صرّخہ’ آلمُشتآقہ « ©؛°¨غرامي مجتهد¨°؛©

المشاركة الأساسية كتبها بنت االسودان اقتباس :



في ملاحظة كمان .. شكل عندك حساسية من السودانيين صح ما بعرف مين طلع اشاعة اننا كسولين يلا م علينا



رُغم إني م أحب أرجع أعلق ع روايه انتهت إلا إني مو قادره أتجاوز هالتعليق ..
حابه أعتذر منك لو بعض من تفاصيل روايتي آذتك ..
المشكله فينا ان المجتمع من حولنا "من نكت او سوالف او مزح" يمرر لنا فكره من خلالها ونتداولها بدون لا نفكر بمعناها بشكل أدق وهذا الشيء خطأ وكثير أحاول أغير من افكاري اللي تطبعت من سنوات لذا أي جمله قيلت في الروايه كان فيها سُخريه أو إستنقاص من الشعب السوداني فأنا أعتذر لكم أشد الإعتذار وشاكره لك تنبيهي بخصوصها



Sanam Salim ©؛°¨غرامي جديد¨°؛©

روايتك ررررررررروعه حبيبتي
استمررررري بالتوفيق ان شاء الله

أحجية مفقودة ©؛°¨غرامي مشارك¨°؛©

سلااااام الاء كيفك؟
روايتك قريتها قريب وتوني رجعت اقرأ  بارت وتذكرت اني ما تركت تعليق !!

مدري كيف ابدأ ، بس رواااايتك تجنننن تهبببل والله فقلبي فقلبي احبهاااااااااا ومن افضل خمس روايات عندي والله لو امدح من اليوم لين بكرة احس مو كافي ، ودي اروح احب راس اختي على ذوقها فأختيار هالرواية

مبدددعة ماشاء الله يعني هم اربع زوجات وكل واحد له عيال وكل واحد منهم له قضية!! احس ما بقى مشكلة الا وكتبتي عنها ، ويعني شخصيااات واااجد وقضايا كثيرة كيف تحكمتي فيها ما شاء الله ، وعاد روايتك يمكن الوحيدة اللي احب كل ابطالها ،جد احترت ما اقدر احدد شخصيتي المفضلة!! كلهم احبهم فلا تستغربين اذا قلت عند كل شخصية انها المفضلة😭

         بتكلم عن بعض الشخصيات

- ابدأ بمعذبة قلبي💔 رغدد واه من رغد💔 اللي كل ما تذكرتها جتني الصيحة ، وش سويتي يا الآء؟ ما ابالغ لو قلت ان بارت موتها كان اكثر بارت صحت عليه فحياتي من الروايات ،والله قعدت اصيح واشاهق واصيح وعاد كان عيد ولك ان تتخيلين شكلي كاشخة واصيح! وحتى اختي صاحت فذاك البارت، كنت متوقعة  نفس ما قال اخوها حسام انهم بيعفون فآخرر لحظة بس للأسف :(

جمعتي فالبارت حزن مؤلم لفراق أخت عن أخوها ،واب لفراق بنته<<انكساره قطع قلبي ،وزوج لفراق زوجته << حتى لو انه كان مطلقها ،والمؤلم اكثر واكثر واكثررر فراقها عن بنتها💔 ، والله اني مقهورة من ولد المقتول يعني وش كان بيصير لو تنازلت؟ كيف ما لان قلبك وهم يترجونك كذا؟ يعني موتها مارح يغير شي افف يقهر صح انها غلطانة وهذا جزاها بس ولو :)، من بعد رغد صرت كل ما سمعت فسالفة عن قصاص ينكسر قلبي واتخيل كيف وضع اهل الشخص الحين 💔


- نجي ل كرار رهييب احببه فخامه وجدية  وبرودته تهبل لدرجة ان اي تفاعل منه ما انساه نفس موقف الشاي يوم كان فبيت سامر ما انساه ضحكتت 😭 اي وصح حتى يوم مات سامر وهو قال على حسب اللي اذكره "لو ترجع والله ما اطنشك" 💔 ، كان يعرف كل شي ويحاول يعدل الاوضاع من البداية بس عالصامت، تمنيت ان نهايته ما كانت من ضمن النهايات المفتوحة اللي قلتي عنها  توقعت انه بيتزوج يارا <<احب هالانسانة واكره اخوها اصيل كره ماله حدود

- جهاد احبببه مرررة شخصيته جنان وصدمني كونه توأم كرار<<اصلا روايتك كلها صدمات وغموض
بس كانت احلا صدمة يااااه اكثر ابطال احبهم ويطلعون تؤام<<عاد هذول الشخصيتين متفقين فحبهم انا وخواتي

-بنان واااااااه احببببها يازينها تشيل هم الكل شخصيتهااا رووووعة روووووعة <<الخطة ان شخصيتي تصير نفسها🏃🏻‍♀️

- الهنوف انسانة فكاهية جميلة وغريبة فتجاربها وحبها للجزر ههههه والأغرب تساؤلاتها اللي مدري من وين جاية عاد للحين كل ما قال لي احد كلمة"معليش" تطرى فبالي وامووت ضحك😭

- آنجي يووووه والله ما توقعت انها تعاني كذا سالفتها توجع القلب والله فالبداية كنت اشوفها مغرورة على غير سنع بس بعدين حبييتها

احس باقي شخصيات واجد احبهم وماكتبت عنهم نفس مشعل وفارس وطيف اي صح ويحيى وكمان حسام اللي اعتبره من شخصياتي المفضلة << بس قلت استحي على وجهي واوقف لاني لو اسولف من اليوم لين بكرة ما بوقف🏃🏻‍♀️🏃🏻‍♀️

سمعت ان روايتك الاولى حلوة بس ما قريتها خوفاً من اني احبها اكثر من هذي وهذا الشيء لن ولن اسمح به🏃🏻‍♀️

احس كثرت سوالف يلا يلا مع السلامة :)


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1