غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 15-03-2015, 05:00 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي



صباح اليوم اللي بعده ..
في السعوديه في بيت وجدان ..
صحت من النوم وتروشت ولبست ونزلت لتحت وشافت اخوها جالس يفطر ناظرساعتها شافته الساعه 10:30 واستغربت انو اخوها ماطلع لدوامه راحت جلست بجنبه .. معاذ ..
معاذ لف عليها بابتسامه .. صباح الخير ..
وجدان ردت له الأبتسامه .. صباح النور .. تدري انك تأخرت على الدوام ..
معاذ زادت ابتسامته .. ومي نقالك اني راح اداوم اصلا ..
وجدان .. وليه ماراح تداوم موتقول انو عندك اوراق مهمه وماتخلص قبل يومين ..
معاذ..ايه قلت بس الشركه اللي راسله لنا الأوراق طلبو انها تخلص امس وانا خلصتها عشان كذا امس تاخرت بالشغل .. وبكذا راح تبدا اجازتي من اليوم .. والحين يلا قومي جهزي شنطتك لانو رحلتنا بتكون على الساعه 2 الظهر ..
وجدان تناظره بعدم استيعاب .. هاه .. اجازه ..شنطتي .. رحلتنا ؟؟!!..
معاذ ضحك عليها ووقف .. هههههههه .. وش فيك ترددين كلامي يلا قومي ولا ترا راح اكنسل السفره ..
وجدان لما استوعبت قامت بسرعه وضمت اخوها .. واااااااو ... يعني بنسافر اليوم .. وناااسه .. ربي لايحرمني منك ياخوي ..
معاذ ضمها بحنان ومسح على شعرها وهو مبتسم .. امين ولا منك يدلوعتي .. وبعدها عنه بهدوء .. يلا روحي جهزي شنطتك ..
وجدان باسته على خده .. من عيوني .. وطلعت لغرفتها ..
معاذ بعد ما طلعت بنفسه .. ربي يخليك لي وان شاء الله اقدر اسعدك واعوضك ..
وطلع لغرفته هو كمان يجهز شنطته ..
..............................





في نفس البلد بس في مكان ثاني كانت جالسه على سريرها وبايدها الجوال تكلم ..
... .. لا لا ماابي ..
الطرف الثاني بنبره حزن .. ليه ياقلبي .. انا متلهف لشوفتك ..
... .. حبيبي حتى انا ودي اشوفك بس ... ..
الطرف الثاني قاطعها .. طيب ياروحي براحتك ماراح اضغط عليك متى ماحسيتي انك جاهزه قولي لي ..
... .. طيب .. اممم .. حبيبي ..
الطرف الثاني .. عيون حبيبك .. امري ..
... .. اممم متى راجع للسعوديه ؟؟..
الطرف الثاني .. تقريبا بعد شهر ..
... .. طيب ترا يمكن اجي بعد اسبوع ..
الطرف الثاني بفرحه بانت بصوته .. جد ريوم ؟؟..
ريم بخجل .. ايه جد .. لانو اخوي وعياله هناك وكمان ولد اخوي ف حبيتا روح لعندهم اغير جو قبل ما تبدا الجامعه ..
الطرف الثاني .. اهاا حلو .. طيب متى بتجين بالضبط ..
ريم .. مدري متى بالضبط بس هو على الأسبوع الجاي ..
الطرف الثاني .. طيب ياقلبي تجون بالسلامه وان اشاء الله يطيح اللي براسك واقدر اشوفك ..
ريم .. يوووه فصوول وش قلنا ..
فيصل .. ههههه يالبا المعصبه .. خلاص ماراح اعيدها ..
ريم بخجل .. طيب انا ابقفل الحين ..
فيصل بحزن .. ليه بدري ..
ريم .. من عمرك .. بس ابنزل عند امي جالسه لحالها ..
فيصل .. طيب ياقلبي وسلمي لي عليها ..
ريم .. يوصل يافاديه .. هههههههههههه..
فيصل .. ههههههههههههه.. اخر عمري صرت فاديه هاه ..
ريم .. ههههههه وش اسوي هذا اللي جا ببالي وقتها ..
فيصل .. عادي ياروحي مقبوله منك ..
ريم .. فديتك .. يلا سلام ..
فيصل .. انتبهي لنفسك .. سلام ..
قفلت ريم ورمت نفسها على السرير وابتسمت بحب .. تحبه وتعشقه من سنتين وكل يوم يزيد حبها له وحتى هو كمان يعشقها بس الى الحين رافضه انه يشوفها ماتدري ليه على انها واثقه فيه ثقه عمياء .. قطع افكارها صوت دق الباب .. ريم عدلت جلستها .. مين ؟؟..
الخدامه من ورا الباب .. مس ريم ماما كبير تقول انزلي ..
ريم .. طيب الحين نازله ..
قامت من سريرها واخذت جوالها ونزلت لامها ..
طبعا الجده نوره جالسه ببيت لحالها مع ريم .. على انو عيالها حاولوا نها تجي تجلس عند ابو فارس بس رفضت تقول ازين انو كل واحد ياخذ راحته ببيته ..وتركوها على راحتها بس كل يوم يزورها خالد وساميه بنتها ..
...........................





في نفس الوقت لكن في بريطانيا وتحديدا بلندن ..
صحت من النوم بكسل واخذت جوالها وشافت 5 مكالمات من وجدان استغربت ..وش عندها ذي داقه ليكون تبي تزعجني وترد الحركه اللي سويتها فيها امس .. بس لما شافت مسج منها استغربت اكثر وفتحته ..
محتوى المسج .. فريح يالدوبه لما تصحين دقي علي ضروري ..
فرح عدلت جلستها واتصلت عليها بقلق ..ثواني وجاها صوتها المبسوط .. هلاااااااااا ..
فرح .. اهلين وجدان وش فيك ؟؟..
وجدان بابتسامه .. فرررررررررررح اليوم بنجيي عندكم ..
فرح ما استوععبت .. هاه ..تجون !!.. مو تقولين بعد يومين .. ولا يكون انا نمت يومين وانا موح اسه ..
وجدان .. هههههههههههههه.. اما عاد تنامين يومين .. هههههههههههه..
فرح .. وش دراني تقولين بتجون اليوم ..
وجدان .. ايه ياقلبي معاذ قدم اجازته وصارت اليوم وحجز ورحلتنا الساعه 2 الظهر .. يعني ابشوفك اليوم ونااااسه ..
فرح بفرحه .. وناااااسسه ..واخيرا بتجون.. في هذا الوقت انفتح الباب ودخل عمر من غير استأذان .. صباح الخير ..
فرح بعدت الجوال عن اذنها .. صباح النور وبعدين كيف تدخل كذا من غير ما تدق الباب ..
عمر .. دقيته بس شكلك ما سمعتين من صراخك .. وش فيك تصارخين ومين هذول اللي بيجون ..
فرح .اشرت له يجلس ورجعت الجوال بأذنها ..
ايه وجدان وش قلتي ..
عمر بس سمع اسمها بدت دقات قلبه تسرع ..وصار يسمع باهتمام ..
وجدان ... اقولك ايه .. ومن قالي معاذ اننا بنجي وانا ادق عليك بس انتي ساحبتها نومه ..
فرح .. هههههههههه.. وش اسوي ياختي هنا المكان بارد وغرفتي دافيه وتعرفين مع الدفى الواحد ماوده يتحرك ..
عمر رمى عللى فرح المخده اللي كانت بجنبه على الكنبه .. ووجع وطي صوتك ..
وجدان سمعت صوته لانه صاير قريب من فرح ودقات قلبها تسارعت ووجهها بدا يحمر ..
فرح .. يوه عمور وش فيك صوتي مو عالي واذا صوتي مسوي لك ازعاج اطلع خلني اكمل مكلمتي براحتي .
عمر ما يبي يطلع مادام السالفه فيها وجدان .. ماني طالع وبجلس على قلبك وبعدين مين تكلمين من صباح الله خير >> هو عارف بس يستهبل عشان وجدان تحس بوجوده ..
فرح توها بتتكلم بس سمعت صوت وجدان المرتبك بس مو مره .. فريح ووجع ابي اذني ابعدي الجوال وتكلمي مع اخوك الغثه ..
فرح .. هههههههههههههههههه... اسم الله على اذنك ياقلبي .. وبعدين اخوي مو غثه لاتغلطين ..
عمر ابتسم وجات بباله فكره مجنونه وقام قرب من فرح وسحب الجوال منها وحطه على السبيكر ..واشر لفرح تتكلم ..
فرح استغربت من حركته بس نفذت اللي قاله لها وبعدين بتفهم منه .. فرح وتحاول تبين انو الوضع عادي .. هاه وش قلتي ما سمعت ؟.
وجدان .. ياليل وش فيك انصمختي انتي .. اقولك فكينا من اخوك الغثيث وقولي لي وش سويتي امس ..
فرح ماسكه ضحكتها على شكل عمر اللي ماسك الجوال ويناظر فيه بسرحان .
وجدان استغربت سكوت فرح .. فرح وش فيك ساكته ..
عمر صحى على صوت وجدان ولف على فرح وقرب من اذنها وقالها بهمس .. قولي لها عمر يسلم عليك ..
فرح ناظرت فيه باستغراب اكبر بس لفت عنه وكلمت وجدان.. مافيني شي بس عمر يسلم عليك ..
وج دان هنا تبلعمت وماعرفت وش تقول حست انو وجهها مولع حراره وقلبها يدق بقووه وانفاسها تتسارع ..وسكتت ..
فرح استغربت سكوتها وانفاسها اللي باين انها تتسارع ..لفت على عمر بتسأل ..
عمر ابتسم لها واشر لها تكمل ..
فرح .. ياهوووو جودي وين رحتي ..
وجدان وصوتها المرتبك .. هاه .. لا.. لا... ولا ش..ي .. الله ..يس..لمه ..
فرح زاد استغرابها اكثر واكثر من ابتسامه عمر وارتباك وجدان الواضح .. وجدان وش فيك مرتبكه ..
وجدان .. لا.. ولا شي .. طيب .. انا .. ابقفل .. لما .. يطلع اخوك ... حاكيني ..
عمر اشر لها انها تقول انه طلع ..
فرح .. لا لاتقفلين هو طلع من شوي اصلا ..
وجدان زفرت براحه .. طيب ..
فرح .. وجدان وش فيك ؟؟..
وجدان .. اممم لا ولا شي ..
فرح ماحبت تضغط عليها وخصوصا انو عمر موجود وتحس مو ماخذه راحتها .. طيب ياقلبي اخليك ترتبين شنطتك وانا ابنزل افطر وارجع احاكيك ..
وجدان .. اوكي انتظرك .. سلام ..
فرح سحبت الجوال من عمر .. سلام ... وقفلت ولفت على عمر اللي جلس على الكنبه ..وش السالفه ؟؟..
عمر بابتسامه .. أي سالفه ؟؟..
فرح .. عمور بلا استهبال وش الحركه اللي سويتها وليه البنت ارتبكت من سمعت اسمك ولاول مره ..
عمر .. مدري كان سالتيها ..
فرح .. انا ابي اعرف منك .. لو كنت ماتدري ليه ذي الأبتسامه اللي شاقه وجهك ...
عمر .. اممممم ..
فرح تناظره بشك .. صاير بينكم شي ؟؟..
عمر .. تبين الصراحه ..
فرح .. اكيد .. يلا تكلم ..
عمر وهو يوقف .. قومي ننزل نفطر وانا احكي لك كل شي ..
فرح بفضول .. لا احكي الحين وش يصبرني ..
عمر توجه للباب .. ههههه.. الفضول ذابحك كلها دقايق وتنزلين وتعرفين ..
فرح قامت واتجهت للحمام (( الله يكرمكم )) طيب دقايق وجايتك ..
عمر طلع وهو يضحك عليها وهي اخذت لها شاور سسريع وطلعت لبست لها بنطلون اسود جنز وعليه بلوزه سوده باكمام طويله عليها كتبات بالأبيض ولبست فوقها جاكت ابيض ولبست ايس كاب اسود وجزمات بيض ونزلت لتحت .. ماشافت حد بالصاله راحت لغرفه الأكل وشافت عمر وابوها جالسين يفطرون ابتسمت لأبوها وراحت له وباست راسه .. صباح الخير يبه ..
ابو عمر ابتسم لها .. صباح الخير .. اجلسي افطري ..
فرح سحبت لها كرسي وجلست مقابل عمر ..ناظرته بحقد ..
عمر ناظرها وفهم عليها وابتسم يغيضها ..
فرح عصبت ولفت عيونها عنه لأبوها .. يبه ..
ابو عمر .. هلا ..
فرح .. انا فكرت باللي قلتلي امس بخصوص الدراسه هنا ..
ابو عمر ابتسم .. ايه وان شاء الله قررتي ..
فرح ردت له الأبتسامه .. ايه قررت خلاص راح ادرس هنا ومثل ماقلت منها اجلس معكم ومنها اخذ لي لغه ..
ابو عمر ابتسم بفرحه .. كويس .. ربي يوفقك يابنتي ..
فرح .. امين ..
ابو عمر لف على عمر .. خلاص اجل ياعمر اتصل على ابو ناصر وقوله يرسل اوراق فرح بالفاكس عشان نقدمها بالجامعه..
عمر .. ان شاء الله يبه ..ولف على فرح .. اووه مين قدها البريطانيه ..
فرح .. احم احم .. محد قدي اكيد ..
الكل .. هههههههههههههه..
ابو عمر وقف .. يلا عن اذنكم ابروح للشركه وبعدها ابطلع للمستشفى وانتو تعالو لهناك ..
فرح وعمر .. ان شاء الله يبه ..
طلع ابو عمر وفرح لفت على عمر بسرعه ..يلا بسرعه تكلم ..
عمر .. هههههههههههه.. طيب لاتموتين ..قومي نطلع للحديقه اخاف تجي وحده من اخواتك مابي حد يعرف ..
فرح وهي تقوم .. طيب يلا ..
وطلعو للحديقه الكبيره المزروعه كلها وفيها نافوره وحولينها ورود وقابلها كراسي راحو جلسو فيها ..
فرح .. ايوا ..
عمر تنهد وسند راسه على الكرسي .. وتكلم بجديه .. فرح اسممعي .. انا من اول مره
شفت وجدان بالشاليه وانا احس بشي داخلي بس كنت اطنشه ولما ركبنا القارب وبديت اتكلم معها عادي احس بس كنت ابي انرفزها واعصبها وماكنت اعرف ليه ولما صارت ذيك السالفه ..
فرح قاطعته .. لحظه أي سالفه ؟؟..
عمر .. اقصد سالفه جوالها ..
فرح .. ايه صح .. كلنا استغربنا من تصرفك ..
عمر .. تدرين حتى انا كنت مستغرب من نفسي ..ولف عليها .. طيب هي بعدها قالت لك شي عن المتصل ..
فرح بتفكير .. اممم لا ما اذكر بس اذكر اني سألتها وقالت انه كان غلطان وبس ..
عمر .. اهاا ..وسكت ..
فرح .. ليه فيه شي غير اللي قالته لي ..
عمر ما حب يقولها الصدق عشان ما تصير لها مشكله مع وجدان وبعدين السالفه انتهت ..لا ماصار شي ..
فرح .. طيب كمل ..
عمر رجع راسه وكمل ..ايه وبعد هذاك اليوم وانا كل ما اشوفها احس بقلبي يدق بسرعه وماكنت اعرف ليه .. وفي هذاك اليوم اللي انتي طلعتي فيه من المستشفى شفتها ..وكانت اول مره اشوفها وبالغلط طبعا ..
فرح .. وكيف ؟؟..
عمر .. هي كانت نازله من الدرج وشكلها كانت تلبس عبايتها وهي مسرعه وانا كنت طالع الدرج صدمت فيني وكانت بتطيح بس مسكتها ..
فرح شهقت .. مسكتها ؟؟..
عمر ابتسم .. ايه ياذكيه اجل اتركها تطيح وتتعور .. المهم ولما مسكتها شفت وجهها ولما التقت عيوني بعيونها حسيت بحراره جسمي ترتفع ودقات قلبي تسرع وانفاسي انكتمت ..
فرح بحماس تحس انها تسمع قصه فيلم .. ايه وهي وش سوت ..
عمر زادت ابتسامته لما تذكر شكلها البريئ والمرتبك .. هي لما استوعبت بعدت عني ونزلت بسرعه ومن بعد هذا اليوم ماشفتها الا قبل ما نسافر .. ووقتها عرفت اني احبها ..
فرح بصدمه .. هاه .. تحبها ..
عمر .. ايه احبها وشكلي اعشقها ..
فرح .. وكيف تأكدت من حبك لها ؟؟..
عمر .. الفتره اللي ماشفتها فيها ولا حتى سمعت أي خبر عنها كنت دايم افكر فيها واحس انها ملكت كل شي فيني ..
فرح .. طيب وهي ؟؟..
عمر .. هي ما ادري عنها اذا تبادلني نفس الشعور ولا لا .. بس من بعد اللي صار بالشاليه وهي احسها تتجنب تشوفني وكمان ا من بعد ما شفتها احسها من تشوفني ترتبك .. ايه واذكر مره هي دقت على البيت وانا رديت واذكر اني تهورت وقلت لها اشتقتلك ..
فرح .. ايششش .. مجنون ..
عمر .. هههههههه.. شكلي مجنون وانجنيت فيها بس صدقيني يافرح كنت اكلمها وانا مو حاس على نفسي بس كل اللي اعرفه وقتها اني ابي اكلمها واسمع صوتها وبس ..
فرح .. ههههههههههه.. مجنون .. طيب وهي وش سوت ..
عمر .. قفلت بوجهي من الأرتباك ..
فرح .. ههههههههههههههههه.. ماتنلام ..
عمر .. ادري بس مو بيدي ..
فرح .. اهاا .. عشان كذا انت حطيت السبيكر وناظرته بنص عين .. اشتقت لها هاه ..
عمر .. ايييه مره ..
فرح تضربه على فخذه بخفيف .. استح على وجهك بس ..
عمر .. هههههههههه.. جالس اقول الصدق وش فيك ..
فرح .. بس مسكينه باين انها انحرجت .. بس اوريها الزفته كل ذا يصير لها ولا تقول لي ..
عمر لف عليها بسرعه .. ها فرح انتبهي تقولين لها شي ياويلك ..
فرح .. ليه ؟؟..
عمر .. ابيك تساعديني نعرف اذا كانت تبادلني نفس الشعور ولا لا ..
فرح .. وكيف ؟؟..
عمر .. شوفي انتي الحين لما تكلمينها حاولي انك تصرين عليها انها تقول وش كان فيها من شوي وليه مرتبكه .. واذا قالت لك عني .. زين على زين وقتها اقولك وش تسوين .. بس اذا ماقالت لك .. حاولي كل يوم تسألينها او تجيبين طاريي وتشوفين وش تسوي .. لما تستسلم وتحكي لك ..
فرح .. اوخس ياخطير انت .. اجل طحت ولا حد سمى عليك ..
عمر .. ههههههههههههههه.. شفتي كيف ..
فرح وعمر .. هههههههههههه..
... .. ضحكوني معكم ..
لفو اثنينهم لبشاير اللي جايه من وراهم ..
فرح .. بسم الله من وين طلعتي انتي ..
بشاير وهي تجلس بجنب عمر .. من الفانوس .. من داخل من وين يعني ..
عمر .. ههههههههه.. ماتو اللي يطلعون من الفوانيس ..
فرح .. شوف ذا وهو اصلا فيه حد كان يطلع من الفانوس عشان يموت ..
الكل .. ههههههههههههه..
بشاير .. ايه ماقلتو لي وش تسوون هنا ..
فرح وهي توقف .. ولا شي الجو حلو وقلنا نجلس هنا .. يلا انا بروح اشوف غدوش واكلم جودي ..
عمر ابتسم وغمز لها .. طيب طسي ..
بشاير .. عمر وين بابا ..
عمر .. دوبه طالع للشركه .. افطرتي ؟؟..
بشاير .. ايه الحمد الله ..
وجلسو يسولفون ..
..................................





الساعه 12 الظهر في لندن ..
داخل مطعم فخم وراقي كان جالس مع خويه فيصل وولد عمه سامي يتغدون ..
فيصل .. هههههههه.. اتركه شكله يحب الولد ..
سامي .. هههههههههه.. انا اقوله بس هو يكابر ..
فيصل .. يعني جد يحب ؟؟..
سامي .. بصراحه انا شاك بس كأني متأكد ..
فيصل .. كيف تجي ذي شاك بس كأني متأكد .. اقول اسكت بس خلني اشوف ذا الغرقان .. ودق فارس من كتفه ..ياهووو وينك ..
فارس صحى من سرحانه ولف على فيصل .. هيه انت وش فيك تصارخ ترا اسمعك ..
سامي .. لا باين تسمعنا لنا ساعه نحش فيك وانت ولا انت هنا ..
فارس بطفش مسك الشوكه ورجع ياكل من غير نفس .. طيب وش تبون الحين ..
فيصل .. يابرودك ياخي .. المهم وش كنت سرحان فيه ..
فارس من غير لايناظره .. ولا شي ..
سامي .. ولا شي ولا مع ف... ..
فارس بسرعه رفع راسه عليه وقاطععه .. اقول سامي ورا ما تاكل وانت ساكت ترا ازين لك ..
فيصل يناظر سامي .. وش اللي ف.. كمل ..
فارس .. وانت الثاني وش يكمل مو ناقصين تفهات سموي قلت لكم مافيني شي يلا اخلصو عشان نطلع طفشت ..
سامي .. طيب خلنا نكمل اكل ..
وفي هذا الوقت دخل عمر واخواته اللي كانو لابسين بناطيل وعليهم بلايز طويله ومتحجبات بحكم ان اللي يلبس عبايه سوده ويتغطى في بريطانيا يعتبر ارهابي ..>> التفكير الخايس ..
مشو وتوجهو لطاوله دلهم عليها القارصون وكان بينهم وبين طاوله الشباب طاوله وحده بس .. جلسو وكانت فرح بجنب غاده وقدامهم عمر وبشاير وطاوله الشباب تكون ورا عمر وبشاير ..
عمر مسك المينيو .. هاه وش تبون ..
كل وحده قالت وش تبي وطلبو وجلسو ينتظرون الغدا ..
نرجع لطاوله الشباب ..
فارس طفش وهو ينتظرهم .. شكلكم مطولين انا بطلع وانتم صرفوا انفسكم ..
سامي .. ياخي يع...... .. سكت وهو ينتبه للي جالسين بالطاوله اللي قدامه واللي تكون ورا فارس وفيصل اللي بجنبه .. سامي عرف عمر وقال بابتسامه خبث .. اقول فارس متأكد انك تبي تطلع ..
فارس ناظره مستغرب هذا وش فيه جالس يناظر وراي .. قال من غير اهتمام .. ايه بطلع يلا ..وجا بيوقف بس تكلم سامي ..
سامي .. طيب ناظر وراك واذا ما غيرت رايك ما اكون انا سامي ولد ابوي ..
فيصل استغرب ولف وراه وشاف ثلاث بنات جالسين مع شاب ورجع نظره لفارس اللي ماكلف نفسه يلف .. وحول نظره لسامي وابتسم .. حلوات صح ..
فارس عرف انهم بنات وهو يعرف ولد عمه مغازلجي ..ومالف ..
سامي بنفس الخبث .. ايه مره حلوات بس هذي السمره احلاهم .. بس لأسف لو مو معهم اخوهم كان قمت لهم ..
فارس بطفش .. اقول بس بلا بزاره ويلا قومو ..
فيصل يكلم سامي .. ووش دراك انو اللي معهم اخوهم ؟؟..
سامي .. ادري .. ولف لفارس وقال بخبث .. واسمه عمر بعد ..
فارس رفع راسه بسرعه وشاف ابتسامه خبث على وجه سامي ولف وراه وطاحت عينه على فرح اللي كانت تضحك مع اخواتها واخوها .. سرح فيها ونسى نفسه ..
فيصل مستغرب وناظر سامي يسأله وش فيه .. سامي ابتسم بخبث واشر له بعدين اقولك .. شوي الا يشوفون فارس يقوم متجه لطاوله عمر واخواته ..
فيصل وقف وكان بيناديه بس سامي مسكه وقاله يسكت ..
اما فارس من غير شعور كان يمشى لجهه الطاوله ووقف عندهم ولما وصل شال عيونه من فرح بالقوه ولف على عمر بابتسامه .. مرحبا عمر .. يامحاسن الصدف ..
عمر وقف وهو مبتسم .. اهلين .. من جد يامحاسن الصدف ..كيفك ..
فارس وهو يحاول انو عيونه ما تروح لفرح .. بخير ولله الحمد .. وانت وش مسوي بهالديره ؟؟..
عمر .. والله الحمد الله ماشي حالنا .. حياك ... سكت لما تذكر انو اخواته معه .. اممم ..
فارس فهم عليه وماحب يحرجه .. لا يالغالي اصلا حنا كنا طالعين بس شفتك وحبيت اسلم عليك ..
عمر بابتسامه .. تسلم .. مع مين جاي ..
فارس .. مع خويي وسامي ..
عمر وينهم خلني اسلم على سامي ..
فارس اشر على الطاوله اللي هم فيها راح عمر لسامي اللي وقف من لما شافه وفارس كان وراه ..
اما فرح عالم ثاني .. انتبهت فيه من لما قرب من الطاوله وشافته يناظرها وهي تبعد عيونها عنه وترجعها وتلاقيه لسا يناظرها لما وصل لطاولتهم وطول ماهو يكلم عمر هي كانت تناظره وبنفسها .. وش هالصدفه على كبر لندن الا اننا الاتقينا بمطعم واحد بس قهر شفته ولا اقدر اكلمه عشان اعرف وش كان بيقول .. اوووف كيف اعرف .. وصارت تفكر باي شي لما شافتهم مشو متجهين لطاوله مقابلهم فيها شاب مره شافته وثاني اول مره تشوفه ..وهي لسا تفكر بطريقه تكلمه فيها .. بس تحطمت لما شافت عمر جاي لهم لحاله والشباب مشو طالعين من المطعم بس ماخفت عنها نظرات فارس المتكرره لها اللي مو عارفه سببها .. صحاها من افكارها صوت عمر اللي جا جلس ..
عمر .. ياحليلهم مره ارتحت لهم ..
غاده.. هذا هو نفسه اللي اخواته مدري قريباته جاو عندنا البيت ..
عمر .. ايه هو .. وهذاك الثاني اللي كان لابس كاب ابيض ولد عمه ..
غاده اهاا ..
بشاير.. ايه قريباتهم كانو مره حبوبات وكلنا ارتحنا لهم ..
غاده .. الا صدق هم من بيت مين نسينا نسألهم ...
فرح .. من السامي .. قالت لي ريم خالتهم مدري عمتهم ..
عمر .. ايه .. عاد تعرفون هذا اللي جا سلم علي ولد مين ..
فرح .. ليه هو مو من السامي ؟؟..
عمر .. الا بس هو ولد خالد السامي .. عرفتوه ..
البنات .. لا ..
عمر .. خالد السامي هذا من المنافسين لشركتنا ..
غاده .. ليكون بيننا وبينهم خلافات بالشغل ..
عمر .. لا الحمد الله وضعنا بالسليم معهم ..
غاده .. ايه الحمد الله ..
فرح .. الا هو وش اسمه >> هي عارفه بس حبت تتأكد اكثر ..
عمر .. فارس ..
فرح .. اهاا ..
بشاير بلقافه .. طيب مو هم كانو بالشرقيه وش عندهم هنا ..
فرح .. وش هاللقافه ..
بشاير .. كذا حب استطلااع ..
عمر يقرص خدها .. ياعيني على حب الأستطلاع ..
الكل .. هههههههههههه..
بشاير تمسك خدها .. عورتني ..
عمر.. ما قرصتك بقوه يللا بلا دلع ..
بشاير تبتسم .. طيب ماجاوبتني وش عندهم هنا ..
عمر .. الله يسلمك هذا فارس هو من اول كان يدرس هنا بس كان رايح السعوديه اجازه يشوف اهله اما ولد عمه سامي هذا وحيد امه وابوه وهم ساكنين هنا من سنوات بس يروحون السعوديه بالأجازات ..
بشاير .. اهاا ..
فرح تفكر بكلام عمر عن فارس.. وبنفسها .. يعني هو مايلاحقني واصلا كيف راح يعرف اننا راح نجي لهنا .. لا يمكن عمر قاله من اول .. يوووه فرح وش ذا الغباء ماسمعتي عمر يقول انه يدرس هنا .. اووف ياربي التفكير بيذبحني ... وصحاها من افكارها اللي تحاول تبعدها عنها وصول الغدا .. وصارو ياكلون ولما انتهو طلعو للمستشفى لأمهم ..
.......................





وعلى الساعه 9 الليل .. هبطت الطياره االلي جايه من السعوديه اللي فيها معاذ ووجدان .. نزلو من الطياره وطلعو من المطار اخذو تاكس واتجهو للفندق اللي حجزو فيه ... ووجدان كانت طايره من الفرحه وكانت راح تتصل على فرح وتبشرها انه موصلو بس معاذ قالها خليها لما نوصل الفندق .. ووصلو الفندق وطلعو للجناح اللي ماخذينه وجدان دخلت لغرفتها ورمت نفسها على السريير بتعب ودقت على فرح ..
فرح اللي كانت بالسياره مع ابوها وعمر واخواتها توهم طالعين من عند امها رايحين للفله .. رن جوالها وردت بعد ماشافت الأسم ..هلا وغلا ..
وجدان .. هلا بك ..
فرح .. نقول الحمد الله على السلامه ..
وجدان .. ايه .. الله يسلمك .. تونا داخلين للفندق ..
فرح .. اهاا حلو ..
وجدان .. وانتي وينك ...
فرح .. بالسياره راجعين للبيت ..
وجدان .. اهاا .. امممم .. طيب خلاص لما توصلين حاكيني ..
فرح .. لا ياقلبي انتي ارتاحي الحين جايه من سفر واكيد تعبانه ..بكرا الصباح اكلمك ..
وجدان .. اوكي .. تصبحين على خير ..
فرح .. وانتي من اهله .. سلام ..
وجدان .. سلام ..
قفلت فرح على دخولهم للفله .. نزلو من السياره ومشو بيدخلون بس عمر مسك فرح عشان ما تمشي ولما شاف ابوه واخواته دخلو لف على فرح .. وصلو ..
فرح ابتسمت .. يعني تبي تقنعني انك ماكنت قاط اذنك عندي ..
عمر .. ههههههههه.. مالت .. المهم متى وصلو ..
فرح .. تقولي توهم داخلين للفندق ..
عمر .. ايه الحمد الله على سلامتهم .. طيب بتحاكينها الحين ..
فرح .. طبعا لا قلتلها ترتاح وبكرا اكلمها ..
عمر .. طيب لما كلمتيها الصباح ماعرفتي منها شي ..
فرح .. لا ماقالت لي شي ..
عمر .. اها .. طيب حاولي معها بكرا ..
فرح وهي ماشيه .. طيب ..
ودخلو للفله وكل واحد طلع لغرفته ..
................





ومر اسبوع على اخر الأحداث ولا جديد فيها الا ان ابو عمر قال لعياله عن مرض امهم الحقيقي وهم انصدمو وحزنو بس ارتاحو شوي لما قالهم ان العمليه نجحت والعلاج الطبيعي راح يفيدها كثير باذن الله.. في يوم الأثنين اول يوم دوامات في بريطانيه ..
الساعه 8 الصباح ..
دخل للمستشفى باناقته المعتاده وتوجه لمكتب الدكتور المسؤول عنه .. دق الباب ودخل وشاف فيصل وبعض الطلاب المتدربين موجودين بالمكتب .. دخل وراح وقف بجنب فيصل ..
فيصل بهمس .. كويس انك ما تأخرت لانه توه يسأل عنك مابقيت الا انت ..
فارس بنفس الهمس .. ايه والله كوي سماني ناقص فلسفته على راسي ..
سكتو لما تكلم الدكتور البريطاني وحدد لكل واحد غرفتين يروح يطبق فيهم ..ومع كل طالب بتكون ممرضه عشان تقيمه ..>> اخر زمن الممريضات يقيمون ..
فارس صار عنده غرفه بالدور الرابع رقمها 4011 وغرفه بالدور الثالث رقمها 3011 واللي هي غرفه ام عمر ..
اما فيصل فصار عنده غرفتين بالدور الثالث 3010 و3012 ..
وقالهم انو كل واحد راح يشرف على المرضى اللي عنده طول اليوم .. ولما خلص كلامه طلعو وكل واحد راح للدور اللي فيه الغرف المختاره له ..
فيصل وفارس طلعو للدور الثالث ..
فارس .. ياخي وش ذا معطيني غرفتين وكل وحده بدور ..
فيصل .. هههههههه.. حظك تحمل وش تسوي ..
فارس .. الله يعين بس ..وصار يناظر بالأوراق اللي بايده ..اووف اللي بذي الغرفه مريضه ..
فيصل .. طيب واذا ..
فارس .. وش اللي واذا ياخي ما اطيق الحريم ..
فيصل .. هههههههه.. فكرت انو فيه شي مهم .. اقول بس يلا ابدا شغلك لا اللي بجنبك تعطيك زيرو ..
فارس يناظر الممرضه اللي بجنبه ورجع يناظر فيصل .. ههههههههههه.. احلى شي انه مو فاهمه لنا ..
فيصل .. من جد .. يلا بس نبدا..
فارس .. اوكي .. واخذ نفس عميق ودق الباب ..
ام عمر بصوت هادي .. يس ..
فارس فتح الباب بارتباك ودخل وهو يناظر بالأوراق اللي بايده وشاف انو الحرمه سعوديه ..قرب منها وقال السلام عليكم ..
ام عمر استغربت فكرته بريطاني .. وعليكم السلام ..
وصار يكشف عليها ويسألها بالانجليزي عن مرضها وهل تحسنت ولا وعن العلاجات اللي تاخذها .. طبعا هو بامكانه يتكلم معها عربي وهذا اسهل له ولها بس المطلوب منه كذا ..
بعد ما كشف عليها وكتب بالاوراق اللي عنده طلع واتجه للأصنصير وطلع للدور الرابع وواتجه للغرفه اللي عنده وكان فيها شايب وكشف عليه وطلع ..ولما نزل للدور الأرضي راح للمكتب المخصص لطلاب التدريب وشاف فيصل موجود ..راح جلس بجنبه ..
فارس .. مشاء الله متى خلصت ..
فيصل من شوي .. مرضاي ما يتعبون ...
فارس .. ليه وش امراضهم ..
فيصل .. واحد عنده القلب وبعد يومين بيسوي عمليه قصطره ..والثاني عنده الكله وعنده نظام غسيل وكذا ..
فارس .. ايه الحمد الله على الصحه ..
فيصل .. من جد الحمد الله .. طيب وانت ؟؟..
فارس .. انا عندي وحده فيها سرطان الثدي وتداوم على العلاج الطبيعي .. والثاني عنده سرطان بالدماغ وهذا حالته مره صعبه بس تصدق لو تشوفه مو باين عليه ..
فيصل .. هذا من الناس اللي فاهمين ومءمنين بقضاء الله وقدره .. الا هو وش جنسيته ..
فارس.. هو امراتي ..
فيصل .. اهااا .. انا كل اللي عندي بريطانيين ..
فارس .. انا لا هذا امراتي والحرمه سعوديه ..
فيصل .. جد .. الله يكون بعونهم ..
فارس .. امين .. طيب ذا الدكتور قال كم مره نروح لهم باليوم ..
فيصل .. قال كل ساعتين ..
فارس .. هذا من اول يوم وكذا الله يعينا على باقي الشهر ..
فيصل .. وهو مو كل الشهر كذا ..
فارس .. عارف والله يستر من الجاي ..
فيصل .. امين .. يلا قوم الكفتريا نشرب لنا شي ..
فارس .. يلا .. وطلعو ..
...........................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 15-03-2015, 05:09 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي



صحت من النوم وتحس بنشاط مو طبيعي وتحس نفسها مبسوطه وابتسمت لما تذكرت امس .. كانت ببيت فرح وكانو جالسين بالحديقه قدام النافوره هي وفرح وجالسين يسولفون وحست انو ذي الأيام من لما وصلو للندن وفرح كل ما تكلمها وتسولف معها لازم تجيب طاري عمر وهي كل ما يجي طاريه حالها ينقلب ..وهذي المره لما جابت طاريه وجدان سألتها ليه صايره تجيبين طاري عمر كثير ..
فرح بابتسامه .. لا عادي بس من ضمن السوالف .. وبعدين وش يضرك لو جبت طاريه ؟؟..
وجدان .. هااه .. لا بس استغربت لانك كثير تتكلمين عنه ..
فرح تناظرها بنص عين .. طيب هذا انا اتكلم عن بيشو وغاده ما قلتي شي وش معنى عمر يعني ..
وجدان بنفسها .. يوه وش ذا الموقف المحرج اللي حطيت نفسي فيه .. اممم.. لاولا شي بس كذا يعني .. المهم وين اخواتك ..
فرح .. اقول وجدان بلا تصريفات مالها داعي .. انا اشوف بعيونك حكي .. مو ناويه تتكلمين ؟؟..
وجدان نزلت عيونها على يدها اللي ماسكه فيها الجوال .. فرح مافيني شي ..
فرح .. طيب ليه لما اجيب طاري عمر وجهك يتغير لونه ..
وجدان رفعت عيونها عليها .. من جدك ؟؟..
فرح ابتسمت ..ايه ينقلب الوان كمان .. ممكن تقولين لي ليه ..
وجدان باستسلام .. طيب راح اقولك بس بالول ابيك تسامحيني لاني خبيت عنك ..
فرح .. افكر لما تقولين اقرر ..
وجدان ناظرتها .. تكفين فرح لما تعرفين راح تفهميني وتعذريني ..
فرح .. طيب تكلمي ..
وجدان بدت تتكلم وقالت لها كل المواقف اللي صارت لها مع عمر ..
فرح عملت نفسها منصدمه .. اوووف كل هذا صارلك ولا قلتي لي لا وكمان مع اخوي ..
وجدان .. سامحيني يافرح بس انا ما قلت لك عشانه اخوك لو أي شخص ثاني تاكدي اني راح اقول لك كل شي اول باول ..
فرح .. طيب ماعلينا .. قولي لي تحبينه ..
وجدان .. لا .. هاه .. تصدقين مدري بس دايم افكر فيه واحس اني اشتاق له بعض الأحيان ولما اشوفه او اسمع صوته مدري وش يصير فيني قلبي يدق بقوه وانفاسي تتسارع ووجهي يحمر وحراره جسمي ترتفع ..
فرح .. اتوقع انها اعراض الحب ..
وجدان لفت عليها ..تتوقعين اني احبه ..
فرح ابتسمت لها .. وانا وش دراني شوفي احساسك وقلبك وش يقولك ..
وجدان قامت ووقفت قدام النافوره وفرح صارت وراها ..قلبي يبي يشوفه دايم واحساسي كله هو مالكه ..
فرح توها بتتكلم بس حست بايد على كتفها لفت بسرعه وشافته عمر كانت بتتكلم بس هو اشر لها تسكت ولفت عنه لما سمعت وجدان تكمل حكيها .
وجدان .. مدري يافرح اذا كان احساسي حب له ولا مجرد اعجاب ..
عمر همس لها قولي لها مين ههذا ..
فرح .. ومين هذا اللي ماتدرين اذا احساسك له حب ولا اعجاب ..
وجدان تنرفزت من فرح ولفت وهي تقول اكيد عمر...... ... وسكتت لما شافت عمر قدامها بجنب فرح وطاحت عيونها على عيونه العسليه ..
فرح وقفت وكتفت يدينها وصارت تناظرهم بابتسامه ..
عمر تجرأ وتكلم وهو يناظر بعيون وجدان .. وجدان تحبيني ؟؟..
وجدان انصدمت من سؤاله هي بروحها متجمده من البرد وتجمدت اكثر من سؤاله ..ماقدرت تتكلم وكل اللي سوته نزلت عيونها عنه ..
عمر سكت وصار يناظرها من فوق لتحت كانت لابسه بنطلون جنز ازرق فاتح وبلوزه اورنج وعليها كتابات بالأسود وكانت لابسه بالطو اسود طويل ولاافه على شعرها شال اورنج للأحتياط وكان مبين بياض بشرتها ..
فرح .. احم احم .. خلصت يا اخ عمر ..
عمر انتبه على نفسه وتوه يتذكر وجود فرح .. لف عليها .. هاه ..
فرح .. هههههههههههههه.. وراحت عند وجدان ومسكت ايدها وغمزت لعمر .. يلا يازوجه اخوي ..
وجدان رفعت عييونها وضربت فرح من كتفها .. وقالت بهمس .. ووجع انطمي ..
عمر .. يالبا زوجتي ياناس ..
فرح .. اقول استح على وجهك بس وروح كلم اخوها ..
وجدان انصدمت ولفت على عمر ..
عمر ابتسم لها .. ومين قال اني ماراح اكلمه اتصلت عليه وهذا هو جاي بالطريق ..
فرح ابتسمت ولفت على وجدان .. ربي يجعلها من نصيبك ..
وجدان للحين مصدومه ومو فاهمه شي ..
عمر حس بصدمتها بس ما تكلم لانو رن جواله وكان معاذ راح يرد عليه ..
وفرح تناظر وجدان اللي للحين تناظر المكان اللي كان واقف فيه عمر ..دقتها .. هيه تراه راح وش فيك ..
وجدان لفت على فرح وعيونها مليانه دموع .. فرح يحبني ؟؟..
فرح تبي تبعد هالدموع من عيونها .. الرجال راح يكلم اخوك وانتي تسألين يحبني .. اقول امشي بس اكلتي عقل الرجال وجايه تسألين يحبني .. امشي بس امشي ..
وجدان مشت وهي تضحك على اسلوب فرح وفي هذي اللحظه تاكدت انها تعشق عمر ..
صحاها من افكارها وسرحانها دقت الباب ..
وجدان .. احم .. ادخل ..
معاذ فتح الباب وابتسم لأخته .. صباح الخير ..
وجدان ردت له الأبتسامه .. صباح النور ..
معاذ .. جودي يلا تعالي نفطر ..
وجدان وقفت .. اوكي ابدل واجيك ..
معاذ وهو يطلع .. اوكي ..
دخلت للحمام (( وانتو بكرامه )) واخذت لها شاور وطلعت لبست لها بجامه ثقيله وطلعت للصاله شافت معاذ جالس على طاوله الأكل بالمطبخ وقدامه الفطور ..
جات له بابتسامه .. انت اللي مسويه ؟؟..
معاذ .. تخيلي عاد انا اللي مسويه .. لا طالبه من تحت ..
وجدان وهي تجلس .. اهاا .. وبدت تاكل ..
معاذ .. وجدان ..
وجدان دق قلبها تعرف اخوها ما يناديها وجدان الا انو فيه شي .. هلا ..
معاذ .. امممم عندي موضوع حاب افاتحك فيه يناسبك الحين ولا ..
وجدان بدت تتوتر .. لا عادي قول ..
معاذ ابتسم .. فيه واحد متقدم لك ..
وجدان هذا اللي كانت خايفه منه ماتدري وش تقول بس حاولت تخفي ارتباكها اللي زاد ونزلت عيونها ورجعت رفعتها على اخوها .. ومين هو ؟؟..
معاذ زادت ابتسامته .. هو رجال والنعم فيه من عايله ماعليها كلام وماشاء الله مو ناقصه شي وفوق كذا هو اخو صديقتك ..
وجدان ابتسمت لاارادي ووجهها انقلب احمر ونزلت عيونها ..
معاذ ابتسم وحس باحراجها .. جودي ياقلبي عمر ما اشوف فيه عيب والقرار بالأخير لك حتى لو كان صاحبي وانتي رفضتيه تأكدي اني ماراح اغصبك على شي .. ولك المده اللي تبينه الرجال مو مستعجل ..
وجدان .. ان شاء الله...
معاذ .. ايه صح هو فاتحني بالموضوع عشان ياخذ الموافقه المبدأيه وبعدها يكلم امه وابوه عشان يجون يخطبونك رسمي ..
وجدان من الأحراج ماتدري وش تسوي .. ايه طيب .. ووقفت بسرعه وراحت لغرفتها رمت نفسها على السرير وهي مبتسمه ومن داخلها ودها تصرخ من الفرحه تحبه وجاها .. وجلست تفكر فيه ..
............................





على الساعه 10 طلع عمر واخواته مع ابوهم للمستشفى ..وصلو للمستشفى ودخلو لغرفه امهم وسلمو عليها وجلسو يسولفون وشوي فرح وقفت وهي تعدل شيلتها ..
عمر يناظرها .. على وين ؟؟..
فرح .. ابروح اجيب لي موكا حد يبي ؟؟..
بشاير .. انا بجي معك ..
فرح .. طيب يلا قومي ..
عمر .. جيبولي معكم شاي ..
بيشو وفرح .. طيب .. وطلعو من الغرفه متجهين للاصنصير دخلو ونزلو للدور الأرضي واتجهو للكفتريا .. ولما وصلو دق جوال فرح .. لفت على بشاير .. بيش انتي اطلبي ..وردت .. اهليين ..
وجدان .. صباح الورد ياعسسل ..
فرح ابتعدت عن بيشو وراحت جلست على وحده من الطاولات .. صباح الجوري ياقششطه ..
وجدان .. كيفك ..
فرح .. تمام .. وش عندو الرايق ..
وجدان .. مبسوطه بالحيل ..
فرح .. ووش اللي باسطك جعله دوم ..
وجدان بخجل .. يعني تبيني اسمع اسمه وطاريه ولا انبسط ..
فرح .. هههههههههههههه.. اووووكشخ مين قدك ياعميير ..
وجدان .. وجع لاتقولين عمير ..
فرح .. شوف ذي بدت تدافع عنه بعد ..
وجدان .. أي اكيد ابدافع عنه مو خطيبي هو ..
فرح .. لا ياشيخه .. ومتى صار خطيبك وانتي مع خشتك مارديتي ..
وجدان بخجل .. لو علي كان من اول ماقالي معاذ قلتله موافقه بس ياختي لازم اخذ ثقل شوي وش بيقول عني هو واخوي ..
فرح .. لا بالنسبه لعمر كان وده يسمع الرد امس قبل اليوم ..
وجدان انقلب وجهها احمر .. احم .. طيب شسمه انتي وينك ..
فرح .. عاشت مصرفه ..ورفعت عيونها تناظر حولها بطفش .. انا بالمست..... وسكتت فجأه لما شافت الأثنين اللي دخلو الكفتريا ..
وجدان استغربت سكوتها المفاجأ ..فرح وش فيك ؟؟..
فرح مو حولها ولا سمعتها كل تفكيرها مع اللي وقفو بجنب اختها يطلبون ..
وجدان بصراخ فرررررررررح ..
فرح انفجعت من صوتها .. ووجع ليه تصارخين ..
وجدان بنرفزه .. لي ساعه اكلمك وانتي ساكته وش فيك ..
فرح ماشالت عينها عنهم قالت بهمس .. اكلمك بعدين .. وقفلت قبل ما تسمع رد وجدان ..
اما هم كانو واقفين بجنب بشاير وينتظرونها تخلص عشان يطلبون ..
بشاير .. اوكي ويت ..ولفت تدور فرح عشان تاخذ منها الفلوس ..
اما هو اول ماشاف وجه بيشو حس انه شايفه من قبل حاول يتذكر بس ما عرفها بس وقف تفكيره لما سمعها تنادي باسم فرح وتأشر .. لف للجه اللي تناظرها وانشلت حركته لما شاف فرح جايه لجهتهم وهي معقده حواجبها كأنها منزعجه من شي ..
فرح سبت اختها بداخلها لانها نطقت اسمها وهو موجود بجنبها بس مشت لها وهي تحاول تطنش وجوده عشان ما يحس انهامهتمه لوجوده ..وصلت وصارت قدام بشاير وهو يصير بجنب بشاير وبينهم مسافه بسيطه ..
فرح .. هاه وش تبين فضحتيني ؟؟..
بشاير .. ذا يبي الحساب وانا مامعي شي ..
فرح وهي تدخل ايدها بجيب بنطلونها وتطلع الفلوس .. طيب كان جيتي لعندي واخذتيها .. وقربت من الكاشير واعطته
الفلوس ..
اما هو للحين يناظر فيها مو قادر يشيل عيونه عنها وسرحان وما انتبه الا لما دقه فيصل من كتفه ..
فيصل .. ياهووو انت اكلت البنت بعيونك ..
فارس لف عليه ..مالك دخل ويلا اطلب خلصنا ..
فيصل وهو يناظر فرح وبشاير .. اقول فروس مو كأن هذول هم اللي شفناهم بالمطعم هذاك اليوم ؟؟..
فارس .. ايه هم وشيل عيونك عنهم لاتفضحنا ..
فيصل .. طيب ..وقرب لأذن فارس وقال بهمس .. بس تصدق حلوات وبذات هذيك المعصبه .>> يقصد فرح << ..
فارس تنرفز ولف عليه .. فصييل استح على وجهك وانطم ..
فيصل استغرب من عصبيته .. طيب طيب وش فيك عصبت ليكون يقربون لك وانا مدري ..
فارس طنشه ولف على الكاشير لما شاف فرح وبشاير خلصو ..
بشاير وفرح لما اخذو الطلب مشوب يطلعون بس فرح وقفت ..
بشاير .. وش فيك ؟؟..
فرح وفي بالها شي .. اممم كأني اشتهيت دونات ابروح اخذلي ..
بشاير .. يوووه فرح مالي خلق اجلس هنا خليها بعدين ..
فرح .. لا مابي مشتهيتها الحين ..
بشاير .. خلاص انا بروح وانتي اشتريها وتعالي ..
فرح تبيها من الله انها تروح .. ايه طيب ..وخذي شاي عمر معك ..
بيشو اخذته وراحت .. اما فرح راحت جلست على طاوله قريبه من الكاشير بشوي عشان تراقبه .. شافته ياخذ الطلب واعطى خويه كوب ومشوب يطلعون قامت بسرعه وتركت كوبها على الطاوله وراحت له وبجرائه وقفت قدامهم ..
فارس اول ماشافها طلعت عيونه توه شايفهم طلعو من وين جات ذي ووش فيها واقفه قدامنا ..
اما فيصل وقف وجلس يناظر فيها باعجاب ..
اما فرح لما وقفت ناظرت فيصل وحولت نظرها لفارس وقالت بنبره جاده .. لو سمحت ..
فارس يناظرها باستغراب .. انا ؟؟..
فرح بنفسها .. لا خيالك الله يسلمك .. ايه انت ..
فارس .. هلا ..
فرح ناظرت فيصل ورجعت نظرها لفارس .. ممكن شوي ؟؟..
فارس زاد استغرابه اما فيصل لف على فارس وهو مبتسم بخبث ورجع لف على فرح .. اوكي انا استاذن ..
فارس لف على فيصل بسرعه وش يستأذن ذا الثاني ..
فيصل فهم نظرته وغمز له وقال .. انا انتظرك بالمكتب لاتتأخر بعد نص ساعه عندنا فحص ..
فارس يبي يذبح فيصل لانه فاهم غلط .. طيب ..ورجع لف على فرح بعد ما راح فيصل وابتسم .. امري ؟؟..
فرح بنفسها بعد يبتسم ذا وخشته .. ممكن نجلس ؟؟..
فارس .. ايه طبعا ..
فرح مشت وراحت للطاوله اللي كانت جالسه عليها من شوي وفارس مشى وراها جلست وجلس قبالها ..
فرح بارتباك حبت انها ما تبينه قالت وهي تناظر بالكوب اللي قدامها .. اخ فارس ممكن اعرف وش كنت تبي تقول لما كنا بالطياره ؟؟..
فارس دق قلبه لما سمع اسمه منها وارتبك لما سمع اللي قالته .. معقوله ما نست طول ذي المده معقوله يهمها اللي كنت راح اقوله .. ابتسم لاارادي ورفع عيونه عليها وشافها تناظره باستغراب ..
فرح بنفسها اوف وش عنده ذا من اليوم شاق الخشه .. قالت بقله صبر . لو سمحت ممكن تقولي لاني ما اقدر اتاخر ..
فارس صحاه صوتها وحس على نفسه .. احم .. نزل عيونه على الكوب اللي بايده .. يهمك تعرفين ؟؟...
فرح اوف ذا لا يكون صدق نفسه بس اني مهتمه فيه .. لا ما يهمني بس عندي فضول .. بتقول ولا ؟؟..
فارس طبعا ما يبيها تقوم يبيها تسمعه وتفهمه يمكن ينشال الكره اللي بقلبها له .. لا لا راح اقول ..
فرح .. تفضل ..
فارس رفع عيونه عليها وناظر بعيونها مباشره .. اول شي ابيك تفهمين كل كلمه اقولها قبل ما تحكمين عليها ..
فرح .. اوكي ..
فارس وللحين يناظر بعيونها .. انا من طبعي ما احب حد يرفع صوته علي من ماكان ولا احب احد يستصغرني ..
فرح قاطعته .. طيب انا وش علي باللي تحبه واللي ما تحبه ؟؟..
فارس .. ممكن ما تقاطعيني .. راح تفهمين كل شي بس اسمعيني للأخير ..
فرح بطفش .. طيب بس استعجل ..
فارس نزل عيونه عنها .. طيب ..انا تعودت من صغري انو أي واحد يرفع صوته علي او يغلط علي او يضرني ادعس عليه ..
فرح انصدمت من كلامه ابدا مو باين عليه الغرور .. بس كلامه اللي قاله يبين انه مغرور ومتكبر ومو شايف حد قدامه ..
فارس رفع عيونه عليها وشاف فيها الصدمه بس ماعرف من ايش .. طنش وكمل ..فعشان كذا لما قابلتك اول مره بالمطعم ورفعتي صوتك علي على اني اعتذرت وانا مو غلطان ولا من طبعي الأعتذار بس هذاك اليوم كنت مستعجل .. في هذاك اليوم حطيتك ببالي وقلت مو بنت مثل هذي ترفع صوتها على فارس السامي ..
فرح بغرور .. وليه ان شاء الله ليكون مو عاجبتك انا ترا اذا انت ولد السامي فانا بنت الرائد واتوقع تعرف مين هم الرائد ..
فارس ابتسم على غرورها ..ايه اعرفهم والنعم فيهم .. بس انا وقتها ماكنت اعرف انتي بنت مين فجلست اراقبك لما طلعتو من المطعم ووصلتي للبايت عرفت بيتكم وصرت كل يوم اجي اراقبه واعرف وين تروحين ووين تجين لما جا يوم تطلعون للشاليه وقتها قررت الأنتقام ..
فرح بصدمه .. يعني وجودك ماكان صدفه ؟؟!!..
فارس .. لا وكل اللي صار كنت مخطط له الا اخر شي ..
فرح .. يعني كنت مخطط تموتني ..
فارس رفع عيونه عليها وقال بسرعه .. لا وربي بس كل اللي كنت ابيه اني اعورك على خفيف ما توقعت انو السفينه بتطلع بوجهك وتصدمين فيها وتنقلبين اصلا لاشعوري اول ماشفتك انقلبتي جيت لعندك وانقذتك .. لو كنت ابي اموتك كان تركتك صح ولا انا غلطان ..
فرح تناظره بتشتت .. طيب اذا ماكنت قصدك تموتني وانقذتني وانتهى الموضوع وش سبب وجودك بكل مكان اروح له ..
فارس .. صدفه وربي ..
فرح .. حتى صداقتك مع عمر صدفه مو تخطيط ..
فارس .. ايه .. انا قلتلك وش اللي كنت مخطط عليه وسويته .. نزل عيونه .. وانا اسف ..
فرح .. اسف !!.. ابتسمت بسخريه .. بالله لو اني ميته الحين لمين راح تقول اسف ؟؟..
فارس ناظرها بسرعه .. اسم الله عليك والحمد الله انك عايشه .. اصلا لو صارلك شي كان تندمت طول عمري ..
فرح وقفت .. طيب ممكن ما اشوفك مره ثانيه .. لاني كل ما اشوفك اتذكر اللي صار لي .. نزلت عيونها اللي بدت تمتلي دموع ورفعتها عليه وتكلمت بصرامه عكس اللي بداخلها .. فاهم ... ومشت عنه وهي تتذكر اللي صار لها وتتذكر كلامه تحس نفسها مخنوقه ما تبي تروح لأهلها عشان ما يشوفون دموعها اللي قربت تنزل وطلعت لحديقه المستشفى وراحت جلست على وحده من الكراسي وحطت راسها بين يدينها واعطت لدموعها الحريه تنزل تبي ترتاح ..
اما هو كان مصدوم من الدموع الي لمحها في عيونها مايدري وش سببها بس عوره قلبه عليها يحس انو هو السبب .. صحاه من افكاره رنه جواله وكان فيصل يقوله انو البريك انتهى قام وراح للمكتب عشان يأخذ اوراقه ويبدا بالفحص ..
.........................





عند فرح بعد مابكت وحست انها ارتاحت جلست تطالع باللي رايح واللي جاي وهي تفكر .. شوي نقزت من صوت جوالها اللي رن .. رفعته وشافت المتصل عمر .. فرح بنفسها . يوووه طولت وانا تحت اوف وش بقوله الحين .. ردت .. هلا ..
عمر .. وينك ياست فرح كل هذا تأخذينلك دونات ..
فرح .. هاه .. لا بس عجبني الجو بالحديقه وجلست شوي ..
عمر .. لا ياشيخه .. اقول بس تعالي امي تبيك ..
فرح .. طيب طيب .. الحين جايه .. وقفلت منه وقامت عدلت نفسها ودخلت لجوا المستشفى ..
.......................






طلع مع فيصل من المكتب متجهين للأصنصير وفيصل يكلمه وهو مطنشه ..
فيصل .. اووف وش فيك انت من دخلت المكتب وانت ساكت ليه ما ترد علي ؟؟..
فارس لسا مطنشه .. وصلو للأصنصير ودخلو وتوه بيضغط على الزر عشان يسكر الأصنصير الا يشوف وحده جايه تسرع من بعيد وهي تقول وييت ..
...............
فرح لما قربت من الأصنصير شافت اثنين راكبين بس ماعرفت مين لانهم معطينها ظهورهم ومعاهم ممرضتين راحت تسرع وهي تقول ويت مالها خلق تنتظر الأصنصير يرجع لها وكمان مالها خلق تروح للثاني الي ماتدري وينه .. وصلت ودخلت معهم وهي تاخذ انفاسها ..
اما هو تجمدت ايده على الزر معقوله ما انتبهت لنا .. ايه اكيد ما انتبهت لأنو لو انتبهت كان ماركبت معنا .. شال عيونه عنها وضغط الزر ولف وجهه للجهه الثانيه عشان ما تنتبه له ..
فيصل يدق فارس ويقوله بهمس .. شكلها شافتك راكب وحبت تركب معك ..
فارس عصب من فيصل ولف عليه وقال بعصبيه وصوته ارتفع من غير مايدري .. فيصل وربي لو تتكلم عنها كلمه وحده زياده لان يخويك ولا اعرفك سامع ..
فيصل انصدم من فارس اول مره يشوفه معصب كذا ويرفع صوته عليه .. والممرضات وفرح لفو عليهم لانهم كانو وراهم ..
اما فرح اول ماشافته حست بحراره بجسمها وراسها يلف ماتدري ليه .. حطت ايدها على راسها والثانيه سندتها على جدار الأصنصير عشان توازن نفسها ..
وحده من الممرضات لما شفتها قربت منها ومسكتها ..(( بعد الترجمه )) انسه انتي متعبه ؟؟..
فرح مو قادره تتكلم من الدوخه اللي تحس فيها هزت راسها بالرفض .
اما فارس مالف عليها الا لما سمع الممرضه تكلمها نقزه قلبه من شكلها ..
وفي هذا الوقت انفتح الأصنصير ..وطلعت الممرضه وهي ماسكه فرح اللي مو قادره تمشي وجلستها على اقرب كرسي وكانت هذي الممرضه هي مساعدت فارس ..
اما هو فاكتفى انه يوقف بعيد عنهم .. كان وده يقرب ويعرف وش فيها بس خاف عليها تتضايق ..
اما فيصل لسا مصدوم من اللي صار قدامه فكان يناظر فارس مقهور وبنفس الوقت يبي يعرف ليه هو عمل كذا .. ولما شافه واقف ويناظر فرح من بعيد قرر انه يمشي يكمل شغله وبعدين يكلمه ..بس وهو ماشي حس بشي يقوله يرجع لفرح اللي باين عليها تعبانه .. رجع من غير تردد وراح وقف قدام فرح اللي كانت جالسه على الكرسي ومسنده راسها لورا ومغمضه عيونها .. قرب منها وتكلم .. اختي تحسين بشي تبين مساعده ؟؟..
فرح فتحت عيونها بتعب وهي تحط ايدها على راسها .. لاشكرا الحين اكون احسن ..
فيصل ابتسم لها .. اكيد ما تحتاجين شي ..
فرح .. ايه قلت لك شكرا .. وبنفسها .. وش عنده ذا الثاني جاي يتميلح اوف .. قامت بعد ماحست انو الدوخه راحت منها ..
فيصل بعد عنها لما شافها قامت .. طيب انا استأذن مادامك بخير ..
فرح وهي تناظر الممرضه .. اذنك معك ..وقالت تكلم اللممرضه .. ثانكيو ..
الممرضه .. ولكم .. ومشت جهت فارس ..
اما فرح بعد ماعدلت نفسها مشت لجهه غرفه امها وهي مستغربه من اللي جاها من لما شافته .. وصلت للغرفه ودخلت ..
اما فارس ارتفع ضغطه لما شاف فيصل واقف عند فرح بس ارتاح لما شاف وجه فرح اللي يبين انها منزعجه من وجود فيصل عندها وارتاح اكثر لما شافها قامت يعني هي بخير وجلس يناظرها لما اختفت عن عيونه ..
.......................





داخل الغرفه ..
عمر .. كان ماجيتي ..
فرح وهي تشيل شيلتها وتجلس ..بصراحه الجو برا رهييب ماكنت ابي اجي بس جيت عشان امي ..
ام عمر .. يمه امو برد عليك ؟؟..
فرح .. لا يمه الجو دافي وحلو .. ليه ما تطلعين للحديقه ولا ممنوع ؟؟..
ابو عمر .. لا مو ممنوع بس امك رافضه الله يهديها ..
غاده .. ليه يايمه بالعكس كذا ترتاح نفسيتك اكثر ..
ام عمر .. لا مالي بالروحه والجيه ..
عمر .. وش اللي مالك يايمه مادامك حابسه نفسك بذي الغرفه اكيد بيكون مالك خلق لشي يمه اطلعي وغيري جو ..
ابو عمر. . تعبت وانا احاول اقنعها بس هي رافضه ..
فرح قامت وراحت عند امها ومسكت ايدها .. يلا يلا يمه قومي ..
عمر .. ايه عليك فيها يافرح محد يقدر عليها مثلك ..
ام عمر تبتسم .. لايافرح خليها مره ثانيه انا تعبانه الحين ..
فرح وهي تبعد اللحاف عنها .. لا بلا دلع يلا قومي ..
وفي هذا الوقت اندق الباب ..
ابو عمر .. يس ..
فارس بالبدايه استغرب انه سمع صوت رجال بس لما تذكر انه وقت زياره قال اكيد هذا من زوارها ..خلى الممرضه تدخل قبل وتقولهم انه راح يدخل ..
الممرضه فتحت الباب ودخلت ..(( بعد الترجمه )).. لو سمحتو الدكتور سوف يدخل لكي يكشف على المريضه ..
فرح .. اوف ذا وقته يعني مايدرون انه وقت زياره ..
ام عمر وهي تعدل جلستها بعد ما تركت ايد فرح .. عادي هم يجون باي وقت يلا بس البسي شيلتك ..
فرح ..ايه احسن بعد عشان اقوله يقنعك تطلعين .. ومشت لمكانها ولبست شيلتها وجلست ..
عمر لما شاف كل اخواته وامه تحجبو قال للممرضه تخلي الدكتور يدخل ..
فارس دخل بابتسامه وهو يناظر اوراقه .. السلام عليكم ..
كلهم استغربو بالبدايه وبعدها ردو السلام ..
فارس رفع راسه عشان يقول انه راح يكشف على المريضه بس طاحت عينه على عمر اللي جالس قدامه ..
عمر تفاجء لما شافه وقف .. فارس ..
فارس بنفس الصدمه .. عمر ؟؟..
فرح اللي كانت تلعب بجوالها اول ماسمعت اسمه رفعت عيونها تتأكد وتجمدت ايدها على الجوال ..وش جابه ذا هنا ؟؟!!..
ابو عمر باستغراب .. تعرفون بعض ؟؟..
عمر بابتسامه .. ايه هذا خويي وراح يسلم على فارس .. هلا والله .. لاتقول انك تشتغل دكتور هنا وانا مدري ؟؟..
فارس رد له الأبتسامه .. هههه دكتور مره وحده .. لاتو بدري علي .. وبعدين كيف اشتغل دكتور وانت عارف اني لسا ادرس ..
عمر .. مدري هذا اللي زاد استغرابي ..
فارس .. لا بس انا عندي فتره تدريب بهذي المستشفى..
عمر .. اهاا .. بالتوفيق ..
فارس .. امين .. بتردد .. بس انت وش عندك هنا ..
عمر بابتسامه .. المريضه اللي جاي تكشف عليها هي امي ..
فارس .. الله يقومها بالسلامه ..
عمر .. الله يسلمك .. واشر على ابوه .. وهذا ابوي ..
فارس قرب من ابو عمر وسلم عليه .. كيفك ياعم ؟؟..
ابو عمر بابتسامه .. الحمد الله ياولدي وربي يعطيك العافيه ..
فارس .. الله يعافيك ..
عمر .. تفضل ابدا شغلك يادكتور فارس ..
فارس بابتسامه .. شكرا ..
فرح ..بنفسها .. لا كذا زادت عن حدها وش الصدفه ذي اللي تخليه يكون المشرف على حاله امي لا وبذات بالوقت اللي حنا جينا فيه لندن .. ياربي شكله بيبقى حولي دايم ..
اما فارس كان يشتغل وهو مرتبك من وجود فرح معه بنفس المكان وانه عرف انو المريضه اللي يكشف عليها هي امها .. حاول يخلص الكشف بسرعه عشان يطلع ..ولما خلص وجا بيطلع وقفه صوت ابو عمر ..
ابو عمر .. مشكور ياولدي وعسى ربي يوفقك ..
فارس بابتسامه .. العفو هذا واجبي ..
ابو عمر .. انت ولد مين احس اني مشبه عليك ؟؟..
فارس ... انا فارس خالد السامي ..
ابو عمر وام عمر اول ماسمعو اسمه تجمدو باماكنهم ..
الكل استغرب من سكوت ابو عمر ولون وجهه اللي تغير .ووقف وقرب من فارس .. انت ولد خالد السامي وعمك محمد السامي ؟؟..
فارس بابتسامه ممزوجه باستغراب .. ايه ياعم ..
ابو عمر لف على ام عمر وبعدين على فرح وبعدين رجع عيونه لفارس وابتسم بالقوه .. ايه والنعم .. الا اخبار عمك للحين يشتغل هنا ؟؟..
فارس بابتسامه .. ايه هو موجود هنا حاليا ..
ابو عمر .. ايه ربي يوفقه ..
فارس .. امين وياك .. طيب عن اذنكم ..
ابو عمر .. اذنك معك ..
طلع فارس وهو مستغرب من ابو عمر ..
اما ابو عمر رجع جلس مكانه وهو يفكر .. هو صحيح انه لسا يتعامل مع ابو فارس بس عن طريق عمر بالشركه اللي بالسعوديه وتعاملهم معهم مو كثير .. اما محمد ابو سامي من عشرين سنه مايعرف عنه شي بس يسمع عن اعماله من بعيد وهو متعمد انه ما يتعامل معه عشان ما تنكشف السالفه اللي صارت قبل عشرين سنه ..
عمر .. يبه .. يبه وين رحت ؟؟..
ابو عمر .. لا ولا مكان معكم ..
عمر .. يبه انت تعرف عم فارس .. ابو سامي ؟؟..
ابو عمر بارتباك .. لا .. اقصد ايه اعرفه بمعرفتي باخوه بس مالي معه معرفه شخصيه ؟؟..
عمر .. اهاا .. تصدق يبه على اننا نتعامل معهم بس ماعمري فكرت اتعرف على ولده .. وتعرفت عليه بالصدفه .. بس طلع ماشاء الله عليه حبوب وطيب ..
ابو عمر .. ايه على ابوه .. وناظر بساعته .. يلا قومو انتهت الزياره ..
عمر .. يلا ..
ابو عمر يعطي عمر المفتاح .. انت روح مع اخواتك للبيت وانا راح اروح للشركه ..
عمر .. يبه ليه ما ترتاح لك شوي والعصر تطلع ..
ابو عمر .. لا عندي شغل ضروري..
عمر .. طيب براحتك .. ولف على البنات .. يلا مشينا ..
فرح .. انا مابي اروح ابي اجلس مع امي ..
ابو عمر .. امك الحين لازم ترتاح روحو وفي وقت الزياره الثانيه تعالو ..
فرح .. لا ابي اجلس هنا عادي مايمانعون لو معها مرافق واحد ..
ام عمر .. خلاص يابو عمر اتركها تجلس ..
ابو عمر .. طيب خلاص براحتك ..
وطلع عمر والبنات وبعدهم ابو عمر وفرح جلست عند امها ..
..............................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 15-03-2015, 05:30 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي



في نفس المستشفى في مكتب طلاب التدريب .. فارس جالس على مكتبه ويفكر بالصدف اللي تجمعه مع فرح ..شوي دخل فيصل للمكتب ولما شاف فارس سرحان راح لعنده وقال بهدوء غريب عليه .. فارس ..
فارس انتبه له ..نعم ؟؟..
فيصل جلس بجنبه .. مممكن افهم منك وش اللي صار اليوم ؟؟
فارس لف عليه .. فيصل انا عارف اني غلطان لما رفعت صوتي عليك بس انت نرفزتني ..
فيصل .. انت ليه مره مهتم لذي البنت وممكن تقولي وش سالفتها ؟؟..
فارس.. قوم نطلع للحديقه وانا اقولك كل شي عشان ما تجلس تلومني بتصرفاتي ..
فيصل وهو يوقف طيب .. وطلعو لحديقه المستشفى وصارو يتمشون وفارس قال لفيصل كل شي من المطعم لما طلع من غرفه امها ..
فيصل .. اوف اوف كل هذا يصير معك ولا تقولي ..
فارس .. انا توقعته شي وبيروح حدث وبيمشي مثل أي حدث صار لي من قبل بس مدري وش اللي صار فيني ذي البنت فيها شي غريب ..وغير كذا انا مستغرب من الصدف اللي جالسه تجمعني معها ..
فيصل .. جد شي غريب .. بس تتوقع لما قلتلها الصدق بطلت تكرهك ..
فارس .. مدري ما اتوقع والدليل لما تفاجأت فيني بالأصنصير ..
فيصل .. يعني كل اللي صار لها بالأصنصير لانها تضايقت من وجودك ..
فارس .. اتوقع كذا ..
فيصل وقف ولف على فارس وابتسم بخبث .. وانت ؟؟..
فارس لف عليه باستغراب .. وش فيني ؟؟..
فيصل .. تحبها ولا تكرهها ؟؟..
فارس .. اكيد لاهذي ولا هذي ..البنت كل اللي بيني وبينها صدف وبس يعني هي انسانه عاديه مثل أي وحده ..
فيصل .. ياخي ام التناقض عليك انت .. من شوي تقول هالبنت فيها شي غريب والحين تقولي انسانه عاديه ..
فارس .. اوف يافيصل لاتدقق .. ياخي انت سألتني عن شعوري اتجاهها قلت لك انسانه عاديه ما احمل لها أي مشاعر لا حب ولا كره .. وبالنسبه انها بنت غريبه اقصد بتصرفاتها ماقد شفت بنت مثلها ..
فيصل .. اها .. طيب الأيام راح تكشفك ..
فارس .. اقول بس امشى بلا هرج زايد ..
فيصل وهو يتذكر شي .. ايييه تذكرت الحين كلام سامي لما كنا بالمطعم ..
فارس .. يالييل انا وش خلاني اقولك انت والدلخ ذاك عمركم ماراح تفهموني .. ومشى وتركه ..
فيصل مشى وراه يضحك .. وقف يابو .
فارس وهو يمشي .. لما تعرف كيف تتكلم ابوقف ..
فيصل وصل لعنده .. ههههههههه.. طيب وش فيك معصب عادي امزح .. بس تصدق مره حلوه ..
فارس وقف ولف عليه .. فصيييييييييييييييييييييييل ..
فيصل .. ههههههههههههههه.. خلاص خلاص اسفين بس لاتعصب .. وقال بهمس تعمد انو فارس يسمعه .. ويقول مايحبها بعد ..
فارس .. فصول ووجع انطم .. ومشى عنه لداخل المستشفى ..
فيصل .. هههههههههههه.. جد مهبول خويي .. وراح وراه ..
...............





على الساعه 7 المسا ... باقي على وقت الزياره الثانيه ساعه .. فرح ملت من جلسه الغرفه وامها نايمه .. قررت تطلع تتمشى بالمستشفى على ما تبدا الزياره ..صارت تتمشى بالأسياب وماعجبها الوضع لانو كان هدوء فكرت تنزل للدور الأرضي اكيد هناك فيه ناس وزحمه .. ركبت في الأصنصير ونزلت لتحت وصارت تتمشى وتمر على مكاتب وغرف عمليات واشياء كثيره .. وهي تمشي وتناظر اللي رايح واللي جاي رن جوالها ووقفت ورفعته وردت ..
فرح .. هلا وغلا ..
وجدان . هلا بك .. وينك ادق عليك جوالك مقفل ..
فرح .. مكان فيه شحن توي شحنته من شوي ..
وجدان .. اها .. الا انتي وينك وش ذا الأزعاج اللي عندك ؟؟
فرح .. بالمستشفى ..
وجدان .. اهاا .. طيب فرح ودي اجي ازور خالتي عادي ؟؟..
فرح بابتسامه وكملت وهي تمشي .. أي اكيد عادي ياقلبي حياك ..
وجدان .. اكيد يعني مافيها احراج ..
فرح .. لا ياقلبي عادي تعالي .. ومره وحده شوفي حبيب القلب ..
وجدان بنرفزه وخجل .. فريييييييييح ووجع استحي ..
فرح ... هههههههههه.. يالبا اللي تستحي ياناس ..
وجدان .. مالت انطمي بس ..
فرح .. وهه .. فديتك انا . لاتزعلين ..
وجدان .. طيب .. متى نجي ؟؟..
فرح .. الحين باقي ساعه على الزياره ..
وجدان .. مادام باقي ساعه انتي وش عندك هناك ..
فرح وهي تتذكر شي .. ايه جوود عندي لك سالفه خطيره .. انتي بس تجين اقولك ..
وجدان تحمست .. جد وش هي ؟؟..
فرح .. شوف ذي الهبله اقولك لما تجين اقولك هي ماتصلح بالجوال ..
وجدان .. طيب .. يلا طسي اجل ..
فرح .. هيه وش طسي ذي هذا وبتتزوج بعد وكلامها دفش الله يعينك ياعمور ..
وجدان .. فرييح انطمي .. وقفلت بوجهها ..
فرح وهي تنزل الجوال من اذنها وتناظر فيه .. ههههههههههه .. جد هبله ذي البن.... سكتت لما حست انها صدمت بشي ..رفعت عيونها وشافته واقف قدامها مبتسم ..فرح لما عرفته بعدت ..سوري ما انتبهت ..
فيصل بنفس الأبتسامه .. لا عادي ماصار شي ..
فرح بنفسها .. وجع ذا وش يبي ناطلي .. طيب .. وجات بتمشي بس وقفها ..
فيصل .. لو سمحتي ..
فرح من غير لاتناظره .. نعم ؟؟
فيصل .. ممكن شوي ..
فرح لفت عليه .. نعم ؟؟..
فيصل زادت ابتسامته ومد كرته لها .. ممكن تتصلين علي لاني ابيك بموضوع ضروري ..
فرح ناظرت الكرت ورجعت ناظرته .. لا بالله .. هذا ترقيم ولا وش اسميه ..
فيصل .. هههههه .. لا طبعا مو ترقيم اصلا ماتو اللي يرقمون .. بس بجد ابيك بموضوع ضروري يخصك ؟؟..
فرح باستغراب .. يخصني ؟؟..
فيصل .. ايه ؟؟..
فرح .. ليه تعرفني اعرفك علشان تكلمني بموضوع يخصني ..
فيصل ابتسم .. لا بس اثنينا نعرف شخص واحد ..
فرح بتفكير .. قصدك فارس ؟؟..
فيصل .. ايه فارس .. ممكن ؟؟..
فرح تناظر الكرت بتردد فضولها يقولها اخذيه وعقلها يقولها لاتاخذينه .. بس بالاخير تبعت فضولها واخذته ومشت من غير أي كلمه ..
اما فيصل ابتسم براحه لازم ينفذ اللي بباله ورجع لمكتبه .. بس للأسف ما انتبه للشخص اللي كان يراقبهم من بعيد ..
فرح اخذت الكرت ومشت وهي تفكر وش عنده ذا ووش الموضوع اللي يبيني فيه .. اكيد يخص فارس .. اوف ليه اخذته انا الغبيه وحتى لو يخص فارس انا وش علي فيه .. ياربي وش راح يفكر فيني ذا .. صحاها من افكارها صوت جاي من وراها .. فرح ..
فرح وقفت استغربت مين اللي يناديها باسمها وبذي الطريقه ولما ركزت بالصوت عرفته ولفت عليه .. نعم ؟؟..
فارس قرب منها وهو مصدوم من حركتها ماتوقعها من هذول البنات .. ممكن اعرف وش كان يبي منك فيصل ؟؟..
فرح رفعت حاجبها وصارت تناظره من فوق لتحت .. نعم !!! ما سمعت وش قلت ؟؟..
فارس حس انو سؤاله ماله داعي بس يحس فيه شي في قلبه يحترق ورجع عاد السؤال .. قلت .. وش يبي منك فيصل ؟؟..
فرح ابتسمت بسخريه .. ليكون انت عمر وانا مدري ؟؟..
فارس .. انا سألتك ممكن تجاوبيني على قد سؤالي ..
فرح .. وانا مو مجبوره اجاوبك .. ولفت عنه ومشت بانزعاج .. وطلعت للحديقه وجلست على وحده من الكراسي وهي تقلب الكرت اللي بايدها .. وبنفسها .. ادق ولا ما ادق ؟؟ لا لا ماراح ادق خليه ينقلع بس .. لا لا ليه ما ادق يمكن جد فيه شي مهم .. اووف محتاره ..خلاص ابخليه لما تجي وجدان واسالها يمكن تساعدني .. رفعت راسها وجلست تطالع اللي رايح واللي جاي وشوي تعلقت عيونها على شخص مو غريب عليها كان يمشي بكل ثقه وابتسامته على وجهه .. ابتسمت لأبتسامته ماتدري ليه من تشوف هالشخص تبتسم لاشعوري على انها قليل ما تشوفه .. بس سرعان ما اختفت ابتسامتها لما شافت الشخص الثاني اللي جا لعنده .. شخص تحس بكره فضيع له وبنفس الوقت تحس بفضول انها تعرف وش داخله ..
........................





في السعوديه ..
بالتحديد بالشرقيه في بيت ابو فارس الكل كان متجمع هناك ..
بالصاله ..
ريم .. يمه ليه ماراح تروحين معنا ؟؟..
الجده نوره .. يايمه مالي بالسفر والطيارات مافيني حيل للروحه والجيه خلوني هنا مع ولدي وانتم روحو بحفظ الله
ام فارس .. وانا بجلس معكم ياخالتي ..
الجده نوره .. لا يا ام فارس روحي وغيري جو وانبسطي ..
ام فارس .. لا ياخاله ما اقدر اترك خالد لحاله ..
العمه ساميه .. وندى بتجي معنا ولا راح تحبسينها معكم ..
ندى .. لا ياعمه راح اجي معكم ان شاء الله انا وفيراس ..
عبير .. ايه كويس عشان ننبسط ..
الجده نوره .. طيب ياساميه متى حجزتو ؟؟..
العمه ساميه .. اليوم اخلي بو حمد يحجز لنا على بكرا ..
ام فارس . وليه ماحجزتو من بدري عشان يمديكم ترتبون شنطكم ؟؟..
العمه ساميه .. لاني كنت ابي اتأكد مين بروح معنا غير ريم .. لاننا نبي نروح مع بعض ..
ريم .. ايه كذا احسن ..
عبير .. يوه بس ماطلعنا للسوق عشان نجهز للسفره ..
ريم تناظر ساعتها .. يووه جد الحين مايمدي الساعه صارت 11 ..
لمياء .. خلاص ماما قولي لبابا يحجز على اللليل عشان يمدينا نطلع للسوق العصر ..
العمه ساميه .. وهو الحجز بكيفنا ..
ريم .. طيب كلميه الحين يدق عليهم ويشوف اخر رحله للندن بكرا متى ..
العمه ساميه .. طيب .. دقت على زوجها وقالت له يتصل على مكتب الطيران ويسأله .. وقالها بيسأل ويرد عليها ..
عبير .. يارب فيه رحله بالليل عشان يمدينا نطلع للسوق ماعندي شي يناسب هناك ..
الجده نوره .. طيب وراكم مستعجلين خلوها لبعد بكره الديره ماهي طايره ..
لميا .. لا ياجدتي كذا يروح علينا يوم من الوناسه حنا ماصدقنا ابوي يوافق انننا نروح ..
الجده نوره .. ليه هو ماراح يروح معكم ؟؟..
العمه ساميه .. لا يايمه يقول عنده شغل مهم بالشركه ويقول روحو مع حمد .. وفي هاللحظه دق جوالها وردت .. هلا ابو حمد .. ايه متى .. ايه كويس خلاص احجز لسبعه اشخاص .. ايه الله يعطيك العافيه .. مع السلامه ..وقفلت ..
عبير لفت على امها .. ها يمه وش قال ..
العمه ساميه .. يقول اخر رحله بتكون 7 المغرب ..
ريم .. ايييه كويس نطلع للسوق الصباح ..
ندى .. اما الصباح ؟؟..
ريم .. ايه عشان يمدينا نجي ونرتب شنطنا ..
العمه ساميه .. اجل يلا يابنات نمشي عشان تنامون بدري ..
عبير ولمياء قامو يلبسون عباياتهم ..
عبير .. اقول ريموه لاتنسين تدقين علي مو تروحين لحالك ..
ريم .. اصلا انا بنام عند ندوش عشان نختصر وقت ..
لميا .. ايه وانتي ياندوش ذكريها لو نست ..
ندى .. طيب ..
وطلعت العمه مع بناتها اما ريم طلعت للحديقه بعد مارن جوالها ..ردت وهي مبتسمه .. هلا ..
... .. هلا وغلا بهالصوت ..
ريم .. كيفك ؟؟..
.... .. تمام مادامي اسمع صوتك ..
ريم .. تسلم ..
... .. والعسل كيفها ؟؟..
ريم .. بخير ..
... .. عساه دوم يارب ..
ريم .. فصوول عندي لك بشاره ...
فيصل .. جد .. ايش ؟؟..
ريم .. اممممم .. بكرا حنا جايين لندن ..
فيصل بفرحه .. من جد .. وناسه .. ومتى طيارتكم ..
ريم .. ع الساعه 7 ان شاء الله ..
فيصل .. توصلون بالسلامه ياقلبي ..
ريم .. الله يسلمك .. طيب حياتي انا راح اقفل الحين ..
فيصل .. طيب انتبهي لنفسك ..
ريم .. من عيوني .. سلام ..
فيصل .. سلام ..
قفلت ودخلت للصاله وماشافت حد طلعت لغرفه ندى وشافتها منسدحه على السرير وشكلها نايمه راحت انسدحت بجنبها عشان تنام ..
...........................





نرجع للندن ..
سلم عليه وانتبه عليها جالسه على وحده من الكراسي عرفها .. بعد عنه وتوجه لها بجرائه وعلى وجهه ابتسامه ..
قامت وتوها بتمشى بس لمحته جاي لها استغربت ؟.. وبنفسها .. وش يبي جاي ..
سامي بنفس الأبتسامه .. مرحبا ..
فرح ولسا مستغربه ... مراحب ..
سامي .. اممم انتي فرح صح ..
فرح ابتسمت لا ارادي على عفويته .. ايه انا .. امر ..
سامي زادت ابتسامته على ابتسامتها .. ممكن اخذ من وقتك شوي ؟؟..
فرح باستغراب اكبر .. ليه ؟؟..
سامي .. ابيك بموضوع ..
فرح بنفسها .. وش سالفتهم اليوم كل واحد يجيني يقول يبيني بموضوع .. موضوع ايش ؟؟.
سامي تلفت حوله وشاف فارس جالس يناظره باستغراب وعصبيه .. رجع لف على فرح .. اممم المكان هنا ماينفع اقدر اشوفك بمكان ثاني ..
فرح .. طبعا لا .. قول اللي تبيه هنا ..
سامي .. طيب اعصابك .. طيب قولي لي متى اشوفك مره ثانيه عشان اقولك لانو اللي وراي شكله بيذبحني ..
فرح ناظرت وراه وشافت فارس مبين عليه العصبيه واستغربت ورجعت نظرها لسامي .. وليه ؟..
سامي ابتسم .. مدري عنه روحي اساليه ..
فرح رفعت حاجبها .. لاياشيخ اقول بس وخر عن وجهي انت وخويك ذا ومشت متجهه لمبنى المستشفى ..
سامي .. لحظه ..
فرح من غير ما تلف عليه .. خير ..
سامي .. متى اشوفك مره ثانيه ..
فرح بقله صبر .. اقول يا.. يانت فكني ترا ماني رايقه ..
سامي بابتسامه .. اسمي سامي .. وبعدين ترا الموضوع مهم تكفين لازم تعرفينه ..
فرح .. يالييل .. ولفت عليه .. ان..... سكتت لما لمحت من بعيد عمر داخل مع اخواتها تجمدت مكانها ..
سامي استغرب .. وش فيك ..
فرح بخوف .. ع..عم... ع.. عمر ..
سامي لاحظ خوفها ولف وراه وشاف اخوها عمر وقف عند فارس ارتبك ورجع يناظر فرح وشافها لسا واقفه وخايفه .. سحبها بسرعه لداخل المستشفى واخذها لمكان بعيد عن المدخل عشان ما ينتبه فيها اخوها وهي باين عليها مو عارفه تتصرف ..
فرح توها تستوعب .. هيه انت ليه ساحبني كذا ..
سامي بعد ماوقفو في واحد من اسياب قسم الأطفال .. ترك ايدها بهدوء وناظر فيها .. اسف بس شفتك خايفه ومرتبكه لما شفتي اخوك قلت اساعدك ..
فرح بعصبيه .. ومين طلب منك تساعدني ..
سامي قرب منها وقال مع شويه عصبيه .. لاترفعين صوتك ماني اصغر عيالك .. وبعد عنها .. بعدين احمدي ربك اني ساعدتك قبل ما يشوفك اخوك ويذبحك ..
فرح تكتفت وناظرته وهي رافعه حاجبها .. لابالله يعني انت الحين تشوف انك مسوي لي جميل ..
سامي بغرور مصطنع .. اكيد .. ولا بتنكرين بعد ..
فرح .. على اساس اني انا اللي جايتك بنفسي .. مدري مين اللي كان لاحقني ..
سامي .. مادام كذا اجل ليه خفتي لما جا اخوك ؟؟..
فرح .. لان عمر عصبي وم... سكتت وناظرته .. وبعدين انت وش دخلك ..
سامي ابتسم على عصبيتها .. الحين ابي افهم انتي ليه دايم معصبه وشايفه نفسك على ايش ؟؟..
فرح بغرور ..يحقلي اشوف نفسي مادامي بنت الراءد وحلوه كمان ..
سامي بنفسه .. من ناحيه حلوه حلوه .. مصدقه نفسك كثير ..
فرح .. مالك دخل .. وبعدين خلصني وش كنت تبي ؟؟..
سامي .. تبينا نتكلم هنا ..
فرح .. ايه يلا بسرعه ..
سامي توه بيتكلم بس دق جواله .. طلعه من جيبه وشاف المتصل فارس .. رد عليه.. هلا ..
فرح .. وقته ترد الحين .. اوف ..
سامي ابتسم .. ايوا فروس وش كنت تقول ..
فارس سمع صوتها ..وقال بعصبيه اكثر .. وينك انتت ..
سامي .. طيب وش فيك معصب هدي يارجال شوي وجايك ..
فارس .. سامي لاترفع ضغطي انا سألتك وينك الحين ؟؟..
سامي .. انا في .... وسكت لان فرح سحبت الجوال منه .. غبي انت ..وقفلت الجوال ..
سامي رفع حاجبه .. خير ان شاء الله ..
فرح .. خير تقوله انت وين عشان يجي يغثني بخشته ..
سامي .. ههههههههههههههه..
فرح .. ووجع ليه تضحك ..
سامي .. هههههه وجع يوجعك ..
فرح بعصبيه .. اووف .. طس بس .. ولفت بتمشي ..
سامي مسك ايدها .. انتظري ..
فرح تناظر في يده اللي ماسكه يدها .. خير ان شاء الله .. ورفعت عينها عليه اترك ايدي ..
سامي ترك ايدها .. وقال بجديه .. اسمعيني ..
فرح تكتفت بطفش .. تكلم ..
سامي .. ابقولك شي يخص فارس ..
فرح .. وانا وش خصني فيه ..
سامي .. ويخصك كمان .. ولا تقاطعيني ..
فرح .. اووف .. طيب ..
سامي بدت تنرفزه حركاتها بس تحمل عشان يرتاح .. انتي لاحظتي وجود فارس بكل مكان تروحينه صح ..
فرح بدت تسمع باهتمام .. ايه صح ..
سامي .. امم من اول مره شافك و.... سكت لان جوال فرح دق ..
فرح رفعت جوالها وشافت المتصل جودي .. ردت .. هلا جود ..
وجدان .. هلا .. فرح انا عند الأستقبال بالمستشفى كم رقم غرفه خالتي ..
فرح .. من جد انتي بالمستشفى الحين ..
وجدان .. ايه توني وصلت ..
فرح وهي تناظر سامي .. طيب خليك انا جايتك الحين ..
وجدان .. لا لاتتعبين نفسك قولي لي رقم الغرفه واجي..
فرح .. هاه .. لا انا اصلا تحت بالكفتيريا الحين جايتك ..
وجدان .. طيب .. سلام ..
فرح .. سلام .. وقفلت .. انا لازم اروح ..
سامي .. بس انا ماخلصت حكيي ..
فرح وهي تمشي .. بعدين بعدين ..
اما سامي وقف مكانه وهو يناظرها لما اختفت من قدامه .. جد غريبه هالبنت وبنفس الوقت هبله ..
مشى رايح لفارس ..
فرح وصلت للأستقبال وشافت وجدان مع معاذ جالسين على وحده من الكراسي راحت لهم بابتسامه .. السلام عليكم ..
معاذ ووجدان .. وعليكم السلام ..
وجدان وقفت وسلمت على فرح .. كيفها خالتي ..
فرح .. الحمد الله بخير .. يلا تعالو نطلع لها ..
معاذ بعد ماوقف .. امم لا انا بجلس انتظر هنا احس مالي داعي ..
فرح .. لا عادي تعال عمر موجود فوق ..
معاذ .. طيب ..
ومشو للأصنصير وطلعو لدور الثالث وراحو لغرفه ام عمر .. فرح دقت البب ودخلت ومعها وجدان .. السلام عليكم ..
الكل ... وعليكم السلام ..
كان الكل موجود ماعدا ابو عمر لسا ماجا من الشركه ..
غاده .. وين كنتي ..
فرح .. كنت انتظر وجدان تحت .. ولفت على عمر اللي من شاف وجدان فهى عليها .. عمر معاذ برا اطلع له ...
عمر .. هاه..
فرح قربت منه وهمست له .. بس فضحتنا نزل عيونك .. واطلع للرجال ..
عمر حس على نفسه .. ايه معاذ .. طيب طالع له .. ومشى وطلع من الغرفه وهو مبسوط انه شافها ..
اما وجدان من دخلت وهي منزله راسها مرتبكه ولما طلع ارتاحت شوي وراحت سلمت على البنات وقربت من ام عمر وسلمت عليها .. كيفك خالتي ..
ام عمر بابتسامه .. الحمد الله بخير يايمه ..
وجدان حست بالكلمه دخلت مثل السهم على قلبها اشتاقت لهالكلمه من زمان ماقالتها .. بس قطع تفكيرها صوت ام عمر .. ماشاء الله كبرتي واحلويتي ..
وجدان .. تسلمين خالتي ..
فرح .. ياهووو مين قدها ..
بشاير .. شكلك غرتي يافرح ..
فرح تضم وجدان من كتفها .. انا اغار من جودي .. مستحيل ..دي حبيبتي >> قالتها بالمصري ..
الكل .. هههههههههههههههههه..
وجدان تناظر ايد فرح وقالت بهمس .. فرح مين جولاته اللي بيدك ؟؟..
فرح تناظر ايدها باستغراب ومسكت جوالها .. هذا جوالي .. ومسكت الجوال الثاني وتناظره .. وهذا جوال ..... يوه كيف نساه عندي .. وكيف ما انتبهت لوجوده عندي ؟؟..
وجدان بنفس الهمس .. مين ذا ؟؟..
فرح وقفت .. قومي معي ..
غاده .. وين رايحين ؟؟..
فرح .. بننزل للكفتريا شوي وجايين ..
غاده .. طيب لاتتأخرون ..
فرح .. طيب .. وطلعت هي ووجدان واتجهو للأصنصير ..
........................
نرجع لسامي لما طلع من قسم الأطفال مايدري وين يروح فقرر يدق على فارس عشان يعرف وينه صار يدور جواله بجيوبه وماشافه تذكر لما كان مع فرح لما سحبته منه ولا رجعته .. اوووف ذي الغبيه ما انتبهت انو جوالي عندها .. وين الاقيها ومشى لجهه الأستقبال عشان يسألهم عن فارس مادامه يتدرب هنا اكيد يعرفونه .. قاله اللي في الأستقبال ان ما نعرف الا مكتب المتدربين بس ما نعرف اسماؤهم ..
سامي .. ممكن تتصل على المكتب وتطلبه ؟؟..
... .. نعم ممكن ..>>> طبعا كلامهم كله بالأنجليزي .. بس كتبته بالعربي اختصار .. ..
واتصل على المكتب وطلب فارس واعطى سامي السماعه .. فارس وينك ؟؟..
فارس باستغراب .. سامي !! انت اللي وينك ووين جوالك ..
سامي .. مدري .. المهم تعال انا في الأستقبال ..
فارس .. طيب طيب جايك .. وقفل ..
اما سامي راح جلس على وحده من الكراسي ينتظر فارس ..
....................
طلعو من الأصنصير على الأستقبال وتوهم بيمشون لجهت قسم الأطفال بس فرح لمحته جالس على وحده من الكراسي ابتسمت براحه وراحت له ووجدان تمشي معها وهي ماتدري وش السالفه ..
فرح لما وصلت لسامي .. كويس لقيتك ..
سامي لما انتبه لها وقف .. انتي وين رحتي واخذتي جوالي معك ..
فرح .. سوري بس ما انتبهت انه بايدي ..
سامي .. لاياشيخه جوال هذا كبره ولا انتبهتي فيه .. قولي عاجبك وتبينه ..
فرح .. مالت بس من زينه كلها طراق بيري ولو ابيه اقدر اجيب عشره مثله ..
سامي ابتسم على غرورها .. ياعيني .. وناظر جواله .. ليكون فتشتي فيه ترا فيه اشياء خاصه ..
فرح .. وش ابي فيه عشان افتشه وبعدين ياغبي انت حاط رمز ..
سامي رفع عيونه عليها .. ايه صح .. وبعدين من متى الميانه عشان تقولين غبي ..
فرح ابتسمت طلعت الكلمه منها عفويه .. اممم معليش طلعت من غير قصد ..
سامي ابتسم اكثر على عفويتها .. مو مشكله .. ومشكوره انك رجعتي الجوال ..
فرح .. العفو .. يلا عن اذنك ..
سامي .. لحظه متى اكمل كلامي ..
فرح ابتسمت وناظرت جواله وسحبته من ايده ..
سامي .. سلامات .. وش فيك ..
فرح تسجل رقمها في جواله اللي كان فاتحه .. وهي ساكته ولما خلصت مدت له الجوال .. على الوتساب بس فهمت ..
سامي استغرب من تصرفها وما توقعها بتعطيه رقمها .. طيب ..
وجدان همست لفرح .. فريح وش السالفه وليه تعطينه رقمك ..
فرح بنفس الهمس .. بعدين افهمك ..
سامي .. لاتحشون فيني ادري اني حلو ..
فرح .. ههههههههه.. اقول بس طس ماخذ بنفسك مقلب ..
سامي وهو يقلد فرح .. يحقلي مادامي ولد السامي ..
فرح وسامي .. هههههههههههههه..
فرح .. لاتقلد ويلا انقلع ..
سامي يناظر حوله .. انتي اللي انقلعي انتي اللي جايتني ..
فرح .. هاه .. ايه صح .. يلا سيو ..
سامي بابتسامه .. سيو ..
فرح ووجدان مشو وراحو للكفتريا ..طلبو لهم وراحو جلسو على وحده من الطاولات ..
وجدان .. ايوا ممكن تفهميني ..
فرح .. اوكي .. اسمعي .. وقالت لها سالفه سامي من لما شافته بالحديقه لما عطته الجوال ..
وجدان .. وش يبي منك يعني ..
فرح .. اكيد شي يخص هالفارس .. بس شكله شي مهم عشان كذا عطيته رقمي ..
وجدان .. طيب ما فكرتي انه بفكر بشي ثاني لما عطيتيه رقمك ..
فرح .. لا ما اتوقع .. وبعدين انا ارتحت له احسه حبوب مو مثل هالفارس الغثيث ..
وجدان .. ليكون حبيتيه ..
فرح .. لا اسم الله علي من الحب .. لا بس كذا احسه اخوي ماتشوفيني قاطه الميانه على اني اول مره اكلمه ..
وجدان .. ايه اشوفك حتى هو كمان قاط الميانه ..
فرح .. يمكن عنده نفس احساسي او متعود على البنات ..
وجدان .. اها ..
وفي هذا الوقت جا الطلب وجلسو يشربون ..
وجدان .. ايه صح وش السالفه اللي بتقولينها لي ..
فرح .. يوه سالفه طويله اقولها لك لما نطلع لانك بتجين معي للبيت ..
وجدان .. وليه انتي ما تجين معي للبيت وش بيقول اخوك عني كل يوم رازه خشتها عندنا ..
فرح تناظرها بنص عين .. وش معنى اخوي ..
وجدان .. هاه .. شسمه .. اقصد .. يعن... وسكتت لما شافت سامي وفارس داخلين للكفتريا وفرح ما انتبهت لهم لانها كانت معطيتهم ظهرها ..
فرح .. وش فيك سكتي ووش تناظرين .. ولفت وراها وشافتهم .. ورجعت تناظر وجدان ..اوف .. وانتي الثانيه نزلي عيونك عنهم لاينتبهون لنا مالي خلقه ..
وجدان .. لهذي الدرجه تكرهينه ..
فرح .. ولو اقولك باللي عرفته راح تكرهينه انتي كمان ..
وجدان .. ووش اللي عرفتيه ..
فرح .. اقولك بعدين .. يلا قومي نطلع لفوق مابقي شي وتنتهي الزياره .. ..
وجدان .. طيب .. ووقفو وهم متجهين للباب شافو عمر ومعاذ داخلين للكفتريا ..
عمر انتبه لهم وجاهم .. وش تسوون هنا ..
فرح .. عادي جينا نشرب لنا شي .
عمر وهو يحاول انه ما يناظر وجدان عشان اخوها .. اها .. خلصتو يعني ولا توكم جايين ..
فرح .. لا خلصنا بنطلع ..
معاذ يكلم وجادان .. شوي وانزلي عشان نمشي ..
فرح .. لا وجدان بتجي معنا للبيت ..
معاذ .. وهي حلا كل يوم عندكم ..
عمر .. وانت كمان تعال .. العشا اليوم عندنا ..
معاذ .. وليه انتو ما تجون عندنا ماقد جيتو ..
فرح .. وش رايك عمور ..
عمر .. ماعندي مانع بس نشوف بيشو وغاده ..
معاذ لما جا اسم غاده دق قلبه من زمان عنها ..
وفي هالوقت سامي وفارس كانو طالعين وشافو عمر ومعاذ والبنات لانهم واقفين قريب من المدخل ...
سامي .. هلا عمر ..
عمر ابتسم .. اهلين .. انت كمان تتدرب هنا ..
سامي ... لا اسم الله علي .. تبيني اجلس اقابل هالمرضى عشان امرض زياده .. وبعدين انا لسا مادخلت الجامعه بعد كم اسبوع ببدا دراسه ..
عمر .. ايه الله يوفقك ..
سامي دوبه ينتبه لمعاذ .. اوووه معوذ هنا كمان .. ارحب .. متى جيت للندن ..
معاذ بابتسامه .. هلا والله .. من اسبوع تقريبا ..
سامي .. افا ولا تقولي عشان استقبلك بالمطار ..
عمر .. ايه اتحدى لو جيته .. انا اللي معك بنفس الديره مافكرت تسأل وهو بتروح للمطار عشانه .. جد نصاب ..
سامي .. هههههههه.. ليه تفضحني عاد ..
الكل .. هههههههههههه..
فارس .. ايه عادي خذ وخل من هالدلخ ..
سامي .. فارس لو سمحت صحيح انك ولد عمي واكبر مني واعقل مني واثقل مني بس ما اسمحلك تقول عني دلخ ..
معاذ .. لا بصراحه انا اسمح له مادامه في كل شي احسن منك ..
الكل .. هههههههههههههههه..
فرح تهمس لوجدان .. هههههه فديت خفه دمه انا ..
وجدان .. هههههه .. انطمي بس لايسمعك ..
سامي يناظر فرح ووجدان وغمز لفرح ..
فرح .. يمه شكله حس اننا نحش فيه ..
وجدان .. هههههههههه.. احسن ..تستاهلين ..
فرح ... اقو ليلا نمشي شكلهم سحبو علينا ..
وجدان .. من جد ..يلا
فرح .. عمر حنا طالعين لما تخلصون دقو علينا ..
عمر كان يسولف مع سامي وشكله ما سمعها ..
معاذ .. الأخ يسولف ما سمعك .. خلاص لما نخلص ندق عليكم ..
فرح ابتسمت له .. اوكي .. ومشو ..
فارس حس بقهر بقلبه لما شاف فرح تبتسم لمعاذ ولف على سامي اللي خلص سالفته ممع عمر .. يلا سموي خلنا نمشي دوامي خلص وتعبان ابروح البيت ..
عمر .. ربي يعطيك العافيه ..
فارس .. الله يعافيك .. يلا مع السلامه ..
عمر ومعاذ .. مع السلامه ..
طلعو فارس وسامي من المستشفى وفارس اصر على سامي انه يقوله وش صار معه مع فرح ...
اما عمر ومعاذ طلبو لهم شاي وجلسو على وحده من الطاولات يسولفون لما ينتهي وقت الزياره ..
...............................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 15-03-2015, 05:41 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي



وبعد ما انتهت الزياره طلعو كلهم لشقه معاذ ووجدان البنات جلسو بالغرفه وعمر ومعاذ بالصاله بحكم انو الشقه صغيره مافيه مجلس ..
غاده .. ياحليلها شقتكم على قدكم بس فخمه ..
وجدان .. ايه معاذ قال ما نبي ناخذ شقه كبيره مادام مافيا لا انا وهو ..
غاده .. ايه وهو صادق وش لكم بالكبيره تستوحشون فيها ..
فرح .. من جد .. الا اقول جودي م... سكتت لانو جوال وجدان دق ..
وجدان .. لحظه فرح .. وردت .. هلا معاذ ..
معاذ .. اسألي البنات وش يبون عشا عشان نطلب ....
وجدان .. طيب .. وقفلت منه .. بنات وش تبون عشا ؟؟..
بيشو .. بصراحه انا مشتهيه مشويات من المطعم اللبناني اللي هنا ..
فرح .. يووه من زمان عن المشويات ..
وجدان .. خلاص اجل اقوله نبي مشويات ..
ودقت على معاذ وقالت له ومعاذ بعد ما قفل منها دق على المطعم وطلب .. وربع ساعه وجا الطلب لانو المطعم قريب منهم تعشو وبعدها جلسو يسولفون شوي وبعدها عمر واخواته راحو لبيتهم .. وفرح ماقالت لوجدان شي لانها ماشافت فرصه تكلمها لحالهم .. وقالت لها بتدق عليها الصباح وتقولها ..
.....................................




....
اليوم الثاني ..
في السعوديه ..
صحو البنات من بدري وطلعو للسوق يجهزون للسفره ..
............................






لندن ..
وبالتحديد بيت ابو عمر ..
فرح صحت من النوم على صوت جوالها اللي صارله ساعه يدق .. مدت يدها للكومدينه واخذت الجوال وفتحت عين وحده عشان تشوف المتصل ورجعت غمضتها وردت .. هلا بالأزعاج كله ..
... .. هههههههه ..وش ذا النوم لي ساعه وانا ادق عليك ..
فرح وهي تتمدد .. ياختي وش اسوي تعرفين صاحيه امس من الصباح وطول اليوم بالمستشفى تعبت ..
وجدان .. ايه ياقلبي ما تنلامين جلسه المستشفى تتعب .. المهم يلا قومي صحصحي عشان تقولين لي السالفه ..
فرح .. ايه صح كويس ذكرتيني .. يلا دقايق واكلمك ..
وجدان .. اوكي لاتتأخرين .. سلام ..
فرح .. سلام .. وقفلت وقامت دخلت للحمام (( الله يكرمكم )) اخذت لها شاور وطلعت لبست بجامه ثقيله ونزلت لتحت دخلت للصاله وشافت ابوها جالس يقرا الجريده وقدامه فنجان قهوه ..راحت له وباست راسه .. صباح الخير يبه ..
ابو عمر نزل الجريده وابتسم لها .. صباح الخير ..
فرح جلست بجنبه .. كيفك يبه من امس الصباح ماشفتك ..
ابو عمر .. انا بخير يابنتي وامس كان عندي شغل كثير بالشركه ولما رجعت شفتكم نايمين .
فرح .. الله يعطيك العافيه يبه . افطرت ؟؟..
ابو ععمر .. ايه افطرت من بدري وشوي بطلع للشركه ..
فرح .. يووه يبه كل يوم شركه ليه ما تعطي نفسك اجازه مو انت المدير ..
ابو عمر ..ايه بس هذي الأيام عندنا شغل كثير ما اقدر اخذ اجازه ان شاء الله لما يخلص الشغل اباخذ اجازه اسبوع ..
فرح وهي توقف .. ان شاء الله ..عن اذنك يبه بروح افطر ..
ابو عمر .. اذنك معك يابنتي .. ورجع يقرا الجريده ..
وفرح طلعت وراحت لغرفه الأكل ماشافت شي على الطاوله راحت للمطبخ وقالت للخدامه تسوي لها فطور وهي جلست على الطاوله الموجوده بوسط المطبخ واخذت جوالها ودقت على وجدان .. هلا ..
وجدان .. هلا بك يلا كلي اذان صاغيه ..
فرح بعد ما شربت من الكابتشينو .. وانتي دايم مستعجله ..
وجدان .. من امس محمستني والحين تقولين ليه مستعجله .. يلا بس تكلمي ..
فرح .. ههههه .. طيب اسمعي ..>> وقالت لها كل اللي صار معها من لما جلست مع فارس وكلامه وتصرف فيصل ..
وجدان .. من جدك انتي جلستي معه ..
فرح .. ايه وش اسوي كنت ابي اعرف وش كان بيقول .. بس اذا تبين الصدق انصدمت من كلامه ماكان مبين عليه ..
وجدان .. من جد .. اجل طول الوقت طلع يبي ينتقم منك .. جد خبيث ..
فرح .. تصدقين انا ما صدقته لما قالي انو صداقته مع عمر صدفه .. احس من ضمن الخطه ..
وجدان .. ايه ترا مو بعيده عنه مادامه سوا اللي سواه ..
فرح .. ماعلينا انا قلت له اني ما ابي اشوفه بس لو شفت أي حركه منه لاوريه مين فرح .. المهم الحين قولي لي وش اسوي مع ذا اللي اسمه فيصل ادق ولا ..
وجدان .. مادام السالفه تخص فارس وانتي خلقه تكرهينه ليه تتصلين وتغثين نفسك ..
فرح .. اممم مدري فيني فضول ياختي ابي اعرف وش يبي يقول وفي نفس الوقت اخاف لو اتصلت عليه بيقول ذي خفيفه ومن ذا الكلام ..
وجدان .. اممم مدري وش اقولك .. طيب كلميه على الوتساب مو لازم تتصلين عليه وشوفي وش يبي ..
فرح .. اممم طيب خلاص بالليل اكلمه مالي خلقه الحين ..
وجدان .. طيب بتروحين للمستشفى ..
فرح .. ايه اكيد بس مو الحين باقي البنات وعمير ماصحو ..
وجدان .. طيب ليه عمير هذا اخوك الكبير احترميه ...
فرح .. ياختي مادامه مو قدامي خليني اخذ راحتي ..
.... .. احلفي بس ..
فرح نقزت لما سمعت صوته وكان الكوب بيطيح من يدها .. اسم الله من وين طلعت انت ..
وجدان سمعت صوته .. هههههههههههههه.. احسسسن ..
عمر .. من تحت الأرض .. من وين يعني .. وبعدين وش عمير ذي واصلا مين جالسه تكلمين ..
فرح بخبث ابتسمت .. اكلم جودي ..
عمر اول ما سمع اسمه ابتسم لارادي وقال .. جد .. سلمي لي عليها ..
فرح بصوت واطي سمعته وجدان .. اوه الحمد الله لقيت شي ينسيه ..
وجدان .. فرييح ..
فرح نقزت .. ووجع شوي شوي ترا ابي اذني ..
عمر .. وجع يوجعك لاتوجعين خطيبتي ..
وجدان سمعته وانقلب وجهها احمر ..
فرح بهمس .. مالت عليك انت وخطيبتك بس شاطرين تخرعوني ..
وجدان .. فريح ترا بقوله ..
فرح .. قولي له .. وقفلت وهي معصبه وطلعت من المطبخ وراحت للحديقه وصارت تتمشى تخفف عصبيتها شوي الا يرن جوالها فكرتها وجدان ردت من غير ما تشوف الرقم وهي معصبه .. خيير..
.... .. وانتي دايم معصبه .. الناس يقولون السلام هلا مرحبا .. اقل شي الو مو خيير ..
فرح سكتت شوي تستوعب الصوت تحس انها سامعته من قبل بس ما عرفته نزلت الجوال وشافته رقم من غير اسم زاد استغرابها ورجعت السماعه .. مين ؟؟!!..
.... .. وش فيك مستغربه وكيف ما تعرفيني وانتي اللي معطيتني رقمك بنفسك ..
فرح عرفته وابتسمت .. هلا بابو لسان طويل ...
سامي .. هههههههه.. هلا بالمعصبه على طول ..
فرح .. مالت .. خير وش تبي مو انا قايله لك كلمني على الواتس ليه داق ..
سامي .. اممم كذا حبيت اسمع صوتك بالجوال كيف ..
فرح .. لا ياشيخ احلف بس .. اقول يلا قول وش تبي ولا ترا بقفل ..
سامي .. ههههههههه.. ياناس فديت المعصبه انا ..
فرح .. خييير سلامات ابو الشباب كأنك اخذت وجه .. بتقول وش عندك ولا اقفل ..
سامي .. لا خلاص بتكلم .. بس قبل ما اقولك وش ابي .. ابي اعرف ليه رديتي وانتي معصبه ..
فرح تذكرت عمر ووجدان تنهدت .. ولا شي .. ممكن تتكلم ..
سامي استغرب من تغير نبره صوتها الى حزن وتنهيدتها .. شكلك تعبانه اكلمك بوقت ثاني ..
فرح هي تدري انو مالها داعي تعصب من تصرف عمر ووجدان بس كان غصب عنها تحب وجدان وماتبي حد ياخذها منها حتى لو اخوها تحس بالغيره منه ..
سامي استغرب سكوتها .. فرح ..
فرح انتبهت .. هلا ..
سامي .. اقولك اذا تعبانه اكلمك بوقت ثاني ..
فرح .. لا مافيني شي قول اللي عندك ..
سامي .. اممم .. تدرين انو فارس يبي ينتقم منك ..
فرح .. كان يبي ينتقم ..
سامي باستغراب .. ايه كان .. كيف عرفتي ..
فرح .. قالي كل شي ..
سامي .. من جدك .. ومتى ؟؟..
فرح .. شكله ماقالك اللي صار امس ..
سامي .. لا ماقالي شي ليه وش صار ..
فرح .. ماصار شي بس قالي عن كل اللي كان يفكر فيه .. والموضوع انتهى بيني وبينه .. ولو سمحت ما ابيك تجيب لي طاريه مره ثانيه ..
سامي .. بس هو ..
فرح قاطعته .. سامي لو سمحت انا لازم اقفل الحين ..
سامي .. لحظه ..
فرح .. نعم ..
سامي .. انا اسف لو ازعجتك ..
فرح .. لا مافيها ازعاج ومشكور على اللي كنت بتسويه .. مع السلامه ..
سامي .. مع السلامه . قفل وهو يفكر من عرف هالبنت وهو دايم يشوفها معصبه او تضحك ماعمره شافها حزينه او تتكلم بذي النبره حس انو داخلها حزن كبير .. يحس انه انجذب لها ..يبي يعرف وش داخل هالبنت ..قطع تفكيره صوت امه من ورا الباب .. سامي صاحي ..
سامي .. ايه صاحي ..وقام فتح لأمه الباب .. صباح الخير ماما ..
ام سامي .. صباح النور .. انا طالعه مع صديقاتي .. اذا تبي تفطر خل وحده من الخدم تسوي لك فطور ..
سامي بابتسامه .. لا الحمد الله افطرت ..
ام سامي .. طيب .. يلا انا طالعه ..
سامي .. ربي معك .. ورجع دخل لغرفته ورمى نفسه على السرير ورجع لأفكاره ..
......................






اما فرح لما قفلت جلست على الكراسي اللي عند النافوره وهي تفكر بكلام سامي ..وبنفسها .. غريبه ليه جا يقولي حقيقه ولد عمه لهذي الدرجه انا هامته ولا هو يسوي كذا مع أي واحد يتعرض له فارس .. يووه راسي بينفجر من التفكير اروح لغرفتي احسن .. طلعت لغرفتها ورمت نفسها على السرير ونامت مثل العاده كل ما تتضايق ..
.............................






وعلى الساعه 9 جهزو البنات وعمر عشان يطلعون لأمهم وتجمعو بالصاله ماعدا فرح ..
غاده .. وين فرح وش فيها مانزلت ماتدري انو هذا وقت الزياره .. بيشو روحي ناديها ..
عمر .. هي كانت صاحيه من بدري شفتها بس مدري ليه ما نزلت للحين ..
بشاير دخلت الصاله .. نايمه ..
غاده وعمر .. نايمه ؟؟!!
بشاير .. ايه تقول ما تبي تروح تبي تنام ..
عمر .. غريبه توها صاحيه وش يرجعها تنام ..
غاده .. ابروح اشوفها يمكن تعبانه ..طلعت لغرفه فرح دقت الباب وجاها صوت فرح المعصب .. بشيير قلتلك ماني رايحه طسي ..
غاده .. فرح افتحي الباب ..ليه منتي رايحه ..
فرح قامت من السرير وفتحت الباب .. تعبانه ومالي خلق للمستشفى ..
غاده .. وش متعبك ؟؟..
فرح .. شكلي بزكم خلاص انتو روحو وسلمو على امي وبالزياره الثانيه ابجي ان شاء الله ..
غاده .. طيب .. انتبهي لنفسك ..وطلعت من الغرفه ..
وفرح رجعت للسرير وحاولت تنام ..
نزلت غاده وقالت لهم انها تعبانه .. وطلعو للمستشفى ..
................................





بالمستشفى ..
ام عمر .. وش فيها فرح ماجات ..
غاده .. مافيها شي بس تعبانه شوي تقول يمكن تعب زكام ..
ام عمر .. ليه محد جلس معها يمكن تحتاج شي ..
عمر .. الخدم موجودين يمه لو احتاجت شي بيكونون حولها .. وبعدين لاتخافين عليها فرح قويه ماعليها شر ..
بشاير .. ايه لو انا اللي تعبانه كان ماخفتي علي كثر فرح ..
ام عمر ابتسمت .. لا ياقلبي اكيد راح اخاف عليك كلكم عيالي واحبكم ..
غاده .. بدت تتدلع ..
الكل .. ههههههههه..
عمر .. الا ابوي وينه ماجا ..
ام عمر .. اتصل علي قبل ما تجون وقال انه مشغول بالشركه لما يخلص بيجي ..
عمر .. اهاا .. الله يعطيه العافيه ..
وبهالوقت دق باب الغرفه ..
عمر .. يس ..
دخلت الممرضه ..>> بعد الترجمه ..الدكتور سوف يدخل ..
عمر .. اوكي ..
دخل فارس .. السلام عليكم ..
الكل .. وعليكم السلام ..
عمر .. حياك دكتور ..
فارس قبل ما يدخل كان مرتبك خايف فرح تشوفه وتتضايق بس لما دخل لاحظ انها مو موجوده ارتاح وبنفس الوقت استغرب من عدم وجودها .. ابتسم لعمر .. الله يحييك .. وراح يفحص على ام عمر وهو يفكر بفرح ... وبعد ماخلص .. اليوم صحتك احسن ياخاله ولله الحمد ..
ام عمر .. الحمد الله .. بفضل الله ثم وجود عيالي حولي ..
فارس .. الله يخليهم لك .. يلا عن اذنكم
عمر .. اذنك معك ..
وطلع وشاف قدامه فيصل توه طالع من الغرفه اللي جنبه .. هلا فصول ..
فيصل ..هلا بك خلصت ؟؟..
فارس .. ايه ..
فيصل غمز له .. شفت الحب ؟؟..
فارس وهو يمشي .. فيصل مالي خلق سخافاتك ..
فيصل .. ههههههههه .. وتذكر انه معطي فرح رقمه وللحين مادقت .. شكلها غيرت رايها .. لما اشوفها ابسألها .. ومشى ..
اما فارس راح للكفتريا قال يمكن يشوفها هناك بس خاب ظنه ..لما ماشافها .. طلع وراح لمكتبه وهو يقول بنفسه .. الحين انا ليه مهتم فيها مو هي ما تبي تشوفني وكارهتني وانا كمان ماتهمني ليه افكر فيها .. لهى نفسه بالأوراق اللي قدامه عشان مايفكر فيها ..
...........................





عند فرح ..
صحت من النوم ع الساعه 11 لما شافت الساعه استغربت من نفسها انها نامت كل ذا الوقت قامت من السرير ودخلت للحمام (( الله يكرمكم )) تاخذ لها شاور تنشط نفسها شوي ولما طلعت لبست وراحت اخذت جوالها اللي كانت حاطته صامت وراميته بالدرج فتحته وشافت عشرين مكالمه من وجدان ومكالمتين من عمر ومسج من وجدان كمان فتحته وكان مكتوب فيه ..
(( فرح تكفين طمنيني عليك شغلتي بالي ليه ما تردين ))..
فرح تنهدت وقفلت الجوال ونزلت وماشافت حد تحت استغربت الزياره انتهت من نص ساعه وهم للحين ماجاو .. بنفسها .. يمكن راحو السوبر ماركت او شي .. ما اهتمت وراحت للمطبخ اخذت لها عصير ليمون وطلعت للصاله وشغلت التلفزيون وجلست تتفرج عليه شوي دق جوالها رفعته وشافته عمر ردت عليه من غير نفس .. هلا ..
عمر .. واخيرا صحيتي وش ذا النوم ..
فرح .. تبي شي ؟؟..
عمر استغرب من اسلوبها معه بس قال شكلها توها صاحيه من النوم ما يعتب عليها .. حنا بالسوبر ماركت تبين شي من هنا ..
فرح .. لا ..
عمر .. طيب اعصابك لاتاكليني ..
فرح .. شي ثاني ؟؟..
عمر .. لا .. سلامتك .. سلام ..
فرح قفلت الجوال من غير ما تقوله شي ماتدري ليه تعامله كذا بس للحين تحس انها مقهوره منه ..
وبعد دقيقه دق الجوال مره ثانيه وشافتها وجدان قررت ترد عليها .. الو ..
وجدان بخوف .. هلا فرح فيك شي ؟؟..
فرح ابتسمت على خوف صاحبتها عليها .. هلا بك لامافيني شي ..
وجدان .. اجل ليه ماتردين ؟؟..
فرح .. كنت نايمه ..
وجدان .. طيب ليه قفلتي كذا ..
فرح .. وجدان انا تهاوشت مع عمر وتضايقت ونمت عشان كذا مارديت عليك ..
وجدان .. ليه سلامات وش صاير بينكم ..
فرح .. لاتشيلين هم شي يصير بين الأخوان .. المهم امري ..
وجدان .. مايامر عليك ظالم بس كنت ابي اتطمن عليك ..
فرح ..تسلمين ياقلبي .. طيب انا بقفل اكلمك بوقت ثاني ..
وجدان .. طيب .. المهم اني تطمن عليك .. يلا سلام ..
فرح .. سلام ..قفلت ورمت نفسها على الكنب وجلست تتابع فيلم ..
...........................





ومر هذا اليوم مثل أي يوم ومر اليوم اللي بعده بنفس الأحداث المعتاده بس الجديد انو العمه ساميه وعيالها وريم وندى وفيراس وصلو للندن وفيراس وندى جلسو مع اخوهم بشقته اما ريم والعمه ساميه وعيالها جلسو في بيت ابو سامي ..
......................
على الساعه 4 العصر كانو البنات متجمعين بشقه فارس وبالتحديد جالسين بغرفه ندى ..
ريم .. بناات وش رايكم ادق على فرح ونتقابل معهم ..
لمياؤ .. فرح مين ؟؟..
عبير .. يالغبيه هذيك البويه اللي رحنا بيتهم هذاك اليوم اللي عندها اختين غاده واممم ياربي وش اسمها الثانيه ..
ندى .. بشاير ..
لمياء .. ايه تذكرتهم .. ايه تكفين خلينا نتقابل معهم وحشتني سوالف بيشو ..
ندى ... طيب يمكن رجعو للسعوديه ..
ريم .. لا ما اتوقع ترا كلها اسبوع اللي جلسوه ..
عبير .. طيب يلا دقي ..
ريم .. طيب .. واخذت جوالها ودورت على اسم فرح ودقت عليها ..
....................





عند فرح كانت جالسه بالصاله مع اخواتها يتفرجون على فيلم ومندمجين ..
عمر توه داخل للبيت .. السلام ..
الكل .. وعليكم السلام ..
وجلس بجنب بشاير .. في هذي اليومين تصالحت فرح مع عمر بعد ما راضاها وعشاها على حسابه >> ايه هذي فرح مو أي شي يرضيها خخخخ ..
شوي يرن جوال فرح ..
فرح وهي تمسك جوالها .. اووف مين ذا الفاضي اللي يدق الحين ..ولما شافت الأسم ابتسمت وردت .. اهليييييييييييييييين ..
عمر لف عليها .. الحمد الله والشكر توها تقول مين الفاضي اللي داق والحين انقلبت جد مهبوله ..
بشاير .. ههههه..
ريم .. هلا وغلا .. كيفك ؟؟..
فرح .. الحمد الله انا بخير .. انتي اخبارك ووش ذي القطاعه ما تسألين ولا شي ..
ريم .. هههههه .. معليش ياقلبي بس تعرفين الأجازه عزايم وحوسه الواحد ينشغل .
فرح .. ايه الله يعينكم .. اخبار البنات .. واخبار السعوديه وحشتني ..
ريم .. بالنسبه للسعوديه من امس ما ادري عنها ..
فرح باستغراب .. ليه ؟؟؟..
ريم .. لانو انا بلندن الحين ..
فرح .. احلفي .. وناااسه متى جيتو ..
ريم .. قبل امس وصلنا ..
فرح .. الحمد الله على سلامتكم .. والبنات جاو معك ..
ريم .. ايه اكيد كلنا جينا ..
فرح .. ايه واخبارهم ..
ريم .. تمام يسلمون عليك وبصراحه قلنا بما اننا هنا ودنا نتقابل ..
فرح .. ايه اكيد اصلا لو ماقلتي كنت ابقولك ..بس متى ؟؟..
ريم .. امممم وش رايك على الساعه 7 ..
فرح .. اممم لا الساعه 7 بنروح لأمي بالمستشفى خليها على الساعه 9..
ريم .. سلامتها .. طيب ياقلبي خلاص لما تطلعون دقي علي ونتفق على المكان ..
فرح .. اوكي ياقلبي اتفقنا ..
ريم .. اوكي سلمي لي على اخواتك ..
فرح .. يوصل .. وانتي كمان سلمي لي على البنات ..
ريم .. يوصل .. اوكي ياقلبي اخليك ..
فرح .. اوكي بينا اتصال .. سلام ..
ريم .. اوكي .. سلام ..
قفلت ولفت على البنات .. تقول على الساعه 9 نتقابل ..
عبير .. يوه ليه مو قبل عشان نجلس وقت اطول ..
ريم .. تقول الساعه 7 بتروح لأمها بالمستشفى ..
ندى .. اهاا ما تشوف شر ..
لمياء .. طيب بنات وش رايكم نطلع للسوبر ماركت نضيع وقت ..
ريم .. جد فكره .. خليني اروح اقول لفارس ..
.............................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 15-03-2015, 05:44 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي



اما فرح بعد ما قفلت .. تسلم عليكم ريم ..
بشاير .. مين ريم ؟؟..
فرح .. ريم السامي اللي هذاك اليوم جاو بيتنا فجأه ..
بشاير .. اييه ذكرتهم .. الله يسلمها ..
غاده .. اسمعك تقولين نتقابل او شي مثل كذا ليه هم هنا ..
فرح .. ايه من يومين واصلين .. وتبينا نتقابل اليوم ..
بشاير .. ولموي جات معهم ..
فرح .. ايه كلهم جاو .. وان شاء الله ع الساعه 9 نتقابل .. ولفت على عمر .. طيب عمر ..
عمر .. الحين انتي تاخذين رايي ولا تعطيني خبر ..
فرح .. اكيد اعطيك خبر ..
عمر .. لا ياشيخه وراح تستأذنين من مين ان شاء الله ..
فرح .. اكيد من ابوي .. وهو اكيد ماراح يرفض لما يعرف انهم بنات السامي عشان كذا انا عطيتها كلمه ..
عمر .. ماشاء الله عليك مضبطه كل شي ..
فرح ... ايه افا عليك اعجبك ..
ورجعو يكملون الفيلم ..
.........................





نرجع لريم طلعت من الغرفه وشافت العيال جالسين كلهم بالصاله ..راحت وجلست بجنب فارس .. اقول فروس ..
فارس يلعب بجواله .. هلا ..
ريم .. اممم انا والبنات نبي نطلع للسوبر ماركت ..
فارس .. ليه ناقصكم شي ..
ريم .. لا بس نبي نتمشى طفشانين ..
سامي ..ومالقيتو الا السوبر ماركت تتمشون فيه ..
ريم .. لانو عارفين لو قلنا لكم تطلعونا كل واحد بيجلس يطلع لنا عذر فما لنا الا السوبر ماركت ..
حمد .. افا ياخالتو عمرك قلتي لي شي ورفضتك ..
ريم .. حميد كم مره قلتلك لاتقول خالتي .. وبعدين انت ما تدل شي هنا ولا كان قلتلك من زمان ..
سامي .. ههههههه.. العمه مو هينه حاطه حساب لكل شي ..
ريم رمت المخده اللي بجنبها على سامي .. عمى يعمي العدو انطم بس .. ولفت على فارس .. طيب فارس حنا طالعين ..
فارس وقف .. فيراس قوم روح معهم ..
فيراس .. لا تبي تبلشني مع هالمطافيق ماني رايح ..
سامي وقف .. خلاص انا بروح معهم كسرو خاطري .. ولف على فارس .. طيب انت وين بتروح ..
فارس يناظر ساعته .. طالع للمستشفى ..
ريم نطت عنده .. اقول فارس وش رايك تودينا معك للمستشفى ودي اشوف مكان شغلك ..
سامي .. ما انصحك ..
ريم .. ليه ..
سامي .. المستشفى تجيب المرض ..
ريم .. ايه صح على طاري المستشفى .. توي مكلمه فرح وتقول انو امها بالمستشفى وبتروح تزورها وكذا ... هي بنفس المستشفى اللي تشتغل فيها يافارس ؟؟..
فارس اول ما سمع اسم فرح قلبه فز وصار يسمع لريم باهتمام .. ولما خلصت ب حاول يبين انه ماعرفها وتوه بيتكلم بس سبقه سامي ..
سامي نفس الشي حاول ما يبين انه يعرفها .. فرح مين ؟؟..
ريم لفت على سامي وغمزت له .. فرح هذيك اللي رحنا بيتهم هذاك اليوم اللي اخوها صاحب فارس .. ياربي نسيت اسمه ..
فارس وبين عدم الأهتمام .. قصدك عمر ..
ريم .. اييه هو .. امه بنفس المستشفى اللي انت فيها ولا ..
فارس .. ايه .. شفته كذا مره ..
ريم .. جد .. اجل ابي اروح معك ازور امها ..
فارس .. انتي قلتي لها انك بتجينهم ..
ريم .. لا بس حنا كنا نتفق اننا نتقابل فقالت لي خليها بعد ما نطلع من المستشفى فقلت نروح نشوفهم بالمستشفى عشان نجلس وقت اطول مع بعض ..
فارس .. بس انا عندي شغل وما اقدر اكون معكم وماراح اخليكم لحالكم ..
سامي .. عادي مادامي كنت بروح معهم للسوبر ماركت ماعندي مانع اغير وجهتي ..
فارس مايبي سامي يقابل فرح من هذاك اليوم وهو يحس انو بينهم شي .. لا خلاص خليها بعدين .. يلا انا طالع .. وطلع وتركهم ..
ريم .. اوف .. بس لو ماكان اكبر مني ..
حمد وسامي وفيراس .. ههههههههههههه..
سامي .. يلا بس اذا تبون تطلعون تجهزو بسرعه قبل ما اغير رايي ..
ريم وهي داخله لغرفه .. لا خلاص حنا جاهزين .. ودخلت قالت للبنات وتجهزو وطلعو للسوبر ماركت مع سامي ..
............................






مرت الساعات وجات الساعه 9 ..بالمستشفى ..
انتهت الزياره وطلعو البنات و عمر مع ابوهم اوركبو السياره ومشو لبيتهم ..
بالسياره ..
بشاير تدق فرح وتهمس لها .. فرح قولي لبابا انو حنا طالعين مع البنات ..
فرح بنفس الهمس .. ايهكويس ذكرتيني .. ولفت على ابوها اللي كان يسوق ..احم يبه ..
ابو عمر ابتسم .. لبيه ..
فرح .. اممم قول تم بالأول ..
ابو عمر من غير تردد .. تم ..
عمر .. يبه كيف تقولها تم وانت مابعد عرفت وش طلبها ..
ابو عمر وهو لسا مبتسم .. ياعمر انت تعرفني اني ما ارفض لكم طلب فعشان كذا قلت تم لأن طلبها مهما كان راح يتنفذ .. انتم عيالي ومالي غيركم بهالدنيا وش راح استفيد لو رفضت لأحد منكم طلب وخليته يزعل ويتضايق على شي مايسوى وهذي الدنيا ياولدي رايحه لو ماعشتوها وسويتو كل اللي تبونه وش فايدتها ولا تنسى انو العمر واحد بس ..
عمر ابتسم على كلام ابوه المتفهم واللي يحبهم .. وسكت ..
فرح لفت على عمر .. افحمك ابوي احسن تستاهل هذي اللقافه وماتسوي ..
الكل ضحك ماعدا عمر .. هههههههههههه ..
ابو عمر ... طيب يافرح وش كنتي تبين ..
فرح .. ايه اممم .. بنات السامي لهم يومين من وصلو للندن ودقو علينا عشان نتجمع واممم فودنا نتجمع معهم ..
ابو عمر .. انتو من متى تعرفونهم ..
غاده .. من فتره بسيطه ..
بشاير .. اصلا ما شفناهم الا مره وحده بس ماشاء الله عليهم يدخلون القلب بسرعه ..
فرح .. ايه بصراحه حبيناهم وارتحنا لهم ..
ابو عمر .. اممم .. طيب متى راح تتجمعون ..
فرح .. اليوم ان شاء الله ..
ابو عمر .. طيب انا موافق بس بشرط عمر يكون معكم حنا في بلد غريب ماراح اخليكم تروحون لحالكم ..
فرح .. ان شاء الله يبه .. مشكور ..
ابو عمر ابتسم .. العفو ..
فرح طالعت عمر بالمرايا وغمزت له >> بمعنى شفت ابوي وافق ..
وكلها دقايق ووصلو البيت نزلو البنات مع عمر وابو عمر طلع للشركه ..
وكل وحده طلعت لغرفتها تتجهز ..
فرح اول ما دخلت الغرفه مسكت جوالها ودقت على ريم ..
........................






في شقه فارس كانو البنات بغرفه ندى وداخلين جو مع الفيلم اللي جالسين يتابعونه وقدامهم الشبسات والعصيرات والحوسه .. شوي الا يندق باب الغرفه ..
ريم .. ميييين ..
فيراس .. ياعمه جوالك يرن له ساعه ..
ريم .. جوالي ..
عبير .. قومي شكلك ناسيته بالصاله ..
ريم قامت وفتحت الباب ..وينه ..
فيراس يمد لها الجوال .. تراه ازعجنا خذيه معك مره ثانيه ..
ريم لما شافت المتصل .. اقول انقلع بس وقفلت الباب بوجهه وردت .. هلا وغلا ..
فرح .. هلا بك .. هاه جهزتو ..
ريم بفهاوه .. هاه لأيش ؟؟..
فرح .. لا ياشيخه احلفي شوفي الساعه كم ..
ريم بعد ماشافت ساعه يدها شهقت .. يووووه 9 مر الوقت بسرعه .. خلاص ياقلبي شويات ونطلع ..
فرح .. هههههههههه.. اسم الله عليك لاتموتين ... طيب وين بنتجمع ..
ريم .. امممم .. في مطعم ال..... ..
فرح .. اوكي .. يلا سلام ..
ريم .. سلام ..
وقفلت ولفت على البنات اللي لسا متجمعين وصرخت .. يلااااااا قوموا الساعه 9 ..
البنات شهقو وقامو بسرعه ورتبو حوستهم وضبطو اشكالهم ولبسو شيلاتهم وطلعو للصاله اللي كان فيها فيراس وحمد وسامي ..
حمد لما شافهم .. بسم الله وش فيكم .. على وين ؟؟..
ريم تناظر سامي .. سموووي وش فيك جالس ترى الساعه صارت 9 ..
سامي وهو يعدل جلسته .. يووه نسيت ..
فيراس .. وش السالفه ..
سامي .. الله يسلمك هذول البنات عازمينا على العشا فيلا قومو ..
حمد .. اكشخ وش عندكم ..
سامي .. لاتفرح كثير بس لانهم بيقابلون صاحباتهم ..
حمد ... اهاا .. عشان كذا .. جد مصلحجيات ..
ريم .. اقول بس احمد ربك .. المهم وين فارس ..
سامي .. لسا ماجا ...
ريم .. اجل ابدق عليه .. ومسكت الجوال بتدق الا ينفتح باب الشقه ويدخل بملل ..
فارس .. السلام ..
الكل .. وعليكم السلام ..
ريم .. كويس جيت توي بدق عليك ..
فارس توه ينتبه للبنات .. ليه ..ووش فيكم وين رايحين ..
فيراس .. البنات عازمينا على العشى..
فارس يجلس على الكنبه بطفش .. مالي خلق روحو انتو ..
ريم تشده من يده عشان يقوم .. اقول قوم بس من جينا ماطلعنا مع بعض طلعه سنعه يلا لك عشر دقايق تبدل وتلحقنا نتظرك بالسياره ..
فارس .. طيب شوي شوي .. خلاص بقوم وش يفكني من حنتك ..
ريم .. ايه خلك شاطر ويلا حنا بنطلع وياويلك تتأخر ..
فارس وهو يدخل غرفته .. طيب لاتدفين ..
دخل لغرفته وطلع له ملابس ودخل للحمام (( الله يكرمكم )) واخذ له شاور سريع وطلع ولبس بنطلون بني وبلوزه سكري وعليها كتبات بالبني وفوقها جاكت بني واخذ جواله ونزل لهم ركب السياره ومشو للمطعم ..
..................






بنفس الوقت بفله ابو عمر البنات تجهزو ونزلو للصاله ينتظرون عمر .. نزل عمر اللي كان لابس بنطلون اسود وبلوزه باكمام طويله بيضه وعليه شال اسودلافه على رقبته ..
بشاير .. اوووه وش ذي الكشخه عمور ..
عمر .. احم اححم .. الدعوه فيها بنات لازم نتكشخ ..
فرح تناظره بنص عين .. وش قلت ..
عمر فهم عليها .. هاه .. لا اقول من زمان ما تكشخت ..
فرح .. ايه افكر .. طيب يلا نطلع لانتأخر ..
وطلعو وركبو السياره ..
غاده .. اقول فرح كلمتي وجدان ..
فرح .. يوووه نسيت انا قلت لما نرجع البيت اكلمها بس نسيت .. ابدق عليها الحين ..
غاده.. ماشاء الله عليك .. ما يمديها البنت تتجهز ..
فرح .. لاماعليك يمديها .. ومسكت جوالها ودقت ..
عمر .. وين رايحين ..
فرح .. مطعم ال... اللي رحناه هذاك اليوم .. ايوا هلا وجدان ..
وجدان .. هلا بك .. وش عندك مادقيتي للحين ..
فرح .. سوري ياقلبي بس لما طلعنا من المستشفى انشغلت شوي .. المهم ريم السامي دقت علي وتقول نبي نتجمع وحنا الحين رايحين للمطعم يلا تعالي ..
وجدان .. لحظه لحظه .. ريم مين ووش مطعمه ..
فرح .. يووه جود وش فيك نسيتيهم هذلوك البنات اللي جاو عندنا قبل ما نسافر .. جاو للندن من يومين والحين بنتجمع معهم ..
وجدان .. ياسلام وليه توك تقولين .. ما اتوقع معاذ بيوافق ..
فرح .. الا بيوافق قولي له انو عمر بيكون موجود ويلا ربع ساعه واشوفك هناك ..
وجدان .. طيب بلا دف.. باي مطعم ..
فرح .. مطعم ال... ..
وجدان .. اوكي .. سلام ..
فرح .. سلام ..
بشاير .. بتجي ؟؟..
فرح ..بتقول لأخوها ..
غاده .. انتي غلطانه المفروض قلتي لها من قبل ..
فرح .. عادي غدوش ماصار شي ..
عمر .. اتركيها ذي كل شي عندها عادي ..
فرح .. اقول بس انتبه لطريقك ..
وشوي ووصلو للمطعم ونزلو ولما دخلو ماشاففو ريم والبنات ..
فرح اخذت جوالها ودقت على ريم ..هلاريوم ..
ريم .. هلا .. وصلتو ؟؟..
فرح .. ايه .. وينكم ..
ريم .. حنا باخر طاوله على اليمين ادخلي اكثر عشان تشوفينها وترى العيال معنا يعني خلي اخوك يجي معكم ..
فرح .. اوكي ..
وقفلت ولفت على عمر .. عمر تعال معنا تقول انو العيال موجودين ..
ومشو لداخل المطعم وصارو يدورون عليهم ..
عمر .. ايه هذا فارس .. يلا تعالو ..
ولما وصلو للطاوله الكبيره ..السلام ..
الكل .. وعليكم السلام ..
ريم اول ماشافت فرح راحت ضمتها .. هلاااا وحشتيني يالدوبه ..
فرح .. ههههه .. وانتي اكثر ياقلبي ...
عبير .. يلا فكيها خلينا نسلم ..
وسلمو البنات على بعض وجلسو ..
والشباب كمان سلمو على عمر وجلسو .. شوي الا يجي معاذ ووجدان بعد مادقت وجدان على فرح ووصفت لها مكانهم .. معاذ راح يسلم على الشباب ووجدان تسلم على البنات وجلسو معهم .. وكان ترتيبهم كالأتي ..
الطاوله كبيره فيها 14 كرسي وكانو البنات مقابل بعض والشباب مقابل بعض ..
نبدا من اليمين ..
فارس وحمد وفيراس وندى ووجدان وعبير وغاده ..
والجهه اليسرى ..
عمر ومعاذ وسامي وريم وفرح ولمياء وبيشو ...
....................
الشباب ..
فارس .. ايه صح نسيت اعرفكم ..يأشر على حمد .. هذا حمد ولد عمتي ... واللي جنبه فيراس اخوي ..ويأشر على عمر ..وهذا عمر الرائد واللي بجنبه معاذ العالي ..
عمر .. تشرفنا ..
حمد .. الشرف لنا ..
معاذ .. ياحليلكم فارس وفيراس ..
فارس .. ههههههههه .. وش نسوي الأسماء طلعت كذا ..
عمر .. طيب الحين لو انا قلت فروس مين يرد علي فيكم ..
فيراس .. انا طبعا لاني الصغير .. والكبير ما يتدلع ..
الشباب .. ههههههههههههههههههههههه..
سامي .. اقول ريح بس وش كبرك وللحين تقول صغير ..
فيراس .. مادامي اخر العنقود ابكون صغير طول عمري ..
حمد .. يشين السرج على البقر ..
الكل .. هههههههههههههههه ..
فيراس انحرج لأنو البنات كمان سمعو وضحكو .. دق حمد .. مالت عليك بس ..
عند البنات ..
فرح تهمس لريم .. ياحليله هذا مين ..
ريم .. هذا فيراس اخو فارس واللي بجنبه حمد اخو عبير ولمياء ..
فرح .. اهاا .. مين يصدق فيراس اخو فارس ..
ريم .. ليه ؟؟..
فرح ..فيراس باين عليه خفيف دم ومزوحي غير اخوه الثقيل والغثيث كمان ..
ريم .. ههههههههههه .. حرام عليك ليه تقولين عنه غثيث ..
فرح تعفس بوجهها .. كذا ..
ريم بخبث .. ليه انتي جلستي معه عشان تعرفين طبعه ..
فرح بنفسها لو تدرين وش سوى لي كان ماسألتيني ..
ريم عارفه الموضوع بس ماحبت تتكلم تخاف انها تضايقها .. بعد ماعرفت من سامي كل شي صار من جاو للندن ..
فرح حبت تغير الموضوع .. ايه متى بنطلب جوعانه ..
ريم .. ههههههههههههه.. عاش مصرف ..
فرح .. اقول اسكتي بس .. ومسكت المنيو ..وقالت بصوت يسمعه كل اللي على الطاوله .. مو ناويين تطلبون ولا مطولين بالسوالف ..
الكل كان يناظر فرح مستغربين من جرائتها ..بذات حمد وفيراس اللي ما يعرفونها ..
فرح لما شافتهم سكتو رفعت عينها من المنيو وشافت الكل يناظرها ..جلست تناظر نفسها ببراءه تحسب انو فيها شي غلط .. وش فيكم فيني شي غلط ..
الكل ضحك على برائتها .. ههههههههههههههه..
فرح ..وش فيكم تضحكون ؟؟
ريم تهمس لها .. جد انك جريئه ..
فرح .. اهاا فهمت الحين يعني هم كانو يناظروني لاني تكلمت..
ريم تقرص خدها .. يمه على البراءه اللي فيك ..
فرح .. اح عورتيني ..
ريم .. ياي يالرقيقه ..
فرح وريم .. ههههههههههههههه..
فارسكانت بجنبه الورقه والقلم .. يلا قولو طلباتكم ..
فرح بنفسها .. ياحليله وش عنده صاير مؤدب ليكون عشان اهله موجودين .. ..
سامي تكلم .. اممم انا ابي ...
فرح قاطعته وتناظر فارس .. ممكن الورقه ابي اكتب ..
فارس استغرب انها كلمته بس ما حب يبين ومد الورقه اللي وصلت لسامي اخذها وعطاها فرح ..
فرح بعد ما اخذت الورقه .. يلا قولو طلباتكم ..كل واحد قال اللي يبيه ماعدا فارس ..
ريم كانت تتابع مع فرح .. باقي فارس ماطلب ..
فرح .. طيب اسأليه ..يمكن يستحي يقولي خخخخخ ..
ريم .. هههههههه هبله ..ولفت على فارس ..فارس باقي انت ما طلبت
فارس .. انا كتبت طلبي ما شفتيه ..
فرح قلبت الورقه .. ايه هذا هو ..
ريم . طيب وانتي ..
فرح .. امممم مدري وش اطلب ..
ريم .. طيب فكري بسرعه ترا جعت لما شفت الطلبات ..
فرح .. هههههههه.. اجل ضفي وجهك هناك لاتاكلين المنيو ..
ريم .. هههههههههه.. ولفت تسولف مع البنات ..
اما فرح كتبت طلبها بنفس الجهه اللي فارس كاتب طلبه فيه لانو مافي مكان بالجهه الثانيه ..ولما خلصت مدت الورقه جهه الشباب .. خلصت ..
اخذها فارس ونادى القرصون وبدا يقرا عليه الطلبات ومن الربشه والأزعاج نسى يقلب الورقه ويقول طلبه وطلب فرح .. راح القرصون ورجعو للسوالف ..
فرح طفشت من سوالف البنات اللي ما تحبها .. شفتي هذاك الفستان .. ايه هذاك الروج حلو .. يووه فاتتك هذيك الساعه ومن هالكلام .. اخذت جوالها وجلست تحوس فيه .. شوي الى تجيها رساله على الواتساب فتحته وشافت انو سامي راسل لها ..فتحت محادثته وهي مبتسمه ..
سامي .. وش عندك ما تسولفين مع البنات ..
فرح .. وش دخلك وبعدين وش تبي تكلمني وساحب على الشباب ..
سامي .. اصلا هم اللي ساحبين علي كل سوالفهم سخيفه ..
فرح .. الا شايفينك بزر عشان كذا ساحبين عليك ..
سامي .. اقول يالسوده ورا ما تنطمين ..
فرح .. سوده بعينك .. يلا بس طس ..
سامي .. متأكده ..
فرح .. لا انتظر .. ابسألك فيراس كم عمره ..
سامي .. ليه تسألين عن عمره ووش عرفك في اسمه اصلا ...
فرح مالك دخل كيف عرفت اسمه ويلا قول عمره ..
سامي .. ليه ..
فرح .. عاجبني ..
سامي .. احلفي . اقول استحي على وجهك بس ..
فرح .. اقول سموي بتقول ولا ..
سامي .. ولا ..
فرح .. اوكي ..
وقفلت المحادثه ورمت الجوال على الطاوله وتكتفت ..
ريم .. سلامات وش فيك شوي شوي على الجوال ..
فرح .. مافيني شي وتعمدت ترفع صوتها شوي عشان سامي يسمعها .. بس في ناس يرفعون الضغط ويبي لهم تكفيخ ..
سامي سمعها وفهم انها تقصده وابتسم ولف عليها ..
ريم باستغراب .. مين ..
فرح لفت عليها وبالغلط جات عيونها على سامي اللي للحين مبتسم .. عصبت .. ولا احد ووقفت ..
البنات وش فيك فرح ..
فرح .. ولا شي عن اذنكم بروح لدورات المياه .. ومشت وهي متنرفزه من سامي ..
فارس من اول ما مسكت فرح جوالها وهو يراقبها كل شوي ولاحظ انو فيه شي بين سامي وفرح من نظراتهم لبعض وانهم كانو ماسكين الجوال بنفس الوقت .. شك وقلبه بدا يشتعل نار ..بس هدى نفسه لما يروحون للبيت ويتفاهم مع سامي ..
سامي وقف ..
فارس .. على وين بيجي العشى ..
سامي .. رايح لدورات المياه ..ومشى ..
ولما وصل قريب من دورات المياه شاف فرح واقفه عند حوض السمك الكبير اللي هناك وتتفرج .. قرب لعندها ..تحبين السمك ..
فرح نقزت من الخرعه ولفت عليه ..سامي !!..
سامي ابتسم .. اسم الله عليك .. ايه سامي ..
فرح رجعت تناظر السمك .. خير جاي وراي ..
سامي .. جاي اراضيك شكلك زعلتي ..
فرح تكتفت .. وليه وش بيني وبينك عشان ازعل ..
سامي .. افاا .. كل المحبه اللي بينا وتقولين وش بينا ..
فرح لفت عليه بصدمه .. محبه !!..
....................




عند الطاوله ..
فارس كان جالس على اعصابه سامي وفرح للحين محد فيهم جا ماقدر يتحمل وقام ..
عمر .. على وين ..
فارس .. هاه .. ايه ابشوف العشى ليه تأخر ..ومشى وراح جهه دورات المياه وشاف سامي وفرح واقفين عند الحوض قرب منهم بس وقفه كلام سامي ..
سامي ابتسم .. ايه محبه وش فيك مستغربه ..ولا بتنكرين كمان ..
فرح .. ا..... سكتت لما شافت فارس جاي لهم وباين عليه معصب ..
فارس يكلم سامي .. وش عندك هنا ..
سامي توه بيتكلم بس قاطعته فرح .. وانت وش دخلك ..
فارس ما ناظرها .. سامي انا اكلمك وش عندك هنا ..
فرح تنرفزت من حركته ومسكت ايد سامي وصارت بجنبه .. هذا بيكون خطيبي ومافيها شي لو كان واقف معي ..
الكل انصدم من الكلام حتى فرح نفسها انصدمت من اللي قالته ماتدري كيف طلع منها هالكلام ..
.......................
ريم حست انو فرح تأخرت والعشى وصل قامت تشوفها .. ولما قربت من دورات المياه انصدمت من اللي شافته راحت بسرعه لهم ..فرح . سامي . فارس !!.. وش فيكم وش صاير ..
فرح اول ماشافت ريم راحت عندها بسرعه مافينا شي يلا نمشي ..
فارس .. لحظه ..
فرح وقفت من غير ما تلف عليه ...وماسكه دموعها لاتنزل وتفضحها ..
فارس .. ممكن تعيدين اللي قلتيه من شوي ..
فرح ماقدرت تتحمل ومشت بسرعه عنهم .. اما ريم واقفه مستغربه ..لفت على سامي وشافته للحين واقف مكانه ومصدوم ..ولفت على فارس .. فارس ممكن افهم وش السالفه ..
فارس مشى بعصبيه .. اسألي الحبيب اللي جنبك ..
ريم راحت لسامي .. سامي ..
سامي لف عليها بتشتت ..
ريم .. وش صاير ..
سامي .. مدري ..ومشى عنها ..
ريم للحين مستغربه مشت وراه ورجعو للطاوله ..وشافت فرح وفارس جالسين وكل واحد في حاله ..جات وجلست شوي استغربت لما ماشافت قدام فارس شي ولا فرح ..
ريم .. فارس وفرح وين طلبكم ..
فارس توه يستوعب النو الكل كان ياكل الا هو ماقدامه شي ..وناظر جهه فرح ونفس الشي ماشاف قدامها شي ..
عمر .. شكلهم نسو طلباتكم .. ابقوم اشوفهم ..
فارس مسك الورقه اللي عليها الطلبات وقلبها .. لالا مانسوهم اصلا انا ماطلبت .. لانهم كانو بالجهه الثانيه من الورقه ومن الربشه ما انتبهت .. ووقف خلاص ابروح اطلب للي ماجاه طلبه اما انا مابي ...
فرح وقفت .. لا شكرا اصلا انا مابي ومشت ..
عمر .. فرح وين رايحه ..
فرح .. ابجلس برا على ما تخلصون ..وراحت ..
عمر لف على فارس .. خلاص روح اطلب لك ..
فارس .. لا خلاص ماني مشتهي بس ابروح اخذ لي شي اشربه .. ومشى ..
ريم لسا مستغربه لفت على سامي اللي كان سرحان ويناظر الأكل همست له ..سامي وش السالفه ..
سامي مو معها ..
ريم .. اووف وش فيهم هذول ..خلاص لما اخلص عشى اروح افهم السالفه من فرح ..
.........................



عند فرح كانت جالسه على وحده من الطاولات اللي برا وكانت سرحانه تفكر باللي صار واللي قالته ..بنفسها .. اوف وش اللي خلاني اقول ذا الكلام وش راح يفكر الحين سامي اخاف يفكر اني احبه .. بس بعد هذاك الغبي نرفزني بحركته يعني اكلمه ويطنشني ..لا وهذاك الثاني كمان يقول محبه وش محبته .. ليكون يحبني بس .. اوووف استاهل انا اللي جبته لنففسي ...شوي حست بشخص يجلس قدامها رفعت عينها وارتبكت لما جات بعيونه ..س.. سامي !!..
سامي .. ممكن افهم ؟؟..
فرح نزلت عيونها .. وش ؟؟..
سامي ..هذا بيكون خطيبي وعادي لو تقابلنا ..
فرح رفعت عيونها عليه.. شوف سامي بصراحه انا قلت ذا الكلام لان ولد عمك الغبي نرفزني بحركته ..
سامي عقد حواجبه .. أي حركه ..
فرح .. ليه يسفهني ..
سامي .. ههههههههههه.. بزر انتي .. وانا صدقت على بالي تحبيني ..
فرح وقفت .. ما البزر الا انت وبعدين خلصو الرجال عشان احبك انت ولفت بتمشي بس وقفت لما شافت فارس كان جالس على الطاوله اللي وراهم مباشره وباين عليه انه سرحان ..
سامي وقف وراح لها وهمس لها ..ارجعي خلينا نكمل اللي بديتيه ..
فرح استغربت من طلبه بس رجعت حست انو الموضوع فيه اكشن .. ولما جلست .. وليه تسوي كذا ..
سامي .. اممم كذا بس نلعب شوي ..
فرح تذكرت شي .. الا ابسألك وش المحبه اللي كنت تتكلم عنها قبل ما يجي الغثيث ..
سامي .. ههههههههه.. تدرين لو يسمعك كان ينحرك ..
فرح بعدم اهتمام .. بكيفه .. المهم قول وش قصدك ..
سامي .. ياختي كان قصدي محبه صداقه واخوه بس انتي فهمتي غلط ..بالله انا احب وحده مثلك ..
فرح .. لاياشيخ .. اصلا انت تقدر توصل لي عشان تحبني .. اقول بس اسكت ..
سامي .. هههههههههه.. ياختي مدري ليه احب اعصبك ..
فرح .. احلف بس .. مبسوط وتعترف كمان ..
سامي .. ههههههههه..
.... .. ضحكوني معكم ..
فرح وسامي .. بسم الله ..
... .. ليه شايفين جني ..
فرح .. ههههههههه.. من وين طلعتي انتي ؟؟..
ريم .. من تحت الأرض .. من وين يعني ..المهم وش تسوون ..
سامي .. عادي نسولف ..
ريم .. بالله وبكل بساطه نسولف ماكان من شوي صاير شي ..
فرح .. ليه وش صار ؟؟..
ريم .. كل اللي صار واللي مدري عنه وتقولين وش صار ..
سامي .. هيه رويم وش تتكلمين عنه انتي ..
ريم .. لالا بتجننوني انتو .. اللي يشوف اشكالكم من شوي مايقول هذا انتم الحين ..
فرح .. ليه وش فيها اشكالنا ..
ريم .. لا ابد بس وحده مو مشتهيه وتافله العافيه .. والثاني ترك اكله وقام ..
سامي وفرح .. ههههههههههههه..
فارس صحى من سرحانه علىصوت ضحك قريب منه رفع عيونه وشاف فرح مع سامي وريم زاد قهره بس ما تحرك من مكانه ..
شوي الا يطلعون البنات كلهم ويوقفون عند الطاوله اللي فيها ريم وسامي وفرح ..
ريم .. خلصتو ؟؟..
عبير .. ايه من بدري بس كنا نسولف ..
فرح .. وانتم ما تملون من السوالف ..
لمياء.. اكيد لا ..
سامي وقف لما شاف العيال طلعو وجاو لعندهم ..
فيراس .. سموي وش عندك جالس مع البنات ..
سامي .. اممم عادي جالس مع اخواتي ..
عمر .. بالله ..
سامي .. ايه .. كل واحد منكم عنده اخوات هنا الا انا ققررت بيني وبين نفسي اني اخليهم كلهم اخواتي ..
حمد .. لا ياشيخ .. اقول تعال بس ولا يكثر ..
معاذ .. الا وين فارس ..
تلقاءيا فرح وسامي لفو على الطاوله اللي وراهم بس ما شافو حد ..
ريم .. وش فيكم ..
فرح .. هاه .. وناظرت سامي ..
سامي .. فارس كان هنا من شوي بس مدري وين راح ..
عمر طلع جواله .. ابدق عليه ..ودق ولقى جواله مقفل ..الجوال مقفل ..
حمد .. غريبه يعني وين راح ..
ريم .. يمكن شافكم لما طلعتو وراح للسياره ..
طلعو كلهم للمواقف بس مالقو سياره فارس ..
فيراس .. اما عاد مشى وتركنا ..
سامي بعصبيه .. وش فيه ذا غبي كيف يروح كذا من غير ما يقول ..
عمر .. هدي يمكن المستشفى دقو عليه وراح مستعجل ..
حمد .. طيب ليه يقفل جواله ..
معاذ .. يمكن خلص شحنه ..
فيراس .. طيب كيف نرجع الحين ..
سامي .. مافيه الا ناخذ لنا تاكسي ..
عمر .. لا ليه التاكسي .. سيارتي وسياره معاذ موجودين توزعو فيهم ونوصلكم ..
حمد .. ىلا مانبي نثقل عليكم ..
معاذ .. وش دعوه لاثقل ولا شي والناس لناس ياخوي ..
سامي .. مشكورين ..
عمر .. يلا بس بلا رسميات واركبو ..
سامي يناظر البنات .. يلا اركبو ..
البنات يتهامسون بين بعضهم ..
عبير .. الله ياخذ بليسه اخوك يانديو وش ذا الأحراج ..
فرح .. لا احراج ولاشي .. يلا مين بيركب معنا ..
ريم .. مدري ..
عبير .. انا ابشوف حمد وين يركب وبركب معه ..
لمياء.. حتى انا ..
حمد .. بنات يلا مطولين بالنقاش انتو ..
ريم .. وين نركب ..
سامي ..انا بركب مع عمر وريم ووحده من البنات تجي معي ..والباقي مع حمد بسياره معاذ ..
ريم .. هاه بنات مين يجي معي .
ندى .. خلاص ابجي معك ..
وركبو بالسيارات ..
عمر صار معه سامي اللي كان بجنبه وندى وريم وفرح وبيشو وغاده ورا ..
ومعاذ ركب معه حمد وفيراس اللي كانو بجنبه ولمياء ووجدان وعبير ورا ..
معاذ يكلم عمر .. شكل عندكم زحمه خل وحده من البنات تجي معنا ...
عمر .. هاه بنات متضايقين ولا الوضع اوكي ..
فرح ..اممم انا احس عادي بس مدري عن البنات ..
غاده .. لا خلاص انا بنزل عشان ترتاحون بجلستكم ..
عمر .. اوكي .. ونزلت غاده وركبت بسياره معاذ .. معاذ اول ما شافها ابتسم وقلبه صار يدق ..
مشوا من المطعم ..
عمر .. وين نوصلكم ..
سامي .. شقه فارس ..
طيب اوصف لي مكانها ..
سامي .. اوكي خلك ماشي على طول ..
عند البنات ورا .. ريم تكلم فرح .. فرح تتوقعين فارس ليه سوا كذا ..
فرح كانت سرحانه مو معها ..
ريم دقتها .. فرح ..
فرح .. هاه ..
ريم .. وين رحتي ..
فرح تنهدت ..معك ..
ريم .. لا باين .. فرح وش فيك ..
فرح .. مافيني شي ..بس افكر بالغبي ولد اخوك مدري وش يقربلك ليه سوا كذا ..
ريم .. وليه تفكرين فيه .. صار شي بينكم ..
فرح حست انو ودها تتكلم وتحس انو ريم عارفه باللي سواه لها فارس .. لفت عليها ..لما ارجع للبيت راح اكلمك واقولك اللي فيني ..
ريم ابتسمت .. اوكي ..
شوي الا يدق جوال ندى رفعته وقالت بصوت مسموع للكل من غير شعور .. فارس .. وردت بسرعه .. الكل لف عليها لما سمعو اسم فارس ..
ندى .. هلا فارس وينك انت ..
فارس وباين على صوته التعب .. انتو اللي وينكم رجعت للمطعم ولا شفتكم ..
ندى.. حنا رايحين ... سكتت لانو سامي اشر لها تجيب الجوال .. مدت له الجوال ..
سامي ..بالله عليك هذي حركه تسويها فينا .. وين رحت وتركتنا حتى ما عطيت حد خبر ..
فارس تعبان ومتضايق ولما سمع صوت سامي تضايق اكثر ..انا مالي كلام معك .. عطني اختي ..
سامي .. فارس لما اكلمك كلمني زين .. قولي وينك ..
فارس تنهد .. سامي بجد مالي خلق لشي لاتخليني اتهاوش معك ..
سامي عصب اكثر ورفع صوته .. لا تهاوش معي انت وش تعرف غير الهواش ..
عمر لما شاف انو الوضع مو اوكي وقف على جنب واخذ الجوال من سامي .. سامي مالها داعي هذي العصبيه .. وكلم فارس .. هلا فارس انا عمر ..
فارس تنهد .. هلا عمر .. انتو وينكم ..
عمر .. حنا طالعين لشقتك الحين نوصل اهلك .. انت وينك ..
فارس .. الله يعطيكم العافيه تعبتكم .. خلاص انا طالع لشقه واشوفكم هناك ..
عمر .. اوكي .. يلا سلام ..
قفل الجوال ومده لورا واخذته فرح واعطته ندى ..
عمر .. سامي الله يهديك وش فيك عصبت على الرجال ترا ما يسوى ..
سامي .. لو انك سامعه كيف يكلمني كأني انا الغلطان مو هو كان ما قلت ذا الكلام ..
عمر .. طيب هدي ياخوي الحين بنوصل ونفهم منه كل شي ..
معاذ استغرب من عمر اللي وقف ووقف وراه واتصل عليه ..عمر وش فيكم ..
عمر .. لا ولا شي لما نوصل اقولك يلا تعالو ورانا ..
ومشوا لما وصلو لشقه فارس وشافو فارس واقف عند سيارته .. نزلو الشباب وراحو له ..ماعادا سامي وقف بعيد ..
حمد .. فارس انت وينك وليه جوالك مقفل ...
عمر .. حمد حنا بالشارع مو مكان تفاهم خلونا ندخل ونتفاهم داخل ..
فارس مشى بصمت وفتح الباب ودخل ودخلو بعد الشباب وبعدهم البنات ..
كلهم تجمعو بالصاله ..
حمد .. هذا حنا دخلنا ممكن تقول لنا وش معنى تصرفك يافارس ..
فارس كان متضايق وما تحمل يشوف فرح مع سامي وطلع من المطعم وركب سيارته وصار يتمشى لما حس انه هدى رجع .. بس ماحب يقولهم كذا عشان ما يسألونه ... فقال ..دقو علي المستشفى ورحت لهم بسرعه ..
عمر .. شفتو مثل ما قلتلكم بس انتم الله يهديكم مكبرين السالفه ..
فيراس .. طيب ليه كنت مقفل جوالك ..
فارس .. من السرعه طاح علي وانفكت البطاريه ولا ركبتها الا لما خلصت ..
حمد يجلس على الكنبه .. طيب هالمره بنعديها .. بس مره ثانيه حاول تعطينا خبر ..
فارس .. طيب ..
عمر .. الحمد الله انو مافيك شي .. والحين حنا نستأذن ..
حمد .. وين بدري .. كملوا لسهره عندنا ..
معاذ..لا مره ثانيه الوقت تأخر ..
فارس .. ليه وراكم شي ؟؟..
عمر .. لا بس انت وراك دوام ما نبي نزعجك .
فارس .. لا اجلسو بس انا بكره عندي اوف ..
عمر لف على معاذ .. هاه وش رايك ..
معاذ .. انا عادي ماعندي شي ..
عمر لف على البنات اللي كانو واقفين باخر الصاله .. وانتو يابنا.... وسكت لما شاف فرح تطيح من طولها ..
البنات .. فررررررررررررح..
..
..
..
..
..(( انتهى البارت ))

يالا ابي اشوف توقعاتكم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 15-03-2015, 10:42 PM
صورة عبيير5552 الرمزية
عبيير5552 عبيير5552 غير متصل
©؛°¨غرامي مشارك¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


البااارت جميل مشاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 57
قديم(ـة) 16-03-2015, 06:23 PM
صورة ابتسامه تحمل الالم الرمزية
ابتسامه تحمل الالم ابتسامه تحمل الالم غير متصل
©؛°¨غرامي مشارك¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


السلام عليكم انا جديده هون والروايه روووووووووووووووووعه طريقتك كتير حلوه هاي احلا روايه وبتمنى انك تكمليها وحابه اعرف متى تنزلي البارتات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 58
قديم(ـة) 17-03-2015, 03:04 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


اهليييين عبوره متابعتي المميزه

دايم تنوريني بطلتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 59
قديم(ـة) 17-03-2015, 03:21 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


ابتسامه
اسعدني مرورك

وانشاء الله انزل بارت بكرا

وانا انزل كل يومين بارت

ونورتي روايتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 60
قديم(ـة) 18-03-2015, 06:46 PM
صورة عبيير5552 الرمزية
عبيير5552 عبيير5552 غير متصل
©؛°¨غرامي مشارك¨°؛©
 
الافتراضي رد: كل الشباب عشقوها وهي ما عشقت إلا أبوها/بقلمي


اليوم البارت

ننتظرك لاتتاخرين

الرد باقتباس
إضافة رد

كل الشباب عشقوها وهي ما عشقت إلا أبوها/بقلمي؛كاملة

الوسوم
الشباب , ابنها , عشقت , عشقوها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أنا بنت شفت العذاب و حبيت إنتقم /بقلمي؛كاملة جورية تذبل روايات كامله - يتم نقل الرواية هنا بعد اكتمالها 484 26-05-2018 11:29 AM
لك العهد والعشق والإنتماء .. اوراق ملكيه متنوعه ... % النووور % كووره عربية 116 21-04-2016 09:38 AM
روايتي الأولى:مازال هناك أمل YasminHabouchi روايات - طويلة 189 11-09-2015 06:19 PM
أياديّ الأصحاب حُضن العمر/الكاتبات : الاء الشهراني , سديم الشهراني/كاملة روايات لويش و ساز روايات كامله - يتم نقل الرواية هنا بعد اكتمالها 44 18-07-2015 03:54 AM
دوري الكبار فقط : النصر فى الصدارة الافضل هجوما والهلال ثالثا والافضل دفاعا @yazeed@ كووره عربية 4 20-05-2015 07:34 AM

الساعة الآن +3: 03:37 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1