ساظل انتظرك ©؛°¨غرامي مشارك¨°؛©

بسم الله الرحمن الرحيم
ابدا اليوم اول رواية لي هنا
اتمنى انها تنال إعجابكم
من خيالي ..
وووو فيها غموض واشياء كثيييره
بس اتمنى منكم التفاعل

ساظل انتظرك ©؛°¨غرامي مشارك¨°؛©

البارت (1)
في بيت متواضع في الرياض
الساعة 6:30 ص
.....:السلام عليكم يمه
........:هلا مها تعالي افطري
مها باست راس أمها وجلست عالكرسي: يمه وين عز ؟
ام عزيز: توه طالع .. بغيتي منه شي ؟
مها : يووووه قال بيوديني اليوم
ام عزيز :م عليه روحي مع السواق
مها : ان شاء الله
شربت الحليب بسرعه وباست راس أمها وطلعت للمدرسة
خلوني أعرفكم على شخصيات هالبيت

ابو عزيز :متوفي من 16 سنة

ام عزيز : حنونه وحبوبه وتحن على مها اكثر لان ابو عزيز توفى وهي صغيره

مها :بطلت روايتنا الاولى.. عمرها 17 سنة .. قلييل عليها كلمه ملاك ما شاء الله شعرها لنص ضهرها لونه بني فاتح وناااعم عيونها عسليه وناعسه نحييفه مره
تحب تستهبل كثير .. بصف ثالث ثنوي .. وتموت على اخوها عزيز *تسميه عز

عزيز: عمره عشرين سنة .. اكبر مغازلجي بالخليج <<اهم شي الخليج
يحب اخته مها و م يقدر ع زعلها .. هو كب كل شغل البيت على راس خواله
حلمه يصير محامي
.....……………………………………………………………………
في بيت ثاني
........: عطيني الريموووت
.........: ريم انقلعيي انا أخذته اول
ريم:ريما قلت لك عطيينييي
ريما: يبه شفها انا أخذته اول
ابو خالد: انا عندي خبر حلو بس مانيب قايل شي لين تهدون
ريم : وشوو تكفى قل
ريما تعطي ريم الريموت :هاك مابيه
ريم ترميه : عاد انا اللي ميته عليه
......: سبحان من غير الأحوال
ريم : خويلد أكرمنا بسكوتك
خالد : يمه ترا اذا قمت على بنتك مارح يحصل خير
ام خالد : م عليك منها يا يمه .. ريم اعقلي
ريما : بتقولون ولا كيف
ابو خالد :طيب طيب بنقول.. بكره بنروح الشاليه مع عمتكم ام عزيز وعمتكم ام نواف
ريم : الله ونااااسسسهه !
ريما : هذا هو الخبر ؟
ام خالد : ايه موب عاجبك ؟
ريما : ثااااانكيووووو ددداااددييي
خالد : يبه نبي حنا شاليه لحالنا
ابوخالد : أبشر وانا ابوك كل شي جاهز

خلوني أعرفكم على أهل هالبيت

ابو خالد : اخو ام عزيز .. حنون على عال اخته بشكل مو طبيعي..
عمره 46 سنة و عنده شركات في جدة

ام خالد :ربت منزل بمعنى الكلمة .. تحب بناتها بجنووون ..عمرها 42 سنة..

ريم : تحب شي اسمه مقاالب .. ومشكلجيه .. عمرها 17 سنه .. توام ريما

ريما : بنت كيوووت ..جميله .. م تشبه توأمها ابد .. مو قصدي بالجمال اقصد بالطبع والتصرفات

خالد : عمره 21 .. حاله حال عزيز مغازلجي كبير .. صديق عزيز الروح بالروح ودايم معه .. يشتغل مع ابوه في الشركة
.....…………………………………………………………………
انتهى البارت
ادري البارت مافيه احداث بس تفاعلو معي وكذا

ساظل انتظرك ©؛°¨غرامي مشارك¨°؛©

[البارت (2)

في بيت ابو عزيز

مها:الله ونااااسسسهه مره متحمسه اشتقت لريوماتي
ام عزيز :ايه والله صدقتي من زمان م شفت اخوي
عزيز :بيجون عيال خالي ؟
مها :يا ثور هم اللي عازمينا
عزيز فطس ضحك وقال :عيال خالي ابو حمد يا بقره
مها: اووحح جبهتي ي هوه :(
ام عزيز :والله مدري يا وليدي تبي اسألهم ؟
عزيز : لا يمه انا الحين رايح لهم حمد يقول ابيك بشغله
مها :ععععززز تتكففىى خذني معك بشوف لما
عزيز :اقلقتيني انتي وهاللما .. طيب بس بشرط
مها : تدلل
عزيز : لا بعدين بقول لك.. بسرعه اجهزي
مها :اوووكك
وراحت فوق تلبس وبعد خمس دقايق نزلت
ام عزيز :فمان الله
مها وعزيز :معالسلامه
في السياره
مها :ها ي فندم وشو شرطك
قال لها عزيز الشرط
مها :لاا ويييين مقدر عز
عزيز :اجل انزلي يالله
مها :ااافففف طيب بس انا بطلع من السالفه
عزيز :طيب

......…………………………………………………………
في بيت ثاني

.........: ييممااه
.........:من هاللي ينابح
..........: يمه ذي لما
لما :صرصوووووور.. حميدان تعال
حمد: حللمييي
لما:يمه شوفيه
ام حمد: يا يمه رح الطخه واخلص علينا
حمد: ان شاء الله
وقام يشوف هالصرصور اللي اذاهم يوم راح انفجر ضححكك
حمد :هههههههههههههههههههههه وش ذا
لما : اذبحه بسسرعااه
حمد : يا ثوره ذي كشتك اللي كل شوي طايحه
لما :امماا كنها صرصور
.......: وش هالازعاج
لما :هلا يبه
حمد جا بيقول السالفه ما درا الا والجرس يرن
ابو حمد :حمد يبه قم افتح
حمد :ان شاء الله
فتح الباب ولقى عزيز ومها
مها: سلاااامووووو
حمد:اعوذ بالله وش جابها ذي
مها :مو لك ولا لسواد عينك ودخلت
عزيز :هههههه امسحها بوجهي
حمد :ادخل حياك

دخلت مها الصاله وعزيز وحمد راحو المجلس

مها :هااااي
لما :ممههااااوويي جيتي بوقتك حدي طفشانه
مها :سلام خالتي سلام خالي
كلهم : وعليكم السلام
ابو حمد :هلا ببنيتي هلا
مها: هلا فيك خالي
ام حمد بحقد :وين أمك اجل هه ما ودها تجي
مها ببرود : لا .. تقول بتشوف اخوها بكره
ابو حمد :بكره ؟!
مها :اي خالي بكره بنروح الشاليه حنا وخالي ابو خالد
لما :يبه تكفى خلنا نروح
ابو حمد :والله يا بنتي اذا تبين نروح رحنا
لما : يييسسسس وأخيرا بشوف التوأم
مها تذكرت شرط عزيز:لما تعالي نطلع بالحوش الجو خورافي
لما :اوك يالله
طلعو البنات ودقت مها على عزيز وقالت له شي وسكَّرت
لما درت انه عزيز :من تكلمين ؟
مها :عزو
لما فرحت :اها
وجلسو بالكراسي
......……………………………………………
بالمجلس

عزيز: حمود بروح الحمام (الله يكرمكم)
حمد :تفضل
وطلع العزيز شوي ويدق عليه رقم
عزيز :آلو
.......: معنا عزيز عبد الله ال.....
عزيز :ايه نعم من معي ؟
الإسعاف :الاسعاف
عزيز :نعم !! خير وش صاير
الإسعاف :تعال بسرعه مستشفى ال ........
سكر عزيز السماعة وركض للسياره
مها شافته وقامت تضحك لانه سوى الخطه بشكل ثاني

انتهى البارت
توقعاتكم
وش سبب حقد ام حمد لام عزيز ؟
وش كانت خطه عزيز ومها ؟
الاسعاف ليه داقين على عزيز ؟

ادري البارت قصير بس أودعكم اذا شفت تفاعل بعوضكم

وردة الزيزفون
✿ إدارة الإقسام ✿

مساء الخير .. ياهلا فيك بغرام .. موفقة بطرحك .. عندي ملاحظات على الرواية البارت جدا قصير مافيه احداث تجذب حطي بارت في احداث تحمس القارئ

لاتعتمدي على الحوار استخدمي السرد والوصف لمكان الحدث وللشخصيات .. وابتعدي عن اللقاءت والصدف المحرمة لانها تنفر القارئ خصوصا ان ابطالك الرجال كلهم بسن صغير ماهم بسن زواج ومسؤليات لان اعمارهم ماهي ناضجة ولا يقدرون يتحملو مسؤلية زواج وتصرفاتهم واضح انها تصرفات مراهقين


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

وردة الزيزفون
✿ إدارة الإقسام ✿

مساء الخير .. ياهلا فيك بغرام .. موفقة بطرحك .. عندي ملاحظات على الرواية البارت جدا قصير مافيه احداث تجذب حطي بارت في احداث تحمس القارئ

لاتعتمدي على الحوار استخدمي السرد والوصف لمكان الحدث وللشخصيات .. وابتعدي عن اللقاءت والصدف المحرمة لانها تنفر القارئ خصوصا ان ابطالك الرجال كلهم بسن صغير ماهم بسن زواج ومسؤليات لان اعمارهم ماهي ناضجة ولا يقدرون يتحملو مسؤلية زواج وتصرفاتهم واضح انها تصرفات مراهقين


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1