منتديات غرام روايات غرام أرشيف الروايات المغلقة - لعدم إكتمالها يكابر يكتم في قلبه الف شعور ويغادر / بقلمي
MissRemi ©؛°¨غرامي جديد¨°؛©

بسم الله الرحمن الرحيم ..
السلام عليكم ورحمة الله وبركاته ♡
بلا مقدمات
 
حبيت اكتب هالرواية لعيون بنات عماتي وصديقاتي وحبيبات قلبي وخواتي اللي ماجابتهم امي
 
"
"
نوري ، رزان ، فطوم ، لمىى ، صديقاتي الجميلات  ، عبوري  ، حصه القحطاني حبيبتي♡ ، شموخه "
طبعا اللي حفزني وخلاني اسوي هالشي واكتب حبيبتي وقلبي نوري

 


وان شاء الله تكون بداية جميله واتمنى التفاعل

والردود واوقات البارتات بحددها ان شاء الله علىى خيير
 
بسم الله نبدا
 
لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعورومتى جفاني العمر ... وشلون أحبك
# بدر بن عبدالمحسن
****
امجاد : احبه والله
سحر : الحمدلله والشكر
امجاد : ودي اعترف له بس منحرجه مره
سحر بصدمه : قوية وجهه والله! تماديتي تراك
امجاد : طيب وش اسوي مو راضي يفهم!
سحر : اتركيه ؟ هههههههههههه
امجاد : اف اف منك
سحر: تعوذي من ابليس واتركي هالافكار قالت ايش قالت بعترف له
أمجاد بصراخ : جوود! جويييده
جود : وجع وجع مجنونة انتي! ، ولد مو بنت
امجاد :اسمعو ولا تكسرون بخاطري تعالو عندي البيت بحكم انكم بنات خالاتي الجميلات الخقات قشكم وانا بقنع عماتي
جود: ماكنها قررت على كيفها؟
سحر : ضامنه الموافقه ماشاء الله
امجاد: سديم غايبه؟!
جود :  اي تعبانه
.......
في الجامعه صديقات ملتصقة ارواحهم ببعض
 " ابتسام ، شوق ، ابرار ، ملاك ، بيادر  "
شوق : بسوم ، متى تبدا المحاظرة الثانيه؟
ابتسام : اتوقع بعد عشرين دقيقة كذا
ملاك : بنات امشو نروح لذاك الكوفي
.. : يلاا

**التعريفات وهيك **

عائلة ابو حمود
سالم : 50 سنه ، بدريه : 45 سنه
البنات : جود ، ابرار ، العيال : متعب ، خالد ، حمود
عائلة ابو عبدالله
الاب : نايف ، الام : بشرى
البنات : أمجاد ، شوق ، بتول العيال : عبدالله ، وافي
عائلة ابو تركي
الاب : جابر الام : باسمه
البنات : سديم ، براءه ، بدور ، العيال : تركي ، تميم
عائلة ابو غيث
الاب : سامي ، الام : جميله
البنات : جيهان، سحر ، بيلسان ، ذكرى العيال : غيث، وسيم ، فهد
عائلة ابو فايز
الاب : فواز الام: حسنه
البنات : جودي ، تهاني العيال : سعود ، فايز ، زياد

لعائلة ابو حمود
حمود الاكبر : 30 سنه اعزب ، ابرار : 26 تخرجت من الجامعه
جود : ... معروفه مسبقا

لعائلة ابو عبدالله ،
عبدالله : 32 متزوج من فرح ، بنته " غاده " ، وافي : 21 سنة
أمجاد : معروفه سابقا ، شوق : 23 سنة

لعائلة ابو تركي
تميم : 22 سنة ، تركي : 28 سنه أعززبّ ، سديم : ..... ، براءة : 5 سنوات ، بدور : 25 سنة

لعائلة ابو غيث ، غيث :29 سنة ، وسيم : 20 سنة ، فهد : 23 سنة ، جيهان : 27 سنة ، سحر..... بيلسان : 25 سنة

لعائلة ابو فايز ، فايز : 29 سنة متزوج جمانه ، جودي :..... زياد :21 سنة تهاني : 26 سنة

الخماسي المرح .. :

أمجاد : تتميز بلون عينيها الرمادي، وبشرتها البيضا ونعومة الملامح الجميله والهاديه ، وهي ذي الضحكه العاليه والجرئه الزائده عن حدها

جود : تتميز بالطيبة العميقه وحبها للاطفال ، شعرها المتوسط البني الغامق والبشره الفاتحه مائله لل "حنطي " ، عينيها بنية اللون ، ملامحها جميله وناعمه جدا فهي لا تملك اي ملامح حاده

سديم : تتميز ببراءتها المتاده وبما يقولون " على نياتها " تستمتع بوجود من تحب بقربها وتشاركهم معاناتهم وضحكاتهم ، صافية البشره عينيها بنية اللون ، شعرها اسود طويل

سحر : تتميز بطيبتها ومسالمه لابعد درجه ، لا تحب مشاركتهم جنونهم ف المغامرات ولاكن بعض الاحيان ينتابها الحماس مع الخوف ايضا ، تمتلك ملامح حاده قليلا لاكن جميله ، وبياض بشرتها وجمال عينيها العسليه

جودي : تتميز بابتسامتها الجذابه وعينيها الناعسه قليلا ، تحب الضحك والاستمتاع ، ملامحها هادئه وجميله

نبذهه : الخماسي كلهم 2 ثانوي ..

نرجع للجامعه :
جوال ابستام يرن ..
ابتسام بطفش : اف رجع يدقق ذا! وش السوات معه ؟
ملاك : قفلي بوجهه قليل ادب!
ابتسام : شكلي بشوفله حل
......

جامعة العيال :
تميم: اقول وافي مو كن زياد طول ؟
وافي : الا والله ذا ويينه!
فهد: باللي مايحفظه جعله مايرجع !
تميم : ياخي ابي اعرف ليش انت ماتطيقه كذا قاتل احدن تعرفه لا سمح الله؟
فهد بنظرة : تستخف دمك؟ وبعدين كيفي انا!
وافي : صلوا ع النبي ياشباب مابه شي يستاهل
عبدالرحمن : هلاااا
تميم: ارحبب
زياد : حرررر استغفر الله
وافي : ياخي وينك انت!
زياد : زحمه وقلق
فهد بنظرة كرهه : وش موقفك طيب

________


سبب كرهه فهد لزياد؟!!
وش تووقعون من الخماسي اذا تجمعو؟
مين اللي يزعج ابتسام؟


والسلام عليكم ورحمة الله وبركاته

MissRemi ©؛°¨غرامي جديد¨°؛©

المشاهده 25 ولاحد رد :( !!!

عنادي سر غلاتي ©؛°¨غرامي متألق ¨°؛©

هلا والله حبيبتي

موفقه بأذن الله ..

عندي بعض النقد واتمنى ماتزعلين

بالبدايه
البارت الاول يعني يكون بارت تعريفي للشخصيات
البارت قصيير ومافيه احداث تحمس القراء
وطريقة تعريفك للشخصيات اغلب القراء لما يروحو للبارت الثاني
تقريبا نسو لثلث الشخصيات
لو انك خليتي التعريف حسب ظهورهم يكون احسن
الوصف والسرد عنكك مررره معدووم
مفروض توصفي الاماكن اللي متواجدين فيها الشخصيات والوقت ترى الوقت مهم جدا حتى القارئ يقدر يدخل جو معا الرواية
وصفي مشاعر الشخصيات ووضعياتهم ..إلخ
اعمار الشخصيات لاحظت انك تحطين بس اعمار الاب والام
والباقي تقريبا ثلاث او اربع فقط اللي حطيتي اعمارهم ...
والباقي البنات فقط خمس بنات اللي وصفتي اشكالهم والباقي يعني البنات الخمسه هم الابطال ....!!!؟
طولي البارت وكثفي الاحداث المشوقه فيه وقفلي البارت بقفله تحمس القراء للبارت اللي بعدهه
كبري الخط لان البعض مايقدر يشوف من الخط الصغير ابتعدي عن الالوان الفاقعه او الفاتحه
وايضا ابتعدي عن السب واللعن لانهم ينفرون القراء
وبعد ابتعدي عن الاساء للكادر التعليمي لانه مايجمل الرواية

وو بالنهايه
حبيبتي لاتستعجلي معا الوقت راح تشوفين الردود اللي تعجبك لكن يبغالك وقت شووي ..

فكره +اسلوب مميز + حبكه جيده = رواية مكتمله

عنادها سر غلاها


MissRemi ©؛°¨غرامي جديد¨°؛©

نورتي حبيبتي ، كلامك سليم 100% ونصايحك جدا افادتني بس استعجلتي شويي ، والاماكن الاولى مثل " الجامعات" مو مهم اتعمق فيها ، واهم شي عندي الابطال والباقين ماراح يظهرون كثير ولا تستعجلون فيها لاني توني بأول بارت واول رواية ليي :$

وشكراا مره على مرورك الطيب والمفيد ،

وردة الزيزفون
✿ إدارة الإقسام ✿

صباح الخير .. ياهلا فيك بغرام .. موفقة بطرحك .. ملاحظاتي مثل ملاحظات عنادها سر غلاها وبالعكس من وجهة نظرك القارئ بيعرف مستوى الرواية من اول بارت من اسلوبك بالكتابة الافكار المطروحة والاهم الواقعية والمصداقية كل ماكان تركيز الكاتبة على الشخصيات الي لهم تواجد بالرواية بشكل سلس وسرد متمكن كل ماجذب القارئ

يعني المفروض مايكون التعريف بالطريقة الي طرحتيها خصوصا ان كل هالشخصيات مالها ظهور كثرة الشخصيات والطريقة الي اعتمدتيها في التعريف تبعد القراء من اول بارت

غلط اننا ننتظر كذا بارت حتى نوضح للقارئ الفكرة والاحداث لانه اذا ماانجذب من البداية مابيرجع مرة ثانية وكذا ماراح تستفيدي

وصف المكان مهم جدا للقارئ مهما كان والمقصود بوصف المكان يكون شئ مختصر من خلال المشهد الي بتطرحيه ومن خلاله توصفي وضعية الشخصيات فيه

واهم نقطة انتبهي ماتحتوي روايتك على افكار مايتقبلها القارئ ثل علاقات حب غير شرعية صدف بين البنات والشباب ومكالمات وغيرها لان القارئ يهمه الواقعية في الحدث

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

MissRemi ©؛°¨غرامي جديد¨°؛©

هلا قلبوناتي 
"بلا مقدمات" 
حبيت اقولكم اني بنزل البارت الاثنين او الثلاثاء ان شاء الله بأذن الله 
انتظروني ان شاء الله بيكون اجمل من البارت الاول 

MissRemi ©؛°¨غرامي جديد¨°؛©

البارت الثاني.........

ي عيوني اكتمي الغيره وارخي رمشك
صاحبك نسى من - نكون ' ♪♥...
_____
في فلة ابو عبدالله الفخمه والواسعه ، حيث كان ابو عبدالله "فلاح" وام عبدالله "ماجده" كالعاده في الصالة الرئيسيه 
وفي وقت الظهيره 

دخلت امجاد برجه : جييت 
ابو عبدالله بعصبية : بنت! ماتعرفين تدخلين بهدوء وتسلمين؟
امجاد بهدوء : اسفة يبه ، السلام عليكم 
فلاح وماجده ردو السلام 
ماجده : وش فيك داخله علينا برجه؟ 
فلاح: مهيب غريبه كل يوم كذا ماينفع معها الكلام 
امجاد بضحكه : عشان تفقدوني لا اعرست 
فلاح : قريب قريب ان شاء الله 
امجاد بصدمه: لالا يبهه! امزح معك والله مابي اتزوج استهبل وبعدين توني ثانيي لا خلصت الجامعه افكر 
فلاح : اي يصير خيير ان شاء الله 
ماجده بهدوء : روحي يابنيتي تروشي وصلي فرضك وانزلي تغدي 
امجاد : طيب يمه 
امجاد طقت جبهتها : اييي يمه نسييت 
ماجده بطفش : نعم؟
امجاد : ابيك تكلمين خالاتي ابي جودي وسديم وجود تكفين ماما 
ماجده : ابشوف خالاتك واقولك 
امجاد : اوكيي شكراا 
__________________

الساعه 7 المغرب .. : وتحديدا فلة ابو عبدالله 
اجتمعوا البنات بغرفة امجاد ضحك وسوالف وتخطيطات مالها نهاية 
فجأه... : رن جوال امجاد 
بأسم : فهد 
امجاد بهمس محد يسمعه : الله ياخذك ويفكني منك 
وخلته صامت ولا ردت 
وضل يدق 
جود بغمزه : بنتت مين ذا اللي مكسر جوالك يدقدق كل شوي؟ 
امجاد بتوتر : رقم غريب ما اعرفه ومزعجني 
جودي : افا! هاتي اكسر له راسه! 
امجاد بربكه : لالا خليه بيطفش ويسكر 
جودي : بكيفك! المهم كملي سحور ايوا؟ 
دق جوال امجاد باسم " قمري " 
امجاد بفرحه : هلااا والله وغلا 
البنات التفتو باستغراب؟ 
امجاد : ياقلبي انتي بخيير ، وانتي؟ 
امجاد: مممم مدري والله بشوف البنات ، ... اي؟ اهاأ طيب مو اكيد بس برد لك خبر ، اوكي حبيبتي باي
سديم بلقافة : ميين؟ 
امجاد : قمور تقول تعالو لي عندنا عزيمة بنات وكذا 
جود عدلت جلستها وقالت بهواش : لالأالا عيوني مالبست ولا تكشخت 
سحر : اييييي وبعدين فيه صديقتها مي اكيد وع وع مالغه ومغروره بشكل! 
جودي : اقول بنات تدرون بكره في مزرعه جدي مطلق؟ 
امجاد : اي 
سديم : اقول بسرعه بتروحون عند قمر ولا؟ 
امجاد: انا ايي 
سديم : وانااا اي 
جود : نو ويييي 
سحر : يابثركك! كلنا بنروح 
جودي : انا بعد 
جود : خيير خيير مالبست شي زيين 
ماغير بنطلون جنز وبلوزه حمرا عاديه وش اللي 
جودي : وخير ياطير رايحه عرس؟ 
امجاد : اف منك طيب خذي من عندي مقاسي مقارب لك 
جود بملل : طيب طيب 
وقامت وهي تتأفف وتتحلطم : من زين الجمعه عاد كلهم ماصلين استغفر الله ، اللهم لك الحمد 
امجاد : انا بروح اقول لامي 
امجاد وهي تنزل تحت : انيييي ، ماماااا 
ماجده من المطبخ : نعم نعم انا هنا 
امجاد وهي رايحه للمطبخ : ماما بنروح عند قمر بنت الجيران 
ماجده : وليه؟ 
امجاد : عندهم جمعة بنات 
ماجده : بكيفكم بس ترجعون بسرعه مابي تأخير 
امجاد : من عيونييي 
ماجده بابتسامه : يسلم عيونك 
امجاد ارسلت بوسه بالهواء وراحت فوق 
قابلت وافي اخوها 
وافي طويل وجسمه حلو حنطي واكثر شي جميل فيه عيونه العسليه وغمازته 
وافي : امجادوه لا تروحون الملحق ترا فيه اخوياي وعيال خالاتي تسمعون؟ 
امجاد خفق قلبها ببطى وقالت بربكه : ايي اصلا احنا بنروح عند قمر 
وافي باستهبال : سلميني عليها وعطيها رقمي 
امجاد بضحكه : يصير خيير وخر بروح عند البنات 
__________________

امجاد دخلت غرفتها مالقت احد!! يي وينهم الحين؟ 
وسمعت صوت خارج من غرفة شوق 
سحر تاكل علك وتقلب بكتاب شوق 
وجود وجودي يسولفون مع شوق 
وسديم تدور السماعه 
سديم : هفف اخييرااا لقييتها 
جود : مبروككك اخيييرااا 
امجاد دخلت : وين وين مجتمعين بدوني 
شوق : وهذاك دخلتي وبعدين انتو شجمعكم عندي؟ سماعه وخذيتو يلا ظفو وجيهكم  برجع اذاكر 
جودي بملل : ماتطفشين من الكتاب انا اقابله دقيقة احس بصيح وع 
شوق : من زود الفلاحه واذكري الله 
جودي : ختفووو ماشاء الله عيني بارده ترا هههههههههههه 
سحر : اقول شواقه تجين معنا عند قمر؟ 
شوق : اقولهم بذاكر يقولون لي كذا! صدق خماسي متنح 
جود خذت الكتاب وطقت راس شوق : ذاكري ذاكري وكلي الكتاب اكللل كذا ابي ارجع اشوف الحبر معبي فمك 
شوق بألم من الطقه : وجع مو يد 
جود : اذكري الله يا مال الوجع 
شوق : لا اله الا الله ماشاء الله يلا يلا برا 
طلعو البنات ولبسو 
وراحو عند قمر 
اجتمعوا البنات عند قمر الساعه 9 وجلسو بمجلس الحريم يسولفون ويضحكون 
وكانت فيه ميي اللي ميعاجبتها سوالفهم ورجتهم المعتاده 
اما عهود وريوف بسررعه دخلو معهم ضحك وسوالف 
ريوف كانت تطل من الشباك اللي يطل على حوش فلة ابو عبدالله 
ريوف بشهقة : مز مز ورب البييييت مزز 
جود التفت : منهو! 
ريوف : زياد وخخخ يهبل 
امجاد خفق قلبها : وينه! 
ريوف : تعالو شوفوه وه يهبل 
البنات تجمعو عند الدريشه : 
ريوف : يكلم بالجوال شكله يكلم حبيبته 
امجاد عقدت حواجبها وقالت بضيق : لا ماظنيت 
سحر تدري عن امجاد : لأاا لا بنات وش مستحيل وبعدين واضح انه موضوع جديي 
عهود بشهقه : امجاد جاءء اخوك وه ماشاء الله يجنن لبى العيييون ويضحك بعد كملتتتت 
وافي كان مقابل دريشتهم لو يرفع عينه شافهم عكس زياد اللي كان يدور ولما جاء وافي وقف قباله وصارت الدريشه خلفه 
دخل وافي الملحق 
وزياد يكلم ويدور للحظه حس ان فيه حركه وراه ودريشه تنفتح 
زياد التفت باستغراب وشاف البنات 
والبنات ارتبكو وسكرو الدريشه والستاير بخوفف 
زياد ضحك على حركتهم ومشى ويكمل مكالمته مع صديقة بدر اللي يقوله عن المشاريع

_نهاية البارت 2

MissRemi ©؛°¨غرامي جديد¨°؛©

البارت 3 ()'
                    سأحبك بقدر 
               البسمه التي خلقتها في
                  حياتي منذ أتيت..❤
                   
في الصبح‏
..
..


بغرفة امجاد كانو البنات محتاسين سديم للحين نايمه 
وامجاد تغني بهدوء وهي فوق الطاوله وتطبل
وسحر كانت تلوي شعرها باصبعها وتقرا رواية بملل وتتصفحها بملل 
وجود تمشط شعرها وتسولف وتضحك 
وجودي ترقص وتدور وتغني مع امجاد
جودي وامجاد بضحكه وغناء : ئلبي من دونك مابيفرق تلج ونار خلي هالدنيا تعرف ألبي مين اختار انتا انتا 

جود تهز خصرها باستهبال
جودي وامجاد وجود بصوت واحد : خليي كل الناس تشوف كيف بنغني كيف بنسهر حوببك نساني لحروف.......
قطع رقصهم صوت صراخ سديم اللي كانت نايمه : وجججع اوص اوص ماتشوفون احد نايييمممم! 
سحر : اقول بس قوميي شوفينا لبسنا بسرعه بنروح المزرعه 
سديم بانزعاج وصراخ : ياربيييههه ، بس خمس دقايييق تكفون 
قطع عليهم دخول ماجده : هاوو! سديييم! قومييي البسي شوفي بنات خالاتك لبسو وتجهزو يلا وافي بيودينا 
سديم بانحراج : طيب اسفة خالتي 
وراحت الحمام وهي تتحلطم من البنات اللي كاتميين ضحكتهم على شعرها المحتاس وكم ملابسها النازل 
أمجاد : ياكثر مخططاتنا اللي بنسويها تتوقعون بيفكون الاسطبل بعد ماطاح تميم من الحصان؟
سحر : ايي وليش مايفتحونها بعدين هذي من ضمن المغامرات موو؟ 
البنات بصوت واحد : مووو ههههههههههههههه 
سديم طلعت من الحمام "اكرمكم الله ".، وهي تقلد صوتهم باستهتار : موو ، ماغير كلام فاظي وقرقره
جود : اقول البسي عشان ننزل بسرعه لا تتبطئين!
سديم بقهر : ورا ماتحطين حكيك ببطنك وتكرمينا بسكاتك وبعدين مامسكت رجلك وقلت لا تروحين روحي
جود فتحت عيونها ع الاخير : وانا اقول بستنى سدومي حبيبي و.....
سديم بتطنيش : اي اي طيب نصب كله سامعه وش قلتو ترا منييب صمخاء 
سحر : اييي نسيت ان اذانييك اذانيي.... 
سديم بمقاطعه وصراخ : ماشاااءءءء الله بسم الله عليي 
وبعدين احسن عشان ماتحشون فيني 
بعد حوار وطقاق دام طوييلااا 
لبست سدوم نفس لبس البنات لاكن كل وحده لها لون جاكيت مختلف بنطلون جنز ازرق وبلوزه حمراء وجاكييت للركبه احمر بحكم ان الجو بارد واكسسوارات سوداء وفلات اسود وحطت لمسات خفيفة وطلعت 
اما لبس امجاد : كان نفس الشكل بس الجاكيت ازرق واسود 
وجود وجودي كانو نفس لون الجاكيت "بنفسجي" 
سحر كانت لابسه مثلهم والجاكيت ابيض 
واخذو احتياطات وطلعو بسرعه لان ماجده كانت تنادي علييهم 
نزلو البنات وقابلو فرح اللي بالشهر الخامس وغاده بنتهاا اللي عمرها 5 سنوات مع شوق اللي كانت تنتظرهم بالنقاب والعباييه
كلهم سلمو علييها وحضنوها
وركبوا
ب السياره كانو الخماسي المرجوج يرقصون وامجاد كل شوي تطق وافي وتخليه يغير ويحنون علييه 
بعدها وصلو مزرعة مطلق ال....
الساعه : 10 صباحا 
كانت المزرعه واسعه بشكل مو طبيعي 
كانت البوابه عباره عن حدايد فضييه تنفتح بواسطة حارس المزرعه ، وبعدها الثيل والورد ومن جهه اليمين من بعييد نافوره تلفت النظر من الوانها وشكلها المبهر والفخم 
بين البوابة اللي تدخل ع الصالة و الغرف والمجالس 
مسافة كبييره جدا وفيه قسمين للحريم والرجال
شوق راحت لبنات خالاتها " ابرار اخت جود، وبدور اخت سديم،  وبيلسان اخت سحر،  وتهاني اخت جودي 
وبدت الجمعه والوناسه 
امجاد وسحر كانو جمب الجده ويمازحونها ويضحكون 
والجده منبسطه على حكييهم 
تحمحم عبدالله بصوته الفخم 
وتغطو البنات 
وجلس يسولف وفجاه دخلو العيال كلهم
" وسيم، وافي،  غيث، تركي، فايز،  حمود، فهد، زياد،تميم "
وجلسو يسولفون
سحر طقت امجاد بكتفها وضحكو
امجاد ابتسمت باحراج
وزياد حس فيهم وابتسم  بما انه قريب منهم شوي 
فهد حب يحرج ويربك امجاد وابتسم بخبث ودق عليها 
رن جوال امجاد وسكرتت بسرعه وبتوتر خلى زياد يلتفت لها ويلف  عنها بسرعه 
امجاد قامت وسحبت سحر معها وراحو برا
امجاد بربكه : سحر والله يدق وش اسويي! 
سحر بقهر : قلييل ادببب وربكك ماعنده دم وجع 
امجاد خانقتها العبره : قسم زياد التفت ولف بسرعه كان واضح اني ارتبكت من رنته الوصخ
سحر تضمها تبي تهديها : خلاص ياقلبي ماصار شيي ماصار لا تكبريينها 
طلعو جود وجودي وسديم وهم يضحكون 
وانصدمو بشكلهم وهم ضاميين بعض وراحو ركض لهم 
جود بصدمه : وش فيييكككم! 
سحر تبي تصرف وقالت بضحكه : تخييلوو ذا الهبله طاحت وشافها تريكك ولد خالتي وجلس يضحك وانا ضحكت وهي تفشلت وحرام رحمتها يعني 
امجاد وهي تكمل تمثيل : اوص انقلعيي 
جود وجودي وسدييم ضحكو 
في مكان اخرر 
الجده : اقول ياماجده كلمي جارتكم وربس انها عسل وطيبه حتى وخيتها ماشاء الله عليهم 
ام عبدالله : اي والله وانتي الصادقه يمه يهبلون ماشاء الله  بتصل فيهم والمزرعه وش كبرها بتكفينا ان شاء الله 
واتصلت على جيرانهم "قمر وبنت خالتها وصديقتها مي تذكرتوهم؟" 
واتفقو مع ام قمر وام ميي  انهم يجون الليل 
دخلو البنات بهدوء 
ماجده بابتسامه : بنات بتنضاف لكم بنتين 
البنات : مين؟ مين هي؟ وش! مين؟ 
ام حمود : قمر وميي 

سوارا ©؛°¨غرامي متألق ¨°؛©

روايه جميله
....بالتوفيق عزيزتي....


MissRemi ©؛°¨غرامي جديد¨°؛©

تابع البارت 3.

واتفقو مع ام قمر وام ميي  انهم يجون الليل 
دخلو البنات بهدوء 
ماجده بابتسامه : بنات بتنضاف لكم بنتين 
البنات : مين؟ مين هي؟ وش! مين؟ 
ام حمود : قمر وميي 
جود وسديم بصرخه ارعبتهم : اييييييش! 
سحر سكرت فم جود بيدها وجودي سكرت فهم سديم وقالت بهمس : الله يفضحكم 
امجاد ابتسمت ابتسامة تصريف : وييي حياهم الله العين اوسع لهم من الدار قصدي من المزرعه ههههههههههههههههه 
وضحكو البنات على هبالها 
الجده بابتسامه : اي والله هذي البنت السنعه
امجاد سحبت البنات بسرعه وع غرفة البنات 
جود : وع ياااكرههيييي! استغفر الله العظيم
سحر: جد استغفر الله يعني هيي تخلي الواحد يستاثم غصب 
سديم: بنات تكفون بسرعه خن نبدا قبل لا تجي وتخرب كل شييي 
امجاد بغمزه وحماس: يلااا 
سحر بخوف : بنات تكفون خن نبطل اخاف احد يشوفها 
جودي : خوااافههه يلا يلاا بنااتت
جود نقزتت وطلعت وكل البنات ركض وراها 
امجاد تلحق انفاسها : ب ب ب ب نات خلاص وقفوا شويي 
جود تتنفس بعمق : هووهه 
سحر : انا بروح اجييب موييه واجي مين يبي؟ 
امجاد وهي تأشر لها وتتنفس بعمق : كلنا كلنا 
سحر : اوكي 
وراحتت وهي تلقط انفاسها 
فتحت الثلاجه بسرعه واخذت خمس مويات وعطت الباب ظهرها وبدت تتنفس بشويش 
سحر : وجعيين مو صاحيين كل هذا! 
سحر فتحت المويه وبدت تشربب بسرعه 
دخل وافي بالغلط وانفجع بالملاك اللي قباله 
ياهي جمييله بشكل 
وافي ابتسم على افكاره وسرح فيها لثواني 
سحر اضطرت تلف عشان تاخذ باقي المويات وتروح 
لفت بسرعه وشافت وافي وشرقت : كحححح كححح 
ودموعها بعيينها 
وافي انتبهه لعمره : اسف اسففف والله اسف 
وطلع بسرعه وهو يتحسر ويتحسب على نفسه 
سحر حطت يدها على قلبها : يمماه! هذا واااافييي! يارب محد لاحظ ولا شاف ولا شك يارب يارببب معقول مقصوده منه؟ وربي ماهقييتهاا منه
شالت الموييات بهدوء ومشت 
راحت لبرا المزرعه 
امجاد تنهدت : يلا خقاتي؟ 
جود : يلااا بسم الله
...
انتظرو البارت الجاي ان شاءالله اليوم:$

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1