منتديات غرام روايات غرام أرشيف الروايات المغلقة - لعدم إكتمالها روايتي: مشيت على هواهم .. لين وصلت الحضيض
حمراء الوجنتين ©؛°¨غرامي جديد¨°؛©

السلام عليكم و رحمة الله و بركاته

رآآح أسرد لكم روآية من وآقع الحياة , و بتكون هذي أول تجربة أخوض فيهأا هذا المجال

عذروني إذا جفتوا بعض الأخطاء , و بوجودكم رأأح أتخطاهآا

بتقبل انتقاداتكم برحآبةة صدر .. لأن أنتوا من راح يشجعني

حمراء الوجنتين ©؛°¨غرامي جديد¨°؛©

روآيتي ,, جريئةة ... رومنسيةة ... حزينةة ... مضحكةة ... أكشن

كل ما تتمنون في الروايات بتحصلونه اهني في // روايتي ...

" // مـــقـــدمـــةة ..

غياب الأهل يترتب عليه أخطاء من الأولاد كثيرة .. منها و أهمها :-

* عصيان الله

* التوجه لطريق الخطأ (( شرب المخدرات .. فعل الفاحشة و العياذ بالله .. شرب الخمر ....... الخ ))

* التشبه بالرجال بالنسبة للبنت و العكس ..

* انحراف الفتاة و الفتى

و غيرها الكثير ...


روايتي واقعية ممكن يكون الأغلب تعايشها .. بتلامس شفافية مشاعركم الا انتوا مب مسؤولين عنها..




من هنآ أبدأ روايتي

/-/ مشيت على هواهم لين وصلت الحضيض /*

أللهم زُدني تواضعاًshams ©؛°¨غرامي مشارك¨°؛©

انااا اول وحدة ارد
يلا رح اصير انا اول متابعة الج
انتظر البارت حته انطيج رأيي

حمراء الوجنتين ©؛°¨غرامي جديد¨°؛©

شكراً على أول تشجيع

نطري البارت

حمراء الوجنتين ©؛°¨غرامي جديد¨°؛©

بدمج بين اللهجة السعودية و البحرينية عشان يمكن بعض الكلمات البحرينية ما تعرفونها


بسم الله



نـــــبــــــدأ



// الـــبـــآآرت الــأول !

الـــجــــزء #الــأول


قاعدة في الصالة و ماسكة مجلة " الجريمة " - أدري قديمة بس أحبها - تقراها بإندماج و ناسية أمها الا صار لها ساعة حولها تصارخ عليها عشان تقوم تصلي.

الأم بصراخ: نووووورووو و ويعة قومي تركي هالمجلة الا في يدج و قومي صلي.
نور بتأفف: افففففف ييمممممهه بقوم بعد شوي.
الأم بنفس الصراخ: قووومي من متى مأذن و انتي قاعدة لا صلاة و لا ديانة.
نور و هي تقوم: افففففففف كاني قمت .. و تكمل تحلطمها .. و الله ما صار له شي من أذن على طول أقوم اصلي افففففف
سمعتها أمها و رفعت المخدة عشان بتقطها على نور: صج انج ما تستحين على ويهج .. الشرهه علي ما عرفت أربيج .. و ترمي على نور الا رايحة غرفتها المخدة و في نفس الوقت نور ركضت

و هي تسند روحها على الباب: هههههههههههه الوالدة الله يهداها سريعة الفوران

الأم بروحها: صج ما تستحين .. ما عندج احترام لربج .. هذي صلاة بتدخلج الينة لين صليتيها و النار لين تركتينها يا الكافرة
في نفس اللحظة دخل الأب البيت: شفيج صراخج لآخر الفريج ينسمع؟
الأم بعصبية أقل: مع بنتك الكافرة الا مستهينة بصلاة ربها
الأب: شفيها عسولتي؟
الأم باستنكار و عصبية: عسولتك؟ اقولك كافرة تقول لي - كملت باستهزاء - عسولتي؟! بدل ما تقوم تغسل شراعها اهني .. قاعد تدلعها .. صج أبهات آخر زمن
الأب بضحكة تنرفز: ههه بتم عسولتي الا احبها سواء كافرة او مؤمنة .. ذي بنتي .. فهمي يا مرة
الأم: هذي التربية السنعة
و راحت عن الأب قبل لا يرتفع ضغطها

نعرفكم على أول شخصية

// نــــــــــــــــــور //


عمرها 16 سنة و هي البنت الوحيدة و دلوعة أبوها و هي بأولى ثانوي أخوها محمد عمره 23 سنة و حمد عمره 19 سنة
أمها و أبوها تزوجوا عن قصة حب من مكان عملهم

نور حلو طولها و متناسق مع جسمها المنحوت .. بيضة وااااااايد ... جمالها حلو ناااعم


هذا الجزء كتبته كبداية لكم عشان تشجعوني

أللهم زُدني تواضعاًshams ©؛°¨غرامي مشارك¨°؛©

هههههه وهم اول رد
انا مااعرف احجي بحريني ف رح احجي بلهجتي
الموهيييم بداية موفقة وماعندي انتقادات لأن حالياً مابيها شي هاي كمقدمة
انتظر البارت الجاي وياريت تحددين موعد للبارت او ترسليلي الرابط لما تنزلينه

حمراء الوجنتين ©؛°¨غرامي جديد¨°؛©

المشاركة الأساسية كتبها أللهم زُدني تواضعاًshams اقتباس :
هههههه وهم اول رد
انا مااعرف احجي بحريني ف رح احجي بلهجتي
الموهيييم بداية موفقة وماعندي انتقادات لأن حالياً مابيها شي هاي كمقدمة
انتظر البارت الجاي وياريت تحددين موعد للبارت او ترسليلي الرابط لما تنزلينه

تسلمين حبيبتي

أسعدني مرورج

حمراء الوجنتين ©؛°¨غرامي جديد¨°؛©

عدنا و العودُ أحمدُ

~ توقعت ردود اكثر بس معليش يمكن عشان الجزء مب كافي :)

اتمنى متابعات اكثر لهالجزء ان شاء الله


الــــبـــــارت الـــأول


// الـــــجـــــزء الــــثـــاني



مكانٌ صغير رُسمت فيه أحلامهم .. عآشوا تحت سقفه بمرحهم و حزنهم و فرحهم ... قصصٌ كثيرة زُرِعت فيه .. منهآ النآجحة و منها الفاشلة ..


مرحلة جديدة بدشونها بطلاتنا و راح تبدي من اهني

بنتعرف على معظم الشخصيات تقريباً من هذا الجزء

في المدرسة //


الـيوم الأول دوام من بعد اجازة الصيف

تحت الشجرة البعيدة شوي عن الإزعاج راحت لهم بمشية دلع: هآآآآي بناتات << ينقال لها دلوعة
وحدة من البنات: عليكم الهاي

قاموا بحماس يسلمون على بعض بصراخ وحماس << لهم سنة مو جايفين بعض

مرام مادة بوزها: أنا زعلانة
مروة: شفيج بعد .. من مزعلج؟
مرام بنفس وضعيتها: أخاف ما يخلونه في كلاس مع بعض!
نور: لا فال الله و لا فالج ..
نهاد: مادري شسوي اذا فرقونا
ريم: بسيطة ... بنروح الادارة نطلب نقل
نور بضجر : تمللون انتوا .. بسكم تشاؤم .. بنصير مع بعض .. شفيكم؟!

سكتوا كلهم يفكرون في تقسيم الكلاسات

نور: انزين .. قوموا خنروح نجوف اسامينا على الكلاسات
الكل: يلاااا

و قاموا كلهم متجهين الى جهة الكلاسات

* وقـــــــــــــــــــــفــــــــــــــــــــــــــ ـــــــــــة
( مرام و نهاد و ريم و مروة كلهم ربع نور من ايام المتوسطة )
بنتعرف على شخصياتهم لاحقاً <<آيا علي باللغة العربية الفصحى


نرجع نواصل


مروة شوي و بتصيح: ما خلونا مع بعض
كلهم بنفس الوضعية: لييييييييييييش!!
نهاد: ما توقعت ايي يوم و نتفارق فيه في الكلاسات
ريم بلا مبالاة مصطنعة: عاادي في البريك بنجوف بعض
مرام: ما ابردج يا ريم
ريم لفت وجهها عن مرام
نور: انزين .. خلونا ندش كلاساتنا لا اييون الابلات و يسوون لنا سالفة من اول يوم
الكل: يلااا


و راحوا كلهم متجهين الى كلاساتهم و كل وحدة الدمعة واقفة على باب عيونها << حلو المصطلح



فــــــــي الـــــبــــريــــــــــــكــ !!


نور: الكلاس الا أنا فيه حدددده فاشل
مرام: وحشتوني
نهاد: ما يوحشج غالي
مروة: تصدقون عاد ما عندي احد اسولف معاه .. و اتيي الابلة و تطردني من الحصة عشان هذرتي .. شكلي بصير مؤدبة هالسنة هههههههههه
ريم: هذا انتي كله هذرة .. انتبهي للدرس عشان تييبين علامات عدلة
مروة بتهجم: تحجت الدافورة .. حبيبتي انا اييب درجات نجاح بس ما اتعب روحي عشان اييب الفل مارك
ريم رافعه يدها لفوق: الحمدلله يا رب على نعمة العقل .. و لفت على مروة .. الفل مارك يا روحي اهي الا بتدخلني اي جامعة انا ابيها .. ما راح اقتصر على المعاهد بس .. و هي ترفع حواجبها تقهر مروة
مروة توها بتتكلم .. مرام بصراخ: افففففففففففففف عاد بسكم كانكم توم و جيري كله هواش .. خاطري مرة انتيمع بدون لا تتحججون ببعض
نور بحماس: و الله انتوا فيلم كوميدي هههههههههههه
نهاد بنفس وضعية نور: ههههههههههههههه حبيتهم
مروة عطتهم نظرة خلتهم يسكتون
نور بهمس لنهاد: شفيها قلبت علينا اندرتيكر هههههه
نهاد و هي تضرب نور بكوعها عشان تسكت لا يتوتر الوضع اكثر: هههه سكتي لا تغير موجتها علينا
نور تحط يدها على بوزها: بسكت مب ناقصه هواش
نهاد: يكون احسن
مرام: شعندج انتي وياها تتساسرون
نور تحك راسها: هااا
مرام: و هاون فوق راسج
نهاد: لا بس نفكر متى بناكل يعنا .. نص البريك طاف على هواش الهوانم و هي تأشر على مروة و ريم
مرام: و انتي بس همج بطنج
نهاد و هي تطلع لسانها: كيفي بطني مب بطنج
نور بتأفف: خلاااص .. فضوها سيرة و خلنا نقوم ناخذ لنا شي ناكله .. ما باجي الا عشر دقايق

قاموا كلهم متجهين للكفتيريا عشان ياكلون

^ فــــــــي الــــــطـــــــلــعــة

نور بفرح : ويييي توي آدري ان فيه شباب اهني يعاكسون البنات
نهاد بنفس الفرح: وووووووووننننننننننننننااااااااااااااسسسسسسسسسسسسس ةةةةةةةةةة
ريم باشمئزاز: هذا همكم انتوا !!
نور و نهاد: انتي شعليج
نور: آينشتاين
ريم بقهر: ردي قولي هالاسم و بتتكفخين
نور بعناد: آينشتاين
ريم: لا تخليني احلف
نور بنفس العناد: لااا خفت .. طيري اقول
ريم بهدوء: بسكت عنج .. مالي خلقج
نور ناوية على هوشة: لا عاد أنا الا لي خلقج .. تلايطي
ريم بانفعال: و بعدين وياج .. يعني لا بالهدوء اتيين و لا بالصراخ!!
نور و هي تطالع سيارة ابوها تقرب: المشكلة ان ابوي يه و الله عرفت شرد عليج
ريم تكش في ويه نور: روحي زين
نور تصك على اسنانها: باي
البنات ما عدا ريم: باي

راحت نور لسيارة ابوها

نهاد: شفيج على البنت؟
ريم: انطمي انتي الثانية
نهاد فتحت عينها على الآخر: الكلام موجه لي؟!
ريم بلا مبالاة: ليش في احد غيرج تحجى؟
نهاد بانفعال: ريم لزمي حدودج احسن لج لا ما يصير خير
ريم بدون اهتمام لكلام نهاد
مرام: يه شفيكم بنات تونا اول يوم نتفارق فيه و جذي اخلاقكم .. عيل الله يستر من باجي الايام
نهاد و ريم بدون اهتمام لكلامها

ريم مشت من غير لا تعطيهم خبر انها بتمشي

مروة: شفيهم كل وحدة مشت و نفسها في خشمها؟
مرام و نهاد حاقرينها
مروة بعصبية: هي انتوا اتحجى مع الطوف؟
كل وحدة منهم مشت عنها لان اهلها يوها
مروة تكش في ويههم: مالت عليهم .. مشوا عني و خلوني بروحي
مروة تكلم روحها .. و هي تلف على الشارع الا تقريباً خلى من الطالبات: اففففففففف متى بيون ذيله؟
في هاللحظة مرت سيارة من جنبها و فتح الجامة .. الدريشة .. النافذة مالت السيارة و وقف جنبها .. نزل نظارته على انفه و تحجى: الحلو شعنده واقف في الشمس؟
تصنمت مروة من الموقف و ما تحركت و لا تكلمت
الشاب: يه نحاجي القمر الا نازل ع الارض
مروة: لا تعليق
الشاب باستهزاء: لا يكون القمر ما يتحجى هههههههههه
الشباب الا معاه: ههههههههههههههه
واحد من الشباب: جوفها بتصيح
مروة تتلفت يسار و يمين تدور مخرج لها
الشاب 3: يه القمر خايف هههههههههههههههه

في هاللحظة بينت سيارة يايه لجهتهم و على طول نزل منها شاب و راح بكل عصبيته لهم .. و بصراخ: ممممممممممممممرررررررررررررررووووووووووووةةةةةة مممممممنننننننن ذذذذيييييلللللللللههههه؟
مروة بخوف فضيع: اممم هاا اي مم م م ما اد م م ماعر
و قبل لا تكمل التفت الشاب على سيارة الشباب و كانوا نازلين منها
واحد من الشباب: هي انت احنا الا صايدينها قبل .. يلا تلايط من اهني لا نخليك تندم
الشاب بعصبية: شن ............................. << و الا اقولكم نكملها مرة ثانية



ابي توقعآآآتكم

- من ذي الشاب الا ظهر فجأة؟
- شبيصير مع مروة؟
- نور و نهاد شينطرهم من مفاجآت في الطريج الا بيمشونه؟

حمراء الوجنتين ©؛°¨غرامي جديد¨°؛©

ادري الجزء واااايد قصير

بس انا اكتبه لكم و انا في العمل

و بكون ان شاء الله كل يوم بارت ما عدا اليمعة ما اتوقع انزل لان يمعة الاهل


و اذا يوم صار و تاخرت فيه على البارت اتمنى تعذروني
لان الانسان ظروف :)

و على حسب ردودكم راح انزل البارت الياي
مابي اتعب نفسي و محد يرد

حمراء الوجنتين ©؛°¨غرامي جديد¨°؛©

صباح الخير

بس خلاص ما بكمل الرواية لاني ما لقيت اي تشجيع منكم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1