آنسه فلانه ©؛°¨غرامي جديد¨°؛©

الــــــــــــــــــ8ــــــــــجزء

مـــــــــ8ـــــــــــدخـــــــــــــل:~
من مد لي يمناه مديـت لـه خمــس..
ومـن صـد عني عفـت شيـفت بــلاده...
لاني عزيزوعزتي تحكم النفس....
والنفس ماترضى بهون المكاده.....

:::::::::::::::::::::::::::::::::::::::::::::::::: :::::::::::::::::

عـــــــــــــند الرجال دخل الجد سعود وهو يسلم ..:سلام عليكم
ورحمة الله وبركاته .. وكان وراه ولده مالك وحفيده سامي ..."..
الجد محسن وهو يقوم :. حيا الله من جانا ..والمكان وأقوللها وانا صادق ..."..
الجد سعود وهو يقبل أنفه : البقى ... منور بأهله ...
أنتشرت ريحة العود بالمكان بعد مابّخر ركان كل الموجودين ...
سامي وهو يسلم على الشباب بحرارة:. كيفكم ... وينكم غايبين ...
ماتنشافووون ...؟
تركي وهو يضحك :. والله من نقلتم من بيتكم .. قلت مشاويرنا
لبعض وقلت إتصالاتنا ..."..
سامي وهو يبوس كتف محسن صديقه وأخوه :. سلامتك يالعضيد
والله مادريت إلا اليوم يوم دق جدك يعزم ..."..
محسن :. الشر مايجيك يابعدي .."..
وقعدوا يسولفون .. ويضحكون ...وبعد ساعتين
الجد محسن :. ياعيال هاتوا العشاء..."..
فيصل :. تآمر دقايق وهو عندك .."..
قاموا الشباب كلهم وهم يدخلون قسم الحريم....
قاموا يجهزون العشاء والصواني وهم يضحكون ...
ركان وهو يقلب الرز بالصينية :. محيسن ليه جاي وأنت ماتشتغل ..؟
سامي اللي كان رابط ثوبه على خصره وهو يضحك مادرى باللي
تناظره من دخل....
مع عيال عمها :. خله خله يمكن ينفعنا بشيء.."..
مشعل وهو يستهبل :. خذ السفرة يابابا... وزينها ..
محسن وهو يضربه على راسه :. وجع أنت ووياه .."...
شالوا العيال العشاء وقلطوه للرجال وتعشوا ....
...............""..................""............. .""....................

إنتهت العزيمة على خير والجد سعود السامي طلب يشوف
حفيداته...
الجد محسن أبو محمد :. إرتاح وهن يجنك لمكانك .."..
الجد سعود أبو مالك :. مالك لوا بس بينحرجن من العيال..."...
تقدم الجد للباب الفاصل بين حوش الحريم والرجال وهو يشوفهن
واقفات بالعباية قرب وسلم وبعد صياح ودموع وخروهن ...
سعود وهو يناظر الريم ويعرف وش كثر ماتحب احد يناديها ببنت
هند :. كبرتي يابنت هند وصرتي عرووس .."..
الريم :. ماحد يبقى على حاله ... حتى الشيب كاسي راسك ياسعود
.."..وانا بنتن ... أبوها ناصر القايد وامها هند السامي ,,,...
الجد سعود وهو يضحك ضحكته المجلجلة :. ورثتي كل شيء من
أمك غير لسانك الطويل ...
الريم :. طويل بالحق ياسعود ولاغيره
التوأم دخل داخل وبقت الريم جالسة مع الجد بالحوش ... تسولف
معاه وتتهاوش بعد ساعة طلع خالها مالك من المجلس ...
مالك وهو يسلم عليها :. حي الله بنت هند وش حالك يابنيتي .."..
الريم وهي تقبل خشمه وكتفه :.بخيرجعلك بخير ... وش بلاكم
ترى ابوي ناصر .."..
مالك :. من وانتي صغيرة وانا شاك بك انك تحبين ابوك اكثر من
امك ..
سعود :. اذا انت شاك انا متأكد ...
الريم وهي تضحك :. لا اله الا الله .. عليكم خليتوني اشك بنفسي
.."..
سعود وهو يضمها:. نمزح معاك يالخبلة ..
ويكلمها بجدية :.كيفك وكيف خواتك ... عسى ماناقصكم شيء ..؟
الريم بصدق :. بالف خير من الله ..الله يطول عمرك .. وجداني
وعمامي وزوجاتهم مو مقصرين بشيء ..
خرج سامي اللي استبطى أبوه وهو حاط شماغه على كتفه وقاعد
يصلح طاقيته ..."...
والعقال بيده ومانتبه للريم وهو يشوف ابوه وجدة واقفين :. وش
عندكم اجتماعكم المغلق ماخلص ...
مالك وهو يشوف الريم اللي دخلت ورى جدها مع انها بكامل
حجابها :. سلم اول شيء على بنت عمتك .."..
الريم اللي نبض قلبها من شافت زوله تحبه من كانت صغيرة وبدته على عيال
عمها ... اول ماشافته طالع دخلت ورى الجد هو الوحيد اللي
بوجوده تفقد موازينها ... تذكرت شكله لما كان يجهز العشاء مع
عيال عمها وهو يضحك ويناقر محسن .."..

سامي وهو يشوف الزول اللي ورى جده نزل عيونه بالارض
باعتذار :. مادريت ان عندكم أحد.. وهو يكلمها كيفك يابنت عمتي
.."..
الريم واللي جد قلبها وصل لحلقها وبتردد :. الحمد لله بخير .. كيف
صحتك ..؟
سعود وهو يحرجها :. وين لسانتس يابنت هند اللي قبل شوي
ياطوله .."..
الريم :. موجود ... بس الاحترام زين .."..
الجد وهو يضحك :. يعني تحترمين هالجحش اكثر مني ...؟
الريم :. محشوووم يابو مالك .."..
سامي اللي ابتسم :. تتهاوش معاها لاتدخلني... لو سمحت ولاتطيح
هيبتي قدامها .. انا زين لقيت احد يحترمني بهالمزرعة من دخلت
والعيال شغالين تسخيف فيني.
الجد وهو ناوي على شيء في باله وبيسويه قريب :. طيب خل
اهلك وجدتك يطلعون ورانا نومه وبكرة الجمعة ...
الريم بحزن :. تكفى جدي خلكم عندنا الليلة ...؟
سعود:. جدتس كلمني قبلك ... اعذريني يابنيتي ورانا شغل بدري .."..
مالك :. وان شاء الله نشوفكم قريب ..."..
دخلت وهي مستانسة انها شافته من فترة طويلة ... وزعلانه
عشانهم بيروحون وهن ماشبعن من رغد ....






العيال بالمجلس .."..
تركي وهو يهمس لفيصل :. يالله انت الكبير قل لجدي ...
تركي :. لا اقول لابوي احسن
الجد وهو يشوفهم :. وش عندكم من جلستم وانت اذنك بحلقه وكنكم حريم .."..
تركي وهو يقوي نفسه :. ولا شيء بس انا أبغى اتزوووج .."..
الجد اللي ضحك :. وكل هالمهامس على العرس ...
فيصل وهو يضحك :. شفت كيف ...؟
الجد:. وانت يافصيّل..؟
فيصل وهو يضرب كتف تركي :. مع هالحلو ان اعرس اعرست
وان عنس عنست .."..
الجد :. ومن اللي تبيها ياتريكي ...؟
تركي وهو يطالع عمه ابو فيصل :. بغيت حور بنت عمي فهيد ..."..
فيصل اللي انصدم :. تبي اختي يالملعون وماتقول لي ..يعني
بتصير نسيبي "..
تركي :. شفت كيف الله يعينني عليك ..."..
الجد بغضب :. العن ابليسه مو تلعنه .. وانت يافيصل ..
فيصل :. ابي سارة بنت عمي محمد .."..
ابو ثامر :. ابركها ساعة والله .."..
ركان بجرأة :. وحنا بعد نبي نملك وبعد الجامعة نتزوج ...؟
ابو فيصل بحده:. اقطع وش تملك وش عرس ...؟
الجد واللي استانس :. خلهم من حقهم وهو قال ملكة بس ...من
اللي تبيها "..
ركان باحراج :. وعد بنت عمي ابو تركي .."..
الجد بجدية:. ابشر ... وجتك .."..
باسل وهو يوقف :. وانا ابي ريلام بنت عمي ناصر ...
مشعل :. وانا ابي ريلاف اختها .."..
خالد :. مانتم باحسن مني .. وانا ابي سديم بنت عمي ابو تركي
.."..
الجد وهو يشوف احفاده كبروا :. ابشروا باللي تبونه ....
العيال طارو من الفرح وهم يبوسون راس الجد والاعمام .."..
محسن اللي كان جالس وحاط يده على قلبه .. خاف احد غيره
يختارها ...
مايدري ايش اللي منعه يطلب زيهم ... يمكن عشان سالفة الحبيب
المجهول ...
ولانه لو طلب ورفضته الريم بيتحطم ويمكن يموت .... مايتخيل
وهي ترفضه ...
الجد وهو يشوفه سرحان:. وانت يامحيسن ...؟
محسن :. لا لا .. انا بعدين ...خلوني بحالي متى مابغيت العرس
جيت وقلت لك ..
خالد بهبال:. بتعنس كذا...
محسن :. خلني ..اقعد على تسبدك .."..
الجد :. وانت يافهد ...؟
فهد وهو يضحك :. لا مابي اخطب معاهم خل خطوبتي لحالها ...
وهو ناوي يتاكد...
من البنت اللي شافها بالمطبخ من جدته وان ولا واحد من العيال
خطبها .."..
الجد وهو يقوم :. بكرة إن شاء الله ياصلكم الرد والخطوبه
الاسبوع الجاي ..."..
دخل الجد عند البنات وهو يتبسم :. شافهن يضحكن ويسولفن
بصوت عالي بإستثناء الريم اللي جالسة على كنبة بعيدة ورنوده
نايمة بحضنها .."..
الجد وهو يكلم سارة :. ترى خطبتس مني فيصل ووافقت .."..
سارة الي بلمت :. هاه كييف ...
الجدة :. سكري فمك ... كيف يعني بتصيرين زوجته .."..
سارة الي استحت من حركتها والبنات يضحكون عليها :. لا
ماقصدت بس صدمتوني .."..
وعدة وهي تتربع قدام الجد على الارض :. إسمع يامحيسن صح
اني بـ17بس ماعلي منك بتدبر لي عريس اجل سوير تنخطب وانا
لا .."..
الجد وهو يضجك : جاتس عريس ماينرد ..
وعد وهي تنقز وتسوي نفسها فرحانة :. كلللللللوش ... مع السلامة
يالبنات ماعرفكن ...وهي تهمس للجد :. منهو ...؟
الجد :. ابو علي صاحب البقالة القريبة من هنيا ..."..
وعد بصرخة :. وععععع الله يسامحك ياجدي ...هذي اخرتها ومن
اليوم وانا امدح وادلع فيك واخرتها ابو علي .."..
ميار :. لايق لك .."..
غادة :. قدر ولقى غطاه
عهود :. ولا واللي يميزه سماجته الحلوة
وعد :. وجع انتي وياها ... انا اخذه ...
الجدة وهي تطنش البنات وتكلم الجد:ومحيسن وتريكي .."..
الجد :. تركي خطب ومحسن مايبي العرس هالحين .."..
حور الي كانت مشغوله بجوالها طاح من يدها وهي تقول بهمس :.
خطب .."..
الجد:. كل العيال خطبوا ماغير محيسن وفهيدان .."..
ام ثامر :. باسل كان غاثني وقلت له كلم جدك .."..
الجد وهو يضحك وينادي الريم :. ايه كلمني وخطب ووافقت .."..
ريلام كانت جالسة وزادت ضربات قلبها .. وهي تطالع البنات من
اللي بيختارها حبيبها ... ماحد يعرف بسالفة حبها له غير توأمها
.."..
الجدة :.وبسيل من اللي خطبها ...؟
الجد :. خطب بنت ناصر ...؟
البنات :. مين من التوأم ..؟
الجد :. إيه ريلام..."..
الريم حست الأرض ماهي شايلتها من الفرحة عشان ريلام ..."...
الجد وعلمهم بكل واحد ومين خطب .."..
البنات عمت بينهن الفرحة وهن يباركن لبعض ..."..
حور اللي بغت تنهبل لما درت انه خطبها .."..
وعد ماتوقعت ان ركان يحبها على طولة لسانها معه ..."..
ريلاف من فترة وهي تفكر بمشعل ... وحبته من تعامله الطيب مع
إخوانها .."..
سديم اللي انصدمت من خالد وعرفت سر معاملته لها اللي تفرق
عن البنات .."..
سارة إنصدمت ان فيصل فكر فيها وهي ماعمرها تخيلته يكون
زوجها .."..
ريلام وهي تفكر بباسل ... مستحيل يحبها مثل حبها له .."..
ميار بتمثيل :. لاغش .. واحنا .."..
وعد باستهبال :. لو سمحتوا مانقعد مع عانسات .."..
الريم :. وجعوه ياوعيد .. قصدك الانسات
سارة:. بالتوفيق للباقيات ..ميار وغاليه وعهود ورهام والريم وعهد
وغادة.
دق الجد محسن على الجد سعود يعزمه على خطوبة البنات اللي
بتكون بنهاية الاسبوع :.
سعود :. مبروك ماسويتوا يابومحمد ...
محسن:. الله ييبارك فيك والعقبى عند عيالكم ..
سعود بتلميح:. ان شاء الله ونهاية هالاسبوع بنخلي الفرحة فرحتين ...
محسن وفهم :. ومن بتخطب ...
سعود :. بخطب بنتي الريم لولدي سامي ...
الجد محسن اللي تضايق من سالفة ان الريم ماياخذها احد من عيال
عمها وهو ناوي يكلم محسن عنها وهو عارف انه يحبها ومايبيها
تطلع من القايد...
الجد سعود اللي استغرب سكوت الجد :. هاه وش قلت يابو محمد ...
محسن :. اشاور البنت وارد لك خبر ..."..
سعود :. لاتتاخر علينا عشان تكون ملكتها بعد بنات عمها ...
قفل الجد محسن وهو متضايق ...
:::::::::::::::::::::::::::::::::::::::::::::::::: ::::::::::::::::::::::::

ببعد يومين والبنات جالسات دخل صقر وقال للريم ان الجد يبيها
بالمجلس الخارجي ...دخلت الريم وهي تشوف الجد جالس وباين
ان وراه شيء كبير ...
له يومين يفكر كيف يقنعها ترفض بدون ماتحس على الموضوع ..
الريم وهي تقرب وتجلس :. امر جدي قالوا تبغاني ...؟
الجد بجمود :. إنخطبتي ...لسامي ولد خاااالك ...
الصدمة كانت باينة على وجهها من اسلوب جدها الجاف واللي باين انه كاره السالفة واللي صعقها اكثر ان امه بالعزيمة كانت
تقول انها بتخطب له قر يب مستحيل كانت تقصدني ...؟
الجد وهو يشوف ملامحها الجامدة واللي استنتج منها انها بترفض
:. هاه وش ردك ..؟
الريم :. ردي على ايش ...؟
الجد :. على سااامي ...
الريم وهي تشوف ملامح الجد الرافضة :. انت وش رايك ...؟
الجد :. انتي اللي بتعرسي مو انا ...
الريم استغربت حال جدها ماعمره كان معاها كذا :. انت وش
رايك بسامي ...؟
الجد وهو يعرف سامي واخلاقه وبره بوالدينه :. رجال وماعليه
كلام وان خذاك بيصونك ..؟"...
الريم :يعني افهم انك موافق ...
الجد وهو يقوم :. الراي النهائي لك .. وبالليل باخذ رايك ...وطلع
الريم الي ولا يوم توقعت انه ممكن سامي يفكر فيها بحكم علاقته
القوية مع بنات خالاته ومستحيل مايكون يحب وحدة منهن ..."
قامت وهي تسحب رجولها للسلم الخلفي عشان ماتمر قدام البنات
ويبلشوها باأسئلتهم وهي تفكر بملامح جدها وردة فعله :. ليش
احسه مو فرحان لي زي البنات ...
دخلت الغرفة واخذت جوالها ودقت على ريلام وقالت لها تنتبه
على اخوانها لانها بتنام حاولت ريلام تعرف السالفة بس الريم
قفلت بوجهها ...
:::::::::::::::::::::::::::::::::::::::::::::::::: ::::::::::::::::::::::::

الريم من الظهر بغرفتها ...
عهود :. غريبة الريم ماشفناها كثير اليوم ...
وعد : صادقة ..
ميار :. من بعد ماقالوا لها جدي يبيها .."..
غادة :. خلونا نطلع نشوفها ..."..
طلعوا البنات ودقوا اباب بس ماحد فتح ونزلن وتوقعوا انها نايمة ...
بالغرفة كانت تفكر بالموضوع وهي موافقة مبدئيا بس اللي
استغربته ردة فعل جدها اللي حست انه مو فرحان للخبر زي
البنات وفوق هذا تحس باحساس غريب سمعت البنات لما دقو
الباب بس طنشتهم...
دق جوالها وكان الجد اللي جالس بالمجلس وجامع عياله كله عندهم
عشان يتفقوا على الترتيبات حقت الملكة :. سلام ...
الريم :. وعليكم السلام..
الجد وهو يتمنى مايسمع الجواب بس مجبور يرد الليلة على ابو
مالك :. وش ارد على الرجال ..
الريم :. رد اني موافقة ...
الجد اللي توقع ان الريم فهمت سبب معاملته لها وانه يبيها ترفضه
...وبجمود:. خلاص بدق الحين وابلغه ..
الريم انصدمت واوجعها قلبها على حالها وجدها اللي حتى مبروك
ماسمعتها منه وحست نفسها بتبكي ماتدري ليش فرحتها صارت
يتيمة وهي تتذكر فرحته للبنات لما انخطبوا لهالدرجة ماأهمه ولا ا
يش ..؟ ...
نامت وهي تتمنى ان يكون اختيارها صايب وبتشوف جدها بكرة

:::::::::::::::::::::::::::::::::::::::::::::::::: ::::::::::::::::::::::::
عند الجد قفل من الريم ودق على ابو مالك .."..
ابومالك :. هلا حياك الله ...
ابومحمد :. هلا فيك .. كيفك وكيف العيال ...؟
ابومالك :. الحمد لله باف خير ..
ابو محمد :. دوووم ان شاء الله ... حبيت ابلغك ان البنت موافقه ..
ابو مالك بفرحة :. الله يبشرك بالجنة .. وملكتها مع بنات عمها
ابومحمد :. ان شاء الله وبابلغها ...
ابو مالك :.لا خلها انا اللي ابلغها ...
ابومحمد:. ابشر... هي بنتك بعد بس ديروا بالكم عليها تراها شيخة
القايد .."..
ابو مالك وفهم ان الجد ماكان يبيها تطلع من عياله :. وامها شيخة
السامي من قبلها... وكانه يذكره بانهم خذوا بنته اللي كان يبغاها
لولد اخته ...
قفل الاجداد بعد مكالمة حامية من الطرفين ....
ابو ثامر :. العم سعود وش يبي .."..
الجد :. كان خاطب وسمعتني وانا ارد عليه ...
ابو فهد :. سمعنا بس من هي البنت اللي يبيها ولمين ..."..
الجد وهو يناظر محسن ومايضمن ردة فعله :. خطب لولده سامي
... الريم بنت ناصر .."..
محسن اللي كان جالس بين فيصل وتركي سمع الخبر وهو يطالع
جهة الجد يبي يتاكد اللي سمعه صحيح ولا يكذبون عليه ...مستحيل
البنت اللي احبها ترووح لغيري وجدي راضي ليش يوجعون قلبي
ويعرفون اني احبها ليش...

بدات يده ترجف وهويفكر انه مستحيل يحلم فيها بعد اليوم مستحيل
يسوي حركاته ويدق على بيت جدته بالليل وهو عارف انها
الوحيدة الي تكون صاحية وترد مايتكلم يكفيه يسمع هالالو اللي
بتكفيه يتصبّر بها حتى يدق مرة ثانية ....


وقف وهو يرجف وطلع من الجلسة مستحيل يبين لاحد انه كان
يحبها مع انه واضح للكل ...
لحقوه تركي وفيصل الي صدمهم الخبر بقوة ...
شافوه وهو يركب السيارة تقدم فيصل بقوة وهو يسحبه عشان
يركب بالجهة الثانية :. رح اركب هناك انا اللي بسوق ..
راح وركب... وركب تركي ورا وهو يشوف حالة ولد عمه واخوه
وتخيل نفسه ان حور ترفضه ....
تكلم فيصل بعد ساعة من الصمت :. محسن يمكن تكون لك خيره ..
محسن اللي مشغول بالسقاير يحرق وحدة ورا الثانية ولاكانه سمع
شيء....
معقولة الريم بعد اسبوع بتكون على ذمة رجال غيره...
معقولة ماشافت حبي لها ..
معقولة تحب هالسامي ...
معقولة بانحرم منها طول العمر ...
معقولة بتكون محرمة علي ...
معقولة بفقد حسها بالبيت...
معقولة ماشوف عيونها وهي تكلم جدي ...
معقولة بانحرم من هذا كله ...
معقـــــــــــ....
قاطع تفكيره تركي اللي سحب السيجارة اللي حطها في فمه وهو
يحاول يولعها ...
طالع تركي بعيون حمراء نظرتها قاتلة :. رجعها مكانها لاقضي
عليك اليوم ...
تركي واللي خاف جد من منظره وبقوة:. ماراح ارجعها .. من
ساعة وانت حارق ثلاث باكيتات ... حس على روحك ... خلها
تولي ماتستاهل قلبك ...
محسن بصوت زلزل السيارة :. ترررررركي رجعها ليكون يومك
على يدي ...
تركي واللي خاف جد من محسن بس لازم يجبره يطلع اللي بقلبه
ولا بيصير له شيء ...
فتح القزاز ورمى السيجارة ... وهو يضرب محسن على كتفه
وبلهجة أمر :. هات الباكيت الرابع بالطيب لاخذه منك بالغصب ...
محسن اللي عصب من حركة تركي وكانه ناقص لف على تركي
واعطاه بكس على بطنه جلسه بمكانه ...
وقف فيصل على جنب وهو يطالع في تركي اللي باين انه تالم وهو يقوله :. صار لك شيء ...
تركي اللي بجد اوجعته الضربة بس يبي محسن يطلع كل اللي بقلبه
هالحين وبكذب :.ابد وكان اللي ضربني أحمد ..
وهو يستفز محسن :. هذي قوتك ياولد مها ...
عصب وصار مايشوف من الغضب ونزل من السيارة وفتح الباب
وهو يسحب تركي ..وطاح فيه ضرب وتكفخ وتركي مستسلم وهو
يشوفه كيف ماسك دموعه ويفرغ قهره ... قرب فيصل يبعده بس
تركي اشر له يبعد وعرف فيصل قصد تركي من هذا كله بس لو
خلاه احتمال يموت تركي بين يديه سحب محسن وسدد له ضربه
على بطنه وهو يقول له هذا كل اللي عندك يامررره ...
محسن بعد هالكلمة فقد عقله وطاح ضرب بفيصل اللي على
الارض وهو مستسلم وهو يصارخ ..
ليه الريم وافقت ..
ليه الريم ماحبتني ..
ليه الريم تاخذ غيري وقلبي يبيها ...
ليه الريم توجع قلبي ...
ليه انحرم منها طول عمري ...
ليه ....وليه.... وليه..
ضرب محسن بالاثنين حتى فقد كل طاقاته وطاح ...
بعد ساعة هدأ محسن وهو يشوف حالة عيال عمه خلوه يطلع كل
قهره عليهم حس بقيمتهم اليوووم ...
قرب من تركي اللي باين ان كل عظامه مفككة وهو يضمه :. اسف
تركي وربي ماحسيت بنفسي ...
تركي واللي حس ان محسن بيبكي وبمزح :. شف كيف شوهتني
وانا بكرة ملكتي ...
فيصل وهو يطالع وجهه بمراية السيارة :.كيف بقابل اختك اليوم
بهالوجه .."..
تركي :. والله يامحيسن ماخليت فيني عظمة راكبة على الثانية
شكلي برووح لحوريتي بعكازه ....
فيصل وهو رافع حاجبه :.وش حوريتي ..؟
تركي وهو يضحك :. تراها صارت زوجتي ..
فيصل وهو يلحقه بيضربه :. ياللي ماتستحي رح رح مالك عندنا
مرة ...
محسن وهو يضم الاثنييين :. الله لايحرم دنيتي منكم ...
رجع كل واحد لبيته بعد مامروا المستشفى ..
دق الجد سعود..وطلب من الريم تسوي تحليل الزواج ...
الجد سعود وهو بيده تحليل سامي اللي قبل شهرين سواه لانه كان
ناوي يخطب بنت بس ماقالهم من هي..."..
وصل خبر ملكة الريم وسامي للكل اللي فرح من كل قلبه للريم ...
الريم كانت فرحانة وزعلانه ...
فرحانه بتاخذ اللي تحبه .. وتتمناه طول عمرها ..
وزعلانه على ردة فعل جدها وجدتها اللي مافرحوا لها زي
مافرحوا للبنات ..
متخوفة من بكرة ماتدي ايش بيصير ..


مــــ8ـــــخرج:.~


ضحكت .. ضحكة طفل لاهي .. وسجيت
............ ماهمني.. لو الجميع .. اخذلوني

:::::::::::::::::::::::::::::::::::::::::::::::::: ::::::::::::::::::::::::

آنسه فلانه ©؛°¨غرامي جديد¨°؛©

مـ9ــــــــــــــــدخل :.~

يا جِعْلَه بعمري بكاش ودموعش

وبقعاء تِزِمِّك يالحزن يوم ورَّدت !

جعله فداش اللي يضيّق ضلوعش

خلّي النكد / في ذمتي اني تنكدت !


:::::::::::::::::::::::::::::::::::::::::::::::::: ::::::::::::::::::::::::

بيوم الملكة ...

العرايس ...

سارة وحور وريلام ووعد وريلاف وسديم والريم جاتهم المصففة

والكوافيرة للبيت وبدان شغلهن ..

على المغرب صار البنات جاهزين وجت عايلة السامي اللي كانت

ماهي بدارية بسالفة خطوبة سامي للريم وحتى سامي نفسه ماكان

داري ..
وصلوا ودخلن الحريم ...

ودخل الرجال واول مامحسن شاف سامي قام وترك لهم الجلسة
بعد ماسلم عليهم سلام سريع وتعذر ان عنده ضروري وكان لابس


البدلة العسكرية لانه اخذ المناوبة بدل ماجد.. وعذروه لانه الوحيد

هو وفهد اللي ماعندهم لا ملكة ولا شيء واكيد ان كل شيء على

راسهم ..

طلع وركب السيارة وهو يفكر الحين بتصير الريم حلاله هو وبس

وماله الحق ...

باي شيء بعدها كره البيت ونسي ان اخته سارة واخوه باسل اليوم

هو يووم فرحتهم ... واللي هو فقدها ...

:::::::::::::::::::::::::::::::::::::::::::::::::: ::::::::::::::::::::::::

دخلت الجدة ام سامي وهيا ورغد .. وسلمن ورغد طلعت عند

البنات.....

ساره كانت لابسة فستان تركوازي ماسك على جسمها ومكياجها

مره ناعم وشعرها مسويته تسريحة رومانيه تخبل ... وصارت

مرة نعومة...

حور لابسة فستان احمر بدون اكمام وفيه فيونكة بالوسط بالذهبي

وشعرها اللي مع الاستشوار صار يعدي فخذه خلته على طوله

ومسكت غرتها من قدام بكلبسة

ومكياجها ناعم مرة ومبرز عيونها الحلوة ...

ريلاف لابسة فستان هندي ومسوية تريحة ومكياج هندي ولبست

اكسسوار للجبهة ومكياجها كان خيااال طلع ملامحها الناعمة ...

ريلام لابسة فستان تيفاني وكان مرة مناسب لها سوت تسريحة

ومكياج مرة ناعم طلعت الملامح الحقيقة لها وعيونها اللي تتميز

فيهم ...

وعد فستانها كان وردي وشعرها الناعم خلته على طوله ولبست
اكسسوار للجبهة...

مكياجها كان مرة فخم وطلع ملامحها الحلوة اللي دايم تخفيها
بعربجيتها ...

سديم البنت النعومة كان فستانها عنابي ومبرز لبياضها اللي ماحد

ينافسها فيه الاالريم .. وشعرها سوته كيرلي ...




الريم كانت نجمة الحفل والمميزة عن الكل لبست فستان اسود ملتف

على جسمها الريان وشعرها الطويل اللي استشورته

وكان شوي ويعدي الركبة ... ومكياجها الناعم لوجهها الدائري

وولبست اكسسوار فضي للجبهة وكانت كانها فراشة وابتسامتها

مافارقت وجهها والغمازة اللي من اليوم واضحة من كثر ماابتسمت ...

وقع الكل على الكتاب ...والريم اتأخرت كتب كتابها لبعد صلاة
العشاء لان سامي لسا ماوصل ...

دخلت كل وحدة على خطيبها ...
عند تركي وحور ...

دخلت حور ووقف وهو يسلم عليها ..

وبجرأة باسها وسحبها جلسها جنبه وقال لفيصل :. خلاص ماتبي
تهوينا الامانة وصلت ..
طلع فيصل وهو يشوف ملامح حور المرتعبة من بوسته وبضحك
: شوي شوي

على حوريتي وانتبه لاتتهور وخمس دقايق وراجع ...

تركي وهو يقوم بيلحقه :. خلاص فاااارق الوقت انتهى ...

طلع فيصل .. وهو رجع لحور المرتعبة ...

من باسها وهي قدام اخوها عرفت انه واحد مايستحي وهي ترجف

ومتوترة .....
جلس جنبها وطالعها وانبهر من جمالها اللي اسره وكان يبيها ترفع

راسها ...
تركي :. حور ترا وراك جني ...

نقزت حور وهي تقول وينه ...
انسدح من الضحك على شكلها ... الا الحين تخافين منهم ..

حور وهي تناظره بقوة تحاول تخفي توترها:. وين اخاف من

افرادهم وزعيمهم جالس معي ....

ضحك تركي وهو يقول :. اخيرا شفت هالعيون اللي طردت

نومي...حور استحت ونزلت عيونها ....

جلس معاها شوي وخبرها انه يبي زواجهم بالعطلة يعني بعد 3

اشهر وهي ماعارضت ودخل فيصل وسحبه ..

تركي وهو يعدل البشت :. اعوذ بالله منك ماتخلي الواحد ياخذ


راحته مع زوجته ..

فيصل وهو يسحبه :. اطلع وراي سرى لازم ادخل كل واحد

واسحبه زي ماسويت فيك ...

تركي :. حسستني اننا سجناء وجايتنا زيارة ..

ثامر وهو يضحك :.وانت حسستني انك شايب ثقيل دم الله يكون

بعون اختي ...

ضحك تركي وهو يدخل للمقلط اللي العيال جالسين فيه وهو يقول

....التالي ..

قام ثامر وقال:. يالله فيصل عرووسك تستناك ..

نقز تركي وهو يقول وين يالحبيب خله انا اوديه واسوي فيه زي
ماسوا فيني ...

فيصل وهو يرفع حاجبه :. على وين الاخ ماهي محرم لك...

تركي برفعة ضغط لفيصل :. بنت عمي وبحسبة اختي .
..
ثامر وهو يجلس تركي :. اجلس بس لا يكفنك مكانك الحين ...

ضحك تركي وجلس بعد مانجح برفع ضغط فيصل ...





بعد صلاة العشاء جا سامي اللي تاخر بحكم شغله واستغرب الحاح

الجد عليه انه لازم يكون موجود بس تذكر يمكن عشان العيال لازم

يكون موجود معاهم يشاركهم فرحتهم ...

واول مادخل اشر له الجد يجلس جنبه وكان جنبه الشيخ استغرب
بس سكت ..

الشيخ وين ولدكم يابو مالك ...

سعود وهو يحط يده على كتف سامي :. هذا ولدنا ووصل ...

الشيخ وهو ينزل الفنجال ويمسك الدفتر :. هات اثباتك ياولدي ...

سامي اللي انصدم من جده وايش بيسوي وليش اثباته وعلى مين
بيملك ..

الجد وهو يشوف صدمته وبهمس :. خطبت لك الريم بنت عمتك

هند والحين هات البطاقة ..
سامي انصعق وهو يوقف توه البارحة مكلم امه تكلم خالته عشان

تخطب له بنتها هيفا ء والحين جده خاطب ومتمم الموضوع وقاضي وهو مو داري عن الطبخة

ناظر في ابوه اللي انصدم وباين انه ماعنده خبر بالموضوع ..

الجد سعود وهو يسحبه :. هات البطاقة ولاتفشلنا بالرياجيل اللي

جالسة ...
سامي معصب :. ماني بنت تجبرني على العرس ... وانا مابي

الريم ابي بنت خالي عبد العزيز ...

الجد ومعصب :. سامي لاتفشلني بالقايد والدعوة ماهي لعب خطبت


لك من يومين ووافقوا العرب عيب الحين نرجع بكلامنا ... هات

البطاقة واحفظ كرامة جدك ...

والبنت شوفها وادا ماعجبتك طلقها.. الجد دق على هالوتر وهو

عارف لو شافها ماراح يرفضها ...

الجد محسن وشاف ملامح سامي وهمسه مع جده واستغرب منهم

وراهم سالفة كبيرة ...

ملك لهم الشيخ على الريم بنت ناصر ...

دق تركي على محسن وقال له انه السالفة انتهت ولازم يجي

الناس تسال عنه .وصل للحريم الخبر...

الجدة ام مالك ورغد وامها انصدموا من الخبر بس مابينوا ...

الجدة ظبية ظامة الريم وتبوس فيها استانست ان سامي


اختارهاوكانت تتمناه من زمان له بس قالت لها امه قبل فترة انها

بتخطب له بنت اخوها ...

سلمت هيا ام سامي ببرود على الريم وهي تقول بنفسها ايش اللي

غير رايك ياسامي ...

لاحظت الريم البرووود بس طنشت وسلمت على رغد اللي

استانست وضمتها ...
دخل محسن وهو يشوف سااامي جلس جنب جده وملامحه جامدة

ومو مبين عليها شيء تقدم وهو يشيع قلبه وسلم عليه وبارك له ...

رد له سامي المباركة بدووون احساس ...

جلس محسن وهو مستغرب وضعه المفروووض يكون مبسوط

ولاهو مايدري من اللي اخذها ...

اخذ شيخة القايد وزينة بناتهم الريم بنت ناصر ..

جلس تركي جنبه وهو يقول :. الله يبارك لها ويوفقها

محسن بغصه :. اميييين ...

تركي بمزح :. ليش ماجيت عشان تدخلني على عروووستي كان

صرت احسن من اخوك الخبل ..

محسن وهو يحاول يضحك :. ليه وش سوى ...

جلس تركي يعلمه بالسالفة ويعلمه باشكال العيال لما دخلوا

وطقطقته على ركان .."..


عند البنات اللي تسولف كل وحدة وايش سوت لما دخلت على

زوجها ويسولفن ويضحكن ...

الريم كانت تسلك لهن الوضع وتتمنى لو دخل سامي وسوا لها زي


ماسووا عيال عمامها مع البنات بس دايم حظها غير ...

عهد بغير قصد :. ريووومه ليه مادخل سامي ...

الريم تغيرت ملامحها ماتدري ايش تقول وهي اصلا ماتدري ليش

مادخل ..

حور اللي حزنها حال صديقتها وبنت عمها واستغربت عدم دخوله

وهي ترقع السالفة لعهد :. وين يدخل والله لو شافها غير يتهور

وماتمسي الليلة الا ببيتها ..

وبعدين السامي طبعهم غير مايشوفون العروووسة الا ليلة عرسها .
..
الريم وهي تناظر لحور بنظرات امتنان ...

:::::::::::::::::::::::::::::::::::::::::::::::::: :::::::::::::::::::::::


رغد اللي كانت مع البنات تحت ووعد تسولف لهم عن تفشيلة

اخوها تركي ومشعل لركان وانهم طفشوه وماخلوه ياخذ راحته ...

رغد وهي تضحك من طريقة سرد وعد :. ياخوفي انتي اللي

ماخذتي راحتك ...

سديم :. هههههههه عادي ماعندها مشكله لا طقها الشوق راحت
بيتهم المسكين

ركان اللي توهق فيه ...

قامت وعد وهي تضربها :. اخاف بكرة انتي اللي بتسبقيني لبيت

خالد والقاك بحضنه ..

تفشلت سديم وسكتت..والبنات يضحكون عليها ...


قااام سامي وهو يقول للجد انه بيشوف العروسة ....

وهو بباله يقول لها كل شيء وهي تختار وهو يعرف ان الريم

عقلها كبير ورزينة.

الجد سعود : مابغيت ...

دق الجد محسن على الريم وقال لها تطلع للمجلس على شان

زوجها يشوفها ...

قامت الريم وهي طايرة من الفرح واخيرا بتصير زوجة سامي وحليلته ..
.
محسن اوجعه قلبه وهو يشوف سامي داخل ...

دخلت الريم المجلس وشافته جالس ...

جلست على اقرب كنبة للباب بعد ماسلمت ...

رفع عيونه عليها وهو يشوف هالجمال المتجلي بحضورها سكت

وهو يقول بقلبه " الصمت في حرم الجمال جمال "

استحت من نظراته ونزلت عيونها وهي تشوف نظرات الاعجاب بعيونه ...

صار لاارادي يطالعها من شعرها اللي عليه طرحه خفيفة واللي

لمس الارض من طوله وهو عشقه الشعر الطويل ونزولا الى


العيون النجدية الذباحة ومرورا
بالخشم الصغير الحاد والشفايف المغرية .. نزولا لغمازة الذقن

رجع نظره على وجهها كامل سبحان من صورها نزل لنحرها اللي

يزينه تعليقة ذهب باسمها ونزل للخصر وايدينها اللي بحضنها

وهي متوترة وهو يتذكر هيفاء بنت خاله صح انها مملوحة بس

والله ماتجي جنب هالملاك بشيء ابدا صدق اسم على مسمى يالريم ......

تذكر نفسه ووقف كانه ملسوع وهو يقرب لها ويشبك ايديه ببعض

ويتكلم ..:

:. اسمعي يابنت عمتي .. باقولك شيء واللي سمعته عنك انك

عاقلة ورزينة وتحكمين الامور زين ..

رجف قلبها من الخوف وهي بهالموقف خوفها كلامه زيادة

وبعقلانية ..:. سم وش اللي تبي تقوله ..
انصدم من الصوت المخملي مايدري ليش حسه غير عن كل مرة يسلم عليها فيها ...

وقال بسرعة قبل لا يتهور وينسى بنت خاله :. انا تزوجتك

مغصوووب ............
الريم واللي وقفت وهي مصدومه وتحس الارض تتزلزل من تحتها

وبتنهار باي لحظة وخيالاتها واحلامها معاه طول هالسنين وهي

كاتمة بقلبها حبه وخبته حتى عن اقرب صديقاتها حور بنت عمها

كلها اختفت مستحيل اكيد فيه شيء غلط وبصوت فيه غصة بس

مستحيل تبين انها انكسرت :. والرجال ياولد خالي ماينغصب ...؟



سامي اللي استغرب وقوفها واوجعه قلبه على شكلها وصدمتها

واللي صدمه اكثر صمودها وسؤالها ظنها انه اول مايقول لها

السالفة بتطيح وتنهار زيها زي اي بنت في وضعهاعرف انها

ماضربت له خبر وان زواجه منها تحصيل حاصل :. انا احب بنت

خالي عبد العزيز ولا ابي غيرها حليلة ...

الريم وهي تجلس وماتشوف من الدموع اللي داهمت عيونها

واعلنت حضورها بهالليلة اللي تكون مميزة لكل بنت وبداية فرح

بس هي غيرهالليلة كانت ليلة كسرت قلبها وحلمها اللي من سنين

الليلة حطمت بقايا الريم اللي اعلنت رحيل روحها الى عالم


اللاشيء ..................

بهالليلة قبلت بضيافة مملكة الوجع لها وتم تنصيبها ملكة لهالمملكة

بحكم زياراتها الكثيرة لها وبوجع ولهجة مووووجعة تتقنها :. وانا

مابي ادخل حياة شخص وقلبه مع غيري ... خذاللي قلبك يبيها والله

يكتب لك التوفيق والخير
حس هالدعوات موووجعة وغير عن كل احد دعا بها له من قبل:.

يعني افهم انك بتقبلين احطها لك ضرة ...

وقفت الريم بكل شموخ ومع بقايا قلب رحلت اشلاءه لتسبقها لتلك

المملكة :. لا ياولد خالي اخطيت وهالخطا ماينقبل منك ...

وبشموخ وكبرياء راحل شكله مايعرف بنت ناصر :. انا الريم

بنت ناصر القايد وماني اللي ينحط فوقها ضرة ولو كانت بحقها
لاباس بس انت ماتبيني باولها وانا مابيك بتاليها ...

تعجب من عقلها وكل شوي تصدمه بس وضح له كلامها اللي قبل

شوي انها مو مهتمة له وقف وهو يقول :. واللي تبينه ابشري فيه

يابنت ناصر ...

الريم وهي تقعد تحاول تلم بقايا شتاتها :. ماتطلع من هالمكان الا
وانت مطلقني ...

انصدم وكان احد كب عليه مويا بارد وبعصبية :. اكيد انك مجنونة

... وش تبين الناس تقول عنك يامجنونة؟...
الريم:. خلهم يقولون اللي يبونه ماهمني الناس مادام ماسويت

شيء يغضب ربي .."..

مسك راسه وهو يجلس عند ركبتها رجيتك ياريم الا الطلاق انا

ماهو ضارني بيضرك انتي انتي بنت ومحسوبة على القايد وان

طلقتك بيضنون فيك الشينة

خليها اتزوجك وبعد شهر اطلقك ..."..

الريم اوجعها شكله وهو يتوسل لها واوجعها اكثر اقتراحه يعني

هذا اللي همه كلام الناس وبس مافكر فيني ولا في عمته ولا

أجدادي ولا عيلتي كلها ...

وقفت وهي تقول وتستفزه :. اذا انت رجال صدق وهذا عذرك بس

بتطلق وبعدها مسموح رح لحبيبتك ...

قرب منه وبصوت غاضب وفهم شيء ثاني من كلامها :. انتي

ماتستاهلي احد يتعب نفسه عشانك واتهني

بكلام الناس واللي اولهم اهلك ... انتي طالق

طلع وتركها وعيونها حمرا وين الدموع اللي من اليوم تغزيها

الحين حرمت الدخول لساحتها ...

جلست على الارض وهي تنتحب بصوت واطي وتعزي قلبها ....






عند الرجال.....................

محسن وهو يهز رجله :. طول داخل الاخ وماحد معاها .
.
فيصل وهو يضحك :. خلاص يالغيرة وبعدين هي زوجته
...
محسن بغضب:. بس مو كل هالوقت انتم دخلتم ماقعدتم خمس دقايق .
..
تركي وهو يكلم جده محسن وبدقه لابو سامي وجده :. اقول

يامحيسن ليش مازوجتني من السامي على الاقل اضمن اني اطول

زي ولد السامي يازينهم بس لو ينام معها ماحد عارضه ...

العم فهيدابو فيصل وبمزح:. خلاص روووح دور القرب منهم وانا
بنيتي بادورلها الرجال الكفو مو مثلك ...

تركي برعب وهويبوس راس عمه :. لا والله امزح والله



ماكمل كلمته وهو يشوف سامي داخل ووجهه متغير ...
وقف سامي عند الجد محسن وهو يقبل راسه وكتفه :. اع
ذرني
ياجدي بس حدتني ...


الجد سعود ومالك وقفوا :. خييييير ويش اللي صار ياولد ..

سامي وهو يتقدم ويبوس راس جده سعود :. اعذرني يابوي والله

ماهو قصورن فيها البلا مني ..

العيال وقفوا بررررعب ومليون فكرة بروسهم والرعب ماليهم
على بنت عمهم....

مالك وهو يسحبه وبصراخ :. وش اللي سويته ياسامي ...

سمعوا صوت الانين اللي وصلهم من المجلس القريب ....

قرب محسن واللي لابس بدلته العسكرية وبصوت صم المكان كله

:. وش اللي سويته يالكلب علمممني ...؟
سامي وهو يشوف انقلاب صديقه عليه بس يستاهل اللي بيجيه :.

طلقت الرررريم ...

نزل الخبر على روووسهم زي الصاعقة

ماحس الا بالكف من جده سعود :. يالكلب انا اللي غلطان اعطيك

هالدرة ولا انت حدك بنت شوارع ...

ساااامي انصعق من جده وهو يشوووف الجد محسن والعمام

يدخلون على الريم وهم يسبووون فيه ويشتمووون...

التفت على الشباب وشافهم ماسكين نفسهم لايطيحوا فيه وشاف

محسن جالس على الارض ويدينه فووق راسه ...

سامي بغضب :. مو سامي السامي اللي ياخذ بنت الشوارع وبنتكم

يشهد الله علي اني ماقربتها ولا لمست حتى يدها...

مالك ماسك ولده ويهزه:. فهمني ليش طلقتها ...؟

سامي وهو يكلم ابوه وجده :. بسببكم طلقتها يعني تخطبون

وتسوون كل شيء وانا اللي ناوي بكرة اخطب بنت خالي ...؟

وانت ياجدي ماهمك الا تكسر روووس القايد فيني وبالريم لانهم

خذوا عمتي هند ... ليه ماشاورتني مو بعد العشاء تقول لي تعال

سلم على الرجال وانت باغيني لبنتهم ... وانصدم يوم وصلت

بالشيخ المملك وتقول لي يالله بنت عمتك وبتملك عليها ...

كل شيء طاوعتك فيه وسويته غصب عني الا الزواج ياجدي ماهو

غصيبة دخلت لها وقلت لها السالفة وقالت ماتطلع الا وانت مطلقني

مو بنت القايد اللي ينحط فوق راسها ضرة ....

وهو يلف على العيال ويشهد الله علي ان لكم بنت عم تنشرى بكنوز

الدنيا مير حظي دوووم مايل ...
ابوه وبصوت غاضب :. انقلع ولا اشوف وجهك ...والله ان تحرم

عليك هي وغيرها... دامني حي ...

لف سامي بعد حلف ابوه وهو ناوي يطلع ماحس الا باليد اللي تلفه والبكس اللي طيره لاخر المجلس .... مسكه وهو يضرب

فيه...ويصرخ ويساله وهي وش ذنبها فيك انت وجدها العيال

جاوبني يالكلب والله ماتستاهل حتى شوفة عيونها... اللي حرمتني

منها....
طاحو فيه ضرب وهو مستسلم .....

الضرب اللي بيجيه الليلة مو ارحم من الكلام اللي بيطلع بكره على

بنت عمهم ....

دخل الجد والعمام على بنتهم ولقوها جالسة بالارض وتتنحب ...

وتنادي امها ..

ماقد احتاجتها بشيء كثر وقفتها جنبها الليلة ...

شافت جدها ووقفت وهي تبي ترروح وتتركهم ماتبي تبين له انها

تمسكت في رايها في حين انه كان رافض الموضوع وعارف ايش

بيصير .. قامت وهي تترنح بمشيتها ..
مسكها الجد وحضنها مامداها حست فيه الا وتقووول وانا ايش

ذنبي يصير لي كل هالشيء .... وانت من امس مزاعلني

ولاتكلمني وكنت عارف انه مايستاهل النذل ووافقت ليه ماقلت لي

وبصوت اعلى كل البنات جيتهم بغرفهم وباركت لهم زواجهم

وحبيت روووسهم بعد وحتى بعد ماوقعووا جيت وعطيتهم هداياهم

بنفسك وانا استكثرت علي كل شيء واقلها كلمة مبرووووووك ...


وكملت وانا جلست ساعتين بعد ماوقعت واقول الحين يدخل

ويعطيني هديتي تعرف وش اللي فقدته من الصبح فرحتك فيني

زي بناتك الباقيات ...



وعمامي اللي دخل كل واحد وسلم على بنته ووصى زوجها عليها

وانا اقول الحين بيدخل جدي وبيسوي لي زي ماسوى لهن اصلا

انا اغلى منهن كلهن ....



مادريت اني عندك ارخصهن كلهن ... واخرتها يجي ولد خالي

ويرخص قدري وانا بنت ناصر اللي الكل يشتري قربها ورضاها

ويرفضني بوجهي ...

يبه والله انها موجعة للبنت بليلة ملكتها تتطلق عارفة اني بجيب لكم

الكلام بكرة وبيكثر عليكم وعلى بناتكم ... بس سامحني ياجدي
واوعدك حتى زولي ماتشوفه بهالبيت ..

حس انها فقدت عقلها وهي تاشر له لا لاتخاف ماراح اطلع بيت
ابوي وبعدين يصدقون فيني الكلام اللي بيقولوه....

ا
صلا ايش بيقولوا ماراح يصدقوا انه هو اللي طلقني عشان بنت

خاله بيقولون لقى فيها عيب ولا هي بنت ماهي زينة ولا بيقولون

اكيد تركها عشان اكتشف فيها شيء وهي تنسحب بهدوء وتلتفت

لعمامها والله العيب منه مو من ساااامحوني على الكلام الي بيجيكم

ولا قول اذبحوني وارتاحوا والناس بتسكت ...

العمام اللي دمعت عيونهم من الموقف هذي بنت ناصر اكيد فقدت

عقلها البنت وانجنت .....

حزن العمام على شكلها قرب لها ابو فهد وهو يضمها :. تعالي

يابنتي ...

وخرته بعنف وهي تصرخ وتمسح دموعها زي الاطفال :. انا مو

بنتك ولا بنته انا بنت ناااصر تسمع وبصراخ صم اذان كل اللي

بالبيت ...

بنننننننننننننننننننننننننننننننت نااااااااااااااااااااااااااااااااصر


هالصرخة اللي وصلت لقلب محسن قبل تصل اذنه ترك سااامي
وهو يدخل لها شافها طايحة بين يدين ابوه جثة هامدة ....

طاح على ركبه وهو يقول تكفووووووون قولولي انها ماراحت
قولولي انها ماتركتني ...

جاه عمه وهو يسحبه ويضمه :. والله اللي راح عقلها يابوك الله

يكون بعونها ويردها لنا ....

قام وهو مو مستوعب كلام عمه وسحبها من بين ايدين جده...

الجد وهو يبكي :. وين ماخذها ...

محسن:. لاتخاف ماني بمطير عقلها اللي بقى فيها سحبها وهو

يطلع من جهة العيال ....

العيال اول ماشافوه تركوا سامي وهم يركضون له ....

تركي :. وش فيها محسن ...
محسن مارد وصل للكراج وكانت اقرب سيارة هي سيارة جده

))الشاص ((

سدحها على المرتبة وركب من الجهة الثانية واول ماركب قرب

راسها وحطه على فخذه وهو يمسح على وجهها بالمويا واليد الثانية

ماسكة الدركسون ...

وصل الطوارئ ونزلها وركض وهي بين يديه دخل المستشفى

وهو يصرخ مرررريض ...

الناس استغربوا الوضع رجل بلبس عسكري ومعاه بنت حلوووة

وشعرها واصل الارض ...

احد الموجودين عرف ان محسن مو بوعيه ولاكان غطى البنت ...

قرب وهو يفسخ شماغه ويغطيها انتبه له محسن وشكره بعيونه جو

المسعفين واخذوا الحالة ...

تجمع الكل الجد والعمام والعيال كلهم ....

لهم ساعة داخل مابقى طبيب مااستدعوه ...

طلع الدكتور لهم وهو يسحب الكمامة ...

قرب بكل عملية من الجد :. البنت حالتها صعبة مافيها شيء

عضوي اتوقع انها تعرضت للضغط نفسي كبييير ولازم تنعرض

باقرب وقت على اخصائي نفسي شاطر ...
الجد اللي سمع هالكلام طاح على الكرسي وهو يدعي على نفسه


واللي كان السبب ....
:.هي صاحية ...


الدكتور / ايه صاحية ..

الجد:. ممكن اشوفها يادكتور...

الدكتور :. بس انا ماضمن اي ردة فعل بتسويها صح اني دكتور

نفسي بس زي هالحالة اول مرة تجيني بس الواضح ان تعاني من

فترة طويلة جدا حسيت انها بتدخل غيبوبة ماتبي تقوووم منها هل

جتها صدمة قبل كذا ...

الكل انرعب من كلام الدكتور واولهم محسن


فيصل اللي جاوب :. صدمة قبل ست سنوات وفاه امها وقبل 4
اشهر وفاه ابوها وبغصة والبارح ملكتها وطلاقها ...

الدكتور بصدمة كيف بنت بهالعمر تتحمل كل هذا :. واضح اصلا

لو تفقد عقلها مالومها...
الجد / خلاص بشوفها ...


دخل الجد وشافها جالسة على السرير وحاطة راسها على ركبها

وفستانها الاسود وشعرها المتدلي على طرف السرير .... حزن

على حالها مايدري وش اللي وصلها لهالحالة مستحيل سالفة

طلاقها بس ...

قرب وهو يمسح على شعرها :. انــــــ
ماكمل الا وهي لازقة في اخر السرير وتصارخ ابعد مابيك ابي

ناصر وينننننه ابببييييييييييييييييييييييييه خله يجيني او انا اروح له

انت ماتحبني ...
دخل الدكتور على صرختها هو ومحسن وتركي ....

الدكتور :. لو سمحت عمي اطلع حالتها ماتسمح ولا بتنتكس اكثر

وجيبو لها ناصر ...

الجد وهو يمسح دموعه:. ناصر مييييت

الريم اللي سمعتهم صرخت كذاااب :. ناااااصر حي مو زيكم هو

والله يحبني.. وهذا هو واقف .. وهي تاشر على





مـــــــــحــــــــســــــــــــــــــــــن...




انصدم الكل منها وتاكدوا اللحين ان الريم العاقلة راحت ....

الدكتور وهو يشوفها تاشر عليه :. انت نااااصر ...؟

محسن واللي صدمة ردة فعلها وتاكد انه فقدها :. لا انا محسن ...

الدكتور :. خلاص قرب ... هي تتوقعك الحين شخص اخر عقلها

الباطن صوره لها لازم توفرلها الاشياء اللي كان يوفرها لها

الشخص اللي اسمه ناصر واهم شيء لازم تهتم فيه هو انك

تطلعها من الصدمة عشان نعرف نتعامل معها ...

قرب العم ابو تركي بيبوس راسها صرخت :. وخر انت مو ناصر

انت ماتحبني ...
قربت من محسن وهي تضمه وتبكي وترجف :. بابا انا ريووومه

حبيبتك ماحبهم خلهم يطلعععععون مابييييهم ....

انصدم الكل من ردة الفعل ومحسن اللي مااات قهر وغبينة على

جده وعلى السااامي كلهم اللي وصلوها لهالمرحلة وهو واعد نفسه

ان دم سااامي مايكفيه وهو يضمها وبمسايرة ويتذكر كيف ناصر

كان يعاملها :. لا تخافي يارروح ناصر الحين اطلعهم وماحد يبقى

عندك الا ابوك...
الكل شاااف انها هدت وهي بحضنه قربها من السرير بس رفضت وظلت متعلقة فيه ودافنه وجهها في

صدره ...
محسن من بين اسنانه وبصوت غاضب :. اطلعوا خلاص قضيتوا

عليها وش باااقي ..... اطلعوا الله لايبيحكم ...

ابو ثامر بغضب :. محسن وبلا امسك لسانك لا اقصه لك ...

محسن بغضب اكبر :. يبه خذ جدي واطلعوا برا المستشفى قبل

مايصير شيء ماتحمده ..

الدكتور / خلاص ياعم اطلع انت وياه وتعالوا لي المكتب اشرح
لكم الحالة وابي معلومات ...
وصل الجميع لمكتب الدكتور... الجد والعمام وفيصل وتركي ...

الدكتور اخذ ورقه وقلم وبدا يكتب :. الشخص اللي اسمه ناصر

ايش يصير لها ...
فيصل :. أبوها ...


الكتور وهو يكتب :. واللي عندها الحين ميييين ...؟

الجد :. محسن ولد عمها ...

الدكتور:. ابوها كان عسكري ...

الجد :. ايه
الدكتور :. الاخ محسن يشبه لناصر ...؟

الكل استوعب الحين ليه اختارته من بين الكل ....

فيصل :. يشبهه كثييييير ...

الدكتور :. خلاص ... هي الحين بوضع مايسمح لها تحس بالامان

الا بوجود ناصر ومثل ماعرفت منكم ان ناصر متوفي ....


وهي اختارت الشخص الاقرب ملامح لناصر واللي كان ولد عمها

وهذا شيء طبيعي ... ولازم يطاوعها على كل شيء وحاولوا

بزيارتكم تسولفوا لها عن ناصر واي شيء يخصه ....

عند محسن....
جلست تسولف سواليف كثيرة ....


والاهم سواليف البارح كلها وهي مع كل كلمة تشهق ....

انهبل محسن من وضعها مو معقولة بكاها مو طبيعي ...

قام يبي ينادي النيرس عشان تعطيها مهدئ ...
مسكت يده وهي تقول :. لاترووووح والله مايحبوني خلك معاي .
.
كره نفسه وجده وسااامي وهو يضمها ويمسح على راسها ...
.
ودق الجرس عشان تجي النيرس ...


مــــ8ـــــخرج:.~


أبكي وقالوا لاتخربين كحلش ...

ياسخفهم أبكي ويحاتون كحلي/~

آنسه فلانه ©؛°¨غرامي جديد¨°؛©

ـ
ـ
ـ
مــــــــــد10ــــــــــــــــدخل :.~

تبكين ؟
ي جعلني فدآ عيونكِ !~
رددي ويآي : ؟
ي جعِل كلَ م فقدتهہَ خيرهِہَ
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
بعد شهر على هالاحداث طلعت الريم من المستشفى بعد
العلاج النفسي المكثف اللي واظبت عليه وصارت اقوى من
قبل بمية مرررة ...
صارت تسّكت كل اي احد يحاول يرمي عليها كلام بسبب
ملكتها ...
.................................................. .................
بالجامعة ...
تمشي وهي رافعة راسها وشموخها يكسر كل اللي حولها
لابسة تنوره اسود وقميص ابيض وعليه جاكيت رسمي ...
تكلمت وهي تعدل نظارتها وتمشي جنبها حور وسارة ...
الريم:.أقووول الفطورر اليوم على مييين ..؟
حور وهي تكشر وهي تشوف زحمة الكافتيريا :. علي بس
والله زحمة ..
وحور تناظر الساعة باقي ساعة ونرررروح ونتغدا ببيتنا ..
وبابتسامة غبية :. وش رايكم ...؟
سارة :. لاوالله من الصبح وانا جيعانة ومن محاظرة
لمحاضرة والحين متبيني اكل شيء ترا اموووت وبعدين
فصولي يذبحكن...
حورر بسخرية :. لايطيح حلقك وانتي تقولي اسمه وبعدين
والله زحمة بقعد ساااعة وانا ماخلصت ..
الريم بعناد :. وانا بعد مشتهية كروسان وكابتشينو من هنا ...
حور وهي تسحب البوووووك وتمشي :. امري لله ...
سارة وهي تناظر الريم وهي تطالع بالبنات :. ريووومه فيك
شيء هاليومين مانتي طبيعية ...
الريم وهي تشيل النظارات من عيونها :. تعرفين البنت اللي
معانا اللي اسمها حليمة ...
سارة بقرف من طاريها:. ايه وش فيها ...
الريم :. تبيني اصير حبيبتها ...
ساارة بفجعة :. هالمسترجلة وش تبي منك ...
الريم :. لاماعليك سكتتها وهددتها لو تقرب مني مرة ثانية
بس بعد خايفة انتي تعرفين هالبنت ورطت بنات كثييييير ..
ساارة:. الله يعين.... انتبهي منها بس ..


<<<<<<
ليش هالانحطاط والانحلال الاخلاقي في مجتمعنا ...
لدرجة اني اشوووف عندي مناظر بالجامعة قسم احس السقف بيطيح ولاربي بيخسف بنا ..
هذا غير اللبس الله يسترنا بالدنيا والاخرة
"" لابسة وماهي لابسة "" قسم ان هذي احسن وصف لهن
والتدخييين شيء آخر ...... عن جد صااار حال جامعاتنا عوالم سوداء ...
ماأعمم فيه بنات قمة بالأدب والأخلاق .. الله يحفظهن ويستر عليهن ويحميهن من هالاشكال ...
لاحد يقولي كبت وماكبت وفراااغ عاطفي ....
والله فضاوة وقلة ادب <<<<<<<<<<رايي وكيفي
.................................................. ............


رجعن البنات من الجامعة بعد ماجابت لهم حوور الاكل
وأخذنه معاهن للبيت عناد في حوور اللي انقهرت ...
وصلهم السواق.......
الريم وهي تنزل:. وش رايكن تنزلن وتتغدن معانا شكل
العيال كلهم بيتغدون هنا ...
سارة وهي تنزل :. يالله انا معاكي ...
حووور اللي معصبة :.وانا بعد...
ضحكت الريم وهي تمسك يديهن وتدخل كانت بتفسخ النقاب
بس استغربت من الصوت القريب ...
التفت للصالة وشافت الجد جالس وسفرة الاكل مفروشة
وباسل منسدح جنبها ..
قربن البنات وباسن راس الجد ..."..
الريم وهي تبوس راسه وكتفه وكفه وببحتها العذاب:. كيفك
طال عمرك اليوم ..
الجد وهو يبتسم دايم سلامها مميز مثلها :. بخير طال عمرك
على الطاعة ...
سااارة :. بالله علمينا على هالكلام الحلو ..
حور :. ايه عشان تقوله لفصيل ..
ساااارة استحت...
وردت الريم :. نونو الكلام هذا حصري بس لمحيسن ...
باسل :. اصغر عيالكك هو ....
الريم وهي تضم الجد من ورا الكنبه :. لا ابوي وروحي
ونبضي وسيد راسي ...
حور لباسل :. هههههه تفشلت
سارة وهي تكلم باسل :. وش بلاك منسدح كانك ضب مضيع
جحره ...
باسل ونفسه بخشمه :. ماني برايق لك ياسسساروة فانقلعي
احسن لك ...
الجد بعصبية:. انطم لاصلاة ولاعبادة بس نووووم قم انقلع
هات لي الملف اللي عند ابوك قله جدي يبيه ..
باسل بكسل :. بعد الغداء ياجدي ..
الجد :. وانا ولد ابوي قم قامت شياطينك والغداء مطول
اخوانك ماجو ..
قام باسل وهو يتافف وندم انه غاب اليوم من درا الجد انه
غايب وهو كارفه ...


ورجع يكلم البنات :. ادخلن داخل يابنياتي العيال جاييين ...
الريم وهي تتجه للمطبخ :. حور سارة روحوا لغرفتي وصلن
الظهر وتمددن لحتى يجهز الغداء واناديكن ...
سارة وهي تتغطى :. لا انا مابي غداء برووووح انام
ببيتنا... بكرة الخميس والدكتورة حذفت محاظرتها
حور بفرحة:.والله جد متى قالته ...؟
الريم :. يوم استئذنتي للحمام " الله يكرمكم"
حور :. خوذيني معاك زين ذكرتيني ...
الريم :. لا يانذلات اقعدواانا واعدة البزارين بحفلة بكرة بس
بما انه ماعندي جامعة بكرة خلاص اليوم اسويها لهم .....
وبنروح السوبر ماركت واخذهم معانا لاتطولن بالنومة ملك
ماتحب ترووح ..
سااارة :. والله انا وحدة النووووم براسي ويمكن اسحب
عليكم ومتى ماصحيت وروقت جيتك ...
حور :. اجل مانتي جاية مادامك اعتمدي على روقااانك ..
ساااارة وهي تخز حور :. وش رايك تنطمين ...
وتكلم الريم:. ريامي خلاص بعد العصر عندك وابي صينية
الحلى اللي وعدتيني فيها..
الريم وهي تدخل المطبخ :. من عنوني بس لاتطولن علي ...
حور :. تسلم لي عيونك ياقلبي ...
:. مين اللي يسلم ومن عيونك هاه...
لفت حور برعب وهي تشوف محسن واقف ..
استحت وهي تقول :. كــ..نـ..ت أكـ..لــ..م الـر..يــ..م
الجد وهو يصرخ من بعيد يظن ان العيال كلهم جو :ادخل
انت وياه ...
سارة :. ادخل ترى جدي داخل..
راحن البنات وحور تقنع في سااااارة تروووح معاها البيت ...
اما هو دخل كان دوبه جاي من الدوام كان لابس نظارات
وشعره الكثيف كله نازل لتحت رقبته بعد مافسخ الكاب
العسكري ..
سلم على الجد :. كيفك اليوم يامحيسن ...؟
الجد وهو يضحك :. وش بلاكم االيوم علي...
محسن :.افا وش مسوين لك وانا اوريك فيهم ليكون المخابيل ...
الجد بخبث :. بتاخذ حقي متاكد ..
محسن استغرب :. ابشر بالحق ومايلحق ...
الجد :. اجل خذ حقي من بنت نااااصر ...
رجف قلبه "لا ..لا ...ان شاء الله انها ماهي ريمي ":.
ومنهي من بنات ناصر اللي ماذيتك ولانت قادرعليها...
ونزل الجاكيت وبقى بالبنطلون العسكري والتيشيرت الداخلي
الاسود والبوت مافسخه لانه يحتاج وقت طويل في فسخه ولبسه ...
الجد :. ومن غيرهاغزالتي ..
محسن فهم انها الريم ..من طلعت من المستشفى ومن بعد
هذاك اليوم وهو ماهو بخير..
سكت ومارد على الجد وهو ينسدح على الكنبة ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

بالمطبخ ...
دخلت الريم هي تشوف الجدة ومعاها العمة ملك سلمت وهي
تبوس راس الجدة وتسلم على ملك ...
فسخت عباتها وهي تنزلها على الطاولة وتسحب السكين من
يد الجدة وباستهبال :. هاتي السكين وروحي عند محيسن ترا
شكله ناووي على عروووسن جديدة ..
الجدة وهي ترجع تسحب السكين : خليه يعرس كود يفكني
منه ..
ملك :. افا يمه تبيعين ابووووي ..
الريم ينقال انها تفزع مع الجد وبصوت عالي ماكانت تحسب
ان فيه احد بما ان باسل طلع:.جدووووو سمعت نوره وش
تقول ...
الجد وهو يبتسم على الصوت :. وش تقول ياروح جدك ..
الريم :. كنت ابي مصلحتها وقلت لها انك تبي تعرس عاد
ردت وقالت خليه يعرس كود يفكني منه ..
الجد:. من باعنا بعناه لوكان غالي ..
الجدة اللي سمعت كلامه:. جعلهم يبيعونك في سوقن ماتلقى
فيه احدن يشتريك ...
شوي سمعوا صرخة الريم وبعدها ...
الريم :. جدو فكني ترا والله ناوية علي بنت عبدالله
...صرخت مرة ثاااانية وهي تقول انا زبينتك ياجدي .....
الجد :. تعالي ياروح جدك والله ان ماتلمس منك شعره..
طلعت طااااايره من المطبخ وهي تمشي على ورا وتطالع
الجدة اللي جاية من المطبخ وتضحك ..


رجف قلبه وجلس بعد ماكان منسدح وهو يشوف زولها جاي
لهم بلبسها الجامعي وشعرها ملفوف باهمال ونصه نزل من
الكلبسة وصوت ضحكتها يجلجل المكان وصار شكلها عذااااااااب وقف وهو ناااوي يتنحنح ..



بس كانت اسرع وهي تلف عن الجدة اللي وصلت لها
انصدمت وهي تشوفه واقف وشكله متبهدل وتافل العافية بس
بعد يجنن...
حمر وجهها وهي تشهق بعدها ماشافوا غير غبارها ...
الجدة وهي ميتة ضحك على شكلها:. والله انك بردت قلبي
فيها ياوليدي ...
الجد :. تعقبين انتي وولدتس عن بنيتي ..
الجدة :. خلها مرة ثانية عشان تتادب ماغير تناقرني صبح
ومساء وجدك معاها ..
الجد وهو يقوم :. بروووح اشوف كود انها ماتنزل يومها كله

ورجعت تسال محسن :. هو انت متى جيت مادرت الريم انك
فيه ولا ماطلعت ..

محسن وهو يضحك مستانس انه شافها :.لاعادي ماصار
شيء ...
الجدة :. وين باقي اخوانك خلهم يتجمعون ...؟
محسن وهو يسحب الجوال :. دقايق ويكونو عندك ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
عند الريم بالغرفة فسخت الجاكيت وهي تحس انها ولعت من الاحراج ...
ياويلي من اليوم وانا اصارخ من المطبخ واضحك وهو يسمع
يافضيحتك يالريم ...
وهي تضرب خدودها ...
دخل الجد وهو يبتسم :. علامك شردتي ولا ماتبين زبانتي ...
الريم بكذب :. مييين من العيال اللي كان عندك ...؟
الجد باحباط انها ماعرفته :. هذا محيسن جاي للغداء ..
الريم باحراج :. ليش ماقلت لي ان عندك احد عشان اقصر
صوتي ...
الجد :. ماصار شيء ويالله انزلي...
الريم وهي تلف لخزانة ملابسها وبكذب :. لاجدو انا اكلت
قبل شوي .. بس انزل اساعد ملوكه بتجهيز السفرة تحت
وبعدين بانام واعدة البزارين بحفلة الليلة ..
الجد :. قلت لابو ثامر يدور لنا شغالة ....
الريم وهي تضحك :. وش هي ناقة ضايعة يدورها تراها
عند المكتب ...
الجد وهويقوم:.هههه اللي هو عاد قلت يجيب وحدة ...
الريم :. ماعنه مايحتاج بس خلها تجي لجدتي اذا كنا ماحنا
موجودين عندها...
.................................................. .................
نزل الجد ولقى العيال كلهم موجودين ...
الكل لاحظ اكل محسن وهو ياكل بشراههة ..
تركي بنغزة:. وش عنده الضابط نفسه مفتوحة للاكل ...
محسن وهو يخزه بعيونه :. وش رايك تسكت لاآكلك ...
فيصل:. بالجبهة يابن عمي ...
راكان : مالومه الاكل يفتح النفس وخاصة عصير الليمون
والنعناع ..
باسل :. العصير ماحد يضبطه كذا الا ريوووومه ....
الجد عطاه نظرة معناها " كل وانت منطم "
.................................................. .................
بعد الغداء تجمع الشباب بالصالة عشان الشاي وبعدها كل
واحد راح بيته ..
محسن وهو يقوم اخر واحد :. يالله جدي اشوفك العصر ..
الجد :. قيّل هنيا.. ابيك بمشوار بعد العصر ...
محسن :. آمر وين مشوارك ...؟
الجد وهو يرفع فنجال القهوة:. نروووح نعزي ابو فيحان
بوفاة اخوه وولد اخته اللي صار عليهم حااادث ...
محسن :. الله يرحمهم ويغفر لهم ..اجل بيتنا ماهو بعيد بنام
وبعد العصر نتقابل بالمسجد ..
الجد :. لاياوليدي انت ان نمت ماقمت نام هنيا عشان
اصحيك ...
محسن وهو يغير طريقة للمجلس الداخلي :. اجل انا هنيا نايم
واذا اذن صحني لاعليك امر ...
.................................................. ................

العصر ..
ريلام وريلاف نايمات ..
أحمد,فواز,فارس,ياسر,صقر,سامي
،محمد,اريام,اميرة,ريناد,هاجر،ألين
من دروا للبارتي حضروا بدري ..
محسن لسا ناايم بالمجلس ..
الريم نزلت وشافتهم كلهم جالسين ومستعدين للطلعة
وبنفسها"كل هالجيش باخذه معاي والله ان يطلعوا الشيب
براسي "
لفت لهم وهي تقول اقتراح وهي عارفه انه مرفوووووض
:. وش رايكم البنات ينزلون معاي السوبر والعيال يساعدوني
بالتجهيز ...؟
العيال ::.لا ..انتي وعدتينا اول .. خلي البنات يجلسون ..
الريم بفزع :. خلاااص ..خلاااص كلكم تروحون ...
لبست العباية وهي تكلم السواق اللي قال انه مشغووول مع
الجدة وحريم اعمامها ووداهم للعزاء ..
رجعت وهي تقولهم ان السواق بيتاخر وبيروحون بعد
المغرب...
كشرووا والعيال طلعوا يكملوا لعب بالحوش ..
الريم وهي تتمدد على الكنبة وتكلم الين :. تعالي ياروووح
خالتك ...
نقزت الين لصدر الريم وقعدت الريم تلاعبها ..
جت ملك ومعاها القهوةوالحلى وجلست جنبها :. ريوووومه
ليش مارحتي ...؟
الريم وهي تتعدل :. السواق مشغول مع جدتي ...
ملك وهي تتربع على الكنبة وتسحب المخدة لحضنها
والريموت:. ريحي راسك منهم والله مايستاهلون ...
الريم وهي تمسح فم الين بعد ماكلت من صحنها:.لا انتي
نااااوية علي ...
والله ان ماوديتهم ان يثورون فيني وخاصة عيال ريوف
زمان واعدتهم ...
الريم وطرت عليها فكرة :. وش رايك تخاويني ..؟
ملك :. لا والله مالي شغل فيك وبعدين ماخذة 12بزر وين
اللي يجمعهم ..
الريم وهي تتوسل لها :. تكفين ملوووكة الله يسعدك وتغير تعابير وجهها والله ماقدر عليهم كلهم ...
ملك رحمتها :. خلاااص بروووح وامري لله بعدها نمر
السوق ...
الريم برعب :. وينزلون معانا ...؟
ملك :. هههههه يالمهبولة اكيد لا اتخيل شكلنا نطارد وراهم ...
الريم براحة :. اشوا على بالي بعد ..
ملك :. متى تروحين ...؟
الريم:. مادري متى مافضى السواق ..
قامت ملك :. خليها بعد العشى احسن ...
الريم :. بما ان ماحد يدرس منهم بنأخرها شوي ...
ملك من وسط الصالة وتذكرت :. ايه صح ريوووومه ترى
محسن ناايم بالمجلس..
ودي له غطا اكيد مشغل المكيف وبدون غطا اعرفه الله
يصلحه ونووووومه ثقيل والله مايقوم غير وهو مرشح ...
ولايزعجنه البنات والله ان يقوم ويدبغهن دبغ ...

الريم وهي تتذكرموقف الظهر وبصوت اعلى عشان تسمعها
:. جيبي له انتي انا ماني بقايمة ...
ملك :. حمااااارة... خلاص خلي هاجر تودي له غطا ...
نادت الريم هاجر وجا البنات كلها معاها وقالت لها تروح
تجيب غطاء ومخدة مـــــــ...
طبعا ماكملت كلامها لانهن كلهن طارن قبل يسمعن تتمة
الكلام ..كانت بتقول
مـــــــــن المخزن ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ثواني إلا تشوف ريناد شايلة مخدة وهاجر ساحبة البطانية ...
المصيبة ماهي هنا المصيبة ان المخدة واللحاف من غرفتها يعني جابوا عفشها...


ضربت جبهتها وهي تلعن غباءها لو انها قايمة مريحة
نفسهاأحسن لها...
قامت بقلة حيلة وهي تسحبهم منهم ...
وبتهديد :. ياويلكم اسمع ازعاج ولا ترى بنكنسل الحفلة ...
قعدوا البنات على الكنبة وكل وحدة توعدها انها ماتطلع
صوت ....
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
فتحت الباب وهبت عليها ريحة عطره اللي مالية المكان مع
برودة سرت بعظامها ...

قربت وهي تشوف كيف مسكر الستاير والتكيييف على اعلى
درجة ..
وبهمس" والله انك مجنون "
وهي تشوفه كيف مستغرق بنومه وعاقد يدينه على صدره
ودافن وجهه بالكنبة .
قربت وهي تفك رباط بوته العسكري ونزلت الجزمة " الله
يكرمكم "
مدت البطانية عليه وهي تشوف ملامحه ماتدري ايش اللي
تحس فيه لما تشوفه وصاير هالاحساس كثير يجيها لما
تشوف زوله او تسمع صوته ..
وخاصة بالفترة الاخيرة وبعد وقفته معاها بفترة مرضها
..وصارت تحترمه كثير ...
خلصت وقفة التامل لما وصلت لوجهه وشافت كيف الخصل
طايحة بمنظر مغري جدا ...
رفعت يدها بتتهور وتوخرها بس تراجعت باخر لحظة ...
انتبهت لنفسها " انا وش قاعدة اسوي .. والله اني مجنونة
..ماامداني انسى جرح سااامي...
وهو يحب بنت لا الا يعشقها ..."
"الله يجمعك باللي تحبها وتسهل لك امورك "
اختمت هالجملة وهي تحط المخدة جنبه وتسحب الطاولة
الزجاجية بعيد عنه
وهي تطلع وتسكر الباب ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اما هو حس بالدفا للحظة وان الريم معاه بالغرفة كان يحسب
انه حلم ومابغى يقوم منه مهما صار....
مادرا ان الريم حقيقة كانت بجنبه ....


اذن المغرب وبعده العشاء والجد مارجع من مشواره ومحسن ماقام والسواق ماوصل ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
بالمطبخ ...
ملك وهي تناظر الريم تقطع بملل :. وش بلاكي ياكافي
...نفسك بخشمك ...؟
الريم :. طفسشت والبنات ماجو والتوام راحوا لعهد
والسواق ماجا لسا...
ملك :. ليووونة وينها ...
الريم بعشق للاطفال:.حبيبة خالتها نااامت من التعب ..
ملك :.بعذرها والله مالومها استهلكتي طاقتها من الركض
واللعب ..
ملك وكانها تذكرت:. محسن احد صحاه للصلاة ...
الريم :. مادري والله المغرب دخل راكان وصحاه بس ماقام ...
ملك وهي تغسل يدينها :. بروووح اصحيه وانتبهي للقهوة ..
الريم :.اوكي ....

دخلت ملك وهي تشوفه متغطي بشكل كامل بالبطانية ...
ولعت الانوار وهي تنادي بصوت عالي :. محسن.. محسن
محسن... محسن..يالله قوووم ...
فتح عيونه ورجع غمضهم من جديد وبعصبية وصوت
مبحوح :. انقلعي وسكري الباب وراك لاأثور فيكي ...
ملك وهي تضربه بمخدة الريم الطايحة على الارض :.
ماني بمنقلعة من العصر وانت نااايم والحين خلصوا صلاة
العشاء قم لايجي ابوي ويزعل عليك ..
عدل جسمه على بسرعة الكنبة وهو يقول :. كم الساعة
الحين ...؟
ملك :. الساعة 9 الحين....
محسن :. طيب جهزي لي شاي وقهوة ...
ملك :.طيب انت بس قوووم وصل اللي فاتك والقهوة الحين
تجيك ..
قام عشان يتوضى ويصلى الفروض اللي فاتته...
مـــــــــــــ10ـــــخرج:.~
لا تضايق وتزعل ما جرحني خطاك
ولا تأسف لجرحي وأنت جرحي تبيه
غلطتي كل لحضة من حياتي معاك
اتذكر خطاياك واتحسف عليك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

آنسه فلانه ©؛°¨غرامي جديد¨°؛©

.
.
.
مــــــــــد11ــــــــــــــــدخل :.~
وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه !!

ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه !!

وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ


بعد ربع ساعة جت ملك بالقهوة والشاي:. وهذي القهوة
جهزت ..
محسن وهو يقوم من السجادة :. يعطيك ربي الف عافية يام سامي ...؟
ملك وهي تمد فنجال القهوة :. الله يعافيك ياروح عمتك ...
اخذ الفنجال وهو يقول :. من جاب هالبطانية ماذكر انها كانت فيه يوم نمت ...؟
ملك :. انا قلت لهاجر تجيب لك غطا والخبلة راحت جابتلك
عفش الريم ...
ابتسم وهو يقول " يعني وجودها ماكان حلم كان حقيقة "
محسن وهو يشوف الجيش الصغير كله داخل بدو يترجونه ..
صقر :. تكفى محسن ودنا
اميرة وهي تبوسه :.حسوني ودنا السوبر ..
محمد وهو يجلس بحضنه :. خالو ليييم قالت لنا ...
ملك وهي تضحك :.ههههه ياشين اللي يوعدكم بشيء ...
محسن مستغرب :. وش السالفة ..
ملك :. الريم متوهقة معاهم ... واعدتهم ببارتي والليلة بعد
بس السواق مافضى وهم من المغرب صدعوا روسنا ..
محسن :. خلاص اوديييييكـــ
ماكمل من سيل القبلات اللي غرق فيها ...
محسن وهو يضحك ويبعدهم وشاف ليونة داخلة وكشتها
واصلة السقف وعيونها مليانة نوم ..
محسن:. خلاص اقعدوا عاقلين عشان اطلعكم ...
وهو يقوم ويشيل الين عن الارض ويبوسها :. هلا بحبية عمها ...
ملك وهي تقوووم :. يعني بتودينا ...؟
محسن وهو يضحك مزاجه اليوم مرة رااااايق :. عيوني لكم ...
ملك وهي تسحب الين منه :. يارااااايق ... اصلا لو ماوديتهم
بيعلنون المقاطعة عليك وعليها ..
محسن :. خلي ليونة ...
ملك بوديها للريم شكلها مادرت انها صحت ..
محسن :. اجل بروووح اتروش والقاكم جاهزين ...
ملك :. طيييب ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
رجع محسن بعد ربع ساعة تروش ولبس ثوب أبيض وجاكيت
اسود وغترة بيج وكان لافها حمدانية وشعره نازل من تحت
<<<<كان شكله عذااااااااااااااااب
الريم كانت لابسة العباية هي وملك وجالسين على الكراسي اللي
برا وألين بحضن الريم ...شافت وهو جاي لهم وهو يدندن وصوته
واصل لهن ..
شافت الريم الوسامه الحاده فيه كل مافيه فتان..

العيون لحالها حكاية و حدة الخشم الي تتكلم عن عروبه
اصيله ورجوله متاورثه والعقلية عقلية بدوي للنخاع ...هذا
اللي كانت تبيه .....
استغربت من نفسها وش هالمشاعر اللي ماهي قادرة تتحكم
فيها ...
نزلت عينها وهي تسمع ضحكته وهو يشوف البزارين واقفين
:.قلت اجهزوا مماهو انزرعوا عند الباب ...
الريم وهي ترفع عيونها اللي واضحة من تحت النقاب :.
ماينلامون من العصر وهو منزرعين عندي ...
قرب متعمد منها وهو يسحب ليونة ويبوسها :. وهالفصعونة
بتمشي ...
الريم :. لا مالك حق يابو محمد ..عاد البارتي كله على شرفها هي وحمودي ...
محمد وهو ياشر للريم تشيله زي الين ...
محسن :. وهو يعض خده يالبزر يالغيور تراك رجال الحين ...
ملك وهي ميتة من ازعاجهم :. خلاص مشينا وربي
صدعوني ...
محسن وهو يسحب مفاتيح الجمس وهو ياشر للريم :.كل
هذولا يمشون ...
الريم وهي تهز اسها وبمزح :. حكم القوي على الضعيف ...
ملك :. والله ماحد ماخذ راحته اليوم غير ريوف وزوجها
الجو خلا لهم ..
محسن :. هههههههه وانا اشوفه متسدح ومتبطح اليوم بالبيت اثري الجو فضى له ...
ــــــــــــــــــــــــــــــــــــــــــــــــــ ــــــــــــــــــــــــــــــــــــ
راحو لسوبر ماركت وطبعا العيال ماخلو شيء بنفسهم الا
خذوه ...ولما خلصوا بعد ساااعة قالهم يروحون السيارة مع
ملك ...
محسن وهو يكلم الريم :. خلاص انتهيتي ...؟
الريم وهي تسحب يد الين :. اي انتهيت بس الباقيين وينهم
وهي تتلفت ...
محسن وهو يشوف لبسها عباية سادة ونقاب ومنزلة على
عيونها طرف الشيلة وشكلها مرة جذاب خاصة انه سوبر
قريب لمحطة بنزين وكله رجال ..
:. قلت لهم يروحون السيارة ....
الريم وهي تقرب لمحسن بعد ماشافت رجال يخزها من كانت
عند قسم الحلويات ورمى كم كلمة عليها...
محسن مانتبه.....
الرجال وهو يقرب مره لها وبما ان الممر اللي عند المحاسب
ضيق ومليان دف الرجال عربيته مما اظطر الريم انها تلزق
صدرها بظهر محسن ...
انصدم وهو يحس بالجسم الغض اللي لامسه لف وشاف
معشوقته لازقة فيه وباين انها متضايقة من الرجال اللي
وراها والرجال يخزها ويبتسم ...
عرفه محسن هذا كان سجين سابق عندهم وهو شكله عرفه .
مسك الريم من كتوفها ووقفها قدامه وهو يحس برجفتها لزق
ظهرها بصدره وهي بدورها وقفت الين قدامها عشان ماتنخنق بالزحمة ..
وهمس لها :. الكلب سوا لك شيء ...؟
الريم :.ماقدرت تتكلم وهزت راسها بلا ..
خفت الزحمة اللي قدامهم وبدات الناس تقل والرجال لسا
يناظرهم ..
همس الرجال لمحسن :. عيلتك مرة لطيفة وفرصة سعيدة اني
شفتك بمكان غير السجن ...
لف وهو يطالع الريم :. والله ماتطيح الا واقف وطيحتك
هالغزالة اذا العيون ذباحة اجل الباقي كيــــ
ماكمل كلمته لان محسن ضربه بوكس على وجهه وطاااح فيه
ضرب ...
الريم لفت برعب وهي تشوووف محسن عالق مع الرجال ..
الريم وهي تمسك كتف محسن وبحنقة :. محسن خله فكنا منه تكفى
الريم من موقف الملكة وهي شخصيتها تغيرت 180 درجة ...
محسن وهو يقوم :. تفوووو عليك يالكلب انت مكانك هناااك
وبرجعك له قااام بعد مارفسه رفسة شلت حركته ...
سحب جواله ....ثواني وجاه الرد :. ايوه اسمعني تجي لمحطة
ال..... ويطالعه تشيل واحد شكله اشتاق لمكانه واصدار تذكرة
توقيف الليلة ...
أكيد بتهمة التحرش والاعتداء على الغير ...
لف للريم وشافها واقفة بعيد وغترته بين يديها واليد الثانية ماسكة
الين اللي مو فاهمة شيء ...
راح لها وهو ياشر للعامل يحاسب على الاغراض قرب وهو
يسحب الغترة منها ويقعد يضبطها على الزجاج العاكس ولا كأن شيء صار..
قربت الريم له بعد ماطلعت مناديل من شنطتها ومدتها له مع علبة
مويا :. خذ وخفف عصبيتك مرررة ثانية ...
محسن وهو يطالعها من بعد اللي صار لها من سامي صارت
شخصيتها لينة لوكانت الريم القديمة وصار هالموقف اقل شيء
بتسويه بتاخذ الين وتروووح السيارة ولا ابلشت فيه..

اخذ المويا وهو يشرب ويطالعها كيف منزلة عيونها والدمعة
عالقة برمشها ..
محسن بلين :. طييييب انتي ليش زعلانة الحين..
الريم :. لاني السبب باللي صاااار ...
محسن :. لاماهو انتي السبب ...ويالله خذي ليونة واطلعوا على
السيارة ...
الريم :. وهي تمد البطااااقة ...
محسن بقلة صبر :. وش اسوي فيها ....
الريم :. تحاسب يعني وش تسوي ...
محسن بغضب :. وانا طرطور معكم ... رجعي البطاقة وخذي
ليونة واطلعوا على السيارة ...
الريم : طيب لاتعصب علي ...
محسن بنفسه " ههههههه متغيرة حييييل ياريمي شكلك انوجعتي
اكثر مماتوقعنا "
راحت الريم للسيارة ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
بعد عشر دقايق بالسيارة والازعاج ماليها والريم ارتفع ضغطها
خاصة بعد ماعصب عليها محسن ...
...
فجأه انفتح الباب... اللي عندها.. تجمدت
..
رفعت راسها.. كان واقف بطوله...

وبجسمه .... وريحة عطره..والسيجارة والمسبحة بيده وهو ياشر
للعامل يترك الاغراض ..

الريم انتفض جسمها من الموقف اللي صار من دقايق ..
وحست الاكسجين انقطع ...طالعت بوجهه
كان راسم.. احلى ابتسامه ع وجهه..
دق قلب الريم خوووف... وإحساس ثاني.
.. بس ماعرفت تفسره ...غير انه خووف
..بس.. لالا.. ياريم .. كان في شيء ..ماعرفتيه..؟؟؟؟
وهي تطالع فيه.. وبعيونه... ونست نفسها .
.عيونه العسليه...ورموشه الطويله.. والكثيفه
.. خشمه الحاد ..حواجبه المرسومه..
شفايفه المجرووحة ... بلعت ريقها... !!

الريم راحت فيها..,وضاعت علومها ماتدري وش صارت تحس
فيه تجاه هالمحسن وغاب عقلها ..
عن الواقع.. قلبها هو اللي يحس..وهو اللي بيجاوب.. سكتت...
وهي ضايعه ..من كلامه.. ونظراته
...وقربه منها.. وريحة عطره ..غمضت..
واخذت نفس.. !!وهو يمد الاغراض لورا ويكلم ياسر واحمد يرتبونها ...مادرا عن اللي احترقت بقربه....
دخل اخر كيس وتكلم والسيجارة بفمه :.احمد اطلع قدام عند ملك ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
العيال كانو مجتمعين ببيت ابو ثامر..
:.بووووووووووووووووووووووو...
خالد:.الله يأخذك ياغبي..!!!
باسل جلس:هههههههههههههه..
تستاهل ياللوح انا ابي افهم.. تفكيرك..
ويييييين يروووح هاه..؟؟؟

خالد تنهد:اااه قريب ... هنيا ...

ركان يدق اصابعه:اهااا... دام فيها .
.اااه ...اجل مافيه غير سديمك ...
خالد :. تصدق مشتااااق لها ...

مشعل رفع حاجب :.تراها اختي يالحبيب ...
خالد :. وتراها زوجتي يالشين ...
ركان بهيام:.وانا بعد اشتقت لوعدي ...
مشعل:.تكفى.. لاتجيب طاري هالمتوحشششه.!

باسل :ههههههههههههه.. ايش مسويه لك ..هههههههه.. اعترف ..!؟

مشعل :. تخيل العصر هي وحرم السيد باسل جايبين البسة
اللي توها والده وحاطينها على سريري وقمت مفزوووع
ولما عرفت بالمقلب ضربتها ورفستني رفسة برجلي قسم
بغيت اطق منها ...
خالد:ههههههههههههههه..
ركان :. تستاهل اللي جاااك ...
باسل مات من الضحك:> هههههههههههه حسافه لو اني
شايف وجهك وقتها ههههههههههههه
خالد:هههههه تكبر وتاكل غيرهاهههههههههههههه..
مشعل بتكشيره :ز خلاص طلعت مصارينكم من كثر
ماتضحكون ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
عند البنات جالسين على العشاء مع الامهات بعد مازارتهم
اخت ام ثامر وبناتها الثنتين ...
وعد :. ليش الخيانة ليش ماقالت الريم انها بتنزل السوووق ...؟
سارة وهي تاكل:. من الظهر وهي تعزم بس ماحدعطاها
وجه ,,,
شريفة بنت خالتهم :. لهدرجة طفشانة ...
وعد :. اكييييد...
مياروهي تاكل ورق العنب:اكيد لو عرفتي من معاها
بتكرهين الروحة ..
وعد :احلفي بس ترا والله مستعدة لو تمشي مع قرووود بس
اهم شيء ارووح اطلع ...
عهد بعربجة وهي تمسك قميصها بتشقه:. ومن سمعك ياختي
انا بموت الا بفطس ..
ريلام لاحظت نظرات البنت الثانية اللي اسمها جود لها ...
ام ثامر وهي تهز راسها:. مامنك رجا ...
عهد :.يعني تعترفي اني غلطة بحياتك انتي وابوي ...؟
سديم :لا اعوذ بالله..من قال انك غلطة انتي اكبر فشل بعايلة
القايد كلها
عهد فتحت عيونها:احلفي.. بالله تصدقين ..معلومه جديده.!!
ريلاف :. مادري وش احس فيه وانا مصادقتها ...
غالية تهز كتوفها:مو من حلاها اكييييد ...
عهد بعصبية:. ياقليلات الخاتمة .....لو مو وقت عشى ...كان وريتكن شغلكن.. وعلمتكن من هي البرنسيسة عهد ...
سديم :اقووول بس خلينا نعرف ناكل لاتنسد نفسنا ..

عهد تطالعها:. ول ول ول عليك من حطوا السفرة وانتي
قااااعدة تبلعين.
سديم تكح وعيونها حمراء : اعوذ بالله من عيونك
يالنظوووول..

عهد تطير حواجبها فوق وتحت:. تستاهلين ....!



حورتضرب كتف عهد :.وووووووجع .......عهيد خلينا
ناكل بهدؤء...
عهد وهي تطالع سارة السرحانة وريلام :. تاكلن ولا تفكرن
بحبايب القلب ...
سارة استحت هالكلام وخاصة قدام خالتها وبناتها:. عهد بلا
قلة حيا ...
عهد تمثل وتمسك قلبها:ااآآآآآآآآآآآه ياقلبي بسسس

متى أصدم بابو عيون ويجي يخطبني من اهلي ويصير
يأكلني..ويدافع عني من هالوحوش الشريرة ..
ريلاف تكش عليها:مالت عليكي وعلى وجهكي ياشينة من يبي يطالع بخشتكي بس ..
عهد بقهر :. ايه ضمنتي نفسك وبقينا حنا يالعوانس...
جود بشماتة :. ومن بقى معك ...
عهد وهي ماتطيقها :. ريووومة وميوووره وغدوي ورهووومه وعهودددي...
جود:. الله يرزقكم ...
عهد بكره:. وياك ..
جووود بنظرات نااارية لريلام :. قريب بتسمعون اخبار زينة
ومن الشخص اللي اتمناه لي انا بس ...اونلي مي..
ام فهد :. وين ريوووف ...؟
عهد بلقافة :. طالعة مووووعد غراااامي مع السي السيد
ثااااامروه ...
ميار :. ايه مو الريم تكفلت بعيالها ...واخذت راحتها ...
ام ثامر :. الله يهنيهم ...

قامو البنات من العشاء وراحن للحديقة الخلفية ...

كانت ريلام عند المغاسل ...
مرت من جنبها جوود وهي تهمس :. بااااسل لي سمعتي ...
وماراح اسمح لك تاخذينه ..عشقته قبلك وحبيته من حنا
صغار ...
ريلام بغضب :. اقول روووحي دوري لك واحد بنفس
طينتك وغرورك باسلي ماسمح لكي تقربينه فاهمة...؟
جود وهي تتكتف :. لاماني فااهمة ...
ريلام وهي توخرها عن الباب:. افهمك بطريقتي ...
جود بكذب:. ترانا كنا نعشق بعض وابوه هو اللي غصبه
ياخذ بنت عمه اليتيمة عشان ماتدشر ويضمنونها ببيتهم ...
ريلام تحاول تقوي نفسها وبثقة ماتدري من وين جت
:. قلتيها بنت عمه يعني انا اولى فيه منك...
رغد بنفسها " كل هذا ولا هز منها شيء والله ماتتهني فيه "
تركتها ريلام وراحت المطبخ عشان تشرب مويا مسكت
الكاس بعد ماشربته دفعه وحدة وضغطته بيدها وانكسرت
وجرح يدها لكن هالجرح مايجي شيء بقلبها ...
طلعت لمكانها السري هي وعهد اذا تضايقن ...
دخلت للمكان واللي كان عبارة عن مخزن قديم كله اغراض
البر لما يطلعون مع العزبة يحبون هالمكان حيل ..
جلست تبكي ...
كان مار عشان يجيب العشاء للمطبخ فتح الباب وشاف اللي
ضامة نفسها وتبكي ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
عند الريم ومحسن رجعوا والبزارين كانو هلكانين بعد ماتفقوا يوديهم الملاهي وتتاجل سالفة الحفلة لبكرة ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
انتبهت لما انفتح الباب توقعت ان عهد فقدتها وجت تدورها
ببحة من البكي :. عهد لاتولعين الانوار...
... تصدقين بنت خالتك تقول انها تحب باسل وباسل يحبها
من هم صغار ..
وهي تشاهق بكي :. وانا اللي حبيته من حنا صغار ماكنت
احس بالامان الا بوجوده... تخيلي تقول ان عمي غصبه
علي وانه ماكان يبيني ...
انهبل وهو يشوفها قدامه كان يظن انها توامها بس قلبه مااخطا...
لابسة تنوره اسود سكيني وبلوزة بنص كم ابيض وبالنص كلام بالاسود...وبرجلها خلخال وحافية وجالسة على الارض
فتح الانوار وهو يقرب ويقول :. ليه ماتبين عهد تشوف دموووعك ..
رفعت راسهابعد ماسمعت الصوت تجمدت...لالا..انشلت..او يمكن ماتت...عيونها مفتوحه..وماتتنفس..ولا ترمش..
.قلبها تحسه..طاح ببطنها...
لحظة ايش اللي بيدها ...فتح عيونه وهو يقول دمممم
باااسل وهو يقرب :.والله لاجود ولاغيرها توصل لربع حبك في قلبي ...
ريلام :. انـ...ت..سمـــ..عـــــت...كــــــلامــ..ي..
باسل وو يمسح دموعها ويرفع يدها المجرووحة يبوسها:.
ايه سمعته كامل ولا ظنيت انك تصدقين وحدة غبية مثل هذي ...
ريلام وهي ترجف من القرب الشديد بينهم :طيب لاتقرب
مني ماني لابسة حجاب ..
باسل ضحك وبينت غمازته وضمها:.تراني زوجك ياخبلة...
يقتله براءتها ودلعها العفوي ويلخبط اوراقه ..

ويلعب بحسبته ...
طلع شوي ورجع ومعاه شنطة الاسعافات تربع قدامها على
الارض وهو يمسك يدها ويبدا يعقمها ...
ريلام دوروها ماتلاقونها مستحية ووجهها احمر اول مرة
تطلع عنده بدون حجاب وقلبها دقاته وصلت للمليووون ..
خايفة ومستحية كان لابس بنطلون اسود وتيشيرت اسود
بكتابة بيضاء ..
مانتبهت من سرحانها الا لما باس يدها وهو يقووول :.
انتهينا ...
شافها منزلة راسها ووجهها مولع ...
رفع راسها وهو يقول :. انتي ناوية علي الليلة وش ذبحنا
فيكن يابنات ناصر غير حياكن ...
ولع وجهها زيادة وهي تشووووفه يمرر اصابعه على مكان
ال12رتبة وهو يبوسها سحبت يدها بلا شعور وهي وتوقف
وتركض للداخل ....
قاام وهو يضحك ورجع للمجلس والمود متغير 180 درجة
ــــــــــــــــــــــــــــــــــــــــــــــــــ ــــــــــــــــــــــــــــــــــــــ

ــــــــــــــــــــــــــــــــــــــــــــــــــ ــــــــــــــــــــــــــــــــــــــ
بعد السهرة كل شخص رجع بيته ...
الريم كانت جالسة بالصالة توها متروشة بعد ماناموا الين
ومحمد وياسر ورنودة ولابسة بجامة وشعرها توه مبلل
دخلن البنات وسلمن ...
ريلام وريلاف :. سلام عليكم ..
الريم :. وعليكم السلام والرحمة ...كيف سهرتكن ..؟
ريلاف وهي طالعه وماتشوووف من النوووم تاشر لها
باوكي ...
ريلام فسخت العباية وجلست وباين انها متضايقة :. جدتي
ناااايمة ...؟
الريم وهي تشوف يدها ملفوفة :. ايه ...بس ايش اللي صار
بيدك ...
ريلام وهي تسحب الريموت :. كنا نلعب وزحلقت على كاسة
وانكسرت بيدي ..
الريم :. تعورك ...؟
ريلام وهي تتذكر باسل :. لا ابدا بس خالتي ام ثااامر
اصرت علي الفها ...
ورجعت تسال :. ريوف ماخذت عيالها ...؟
الريم وهي ترفع رجولها على الطاولة :. لا نامو عندي ...
ريلام وهي تبتسم :. طالعة هي وثااامر من المغرب
يتمشووون ...
الريم :. الله يسعدهم ويخليها لنا ياااارب ...
ريلام :. طيب انا قايمة بنااام ...تصبحين على خير ...
الريم :. وانتي بخير ...
طلعت ريلام والريم كملت الفلم اللي تشووووفه وغفت بعده
بالصالة ....
ومانتبهت الا على اذان الفجر والجد نازل ...
الجد يصحيها :. يابنيتي وراك نااايمة هنيا ...؟
تشكين من شي بتس شيء ...؟
الريم وهي تقوم وتبوس راسه :. صبحك الله بالخير جدي ...
لا مافيني شيء جعلني الاوله بس كنت اتابع التلفزيون
وغفيت مادريت بنفسي ...
الجد وهو ينزل اكمامه بعد وضوءه :. صحي خواتس
وعمتس خلهم يقومن يصلن ..
الريم وهي تبتعد :. تامر امر ....
وطلع بعدها الجد ...
اما الريم طلعت وصحت خواتها وملك وحتى ياسروسامي وريومه ورنودة وصلوا ورجعوا نامو...
ماجاها نوووم ماتدري ليه ضااايق خلقها تمنت لو فيه جامعة
اليووووم ...
نزلت للمطبخ بجلال الصلاة وبدات تصلح الشاي والقهوة
للجد والجدة وبدات تجهز الفطوررر
دخلت ملك وهي تبوس خدها:.صباح الورد لاحلى ريم ..
الريم بابتسامة :. صباح النور لاحلى عميمة ...
وبدن يجهزن الفطور مع بعض والريم نست سالفة ضيقها...

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
في بيت ابو ثامر ....

محسن جالس مع أمه وأبوه على الفطور ولابس البدلة
العسكرية ...
ام ثامر وهي تناول محسن الفنجال :. وانت متى ناااوي
تعرس وتخلينا نشوف عيالك ...العيال وهم اصغر منك كلهم
ملكوا ...
ابو ثامر :. وش طواريك على العرس ....؟
ام ثامر وهي تطالعه :. مامن طواري بس ثلاثة من بنات عمه
جاهن خطاطيب ...
محسن اللي شرق بالقهوة :. ومن هالبنات ...؟
ام ثامر وهي تمسح ظهره :. شوي ...شوي والله لو موضوع العرس هامك كان قلت انك تبي وحدة منهن بس السالفة ولا على بالك ...
محسن بقلة صبر :. يمه من هن البنات ...؟
ام ثامر طنشته وهي تكلم ابوه :.بنات اخوك ابو فهد كلهن ماشاء الله جاهم معاريس ...
ابو ثامر :. ايه ماشاء الله قال لي ابو فهد البارح ...
محسن براحة بسيطة :. بس هن اللي انخطبن ...؟
ام ثامربمكر :.لا فيه بنت عمك بعد ...
ابو ثامر اللي خرب خطة ام ثامر كانت تبي تعرف اذا يبي
احد من بنات اعمامه :. ومن هي من البنات ...
ام ثامر بخيبة :. ميار بنت ابو تركي ...
محسن وهو يقوم :. الله يبارك لهن ...
طلع وصادفه ثامر اللي لابس بجامة وتوه صاحي نوووم
ودخل المطبخ :.صح النوووم كيف كانت ليلتك البااارح ..
ثامر وهو يسحب جيك المويا من الثلاجة وبصوت مبحوح:.
احلى ليلة بعد الدخلة طبعا وغمز له ...
رمى محسن عليه علبة نصها مويا كانت قريبة منه :. وجع
ياحمااار ماتستحي ...
ثااامر وهو يضحك :. تستحي وانت رجال والشيب بدا يخط
براسك ...
محسن باحراج وهو يعدل كابه العسكري :. ولو هذا مايعطيك
الحق تتكلم بهذه المواضيع ...
بس دواك عندي هالحين اجيب عيالك من بيت جدي وشوف
عاااد من يدبرهم ...
ثامر بسخرية :. الله واكبر لاتكون كافلهم البارحة وانا مدري
تراهم كانو عند خالتهم الريم فديتها ...
محسن بقهر :. لا وانت الصادق خذيتهم ومشيتهم وعشيتهم
بعد ... يالجاحد ...
ثامر وهو يضمه :. جعلني اردها لعيالك ان شاء الله ...
لامس كلام ثامر شيء بقلب محسن وهو يتخيل عياله وامهم
الريم ..
ابتسم محسن وضمه وهو يقول :.ادعي لاخوك ولاتنساه من
دعواتك وشد عليه ...
حس ثااامر ان اخوه فيه شيء معقولة لهيت بحياتي وعيالي
ونسيت اخوي اللي كان اقرب لي من روحي ...
رفع راسه من كتفه وهو يطالعه كيف مغمض عيونه :محسن
ياعضيد اخوك فيك شيء تشكي من باس ...؟ تكلم...
محسن وهو يتنهدواعطاه ظهره :. سلامتك بس اشتقت
لحضنك يالخايس ...

ثامر ماصدقه وهو يعرفه اذا فيه شيء بيجي يتكلم من نفسه

مسك كتفه وهو يقول :. اذا فيك شيء لاتنسى نصيبي من
وجعك ...
وادري اللي فيك شيء كبير ...
وبمزح:.ولاتنسى جب عيالي اشتقت لهم
محسن :.ههههه لاحلفت كمل يومك بدونهم ....
ثامر :. لاخلااااص والله رييوووف غير تذبحني ...

مـــــــــــــ11ـــــخرج:.~
مـن الرائع أن تشعر المرأة أن لها رجلٌ ما ّ♥
رجل تستطيع أن تلجأ إليه إذا ضاقت بها الدنيا ّ♥
رجل تثق بأنه ّ♥
لن يقابل شكواها بالضجر أو بالتشفي أو القسوة ّ♥
لكن الأروع من كل هذا أن يكون هو بنفسه ّ♥
اختار أن يكون هذا الرجل ، ّ♥
اختار بكل حب أن يكون ملاذها ّ♥
ــــــــــــــــــــــــــــــــــــــــــــــــــ ــــــــــــــــــــــــــــــــــــــ

ترانيم الامل 00 ©؛°¨غرامي جديد¨°؛©

روايتك روووووووووعه ما شاء الله .واصلي ابداعك يا مبدهه ...متى راح تكملينها

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1