غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 06-03-2015, 03:17 AM
latoof200 latoof200 غير متصل
©؛°¨غرامي جديد¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


حماااااس و الروايه كل بارت يزيد الحماس فيه.عن الي قبله ووو اتوقع و جدان بتحاول تساعدها و بتغرق معها و متى بتنزلين البارت الي بعده

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 06-03-2015, 01:05 PM
latoof200 latoof200 غير متصل
©؛°¨غرامي جديد¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


وش راح يصيير على فرح اتوقع بتحاول تساعدها وجدان[/] و بتغرق معها ووو ترا كل جزء عن الثاني يزيد الحماس و احنا بأنتظار البارت الجديد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 07-03-2015, 07:40 AM
صورة عبيير5552 الرمزية
عبيير5552 عبيير5552 غير متصل
©؛°¨غرامي مشارك¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


بااااارت جميل


استمري بنتظااارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 07-03-2015, 04:07 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


وش راح يصيير على فرح اتوقع بتحاول تساعدها وجدان[/] و بتغرق معها ووو ترا كل جزء عن الثاني يزيد الحماس و احنا بأنتظار البارت الجديد




شكرا على مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 07-03-2015, 04:19 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


بااااارت جميل


استمري بنتظااارك



اهلين نورتي

انتي الاجمل والبارت بينزل اليوم ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 07-03-2015, 04:31 PM
صورة tofoof الرمزية
tofoof tofoof غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


موفقه حبيبتي ويعطيج العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 08-03-2015, 12:13 AM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


[size="5"][b][center]
(( البارت الخامس ))
..
..
..
..
اما فرح ماكانت قادره تفتح عيونها لانو المويه دخلت بعيونها لان الشاب كان يسرع من قدامها وجات المويه كلها عليها ..
وعمر ومعاذ وفهد ووجدان مع البنات كلهم صرخو لما شافو فرح صدمت بالسفينه اللي كانت جايه اتجاهها وانقلب الطراد فيها ..
لااااااااااااااااااااااااااااااااااااااا..فررررررر ررررررررررررررررررررررررررررررررررررررررحح ....
وبسرعه ثلاث طرادات كانو متجهيين لفرح ..
عمر وصاحب الطرادات والشاب اللي كان يعكر لها ..
والشاب هو اول واحد وصل وحاول انه يشيلها ..
(( الحمد الله انو وجدان اقنعت فرح تلبس جاكت الأنقاذ ولا كان راحت فيها ..))
الشاب شال فرح وكان مغمي عليها وركبها بالطراد معه على وصول عمر وصاحب الطارادات >> طبعا محد لاحظ انو هذا الشاب نفسه اللي كان يعكر لها ..
عمر وهو يقرب لفرح ..فررح .. فررررح ..
الشاب وهو يناظر فرح ويكلم عمر .. هي بخير بس اغمي عليها لانو الطراد جا فوقها خلنا نوديها هناك وان شاء الله تصحى ..
عمر بخوف .. ان شاء الله ..
ومشى الشاب بطراده وعمر للمكان اللي ركبو منه ..
ومعاذ ووجدان وفهد لما شافوهم راجعين هم رجعو كمان ..والبنات كانو ينتظرونهم هناك ..
وصل الشاب ونزل فرح بمساعده عمر ودخلوها غرفه الطوارئ اللي هناك ..
وعمر اتصل على دكتورهم الخاص عشان يجيهم ..كان خايف على فرح ومو عارف كيف يتصرف ..
البنات اول ما دخلو فرح على طول تجمعو عليها والشباب راحو لعمر يهدونه ..
وجدان وهي تمسك ايد فرح .. فرح تسمعيني ..
غاده بخوف .. فرح قلبي ردي..
الشاب وهو واقف بعيد شوي لانو الغرفه صارت كلها بنات ..ممكن شوي انا ادرس طب وعارف لحالتها ..
عمر لما سمعه راح له بسرعه ..ليه ساكت من اول ..وبصراخ .. وخروا عنها ..وسحب الشاب لجهه فرح ..
البنات خافو من عصبيه عمر وبعدو عنها ..
الشاب اول ما قرب عند فرح وكان وجهها مكشوف .. صار يناظرها ومقدر يبعد عيونه عنها ..و بداخله ماشاء الله ما توقعتها جميله كذا .. ولما انتبه على نفسه ابعد عيونه عن وجهها ومسك يدها بتردد عشان يشوف نبضها ولما شافه ضعيف شوي لانها مغمي عليها ترك يدها بهدوء و جلس يحاول يصحيها ..
عمر .. اختي بخير صح ...
الشاب وهو يبتسم لعمر .. هي بخير بس مثل ما قلت لك هي بس مغمي عليها جيب لي عطر عشان تصحى ..
عمر وهو يكلم البنات ..عطوني عطر بسرعه ..
البنات جلسو يناظرون بعض وتذكروا نهم ماجابو معهم شي من خوفهم على فرح ..
غاده .. ما معنا شي كنا خايفين على فرح وجينا بسرعه ..
عمر توه بيتكلم الا قطعه الشاب .. انا سيارتي قريبه ابجيب عطر واجي ..
طلع بسرعه وراح جاب العطر ومنديل وجا .. رش شوي من العطر على المنديل وقربه من خشم فرح ..
فرح .. بدت تصحى بس لسا مافتحت عيونها .. وهي تتمتم وكأنها تستنجد باحد ..
الكل مافهم عليها بس شوي وبدت كلمتها توضح..
فرح ..يبه يا يبه وينك يببببببببه ..
قرب منها عمر ومسك ايدها .. حبيبتي فرح انا هنا بجنبك وكلنا حولك طمنيني انتي بخير ؟؟..
فرح وبدت تفتح عيونها .. واول ما فتحتها طاحت نظراتها على الشاب وهو كان يناظرها بابتسامه ..
فرح لما انتبهت كويس لمالامح الشاب تذكرته وقامت صرخت عليه وهي مو حاسه باللي حولها.. انت السبب ..كنت ابمووت وانت السبب ..رفعت يدها كانت بتعطيه كف بس حست انو حد مسك يدها ولما لفت شافته عمر اخوها ..
عمر ..فرح هذا اللي انقذك ..
فرح صارتناظر اللي حولها وكلام عمر باقي ما استوعبته ..
غاده قربت منها .. فرح الحمد الله انك بخيير ..
فرح لسا مو مستوعبه ولا تدري وش صار لها ..ولفت جهت الشاب وجلست تناظره والشاب للحين مبتسم ..
فرح لفت على عمر وقالت باستغراب .. ليه انا وش صار لي ؟؟..
الكل صارو يناظرون بعض وهم ساكتين ..
فرح .. ليه ساكتين ..
جات وجدان لها وضمتها بقوه .. الحمد الله انك بخير ياقلبي ..
فرح حست من ضمت وجدان انو اللي صار لها شي كبير ..
اما عمر لما تطمن على فرح لف للشاب وابتسم له.. شكرا يا ... اممم معليش وش اسمك ؟؟..
الشاب بابتسامه .. مد يده لعمر معك فارس ..
عمر سلم عليه .. تشرفت بمعرفتك اخ فارس معك عمر ومشكور ..
فارس .. لا شكر على واجب اخ عمر أي حد بمكاني راح يسوي مثلي واهم شي ان اختك بخير وابتسم له واستأذن وطلع ..
فرح والعبره خانقتها من زمان محد ضمها مثل هذي الضمه .. وجدان وش صار لي ؟؟..
وجدان حست بصوت فرح المخنوق وبعدت عنها عشان ما تبكي وابتسمت لها ... حبيبتي ما صارلك شي يلا قومي نرجع الشاليه واقولك كل شي ..
الكل تحمد لفرح بالسلامه وطلعو كلهم وعمر اتصل على الدكتور وقاله خلاص مايحتاج يجي وبعدها اتصل على السايق وجا لهم وركبو كلهم بالسياره ورجعو الشاليه لانو كان بعيد عن المكان اللي هم فيه ..
......................................



اما فارس لما طلع من عندهم قابل الشاباللي كان معه .. وسأله عن السالفه وهو قاله وراح ركب سيارته ومشى للشاليه حقه ..وكان يكلم نفسه ..اجل اسمك فرح ما توقعتك بذا الجمال .. بس ماراح اتنازل عن اللي في بالي ..
..................................



لما وصلت سياره السايق الشاليه نزلو ووجدان اخذت فرح وطلعو لغرفتهم والباقي كل واحد راح لغرفته ..
..........................
عند فرح ووجدان ..
فرح بعد ما انسدحت على السرير ..وجدان ترى انا للحين مو فاهمه وش اللي صار لي وكيف هذاك الغبي انقذني ..
وجدان باستغراب ليه تقولين عنه غبي وهو اللي انقذك ..
فرح .. ياليييييييل وش انقذني منه تكلمي ..
وجدان.. انتي ليه معصبه الحين ..طيب خلاص ابقولك ..وقالت لها كل اللي صار ..
فرح مصدومه ..من جدك شالني ؟؟!!..
وجدان تضحك على شكل فرح ... ههههههههههه ايه شالك لولا الله وثم هو كان انتي.... وسكتت ما قدرت تكمل ..
فرح وهي تفكر باللي قالته وجدان .. بس هو السبب ..
وجدان .. كيف ؟؟..
فرح .. لو هو ماكان يعكر لي ويرش علي مويه كان ما صار اللي صار ..
وجدان توها تتذكر شكله ..ايه والله توي انتبه .. بس ليه سوا كذا ؟؟..
فرح .. هذا اللي انا افكر فيه..
وجدان .. قولي لاخوك عشان يأدبه ..
فرح .. لالا .. انتي تعرفين عصبيه عمر خلينا نسكت عن الموضوع وما كأن صار شي وانا اقدر اعرف ليه سوا كذا بطريقتي ..
وجدان .. طيب .. بس وش راح تسوين ؟؟..
فرح .. بعدين راح تعرفين .. انا ابنام الحين احس اني تعبانه ..
وجدان .. اوكي وانا ابنام كمان ..
.......................
ونامو الكل بعد ما صلو الظهر ياخذون قيلوله ..
............................



وعلى الساعه 4 العصر الكل صحى ..
...............
عند الشباب ..
بعد ما صلو العصر جلسو بالصاله يسولفون ..
معاذ .. بصراحه الأحداث اللي صارت معنا اليوم احسها حلم ..
فهد .. ههههههههههههههه من جد المشكله كلها صارت ورا بعض تحسه فلم اكشن ..
معاذ وعمر .. هههههههههههههههههههههه ..
عمر .. من جد بس كان نهار متعب جدا ..
معاذ .. اقول شاباب متى راجعين ؟؟..
فهد .. بكرا الصباح صح عمر ..
عمر .. ايه ان شاء الله بكرا نمشي ..
معاذ .. بس انا ابرجع اليوم احس ثقلت عليكم ..
فهد يرمي المخده عليه .. وعمر يرميه من الجهه الثانيه ..
معاذ .. هههههههههههههههه .. شوي شوي انا وش قلت ..
فهد .. لا ياشيخ احلف بس يقول وش قلت ..
عمر يدور حوله ما فيه مخده عشان يرميها عليه .. للأسف خلصو .. تبي الطاوله على راسك عشان تعرف وش قلت ..
معاذ ..ههههههههههههههه ..لا بس شسمه ..
فهد قاطعه .. اقول بس اسكت لابالطاوله جد على راسك ..
معاذ .. لالا خلاص سكتت .. انتو ابد محد يمزح معكم ..
عمر يناظره بنص عين .. احلف انك كنت تمزح ..
معاذ .. هاه .. اقو لانا جوعان متى يحطون الغدا ..
فهد .. عاااااش مصرف ..
الكل .. ههههههههههههههههههههههههههه ..
عمر .. الحين ادق عليهم عشان يجهزونه ..
........................



عند البنات ..
كلهم متجمعين بالصاله ماعادا فرح لسا نايمه ووجدان تعبت وهي تصحيها ولا صحت فتركتها وراح ترجع لها ..
غاده بعد ما قفلت من عمر ..يلا بنات ما تبون تتغدون ؟؟..
نواره .. اكيد نبي انا مره جوعانه ..
بشاير .. حتى انا ..
غاده .. اوكي ابقولهم يجهزون الغدا لنا وللشباب ..
نواره .. وجدان روحي صحي فرح ..
وجدان وهي قايمه .. طيب .. طلعت لغرفتهم هي وفرح ولما دخلت شافت الغرفه بارده واستغربت فرح للحين ما صحت .. راحت تطفي المكيف وفتحت النور ..قربت عندها .. فرح وش ذا النوم للحين ما صحيتي ؟؟..
فرح .. لا رد ..
لما ما ردت عليها قربت منها ومسكتها من كتفها .. فرررررح يلا اصحي نبي نتغدا ..
وفرح ما تحركت ولا حركه ..
وجدان تعرف انو فرح نومها ثقيل بس مو لهذي الدرجه استغربت انها ما تحركت مسكت يدها وحاولت تقومها .. فرررررررح وش ذا النووم يلا ...... وسكتت لما شافت يد فرح طاحت ولاهي حاسه بشي ..و بخوف ..فررررررح .. وهي تهزها .. فرررررررررررررح وش فيك .. ماتدري وش تسوي نزلت دموعها وهي تحاول تصحي فرح ولما شافت ما في فايده نزلت بسرعه لتحت ولما شافوها البنات تبكي وخايفه استغربو ..
غاده ركضت لها ..وجدان وش فيك ؟؟..
وجدان مو قادره تتكلم من البكي تأشر على فوق ..
غاده مو فاهمه شي ..وجدان تكلمي ..
وجدان .. ف..فر.. فرح..ورجعت تبكي ..
غاده خافت وطلعت لفوق ووراها وجدان والبنات ..
لما دخلوا للغرفه انصدمو من شكل فرح اللي كأنها ميته ..
غاده بسرعه راحت لها وحاولت تصحيها .. فرررح فررح تسمعيني . ولفت على البنات .. بسسسسرعه قولو لعمر ..
بشاير بخوف على فرح .. راحت تركض نزلت ومن غير شعور طلعت من الشاليه حقهم لشاليه الشباب ودخلت ..
الشاباب كان يتغدون وانصدمو من شكل بشاير اللي داخله عليهم كذا ..
عمر اول ما شافها وقف بسرعه وراح لها ..بيشو وش فييك ..
بشاير وهي تبكي .. عمر .... فر.. فرررررح ..
عمر بخوف .. فرح وش فيها ؟؟..
بشاير .. تعال بسرعه ..
وراحو يركضون لشاليه البنات ..
وفهد ومعاذ للحين منصدمين مو مستوعبين اللي شافوه ..
................................



عند فرح لما دخلو عمر وبشاير الغرفه عمر وقف شوي يستوعب شكل فرح وبعد ثواني اخذها بسرعه وركبها السياره وركبت معها وجدان ورا وغاده بجنب عمر وطيران على اقرب مستشفى ..
..............................


عند البنات ..
بشاير جلست تبكي وساره ونواره جلسو يهدونها ..
............................




بالمستشفى..
اول ما وصل عمر نزل فرح من السياره ودخلها بسرعه ولما شافوه الممرضات على طول جابو سرير وحطو فرح فيه ودخلوها لقسم الطوارئ ولما دخلوها للغرفه عمر وغاده ووجدان جلسو ينتظرونها برا ..
...................................
الممرضه ..يادكتور فواز فيه حاله طارئه تعال بسرعه بقسم الطوارئ ..وطلع الدكتور والممرضه بسرعه لغرفه فرح ولما دخل وكشف عليها عرف انها داخله بغيبوبه وسأل الممرضات اذا عرفو عنها شي قالو له انو اهلها برا ..
طلع الدكتور وشاف شاب وبنتين جالسين على الكراسي اللي قريبه من الغرفه تقدم لهم ..
د.فواز يكلم عمر .. لو سمحت اخوي انتو اهل المريضه اللي داخل ؟؟..
عمر قام بخوف اول ما شاف الدكتور .. ايه .. اختي فيها شي يادكتور ؟؟..
د. فواز .. انا اسف بس اختك دخلت في غيبوبه ..
انصدمو عمر وغاده ووجدان .. وبصوت واحد .. غيبووبه !!..
د. فواز باسف .. ايه ..
عمر طيب وش سبب الغيبوبه ؟؟..
د. فواز.. انا اللي ابي اسألك هل هي تعرضت لحادث او شي من كذا ؟؟..
عمر قاله اللي صار لفرح الصباح ..
د. فواز ..اهاا اجل هذا السبب بس ليه ما جبتوها من اول ما صار لها الحادث ؟؟..
عمر .. لانها صحت وقالت انو مافيها شي ..
د. فواز .. ولو المفروض جبتوها ..
عمر ..طيب يادكتور راح تطول بالغيبوبه ؟؟..
د. فواز .. الحين انا قلت لهم يسوون لها اشعه ولما اشوفها راح اقولك ..وان شاء الله مافيه الا الخير ..
عمر .. ان شاء الله ..
عمر وغاده ووجدان ارتاحو شوي من كلام الدكتور ..
د. فواز .. لو سمحت اخوي تعال معي المكتب عشان اخذ منك شويه معلومات عن اختك ..
عمر .. ان شاء الله ..ولف على غاده ووجدان وقال لهم يجلسون ويرتاحون وينتظرونه ..
وراح عمر مع الدكتور ..
.....................................



في الشاليه..
فهد ومعاذ راحو لشاليه البنات يبون يعرفون وش السالفه والبنات قالو لهم السالفه وقرروا انهم يروحون للمستشفى بس بعد ما يتصل فهد على عمر ويعرف هم باي مستشفى ..
.............................



في المستشفى وبالتحديد غرفه الدكتور ..
د. فوازبعدم تصديق .. انت ولد المليونير مشاري الرائد؟؟!!..
عمر متعجب من استغراب الدكتور .. ايه ..
د. فواز قام له .. هلا والله وغلا نورتنا ..
عمر وهو مبتسم .. تسلم ..
د. فواز .. معك الدكتور فواز وهذا كرتي باي وقت تحتاج مساعده اتصل علي وانا بالخدمه ..
عمر .. مشكور ما تقصر بس كل اللي ابيه الحين انك تطمني على اختي ..
د. فواز .. ان شاء الله هي بخير وانت روح ارتاح ولما تطلع الأشعه ابطمنك ..
عمر .. ان شاء الله ..
عمر استأذن وطلع .. وراح لغاده ووجدان وطمنهم وقالهم انهم بيرجعون البيت وهو راح يجلس هنا مع فرح لما تطلع الأشعه ويتطمن عليها بس راح يعطي الحرس خبر عشان يشيلون كل الأغراض ويرجعون من الشاليه ..
وكلم فهد وقاله كل شي وقاله يجون بيتهم كلهم ..
وجدان قبل ما يوصل السايق عشان ياخذها هي وغاده للبيت .. لا انا ابي اجلس مع فرح ..
عمر .. انا راح اجلس معها ماله داعي انتي تجلسين وبعدين انتي عندك اهل ينتظرونك روحي لهم ..
وجدان وشوي تبكي تبي تتطمن على فرح .. لامابي ابي اجلس معها واهلي ماراح يقولون شي ..
عمر وهو يكلم غاده .. غاده خذيها معك ما يصير تجلس هنا ..
غاده توها جات بتتكلم الا قاطعتها وجدان .. قلت لك ماراح اتحرك من هنا .. وراحت جلست على الكراسي وتركتهم ..
غاده .. عمر خلاص اتركها هذي اعز صاحباتها اكيد تبي تتطمن عليها لاتلومها اللي شافته مو شوي ..
عمر وكسرت خاطره وجدان .. طيب خلاص اجل انتي روحي لانو الكل الحين رايح للبيت ..
غاده .. طيب .. لاتنسى تطمني على فرح ..
عمر .. ان شاء الله ..
غاده راحت مع السواق للبيت ..
وعمر راح يجلس على الكراسي بعيد عن وجدان بشوي ..
...................




نروح شوي للي كان يراقب فرح هو شاف اللي صار اخر شي بالشاليه واللي بالمستشفى لحظه بلحظه ..
..........................




اما فهد واللي معه وصلو لبيت ابو عمر ودخلو وشافو غاده موجوده وفهد ومعاذ راحو للمستشفى ..
....................




بالمستشفى ..
جات ممرضه لعمر وقالت له انو الدكتور يبيه بمكتبه ..
وجدان سمعت الممرضه وقامت ورا عمر وعمر ما انتبه لها ..
عند الدكتور دخل عمر ووجدان وقفت عند الباب ..
د. فواز ..اخوي عمر انا اسف اني اقولك هذا الخبر بس لازم تعرف ..
عمر بخوف .. اختي فيها شي ؟؟..
د. فواز .. الأشعه توضح انو فيه ارتجاج بسيط بالمخ وهذا اكيد اثر الضربه اللي جات على راسها وهذا الأرتجاج راح يؤدي الى ان فرح تفقد ذاكرتها بس مو بشكل دائم يعني فقدان مؤقت ومع العلاجات ان شاء الله بيروح الأرتجاج وترجع لها ذاكرتها ..
عمر بصدمه .. تفقد ذاكرتها !!..
ووجدان اكثر صدمه منه ولا قدرت تتكلم ورجولها مو شايلتها فجلست على الأرض عند الباب ..
د. فواز .. ايه بس مثل ماقلت لك مؤقت ..
عمر .. طيب يادكتور يعني ان شاء الله راح ترجع لها ذاكرتها ؟؟..
د. فواز .. ايه باذن الله ..
عمر .. طيب بالنسبه للغيبوبه راح تطول فيها ..
د. فواز ... لا ان شاء الله كم ساعه وتصحى ..
عمر .. طيب اقدر اشوفها ..
د. فواز .. ايه بس حاول انك ما تكلمها ..
عمر .. طيب ..وقام واستأذن من الدكتور وطلع .. تفاجأ بالبنت اللي جالسه على الأرض ولما دقق فيها عرف انها وجدان راح لها بسرعه .. وجدان وش فيك ؟؟..
وجدان رفعت عيونها المليانه دموع لعمر .. فرح بخير صح ياعمر ..
عمر لما شاف دموعها ..تحرك شي بداخله وقلبه صار يدق بقوه ونبره صوتها الحزينه اثرت فيه وحس وده يضمها عشان يخفف عليها ..بس بعد عيونه عنها وقال .. ايه هي بخير والحين انا بروح اشوفها تعالي معي ..
قامت وجدان ومشت بجنب عمر وهي ماسكه دموعها رايحين لغرفه فرح ..
ولما وصلو للغرفه شافو فهد ومعاذ توهم جايين ..
وجدان اول ما شافت اخوها على طول راحت له وضمته .. معاذ فرح ماراح تذكرني فرح فقدت الذاكره ..
معاذ وفهد انصدمو وصارو يناظرون عمر ..
عمر نزل راسه بحزن ولف للغرفه فرح ودخل ..
وجدان بعدت عن اخوها بعد ما هداها ودخلت ورا عمر ..
عمر اول ما شاف اخته موحاسه بشي دمعت عينه ماتوقع بيوم انه راح يشوف فرح بذا الشكل ..
ووجدان على طول راحت لها وضمتها وكانت بتبكي بس عمر جالها بسرعه ومسكها من كتفها وبعدها وقالها بهمس وجدان اهدي ترى فرح تحس ..
وجدان مسحت دموعها وجلست تناظر فرح ..
وعمر قرب لفرح وباس جبينها وطلع بعد ما قال لوجدان انها ما تطول ..
فهد اول مره يشوف عمر حزين كذا من بعد سفر امه وابوه ..
فهد وهو يحط يده على كتف عمر .. ياخوي ان شاء الله مافيها الا كل خير وراح تقم بالسلامه ..
عمر .. ماتوقعت بيوم اني راح اشوف فرح بذات بذي الحاله ..
معاذ قرب منه .. اهدى يا اخوي واذكر الله قدر الله وماشاء فعل ..
شوي طلعت وجدان وقال معاذ .. يلا شباب انا استأذن بروح للبيت ..
عمر .. لا تعال معنا لبيتنا .
معاذ .. طيب يلا مشينا ..
وجدان وتكلم اخوها .. لا انا بجلس مع فرح لين تصحى ..
معاذ .. لا ما يصير تجلسين لحالك هنا تعالي معنا ولما تصحى راح يقولون لنا المستشفى ونجيها ..
وجدان .. لا مابي انا ابي اجلس معها ..
عمر ..هي الحين نايمه ماراح تستفيدين شي من جلستك معها ..
وجدان .. مالكم دخل فيني انا قلت ماراح اروح ..ورجعت دخلت عند فرح وتركتهم ..
معاذ .. ممكن تجلس عند اختك يا عمر اختي اعرفها عنيده وبذات بشي يخص فرح ..
عمر وقلبه رجع يدق بقوه يحاول ما يبين شي .. لا عادي وانت لاتخاف عليها هي بالمستشفى يعني بأمان يلا نمشي ..
وطلعو كلهم متجهين لبيت ابو عمر ..
............................





الساعه 8:30 بالليل..
..ووجدان لسا عند فرح وهي للحين ما صحت قامت تو ضت وصلت العشاء وجلست عند فرح وتدعي الله انه يشفيها ..
....................



ببيت ابو عمر ..
نواره جاها اخوها وراحت لبيتها بعد ما تطمنت على فرح صحيح انهم كلهم انصدمو بالخبر بس قدر الله ومشاء فعل ..
وساره كلمت امها وقالت لها انها بتنام عند بشاير لانها ما تقدر تتركها ..
اما الشباب كل واحد راح لبيته وعمر دخل عند اخواته ..
غاده توها نازله من غرفتها وشافت عمر توه داخل ..عمر تعشيت ؟؟..
عمر وهو يجلس على الكنبه بتعب .. لا للحين ..
غاده .. طيب تبي تاكل شي ؟؟..
عمر .. لا مالي نفس للأكل بس خليهم يجيبون لي عصير ..
غاده وهي متجهه للمطبخ طيب ..
راحت قالت لهم يجهزون عصير وشويه ساندويشات ..
...............................




بالمستشفى ..
وجدان تعبت من الجلسه وانسدحت على الكنبه الي بجنب سرير فرح ونامت وكل شوي تصحى تفكر انو فرح صحت ..
.....................
بنفس المكان بس غرفه ثانيه ..
... .. يادكتور ممكن تقولي هي وش فيها بالضبط ؟؟..
الدكتور .. وانت مين عشان تسأل عنها تقرب لها ؟؟..
.... .. ايه اقرب لها .. قول وش فيها ..
الدكتور .. هي الحين بغيبوبه وبعد كم ساعه ان شاء الله راح تصحى بس ماراح تتذكر شي ..
... .. فاقده الذاكره !!؟؟..
الدكتور .. ايه بس مؤقته ..
طلع من غير ولا كلمه ..
.............................

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 08-03-2015, 12:16 AM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي



بيت ابو عمر ..
عمر بعد ما غصبته غاده انه ياكل شوي .. راح غرفته ينام لانه مره تعبان ..
وغاده لما تطمنت على بشاير وساره راحت تحاول تنام ..
اليوم كان متعب جدا على الكل ..
..............................




في صباح اليوم الثاني الساعه 6..
صحت فرح وجلست تناظر حولها باستغراب وشوي ثبتت نظرها على وحده نايمه على الكنبه جلست تناظرها تحاول تعرفها بس ما عرفتها ..
فرح وهي تحاول تتكلم ..ل..لو سم... سمحتي ..
وجدان طبعا نومها خفيف وهي كمان كل شوي تصحى تشوف فرح ولما سمعت صوتها قامت لها بسرعه ..
وجدان وهي تضم فرح .. الحمد الله على سلامتك ياقلبي ..
فرح بعدتها عنها باستغراب ..لو ... سمح.. سمحتي .. ابي ... مويه ..
وجدان قامت بسرعه واخذت المويه وصبت لفرح بكاسه وعطتها .. خذي حبيبتي ..
فرح بعد ما شربت المويه .. انتي مين ؟؟..
وجدان توها تتذكر انو فرح فاقده الذاكره ..ابتسمت بحزن وقالت .. انا صاحبتك وجدان ..
فرح تناظرها وتحاول تتذكر ..اممم مين وجدان ؟؟..
وجدان وتحاول تمسك دموعها وحبت تجاريها لانها لسا تعبانه ..انا من اليوم صاحبتك واسمي وجدان موافقه ؟؟..
فرح .. طيب انا وش اسمي ؟؟..
وجدان ضمتها مره ثانيه بقوه وغمضت عيونها تمنع دموعها تنزل وتقول في نفسها .. ياروحي يافرح ياليته حلم واشوفك الحين تضربيني وتقولين مالت عليك صدقتي اني ما اعرفك يالدوبه .. ابتسمت بداخلها وضمت فرح اكثر ..
فرح وهي مستغربه من تصرفات هالبنت .. بعدتها عنها بشويش .. مارديتي علي ..
وجدان وهي تتصنع الأبتسامه .. اممم انتي وش رايك تختارين لك اسم ..
فرح ابتسمت ببرائه .. كيف ؟؟...
وجدان .. طيب انا راح اختارلك اسم وش رايك ؟؟..
فرح . طيب ..
وجدان .. امممم وش رايك باسم فرح ..
فرح ..حلو ..اممم طيب انتي وش اسمك ذكريني نسيت ؟؟..
وجدان .. انا وجدان وتقدرين تقولين لي وجد ..
فرح ابتسمت لها .. اسمك حلو ..
وجدان بعد ما ضغطت زر الممرضه عشان تقولها انو فرح صحت .. تسلمين انتي الأحلى ..
شوي الا دخلت الممرضه ولما شافت فرح صحت طلعت بسرعه تنادي الدكتور ..
فرح استغربت لما شافت الممرضه ولفت على وجدان .. وجد ..انا وين ؟؟..
وجدان توها بتتكلم الا رن جوالها ..
.................................
الدكتور .. انتي متأكده ان فرح مشاري صحت ..
الممرضه .. ايه توني جايه من عندها ..
طلع الدكتور بسرعه رايح لغرفه فرح ..
...........................
وجدان بعد ما قفلت من اخوها وقالت له انو فرح صحت بس قالت له لايقول لعمر الا لما تشوف الدكتور وتتطمن اكثر على فرح ..
فرح ..وجد ماجاوبتيني انا وين ؟؟..
وجدان توها بتتكلم الا ينفتح الباب ويدخل الدكتور وجدان بسرعه تغطت ..
د.فواز .. السلام عليكم ..
وجدان وفرح .. وعليكم السلام ..
د. فواز .. كيفك الحين فرح ..
فرح باستغراب لفت على وجدان مو فاهمه شي ..
وجدان طالعت الدكتور .. وهو فهم من نظراتها ان فرح مو عارفه شي ..
د. فواز .. فرح انتي بالمستشفى الحين ..
فرح .. المستشفى ؟!. ليه ؟؟..
د. فواز .. اممم كنتي تعبانه شوي وجيتي عندنا .. ولف على وجدان .. لو سمحتي ممكن تجين معي شوي ..
وجدان .. طيب ..
فرح .. وجد وين بتروحين وتتركيني لحالي ..
وجدان .. لا ياحبيبتي شوي واجيك ..
طلعت وجدان مع الدكتور برا الغرفه ..
د. فواز .. اخت وجدان انتي قلتي لها شي ..
وجدان .. لا .. وقالت له اللي صار من لما فرح صحت ..
د. فواز .. كويس .. طيب اتصلي على اخوها ..
وجدان .. ان شاء الله الحين اتصل عليهم ..
وراح الدكتور بعدما تطمن على فرح ..
وجدان قبل ما تدخل مسكت جوالها واتصلت على بيت ابو عمر ..
.............................



في بيت ابو عمر ..
عمر كان توه صاحي ونزل للصاله وشاف غاده .. صباح الخير ..
غاده .. صباح النور ..
عمر انا طالع للمستشفى عشان اتطمن على فرح ..
غاده .. طيب اكل لك شي ..
عمر .. مالي نفس بس قولي لهم يعملون لي كابتشينو ..
غاده .. اوكي دقايق انت ارتاح ..
غاده راحت للمطبخ وعمر جلس ويفكر بفرح الا شوي سمع التلفون يرن ..
قام ورد عليه .. الو ..
وجدان اول ما سمعت صوته عرفته وقلبها صار يدق بقوه حطت يدها على قلبها تهدي دقاته .. ا.. الو .. السلام عليكم ..
عمر ما عرفها ..وعليكم السلام ..
وجدان بارتباك من صوته الهادي .. غاده م..موجوده ؟؟..
عمر توها ينتبه للصوت وحس بقلبه يدق بقوه قال بهمس يتأكد .. وجدان ؟؟..
وجدان طاح قلبها لما سمعت اسمها منه ما توقعته يعرفها .. ماقدرت تقول شي ..
عمر لما شافها سكتت تأكد انها هي ..وجدان وش فيك ساكته ..شوي تذكر انها مع فرح ..وجدان فرح فيها شي ؟؟..
وجدان للحين مرتبكه ..لا.. لامافيها شي .. بس دقيت عشان اقولكم انها صحت والدكتور يبيك ..
عمر انبسط انو فرح صحت ونسى نفسه قفل بوجهها بسرعه وطلع ركب سيارته واتجه للمستشفى ..
.....................



اما وجدان استغربت لما قفل بوجهها بس جلست تضحك على نفسها لما شافت انها كانت جالسه بوسط الممر ويدها على قلبها .. ودخلت لفرح ..
..........................




غاده جات للصاله وماشافت عمر استغربت طلعت للحديقه وكمان ما شافته سألت الخدم اللي كانو بالحديقه وقالو لها انهم شافوه طالع بسرعه .. خافت عليه ودخلت بسرعه عشان تتصل عليه ..
..........................




عمر لما وصل المستشفى على طول راح لغرفه فرح ..وقبل ما يدخل رن جواله وكانت غاده رد عليها عشان يبشرها ..
غاده بخوف .. عمر وينك ؟؟..
عمر .. غاده ابشرك فرح صحت وانا الحين قدام غرفتها ابدخل لها ..
غاده .. بجد .. الحمد الله وليه ما اخذتني معك ..
عمر .. مدري من الفرحه طلعت بسرعه ..
غاده .. طيب دقايق وانا جايه انتظرني لاتدخل لاني بصراحه خايفه من رده فعل فرح لما تشوفنا ..
عمر .. طيب وجيبي معك بشاير .. لاتتأخرون ..
غاده .. طيب ..
وقفلت وبسرعه راحت لغرفه بشاير وشافتها جالسه مع ساره يسولفون قالت لهم انو فرح صحت وفرحو وقالت لهم يتجهزون عشان يروحون للمستشفى ..
...................................



في المستشفى ..
عمر لما قفل من غاده كان بيدخل بس تذكر كلام غاده وراح بيجلس وتذكر ان وجدان قالت له انو الدكتور يبيه .. توه بيمشي لجهة مكتب الدكتور الا ينفتح باب غرفه فرح وتطلع وجدان ..
وقفت لما شافت عمر وعمر لما شافها راح لعندها .. وجدان كيفها فرح ؟؟..
وجدان نزلت راسها ماتدري وش تقول ..
عمر .. وجدان فرح فيها شي ؟؟..
وجدان وهي لسا منزله راسها .. لا هي الحمد الله بخير بس ..سكتت لما تذكرت حال فرح والعبره خانقتها مو قادره تكمل ..
عمر .. بس .. ايش ؟؟..
وجدان وعيونها امتلت دموع ..احم .. لا ولا شي ..رفعت راسها بس ماناظرت عمر ..رحت للدكتور ؟؟..
عمر حس ان صوتها مو طبيعي بس ما حب يثقل عليها بالأسئله ..لا الحين رايح له ..
وجدان وهي راجعه للغرفه من غير لا تناظره .. طيب ..ودخلت ..
اما عمر مشى للدكتور وهو يفكر بوجدان يحس فيها شي ويبي يعرفه بس مو عارف كيف ..
...............................
غاده وبشاير وساره توهم واصلين للمستشفى راحو عند الاستقبال وسألو عن غرفه فرح ودلهم الموظف عليها .. وهم رايحين لها شافو عمر بوجههم ..
غاده .. هلا عمر .. ما دخلت لها ؟؟..
عمر .. لا كنت انتظركم وقلت ابروح للدكتور ابسأل عنها قبل ما ندخل ..
غاده .. ايه كذا افضل ..
وراحو كلهم لمكتب الدكتور ..
.....................................
وجدان لما دخلت الغرفه شافت فرح نايمه راحت جلست بجنبها وهي تناظرها جلست تفكر وتتذكر ايامها مع فرح وتجمعت الدموع في عيونها .. وقطع تفكيرها صوت جوالها .. ردت وكان اخوها معاذ ..
وجدان .. هلا معاذ ..
معاذ .. اهلين كيفك جودي ؟؟..
وجدان وهي تناظر فرح .. الحمد الله ..
معاذ حس انو صوتها فيه شي وهو يعرف اخته كويس .. جودي قلبي وش فيك ؟؟..
وجدان ونزلت دموعها ماهي متعوده تخبي عن اخوها شي ..
معاذ خاف عليها اكثر .. وجدان وش فيك تبكين ؟؟..
وجدان .. فرح يامعاذ ..
معاذ طبعا عارف كل شي لانو وجدان لما كلمته من قبل قالت له كل اللي صار ..وحزن على حال اخته بس مافي يده شي يسويه .. خلاص ياقلبي هذا امر الله والحين انا جاي عشان اخذك ترتاحين شوي ..
وجدان .. لا .. مابي اتركها ..
معاذ .. لازم ترتاحين ..
وجدان .. وانا جنبها مرتاحه ..
معاذ .. طيب .. انا جاي اشوفك اشتقت لك ولا ممنوع اشوف اختي حبيبتي ؟؟..
وجدان ابتسمت من بين دموعها .. لا تعال عادي ..
معاذ .. اوكي يلا جاي .. سلام ..
وجدان .. طيب .. سلام ..
.............................



عند الدكتور ..
د. فواز .. هي بخير الحين ولله الحمد بس مثل ما قلت لك انها ماراح تتذكركم بسرعه ..
عمر ..طيب .. مادامها بخير نقدر نطلعها من المستشفى ؟؟..
د. فواز .. اليوم لا باقي بعض الفحوصات ما عملناها لها .. يعني كذا يومين وتقدرون تاخذونها للبيت ..
عمر .. طيب .. مشكور يادكتور ..
د. فواز .. العفو .. هذاواجبي ..
واستأذنو وطلعو رايحين لغرفه فرح ..
...........................




نروح لمكان ثاني بمدينه ثانيه ..
الرياض ..
داخل قصر كبير بالمره وبالتحديد بغرفه من الغرف الكثير المنتشره بالقصر .. كان جالس على سريره وماسك جواله يكلم صاحبه الأبريطاني ..
... ههههههههههههههههه .. وصرت تتكلم سعودي كويس ..
... .. نعم .. اكيد كل هذا من الكورسات اللي عطيتني..
...... ... بصراحه ياجون ماتوقعت انك راح تتعلم بذي السرعه ماشاء الله عليك ..
جون .. ههههههه.. اكيد ساتعلم بهذه السرعه بما ان استاذي هو البرفسور سامي محمد السامي ..
سامي بغرور مصطنع .. احم احم .. اجل اجل .. وانت نعم الطالب يابني ..
جون .. شوف ذا صدق حاله >> عاد انتو تخيلوه واحد بريطاني يتكلم سعودي شوفو كيف راح ينطق الحروف ..
سامي .. ههههههههههههههههههههههه .. لا .. لا ياجون خلك على اللغه الفصحى ازين لك ..
...................



بالمستشفى وبالتحديد غرفه فرح..
عمر وغاده وبشايرو وساره كانو واقفين عند الباب ومترددين ..
غاده .. عمر يلا ندخل ..
عمر .. طيب .. وتقدم ودق الباب ..
جاهم صوت وجدان .. تفضل ..
عمر اول ما فتح الباب طاحت عينه على فرح الليي نايمه على السرير .. دخل ووراه غاده وبشاير وساره ..
الكل .. السلام عليكم ..
وجدان .. وعليكم السلام ..
وجدان راحت تجلس بعيد عشان عمر ياخذ راحته مع اخواته وراحت معها ساره ..
غاده اول ماقربت لفرح كانت بتضمها بس عمر مسكها ..\ خليها لاتصحينها شكلها توها نايمه ..
غاده لفت على وجدان .. من متى نايمه ..
وجدان .. تقريبا اخذت لها ساعه ..
بشاير .. اجل خلونا نصحيها اشتقت لها ..
عمر توه بيتكلم الا شاف فرح بدت تتحرك يعني راح تصحى وكلهم لفو عليها ..
فرح اول ما فتحت عيونها استغربت الناس اللي حولها كان عمر وغاده على يمينها وبشاير على يسارها .. ارتفعت شوي وعدلت جلستها وصارت تناظرهم باستغراب ..
غاده .. الحمد الله على سلامتك ياقلبي ..
عمر .. اشتقنا لك يالدوبه ..
بشاير .. فرح قلبي وحشتيني .. وجات بتضمها الا فرح تبعدها ..
فرح باستغراب .. انتم مين ؟؟..
كلهم انصدمو وجلسو يناظرون بعض من لما شافوها نسو الحاله اللي هي فيها ..
فرح وهي تدور حولها ..وين وجد .. ابي وجد ..
رجعو يناظرون بعض مستغربين مين وجد هذي ..
وجدان كانت تناظرهم من بعيد ولما سمعت فرح تناديها راحت بسرعه لها من جهة بيشو .. هلا ياقلبي هذا انا جنبك ..
فرح مسكت يد وجدان وقربتها منها وهي تناظر اخواتها وعمر .. وقالت بهمس لوجدان .. وجد مين هذول ..
وجدان بارتباك ماتدري وش تقول ..لاارادي ناظرت عمر كانها تقول له وش اقول ..
عمر استغرب نظرات وجدان اللي مافهمها لانه ماسمع فرح وش قالت ..
وجدان لفت على فرح ..ياحبيبتي هذول اخواتك وهذا اخوك الكبير ..
فرح جلست تناظرهم شوي وتناظر وجدان ..
غاده قربت لفرح ومسكت ايدها الثانيه ..حبيبتي فرح انا غدوش اختك الكبيره ..
فرح سحبت ايدها منها وجلست تناظرها .. بس انا ما اعرفك ..
بشاير قربت لها .. بس حنا نعرفك كويس انتي اختنا فرح ..
فرح بعدت عنهم ولصقت بوجدان ..لا انا ما اعرفكم ما ابيكم اطلعو ..
انصدمو كلهم من كلامها حتى وجدان ..
عمر بعد بيشو وغاده وقرب من فرح ومسك ايدها .. فرح حبيبتي حنا اهلك ونحبك ماراح نضرك ليه نطلع ونتركك ..
فرح بعدت عنه بخوف وسحبت ايدها والدموع تجمعت بعيونها وشوي وتبكي .. لا ما تحبوني ولا انا احبكم يلا اطلعو برا ..
.....................
..
..
..
..
(( انتهى البارت ))

تتوقعون فرح كيف راح تعيش بهالوضع وهل راح تتذكر اهلها بسرعه ولا لا ؟؟..
ومين الشخص اللي كان عند الدكتور ويسأل عن فرح ..
ووش سالفه وجدان مع عمر ؟؟..
والشخصيه اللي تراقب فرح وش تبي منها ومن تكون ؟؟..
ومين تكون الشخصيه الجديده اللي طلعت ؟؟..


بانتظار ردودكم .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 08-03-2015, 07:27 AM
صورة عبيير5552 الرمزية
عبيير5552 عبيير5552 غير متصل
©؛°¨غرامي مشارك¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


باااااارت جميل


استمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 08-03-2015, 07:22 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


موفقه حبيبتي ويعطيج العافيه




اهليين بك

نورتتي وربي يعافيك


الرد باقتباس
إضافة رد

كل الشباب عشقوها وهي ما عشقت إلا أبوها/بقلمي؛كاملة

الوسوم
الشباب , ابنها , عشقت , عشقوها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أنا بنت شفت العذاب و حبيت إنتقم /بقلمي؛كاملة جورية تذبل روايات كامله - يتم نقل الرواية هنا بعد اكتمالها 484 26-05-2018 11:29 AM
لك العهد والعشق والإنتماء .. اوراق ملكيه متنوعه ... % النووور % كووره عربية 116 21-04-2016 09:38 AM
روايتي الأولى:مازال هناك أمل YasminHabouchi روايات - طويلة 189 11-09-2015 06:19 PM
أياديّ الأصحاب حُضن العمر/الكاتبات : الاء الشهراني , سديم الشهراني/كاملة روايات لويش و ساز روايات كامله - يتم نقل الرواية هنا بعد اكتمالها 44 18-07-2015 03:54 AM
دوري الكبار فقط : النصر فى الصدارة الافضل هجوما والهلال ثالثا والافضل دفاعا @yazeed@ كووره عربية 4 20-05-2015 07:34 AM

الساعة الآن +3: 08:18 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1