إحســـاس عــاشـق ديوانية الاعضاء - متنفس للجميع 2005 01-04-2011 08:28 AM
انا يوم حبيتك جزائريــه كيــــــوت منقولات أدبية 8 23-12-2010 07:00 PM
كلما احزنك زوجك اذهبي الى حبيبك M!Ss Mimee ارشيف غرام 1 01-03-2008 02:21 PM
كلما أحزنك زوجك.... اذهبي إلى حبيبك!!! ميره الدلوعه الحياة الزوجية - الحمل - مشاكل الزواج - خاص بالمتزوجين 12 26-07-2006 06:45 PM
حبيبي...انا حبيتك جد,, مـــــلاكـ الود خواطر - نثر - عذب الكلام 22 07-04-2005 09:25 PM

الساعة الآن +3: 09:49 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1