غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
عرض نتائج التصويت: عيبتكم الروايه؟
نعم 9 75.00%
لا 3 25.00%
المصوتون: 12. لم تقم بالتصويت على هذا التصويت

 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 20-12-2016, 06:15 PM
صورة نوناه الرمزية
نوناه نوناه غير متصل
©؛°¨غرامي جديد¨°؛©
 
الافتراضي رد: روايه هو قيسي وانا بالعشق ليلاه


بعد جم يوم ان شاء الله بنزل البارت الثامن عشر والاخير.


تعديل نوناه; بتاريخ 20-12-2016 الساعة 06:45 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 25-12-2016, 02:41 PM
صورة نوناه الرمزية
نوناه نوناه غير متصل
©؛°¨غرامي جديد¨°؛©
 
الافتراضي رد: روايه هو قيسي وانا بالعشق ليلاه


‏اسفه ع التاخير بس بسبب ظروف م قدرت انزل البارت و اليوم الحمدلله قدرت انزله
‏.
‏.
‏.
‏.
‏البارت الثامن عشر و الاخير

‏ام سالم اطالعت حمد بصدمه
‏اطالعتهم باستغراب : تفضلو !!
‏ام سالم : السلام عليكم
‏حمد بلع ريجه
‏: وعليكم السلام
‏ام سالم : بوو جنان موجود ؟
‏: لا والله مب موجود
‏ام سالم : زين عيل قولي له ام سالم يات وعازمتنكم على ملجة بنتها
‏: ان شاء الله بيوصل له
‏ام سالم : ما بعطلج زياده يلا عيل مع السلامه
‏: ما بتدخلون تشربون لكم شي ؟ مب حلوه والله
‏ام سالم : مره ثانيه ان شاء الله
‏: ان شاء الله
‏راحو ام سالم وحمد
‏وهم يمشون
‏حمد : اللي جفتها ؟؟؟
‏ام سالم : ما عليه بس
‏حمد : هاي الحرمه هي نفسها اللي بعدتني عنها
‏ام سالم ما عارفه شو تقول لولدها حمد يطالع البيت ام سالم مشته وياها وراحو البيت
‏دخلت عليها وباحتقار : تتوقعين منو يا لعند باب بيتنا ؟
‏بلعت ريجها : لا ما اعرف
‏ضحكت باستهزاء : ياا عمري لوو دريتي شو بتسوين ؟؟
‏جنان : موزه ممكن ما تعورين راسي ؟
‏موزه : نعم نعم ؟ حياااتي قوولي لي عموووه سااامعه ؟
‏جنان سكتت
‏موزه : اللي يايه ام سالم لو تذكرينها ؟ بس اللي وياها ما اعرفه بس شكله انصدم مدري بلاه
‏جنان : ام سالم ؟؟؟؟
‏موزه : هيه ام سالم يايين يعزمونا على ملجة بنتهم
‏جنان : وبنسير ؟
‏موزه : مينونه انا اخليج تسيرين ؟ اكيد ما بخليج تسيرين
‏وطلعت عنها جنان تنهدت
‏حمد من دخل البيت راح غرفته وتم يتصل لها ويعطيه مغلق ما اهتم وتم يتصل
‏جنان تمت تفكر لين ما قطعت افكارها حرمة ابوها
‏موزه : انااا بطلع مع ربيعاتي وبرجع فليل سامعه ؟
‏جنان : زين
‏موزه : ان سمعت انج طالعه والا مسويه شي يا ويلج
‏جنان : برقد
‏موزه : ارقدي ويعلج ما تقومين وتريحيني منج
‏وراحت عنها
‏فتحت فونها على طول اتصال فتحت عينها انتبهت انه متصل لها 36 مره
‏جنان : كيف برمسك الحين ؟
‏رد يتصل لها
‏جنان : الو
‏حمد : لمااا امج توفت كان عمرج سنتين صح ؟؟؟؟ ولما صار عمرنا ثمان سنوات حرمة ابووج قالت لابووج انه انا وياج وايد قراب من بعض وبعدوونا عن بعض كانت مستغله ها الشي عسب تنتقل لبيت يديد وابعد صح ؟؟؟
‏جنان قلبها يدق ما عارفه شو تقول له حمد حط ايده على قلبه وغمض عينه

‏ام سالم قاعده مع بناتها
‏انوار : بلاج امييه ؟
‏ام سالم : ولا شي فديتج ولا شي
‏دق الجرس
‏سالم نازل : انا بجوف منو
‏سعيد قعد عندهم مريم وفاطمه يطالعونه باستغراب
‏سعيد : شو فيكم ؟
‏فاطمه : احممم ولا شي
‏ام سالم : زين جفناااك
‏سعيد : هيي والله عاش من جافكم هههههه
‏سالم رجع داخل : بنات روحو تسترو هذا احمد ياي
‏انوار قامت وهي مبتسمه وكانت بالاصل لابسه كندوره وشمد وطلعت له
‏مريم : اييييه شو صاير اليوم ؟؟؟؟
‏فاطمه : بديييييت انصدم يعني هذااااا ينزل يقعد عندنا ولا بعد يستهبل وهاااي تسمع طاري احمد تقوووم مبتسمه ولا بعد تسيييييييير له ؟؟؟؟
‏سالم : ههههه سيرو يلا
‏انوار مبتسمه
‏احمد : يا هلا
‏انوار : اهلين
‏احمد ابتسم لها : غريبه طالعه لي
‏انوار غيرت الموضوع : شوو ها يايب وياك؟
‏احمد : اغراض
‏انوار راحت تساعده
‏احمد : خليه ما فيني اطيحي علي
‏انوار : يالله عاد مب لها الدرجه اقدر اشل تراني
‏سالم : معجزه الصراحه هههههه
‏احمد : شو المعجزه ؟
‏سالم : الاخت طالعه لك ههههههه حتى مريوم وفطوم انصدمو
‏انوار : هي بالعاده تقوم القيامه على رووسهم
‏سالم : هههه هبله تراج
‏احمد قاعد ينزل الاغراض
‏سالم : خلهم يا ريال بزقر البشكاره الحين تعال انت ادخل ادخل
‏دخلو داخل وقعددو يسولفو ومريم وفاطمه فاتحين حلووجهم من الصدمه

‏تمت تتنفس بتعب
‏وليد : اميييه بلاج ؟؟
‏ام احمد : ولا شي فديتك شوية تعب
‏وليد : اميه خل نسير المستشفى
‏ام احمد : ليييش مستشفى ما فيني شي ارهاق بس
‏وليد : باين عليج التعب والله
‏ام احمد : ما عليه بريح
‏وليد يزقر خواته : نووروووه ميثوووه تعالو
‏ميثه : مب فايجه له خير شر سيري جوفيه
‏نوره نزلت لهم
‏وليد : نوره امييه تعبانه تعالي نساعدها بنوديها غرفتها
‏نوره : بلاج اميه ؟
‏ام احمد :شوية تعب بس ودوخه
‏نوره ووليد ساعدوها سدحوها على سريرها
‏نوره : وليدان روح هات ماي
‏وليد راح ورجع
‏وليد : متإكده ما بتسيرين المستشفى؟؟
‏ام احمد : متإكده

‏يوم الخميس الساعه تسع ونص فليل
‏انوار غمضت عينها بخوف ومسكت القلم وهي تذكر عيسى
‏عيسى " ف ذييج الليله بتمسكين القلم وبتوقعين بكل ثقه وبتكونين لي "
‏انوار فتحت عينها وشدت على القلم " وانا بقول لك بكل ثقه بوقع وبكون لاحمد "
‏وقعت وهي مبتسمه
‏شوق حذال اذنها : كلووووووووووولوووووش
‏حمد : صخيييييي
‏بارك لانوار وطلع

‏شوق : لا لا ما يقصد هذا اللي يباني اذبحه
‏انوار ضحكت : بنات ليش ما تروحون تحت ؟
‏عليا : صح خلونا نروح
‏شوق : روحو انتو انا بتم وياها على الاقل
‏البنات سوو لانوار باي وراحوا بعدها بفتره نزلت انوار وقعدت وتوترها زاد خاصتا لما احمد دخل وسلم عليها وقعد حذالها تحس انها بتموت
‏حمد ماسك فونه ويرمسها بالواتساب
‏حمد " كيف يعني ما بتيين ؟؟"
‏جنان " حرمة ابوي ما رضت "
‏حمد " تخافج تجوفيني صح ؟؟ "
‏جنان " ما اعرف المهم السموحه لاني ما ييت ومبرووك "
‏حمد " مب كيفج إلبسي عندي فكره "
‏جنان " شووو بعد ؟؟ "
‏حمد " إلبسي واكشخي دقايق وبييج ومب لازم تراوي ويهج لحرمة ابوج وانا بتأكد انه ارجعج من وقت "
‏جنان " انت تخبلت ؟ "
‏حمد " يعني هذي مب حاله "
‏جنان " انا برقد الحين تعبانه بقوم جي عقب وبرمسك "
‏حمد قرا وما رد عليها من الغصه
‏احمد يهمس لها : واخيرا صرتي لي
‏انوار ضحكت بخفه
‏ويا الوقت اللي يقعدون فيه بروحهم
‏المصوره لعوزت فيهم
‏احمد : اقوووولج خلاااص ما نبي نتصور براااي والله
‏المصوره : والله هذاا شغل مال انا وانت يدفع فلوووس اوووكي ف لا تضاارب انا خلي انا يشوفي شغل وبس
‏احمد : خيييبه كلتني
‏انوار تضحك على كل صوره المصوره واحمد يتضاربو ويوم طلعت
‏احمد : والله كلتني بقشوري
‏انوار : بروحك يبت لعمرك
‏احمد : انتقمت مني هههه
‏دخلو ام سالم وام احمد يباركون لهم
‏ام احمد تسلم عليهم بتعب
‏احمد : اميييه فيج شي؟
‏ام احمد : لا ولدي بس تعبت شوي
‏ام سالم : انتي بعدج على ها التعب ؟
‏احمد بخوف : من متى ؟؟
‏ام سالم : مدري فيها تقول من فتره
‏ام احمد : يلا ام سالم نسير خليهم براحتهم
‏احمد يطالع امه مشت خطوتين وطاحت عليهم احمد فتح عينه وركض لامه
‏انوار : اماايه برووح ابدل على السريع بنوديها المستشفى
‏احمد : امييييه اميييه قوومي بسم الله بلاج ؟؟⁰ام سالم راحت لهم واتصلو للاسعاف وصلت الاسعاف وشلتها
‏ميثه تمت تصيح والبنات يهدوها انوار بدلت فستانها ولبست عبايتها وراحت مع احمد وامها وياها
‏حمد " رقدتي ؟ "
‏جنان " لاء ما قدرت ارقد "
‏حمد " يصير اتصل ؟ "
‏جنان " اممم ويت بتأكد "
‏حمد " اوكي اترياج "

‏الدكتور : الحمدالله على سلامتج
‏ام احمد : الله يسلمك
‏الدكتور نزل راسه : خالوه انتي مريضه وايد
‏ام احمد : ما عليك يا ولدي الا هو تعب وبيروح
‏الدكتور : خالوه انتي فيج السرطان
‏ام احمد تمت تطالعه وابتسمت له
‏الدكتور : انتشر بجسمج
‏ام احمد :انت بس لا تخبر عيالي
‏الدكتور : بس لازم يعرفون
‏ام احمد : ولدي اليوم ملجته وانا طحت عليهم على الاخير وما بقا شي على عرسه ما اباه يتأجل بسببي وانا بروحي ابا احضر عرسه
‏الدكتور : خبري ولو شخص واحد
‏ام احمد : ما ابي احد يعرف
‏الدكتور لما تمت تترجاه ما قدر يقول شي طلع لهم وبغصه
‏الدكتور : مجرد ارهاق وسوء تغذيه
‏احمد : يعني امي ما فيها شي ؟
‏الدكتور : لا تحاتي ما فيها شي بتم عندنا جم يوم وعقب بترجع البيت اذا حبت
‏احمد تنهد براحه
‏قامو يزوروها على الايام واحمد وانوار؟؟ علاقتهم بدت تقوى لدرجه ان انوار ما تقدر ما تسأل عنه تحسه صار جزء منها وعيسى ؟؟ عيسى انمحى من قلبها لانها حقدت عليه من قلب ام احمد كانت تشجعهم وترمسهم عادي وتضحك ولا تبين لهم والدكتور نفسه لما يدخل ويجوفها جي يبتسم بحرقه لانه مب قادر يخبر أي واحد منهم لما يروحون وتنتهي الزيارات يقعد وياها ويسولف تعلق بام احمد وايد لدرجه انه قام يزقرها اميه وبس كان يطالعها بحزن وهي تهزبه وتضحكه غصبن عليه احمد وانوار قامو يروحون الجامعه مع بعض ويرجعون مع بعض انوار تقربت من مزنه وايد ومزنه عرفتها على ربيعتها ساره صارو يداد بالشله اكتمل روتين حياتهم على هاي الناحيه لين ما يات الليله اللي بتروح فيها انوار لاحمد

‏انوار تاخذ نفس
‏مزنه ضحكت : ها ها شوو ؟
‏انوار : مزنووه والله خلاص بمووت
‏ساره : وين اللي كانت تضاربنا ؟
‏انوار : جب انتي يالطويله
‏ساره : حيوانه والله
‏انوار : بيضه بعد
‏ساره : ههههههه طع هاي
‏انوار : جميله بعد ربي يحفظج
‏ساره : امين ويحفظج
‏مزنه : جوفي كيف قاعده تنسي عمرها
‏انوار : بلاااج يااخي احاول اتأقلم مع الشي
‏مريم دخلت : هلوووها بالعروووسه
‏انوار : مريووووم بصيح
‏مريم اطالعتها وهي ترمش على السريع : شوو جايفتني ؟؟ كلينكس امسح دموووعج يعني
‏شوق من ورى مريم : ما ارضاا عليها
‏مريم حطت ايدها على قلبها بسم الله الرحمن الرحيم
‏شوق : بتمون قاعدات اهني ؟؟
‏مريم : لا فديتج بسير ادور على خواتها الثنتين وبتمشى بالقاعه يمكن انخطب
‏شوق : هههههه سيري سيري وارقصي بعد
‏مريم : ساروه تعالي وياي لااا انتي جي بتسرقين الخطاطيب عني تعالي مزنوه
‏مزنه : ما تقصد تحسسني مب حلوه
‏مريم : مب لذاك الزود يعني ههههههههههه
‏مزنه: ما بسير
‏انوار ساكته وشوي ضحكت
‏شوق : انتو فصلتو شو ؟ هههههه
‏انوار : مب كأنها قصفت جبهت مزنوه هههههههههه
‏مزنه : شيييت والله نسييير نسيير
‏راحو مزنه ومريم وشوق طلعت بعد

‏حمد : ف الملجه وما رضيتي اتيين الحين شو عذرج ؟
‏جنان : كيف تبااني اطلع حمد انت ليش مب فاهمني ؟
‏حمد : جنان قلت لج يوم المجله مب لازم تجووفج حرمة ابوج تغشي وبعدين خبرت خواتي عنج يعني بيقعدو وياج وبيغطوج عن امج بعد
‏جنان : ما عندي شي ألبسه
‏حمد : معقووله ما عندج ولا شي يعني ؟
‏جنان : بجووف
‏حمد : يلا ولا تبندي ارمسي
‏جنان قامت بطلت الكبت لقت لها دريس خفيف شلته وطلعت المكياج وبدت تتمكيج وترمسه
‏حمد : انا عند الباب
‏جنان : بعدي ما خلصت
‏حمد : شو تسوين ؟؟؟؟
‏جنان : ويت بسوي بخور
‏نزلت تحت سوت بخور وصعدت
‏حمد تم ينتظر لبست وتبخرت لفت شيلتها عدل وطلعت
‏حمد يوم جافها طلعت من الباب قلبه دق
‏جنان : بند انزين وبركب السياره
‏حمد : تمام
‏بند الفون ونزله
‏ركبت ورى بمستحى
‏حمد : ليش ما اتيين قدام !!
‏جنان : تحرك حمد ما فينا نتأخر
‏حمد ابتسم وتحرك جنان كانت تحرك ريلها بتوتر وترجف لما وصلو تمت قاعده وقلبها بيطيح
‏حمد نزل وراح بطل لها الباب : انتي ما بتمين جي تحرمين عمرج قولي انها ما بتجووفج وبس بتكونين وحده ثانيه وبس
‏جنان : ابا ارجع البيت
‏حمد مسك ايدها وخلاها تنزل سحبت ايدها
‏حمد : روحي قبل لا احد يجوفنا رمسيني لين ما تدخلين داخل والا اقولج ويت
‏اتصل باخته
‏مريم : هييي اوكي اوكي الحين بييها انا وشوق
‏مريم ربيعت انوار صغرت عينها وهي تطالعهم
‏مريم قامت : شووق نسير
‏شوق : من صدقه ياابها ؟؟؟
‏مريم : هيي يبوووج فطااام جوفي امي وين
‏فاطمه: تمام
‏راحو مريم وشوق لهم حمد كان واقف مقابلها ويرمسها
‏شوق : اناا ييت
‏حمد : اعووووذ بالله
‏صد عليهم ومن طوله غطى جنان
‏شوق : يالله بالستر اختفت البنت ههههههههههه
‏مريم : ههههههه اويه صدق
‏حمد: لا تستهبلون شلوها داخل وما اوصيكم عليها مثل ما قلت لكم
‏شوق : افااا عليك انت بس لا توصى بس
‏حمد : جنان يلا روحي وياهم
‏جنان ببراءه اطفال مسكت كندورته بدون قصد وبخوف : مااا ابي دخيلك
‏شوق ومريم يهمسون لبعض : كيوووت
‏شوق : الله يرزقنا هههه
‏مريم : امين قلبي امين
‏حمد ابتسم لها : لا تخافين دام هذوول وياج حرمة ابوج ما بتعرف عنج
‏جنان حست انها انهزمت وراحت وياهم اول ما دخلو شلوها غرفه العروس سحبو عبايتها وشيلتها شوق بطلت شعرها جافته طويل ونعيم
‏شوق : ما شاء الله
‏انوار : شوو بتسوون فيها ؟
‏جنان : بليييز والله جي حرمة ابوي بتعرفني
‏شوق : حبيت مكيااجج تعرفين
‏ساره : تغير الموضوع عهههه
‏مريم : انزين بس خلي شعرها حلو بعد على الدريس مالها بس جي حطيه لها علىى جنب
‏شوق تمط خد جنان :كيووت ربي يحفظج
‏خلصو منها سحبوها وهي ترجع على ورى
‏انوار : خلاص خلوها عندي شوي
‏شوق : مأمنه عندنا
‏دخلت فاطمه وامها
‏ام سالم : جنان بنتي شحالج
‏جنان تمت واقفه وبلعت ريجها
‏راحت لها ام سالم وحضنتها جنان انهارت ويهها الطفوولي لما تصيح عور قلوبهم
‏ام سالم تمسح دموعها : بتخربين مكيااجج بنتي جوفي شو سويتي لا تصيحي خلاص
‏جنان خلاص ما قادره تتحمل
‏مريم اخت انوار دموعها طاحت : دييم
‏وقفت قدام الجامه تمسح دموعها
‏شوق سحبت جنان : تعالي بعدل لج المكياج
‏قعدتها شوق جافتها تمسح عينها
‏شوق : لااااء بتعفسين ويهج زياده
‏انوار : خلاص روحو انتو البقيه
‏حمد برع واقف يحاتيها ينتظر منها اتصال او أي شي بعد لا خلصت شوق شجعتها هي وانوار وراحت مع شوق
‏ساره : احسها جي طفوليه
‏انوار : وايد
‏قعدت مع شوق والبنات واستانست
‏فاطمه تطالع جنان : هلا حمد ؟
‏حمد : اخبارها ؟
‏فاطمه : لا تخاف البنت مستانسه ونسيناها تقريبا
‏حمد : دخيلج فطوم انتبهي عليها
‏فاطمه : ما عليك حمد البنت ف عيونا
‏حمد : الحين بدخل مع انوار
‏فاطمه : الحين انوااار بتدخل ؟
‏حمد : هيه !!
‏فاطمه : طعع ونحن ما ندري
‏بندت عنه وخبرت البنات تغشو نص البنات عسب الشباب بيدخلو ووقفو حذال الكوشه من بعيد جي
‏تبطل الباب وبدت زفتها

‏(( يا انوار سمي ودخلي باليمين ))

‏انوار بتموت من نظراتهم والبنات على طول جافتهم صوب الكوشه يسوون لها حركات
‏وصلوها للكوشه وتصورو وياها حمد اطالع جنان المتغشيه وابتسم
‏شوق :اذووووب انا اذوووب على هذا الحب
‏البنات ضحكو
‏عقب ما طلعو الشباب راحو جنان ونص البنات قعدو على الطاوله
‏جنان بلعت ريجها
‏فاطمه : شيت شيت قومي بسرعه
‏سحبت ولفو اونه راحو الحمام
‏موزه : هاا بننااات شحالكم
‏البنات يبتسمو : الحمدالله تمام خالوه
‏موزه : ما شاء الله محلوات
‏البنات يسلكو ويضحكو
‏موزه : مريم ما جفت امج اذا جفتيها سلمي عليها انا بروح
‏مريم : ان شاء الله خالوه يوصل
‏راحت موزه تسلم على انوار
‏مريم ربيعت انوار خمست لفاطمه وجنان
‏مريم : اتخبرج جنان بسرعه رووحي امج الحين بترجع البيت
‏جنان خافت : شوو اسوي ؟؟؟
‏فاطمه لبست عبايتها وشيلتها : إلبسي بسرعه
‏جنان لبست ولحقتها فااطمه تمت تتصل لحمد
‏حمد مع الشباب يسولف ويضحك ولا داري عن فونه فاطمه اطالعت جنان وهزت راسها انه ما يرد جنان تخبلت
‏جنان : انا قلت له ما بيي
‏سعيد تصدع من فون حمد سار له وفر له الفون
‏سعيد : فوووونك صدعني من ساعه وهو يرن
‏حمد فتح عينه : احللللففف
‏سعيد : يعني اجذب عليك ؟؟
‏حمد شل فونه وجاف فاطمه تتصل رد على طول وراح بعيد
‏سعيد : تخبل ها شو
‏فاطمه : حممدددد حرمة ابوها طلعت هذييي الحين ركبت السياااره
‏حمد : انتووو وين ؟
‏فاطمه : واقفات قدام الباب على طول
‏حمد بند وركض لهم
‏حمد : جنااان بسرعه لازم اوصلج قبلها
‏جنان من الوهقه ركبت قدام
‏جنان : دخيييلك لازم اوصل قبلها بوايد
‏حمد : بتوصلين ان شاء الله
‏فاطمه : الله يحفظكم
‏جافتهم لما راحوا ويات عينها على واحد واقف مع اخوها سعيد تمت تطالعه ابتسم لها صدت عنه ودخلت داخل وراحت للبنات اللي يحاتوها
‏فاطمه " يااا ليتني ما جفتك ياا محمد يا ليتني ما جفتك "
‏مريم : فطاام بلاج ؟
‏فاطمه :هاه ولا شي
‏مريم : قاعدات نسألج عن جنان
‏فاطمه : هي راحت
‏مريم سحبتها بعيد : شوو فيج ؟
‏فاطمه : ف البيت بخبرج
‏مريم : تماام !!
‏احمد كانت دخلته خطيره هههه مستعيل يمشي بسرعه وهم يسرعون وياه كانت اكبر فرحه ف حيااته انوار صارت من نصيبه وعيسى اختفى من حيااتهم اختفى خلاص يعني انوار بتعيش حياتها صح مع احمد بتتغير حياتهم خلاص يا الوقت اللي طلعو فيه وزفووهم باركو لهم وراحو
‏احمد : مبروك غناتي
‏انوار : الله يبارك فيك
‏احمد : يوعاانه ؟
‏انوار : وايد
‏احمد : انا بسير اييب عشا
‏انوار : تمام
‏راح احمد وانوار بتموت خلاص
‏انوار : بشتاق للخبلتين
‏ومن جهه ثانيه
‏فاطمه : خلااص اميه لا تصيحين
‏ام سالم : اول بناااتي يعرسون ما تبيني افرحح
‏مريم : افرحي فديتج افرحي بس لا تصيحي ههههه
‏سالم : يالله انواار خلتج تصيحي جي !!
‏سعيد : دلوووعتها شوو تتوقعوون ؟
‏ام سالم : قوووومو من ويهي
‏وكملت صياح ضحكو عليها لين ما دخلت عنهم
‏فاطمه : بروح اغير ملابسي
‏مريم : انا بعد
‏راحو ثنتينهم
‏مريم : تراني ما نسيت
‏فاطمه : مريوووم جفته
‏مريم : منووو ؟ اللي كان يرمسج ؟
‏فاطمه : هيييه
‏مريم : انزين ؟؟؟
‏فاطمه : حطيت عيني بعينه مريموه ☺
‏مريم : فطييم خلاص نحن مضطرين انه ننساهم كلهم اصلا جذابين
‏فاطمه سكتت

‏موزه : كان ما وصلتي البيت حبيبتي
‏جنان خافت وتمت ترجف
‏موزه : اووه طالعه حلوه بعد
‏جنان : انا انا
‏موزه : جب جب هذييي اغراضج شليها وتوكلي برع البيت
‏جنان : بسسس
‏موزه صرخت عليها : برععععع
‏حمد سمعهم وصد بصدمه : اناااا شو سويت
‏سحبتها لبرع ودزتها على حمد اللي مسكها
‏حمد : انتيييي شو تسوين ؟
‏موزه : شل حبيبت قلبك فكني منها
‏حمد شل اغراض جنان ووداها بيتهم
‏حمد : مريوم فطوم طلبتكم انتو بس خلوها ترقد عندكم اليوم وانا باجر برمس امي
‏مريم : عادي فديييتك نبااها نحن ويينها ؟
‏حمد : قاعده ف الصاله تصيح حاولو تهدووها
‏فاطمه : نسير مريوم نسير

‏على الصبح

‏وليد يدندن
‏نوره : يا صباح الخير
‏وليد : يا صباح النور
‏نوره باستغراب : امي ما قامت ؟؟
‏وليد : لااا !! ما ادري
‏نوره : غريبه
‏وليد : يمكن تعبانه خليها تعالي تعالي
‏ميثه نازله تتثاوب : يالله كيف حاولت اقشر الحنى تقشير اليهد
‏وليد : خساارة فلوووس انتي خليييه
‏ميثه : سييير لاه هي صح امي قايله لي اقومها جي الساعه تسع الحين 11 محد قومها ؟؟
‏نوره : لااا توه نقول شكلها تعبانه
‏ميثه : تستعبطون على الاقل نطمن عليها بين فتره وفتره هففف منكم
‏راحت دخلت على امها قعدت على السرير
‏ميثه : امييه حبيبتي قوومي بسج من النوم يلااا قومي ، لا يكون صدق التعب زايد عندها ؟!!
‏هزتها على الخفيف
‏ميثه : اميييه امييييه امااايه !! ، وليييييييد نوووووره تعااالو
‏نوره : شو مستوي ؟؟؟
‏فزت هي ووليد وراحو
‏نوره : بلاج ميثه ؟
‏ميثه : اقوم امي ما تقوم !
‏نوره : تستهبلين انتي
‏ميثه تهز امها
‏نوره : وليييد اركض لاحمد بسرعه بسرعه
‏وقعدت تهز بأمها
‏احمد بطل له الباب
‏وليد : امييي ما تقوووم احمد
‏احمد : كيف يعني ؟
‏ركض احمد تمو يهزوا مهم وهي لا حركه احمد اتصل بالاسعااف وصلت الاسعاف والخبر انتشر للعايله وراحو كلهم المستشفى
‏ف بيت بو عبدالله
‏شوق : امااايه امااايه
‏ام عبدالله : ها شوق شو فيج ؟
‏شوق : انوار الحين رمستني
‏ام عبدالله : شوي شوي تنفسي اول عقب ارمسي
‏شوق : ام احمد توفت
‏ام عبدالله : انا لله وانا اليه راجعون
‏شوق : اماايه خلينا نسير دخيلج
‏ام عبدالله : سيري خبري ابووج
‏شوق راحت

‏احمد مصدوم انوار مسكت ايده وهي تهديه
‏احمد : امس عرسنا انوار كانت مستانسه كانت ما امبينه التعب كيييف صدقت انه مجرد ارهاااق فيها كيف
‏انوار : احمد ترحم عليها
‏احمد : الله يرحمج يا امييه الله يرحمج
‏ميثه قاعده ما تصيح ولا شي ساكته بس تنتظر من نفسها ردت فعل ونوره حاضنه وليد احمد صار انسان ثاني انسان هادي ما يخصه بأحد انوار ما قامت تجوفه الا فليل ويرقد ويهاذي باسم امه اتم قاعده حذاله وتهديه وهو راقد وثاني يوم عزا انوار راحت بيتهم تشيل اكل
‏انوار : لاا اماايه بتروحين انتي بعد شوي ؟
‏ام سالم : هي بسبح وبسير
‏انوار : مريوم وفطوم وينهم ؟
‏ام سالم : ما رجعو من العزا تمو هناك
‏انوار : زين يلا عيل انا بسير
‏ام سالم : توكلي
‏راحت انوار وهي طالعه من البيت طلع بويهها
‏عيسى : هوووووباا يالعروووس
‏انوار : انت شوو تبا ؟؟؟
‏عيسى : كييفه الحلووو ان شاء الله بخير ؟
‏انوار : عيسى توكل
‏عيسى : مب بهاي السرعه
‏سالم : انت شووو تبااا بأختي
‏عيسى صد بصدمه وشرد
‏سالم : عيييسى ؟؟؟
‏حمد : شووو يبا منج هذااا ؟
‏انوار بلعت ريجها
‏سعيد : قووولي السالفه اختي !!
‏انوار شرحت لهم كل شي وخبرتهم بكل شي
‏سالم : طع الحيوان خل يطلع بويهي والله ما اخليه
‏انوار نزلت راسها : انا غلطت بعد
‏حمد : ما عليه اختي انتي الحين متزوجه وصححتي غلطج بالاساس
‏انوار : هيه حمد حالة جنان مثل ما هي حاول ترمسها امي حاولت وياها بس ما رضت
‏حمد : الحين بسير لها
‏سالم : ديري بالج انواروه عن تدعمين بس
‏انوار تذكرت لما وداها السينما معاه وضحكت راحت البيت
‏عيسى : اهنيييي اهلج محددد راحو هههههه
‏انوار : والله انك حقييييير ونذل شوووو تبا انت شووو تبا على الاقل فكر بحرمتك وولدك
‏عيسى ضحك : حرمتي طلعت تعرف عنج وطلقتها
‏احمد واقف يطالعهم
‏انوار : ودرنييي بحااالي خلاااص
‏عيسى : امسسس طلعت لج وكنتي مب فايجه واليوم طلعت لج وبعد مب فايجه ؟؟؟ استغلااالي حلووو دام ايام العزااا ريلج ما بيتفج لج ؟ قووولي يا حلوه كيف بتقوولي له ؟
‏احمد سار سحب انوار من ايدها ودخل فيها راحو الغرفه قعد على السرير وتنهد
‏احمد : ليش ما خبرتيني ؟؟
‏انوار رفعت جتوفها : كيف اخبرك ؟ انت مب ناقص
‏احمد : انوار انتي حرمتي بالاخير لازم تخبريني عسب ما افهم غلط وتصير مشاكل
‏انوار : تمام اسفه
‏احمد : من متى وهو جي يسووي لج ؟
‏انوار : من امس
‏احمد قام وابتسم لها : اذاا ياج مره ثانيه خبريني
‏انوار : اوكي
‏احمد مشى عنها
‏انوار : احمد ؟؟
‏احمد صد عليها : هلا ؟
‏انوار راحت حضنته : دير بالك على نفسك
‏احمد باس راسها وراح
‏انوار : ياااا نااااس هووو قيييسي وانا بالعشق ليلااه احبه احبه

‏حمد حبه زاد لجنان اللي سكنت معاهم من بعد لا انطردت من البيت كانت امه تهزبه يوم يسوي لها حركات تبعدهم عن بعض اذا هو قعد ما تخليها تقعد كله يضحكون عليهم وقررت امه تزوجهم وتفتك منهم ومن حركاتهم مريم فقدت الضقه بالشباب إلين ما حبها واحد صدق وتقدم لها بعمرها الصغير ورفضته ورد يتقدم لها فاطمه حبها لمحمد ما تغير وهو ندمان انه خسرها ويحاول يسترجعها حياة الباقيين عاديه ومشت مثل ما هي اما انوار واحمد حبهم يزيد اكثر واكثر عيسى كان يتعرض لهم بين فتره وفتره وهم ما يهتمون له ومرت الشهور وانوار يابت توأم بنت وولد سمو البنت امنه على اسم ام احمد والولد من صدعت حمد سموه حمد صار اهم شي ف حياه انوار : احمد و امنه وحمد

‏انتهى البارت

‏-اشكر جميع الناس اللي شجعوني ع كتابه الروايه و ساعدوني ف طرق الكتابه لتكون روايتي جميله ، اشكر بالذات صديقتي اللي كانت دايما تدعمني وتساعدني وان شاء الله يمكن اكتب روايه ثانيه و اذا تبون تتواصلون معاي insta:_nonah2 وشكرا لكل من تابع روايتي و مع السلامه-


تعديل نوناه; بتاريخ 25-12-2016 الساعة 02:49 PM.
الرد باقتباس
إضافة رد

روايه هو قيسي وانا بالعشق ليلاه

الوسوم
ليلاه , بالعشق , روايه , وانا , قدسي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايه حاولت في قلبي حنين جنوبيه روايات - طويلة 9 13-10-2015 01:53 AM

الساعة الآن +3: 08:15 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1