منتديات غرام روايات غرام أرشيف الروايات المغلقة - لعدم إكتمالها روآيه آبيك بحياتي لين آنتهي منهآ , بقلمي
تمنيتك عمر ©؛°¨غرامي جديد¨°؛©

السلام عليكم ورحمه الله وبركاته
كيف حالكم غراميات / ان شاءلله الكل بخير
بعد تفكير كبير قررت انزل اول روايتي بمنتدى غرام لاني واثقه فيكم كثير فاماعندي بعد الله الا انتوا ف ياليت ماتخيبون ظني
وابغى تفاعل كبير اذ ماعليكم امر







روآيه آبيك بحياتي لين آنتهي منهآ
آسم آلكآتبه : تمنيتك عمر
الفتها ب 1435 هـ
لان الحياة تجارب والتجارب تمر على بني البشر لايوجد في هذه الدنيا من هو خالي الاحزان والمشاكل تبدا الروايه بالفرح والحزن والحقد والكره والدموع والاحلام
فهذا اول روايه لي اتمنى ان تنال اعجابكم بقلمي
( لا اسمح بنقل الروايه دون ذكر اسمي )


آلشخصيآت :
عائله ابو محمد
راشد : رجل اعمال ومعروف بالسوق وفلوسه تغطي الرياض ومعروف حنان الدنيا كلها فيه ومايرفض لعياله طلب ويموت في بنته (فيّ ) عمره 45
نورا : ربه منزل وتهتم بنفسها كثير وتمشي على الموضه وطيوبه مرا كل شي تتناقش فيه معها الا زوجها وعيالها عمرها 38
محمد : عمره 20 ويدرس طب عصبي مرا وبنفس الوقت حنون ملامحه حاده وجذاب وبشرته حنطيه ويموت في خواته
لارا : عمرها 19 تدرس باولى جامعه انسانه متفهمه وطيوبه ورجه وتحب تستهبل كل البنات يروحون لها اذ صارت لهم مشكله ويسمونه الاخصائيه الاجتماعيه :D بشرتها بيضاء وشعرها اشقر
فيّ : عمرها 17 تدرس بثالث ثانوي ( ادبي ) انسانه طيبه وحنونه قليله بحقها ماتحب تشوف احد متضايق او زعلان ماتشيل على احد لكنها كتومه مرا وماتخلي احد يشيل همها معها بشرتها حنطيه وشعرها بني فاتح جسمها مثل عارضة الازياء

عائله بو سلطان
خالد : انسان متفهم ومثقف حنون لابعد حد كلمته تمشي على الكل ورجل اعمال وله شركات وعمارات مع اخوانه عمره 43
سارا : ربه منزل طيوبه مرا ولها شخصيه قويه تخاف على زوجها وعيالها وتنحط على الجرح يبرا ودايم واقفه مع البنات عمرها 35
سلطان : عمره 25 متزوج من بنت عمه روز انسان جاد وعصبي مرا ويشتغل بشركه ابوه وعمامه
غسان : عمره 23 يدرس محاماه له هيبه مرا قويه ومتهور ويعشق في ّ بنت عمه راشد
لورا : عمرها 20 تدرس بثاني جامعه انسانه بارده ومفهيه ولا يهمها احد لكن بوقت الشده تشوفها قدامك توام روحها لارا بشرتها بيضاء وشعرها اشقر
لمى : عمرها 17 ثالث ثانوي ( ادبي ) مع فيّ بالسكول انسانه عنيده و رومانسيه وبقوه جريئه تخاف من اخوها غسان وتوام روحها في ّ

عائلة ابو فهد

احمد : انسان جاد وعصبي رجل اعمال وله شركات مع اخوانه عمره 40
امل : ربه منزل انسانه مغروره ومايعاجبها احد دايم تسبب مشاكل ماخذه احمد علشان الخير اللي عنده عمرها 31
فهد : عمره 24 يشتغل بشركه ابوه وعمامه انسان مغازلجي وبارد يحب فيّ لكن محد يعرف
روز : عمرها 22 متزوجه من سلطان مرحه وفيها هبال شوي وعلى نياتها وتعشق سلطان
تمارا : عمرها 20 تدرس ثاني جامعه انسانه عصبيه ومايعجبها شي ودايم متهوره وتغار من بنات عمها راشد مع الاحداث تعرفون

عائله بو مشعل
محمد : انسان خلوق وهادي وطيوب طبعا رجل اعمال وله شركات مع اخوانه وعمره 38
سلمى : ربه منزل انسانه بسيطه وعصبيه ماتحب تتجمع مع اهل بو مشعل بسب المشاكل عمرها 30
مشعل : 25 يشتغل بشركه ابوه وعمامه انسان هادي ورومانسي ورجه توام روحه سلطان
مها : عمرها 19 باولى جامعه تحب تهتم بجمالها مرا بارده ووكل شي تخاف منه دايم تنقذ البنات من المشاكل دايم مع تمارا
ميهاف : عمرها 18 رجه ومايهمها شي المهم عندها الوناسه والضحك دايم تتعرض على البنات من الخوف اللي فيها


ام ناصر ( اخت بو محمد وسلطان .... )

نوال ( ام ناصر ) : عمرها 36 انسانه مرحه وحبوبه ماتشيل على احد الا ..... ( تعرفون بالاحداث *
لارين : عمرها 23 برابع جامعه انسانه هاديه وغير اجتماعيه
لينا : عمرها 20 بثاني جامعه انسانه هبله ودايم مع ميهاف لانو تحب سوالفها
ريما : عمرها 18 انسانه هاديه ودايم لحالها تحب فهد بس محد يعرف غير ميهاف



الشخصيات البسيطه مالها وجود كثير بالروايه
ام عبدالله اخت ام سلطان
سعاد ( ام عبدالله ) : عمرها 32
عبدالله :20
جمانه : 19
جود : 17
جوري: 16
خالد : 13


البارت الاول

في قصر فخم وكبير وظهور اشعه الشمس على اركانه كانت في ّ جالسه بالصاله ودخل عليها محمد
محمد : السلام عليكم
فيّ : وعليكم السلام هلا حمود
محمد ببتسامه : هلا فيك ليه ماجيتي تفطرين معنا ؟
فيّ : انا متواعده مع البنات انو نفطر اليوم بستار بوكس
محمد رفع حاجبه : مين هالبنات
في ّ : لاتسوي نفسك ماتعرف يعني انا مع مين اطلع دايم
محمد : طيب اعصابك
فيّ : انا ليه جالسه معك يلا عن اذنك
محمد بضحك : خذي راحتك
راحت في ّ لجناحها تتجهز للطلعه علشان تفطر مع البنات
اول مادخلت الغرفه وقفلت عليها الباب لا شعوريا نزلت دموعها تتذكر كيف كانت مع غسان والحين كيف صارت مسحت دموعها بكل قوه انا الحين ليه ابكي انا مو كذا ليه ابكي على شخص باعني
قامت تشغل نفسها بالبي بي تحاول ماتتذكره باي طريقه
فجاءه دق جوالها >> توام روحي
في ّ : هلا لمو
لمى بخوف : فيون وش فيك وش فيه صوتك
في ّ: وهي تمسك نفسها علشان ماتبكي : مافيني شي حبيبتي بس احس بصداع
لمى حست انو من غسان بس ماتبي تضايقها اكثر : طيب خذي لك بنادول علشان يريحك وبعد 5 دقايق اطلعي برا
في ّ : اوك وسكرت السماعه


في قصر بو سلطان
دخل غسان على لورا وشافها معصبه وابتسم على شكلها غسان : وش فيها الحلوه معصبه ؟
لورا : اختك التبن طالعه مع فيون ولا قالت لي اكثر من مرا تسويها فيني
غسان حس بغصه بحلقه يوم جابت طاريها : معليه انا اخذك ماطلبتي شي
لورا : جد
غسان : ايوه
قامت بسرعه وحضنته وباسته على خده وراحت فوق تخبر لارا وتتجهز للطلعه وهي تركته بتفكيره
غسان : فرصه منها اشوف فيّ واكحل عيوني فيها واكلمها بالموضوع

خبرت لارا واخذوها وتوجهوا الى ستار بوكس اول مادخلوا البنات توجهوا لفيّ ولمى طبعا غسان من بعد السالفه مايقدر يجلس معهم لانو في ّ موجوده فا حب ينتظر عند الباب لين في ّ تطلع
سمعت صوتها وهي تطلع يوم شافها تذكر ايامهم وحبهم وطفولتهم والايام اللي جمعتهم
قرب منها اكثر

غسان : في ّ
في ّ تتامل فيه مو مصدقه : نعم !
غسان : انآ يافي ّ
.................................................

نهايه البارت



اذ شفت فيه حماس راح اكمل البارت

Beno3sll ©؛°¨غرامي فعال ¨°؛©

السلام عليكم،،

شرفتي منتدى غرام وقسم الروايات....

عندي نقد بسيط اتمنى ما يزعجكـ،،

تمنيت البدايه تصير نبذه عن الروايه ولكنك وضعتي .. تعريف الشخصيات
وهذا يشتت قراءه القارئ...

وبدايه البارت .. ما احس يوجد التشويق والمتعة للقارئ ليستمر..

استمري عزيزتي

دمتي بود


تمنيتك عمر ©؛°¨غرامي جديد¨°؛©

المشاركة الأساسية كتبها Beno3sll اقتباس :
السلام عليكم،،

شرفتي منتدى غرام وقسم الروايات....

عندي نقد بسيط اتمنى ما يزعجكـ،،

تمنيت البدايه تصير نبذه عن الروايه ولكنك وضعتي .. تعريف الشخصيات
وهذا يشتت قراءه القارئ...

وبدايه البارت .. ما احس يوجد التشويق والمتعة للقارئ ليستمر..

استمري عزيزتي

دمتي بود


ياحبيبتي الف شكر لك على التنبيه
شرف لي كبير باول وحده ترد

تمنيتك عمر ©؛°¨غرامي جديد¨°؛©

البارت الثاني
في قصر بو سلطان

بو سلطان : ام سلطان
ام سلطان : امر بغيت شي ؟
بو سلطان : ايه كنت بقولك ودي نطلع للمزرعه يوم الاربعاء نغير جو
ام سلطان : فكره حلوه انا بكلم الحريم وبعطيهم خبر وانت خبر اخوانك
بو سلطان : على خير ان شاءلله
بو سلطان وقف كان بيطلع بس وقفه صوت ام سلطان
بو سلطان : هلا
ام سلطان : ابيك بموضوع
بو سلطان ابتسم عارف وش بتقوله : وش هو
ام سلطان : متى راح نتقدم لفيّ بنت اخوك من زمان وهي محجوزه للولد ماصارت !
بو سلطان : انا ودي اليوم قبل بكرا بس ولدك مدري وش اللي غير رايه كل مافتحت معه الموضوع قال مو الحين اليوم اذ شفته بكلمه بالموضوع
ام سلطان : ان شاءلله خير
وتركها وطلع رايح للشركه توها راح تتصل على ام محمد تخبرها الا بدخول سلطان وروز
سلطان تقدم لامه وباس راسها ويدها وروز سوت مثله
ام سلطان : هلا بعيالي
سلطان وروز : هلا فيك
سلطان بفرح : يمه عندي لك خبر راح يعجبك
ام سلطان : وش هالخبر
سلطان وهو يطالع روز : ابشرك روز حامل
ام سلطان وهي حاضنه روز : الف مبروك يابنتي ربي يتمم لكم على خير بس ماوصيك انتبهي لنفسك
روز بحياء : لا تقلقين
خبرتهم انو راح يطلعون يوم الاربعاء للمزرعه علشان يجهزون اغراضهم ويشوفون وش عليهم وهي راحت تتصل تخبر الباقي
نرجع للستار بوكس
فيّ : وش فيك انت
غسان : ابيك تسامحيني ونفتح صفحه جديده يعني عاجبك حالنا
فيّ للحين منصدمه : وش تقول انت
غسان : ايه اللي سمعتيه ترا طفشت لمتى كذا
فيّ بدموع : شكلك نسيت اللي سويته وش تبي بوحده خانتك هآ ؟ مو انا وحده ماتربيت ولا عندي اخلاق وكل شي سيىى فيني وين كلامك وش تغير وانت قلت بنفسك خلينا عيال عم احسن
غسان : قلت خلينا عيال عم بس اسلوابك معي كاني عدو
فيّ : انت ماتحس وبصرخه لا جد ماتحس لانك ماحسيت بالوجع اللي حسيته وقته
فيّ حست لو راح تجلس معه اكثر يمكن تنهار فحبت تمشي وتتركته لانو تغير مو هو توها راح تدخل عند البنات الا مسك يدها – في ّ : ابعد يدك
دخلت فيّ على البنات وشافتهم يضحكون ولا حاسين باللي صار طبعا هم يوم شافوها سكتوا وصاروا يطلعون فيها بصدمه توجهت لها لارا كانوا لورا ولمى راح يروحون لها حسوا انو من اخوهم وتضايقوا عليها لانو هي ماتستاهل
لارا : فيون حبيبتي وش صاير وش فيك ؟
فيّ : مافيني شي لا تخافين
لارا : وكيف ماخاف وانتي بهالحاله
في ّ ابتسمت لها وقامت تسولف وتضحك ولا كانه صاير شي بس بقلبها شي يوجع ( مثل ماقالت لكم في ّ ماتحب احد يشيل همها ) بس هي دايم تشيل هم غيرها
لارا تضايقت على اختها مرا هي عارفه وش تحس فيه بس مافي بيدها شي وماتبي تقول للورا ولمى لانو هم مالهم ذنب وقامت تدعي بقلبها ربي يصبرها ويرجعون لبعض

طبعا اكيد تبون تعرفون وش سالفه في ّ وغسان وليه هم كذا

جمانه بنت خاله غسان تحبه وهو يعرف بالسالفه بس مايبيها لانو يحب في ّ فهي حبت تنتقم منها ( كانت العايله كلها طالعه للشاليه وصدفه شافوا صحابتهم بالشاليه وروحوا البنات يجلسون عندها وفيّ شافتها فرصه تشوف غسان مادام البنات مشغولين طلعت منهم وراحت لبرا علشان تكلمه الا طلع بوجها اخو ندى ( ندى ) وحده من صحباتهم

سآمر ( اخو ندى ) : اوه اسف ماتوقعت انكم هنا
فيّ : لا عادي بس البنات دخل اذ راح تدخل اعطيهم خبر
سامر : لا خليهم على راحتهم انا رايح عند البحر
فيّ ببتسامه : اوك
كانت متوجهه للبحر بس وقفها صوته سامر : انتي لورا ولاتمارا
في ّ بحياء : لا انا في ّ
سامر : يدلعونك فيون صح
فيّ باستغراب : ايه
سامر : اسمك حلو ومشاءلله انتي احلى
فيّ بخجل : تسلم من ذوقك
طبعا اخذتهم السوالف ومماحسوا بالعيون اللي تراقبهم وراح تخرب حياتهم ( جمانه يوم شافت الوضع كذا علطول ركضت وراحت تخبر غسان) غسان طبعا ماصدق الخبر قام والشر بعيونه كيف قدر يقرب من حبيبته
سامر : تصدقين انتي غير عن لمى ومهياف هذول مجانين ومتهورين
فيّ ضحكت وغسان طلع على صوت ضحكتها انقهر مرا وده يروح لسامر ويذبحه بس وقف بمكانه يبغى يشوف وش النهايه
سامر توه راح يتكلم الا سمع صوت البنات وترك فيّ وتوجه للبحر
جت لمى تركض وضربتها على ظهرها لمى : وش عندك معه
في ّ من غير اهتمام : ولا شي
جت جمانه للبنات وهي طايره من الفرحه والابتسامه على وجها
جمانه بفرح : فيّ
في باستغراب : ايوه
جمانه : روحي غسان يبيك وشكله معصب مرا
فيّ بغرور : طيب
في توجهت لغسان وهي مو عارفه وش يصير لها دخلت الغرفه وشفته معصب مرا استغربت بس ماهتمت ودخلت وجلست جنبه وهو علطول شد يدها ووقفها وعطاها كف عمري ماتوقعتك كذا خاينه وطول عمرك كذا ليه تسوين فيني اانا وش سويتي لك بكل وقاحه واقفه معه وبمكان عام بس للاسف عمي ماعرف يربيك انسي واحد اسمه غسان تفهمين وحنا عيال عم بس وغير كذا لا تفكرين فيني وتركها وطلع برا
ومن بعدها فيّ انهارت لانو ماسمعها وعمرها ماتوقعت احد يشك فيها ومنو غسان وصارت تتجنبه واي مكان يجلس فيه ماتجلس معه لانو هو طلب منها يكونون عيال عم وهي كل شي ولا كرامتها
( ملاحظه : البنات يكشفون وكل شي عندهم ايزي بس احيانا يتلثمون ويجلسون مع عيال عمهم لانو حياتهم كل برا وبتعرفون بالاحداث )
( نرجع للروايه )
رجعوا البنات من ستار بوكس وكل وحده توجهت لبيتهم واتفقوا يطلعون بكرا للمول اول مادخلت لارا للبيت تنادي امها
لارا : ماما ماما
ام محمد : تعالي انا بالصاله
توجهوا للصاله اول مادخلت لارا ضمت امها
لارا : ماما اشتقت لك
ام محمد : توك شايفتني اليوم الصباح واللي يشتاق لامه مو 24 ساعه طالع
لارا بزعل : ماما وش دعوا
فيّ ضحكت : بزر مهما كبرتي
لارا : انتي انطمي منقهره انو ماما تحبني مرا وماتبيني اطلع من البيت
فيّ توها راح ترد عليها الا قاطعتها ام محمد : كلكم احبكم قد بعض ومافرق بينكم واتركوا عنكم الهواش وعلى فكره بكرا بنروح المزرعه من الصباح جهزوا اغراضكم مو تاخرونا
لارا وفيّ بنفس الوقت : وناسسه
لارا : امم طيب أي وقت
ام محمد : الصباح 8 كذا
فيّ وهي ماسكه الريموت : احسن شي علشان نغيب
لارا : من جد وصح فيون لازم اليوم نروح السوبر ماركت علشان نشتري اغراض ماتصلح الطلعه بدون اكل
فيّ : ايوه اكيد بروح اتصل على لمو ولورا علشان يتجهزون بعد العشا
لارا : اوك

في منزل بو فهد
ام فهد توها مسكره من روز تبشرها على حملها وهي طايره من الفرح علشان يتحقق اللي تبيه كانت راح تتصل تبشر بو فهد الا بدخول تمارا فتركت الجوال
تمارا تتاففت وجلست على الكنب : ماما
ام فهد باستغراب : نعم وش فيك تتاففين
تمارا بزعل : منقههره حيل
ام فهد من غير اهتمام : من شنو
تمارا : من بنات عمي راشد وخالد يطلعون ولا يقولون لي دايم يسونها فيني
ام فهد : طيب عادي وش صار خليهم بالطقاق خليك مع بنات عمتك نوال وش زينهم
تمارا بدون رضى : يصير خير
ام فهد : اسمعي بكرا طالعين للمزرعه ولا تقولين ماقلت لك جهزي اغراضك
تمارا : ججد
ام فهد : ايه وعندي لك خبر حلو
تمارا بتعجب : وش
ام فهد : اختك روز حامل
تمارا بصرخه : وناسسه واخيرا ان شاءلله تجيب بنت على الاقل تسليني دامني جالسه بين اربع جدران
ام فهد : فال الله ولا فالك ان شاءلله ولد وقومي تركي عنك الهذره وشوفي اغراضك مو تنسين شي
تركتها تمارا وصعدت لجناحها وتركت امها تفكر بتخطيط جديد
ام فهد : هين ياام سلطان ان ماخليت تعضين اصابعك ندم

في منزل بو مشعل
مها دخلت جناح ميهاف تدورها علشان تخبرها على الاستراحه بس دورتها بكل مكان ماحصلتها
مها : اوف وين راحت ذي
دخلت ميهاف على كلامها : ها وش فيك
مها بخوف : وجع خوفتيني
ميهاف : وش شايفه جني
مها : اقول وين كنتي
ميهاف : اوف ياكثر هذرتك كنت اكلم لمى
مها : اممم واكيد عرفتي وين بنروح بكرا
ميهاف : ايه اعرف وصح قالت لي نتجهز بعد العشا بنروح سوبر ماركت ناخذ اغراض لبكرا
مهآ : مين بيروح
ميهاف : انا وفيون ولارا ولورا ولمى
مهآ بصدمه : وش كثركم
ميهاف بطفش : بتروحين ولا لا
مهأ : ايه وش رايك بس خلينا ناخذ تمارا
ميهاف : لا وش نبي فيها وع
مها : حرام عليك ماسوت شي
ميهاف : اوف بكيفيك

في منزل بو سلطان
لورا بصراخ : لمى ووجع ان شاءلله تاخرنا على البنات
لمى وهي تلبس عبايتها : ازعجتينا ووجعتين
لورا كانت تكلم لارا بالجوال يوم شافت لمى نازله طلعت رايحه للسياره الا جا غسان
غسان : انتي بس طالعه ماشوفك بالبيت
لارا وهي تنزل الجوال : وانت وش قهرك بس الطلعه لكم انتوا
تو راح يتكلم الا جت لمى
لمى : ليه ماركبتي حضرتك وش تنتظرين
لورا : ركبي وانتي ساكته واتصلي على فيون خليهم يتجهزون
غسان ابتسم على طاريها وسرح يوم شافته لورا كذا قامت تلوح بيدها هيه انت وين رحت
غسان : معك ويلا روحي للبنات علشان ماتتاخرون
لورا باستغراب : طيب يلا تشاو
غسان : تشاو
ركبوا لمى ولورا للسياره متوجهين لبيت عمهم بو محمد طبعا اول ماركبوا فيّ ولارا سمعوا احلى تهزيء على التاخير
لمى : اقول سكتوا انتي وياها اللي يشوفكم ماتتاخرون دقيقه
فيّ بضحك : بس مو مثلكم نص ساعه
لورا : بنات ترا ندى عازمتنا على بارتي عيد ميلادها بعد الاستراحه لازم كلنا نروح
البنات : ايه اكيد
لمى وهي تضرب راسها : يوه نسيت قلت لمها ومهياف نمرهم
لارا بعصبيه : توك تتكلمين شوي ونوصل
في ّ : معليه نرجع مو بعيد حيل
لورا : طول عمرك مفهيه اتصلي عليهم من الحين وخبريهم يتجهزون
لمى بعصبيه : زين

طبعا رجعوا لبيت عمهم بو مشعل علشان ياخذون مها ومهياف ولورا معصبه مرا تبي ترجع البيت لانو ماجهزت اغراضها
لمى : ازعجتينا وانتي تتاففين
لورا بعصبيه : انتي انطمي ولا كلمه مو شغلك
مها : وش فيكم ماصار شي
لورا وهي تتكلم بصوت خفيف ايه وش عليك لو انتي مكاني مدري وش سويتي ضربتها لارا على رجلها يعني خلاص سكتي مالها ذنب
ميهاف : بنات بتروحون بارتي ندى
البنات ماعدا فيّ : اكيد
لمى : فيون فيون
فيّ : هلا لمى
لمى : سرحانه بشنو ها
فيّ ببتسامه : ابدا حبيبتي
لارا : مصطفى امشي بسرعه متى بنوصل يعني
لمى : مصطفى شغل لنا شي
في ّ: نبي فهد الكبيسي يااكثر انسان
شغل لهم مصطفى وقاموا يرقصون وانواع الاستهبال ويصفقون لين وصلوا السوبر ماركت
اتفقوا البنات انو لمى وفيّ وميهاف يجبون الشيبسات والشوكلاته ولارا ولورا ومها المشروبات والمثلجات علشان مايتاخررون لانو وراهم طلعه من الصباح
في ّ توها راح تدخل السوبر ماركت بس وقفها صوت رجالي .............

نهآآيه البارت

توقعاتكم :
مين الشخص اللي نادى فيّ
وهل علاقه فيّ وغسان ترجع نفس اول او لا
وش بيصير بالمزرعه
هل جمانه اكتفت بالمشكله اللي سوتها لفي ّ او بتسوي مشكله ثانيه


اتمنى تفاعل اكثر

تمنيتك عمر ©؛°¨غرامي جديد¨°؛©

انتظركم بفارغ الصبر
وراح انزل البارت باذن الله

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1