منتديات غرام روايات غرام أرشيف الروايات المغلقة - لعدم إكتمالها رواية ببقى أحبك أن تفارق الروح صدري/بقلمي
عرض نتائج التصويت: هل أعجبتكم الرواية ؟؟
نعم
90.91%
10
لا
9.09%
1
نوفالشحي ©؛°¨غرامي جديد¨°؛©

السلام عليكم ورحمة الله وبركاته
اليوم بنزل اول رواية لي وان شاء الله تعجبكم
وما اسمح لأي حد ينقل الرواية


عائلة نوف
أبو محمد : جي ابيض وشوي مليان ، طوله متوسط ويعني جميل < 41 سنة >
أم محمد : جي بيضة وطويلة وضعيفة ،ابتسامتها جميلة ،وجي ما تحب الزلة على بناتها < 35 سنة >
نوف : بيضة وطويلة وضعيفة وايد ، مركبة تقويم وابتسامتها جميلة ، تحب الموضة < 18 سنة >
محمد : اخو نوف جي بشرته سمرة شوي ، جسمه جميل ، يحب يسوي رياضة < 26 سنة >
والباجيين بتعرفوهم بالاحداث الياية

البارت الاول

في بيت نوف
يندق باب الغرفة قامت نوف تفتح الباب – صباح الخير اميه ، تبوس راسها –
ام محمد : صباح النور والسرور ، اشوفج نشيطة مب من عادتج
نوف : هي اميه عشان البارحة بليل ابوي قال ان الفجر مروحين صوب صلالة
ام محمد : هيييه وانا أقول مب من عادتج وانا اخر من علم
نوف : لا امي فديتج بس هو كان راد متأخر عشان جي ما خبرج
ام محمد: انزين قومي خواتج عشان يجهزوا اغراضهم وقومي اخوج
نوف : ان شاء الله اميه
ــ راحت نوف تسبحت سرعة | وانتوا بكرامة | وعقب قومت خواتها وراحت غرفة اخوها ــ
نوف : محمد .. يلا قوم سرعععة
محمد : شو تبي انتي بعد
نوف : يلا قوم الفجر مروحين صوب صلالة
- محمد قام سرررعة – صدددق ؟ ههيي صدق قوم جهز اغراضك
- بعد ما قام الكل راحوا يتريقوا ونزل محمد -
محمد : السلام عليكم
:: وعليكم السلام ، ها قالولك خواتك
محمد : هي قالولي والله شور طيب ، بس منو بيروح معانا !!
أبو محمد : خوالك وخالاتك وعمومتك
محمد : زين والله
نوف : اميه ابويه ، عادي لو عزمت ربعي بكلمهم عالبي بي ام
:: شاوريهم ، وردي علي
نوف : ان شاء الله – راحت نوف تركض عشان تأخذ فونها –
نوف : Ping !!
:: مب من عادتج تقومي مبكر
نوف : بنات باخذ رايكم كل حدة تشاور أهلهم عشان الفجر رايحين صوب صلالة بتروحون ولا لأ !!
:: ان شاء الله يوافقون ، جي احس وناسة
نوف : ردوا علي بسرعة اوك !!
:: اوك
:: Ping !!
نوف : ها شو قلتوا ؟؟!
أنوار : وين نتجمع ؟!!
نوف : يعني بتروحي ! ومنو بيروح بعد ؟؟
:: كلنا بنروح
نوف : تمام بنتجمع صوب مستشفى الشرق حوالي الساعة 4:30
:: اووك اتفقنا
- كل وحدة راحت تجهز اغراضها عشان يطلعوا -
نوف : امييه اميه ، ابوي ابوي
ام محمد : ها بلاج ، زيغتيني !!
نوف : امييه ربعي كلهم بيروحوا ورانا
أبو محمد : حياهم الله ، وبالمرة بتتسلي ويا ربعج
دانا : امييه عيل نوف تعزم ربعها وانا ؟؟
ام محمد : وانتي شبلاج ربعج ما عرفهم ولا يعرفونا
دانا : عيل تعرفوا اهل ربع نوف وما تعرفوا اهل ربعي


البارت الثاني

في بيت انوار
- بعد ما تسبحوا | وانتوا بكرامة | تلبسوا وصلوا -
:: كلكم جاهزين !!
انوار : لحظة لحظة بلبس شيلتي وبحط روج عالخفيف
سالم : وين رايحة حضرتج عرس
انوار : قلنا روج خفييف خفييف ما تفهم
أبو سالم : بسكم تبوا تضاربوا من ويه الفجر
انوار : ها سلووم ما تشووفه
ام سالم : يلا خلاص خلنا نروح السيارة
:: يلا رحنا
انوار : امييه خذيتي الاكل ، ترى اهم شي
ام سالم : هي خذيته ، كلمي ربعج قولي لهم طلعوا ولا ؟!
انوار : الحين بكلمهم
- عند بيت مريم علي -
مريم : امييه انواريه تسأل متى بتطلعوا
ام مريم : الحين بنطلع
مريم : اوكك ، ماريا حووور شيخووه بنتأخر
:: يلا ياايين دقايق
أبو مريم : بنتأخر عن الجمااعة يتريوونا
مريم : ابوي مر صوب بيت أبو شما عشان اشوف طلعوا ولا
أبو مريم : ان شاء الله
- ركبوا السيارة كلهم وروحوا مكان ما بيتجمعوا عشان يطلعوا ورا بعض -
نوف : بنات احنا شوي وبنوصل المكان اللي حددناه ping!!
شما : حتى احنا مسافة الطريق
:: يلا دقايق وكلنا نوصل
- عاد نزلوا من السيارة وسلموا على بعض وجي يعني -
حمدان اخو انوار ف خآاآآطره
يآآ ربي على هــ الجمآآآال ، جميلة والله وطلعت اختي مب هينة وعندها ربع 👌
حمدان : انوار هذيك البنت – ويأشر على نوف – شو اسمها ؟؟
انوار : هذي نوف ، الا شو تبى باسمها !!
حمدان : لا بس أتخبر
انوار : هي عبالي بعد - فخاطرها – حمدان ما بيسأل عنها جي اكيد في شي !!
- انوار راحت تنادي نوف قبل لا يحركوا بشوي -
نوف : ها شو تبي ؟!!
انوار : اخوي حمدان توه يسأل عن اسمج ^-^
نوف : اسمي وشو يبغي به
انوار : ولا م دري بس في شي اكيد

اتريووا البآاارت الياي

نوناه ©؛°¨غرامي جديد¨°؛©

حلوه وبالتوفيق

رَنِيـْــِـنْ آسْــرَآهَا ©؛°¨غرامي مشارك¨°؛©

روعة خيتي بتوفيق و بانتظار البارت الثاني ..

دمتي بود ..

نوفالشحي ©؛°¨غرامي جديد¨°؛©

الحين بكمل البارت
..
..
..
..
الحين بنعرفكم على الشلة
انوار : جي سمرا على الخفيف ، مركبة تقويم ، ضعيفاا بس جسمها جميل < 18 سنة >
مريم راشد : بيضا من الخاطر ورشييقة ، ربييعة انوار بالقوووو < 18 سنة >
مريم علي : جي تختوووخة شوي ، بيضااا ، ما تحب الاستهبال < 18 سنة >
وعد : جي بيضااا من الخاطر ، تحب شي اسمه موضة ، جسمها متوسط ، المهم جميلة < 18 سنة >
مزنآه : سمرا على الخفيف ، جي جسمها متوسط بس جمييل < 18 سنة >
شمآ : جي سمرا ، طويلة ، تستحي وااايد ومب اجتمااعية ، طويلة < 18 سنة >
حور : جي بيضا ، وفيها غمازة ، قصيرة ، وتحب تستهبل < 18 سنة >

البارت الثالث
- البنات قاعدين يسولفوا عالبي بي ام -

انوار : Ping!!
:: انوار ما تسوي ping الا وعندها شي
انوار : توه اخوي حمدان قاعد يسأل عن اسم نوف
نوف : عاد أنوار لازم تفضح
:: آهااا نووف ، ما عرفتي شو يبي باسمها
انوار : والله ما عرف بس شكلله .......
نوف : يعني واحد سأل عن اسم وحدة ، الواحد ما يسأل وانوار شو قصدج
انوار : ما قصدي شي
:: عرفنا شو تقصدين
نوف : انتوا اليوم ما عندكم سالفة غيري ، اقولكم ترا باقي ثلاث ساعات وبنوصل
:: هي غيري السالفة ، بس صدق ثلاث ساعات !!
انوار : هي صدقها ثلاث ساعات وبنوصل ، الوقت مر بسرعه لاه
:: صدق يركض ركض
- عند انوار ف السيارة -

انوار : الا حمدان ليش اليوم كنت تسأل عن ربيعتي
حمدان – وهو مرتبك - : آااه ، لا بس كنت مشبه عليها
انوار فخآااطرها : مشبه عليهاا آااه ما تمر علي هالحركات
مريم راشد : Ping!!
انوار : هلا وغلا
مريم : اقولج صدق السالفة اللي سمعتها !
انوار : أي سالفة ؟ سالفة حمدان !!
مريم : هيييه هييه
انوار : ما عرف شكله جي
مريم : انا جي كنت حاسة من نظراته لها ��
انوار : صدق شفتيه ؟!!
مريم : هييه شفته وشكله انعجب فيها
انوار : طلعت عليها حركاات نوووف !!
- عايلة نوف ومريم راشد وانوار نزلوا يعبوا بترول ويشتروا اكل –
مريم : نوف انوارييه تعالوا
:: ياآايين
- كان محمد اخو نوف عينه على مريم –
ويقول في خاطره : ي ربيييه على هذا الجمال ما شاء الله ، لازم اعرف هالبنت وشو اسمها
- محمد نزل من السيارة وراح مثل البرق ورا البنات دون ما يحسوا وحط الرقم والبن بجنطة مريم وراح -
مريم – تفتح جنطتها – بخاطرها : هالورقة من وين ياتني خلني احاسب واشوف هالورقة بالسيارة
مريم : نوووف نووف
نوف : ها شفييج !!
مريم : توني شفت ورقة فجنطتي فيها رقم وبنكود
نوف : أوووه خفي علينا مريووم منو هاا ؟!!
مريم : ما عرف والله ما عرف ، بخزن الرقم وبكلمه واتس اب
نوف : ردي علي سرعااااه !!
مريم : ان شاء الله
نوف : عرفتي منو ؟!!
- مريم انصدمت من الشخص اللي حط الورقة –
مريم : نوف بتنصدمي منو صاحب الورقة !!
نوف: خوفتيني !! منو ؟
مريم : بس امانة لا تخبري حد !! اخوج محمد
نوف : صدق !! ما هقيتها منه ، وطلع مب هين الولد
مريم : بس متى حط الورقة
نوف : ما عرف ، شكله حطها لما كنا نازلين
مريم : شكله !!
نوف طرشت لاخوها ع البي بي ام -
نوف : Ping!!
محمد : ها شو تبي !!
نوف : انت اللي محطي الورقة فجنطة مريم
محمد : هي وانتي شدخلج ، واذا خبرتي حد يا ويلج
نوف : كنت حاسة انك انت اللي محطي الورقة
محمد : وانتي شدراج بالسالفة ؟!!
نوف : ترى ربيعتي وخبرتني
محمد ان خبرتي اميه وابوي يا ويلج
نوف : انزين ما بخبر حد
عند وعد فالسيارة -
:: اميه الروج مالي حلو
ام وعد : هيييه حلو ، بس لمنو تتعدلي !
وعد : الواحد ما يتكشج ويتعدل
ام وعد : هيييه لنفسج •_•

اتريووو البااارت الياي

رَنِيـْــِـنْ آسْــرَآهَا ©؛°¨غرامي مشارك¨°؛©

روعة .. بانتظار البارت الي بعده

نوفالشحي ©؛°¨غرامي جديد¨°؛©

اذا شفت في تفاعل بنزل البارت اليااي


نوفالشحي ©؛°¨غرامي جديد¨°؛©

وهذا البارت اليديد توني خلصته ابغي تفاعل

البارت الرابع

عند مزنآه –
:: الريم اقولج ييبي السماعة مالي بالجنطة أبا اكلم ربيعتي
الريم : ما بييبها
مزنا : ليش انتتي دوم جي نحيسة
الريم انا نحيسة لااه ، عيل حلمي فيها
وقعدوا يتضاربوا على هذا المنوال –

عند محمد فـ السيارة –
:: الو السلام عليكم
محمد : منو معاي
:: انت محمد
:: أي انا منو انتي
- وعقبها عرف محمد انه هاذي مريم ربيعة نووف -
عايلة وعد ومريم علي نزلوا يعبوا بترول –
كان اخو وعد إبراهيم نازل من السيارة ومريم كانت نازلة وإبراهيم ظرب بكتفها
:: اووه اختي اسفة
مريم : لا عادي اخوي ما عليك
:: اكيد ما تعورتي
مريم : لا ما تعورت
إبراهيم فخاطره : أكيييد تعورت لأاان جسمي معضل وجي يعني فأكيد تعورت –
مريم : Ping!!
:: اليوم كله ping!! و ping!!
مريم : اخو منو ها المعضل
وعد : اخوي ليش !! شفيه !
مريم : هااه ؟!! اخوج
وعد : هي شفيه
مريم : توه ضرب بكتفي ، بس عليه جمال ياآااخي مش طبيعي
وعد : تتغزلي بأااخوووي عينك عينك
مريم : يعني الوآآااحد إذا قال هالشخص جمييل يعني يغازله
نوف : مريووم ما تمشي علي هالحركات
مريم : انزين انا شو قلت ، هذا الصدق
:: قولي انج تحبينه !!
مريم : هي حبيته ويعني !!
وعد : مريووم ، تحبي اخوي آااه ، يعني بنصير اهل
مريم : بنااات لا تفهموا غلط ترى السالفة ما فيها شي

عند وعد فالسيارة وكانت سرحانة تفكر في كلام مريم –
إبراهيم : وعد ، وعدوووه وصمخ
وعد : هآآااه ، صمختني
إبراهيم : اليوم ضربت بكتف وحدة من ربعج أتوقع ، جي بيضا وجميلة
وعد : هي هاي ربيعتي مريم
إبراهيم : عندج رقمها ابغي اعتذر لها ، أخاف تعورت
وعد : لحظة شوي ، خزن عندك 050*******
- وخزن إبراهيم الرقم -
- شوي دق رقم غريب على مريم علي -
:: الو السلام عليكم اختي
مريم : وعليكم السلام اخوي
:: انا الليي اليوم ضربت بكتفج عسى ما تعورتي
مريم : هي عرفتك ، بس من وين يبت رقمي ؟!!
:: مب مهم من وين يبت رقمج الأهم تعورتي !!
مريم : لا ما تعورت ، بس أكيد اختك وعد عطتك !
:: آاااه هي اختي عطتني ، ونا غصبتها عشان تعطيني رقمج فلا تزعلي منها !
مريم : لا لييييش أزعل أصلاً وهذا من ذوقك اخوي
:: وحسن من رباج اختي ، فخآآااطره : الصوت جي فكيف لو لقيتها ويهي بويها ، اليايات اكثر
مريم : اخووي وين رحت !!
:: هاه ، موجوود ، اسمي إبراهيم
مريم : عاشت الاسامي وانا اسمي مريم
:: عاشت الاسامي كنت اعرف اسمج
مريم : يلا اخليك اخوي
- كان إبراهيم طول الوقت يفكر بمريم ومريم نفس الشي –

بعد نص ساعة وصلوا الفندق – طبعا كلهم نفس الفندق – وراحوا يناموا من كثر ما تعبانين ، الا نوف ومريم علي ومريم راشد من البنات ، وحمدان وإبراهيم ومحمد من الشباب ، كانت نوف تكلم حمدان ومريم علي تكلم إبراهيم ومريم راشد محمد ، وقعدوا يسولفوا ويا بعض لويه الفجر بعدها ناموا ، وشوي اذن الاذان وقاموا يصلوا كلهم جماعة فـ المسيّد ، وبعدها راحوا يبدلوا ونزلوا يتريقوا تحت فالبوفيه المفتوح وقعدوا العايلات كلهم ويا بعض اللي يسولف واللي راح يتمشى فالحديقة اللي بالفندق واللي ساكت وحده يوعان



نوفالشحي ©؛°¨غرامي جديد¨°؛©

المشاركة الأساسية كتبها نوناه اقتباس :
حلوه وبالتوفيق
وبالتوفيق لج وروايتج اكثر من رائعة

نوفالشحي ©؛°¨غرامي جديد¨°؛©

المشاركة الأساسية كتبها رًنَيّنَ اقتباس :
روعة خيتي بتوفيق و بانتظار البارت الثاني ..

دمتي بود ..
شكراً اختي ونزلت البارت اللي بعده بس نبغي تفاعل

moole ©؛°¨غرامي جديد¨°؛©

روووووووووووووعه بانتظار البارت الجاي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1