ثامر آل عبدالعزيز ©؛°¨غرامي جديد¨°؛©

السلام عليكم ..
اخباركم ؟ ان شاءالله بخير ..
كثير طلبو اقدم بروايتي الجديدهه والاغلبيه يبغونها بعد الاختبارات ..
بس انا يمكن اكون مشغول بعد اختباراتكم والضروف ماتسمح لي انزلها فحبيت انزلها الحين ..
روايتي ماقولكم مو متشابهها بالروايات الباقيه بالعكس يمكن فيها شبهه بس بحاول قد ماقدر اخلي كل الاحداث مختلفهه وتكون فيها غرابه ومتعه ..وجرائتي بهالروايه تعتبر تحدي كبير بيني وبين نفسي ومبادئي .. بس حبيت اغير من روتين رواياتي المعتادهه .. اما بالنسبه للاسلوب فماراح يتغير او بالاصح ماقدر اغيرهه .. حبيت اشكركم على دعمكم لي وعلى تشجيعكم لي .. لولآ الله ثم انتم ماستمريت بهالمجآل <3 .

روايتي بعنوان :
عندما يعشق الشيطآن ..
بعد ماتم استكمآل :
1-ثلاث بنات بثانوية عيآل
2-بنت ابوهآ
3-ياحظ الغرور فيني
4-ان ماخذيتك بالحلال اول عيآلي سميك

وهالحين بنزل لكم ثلاث بارتات طوال ..
وبالنسبه لموعد البارت ماعندي موعد محدد بس بحاول انزل اكثر من بارت بالاسبوع ..

ثامر آل عبدالعزيز ©؛°¨غرامي جديد¨°؛©

بمطآر الرياض .







كان يمشي بثقهه ولايناظر حولهه وصل للطياره وشاف حجزهه " الدرجه الاولى على يمين" تقدم وشاف شاب جالس بمكانه
: هيه انت ذا مكاني !
الشاب : لو سمحت اخوي ذا مكاني انا !
-بستهزاء-: يابوي قوم انا ماراح اتحرك وهالمكان بيكون لي !
الشاب بعصبيه نادا الموظفينن : شوفو الحجز حقي !
الموظف بهدؤ : اعطوني اشوف
الموظف بتفهم : اسفينن جدا نعتذر لكم صار شوي لخبطه بالمقاعد والحجز هو فعلآ كلكم حاجزين المقعد ذا بس تفضل ياخوي اجلس بالمقعد الثاني وانا اسوي لك تعويض !
-بعصبيه وصراخ-: على كيفكم انتم ؟ انا ماراح اتنازل دام السالفه كذا انا الي بجلس هنا !
الشاب بعصبيه : ماراح اقومم انا ولد ال ... مناسبين ال ... .
الموظفين اجتمعو بيحلون هالمسألهه وعناد التجار
الموظف بخوف : نعتذر منككم جد اخواني حنى مستعدين نعطيكم تعويض بس انتم خلو هالموضوع يمر على خير .. وانت ياولد ال .... خلك بمكانك -وهو يلف لبطل روايتنا - وانت تقدر تجلس هناك ونعطيك تعويض
-باستهزاء- : ماراح اتنازل عن هالشي صدقني -وهو يطلع الجواز الامريكي ويتصل على السفارهه الامريكيهه والسفارهه الامريكيهه تتصل على السفارهه السعوديهه وياجلون رحلتهم لبعد ساعه علشان يحلون مشكلة المقعد -
الموظف باسف : لو سمحت اخوي تقدر تقوم عن مقعدهه لان اذا تدخلت السفاره الامريكيه حنى مالنا كلمهه لان الحق معه وهو يحمل جنسيه امريكيه فبياثر علينا صدقني وماراح نخسر مصالح دوليه وسياسيه علشان مقعد
وقومو الشاب الي جالس وجلس هو وهو يحس انه رضاء غروره
ناظر للطياره وهي تقلع من الارض الحبيبهه لارض الحريهه


____


نعرفكم على بطل روايتنا ..



ألياس "وهو عكس الامل": عمره 29سنه من ام امريكيه الاصول واب سعودي الاصول ساكن بالولاياة المتحدهه من كان صغير ابوه تاجر معروف على مستوى العالم بتجارات متفرقهه له شركات وعقارات وعماير وابراج وو .. بس طبعا نادر جدا مايقابل ابوه .. امه توفة بعد ولادته بسنتين .. تزوج ابوه بعدها ببنت عمرها 17 هي الي ربت ألياس وسكنت معاو برا بحكم طلب ابو اليأس صار له غايب عن السعوديهه 29 سنه او بالاخص ماعاش فيها الا وقت العطل ووقت المناسبات وطبعا الحين رجع للرياض علشان يقوم بواجب عزاء "ابوه" ويرجع لامريكا يرتب كل شي وبعدهه يرجع للسعوديه لانه الوريث الوحيد لاهذي الاملاك .. ألياس .. اسطورهه سمعهآ الكثير الكثير الكل كان يحلم يشوفهه من كان صغير الكل يتكلم عن سيطرتهه وجبروته وقوته وقسوتهه الكل كان من يذكر اسمه يتعوذ بعدهه وبتعرفون هذا السبب بالروايهه ..





_______

بعد اسبوعين من العزاء


بقصر من قصور الريآض كان مقلوب فوق تحت مهندس داخل ومهندس طالع

اسيل بتافف : لا مابي الاثاث يكون كذا اوڤر مرهه
المهندس الي طفش من ذوقه الصعب : انسه وصلي لنا الي تبينه بشكل مباشر علشان حنى نقدر نجيبه لك
اسيل وهي تجلس : ابيه يكون كلاسيكي ورايقق والوانه ماتكون مره اوڤر وتوجع العين ابي الي يدخل ينبهر بجمآل التصميم ابي يكون هو الوحيد بالعالمم ومايهمني الثمن اهم شي عندي المضمون
للمهندس وهو يكتب : طيب -واخذ اغراضه وطلعو العمال الاثاث وطلعو-
اسيل : هيه انتي
خزنه وهو تلف لها : نعم طال عمرك ؟
اسيل بتدقق : كم عامل بالقصر ومن متى تشتغلون هنا ؟
خزنه بهدؤ : انا واختي سارهه نطبخ هنا خمس سنوات ودوامنا بس باوقات الاكل الاساسيه الفطور نجيي سبع ويكون مجهز والغداء يكون على وحدهه والعشاء على تسع
اسيل وهي تناظر للمجله : الفطور ست من اليوم ورايح علشان دوام البنات والغداء يكون ثنتين والعشاء يكون عشر
خزنه : طيب .. اما الي ينضفون الغرف .. فيه خمس فلبينيات وبنت البواب
اسيل : بنت البواب وش جنسيته ؟
خزنه : سعوديه بس امها سورية الاصل
اسيل وهي ترفع حاجبه : اوڤر مانوظف سعوديات بالقصر ينظفو الغرف !
خزنه بهدؤ : طال عمرك بنت البواب مولوده هناء بالملحق من كان زوجك الله يرحمه هنا هم كانو بالملحق وكتب الملحق باسمهم وكلهم يشتغلون بالقصر .
اسيل وهي معقده حواجبه : منهم ؟
خزنه : العم صالح وهو البواب والي يهتم بحديقة القصر تقويبا صار له هنا ثلاثين سنهه وعندهه بنتين وحده تدرس جامعه ووحده تشتغل بالقصر صغيرهه بس هي قبل يتوفا طويل العمر طلبت منه يوضفها باي شي ووضفها بالقصر بحكم صغر سنها واخوهم محمد يشتغل برا القصر بس ساكن بالملحقق وولد اخو العم صالح اسمه سالم هو السواق ويجيب الاشياء الناقصهه هنا
اسيل وهي ترجع تناظر للمجله : اوكيه انا حاليا مشغوله ومافيني اجيب ناس جدد خليهم يكملون شغلهم ومابي منهم اي غلط لان لو صار غلط بسيط بينطردون
خزنه بهدؤ : طيب طال عمرك .. تبين شي قبل لاروح للمطبخ ؟
اسيل : لا


بالمطبخ .
خزنه بقهر : قهرتني يابنت مرهه ودي امسكها واعلمها ان الله حق
ساره بخبث : لاصار حاجتك عند الكلب الحق وراو
خزنه وهي تخزهه : اقول خلصي شغلك بروح للعم صالح اقوله اوامرها لاتفضحنا
ساره بطفش : طيب طيب
لبست خزنه عبايتها وتحجبت لانهه متربيه معهم والعم صالح كبير بالسنن


_____



بحديقة القصر كان جالس ويرتب بالحديقه الي صار له سنين وهو يرتب فيها

: يبه عطني عنك انت اليوم تعبت -وهي بيده صينيه- كل لك شي وانا برتب الشجر على بال ماتخلص
العم صالح بحب : الله لايخليني منك يالغاليهه
إيثار وهي تعطيهه الصينيه وتاخذ المقص : يبهه لاطردونا وين بنروح ؟
العم صالح بضيق : ارض الله وسيعه يابنتي
إيثار بتفأل كالعادهه : ان شاءالله تطلع طيبه نفس زوجها
قاطعتهم خزنه وهي تجلس : افف قسم بالله انها علهه بالحلق
أيثار بضحكه : ليش
خزنه وهي تقلد حكيها : الي مايلتزم بشغله بينطرد ومابغي اي اخطاء -وبنرفزهه- الي يسمعه يقول جالسين ندير شركات كله مطبخ وغرف
العم صالح بضيق : الله يصلح الحال وانا ابوك



_____

نعرفكم على ابطال روايتنا ..



بيت العم صالح "البواب"

__

العم صالح : رجال كبير بالسن وطيب وعلى نياته وضعيف جدا والدنيا كاسرته لين قايله بس .. تزوج سوريه كانو يحبون بعض ويقدس الحب بشكل فضيع بس الله ماعطاهه عمر
محمد : عمره 22 شاب طايش جدا ومايهتم الا بنفسهه وعايش حياته بالشوارعع والدشرهه ويكرهه إيثار كرهه العمى .. ملامحه عاديه جدا بس المميز به لون عيونهه العسلي وبياضهه المبالغ فيهه
عنى : عمرها 19 تدرس بالجامعه طب انسانه ماتشيل المسؤليه او ماتقدر تشيلها وضعيفه حيل وخوافهه ..حساسهه وتلعب فيها عواطفها اكثر شي .. جمالها ناعم جدا انثئ رقيقه بهيئتها النحيلهه وشعرها الطويل وملامحها الي تتميز بصغر حجمها ..
إيثار : عمرها 18 خلصت الثانوي هالسنه بس ماسجلت بالجامعه لانه مثل ماتقول فاشله دراسيا فقررت تساعد ابوها باي شغلهه .. انسانه متفألهه بريئه حيل اغلب وقتها تضحك تشوف الدنيا ولا شي قويهه بتفألها بالحياة مؤمنه بان الحزن مو حل للمصائب .. جمالها حاد عكس اختها بعيونها الواسعهه الي تشع منهم القوهه والحدهه وبملاممحها الحادهه الي تصرخ منها الانوثهه وبشعرها الطويل جدآ الي ينطق بالجاذبيهه ..


_____


اسيل ..

اسيل : عمرها 35 تزوجت رجال كان عمرها 15 وجابت منه بنتين تؤام وبعده بسنه توفى هالرجال وتزوجت ابو ألياس يوم كان عمرها 17 خذو اهل زوجها الاول بناتها وهي سافرت بطلب من ابو اليأس الي متزوجها بس لخدمة اليأس عاشت برا كل هالسنوات بدون لاتشوف بناتها ويوم توفى ابو اليأس رجعت للسعوديهه وطالبتهم بالمحكمه وربحت القضيه وجو عندها .. انسانهه تحب المظاهر جدا مغرورهه لابعد درجهه متسلطهه ومتعجرفهه ومايعجبها العجب .. تعشق اليأس بشكل فضيعع تحبه اكثر من بناتها برغم من انهه شخص سيئ جدا الا انهه ماتشوفه الا ولدها ..



___
خزنه وسارهه : عمرهم 30 مالله كتب انهم يتزوجون عايشين مع بعض بشقهه امهم وابوهم تووفو زمان واخوانهم وخواتهم الكبار الكل تزوج وشاف حياتهه فبقو لحالهم من القصر للشقه ومن الشقهه للقصر
___





بالملحق ..

كانت إيثار وعنى بتابعون لفلم دخل محمد

محمد بعصبيه : انتي ماتستحين على وجهك ؟ توكك بزر على هالاشياء
أيثار الي تعودت على كرهه محمد لها : شوف محمد اذا ناوي تتهاوش معي دور لك عذر ازين من هذا
تقدم محمد بعصبيهه ومسكها من شعرها ومن بين اسنانه : لسانك طايل ي.....
إيثار وهي تحاول تفك شعره من يدينها : بعد عني خلاص انا كبرتت ماني البزر الي تضربها
محمد وهو يضربه بوحشيهه وكانه يتلذذ بضربه لها : انتي حيوانهه انتي مستحيل تكونين انسانهه انتي قاتلهه تفهمممين
إيثار الي مو فاهمه شي ودموعه تسيل : خلاص يكفي -وهي تحاول تبعد وتطلع برا الملحقق -
محمد وهو يسحبها لغرفتها ويرميها بالارض : وين تبين تطلعين ؟ والله لو تطلعين لاقص يدينكك
عنى كانت جالسهه ومنزلهه راسها ماتدري وشلون تساعد اختها الي تعودت على هالروتينن وتعودت على الضرب والاهانات ومافي بيدها حيلهه وصعبه تقول لابوها لانه فيه القلب ومايتحمل مشاكل
بعد مارتاح من ضرب إيثار الي تبكي بشكل يقطع القلب طلع وترك الملحق واول ماطلع راحت لها عنى
عنى من بين دموعه : تحملي تحملي ياقلبي صدقيني بيجيي يوم ويعقل هذا شاب طايش
إيثار وهي تبكي بهستريه : لمتى اتحمل ؟ انا من كان عمري شهور وهي يضرب فيني من كنت صغيره وانا كل ماشوفه ارتعد تعبت من كثر ماتألم ليش يكرهني ليش ؟؟ هذا اخوي مو عدوي
عنى وهي تضمها : انتي قويه ماعليك منه انسان فاشل ماله معنئ بالحياةة لاتهتمين لهه

_________





بآمريكا .


كان جالس على مكتبه الكبير ومعقد حواجبهه ووجهه كاسيهه الجبروت والكبر دخل عليه رجال لابسين اسود باسود وكان احجامهم كبار مرهه ومغطين وججههم وماكان بين منهم شي ومعهم رجل شاب كان كاسي ملامحه الدم والضعف

أليآس ببرود : واخيرا التقينا
سعود بضعف : تكفى طال عمرك خلني بحالي الله يستر عليكك عندي اطفال اصرف عليهم بالغربهه لاتسوي بي شي تكفى خلني اعيش
ألياس بجمود : تموت بسهوله ؟ صدقني مو اليأس الي يسويها !
سعود بخوف : وش تقصد ؟
ألياس باستهزاء : انت كنت تشتغل معي وخنتني -وبسخريه- لا لا اصبر نرجع شوي كنت تشتغل معي وتشوف وش كنت اسوي بالي يخونوني
سعود بصراخ : لااا تككككفى الله يستر عليك خلنني مابي اموت
ألياس ببتسامة خبث : من قال بموتك ؟ انت صديقي ماعليك بقرصك قرصهه خفيفهه -وبصراخ- خوذو واحرقوه -وببتسامه- واول ماتشوفون روحه بتطلع ارسلو طبيبي له وخله يعيش مشوهه
سعود وهم يسحبونه : ألياسسسس لاتسويها يالظالمممم خاف الله والله الله مابيخليهه لككك الله لايسامحححك لادنيا ولا اخرهه
جلس ألياس يدور بالكرسي وهالكلام كله ماحرك شي داخله كان حجز يرمل الحريم وييتم الاطفال بدون لايخاف من شي وبدون لاحد يقرب لهه وفيه احد يقدر يواجهه اليأس ؟

دخل عليه صديق عمرهه يوسف .

يوسف بتنهيده : ألياس صدق بتترك امريكا بعد كم يوم ؟
أليأس بجمود : ايه نعم وبطلق نادينن ماعادت تلزمني
يوسف بضحكه : الحين انت ماخذ الجنسيه من ثمان سنوات من الي قبلها ليش ترجع وتتزوج وترجع وتتزوج
ألياس بغرابه : ادور نفسي
يوسف باستغراب : شلون تدور نفسك ؟
ألياس ببتسامه : ابي اتممسك بالحياة ابي وحده تخليني ماسوي هالجنون ولا اطير حياتي كذا
يوسف بضحكه : الله الله ألياس مشاري ال راشد يتمسك بالحياة ؟ كثر منها ياشيخ
ألياس بضحكه : اقول قوم بلحق على المطار وانت وصل اوراق الطلاق لها
يوسف وهو يقوم : ابشر ياسافح الدماء
ألياس قام واتوجهه للمطار وهو يفكر بكلام خالته ..

ثامر آل عبدالعزيز ©؛°¨غرامي جديد¨°؛©

البآرت الاول ..

من هنا تبدآ روايتنا .. عندمآ يعشق الشيطآن..
للكآتب : ثآمر الّ عبدالعزيز .
بعد ماتم استكمآل ..
1-ثلاث بنات بثانوية عيآل .
2-بنت ابوهآ .
3-ياحظ الغرور فيني .
4-ان ماخذيتك بالحلال اول عيآلي سميك.



_____




بالقصر كان كل شي مقلوب فوق تحت
اسيل وهي جالسه ومعها دفتر وتتصل على المعازيم وتعزم عمام ألياس الي ولا مرهه شافو بعض بحكم بعد ألياس عنهم

اسيل بصراخ : هيه انتي شوي شوي على الاغراض
إيثار بمرح : ابشري طال عمرك
اسيل بطفش وهي تكلم بنتها جود :ذي مادري وين عقل المرحوم يوم يوظفها بزرهه
جود وهي تناظر لاأيثار الي لابسه عباية سوداء سادهه ولابسه نقاب ومو باين منها شي : غير انها بزرهه شوفي شكلها اوڤر ماتنفع
اسيل بعدم مبالاة : ذي موضفها المرحوم وكاتب بالوصيه مايتغير اشغال السعوديين الي يشتغلون هنا
نجد بغرور : ماما اوجعني راسي من هالازعاج انا بروح لجناحي ولاجت الكوفيرهه ومصممة الازياء خليها تجيني فوق
جود : وانا كمان


____


بمكان ثاني بقصور ال راشد ..




ببيت ابو فيصل ..


ام فيصل : يابو فيصل تو سكرت من مرة مشاري تقول ان ولد مشاري ألياس بيجيي للسعوديه اليوم ويبون يسون عزيمه كبيرهه فلازم تروحون لهه تستقبلونه انت والعيال منتم اهله وناسهه
ابو فيصل : الله يستر رجعته خطر علينا
ام فيصل باستغراب : وش خطرهه !
ابو فيصل وهو يلف لعيال : انتبهو اشوفكم متهاوشين معاو خلوكم يده اليمين ترا لو صار شي صدقوني لا انا ولا الدم بيشفع لكم عندهه
فيصل بعصبيه : وهذا مايكف شرهه وحتى وهو بامريكا شرهه واصل لنا يحسب القانون على كيفه ؟
ابو فيصل بصراخ : ايهه الي معه فلوس تغطي عين الشممس يشتري القانون ويمككن يخفيك وماحد يقدر يرفع عينه ويقول له وين راحح !
فيصل وهو يقوم : اجل انتم روحو لتربية الاجانب انا عن نفسي ماراح اروح
سامر بيهدي الوضع : فيصل خل شرهه للعالم ترا ولد عمنا ماسواء لنا شي وهذا واجب علينا نروح لهه
فيصل بعصبيه : روحو له انتم انا ماراح اروح له
ابو فيصل بصراخ : بتروح ورجلك فوق راسك تفهمم وخلني ماشوفك الليلهه ببقصرهم والله والله لانت ولدي ولا اعرفكك
دانه كانت جالسه وساكته وقلبه يدق بقوهه هالانسان على كثر مالعالم يتكلمون عنهه على كثر مايخافونه على كثر مايكرهونه الا انه من تسمع طاريه يدق قلبها تحس بفضول تجاهه


____

ابو فيصل : رجل اعمال كبير بالخليج انسان جدي وواقعي ومسالم يحب اخوه مشاري حيل ومن حبه لمشاري يحب ولده الوحيد الي الكل يخاف منه ومن قسوته ويعرف بلاوي ولد اخوه برا السعوديه بس ساكت لانه مهما صار يبقى ولد اخوه وبحسبة ولده
ام فيصل : انسانه تحب المصالح وراعية مظاهر حيل
فيصل : عمره ٢٥ محامي بشركة ابوه انسان حقاني مرهه ويكرهه الظلم ومرهه مايتفق مع اليأس رغم انه ماقد احتك فيه
سامر : عمره ٢٢ فلاوي مرهه وبايع الدنيا وبالامور الجديهه يحب ياخذ طريق الصلح ويدرس بالجامعه مهندس
دانه : عمرها ١٩ انسانه خياليه مرهه ومرجوجهه بعض الشي وتحب الاشياء الغريبهه والنادرهه تكرهه المدرسه بشكل فضيع كملة الثانوي وجلسة بالبيت ..


__


ببيت ابو تركي



كان الجؤ حماسي عكس بيت ابو فيصل
تركي بحماس : والله يان ولد عمنا هذا شي فضيعع
ام تركي بطفش من ولده الي جايز له تصرفات ألياس : ياوليدي مايجوز تقول كذا هذا مايخاف الله حتى القتل يقتل
تركي بصراخ وحماس : يابوي يانه طاغي هالادمي هذا الي عارف للحياة صح
ابو تركي بضحكه : اقول بعد عنه منت بكبره ماحنى ناقصين مشاكل
سحر باستهبال : كيف شكله بالله ؟
تركي بنص عين : كيف شكله هاه ؟ والله لاقمت عليك علمتك كيف شكلهه
سمر بحماس : ياليتني ولد بس
ام تركي وهي تناظر لعياله الي مهما كبرو بيضلون صغار ومو فاهمين الدنيا : قومي انتي وهي يالله يمديكم تلبسون


_______


بيت ابو تركي ..
ابو تركي : رجال طيب وراعي اصل وواجب يحب عيالهه ومرته اكثر من كل شي
ام تركي : مديرة مدرسه "متوسط" محترمه ودينه فوق كل شي وتموت بولدها تركي
تركي : عمره ٢٧ يشتغل بشركة عمامه بايع الدنيا بشكل دايم يستهبل ولامسك على احد شي يذله به لين يعيفه حياته
سحر وسمر: تؤام ١٩ مره مرجوجات وهم وتركي تؤم وجيري

_____




الساعه 4 العصر ..




كانت إيثار واقفه عند باب القصر وتناظر الي يجيي والي يطلع وهم يشيلون كراسي وزينه للقصر تأففتت وجلست تمشي بالحديقه بطفش

إيثار وهي تكلم نفسه : كش عليهم هم يحتفلون وانا اخذ كم كف من محمدوهه "وهي تقلد حكيي محمد " انا اكرهك وانتي بتجيبين لنا المصايب " وبنرفزه وهي تضرب برجله الارض بحركه طفوليه " والله الي بيجيب المصايب انت ووجهك ياحيوان
قاطعه الشاب الي طلع بوجهه فجاءه وهو رافع حاجبه ويشر على عقله "يعني مجنونه"
إيثار وهي تقمز وتطير عيونها فيه كان شكله يخوف بملامحه الحادهه وعيونه الواسعه الرماديهه وبحواجبه وشعره الاسود سواء الليل جامع الجمال الشرقي والغربي وبقامته الطويله وبجسمه العريض ولبسه الغريب الي كله ماليه السواد وبمخش السكين الي على بداية عينه لنهايته
إيثار وهي تحاول تهدي نفسه : بسم الله الرحمن الرحيم سكنهم مساكنه " وبنرفزه" هيه انتا فيه معلوم عربي؟ انتا ممنوع يجيي هناء "وهي تضحك على نفسه " ياربي هذا شلون افهمه موب عارفه انقلش "وهي تحرك يدينه بطفوله وتشر على الباب الي يدخلون منه العمال " معلوم هذا باب اجيي عامل ؟ انتا روح هناك ولا مدام كبير جنجان انت
كان واقف ومكتف يدينه ويناظر لها بنظرات غريبه وإيثار فكرته مافهم عليها
إيثار بطفش : ياربي هذا شلون بفهمه بقره قسم بالله " وهي ترفع راسها وتناظر لوجهه" مشاءالله مشاءالله كل الهنود مزز
ماقدر يمسك نفسهه وضحك بصوت طويل مرهه وإيثار خافت من ضحكتهه وهي مطيره عيونه تناظر له
إلياس وهو رافع حاجبه وبنظراته البارده عكس الي ضحك مشوين : انتي مين
إيثار صرخت من الخرعه : تعرف عربي "وهي تنقز " يامصيبتككك رحتي فيها والله محمد مايخليك عايشه
إلياس وهو يناظر لها باستغراب وحركاتها الطفوليهه وباستخفاف : هيه انتي وخري عن طريقي لاذبحك انتي ماتدرين من تكلمين !!
إيثار بعصبيه وهي تتخصر : من اكلم هاه ؟ بعدين ماسمح لك تكلمني بهالاسلوب الوقح ياوقح
إلياس والشرار يطير من عيونه وبعصبيه مسكها ودفها على الشجرهه ولصق فيها وهو حاط يدينه على فمها وبهمس : يمديني اخفيك عن وجهه الارض ولا مخلوق يعرف انتي حيه ولا ميته يمديني انهيك قدام اهلك ولا احد يفتح فمه "وبتهديد " بعدي عن طريقي ترا طريقي كله شوك -وبعد عنها ومشى متجهه للقصر بكل ثقه وغرور-
إيثار وهي حابسه انفاسهه واول مابعد جلست على الارض وهي تناظر ليدينه كيف ترجف : يمه قلبي وشو هذا والله مو انسان ليش يتكلم بهالثقه بدون خوف "وهي تناظر لباب القصر الي دخل منه" منهو هذا




____


البآرت الثآني ..




دخل ألياس بهيبته المعتاده وبرزتهه الي الكل يخاف منه وهو يناظر للي حوله كيف منزلين عيونهم بالارض مشى متجهه لجناحه متجاههل اسيل الي جالسه تكلم وتعزم دخل جناحه وهو يناظر للغرفه بهدؤ ماتغير شي
كانت غرفته عبارهه عن تصميم لماقبل الحجري باثاثها الغريب جدا النادر وبالاسلحه الي ماليه الغرفه وبالدروع غرفته كانت معزوله عن القصر وعن الكل وعن العالم باكملهه بغرابتها
دخل للحمام واسترخاء بالدش وهو يفكر بحياته الجديده الي مو متعود عليها
إلياس" اهه شلون بتعود على هالعيشه شلون بعيش مسالم بدون مشاكل الله يسامحك يابوي تركتني بالغربه اطيح واقوم نفسي تركتني بالغربه اصارع الي حولي لين صرت انام وبجنبي مسدس صارو يسموني عزراييل اشيل ارواحهم بدون اي تانيب شلون بعيش هناء بدون لاؤذي احد ؟ شلون بشيل قناع الكراهيه الي مزروع داخلي ؟ "
تنهد بضيق وهو يقوم ويلبس الزي السعودي الي صار له مدهه طويله مالبسهه ناظر شكله بالمرايهه بالثوب والشماغ وابتسم بسخريه " حتى الجنسيهه السعوديه رفضتها ورفضت ارجع هنا بس الزمن والقدر مو بشوري " عدل شماغه وخبى العقد القماش داخل الثوب (العقد عباره عن خيط اسود ياصل للصدر وبداخله رصاصه محفورهه من الجهتين علشان تطلع كسنسال او شي مثل كذا بس لها معنئ )
طلع من جناحه بريحة عطره القويهه وبدخولهه القوي وهو يشوف امهه ومعاها بنتين جالسين بالصاله
اسيل بحب : هلا بولدي هلا بالغالي
ألياس تقدم بهدؤ وباس راسها : هلابك
اسيل الي متعوده على طبع ألياس البارد وبفرحه : ألياس اليوم مسويه لك عزيمه كبيره وعزمة عمامك علشان يتعرفون عليك وانت تتعرف عليهم
ألياس وهو رافع حاجبه : مايحتاج كل هذا من الاساس انا ماراح اكون موجود
اسيل وهي متحطمه : تكفى ألياس علشان خاطري لاتفشلني معهم
ألياس بهدؤ : طيب -وهو يناظر لوراء- ذول مين ؟
اسيل بغرور وهي تناديهم : جود ونجد بناتي تعالو سلمو على ألياس
ألياس وهو يناظر لهم بتفحص : مشاءالله كبرو
جود وهي تتدلع وتمد يدها : حمدالله على سلامتك ألياس
ألياس وهو يناظر ليدها وبهدؤ بدون لايمد يدهه : الله يسلمك
جود من الفشله ماتدري وش تسوي
نجد وهي تلطف الجؤ : متى وصلت ؟
ناظر لها ألياس ببرود وبعده لف وطلع برا القصر وهو مو طايق حاله
نجد بنرفزه : يمه هذا ولدك الي مزعجتنا فيهه حيوان شايف روحه على غير سنع
جود بهيام : يهبل يهبل يهبل جنتل مان
اسيل بفخر : انا ربيته اكيد بيكون جنتل مان -وبفرحه- الله يجعله من نصيبك جود
جود بهيام : ياهو نصيبي يبلاها


طلع ألياس من القصر بطفش وهو يناظر للشايب الي جالس يسقي الورد ومعوه بنت هي نفسها البنت الي مشوين تقدم لهم بهدؤ
ألياس : انتم تشتغلون هنا
صالح بخوف : ايه طال عمرك حنى من ايام الوالد نشتغل هنا وساكنين بالملحق
ألياس وهو يناظر للبنت الي مو معبرته وبخبث : هذي بنتك ؟
صالح وهو يناضر لايثار بحب : ايه هذي بنتي إيثار اخر العنقود
ألياس باستغراب : اسمها إيثار ؟
صالح بحزن : ايه طال عمرك ام.... -وقاطعته إيثار بنرفزه: يبه مو لازم كل احد يدري بكل شي بالعائله !
إلياس وهو رافع حاجبه : انا صرت اي احد ؟ -وبخبث- مقبوله منك يإيثار .
صالح وهو يصرف الموقف بحككم معرفته لليأس : هههههه بنتي تحب تمزح كثير -وهو يلف لإيثار- إيثار ادخلي داخل قبل يجيي محمد
إلياس وهو يناظر لها قامت وهي تحط عينه بعينه بتحدي وقوه وهي تمشي من قدامه متجاهله نظراته الغريبه



--
بعرفكم على عائلة ال راشد بشكل عشوائي
الجد
* ولده الكبير ابو فيصل ..
عياله -فيصل- سامر - دانه
*ولده الثاني ابو تركي ..
عياله- تركي- سحر وسمر
*ولده الثالث ابو عبدالرحمن ..
عياله-عبدالرحمن٢٧-عبدالله٢٥-عبدالملك٢٠
* ولده الرابع ابو هتآن ..
بناته-هتان ٢٠-هند١٩-هنادي١٨
*بنته ام اسامه..
عياله-اسامه٢٧-مشاري٢٠-لجين ١٩


بعد العشاء ..

وصلو الكل للبيت وقامو عيال العم مع الموضفين بترحيب الضيوف الي الكل يسأل عن صاحب البيت
ابو تركي بهمس : يبه هالولد بيفشلنا للحين ماجاء وهو صاحب البيت
الجد بهدؤ غريب : شوي ويجيي ماله بعيد وحذر العيال لو يقولون له كلمه ولا حتى يحسسونه انه غريب بيشوفون الي مايسرهم
فيصل وهو جالس مع عيال عمهه
عبدالرحمن بعصبيه : ذا يستهبل بتجيي الساعه تسع وهو ماشرف !
فيصل بقهر : وش ترجي منه ولد الاجانب
تركي : ياحمير انت وياو تروه ولد عمكم ولايسمعكم جدي قسم بالله بتروحون فيها
سامر باستهبال : يسعدلي جوهه عايش حياته على كيفه ماهو خايف لا من شايبكم ولا من عياله
مشاري وهو يضحك : اتخيل شكل واحد مننا مسوي هالحركه قسم بالله لايتوطون ببطنهه
قاطع عليهم كلامهم دخولهه الشامخ وهو يناظر للكل باهيبه وغروره المعتاد
ألياس بصوت طويل : اعذروني ياجماعه على التاخير بس كان عندي شغل واضطريت اني اتاخر عليكم -وباستهزاء- او ماله داعي اعتذر عيال العم والعمام قامو بالواجب ماقصرو
الجد وهو يحاول يوخر هالتوتر والنظرات التحدي بين ألياس واحفادهه : هلابك يبهه تعال سلم علينا تو مانورت السعوديهه -وبصوت طويل وهو يلف على الرجال الي جالسين يناظرون باستغراب ٠وبفخر٠- هذا أليأس ولد عامر ال راشد ..
الكل قام يسلم عليهه بحذر وخوف من هالشخص وهو مكتفي انه يصافحهم فقط
جلس الكل وجلس ألياس بصدر المجلس بجنب جده الي يناظر له بفخر من خوف الناس منهه وهو ساكت ويناظر للكل بناظرات تفحص
قاطع هالصمت واحد من الموجودين : طويل العمر ابي اسألك انت ناوي تبيع اسهم ابوك بشركتنا ولا ؟
اليأس ببرود : للحين مافكرت بس صدقني الي انا بسويه مابيعجبكم -وباستهزاء وهو يبتسم- احب اسوي الي يريحني وراحتي تزعج اكثر الناس
ابو محمد بخوف : لاوالله ياطويل العمر راحتك من راحتنا
فيصل بهمس لعبدالرحمن: تكفى عبدالرحمن خلني اقوم عليهه
عبدالرحمن بهدؤ : فيصل بطل جنان وطنشهه
تركي بهمس : يخرب بيته شوفو شكله قسم بالله مو سعودي كنه من عصابات المافيه
مشاري باستهبال : اقول من لبسه الشماع اعترفو ياشباب
سامر باستهبال وهو يقلد صوت اليأس: البودي قارد بيبي
الشباب ماقدر يمسكون ضحكتهم وضحكو بصوت طويل
ألياس وهو يناظر لهم بتفحص
الجد بتوتر : وشبكم انتم اليوم ؟
فيصل وهو يبتسم : مابنى شي يالغالي انت ماتعرف سامر ومشاري لاتجمعو
اليأس بنغزه : فيه مثل يقول الي يضحك كثير نهاية ضحكه بكى علشان كذا عيال عمي الحبيبين لاتضحكون علشان ماتبكون بعده
فيصل بعصبيه كان بيرد بس قاطعهم ابو تركي وهو يصرف الموضوع : شباب قومو قهو الرجال وشيكو على العشاء




عند الحريم ..



كان الجؤ رسمي حيل والكل يتباها
ام مشاري ببتسامه : اسيل ياقلبي اتصلي على ألياس خليه يدخل بسلم عليهه
اسيل بغرور : بتصل عليه بس ان شاءالله يرد علي هو
دانه تهمس لسحر وسمر: بنات تكفون بشوفه
لجين وهي تقرب عندهن : انتي استخفيتي صح ؟
سحر بحماس : ايه تكفين ياكثر ماسمع عنه ودي اشوفهه
سمر بخوف : والله لايذبحنا تركي
سحر تتخصر : الحين نسلم عليهم كلهم عادي بس ألياس لا ؟
هتان وهي جايهه : كاني سمعت اسم الشيطان
هنادي بعربجه : شيطان يمسكك الاهي والله الشيطان انتي
هتان وهي مطيره عيونه : وجع وجع طايل لسانك انا اختك الكبيرهه
دانه برجاء : بنات بس بشوف شكلهه والله امنية حياتي هذي
هند بهدؤ : والله انك تغامرين ماتعرفين من ألياس ؟ والله انه يسوي بلاوي سوداء مايخاف الله
دانه بدفاع : وش دراكم ؟ يمكن اشاعات ؟
هتان باستهزاء : اشاعات ؟ اقول نسيتي يوم جاء قبل ثلاث سنوات بالعيد شعمل؟ الي مايحترم لاجد ولا عم وش ترجين منه ؟
دانه بحماس : بس معه الحق هو خذا حقه من جدي لانه طرد ابوه زمان يعني عادي
هند وهي مطيره عيونه : هذي الي بتجلطني عادي يحرق الشركه بكبرهه والبيت ومو خايف يموت احد ؟ لا وبكل ثقه كاتب اليأس بيخليك تيئس من حيياتك ياحثاله ؟
سمر بكرهه : ايوالله مانساهه كم تعبو عمامي علشان يرجعون الشركه ويسددون الديون
هنادي باستغراب : بس ليش ماشتكو عليه ؟
هتان باستهزاء وهي تجلس : يابوي ذا معاو جنسيه امريكيه ذي اول شي ثاني شي ذا بامريكا يطلع منها بسهوله شلون بالسعوديه ؟
دانه وهي تغير الموضوع : اص مابي اكرهه والله انه معجبني المهم بنات شرايكم نطلع للحديقه تعبت من الجؤ الكئيب
قاطعت كلامهم جود بدلع : ايوالله امشو للحديقه قلت للخدم يجهزون لنا الجلسه
سحر تهمس لهنادي : هذي الي يسمونها نشبه صدق


----



البآرت الثآلث ..



بالملحق

عنى بتحلطم : إيثار تسمعين صوت الاغاني ؟ ياربي ليتني معهم اففف
إيثار بطفش : قلت لك لو رايحين لساره وميلاف ازين لنا من هالجلسه
عنى بقهر : تقارنين جلستهم بجلست ساره وميلاف ؟
إيثار بحماس : والله جلست ساره وميلاف تسوئ الدنيا ومابهه
محمد وهو داخل وبعصبيه : اوهه الاخت عشقانهه اخوهم الزفت علشان كذا جلستهم تسوئ الدنيا ومابهه !!
إيثار بدفاع : لا سلمان اخوي حاله حالك
محمد والشرار بعيونه : تقارنين الحقير بي -وهو يفك عقاله- انا اوريك ياحيوانهه
عنى وهي تقوم وبترجي : محمد خلها تكفى
محمد وهو يدف عنى ويمسك إيثار وبالعقال باقوى ماعنده وهي تصرخ وتحاول تبعد لاكن بدون اي رحمه صار يضربها بشراسهه وهو يتذكر الماضي : ياحقيره يازبالهه انا اوريك
وراح للمطبخ وهو يشغل النار
عنى وهي تحاول تقوم إيثار الي من شدت البكى مو قادره تتنفس : إيثار اطلعي برا تخبي لايشوفكك بسرعه لاطلع اناديك
وقومت إيثار وطلعتها برا وسكرت الباب وهي تهرب لغرفتها
طلعت إيثار وهي تمشي حافيهه وشعرها محوس ووجهها احمر اثار الضرب ويدينها تصب منها دم وهي تمشي متجهه للحديقه الي وراء البيت تحاول تتخبى وراء اي شجره علشان مايجيهها محمد




_______




كان يمشي وهو يدخن ومو طايق حاله بس وقفه صوت بكي يقطع القلب وهو يحاول يتقدم بحذر وهو مطلع مسدسه الي ماينزل من جيبه تقدم لين ماوصل للشجره وقف وهو يناظر لها
---
اول مره بحياتي اشوف هالظلم دايم كنت اشوف ناس تبكي تحت رجولي ولا يهتز فيني شي كنت انا الظالم دايم كنت احرق ناس قدامي واشوفهم وهم يحترقون واطفالهم يبكون ولا يهتز فيني شي بس هالمنظر بحياتي ماشفت مثلهه متخبيهه طفلهه صغيره بريئه تحت الشجرهه بملامحها الكاسيها الحزن بجسمها المهدود من كثر الضرب بشعرها الطويل الاشقر كانت تصرخ برائهه للحظه بس حسيت ان قلبي دق دق رحمه وشفقه الرحمه الي نزعتها من كنت صغير رجعت تتنفس

تقدمت لها بهدؤ وانا انحني لها : وش بك ؟
إيثار وهي تبعد بخوف وهي تمسح دموعها بباطن كفها بطريقه طفوليه مرهه : مافيني شي لو سمحت وخر عني
ألياس وهو يتنهد وبحده : من مسوي بك كذا ؟
إيثار وهي تحاول تقوم وبخوف : تكفى رح مابيه يجيي ويشوفكك عندي -وهي تبكي بضعف- تعبت مابي اتعب زياده تكفى روح
ألياس بعصبيه : انتي شلون تسكتين للي مسوي بك كذا ؟؟؟
إيثار بطفوله وهي تمسح دموعه : هو كبير وانا صغيره
ألياس جلس فترره ساكت ويتأملها بعيونها الواسعه الي مليانه ألم وبشفايفها الموردهه وبانفها الاحمر وبالكدمات الي بوجها وبجسمها الصغير الي كانت اقصر منه باضعاف تنهد وهو يلف عنها : ارجعي لبيتك يابنت لااسوي بك اقوى منه
إيثار وهي تقوم وبطفوله : انت ماتسويها انت طيب مرهه -وهي تمشي - شكرا
اليأس لف لها وهو يشوفها تمشي وتعرج بحذر تنهد بضيق وهو يرجع للمجلس


______


عند البنات ..

كان الجؤ عباره عن هدؤ وجود تتكلم
جود بدلع : مره طلع شكلها اوڤر
هنادي بدفاشه : والله اعرفه الاوڤر
هتان وهي ترقع لاخته وببتسامه : واو صدق ؟
هند بطفش وهي تقوم : سحر تعالي معي ابيك
وقامت سحر وهي مبسوطه ان هند قومته عن سؤالف جود الي كلها فشخره
دانه بخبث : الا شلون اخوك ألياس الحمدالله على سلامته
جود بفجعه : مو اخوي هو ولد رجل امي مالي دخل فيهه
هتان بضحكه : وشبك انخرعتي عادي انتم بتسكنون مع بعض اكيد بتكونون اخوان
نجد بكرهه: قلو الاخوان علشان يصير هذا اخونا !؟
دانه بحدهه: وليش وش فيه هذا مو عاجبك ؟
نجد بدلع واستفزاز: شكليآ عاجبني وشخصيآ نو موب عاجبني !
دانه وهي تقوم : الحمدالله والشكر تراك ببيته لاتقعدين تسبينه
هتان وهي تقوم وتشوف دانه الي بتدخل الفله : معليش دانه كذا تحب تمزح -وتلحقها هي ولجين الي قامت وهي ساكته -
جود بحقد وهي تلف لنجد : امشي نجد ندخل مالنا قعده عند هالهلاقه
سمر بعربجه : مالهيلق الا انتي ووجهك
هنادي باستهزاء: ادخلي ادخلي -وهي تقلد صوت جود- ياوڤر انتي

ثامر آل عبدالعزيز ©؛°¨غرامي جديد¨°؛©

راحو كل المعازيم مابقى الا ال راشد
والجؤ عادي العيال داخلين مع بعض والشياب يتكلمون مع بعض الا هو كان جالس لحاله وشارد فكرهه باشياء كثيرهه
الجد بحذر : يألياس تعال ابيك برا شوي
ألياس يناظر للجد الكبير بالسن وهو يقوم ويطلع من المجلس والانظار كلهم لليأس تنهد بطفش وهو يقوم معاو

بالحديقه
الجد وهو يجلس ويناظر للحرس الي مالين القصر : ياولدي ليش كل هذا ؟
ألياس بهدؤ وهو يفك شماغه : راسي الكل يطلبه
الجد بحزم : ماعاش من ياخذ راسك وحنى موجودين
ألياس باستهزاء وهو يفك ازرار ثوبه ويرجع لوراء : هه يوم كبرت صرتو موجودين ؟
الجد بحزن : يايبه انسى الماضي وافتح معناء صفحه جديده عمر الضفر مايطلع من الحم
ألياس بحقد : صدقني اذا ضفري بيوم من الايام عكر مزاجي بشيله عن الحم بدون لااقول اه .
الجد بتفهم : اسمعني ياألياس للاخر
ألياس وهو يرجع ظهره للكرسي وراسه لوراء وبعدم مبالات : صدقني ضغطك للميت ماله فايدهه
الجد باندفاع : بس توك باول عمركك انت يألياس خذيت حقك وزود حتى ابوك ماسلم من شركك
ألياس بحدهه : صدقني انا ماحب الا نفسي ولو احرقكم كلكم ماتهزون بي شعرهه تفهم !
الجد بصراخ : انت ليش ماتفهم صعبهه عليي اشوف ابوك يتزوج هالامريكيه واسككت صعبهه اشوفه حامل واشوفهم بينزلونن الطفل بدون رحمه واسكتت ترا زواجهم كان مصلححه ابوك طمع بففلوس امكك وانت يوم جابوك صدقني كانو بيسون اشهاض لولاي كنت ماجيت
ألياس باستهزاء : علشان كذا سموني ألياس ؟ لانهم يئسو انهم يموتوني ؟ -وبضحكه- صدقني لو انا ماجيت على هالدنيا يمكن الحين كثير من الناس عايشين بسلام -وبسخريه- بس الله مايحبهم علشان كذا خلاني عايش
الجد وهو يمسك نفسه : ألياس انت جيت بالحياة والحمدالله انت عايش واخذت حقك وزود حقك من ابوك ومني بعد -وبألم- بس انا سامحتك وابيك ترجع لنا وتعيش معنئ ابوك ماعاش معنئ انت على الاقل عيش
ألياس بكرهه وهو يقوم : خذها كلمه مني انا مستحيل اواطنكم واذا صرت معكم وجلست بمجالسكم هذا مو علشاني ابيك بس مابي النآس تقول ولد عامر ال راشد ترك اهله وناسه علشان الفلوس -وبستهزاء- ولا وش مخليكم تبوني غير انكم طماعين بالي املك
الجد بحزم : ألياس اقسم بالله لو ماتتعدل انا اعدلك
ألياس وهو يضحك بصوت طويل : ياشيخخ زمان ماضحك -وبحدهه- انتبه تهددني ثاني مره صدقني ماراح احرق لابيتك ولا شركتك بحرق قلبكك -ومشى تارك الجد يناظر له باسئ على هالظلام الي عايش فيه -



بالمجلس

فيصل وهو يقوم : يبه انا رايح للبيت انت لاجيت جيب امي معك
ابو فيصل وهو يقوم : كلنا رايحين اتصل عليهم يطلعون
مشاري وهو يقوم : يالله ياشباب تمسون على خير وترا استراحتنا خلصت -وباستهبال- لو سمحتو مانبي فوق الثلاثينن -وهو يناظر لخواله-
ابو تركي وهو يتصنع العصبيه : الله وجلستكم عاد جلست ابو ماجد -الجد- على غفلهه
عبدالملك وهو يناظر لهم بخبث : لاتبكون علينا ماله داعي الاحراج قلنا لكم مانبي شيبان عاد اذا انتم وسيعين وجهه مشكلتكم
ابو عبدالرحمن وهو ماسك ضحكته : قم قم صدق اني ماعرفت اربي
ابو تركي وهو يقوم : ياعلكم ماتتزوجون قولو امين
الشباب : لالا.. تكفى استغفر.. مالك داعي ..
ابو فيصل بضحكه : والله وعرفة تضربها صح يابو تركي -وهو يمشي- اكرمكم الله



رجعو كل العوائل لمكانهم وهم يفكرون بالجزاء الي دخل لحياتهم ومايقدرون يطلعونه ولا يقدرون يدخلونه


___

ثامر آل عبدالعزيز ©؛°¨غرامي جديد¨°؛©

بقصر ألياس ..

كان جالس بالصاله ومشغول بالاوراق الي قدامهه
اسيل بطفش : اففف وبعدين معك من اليوم اتكلم لك ليش مطنشني ؟
ألياس بهدؤ : مو مطنش بس كلامك مافيه اي جواب اجاوب عليه علشان كذا ساكت
إيثار وهي داخله : السلام عليكم
ألياس رفع عينه وجلس يناظر له ببرود وبعده رجع على نفس الوضعيه
اسيل بقهر : لا بدري اذا انتي مو محافظه على شغلكك خلاص بطلي تشتغلينن شوفي كم الساعه الحينن وتوك تجين !
إيثار بأدب : طال عمركك انا ارتب غرفتك وغرف بناتك بس البنات مايقومون الحين فصعبه ابدا ش...
قاطعته اسيل بعصبيه : انتي تعطيني اوامرر ؟ من انتي اصلا ؟ انتي مجرد شغاله ترتبين وتسوين الي اقولكك عليه بدون اي نقاش -وبحدهه- اعتبريه انذار
إيثار ببرود : طيب اي اوامر ثانيه ؟
اسيل بقرف : لا فارقي
مشت إيثار بهدؤ وهي مطنشهه كل هالكلام ولا هو هامه
ألياس باستغراب " هالانسانه بتجننين بعد كل هالتهزيئ ماتهتز به شعره ولا تبكي ولا حتى تتضايق وتكمل الشغل بهدؤ -وبسخريه- والله لو انا احد يقولي كذا يمديني دافنهه بدون صلاة"
قاطع سرحانه اسيل
اسيل بخبث : ألياس انت الحين رجعت للسعوديهه وعندك خير يخليك تشتري الدنيا بكبرهه بس ناقصك شينن ؟
ألياس ببرود وهو يناظر للاوراق : الي هم ؟
اسيل وهي تتعدل وبدلع : العزوهه والزوجه
ألياس وهو رافع حاجبه وبغرور : مابيكملني ولا بيهمني
اسيل باقناع : اسمعني الناس الحين يتكلمون بك والكل يبي يشاركك يبالشركهه يابالنسب انت الوريث الوحيد لاملاك عامر لان ماله الحق فيهم املاك امك هذولي فعمامك ماراح يطالبونك بشي وحتى لو طالبوك مابياخذون شي وغير كذا هم مو ناقصهم شي شركه وعندهم واسمهم معروف وقصور وعندهم يعني لو تتقرب منهم بتقوى اكثر -وبخبث- بعدين الناس مايقولون ألياس لحاله بالعكس بيحطون الف حد وحد لعمامك وبالذات جدك له اسمه وكل الناس تحترمه
ألياس وهو يقاطعها : اعطيني المهم لاني مالي بالهرج الكثير
أسيل : انك تتقرب من جدك اكثر صدقني محد يقدر يقول لك شي وبكذا انت بتضمن حقك كمان من شركتهم
ألياس بلامبالاة : وبعدين ؟
اسيل بحماس : تتزوج
ألياس بسخريه وهو يناظر له بحدهه : اسمعيني زين انتي صدق ربيتيني وانسجنتي معي بالغربه على عيني وراسي ماني ناكر للجميل بس انك تعطيني اوامر -وبخبث- كذا ازعل وانتي اكثر وحده تعرفين ألياس اذا زعل وش يسوي ؟ -وهو يقوم متجهه للدرج متجاهل تبريراته-



دخل غرفتهه وهو يحس انه من داخل فاضي مافيه مشاعر تنهد وهو يتصل على يوسف صديق طفولته
: هاه يوسف وش سويت بالي قلت لك عليه ؟
يوسف باستهبال : وعليكم السلام انا الحمدالله
ألياس وهو يلبس قميصه وبطفش : تعرفني ماحب المقدمات
يوسف بروح مرحه : ايه اعرفك واعرف اطباعك الغريبه .. الا وش اسوي بانجي ؟
ألياس باستغراب : وشو وش تسوي طلقتها خلاص !
يوسف : بس هي كل بعد يومين تجينا للشركه وتبهذل الموظفين تبي تقابلك ؟
ألياس وهو يجلس على السرير وببرود : خلهم يخطفونها وياخذونها لمكان بعيد ويخفونها بس تخويف يعني نبههم لاحد يقرب له من الشباب -وبسخريه- مهما كان العشرهه ماتهون الا على ولد الحرام-وبجديه- وبعد هذا اتركوها بقريه .... وقولو لها ألياس حتى لو هو بعيد محد يعبث معه ويتركه بحاله
يوسف بضيق : بس يألي..
قاطعه ألياس بحزم : سو الي اقولك عليهه
-وسكر السماعه وهو ينسدح على السرير بتفكير عميق - قاطع تفكيره ضرب على الباب
قام وهو مستغرب وش هالهمجيه وهم يدورن ان الباب ماينفتح الا بكرت وان ألياس محذز احد يقرب لهالقسم
قام وهو براسهه شر فتح الباب وهو يشوفه ماسكهه ادوات تنضيف وبجزع : انت بكل مكان تطلع لي !!
ألياس وهو ينزل راسهه علشان يشوفها وباستهزاء : انتي شكلك منتي مبعده عن طريقي الا لين اعطيك قرصه
إيثار باستغراب : وش تخربط انت ؟ ترا ماعرفكك ولا ادري من انت ولا يهمن انا شغلتي هنا انظف وامشي فاذا تبيني ارتب غرفتك اطلع واعطني المفاتيح
إلياس بعصبيهه وشياطين الجن فوق راسهه : هيه انتي وش هالوقاحه -وبتحدي - انا بعلمك شلون تقربين لهالقسمم -وسحبها لداخل الجناح وسكر الباب
إيثار وهي بالارض من قوي السحبهه وبخوف : هيه انت وش قاعد تسوي افتح بطلعع
ألياس وهو يقرب وبراسهه شر وبهمس : اشش الافضل انك تبقين هاديه علشان ماتتاذين
إيثار وهي تبعد وبخوف : والله بصرخ لو تقرب زيادهه
ألياس بخبث : صرخي صدقيني لو تموتين من الصراخ محد سمعك
إيثار وهي تبكي وتبعد وهي تشوفه يقرب : وخر ياحقير والله لو تقرب ل..
قاطع كلامه وهو يسحبه من يده بقوهه ويمسكه من يدينه ويرفععه لوجهه وبحدهه وهو ملصق وجهه بوجهه : انتبهي انتبهي تهدديني انتي كذا صدقيني بتدمرين حياتكك
إيثار وهي تبكي بصوت عالي وتبعد : انت ماتخاف الله وخر عنيي
رماها ألياس على السرير وهو يسحب نقابه وطرحتهه وباستهزاء : من زين هالوجهه يوم تخبينهه
إيثار بهستريه وهي تحاول تجمع نفسهه : حقققير واطططي والله لو تقرب لي لاقتلكك
ألياس بصراخ وبعصبيه وهو مايشوف الي حوله : انتييي غبيه ولا تستغبببين ترجججيني اتركك ابكي تحت رجولي علشاننن اتركك صدقيني انتي بكلامك هذا تلعبين مع الشيطان
إيثار بصراخ وهي تقوم من على السرير من الجهه الثانيه : تخسسسي اترجاك وابكي تحت رجولك والله لو تذبحني ماذل نفسي لواحد مثلك نذلل
ألياس خلاص مو قادر يتحكم باعصابهه راح لجهتها وسحبها بقوهه وفك عبايتها بوحشيهه وهو مو حاس بروحهه
للحظه وحده حس على الي قاعد يسويه وهو يشوفها هاديهه تحاول ترجع انفاسهه وهي مغمضه عيونه بقوه ناظر لها وهي ببين يدينهه وتحاول تغطي جسمه الي نصه بان من وحشيته رماها على السرير بقرف وهو يحاول يسيطر على مشاعرهه الي اهتزت من منظرها وبحدهه : انتي منتي من النوع الي يعجبني -وبستهزاء - بس صدقيني بادبك بطريقه ثانيه
إيثار وهي للحين مغمضه عيونه بقوه وهي تجمع نفسه ماتبي تشوف شكله ولا تشوفه
قام ألياس وهو يطلع من الجناح ويقفلهه عليها علشان يادبها وعلشانن يمسك نفسهه طلع على طول للشركه وهو يحاول يطلعها من باله ..


--
ألياس " اول مرهه بحياتي اضعف قدام احد كذا احس مو قادر اسوي شي احس اني انسان بمشاعر قدامها ضعفها يضعفني كنت اقدر انهي مستقبلها ويمكن حياتها وكنت اقدر حتى اخفيها عن الوجود بس شي بداخلي مو قادر اسيطر عليهه كبريائه يوترني قوته وتمسكه بمبادئه تبعثر كل شي داخلي ضعفه لمآ احاول اكسرها تكسرني نظراته البريئه تخليني اكرهه حالي مليون مرهه تخليني استغرب هي بشر ولا ملآك ؟ تخليني افكر فيه ناس مافيهم خبث البشر ؟ ههه ذي تنكتب بالتاريخ الشيطان يترك المسلم بحاله.. افف انا وش قاعد اخربط فيهه انا ألياس ال راشد تهزني شغاله ؟ يالله بكل الحالتين ماراح ارجع للبيت الا متاخر كالعاده فابي اخلي اهله هم الي ينتقمون لي منها مايحتاج اتعب نفسي انا هه وش تقول يألياس قصدك ماتقدر تأذيها مو تتعب نفسك


_____




رايكم بالروايه ؟
توقعاتكم ؟
اجمل شخصيات الروايه ؟

ملاك حائر. ©؛°¨غرامي مشارك¨°؛©

غريبة شاب ويكتب روايات ..........تحمست لاقراءها لعلي اجد اسلوب مغاير

الأسود يليق بي ©؛°¨غرامي فضي¨°؛©

بداية رائعة وتجنن
يا ريت ما طول علينا

شهد الفهد $' ©؛°¨غرامي متألق ¨°؛©

ججججججججمممميلهههههه روايههه جججمممميله جداا ماشاءالله وشكلها ححححححماس :'( ايثارر وتركيي اكثر شخصيات عاجبينيييي
اليأس شخصيته تخرع :(
اسيلل و جود ودكك من يعطيهمم طراققق قاهههريننييي
ارجع واقولل روايهه جدا جميلهه واحس فكرتها حلوهه
متابعتكك باذن الله $'.


طيف !! ©؛°¨غرامي مشارك¨°؛©


السلآم عليكم ورحمة الله وبركآته .... !!
مسآء آلخير .. :)
بدآية موفقة لك بإذن الله


اسلوبك رآئع .. :$
و الأحداث و القصة و محورها ككل جميلة ..

بكون من متابعيك ان شاء الله ... ^^
يعطيك العافيه .. :)

( مغرورة و غروري عاجبني ^_^ )


اعلام الهدى ©؛°¨غرامي فعال ¨°؛©

بداااااااااايه موفقة
سجليني من متابعيچ

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1