غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-01-2015, 07:45 PM
صورة Max'cn الرمزية
Max'cn Max'cn غير متصل
©؛°¨غرامي مشارك¨°؛©
 
Upload1120a2f436 كوني فتاة كما تريدين أن تكونَ فتاتك /بقلمي




بســــم اللـــه الرحمـــن الرحيـــم
أسعَد الله أوقاتكُم ..

اليَوم في تارِيخ 9 / 4 / 1436 هـ أضع هُنا

بيَن أوقاتكُم روآيتِي الثَانيه ..
كُوني فتاة كمَا تريدين أن تكُون فتاتُكِ


تتـحدث عَن عِدة أبطَال فِي شخصيآت وآقِعيه تماماً أُمثلّها فِي مواقِف
وأحداثها البعض خيآلِي والبعض الآخر وآاقعِي لا محَاله ..
نَوعُها : درّامي , رُومانسي
أنا مُجرّد قارِئة لا تحبذّ تكرار الأحداث دوماً كمآ يحدُث في عدة روايات قَد قرأتها
لـذا أتمنَى أن تَنال إعجابكَم كمَا أُعجب بهَا الآخرُون ولا أُحلل من ينسٌب تعبِي لنفسِه !
وإعذرُوني على الأخطاء الإملائِيه التِي
قد لا إنتبِه لوجُودها سيكون البارت الأول مملاً لكن لدينا المستقبل
فلا تحكُم عليها من أول مرة .. والأهم من ذلِك تذكرُوا مقُوله
"أن تستفِيد بما تـقرأ خيرٌ من ان تَقرأ ما لايُفيدك "
*
*
قــراءَة مُمتـــعَه أعزّائِي
*
*
مُقدمـــــة :
عِندمآ تَتعثّر فِي تِلك آلطُرق آلمُستقِيمة
لآ تعرف أحداً ولآ أحداً يعرفك !
كَيف نعِيش ؟ وكِيف نتخَطى آلسُبل المُعوّجة فِي طَريقِنا ؟
لِ كُل مِنآ قِصته نَختلف كَثيراً لَكن تَبقى مَشآعِرنآ سَودآء كـ عُتمة الَليل آلبآرد

*

جلسَت على اقرب كرسي عريض متواجد بالحديقه بّخوف وتوتَر وكأنها في اللامكَان

تشُوف الناس كآئِنات مُؤذيه يتشَابهُون بالشّر فقط

،قرّبت عربة أطفالها وهِي تلاحظ نظرّات الناس الغَريبه لحجآبهَا وكأنها إرهابيه من مكان مِِا

صدرصوت من عربتها يخبرها بطفلها اللي صحي من ثَواني بينما هي انشغلت بالتأمّل !

حملته بهدوء وإبتسمت تحس بالامَان هزته بشويش لين هدأ،

ومن بعيدكان يراقب الوضع من فتّرة ولما حسّ انه الوقت المُناسب ركض بسرعه وسحب الشنطه المستعصيه اللي نشبت بطرف العربه الصغِيرة

حسّ بالخطَر يدآهمه خصوصاً لما حطت عينها بعينه وفجرّتهم بخوف ( فتحت عيونها بصدمة) وبدأت تصرخ بينماهي تستنجد لمساعدة بنتها .... توأم الطَفل اللي كان بِين إيديها !

ركض بخطواته السريعه وعلى ممرالمشاه وهو يدف العربه السوداء بسرعه يهرب فيها قبل ما يجُون الشُرطة ويلقُون القبض عليه , خصوصا لسوابقه اللي بتدمر حياته ويعيش بقيه عمره بين القضبَان إلتفت وهو يركض يشوف ايش صار وراه من تجمعاتّ ولما أدار وجهه للجهة المُقابله تصنّم من صُوت الطفل اللي إرتفع من العربه وهُو متأكد إن الطفل كان بإيدها ؟


ثوآني لإستيعابه الوضع وما حسّ إلا بسيآرة سريعه تصطدِم فيه وتأدِي لوفاته على الفَور

نزل من السيّارة برجفه يناظر بالدم المنتشر بكل مكان ولما انتبه لصوت الطفله مسَكها وهزّها بحنآن يهديّها متجَاهل تماماً الجثة اللي تسبب بمقتَلها أو نقُول اللي خططّ لقتله ؟

&

ذِكرياتٌ حملها المَاضي ..

جَايكوب : آليس هل أنتِ واثِقه بِكتابة هذا المقطَع .؟
آليس تبسّمت : نعم جايكُوب هذا مقطعي المُفضل !!
جايكوب : وهَل يعلم بِه ؟
قَالت فِي حِيرة : لم أعلم ذلِك قطّ فهو توفِي قبل أن أسأله كيف عرفني بِتلك الليله ..
قَال فِي غِيرة يُحاول كبحّها : إذاً يا أليس لنكمِل الكتَاب .. كيف ستبدئِين بِسرد القِصه ؟
آليس : سَأبدأها حِين دخلتُ إلى المستشفى بِرفقه أخي غيى الشقِيق لزيــ...... يُتبع !
*
[COLOR="rgb(139, 0, 0)"]قبــــــل عــــــدة ســـنوآت :

أتمشى بدُور هالمستشفى " العنايه تحديداً " مثل ما يقولونلها , وأنا أتلفت يمين ويسآر , أتلصق بالفتحه وأنآظر ,

أصلا مدري من قالي أجي هنا بس لقآفه الله لايبلينا , مره أضحك ومره ازعل على أحوالهم ومره أتزحلق زين مافي زياره هالوقت ولا كان مستقبلي انهدم ,

لي ساعه انتظر جمانه ومنى , جمانه اختي ومنى أخت ياسر , صديق أخوي ,

نزلوا يجيبون موكا من تحت " الكافيتيريا " نمضي وقتنا في شربها ما بين يطلع مهندمن غرفةصديقه ياسراللي مسوي حادث واضطرينا نجي نتطمن عليه, وقفت شوي عندغرفه كان فيها ممرضتين , استغربت بس اشوفه ما يتحرك وبسرعه

محتاسات ما يدرون وش يسوون قربت اكثرللشباك القزازالممتد لكل الغرفه ولصقت وجهي أنآظربتمعن كأني بسينما "ماعندي مشاعر واضحه " شفت وحده منهم تطلع بسرعه حتى انهادفت الباب بدل لاتفتحه بإيدها , راحت بسرعه شكلها نادت

للدكتورلأنه جا معاها استغربت لما شفته يشحن قطعتِين ع شكل مربع ويفركهم ببعض ويقربهم لجسم الشخص الموجود ع السرير غمضت عيوني بقوة

مابي اشوف شي وبغيت امشي بس فضُولي خلاني واقفه متيبسَه مكاني ومفتحه كنت اشوف جسمه يرتفع مع انه واحد باين انه ضخم !لا لايمكن طويل , بقى الدكتور يمكن خمس

دقايق بعد الضربة الاخيره , شاف نبضه يرجع نبض ورا نبض لما إنتظم سبحان الله اللي خلاه يرجع يعيش بدقيقه ابتسمت وحمدت الله والله اني مجنونه كيف واقفه أناظر وأتأثر

وأنا ما اعرفه حتى كأني بفيلم مع براد بيت مدري وش فيني صايرة بدون احساس , كان الدكتور يعطيهم تعليمات شكل الممرضات , ناظرت بساعتي

ياربي ليش تأخروا جمون ومنى ! كل هالوقت عشان كم موكا! اطلع الدكتُور من الغرفه وبعد كم
ثانيه رحت مستعجله له اهتميت كثير بموضوعه وحسيت نفسي مو على بعضي , قلت : دكتور

الدكتورغازي : هلا اخيراشفت احد من اهله

جوري توهقت : لا يادكتور ماني من أهله بس حبيت أتتطمن عليه

الدكتورغازي : حالته صعبة بس استقرت الحمدلله ..

جوري "الحمدلله" قلت : مشكُور يادكتور الله يعطيك العافيه

الدكتور : فمان الله

جوري : مع السلامه ,

سرحت بإتجاه غرفته أفكر حالته صعبه وأهله مو هنا ؟ يقولون ان اللي بغيبوبه يتأثر باللي يهتم فيه
كثير ويحس ! طيب ليه اهله مو معه ... مشيت للباب وفتحته فضُولي يقتلني مشيت بخطوات بطيئه
بإتجاهه لما قالت المُمرضه اللي تتأمل ملامحه الباهته

: تقربين له ؟

قلت : للأسف لا

استغربت وقالت بحرص : معليش الزياره ممنوعه الحين تقدرين تزورينه بعدين اذا يهمك

قلت بخِيبة : طيب بطلع

اناظر شعره القصير مع ملامحه البآهته تماما , مبين شكله طويل يمكن ضخم بس مدري ,

حسيته يحركّ إيده بصعوبه تامه .. شهقت وحطيت ايدي ع فمي ناظرت للممرضه اللي طلعت من ثواني وش اسوي ! تنهدت بصعوبه من " مرضي المزمن" وفتحت الباب ببطء وطلعت مسرعه وجلست ع الكرسي بجانب باب غرفة ياسر ...
خذيت نفس لما سمعت اصواتهم يضحكون وقفت بعصبيه وقلت " : كان نمتو بعد ؟
منى : وش فيك ماقنا السلام لسا
جُوري : تأخرتوا وطفشت لحالي
قالت منى وهي تضحك : جمانه تخانقت مع واحد دفهَا ومشى
ضحكت : أما جمانه ؟؟؟
جمانه ضحكت : يع مغرور بعدين نرفزني الدنيا سايبه يدافش ويمشي؟
منى : صحيح بس انتي رفعتي صوتك وكبرتي السالفه
قلت : زين زين عطوني عطشت حسبي الله ع ابلييسكم
منى ابتسمت : ماطلع مهند ؟؟؟؟
قلت : لا مدري
جمانه : الحين امي تقلق علينا
جُوري : لا طمنتها من شوي ماعليك
بعد فترة قصيرة رجعنا للبيت بتعب ... بالي كان مشغول وما كنت صاحيه ولا واعيه
طلعت غرفتي وانسدحت بدون لا ابدّل ملابسي
أحس بدوآر من التعب وجسمي مكسر شسوي اذا هالمرض ماله علاج
تنهدت ولاح علي صُوته

مهند الأخ الصغير لي : قلتلي وينه ؟؟؟ ...... متأكد شفته بعيونك ؟!!!
:......
: زين أنا جايي مسافه طريق
:.....

قفل جواله وحطه بجيبته بإهمال فزّ من مكانه يحس برعشَه
قالت أم سعُود : مهند يمه شصاير ؟؟؟
مهند : يمه صديقي بالمستشفى ومحد عارف
أم سعُود : لا حول ولا قوة الا بالله ... بتروح له ؟؟!
قال : ايه يمه مقدر اجلس بدون ما اتطمن عليه
قلت وأنا واقفه ع أول الدرج : هنّـــوود أجي وياك ؟!!
ابتسم وناظرني : لا خليك تعبتي اليوم خوذي علاجك ونامي
قلت : طمنّي وش يصير معك لا تنسى
قال وهو يمشي للباب الخارجي : أبشري مع السلامه
سرحت ب أمي اللي بالها مشغول من أمس .. قلت : يمه اجيبلك شي ؟!!
قالت: لا يمه اسمعي كلام مهند ونامي الوقت تأخر
ارسلت لها بوسه بالهوا وقلت : طيب تصبحين ع خير
أم سعود : وانتِ بخير


*


هل ترآهُ آليوم مِثلي في ذُهُولٍ وإنشغآل ,

بِ نثر الأفكآر يبقى سآهداً طول آلليآلي ,

*


ياسِر طلع من المستشفى وبهالمناسبه أمه كانت مسويه حفله بسيطه له لخروجه بالسلامه ..
صحيت من بدري وجلست مع أهلي ولما أذن العصر طلعت اشوف وش بلبس

وأخيراً لبست بنطلُون أسود مع بلُوزة سُكريه وع أكمامها خطين سُود ... لبست شُوز من نايك
فيه ألوان متداخله يناسب مع اللبس .. رفعت شعري وربطته وحطيت ميك أب خفيف أنا مو من النوع
اللي يرسم ع وجهه أبداً ولا أحب المبالغه بالشي ..

نزلت وجلست جنب أمي انتظر مهند يصحى وجمانه تخلص لبس ..
طلع من غرفته بخطوات متثاقله شعره منفوش وملابسه حالتها حاله

ضحكت على شكله المبهذل وقلت : شكلك نسيت طريقك
جلس ع الكنب ورما المخده علي وقال : مايضحك تعبان حديّ .. الا وين رايحه ؟
قلت : منجدك مهند !!! بنروح لأهل ياسر شفيك
ضرب جبهته وكأنه تذكر وقال : أوه زين بقوم اخذ شور واجيكم
قالت أمي : لا تنسى تفطر ! شايف صحتك كيف صايره
قال ماهر اللي كان متكشخ عكس أخوه : بس له الدلال وحنا لنا الله
ابتسمت امي : الله يهديك يمه انت نادراً اشوفك .. تعال اجلس جنبي وإفطر
جلس مبتسم يحرك حواجبه لي ولهنُود بينما مهند طلع لسانه ومشى لغرفته
طلعت جمُون من المطبخ بإيدها كيس التُوست تلّوح فيه
ناظرتها مستغربه وقلت : انتِ مو ع اساس تلبسين ؟؟!
قالت : ليه شفيه لبسي؟؟؟
ابتسمت : هذا لبس ولا بيجامه؟؟
ماهر ضحك : منجد كذا بتروحين تزورين ؟
جمَانه : ييييووه هذا خامس لبس ابدله وبعدين يعني بروح بالبيجامه
ضحكت عليها : من امس اقولك جهزي ولا رديتي علي
حطت الكيس ع طرف الطاولة وقالت : انزين ببدل وأجي افطر
بعد فترة قصيرة مهنّد قال ل ماهر يودينا بسبب مكالمة جته .. لبست عباتي وطلعت لسيارته
وجلست قدام ... ثواني معدوده فتح الباب ودخل وهو يزبط المرايه
وصلنا لبِيتهم وودعته ومشيت لداخل أرفع عباتي اللي نشبت بالشوز ..

سكرت الباب وطلعت ع الدرج الصغير وجمون قدامي بغيت اطيح العبايه اللي نشبت بالشوز
وجمانه تضحك علي كأنها ماصدقت على الله ابتلش !


: وش فيكم تضحكون ضحكوني معكم !

جوري: منآآآآآر ي بعد قلبي مشت لها وضميتها اشتقت لك والله وينك امس !

منار : بعد قلبي وانا اكثر . . ادخلوا يالله حييهم !

جمون : الله يحييك

ضمتها ل منار وهي تسلم عليها وبعدها طلعنا مع بعض للصاله
بين سوالف البنات اللي ماتخلص وبين نقاشاتنا اللي تنتهي بخناق
قالت نرجِس " أكبر وحده فينا" : منو شرايك تجيبين لنا السماعات ودي ارقص
مُنى : لا لا ماني مستعده آخذ ذنوبكم ياحبيبتي
نرجس ابتسمت : خلاص مابنحط موسيقى بس جيبيه
وقفت ولما مشت استوعبت شي رجعت خطوتين وقالت : مدري وينه كان مع ياسر آخر شي
لتِين : زين دوريه بغرفته
مَنى : جُوري ولتين امشو دوروا عليه معي انتم عارفين البيت مايحتاج ادلكم
جوري قمت وقلت لها : أنا ولتون بندور تحت وانتِ شوفي غرفته
منار : اذا مالقيتوه بحمل برنامج ع جوالي يكبّره
جمانه ضربتها ع راسها : توك تفكرين بدري والله
منار حطت ايدها ع راسها : يا الدفشه مالك دخل
ضحكنا عليها ونزلت أنا ولتُون بين سالفة أمس اللي اشغلت بالي " ما أخبي شي عنها "
قالت وهي تناظر لغرف الملحق : روحي دوري هناك وأنا بدور هنا مشوار نروح مع بعض
قلت : زين وسالفتي مو مطولة استعجلي هاه
هزّت راسها ومشت ومشيت وراها فتحت الباب ودخلت أدندن ب أغنية انجليزيه وأهز راسي
بالحركة الهنديه " أكيد تعرفونها اللي نحرك رقبتنا فيها " فتحت الخزانة اناظر فيها من بعيد
ولا لقيتهم . لفيت بدور بالخزانة الخشبِيه بآخر الغرفه وبرضو ماكان في شي انتبهت ع تمثال
بسيط لـ مُمثل أو حاجة زي كذا يمكن لياسر لأن دائما يتكلمون عنه ابتسمت ومشيت بسرحان
مو منتبهه للشخص اللي كان وآقِف بِجمود على ملامحَه آثار زُرقه
ما كان عقلي معه من هو ومن وين جا كل اللي ببالي هو كيف تصفق كذا ولا دافع عن نفسه ؟
صحيت من سرحاني بشهقه مريبه وقلت : من أنت !
اصدَر ضحكة غريبه وقال : أنتِ اللي داخله على غرفتي ؟
ناظرت حوليني متعجبه : هذي غَرفة فاضيه مو أول مرة أجيها
قال : ماشاء الله متعودة ع الوضع
قلت : عن الغلط بس " أنتبهت للكنز اللي جيت عشانه وقلت وأنا أأشر : عطني ياهم وبطلع
لفّ مستغرب وشافهم . مشى خطوة تقريباُ ومسكهم ثم مدهم لِي وقلت : أزعجناك
طلعت من الغرفه وجهي أحمر أحس بزلزال حرّك رجولي ! من هذا وكيف ما انتبهت له ياربي وش
هالورطه لو يدري سعود بيذبحني مايكفي عيال عمي حافظيني
رغم أن عائلتي مو ملتزمة كثِير بس يبقى لكل شي حدوده ...
جت لتين مستعجله تخانقني وقالت : لي ساعه ادوره داخل ومنى ذبحتني وانتي واقفه كذا شعندك؟
قلت م منتبهه للكلام اللي قالته : خلينا نطلع
كانت سهرة جميله مع البنات .. رقصنا وسولفنا وغيّرنا جو وأهم شي تحمدنا لهم بسلامة ياسر ,
طلعنا بعد ما دقّ مهند علي وركبنا بسيارته ننتظره يجي ..
فتح الباب ودخل وهو يناظر لسياره مقابله لنا ركب فيها وآحد نحِيف بشعر أسود ما انتبهت لوجهه
يمكن يكون ياسر ..
مشينا ومشى ورانا ,, وبعد وقت قليل كنا بالبيت
فصخت الشُوز " اكرمكم الله" ودخلت وأنا احضن امي : اشتقنالك يمه
ضحكت : روحي بدلّي ملابسك وارتاحي أكيد تعبانين
قالت جمانه : اي والله يا يمه يا اني رقصت لين تكسرت
: ماتتوبين عن حركاتك الله يصلحك
ابتسمت : يمه كله رقص ترا
قالت : اطلعي بدلي ونتفاهم ع العشا
طلعت أنا وياها وكل منا راح لغرفته بدلت ملابسي وطلعت أتمشى بالبيت أدور ع شي
أسويه طلع قدامي سعُود .. كبير عائلتنا عاقِد حواجبه بشكل غريب وباين ع ملامحه العصبيه
قال بِحده : حطي شي ع راسك ولا تمشين بالبيت ع راحتك
حطيت عيوني بعيونه وقلت : ماسويت شي غلط لا تناظرني كذا !
قال : جُوري قلتلك البسي شي ع راسك عندنا ضيف بيبقى فترة افهمي !
تنرفزت من اسلوبه السَيء معي دايم وكأني فلطانه عليه رغم اني ماسويت شي !
رحت لغرفتي بدون ما اعبره واخذت شال حطيته ع راسي وطلعت
نزلت ع المطبخ بطني يقرقع من الجوع هذي العاده ماتتركني فتحت الباب وتفاجئْت
باللي متربعه ع الأرض وتآكل : جممووون ! ي الوصخةة ليش ما قلتي لي انك تحت وانا جيعانةة !
جمون : ليه م خانقك سعود ؟

ضحكت وضحكت معي كأنها عارفه باللي افكر فيه وقلت : حتى انتِ !

جمون : ايه والله حتى انا جلسنا ع الكراسي وقدامنا سندويش حظرته لنا الخدامه من شوي

كنا ناكل وكل وحده على جوالها محد يتكلم على احد خلصت وحطيت صحني على جنب وطلعت للغرفه ,
اسمع صوت العيله تحت بس ماكان لي حيل اسهر معهم ..
قلت سُورة المُلك وماحسيت نفسي الا بعالم النووووم

&

إنتهـى ..

أتمنَى أن ينال التشَابتر على إعجابِكم
إخبرُوني إن أردتم إضافة شيء أو تعديله هنا ..
وشُكراً لكم
[/COLOR]



تعديل Max'cn; بتاريخ 29-01-2015 الساعة 08:12 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-01-2015, 11:44 PM
صورة *دروب* الرمزية
*دروب* *دروب* غير متصل
©؛°¨غرامي فعال ¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


السلام عليكم ورحمة الله و بركاته

حبيييييت روايتك

بارت حلووو وخفيف
بس يا ريت تقولين لنا اعمار ابطال الرواية وتوصفيهم لنا علشان تكتمل الصورة
يعني مو وصف مثل أغلب الروايات مثل حنون ويحب اخوانه ....الخ
لو كل شخصية توصف الشخصية إللي قبالها يكون احسن بكذا نعيش جو ثاني مع الرواية
واتمنى تزيدي الاحداث علشان نفهم قصص الابطال من البارتات الاولى

سلمت اناملك التي خطت لنا هذا الابداع

*دروب*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-01-2015, 12:39 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


سلام

هلا وغلا

موفقة بالطرح ومبروك روايتك

أختي الخط مزعج ما عرفت أقرا شي

والعنوان مو مفهوم

انتظر البارت القادم لافهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-01-2015, 04:50 AM
ميرنـا ميرنـا غير متصل
©؛°¨غرامي مشارك¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


روايهه جميلله ..تقديمك للبارت من اروع مايكون ..
اسستمري ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-01-2015, 06:14 PM
صورة دانة في عين الكل الرمزية
دانة في عين الكل دانة في عين الكل غير متصل
©؛°¨غرامي مشارك¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


بدايه موفقه استمري عزيزتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-01-2015, 01:29 AM
صورة Max'cn الرمزية
Max'cn Max'cn غير متصل
©؛°¨غرامي مشارك¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


اقتباس:
المشاركة الأساسية كتبها *دروب* العند مشاهدة المشاركة
السلام عليكم ورحمة الله و بركاته

حبيييييت روايتك

بارت حلووو وخفيف
بس يا ريت تقولين لنا اعمار ابطال الرواية وتوصفيهم لنا علشان تكتمل الصورة
يعني مو وصف مثل أغلب الروايات مثل حنون ويحب اخوانه ....الخ
لو كل شخصية توصف الشخصية إللي قبالها يكون احسن بكذا نعيش جو ثاني مع الرواية
واتمنى تزيدي الاحداث علشان نفهم قصص الابطال من البارتات الاولى

سلمت اناملك التي خطت لنا هذا الابداع

*دروب*
أهلاً عزِيزتي .. شُكراً لحروفكِ الجمِيله
سأفعَل ذلِك بالطبع طَالما أنكِ طلبتِي
لاشَك بأنه هذا الوصف مُمل لذا أتمنى أن يلِيق بِذوقكِ وصفِي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-01-2015, 01:33 AM
صورة Max'cn الرمزية
Max'cn Max'cn غير متصل
©؛°¨غرامي مشارك¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


اقتباس:
المشاركة الأساسية كتبها لامــارا مشاهدة المشاركة
سلام

هلا وغلا

موفقة بالطرح ومبروك روايتك

أختي الخط مزعج ما عرفت أقرا شي

والعنوان مو مفهوم

انتظر البارت القادم لافهم
أهلاً بالجمِيله .. شُكراً لكِ
أعتذِر عن ذلِك سأصححّ ذلِك في الآخر
أما عن العنوَان ستفهمِينه جيّداً مع الوَقت
أتمنى أن يكُون عِند حُسن ظنّك ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-01-2015, 01:35 AM
صورة Max'cn الرمزية
Max'cn Max'cn غير متصل
©؛°¨غرامي مشارك¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


اقتباس:
المشاركة الأساسية كتبها ميرنـا مشاهدة المشاركة
روايهه جميلله ..تقديمك للبارت من اروع مايكون ..
اسستمري ..

أهلاً مِيــرنا ..
ليسَت كـ جمَالكِ شُكراً
وأشكُركِ لمُروركِ ..



اقتباس:
المشاركة الأساسية كتبها دانة في عين الكل مشاهدة المشاركة
بدايه موفقه استمري عزيزتي
أهلاً ")
شُكراً لكِ عزِيزتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-02-2015, 02:35 AM
لعنة ملائكية لعنة ملائكية غير متصل
©؛°¨غرامي جديد¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


رواية كبداية رائعه صح لسا ما افهمتها لكن راح افهمها مع الاحداث عجبني البارت في انتظار البارت الجديد
ما تتاااااااااااااااخري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 01-02-2015, 09:40 PM
صورة Max'cn الرمزية
Max'cn Max'cn غير متصل
©؛°¨غرامي مشارك¨°؛©
 
الافتراضي رد: كُونـي فتـاة كمـا تُريـديـن أن تكـونَ فَتـاتُـكِ ... كـآمِله


اقتباس:
المشاركة الأساسية كتبها لعنة ملائكية مشاهدة المشاركة
رواية كبداية رائعه صح لسا ما افهمتها لكن راح افهمها مع الاحداث عجبني البارت في انتظار البارت الجديد
ما تتاااااااااااااااخري
حبِيبتي من ذُوقك
شُكراً لك وأتمنى تنال إعجآبكِ ..


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1