منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   رواية لو يحبك ماترك عينك حزينة/بقلمي (https://forums.graaam.com/590880.html)

ftoon fahad 21-01-2015 03:02 PM

رواية لو يحبك ماترك عينك حزينة/بقلمي
 
رواية لو يحبك ماترك عينك حزينه
//
اعزائي اصدقائي في المنتدى
اضع بين ايديكم روايتي الاولى ( لو يحبك ماترك عينك حزينه )
واتمنى ان تنال اعجابكم وان تكون بالمستوى الذي تتمنونه وقبل ان ابدا بها احب ان اقول كلمة صغيره
( ما اجمل ان يكون للأنسان حبيب ولكن الاجمل ان يكون موجودا عند الحاجة اليه )
قصتي التي اكتبها الان حقيقيه حدثت للابطال مع تغيير بسيط باسم الشخصيات والاماكن ولكن ذلك لاينفي حقيقتها
اتمنى منكم المشاركة وابداء الرأي فيها ..
الرواية للكاتبتان : فتون فهد , هياء صالح

البارت الأول

دخل بسيارته اللكزس داخل انحاء القصر وقف سيارته عشوائي نزل ويرجع شعره على وراء ودخل داخل لقى الاهل كلهم مجتمعين على طاولة الطعام : السلام عليكم
ابو سعود - فهد - : وعليكم السلام
ام سعود - سميه- : تعال تغدا معنا !
سعود وهو متقرف من نفسه : لا بتروش اول
سميه : تغد بعدين تروش
سعود : ان شاء الله
سعود جلس جنب مهند وصار ياكل
مهند بقرف : يع قم قمم ريحتك عمتني
سعود طنشه وكمل لما خلص وقام لجناحه وعلطول دخل يتروش
ندى تكلم ابوها : من زمان ما اجتمعنا مع عيال عمي خلونا نطلع المزرعه
فهد : ابشري , متى تبين بس ؟
ندى ترمش : أي يوم باباتي
مهند يقلد عليها : هفف باباتي
فهد + سميه ضحكو على هبال عيالهم
فهد : ان شاء الله نهاية الاسبوع بكلمهم وارد لكم
سميه : ان شاء الله
- نعرفكم على الشخصيات -
ابو سعود – فهد - : عمره 41 يشتغل بشركه وماسك منصب عالي معروف عند الكل بطيبته وكثير يتصدق واخر همه الريال
ام سعود – سميه - : عمرها 38 طيبه مره وحنونه على عيالها واهم شيء عندها رضاهم
سعود: عمره 23 بالجامعه ماخذ قسم ادارة اعمال , يساعد اهله بأي شيء يحتاجونه انسان قد المسؤوليه برونزي شعره اسود وناعم لتحت اذنه له شنب وتفله
ندى :عمرها 19 سنه, تدرس سنه تحضيريه انسانه خبله بمعنى الكلمه ماتخلي احد براحته لازم تحارش بس مع هذا قلبها طيب ماتحب تشوف احد زعلان وخصوصا اللي قريب منها مره جسمها قريب للنحف شعرها كيرلي لنص ظهرها اسود عيونها سودا وخشمها طويل وشفايفها وسط
مهند : عمره 17 ثاني ثانوي تخصص علمي , يحب الخبال بزياده ماتحلى جمعة الاهل الا فيه اهو وندى نحيف عيونه كبار ووسيعه لونها بنيه ورموشه كثيفه خشمه طويل وشفايفه صغار شعره اسود ودايم يخليه سبايكي

//

بغرفه المرسم كانت ترسم كان المكان هدوء والاناره خافته وكانت اشعه الشمس تتسلل من الشباك تهوى الرسم من صغرها من بعد اختها خلود اللي توفت سمعت صوت الباب وهو ينفتح ورفعت عينها
عبدالعزيز : انتي ما تملين من الرسم !
هيام وتكمل رسم : اذا مليت انت من الهواش معي بمل من الرسم
عبدالعزيز وعينه على رسمتها : ولا كل الرسمات رمادي وابيض !
هيام داخله جو مع الرسمه وماردت عليه
عبدالعزيز يسحب القلم الرصاص من طاولتها بخفه ويدخله بين شعرها
هيام التفتت عليه : اطلع برا حتى وانت ساكت احس بازعاج
عبدالعزيز يعقد حواجبه : اصلا حسيت بكآبه من دخلت الغرفه
وهو طالع من الغرفه شغل الانآره كلها وخلى الباب مفتوح وحط رجله وهو يضحك
هيام بعصبيه قامت لعند الباب : يمممههه عققلي ولللدددك ! وسكرت الباب بعصبيه وسحبت القلم من شعرها ورمته بقوه عالطاوله وبخطوات ثقيله رجعت عالمكتب .
نعرفكم على الشخصيات
- ابو عبدالرحمن - صالح - : عمره 45 يشتغل بشركه مع اخوانه شخصيته شديده وكلامه يمشي على الكل وفيه مرض السكر , وله جمعيه بكفالة اليتيم
ام عبدالرحمن - حصه - : عمرها 39 معروفه بطيبتها وحنونه على عيالها واهم شي رضاهم
عبدالرجمن : عمره 26 يشتغل بالشركه مع ابوه له شخصيه عصبيه جدا في اوقات الجد لكن فيه جانب من المرح والاستهبال يعطي الواحد على قد جوه ابيض طويل عريض وجسمه رياضي شعره ناعم لعند اذنه عيونه نعسانه شوي خشمه سله سيف وشفايفه مليانه خفيف له سكسوكه
عبدالعزيز : عمره 23 بالجامعه تخصصه في الهندسه الميكانيكيه تخطيطه ان يدخل شركه ارامكو شخصيته عفويه وحنون على اهله برونزي و شعره ناعم دايم يخفف اللي ورى ويخلي اللي قدام عيونه وسط وخشمه طويل وشفايفه مليانه وله شنب خفيف
هيام : اخر العنقود عمرها 19 , سنه تحضيريه براسها ادارة اعمال شخصيتها هاديه جدا لكن فيها شويه هبال وعصبيه جسمها نحيف بشرتها حنطيه وشعرها ناعم نص ظهرها لونه اسود عيونها وساع وخشمها سلة سيف وشفايفها صغار وتحب ترسم وتنشد .. شاركت بمسابقة الرسم اخذت المركز الاول والانشاد المركز الثالث

//

كانت تحس بملل فضيع تذكرت ان اليوم عازمتها صديقتها الروح بالروح – ريناد – راحت اخذت شور وحطت بجسمها كريم بزبدة الفراولة طلعت ولبست بنطلون جنز وقميص افوايت بدون اكمام مدخلته جوا وحزام بني فاتح وكعب اسود راحت قدام المرايه وحطت ماسكرا وكحل اسود خفيف يبرز عيونها وروج وردي وبلاشر وردي خفيف شعرها خلته على طبيعته منسدل على اكتافهاا بتمويجته الخفيفه ألقت نظره اخيره على نفسها واخذت عبايتها وشنطتها ونزلت تحت بخطوات ثقيله
رنا وهي تبوس راس امها وايدها : كيفك ماما ؟
ام احمد - هند - : الحمدلله بخير , وبنظرة استغراب : على وين يابنتي ؟
رنا بابتسامه :بروح عند صاحبتي ريناد
احمد وهو نازل مع الدرج وسمع كلمت رنا الاخيره : طلعه من البيت مافيه مب موديك والسواق اعطيته اجازه
هند : الحين وش فيها لو راحت عند صديقتها ؟ عادي خلها تستانس
احمد بهدوء : انا تأخرت على اخوياي وباس راس امه وهو ماشي جنب رنا صقع كتفها بقوه
رنا وهي تمسك كتفها ومتألمه : اهه مااممما شفتيه ليه وش سويت انا !! حقييير
هند بهدوء وهي تمسح على ظهر بنتها : ماعليه يمكن خيره , بعدين ترى نهاية الاسبوع بنطلع المزرعه قال لي ابراهيم احنا وبنات عمك والشباب كلنا بنروح واذا ناقصك شيء تبينه لايردك الا لسانك
رنا ابتسمت ابتسامه خفيفه وباست ايد امها على حنيتها , وسكتت كانت فرحانه انها بتطلع مشتاقه لجمعة البنات ونفس الوقت منغبنه من احمد خصوصا ان صديقتها بتسافر بعدها – ابتعاث –
نعرفكم على الشخصيات
ابو احمد – ابراهيم - : عمره 43 يشتغل بالشركه مع اخوانه معروف بهيبته وشخصيته القويه
ام احمد – هند - : عمرها 39 حنونه وطيبه مع عيالها
احمد : عمره 23 بالجامعه قسم هندسه معماريه لونه برازيلي عيونه سوداء وخشمه حاد شفايفه مليانه مغرور وشايف نفسه ومايطيق أي احد وصعب يدخل احد مزاجه
رنا : عمرها 21 بالجامعه تخصص انجليزي نحيفه ودلوعة اهلها تحب المناكير بشكل مو طبيعي بيضاء وشعرها لاكتافها لونه بني ناعم مثل الحرير عيونها وسط وخشمها حاد مثل السيف وشفايفها صغيره
لطيفه : عمرها 17 سنه ثاني ثانوي تخصص علمي نحيفه تحب التصوير والرسم بيضاء ومملوحه شعرها لاخر ظهرها وناعم اسود مثل ظلمة الليل

//


في بيت ابو محمد - علي – والاهل مجتمعين
ميعاد وساره كانو يتهاوشون عالريموت
علي جا له اتصال : يا بنات اسكتو بحاكي عمكم فهد !
ميعاد وساره يلتفتون على ابوهم ويكملون هواش بدون صوت
علي : الو السلام عليكم
فهد : هلا وعليكم السلام , شخبارك واخبار العيال ؟
علي : الحمدلله بخير , علومك انت ؟
فهد : والله الحمدلله ماشي الحال , شسمه بس حبيت اقولك ان شاء الله في نهايه الاسبوع بنطلع للمزرعه تعال انت والعيال
علي : زين خلاص انا والعيال بنجي نشوفكم هناك ان شاء الله
فهد : ان شاء الله , وماطول عليك مع السلامه
علي : مع السلامه
ميعاد وساره يلتفتون على ابوهم : يببه وينن بنروح !؟
ام محمد - منيره – : خلوه ياخذ نفس شوي مافيكم صبر !
علي : استغفرالله بس , هالبنات مدري متى بيعقلون !
محمد بضحكه : يبه خذيت نفس صح ؟ ايوه وين بنروح ؟
علي : بنجتمع فنهايه الاسبوع فالمزرعه مع عمانك والشباب
ساره بحزن وصوت عالي : واحنااا مالنا ربب
مريم : يبه تكفى نبي نروح بعد احنناا مليت من الجلسه فالبيت
علي واهو ياخذ مفاتيح السياره : لحول ذالبنات ! انا قلت ما رح تروحون ؟
ميعاد : sara give me five
نعرفكم على الشخصيات
- ابو محمد - علي - : عمره 40 يشتغل في شركه مع اخوانه , ذو شخصيه عصبييه و اذا عصب مايشوف اللي قدامه
ام محمد - منيره - : عمرها 37 حنونه على عيالها وفيها برود ومن تحت لتحت
محمد : عمره 23 قسم هندسه معماريه شخصيته ثقيله برونزي شعره ناعم لعند اذنه ومملوح وخاقين عليه البنات
ميعاد : عمرها 21 بالجامعه تخصص انجليز طولها وسط ومملوحه
ساره : عمرها 19 سنه تحضيريه قزمه ومملوحه

//


كانت كالعاده قدام المرايه لابسه فستان اسود فوق الركبه مخصر على جسمها وحطت روج احمر وبلاشر احمر وظل اسود خفيف والاينر وكحل ابيض جوا العين ولبست كعب احمر
كان جالس بالصاله وقدامه الاب توب وبيده كوب كوفي سمع صوت الكعب ماعرف يركز والصوت كان مزعجه
حمد لف بعصبيه لقى امه قدامه : على وين ؟
عفاف : وانت مالك بي بروح عند صديقتي
حمد يطالع ساعته : بس الوقت متأخر 11:30 الليل؟
عفاف : وانت ايش دخلك
حمد صد عنها وكمل شغله تعود على طلعات امه اللي صايره كثيره من بعد مامات ابوه ومايقدر يردها عن اللي تسويه لانها امه

نعرفكم على الشخصيات
عفاف : عمرها 36 متزوجه وزوجها فراس ال ..متوفي جنسيتها مصريه مهمله بعيالها واهم شيء نفسها
حمد : عمره 28 ولد عم عبدالرحمن ( ولد صالح ) موظف بجامعة الاميره نوره
مي : عمرها 25 شايفه نفسها فيها من امها كثير موظفه بجامعة الاميره نوره
وسم : عمرها 19 سنه تحضيريه بيضاء شعرها اسود لنص ظهرها عيونها سوداء وساع خشمها سلة سيف فمها وسيع

//
في اليوم الثاني الساعه 8:30 ص
تنزل بخطوات خفيفه على الدرج وهي تغني وجا لها صوت عالي
عبدالعزيز : صوتك خايس لاتسدين نفسي من صباح الله خير
هيام تضحك وترجع تغني بصوت اعلى
عبدالعزيز يتلفت يمين ويسار يدور شيء يرميه عليها
حصه : اذكرو الله من صباح الله خير هواش بيجي لي السكر منكم
هيام بحزن : يمممه لاتتفائلين عليك بالشر بس هاوشيه اهو اللي يبدا يحارش
عبدالعزيزيناظر هيام من فوق لتحت : والله واضح من اللي يبدى بالهواش
هيام تكشر بوجهه وتسحب الكرسي وجلست تفطر
حصه تكلم هيام : وانتي جايه ماشفتي على طريقك عبدالرحمن صاحي
هيام : مدري مانتبهت
كان ينزل من الدرج بخطوات خفيفه والجاكيت بيده
حصه : تعال افطر
عبدالرحمن يطالع ساعته : معليش يمه متأخر مره بفطر قدام وبالعافيه
حصه : بحفظ الرحمن
//
كانت تتعبث باشيائها القديمه صارت تفتح دفتر مذكراتها وتقرا فيه بدون تملل صفحه ورا صفحه شدتها صفحها مختلفه عنهم عادت تقرا فيه مره ومرتين وثلاث والدمعه انسكبت على عينها ماتدري من ايش وماتدري عن السبب هي كانت مفتكره ان اللي يبعد بينسى وينمحي كل شيء لو كان يكابر بس نست تبعد الذكريات معها ! صارت تقرا وتتحسس الورقه وتذكر كيف كانت تبكي وقتها
اكذب .. سيرة غيابك !
واقول انك بعد باقي
يموت القلب ويحيا بك
ويهز الكون .خفّاقي
الا منه البخت : جابك
الا ياحضرة الساقي
تعال واسقي احبابك
وصل يكفي لاعماقك
متى بيصير والقى بك
انا .. ملتني اوراقي !
واكذب سيرة غيابك
واقول انك بعد باقي
بعد باقي
بعد باقي

//
الساعه 3:00 م
بيت ابو عبدالرحمن كانت حصه وعبدالعزيز على الطاوله يتغدون
هيام تسال امها : وين ابوي وعبدالرحمن ؟
حصه : مضغوطين بالشغل وبيتأخرون
عبدالعزيز : ترى اليوم عازم خويي , ابيكم تجهزون القهوه والشاهي بيجيني بعد صلاة العشاء وما يحتاج اوصي عالمجلس
حصه : ان شاء الله وبنقول للخدم
عبدالعزيز : خلي اللي قدامي تسوي القهوه مابي قهوة الخدم
هيام ترفع حاجب : ترى لي اسم
عبدالعزيز : اللي عندي قلته
حصه : اذكرو الله
عبدالعزيز + هيام : لا إله الا الله

//

كان لابس شورت أحمر وبلوزه بيضاء ساده رجع شعره على وراء بالنظاره الشمسيه واخذ المفاتيح ونزل وهو يلعب بالمفاتيح ويدندن استغرب البيت مافيه احد وطلع بسرعه بسيارته مايباخ اتجه لمحل نكتار واخذ له عطر وكريم جسم
صاحب المحل : كتير مزوء
.... : تسلم
وحاسب وطلع بعد ماغلفها له وهو يفكر باللي شاغل له باله وعقله وقبل ذا قلبه كيف كان متلهف لشوفة هالشخص صار يمشي بالسياره بسرعه جنونيه ويبتسم كل مامر طيفه على باله وصل للمطار وصار يدور هالشخص بينهم لمحه من بعيد وبسرعه راح له وضمه ضمة لهفه كلها شوق للقى من سكن قلبه : مشعععلل
مشععل بهمس : اشتقت لك
.... : حبيبي انت اكثر قسمم

//

كانت تحس بملل راحت غرفه تبديل الملابس طلعت بنطلون جنز وبلوزه فيها طباعه ملونه وفيها كلام بالانجليز حفر راحت عند المرايه وحطت ماسكرا والاينر وكحل اسود وروج احمر خلت شعرها منسدل وكعادتها راحت تشغل اغنيه اجنبيه ورقصت على انغام الموسيقى
داني تطق الباب و ما سمعته هيام من صوت المسجل فتحت داني الباب : انسه هيام الوالده تبغاك تحت
هيام تلتفت عليها وانفاسها سريعه : طيب .. الحين بنزل .
رفعت شعرها بشكل مهمل ونزلت خصل على وجهها ونزلت تحت
هيام : هلا ماما
حصه : بعد شوي بيجي خوي اخوك روحي اشرفي على مجلس الرجال اذا كل شي زين
هيام : ان شاء الله
هيام بخطوات ثقيله تتامل المكان اذا كل شي تمام وقفت عند المرايه تعدل فشعرها الا حست بخطوات شخص داخل المجلس وكانت تحسبه عبدالعزيز هيام وهي تلعب بخصلات شعرها ومالزالت تعدل فيه : هي عبدالعزيز كل شي تمام متى بيجي خويك بعدين التفت ولما شافت اللي قدامها شهقت .

//

انتهى البارت
مين اللي كانت تتعبث بدفتر مذكراتها ؟ وسبب البكاء ليه ؟
مين الشخص اللي قابل مشعل ؟ صداقة ولا علاقة حب ؟
مين الشخص اللي شافته هيام وكيف بتكون ردة فعله ؟
توقعاتكم ياحلوين

رحل الأمل 21-01-2015 05:07 PM

رد: رواية لو يحبك ماترك عينك حزينة
 
السلام عليكم بداية موفقهه ان شاءالله استمري و ان شاءالله انا بكون وحدهه من متابعينج وو اتوقع الي كانت تصييح هي البطله للقصه و كانت تحب واحد و خلاها >> تخمين يعني لا تضحكين ههههه
امممم اتوقع صداقه
شااااافت صديييق عزووز يمككككن ينعجب فيييييها بعدين الاعجاب يتحول لحب

اممممم ممكن تقولين يعني متى ناويه تنزلين البارت الثاني؟؟؟

ftoon fahad 21-01-2015 10:26 PM

رد: رواية لو يحبك ماترك عينك حزينة
 
اقتباس:

المشاركة الأساسية كتبها رحل الأمل (المشاركة رقم 26622947)
السلام عليكم بداية موفقهه ان شاءالله استمري و ان شاءالله انا بكون وحدهه من متابعينج وو اتوقع الي كانت تصييح هي البطله للقصه و كانت تحب واحد و خلاها >> تخمين يعني لا تضحكين ههههه
امممم اتوقع صداقه
شااااافت صديييق عزووز يمككككن ينعجب فيييييها بعدين الاعجاب يتحول لحب

اممممم ممكن تقولين يعني متى ناويه تنزلين البارت الثاني؟؟؟


الرواية تدور حول 3 ابطال واللي كانت تبكي وحده منهم - صح عليك بتوقعك -
لا مو صديقه بالاحداث بتعرفين كل شيء
ايوا شافت صديق اخوها ومثل ماتوقعتي صح عليك
البارت الثاني بينزل خلال هاليومين
شكرا على مرورك وردك وشرفتي روايتنا

وردة الزيزفون 22-01-2015 01:18 AM

رد: رواية لو يحبك ماترك عينك حزينة/بقلمي
 
صباح الخير .. ياهلا فيك بغرام .. موفقة بطرحك .. عندي بعض الملاحظات على روايتك البداية كويسة لكن تحتاج لزيادة في الوصف سواء لمكان الحدث او وضعية الشخصيات او ردات الفعل والتعمق في المشاعر

اعمار ابطالك متقاربة جدا مع اعمار اهاليهم وهالشئ يفقد المصداقية خصوصا انك ذكرتي ان الرواية فيها من الواقعية الكثير لو قارنتي اعمار اكبر الاولاد مع اعمار اهله بتشوفي ان الفرق جدا بسيط وغير واقعي
حتى مواصفات الاخوان كل واحد مختلف عن الثاني بلون الشعر والعين والبشرة مافي تقارب ابد وكأنهم مو اخوان من اب وام وحدة

لحد الان ماتوضحت فكرة روايتك لكن انتبهي مايكون فيها علاقات محرمة بين البنات والشباب ولا تزيين هالشئ بعين القارئ وياليت تبتعدي عن الصدف بين البنت والولد لانها فكرة مستهلكة والقارئ مل من هالافكار

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

ftoon fahad 22-01-2015 02:26 AM

رد: رواية لو يحبك ماترك عينك حزينة/بقلمي
 
اقتباس:

المشاركة الأساسية كتبها وردة الزيزفون (المشاركة رقم 26625763)
صباح الخير .. ياهلا فيك بغرام .. موفقة بطرحك .. عندي بعض الملاحظات على روايتك البداية كويسة لكن تحتاج لزيادة في الوصف سواء لمكان الحدث او وضعية الشخصيات او ردات الفعل والتعمق في المشاعر

اعمار ابطالك متقاربة جدا مع اعمار اهاليهم وهالشئ يفقد المصداقية خصوصا انك ذكرتي ان الرواية فيها من الواقعية الكثير لو قارنتي اعمار اكبر الاولاد مع اعمار اهله بتشوفي ان الفرق جدا بسيط وغير واقعي
حتى مواصفات الاخوان كل واحد مختلف عن الثاني بلون الشعر والعين والبشرة مافي تقارب ابد وكأنهم مو اخوان من اب وام وحدة

لحد الان ماتوضحت فكرة روايتك لكن انتبهي مايكون فيها علاقات محرمة بين البنات والشباب ولا تزيين هالشئ بعين القارئ وياليت تبتعدي عن الصدف بين البنت والولد لانها فكرة مستهلكة والقارئ مل من هالافكار

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا




بالنسبه للأخوان شيء طبيعي مايتشابهون مو توأم ياخذون من اهل الأم او اهل الأب
وطريقة الصدف صح انها مستهلكه بس لها طريقة ثانيه مع الاحداث بيبين كل شيء
و الاعمار فيه عوائل كذا او بالاصح كانو متزوجين بدري
الرواية واقعيه بس فيه تغيير بسيط ببعض الاشياء وان شاء الله البارت الثاني بيكون فيه زيادة في وصف للمكان بشكل متسلل

شكرا على مرورك وعلى تنبيهك ببعض الاشياء وافادني الموضوع كثير

ftoon fahad 22-01-2015 10:33 PM

رد: رواية لو يحبك ماترك عينك حزينة/بقلمي
 
اهلين راح ينزل البارت الثاني بكره مساء وبتنزله هياء صالح
لكم ودي

haya saleh 23-01-2015 03:01 AM

رد: رواية لو يحبك ماترك عينك حزينة/بقلمي
 
لاتجعل الرواية تلهيك عن اداء الصلاة في وقتها
استغفر الله واتوب اليه ..

البارت الثاني
هيام بخطوات ثقيله تتامل المكان اذا كل شي تمام وقفت عند المرايه تعدل فشعرها الا حست بخطوات شخص داخل المجلس وكانت تحسبه عبدالعزيز هيام وهي تلعب بخصلات شعرها ومالزالت تعدل فيه : هي عبدالعزيز كل شي تمام متى بيجي خويك بعدين التفت ولما شافت اللي قدامها شهقت .
نرجع لوراء شوي
كانو طالعين من النادي
خالد ال : انت اسبقني وانا شوي وبجيك
عبدالعزيز يلتفت لخالد : ليه وين رايح !
خالد : الاهل متصلين علي
عبدالعزيز : اوك بانتظرك لا تتاخر اذا وصلت للبيت وكنت مو موجود اتصل علي وبيفتحون لك الخدم الباب وادخل البيت بيتك
خالد بابتسامه : بعد عمري ياخوي تسسلم

//

دخل بسيارته الفراري نزل منها وبخطوات ثقيله مشى للباب ورن الجرس فتحو له الخدم , وكمل بخظوات ثقيله للمجلس وكان يطقطق على الجوال , وهو داخل للمجلس سمع صوت انثوي عقد حواجبه لما رفع راسه , تفاجأ بالملاك اللي قدامه يحاول يستوعب الموقف اللي اهو فيه , تكلم في نفسه : من ذي ؟! ليكون اخته ...؟
هيام التفت بشكل سريع : ههيـ ... , ما كملت كلامها الا شهقت ورجعت على ورى خطوه والتفتت بشكل سريع وركضت وهي تسّحب رجليها بسرعه وتسندت على الجدار وايدها على قلبها وعيونها مليانه دموع : يممه معقوله ذا خالد الـ.. ! ششافني ! لا لا هو اكيد ما طول وهو واقف ! نزلت راسها وغمضت عيونها واخذت نفس عميق : لا زم اروح قبل ما يشوفني احد طلعت من جناح الرجال وبسرعه راحت للمطبخ تسوي قهوه
كان خالد واقف على نفس وضعيته وسرحان دخل عبدالعزيز عليه وشافه واقف : وش فيك واقف ؟
خالد ماكان منتبه له , قرب منه عبدالعزيز وحرك يده قباله
خالد انتبه لنفسه : هاه وش فيك ؟
عبدالعزيز يغمز له : اللي ماخذ عقلك يتهنى فيه
خالد بابتسامه ويغير الموضوع : يعني لمتى بنظل واقفين ؟
عبدالعزيز : حياك تفضل , شوي واجيك
خالد : خذ راحتك

خالد : عمره 23 بالجامعه نفس عبدالعزيز بالقسم خويه الروح بالروح طويل وعريض يتميز ببياض بشرته وشعره ناعم عيونه الواسعه عسليه وشفايفه وسط وخشمه طويل وله شنب ودايم يحدده

//

كانت تجهز القهوه ووصارت تفكر بالموقف اللي صار دخل عليها عبدالعزيز : ها خلصتي؟
هيام:....
عبدالعزيز وصل لعندها وهز كتفها خفيف : هياام , خلصتي ولا باقي ؟
هيام انتبهت له : باقي شوي
عبدالعزيز : يالله بسررعه
صارت تكمل تجهيز بصمت
راح عبدالعزيز فتح الثلاجه اخذ له مويه وجلس على الكرسي : مدري وش فيهم بعض الناس مسرحين واجد اليوم
هيام التفتت عليه وخزته بنظراتها : ترى خلصت تعال خذه
عبدالعزيز خذاه ورجع للمجلس
عبدالعزيز : عسى ماتأخرت عليك
خالد بابتسامه : لا عادي
وصارو يسولفون بدون ملل

//

كانت تحس بملل فضيع من الروتين المتكرر كانت الجامعة تقطع وقتها , كانت مسوية قائمه كلها عن تخطيطها بالاجازه
جلست تفكر بالمزرعه وقد ايش مشتاقه للجمعه مع البنات بالذات هيام نزلت تحت بخطوات خفيفه
ندى : السلام عليكم
سميه + مهند : وعليكم السلام
مهند : اقول نديشه تلعبين معي فيفا
ندى: واذا فزت وش المقابل ياهنوده ؟
مهند : واثقه انها بتفوز لافزتي لك اللي تبين ؟
ندى: يالله تحمست
وراحو المجلس الخارجي وصارت تلعب فيفا مع اخوها
مهند : شوفي اذا فزتي لك اللي تبين بس اذا فزت تخدميني اسبوع
ندى سافهته ومركزه على اللعب لما خلص الشوط الاول بتعادل سلبي
مهند:جيبي الفصفص بتلاقينه ورى
ندى بسرعه نقزت تجيبه قبل لايبدا
صارو يفصفصون ويلعبون لما وصل على نهاية الشوط الثاني طبعا ندى سجلت باخر 3 دقايق وفازت عليه
ندى تصفر لنفسها بعدين جلست ترمش: شوف سيد هنوده ابيك توديني السوق ابي اشتري ملابس صح عندي بس كيفي وابي السوبر ماركت صح البيت فيه كل شيء بس ابي زياده وابي تعشيني بمطعم وابي تسفرني لندن
مهند ومطير عيونه : شوي شوي بسم الله فاصل طيب وبجديه : شوفي اعتبري كل شيء بيجيك الا الاخيره
ندى ويدها على خصرها : ياسلام مو قلت لك اللي تبين ؟
مهند طنشها وقال :اقول شيلي الشاهي والفصفص ورتبي الحوسه
طالعت فيه وسفهته وراحت للخدم تقول لهم يرتبون المجلس الخارجي دخلت عند امها بالصاله وصارت تسولف مع امها

//

كانت قدام المرايه وتلعب بشعرها وترفعه على فوق و تتخيل شكله كيف بيكون شكله اذا قصته وتتحسر على نفسها لان اهلها رافضين هالفكره انها تقص شعرها وبخطوات ثقيله راحت لاختها وجلست جمبها وبابتسامه : في شي تبين اسويه لك ولا اساعد فيه
مي ترفع حاجب : خير وش وراك !
وسم ترمش وبابتسامه خفيفه : لا ما وراي شي , بسس يعنني ...
مي : قص شعر مافيه اختصرت لك الكلام , واذا بتكملين معروفك روحي جيبي لاب توبي
وسم كشرت : بعد حارمتني من قص الشعر وتبيني اجيب لك ! احلمي
مي بضحكه : يعني بس وقت المصالح بتسوين اللي ابيه !
وسم سفهتها وراحت .

//

كان جالس بأفخم مطعم بالرياض ومر الوقت سريع على قل الكلام اللي بينهم يمكن منحرج منه لانه طول هالمده بعيد عنه احمد كان مرتبك من نظرات مشعل ونفس الوقت كان فرحان لأنه جنبه ومعه
أحمد بابتسامه : ايوا كيف كانت سفرتك !
مشعل يرد الابتسامه : الحمدلله بس فاقدك حيل
احمد: الاستراحه بدونك ماتنطاق شويه عليه ,
مشعل : اوه اشتقت للأخويا والجلسه معهم وش صار على صالح للحين ؟
احمد كشر :صالح للحين ناشب وكل ماشاف وجهي سألني متى بيرجع مشعل
مشعل عقد حواجبه : مدري وش يبي مني ذا النشبه المشكله كلنا مانبيه
احمد ارتاح لان حتى مشعل مايبيه
( شعور حلو لما نكون نحب لما قلبنا يطير فينا من قمه لقمه لما يكون الحب بين طرفين وكل ماله يكبر بس لما يكون بالحلال حلاته على الفطره , يكون قبيح وبشع جدا لما يكون من نفس الجنس لما يكون مبني على علاقه محرمه , ياترى وش نهايتهم بتكون ؟)
( استغفر الله العظيم واتوب اليه )

//

كانت تحوس بالغرفه ومحتاره وش تودي معها للمزرعه وكانت تجهز ملابسها اللي بتوديها معها فتحت الدولاب وتاخذ و ما يعجبها وترمي على السرير لين ماوصلت للبس اللي عجبها وحطته بالشنطه واخذت الكريم والعطورات الخ وحطته بالشنطه
ميعاد متجهه لغرفة ساره وفتحتها بدون ماتطق على الباب وانصدمت : عمما ماتمزحين حستي الغرفه فوق تحت !
ساره جلست تتأمل غرفتها وكيف سببت كل هالفوضى بدون ماتحس كيف كانت ملابسها على الارض بشكل مهمل وكيف كان اغلب اللي بالدولاب بالارض
ساره : مدري وش اودي وش اخلي
ميعاد : شوفي تعالي اعلمك , وصارت ميعاد تنقي لساره كذا لبس بناطيل ولقنز وتيشيرتات وصارت تختار بخفه لين ماوصلت للي تبيه وخلصو من شنطة ساره
وبحكم ان الخدم مايخلونهم يدخلون الغرف لانها خاصه صارت ميعاد ترتب الحوسه مع ساره

//

كان الوقت سريع وماحسو فيه شاف ساعته : اوه تأخرت
عبدالعزيز : خلك تعش معنا تراه جاهز
خالد بابتسامه : لا يوم ثاني ان شاء الله
طلع خالد وكان طول الطريق يفكر باللي صار له اليوم مايدري وش اللي يحس فيه بالضبط

//

كانت تتصفح كتاب اذكريني كل مافاز الهلال كان ودك طول عمرك تذكرين
يمكن قرته 20 مره ! بس ماكانت تمل ابدا
هند : لطوف كم مره قريتيه؟
لطيفه: ياماما لو اقراه مليون ما امل ابدا
رنا كانت حاطه رجل على رجل وتطقطق على الجوال : اقول تذكرين يوم احمد وعدك يوديك متجر الهلال ؟ للحين ماوداك
لطيفه : يكفي انه جاب لي هالكتاب وانا واثقه انه بيجي يوم يوديني
رنا بخبث : لاتصيرين واثقه بزياده
هند : انت وش فيك على اخوك ؟
رنا بهدوء : كذا من ربي كارهته
لطيفه : اكرهيه بس مو تخلين احد يكرهه معك بالغصب !!
رنا طنشت وكملت كان براسها الف فكره وفكره

//
بعد مرور 5 ايام سريعه على ابطالنا
كانت اشعة الشمس تتسلل الغرفه انزعج من النور وصحى صار يحرك شعره بشكل عشوائي ودخل ياخذ شور طلع وصار ينشف شعره بالمنشفه واخذ الجوال استغرب من المكالمات , ترك الجوال بالشاحن لبس ونزل تحت
محمد : السلام عليكم
الكل : وعليكم السلام
محمد : اوه صاحين قبلي ماشاء الله
ساره : فيه طلعه اسهر للصبح عادي
ميعاد : وبيروح الوقت في كلمة وتقلد ساره وش البس؟
ساره : عاد سوت معروف تذلنا فيه
محمد : لا إله الا الله
علي : تعال افطر
محمد : ان شاء الله
ساره : ياقلبي اخيرا جاء اليوم
منيره : الله يقضي بس هاليومين على خير
ساره : امين
( طبعا اليوم اهو اليوم المنتظر عند الكل تقريبا )

انتهى البارت
وش نهاية العلاقه بين مشعل واحمد ؟
وكيف بتكون نهاية هيام وخالد ؟
وش سبب كره رنا ل أحمد ؟
ايش تتوقعون بيكون من احداث بالمزرعه ؟

نتقبل النقد والاعجاب ارائكم تسعدنا

رحل الأمل 23-01-2015 10:38 AM

رد: رواية لو يحبك ماترك عينك حزينة/بقلمي
 
انصدمت ما توقعت يعني انه علاقه من نفس الجنس قلت يمكن بنت><
امممممممممم يمكن يصير لهم شي و يتوبون مادري
اتوقع زواج!
يمممكن تعرف سالفته مع مشعل؟
اتوقع بتصييير احداث تغير حياة البعض

ftoon fahad 23-01-2015 10:02 PM

رد: رواية لو يحبك ماترك عينك حزينة/بقلمي
 
اقتباس:

المشاركة الأساسية كتبها رحل الأمل (المشاركة رقم 26632959)
انصدمت ما توقعت يعني انه علاقه من نفس الجنس قلت يمكن بنت><
امممممممممم يمكن يصير لهم شي و يتوبون مادري
اتوقع زواج!
يمممكن تعرف سالفته مع مشعل؟
اتوقع بتصييير احداث تغير حياة البعض

بيتوب بس بيخسر شيء وبيندم كثير على طيشه -
- لا مو زواج 
- ايوا ومع الأحداث بتعرفين كيف عرفت
- بيصير كذا حدث مهم

شكرا على مرورك وتوقعاتك الوحيده اللي تشجعني انتي أتمنى تظلين تقري روايتنا 

ftoon fahad 24-01-2015 02:26 AM

رد: رواية لو يحبك ماترك عينك حزينة/بقلمي
 
طيب والباقي وين تفاعلكم , نتقبل النقد وارائكم تهمنا كثير !!


الساعة الآن +3: 03:59 AM.


موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1