مزاجيه وبقوة ©؛°¨غرامي نشيط¨°؛©

البارحة جاني من الحب مرسال من عقب مابيني وبينه خصيمة

وانا ترى في الحب مانيب فعّال ولا بعد ولّع بقلبي هشيمه

ولا بعد غنّيت في ساعة وصال ولا بعد ذقت الفراق وجحيمه

ولا جرى دمعي على الخد همّال ولابعد جربت مرّ الهزيمة

حتى وردني تالي الليل جوال وانا على شاهي وبسكوت ديمة

الرقم بايخ لكن الصوت قتال كنه مثل صوت المذيعة حليمة

قالت مساء الخير يا طيّب الفال قلت ارحبي ترحيبة مستديمة

بالعود والصفرى ودلة وفنجال واجبك يا بنت الأصول الكريمة

ردت بضحكة ثم قالت وشالحال؟ قلت اشهد إن الحال عقبك سقيمة

قالت وهي تضحك بعد مثل الأطفال وانا بعد كني بدونك يتيمة

من يوم قالتها تزلزلت زلزال من فجعتي كني مسوي جريمة

قلت ارفعي صوتك ترى مابه ارسال كذاب لكنّ المصيبةعظيمة

قالت أقول اسمع ترى هرجنا طال ممكن تصاحبني تراني وسيمة

واسمي الحقيقي أول حروفه الدال لكن يسمّوني البنات الزعيمة

صحيح أحب الفخفخة واعشق المال لكن تراني طاهرة مستقيمة

ما عندي امغازل ولا لعب يهّال ما عندي إلا في الشرف والحشيمة

بس الصراحة قلبي لشوفتك مال واصبحت وحدك جالس في صميمه

فكّر بعقلك واترك القيل والقال واحذر تطيع اهل العقول العقيمة

وارسل علي الحين خمسمية ريال اشحن بها جوال أختي غنيمة

أو طقم غالي فيه خاتم وسلسال اروح به في عرس ولاّ عزيمة

قلت الحقيقة مانيب رجل أعمال ولاني بتاجر والموارد عديمة

أنا الصراحة شبه عطّال بطّال وعلاقتي بالفقر جدا حميمة

والراتب الله يرحم الحال ما زال محدود والمصروف ربي عليمه

والدين بالآلاف والبنك شغّال ياكل فلوسي بالربا والظليمة

والسوق طايح والغلا ضيّق البال والموت والله صايراكبر غنيمة

قالت تحمّل بس والحمل ينشال خلك شديد الباس صلب العزيمة

ياخي تصرّف جعلك اتصير نشّال اهم شي إن النوايا سليمة

لابد تفهمني على كل الأحوال ما دمت من أهل العقول الفهيمة

قلت إيه والله فاهم اللي على البال لكن ترى هذي علينا قديمة

يا بنت هذا صاير اليوم موال للي تبي تلعب على ابن اللئيمة

يا بنت ما تدرين كم فيه محتال يلعب على الحبلين وانتي غشيمة

يا بنت كم من جاهلة دمعها سال من عقب ما جات العواقب وخيمة

والبنت لا اقفى عرضها بيد الأنذال والله ما يبقى لها أي قيمة

قالت تبي ولاّ فخلّك على جال مهوب ناقصني نصايح حكيمة

عز الله إنك للأسف منت رجّال وانك قليل الذوق ما فيك شيمة

يا لعنبواللي ما يسطّرك بنعال حتى يعلمك الغزل يا بهيمة

**قصيده مضحكه عن بعض بنات هالايام
هههههههههههههههه 

وبهديها الى كل بنت تعرف شاب من وراء اهلها 


***منقول*****



:

العزااني ©؛°¨غرامي ماسي ¨°؛©

وارسل علي الحين خمسمية ريال اشحن بها جوال أختي غنيمة ههههههههههههه ياعيني ..

هههههههههههههه فيها قصف علينا وعلينا البنات . يعني قصيده شامله

ابيات جميله وهادفه وومضحكه .

اضحك الله سنك ..

شكرا علي الطرح القيم ..

دمتي ودامت حروفك

5غرااام5 ღمِــــســـّكِيــنـّ إلــّي مـــَا عَـنّــدو آنـــّا ღ

هههههه بتجنن

بصراحه بتحزن وبنفس الوقت بتضحك
بتحزن لانو عنجد هيك حالات البنات

الله يهدي الكل
ويسلمو... ضحكنا وفرفشنا (:

مزاجيه وبقوة ©؛°¨غرامي نشيط¨°؛©

المشاركة الأساسية كتبها العزااني اقتباس :
وارسل علي الحين خمسمية ريال اشحن بها جوال أختي غنيمة ههههههههههههه ياعيني ..

هههههههههههههه فيها قصف علينا وعلينا البنات . يعني قصيده شامله

ابيات جميله وهادفه وومضحكه .

اضحك الله سنك ..

شكرا علي الطرح القيم ..

دمتي ودامت حروفك
اسعدنييي مرورك:)

مزاجيه وبقوة ©؛°¨غرامي نشيط¨°؛©

المشاركة الأساسية كتبها 5غرااام5 اقتباس :
هههههه بتجنن

بصراحه بتحزن وبنفس الوقت بتضحك
بتحزن لانو عنجد هيك حالات البنات

الله يهدي الكل
ويسلمو... ضحكنا وفرفشنا (:
اسعدني مرررووررك ....:)

امير العزم عضو موقوف من الإداره


ههههههههههههههههههههه

أبيات جميلة

وتصوير بالصوت والالوان

حقاً استمتعت بها

مغربية حتى النخاع ©؛°¨غرامي ذهبي¨°؛©

ههههههههههه معبرة

ياخي تصرّف جعلك اتصير نشّال اهم شي إن النوايا سليمة

ههههههههههههه


الله يهدي جميع بناات المسلميين










مَغربــية..نفسِي عزيزة عليــآ ، مغْربــية ..عايقة ماشِــي نيــآ

خُزآمى ©؛°¨غرامي ماسي ¨°؛©

ههههههههههه

يآويل قلبي عليهم أنآآ هع

الله يهديهم يآرب

تحيآتي

مَلِينأا ©؛°¨غرامي ماسي ¨°؛©




هههههههههههههههههههههههههههههههه
قصيدةه معبرةه ومضحكةه من جددددددد
و
الله يهدي كل ضال وضالةه
يسلمو ي عسل لاعدمنا جديدك



_

صمتي يعني إحتقاري(فلة) ©؛°¨غرامي نشيط¨°؛©

هههههههههههههههههههههههههههه


جمييييييييييييييييييييييييييييييييييييييييييييلة و معبرة

مشكووووووووووورة

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1