اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 131
قديم(ـة) 30-01-2018, 01:54 PM
صورة أعجووبهه.. الرمزية
أعجووبهه.. أعجووبهه.. غير متصل
©؛°¨غرامي مشارك¨°؛©
 
الافتراضي رد: رواية قلب خاطفك يابنت ماتفهمينه /بقلمي


البارت التاسع عشر(19)

كانت جالسه ودموعها على خدها تبغى تشوفه تتكلم معاه يمكن يرد
فهد:ندى يلا لا نتأخر عليهم
ندى:.......
فهد:مايصير الا كل خير ان شاءلله
ندى:يلا بسرعه
فهد:طيب طيب
ركبوا السياره متوجهين للمستشفى عند سعود كانت تفكر فيه حيل تحبه
لما وصلوا عنده كانت سعاد جالسه تبكي وحاطه راسها على السرير
ندى:سعااد كيفه ماقام ليش
فهد:خلاص اهدو مايصير الا الي كاتبه ربي والي صدمه بنجيبه
سعاد:اهئ اهئ سعود تكفى مالي الا انت قوم تكفى تكفى انت تقول ماراح تخليلني مهما يكون صح صح
جلس فهد قدامها وناظر فيها
فهد:ولا يهمك صدقيني ماراح اخليهم في حالهم وبيرجع سعود
ناظرت فيه سعاد ومن غير شعوري قامت تبكي عنده وتترجاه يساعده
سعاد:تكفى يافهد تكفى ساعده
فهد:ولله لتبشرين ولله لا تبكين
ندى:سعود تسمعني سعود انا انا ندى تسمعني هااه رد علي تكفي رد رد رد
فجأه تحرك اصبع يده وتحرك الثاني قامت تصرخ ندى بقوه ودموعها
ندى:تحررررك تحررك اصابعه الحقوا
فهد:ايييش وين
سعاد:يمه سعوووووود سعووود
فهد:ياممرضه يادكتووور تحرك
دكتور:ابعدوا شوي خلوا مجال اخ سعود سعوود تسمعني
شوي شوي فتح عينه وحده وحده
دكتور:تسمعني اشر لي واذا تتكلم قول اي شي لو بس اءء قول
كان يحرك راسه بمعنى مايقدر يتكلم
الدكتور:هو يقدر يتحرك بس مايقدر يحرك فمه يبي له وقت بس الحمدلله انه يقدر يتحرك ع الاقل
فهد:الحمدلله انا بكلم ابوي واخواني
ندى:سعود سعوود اهئ الحمدلله
كان يناظر فيها بألم شديد عليهاا ناظر في اخته وحط يده على راسها
الدكتور:خلوه يرتاح لا تزعجونه اوك
ندى:ان شاءلله دكتور ان شاءلله
سعاد:شكرا دكتور
دكتور:عفواا
رجع لهم فهد وهو مستانس حييل
فهد:خلاص هدووء خلوه يرتاح يلا
********
عند نادر وكمال كانو يسولفون
نادر:وش رايك ادق على سعود هاه
كمال:شوفه وينه هو
اتصل نادر عليى سعود ويرن ويرن
نادر:الو سعود
فهد:لا معاك فهد من انت؟؟
نادر:انا نادر خوي سعود وينه
فهد:سعود صار له حادث مادريت
نادر:ايش اعوذ بالله وينكم
فهد:لاتخاف الحمد لله تحرك بس عنده صعوبه بالتكلم قريب بيتكلم ان شاءلله حنا بمستشفى********
نادر:طيب بجيك العصر انا وكمال
فهد:اوك انتظر
نادر:مشكور عن اذنك
فهد:العفو فمان الله
نادر ناظر في كمال وكان مرتبك
كمال:وش بوه
نادر:سعود بالمستشفى
كمال:وش قاعد تقول وش فيه
نادر:صاير عليه حادث الزياره تبدأ العصر هو يتحرك بس مايتكلم
كمال:يالله يارب انك تشافيه ياارب
نادر:امين يارب العالمين شوي بنروح
كمال:اكيد ان شاءلله
***********
الساعه 1:30 فتح حافظه الاكل
فهد:يلا بسم الله اكل
حرك راسه ويحاول يتكلم يقول لا
فهد:سعود لازم تاكل يلا امي مسويته عشانك يلا عاد اكل بلا دلع
سعود كان ياشر بمعنى:وحده بس
فهد:ليه طيب
سعود(ماني مشتهي)طبعا ياشر بيده
فهد:اوكيهه خل امي تهاوشك هههه
ضحك سعود وفجأه حس بدوخه مو طبيعيه صار فهد مو واضح له واغمي عليه قدامه قام فهد مسكه
فهد:سعود سعوووود يادكتور ياناس
كانت داخله ندى وسعاد وام حمد وابو حمد ركضت لما سمعت فهد
ندى:يمه سعووود سعوود وش فيه
سعاد:سعود وش بوه سعووود
الدكتور:ابعدوا عنه ابعدوا سعود مافي شي انخفاض في الدم فقط
فهد: الحمدلله لك يارب خلوه يتنفس
ابو حمد:طيب متى يقوم يادكتور
الدكتور:شوي شوي عليه عطوه وقت
فجأه انخفض نسبة الاكسجين في جسده وطاحت يده ومافي تنفس
الدكتور:اطلعوا طوارئ طوارئ سريع
طلعوه لغرفه الانعاش وفهد وندى وسعاد يركضون معاه خايفين عليه
الممرضه:تراجعوا ممنوع الدخول
سعاد:انا انا اخته تكفين
الممرضه:تطمني مااقدر ادخلك
فهد:سعاد تعالي اجلسي
سعاد:اءءءء لا خلوني ادخل اخوي هو ولله اخوي تكفى خلهم يفهمون
فهد:بسم الله عليك مافيه شي ان شاءلله انتي هدي هدي ويصير خير
سعاد:ياااربي ليش ليش سعود اءءء
حضنها فهد وكان نبض قلبه سريعه وندى تناظر فيه كيف كان يهدي سعاد واضح حبه له وحضنه المفاجأ تقدم ابو حمد لهم ويناظرهم
ابو حمد:مافي الا كل خير تطمنوا
ابعدت سعاد عنه وكانت مصدومه
سعاد:احم ان شاءلله يارب مايصير شيء له ولله خايفه عليه ولله
ام حمد:لا تخافي مافيه الا كل خير
**********
عند نادر وكمال كانوا متوجهين لسعود بالمستشفى لزيارته لما وصلوا نزلوا من السياره دخلوا المستشفى
نادر:السلام عليكم
الاستقبال:وعليكم السلام امر
نادر:مايمر عليك عدو نبي غرفه المريض سعود ال ***** اذا سمحت
الاستقبال:لحظه المريض حاليا في غرفه الانعاش ولله وممنوع الدخول
نادر:ايش من جدك
كمال:وش تقول انت نادر بسرعه
ركضوا متوجهين لغرفه سعود وصلوا له وقعدوا يناظرونهم
نادر:اه اه اه اه س سلام عليكم
فهد:هلا
كمال:سعود تعرفونه
فهد:ايهه انا خويه باقي ماطلع
نادر:ياساتر استر
كمال:يالله يارب انك تكون معه
فهد:من انتم ممكن اعرف
نادر:حنا اصدقائه
كمال:حنا الشهود الي نفينا قضيه التزوير تذكر انت كنت مع سعود
فهد:اهاا تذكرت
طلع الدكتور من غرفه الانعاش ركضت سعاد وندى لدكتور وتوجهوا الكل عند الدكتور بأمل انه بخير
فهد:بشر يادكتور
الدكتور:اه الحمدلله لحقنا عليه ورجع النبض له بعد جهد وتعب
ابو حمد والكل :الحمدلله
سعاد:ياربي لك الحمد الحمدلله الحمدلله سعود سعود ابي اشوفه
الدكتور:ننقله لغرفه التنويم وتجونه هناك يلا اخر المتاعب عن اذنكم
الكل:مشكور دكتور
تقدمت ندى عند سعاد وحضنتها
ندى:الحمدلله ياروحي الحمدلله
سعاد كانت تبكي بحرقه على اخوها وهو كان يناظرها بحزن على دموعها
ابوحمد:فهد انت اجلس معهم انا وامك بنروح نطمن اخوانك طيب
فهد:ان شاءلله انتبه لطريقك يبه
ابو حمد:فمان الله
فهد:فمان الكريم
نادر:يلا كمال عن اذنكم
فهد:اذنك معك يلا ندوو سعاد نطلع لغرفه سعود تطمنوا عليه تعالوا
طلعوا مع المصعد لغرفه سعود فتح عليه الباب ودخلوا كان نايم على السرير وتخطيط القلب يوضح نبض قلبه قربت منه مسكت يده ودموعها على خدها تناضر بنبضات قلبه بحزن
ندى:متى تقوم ياسعود قوم تكفى طمن قلبي الي يحبك تكفى ياسعود
تقدمت سعاد وحضنتها وهي تبكي
فهد:خلاص تطمنوا انا برافق معه لا تخافون بيقوم يلا برجعكم للبيت
سعاد:ترا بجي الصباح بدري طيب
فهد:حاضر يلا خلوني اوديكم
قاموا وطلعوا من الغرفه راجعين للبيت وعندهم امل في سعود انه يقوم ويرجع لهم وصل فهد ندى وسعاد للبيت ورجع لسعود دخل عليه بالغرفه وجلس عنده مسك يده
فهد:سعود تكفى قوم اشتقت لك اشتقت لضحكتك وابتسامتك سعود تصبح على خير ياعين فهد يابعدي
نام فهد جنب سعود وماسك بيده
************
عند حسن ومرام كانت جالسه عند التسريحه
مرام:ان شاءلله يكون بخير حسن
حسن:مايطمني الا انتي ياروحي
مرام:من لي غيرك اصلا همممم
قامت وجلست ع السرير جنبه
حسن:اويل حالي بس نامي لا اكلك
مرام:ههههههههه طيب طيب ههههه
حسن(يسحب خدها):فدوه لضحكه
مرام:نام يلا تصبح على خير
حسن:وانتي من اهله
***********
عند كمال ونادر كانوا يفكرون فيه
نادر:ولله ياكمال اني خايف عليهه
كمال:اهدى مو صاير الا كل خير
نادر:لازم بكره الصباح نروح له طيب
كمال:ان شاءلله تصبح على خير
نادر:وانت من اهله
***********
عند ندى كانت متسدحه على السرير وحاطه وجهها في المخده تبكي
ندى:ليهه سعود ليه هو اهى ياربي يارب انا ارتجيك ترجعه لي يارب اه
نامت ودموعها على خدها تبي سعود هو حبيبها الاول والاخير وتعلقت فيه بشكل موطبيعي خاطفها ومنقذها واول من اعترف بالحب لها
************
اما سعاد كانت نايمه في سريره وتبكي بحرقه خايفه عليه حيل حيل
سعاد:اءءء سعود ياربي انقذه هو ابوي وامي وكل شي بحياتي يالله سبحانك انت قادر على كل شي اءه
كانت تبكي وتدعي له لما نامت مكانه كانت تحس براحه في غرفته
**********
في الصباح الباكر الساعه 7:30 في المستشفى فتح عيونه لقاه نايم وماسك يده قدر يحرك يده وحطها على راسه وتكلم وهو مبتسم وبتعب
سعود:ف فه فهد هه هه ف فهد
صحى وقعد يناظر فيه وباأستغراب غمض عينه وفتحها عشان يتأكد
فهد:سعوووود صحيت صحيت ياحيي تتألم انادي الدكتور لك هااه
سعود:هه لا مافيني ش شي و وش بك م منصدم الحمدلله على كل حال
فهد:ياجعلني فداك الحمدلله يابعدي
جاء الدكتور ودخل عليهم تفاجأء
الدكتور:صحيت ياسعود الحمدلله
سعود:الحمدلله
الدكتور:فحوصاتك سليمه حرك يديك ورجليك عشان اتاكد بس
حرك يده ورجله وراسه مافيه اي شي وكان فهد فرحان حيل ودق على ندى يبشرها وجاي ياخذهم له
**********
عند ندى كانت جالسه تبغى تتصل على فهد فجأه دق جوالها وكان فهد
ندى:الوو فهد
فهد:ندى ابشررك قام سعود ولله قام
ندى:ايييش جد جد الحمدلله تعال امانه فهد ابي اشوفه تكفى تعال
فهد:ابشري جهزي وخلي سعاد تجهز بجي اخذكم كلكم طيب يلا
ندى:اوك باي
دقت على سعاد ندى وهي فرحانه
ندى:الوو سعااد
سعاد دوبها قايمه من النوم
سعاد:هلا
ندى:سعاد سعوود قام ولله
سعاد:وشوو من جدك جد قام جد
ندى:وربي جهزي بسرعه فهد جاي
سعاد:هااه طيب طيب يمه قلبي
ندى:باي
سعاد:باي
قام بسرعه وهي تبكي فرح راحت تاخذ لها شور وطلعت سرحت شعرها ودقت عليها ندى وطلعت لهم بالسياره يناظر فيها يشوف دموعها واضحه حيل عرف انها دموع فرح
فهد:انا دقيت على اخواني علمتي ابوي
ندى:ايوه علمت ابوي وامي الحمدلله
سعاد:الحمدلله لك يارب
وصلوا للمستشفى وكان نادر وكمال توهم وصلوا شافوا فهد وعرفوه
نادر:فهد يافهد
فهد:هلا ولله نادر كمال ابشركم قام سعود ومافيه الا كل العافيه
نادر:جد الحمدلله
كمال:الحمدلله خلونا ندخل يلا
دخلوا كلهم المستشفى وكان الفرح مترسم على وجههم لانه قام اخيرا
فتح الباب فهد ودخلوا كلهم وراه ناظر فيهم باابتسامه واضحه ركضت سعاد له وضمته وتبكي بفرح عشانه
سعاد:سعود اءء الحمدلله الحمدلله
سعود:ياعين اخوك مافيني شي الحمدلله لا تبكين ياروحي خلاص
ناظر فيها بكل حب وباابتسامه لها
سعود:ندوو كيفك ياقلبي
ندى:سعووود اهئ اهئ لا تتركني امانه لا تخليني مره ثانيه تكفى
سعود:خلاص عاد فهد ساعدني
فهد:ندى سعاد الولد تعبان وخرو
ندى:وجع ابي اخمه وش بك افف
سعاد:لا ماني موخره لاحد يبعدني
سعود:ههههههههه اثاريكم تحبوني
ندى:تمززح انت واجل ولله ياسعود بغيت امووت يوم توقف قلبك ولله
سعود:بسم الله عليكم لا تقولون كيذا
فهد:ابك الولد انكتم ابعدوا خلوه يتنفس شوي سعود هذول نادر وكمال جايين يتطمنون عليك
سعود:هلا ولله نادر وكمال ارحبوا
نادر:تحييه يارب الحمدلله ع سلامه
كمال:سلامات ماتشوف شر يارب
سعود:يسلمكم يابعدي ماكان كلفتوا
نادر:لا كلفه ولا شي كلها قهوه وحلا
كمال:صنع يدي وحيات عيناي ههههه
سعود:تسلم يديك ولله تسلمون
فهد:اجلسوا حياكم
نادر:عندنا شغل ولله نجيك بعدين
كمال :انتبه لروحك مع السلامه
سعود:الله معكم
طلعوا نادر وكمال ودخلوا ندى وسعاد جات بسرعه لمه واحضنته
سعاد:مابي افكك ابدا ههههههه
سعود:ياقلب اخوك ولا انا بعد هههه
ندى:سعود انا هنا هههههههههه
سعود:تعالي ياحيي انتي ههههه
فهد:سعود خمني بعد هههههه
سعود:ولله لو حضني جلسه لكم ههه
دخلوا العائله كلهم ابو حمد وعياله وام حمد والكل كانوا ورائهم
الجد:سعود ياولدي الف سلامه
سعود:يابوي الله يسلمك
الجده:تحس بشي يايمه هااه علمني
سعود:لا يمه بخير الحمدلله يابعدي
ابو راكان:الحمدلله على السلامه
ابو فيصل:ماتشوف شر ياسعود
سعود: مايجيك ياحيي
ابو فيصل:عن اذنكم عندي شغله بخلصها وبرجع لكم بأذن الله
ابو حمد:الله معك ياولدي
باس يد ابوه وهو يبتسم له
ابو فيصل:رضاك يابوي يهمني
ابو حمد :راضي عليك ياعبدالله
ام حمد:الله يرضالي عليك انتبه لنفسك استودعتك الله ياعبدالله
ابو فيصل:ابشري مع السلامه
الكل:الله معك
خرج ابو فيصل متوجه لموقف سيارته فتح الباب وركبها الى وجهته
**********
كانت جالسه بالصاله وبالها مشغول حيل وتحس قلبها مقبوض مو مرتاحه وكانت تمشي رايحه وجايه
فتح الباب ودخل توجه لها بالصاله
فيصل:وش بك يمهه رايحه جايه
ام فيصل:قلبي يعورني يافيصل ماني مرتاحه في شي بس مدري وشو هو اخوك وين وابوك وينه؟؟
فيصل:هدي مايصير الا كل خير عزوز مع رائد ابوي عنده شغل
ام فيصل:الله يستر عليه الله يستر
********
كانوا يتمشون حسن ومرام ع البحر
حسن:يلا مرومتي هاتي يدك ههههه
مرام:واي حسن اصبر شوي شوي هههههه بطيح ترا انتبه هههههههه
حط يده من تحتها وشالها فوق ويدور فيها وهي ماسكته وتصرخ
حسن:هههههههههههه وااااااااو ههههه
مرام:اءء حسن
حسن:واااااا هههههههه وحده بعد
مرام:لا اماااااانه حسن ههههه يااااا
حسن:خلاص خلاص هههههههه
مرام:واااه دخت ههههههههههه
يمسكها حسن ويلفها لمه ويناضر فيها بغرام وعطها صندوق صغير وهي تطالع فيه وباابتسامه جميله
مرام:شنو هذا هممم
حسن:هديهه ياقلبي
مرام:ياعمري ولله
فتحت الهديه وكانت جوال ايفون7
مرام:حسسسن قلبي شكرا شكرا
حسن:ياعمري تستاهلين ياهديتي
مرام:احببببكك ولله احببكك
حسن:هههههه وانا اكثرر ههههههه
*********
كانوا مجتمعين يسولفون ويضحكون دق جوال الجد ابو فيصل يتصل بك...
ابو حمد:هلا ياوليدي
....:رقم الوالد
ابو حمد:ايوه وش بوه
....:ولدك صار عليه حادث ووديناه للمستشفى .......... تعال بسرعه
ابو حمد:اعوذ بالله جاي جاااي
سكر الجوال ولما قام داخ عليهم وجلس وكانت دموعه تنزل من عينه
ابو راكان:يبه وش بك
ندى:يمهه يبا يبا
ابو حمد:عبدالله الحقوه صار عليه حادث عجلوا في قسم العمليات عجلوا عليه روحوا شوفوه
طاحت ام حمد مغمي عليها الرجال راحوا يركضون له يلحقونه وش بوه
سعود:فكي المغذي فكيه بشوفه
الممرضه:لا لا مااقدر دكتور يقول لا
سعود:انا اعلمك خلي دكتورك ينفعك
سحب المغذي من يده وانجرحت مايهمه ابد يبي يروح لابو فيصل
وصلوا له ومسك فهد الرجال يصيح
فهد:عبدالله وش بوه تكلم عبدالله
.....:ترحموا عليه مات في نص العمليه قلبه توقف عطوه انعاش عيا يفيق عظم الله اجركم
وصل سعود وسمعه يقول(عظم الله اجركم)وقف مصدوم ومسك الرجال
سعود:هاااي تمزح وش عظم الله اجركم هاااه تلعب معي انت ما مات عبدالله ما مات تفهم ماراح ماااراح
ابو راكان:هدو هدو اه اخيه ياخوي ليه ليه وش نقول لاهله وعياله
ابو جهاد:عبدالله ااااخخخ ياعبدالله
ابو عناد:هدو هدو قضاء وقدر
فهد:لحظه الي اسمعه صح وين جثته طيب هو ما مات صح سعود ما مات تذكر هو قال بيرجع لنا صح
سعود:الله يرحمه يافهد الله يرحمه
فهد:لاااااا لاااااااااااا عبدالله عبداالله اه اه اخخخخ ياعبدااااالله لااااااااا
فجأه طلعوه ومغطى على وجهه مسك السرير فهد ويصرخ
فهد:عبداااالله عبدااااااااااااالله
********
كان جالس يهدي امه دق جواله وكان عمه ابو راكان
فيصل:ههلاا ياعمي
ابو راكان:فيصل
فيصل:سم
ابو راكان:تماسك يابوك
فيصل:وش بوه وش فيه
ناظرت فيه امه وعبدالعزيز وليليان
ابو راكان:ابوك عطاك عمره
فيصل:هااي عمي اذا مقلب تكفى لا
ابو راكان:اخخ يافيصل ليته مقلب حنا نغسله الحين وبندفنه عجل تعال
طاح الجوال من يده وكان منصدم
ام فيصل:ابوك عبدالله وش فيه تكلم
فيصل:ع عطا عطاك ع عم عمره م مات ما مات ابوي يباااه
ليليان:ابووووووي لااااا ابووووي
ام فيصل:عبدالله
طاحت مغشي عليها من الصدمه
عبدالعزيز:فيصل تعال ساعدني عجل امي امي تكفى يمهه يمه
وشالوها للمستشفى وكانت ليليان تبكى بالغرفه فراق الاب صعب بس مو اصعب من فراق الام كلنا نعرف
***********
بعد يوم من العزاء في وفاة عبدالله
دخل على امه وكان حزين جدا
فيصل:يايمهه لاتخلينا زي ابوي يمهه
تحركت يدها وكانت تنطق باأهاات
ام فيصل:اه اااه ياعبدالله اهه يارب
فيصل:يمهه تكفين خلاص يمهه اخخ
ام فيصل:عبدالله ما مات صح تكفى يافيصل قولي هذا صح تكفى اهئ
فيصل:يمه ابوي مات الله يرحمه هذا اليوم الثاني من العزاء ترحمي عليه
ام فيصل:اه ياقلبي اخ اخوانك وين هااه فيصل تكلم وينهم اختك
فيصل:موجودين يمهه عبدالعزيز مع ليليان بالبيت عندها البنات يهدوها
ام فيصل:الله يرحمك الله يرحمك ياعبدالله ولله انك في قلبي ولا تطلع
ضم امه حيل لصدره راح ابوه وترك له اخته واخوه وامه هو الولد الكبير ويتحمل حمل البيت كله ويهتم بوه
************
كان جالس وضم رجليه وحاط راسه عليها وكان يبكي في نفسه حيييل
دخل عليه وهو حزين حيل يبي يراضي ولد عمه اخوه الي ماجابته امه يعرف انه يبكي جلس قباله
رائد:عبدالعزيز عزوز تسمعني
عبدالعزيز:هاا هلا ههلا رائد
رائد:خلاص ياعبدالعزيز دموعك غاليه ولله خلاص ادع له بالرحمه
عبدالعزيز:اصلا انا ماابكي ابوي قد قالي ان الرجال مايبكي (وفي صوته بحه حزين حيل)هو قاله ولله قاله
ضمه رائد وخلاه يبكي في حضنه عساه يخفف من المه شوي ويرتاح
*********
عند ليليان كانت تصرخ وماهي مستوعبه مرره ان ابوها راح وخلاها
ليليان:لييييش يرووح ليه لاا يبه لاا
كادي:ياربي ليليان خلاص تكفين
جمانه :ليليان تكفين هدي تكفين
قامت تصرخ وفجأه طاحت عليهم
لمياء:يمهه ليليان روحي نادي العيال
راحت جمانه تركض نازله للمجلس دخلت وهي خايفه ماتدري من الي فيه همها بس تعلمهم ينقذون ليليان
جمانه:الحقوا ليليان طاحت علينا
قام عبدالعزيز مفجوع وراح يركض فتح الباب شافها طايحه وشالها بسرعه وطلع الي يشوف فيصل توه موقف راح بااتجاهه يركض بسرعه
عبدالعزيز:عجل ليليان مغمي عليها
فيصل:اركب اركب عجل بسم الله
عبدالعزيز:ليليان تسمعيني ياخوك قومي تكفين ليليان ردي علي ردي
فيصل:اصبر عزيز اصبر يالله سترك
عبدالعزيز:اسرع فيصل اسرع تكفى
وصلوا المستشفى وكان وراهم رائد وجمانه وكادي دخلوا المستشفى وحطوها على السرير ودخلوها العنايه لانها مغمي عليها وطولت ماافاقت هذا الي خوفهم كثير عليها
فيصل:امي لا تدري طيب
عبدالعزيز: طيب طيب يارب يااارب
***********
عند ابو حمد وام حمد كانت في غرفتها وماطلعت منها من الضيقه على موت ولد وماهي مستوعبه ابدا دخل عليها ابو حمد وهو محزن حيل
ابو حمد:خلاص ياسلمى هونيها تهون تكفين لا تضعفيني مابيه حيل
ام حمد:وليدي ياسالم انا عارفه انه بيصير شي كنت حاسه ولله عشان كيذا كان يودعنا اه ياعبدالله اه
عند ندى كانت تبكي بحراره على اخوها عبدالله فقدت اخوها الحنون
سعاد:ندى خلاص تكفين مرت ثلاثه ايام وانتي على هالحاله خلاص
ندى:اهئ الي مات اخوي ياسعاد تدرين وش اخوي اهئ ليه عبدالله ليه ليه اخوي يروح ليش كيذا اخخ
سعاد:اذكري ربك استغفري قضاء وقدر حرام تسوين بنفسك كيذا
قامت بسطت سجادتها وتصلي ركعتين وتدعي له بالرحمه وانه يدخل الجنه بدون حساب ولا عذاب
**********
عند سعود كان توه اخذ مويه وتوجه لفهد وجلس قباله وفك له المويه
سعود:امسك اشرب لك مويه يلا
فهد:مابي ياسعود مالي خلق
سعود:يامريض اشرب
فهد:وربي مالي خلق لشرب واكل
سعود:فهود تبي تموت انت هااه
فهد:ههه راح الغالي وش بقى
سعود:وش هالكلام هااه انت مافقدت غوالي باقي امك وابوك واخوانك عندك مو زيي انا وسعاد فقدنا اعز مانملك فهد الله يخليك يابعدي اشرب لك مويه لو شوي
فهد:طيب بشرب هاتها
**********
عند نادر وكمال كانوا جالسين يتقهون ويسولفون فجأه دق الباب
نادر:مين؟؟!!
...:مافيه رد
نادر:طيب طيب
فتح الباب فجأه تقدم ومسكه من رقبته ولفه عليه وحط السكين عند رقبته ويهدد كمال بوه
...:اسمع لا تقرب لا اذبحه ولله
كمال:اركد اركد لك الي تبي
...:اسكت ياخاين انت وياه








التوقعات:
1-عائله ابو فيصل وش يصير فيها؟!
2-من الي تهجم على نادر وكمال؟؟!
3-بين سعود وندى وفهد وسعاد بيكون بوه شي ولا لا؟؟!!
4-عبدالعزيز الولد الهادي وش فيه؟!!







كانت معاكم آعجووبهه.. سامحوني ع التقصير انتظروني في البارت 20


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 132
قديم(ـة) 01-02-2018, 07:43 AM
صورة أعجووبهه.. الرمزية
أعجووبهه.. أعجووبهه.. غير متصل
©؛°¨غرامي مشارك¨°؛©
 
الافتراضي رد: رواية قلب خاطفك يابنت ماتفهمينه /بقلمي


حبايبي البارت يمكن راح انزله الاحد الجاي او الاثنين انتظروني اذا طولت اعرفوا انه فيه اكشن هههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 133
قديم(ـة) 01-02-2018, 07:46 AM
صورة أعجووبهه.. الرمزية
أعجووبهه.. أعجووبهه.. غير متصل
©؛°¨غرامي مشارك¨°؛©
 
الافتراضي رد: رواية قلب خاطفك يابنت ماتفهمينه /بقلمي


اقتباس:
المشاركة الأساسية كتبها البلوشيهة مشاهدة المشاركة
سلاام كيفك
الروايه تتتتهههههبببببللللللللللللل
سعوود اعتقد انوو بيقوم <<طبعاً بيقوم صح
ندى وسعاد مررة يحزنوا 😣
والباقي م عندي توقعات حاليا..

متى موعد تنزيل البارتات

تحيااتي...
ياعمري انتي الي تهبلين ولله بعد ماانزل البارت احدد يومين يمكن انزل في واحد منهم😘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 134
قديم(ـة) 01-02-2018, 07:48 AM
صورة أعجووبهه.. الرمزية
أعجووبهه.. أعجووبهه.. غير متصل
©؛°¨غرامي مشارك¨°؛©
 
الافتراضي رد: رواية قلب خاطفك يابنت ماتفهمينه /بقلمي


اقتباس:
المشاركة الأساسية كتبها noran.16 مشاهدة المشاركة
روووووعه تكفين كملي

وكل عام وسنه وانتي بخير ي قلبي


ياقلبي وانتي بخير ان شاءلله بكملها والشرف لي متابعتكم ولله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 135
قديم(ـة) 13-02-2018, 02:14 AM
صورة أعجووبهه.. الرمزية
أعجووبهه.. أعجووبهه.. غير متصل
©؛°¨غرامي مشارك¨°؛©
 
B10 رد: رواية قلب خاطفك يابنت ماتفهمينه /بقلمي


البارت العشرون(20)

نادر:مين؟؟!!
...:مافيه رد
نادر:طيب طيب
فتح الباب فجأه تقدم ومسكه من رقبته ولفه عليه وحط السكين عند رقبته ويهدد كمال بوه
...:اسمع لا تقرب لا اذبحه ولله
كمال:اركد اركد لك الي تبي
...:اسكت ياخاين انت وياه
نادر:اخخ ل لحظه ووش السالفه
كمال:فكه طيب الولد اختنق خلنا نتفاهم شوي شوي يارجل فكه
...:يوم انكم تفكون راكان ليش هااه وانا دافع لكم مبلغ ياخونه انت وياه
كمال:حرام الي تسويه يانايف ولله حرام حس على دمك الرجال توفى عمه حرام عليك وش الي تبيه منه
نادر:فكني نايف وخر عني
تقدم كمال بسرعه خاطفه ومسك السكين من نايف وطرحها تحت ومسك يده ولفه على ورا وجلس فوقه عشان مايقدر يتحرك
نادر:افف اه اه بغيت امووت ولله
كمال:دق على راكان وسعود عجل
نادر:ابشر ابشر الحين اتصل
دق على سعود ينتظره يرد
********
عند سعود كان جالس بالصاله فجأه نادر يتصل بك...
سعود:هلا نادر
نادر:سعود تعال عجل
سعود:وش بوه
نادر :مسكنا الي عطانا الرشوه في قضيه تزوير راكان تعال انت وراكان
سعود:جاي جاي لا تفكونه انتبهوا
نادر:عجل طيب
سكر سعود الجوال ودق على راكان
********
راكان كان متمدد على سريره رفع جواله وشاف المحزم سعود بتصل...
راكان:هلا سعود
سعود:ابشر به ياراكان لقينا الي دخلك في قضيه التزوير جهز جايك انا وفهد ولله وانا قايل لك مااخليه
راكان :يسعدلي ذا الوجه يلا تعال لي
*********
بعد انتظار وصلت الطياره لسعوديه نزلت من الطياره وكانت مشتاقه لدارها لبلدها بعد غياب 6 سنوات عنها كانت تمشي واتصلت على سواقها يجي ياخذها لبيتها
شادن:الوو نصير
نصير:نعم ماما انا في موقف
شادن:يلا جايه
وصلت للمواقف وشافت سواقها اشرت له بيدها عشان يجي عندها
شادن:خذ الشنطه
نصير:حاضر ماما
(شادن:بنت خالة سعود ابوها تاجر معروف وهو مطلق امها ومتزوج غيرها وعايشه بالبيت لحالها وامها تزوجت وتركتها هي بنت جمييله جدا شعرها قصير لحد كتفها لونه ثلجي وعيونها جميله جدا ولون بشرتها بيضاء وشفايفها ورديه ومزمومه حيل وجسمها جمييل حيل وهي انسانه تدرس بالخارج ورجعت لبلادها على امل ان الناس صارت حنونه عليها وطيبه وتحب الخير)
دخلت بيتها وكان كله غبار ومكتوم
شادن:نصيييييير
نصير:ايوه ماما
شادن:ليه كيذا يانصير بيت وصخ
نصير:ماما انا كلم شركه تنظيف عشان يجي ينظف هذا كله
شادن:طيب يعرف انت رقم سعود
نصير:ايوه ماما رقم قديم مافي يعرف هو شغال ولالا يبغى اشوف
شادن:هات الرقم
نصير:اوكيه 055********
شادن:ok قول شركه يجي سريع
نصير:حاضر ماما
اتصلت شادن على الرقم ويرن ويرن
*********
عند سعود وصل للبيت ودخل عليه
سعود:وينه هااه
نادر:كمال ماسكه هذا هو
راكان:نااااايف لا من جدك نااايف
فهد:تعرفه اجل
راكان:ليش كيذا تسوي في خويك وش سويت لك انا مو حرام عليك
سعود:ماانت بقد الاخوه ولله راكان تصرف انت تبي تفكه ولا لا
راكان:لحظه وش مقصدك من الي سويته فيني قولي بصدق
نايف:كنت طماع في فلوسك وربي ماقصدت شي انا اسف اسف راكان
راكان:حصل خير اذا بغيت قولي مو تسوي كيذا تدخلني السجن ليش
دق جوال سعود وكان رقم
سعود:عن اذنكم/الوو
شادن:الوو سعود
سعود:ايه نعم من معي
شادن:سعود انا شادن بنت خالتك
سعود:هلا ولله شادن رجعتي الحمدلله على السلامه نورت المملكه
شادن:ههههه تسلم ياخوي بنورك
سعود:الليله عشاك عندي ههههههه
شادن:مااخليها بخاطرك هههههههه
(طبعا شادن تعتبر سعود اخوها الكبير لانه من بعد طلاق امها وابوها اهتم فيها سعود وكل مابغت شي راحت له تأمنه على كل شي )
سعود:شدون اكلمك شوي طيب
شادن:اوك ارسل لي اللوكيشن في شركه تنظيف بتجي بروح عند سعاد
سعود:اوكيهه دقايق وعندك باي
شادن:باي
سكرت الجوال ثواني الا اللوكيشن واصل لها عبر الواتس اب ناظرت بوه
شادن:وااااو غير مكانه في حي ال***** يانصير نصييير
نصير:ايوه ماما
شادن:جهز السياره بسرعه
نصير:اوكيه ماما
**********
عند سعاد توها سكرت من ندى فجأه جوالها دق سعود اخوي يتصل بك...
سعاد:هلا سعود
سعود:سعاد سوي قهوه وحطي حلا شادن جات من الخارج وجايتك هي
سعاد:جد ياعمري عليها ابشر حاضر
سعود:كويس ياقلبي يلا
سعاد:هههه اوك جيب ندى قبل شوي اكلمها تقول زهقانه حييل
سعود:بجيبها وبجيب اخوها بعد هه
سعاد:اوك خلني بسوي القهوه اجل
سعود:ياروح اخوك يازينك انتي وقهوتك لها طعم شي يلا باااي
سعاد:لك احلا قهوه كم سعود عندي
سكر الجوال ودق على ندى
ندى:هلا سعود
سعود:حبيبتي اخبارك
ندى:الحمدلله بس امي مصدعه
سعود:افاا وش فيها عمتي هااه
ندى:مدري نايمه هي وجالسه لحالي
سعود:جهزي قلبي وتعالي مع فهد بنت خالتي جات من الخارج لها 6 سنوات برا وبسوي لها عشاء الليله
ندى:حلوو اوكيهه بجهز
سعود:يلا حبي
ندى:اوكيهه باي
سعود:فدا ولله باي
سكر وارسل على فهد بالواتس اب(فهد تعال انت وندى عندي بالبيت بنت خالتي جات من الخارج وعازمك على القهوه عندي طيب)
**********
وصلت للبيت نزلت من السياره وحرك السواق وراح تقدمت ودقت الجرس تنتظر سعاد مشتاقه لها حيل
سعاد:ميين؟!!
شادن:انا شادن
سعاد:هلا شدون الحمدلله ع السلامه
شادن :يسلمك ياقلبي لك وحشه
سعاد:تفضلي ياعمري سعود شوي وجاي مع الطريق حياك ياروحي
شادن:ياقلبي ولله انتي تكفين اصلا
وصل عند البيت وقف سياره ونزل منها اشر لحارس البيت الشخصي
سعود:سامي خذ السياره للموقف
سامي:ابشر طال عمرك
فتح الباب ونادى بصوته المبحوح
سعود:ياسعاد احم
سعاد:هلا ادخل شادن هنا
سعود:ولله اوه شدون اخبارك
شادن:تمام انتي كيفك
سعود:بخير يالله حيها
شادن:تسلم ولله
سعود:صرتي الحين تحكين انقليزي
شادن:يب يب وبطلاقه ههههههههه
سعاد:باخذ دروس عندها هههههههه
دق الجرس فجأه قام سعود يفتحه
سعود:جاي جاي
فتح الباب كانت ندى قعد يناظرها
سعود(بصوت خفيف):اطلق من جاء
ندى:ههههههههه يسلمو
سعود:ادخلي سعاد ياسعاد ندى جات فدووه انا لك بروح لاخوك لا يعصب
ندى:ههههههههههه روح عجل عليه
*********
عند فهد دخل المجلس ومالقى احد
فهد:ولله ان ذي عادته يتأخر
دخل سعود المجلس وشافه جالس
سعود:يالله حيه
فهد:يبقيك الحين يوم اني ادخل وماالقاك وين تروح انت هااسعود:ابد موجود ياعيوني هههههههه
فهد:هههههه تسلم عيونك قهوني يلد
سعود:يبشر بها الشيخ تقهوى ههههه
فهد:احم اسلم يالامير ههههه علومك
سعود:مابه علوم جديده وانت؟؟
فهد:ابدا تيقا تيقا يلد^_^
********
عند البنات كانوا جالسين يسولفون
ندى:ماشاءلله اخوي من الرضاعه عبد السلام يدرس معك في لندن
شادن:اهااا حلوو وش تخصصه
ندى:يدرس تقنيه الحواسيب
شادن:جمييل ولله
ندى:هو طول هناك مره
شادن:اهاا
سعاد:الا شادن شنو تخصصك
شادن:لغه انقليزي
سعاد:اهاا
ندى:يعني معلمه ولا ايش
شادن:عادي معلمه ولا مترجمه
ندى:حلو
سعاد:يب يب يلا الغدا جاهز حياكم
*********
بعد ماخلصوا من الغدا جلسوا
سعود:اسمع ترا الكل معزوم الليله
فهد:مدري من بيجي امي تعبانه
سعود:الي يجي حياه الله عمي كيفه
فهد:ماهو بالي بس ماعليه يلا اجل
سعود:بتروح
فهد:يب بريح شوي اشوفك باي
سعود:هلا ومرحبا
دخل عند سعاد وشادن كانوا يدردشون ويضحكون ومستانسين
سعود:دووم هالضحكات يارب
شادن:سعوود ماقلت لي انك خطبت
سعود:هههههههههخطيبتي الي كانت معكم ليش ماقالت لك مخطوبتي
شادن:الا عرفت انها هي تعال تعال اجلس وقول لي كيف تعرفت عليها
سعود:ابد اخت خويي شفتها صدفه وحبيتها وتقدمت لها
شادن:حلوه هي ولله ههههههههه
سعود:اكيد هههههههههه سعاد
سعاد:عيوني
سعود:عطيني مويه بالله
سعاد:ابشر
سعود:شادن شفتي عمي ولالا
شادن:اتواصل مع بنته انا
سعود:اهاا اعزميها على العشاء الليله
شادن:ابشر ههههههه
جلسوا يسولفون وكل واحد راح لبيته عشان يرتاح عشان العشاء
**********
كان نازل من الدرج طالع التفت عليه
فيصل:عزوز وين رايح
عبدالعزيز:بطلع مع رائد تبي شي
فيصل:سلامتك انتبه لروحك
عبدالعزيز:ابشر
طلع وكان رائد وعماد ينتظرونه
عبدالعزيز:سلام
عماد ورائد:هلا ولله
عماد:اممم شباب وش رايكم نروح للبيت باخذ محفظتي نسيتها
عبدالعزيز:طيب
توجهوا لبيت ابو جهاد نزل عماد من السياره ودخل البيت فجأه لمح عبدالعزيز وحده عند الزهور تسقيها
عبدالعزيز:ريود لحظه بنزل اشم هوا لين يرجع عماد اوكيه
رائد:طيب لا تتاخر
نزل وتوجه لها عرفها على طول هي الانسانه الي دخلت قلبه قرب منها
عبدالعزيز:جمااانه
جمانه:يمهه من انت هااه
عبدالعزيز:انا ولد عمك عبدالعزيز
جمانه:هاا انت روح لا يشوفك اخوي وبعدين وش تبي اصلا هاااه
عبدالعزيز:ابدا بغيت شوفتك بس يلا اخوك جااء عن اذنك
راح عبدالعزيز وقعدت تناظر بوه جمانه وتقول بخاطرها(يبي شوفتي جعلني ماانحرم من شوفته هههههه)
*********
في الساعه 6:30 المغرب عند ندى
ندى:وشو يمهه ايه شوي وبخلص ليه ماانتي بجايه هااه تحسين بشي يمه
ام حمد:لا يايمه بس مصدعه شوي روحي انتي استانسي مع البنات
ندى:طيب اذا احتجتي شي الخادمه موجوده لا تتحركين ولاتسوين شيء
ام حمد:طيب يابنيتي
فهد:يلا ندوو عجلي تاخرنا ياابنت
ندى:جيت جيت اف حتى عباتي مالبستها زين وش بك مستعجل
فهد:ههههههههههه اخلصي يلا
**********
راكان:كاااادي يادين الله ساعتين وش ذا يابنت تراه عشاء عادي
كادي:جيت امي وين هااه
راكان:راحت لابوها عندهم حفل اخلصي
ابو راكان:تاخرنا امشوا
كادي :يلا يلا جايه
***********
عند ابو جهاد كانوا يجهزون
جهاد:خلاص يبه انا وجمال ناخذ جميله وجمانه معنا روح انت وامي
ابو جهاد:طيب لا تتاخرون سمعت
جهاد:ابشر جمال روح شفهم يلد
جمال:اوكيهه
طلع جمال عند جميله وجمانه
جمال:جوجو باقي ماخلتوا
جميله:الا خلاص مابقى شي يلا
جمال:بسم الله عليكم يحفظكم ربي
جميله:انت الزين ولله ههههههههه
جمانه:يلا يلا انتي وياه ههههههه
************
عند فيصل وعبدالعزيز وليليان
فيصل:ليه يمه ماتبين تروحين
ام فيصل:تعبانه شوي روحوا لا تتاخرون عليهم يمديهم مجتمعين
فيصل:طيب يلا امشوا هياا
عبدالعزيز:يلا انتبهي لنفسك يمه
ليليان:مامي دقي علي شوي طيب
ام فيصل:طيب الله يحفظكم
***********
في بيت سعود كانت تستقبل ضيوفها
سعاد:يالله حيهم يارب تفضلوا
كادي:تسلمين ياعمري
سعاد:تفضلي من هنا
دخلت كادي الصاله شافت ندى وشادن جالسين يسولفون مع بعض
ندى:هلا كادي
كادي:اهلين ندوي سلام
شادن:وعليكم السلام
سعاد:كادي هاذي بنت خالتي شادن
كادي:تشرفنا ولله
شادن:الشرف لي
سعاد:هاذي كادي ياشادن بنت اخو ندى وهي البنت الوحيده له
شادن:اهلين عاشت الاسامي ولله
كادي:تعيشين ياروحي
بعد ساعه من السوالف وصلوا كل البنات وتعرفوا على شادن وتعرفت هي عليهم وحبتهم حست ان عندها عائله الحين مو زي قبل كانوا الناس يناظرونها نظره الشفقه لان ابوها وامها متفرقين ولا يهتمون فيها
********
عند سعود والشباب داخلين جو بالسالفه (يقال بيحلونها هههههههه)
سعود:طيب اسمع خله ماعليك منه
راكان:رائد لا تتدخل بالمشاكل تكفى
ابو راكان:عادي واثق بوه يطلع منها زي الريشه ريود واعرفه زين ولدي
رائد:ولله مااوفره قليل ادب هو
فيصل:خذ حقك بس بالطيب افضل
عبدالعزيز:الهواش ماينفع ريود ولله
فهد:مسوي فيها قوي اركد بس
سعود:هههههههههه اقلطوا ع العشاء
ابو راكان:قمنا يلا تعشوا
************
عند البنات كانت تكلم سعاد بالجوال
سعاد:ليه طيف ماانتي جايه
طيف:بتأخر عندي شغل ولله بجيك بس بعد مايروحون الضيوف اوكيهه
سعاد:طيب يلا عن اذنك
طيف:هلا وغلا
تعريف بطيف(طيف:بنت عم سعود وتشتغل مصوره بنت يتيمه اب وامها تزوجت وزوجها رافض يربيها فقررت تشتغل عشان تكون نفسها طيف بنت جميله جدا جدا بشرتها بيضاء وناعمه وشعرها طويل لحد اردافها لونه اسود على موفي عيونها وساع رموشها كثيفه جسمها مخصر حيل وهي سنفوره هههههههه)
نرجع لروايه
سعاد:تفضلوا على العشاء
البنات:تسلمين
***********
عند حسن ومرام كانوا جالسين بالصاله يشربون كوفي ويسولفون
حسن:مروومتي
مرام:عيونها قلبها امر
حسن:لا خلاص كيذا بمووت انا
مرام:بسم الله عليك لا تقول كيذا
حسن:وش رايك طيب ادخل في زواج نواف معه وارقص عندكم هااه
مرام:عشان ازعل وش تبي بالحريم
حسن:مابيهم انا برقص عندك
مرام:لا لا تدخل معه ولا شي
حسن:طيب طيب ههههههه
مرام:تضحك بعد!!
حسن:هههههههه غيرتك تضحكني
مرام:ههههههههه
********
عند الحريم في العزيمه كانوا ماشين
كادي:يلا اشوفك باي
جميله:يلا حنا كمان باي
ليليان:انا بروح بعد امي لحالها
سعاد:اوك باي انتبهوا لنفسكم
ندى:انا بسهر معك
شادن:يلا نخليها سهره هههههه
سعاد:طيف بنت خالتي بتجي
ندى:حياها
شادن:لها وحشه
سعاد:ايوه مره
دق جوال سعاد طيف يتصل بك.....
سعاد:الوو طيوف
طيف:هلا سعاد انا عند الباب
سعاد:اوكيهه الحين جايه
***********
عند سعود وفهد كانوا يسولفون
فهد:سعود تعال نتمشى برا
سعود:دندن قدام يلا
طلعوا فهد وسعود برا يمشون وكانت طيف دوبها وصلت عند الباب فجأه شاف اربعه شباب يركضون ناظرتهم بخوف وكان فهد وسعود معطينهم ظهرهم فتحت الباب سعاد فجأه لقيت طيف تصرخ بكل قوتها
طيف:سعوووووووووود انتبهوا يااااااااا سعووووووود ياويلي
راحت تركض بااتجاههم وماهمها وش يصير فجأه سعاد قامت تركض وراها مفجوعه على سعود وفهد
تعريف بشخصيه طيف(طيف:بنت حبوبه وشجاعه وقويه يتيمة الاب عاشت هي وامها العجوز تعتني بها جسمها مخصر وقصيره وشعرها طويل لحد اردافها عيونها وساع لون بشرتها بيضاء وهي تشتغل منتجه اعلانات ودعايات وعندنها دروس الدفاع عن النفس )نرجع لروايه
كانت تركض بسرعه وطلعت ندى وشادن على صراخ طيف وسعاد وكانوا خايفين يصير لهم شي عند سعود سمع صراخ طيف له التفت فجأه شافها تركض لمه وسحبته وراها اما عند فهد كان واقف مصدوم تقدم اثنين من الرجال لسعود لكن كانت طيف لهم بالمرصاد استخدمت قوة الدفاع عن النفس اما عند فهد كانوا اثنين يتقدمون بااتجاهه ومعهم سكين رفع الشاب السكين موجهها لفهد فجأه نطت سعاد وطرحته على الارض وتقدم لهم سعود وقعد يضربهم لين انحاشوا وكان فهد طايح على الارض هو وسعاد كانت تتالم شوي
سعاد:انت بخير فيك شي
فهد:اخخ لا الحمدلله
سعود:اسلم يارجل وش السالفه
طيف:الكل بخير
سعود:انشهد انك محزم ياطيف تيقا
طيف:ابد لا توصي حريص
فهد:شكرا ياسعاد
سعاد:لا ولاشي العفوو
ندى:اه اه الكل بخير وش السالفه
شادن:بسم الله من ذولا
طيف:اتوقع انهم اعداء لكم او سطو
سعود:ماعليه الحمدلله بس درسناهم وعلمناهم انا وطيف ابن امه يجي
طيف:ههههههههههه انتبه بس ههههه
كان قاعد يناظرها وهي تناظره فجأه تكلم بصوت خافت مايسمعه الا هي
فهد:يعطيك العافيه سعاد
سعاد:يعافيك هههههه











التوقعات:
1-فهد وسعاد بينهم شي ولالا؟؟!!
2-سعود وندى وش يصير معهم؟؟!!
3-فيصل وش بيكون مصيره؟؟!!
4-طيف وشادن وش قصتهم؟؟!!




كل هذا بتعرفونه في البارت 21 انتظروني في البارت الجاي معكم انا
(آعجووبهه..)
في امان الله ورعايته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 136
قديم(ـة) 28-02-2018, 09:12 PM
صورة رو سلماااان ح الرمزية
رو سلماااان ح رو سلماااان ح غير متصل
©؛°¨غرامي جديد¨°؛©
 
الافتراضي رد: رواية قلب خاطفك يابنت ماتفهمينه /بقلمي


السلام عليكم روايتك جنان واستنى البارت على نار



متى اوقات التنزيل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 137
قديم(ـة) 10-04-2018, 02:03 AM
صورة أعجووبهه.. الرمزية
أعجووبهه.. أعجووبهه.. غير متصل
©؛°¨غرامي مشارك¨°؛©
 
01302798240 رد: رواية قلب خاطفك يابنت ماتفهمينه /بقلمي


البارت الواحد والعشرون(21)

كانوا جالسين بالصاله يسولفون
سعود:اقسم ماانتبهت اعوذ بالله
طيف:المفروض تكون منتبه انت عندك اعداء اي احد يحسدك كيذا
سعود:اعدائي واجد ههههه فهد وش بوه يلد وين وصلت هااه ههههههه
فهد:مصدوم اصبر اول مره يعتدى علي ياشيخ مااعرفهم ولا يعرفوني
ندى:خلاص الحمدلله على كل حال
فهد:يسلم لي راسك ويخلي اختك لك ياشيخ انقذتني ولله ههه شكرا
سعاد:هه العفوو ولو ماسويت شي
سعود:طالعه علي يارجل انا لو طيف مااقبلت علي كان مت هههههههه
ندى:بسم الله عليك لا تقول كيذا
سعود:يمهه فدووه انا وربي هههههه
فهد:يلا ندو هيا
سعود:وين وين اجلس بعد
فهد:لا ولله بروح احس اني تعبان
سعود:فهود اجلس يلد نبي نسولف
فجأه طاح فهد من طوله قدامهم مغمي عليه قاموا بسرعه تجاهه
سعود:فهد ف فهد ولد
ندى:يمهه فهد بسم الله فهد
سعاد:بسم الله عليه فهد
طيف :سريع نوديه للمستشفى
سعود:حرارته مرتفعه وحده تفتح السياره بسررررعهه
شاله سعود على كتفه ودخله بالسياره كانت ندى ورا وسعاد قدام اما طيف قالت انها بترجع لبيتها
طيف:طمنوني لا تنسون
سعاد:طيب حرك سعود
ندى:يمهه ياسعود حار مره ليش يعرق فهد فهووود
سعود:عشان الحراره مرتفعه
**********
عند فيصل كان جالس مع اخوه
فيصل:عزوز انا بطلع امشي شوي وبرجع طيب
عبدالعزيز:طيب
طلع فيصل يمشي على رجله بالشارع فجأه شافها تلم اغراضها الي طاحت من شنطتها تقدم لها بخطواته عشان يساعدها تكلم
فيصل:اءء لوسمحتي اساعدك
طيف:اه لا عادي خلاص لميتها شكرا
فيصل:هه العفوو
طيف:لو سمحت في هنا تاكسي
فيصل:في الشارع الثاني مو هنا
طيف:ياربي وش اسوي اجل
فيصل:اوصلك عادي ترا
طيف:لا مايحتاج تكلف على عمرك
فيصل:لا ولله عادي لاتكلفه ولا شي
طيف:تسلم ولله
فيصل:وجهتك وين؟؟!!
طيف:حي*****
فيصل:ابشري
طيف:تبشر بالجنه
فيصل:بس وش جابك هنا هههههه
طيف:ازور ولد خالتي واخته
فيصل:اهاا بس من هو عادي اعرف
طيف:يب اسمه سعود ال*******
فيصل:اهاا اما ولد خالتك
طيف:تعرفه؟!!!
فيصل:ايوهه هذا خوي عمي فهد
طيف:فهد عمك من جدك
فيصل:اي ولله ليش
طيف:اسفه بس اغمي عليه عند سعود فجأه حرارته مرتفعه مرره
فيصل:ايييش وينهم هاااه
طيف:بالمستشفى ال ********
فيصل:اوك هذا بيتك
طيف:يب يب شكرا
فيصل:العفو
دز فيصل بااسرع مايمكن وهو باله مشغول على عمه فهد خايف حيل
*************
عند ندى بالمستشفى يتطمنون على فهد دق جوال ندى وكان (فيصل يتصل بك ....)
ندى:الوو فصول
فيصل:ندى فهد وينكم انتم
ندى:بالمستشفى ليه
فيصل:داري في اي غرفه
ندى:هااه بغرفه رقم 207 VIP
فيصل:جايكم انا بطلع الحين باي
ندى:باي/فيصل جاي بس وش عرفه
سعود:مدري يمكن وصله الخبر
سعاد كانت جالسه وتناظر في فهد كان مستلقي على السرير وفيه مغذي لازم ساعتين ينوم للأطمئنان
بعد نص ساعه وصل فيصل لهم فتح الباب وكان تعبان من الركض بسرعه
فيصل:اه اه اه فهد فهد وش بوه هاه
سعود:تطمن ارتفاع حراره عنده
فيصل:بسم الله عليه خوفني ولله
ندى:انت وش دراك فيصل هممم
فيصل:في وحده تقرب لسعود اسمها طيف كنت اوصلها للبيت وعلمتني
سعود:طيف ذي المهبوله هههههههه
فيصل(اي مهبوله الا جميله اخ بس):ههههههه ليه مهبوله وش بها
ندى:تخيل دافعت عن سعود وفهد قامت صفق في ذاك وذاك ماوفرتهم
فيصل:كفوو ولله ينشد بها الظهر
سعود:هي متعلمه الكارتيه والدفاع عن النفس بالخارج هههههههههههه
فيصل وندى:هههههههههههههه
سعاد:قام فهد صحى
سعود:فهد فهود
فيصل:فهوود صحييت
ندى:بسم الله عليك فهد
فهد توه مفتح عيونه وشافها قباله جالسه وناظر جنبه شاف اخوها جنبه وابتسم لهم ابتسامه تعب
فهد:الحمد لله الحمدلله الحمدلله
سعود:ياحيي الحمدلله يابعدي
فيصل:دقايق انادي الممرضه تشوفه
طلع فيصل ينادي الممرضه يتطمن
سعاد:حرارته مرتفعه سعود
سعود:لحظه يوه فهود وش بك
فهد:ههههه مافيني شي لا تخافين
سعود:انا سعود الولد مهلوس هااه
ندى:يمه قلبي فهود
فهد:ههه سعاد ههه لا تخافين
سعود:بسم الله شكله يحبك هههههه
سعاد:وقتك تطقطق سعود وش بوه
دخل فيصل ومعه الدكتور يتطمن
سعود:يادكتور الولد مهلوس والحراره مرتفعه تكفى طمني عليه
الدكتور:اكيد يهلوس حرارته عاليه بس انتم خلوه يرتاح ساعتين بنعطيه مخدر عشان يرتاح شوي
راحوا بيطلعون رفع يده ومسكها
فهد:هه انتم رحوا بس سعاد لا ههه
سعود:ياوجه الله هههههه علمني انك تحب اوخيتي طيب ههههههههههههه
سعاد:سعود عادي اجلس هااه
سعود:ندو الظاهر في شي مانعرفه
ندى:امممم ههههه عادي خلها تجلس
سعود:اوكيه
فهد:خلاص انت وياها وياها روحوا خلوا سعاد تجلس بنام انا
ودخل في نومه عميقه عساها تنزل
سعود:اووف يطرد بعد حتى وهو مهلوس هههههههههههه
فيصل:عقله طاير لا تشرهه عليه ههه
ندى:خلاص خلوه يرتاح يلا امشوا
سعود:سوسو اذا بغيتي شي الكفتيريا تحت اوك
سعاد:طيب
سعود:باي ياعيني
سعاد:باي
ندى:طمنيني عليه باي
سعاد:اوك ان شاءلله بحفظ الله
*************
عند طيف كانت جالسه بالصاله وتفكر بوه من يوم وصلها وبالها معه
طيف:ياربي هو من يقرب لسعود بس من هو اووف عقلي طاار ياربي
دقت طيف على سعود عشان تتطمن
طيف:الو سعود
سعود:هلا طيف
طيف:كيف فهد؟؟!
سعود :بخير بس حرارته عاليه
طيف:اهاا سلامته بسألك سعود
سعود:همم وشو؟؟!
طيف :قابلت واحد اسمه فيصل يقول يعرفك انصدمت من هو تعرفه
سعود:ياخذ بليسك جنبي هو الحين
طيف:هاااه مع مع السلامه هااه
سعود:اصبري الو الوووو
طيف:يمه قلبي ياويلي فضيحه انا
**********
عند سعود سكر الجوال ومات ضحك
فيصل:وش بك هههههههههههه
سعود:اخ بس انت قابلت طيف هههه
فيصل:ايهه قابلت وحده اسمها طيف تقول تقرب لك هي وش بوه
سعود:تسألني عنك يوم قلت لها انك جنبي توترت وقفلت جوالهاا هههههههههه مهبوله وربي ههههههههه
فيصل:هههههههههههه يازينها ههههه
سعود:احم وشو يازينها هااا ههههههه
ندى:طاح في غرامها الظاهر هههههه
فيصل:هااه اقول اص بس ولله
سعود:بشغل لك اغنيه رومانسيه
ندى:احبك يالغاليه احبك ياكل ناسي
سعود:عاااشواا ههههههههههههههه
فيصل:سماجه ولله غير الموضوع
ندى:ههههههههههههه عادي قول ترا
سعود(وهو يدقه):قول تحبها همم
فيصل:اسكت خلاص
سعود:ولله ههههه
ندى:عادي نساعد ترا صح سعودي
سعود:ابك صحين بعد ياابووووي
فيصل:وقف وقف بس ههههههههه
سعود:ههههههه يلا بحفظ الله
فيصل:فمان الله
نزل فيصل وركبت ندى قداام
سعود:نبي نتعشى ياروحي هااه
ندى:اوكيهه بقول لامي
سعود:اوكيهه الى المطعم هههههههه
ندى:ههههههه هيا ياحبيبي ههههههه
سعود:اقسم ادعس 200 ترا ههههه
ندى:وي ههههههه شوي شوي ههههه
سعود:سعودي وحبيبي وش ابي بعد هااه يالبى بس ههههههههههه احبك
ندى:امووت بك ههههههههههه
***********
عند سعاد كانت تناظر بوه وخايفه
سعاد:بسم الله الذي لايضر مع اسمه شي في ولا في السماء هو السميع العليم بسم الله عليك فهد بسم الله
فتح عيونه وشافها وابتسم لها حيل
فهد:س سعاد انتي هنا
سعاد:ايوه ياعين سعاد
فهد:سعاد انا ياسعاد
سعاد:شنو فهد هممم
فهد:محتاجك انا ابيك انا معجب فيك انا احبك احبك ياسعاد
سعاد:ياعمري ارتاح يافهد
فهد:راحتي انتي ولله انتي
تمت تناظر فيه لين غفت عيونه وتناظر بوه تتأمل ملامحه الجميله حواجبه المرسومه خلقه وعيونه الوساع ورموشه الكثيفه والحاده وانفه الحاد وشفاه الرائعه ولونه الذي مائل على البياض تقدمت له شوي وطبعت بوسه على خده ونامت على الكرسي ممسكه بيده
**********
وقف عند البيت ونزل فتح لها الباب ونزلت جلس يناظر بها وهو يبتسم لها تقدم ومسك يدها بحنيه كثيره
سعود:ندو ياقلبي انتبهي لروحك
ندى:هه ان شاءلله وانت بعد روحي
سعود:يلا حبي فمان الله
ندى:الله يحفظك ياعمري
ركب سيارته وتوجه للفله فتح له سامي الباب ونزل ودخل بيته توجه لغرفته كان تعبان مره نزل شماغه وطاح ع السرير وثوبه عليه من التعب يبي ينام بس غفت عيونه ونام بعد تعب طوويل وارهاق له
************
فتحت باب البيت ودخلت مايمديها تسكر الباب الا كادي نطت عندها
كادي:ندوووووي Happy Birthday ياعمري انتي
ندى:خوفتيني شوي شوي ههههههههه ياقلبي وانتي اسعد بعد
كادي:جدي يقول بنسوي لك حفله بس يطلع فهووود حفله كبيره ههههه
ندى:ياروحي انتي اوكيه نسويها ليه لا يلا تعالي بننام ولله تعباااانه حدي
***********
في صباح يوم جديد الساعه7:36 فتح عيونه شاف يدها متمسكه بيده قعد يناظر فيها ويتأمل ملامحها اقترب منها شوي فجأه فتحت عيونها خاف وبسرعه رجع من قوة رجعته لورا طاح من السرير قامت
سعاد:بسم الله فهد جاك شي
فهد:اخخ ظهري هااه لالا مابوه شي
حطت يدها على جبينه تتطمن عليه
سعاد:خفت حرارتك فهد
فهد:هااه اي اي خفت الحمدلله
سعاد:افطرت ولالا همممم
فهد(ولله افطر مرتين عشانك):لا
سعاد:اوك بطلب فطور من الكفتيريا
فهد:ههه اوكيه
*********
عند فيصل وعائلته كانوا يفطرون
فيصل:الحمدلله انا بروح لشركه تأمرين على شي يمه
ام فيصل:سلامتك ياروح امك
فيصل:فمان الله
ام فيصل:هلا يايمه
عبد العزيز:انا بعد طالع يمه تبين شي
ام فيصل:انتبه لروحك طيب
عبدالعزيز:اوكيهه
ليليان:عزوز بالله جيب لي العطر اوك
عبدالعزيز:اوكيه مع السلامه
ام فيصل وليليان:بحفظ الله
طلع فيصل وركب سيارته متوجه لشركه وقف عند الاشاره شاف وحده تقطع الطريق كأنه يعرفها فجأه شاف سياره مسرعه متوجه لها نزل
فيصل:طيييييف
طيف:اوه فيصل اهلا
ناظرت وراها الا سياره قربت منها تقدم فيصل يركض بسرعه ويصرخ
فيصل:لااااااااا طييييف لاااااااااا
بسرعه طمر ومسكها وسحبها معه تعدت السياره المسرعه ولا وقفت
فيصل:انتي بخير هااه
طيف:اه اه الحمدلله يارب
كان يمسح على راسها من الخوف عليها ويمسك يدها يشوف فيها شي
طيف:فيصل انا تمام الحمدلله بخير
فيصل:اوه الحمدلله الحمدلله
قام وساعدها وشال اغراضها
فيصل:خليني اوصلك طيف
طيف:لا مايحتاج قريب بيت سعود
فيصل:لا مو قريب بعيد تعالي اركبي
ركبت طيف وكان واضح الخوف في عيونها (ماالومها شافت الموت ههه)
*********
عند سعود كان يكلم ندى بالجوال
سعود:ايوه لا مو مطول الحين البس شماغي واجيك اوكيهه
ندى:اوكيهه
سعود:جعلني فداا
ندى:افداك باي
سعود:باي
عدل شماغه واخذ مفاتيحه وبوكه وطلع متوجه لسيارته حرك السياره بااتجاه فله ندى كل همه مايتاخر وصل نزل من السياره شافها واقفه ومعطيته ظهرها تنتظره يتصل
ندى:يالله وينه مايتصل
فجأه حضنها من خلف وكان يبتسم
سعود:انا هنا هههههههههه
ندى:وه خوفتني هههههههه
سعود:بسم الله عليك يلا هيا هههههه
ندى:هيا لا نتاخر على فهوود ههههه
***********
عند فهد كان يناظر فيها له ساعتين
سعاد:بغيت شي فهد
فهد:لحظه جد انا قلت ذا الكلام
سعاد:يب ورفضت اني اروح
فهد(يالله ياربي اني في وجهك): لساني ذا يبي له تأديب يالله يارب
سعاد:اصلا عادي انا اقبل بحبك
فهد(ياويل قلبي):هااااه تقبلين بحبي











التوقعات:
1-هل بيصير شي بين فهد وسعاد؟!!
2-فيصل وطيف ياترى وش بينهم؟!!
3-سعود وندى وحفلتها وش تتوقعون بيصير شي ولالا؟؟!!!!






















سامحوني على التقصير انتظروني بالبارت 22 احبكم يامتابعيني معكم
(آعجووبهه...😻💫)فمان الله


الرد باقتباس
إضافة رد
الإشارات المرجعية

رواية قلب خاطفك يابنت ماتفهمينه /بقلمي

الوسوم
ماتفهمينه , آعجووبهه , المحاسن , العتيبي , الكاتبتين , بقلم , خآطفك , يابنت , رواية/قلب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية ماكنت اتوقع أني أحبها /بقلمي Remoz أرشيف الروايات المغلقة - لعدم إكتمالها 94 19-09-2016 06:21 AM
رواية طيات الحاضر والماضي /بقلمي امبراطورة الانمي روايات - طويلة 14 09-03-2015 10:50 PM
رواية في هالدنيا عابرين /بقلمي ماضي جميل روايات - طويلة 2 09-03-2015 02:20 PM
رواية بوسط عذابي ناديتك /بقلمي سحر الروايات روايات - طويلة 4 10-02-2015 12:13 AM
رواية انت دافئ /بقلمي hajer 195 روايات - طويلة 3 15-01-2015 11:40 PM

الساعة الآن +3: 02:46 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1