غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 03-03-2015, 10:29 AM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


بعد ماقفلت فرح .. يلا بنات قوموا ..
راحوا البنات يجهزون اغراض الشوي ..
.........................



اما الشباب طلعوا عند فهد اللي كان جالس عند البحر ..
معاذ .. سلام يابو الشباب ..
فهد بعد ما صحى من سرحانه .. هلا وعليكم السلام ..
عمر .. نجلس ولا نضف ؟؟..
فهد .. لا وليه تضفون .. حياكم اجلسوا ..
جلسوا عمر ومعاذ جنب فهد قدام البحر ..
فهد .. طيب من شوي مزعجيني على العشى والحين جاين تجلسون معي ..
معاذ وعمر جلسوا يناظرون بعض ويضحكون ..
فهد .. انا قلت نكته وانا ما ادري ؟؟..
معاذ .. ههههههه لا بس الله يسلمك هذول البنات يبون هم اللي يسوونه ..
فهد .. من جدكم ... هذول وش عرفهم بالشوي .. لا اجل اليوم راح علينا العشى ..
عمر ..هههههههههه وليه ليكون مجربهم وانا ما ادري ..
فهد .. لا بس معروف انو البنات مايعرفون يسسون شي ..
معاذ .. طيب لاتحكم قبل ما تذوق ..
فهد .. طيب نصبر ونشوف بس لو ماضبط معهم عشاي على حساب واحد منكم ..
عمر ومعاذ .. ههههههههههههههههه ..
وجلسوا يكملون سوالف ..
.............................



عند البنات بعد ما جهزوا كل شي طلعوا برى قدام الشاليه من جهة البحر عشان يشوون.. رتبوا كل شي وبدوا بالشوي ...
فرح .. يلا جيبوا اللحم ترى الفحم صار جاهز ..
وجدان وهي جايه لفرح وبيدها صحن كان فيه اللحم .. يلا هذا انا جبته ..
ساره .. بيشو وش رايك نروح نتمشى عند البحر على مايجهز العشى ..
بشاير وهي قايمه .. اوك يلا ..
غادة .. انتبهوا لأنفسكم ولا تبعدون ..
بشاير وساره .. طيب ..
وراحوا يتمشون عند البحر وفرح ووجدان كانوا يشوون وغادة ونواره جلسوا يسولفون ..
...........................



عند الشباب ..
فهد .. اقول شباب وش رايكم نتسابق سباحه ؟؟..
معاذ .. سباق بالليل ؟؟!!..
عمر ... عادي توقع أي شي من فهيد تراهوا مهبول بهالشغلات ..
فهد .. احلى شي لو كان الهبال بهالشغلات ..
معاذ .. من جد مهبول .. طيب خلها الصباح وانا اتحداك ..
فهد .. اكيد تتحداني مو لما يجي الصباح تقول كلام الليل يمحيه النهار ..
عمر .. هههههههههههه ليه شايفه مثلك ..
معاذ .. هههههه لالا وعد مني وهذا عمر يشهد ..
فهد .. أي خله شاهد على الأقل نستفيد به بشي ..
عمر .. اقول فهيد ريح بس ..
معاذ .. خلاص عمر اتفقنا بكره نتحداه ..
فهد .. ههههههههههههههههههههههه..
معاذ .. وش فيك تضحك ..
فهد .. ههههههه لانك جالس تتفق مع واحد فاشل سباحه ههههههههههههه ..
معاذ .. افاا .. من جدك عمر ما تعرف تسبح ؟؟..
عمر .. ههههههههههه الا اعرف بالمسبح اللي ببيتنا ..
الكل .. هههههههههههههههههههه ..
فهد .. عن اذنكم شوي بروح اجيب جوالي من الشاليه ..
عمر .. طس وش نسوي لك ..
ومشى فهد من غير لايهتم لكلامه رايح للشاليه وهو ماشي الا يقابل ثنتين متجهين للبحر ..
..............................
ساره وبشاير وهم ماشين للبحر قابلوا فهد رايح للشاليه ..
ساره .. بيشو بيشو شوفي مو كأنو هذا فهد ..
بشاير وهي تناظر الجهة اللي تناظرها ساره .. الا هذا هو فهد ..
ساره .. شوفيه جاي لجهتنا يممه قلبي ..
بشاير ..هههههههه شكله رايح للشاليه تعالي نروح من هذي الجهة عشان مانقابله ..
ساره .. لالا تكفين خلينا نكمل بطريقنا كأنا ما ندري ..
وتوها بشاير بتسحب ساره للجهة الثانيه الا فهد قرب من عندهم لما تأكد انو وحده منهم ساره ..
فهد .. وين رايحين يابنات بهالوقت ..
ساره كانت بتتكلم بس بشاير سبقتها .. رايحين للبحر وبعدين الوقت مو متأخر ..وخير أنت وش خصك ..
فهد وهو يناظر ساره .. انتي ساره صح؟؟..
ساره وهي مستحيه وتناظر الأرض .. أي ..
بشاير تسحب ساره .. يلا امشي ولا ترى بخليك وبروح..
فهد .. روحي يكون ازين ..
ساره .. لالا انا جايه يلا ..
بشاير وهي ماشيه .. انا مشيت ماراح انتظرك اذا تبيني تعالي ..
ساره توها بتلحق بشاير الا فهد يناديها .. ساره ممكن شوي ؟؟..
وقفت ساره بس كانت معطيته ظهرها .. نعم ..
فهد بعد ما جا وقف قدامها .. ممكن اتكلم معك شوي ؟؟..
ساره وهي تناظر الأرض .. ممكن بس بسرعه لاني ما ابي اتأخر على بيشو ..
فهد .. ما راح تتأخرين بس حبيتا قولك كلمتين وبس ..
ساره .. طيب قولهم ؟؟..
فهد وهو مرتبك ويلعب باصابعه .. اممم ساره بصراحه .... اممممم ..
ساره توترت من ارتباكه .. بصراحه ايش ؟؟..
فهد .. اممممم ...... بصراحه انا .... بقول واللي
فيها فيها .. ساره انا معجب فيك !!..
ساره .. سكتت مصدومه ومتفاجأة وفرحانه بنفس الوقت ..
فهد خاف من سكوتها حسبها زعلت من كلامه .. ساره انا اسف لو ضايقتك بس انا حب........ ..
ساره قاطعته.. لا يافهد انا ما زعلت بس انا انصدمت لانك معجب فيني ..... وسكتت ما تقدر تكمل ..
فهد .. وش فيك سكتي ؟؟..
ساره .. امممم لا ولا شي ... ومشت عنه بسرعه ..
فهد .. ساره انتظري كملي كلامك ..
ولكن ساره مشت وتركته ..كان بيرو حوراها بس خاف حد ينتبه له وتصير سالفه فرجع مشى للشاليه وهو مقهور وبنفس الوقت مبسوط انه اعترف لها ..
........................



ساره مشت من عند فهد وهي طايره من الفرحه ومحد قدها وتغني .. وصلت عند بشاير اللي كانت جالسه على الشاطئ ..
ساره .. بيشووووو الحقي علي ..
بشاير لفت عليها وهي متروعه ..ها وش فيك وش اللي صاير ...
ساره وهي تدور حول نفسها .. يحبني يابيشو يحبني مثل ما انا احبه ..
بشاير .. مين اللي يحبك ؟؟!! ليكون فهد ؟؟..
ساره .. آآآه .. أي فهودي بعد قلبي يحبني ..
بشاير.. ههههههههههههههه .. ماهو سهل هالفهيد ..
ساره .. هي هي انتي لاتقولين فهيد ما ارضى عليه ..
بشاير .. ههههههههههههههههه طيب طيب عيشي احلامك ياسنوايت ..
ساره .. مالت عليك بس ..
وجلسوا قدام البحر وكل وحدة سرحت بعالمها ..
ساره طبعا جالسه تفكر بفهد وبحبه لها ..
وبشاير تفكر بامها وابوها مشتاقه لهم بالحيل ..
................................



فهد دخل الشاليه وهو يفكر بساره والكلام اللي كانت بتقوله ونسى وش كان يبي من الشاليه ورجع للشباب ..
........................



بعد نص ساعة تقريبا جهز العشى والبنات كانوا في حوسه لانهم هم اللي راح يجهزون سفرة الشباب ..
غادة .. يوووووه فرح اتصلي على بشير خليهم يجون يساعدونا ..
فرح .. طيب .. اخذت جوالها ودقت على بيشو وشافته مقفل ..
فرح .. جوالها مقفل شكلو مافيه سيرفس ..
غادة .. طيب روحي ناديهم ..
فرح .. يوووه مالي خلق ..
وجدان .. خلاص انا بروح اناديهم ..
وطلعت من الشاليه رايحه لجهة البحر ..
............................



عند الشباب ..
فهد .. ياهوووو تراي جوعان متى يجهز هالعشى ؟؟..
عمر .. طيب بلا صراخ هذا انا رايح اشوفه ..
معاذ .. ههههههههههههههه أي روح روح قبل ما ياكلنا ..
الكل .. ههههههههههههههههههههه ..
عمر راح للشاليه عشان يشوف اذا العشى جهز ولا لا ..
.................................



وجدان وهي تمشي رن جوالها ولما رفعته شافت نفس الرقم الغريب رجع يدق عليها حطته صامت وكملت مشيها..
...........................................



عمر وهو يمشي سمع صوت مو غريب عليه ولما رفع راسه يدور الصوت شاف بنت ماسكه جوالها ولما عرفها وقف يناظرها يراقب وش راح تسوي..
..................................................



وجدان وهي تمشي رن جوالها للمره الثانيه وقفت وهي منزعجه من المتصل واول مارفعت راسها بتكمل مشيها ومطنشه الجوال شافت واحد مكتف ايده ويناظرها لما دققت فيه عرفته ابتسمت وتجرأت ومشت له ..مدت له الجوال .. خذ رد عليه تراه ازعجني..
عمر اخذ الجوال من غير لايتكلم ورد عليه .. وبكل هدوء .. نعم ؟؟..
المتصل .. يالليل انت مره ثانيه ياخي عطني جودي حبي..
عمر وبلحظه انقلب الهدوء الى عصبيه بعد عن وجدان عشان ما تشوفه وهو معصب .. جد انت واحد ماعندك دم واحد ماتعرف الحيا وين طريقه وبعدين انت ما عندك اخوات ماعندك غيره على بنات ديرتك ياخي خل يكون عندك شوية احساس فكر وحط ببالك انو اللي تسويه مع بنات الناس راح يصير مع اخواتك ربي يستر عليهم ويبعدهم عن الشر..
المتصل استحى من نفسه لما شاف عمر يدعي لخواته وهو جاي يضره .. طيب انا اسف وبصراحه انا ما اعرف وجدان ولا بحياتي كلمتها او سمعت صوتها بس هذي وحده اسمها هند هي اللي عطتني رقمها وانا اسف للمرهالثانيه واوعدك اني ماعاد اتصل مره ثانيه وانا اشكرك على انك نصحتني ..
عمر .. حصل خير ولا شكر على واجب بس حبيت اقولك انو كما تدين تدان واانتبه لنفسك ولاخواتك وربي يستر عليك ومع السلامه..
المتصل .. اشكرك مع السلامه..
عمر بعد ماقفل رجع عند وجدان وهو مبتسم..ومد الجوال لها .. خلاص ارتاحي ما راح يتصل ويلا سلام ..
وجدان.. عمر؟؟..
عمر دق قلبه بقوه اول ماسمعها تناديه .. هلا ..
وججدان .. مشكور واسفه لو تعبتك معي ..
عمر مايحب حد يتأسف منه او يشكره لف عنها بيمشي .. انا ماسويت شي ولاعاد اسمع هالكلام مره ثانيه .. ومشى ..
وجدان ابتسمت وكملت مشيها ..
عمر تذكر شي ورجع .. وجدان ؟؟..
وجدان مالفت لانها تعتقد انها تتخيله يناديها ..
عمر قرب من عندها شوي .. وجدان انتظري ..
وجدان لما تأكدت انه يناديها لفت عليه.. هلا ناديتني ؟؟..
عمر ابتسم .. اي ناديتك انا اصلا جاي اسأل اذا العشى جهز بس نسيت..
وجدان .. اهاا .. اي جهز بس خمس دقايق نجهز سفرتكم بعدين تعالوا ..
عمر .. اها اوك .. الا انتي وين رايحه لحالك ؟؟..
وجدان .. رايحه انادي بشاير وساره ..
عمر.. اها طيب .. يلا سلام ..
وجدان .. سلام ..
وكل واحد كمل طريقه ..
...........................................



وبعد عشر دقايق الكل كان يتعشى طبعا البنات لحالهم والشباب لحالهم
............................



.بعد ما انتهى الكل من العشى ..
عند الشباب ..
فهد .. بصراحه الأكل كان مررره رهيب ..
معاذ .. ههههههههههههه وين كلامك من شوي لما قلت ان البنات فاشلات بالشوي ؟؟..
عمر .. ههههههههههههه تبخر ..
فهد .. احم .. اصلا انا جوعان ولا حسيت بطعم الأكل بس اهم شي اني اكلت وشبعت ولله الحمد ..
عمر ومعاذ .. هههههههههههههههههههه ..
عمر .. بالعافيه عليك بس لاتنكر انو الأكل كان حلو ..
فهد .. هو مو بس حلو هو رهيب .. احم اقصد مدري اقولك كنت جوعان ولا حسيت بطعمه ..
عمر ومعاذ .. ههههههههههههههههههه ..
عمر .. طيب توصون شي انا طالع انام ..
معاذ .. وين بدري تو الساعه 12 ؟؟..
عمر ..بدري عندكم بصراحه انا صاحي من الصباح وتعبان بالحيل اليوم بذلت مجهود ابرتاح ...
فهد .. ايوا يابذلت مجهود أنت ... روح بس توكل على الله وانت ساكت ..
عمر وهو قايم .. اقول بس ريح أنت .. يلا تصبحون على خير
معاذ ..وانت بمثله ..
فهد ..وانت من اهله ..
فهد لف يناظر معاذ .. وانت منت ناوي تروح تنام ؟؟..
معاذ .. مدري ما احس فيني النوم بس بروح اجلس عند البحر شوي ..
فهد .. اهاا .. طيب اجل حتى انا بروح ورا عمير ابنام ..
معاذ.. ههههههههههههه .. وش عندك أنت بعد ليكون باذل مجهود نفسه ..
فهد .. ههههههههههههههه .. لا مو نفسه الا أكثر منه هههههه ..
معاذ .. ههههههههههههه صح ماتنلام من اللي صار لك ..
فهد .. ووش اللي صار لي ؟؟!!..
معاذ وهو قايم بيطلع للبحر .. هههههههههههه لالا ولاشي تصبح على خير واحلام سعيده ..
فهد فهم عليه بس يستهبل .. هههههههههههه طيب سلام وتصبح على خير ..
وطلع فهد لغرفته ينام .. ومعاذ طلع يجلس عند البحر ..
...............................



عند البنات ..
فرح .. ها وش رايكم فيني مو اطلق شوي اكلتوه بحياتكم ..
الكل .. ههههههههههههههههههههههه ..
بشاير .. أي بصراحه يجنن يعطيك العافيه ..
فرح .. يعافيك ربي ..
نواره .. لالا بصراحه صدمتيني يافرح طلعتي تعرفين تسوين شي كويس بحياتك ..
فرح .. نعم نعم نعم !! ليه وش شايفتني اخت نواره هاه ؟؟!!..
غادة .. هي هي اكلتي البنت هي كان قصدها تقول انها ماكانت تعرف انك تعرفين تشوين ..
فرح .. أي احسب بعد ..
وجدان .. هي انتوا ترى ماعرفتوا للحين مواهب فرح تراها فلته ..
الكل .. ههههههههههههههههههههههه ..
فرح وتقرب من وجدان وتبوسها بخدها .. فديت خويتي انا ..
وجدان .. خلاص عاد مو قدامهم استحي ..
الكل .. هههههههههههههههه ..
ساره .. ربي يعطيك العافيه فرح بصراحه الشوي رهيب ..
فرح ومن غير نفس... يعافيك ربي ..
غادة .. اقول انتي معها متى تقومون تنامون ترى الساعه 12 وانتوا من الصباح صاحين ما تعبتوا ؟؟..
بشاير.. الا بصراحه انا ميته تعب بروح انام ..
ساره .. وانا كمان خذيني معك ..
وطلعوا ثنتينهم لغرفتهم ..
غادة ..وانتوا .. تناظر فرح ووجدان ..
فرح تكلم وجدان .. ها ياقلبي فيك النوم ؟؟..
وجدان .. اممم أي وأنتي ياروحي ؟؟..
نواره .. يوووووووووووه حسستوني اني جالسه اتفرج على مسلسل تركي خلصوا علينا ..
وجدان بدلع مصطنع طبعا ... كيفنا وش خصكم انتوا ..
فرح بعربجه تمسك يد وجدان وتوقفها .. هذول الالعذال ياقلبي يلا تعالي نروح ننام ..
غادة ونواره فطسوا ضحك .. ههههههههههههههههههههههههههههههههههههه..
طلعوا فرح ووجدان لغرفتهم وبعدهم غادة ونواره ..
.............................



عند معاذ ..
معاذ جالس على شاطئ البحر وغادة كانت شاغله تفكيره مايدري ليه هي بذات اللي ماهي راضيه تروح من باله ..
وبعد ماتعب من التفكير قرر يروح ينام ويترك التفكير عنه ..
يعني الحين الكل نام في امان الله ..
...............................



صباح اليوم الثاني (( يوم الخميس ))
الساعه 7 صباحا ..
والمعجزه انو فرح هي اول وحده صاحيه وطبعا ماتكون فرح اذا ماسوت ازعاج في كل الشاليه وصحت الكل ..
بدت بخويتها وجدان .. وجدان وجوود جوودي جوجو دودي يلا اصحي الساعه الصباح الحين ..
وجدان وهي تلف للجهه الثانيه .. يووووه وش هالأزعاج على الصباح فريح ..
فرح .. بتصحين ولا ابدى بالخطه نمبر ون ..
وجدان صحت لانها عارفه خويتها وعارفه خططها اللي ماتجيب خير .. لالا يرحم والديك بلاش خططك على الصباح ..
فرح .. ههههههههههه طيب طيب يلا اصحي عشان تنظمين معي نصحي البنات ونهبل فيهم ..
وجدان .. حرام عليك اتركيهم نايمين ترى تو بدري ..
فرح .. اقول بس قومي وأنتي ساكته لا اجيب كاس مويه واروشك فيه ..
وجدان .. لا قمت خلاص .. وقامت خشت الحمام (( الله يكرمكم )).. وفرح راحت تبدل عشان تروح تصحي البنات ..و بعد ما لبست ..طلعت من الغرفة رايحه لغرفه غادة ونواره .. فتحت الباب من غير ما تدقه ودخلت بدفاشه وراحت طفت المكيف وفتحت الستاير .. غدوووش نوااااره يلا اصحووووووووووووو ..
غادة وهي ماهي قادره تفتح عيونها لانو الشمس جايه على وجهها ..فريح ووجع وش ذا الأزعاج من على الصباح ؟؟..
فرح وهي تقرب من نواره عشان تصحيها .. يلا اصحو الجو مره روعه عند البحر لايفوتنا ..
نواره توها تحس بالأزعاج لانو فرح صارت قريبه منها .. اووووف مين المزعج ذا ؟؟..
فرح وهي تصرخ .. يلا اصحووووووووووووووووووو ولا ابجيب المويه تصحيكم ..
نواره وغادة فزوا من مكانهم .. اووف خلاص صحينا الا المويه ابعديها عنا ..
فرح .. هههههههه شطورات حبيباتي ..يلا ابروح اصحي الباقي وياويلكم ترجعون تنامون ثاني ..
واول ما طلعت شافت وجدان بوجهها ..
فرح .. ههههههههههههه فاتك اشكالهم ..
وجدان .. وش سويتي لهم ؟؟..
فرح .. ههههههه ولا شي بس قلت لهم لو ماصحيتوا ابجيب المويه ..وعلى طول فزوا من مكانهم ههههه ..
وجدان .. ههههههه .. حرام عليك ..
فرح وهي تمشي متجها لغرفة بشاير وساره ..ازين خليهم يصحون مانبي نفوت الجو الروعه ..
وجدان .. طيب وين رايحه الحين بعد ؟؟..
فرح .. رايحه اصحي الدلوعات ..
وجدان .. لا خلاص خليني انا اصحيهم .. بلاش الرعب اللي راح تسوينه لهم ..
فرح ..امممم .. تصدقين يكون ازين لو صحيتيهم لاني مالي نفس اشوف وجه ساره ..
وجدان .. الحين انا ابي اعرف انتي وش بينك وبين هالبنت المسكينه ؟؟..
فرح .. ولا شي .. ما تقبلتها ..
ومشت بتنزل تحت ..
وجدان .. لحظه وين رايحه ؟؟..
فرح .. بروح تحت وبتصل على عمر اشوف اذا صحوا ولا اصحيهم بطريقتي ..
وجدان .. ههههههههه الله يرجك حتى الشباب ماراح يسلمون منك ..
فرح وهي نازله .. هههههههه يسس .. يلا صحيهم بسرعه وانزلي ..
وجدان وهي عند الباب ..اوك ..
دخلت وجدان لهم وصحتهم .. وهم مشاء الله عليهم بسرعه يصحون ..ونزلت لفرح تحت ..
فرح لما وصلت للصالة اخذت جوالها واتصلت على عمر وتكلم نفسها . .مايرد يعني اكيد نايم للحين ..
سمعتها وجدان .. ها شكلو مارد عليك ؟؟..
فرح .. يس مارد يعني يلا البسي عبايتك خلينا نهجم عليهم ..
وجدان .. لا من جدك انتي تبينهم يذبحونا ..
فرح .. مين قالك انهم بيعرفونا اصلا..
وجدان .. اخوانا اكيد بيعرفونا !!..
فرح .. لا ياحبيبتي انا عندي خطه اصحيهم فيها من غير ما يعرفونا ..
وجدان .. وش هي ؟؟..
فرح ..اولا خلينا نروح نلبس عبياتنا وانا بقولك كيف ..
وهم يلبسون عبياتهم صارت فرح تقول لوجدان الخطه .. طلعوا من الشاليه رايحين لشاليه الشباب بعد ما اخذت فرح المسدس اللعبه اللي جايبته معها لزوم التخريع والمقالب ..
ووجدان اخذت عصا المكنسه ..ووصلوا للشاليه ودخلوا بهدوء ..
..................................
..
..
..
((انتهى البارت ))



تتوقعون وش راح يصير مع فرح ووجدان عند الشباب ..

راح نعرف بالبارت الجاي
انتظروني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 03-03-2015, 03:04 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


يلا شجعوني بردودكم

والبارت الجاي بعد يومين ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 04-03-2015, 12:31 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


لماذا هذا

ليه وليش واشوله واشحقه و why

مابه ردود

يلا شجعوووني عشان اتابع

>>> فيس حاط ايده ع خده وينتظر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 04-03-2015, 02:10 PM
صورة waadoooda الرمزية
waadoooda waadoooda غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


كملي اموت واعرف وش الي راح يسوووووووووووه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 04-03-2015, 05:43 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


كملي اموت واعرف وش الي راح يسوووووووووووه




اهليين بك

انشاء الله ينزل بكره البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 05-03-2015, 12:32 AM
latoof200 latoof200 غير متصل
©؛°¨غرامي جديد¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


حمااس من جد انتظر البارت الجاي عشان اعرف وش راح يصير ومن توقعاتي او الشباب بيكشفون فرح او وجدان

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 05-03-2015, 12:35 AM
latoof200 latoof200 غير متصل
©؛°¨غرامي جديد¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


اممم و الروايه بشكل عام جميييله كثثير و فيهاا حماس ووو كون انها اول رواية لك فا مستقبلك اكيد بيكون جميل بالروايات ووو بسس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 05-03-2015, 01:41 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


حمااس من جد انتظر البارت الجاي عشان اعرف وش راح يصير ومن توقعاتي او الشباب بيكشفون فرح او وجدان




اممم و الروايه بشكل عام جميييله كثثير و فيهاا حماس ووو كون انها اول رواية لك فا مستقبلك اكيد بيكون جميل بالروايات ووو بسس






ياهلا ياهلا

نوررتي بمرورك

ومشكوره على الاطراء كلامك حمسني للكتابه

والبارت بينزل اليوم ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 05-03-2015, 05:11 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


((البارت الرابع))
..
..
..
..
طلعوا من الشاليه رايحين لشاليه الشباب بعد ما اخذت فرح المسدس اللعبه اللي جايبته معها لزوم التخريع والمقالب ..
ووجدان اخذت عصا المكنسه ..ووصلوا للشاليه ودخلوا بهدوء ..

فرح تهمس لوجدان .. وجد كويس مابه حد صاحي .. يلا نطلع لفوق ..
وجدان بنفس الهمس .. اوك يلا ...
وطلعوا لفوق بكل هدوء وكانت اول غرفه تقابلهم هي غرفة فهد ..(( طبعا هم ماكانو يعرفون مين بالغرفه ))..
فرح .. يلا خلينا ندخل الغرفة هذي ..
وجدان .. لحظه مين فيها تتوقعين ؟؟..
فرح .. اممم مدري بس يمكن عمر ..
وجدان فز قلبها لما سمعت اسم عمر ماتدري ليه .. لا اجل انا ماني داخله معك ..
فرح .. وليه ؟؟ اقول يلا خشي مادامك جيتي معي من البدايه لازم تخشين معي كل الغرف يلا..
وجدان ..اوووف طيب طيب .. يلا ادخلي قبلي ..
فرح قربت من الباب وفتحته بشويش وخشت ولما ناظرت اللي كان على السرير حصلته فهد ..ابتسمت بخبث لانها من زمان كان ودها تسوي فيه مقلب ..
فرح لفت على وجدان وهمست لها .. وجد ترى هذا فهد ..
وجدان ارتاحت شوي لانو مو عمر ..طيب يلا نفذي ..
فرح .. اوك انتي خليك عند الباب ..
وجدان ..اوك ..
فرح صارت تمشي بهدوء لعند فهد ..
ولما وصلت لعنده طلعت المسدس وحطته عند راسه وضخمت صوتها وقالت .. قوم قوم بسرعه ..
فهد طبعا كان نومه خفيف يعني يصحى على أي حركه ..ولما حس بالمسدس عند راسه و سمع الصوت فز بسرعه.... مين أنت ووش تبي وليه حاط المسدس عند راسي ..
فرح وهي كاتمه ضحكتها على شكله ..اقول اسكت ولا كلمه ويلا عطني كل اللي عندك ..
فهد وهو يحاول يستوعب اللي يصير ..اللي عندي ؟؟..
فرح .. يووووه أنت وش فيك ما تفهم يلا بسرعه كل اللي عندك ولا ابطلق ..
فهد بعد ما استوعب قام بسرعه وجلس يدور شي حوله يضربه فيه بس مالقي شي قرر يطلع من الغرفه ..ولما وصل للباب الا وجدان توقفه بالعسصا ..
(( طبعا وجدان صوتها ناعم مهما ضخمته راح يبين انها بنت فاتفقوا انها ما تتكلم ))
فرح تضحك ضحكه شريره .. نهههاااي ..
فهد لف على فرح وقال .. طيب وش تبي ؟؟..
فرح تقدمت من عنده شوي وقالت ..طلع كل اللي عندك الحين بسسرعه ..
فهد من غير أي كلمه طلع جواله والمحفظه من جيبه ومدهم لفرح ..فرح بعد ما اخذتهم وجهت عليه المسدس وقالت وخر عن الباب وروح مناك >> وتأشر جهة السرير << بسسسرعه ..
فهد بخوف راح جهة السرير وفرح راحت عند الباب وسحبت المفتاح وطلعت وقفلت الباب من برا وبعدها لفت على وجدان وعطتها الجوال والمحفظه وقالت .. يلا اللي بعدوو ..
وجدان بخووف بصوت واطي .. فرييح خلينا نرووح خايفه حد يصحى وننكشف ..
فرح ..اقول بس امشي وانتي ساكته مادامنا بدينا لازم ننتهي ..
ومشت فرح متجهه للغرفه الثانيه ووجدان سكتت ومشت وراها ولما وصلوا للغرفه فرح فتحت الباب بشويش وشافت انو هذي غرفه معاذ طبعا عرفت بعد ما فتحت النور .. لفت على وجدان وقالت .. جودي ترى هذي غرفة اخوك يلا ادخلي واضربي السرير بالعصا وانا بجي من وراه لما يقووم ..
وجدان .. لالا اكييد راح يعرفني ما ابي روحي لحالك ..
فطووم ..يوووه منك وش فيك انتي اليوم ماراح يركز وهو قايم مرتاع يلا بسرعه ولما يقوم انتي روحي عند الباب ..
وجدان تقدمت بخوف عند السرير وضربته بقووه ثلاث ضربات وطلعت بسسرعه ..
ومعاذ قام مرتاعع ووقف بسرعه يلتفت يمين ويسار يشوف وش صاير ..
فرح بسرعه جات من وراه ووجهة المسدس على ظهره وقالت بالصوت المضخم ..لاتتحرك من مكانك ..
معاذ تجمد مكانه للحين مرتاع ولا يدري وش يصير حاول يتحرك يبي يلف يشوف مين اللي وراه ويقول في نفسه >> اكيد هذا فهيدان او عمير يبون يسسوون فيني مقلب << تشجع ولف بسرعه بس انصدم لما شاف فرح >>طبعا مو بين انها بنت بس عرف انو الهيئه مو هيئة عمر او فهد وقال .. انت مين ووش تبي ؟؟..
فرح ..اقول لايكثر هرجك وبسرعه طلع اللي عندك ..طبعا هي كانت موجهه المسدس عليه ..
معاذ توه انتبه للمسدس وقال بخوف ..هاه طيب طيب واشر لها على الطاوله اللي وراها ....هذي كل حاجاتي ..
فرح لفت وراها وشافت الجوال والمحفظه ومفتاح السياره على الطاوله ابتسمت واخذتهم ولفت عليه ..وخخر من قدامي اشووف ودفته على السرير وبما انه اعرض منها وجسمه اقوى من جسمها ما تحرك الا شي بسيط قدرت تمر وتوصل للباب وعملت نفس الحركه اللي عملتها في غرفه فهد ..
لفت على وجدان اللي للحين خايفه وقالت .. اقول وجدان يلا ما بقى الا عمر بسرعه قبل ما يفضحونا ذول ..
وجدان لما سمعت اسم عمر دق قلبها وخافت اكثر لما جا ببالها انا راح تشوفه وقالت ..لالا ياحبيبتي الا اخوك ذا ابو لسانين مابي روحي لحالك وانا راح انتظرك تحت ..
فرح طفشت منها وقالت .. طيب خلاص روحي وانا ابخلص وبجيك بس ياويلك تهربين وتتركيني ..
وجدان .. طيب بس بسرعه ..
فرح .. طيب ..وراحت عند باب غرفة عمر بس سمعت صوته يتكلم بالجوال خافت انه يطلع ويشوفها بسسرعه ركضت عند وجدان اللي توها توصل الدرج ..
وجدان شافتها وخافت .. وججع خوفتيني وش فييك ..
فرح .. عمر صاحي بسرعه خلينا نطلع قبل ما يطلع من الغرفه ويكشفنا ..
وجدان ..يوووه قلت لك اكيد راح ننكشف ..
فرح ..اقول يلا امشي وقتك الحين امشي بسسرعه ..
وطلعو من الشاليه من الجهه الثانيه ودخلو الشاليه حقهم وعلى طول طلعو لفووق قبل محد يكشفهم .. و وصلو للغرفه دخلوها بسرعه وقفلو الباب ..
فرح وهي تجلس على السرير وتتنهد بتعب ..اوووه كويس ما انكشفنا ..
وجدان وهي تجلس بجنبها ..ايه انتي وافكارك اللي تودينا بداهيه شفتي كنا بننفضح ..
فرح ..اوووه اسكتي الحمد الله اننا هربنا ..و تناظر الأشياء اللي وجدان حطتهم على السرير ..و بابتسامه خبث .. بس طلعنا بشي حلو جواليين ومحفظتيين ومفتاح سياره ..مفتاح سياره !!..
وجدان تناظرها وفهمت عليها ..فرح وش ناويه عليه ..
فرح ..رفعت المفتاح ..هذا احلى شي اخذناه..وابتسمت لوجدان ودخلت المفتاح بجيب بنطلونها .. ثم مسكت الجوالين وقالت ..اممم أي واحد فيهم جوال اخوك ؟؟..
وجدان .. الجالكسي 5 جوال اخوي ..
فرح ..اهاا يعني الطراق بيري حق فهد .. اوكي الحين افتحيه وطلعي البطاريه عشان يقفل لانوا كيد فيه رمز ..
وفتحو الجوالات وطلعو البطاريات وقفلوها ..
فرح ..يلا حطيه بجيبك وانا ابحط جوال فهد عندي وخلينا ننزل للبنات ولا كأنو صار شي طيب ..
وجدان ..اوكي يلا ..
ونزلو عند البنات بالصاله وجلسو معهم بكل برائه ولا كأنه من شوي مسويين جريمه ..
...................



عند الشباب بنفس الوقت ..
عمر بعد ماقفل الجوال توه بيبدل ملابسه سمع صوت احد ينادي طلع من الغرفه وسمع الصوت جاي من غرفه فهد لانها اقرب غرفه له وراح للغرفه وشاف المفتاح من برا والباب مقفل فتحه وتوه بيتكلم الا فهد سبقه ..
فهد .. عمر الحق طبوا علينا حراميه ..
عمر للحين ما استوعب ..حراميه ؟؟!!..
فهد ..ايه وش فيك مفهي اقولك حراميه وسرقو جوالي ومحفظتي وكانو....سكت لما سمع صوت ثاني ينادي ..
طلعو عمر وفهد واتجهوا لناحيه الصوت اللي هي غرفه معاذ ..
عمر شاف نفس الحركه اللي صايره في غرفه فهد صارت في غرفه معاذ .. فتح الباب وطلع معاذ ..
معاذ ..فيه حراميه يا شباب ..
فهد وهو يناظر عمر ..سمعت يعني حتى هو شاف الحراميه ..
عمر للحين مو مصدق ولا مستوعب انو فيه حراميه لانو عارف انو الشاليه فيه حمايه .. من جدكم انتم ؟؟..
معاذ ..ياخي بعد كل اللي شفته جاي تقول من جدكم ياخي شوف حالتنا كيف هذا وقت مزح ..
عمر بعد ما تأكد انو كلامهم صدق قال بعد تفكير اخذ ثواني .. يعني هم لسا موجودين حولنا .. البنات !! ليكون راحو للبنات ..
ونزل بسرعه وطلع متجه لشاليه البنات ومعاذ وفهد ركضو وراه ..عمر وهو بالطريق اتصل على غاده وقالها تطلع له بعد ما سمع انو صوتها ما فيه شي ..
غاده بعد ما ققفلت من عمر طلعت له عند الباب وهي مستغربه لانو صوت عمر مو طبيعي ..
غاده .. هلا عمر وش فيك ؟؟..
عمر ..ما جاكم حد ما صار لكم شي انتم بخير ؟؟..
غاده باستغراب .. ايه الحمد الله ما فينا شي ولا جانا حد ..ليه وش صاير ؟؟..
عمر قالها اللي صار بشاليه الشباب ..
غاده بخوف ..يعني انتم بخير محد صارله شي ؟؟..
عمر ..اي الحمد الله عدت على خير بس خفت انهم جاو لعندكم فحبيت اتطمن عليكم ..
غاده ..لا الحمد الله حنا بخير ..
عمر ..طيب انتبهو لأنفسكم انا ابكلم مدير الأمن واشوف وش السالفه ....
غاده ..اوكي وطمني ..
عمر وهو رايح ..طيب ..
عمر راح عند الشباب اللي كانو واقفين عنه بعيد بشوي ورجعو للشاليه عشان عمر يكلم الأمن ..
......................



غاده رجعت عند البنات وطبعا سألوه وش فيه عمر ووش يبي من باب اللقافه وهي قالت لهم كل شي وفرح ووجدان يسمعون وخافوا ول ما سمعو غاده تقول انو عمر راح يتصل على الأمن ..
فرح سحبت وجدان وطلعو لغرفتهم ولما وصلو دخلو وقفلو الباب على طول ..
وجدان بخوف .. ها ياشاطره قولي وش نسوي الحين خلاص راح ننفضح ..
فرح ..اسكتي واللي يرحم والديك خليني افكر ..
وجدان ... طيب بسرعه قبل ما يتصل اخوك وننفضح صدق ..
فرح بعد سكوت طال ثواني ..لقيييتها .. تعالي اجلسي ..
وجدان وهي تجلس بجنب فرح على السرير ..ها قولي تكلمي بسرعه وش هي ؟؟..
فرح طلعت جوال فهد من جيبها وفتحته.. كويس ما فيه رمز .. وجلست تدور بالأسماء ..
وجدان تناظرها باستغراب ..وش تسوين انتي يلا بسرعه قولي وش هي الفكره ؟؟..
فرح بعد ما لقت الأسم اللي تبيه ناظرت وجدان بخبث وقالت..الحين تعرفين بس اسمعي .. وضغطت على الزر الأخضر وتنتظر الرد من الجهه الثانيه ..
...................................




عند الشباب ..
لما وصلو الشاليه قرر عمر انه يتصل على الأمن وتوه ماسك جواله الا رن ولما شاف المتصل استغرب وبان على وجهه..
فهد وهو يناظر عمر ..عمر وش فيك مين اللي يتصل ؟؟..
عمر .. انت ..
فهد توه استوعب وجاته الضحكه بس مو وقتها ..قصدك اللي ماخذ جوالي رد عليه بسرعه ..
عمر رد ..الو ..
فرح بعد ما ضخمت صوتها ..هلا معي الأخ عمر ؟؟..
عمر ..اي ..وانت مين ؟؟..
فرح ..ما يهم انا مين المهم اذا اخوياك يبون يأخذون جوالاتهم ومحافظهم لازم انت تنفذ شرطي ..
عمر بقله صبر ..ووش شرطك ؟؟..
فرح وهي ماسكه ضحكتها على اللي راح تقوله ..راح اعطيك كل شي بس بشرط تعطيني اختك فرح !!..
عمر عصب اول ما سمع اسم اخته ..وانت حضرتك من وين تعرف اختي ؟؟..
فرح .. راح تعرف كل شي لما اقابلك ..هذا طبعا اذا اخوياك يبون اغراضهم ..
عمر يبي يشوف نهايه هالحرامي وبنفس الوقت يبي يخلي الأمن يمسكونه فقرر انه يوافق ..
عمر ..اوكي متى ووين ؟؟..
فرح .. اممم الحين الساعه 8:30 بعد نص ساعه راح اقابلك قدام الشاليه حقكم عند البحر لو تأخرت راح على اخوياك كل شي ..وفرح راح اعرف اجيبها بطريقتي ..
عمر وصل حده من هذا الشخص ..اوكي بعد نص ساعه اشوفك ..وقفل بوجها ..
معاذ ..وش السالفه ووش يبي ووش اللي اختك ؟؟..
عمر ..قالهم الحوار اللي دار بينه وبين الحرامي ..اقصد فرح ..
........................




عند فرح ووجدان ..
فرح قفلت وهي ميته ضحك على اللي سوته ..وجدان تناظرها بخوف .. يالخبله وش اللي سويتيه ..وبعدين مين اللي راح يقابله كذا راح نكشف انفسنا بانفسنا ..
فرح ..ادري ياقلبي لازم يعرفون انه مقلب قبل ما تكبر السالفه ووبالنسبه لمين اللي بقابله فهو انتي ..
وجدان باستغراب ..انا !!؟؟..وكيف ليكون تبيني اتنكر قدامه ترى راح انفضح بسرعه ..
فرح ..لا يالذكيه انا ابقولك الحين وش تسويين ..وقالت لها الخطه الثانيه ..
..............................




بعد نص ساعه عند البحر كان عمر واقف ينتظر هذاك الشخص اللي حنا نعرف انه فرح ..طبعا بعد ما قال للشباب انهم يراقبون من بعيد واذا حسو باي حركه غلط من الحرامي على طول يبلقون الأمن ..
شوي طلعت وجدان تتمشى عند البحر وماسكه جوالها ..شافها عمر وعرفها ابتسم لاا ارادي وبعدين تذكر الشخص اللي ينتظره وخاف عليها راح لها .. وجدان صح ؟؟..
وجدان وقفت قباله ..ايه هلا عمر ..
عمر ..وش عندك طالعه تتمشين لحالك وين فرح عنك؟؟..
وجدان ..لا هي بتجي بعد شوي..
عمر ..اهاا ..يبي يقولها ترجع الشاليه بس مو عارف كيف ..
وجدان قاطعت تفكيره ..اممم وانت وش تسوي هنا لحالك ؟؟..
عمر توتر شوي ..لالا بس انتظر واحد من الشباب مواعده هنا فالأحسن انك ترجعين للشاليه مادامك لحالك ..>>الولد خبص مايدري وش جالس يقول كل تفكيره باللي راح يجي الحين ..
شوي الا تطلع فرح من ورا عمر ونقزت بينهم وقالت بدفاشه ..هااه وشش تسوووون ؟؟..
عمر ارتبك وتوتر اكثر ووجدان ماسكه ضحكتها على دفاشت فرح ..
عمر يقول في نفسه ..كملت ..
فرح وهي تناظر عمر ..عموور غريبه جالس لحالك هنا ؟؟..
عمر ..لا بس انتظر واحد من اخوياي ..
فرح وهي خايفه من رده فعل عمر ..قصدك تنتظر الحرامي اللي جاي يرجع جوالات الشباب ومحافظهم ..
عمر لما استوعب كلام فرح ناظرها باستغراب ..وانتي وش دراك ؟؟..
فرح وهي تتخبى ورا وجدان ..امم مدت له الجولات والمحافظ لاني انا الحرامي ..رمتهم بالأرض وراحت تركض لداخل الشاليه ووجدان راحت وراها ..
عمر للحين مفهي مو مستوعب اللي تو صار قدامه..فرح ..وجدان ..حرامي ..الجوالات والمحافظ .. نزل عيونه وجلس يناظر الجوالات والمحافظ ..
فهد ومعاذ شافو اللي صار بس برضو ما فهمو شي علشان كذا راحو عند عمر ولما شافو انو الجوالات هي جولاتهم والمحافظ تبعهم كمان زاد استغرابهم ..
معاذ يناظر عمر اللي يناظر الأرض وساكت ..عمر وش السالفه ؟؟..
عمر يحاول يستوعب اللي صار قال بفكر شارد ..مدري ..
فهد ..مين البنتين اللي كانو عندك من شوي ووش جاب جوالاتنا ومحافظنا عندهم ؟؟..
عمر ولسا فكره شارد ..اختي فرح ...سكت ..استوعب ..اخته فرح هي اللي اخذت الجوالات ..على طول ركض لشاليه البنات وهو ينادي فرح ..وهو معصب فررررررررررررح وينك فرررررررررح بسسسرعه اطلعي ..
كل البنات سمعوه ينادي ويصرخ خافو واستغربو في نفس الوقت ..طلعت له غاده خايفه اول مره تشوف عمر معصب كذا من بعد هذيك المره ..
غاده ..عمر هدي وش فيك ووش فيها فرح ..
عمر لسا على عصبيته ..نادي فرييح بسرعه خليها تطلع لي ..
غاده .. طيب وش صاير قول لي ؟؟..
عمر ..اقولك ناديها بسسرعه لا ادخل واسحبها من شعرها قدام الكل ..
غاده ..طيب طيب هدي الحين ابناديها لك ..
دخلت غاده بسرعه تدور فرح وطلعت لغرفتها وطقت الباب عليها لما شافته مقفل .. فرح بسرعه افتحي عمر معصب ويبيك ..انتي وش مسويه ؟؟..
فرح بخوف ..ما سويت شي وماني طالعه له ..
غاده ..اطلعي بسرعه ولا ترى راح يجيك ويسحبك من شعرك قدام الكل ..انتي وش مسويه خليتيه يعصب كذا ..
فرح وهي تكلم وجدان ..وجدان وش اسوي الحين ما توقعت انه راح يعصب كذا ..
وجدان هي خايفه الثانيه ..مدري مدري طلعي له ازين قبل ما يجيك هنا ويسوي فضيحه ..
فرح ..يوووه ياربي وش سويت انا ..
غاده ..فرح افتحي الباب ..
فرح فتحت لها الباب ..
غاده ..انتي وش مسويه يعني ما نرتاح لازم تصير مشكله كل يوم ..بسرعه انزلي له قبل ما يجيك ..
فرح والخوف كل ماله ويزيد ..لاماني طالعه له ..لو عنده شي يجي انا ما سويت شي >>تقول هالكلام من خوفها ..
..........................



عند عمر ..
جاو معاذ وفهد ومسكو عمر يهدونه وحاولو انهم ياخذونه للشاليه بس رفض ومقرر انه يدخل لها وبعد المحاولات ما قدرو عليه وعمر دخل من غير استأذان وهو اصلا ما يشوف قدامه من العصبيه وطلع لفوق وهو ينادي سمع صوت فرح تصرخ على غاده ..
..................................



(( نسيت اقولكم انو كل الأحداث اللي صارت امس واليوم في الشاليه كانت تحت مراقبه شخص ما )).............................



نرجع للبنات ..
فرح ..قلت لك ماني نازله يعني ماني نازله ..غاده خلاص لو عنده شي خليه يطلع لي اما انا ما سويت شي ولاني نازله وبعدين ان....... سكتت لانها شافت عمر واقف عند الباب ومحد انتبه له الا هي لانو غاده معطيه الباب ظهرها ووجدان كانت تناظر فرح واستغربو من سكوتها وناظرو المكان اللي تناظره بخوف ..
وجدان اول ما شافت عمر على طول تخبت في الحمام >> الله يكرمكم << وغاده خافت من شكل عمر المعصب ..فرح تجمدت مكانها لما شافت عمر يتقدم لها ..غاده حاولت تتدخل ..
غاده ..عمر هدي وقول لي وش السالفه عشان اتفاهممعها انا ..
بس لاحياه لمن تنادي عمر ما يشوف قدامه الا فرح وبس .. غاده.. اطلعي وقفلي الباب وراك بسرعه .. غاده توها بتتكلم بس عمر صرخ ..بسسرررعه ..
غاده طلعت وقفلت الباب ما تبي تعصب عمر اكثر من كذا ..
عمر تقدم لفرح اكثر ولما جاب يضربها كف رفع ايده بس فرح مسكتها قبل ما توصل لخدها ..
فرح بهدوء ممزوج بالخوف غريب عليها .. عمر ممكن تسمعني ..
عمر انصدم من حركتها وعصب اكثر وسحب يده منها وجا بيضربها مره ثانيه وفرح بعدت عنه ..
فرح بنفس الهدوء.. عمر انا اسفه بس وربي كنت ابي اسوي مقلب فيكم وبعدين ما صار شي كل شي رجع مثل ما كان واذا على دخلتي للشاليه عندكم ترى محد شافني ولا حد عرفني واذا كنت خايف علي من الشباب انهم يسوون لي شي لاني حرامي ..فلاتخاف اختك عن الف رجال وبعدين انا صحيت وطفشانه وحبيت اسوي جو شويه بالشاليه وياخوي الحياه حلوه ولو ما نعيشها ونسوي كل اللي نبيه ماراح ننبسط .. وحاولت تغير الموضوع عشان اخوها يهدى ..وبعدين ترى فيه وحده شافتك وانت معصب وخافت المسكينه >>وغمزت له << ..>> طبعا هي تقصد وجدان << ..
عمر هدي شوي والتكشيره الي بوجهه تحولت لأبتسامه على اسلوب اخته كيف تبسط الامور ولا كأنو صار شي اقتنع شوي بكلامها وابتسم اكثر على كلمتها الاخيره وغمزتها فهم انها تقصد وجدان ..
عمر يحاول ما يبين انه هدى واقتنع وحاول يخفي ابتسامته وقال ..طيب هالمره بعديها لك بس جربي تعيدينها ..وطلع بسرعه قبلما تشوف ابتسامته اللي مو قادر يمسكها .. ونزل لتحت وطلع من الباب الثاني من الشاليه اللي عند الدرج على طول ..
................................



نرجع غرفه فرح ..
وجدان لما حست انه طلع طلعت من الحمام >> الله يكرمكم << وهي مبتسمه على كلام فرح واسلوبها .. وضربت فرح على راسها بالخفيف ..مين قصدك بجملتك الأخيره هاه ؟؟..
فرح وهي مبتسمه ..اقصد غاده ..
وانفجرت ضحك بعدها ..
ووجدان عارفه قصدها وجلست تضحك معها .. هههههههههههههه .. بس عرفتي كيف تقنعينه .. ف
رح .. اي اكيد انا فرح مو حيا الله ..
وجدان .. اقول اهجدي بس ..
...........................




عند الشباب ..
دخل عليهم عمر وهو مبسوط استغربو منه ..
معاذ .. ياسبحانه اللي يغير ولايتغير ..
فهد ..لالا شكلو الولد حرارته مرتفعه ..
عمر يناظرهم ولسا مبتسم ..اقول شباب الجو مره حلو يلا نطلع عند البحر ..
فهد ومعاذ يناظرون بعض باستغراب وبعدها انفجرو ضحك ..هههههههههههههههههههه..
عمر عارف ليه يضحكون ما اهتم لهم وطلع للبحر ..وهم لحقوه وهم للحين يضحكون ..
طبعا وهم بالطريق للبحر كان عمر سابقهم ..
فهد مسك معاذ عشان يوقف ..
معاذ ..هااه وش فييك ؟؟..
فهد ..اوقف شوي خل عمر يبتعد ..
ولما ابتعد عنهم عمر وهم لسا واقفين مكانهم ..
فهد..اقول وش رايك نسوي مقلب باخينا عمر ..
معاذ وهو يفكر ..جد فكره بس وش نسوي ..
فهد ..اترك كل شي علي بس انت ساعدني ..
معاذ ..يلا قداااام ..
.......................(( مسكين هالعمر ماراح يسلم من المقالب اليوم ))





عند البنات ..
البنات كلهم قررو انهم يطلعون يجلسون عند البحر ..
بشاير وساره سبقوهم ..
ساره وهم يمشون رايحين للبحر انتبهت لفهد ومعاذ اللي واقفين يتكلمون .. بيشووو شوفييه يمممه قلبي احسب يطلع من كثر دقاته ...
بشاير ..ههههههههههههه اركدي يا بنت وش فيك .. اقول امشي بس امشي..
وكملو طريقهم للبحر ..
وبعدهم طلعو غاده ونواره وراحو لهم..اما فرح ووجدان للحين بالغرفه يسولفون ومو دارين عن حد ..
بعد ما جلسو البنات عند البحر ..
نواره ..الا جد وين فرح ووجدان ما شفناهم من بعد ما طلع منهم عمر ..
غاده ..لاتطمني ما فيهم شي انا كلمت عمر وطمني ..
بشاير..الا صدق هو على ايش كان معصب عليها ..
غاده قالت لهم السالفه والبنات انفجرو ضحك على فرح ..
هههههههههههههههههههههههههههه..
نواره .. الله يرج ابليسها والله ما ينلام لما يعصب عليها ..
غاده .. هههههههههههه هالبنت من عمرها مهبوله .. ابتصل عليها عشان يجوون ..
واتصلت على فرح وقالت لها تنزل هي ووجدان عندهم ..
فرح ووجدان لبسو وطلعو للبنات ..
.........................




عند الشباب ..
فهد ومعاذ جاو وجلسو عند عمر بعد ما اتفقو على المقلب ..
عمر .. اقول معاذ كأنو فيه واحد امس قال انه يبي يسابقك الصصباح .. >> ويغمز له ..
معاذ وتوه يتذكر لف على فهد .. أي يلا قوم نتسابق ..
فهد يبي المقلب يصير الحين ومعاذ شكلو بيخربه عليه ..غمز لمعاذ وهو يقول .. خلها العصر ازين الحين خلنا نستمتع بالجو الحلو ..
معاذ فهم عليه ..اي والله الجو مره روعه ما نبي نفوته بالسباحه ..
عمر ..اوه واخيرا اتفقتو على شي ..
فهد ومعاذ يناظرون بعض ويضحكون .. ههههههههههههههههه..
عمر ..يوووه نسيت جوالي بالشاليه ابروح اجيبه ..
فهد ابتسم بخبث ..اييييه خذ راحتك ..
ومشى عمر عنهم متجه للشاليه ..
معاذ ..يلا ابدا ..
فهد .. لا انتظر لما يخش الشاليه ..
معاذ وهو يناظر عمر اللي وصل الشاليه ..هذا هو خش يلا ابدا ..
قام فهد و هو يصرخ ينادي عمر .. عممممممممممممممممر يا عمممممممممممممر .. الحق يااعمررررررررررر.. وراح عند الشاليه وهو يصرخ وعمر سمعه وطلع بسرعه مستغرب ..
عمر ..ها وش فيك تصرخ وش صاير ..
فهد وهو يتصنع الخوف ..بشاير اختك دخلت البحر وغرقت الحق عليها بسسرعه ..
عمر راح يركض جهة البحر ..و لما وصل شاف معاذ يناظر بعيد بالبحر ويأشر ..عمممر اختك هناك روح لها بسسرعه ..
عمر طبعا دخل البحر من غير شعور ونسى انه ما يعرف يسبح ..كل ششي الا حبيبته وبنوتته بشاير .. دخل وهو ينادي بيشوووو بيشوووو بشااير وييينك .. لما وصل للعميق وكان بيغرق وحاول يسبح عشان ما يغرق بس مو قادر ..
فهد ومعاذ كانو ميتين عليه ضحك بس لما شافوه انه راح يغرق بسرعه راحو يساعدونه ..والبنات شافو اللي صار وخافو على عمر ..بس ما سمعوه وش كان يقول ..
شوي شافو فهد ومعاذ يساعدونه وطلعوه من البحر ولما وصلو عند الشاطئ..
فهد وهو ماسك عمر ..عمر انت بخير ..
عمر وهو يجلس ..ايه بخير بس اختي ... ..
قاطعه معاذ ..اختك شوفها هناك بخير بس حبينا نسوي فيك مقلب ..
عمر عصب عليهم ووده يكفخهم ..ووجع ابي افهم وش فيكم علي اليوم كل الناس يبون يسسوون فيني مقالب يعني كل هذا لاني طيب ولاني .... ..
قاطعه صوت فرح اللي جاي من بعيد .. عمر انت بخير ؟؟..
لفوا الشباب كلهم لجهة الصوت وشافو كل البنات واقفين ويناظرون عمر ..
الشباب ماتو ضحك على اشكالهم ..
ههههههههههههههههههه..
معاذ ..هههههههههه اووووووووه مين قدك يارجال ولك معجبات يخافون عليك ..هههههههههههههههه..
فهد ..ههههههههههههههههههه.. كل هذا من جهودي لو ما سويت فيك هالمقلب كان ما عرفت غلاك عند الحبايب وغمز له ..هههههههههههههه..
>> طبعا فهد يقصد اخوات عمر <<
عمر شاف نفسه ..احم احم ..عشان تعرفون بس مين عمر ..وخخرو خلوني اروح اطمنهم علي ..
وقام متجه للبنات .. اوه اوه لهذي الدرجه انا غالي وتحبوني ..
فرح وهي تجلس مكانها ..شوفووا صدق نفسه الأخ ..>>وبنفسها تقول الحمد الله انه بخير <<..
البنات .. هههههههههههههههههههه ..
بشاير ... عمور ما عليك منها طمنا انت بخير ؟؟..
عمر .. تدرين انو كل هاللي صار لي بسببك ..
كلهم يناظرون بشاير باستغراب ويرجعون يناظرون عمر ..
بشاير ..انا ؟؟!! .. ليه وش سويت ؟؟..
عمر ..قالهم كل السالفه ..
البنات مع عمر ماتو ضحك ..ههههههههههههههههههههههههه..
وشوي الا يسمعون صوت من بعيد ينادي عمر .. لف عمر وشاف معاذ يناديه ..
عمر رجع لف على البنات .. يلا صبايا عن اذنكم تعرفون المشاهير ما عندهم وقت والمعجبين والمعجبات يلاحقونهم بكل مكان ..
غاده .. اقول تيسر شوف الرجال يناديك..
عمر .. طيب طيب ..عاد ما اقدر اكسر كلمه امي ..
البنات ..هههههههههههههههههههههههه ..
غاده انقهرت منه ..اقول توكل ازين لك ..
عمر وهو يضحك توه بيمشي الا تنط فرح وتناديه ..عمممممر ..وقف ..
عمر لف عليها وهي كانت واقفه قدامه ..هاه وش تبين ..
فرح ..تتمصلح ..عمور ياخوي ياحبيبي اطلب أي أي شي واسويه لك ..
عمر يعرفها اذا قالت كذا يعني تبي شي ..اخلصي علي وش تبين قولي من الأخر ؟؟..
فرح .. يالبى اخوي اللي عارفني ..اممم عمور تكفي انا ووجدان نبي نركب الجكستي ..تكفى عمور وافق ..
عمر اول ما سمع اسم وجدان ابتسم لا ارادي وسرح شوي ..
فرح .. هاه عمووور وش قلت ماراح نطول بس تكفى وافق ..
عمر لما انتبه لها .. طيب ولو انا وافقت لك يمكن خويتك ما يوافق لها اخوها >> ما يبي ينطق اسمها عشان ما يفضحه قلبه من قوه دقاته <<..
فرح .. يعني ماراح توافق الا لما يوافق اخوها >> تألف كلام من عقلها هالبنت <<...
عمر يناظر فرح ..هيه انتي انا متى قلت كذا ؟؟..
فرح .. شسمه لا بس معنى كلامك كذا ..ولفت على وجدان ..يلا وجد قوميي بسسرعه ..
وجدان وهي تقوم ..طيب هذا انا قمت ..
وراحت لأخوها وقالت له وقالها ابشوف عمر قبل ..وجاو اثنينهم عند عمر وفرح ..
وجدان وقفت عند فرح ومعاذ عند عمر ..
معاذ ..ها عمر وش رايك نتركهم يركبون ولا لا ..
عمر وهو عامل حاله يفكر ..اممم انت وش رايك ؟؟..
>> هم موافقين ولا عندهم مانع بس يبون يطفشون البنات <<
معاذ ..لالا حلفت انت تقول رايك قبل ..
عمر ..لالا علي الطلاق انت تقول بالأول ..
فرح ووجدان طفشو ..
فرح ..اقول وجدان قومي نركب شكلو هذول مطولين اللي يسمعهم يقول جالسين يتعازمون على عزومه مو راي..
وجدان ..ههههههههههه من جد يلا قومي بس ..
ومشو وتركوهم يتعازمووون ..
.............................




عند البنات ..
ساره .. بيشو وش رايك نروح معهم ..
بشاير .. لا اخاف اركبه خلينا نشوفهم بس ..
ساره .. طيب ..
وجلسو البنات يسولفون ..
......................




فهد طفش وهو جالس لحاله ينتظر الشباب يجونه فقرر يروح لهم ..
فهد لما وصل عندهم وهم لسا يتعازمون وشكلهم ما انتبهو للبنات اللي مشو وتركوهم ..
فهد .. هييه انتم وش تتعازمون عليه ..
معاذ وعمر يناظرون بعض ويناظرون قدامهم مكان البنات .. شوي وانفجرو ضحك على انفسهم وقالو لفهد السالفه ..
فهد .. ههههههههههههه جد مهابيل .. الا على طاري الطرادات وش رايكم نروح نركب ..
معاذ .. ايه اصلا انا مخطط اني اروح اركب ..
عمر .. اجل يلا مشينا ..
............................



عند وجدان وفرح لما وصلو لمكان الطرادات ..
وجدان .. كويس مافيه زحمه يلا امشي نركب ...
فرح .. يلا ..
لما جاوب يركبون شافو عمر ومعاذ وفهد جايين لهم ..
فرح .. هذا عمر واخوك وفهد شكلهم بيركبون تعالي نسألهم ..
وراحو لهم ..
عمر لما وصلو فرح ووجدان لهم .. كويس باقي ماركبتو ..
فرح .. ايه تونا بنركب وشفناكم ..
فهد .. اجل يلا تعالو نركب كلنا ..
ومشو كلهم عشان يركبون ..
............................




وفي نفس المكان كان موجود شابين بيركبون الطرادات كمان ..
.....................




ولما ركبو كل واحد لحاله طبعا ..
فرح .. يلا سباق وش رايكم ؟؟..
معاذ .. اوكي موافقين ..
عمر .. لا وش موافقين انا مابي اتسابق ..
فهد .. قول خايف تخسر هاه..
عمر .. اقول اسكت بس ماني خايف بس مابي ..
وجدان .. اوكي خلاص حنا راح نتسابق ..
فرح.. يلا اللي يوصل للحاجز اول هو الفايز ..وعمر الحكم ..
عمر ..موافق .. يلا تجهزو ..
الكل .. جاهزيين ..
عمر .. يلا 1..2..3.. انطلاق ..
وكلهم انطلقوا والمتقدمين كانو معاذ وفرح ..
وبنفس الوقت الشابين ركبو بالطرادات ومشو كل واحد لحاله ..
وواحد منهم لما شاف اللي يتسابقون راح لهم وبالأخص عند فرح وحاول يعكرعليها ..
وفرح كانت متحمسه بالسباق وتنرفزت من ذا اللي جاي ققدامها ويعكر لها ..حاولت تبعد منه وهو مصر يخرب عليها ..
.....................




عند البنات ..
انتبهو للشباب مع وجدان وفرح يتسابقون وجلسو يصرخون يشجعونهم ..
وشوي سكتو لما انتبهو لفرح تصرخ على واحد ما عرفوه وراحو بسرعه جهة الطرادات ...
...................................



اما فرح ماكانت قادره تفتح عيونها لانو المويه دخلت بعيونها لان الشاب كان يسرع من قدامها وجات المويه كلها عليها ..
وعمر ومعاذ وفهد ووجدان مع البنات كلهم صرخو لما شافو فرح صدمت بالسفينه اللي كانت جايه اتجاهها وانقلب الطراد فيها ..
لااااااااااااااااااااااااااااااااااااااا..فررررررر ررررررررررررررررررررررررررررررررررررررررحح ....
...........................
..
..
..
(( انتهى البارت ))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 05-03-2015, 05:46 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


وهذا البارت وصل


يلا بانتظار ردودكم وتوقعاتكم حبايبي



تعديل الوعد _ ALWAAD; بتاريخ 05-03-2015 الساعة 05:51 PM.
الرد باقتباس
إضافة رد

كل الشباب عشقوها وهي ما عشقت إلا أبوها/بقلمي؛كاملة

الوسوم
الشباب , ابنها , عشقت , عشقوها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أنا بنت شفت العذاب و حبيت إنتقم /بقلمي؛كاملة جورية تذبل روايات كامله - يتم نقل الرواية هنا بعد اكتمالها 484 26-05-2018 11:29 AM
لك العهد والعشق والإنتماء .. اوراق ملكيه متنوعه ... % النووور % كووره عربية 116 21-04-2016 09:38 AM
روايتي الأولى:مازال هناك أمل YasminHabouchi روايات - طويلة 189 11-09-2015 06:19 PM
أياديّ الأصحاب حُضن العمر/الكاتبات : الاء الشهراني , سديم الشهراني/كاملة روايات لويش و ساز روايات كامله - يتم نقل الرواية هنا بعد اكتمالها 44 18-07-2015 03:54 AM
دوري الكبار فقط : النصر فى الصدارة الافضل هجوما والهلال ثالثا والافضل دفاعا @yazeed@ كووره عربية 4 20-05-2015 07:34 AM

الساعة الآن +3: 03:24 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1