منتديات غرام روايات غرام أرشيف الروايات المغلقة - لعدم إكتمالها مليح الوجه لو يخطي ؟ تمنينا الخطا ينعاد / بقلمي
على الله باقي العُمر. ©؛°¨غرامي جديد¨°؛©

مليح الوجه لو يخطي ؟ تمنينا الخطا ينعاد

سأضع بين ايديكم زهرتي الأولى..
اتمنى أن تنال اعاجبكم
مني العطاء ومنكم الدعم â‌¤ï¸ڈ
-
في مدينة الرياض تحديداً في احد الاحياء الراقيه اللي تمليها القصور والفخامه والترف
ولكل بيت له قصه والبيوت اسرار واحد من هالبيوت يعيشون فيه ناس من الطبقه المُخمليه
ناس كل طلباتها اوامر وناس كلمة " طال عمرك " انولدت معهم ..
اولاً اعرفكم بالشخصيات
الجد -ابو علي-
: أحمد .. رجُل بمعنى الكلمه بالرغم من كبر سنه وقلة استطاعته الا انه قدر يفرض شخصيته اللي تتميز بالقوه والصرامه والصمود ، يملك شركه عقاريه كبيره وناجحه وهالشركه لها اسم عريق .. عُمره ما يقارب ال75 سنه
الجده : -ام علي-
: عفاف .. حرمه تاخذ من صفات الحريم الزينه الطيبه والسماحه والحنان هي الثانيه تتميز بقوة شخصيتها بس مو اقوى من زوجها تحب بيتها وعيالها واحفادها .. عُمرها تقريباً 68 سنه

الابناء
ابو سلمان -علي - عُمره 50الابن الاكبر لأهله ياخذ من صفات ابوه وصفاته كأي رجُل بعيداً عن الانانيه والصفات الشينه يشتغل بشركة ابوه وهو ماسكها حالياً
ام سلمان -فوزيه- عُمرها 45 حنونه لأبعد حد وبرضو تاخذ صفات اي ام â‌¤ï¸ڈ


سلمان : الابن الاكبر 28 سنه عنده عيادة ويشتغل فيها ووضعه تمام ، ومن ناحية الجمال الملح طاغي عليه .. كل بنات العايله يحبونه لانه يعطيهم وجه وحنون عليهم ويعتبرهم خواته

خالد : 25 سنه يشتغل في المطار ، جماله جمال عربي اصيل العيون الوسيعه والخشم الواقف والفم الصغير ، ياخذ من اخوه سلمان بس سلمان املح .. عيبه الوحيده عصبيته الزايده

ايثار : 17 سنه ثاني ثانوي علمي بنت مملوحه تشبه اخوانها ابتسامتها احسن شي فيها وغمازاتها محليتها اكثر ، لطيفه وحبوبه وتنحب

انتهيناâ‌¤ï¸ڈ

ابو مشعل -عبدالحكيم- 48 سنه يشتغل مع اخوه علي
ام مشعل -اماني- 46 سنه مديرة مدرسه ولها هيبه ��â‌¤ï¸ڈ

مشعل : 26 هو وعيال عمه مره علاقتهم قويه وكأنهم اخوان يشتغل بالشركة حقت ابوه واعمامه ، بالنسه للجمال لا شك انه جميل


جُمان : 21 طالبة طب مُخ واعصاب انسانه اهم شي عندها بالحياه دراستها وتنحب بعد جميله وتشبه مارلين مونرو شوي

حور : 17 سنه مع ايثار علاقتهم قويه مع بعض وهي وايثار من النوع اللي ما عندهم صحبات كثير فمكتفين فبعض


رويدا : 16 سنه بنت مدلعه مره ومحد يدري عن اللي تسويه من الاخر مسحوب عليها


ابو هديل -محمد- 47 سنه يشتغل مع اخوانه بس شوي متشدد واهم شي عنده الفلوس
ام هديل -ساميه- 45 سنه نفس طبع الزوج واخس منه وتغار مره من اي احد احسن منها

هديل : 21 سنه تدرس تخصص انقليزي انسانه حالها بحال نفسها ودايم تتهاوش مع امها على اتفهه الاسباب واسخفها وهذا الشي مضايقها مره

سميحه : 18 سنه اخر سنه ثانوي وادبي فيه لعانه شوي بس بنفس الوقت طيوبه

ديم و راويه : 16 سنه يكرهون رويدا ومحد عارف ليش وكله يحارشونها ويتهاوشون
شبه بعض بكل شي بالتصرفات والملامح ويفرقون بينهم عن طريق شعورهم ديم لكتوفها و راويه لنص ظهرها

ابو فيصل - مداح - 46 هذا ابوه متبري منه لانه تزوج اجنبيه وعصا امره ومن فتره وهو مسافر برا ومحد يدري عنه شي
ام فيصل او نقول كايدينا برازلية الاصل 45 تحب زوجها مره مره وعيالها

فيصل : 24 سنه وسيم وسيم لأبعد حد ماخذ العيون الفاتحه من امه والبشره السمرا الرجوليه من ابوه ، من اول يبي يعرف شي عن اعمامه بس ابوه مو معطيه فرصه اخر سنه جامعه تخصص هندسه معماريه

كادي : 21 سنه مو اجمل من فيصل بس يجي منها وحلوه ودلوعه مره

اروى : 19 مملوحه بقوه وعيونها الفاتحه تجذب لها الواحد غصب عنيده واللي براسها تسويه

رند : 17 سنه ثاني ثانوي وحلوه بقوه بقوه بقوه احلاهم.
ام سيف - حنان - اختهم الوحيده 45 زوجها متوفي وعندها ولدين هم اهم شي بحياتها
سيف : 22 سنه عاطل وجالس بالبيت ومطفشته امه مره بس يحبها

رواف : 21 سنه بجامعة سلطان تخصص ادارة اعمال ..

اذا شفت تفاعل نزلت البارت الاول بُكره â‌¤ï¸ڈ!
ملاحضه ؛
نظام التنزيل مافيه يوم مُحدد على حسب التفاعل.

ســمآ ©؛°¨غرامي متألق ¨°؛©

بدايه موفقه

ننتظر البارت الاول :)


على الله باقي العُمر. ©؛°¨غرامي جديد¨°؛©

البارت الاول
~


بيت ابو هديل
الساعه 3 العصر كانو متجمعين بدون الاب بالشغل وما ينشاف كثير وهذا طبيعة هالبيت
ام هديل ؛ سميحه قومي صبيلي قهوه
قامت سميحه وصبت ببرود وعلى دخلت هديل راجعه من الجامعه
ام هديل بنفاخ ؛ وينك للحين؟
هديل تأففت ؛ انا لله
ام هديل ؛ لما اكلمك لا تتأففين فاهمه بعدين انا امك يا قليلة الحياء هذا اسلوب تكلميني فيه؟
هديل بنظرة طفش ؛ شتبين الحين انتي؟ والله حاله على الطلعه والدخله وينك فيه وينك فيه اظن انها حياتي وبكيفي ومحد يتحكم فيها تفهمين؟ -عطتها ظهرها وطلعت غرفتها-
ام هديل بصياح ؛ والله لأعيد تربيتك يا هديلوه هين -التفتت لبناتها وبعصبيه- كل وحده لغرفتها يالله
كلهم قامو بخوف من صياح الام المُفجع
سميحه طلعت غرفة هديل طقت الباب
هديل بصراخ ؛ مييييين ؟؟؟؟
سميحه اخترشت ؛ انا سميحه افتحي
هديل تنهدت وفتحت الباب وطلة براسها ؛ خير؟
سميحه ؛ بكلمك بموضوع مُهم
فتحت هديل الباب كله وعطتها ظهرها ومُتجهه لسريرها ؛ ادخلي وسكري الباب وراك وبالمفتاح
سميحه سوت اللي تبي وراحت قدامها وبنبره غريبه ؛ الى متى؟
هديل ؛ ......
~
بيت ابو سلمان
سلمان دخل البيت بعد يوم مُتعب بشغله ، وهذا المعروف اي احد يدخل الطب عموماً ينكرف لين يبلع العافيه وامها يعني كارهه نفسه
دخل البيت وما لقى احد استغرب الهدوء اللي مسيطر على البيت مشا لين المطبخ الجوع ذابحه ما لقى حتى الخدم
سلمان بنفسه ؛ غريبه وينهم ؟ بالعاده البيت زلزال
تأفف وطلع رايح غرفته ودخل ورما اغراضه وبدل ملابسه واستغل الهدوء ودخل بنومه عميقه من بعد تعب يهلك
بمكان ثاني بنفس البيت غرفة -ايثار-
ايثار تكلم حور
ا ؛ اسمعي خل نكلمه ونقول له يجي التحليه نقابله بمطعم ولا كوفي
ح ؛ مجنونه ايثار؟؟؟؟ والله لو احد كشفنا لنروح فيها بعدين الولد تونا ما كملنا يومين عارفينه
ا ؛ عادي خل نفلها
ح ؛ اوكي نفلها بالطقطقه بالجوال مو نقابله وجهاً لوجه
ا ؛ اف مُعقده حور عادي ترا مكان عام ولامن شاف ولامن درا
ح ؛ ايثار اسكتي عني تبين تروحين طسي لحالك اما انا مب بايعه نفسي اروح اقابله وبعدين الولد واضح لعاب شتبين فيه
ا ؛ طقطقه
ح ؛ والله محد بيودك بستين داهيه الا هالطقطقه
ا ؛ اسكتي بس
وقفلت بوجها ورمت جوالها بطفش وراحت للمرايه تشوف نفسها وتفكر - ليش انا حياتي فاضيه ؟ وما احس عندي هدف اسويه بالحياه غير اللعب والطقطقه بس مب ايدي من الفراع اللي بحياتي- تأففت وراحت لفراشها على الاساس تتمدد والنوم غلبها...
~

بمدينه ثانيه - دبي -
ابو فيصل بعصبيه ؛ كم مره نعيد ونكرر بهالموضوع ؟ خلاص انتهينا وقلت كلمه لا يعني لا
فيصل ؛ يُبه والله مو حاله اللي عايشين فيها ؟ عاجبك وضعنا
ابو فيصل ؛ شفيه وضعنا الحمدلله عايشين
فيصل ؛ يُبه لا عندنا لا اهل ولا شي ، ترا الواحد بدون اهله ما يسوا وانا اذا تبي الصدق انا ...
ابو فيصل قاطعه بصراخ ؛ الموضوع انتهى فاهم لا عاد اشوف احد يفاتحني بهالموضوع
- الكل يناظر ومحد قادر يتدخل -
فيصل ؛ بعيد وبكرر بهالموضوع ومن النهايه يُبه انا بروح للسعوديه عند عماني عند اهلي
ابو فيصل ؛ اذا تبي تروح روح بس ورب الكعبه لا انت ولدي ولا اعرفك تفهم
قاطعته كادي بقوه وتدخل ؛ حلو والله تتبرا من ولدك عشان طالب يشوف اهله ما قال شي غلط شهالتخلف
ابو فيصل شال ايده وبكل قوة رجل ضرب خدها الناعم ومن قوة الكف طاحت
- كلهم شهقو -
ابو فيصل بعصبيه اقوى ؛ انا مُتخلف يا حقيييييره انا ؟؟؟؟
كادي اكتفت بنظرة كره وحقد .. تكره ابوها لحد مو طبيعي بسبب تفكيره وتعامله معهم بجفا وشده وعصبيه..
فيصل بقهر ؛ خوش والله تتبرا مني وتطق بنتك الله يقويك يُبه بس هي كلمه مارح اقولها خلال اسبوع وانا وسط اهلي ووسط ديرتي السعوديه وسوو اللي تبيه - اخذ مفاتيحه من الطاوله وطلع-
كادي قامت وناظرت ابوها بقوه واستهزاء ؛ انا مع فيصل بروح عند عماني على الاقل المُعامله تكون ازين من معاملتك - طلعت غرفتها ودخلتها والدمعه بعيونها ، توجهت للمرايه تشوف خدها وابتسمت ابتسامه مالها معنى وعلى جنب ..
- هذا ابوي وهذي عوايده محد عارف ليش يحرمنا من اهلنا الله يصبرنا بس -
حطت كريم على خدها ورم مره وقلب ازرق وراحت للدريشه تشوف الشوارع وتتأمل وضايق خلقها..
ابو فيصل يهز بتوتر على دخلت كايدينا -طبعاً الام برازيليه بس عايشه بلبنان-
كايدينا جت وكالعاده جايه وبأيديها اكياس ما بقت مول بدبي الا راحت له
؛ شوصاير
محد رد
كايدينا ؛ اييه بكيفكون لحدا يرد عليا
طلعت غرفتها هي الثانيه - اشك هالعايله يقدسون غرفهم لول -
من بعدها كل واحد راح يشوف شغله..




البارت الثاني اذا شفت تفاعل .


Rem14 ©؛°¨غرامي جديد¨°؛©

بدايه موفقه استمري

سوارا ©؛°¨غرامي متألق ¨°؛©

رواية جميله
بتتتتتتتتتتتتتتتتتتتتتوفيق

على الله باقي العُمر. ©؛°¨غرامي جديد¨°؛©

البارت الثاني

~
ذبل غصن الحكيّ وينك ترى صمتك حضوره موت ، حبيبي مو انا عينك ؟ عجزت اغفى تجيني صوت !

~
بكوفي المساء بالرياض ..
كان مجمتع مع اصحابه وضحك وسواليف
متعب ؛ اقولك هي وبنت عمها على بالها بتفوتني طقطقتهم لا يا حبيبي مب انا اللي ينضحك علي -يضحك-
سيف ؛ ياخي عليك سواليف مدري شتبي مزعجنا فيها لهدرجه مزيونه ؟
متعب يمسك قلبه ؛ اح بنت الك## عليها جمال مب صاحي
فراس ؛ راح فيها الولد -يضحك-
سيف حط الزقاره بفمه ؛ جيبها عندي بس لا اخليها تتوب مره ثانيه تطقطق
فراس ؛ يا شيخ اهجد بس دواها عند متعب مو عندك
متعب ؛ اقول لو جبت راسها لك اللي تبي
سيف ؛ والله ؟
فراس يناظرهم بطفش ؛ يحول منكم اقوم ازين لي - راح فراس -
متعب ؛ ما عليك منه بس انا قد كلمتي لك اللي تبي
سيف تحمس ؛ هات الرقم
متعب ؛ سجل عندك

~
هديل ؛ وش اللي الى متى ؟
سميحه جلست قدامها ؛ هديل انتي فاهمه قصدي زين هوشاتك مع امي وطولت لسانك
هديل تغير وجها ؛ لحول الله على هالسيره
سميحه ؛ انا مو جايه انرفزك ولا ازيد الطين بله بس هديل امسكي لسانك شوي عن امي ادري ترفع ضغطك بس تحملي
هديل بنبرة بكا ؛ ما اقدر اتحمل خلاص تعبت
حست سميحه انها بتبكي فقامت - اصعب شي عند سميحه تشوف احد يبكي لانها
تضعف تضعف تضعف-
عطتها ظهره وطريقها للباب ؛ حاولي تغيرين من نفسك ندري ان اللي صارلك بسببها مو هين -طلعت-
شهقت شهقة بكا مليانه ألم ووجع جلست تبكي لحالها هذا على طول حالها نفسها لنفسها...

~
فتح عينه من صوت امه الحنون يعشق صوت امه تخلي الحياه تجدد عنده
ام سيف تمسح على راسه ؛ قمت يا قلبي ؟
رواف وعيونه نعسانه ؛ امريني
ام سيف ؛ يلا حبيبي قوم طولت بالنومه فاتتك الصلوات قوم
رواف جلس ؛ كم الساعه ؟
ام سيف ؛ الساعه 6 ونص
رواف ؛ خلاص جنتي قايم الحين
ام سيف ؛ زين يُمه قوم صل على بال ما احط لك الاكل
رواف بأبتسامه ؛ ابشري
طلعت امه وهو يراقبها وتنهد بحب - يحب امه اكثر شي لانه عارف انها تعبت عليهم هو واخوه وربتهم وصرفت عليهم ودخلتهم احسن المدارس ووفرت لهم الراحه ولبت طلباتهم شلون ما يحبها ؟ وهي جنته بالدنيا-
قام ودخل الحمام - اكرمكم الله- تروش
ونزل ..

~

دخل البيت يغني لنوال
؛ ابيك بجنبي الليله ترا كل الجروح صغار كبير الجرح في ظنك وانا في ظني اصغرها وخل...
قاطعه ابوه ؛ ما شاء الله ما شاء الله تو الناس طويل العُمر توك تشرف يا الحبيب
اخترش مشعل ؛ بسم الله الرحمن الرحيم
ابو مشعل ؛ شايف قدامك جني
مشعل ؛ لا يُبه مب كذا بس الله يهديك جيتني بغفله وخرشتني
ابو مشعل خزه ؛ ما قلت لي وينك عن الغداء اليوم ؟
مشعل ؛ والله يُبه عيال الجيران عزموني
ابو مشعل ؛ عيال مين ؟ - تحقيق-
مشعل ؛ عيال ابو عناد يُبه
ابو مشعل ؛ ايه دام عناد عزمك مو مشكله
مشعل - عشان عنادوه بس الله الله - اكتفى بأبتسامه ودخل داخل ولقى امه وخواته جالسين
مشعل ؛ هاي للحلوين
جُمان بضحكه ؛ هايات شعندك مروق
مشعل جلس بأقرب كنبه ؛ اعوذ بالله من الحسد
ام مشعل برزانه ؛ عيب يُمه تقول لأختك كذا ما ربيتكم على الحسد
رويدا نطت وحضنت امها ؛ ياقلبي على الناس اللي ربتنا
حور تحارشها ؛ وخري بس ذي امي -حضنتها هي الثانيه-
رويدا ؛ لا والله ؟؟ امنا كلنا
ام مشعل ضحكة بحب - تحب عيالها بشكل وهم سعادتها بهالدنيا-
جُمان ؛ خير مالي مكان وخرو بحضن اميمتي
مشعل ؛ حشا دجاجه ووراعينها
ام مشعل عطته نظره ؛ اسف يا الغاليه
جُمان تضحك ؛ قمط البزر

~

رند طلعت لأمها تخبرها بكل شي
كايدينا بصدمه ؛ عنجد ؟
رند بحزن ؛ اي والله ماما بيروحون فيصل وكادي خلاص
كايدينا بصرامه ؛ ما بيتركون يروحو هيك -طلعت من الصاله وتوجهت لغرفة كادي بعصبيه-
طقة الباب ؛ كادي افتحي الباب ولك والرب لا اكسرو فوئ راسيك عم تفهمي
كادي فتحت وعيونها منتفخه ؛ نعم؟
كايدينا ؛ جيت لهون بدي ئولك كلمتين وبيمشي روحه للسعوديه مافي عم تفهميني ؟
كادي ؛ هه -سكرت الباب بوجها-
كايدنيا ؛ بتشوفي بعدين شو بعمل فيك يا كادي ئليلة تربايا
داخل الغرفه دقت كادي على فيصل
فيصل رد بعد معاناه ؛ نعم؟
كادي ؛ فيصل ابي اروح معك للسعوديه
فيصل سكت فتره بعدين رد ؛ متأكده ؟
كادي بحزن ؛ ايه متأكده ، فيصل ما اقدر اتحمل العيشه هنا
فيصل ؛ اوكي
كادي ؛ امي هددتني لو رحت مدري شبتسوي
فيصل بتنهيده ؛ على الفجر جهزي شنطتك وجهزي شنطتي معك وانزلي لي وانا بحجز الحين
كادي بألم ؛ زين ، مع السلامه
فيصل ؛ مع السلامه

~

كانت جالسه تاكل بملل دق جوالها برقم غريب
ردت ؛ الو
؛ مين معي ؟
ايثار ؛ نعم؟
؛ ليش داقه علي اختي تراني ولد ناس وما احب هالحركات - ماسك ضحكته-
ايثار مصدومه ؛ خير خير ؟ مريض داق علي وتقول انا اللي داقه غبي وخر -سكرت بوجهه-
سيف يناظر الجوال ؛ ويلي منها شهالرد السريع ما تتنفس حتى ، هين اوريك وراك وراك لو على باب جهنم
قاطع تفكيره رواف داخل ؛ سيوف امي تقول انزل اكل معنا
سيف ؛ زين يلا ونزلو عند امهم

~
سميحه كانت بتطلع للصيدليه فيه اغراض بتاخذها كل يوم لما تطلع تشوف هالولد المزيون جالس برا وكأنه يفكر انفتنت سميحه من ناحية جماله بس مستغربه امره غريب ، كان هو ولد الجيران اللي قبالهم بس ما فكرو بالمره يتعرفون عليهم وكانت حديقة هالبيت مفتوح بابها ودايم تشوف هالولد ساكن وهادي وعلى نفس الجلسه ومن مُده تبي تعرف شقصته ؟ طنشت الوضع وركبت السياره وراحت

داخل بيت ابو هديل
راويه ؛ اقول بكره اوريك بس ان ما فشلتها قدام الكل
ديم بكره ؛ اف لو علي قطعتها تقطيع تقهرني
راويه تزم فمها ؛ وشايفه نفسها على ايش مدري وع منها
ديم ؛ عليك فيها بس
راويه تضحك ؛ متحمسه بكره اداوم عشان افشلها
ديم تضحك معها ؛ كفو اختي حبيبتي

~
توها بتطلع من المطبخ قابلت سلمان ابتسمت ؛ هاي اخوي
سلمان عطاها نظره ؛ وين الناس ؟ شفيه بيتنا هادي
ايثار ؛ امي سافرت تبوك
سلمان فتح عينه بقوه ؛ خير شوداها
ايثار بلا اهتمام ؛ خالها توفى وراحت تعزي
سلمان وهو متجهه للثلاجه ؛ اها الله يرحمه
ابوي راح معها ؟
ايثار ؛ معرفش يلا باي بروح اذاكر
سلمان ؛ الحمدلله والشكر بس !
راح انسدح على الكنبه وشغل التلفزيون
دخل خالد وشاف سلمان ؛ يا هلا يا هلا
سلمان ؛ من زمان عنك
خالد يضحك ؛ والله انت اللي من زمان عنك من يوم فتحت هالعياده ناسينا ، ليكون عندك مريضه من هنا ولا من هنا عشان كذا تطول بالعياده - يغمز-
سلمان ضحك بقوه ؛ الله يصلحك بس انا فاضي لهالسواليف
خالد يقاله مصدوم ؛ اخاف انك حاب وحده من هالمريضات
سلمان ؛ خالد كل تبن بس
خالد ؛ حُب بالعياده اخاف تتحمس وتقلبها اللي بالي بالك
سلمان ضحك ؛ وصخ شهالتفكير قوم انقلع عني
خالد ؛ قايم قايم يا دكتور - ضحك وراح عنه -
سلمان ؛ غبي هالولد..





انتهى.


زحمة مشاعر ' ©؛°¨غرامي مشارك¨°؛©

ججججمممييييلللل
هديل ان شاء الله تتغير معاملتها مع امها + نفسي اعرف شسالفتها معها .
سميحه شخصيتها حلوه .
سيف بعد شخصيته حلوه + ابي اعرف اذا هو قد كلمته وبيجيب راس ايثار .
بانتظارك بس متى البارت الجاي


على الله باقي العُمر. ©؛°¨غرامي جديد¨°؛©

المشاركة الأساسية كتبها زحمة مشاعر ' اقتباس :
ججججمممييييلللل
هديل ان شاء الله تتغير معاملتها مع امها + نفسي اعرف شسالفتها معها .
سميحه شخصيتها حلوه .
سيف بعد شخصيته حلوه + ابي اعرف اذا هو قد كلمته وبيجيب راس ايثار .
بانتظارك بس متى البارت الجاي
انتي الجميله حبيبتي
ما عندي اوقات محدده يمكن انزل بعد شوي البارت الثالث
يعني ما عندي مشكله لو نزلت اكثر من 4 بارتات باليوم
اهم شي الاقي التفاعل اللي يرضيني ❤️

عزفْ ©؛°¨غرامي مشارك¨°؛©

روايتك ياهي جمال ياهي مدري وش المممههههههههمممممممم بببببببببببااااااااررررررررررررتتتت اججججججمممممممللللللل مممنننن الجججججججممممممماااااللللل نفسه , ماعنديش توقعات بش شرفي روايتي https://forums.graaam.com/590690-5.html

على الله باقي العُمر. ©؛°¨غرامي جديد¨°؛©

البارت الثالث

~

يا ترى وينك؟وش تشوف هاللحظة عينك؟وش مخبي في يدينك ، من مراسيل و عطر؟..


~

الساعه 4 فجر بمدينة دبي
تتكلم بهمس ؛ حطيت كل شي ممكن تحتاجه
فيصل ؛ زين انزلي الحين وانتبهي احد يشوفك عشان ما يخرب كل شي
كادي ؛ زين يلا باي
شالت شنطتها ونزلت بخفيف وراحت المطبخ وطلعتها من الباب الخلفي وطلعت تجيب شنطة فيصل وحطتهم عند الباب لبست عبايتها وتوها بتطلع من الباب الرئيسي نست جوازها بالمطبخ
ضربت جبهتها - يالله يا كادي على الغباء يارب محد يكون صاحي ويقفطني -
ورجعت ودخلت المطبخ بهدوء واخذت جوازها وتوها بتطلع
؛ كااادي !!!!

~

صحو من فجر الله يخططون شيسوون لـ " رويدا " اللي نايمه وما درت عن اللي يصير من وراها
ديم ؛ جيبي علبة مويه فاضيه بسرعه
راويه ؛ ليش ؟ شبتسوين ؟ علميني
ديم ؛ اف راويوه اخلصي عندي فكره جنهميه
راويه طياره على المطبخ تدور عليه فاضيه وحصلت وحده بالزباله - اعع انا نهايتي ادخل ايدي الزباله اع يارب- طلعت العلبه ونظفتها وطلعت لديم
ديم ؛ هاه بشري لقيتي
راويه تتنفس بسرعه ؛ أي..ييه لقق..يت
ديم تضحك ؛ اجلسي اجلسي لا تموتين علينا هاتي العلبه -سحبتها من راويه-
راحت متجهه للتسريحه تدور كريم وعيون راويه تراقبها ؛ شبتسوين ؟
ديم وانرسمت ابتسامه خبث ؛ اعلمك الحين
- ديم جابت كريم وكبته داخل العلبه وراحت جابت الوان زيتيه وعصرت اللون الاسود مع الكريم وطارت للمطبخ جابت زيت وحطته معه اللون والكريم وجلست تحرك العلبه لين صار شي مقرف !-
وهي تحرك العلبه ؛ اسمعي طال عمرك بالفسحه نخلي وحده تنادي الحيوانه رويدا ولما تدخل الحمام نكب عليها ذا ونخليها تكره عيشتها
راويه استانست ؛ كفو تربية ايدي والله حركي بس حركي
ضحكة ديم ومعها راويه - الله يعينك يا رويدا -

~
؛ كااادي !!
كادي نشف دمها والتفتت ؛ اروى شصحاك الحين ؟
اروى تنظارها مصدومه ؛ كنت نازله بشرب مويه -تناظر كادي- على وين ؟
كادي ما تدري شتقول وبكل قوه ؛ للسعوديه
وتوها بتفتح الباب وقفها صوت اروى للمره الثانيه ؛ بتعصون امر ابوي ؟
كادي ؛ نبي مصلحتنا
اروى ؛ لا تسوونها تكفين كادي -بدت تنزل دموعها-
كادي بقوة مدري من وين جايتها ؛ اروى طسي غرفتك ويا ويلك تعلمين احد
جت اروى مسكتها بقوه وتسحبها ؛ لا تطلعين كادي ! حياتنا بتخرب كادي ارجعي انتي وفيصل تكفين
كادي تحاول تفك اروى منها ؛ فكيني اروى
اروى ؛ مارح افكك اقعدي كادي ! - شبه منهاره -
كادي دفتها بقوه وصك راسها بالثلاجه واغمى عليها كادي انصدمت تبي تروح لها واتصالات فيصل وترتها !
ودها تروح بس قلبها ما طاوعها تخلي اختها الحل اللي سوته جابت كاسات وجلست ترميها بصوت عالي وطلعت بسرعه من الباب لين وصلت للباب الرئيسي شافها فيصل وشال الشنط ورماها بسرعه ... اما عند اروى
كايدينا كانت نايمه سمعت صوت تكسير على بالها حرامي ؛ لك يأمي حرامي مداح ئوم مداح
ابو فيصل يتأفف ؛ شتبين يا بنت الناس خليني انام
كايدينا بخوف ؛ ئوم شكلو حرامي هجم على بيتنا
مداح فز ؛ شتقولين
كايدينا ؛ ولك والرب سمعت صوت تكسير
نزلو وشافو اروى كايدينا بصراخ ؛ يا امييي ! اروى بنتي ئومي - جلست تضرب وجها - اروى - التفت لمداح- ولك ليه ما عم تتحرك ! يخرب بيتك انت وهالبرود - صارخت عليه-
وفز وطار و دق على الاسعاف ..

بسيارة فيصل
كادي تصيح ؛ ما كان قصدي بس هي اجبرتني
فيصل متوتر ؛ ما عليك ان شاء الله مب صاير فيها شي ! اهم شي جبتي جوازك
كادي ما زالت تبكي على اللي سوته
اتوجهو للمطار وكانو متأخرين شوي على الرحله وحمدو ربهم انهم ما طولو عند الجوازات ، ختمو وطلعو للطياره ..
~

الصبح جاء ويازين صبح الرياض ..

جُمان نزلت بكسل وشافت امها ومشعل ؛ صباح الخير
ام مشعل ؛ هلا امي تعالي افطري ياقلبي
جُمان ؛ لا يُمه الحمدلله نفسي مسدوده
مشعل بأستهبال ؛ ليكون حامل
جُمان ؛ بسم الله علي ، كمل اكلك وانت ساكت
مشعل سكت وكمل اكله
ام مشعل راحت تصحي حور ورويدا ..
كالعاده حور تأخرهم وكل يوم يسبونها وينتفونها على هالتأخير
رويدا ؛ لا عمتي كان طولتي شوي ؟
حور وهي تتأفف ؛ لو علي كان تأخرت ساعه
رويدا توسعت عيونها ؛ بعددد !
جُمان ؛ اموت واعرف شتسوين
حور ترمش ؛ ارسم عيوني
جُمان ؛ من حلاتها
رويدا ؛ اي والله -عطتها نظره-
حور تضحك ؛ اقول بس وقفو دانكن ناخذلنا كوفي
جُمان ؛ محمود وقف دانكن
السواق محمود : اوكي

~
ببيت ام سيف
ام سيف ؛ رواف يُمه مارح تداوم ؟
رواف بتعب ؛ لا يُمه مافيني حيل احس بتعب
قلبها بيوقف على ولدها اللي من مده حاله مب عاجبها ؛ شفيك يا نظر عيني ؟
رواف انسدح ؛ تعب خفيف وبيروح
ام سيف ؛ بروح اقوم سيف يوديك للمستشفى
رواف ؛ لا يُمه تعب شوي ويروح قلة نوم لا اكثر
ام سيف سكتت لانها تعرف رواف ما يحب المستشفيات ؛ زين حبيبي نام الحين
رواف سكر عيونه ، ام سيف غطته وجلست تمسح على راسه - مهمها كبرت يا رواف تظل بعيني صغير وطفل لازم اعلمه واهتم له ، ياروح امك يا رواف -

~

ايثار لبست وخلصت وتوها بتطلع من الغرفه دق جوالها.
ايثار ؛ الو
؛ يا زين الألو من هالصبح
ايثار بنفسها - انا لله من هالبثر - ؛ شتبي ياخي ؟ ترا ابثرت ام ام امي ما تفهم انت
؛ يا حلو المعصبين ، الزين مو لايق له العصبيه - ويضحك بطريقه مستفزه-
ايثار ؛ والله انك فاضي وما عندك ما عند جدتي ، روح الله يستر عليك وعلى هالفضاوه اللي فيك - قفلت بوجهه- وجع ما عنده كرامه

كرهته نفسها وجلست تسبه وتلعنه بداخلها يكفي انه عكر مزاجها على هالصبح
نزلت تحت وبكل عصبيه جلست على الطاوله وتتنفس بطريقه مليانه عصبيه
خالد جوه رايق عاد ؛ الله الله كأني اشوف نار تطلع من خشمك
ايثار ؛ كلتبن خويلد مب رايقه لك
سلمان يضحك ؛ شفيها ايثاره الحلوه
خالد مات ضحك ؛ ايثاره اويلي على هالاسم
ايثار قامت وعطتهم نظره تخوف ؛ سخيفين
وطلعت للسياره وعلى المدرسه ..

~

بيت ابو هديل
من صباح ربي ام هديل تهاوش هديل ، وهديل ملتزمه الصمت
ام هديل بنفاخ ؛ خذي خواتك معك السواق الثاني تعبان
هديل ؛ مو مشكلتي والله يدبرون نفسهم - قامت ببرود-
ام هديل بصراخ ؛ مو على كيفك فاهمه
هديل التفتت لها ؛ السوق سواقي والسياره دافعه من فلوسي غصب بتخلينهم يجون
ام هديل سحبت عباية هديل بقوه ؛ بتاخذينهم غصباً عنك وعن اللي ما يرضا فاهمه
هديل طالعتها ببرود والتفتت اخذت شنطتها وطلعت ، ام هديل التفتت لسمحيه وديم و راويه ؛ اخلصو الحقوها لا افجر فيكم
قامو ولحقوها شوي رجعت ديم ووجها باين الخوف
ديم ترجف خايفه امها تعصب عليها ؛ يُمم.ممه
ام هديل ؛ .....

~
بدبي وبالمستشفى ..
مداح رايح جاي خايف على بنته
كايدينا تبكي ؛ يائلبي عليك يا اروى يا ئلبي
مداح جا بيتكلم الدكتور قاطعه ؛ انتو اهلها ؟
مداح ؛ ايه احنا اهلها بنتي فيها شي
الدكتور ابتسم ؛ لا الحمدلله مجرد اغماء طبيعي بعد شوي بنعطيها خروج لان قعدتها بالمستشفى مالها داعي
كايدينا رفعت يدينها وتحمد الله وابو مداح زفر براحه
- اذا صحت اروى بعرف منها كل شي-

~

وصلو اراضي السعوديه وخصوصاً الرياض
نزلو بلهفه .. اخيراً ؟ بعد سنين من الاغتراب
بعد سنين طويله وماحد كان متوقع انهم يرجعون ديرتهم ..
فيصل من اول كان حاجز سياره عند المطار تستقبلهم شال الشنط وكادي لحقته بصمت
ختمو الجوازات وطلعو للسياره وركبوها والصمت ؟ سيد الموقف

وكل واحد يطالع من الدريشه ويفكر
كلهم يفكرون بالمستقبل المجهول ؟ وايش راح يصير وشلون يوصلون لأهلهم !
هل بستقبلونهم او لا
كادي قطعت الصمت ؛ فيصل انت عارف شي عن عماني ؟
فيصل تنهد ؛ اعرف اسم شركة واحد من عماني اليوم ان شاء الله على الظهر رايح له وان شاء الله كل شي يمشي تمام
كادي سندت راسها وبهمس ؛ ان شاء الله .





انتهى.


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1