غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 08-01-2015, 11:10 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
ام راكان:وايش تبيني اسوي فيه يعني
رنا بزعل:انتي اصلا انتي تحبين سعود اكثر مني
ام راكان:انا احبكم كلكم ولا احب احد اكثر من الثاني
سعود وهو يشوف ابوه ويغمز لامه:بس اكيد تحبين الوالد اكثر منا ههه صح يمه
ام راكان وهي تضرب راكان على كتفه:عيييب هالكلام انت ماتستحي ابدا
سعود وهو يمسك مكان الضربه:اي وشفيها ماقلنا شي صح يبه
ابو راكان وهو يطالع ام راكان:ايه صح
ام راكان حست بإحراج وقامت من عندهم
سعود بصراخ:احلا احلا الوالد طلع رومانسي
ابو راكان:وجعع سعوودووه لييش دايما تصارخ
سعود:ههههههه انتوا ماتفهمون بالمواهب
ابو راكان:وانت ماتعرف ان عندي موهبه
سعود بإهتمام:ايييش موهبتك يبه
ابو راكان:موهبتي اني لحين بقطع العقال على جسمك
راكان ماقدر يمسك نفسه وفطس من الضحك:هههههههههههههههههههههههههههههههههههههههههههه ههههههههههههههههههههههههههههههههههه
وسعود حط رجله وشرد
ابو راكان:وانت ياسيد راكان ليش كل هالضحك
راكان وهو يحاول يوقف ضحك بس ماقدر:هههه لان لان هههههه كنت ههههههه ا,, هههههههه لان ههههههههه ك ك ككننت هههههههه
ابو راكان بعصبيه:والله لو ما انقلعت من وجهي راح اقطع العقال عليك مو على سعود
راكان باس راس ابوه:اسف اسف يبه
وطلع
‏(عند سارة و نواف)
نواف اخذ شاور تكشخ ونزل
سارة بإستغراب:رايح مكان
نواف:لا ليش؟؟!!!..
سارة:غريبة متكشخ وبتقعد بالبيت
نواف:يعني ماتبيني اقعد معك.....اذا ماتبيني اقعد معك قولي ترى بقوم بكرامتي
سارة:مو قصة اني ماابغاك تقعد معي بس مجرد سؤال
وكملت بصوت واطي:صدق انك عصبي
نواف وهو عاقد حواجبه:وشو انا عصبي
سارة:هاا اممم لالا من قال
نواف بعصبيه:انتي
سارة:شفت انك عصبي وبسرعه تعصب بعد
نواف حاول يخفف من عصبيته شوي وابتسم:طيب والحين
سارة:اممم اي الحين مو معصب بس خلني اقول شي على طول بتعصب
نواف:طيب لا تقولين شي عشان مااعصب
سارة بتفكيير:اممم اوك
نواف:سارة ابغا اسألك سؤال انتي في مره من المرات حبيتي....او اعجبتي ب احد
سارة:اممم لا ولا مره بس(وسكتت)
نواف:بس ايش
سارة وهي ماتبي تقوله انها تحبه:هاا لالا ولاشي بس كنت ابغا اسألك انت قبل لا تتزوج كنت تحب
نواف بتفكيير:امممم قبل اتزوج امممم لا ماحبيت ولا مره
سارة بتردد:طيب......ممكن.....ابغا اسألك سؤال ثاني بس خايفه تعصب
نواف وهو يبتسم:لا قولي مارح اعصب
سارة:لا انت بتعصب اكيد
نواف وهو يحاول يمسك نفسه عشان مايعصب:لالا قولي و لا تخافين ماراح اعصب
سارة بخوف: الا انا ادري بتعصب
نواف بصراخ وعصبيه: لالالا ماراح اعصب قولي
سارة وهي ترتجف من الخوف:طيب طيب بقول
نواف وهو يحاول يخفف من عصبيته:آآآآآآه يلا تفضلي قولي
سارة:انت اول ماتزوجت نورة كنت تحبها او انتوا بالاصل تزوجتو عن حب
نواف وهو يحاول يتذكر:امممم على مااذكر اننا اول ماتزوجنا ماكنا نحب بعض واصلا ابوي جبرني اني اتزوجها وهي بعد ابوها جبرها علي وبعدين حاولنا نتأقلم مع بعض وشوي شوي حبينا بعض...(كمل بحزن)
اي سؤال ثاني
سارة لاحضت الحزن بعيونه:نواف انا طفشانه
نواف وابتسم بحزن:طيب يلا نطلع نتسوق شوي
سارة بتفكير:اوك بطلع البس عبايتي وبنزل
وطلعت ركض على الدرج
نواف وهو يتنهد(آآآآه ياسارة لي متى وراح اخبي عليك اني نسييت نوره من زمآآآآن وانتي ببرآئتك ونعومتك ورقتك نسيتيني شي اسمه نوره بس ايش اسوي مااقدر افرض حبي عليك يمكن انك ماتحبيني او يمكن حتى تكرهيني بس ماراح اقدر اتحمل اني اشوفك قدامي ولا اقدر اضمك ابدا ولا اقدر اتغزل فيك ولاشي آآآآآه ياسارة آآآآآه)
نزلت سارة وشافت نواف سرحان وتقول في نفسها(يااااربي حتى وهو سرحان شكله يخقق)
صحى من سرحانه وتلاقت
‏>

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 08-01-2015, 11:11 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
عيونهم وصار كل واحد يعبر لثاني عن شعوره ويقول له كل الكلام اللي مايقدر يقوله
نواف وعيونه معلقه بعيون سارة(لا اكيد بتعرف اني احبها بس بس عيونها تقولي انها تحبني....
بلا إستهبال‎ ‎يانواف اذا كانت تحبك بتقولك....
بس البنت اذا حبت شخص ماتقدر تقول له لان كرامتها ماتسمح لها....
لا وش دخل الكرامه بالحب الواحد اذا حب يبين من تصرفاته بس هي غامضه)
سارة وعيونها لازالت معلقه بعيونه(ياربي ماابيه يعرف اني احبه بس هو لحين بإيش يفكر)
سارة:نواف
نواف لساه سرحان
سارة بصراخ:نوااااااااااف
نواف حط ايده على اذنه:سارة ليش تصارخين ترى اسمعك
سارة وتتريق عليه:واضح
نواف بدأت علامات العصبيه تبين على وجهه
وسارة لاحضت انه عصب:امزح معك اشفيك عصبت
نواف بعصبيه:انا ماعصبت ويلا خلينا نطلع بسرعة قبل لا اعصب من جد
سارة:اوك
وطلعوا من البيت وركبوا السيارة
‏(في بيت ابو خالد)
وفي غرفة ريماس تحديدآ
كانت تمشي بغرفتها بتوتر وقلق
ريماس:اففف انا لحين كيف اقدر ابعد سارة عن نواف اه لقيت فكره وهالفكره بتحتاج لراكان بس كيف باخذ رقمه
امممم أكيد بيكون بجوال خالد بس كيف باخذ جوال خالد بدون مايعرف
ام خالد دخلت عند ريماس وسمعت كل الكلام
ام خالد بإبتسامه:روحي بسرعة لغرفة خالد لانه بالحمام
ريماس باست امها وراحت ركض بغرفة خالد
خالد كان بالحمام ويغني بصوته الحلو(مو بس احبه الا ميت في الحب وقلبي على قلبه بالفعل انا ذاايب فديت الحب مو بس احبه الا ميت في الحب وقلبي على قلبه بالفعل انا ذااايب فديت الحب سووا في قلبي مصيبه من صرت ااانا حبيبه ماشوف غيره وقلبي طاح
كلي حلاله بصراحه من شفته وااانا براحه هذا حبيبي ابيييه من قلب)
وبصوت عالي:احــبــك ريــمــه
ريماس:مالت عليك انت وريمه
واخذت جوال خالد ودورت بالاسماء ولقت رقم راكان وعلى طول سجلت الرقم بجوالها
كانت بتطلع بس
طلع خالد من الحمام وهو لاف المنشفه حول خصره
خالد بإستغراب:ريماس ايش تسوين بغرفتي وليش جوالي بإيدك
ريماس بتوتر وخوف:هــا امـمـم جوالي مافيه رصيد قلت بدق من جوالك
خالد بعدم تصديق:اهااا ومين اللي امس شحنت ب100اكيد مو امي امس السايق راح للبقاله واخذ بطاقة شحن ب100ولما سألته قال انك انتي رسلتيه عشان يشتري لك
ريماس خافت من خالد لانه يناظرها بنظرات شك:خلص الرصيد ايش اسوي يعني
خالد بإستهزاء:والــلــه اممم وممكن اعرف كيف خلصتيها
ريماس عرفت ان خالد ماراح يصدقها بسهوله لانه ذكي
ريماس بتفكير:اممم كنت اكلم ريمه
خالد خفق قلبه لما سمع اسم ريمه لكن ماصدق ريماس:بس.....
قاطعته ام خالد:اه انتوا هنا ابوكم يبغاكم
وطالعت ريماس بنظرات يعني هاا وش سويتي
بس ريماس ناظرتها وابتسمت
وام خالد عرفت ان ريماس نفذت المهمه بنجاح
‏(في غرفة ريمه)
ريمه من يوم صادفت خالد بالمستشفى مافارق بالها ولا لحظه
ريمه بقلبها(آآآآآه ليش مااقدر اشيله من بالي وليش دايما افكر فيه بس مااقدر انكر انه حلو ويخقق بعد..
لالالا ياريمه لو سمعك نواف بيحسب الله ماخلقك)
ام نواف لاحضت ان بنتها طول الوقت سرحانه
ام نواف:ريمه
ريمه بسرحان:آآآه اقصد.......هلا يمه
ام نواف بشك:اشفيك طول الوقت سرحانه لا يكون تحبين
ريمه بلعت ريقها بخوف:هااا هههههههه اي حب اي بطيخ انا سرحانه لاني افكر وين بنسافر بالإجازه
ام نواف:اها
ريمه:ابغا اروح باريس
ام نواف:قولي لابوك واذا وافق بنروح
ريمه باست امها:اوك
وراحت لعند ابوها
ريمه:يبه ممكن نروح لباريس بالإجازه
ابو نواف بإبتسامه:اكيد بنروح كم ريمه عندي وحده
ريمه:عندي طلب ثاني
ابو نواف:آمري
ريمه:مايآمر عليك عدو ابغا نواف وسارة يروحون معنا
ابو نواف:اعتبريه صار
‏>>>

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 08-01-2015, 11:12 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
(البارت السادس)
ريمه باست ابوها:الله يخليك لي ولا يحرمني منك
احمد دخل للصاله عند امها وهو زعلان
ام نواف بحنان:خير شصاير اشفيه حمودي زعلان
احمد وهو عافس وجهه:يمه هذا الاستاذ مايفهم شي ودايما يعصب علي وانا مااقدر اتحمل لما احد يعصب علي ف ضربته واشتكئ علي وطردوني من المدرسه
ام نواف:لا تزعل نفسك من بكره بترجع للمدرسه والاستاذ بخليهم يغيرونه ماعاش ولا كان اللي يرفع صوته على حمودي
احمد باس امه وقعد بحضنها:يسلمو ماما مره احبك
ام نواف:وانا اكثر ياعمري
وتبوسه بخده
ريمه حست بغيره مو طبيعية:يمه هو كبير وانتي لسا تدلعينه خلاص لازم يعرف انه كبر مو لازم يتدلع زياده
احمد:اصلا انتي تغارين مني
ريمه:وعلى ايش اغار منك يادلوع
احمد:ريومه والله لو ماتسكتين لحين راح تشوفين شي مايعجبك
ريمه بسخريه:ههههه وايش بتسوي
ابو نواف دخل وسمع احمد وريمه وهم يتخاصمون
دايما يتهاوشون مع بعض يعني مو اول مره
ابو نواف:انتوا ماتملون من الهواش
ريمه بدلع:هو اللي بدا وبعدين شوفه كيف يتدلع وقاعد بحضن امي
ابو نواف:يعني انتي زعلانه لان امك مقعده حمود بحضنها
ريمه تهز راسها ب ايه
ابو نواف:اجل تعالي واقعدي بحضني
ريمه راحت وقعدت بحضن ابوها
احمد:غيوووره
ريمه:كيفي
ابو نواف:خلاص بس
ريمه و احمد بنفس الوقت:هو هي
وطالعوا ببعضهم وقعدوا يضحكون
احمد قام من حضن امه ومد ايده لريمه:اصحاب
ريمه مسكت ايده:اصحاب
احمد:اجل يلا قومي معي نتمشى
ريمه:اوك
وطلعوا يتمشون
‏(عند سارة ونواف)‏
سارة كانت بالمطبخ تسوي حلى وكانت لابسه فستان مره قصير
نواف دخل للفيله
وسمع صوت بالمطبخ
و اول مادخل شاف سارة تزين الحلى وعاطيته ظهرها
نواف ضمها من ورا
وحط راسه على كتفها وهو لسا ضامها
سارة توترت من قربه:انت متى جيت
نواف وهو يشم رقبتها:لحين وبعدين تعالي انتي ايش تسوين بالمطبخ مو قلت لك انتي مافي تدخلين المطبخ ابدا واذا تبين شي شروتي موجوده
سارة:بس انا مليت من القعده واشتهيت حلى وحبيت انا اسويه بنفسي كيف شكله حلو صح
نواف ذااب من ريحته عطرها:ايه حلو بس هذي اخر مره تدخلين المطبخ اوك
سارة:اوك بس ممكن تبعد عني
نواف وهو يبوس رقبتها:لييش
سارة تذكرت اول ليلة لهم ولما قال لها قولي لي ان كل اللي صار كذب وبعدته عنها بعنف
نواف وهو عاقد حواجبه بعصبيه:ليش سويتي كذا
سارة:انا حره
وتركت الحلى وطلعت من المطبخ وهي معصبه
ونواف لحقها وهو معصب
ومسكها بقوه ولصقها بالجدار وقعد يبوسها بشفايفه بعنف
سارة وهي تحاول تبعده عنها:نواف ابعد عني
نواف بذوبان:ليييش ابعد انا احبك
سارة بعدم استيعاب:ايش
نواف:احبك
سارة:متآكد انا سارة مو نورة
نواف:ادري انك سارة وانا احبك
سارة حست بفرحه مو طبيعيه لان نواف يحبها
نواف وهو يضمها:وانتي
سارة:انا ايش
نواف:يعني ايش شعورك اتجاهي
سارة:احبك واموت فيك
نواف رجع يبوسها بشفايفها وسارة ضمته بقوه
وشالها وهو لساه يبوسها ويمشى على ورا
سارة بخوف:نواف انتبه بتضرب بنفسك بالجدار
نواف:لاتخافين حافظ الفيله مثل ماحافظ اسمي
ورجع يبوسها
وفتح باب الغرفة ورماها على السرير وارتمى بحضنها:آآآه سارونتي احبك
سارة وهي تبوسه:آآآه وانا اموت فيك حبيبي
وصار يبوسها بكل مكان
وسارة تفتح ازاري بلوزتها وهو شوي شوي ينزل فستانها
‏(احم احم اظن ان مالنا شغل فيهم صح نروح لبيت خالد)
ريماس دقت على راكان
راكان رد بسرعة وهو مسغرب:الو مين معي
ريماس بدلع:من اليوم ورايح انا شريكتك انا اللي بتخليك تحصل على سارة
راكان بإستهزاء:ههه وإنتي ايش مصلحتك بالموضوع
ريماس بحقد:مصلحتي اني بحصل ع نواف
راكان:طيب ايش خطتك
ريماس:اليوم الساعة8 بنتقابل بمطعم
راكان:اوك
‏>>

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 08-01-2015, 11:14 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
(الساعة8)
ريماس راحت تقابل راكان بالمطعم عشان يخططون مع بعض
ريماس وهي تتلفت حولها:وينه راكان ليش تآخر
وشالت الطرحه وحطتها على اكتفها والشباب يطالعونها وهي مبسوطه
راكان وصل و اول ما دخل شاف بنت قاعده لحالها وعرف انها هي شريكته
راكان صافحها:هلا اسف تأخرت عليك
ريماس انبهرت بجماله وتقول بقلبها(سارة مجنونه انا اكرهه هالزين كله بس مااقدر انكر ان نواف غير)
ريماس بدلع:لا عادي لا تأخرت ولا شي
راكان بجديه:كيف بنصير شريكين وانا مااعرف اسمك كيف اقدر اثق فيك وانا مااعرفك
ريماس:لا من ناحية الثقه تطمن واذا تبي تعرف كل شي عني انا حاظره انت اسأل وانا بجاوب
راكان:اممم اولآ ابغا اعرف اسمك....وثانيآ عمرك
ريماس:اولآ اسمي ريماس وثانيآ عمري19 وانا اخت خالد محمد ال..........
راكان بصدمه:يعني يعني انتي بنت عمي
ريماس بإبتسامه:يب
راكان بعصبيه:يلا غطي وجهك بسرعة
ريماس بدلع ماصخ:مالك شغل فيني انا حر
راكان بعصبيه:اقول بلا دلع ويلا غطي وجهك
ريماس غطت وجهها وبنرفزه:اففففف يعني مسوي فيها محترم مو كانك قبل شهر واسبوع خاطف زوجت ولد عمك
راكان بعصبيه:هي اللي اجبرتني اني اخطفها لان حبها لنواف يجرحني يحسسني اني ولا شي بهالدنيا
ريماس:هدي حالك يا ركوون وسارة هذي غبيه انت مليون بنت تتمناك
راكان:انا ماهمني المليون انا من المليون ابغا وحده وهي سارة
ريماس:المهم خلنا بموضوعنا لازم نخلي نواف يشك بسارة ويفكر انها تخونه اوك
راكان:اوك.......بس كيف
ريماس:ولازم نخلي سارة بعد تفكر ان نواف يخونها
راكان:بس فهميني كيف
ريماس:اولآ انا باخذ رقم سارة وبعطيه لك وانت اتصل فيها واذا قفل بوجهه وارسل لها رسائل حب اوك
راكان:اوك....بس كيف بتأخذين رقمها
ريماس بثقه ودلع:عيب عليك بس هالمهمه وكلتها لمامي لان ولا شي صعب عليها
راكان بصدمه:يعني عمتي مشتركه معك؟؟!!!!
ريماس:مو عمتك بس اللي مشتركه معي بهالسالفه حتى عمك بعد
راكان انصدم ان عمه وزوجة عمه يساعدون بنتهم ع انها تخرب بيت رجال متزوج‎
ريماس:هيه ركوون وين سرحت
راكان:هااا لا انا معك كملي وكيف بتخلين سارة تشك بنواف ياذكيه
ريماس:انت تعرف ان في شركة من شركات عمي مشتركين فيها عمي ابو نواف وابوك وبابا صح
راكان:صح بس.......
قاطعته ريماس:انت اسمع بالاول وبعدين احكم على كيفك..... اول شي ابوي بيصير يعطيه اشغال كثير تخليه يرجع اخر الليل وراح وسارة راح تشك فيه لان نواف بالعاده يرجع من الشركة العصر بس اذا رجع بالليل بتستغرب وتشك فيه وبرسل له رسائل حب ع اني حبيبته واني مشتاق له ومن هذا الكلام
راكان من كثر ماحب الفكره قام وصفق لها بإعجاب:والله انك داهيه يابنت العم
ريماس تغمز له:مو اكثر منك
راكان+ريماس:هههههههههههه
‏(اليوم الثاني)
سارة صحت من النوم وهي بحضن نواف خافت يصير نفس اللي صار ب اول ليلة لهم
سارة قامت من جمبه وراحت للحمام واخذت شاور منعش ولبست جينز ازرق وبلوزه سماوي وحطت كحل اسود وماحطت قلوس لان شفايفه لونها وردي ف مايحتاج تحط وطلعت من الحمام ومالقيت نواف مكانه استغربت ونزلت تشوفه وينه
نواف وهو قاعد على الطاوله:لييش تأخرتي كنت بموت من الجوع
سارة بخوف:بسم الله عليك من الموت وسيرته
نواف:تخافين علي
سارة:اكيييد
نواف وهو يحاول يحرجها:لييش
سارة بخجل:لاني احبك
نواف وهو يبوسها بخدودها:اموووت باللي يستحون انا
سارة بحيا:نوااف
نواف:عيونه
سارة كانت بتتكلم بس قطع عليهم سولفهم الخدامه
شروتي:بابا نواف ماما ام خالد يبغا انتا
نواف بستغراب:عمتي تبيني ووينه الحين
شروتي:بالهديقة
نواف:ليش مخليتها بالحديقة خليها تدخل لعندنا
شروتي:اوك بابا
ام خالد:السلام عليك
>>>>>>>>يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 08-01-2015, 11:15 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
ام خالد:السلام عليكم
نواف+سارة:وعليكم والسلام
نواف باس راس عمته:حياك تفضلي
نواف وهو يقعد:اخبارك واخبار خالد
ام خالد:خالد بخير وريماس تسلم عليك
نواف لاحض ان سارة تضايقت:الله يسلمها
ام خالد بمكر:ابغا اطلب منك طلب بس مستحيه يانواف
نواف:افاا عليك بس اذا بتطلبين عيوني بعطيك
ام خالد بقلبها(عندي مهمتين والمهمه الاولى شكلها سهله بس الثانيه صعبه كيف باخذ رقم سارة بدون علمها)
ام خالد:انا وعمك بهاليومين مسافرين وريماس ماتدري وين تقعد
نواف:وخالد وين راح
ام خالد:اسكت بس شكلك مادريت انه قبل شهر ضربها لين دخلت المستشفى
نواف بإستغرب:لييش يضربها اكيد في سبب خالد مايسوي شي الا وهو حاسب حسابه ان هالشي اللي راح يسويه موغلط
ام خالد وهي تكذب عليه:والله انها ماسوت شي وهو ضربها لدرجة انه اغمى عليها واخف هالمسكينه تقعد معه بنفس البيت واجي والاقيها ميته وانت عارف ان ريماس من بعدنوره صارت بنتي الوحيده فقدت وحده وماابغا افقدها الثانيه
‏(على فكره ام خالد تعمدت انها تذكر نوره عشان تقهر سارة)
سارة بضييق:عن اذنكم
نواف لاحض انها متضايقه:عن اذنك يا عمتي
ام خالد حست ان نواف يبي يارضي سارة:وين رايح خلك قاعد معي
نواف:بس شوي وبرجع ياعمه
ام خالد حقدت على سارة زياده
ام خالد بإبتسامه مزيفه:خذ راحتك ياولدي
نواف لحق سارة
سارة ابتسمت وحاولت ماتبيين له انها متضايقه
بس نواف ماصدقها:سارونتي اشفيك متضايقه
سارة بإبتسامه:لا مو متضايقه
نواف:سارونتي ادري انك تضايقتي من عمتي لما وصلت لي سلام من ريماس وكمان تضايقتي اكثر لما كانت عمتي تتكلم وذكرت نوره انا مايهمني لا ريماس ولا غيرها
ونورة الله يرحمها ماتت يعني مافي داعي تتضايقين من ذكراها اوك حبيبتي انا احبك انتي وبس وعمري ماحبيت احد غيرك ولا راح احب
سارة باست نواف بخده:حتى انا اموت فيك
وام خالد استغلت ان نواف موموجود واخذت جواله وشافت رقم مسجل عليه(حب عمري)وكتبت الرقمه برساله وارسلته لريماس
ونواف رجع عندها وشاف جواله بإيدها بس ماعلق وقعد
وام خالد رجعت الجوال مكانه وقالت:هاا وش قلت يانواف اسافر واعتمد عليك وبعدين ريماس زي اختك ولا
نواف على باله انهم مايدرون ان ريماس تبيه يحبها ولماعرف ان خالد ضربها قال اكيد من بعد ضرب خالد لها بتتغير:اكيد ريماس زي اختي وبسكنها بعيوني
ام خالد:والله يانواف انك ريحتني وشلت عني هم كبير
نواف:افا عليك بس ياعمتي
وسارة سمعت كل الحديث اللي دار بين نواف وعمته وانقهرت ان ريماس بتعيش عندهم لحد مايرجعون امها وابوها والله اعلم متى بيرجعون
نواف:ومتى بترجعون من السفر ياخالتي
ام خالد:يمكن 4او6شهور ليش تسأل
نواف يقول في نفسه(4او6شهور بتضل ريماس عندنا افففففف منها انا اكرهها ومااطيقها)
نواف:لا بس مجرد سؤال
رجعت ام خالد لبيتها
‏(نرجع لراكان وريماس)
ريماس وهي تبتسم بخبث:انا خلصت مهمتي والحين جاي الدور عليك
راكان بسرعه:يعني جبتي الرقم
ريماس وهو تعطيه الجوال حقها:مو مصدق شوف بنفسك
راكان سجل الرقم بجواله ومد لها جوالها:خذي جوالك يااحلى بنت عم
ريماس:ثانكس يالمزيون
راكان:بلا مجاملات
ريماس:لا مااجامل ولا شي هذا الواقع انت حلو
راكان:طيب اذا كنت حلو ليش سارة ماتحبني
ريماس:ياغبي لانها ماكانت تعرفك وعرفت نواف قبلك وماعرفتك الا لما خطفتها بذاك الوقت تكون الوحده خايفه ولا تخق على اللي خطفها
راكان:معك حق وعلى فكره ترى انا مو غبي فاهمه
ريماس وهي ترمش بدلع:فاهمه
عبدالله وتركي دخلوا المطعم وشافوا راكان قاعد مع بنت
تركي:ركون ماعرفتنا على المزه
راكان كان بيتكلم بس
عبدالله:هذي اخت خلوود
تركي ضل يطالعه
وريماس خقت عليه
‏>>>>>يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 08-01-2015, 11:17 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
تركي مد ايده لها وبإبتسامه جذابه:انا تركي
وريماس صافحته
وراكان ناظرها بنظرات عصبيه بس ريماس مطنشته
ريماس بدلع:وانا اسمي ريماس محمد ال......
تركي باس ايدها:تشرفنا
ريماس:الشرف لي
عبدالله يهمس لتركي بإذنه:شفت مو قلت لك انها سهله الله يخليك ياترووك خذ لي حقي من اخوها
تركي بنفس همس عبدالله
:باخذلك حقك وزياده
عبدالله وهو لسا يهمس:كفو هذي الصداقه ولا بلاش
راكان وهو يناظر ريماس:يلا احنا ماشيين
ريماس ناظرته بنظرات ترجي:لا خلينا شوي
ناظرها بعصبيه وبتهديد:اممم نخلينا شوي لالالا بعدين بيقلق عليك خالد واذا رجعتي متأخره بيسألك وين كنتي وايش بتقولين له كنتي معي بيحسب الله ماخلقك لان من يوم خطفت سارة ومااحد يكلمني غير سعود واحسه بس يكلمني لاني اخوه لانه متغير معي كثير ماعاد نمزح مع بعض ولا نضحك مع بعض حتى احيانا احسه يجاملني بس عادي مايهمني شي غير سارة
هاهاهاهاهاااي
ريماس بزعل:يعني افهم من كلامك انك تهددني
راكان بتفكير:لا مااهددك انا خايف عليك يابنت العم
ريماس:خلي خوفك على سارونتك وبس لان بتتعب كثير اذا تبغا تخاف علي اذا كان ‏mama‏ ماتهتم فيني تجي انت وتهتم فيني
راكان:وش هالعائلة الأم ماتهتم والأب مايدري عن عياله والاخ مايدري يلاقيها من فين ولا من فين من ابوه ولا امه ولا اخته بصراحه خالد مسكين
ريماس:الا سكين وانت الصادق اجل انا يضربني خالد ومااسوي شي مستحيل لازم انتقم منه
راكان فتح عيونه بصدمه:ب بتنتقمين من اخوك
ريماس:اشفيك مستغرب ايه بنتقم من اخوي
راكان:اجل قومي اوصلك البيت
ريماس:اوك
وهي طالعه ناظرت تركي
وتركي غمز لها
عبدالله:هيه انت وش فيك فشلتني عند الناس تطالع بالبنت كانك اول مره تشوف بنت
تركي:خف علينا بس........وبعدين تعال انا بس بالمطعم طالعت بالبنت لاني مستغرب بصراحه مع احترامي لك ولي بس اول مره بنت تعطينا وجه مو مثل اللي بالاسواق ولا حتى تعطيك نظره
عبدالله:معك حق بس هالبنت عطتك وجه لانها بنت مو كويسه واي ولد يكلمها تكلمه واي ولد يعطيها رقمه تدق عليه
تركي بمرح:كويسه ولا مو كويسه اهم شي نتسلى ههههههه
‏(ويغمز لعبود)مو صح كلامي
عبدالله:الا صح اصلا انت تقول شي ويطلع مو صح مستحيل واذا كان الموضوع فيه(********)اكيد بكون معك لان كلامك صح هههههههههه
‏(نروح شوي لسارة ونواف)
سارة:نواف ريمه دقت علي وقالت بعد شهر بيسافرون باريس ويبغونا نسافر معهم
نواف:اففف كيف بنسافر وهالعله بتكون عندنا
سارة:نواف عيب تقول عنها كذا مهما كان هذي بنت عمك
نواف وهو يبتسم:اكثر شي يعجبني فيك طيبتك لاني ماشفت مثلها بالعالم كله
لان مافي احد يخطي في حقه احد ويدافع عنه بهالطريقة
سارة:لان اهلي ربوني كذا لازم نسامح اللي يغلط علينا او يسبنا لان مافي احد مايغلط والا مايجي يوم ويعتذر فيه لانه غلط واذا مااعتذر عادي لان رب العالمين هو الي يحاسب الناس مو احنا عشان نسامح او لا
نواف:ويلوموني ليش حبيتك
ويبوسها بخدودها ويغني(وياك وياك انا غصبن عليك ماروح ماروح لو روحي تروح
قلبي ترى هوو من حديد بس مايفيد عند الحبيب كل ماشفته والله اذوب انا اذوب كل مالمحته انا اذوب فدوه الغمازه اللي بالخدود
اسم الله عليه حبيبي عين الحسود فيها عود)
سارة:الله صوتك مره حلو
نواف:يسلمو حبيبتي اذا تبين بغني لك كل يوم....الا ماقلتي لي وش بنسوي بهالعله.....
(وسكت فجأة)
سارة:ايه ابي بس اشفيك سكت
نواف:عندي فكره بقول لعمتي اني مااقدر اخلي ريماس تقعد عندي لان الوالد يبيني اسافر معه وهي تعرف ان الوالد لو قال كلمه مايعيدها
سارة بفرحه:واااو يعني بنروح
نواف:اكييد بس خليني اكلم عمتي
واخذ الجوال ودق ع عمته
>>>>>>>يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 08-01-2015, 11:19 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
‏(في بيت ابو خالد)
التلفون يرن
خالد:الو
نواف:اخبارك يارجال من زمان ماشفتك
خالد:انت الي طول الوقت مع زوجتك واحسها فشله اجي وزوجتك بالبيت وبعدين ماراح تقدر تاخذ راحتها بالبيت
نواف:افا عليك بس ترى لو ماجيت بزعل منك
خالد:بس..........
قاطعه نواف:لا بس ولا شي الا اذا تبي صداقتنا تنتهي عااد بكيفك
خالد:لالالا خلاص بجي كله ولا صداقتنا بس زوجتك بتمل اذا قعدت لحالها
نواف:لا ماراح تمل لان ريمه بتجي عندها اليوم
خالد قلبه يخفق بسرعة كل ماسمع اسم ريمه:آآآآآآه
نواف بستغراب:اشفيييك
خالد:هااا لا ولاشي...غريبه داق علينا لحين
نواف:وش هالذووق
خالد:اخلص علينا بس
نواف بنرفزه:عطني عمتي بس مالت عليك
خالد:لحظه
خالد التفت على امه:يمه نواف يبغاكي على التلفون
ام خالد بإستغراب:نواف ايش يبي فيني؟؟!!!
خالد بفرح:وانا شدراني اسأليه بنفسك
وعطاها السماعه وطلع غرفته بسرعة يبي ياخذ شاور ويتكشخ حتى لو مايقدر يشوف ريمه على الاقل هي تقدر تشوف بكامل اناقته
ام خالد:الو هلا عسى ماشر اشفيك داق صاير شي
نواف:لا بس حبيت اقولك اسف والله ياعمه بس مااقدر اخلي ريماس عندي لان الوالد يبيني اسافر معه وانتي تدرين اني مااقدر اقول له لا
ام خالد بنفسها(اها اجل كذا يانواف ههههه بس مستحيل اخلي خطتك تنجح وريماس بتقعد عندك يعني بتقعد)
نواف بستغراب لانه ماسمع رد من عمته:الو الو عمتي الو وين رحتي
ام خالد بمكر:ايه معك نرجع لموضوعنا......
عادي مافيها شي خلي ريماس تسافر معكم واذا ماتبيها تروح معك بخلي عمك يأجل شغله صحيح ان هالصفقه مهمه بس ايش اسوي ماابغاها تروح بيت عمك ابو راكان لان البيت كله شباب ماراح تاخذ راحتها
نواف:معك حق بس.......
قاطعته ام خالد:بجد فرحتني خلاص اليوم برسل ريماس مع السايق شكرآ يانواف الحين رحلتنا بنسافر بطيارتنا الخاصه باي
وسكرت بدون ماتسمع رد نواف
نواف:الوووو الووو عمتي عمتييي اففف سكرت
سارة بفرحه:ايش صار
نواف بخيبة امل:سارة ادري انك حابه تسافرين بس اكيد بتكرهين السفره اذا عرفتي مين بيروح معنا
سارة:مين؟؟؟!!!!!
نواف:ريماس
سارة حست انه مو بايده يسوي شي واكيد عمته ورا الموضوع وماحبت تزيدها عليه:حتى لو عادي مومهم اهم شي انت معي والباقي مالهم داعي
نواف كل يوم عن يوم يزيد حبه واعجابه بكلام سارة اللي دايما يكون صح
نواف ضمها:احبك احبك احبك احبك احبك احبك احبك
سارة:وانا بعد احبك احبك
ريمه وخالد وصلوا بنفس الوقت
ريمه تطالع خالد ولما ينتبه لها تنزل عيونها بالارض
خالد حس ان شكله غلط وهو واقف مع ريمه حتى اذا كانت متغطيه
ورن الجرس
شروتي فتحت الباب:تفدل بابا نواف ينتدر انتا في المجلس
خالد وهو يضحك:اوك
ودخل
ريمه في نفسها(الله حتى ضحكته تخقق مستحيل هالزين كله ماينحب اكيد عنده حبيبه)وحست بالحزن بمجرد انها فكرت ان خالد ممكن يكون عنده حبيبه ودخلت وسلمت على سارة
سارة:اخبارك يالقاطعه
ريمه:اهاا يعني صرت انا لحين القاطعه على اساس انك انتي كل يوم والثاني جايه عندي انتي حتى اتصال ماتتصلين على الاقل رساله او رنه او كول مي وانا بدق
‏(وفتحت عيونها على الاخر وكملت)لا يكون نواف مايشحن لك
سارة بثقه:مع اني مااتكلم بالجوال كثير بس رصيدي تقريبآ500
ريمه بصدمه:طيب ليه ماتدقين ياخاينه دايما انا اللي ادق واذا بغيت اجي امي تخاصمني وتقولي لا تروحين عندهم لساهم عرسان ويبون ينبسطوا مع بعض
سارة:معه حق خالتي
ريمه:وش ذي النذاله
سارة بشك:اذا امك مانعتك كيف قدرتي تجي
ريمه:الله يخلي لي نواف هو الي اقنعها ولا ماكنتي شفتي وجهي
سارة:فديته بعد قلبي
ريمه:وينك يانواف تجي تسمع هالكلام
سارة بخجل:انقلعي
‏>يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 08-01-2015, 11:21 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
‏(في الاستراحه)
محمد بخبث:ليش ماعاد تجيب لنا مزز ياتروك
تركي:انتظروني كم يوم وبضبط لكم مزه على كيف كيفكم
عبدالله بغمزله:و لا تنساني ياتروك اوك
تركي:افا عليك بس انا انسى نفسي ولا انساك انت صديق الطفوله
محمد:المهم قولوا لي متى بتجيبون المزه عشان اجهز العده
تركي:خلني اول اضبطها وبعدين يصير خير عبدالله تعال شوي ابغا اكلمك
عبدالله وهو يقوم:من عيوني
محمد:لا تتأخروا علي واذا تأخرتوا بتعشى بدونكم
عبدالله:عادي برجع البيت وبلاقي امي طابخه لي احسن اكل و لا وأكل سوري بعد يم يم
تركي:امشي بس تراني ميت جو
عبدالله:اوك
وطلعوا برا
تركي بخبث:انا عرفت كيف بجيب حقك من خالد
عبدالله بإهتمام:كيف
تركي بمكر:بنتقم منه عن طريق اخته بس انا بكون اسؤء منك وباخذ اخته مكان مايقدر خالد يلاقيني فيه و(********)ايش رايك
عبدالله بإعجاب:والله انك داهيه(وبغمزه)بس ماقلت لي من وين البنت اللي بتجيبها لنا
تركي:لا مو بنت وحده بجيب وحده لك وحده لي وحده لحمود يلا خلينا نرجع لحمود شكله بدا ياكل
عبدالله بضحكه:هههه هذا اذا ماخلص
ورجعوا ركض لعند محمد
محمد بسخريه:سنه تتكلمون ماتتعبون من الكلام حتى الببغاء يتعب وانت وعبود مستحيل تتعبون من الكلام الا ماقلتوا لي عن ايش تتكلمون وانتوا اغلب وقتكم مع بعض وانا المسكين ماتتذكروني الا اذا كنتوا بمصيبه او تبون مصلحه
تركي وهو يقعد ويطلع الاكل من الكيس:افاا عليك بس وانا اللي قبل شوي كنت اقول لعبود اني بجيب لكل واحد فينه مزه ماابغا وحده لنا كلنا
محمد:زين ماسويت
عبدالله:انا ابغا2
تركي+محمد:ياطماااع ليش تبي2وحده تكفيك
‏(نروح لبيت راكان)
ندى:اقول سعود
سعود:خيير
ندى:ابغا اطلع اتمشى او اروح بيت عمي ابو خالد
سعود بشك:وايش تبين بيت عمك ابو خالد على مااظن انك انتي وريماس مو صديقات صح
ندى:اشفيك ادري اني انا وريماس مو صديقات بس قلت بروح عندها لان ريمه عند سارة
سعود بإبتسامه:طيب ليش ما اوديك بيت عبدالله على مااظن انه عنده اخت صح ولا انا غلطان
ندى:ايه عنده اخت ومره طيوبه
سعود:بس طيوبه يعني مو حلوه
ندى:الا حلوه...وبعدين تعال انت وش دخلك اذا كانت حلوه او لا
لاتكون تبي تخطب وانا ماادري
سعود:لا بعدني صغير على الزواج وبعدين حتى لو فكرت لازم انتظر لما راكان يتزوج لانه الكبير بعدييين انا
ندى بصدمه:عمرك25وتقول بعدك صغير اجل متى بتتزوج لما يصير عمرك30
سعود:لا مو لما يصير عمري30لين يصير عمري27بتزوج ويلا روحي تجهزي وبلا هذره زايده
ندى:اوك
رنا:وين بتروحون وبتتركوني والله لعلم ابوي
ندى:والله سعود صادق يوم قال انك ام اللقافه ليش تحبين تحشرين نفسك بكل شي
رنا بعناد:كيفي وعلى فكره بروح معك
ندى:وانتي تعرفين وين عشان تقولي بروح
رنا:موشغلي بروح يعني بروح
ندى:امري لله يلا تجهزي
رنا بإيتسامه:اوك
‏(نروح لسارة ونواف)
بالمجلس
نواف:ابيك تسافر معنا باريس
خالد:متى بتسافرون
نواف:بعد شهر
خالد:اوك بحاول اخلص كل اشغالي وافضا لاحلى سفره
نواف:ونسيت اقول لك امك قبل لا تسافر هي وابوك وصتني على ريماس وطلبت مني اخليها عندي ولاني مسافر قالت لي خذها معي لانها خايفه عليها منك
خالد بصدمه:خايفه على اختي مني طيب ليييش!!!!!!!!
نواف:لانك ضربتها لين دخلت المستشفى....الا ماقلت لي انت ليش ضربتها
خالد:تخيل يانواف انك تشوف اختك ببيت ولد غريب ولا يقرب لها من اي ناحيه واقفه معه وكاشفه وجهها وماسكها من خصرها وش تبيني اسوي يانواف اصفق لها واقول براافو
نواف بصدمه:بس بس عمتي قالت لي انها ماسوت شي وحلفت لي بعد
خالد:يمكن ماتبي تدخلك بمشاكل العائله
ومر الوقت بسرعة
خالد:باي اشوفك بكره
نواف:باي
>>>>>>يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 08-01-2015, 11:23 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
‏(البارت السابع)
الساعه12
في بيت عبدالله
ندى:عن اذنك بدق على سعود ياخذني
رانيا بترجي:لا خليكي شوي
ندى:والله مااقدر
رانيا:اوك والمره الجايه انا راح اجي عندك
ندى بتفكيير:طيب تعالي عندي يوم الخميس
رانيا بفرح:اوك
ندى اخذت جوالها ودقت على سعود
سعود:هلا والله ب ندوش
ندى بإستغراب:ومن متى صار اسمي ندوش
سعود عصب:مالت عليك بس الشرهه مو عليك الشرهه على اللي يدلعك يلا اطلعي انتطرك برا
ندى:اوك
رانيا وهي تقوم معها لعند الباب:باي
ندى:بايات
ورجعت البيت
‏(عند سارة ونواف)
نواف راح للصاله ولقى سارة قاعده تتفرج على فيلم حزين وحاضنه المخده ودموعها تنزل
نواف قعد جمبها واخذ الريموت
سارة ودموعها في عيونها:لييش يصير كذا معهم والله حراام
نواف وهو يغير القناة ويحط على فيلم رعب:ايه هذي الآفلام ولا بلاش
سارة مسحت دموعها:انت ليش دايما لما اكون متابعه فيلم وبنهاية الفيلم تجي وتغير القناة
نواف:لان الآفلام اللي انتي تحبينها غير اللي انا احبها مثلا انتي تحبين الافلام الرومنسيه والحزينه وانا احب افلام الرعب والاكشن
سارة بعناد:افلامي احلى من افلامك
نواف:بدينا بالعناد مو لازم كلنا نحب نفس الشي الناس اذواق
سارة بنفس عنادها:اعرف ان الناس اذواق بس بصراحه اللي يحب افلام الرعب والاكشن ماعنده ذوق
نواف قرب منها وهو يمرر ايده على خدها:اهاا يعني انا ماعندي ذوق
سارة تتكلم بسرعه:لا انا ماقلت كذا انا قلت ان النـ.......
قاطعها نواف:انتي قلتي ان الناس اللي يحبون افلام الرعب والاكشن ماعندهم ذوق يعني ايش قصدك انا ماعندي ذوق
سارة تقوم من جمبه وبخجل:ومين قال انك ماعندك ذوق انت الذوق كله
نواف وهو يقوم:تعالي وين رايحه
سارة وهي تركض للدرج:بروح الحمام
نواف وهو يركض وراها:نصابه
‏(نروح شوي لعبود)
عبدالله:اشفيكم اكلتوني كذا
محمد:انا اللي بجيب(الحبوب)
تركي:بس جيب لنا نوع قوي مو مثل هذيك المره
عبدالله:ايه صح ابي المفعول قوي لاني باخذ2
تركي:انت لسا مصمم
عبدالله:ايه مصمم
تركي:ترى انا مالي شغل فيك بدفع عن مزتي ومزة حمود وانت ادفع للمزتين حقك
عبدالله بستخفاف:يعني كم يبون
تركي:تقريبا كل وحده منهم تبي12000الف
عبدالله بلامبالاه:عادي وش فيها بعطيهم(وكمل)الا ماقلت لي متى بتكلم ريماس
تركي:مادري
عبدالله:كلمها الساعه4بعد ماترجع من الاستراحه
تركي:لا مايمدي لان اول ماارجع البيت بحط راسي وبنام وبكلمها بكره بالليل لاني ماراح اجي لهنا بكره
عبدالله:ليش
تركي بنرفزه:كيف تبيني اكلمها وبنفس الوقت تبيني اجي وش شايفني عندك سوبر مان
عبدالله بتفكير:اممم طيب انا بجي عندك
تركي:اوك
وصلت ريماس لفيلة سارة و نواف
رن الجرس
سارة ونواف استغربوا ونزلوا يشوفون مين
نواف:شروتي مين اللي جانا لحين
شروتي كانت بتتكلم بس....
ريماس دخلت وبكل وقاحه وهي منزله الطرحه عن راسها وبحيا مصتنع:السلام عليكم
نواف لف وجهه وهو يقول لسارة:اذا احتجتوا اي شي كلمي شروتي انا بالغرفة
وسارة عشان تقهر ريماس باست نوف بخده:اوك حبيبي
ريماس طالعت سارة بنظرات كرهه:هيه انتي انا وين بنام
سارة بإبتسامه عكس البركان اللي بداخلها:جهزنا لك جناح خاص عشان تاخذين راحتك
ريماس بحقد:و وينه هالجناح
سارة بإستهزاء:شروتي خذي الانسه على الجناح اللي جهزتوه اليوم
شروتي:هادر ماما
سارة:شروتي وانتي راجعه جيبي لنا شوكولاته من المطبخ
شروتي:اوك ماما
‏(في بيت اهل سارة)
ناصر بعد ماتعب من كثر اللعب مع رولا ورامي:خلاص حبايبي بكره نلعب صار لازم تنامون
رامي+رولا:بابا بس نلعب شوي وبعدين ننام
سمر بأمر:لازم تنامون حبايبي
رولا+رامي:تيب ماما
وودهم لغرفتهم وراحوا لغرفتهم
‏>>>>يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 08-01-2015, 11:24 PM
نبض قلبيE نبض قلبيE غير متصل
©؛°¨غرامي جديد¨°؛©
 
الافتراضي رد: رواية جرحت قلبي ومادريت انك ساكن فيه/بقلمي


(جرحت قلبي ومادريت انك ساكن فيه)
ناصر قام من ع السرير
سمر:اشفيك
ناصر وهو يتأفف:طفش بطلع الصاله بتفرج ع فيلم تجين معي
سمر:اوك
وطلعوا يتفرجون ع فيلم رعب وسمر ترتجف من الخوف
ناصر لاحظ انها خايفه:سموور اشفيك اذا خايفه بغير الفيلم
سمر بتصنع:لا انا مو خايفه بس الدنيا برد
ناصر بستغراب:برد طيب اذا كان في برد ايش معنى انتي اللي بس حاسه فيه
سمر وهي تحاول تطلع كذبه بس مالقت ولا كذبه قررت انها تعترف:ايه خايفه
ناصر بضحكه:هههه طيب اذا كنتي خايفه ليش ماقلتي من الاول كان غيرت القناة
سمر وهي لسا ترتجف وبعناد:لا لا تغير القناة خلي هالفيلم حلو
ناصر:براحتك
سمر من كثر الخوف نطت بحضن ناصر
ناصر:لهدرجه مندمجه مع الفيلم
سمر:لا مو قصة انيـ .....
قاطعها ناصر:لا تحاولين تخدعيني انا شافيك مع كل حرقه نطه او ضربه وانا المسكين اللي اكلها
سمر بدفاع:لااااا انا ماسويت كذا
ناصر:اقول بلا عناد ويلا ننام
سمر بعناد:روح نام لحالك
ناصر وهو قايم:بروح انام واتمنى لك سهره جميله
(وكمل)وهو ماشي بتجاه باب الغرفه:مع هذاك اللي بالزاويه
سمر طالعت بتجاه الزاويه ماكان في احد وبضحكه:هههه مافي احد
ناصر:عادي خليكي اللهم اني بلغت وانتي عاد بكيفك
ولف ظهره وكمل مشي بتجاه الغرفه وماحس الا سمر جت ركض وضمته
ناصر:اشفيك
سمر بهدوء:خايفه
ناصر حس انها من جد خايفه:لا حبيبتي لا تخافين والله كنت امزح معك و اوعدك اخر مره اتفرج على فيلم رعب اوك حبي
سمر بهمس:اوك
ناصر:ياااا ربي هالحرمه تبي تجننني
سمر بدلع:نصووور
ناصر:عيونه وقلبه وكله لك يا روح نصور
سمر ضمته زياده:فديت عيونك وقلبك وروحك انا
ناصر:يلا خلينا ننام وبكره نكمل غزل اوك لاني بمووووت من التعب
سمر بخوف:بسم الله عليك من الموت وطاريه واذا جبت طاري الموت إنسى انك كنت متزوج وحده اسمها سمـ ........
قاطعها ناصر ببوسه طــويــلــه
‏(نروح لسارة ونواف)
سارة وهي بحضن نواف:نواافي عطني الشوكولاته
نواف:حبيبتي خلاص وش تبين فيها بأخر الليل
سارة:نواافي بلييز
نواف:لا انا قلت مافي يعني مافي اوك وبكره كولي منها قد ماتبغي اوك حبي
سارة بزعل:اوك
نواف باس شفايفها بطريقه متقطعه يعني يبوسها ويرجع يبعد يرجع يبوسها يرجع يبعد
سارة:آآآآه نواافي خلاص
نواف ضمها:آآهه آهه احـ ـبـ ـك
سارة باسته بشفايفه بنعومه:آآهه آهه آآآآآه احـ ــبــ ــك
واعـ ـشـ ـقـ ـك
(بالجناح الخاص بريماس)
ريماس تكلم راكان:طيب ايش تبيني اسوي انت إبدا بالمهمه انا مهمتي بكره
راكان:لالالا ياقلبي بنبدا سوا مو تورطيني لحالي
ريماس:بورطك بإيش ياحبيبي اذا كان انا اللي مهمتي اخطر من مهمتك بكثير
راكان بعناد:لا مهمتك مو صعبه لانك عندهم ومستحيل يشكون فيكي اما انا الكل يعرف اني احب سارة واذا رسلت لها رساله او دقيت بيعرفون انو انا اللي دقيت
ريماس:وكيف بيعرفون يا ذكي واصلا بيقولون من وين جاب الرقم
راكان:لا غلطانه بيعرفون بسهوله لان سعود معي بنفس البيت ورقم سارة بجواله واقدر اخذه بسهوله
ريماس:اوووه نسيت ان سعود معك بالبيت واصلا ولا مره شفته تتخيل اني على بالي ان عمي عنده بس انت ورنا وندى ونسيت سعود
راكان وهو يتنهد:مثل ماهو ناسيني
ريماس:ماعلينا خلينا نكمل ترتيب الخطه
‏(اليوم الثاني)
سارة صحت ومالقت نواف جمبها بس شافت جواله:اكيد بالحمام
واخذت جواله وتلعب فيه وهي تنتظره يطلع من الحمام
وطلع نواف وهو لاف المنشفه حول خصره وينشف شعره بمنشفه ثانيه
سارة حطت الجوال ع الطاوله ولفت وجهها للجهه الثانيه
سارة:انت ماتستحي تطلع كذا من الحمام
نواف وهو يناظرها:مثل بعض ناس يطلعون بروب الحمام ويسون فيها يستحون
سارة بخجل:انا مااطلع بقصدي
نواف:اهاا صدقتك
‏>>يتبع

الرد باقتباس
إضافة رد

رواية جرحت قلبي ومادريت انك ساكن فيه/بقلمي

الوسوم
يرحب , رواية , ساكن , فيه/بقلمي , ومادريت , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34145 08-12-2019 11:39 PM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 11:58 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1