غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-01-2015, 05:01 PM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
01302798240 الكرسي ما يمنع أحب /بقلمي؛كاملة


بسم الله الرحمن الرحيم

اممم انا حاولت قبل اكتب رواية..
بس لآني كنت مستعجلة ماكانت كويسة..
والحين بحاول مره ثانيه وأتمنى ما تكون زي قبل..




دخلت الغرفة وفتحت الشباك..شمت الهواء اللي تمنت تشمه في بلدها..طلت تحت بالشارع..شافت ولد صغير يبكي..وأمه تحضنه عشان تهديه..ابتسمت ابتسامة مليانة حزن..مو عشان الولد..لا..لانها تذكرت أمها ..كيف كانت تلمها لمة الام..كلها حنان ..مسحت دعمتها اللي نزلت..طرفت الشباك.. لفت على بنتها..بنتها اللي ماتبيها تعيش مثل ماعاشت هي..اللي تفديها بروحها..الي تخاف عليها من نسمة الهواء..راحت للدولاب ..طلعت الكرسي..فتحته..وجلست على طرف السرير..
مسحت على راس بنتها:لينا..لينا ماما يالله
لينا بتعب:ماما بليز شوي.. حدي تايرد(تعبانه)
ام لينا:يالله بلا دلع..يو آر ليت(انتي متاخرة)
لينا شافت الساعة بالجوال وتنهدت:أوكي قمت..هيلب مي طيب(ساعديني)
ابتسمت أمها وقربت الكرسي للسرير ومسكها من تحت كتوفها وشالتها وحطتها عالكرسي
لينا رفعت راسها وابتسمت:ثانكيو (شكرًا)
وحطت يدها عالعجلات وحركتها..وراحت للحمام(الله يكرمكم)
غسلت وجهها..وفتحت درج المراية..طلعت الفرشة والمعجون وفرشت اسنانها عالسريع وطلعت..
لقت ملابسها جاهزة عالسرير..بدلت بلوزتها وهي مالها خلق ..باقي البنطلون..تنهدت ونادت:مااماا
ام لينا اللي كانت تجهز الفطور:جييت.. وراحت غرفة بنتها
لينا:يلا ماما بتأخر زيادة
ام لينا وهي تلبس بنتها :اي ام دون (خلصت)
لينا باست راس أمها:الله يعطيك العافية
ام لينا بابتسامة:الله يعافيك..يالله روحي افطري
لينا:أوكي ..وراحت للمطبخ عضت من التوست وأخذت رشفة من الحليب..شالت شنطتها من الطاولة وحطتها بحضنها:يلا ماما انا طالعة
ام لينا:فمان الله .. تيك كير(انتبهي لنفسك)
فتحت لينا الباب وطلعت..طلعت المفتاح من الشنطة وقفلت الباب..نزلت بالمصعد وشافت تاكسي وراحت للمدرسة
………………………………………………………………………………
لينا:17سنة ..جميلة جمال مو طبيعي م شاء الله..سعودية..3ثانوي..من ذوي الاحتياجات الخاصة..ولا عمرها حست ان ناقصها شي غير حنان الأب ..بس أمها معوضتها..عايشة مع أمها في شقة في لندن-بريطانيا-.
--
ام لينا:لما..35سنة..تزوجت وعمرها18سنة..جميلة..أهلها بالسعودية..اهم شي عندها بنتها ووحيدتها..كانت متواصلة مع اختها من 10 سنين..بس الحين ما تدري هم حيين ولا ميتين..زوجها~ابو لينا~تركها اول ما ولدت في لندن وراح للسعودية ولا رجع لهم..
………………………………………………………………………………
^في مكان بعيد عن بريطانيا^
كانت تؤدي اعظم شي فرضة الله..الصلاة..كانت خاشعة..تدبر كل اية تقرأها ودموعها تنزل..كانت تدعي..ان الله يحفظ عيالها وبنتها وعيالهم..ماتبيهم يلحقون ابوهم..كانت تدعي له هو بعد..ان الله يغفر له ويرحمه..راح وخلى عياله ماسكين وصية ..مايدرون متى ينفذونها..
دخلت عليها بنتها:يمه
سلمت ولفت عليها:هلا هدى..تعالي يمه
هدي:شلونك يام ناصر؟
ام ناصر:والله وانا أمك ماشي الحال.. وأنتم عساكم بخير؟
هدى:ايه الحمد لله ..يمه بغيت أكلمك بموضوع
ام ناصر بخوف:الوصية ؟!
هدى:اييه..عندي اخبار يمكن تفرحك ويمكن لا
ام ناصر:قولي ..خوفتيني
هدى:عبد الله ئقول جته اخبار عن لما
ام ناصربفرح:صدق يمه ؟؟
هدى:ايه عرف هي وين ساكنة.. بس
ام ناصر :بس وشو ؟
هدى:يمه لما جتها بنت والحين عمرها حوالي 18ورجلها مهوب عندهم
ام ناصر:موب عندهم ؟!! اجل وينه؟
هدى:يقولون رجع السعودية من 17 سنة
ام ناصر ارتاعت..جلست تصيح..ما تدري وش صاير لبنتها..لا عندها رجال ولا من يحميها.عرفت انه الوقت المناسب اللي ينفذون فيه الوصية..
هدى:يمه..هدي أكيد انها بخير
ام ناصر: دقي على ناصر وعبد الله ..ابيهم الحين يجون ونادي عيالهم وبناتهم
هدى: ان شاء الله
طلعت هدى وراحت جناح العيال..طقت الباب وطلع واحد فيهم:هلا عمه
هدى:عزيز..ناد إخوانك وعيال عمك وتعالى غرفة امي
عزيز باستغراب:ليه ؟!
هدى:بعدين تعرف..لا تستعجل
عزيز:حاضر دقايق ونجي
راحت هدى لجناح البنات ولقت الباب مفتوح..دخلت وشافتهم فسابع نومة:بناااات
:شششش
هدى:ريوم يالله قوميهم وتعالي غرفة أمي
ريم:وش فيه؟
هدى :شسالفة هالعايله!! مستعجلين على رزقهم..المهم لا تنسون عباياتكم العيال بيكونون فيه
ريم:زين خلاص الحين بقومهم ونجي
هدى:بسرعة..طلعت ودقت على إخوانها عشان يجون وقالو ربع ساعة ويكونو فيه..رجعت غرفة أمها ..لقت الكل موجود..لفت على أمها :امري يمه..
دخلو عبد الله وناصر:السلام عليكم
الكل:وعليكم السلام
ام ناصر:اسمعو ي عيالي..أبوكم راح وخلا لنا وصية ولازم نسويها..لما جتها بنت وكبرت..وما عندهم احد..ولازم ترجع هاليومين..
عزيز:من لما؟
عبد الله(ابو عزيز):هذي عمتكم
سماح:فيه عمه غير هدى؟
أمل:من جد..
نواف:يبه..من يومنا وحنا ماعندنا الا عمه
ريم:ليش ساكتين؟!
………………………………………………………………………………
ابو ناصر:متوفي من 5شهور..
ام ناصر :62سنة ..كانت تموت ببنتها لما وزعلت يوم راحت..حنونه وقلبها ابيض..
ناصر(ابو خالد):عمره 47سنة ..عنده شركات بالرياض مع شريكه اللي هو اخوه..مدلع عياله بشكل كبير..
ام خالد:42 سنة ..مو شديدة مره..ماعندها خوات وتعتبر هدى مثل اختها..
خالد:24سنة.. يشتغل مع ابوه بالشركة..وسيم..م يحب خرابيط البنات ..
نواف:20سنة..إنسان شعاره بالحياة اسعد نفسك بنفسك..م يبي يتزوج أبد..مع انه راعي بنات وسوالف..
ريم:19سنة..اول جامعة..هي اللي مسوية جو للبيت وكذا..تتمنى لو كانت عندها اخت تفضفض لها..جميلة.. وووو ذا شسمه هلاليه متعصبة<<ي لبى
--
عبد الله(ابو عزيز):45سنة..شريك اخوه في الشركات..معوض عياله عن فقدان أمهم ..كان يراقب لما(ام لينا)ولينا.. ويعرف عنهم كل شي..
ام عزيز:متوفيه..
عزيز:22سنة..قعد سنتين بكآبة كبيرة..بسبب نوره(البنت اللي كان يحبها) خانته.. غيرته هالانسانه 180 درجة..
كانت الضحكة م تفارق وجهه ..كان دائم يستهبل ويسوي جو للعايله.. بس الحين العكس..اتعب وانا أقول وسييييم..
سماح: 21سنة..أعقل وحدة بالعائلة ..برضو جمييييلة..م تحب الدلع الزايد..من يوم م توفت أمها وهي تهتم بأختها .. 
فيصل:20سنة.. نفس طبع نواف..جميل جمال يوسفي.. اخر همه الدراسة لانه عارف انه بيشتغل مع ابوه..
أمل :18سنة.. صديقة ريم الروح بالروح.. تعتبر سماح مثل أمها ..نفس طبايع ريم.. سنة تحضيري..
هدى: 25سنة..اخر شي تفكر فيه الزواج.. تمووت على لما ودايم تذكرها بالخير.. ورثت من أبوها البيت اللي هم ساكنين فيه <<هال حكي له دور مهم بالرواية
………………………………………………………………………………
في مكان ثاني
كان يراقبها .. كل شيء تسويه حافظه.. يعرف روتينها ..بس كل هذا .. من بعيد ..سمع شخص يناديها:لينا
لينا: هلا حبيبي.. 
دقيقة دقيقة .. من حبيبها.. معقولة ؟!




-توقعاتكم -
ليش ام لينا مو عند اهلها؟؟
من الشخص اللي كان يراقب لينا من بعيد؟
من اللي لينا ردت عليه بحبيبي؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 03-01-2015, 07:57 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: الكرسي ما يمنع أحب /بقلمي


مساء الخير .. ياهلا فيك بغرام .. موفقة بطرحك .. بداية جيدة لكن عندي بعض الملاحظات البارت جدا قصير واغلبه تعريف بالشخصيات مافيه احداث تجذب القارئ لانه جدا قصير

تعريف الشخصيات المفروض ماتعرضيه كله بالبداية المفروضه ي يكون التعريف حسب ظهور الشخصية والوصف تتركيه يتعرف عليه القارئ من خلال البارتات

كيف ابو لينا بيترك زوجته 17 سنة ببلد اجنبي ليش ماطلقها ورجعها لاهلها يعني مو شايفة سبب مقنع بيتركها بدون مصروف وبدون رجال مهما كان هي عرضه وشرفه من وين بتعيش طول هالسنين والاعظم الاهل الي مايدرون عن بنتهم طول هالسنين وين صلة الرحم

ولا ام لينا 17 سنة ماتدري عن اهلها ولا زارتهم ولا كلمتهم وين برها بوالديها مافي سبب مقنع انها تقطعهم ماخافت تموت وبنتها تتشرد وتضيع خصوصا انها مشلولة ؟؟

بعدين طالما ام لينا سعودية موحلوة تدخلي جمل اجنبية في حوارهم اصلا هالشئ مومقنع ام وبنتها وفاهمين بعض ليش بيتكلمو كلمة عربي وكلمة اجنبي هالشئ يشتت القارئ ياليت ماتستخدمي هالطريقة

عزيزتي نصيحة اهتمي بالحبكة لازم تكون مقنعة ومظبوطة حتى تنجح روايتك والاهم مايكون في روايتك اي حدث منفر منها مثل العلاقات المحرمة والصدف الغير مقنعة

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا


وهذا الموضوع ياليت تتطلعي عليه بيفيدك في روايتك كثير

متنفس قلم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 03-01-2015, 08:23 PM
صورة إيناس الفلا الرمزية
إيناس الفلا إيناس الفلا غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


بليز كملي عشاني وبدايه رووعه ما شاء الله استمري<<موتسوين زي ذولاك يقطعون ع شان مافي تعليقات ....ها تراني علقت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 03-01-2015, 09:29 PM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


اقتباس:
المشاركة الأساسية كتبها وردة الزيزفون مشاهدة المشاركة
مساء الخير .. ياهلا فيك بغرام .. موفقة بطرحك .. بداية جيدة لكن عندي بعض الملاحظات البارت جدا قصير واغلبه تعريف بالشخصيات مافيه احداث تجذب القارئ لانه جدا قصير

تعريف الشخصيات المفروض ماتعرضيه كله بالبداية المفروضه ي يكون التعريف حسب ظهور الشخصية والوصف تتركيه يتعرف عليه القارئ من خلال البارتات

كيف ابو لينا بيترك زوجته 17 سنة ببلد اجنبي ليش ماطلقها ورجعها لاهلها يعني مو شايفة سبب مقنع بيتركها بدون مصروف وبدون رجال مهما كان هي عرضه وشرفه من وين بتعيش طول هالسنين والاعظم الاهل الي مايدرون عن بنتهم طول هالسنين وين صلة الرحم

ولا ام لينا 17 سنة ماتدري عن اهلها ولا زارتهم ولا كلمتهم وين برها بوالديها مافي سبب مقنع انها تقطعهم ماخافت تموت وبنتها تتشرد وتضيع خصوصا انها مشلولة ؟؟

بعدين طالما ام لينا سعودية موحلوة تدخلي جمل اجنبية في حوارهم اصلا هالشئ مومقنع ام وبنتها وفاهمين بعض ليش بيتكلمو كلمة عربي وكلمة اجنبي هالشئ يشتت القارئ ياليت ماتستخدمي هالطريقة

عزيزتي نصيحة اهتمي بالحبكة لازم تكون مقنعة ومظبوطة حتى تنجح روايتك والاهم مايكون في روايتك اي حدث منفر منها مثل العلاقات المحرمة والصدف الغير مقنعة

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا


وهذا الموضوع ياليت تتطلعي عليه بيفيدك في روايتك كثير

متنفس قلم
مشكورة أختي وان شاء الله بيكون أدائي أفضل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 03-01-2015, 09:30 PM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


اقتباس:
المشاركة الأساسية كتبها إيناس الفلا مشاهدة المشاركة
بليز كملي عشاني وبدايه رووعه ما شاء الله استمري<<موتسوين زي ذولاك يقطعون ع شان مافي تعليقات ....ها تراني علقت
انتي الروعة يالحب ؛$
ههههههه ان شاء ما اقطع

شرفني مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 03-01-2015, 11:31 PM
رحيل اشواق رحيل اشواق غير متصل
©؛°¨غرامي جديد¨°؛©
 
الافتراضي رد: الكرسي ما يمنع أحب /بقلمي


رواية جميلة حبيبتي لكن كما قالت الاخت البارت قصير بسبب تعريف الشخصيات
تنتظر جديدك حبيبتي
تمنياتي لك بدوام التالق والنجاح
نصيحة حاولي وحاولي وعندما تكتبين اكتبي وعيشي شخصيات الرواية
لكي يساعدك هذا في خط حروف مبدعة اكثر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-01-2015, 01:09 PM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


اقتباس:
المشاركة الأساسية كتبها رحيل اشواق مشاهدة المشاركة
رواية جميلة حبيبتي لكن كما قالت الاخت البارت قصير بسبب تعريف الشخصيات
تنتظر جديدك حبيبتي
تمنياتي لك بدوام التالق والنجاح
نصيحة حاولي وحاولي وعندما تكتبين اكتبي وعيشي شخصيات الرواية
لكي يساعدك هذا في خط حروف مبدعة اكثر
ثانكيو خيتو..

ايه ان شاء الله بس لانه وقت اختبارات م قدرت اكتب اكثر من كذا

أسعدني رأيك :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 12-01-2015, 10:20 AM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


الحين بنزل البارت ٢. ووو شسمه ذا .... ايه الله يوفق اللي باقي ما خلص و ينجح اللي خلص من الاختبارات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 12-01-2015, 10:23 AM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


البارت (٢)


.....…………………………………………………………..…


-عند لينا-


.....:لينا
لينا:هلا حبيبي
.....:اامممم ..بقولك شي بس..
لينا:سامي شفيك؟!
سامي:لينا انا ...
لينا:يالله قول
سامي يحاول يغير الموضوع:احبك
لينا:هههههههه ..خوفتني
سامي:يالله بروح البيت ..تعبان
لينا:سلامتك..باي
راح سامي..لينا جلست تفكر.هو تغير ولا انا اتخيل..ماعاد مثل قبل..يمكن يكرهني؟!..لالا..لو يكرهني كان ما خطبني..ولا كان قال لي عالاقل ..بس ليش لا..وحدة مثلي على كرسي بصعوبه تحب..بس اكيد يحبني..



سامي:٢٠سنة..خطيب لينا..يموت فيها..وهي بعد تموت فيه ..سعودي..مشكلته انه خاطبها واهله م يدرون ..بس لينا وامها عارفين هالشي وهو وعدهم انه بيكلمهم قريب..


.....…………………………………………………………..……


-"-في بيت ام ناصر-"-


ريم :ليش ساكتين؟
ناصر (ابو خالد):شوي شوي..انا بقول لكم كل شي..هذي سلمكم الله اختي..يوم كان عمرها ١٨سنة ..جانا واحد وطلب يدها.. وأبوي رفض بس هي تبيه.. قالت لأبوي انه ضروري تتزوجه.. بس ابوي قال انها صغيرة..جلست كم يوم في غرفتها.. اشتاق لها ابوي وراح لغرفتها..فتح الباب.. بس ما لقى احد.. شاف ورقه مكتوب عليها:سامحوني.. سويت الشي اللي لازم أسويه ..خذاني حمد على سنة الله ورسوله.. وادري أنكم زعلانين مني.. عشان كذا مارح تشوفون وجهي..
ابوي مع انه كان مبين عليه الحزن ..بس حلف انه لا عاد هو ابوها ولا هي بنته..ويوم توفى الله يرحمه .. لقينا وصية مكتوب فيها انه نرجع لما لنا..وهذي هي السالفه باللي فيها..
عّم الصمت ارجاء الغرفه .. بس ام ناصر قطعته وقالت:اسمعوني ..هذي بنتي وحشاشه جوفي.. ابيها هاليومين عندي بالبيت ..
ريم:ااااء.. طيب بسأل سوْال
ابو عزيز:امري
ريم: شسم بنتها؟
ابو عزيز:لينا
امل :الله اسمها حححلللووو
ابو عزيز:بس البنت فاقده كثير.. لا تضايقونها..
الكل:حااضر
هدى:ناصر..متى بتناديهم؟!
ابو خالد:أرسلت لهم واحد..بس ما ادري اذا بتوافق ولا لا..
ام ناصر:هذي وصية ولازم توافق..
هدى:صح كلام امي..
ابو خالد:يصير خير..


.....…………………………………………………………..……


~|في شقة في لندن|~
فتحت الباب ودخلت..حطت أغراضها عالكنب..جلست تنادي:مااماا.. جيت
ام لينا:هلا يمه ..تعالي انا بالغرفة
حطت يدها عالعجلات و تحركت .. دخلت الغرفة وباست راس أمها :سلام
ام لينا:وعليكم السلام
ديييينق .. دوووونق.. ديييينق .. دوووونق <<الجرس
ام لينا:بروح افتح .. دقيقة
راحت فتحت الباب..شافت واحد لابس زي رسمي
ام لينا:يس.. هو أر يو؟(هلا من انت؟)
الرجال:حضرتك لما خال. الـ.......
ام لينا بخوف: ايه نعم..
الرجال يمد يده:تفضلي هالظرف
خذت ام لينا الظرف ودخلت .. سكرت الباب.. فتحت الظرف وجلست عالكنبة.. قرت الكلام اللي تمنت من زمان يوصلها:

بسم الله الرحمن الرحيم
اختي العزيز لما .. في الحقيقة لا اعرف ماذا اكتب لكِ من اخبار.. ولكن أهمها ما يوجد في هذه الرسالة.. انه خبر محزن.. اختي.. والدنا.. توفاه الله منذ ٥ شهور.. وهو الان بين الثرى.. ترك لنا ورقة .. كتب فيها ما أراد ان يفعله قبل مماته..ترك وصيته بين أيدينا .. ويجب ان تتنفذ.. ولكن ما كتب يتوقف عليك.. فأنت من سينفذه.. لقد كانت الوصية بأن ترجعي لبيت اهلك ..بيتك.. مدينتك.. بلدك.. اتمنى ان نراك بعد الغد .. في بيتنا.. هذا ما نتمناه كلنا..






اخوك ناصر

ما عرفت وش تسوي .. تبكي على موت ابوها.. ولا تفرح لانها بترجع لهم.. دموعها نزلت.. ما تدري من الفرح ولا العكس..كل اللي تعرفه انها جالسة تصيح وبس.. فكرت ببنتها.. هل بترضى ؟.. ولا بترفض؟.. وسامي.. مستحيل تتخلى عنه لينا.. راحت للغرفة وشافت لينا تطقطق بالجوال: لينا.. ترا بنضف الأغراض والشناط اليوم
لينا : ليه ؟!!!
ام لينا: بعدين تعرفين..
طلعت ام لينا وسكَّرت الباب وراها..خلت بنتها محتارة.. سمعت لينا صوت التلفون يدق وراحت ترد
لينا: يس؟ (هلا؟)
سامي :لينا؟
لينا :هلا سامي حبي كيفك؟
سامي:تمام وانتي؟
لينا :انا اوكي
سامي:اسمعيني.. انا مابي أطول عليك .. بصراحة انا كلمت اهلي.. قلت لهم عن خطوبتنا.. في البداية كانوا موافقين.. بس لينا لما عرفوا انك معــ..
لينا قاطعته:معاقة ؟!
سامي تنهد:ايه.. رفضوا الزواج .. لينا ادري انك حبيتيني.. وأبيك تدرين أني حبيتك.. بس الله ماكتب نصيب.. الله يوفـ
لينا: سامي هذا مقلب ولا جد ؟
سامي بحزن : جد
لينا: اجل بكيفك مو غصب ترضى فيني ..

وسكَّرت السماعة.. سامي ترك وردته ذبلانه.. تبي احد يسقيها.. خلاها ودموعها تسيل.. نزلت راسها..شافت رجولها..ما تدري على مين تحط اللوم.. بس رضت بقضاء ربي وقدره..دخلت عليها أمها .. وشافتها منهارة..

ام لينا: لينا ماما شفيك؟!
لينا: انناا اييش ذنبي طييب شذننبيييي؟؟؟!!!!!

ام لينا خافت على بنتها وشالتها.. حطتها عالسرير.. عشان ترتاح.. بس اللي صاير هو العكس.. لينا انقهرت لانها مو قادره تسوي شي بنفسها.. أمها تحط لها .. أمها تشيل لها.. ليش؟!.. عشانها م تقدر تحرك رجولها؟.. طيب مين السبب؟!!!.. ولا ربي كاتب لها انها تكون على كرسي.. ونعم بالله .. تذكرت لينا ان ربي اذا حب عبد يبتليه.. هدت لينا شوي.. وقامت أمها تقرا عليها..
بعد دقائق قالت لينا لامها انها هي وسامي فسخوا الخطوبة.. بس ماقالت لها ليش..ماتبي احد يقول عنها ضعيفه..تذكرت ام لينا السفرة وقالت للينا انها بتروح ترتب الشناط..
لينا:لا
ام لينا: وش اللي لا.. بعد بكره بنسافر..
لينا :اي عادي انا بسوي شنطتي..
ام لينا: متاكدة ؟ترا بناخذ كل شي مهم .. لا تنسين اي شي
لينا : ان شاء الله .. بس وين بنروح وليش؟!

قالت ام لينا ببنتها كل شي.. مع إنها تدري ان بنتها بترفض..بس هالكلام بتعرفه.. سواء الحين ولا بعدين..لينا ترددت.. تبي أمها تروح لاهلها وتستانس وتفرح.. بس ماتبي يصير مشاكل بحياتهم وحوسة ولخبطة..قالت ان رايها مو مهم وسكتت.. بس بعد ما الحت عليها أمها انها تقول رايها.. شافت عيون أمها.. اللي مشتاقة لاهلها.. ماتبي تكون انانيه.. وردت على أمها بالإيجاب ..
ام لينا فرحت لأول مره لهذي الدرجة.. واخييييرا بتشوف أمها !!!!!
راحت تجهز الشنطة ولينا بعد راحت تجهز الشنطة..


.....…………………………………………………………..……


/-/في شركة من اكبر شركات الرياض/-/

......١....:وش هالكلام؟؟!!!
......٢....:هذا اللي وصلنا سيدي
.....١.....: من قال لك كل هذا؟!
....٢....: نفس المصادر اللي تجيب باقي الأخبار
....١....: مستحييل اخليهم يجون.. ممممسسستتتحححيييلل
....٢....:يعني وش بنسوي سيدي؟
....١.....: انا أقول لك


.....…………………………………………………………..……


~توقعاتكم~

هل بتوصل ام لينا ولينا للسعودية بسلامة ؟

من الشخص اللي قال (مستحيل اخليهم يجون)؟

ومن كان يقصد؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 12-01-2015, 10:24 AM
صورة ساظل انتظرك الرمزية
ساظل انتظرك ساظل انتظرك غير متصل
©؛°¨غرامي مشارك¨°؛©
 
الافتراضي رد: الكرسي ما يمنع أحب /بقلمي


ادري قصير مرررره بس بعوضكم بالبارت الجاي

الرد باقتباس
إضافة رد

الكرسي ما يمنع أحب /بقلمي؛كاملة

الوسوم
جنان , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مابعد مر الرحيل إلا إنكسار /بقلمي؛كاملة انفآس الهجر ! روايات كامله - يتم نقل الرواية هنا بعد اكتمالها 238 20-04-2019 02:40 AM
روايتي الأولى : 99 كذبه لا تكفي ! لادافع عنك ؟ أكمل آخر كذبه !/بقلمي؛كاملة هَمْسَْ ~ ! روايات كامله - يتم نقل الرواية هنا بعد اكتمالها 313 19-11-2017 02:03 AM
رواية التقيتك غريبة وودعتك حبيبة الموسم الأول /بقلمي؛كاملة شهد الراشدي روايات كامله - يتم نقل الرواية هنا بعد اكتمالها 1857 10-10-2016 09:04 PM
خلت في مقلتيك طيف أحلامي /بقلمي؛كاملة jooda_ روايات كامله - يتم نقل الرواية هنا بعد اكتمالها 471 16-07-2016 03:47 AM
لا أبالي بعذريتي كوني معك/بقلمي زارا خان zaara khan روايات - طويلة 209 12-06-2016 06:51 PM

الساعة الآن +3: 02:26 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1