منتديات غرام روايات غرام أرشيف الروايات المغلقة - لعدم إكتمالها لا تسألوني وش جرا في حياتي خلو همومي بالحشى مستقره / بقلمي
عزفْ ©؛°¨غرامي مشارك¨°؛©

المشاركة الأساسية كتبها nasime اقتباس :
بدايه موفقه اختي

لي عوده بعد قراءة البارت

نورتيني اختي ، وفي انتظار ردودك

عزفْ ©؛°¨غرامي مشارك¨°؛©

البارت الخامس


خلك على هقوتي والـدرب تندلـه
ياللي غلاك يتمشى فـي الشراينـا
وانا لي الله وهـذا طبعـي اجبلـه
ماشكي لغيره ولو صكاتهـا دينـا
عساه يلطـف بعبـدٍ حالـه معلـه
يرجي ثوابه ولا يخرج عن الدينـا










وصلت رانيا للغرفه ،، ببببببننننننااااااااتتتتت
نقزت ريما لها ،، وش وش
وقفت دانيا ع السرير ،، جبت لكم خير عن بنت العم ، بس هالمره بفلوووسس
راحت ريما تركض لشنطتها طلعت منها الف وخمسميه ،، والله ذا اللي معي
ضحكت دانيا ،، جيبيها
داني تتنحنح ،، بنت العععععمممممم اسمها جنان احمد محمد ال..... عمرها 20 تدرس تخصص انقليز وووو اقول اسم اخوها ولا لا
راحت ريما لمها ،، اي اي قولي
دانيا ،، اخوها اسمه جواد عمره 24 سنه مدرب رياضه
ريما ،، يوووووويلي اساميهم خقق اكيد مزز
دانيا ،، اي وش عليك امهم اجنبيه ،
مي استأذنت وراحت لفلتهم دخلت غرفتها وبدلع ،، الووو
.......: الو
ابتسمت مي : كيفك
.......: بخير دامك بخير
كشرت مي واضح انه صيده صعبه : الحمددلله
......: لحظه انت مين ، اقصد انتي اللي بالسياره السوداء الصغيره
مي : ايوه ، ليش مرقم بنات المجمع كلهم ولا وش قصتك ؟
ضحك .......: لا والله بس ملخبط بينك وبين الشيفه اللي معك " يقصد هاجر صاحبتها "
ضحكت مي بدلع ماصخ : لااا لا تقول كذا هي صديقتي
.......: يلا تبين شيء بسكر والله عندي اشغال
كشت مي ع الجوال : لا سلامتك بس ابيك ترسل صورتك لي
.......: ابشري م طلبتي شيء يلا باي
مي بدلعععععع ،، باااااااي
بعد شوي جاها رساله انصصصصدمت ، معقوله ذا اللي تكلمه كان جميل و وسيم جداً عيونك كبار وناعسات شعره مررره كثيف وفيه خصل تجي ع وجهه وناعم خشمه سلة سيف وبشرته سمراء لكن سماره يجذبكان واقف جنب واحد اقل من جماله لكن هي ماتت عليه ،، اخخخخ بس هالمزيون لي والله م افوته

في بيت الجد الساعه 10:00 بالليل
ام سيف ،، ايوالله الله يرحم اهلها
ام عماد ،، م ادري كيف بتصبر اذا شافت اهل ابوها ،واكيد بتتعب نفسيتها
ام مي ،، وانتو وش عليكم من هالكافره بالطقاق ، تحمد ربها ان فيه احد ضفها
ام عماد ،، وش هالكلام ي نوره ، ذي بنت ويتيمه بعد ، ارحميها شوي وهي م بعد جت اجل لو جت شبتسوين
ام سيف ،، استغفري الله ي نوره استغفري الله
ام مي ،، هاو علامكم علي م قلت الا الحقيقه ولا بعد تبوني اكذب حتى بالحقيقه
الجده ،، حسبي الله ونعم الوكيل حسبي الله ونعم الوكيل تعالي ي دانيا وديني غرفتي تعالي ، قامت دانيا وساعدت جدتها بالوقوف و وصلتها غرفتها وساعدتها في الجلوس ولحفتها وطلعت ، دخلت الصاله ،، يمه
ام عماد ،، هلا حبيبتي
دانيا ،، نروح للبيت ولا ننام هنا
ام عماد ،، لا لا بنروح للبيت ، استأذنت ام عماد ودانيا وطلعوا للفله حقتهم
قامت ام سيف وطلعت لفلتهم ، وكذلك ام مي وكل وحده خذت بنتها معها
في فلةة ابو عماد فالصاله كان فيه عماد وعناد ورانيا وعادل وابوهم وامهم
دانيا ،، يبه يمه صدق بتجي عندنا بنت عمنا الجديده
ام عماد ، ايوهه ، ليش ؟!
دانيا ،، لا بس اسأل ، لكن متى بتجي ؟
ام عماد ،، اخوك بيروح يجيبها .
دانيا ،، من وين !
عماد ،، بروح بكره اجيبها من لندن
دانيا نقزت عند عماد ،، تكفى تكفى عمودي بروح معك الله يخليك
عناد ،، ههههههههههههههههههههه عمودي هههههه تكفى عمودي خذها
عماد ناظر ب عناد بنظره تمنى عناد لو يموت وم شافها ،، اول شيء عمودي بعيونك اسمي عماد ، ثاني شيء انا م حجزت غير تذكرتين ذهابا وعوده 3 تذاكر ، ثالث شيء لو باخذك م اقدر لأن معي صديقي بدر
دانيا ،، اف من بدر كل شوي خاش عرض معنا
عماد ،، ذا الصديق مو صديقاتك
دانيا ،، وشفيهن صديقاتي يهبلون
عناد ،، خلاص خلاص اسكتي
ابو عماد ،، هالله هالله ببنت عمك ي عماد تراها بنت الغالي جبها معك لا ترجع الا وهي معك خلاص ي ابوي
عماد ،، ابشر يالغالي ، يالله تامرون بشيء بروح انام رحلتي 5:00 الفجر صحوني الساعه 2:30
ابو عماد وامه ،، سلامتك ان شاء الله
ام عماد ، بس مو كأنه بدري سفرتك
عماد وهو ع الدرج ،، م فيه بكره طياره تروح للندن غير بكره والثانيه بعد 4 ايام والجد مستعجل وطلع
عناد تو يستوعب ،، لحظه لللححححظظظههه
دانيا وهي تفرفر ع التلفزيون ،، خير
عناد ،، من هي بنت العم الجديده !؟
ام عماد وابو عماد قاموا ينامون .
عناد ،، يبه يب لحظه يالغالي منهي بنت العم الجديده لف لدانيا منهي اللي ولدت من حريم عماني
دانيا ،، اسمع ي طويل العمر لنا عم صغير اسمه احمد سافر برا وتزوج ومحد درا عنه ورجع ومعه زوجته الشقراء حامل المهم يوم دخل بيت جدي وانصدم جدي وطرده وتبرى منه عشان فضيحته مالك بالطويله عنده الحين ولد وبنت مره صار لهم حادث وماتوا وباقي البنت ، والبنت سافرت مع واحد اشقراني وجدي يقول جب هالصايعه ( وهي تقلد صوت الجد ) يبي لها تربيه هالكافره ، المهم بكره عماد بيسافر يجيبه وتصير هنا عندنا ،
عناد كان منصدم ،، يعني بيصير عندنا نسل جديد بالعايله ، تتوقعين جميله ؟
دانيا ،، تستهبل انت م دامها اجنبيه ع قول جدي اكيد مزه ، يلا بروح انام وصعدت الدرج وراحت غرفتها وبدلت ونامت
تحت عند عناد صار يفكر بشكل البنت ( كلن ع همه سرا ) وغط بالصاله


في مكان ثاني استراحةة الشباب
سيف ،، شباب شباب اسمعوني
فيصل ، عبدالرحمن ، علي ، سعيد ،، هل هلا ، شتبي ، سم ، لببببببيييههه
سيف بندم ،، انا بشور عليكم ، شباب حنا دايم هنا ونضحك ونستهبل لكن م يمنع انّا نسوي شيء نكسب منه اجر شرايكم ؟
فيصل ،، انا معك لكن وش بتسوي ؟
علي ، سعيد ،، معك قول
سيف،، انا اقول بما ان كل واحد عنده خير والحمدلله شرايكم نشتري مستلزمات واكل وكذا ونوزعه ع الاحياء الفقيره منها نكسب اجر ، ومنها نغير الروتين ها شقلتم !
فيصل ،، والله فكره زينه ، خلاص اجل انا بجيب و بشتري الملابس بكل الاحجام ونوزعها بكراتين
علي ،، انا بجيب اكل ونوزعه في كراتين مثل رز وطحين وكذا يعني
سعيد ،، انا و عبدالرحمن بنجيب السيارات اللي بنشيل فيه الكراتين
سيف ،، كفو هذا عشمي فيكم ،، انا بجيب اشياء منوعه وبشرف ع الحاجات ، تم ؟
الشباب ،، تم
سيف ،، اجل بكره الصبح كذا الساعه 9:00 نكون جاهزين خلاص ؟
الشباب ،، اوكيه
سيف ،، يلا تامرون ع شيء
الشباب ،، سلامتك
طلع سيف وهو مقرر انه يعتمد ع نفسه بكل شيء ويشتغل بالشركه ويتصدق بجزء من اللي عنده للمحتاجين وصل لبيتهم ونزل دخل شاف ابوه وامه وميرا بالصاله ،، السلام عليكم
ابوه وامه ،، وعليكم السلام والرحمه
قرب سيف من ابوه وسلم ع راسه ويده وكذلك امه ،، كيفك يالغالين
ابو سيف بأستغراب ،، بخير وانت
ام سيف مستغربه
سيف بأبتسامه ،، الحمدلله بخير ، شفيكم ؟!
ابو سيف ،، لا لا م فينا شيء
سيف ،، تامرون ع شيء
ابو و ام سيف ،، سلامتك
طلع سيف لغرفته اخذ له شور بدل ملابسه وسجد لربه سجود شكر سلم وانسدح ع سريره حس انه مرتاح راحه مو طبيعيه و قرر انه بكلم ابوه بكره بخصوص الشغل بالشركه ، وغمض عيونه لكن جافاه النوم وصاريفكر في فرح " ي ترى كيفها الحين ، يعني هل ماتت ولا للحين عايشه ، انا والله م كان قصدي بس هي يعني جميله ، اه ي ربي ساعدني ، لازم القاها واصلح غلطتي معها " تنهد بضيق ونام

تحت
ميرا ،، شفيه ذا ؟
ابو سيف ،، والله م ادري
ميرا ،، انتم متأكدين انه اخوي ولا واحد ثاني
ام سيف ،، بنت بدل لا تقولين هالكلام عن اخوك ادعي له بالهدايه
ميرا ،، الله يهديه ويثبته كذا طول الايام يلا انا بطلع انا تبون شيء
ام سيف ،، سلامتك
طلعت لغرفتها ونامت ،،،،،
قامت ام سيف لغرفتها وكذلك ابو سيف وناموا.




[color="rgb(65, 105, 225)"]انا نزلت البارت الخامس بس لأن بنت خالتي شجعتني وعشان بعض القارئين ، لقيت تشجيع من اقربائي الحمدلله وبكمل روايتي للأخير بإذن اللي م تنام عينه ، وتوقعاتكم ؟ [/color]

ديب فريز ©؛°¨غرامي مشارك¨°؛©

مبروك عليج الروايه وان شاء الله التوفيق لاكمالها
وممكن مواعيد تنزيل البارت ياريت كل يوم

عزفْ ©؛°¨غرامي مشارك¨°؛©

المشاركة الأساسية كتبها ديب فريز اقتباس :
مبروك عليج الروايه وان شاء الله التوفيق لاكمالها
وممكن مواعيد تنزيل البارت ياريت كل يوم

اهلا ً اختي نورتيني ، وبإذن اللي م تنام عينه بكمل الروايه للنهايه ، وبالنسبه لمواعيد تنزيل البارتات كل خميس واثنين واذا خلصت من كتابة البارت قبلهم بنزلهم، شكراً لمرورك

كاتبه صغيره.,.! ©؛°¨غرامي متألق ¨°؛©

وااه ي ربي تحمست وانا اقرا التعريف بس (ترفع تورتها وتجري ههه)بروح اقرا الباقي ولرجع
بس سوال صغنوووووون مرره متى انتي تنزلي البارتات

عزفْ ©؛°¨غرامي مشارك¨°؛©

[COLOR="rgb(221, 160, 221)"]البارت السادس[/COLOR]

حين يزدآد الوجع وحين ينزف جرح تلو جرح ولآ آجد احد
سوى أنا وجرحي والتعب وتخر قوآي ولآ آستطيع أن أحمل بين أصآبعي قلم
أستخدم طريقتي المفضلةة والأجمل والأسهل ألا وهي
الاستلقآء على سريري وإحتضن نفسي وفرآشي بقووة
وأبدأ بالبكآء مع شهقآت مكتومةة خشيةة ان يسمعني أحد .


~.~.~.~.~.~.~.~.~.~.~.~.~.~.~.~.~.~.~.~.~.~.~.~.~. ~.~.~.~.~.~.~.~.~.~.~.~.~


عند عماد قام الساعه 1:00

دخل التواليت اخذ شور طلع لبس جينز اسود وتيشيرت فسفوري بااكمام طويله ولبس قبوعه سودا ولبس فوقها قبوعة التيشيرت لأنه كان برد لبس جزمته من نايك اخذ شنطته جهز فيها كم تيشيرت مع الشورتات وشوزين جهز في شنطته كل شيء يحتاجه سكر شنطتها راح لم التسريحه تعطر من عطر انجل ايس مان ولبس ساعته السوداء بورجميستر بلاك سبيرت ، شال شنطته وطلع من غرفته مرّ غرفة امه شافها تصلي ترك شنطته عند الباب ودخل جلس ع الكرسي لين شافها سلمت ، تقدم منها وسلم ع راسها ،، يلا يالغاليه انا بمشي تامرين بشيء
ام عماد دمعت ،، سلامتك ي حبيبي انتبه لنفسك واكل زين وترا هنناك برد وثلوج تدف جعلني م خلا منك
عماد مد يده ومسح دمعت امه قبل م تطيح ،، لا لا انا ما ابي كذا ولا ترا بهون ، دموعك لا تنزل يالغاله دامني حي
ام عماد،، يوه نسيت اجهز شنطتك وتحركت كانها بتقوم لين سمعنت عماد يقول ،، انا جهزتها وخلصت ، يلا انا بمشي الحين وبمر ع بدر وبنمشي
ام عماد ،، مو كانه بدري
عماد يرفع ساعته ،، لا الساعه الحين 1:30 ع م اركب واروح انتظر بدر وناكل عنده شيء وانظرته يجهز نفسه ويسلم ونطلع قد جت الساعه 2:30 ولا ثلاث بعد اعرفه بدر سلوقي وطلع وهو يسمع دعوات امه مرّ ع غرفة دانيا لقاها نايمه سلم ع راسها وغطاها زين وطلع ، وراح لغرفة عناد طق الباب م سمع رد فتح الباب شاف عناد نايم ع مكتب اللاب حقه ابتسم وراح له ،، عناد ، عناد
عناد ،، همم
عماد ،، قم قم للسرير ، كذا بتعورك رقبتك قم
قام عناد وهو يترنح من النوم ،، وين وين اشوفك كاشخ
عماد ،، بمشي الحين
ناظر عناد للساعه اللي ع الكومدينه ،، مو كانه بدري
عماد ،، لا لا مو بدري ، يلا تامر بشيء
عناد،، لا سلامتك وكمل نومه
ناظر فيه عماد فيه شوي وطلع.
اخذ شنطته وهو ينزل مع الدرج شاف ابوه بالصاله استغرب وش مقومه في ذا الوقت سلم ع ابوه وطلع ركب سيارته ومشى متجه لبيت بدر.


عند بدر -----> ( اهله مسافرين )
كان يشاخر رن المنبه عنده اخذه وحذفه ع الجدار وكمل نومه بعد نص ساعه قام يبي التواليت ، مشى وهو يترنح من النوم دخل التواليت اخذ شور عشان يتنشط طلع شاف الساعه ع جدار غرفته تصنم الساعه الحين 2:00 ورحلته بعد ساعتين ي ويله من عماد ركض لدرجه صار يحذف الملابس ع امل انه يلقى لبس ييناسب جوهم ،، اخيراً ثبت ع لبسه تيشيرت شتوي رمادي فاتح شوي عليه رسمة ناروتو بالاسود وجينز اسود وجزمه سودا من نايك لبس ساعته من نيوفاندي ، راح يركض لم تسريحته مشط شعره وتعطر سمع صوت بطنه تذكر انه م تعشا ونام بدري فتح باب غرفته وصار يركض مع الدرج دخل المطبخ فتح الثلاجه شاف مكرونيه بالبشاميل اخذها وحطها ف الميكرويف ، وصار ينتظر شاف ساعته الساعه الحين 2:30 تذكر انه م جهز شنطته طلع يركض لغرفته سحب شنطته من تحت السرير اخذ الملابس اللي في الارض ورماها ف الشنطه م يدري وش اخذ اهم شيء يخلص قبل 3 سحب جزمتين من تحت السرير رماها في الشنطه حاول يسكر الشنطه م سكرت ركب فوق الشنطه وصار يحاول يسكره لين سكرت ناظر شوي حوله يبي يتذكر وش اخذ و وش يبي فتح درج الكومدينه سحب سماعته واخذ شنطته وهو ينزل بتعت من الدرج شم ريحة شيء محترق ، فتح عيونه اخر شيء رمى شنطته وصار يركض للمطبخ شاف الميكرويف يطلع منه دخان راح لمه فصل الميكرويف من الكهرب فتح وصار يكح اخذ منشفه وسحب الصينيه شاف المكرونيه محترقه ، سمع صوت سيارة عماد ركض للصاله يشوفه فتح الشباك شاف عماد ينزل من سيارته ركض للمبخ فتح الثلاجه واخذ منها تفاح وراح اخذ شنطته ، فتح باب البيت وهو حيله مهدود.


عند عماد ( بتكلم ع اني هو ) وصلت لبيت بدر ضربت بوري وشفته يصبرني من الدريشه واضح انه حايس شيء وبعدين اختفى نزلت بشوف وش فيه مشيت للباب بطقه فجأه انفتح الباب واستقبلني هو وريحة شيء محترق وكانت في يده تفاحته تعداني وطلع ركب السياره وانا لسا واقف عند الباب حتى بابهم م قفله مسكت الباب سحبت المفتاح وسكرته وقفلته واخذت المفتاح معي ركبت السياره ومشيت كان شكله يضحك بشكل سألته ،، شفيك، م سمعت رده لفيت يمه لقيته ياكل تفاحته وهو ساكته و واضح انه مغبون طلعت من صوت ضحكه ،، شفيك ضايق
بدر ،، ياخي انا جوعان
عماد بأبتسامه ،، وذا اللي مزعلك
بدر ،، الحين اهلي م لقوا يسافرون غير الحين يوم احتجتهم
عماد ،، افا وانا وين رحت
بدر لف لم عماد ،، انت اسكت وكمل تفاحته
ضحك عماد قال ،، ابشر بنمر الحين المطار ونقعد واكل لين تشبع
بدر ،، تصدق
عماد ،، وشو
بدر ،، مكرونيتي احترقت ذا اللي غابني ، وانت تعرف اني احبها
عماد ،، من وش ؟
بدر ،، بعد م قمت شفت الساعه 2 خفت نتإخر وصرت اركض ادور لي لبس وطرحت الملابس بالارض ، رحت لبست وحسيت اني جوعان نزلت اركض تحت شفت المكرونيه بالثلاجه قلت بخليها بالميكرويف واروح اجهز شنطتي رحت فوق وخميت ( اخذت ) كل الملابس اللي بالارض وحطيتها بالشنطه وكم جزمه وعيت تسكر الشنطه وركبت فوقها وسكرتها شميت ريحه شيء محترق واركض تحت لقيت المكرونيه محترقه وسمعت صوت سيارتك وصبرتك ( شفتك ) مع الشباك لقيتك نازل رحت اخذت شنطتي واخذت تفاحه ، وشفني الحين باللهي ذي حاله واحد.
عماد ،، خلاص ولا يهمك اوكلك الحين لين تشبع ونمشي
بعد ساعه تقريباً وصلوا لمطار الملك خالد اخذوا شناطهم ودخلوا وقفوا عند الانتظار شوي قام بدر ،، اسمع انا م اقدر اصبر بروح اجيب لي شيء تبي اجيب لك شيء معي !
عماد ،، اي جب لك كوفي
بدر،، طيب وراح بعد ربع ساعه جاء بدر وهو محمل اكل واجد منها دونات وعصيرين وكوفي عماد
عماد بهدوء ،، وش ذا ، بتاكله كله تراك بتطير الحين ؟
بدر ،، اذكر الله ياخي الجوع سلطان
عماد ،، بتشوف لما تطير وشرب قهوته رفع ساعته شاف الساعه 4:54 باقي 6 دقايق ع رحلته ، ناظر جهة بدر شافه ياكل الدونات ،، ترا باقي 6 دقايق حاول تخلص
بدر ،، يلا يلا خلصت شال اكله اللي زاد ورماها وغسل يده ورجع بعد شوي اعلنوا عن الرحله راحوا وضبطوا امورهم وركبوا الطياره راح عماد لكرسيه وجلس وجاء جنبه بدر ، بعد شوي اعلن الكابتن عن الطيران ربطوا الاحزمه و طاروا ، بعد م استووا ف الجو ، اخذ عماد مجله وصار يقرا عكس بدر اللي منزعج من شيء وكل شوي يمسك بطنه ويدلكه لاحظ عماد حركة بدر ،، وش فيك انت
بدر ،، ياخي بطني يوجعني
عماد ،، انا قايلك لا تكثر بس م تفهم
بدر فز ،، بعد بعد بسسسسرررررعععععههه
فز عماد منه ،، وشفيك
بدر ،، ببببببعععععععععععددد
بعد عماد وهو مستغرب ، ركض بدر للتواليت ، اعتدل عماد في جلسته لكن حس بنظرات الناس له نلظر فيهم بحده لدرجهه حاسوا انه بيقتلهم بذي النظره ولفوا عنه ، بعد شوي جاء بدر وفي يده منديل يمسح فمهجلس في مكانه لف لم عماد ،، انت لو انك ساكنت كان م استفرغت
عماد ،، لا ي شيخ اسكت بس وارقد عشان م تستفرغ مره ثانيه ترانا مطولين
لف بدر وسحب سماعته وشغل اغنية " Just a dream nelly " وغمض عيونه.
عماد كمل قرايته للمجله.


عند جنان قامت من النوم ، دخلت للتواليت اخذت شور وطلعت لبست تيشيرت اسود شتوي بأكمام طويله على الاكمام ورود وجينز اسود شوي ضيق ولبست شوز اسود عليه ورود ، راحت لم التسريحهه ومشطت شعرها ، شعرها ناعم وكثير ومتعبها طول الشيء الشيء الوحيد اللي مريحها انه ناعم لمته كله ذيل فرس حطت مسكره وقلوس وردي شفاف صارت جذابه بشكلها اخذت جوالها ونزلت تحت ، شافت جدتها وجدها وسام وامه حول طاولةة الطعام والواضح انهم ينتظرونها ،، صباح الخير
الكل ،، صباح النور ، شافت جدتها تأشر لها ع المكان اللي بجنبها تقدمت وبعدت الكرسي وجلست بدوا ياكلون اما هي فكانت تناظر بالاكل وسرحانه شاها سام ومد رجله من تحت الطاول لين لمست رجلها فزت وناطرت فيه اشر لها بمعنىى شفيك ابتسمت وهزت راسها بلا ، بدت تاكل شوي شوي ،، الحمد لله
الجده تتكلم العربيه بشوية تكسير ف الكلام فكانت تاكل نص الحروف ،، اقعدي كملي
جنان ،، لا جده خلصت بطلع اتنفس شوية هواء ، وناظرت ف سام بمعنى قم معي ، فهم سام وقام معها لحقتهم جين اخت سام الصغيره عمرها ( 8 ) ،، Sam Sam I'll go with you and Jinan
سام ،، no no , i can't
جين ،، pleas sam ppppllleeaaasss
سام ،، you Will not go
راحت جين وهي زعلانه ، مشى هو وجنان للباب اخذت جنان جاكيتها الاحمر الطويل يوصل لركبتها ولبسته و اخذ سام جاكيته الااسود الطويل ولبسه وطلعوا برا وكان الجو برد مره ارتعشت و لمت نفسها ،، برد مره
سام ،، ايوه شرايك نرجع
جنان تناظر فيه ،، لا خلنا نكمل
وصاروا يمشون لين تعبوا لفت جنان لسام ،، شرايك ناخذ تاكسي ونروح للهايد بارك
سام ،، بس مو برد علينا
جنان ،، عادي احنا لابسين ومتدفين
سام ،، اوك واشر للتاكسي يوقف وركبوا
سام ،، Go to Hyde Park
راعي التاكسي ،، ok ومشوا بعد ربع ساعه وصلوا حاسبوا التاكسي ونزلوا ، دخلوا وصاروا يمشون ويمشون لين تعبوا جلست جنان ،، انا تعبت
جلس سام معها ،، وانا بعد ، قام انا بجيب لنا شيء دافي عشان نشربه ونمشي نكمل واذا فينا نلعب ومشى
اما جنان صارت تناظر بالناس شدها موقف شافت ام مع بنتها كانت البنت بحدود 4 او 5 سنين كانت البنت ترجف مع انها لابسه شافت الام يوم نزلت جاكيتها وغطت بنتها وكان واضح ان لبس الام خفيف بس تنازلت عن حقها لأجل بنتها ، دمعت عينها وتذكرت وعدها لنفسها ومسحتهم ، سرحت في حياتها هل بتقعد هنا طول العمر بدون اهلها ولا بيصير شيء قطع سرحانها صوت سام ،، خذي
مدت يدها وهي تقوله ،، شكراً
جلس سام جنبها وقعدوا يتأملون الناس وهم يشربون.



عند عماد و بدر
وصلوا ارض لندن وصلوا مدينةة الضباب نزلوا من الطياره واقشعر جسمم بدر وشهق ،، ي قووو البرد قوااااااه
مشى هو وعماد دخلوا وخلصوا امورهم وطلعوا اخذ عماد تاكسي وركب هو وبدر قال عماد ،، Go to a hotel Goman
راعي التاكسي ،، ok
مشوا وبعد نص ساعهه وصلوا الى فندق غومان كان فندق جميل وفخم دخلوا وخلصوا الحجز وراحوا للدور الثالث ، فتح الاصنصير مشوا لين شافوا رقم الشقه كان 34 فتحوا الباب بالبطاقه ودخلوا ركض بدر للغرفة ونقز ع السرير ونام بسرعه ،دخل عماد ترك البطاقهه ع الطاوله مشى للمطبخ فتح الثلاجه شاف انواع الخمور كشّر بوجهه واستغفر ربه ومد يده واخذ مويه وسكر الثلاجه ، شرب المويه كلها ،، طلع من المطبخ رفع شنطته وشنطةة بدر من الارض ودخل الغرفه شاف بدر منسدح ع بطنه ويده ورجلينه مفروشه ، شاف شوز بدر في رجله تقدم عماد من بدر نزل شوزه وشراباته وعدله زين وغطاه زين عشان كان الجو بارد وابتسم ، رفع الشنط ع التسريحه ، م كان فيه نوم انسدح ع السرير حقه طفش وتذكر انه م جاب العود حقه تنهد وقام طف النور ع بدر و رد الباب ، طلع بالصاله وقف عند الباك وصار يشوف الثلج ينزل والسيارات تمشي والساعه توها 11:00 بتوقيت لندن ، جلس ع الكنبه فتح جواله اول م فتح جواله جاه اتصال من امه ،، هلا والله بالغاليه
ام عماد ،، عماد يمه خوفتني وراك م ترد ع الجوال؟
ابتسم عماد ،، كنت مقفله ، ونسيت افتحه
ام عماد ،، جوالك لا تقفله فاهم خله مفتوح
عماد ،، ابشري ابشري
ام عماد ،، هاه اكلت شيء ، بردان ي ابوي تدف زين ترا البرد مو زين ، و انتبه من الخمور ي امك تراها حرام والتزم بصلاتك تراها تريحك وانت فالغربه .
عماد ،، شوي شوي ، اي اكلت عندكم فالمطار قبل السفر ، وشوفيني لابس ومتدفي ، والخمور يمه ترا م فكرت فيها ولا بفكر وصلاتي ولا يهمك مانيب تاركها هنا
شهقت ام عماد ،، يويلي ي عماد م اكلت شيء من يوم طرت ، بتذبح نفسك انت والله ي عماد لأزعل عليك اذا م قمت الحين واكلت لك شيء.
عماد وهو يتنهد ،، طيب ابشري بقوم الحين وباكل،، تامريني بشيء
ام عماد ،، لا يا ابوي سلامتك ،، تدف زين وانا امك
ابتسم عماد،، ان شاءالله سلمي لي على ابوي وعناد ودانيا وجداني والباقين
ام عماد ،، يوصل ي ابوي يوصل
عماد ، مع السلامه
سكر عماد من امه وقام طلب له من المطعم بيتزا مع 2 عصير لها ولبدر ، رجع وجلس ينتظر طلبه بعد 10 دقايق جاه الطلب ، قام فتح الباب اخذ الاكل وحاسب سكر الباب وقفله وقعد ، تذكر بدر له نص ساعه نايم قام بيقوم بدر ياكل وبعدين يكمل نومه.


فالمملكه ، الرياض ،
ام عماد ،، الله يستر عليه ويرده لي سالم غانم ي رب
عناد ،، اشوف الدلع كله لعماد وانا مسحوب علي لنا الله لنا الله
ام عماد ،، لا والله غلاكم واحد لكن عماد برا وانا خايفتن عليه من الحرام
الجد ،، تخافين عليه من الحرامم ؟ وشهالكلام ي ام عماد ، لا تخافين عليه عماد تربيتي وبيجيك ان شاء ومعه بنت عمه
ام عماد،، ان شاء الله
عناد ،، يمه ، يبه
ام عماد ، هلا ابوي
عناد بمزح وهو يبتسم ،، ابغى اتزوج ع الاقل بتكون زوجتي تدلعني اذا صار الدلع لعماد
ام عماد ،، انت تقوله صادق ، اجل تبشر بزوجك البنت اللي انا ابيها
الجده ،، زوجيه الوكاد انه يعقل
ابو عماد ،، اختاري زوجته ي ساره وبنروح بكره نخطبهاا
ام عماد ،، اي اصلاً البنت عندي ومن بكره بنروح نخطبها
تلاشت ابتسامة عناد ،، انا انا امزح معك ههههههههه شفيكم م تعرفون المزح
ابو عماد ،، الامور ذي م فيها مزح ، صدق يمه ولا لا ؟
الجده ، الا والله عين العقل
عناد م يدري شيقول ،، شسمه اننا هذا انا م ابي الحين زوجي عماد بعدين انا لف لم جده ،، جدي تكفى طلبتك ي وجه الخير ترا انا امزح وربي امزح شف شف والله اني امزح
الجد يسأل ام عماد ،، منهي زوجته ي ساره
ام عماد ،، زوجته بتكون بنت عمه ريم ان شاء الله
الجد ،، زين زين ومتى بتخطبونها
ام عماد ،، ان شاء الله بكرره ولا اذا جاء عماد
عناد ،، لحظه لحظه ، انا امزح مبي اتزوج شفيكم انتم ، والله م اتزوج الحين والله لأتصل ع عماد يتفاهم معكم طلع جوالها من جيبه واتصل ب عماد


عند عماد ،، راح يقوم بدر دخل الغرفه وقام ينادي بدر ويهزه ،، بدر بدر قم اكل وارجع ارقد بدر
بدر ،، همم طيب
عماد يرفع البطاانيه ،، م فيه طيب قم اكل قبل يبرد الاكل
قام بدر وراح للتواليت طلع عماد للصاله يوم سمع جواله يدق ،، الو
عناد ،، الو عماد الحين تجي الحين تفهم
خاف عماد ،، شفيكم ، عناد شفيه امي فيها شيء
عناد ،، لا م فيها شيء انا اللي فيني شيء تعال شف اهلك بيزوجوني
عماد ارتاح وابتسم ،، بيزوجونك هههههه من اللي داعيه عليها امها
عناد بعصبيه ،، عمااااد انا م امزح تعالي شفهم وفكني منهم بيزوجوني الحين وانا توني صغير
عماد يضحك ،، توك صغير شايب وتقول توني صغير ي ولد اللي ف عمرك بزارينه تعدي تحته
عناد ،، الله يلعن اللي يشكي لك وسكر بوجهه
نزل عماد الجوال وابتسم جلس ينتظر بدر ، ناظر بساعته تأخر بدر ، قام ق باب التواليت م سمع رد طق مره ثانيه وهو ينادي ،، بدر ، بدرر تسمع ،،،،، م جاه رد راح جاب سبير للباب وفتح شاف الحمام فاضي لف ورا الباب م شاف بدر راح لم البانيو شاف بدر منسدح ونايم.
عماد ،، ههههههههههههههههههه بدررررر قم الله يهديك بالحمام نايم
بدر ،، هممم عماد بعد بنام
فتح عماد الدوش ،، قم قم
فز بدر من برد الماء وهو يشهق ،، هءءء الله يلعنك ي كلب طفه
طفى عماد الدوش وجاب روب لبدر ،، قم قم بدل والحقي البيتزا بردت وطلع للصاله
طلع بدر من التواليت وهو يسب بعماد فتح الشنطه ورمى كل ملابسه بالارض وصار يدور له لبس يدفيه انصدم وهو يشوف ملابسه كلها مرقعه وناقصه التيشيرتات بدون جنزات ،، ععععععمممممممااااااااادددددددد تتتتععععااااللللل
قام عماد للغرفه وانصدم بالملابسه مرميه بالارض ،، خير عسا م شر
بدر وهو يرفع كل التيشيرتات طلعت بدون بناطيل ،، شف شف ياخي من وين لي سروال كلها بدون جنزات
ضحك عماد وهو متجه لشنطته فتحها ،، بس ذي مشكلتك ،" طلع لبدر سروال جنز " خذ البس والحقني الجوع قطعني طلع من الغرف
بدر لبس ومشط شعره وطلع ،، جلسوا ياكلون ، تفرجوا ف التلفزيون لين م كبس عليهم النوم وناموا مكانهم.

عند جنان وسام طلبوا لهم تاكسي يوم شافوا الثلج ينزل بغزاره وراحوا لبيتهم وصلوا ودخلوا نزلوا الجاكيتات حقتهم وراحوا للصاله شافوا الكل موجود الجده والجد وكرستين ام سام وجين اخته حول النار جالسين وجلسوا معهم وبدوا يسولفون وياكلون استأذنتهم جنان وطلعت لغرفتها لبست بجامه ورديه وانسدحت ع السرير وضمت دبدوب جواد اللي جابه لها هديه فكرت في حياتها للحين ماشيه تمام ، هل بيجي يوم وتنتكس حياتها ولا بتبقى كذا دايم تنهدت بضيق ونامت ، استأذن سام ع انه بيشوف جنان طولت طلع فوق طق باب غرفتها م سمع صوت فتح الباب ودخل شافها ضامه دبدوبها ونايمه بدون لحاف ، قرب ولحفاها وطبع قبله ع جبهتها طف النور وطلع .
نزل تحت قال لهم ،، جنان نايمه
الجده ، اتركوها اجل
كرستين ،، هل هي مريضه ؟
سام وهو يجلس ،، لا ، بس الظاهر تعبت من جولتنا اليوم واللعب اللي لعبناه
كملوا سوالفهم


فالمملكه
طلع عناد من عندهم متضايق قابل بوجهه دانيا ،، عناد شفيك
عناد دفها ،، وخري عني هناك
دانيا ،، بسم الله ولحقته لغرفته تعال شفيك انت
عناد انسدح ع السرير ،، دانيا اطلعي برا مو ناقصك
دانيا وهي تجلس ع كرسي مكتبه ،، قلت لك شفيك
عناد اعتدل ،، بقولك ي نشبه بس لا تقولين لأحد
دانيا تحمست ،، طيب قول والله م بقول لأحد

عند البنات " في فلةة ابو عماد "
ريم ،، بنات مين تبي عصير حقي خلص وبنزل اجيب
ميرا ،، انا بالله
ريم ،، طيب
قامت ريمم واخذت كاس ميرا وطلعت من غرفة دانيا وهي ماره بغرفة عناد سمعت كلام شدها اكثر قرب وصارت تسمع بلل عناد شفايفه ،، اهلي بيزوجوني
انصدمت دانيا ،، من مين
عناد ،، من ريم
دانيا فرحت ،، جججججدددد عننناااددد
عناد ،، شفيك انتي ؟ اقولك بيزوجوني ريم وانا مبي اتزوج
انصدمت ريم ودمعت عينها لهالدرجه م يحبني ولا يبي يتزوجي طيب يب انا احبه مشت بهدوء وللمطبخ حطت الكاسات ع الطاوله وطلعت من فلة عمها ابو عما وراحت لفلتهم دخلتها وركضت لغرفتها قفلت الباب وانسدحت ع السرير تبكي " ليش ليش ي عناد وانا اللي حبيتك من صغري للحين واناا احبك ولا قلت الا لأقرب شخص لي ، شلت حبك بقلبي 15 سنه 15 سنه مو سهل علي وفي الاخير تقول م ابي اتزوجها ، حسبي الله حسبي الله وكفى ، خلاص من هاللحظه بدعي ربي يشيل حبك من قلبي دامك م تبيني ، ي رب تنزع حبه من قلبي ي رب "" وصارت تبكي


في فلة بو عماد في غرفة عناد
كان جالس هو ودانيا قالت ،، يعني انت ترفض ريم ؟
عناد ،، لا لا انا م رفضت ريم ، انا رافض فكرة الزواج الحين فاهمتني
دانيا ،، بعدين ربم تحبك ليش ترفض الفكره الحين انت عمرك م شاء الله 24 تزوج ياخي خلنا نفرح فيكم
عناد انصدم ،، تحبني ؟ ريم تحبني انا ؟
دانيا ،، اي تحبك شفيك مفهي !
عناد حس بفرحه تمشي بروحه ،، لحظه لحظه يعني ريم تحبني مثل م احبها
دانيا ،، اي تحبك واعرف انك تحبها تزوجها وفكنا
عناد ،، انا خايف من هالزواج ، بعدين انا م اسست نفسي الحين لازم ابني لي بيت واضبط نفسي بعدين افكر فالزواج
دانيا،، اسمعني انت م شاء الله جميل و وسيم و متوظف وراتبك زين ، ليش تأجل الزواج ؟ وبعدين البيت والاموور ذي سهله م يحمل تأجل زواجك عليها ، احسن لك اخطبها وتملك عليها قبل م تطير منك.
عناد ،، صدق ؟ يعني تشوفيني كذا ؟
دانيا بصدق ،، اي واكثر بعد
عناد بتفكير ،، ان شاء الله ، ان شاء الله قريب بتقدم لها واخطبها قريب
دانيا وقفت ،، يلا تامر بشيء
عناد ،، لا سلامتك
طلعت دانيا من غرفته ، ركضت لغرفتها وضربت الباب بقوهه ،، رررررررجججججججعععععععععععتتتتتت
نقزت ميرا و ريما ،، بسم الله بشويش ي دفشه خوفتينا
ناظرت مي ب دانيا وشمقت ،، الحمدلله والشكر
قعدت دانيا ع السرير ،، اه بس متى يجي عمودي اشتقت له.
ريما ،، تصدقون اني تحمست لبنت العم ذي
ميرا ،، اي والله وبقوه بعد
انصدمت مي ولفت لهم ،، اي بنت عم ؟!
دانيا بتشمت في مي ،، هه م دريتي طلعت لنا بنت عم اجمل منك يالشيفه وتكش عليها
اصدمت مي ،، تكلموا اي بنت عم ! و وين رايح عماد
تكلمت دانيا وهي بتقهر مي ،، شوفي بقولك لكن م راح افصّل لك الكلام ، طلعت لنا بنت عم في لندن وعماد راح يجيبها بس تصدقين انها من ام اجنبيه وبتطلع اجمل واحلى منك ، وبيحبونها الاهل ، وان شاء الله يتزوجها عماد.
مي بعدم تصديق وهي ترفع صوتها ،، انتي كذذذذذاابه فاااهممه كذابه عماد يحبني ومستحيل ياخذ غيري فاهمه
دانيا ،، هه لا تصدقين
ريما ،، ثم تنصدمين هههههههههه
وقفت مي وهي مقهوره من كلام دانيا ،، الله ياخذني اذا اخذت عماد وطلعت وسكرت الباب بقوهه ، وهي تمشي قابلت عناد طالع من غرفته متكشخ بيطلع ،، وعليكم السلامم ، ترا السلامم لله
ناظرت فيه مي وكشت ،، مالت عليك يالخبل ونزلت
عناد يبوس يده ،، الحمدلله والشكر " ورفع صوته " الله يرد لك عقلك ونزل.
[COLOR="rgb(255, 192, 203)"]
توقعاتكم ي بنات ، انزل ولا اشوف توقعات يمكن بس ردود تحمس اني اكمل الروايه لكن بليز يعني ابي توقعاتكم. " نصيحه ي بنات روايتي لا تشغلكم عن الصلاه والمدرسه ، وانا بريئه من ذنوبكم "
[/COLOR]

عزفْ ©؛°¨غرامي مشارك¨°؛©

المشاركة الأساسية كتبها Lugo0onh اقتباس :
وااه ي ربي تحمست وانا اقرا التعريف بس (ترفع تورتها وتجري ههه)بروح اقرا الباقي ولرجع
بس سوال صغنوووووون مرره متى انتي تنزلي البارتات
اهلا اهلاً ، نورتيني ، البارتات ي طويلة العمر كل خميس واثنين واذا خلصت كتابه قبل بنزله

كاتبه صغيره.,.! ©؛°¨غرامي متألق ¨°؛©

وه فديتس ي خيه
اجل كل خميس ان شاء الله بنوقز هنا

ديب فريز ©؛°¨غرامي مشارك¨°؛©

تسلمين عالبارت وننتظر البارت القادم

عزفْ ©؛°¨غرامي مشارك¨°؛©

المشاركة الأساسية كتبها Lugo0onh اقتباس :
وه فديتس ي خيه
اجل كل خميس ان شاء الله بنوقز هنا

فديتس والله تسلمين.

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1