اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 14-02-2016, 05:37 PM
صورة عاشقة وهمم الرمزية
عاشقة وهمم عاشقة وهمم غير متصل
©؛°¨غرامي جديد¨°؛©
 
الافتراضي رد: رواية : قلت لك بنساك بس الزمن ما نساني | بقلمي




الحمدلله رب العالمين
استغفر الله واتوب اليه



البارت العاشر

[/color][/color]



بنفس مقطوع : الححقني بببموت
يزن صنم مكانه وبخوف : تتتركي وش فيك ؟
تركي يهدي نفسه وبهمس : يزن بخاخي ببخاخخي
يزن بربشه طلع من غرفته على طول لغرفة تركي : هدي هدي مافيه شيء
تركي انفاسه متسارعه وبدى يكح : كححح بموت كحححح
يزن طلع بسرعه بعد م حاس الغرفه يدور البخاخ نزل الدرج بسرعه فاقه ينط عتبتين ورا بعض : جيك بس انت هدي....خوذ نفس خوذ نفس
تركي يغمض ويفتح يغمض ويفتح : .............
يزن رمي الجوال على اول كنب شافه قدامه وبسرعه بخ بفم تركي كم بخه : تنفس تنفس....خليه يدخل فمك خليه
تركي انفاسه هديت شوي ويناظر وجه يزن : ...........
يزن بخوف وفزع : فيك شيء... للحين تعبان تبي نروح المستشفى ... كلمني
تركي هدا وتكلم بهدوء : لا خلاص ارتحت
يزن لما تكلم ارتاح وبقهر منه : الحين انت م تفهم ليه م تخلي بخاخك معك لو صار فيك شي و مكان احد معك لو كنت انا نايم ولا رديت عليك..... وبعدين مين جواله الي دقيت منه
تركي : اول شيء م لي خلق انقل شيء معي وانا مب محتاجه مره ثانيه ، جوال مين خطي الثاني ذا لنه ذاك م فيه رصيد
يزن مغبون عليه : ي تركي ي حبيبي لزم يكون معك حتى لو م كنت بحاجته شاف الجمود الي بوجهه وكمل لا تخليني اجبرك على شيء انت م تبيه ولا تخلي امي تزعل عليك
تركي بقهر من الي هو فيه وخصوصي مسوي له ازمه : مابي مابي....مابي احد يشوفه معي انا م فيني شيء لما شافه بي قاطعه بسرعه تكلم خليني اكمل....جد انا م فيني شيء كلها خربيط وقروشه مال امها داعي
يزن فار دمه منه : مجنون انت ايش الي م تبيه هو مب اعاقه عليك هو كله بخاخ لمرض بتتشافى منه قريب....كيف م فيك شيء تركي لا تخربط على راسي ومب خربيط ولا قروشه على قولتك تركي لزم تهتم بنفسك شوي
تركي بقهر منه : م فيني شيء وبخاخ م ابي م احبه.....وصحتي كويسه
يزن : كيف م فيك شيء انت فيك ربو لا تنكر ومب هو اعاقه حتى انه فيه الحين معاقين احسن مني ومنك
تركي بصدق : ليتني اموت وافتك منه....بلاني بحياة غبيه
يزن بفزع : استغفر ربك ، وش هل كلام تركي تبي تثم على كلامك ذا..... بل عكس انت احسن من ناس كثير الله يهديك بس
تركي : استغفر الله واتوب اليه....مب قصدي بس جد تعبت منه....مابي اشوف نظرت الشفقه منهم
يزن قاطعه : انت غبي هم يحبونك م يشفقون عليك بل عكس يخفون عليك
تركي بوجع : دايم لما تجيني الازمه ينظروني بنظرة الشفقه هم يشفقون علي انا ماحب هذي انظره......واذا تعبت يبدون يتهمسون حرام مايستاهل لسى صغير شوفو كيف م يقدر يتحمل ارحمه.....كلامهم يوجعني كني عاجز...من قبل قايل لكم م ابي احد يدري......حتى انتم لما اسوي شيء تعصبون كني بتعب....ياخوي تعبت والله تعبت
يزن ارحمه جد كلامه عوره كثير بس هو م فيه شيء مرضه مب كبير ولا مزمن وبحنان : تركي م احد يشفق عليك زين واحنا نسوي كذا عشان خايفين عليك..احنا نحبك وانت عارف هذا الشيء.....انت مب عاجز مكبر السالفه على غير فايده....قوم حبيبي روح نام ومافيك الا العافيه
تركي ابتسم له : ان شاء الله واسف قومتك من نومك مفزوع
يزن يضرب كتفه بخفيف : قوم زين بس يتاسف بعد ياخي انت اخوي يعني عادي روح نام بس
تركي بضحكه يبوس راسه: تصبح على خير
يزن ببتسامه : وانت من اهله
لما شافه طلع الدرج سند راسه على الكنب بتعب ( اخخ ي يزن وش كثر تعبت من هالحياة وين م تطقها عوجا تعبت مدري وش الذنب الي ارتكبته عشان تصير حياتي كذا استغفرالله وش هالكلام الي اقوله يارب ارحمني برحمتك يارب )




_______________________________



مع شروق الشمس وصوت العصافير فتحت عيونها بكسل اخخ اليوم بتقدم على الشغل تتمنى م يردونها لنه م فيها لاي خذلان....تبي تستقر حياتها وتفتك من الديون الي عليها مالها بديون.....ديونها كثيره بس للحين محد يعرف فيها....يارب صبرني على م ابتليتني قاطع تفكيرها طرق الباب
ريم : مين ؟؟
شهد تطل براسها : انا ماما
ريم تضحك : انتِ ماتتركي حركاتك...تعالي حبيبتي
شهد تنط على السرير : لو تركتها م اصير بنتك هههههههههههههه تبوس خدها صباح الخير
ريم : صباح النور ي قلبي
شهد وكنها تلمح : هاه كيف النفسيه اليوم عساها كويسه
ريم بنص عين : لا م عليك طول عمرها النفسيه زينه وش عندك
شهد : ماماتي ي عمري انتِ م عندي شيء بس اسال......اممم ماما بتروحين اليوم للمشغل عشان الشغل
ريم بتنهيده : ايه والله يعين
شهد تنسدح وتحضن امها : ماما احبك
ريم تحضنها اكثر وتشم ريحاها : اخخ ي حبيبت امها وانا اموت فيك
شهد تبعد شوي عنها :ماما انتِ تشوفين بابا فيني
ريم تبلع ريقها : لا ي قلبي ابوك راح خلاص....ابوك ذكرى وراحت....لا تفكرين فيه
شهد وكنها بزر : بس انا شفت بابا
ريم جلست بسرعه وبخوف : كيف ومتى شفتيه
شهد بستغراب جلست معها : امس شفته جاني بالمنام....ماما وش فيك
ريم ارتاحت : لا م فيني شيء
شهد بهدوء : بابا فيه شيء ؟!
ريم استغربت سؤالها : كيف يعني !
شهد : يعني بابا مريض بمرض خطير ولا ايش
ريم بستغراب اكثر : لا ماذكر انه كان مريض او فيه شيء.....انتِ ليه تسالي
شهد تبتسم بحزن : رجع بابا يجيني نفس زمان لما كنت صغيره.....يجيني وهو تعبان كثير....يجي ويشتكي يناديني بس انا م اقدر اسوي شيء....م يعرفني ايه م يعرفني....حتى وجهه م اشوفه م اشوف شيء منه....ابي اشوف وجهه....احس بابا بيموت....ماما ليه م تعطيني صورته
ريم بخوف بلعت ريقها : لا ابوك م راح يموت ابوك بخير لا تخافي....ابوك يعرفك بس انتِ م تعرفيه....مشكله م عندي صور له...ي قلبي انتِ لا تفكري بشين زين عشان م يصير...روحي افطري دامي اغير ملابسي قومي ي جعلني م انحرم منك
شهد تعدل نفسها وتخذ نفس : طيب انتظرك لا تطولي
ريم : ان شاء الله
لما شافتها طلعت نزلو دموعها وش صار فيك ليه بنتك رجعت تشوفك ليه وش سوت فيك الدنيا اخخ يارب رحمتك وينك بنتك تناجيك وينك لا تتركها ولا تتركني لا تضيعني من بعدك لا تروح
قامت تبد بدل ملابسها وهي كرهه فكرة موته





_______________________________




بيت ابو سعود


كانت قاعده بالحديقه وكل تفكيرها شارد من شافها وهي منقهره من نفسها كيف تسمح لنفسها تعطيه وجه كرهته من قلب وكرهت نفسها كيف اسمحتله يتعدى حدوده معها غمضت عيونها من زمان وهي م تحبه دايم يعايرها ويغيضها بفعاله القاسيه والحين يتلذذ بفعاله التافهه معها يتفنن بسلوبه الغبي قاطع تفكيرها
سعود : حلوي وش تسوين هنا
حلا ابتسمت : انكتمت من داخل وطلعت اشم هواء
سعود يجلس جنبها ويحضنها : قلبي وش فيك
حلا احضنته بقوه كانت محتاجه هالحضن دفنت وجها في صدره وهي تهز راسها : م فيني شيء بس كذا نفسيتي متغيره
سعود شد عليها عارف انها فيها شيء ولا راح تقول له بعد فتره : تصدقين احس اني مستانس
حلا بعدت عنه شوي : ههههههههه ليته دوم ،بس ليه
سعود وهو يبوز : ليه مدري وخصوصاً بعد الحاله الي مريت فيها.....يعني توي طالع من المستشفى......تدرين وش افكر فيه هههههههههههههه انه الي معطيني دمه خفيف دم وجميل وحنون وواممم
حلا قاطعته : لا ي شيخ قول والله جبت انت شخصيته ،وبعدين للحين م عرفتو من الي متبرع
مشعل وصل على اخر الكلام وبتمثيل يجلس قريب من سعود وبمياعه : لا لا لا خيانا حبيبي بحضن وحدا غيري ،مايسيرر
حلا تغيضه وتحضن سعود اكثر : موت حره
مشعل قرب ودف حلا وجلس بحضن سعود
سعود فتح اعيونه على اخر شيء : هي خير وخر ي زق
مشعل بمياعه ودلع وهو يلعب بل ياقه حقت سعود : حبيبي انتا تحبني سح انا وبس
سعود يوخره عنه شوي : لا م احبك
مشعل رجع وجلس بحضنه : لا لا م يسيرر انتا م تحبني وبدلع يبوس خده انا اموت فيك
سعود تقرف منه ودفه بقوه : هي وتبن خير استح
مشعل مد بوزه بعد م طاح على الارض : سعود ي تبن ليش ترميني عورتني افف وقام ينفض ملابسه
حلا قربت منه تنضف تيشيرته : بتطلع
مشعل بعد م عدل نفسه : ايه عندي مشوار
سعود ماهتم له ومشى تاركهم




_______________________________





كانت محتاره وش تلبس وخايفه مره من هالمقابله بس م في يدها شيء ثاني لزم تجمع فلوس اخخخ ياربي وفقني ويسر امري
شهد وهي عند الباب : ماما يله لك ساعه بالغرفه ماصارت كلها لبس
ريم والتوتر ذابحها : ياربي شهود تعالي
شهد تطل براسها : وش باقي لك
ريم تحول تساوي انفاسها : باقي الشوز طلعيه
شهد تصفر : ياقمر وش ذا لا لا اروح انا ملح... يابختي امي تقل اختي
ريم تضحك على اسلوب بنتها : ي قلبي انتِ القمر والله
شهد تحوس وتختار شوز حلو : مامي حلو هذا
ريم : اممم ايه يناسب بلعت ريقها متوتره مره
شهد تخفف عليها : ي ماما انتِ رايحه مقابله عادي م فيه داعي لكل هالخوف هدي بس ويالله خاله فاطمه تستناك
ريم تنفس بهدوء وداخلها بركان ثاير مرتبكه م تدري ليه تحس بتواجه مصيبه هناك : طيب بجيب عبايتي واجي
شهد تطلع من الغرفه وتنزل تحت كانو كلهم قاعدين افقده اهواش جود ولميس من بعد الحادثه وكل تفكيرهم فيه م نسوه هي بعد م نست بس تحاول ما تفكر احسن لها من وجع الراس
فاطمه وهي جالسه بعبايتها : افف امك متى بتجي
شهد بسرحان : مدري بتجي بتجي الحين
لميس تجلس بجنبها : وش فيك
شهد بتنهيده : متضيقه شوي
لميس تمسك يدها : من وش
شهد : مدري بس كذا احس بضيق
لميس تشد يدها : الله يبعد عنك كل شر
شهد تبتسم : امين وعنك
جود بدت تتاقلم شوي : تحشون في مين ؟
لميس عطتها نظره : لا تخافين م نحش فيك
جود ناظرتها ولا اعطتها وجه
ريم نزلت بعد ما هدت نفسها شوي : يله ي فاطمه قبل م كنسل هالروحه
فاطمه توقف : هاه ليه تكنسلي وش جاك امس وش زينك
ريم بهدوء : مدري ،يله يله قبل م نتاخر....وانتم اسمعو انتبهو تفتحون الباب لحد زين
لميس : افا ي خاله بزران حنا توصينا ،والي يشوفكم بتهاجرون...حروح الله يسهل امركم ويوفقك ي خالتي
ريم : امين امين
فاطمه اسحبتها : يله وش فيك امشي
وركبو مع السايق وعطوه العنوان حق المشغل الي بتشتغل فيه ريم تحس قلبها بيوقف يدق بقوه ليه م تدري مرتبكه على غير عاده بس الشيء الي مطمنها انها مع فاطمه م فيه شيء يخوف م فيه وقفو عند المشغل حق تصميم الازياء وهي للحين م تكلمت ولا كلمه من الرعب الي هي فيه
فاطمه وهي تفتح الباب : يله
ريم اخذت نفس ونزلت
ادخلو بعد م انفتح الباب لهم زاد ارتباكها لما فاطمه قالت بنقابل المديره هي تتكلم معها قبل عن طريق النت بس م قبلتها وهذا واحد من الاسباب
مشت مع حقت الاستقبال عشان توصلهم لغرفه المديره
ريم بهمس لـ فاطمه : انا خايفه
فاطمه تهديها : م فيه شيء يخوف هدي بس
ريم تنهدت : ان شاء الله
لما اطلعت وقالت المديره تستناكم تفضلو قلبها اطبول شجعت نفسها ودخلت بعد فاطمه
مديرة المشغل : تفضلو ، شيلو الغطاء م فيه احد خوذو راحتكم
بس شالت نقابها وقفت لـ دقيقه من الصدمه
المديره : هذا انتِ






كتتتتتتتتتتتت ............




آخر من قام بالتعديل عاشقة وهمم; بتاريخ 14-02-2016 الساعة 05:48 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 15-02-2016, 11:04 PM
صورة Amoon2 الرمزية
Amoon2 Amoon2 غير متصل
©؛°¨غرامي مشارك¨°؛©
 
الافتراضي رد: رواية : قلت لك بنساك بس الزمن ما نساني | بقلمي


روووووعه البارث
تسلمي ع البارث
تحمست عن اخر شي ابغاه عرف وش يصير
لاتطولي بنتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 06-10-2017, 03:02 PM
صورة عَـآبثـهہَ * الرمزية
عَـآبثـهہَ * عَـآبثـهہَ * غير متصل
©؛°¨غرامي جديد¨°؛©
 
الافتراضي رد: رواية : قلت لك بنساك بس الزمن ما نساني | بقلمي


جميللللللللللللللللللل منجد انتضرك ع البارت الجاي بس لاطوووووووووولي

الرد باقتباس
إضافة رد
الإشارات المرجعية

رواية : قلت لك بنساك بس الزمن ما نساني | بقلمي

الوسوم
الزمن , بنساك , بقلمي , رواية , نصائح
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
رواية اهذا معشوقي والان عرفته ؟/ بقلمي؛كاملة شهد الفهد $' روايات كامله - يتم نقل الرواية هنا بعد اكتمالها 165 17-09-2015 11:21 AM
رواية : طال الزمن ولا قصر تبقى انت انا وانا انت ساحرة جفونك روايات - طويلة 9 11-04-2015 11:19 AM
رواية i need y o u / بقلمي eyzo-30 روايات - طويلة 2 01-02-2015 01:44 AM
رواية وش تبين ؟ بخفايا روح مجروح الزمن ! : ابيك بجنبي الليله . حكايا ناي روايات - طويلة 2 29-01-2015 04:45 PM

الساعة الآن +3: 07:17 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1