غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 131
قديم(ـة) 23-11-2015, 04:59 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: من المستفيد الكاتبه : عجايب ،



ان شاء الله تستمتعون بالقراءه..
..البارت الخامس والتسعون والاخير..


اللتفت بسرعه بعفويه اتظ²كد
لما شفته واقف منجد
نزلت نقابي بسرعه ع وجهي ووقفت وبيدي الجوال وباليد الثانيه شلت الجيكت
ومشيت بخطوات سريعه ومريت من جنبه مايوقفني الا السياره
بجلس عندها لين يرجع عبدالرحمن
هو ما بيتظ±خر انا متظ²كده
سمعته يقول من وراي بهدوء""تعالي اجلسي تاج""
مارديت عليه ولا خففت خطواتي
بعد كم خطوه وقف قدامي ساد علي الطريق
وقال""ابغى اتكلم معاك""
مارفعت عيوني ولا طالعت فيه
رجعت خطوه وتكتفت وانا لافه راسي عنه بطريقه واضحه ان قول الي عندك وخلصني
بس بعد اجزاء من الثانيه شفت بعيوني الي مبعدتها عنه لوحة المحل الي فيها الايس كريم
بروح هناك
لفيت عنه بكامل جسمي واعطيته ظهري
وانا امشي بالاتجاه المعاكس في بوابه من الاتجاه الثاني واقرب للمحل
سمعته يقول بنبرة استغراب""وين رايحه""
قلت بكل هدوء ورسميه""عند عبدالرحمن""
رديت علشان مايفكر اني انجنيت
ماابغى اتكلم معاه
ولا ابغى نجلس سوا ووحدنا هنا بهذي العزله
والصدق ماابغى اشوفه ولا ابغى اسامحه وانا عارفه نفسي
اذا جاء عبدالرحمن يتكلم بظ²لي يبغاه اكون كذا متماسكه كذا
بس وقفت
لما قال بنبره فيها لمحة عصبيه خفيفه""عبدالرحمن رجع البيت انا قلت له بتكلم معاك وحدنا""
قلت بعد ثواني وانا لسى معطيته ظهري""والسياره""
قال وكظ²نه يجاوب ع سؤال غبي""طبعا راح فيها""
بس ماكان سؤال غبي
ماسمعت صوت السياره وهو راح مشي للمحل
نزلت الطرحه ع عيوني ولفيت عليه بكامل جسمي وانا متكتفه
نزلت الطرحه علشان اقدر اطالع فيه بدون مااخاف اش يبان فيها
وهو يحس بالحواجز
تمينا ثواني كلنا ساكتين
انا انتظره يتكلم وهو ماادري اش ينتظر
قال بعد ثواني طويله""مافي احد هنا تقدرين تظ²خذين راحتك""
طلع الحروف بعصبيه مكبوته وهو يتكتف
وبيننا مسافه واسعه
ولسى واقفين
جاء ليش وش يعرفه بهذا المكان ولا معصب بعد
جاء اش يسوي لا اسلوبه اسلوب اعتذار ولا كلامه يدل ع انه يبغى ينهي شي
لايكون عنده عرض جديد نستفيد من الباقي من السبعه الشهور
نزلت الطرحه اكثر بعناد وقلت برسميه""مرتاحه كذا""
بس خلصت كلامي هذا
قرب بخطوات سريعه رفع نقابي عن وجهي وسحبه حتى صار بيده
وقال بتهديد وهو يقرب وجهه من وجهي""لا تعامليني وكظ²ني غريب انا زوجك""
طالعت بعيونه بهذا القرب ثواني بصدمه من تصرفه وعصبيته
وبعدها نزلت عيوني ليدي الي ماسكه فيها الجوال
لما شال النقاب حسيت انه شال الشي الوحيد الي كان موازني
كنت حاطه هذا حاجز واقول الي ابغاه يوصله
عصب علشان بس غطيت وجهي عنه
وهو تم اسبوع مايرد علي ولما رحت لعند بابه بعد تعامل معاي بقسوه
يحق له بس مايحق لي
تعود ان له الحق الاقوى بكل شي
كيف زوجي هو تهجم علي ويقول بستغلك
لما حسيته مسك ذقني بظ²طراف اصابعه
بعدت راسي عنه بعنف حتى رقبتي اوجعتني والطرحه رجعت ورا لنص راسي
بس مااهتميت ورفعت عيوني وقلت بحده ماناسبت شكل دموع الضعف بعيوني""لا تلمسني""
طالع فيني ثواني
وقال بصوت منخفظ""خايفه مني""
صح بعدت راسي بس كانت المسافه بيننا صغيره خطوه وحده
ماكنت خايفه منه خايفه ع نفسي
بس قلت علشان اوجعه""انت السبب""
صح اني اليومين الي راحت انشغلت مع امي بس من شفته رجع كل شي بقوه
مرت نسمة هواء بارده خلتني اشد الجيكت لجسمي
اش بنستفيد من هذا الحوار
نفس الطريقه كل مره بس بستنزف نفسي قدامه وبنصل لنقطة اني احبه وهو مايقدر يسامح
مديت يدي الي فيها الجوال وقلت""اعطيني نقابي""
وانا اطالع بيده معد ابغى اجلس هنا لوقت متظ²خر
ولا عاد ابغى الايس كريم
بس ماابغى اشوفه علشان مااتذكر افعاله
اخذ نفس عميق واضح وقال""خلينا نجلس""
ماابغى اجلس ولا ابغى اسمعه
عارفه كلمتين يقولها بطرف لسانه وارضى ويعجبني الجو
بس هذي المره مو ع كيفي ماراح اسمح لنفسي
هذي المره بتكون النقطه
يرضي عقلي بعد مو بس قلبي
تقدمت نص خطوه وانا انقل الجوال ليدي الثانيه
وامسك النقاب احاول ابعده عن اصابعه
بس هو كان ماسكه بقوه
فكيت الجكت ولما طاح بالارض بجنبي
رميت فوقه الجوال
وبيد مسكت معصم يده مع الابهام
واحاول بيدي الثانيه اسحب النقاب بكل ضمير واصرار
سمعت ليث يقول بصدمه""تاج""
بس مااهتميت لصدمته
ولسى احاول وشكل اوجعته باظافري
بس بدل مايترك النقاب
مسك بيده الثانيه يدي الي ماسكه فيها معصمه
وبيده الي فيها نقاب مسك اليد الثانيه ورجعها كلها الثنتين ورا ظهري
بكل سهوله
وبهذي الحركه قربني منه اكثر وهو محاوطني
رفعت راسي له
وقلت بعصبيه وصدري يطلع وينزل من القهر ومن الجهد""اعطيني النقاب""
قال وهو ينقل بنظراته بين عيوني بتسظ²ل""ليش""
كيف يعني ليش
ابغى النقاب واضحه
بس شكله يبغى الي اوضح منها
قلت بعصبيه وانا انفخ الكلام بوجهه نفخ""ماابغى اسمعك""
رجع يقول بنفس النبره""ليش""
حاولت احرك يديني بس هو شد عليها وقربني اكثر
حتى لصقت بصدره
خلاص حتى النقاب معد ابغاه بتغطى بالطرحه
بس لا يقرب مني كذا
انا ماسمحت له مو كل شي ع كيفه
ووقت مايكون يبغى
انا قلت له لا يلمسني
حسيت بقهر قوي لضعف الي فيه انا
ماسكني ومقربني منه وبعد يسظ²ل عن اي شي يجي في باله
ولازم اجاوب
انقهرت لدرجة خلت ذقني يرتجف
مو كذا التفاهم ع الاقل الي انا ابغاه
قلت برجفه وانا ابعد عيوني عنه""اتركني(وبنبرة اصرار)اتركني""
قال بنبره هامسه وانا اشوفه بطرف عيوني يحرك راسه بطريقة لا""ماراح اتركك حتى تسمعين جيت علشان تسمعين وراح تسمعين""
اوامر كل جملته
قلت وانا ارجع اطالع فيه بحده""كل شي بالقوه ياخي قلت لك ماابغى اسمع بالغصب يعني""
ماعلق ع كلامي
بس تم يطالع بعيوني من هذي المسافه القريبه وانا تحولت من نظراتي الحاده الى تفكير
وبعدها لجمود
وهو كان يطالعني في البدايه بتركيز وبعدها حسيت كظ²ن فيه شي تغير تحولت نظرته لبدون معنى
وبعدها رخى يده الثنتين وقال ببطء""فهمت""
كيف فهم يعني
قصده انه فهم كلامي وخلاص ماراح يتكلم
يعني هذي كل محاولاته
كلف ع نفسه صراحه
مابعدت عنه ولا تحركت
تميت اطالع فيه انتظر حركه منه ولا كلام اعرف اش قصده
بفهمت هذي
بس هو تم جامد بمكانه
بعد ثواني بعدت عنه خطوه لورا
وهو ترك يدي الثنتين
ماعرفت اش اقول او كيف اتصرف اساسا مو عارفه اش حاسه فيه
او اش ابغى
نفسي يحاول مثل ماحاولت
بس خايفه ييظ²س بسرعه مني
وبعدين انا ابدا لا الا كذا
علشان كذا انحنيت واخذت الجوال والجكت ووقفت ومشيت للفرش وجلست عليها
ولما حطيت الجيكت ع رجولي مثل اول حسيته مبلول وبارد
فبعدته عن رجلي وحطيته جنبي
وعدلت طرحتي كان النقاب لسى بيده
وهو كان واقف مكانه حتى جلست انا
شفته بطرف عيوني يمشي بتجاهي جلس ع طرف الفرش بمسافه عني
وتم السكون المكان
رفعت عيوني لسماء كانت مليانه نجوم وتنشاف لان الاضاءه خفيفه في هذا المكان و جنب سور الحديقه اشجار كبيره تمنع الانوار حقت الشارع
اخذت نفس وانا انزل راسي ولقيت ليث يطالع فيني قال بنبره شكوه""تدرين قد ايش الموضوع صعب علي""
قلت وانا احط يدي ع خدي واطالع بالعشب""وتدري انت قد ايش كان صعب علي اعزمك وتقولي مشغول والقاك في البيت(رفعت عيوني وكملت بسرعه وانا ابعد يدي عن خدي)لا تفسر انا تخطيته خلاص""
قال بنبره منخفظه يذكرني""انتي وعدتيني ان مايخف حبي عندك ولا مثل وعد انك ماتظ²ذيني""
قلت بعدم صبر""ايوه مثله بعدين مو كل شوي ترجع لهذا الشي ترا حتى انت اذيتني""
قال وكظ²نه من اول يبغى يوصل لهذي النقطه""يعني تعادلنا""
قلت وانا احرك راسي بلا""ماتعادلنا انا اثبت لك لما اخذت الحبوب بس انت لا""
ماادري بنوصل لايش وانا ارجع اتكلم بكل شي جرحني
قال بعد مامسح ع شعره""تاج لا تصعبينها علي تكفين""
اذا بس طلبت اثبات وكلام بعد منه قال لا تصعبينها
وهو اش سوا لي صعبها وعقدها وانا كنت مصره
قلت وانا اوقف""خلاص اساسا مايحتاج هذا الكلام كل شي انتهى""
وقف هو بعد وقال بحزم""لا ماانتهى وانا بثبت لك""
يعامل الموقف وكظ²نه تحدي مو شي عميق
تعبت منه
قلت وانا انظم انفاسي علشان الضيقه تروح""اسمع ليث ياليت ترسل لي رقم حسابك امي زعلانه لاني قلت لها كل شي وماراح ترضى حتى ارجع لك فلوسك وبعد الفلوس الي مع حنان هي لك اخذتها ذيك المره من رصيدك خذها منها وبنسبه لابوي بيقدم استقالته ان شاء الله وق.....""
قاطعني وقال بنبره منخفظه مشبعه صدمه""لا تقولين كذا تاج وكظ²نك تودعيني""
ماكنت اودعه بس كنت اودع كل احلامي وكل الاماني الي تمنيتها بالشهرين هذي
قلت بعد ثواني وانا ابعد عيوني عنه""هذا الي بيصير""
اذا مايبغى ذا الشي يعتذر
يقول انه بينسيني بيعوضني يبغى يعيش العمر معاي يبغاني اكون ام عياله
هذا الي انتظره
بس هو ماقال ولا شي من هذا
تم ساكت وحاسه بنظراته علي قلت""تظ²خرت ع البيت""
مافكرت اشوف وين النقاب
فتحت طرحتي ورجعت لفيتها وغطيت وجهي
ومشيت بتجاه السياره
توقعت يكون لقائنا غير عن كذا
توقعته صدق والله مو عارفه اش متوقعه
بس اكيد مو كذا
دخلت يدي تحت الطرحه وبعدتها شوي عن وجهي
علشان اشوف الارض ومااطيح
بس مع كذا طحت ع الارض بقوه لان رجلي علقت بشي
وبنفس السرعه وقفت واللتفت وانا ماسكه الطرحه لانها ارتفعت عن وجهي لما طحت
علشان اشوف ليث اذا شافني ولا لا
ولقيته ماشي وراي بيده الفرش وجيكتي ومبتسم دليل انه شافني
لما تظ²كدت انه شافني
اعطيته ظهري وانحنيت وانا ارفع العبايه والبنطلون لركبتي اشوفها
لاني حسيت انها انجرحت كظ²ني طحت ع حجران صغيره
بس ماكان فيها شي
مسحت عليها
ونزلت العبايه وعدلت وقفتي وانا اسمع ليث يقول بظ²هتمام""انجرحتي""
قلت""لا""
وانا ارجع اعدل طرحتي وغطيت وجهي ومشيت جنبه
دخلنا السياره وقبل مايحرك اعطاني النقاب وجوالي وجيكتي رماه ورا
حطيت جوالي بحضني ولبست النقاب وعدلت جلستي وانا متنعمه بدفى المكان
منجد ان احنا غريبين ومناسبين بعض بطريقه قويه
بسرعه رجع الانسجام بيننا وماكظ²ن لي فتره كل ليله تقريبا ابكي ع فراقه
والحين جنبي وعادي الجو ماني فرحانه
بعد كم دقيقه من الصمت قال""مو ضروري مجله يعني اوراق وطباعه وتوزيع تقدرين تسوين مجله اكترونيه واتوقع هذا مجالك راح تنجحين فيه وبتكون شركتنا الراعي الرسمي لك""
سمعت كلامه بتركيز واستقر بعقلي
كيف مافكرت فيها وتشجيعه بعد اثر فيني واهتمامه يعني يؤمن بنجاحي
نسيت كل شي ثاني وركزت بس في الفكره
وقلت بتفكير""يبغى لها شي مميز علشان تجذب الناس""
قال""الاسم اول شي يجذب سميها السلطه يجمع بين اسمي واسمك""
هذا الكلام بجد عدل مزاجي وشرح صدري
قلت بظ²بتسامه لاني لقيت شي واخيرا""لا هذا الاسم مايناسب مجله متنوعه وبعدين اذا قروها بفتحت الحروف""
قال بضحكه""شكلك جيعانه""
قلت وانا اصغر عيوني""مو مره""
سمعته يتنهد بصوت عالي وكظ²نه انتصر
بس انا كان تفكيري بعيد عنه
والله انها فكره مجله اكترونيه
بس اصل البيت ان شاء الله بظ±بحث عن الموضوع وبشوف كل شي
بعد كم دقيقه وانا مندمجه بظ²فكاري
لاحظت ان احنا مو رايحين البيت ولا حتى رايحين بيت ليث
قلت بستغراب وانا اللتفت عليه""وين رايحين""
قال بعد مااخذ نظره علي""ابغى اثبت لك""
مافهمت اش قصده بس فهمت كلامه يعني يبغى يراضيني
رجعت ظهري وقلت بتردد""طيب انت مصدقني""
خفف سرعة السياره حتى وقف ع جنب الطريق
ولف علي وقال وهو يمد يده ومسك يدي ومعطي الموضوع كل اهتمامه""انا اسف اني فكرت فيك كذا""
كان ماسك يدي ويمسح ع اطراف اصابعي بظ²بهامه
هذا لاني اثبت له
واساسا بعد مااثبت له كانت لسى فكرة الانتقام براسه
اش الي تغير بعد مارجعت البيت عند اهلي
ولا حس انه بيخسرني بيخسر وحده تحبه
قلت بمنطق وانا اسحب يدي""عذرك بداية زواجنا""
ودي الا اتمنى من كل قلبي احس انه يحاول يرضيني وكثير بعد
ابغى احس اني بنفس مستوى حبي له
وانا بصراحه مو نفس الزعل الاول خف كثير
اول شي لانه جاء الحديقه عندي وحاول يكلمني
ولانه الحين اعتذر
ولانه بعد ناوي يثبت لي انه يحبني
وبعد لانه فكر بمستقبلي وفكر اش يناسبني
ولانه مانسي كلامي لما ارسلت له بتحطيم عبدالرحمن لي
بس عدلت جلستي وطالعت قدام ماابغاه يحس اني سهلة الارضاء بهذا اليوم
ودي يتعب علشان يلقى رضاي مثل ماتعبت
ماابغى افكر بعد كذا يوم ولا بعد كم شهر اذا كنت زعلانه عليه
انه وقت مايحب يجي وانا ارضى ووقت مايزعل مهما احاول ماينفع
ابغى احس بتساوي
قال بنبرة صوت حميميه""بعد كل شي سويته تعذريني""
ماالتفت عليه ولا قلت شي
انا تو افكر اني ابغى احسسه ان زعلي صعب
مو مشكله ابين اني احط حواجز واخلي الموضوع رسمي
ماله دخل بالشعور وهو اني تكتفت وطالعت بالسيارات الرايحه بدون مااعلق ع كلامه
وليث بعد ثواني من الصمت حرك السياره وهو يقول بنبره واعده""الليله بنتفاهم ع كل شي""
كلامه حسسني برجفة مشاعر
بس مابينت له شعوري
قلت علشان اغطي عليه""وش معنى اليوم(وبنظره سريعه بيومي فهمت السبب كملت بظ²بتسامة مسخره)علشان جاتك حنان بالفلوس تو صدقتني""
يعني من كل جهه مو واثق فيني
لا من ناحية فلوس ولا من ناحية صدقي بحبه
وان مو السبب اثبت نفسي بالعايله علشان فلوسه
يعني السبب الاساسي فلوس
قال ليث وهو مركز مع الطريق""انا اسوق قلت لك بنتفاهم الليله ع كل شي""
قلت بصوت منخفظ بس مسموع""ماعنده رد لان هذا السبب""
ياربي كل ماافكر فيها يطلع شي جديد
يعني لاني بسيطه واخذ كل شي بسهوله وبساطه ومن غير تدقيق هذا الي صار
لو اني فكرت فيها كذا بالحديقه كان ماطلعت معاه السياره
فتحت جوالي وكتبت برساله(من متى تدري ان ليث يبغى يشوفني)
ارسلتها لعبدالرحمن
ليش يخليني وحدي عارف اني راح ارضى بعد ثواني بس جاتني رساله منه كان كاتب فيها
(من العصر اتصل علي وطلب يشوفك ويقول انه يبغى يكفر عن اخطائه ويبغاك طول العمر علشان كذا سبتك ورجعت البيت بس علشانك اجلته للحين علشان تأخذين حقك فالانتظار مع انه كل شوي يتصل يسأل وانا اقول له انك مو راضيه تطلعين وبعد ترا كلم امك يلله الله يسعدك ولا تنسين خالك حتى لو قلتي لا طلع يدك ليث)وحط غمزه
ابتسمت بقوه يعني كان يبغى يشوفني بنفس المطعم الي عزمته فيه وامي لما قالت شيلي جوالك كانت عارفه كلهم واثقين اني برضى وبرجع معاه لاني كاسره خاطرهم
وهذا الي صار
ولو بفكر بس شوي بنصدم كيف اني بسيارته وماادري وين بيروح وساكته عادي
بس بعد تقريبا ربع ساعه عرفت وين رايحن
كان يوديني شقتنا
ماعرفت اش حاسه فيه
خايفه يتعدل هنا كل شي مثل المره الي فاتت وبعد مانرجع البيت يخرب كل شي
بعد مثل المره الي فاتت
بس ماقدرت اتجاهل حجم السعاده الي حسيت فيها هنا
ليث قاعد يضغط علي
كذا بسرعه اكثر من سرعتي برضى
وقف السياره ونزل وانا تميت مكاني انتظره يستظ²جر مثل المره الي فاتت بدون تفكير
بس هو فتح لي الباب وقال بظ²بتسامه""مجهز لك مفاجاءه""
طالعت فيه ثواني بريبه مفاجاءة من ليث
هو مايعرف لمثل هذي الاشياء
ضحك ع نظراتي ورجع يقول""والله احاول""
نزلت من السياره وانا مبتسمه بيني وبين نفسي
يحاول
يعني يحاول يغير شي بنفسه علشاني
مسك يدي وسكر باب السياره
وصرت امشي جنبه بس بدل مانروح العماره مثل ماتوقعت
مشى بتجاه الحديقه الي نزلنا لها الفجر
مفاجاءه وبالحديقه تحمست بقوه
دخلناها كانت مظلمه تقريبا
مشى وهو لسى ماسك يدي ولما تعودت عيوني ع اني اشوف بالنور الخفيف
شفت مثل العازل الي موجود بالمطاعم حول طاولات العوائل
عرفت قصده عشى رومنسي هنا
تحت النجوم حبيت المفاجاءه قوه
يعني يطلع من ليث
طالعت فيه وانا مبتسمه وانتظر اشوفها من قريب
بس لما بعد العازل شوي
علشان اقرب اشوف الطاوله
بسرعه حط ليث يده ع عيوني يسكرها ويده الثانيه ورا ع رقبتي ويقول بربكه واضحه""اصبري مو الحين تشوفين""
بس انا بعدت يده مو قادره انتظر
وزدت فضول لانه قال مو الحين
ليش اش الي مايبغاني اشوفه
لما نزلت يده شوي وشفت الطاوله الكبيره فاضيه مافيها الا شموع كبيره بالنص
طالعت فيه بستغراب مافهمت
بعد يدينه عني ورجع خطوه وقال بظ²حراج قوي وهو يطالع بالطريق ويحك بنهاية شعره""نسيت مااطلب الاكل""
ضحكت من كل قلبي احس اني من زمان ماضحكت بهذا الكثر
رجع يقول لما شافني اضحك""صح هذا غباء مني(وكمل بقهر واضح)ماقد سويتها انا ماانسى شي وكنت مرتب كل شي""
والله حبيته زود
وحبيت احراجه
وحبيت محاولته الفاشله
والله كل الزعل اختفى ونسيت كل شي
وشكله بهذا الوضوع خلاني بدون شعور الف عليه بكامل جسمي واقرب منه
واحضنه برضى وسعاده
وانا احس بشعور عميق حرك كل احاسيسي من احراجه ومن محاولته
وهو لما حضنته قرب مني اكثر وحاوط اكتافي
وحسيت بحنان مضاعف لما قال بصوت معتذر هامس قريب من اذني""اسف والله كنت ابغاها ليله ماتنسى بس لما كنت معاك نسيت""
ماعرف يعبر
بس انا فهمت وهو معاي ينسى كل شي ثاني
اساسا هذا علشان مسخرته فيني
والحين عرفت انها مو فكرته
شديت يدي الي حول خصره وانا ابعد راسي عن صدره وقلت بضحكه""ماراح انساها تظ²كد""
بعد راسه عن كتفي وبعد شوي علشان يشوف عيوني
وقال بتوضيح ولسى الاحراج باين بوجهه""انا قلت ماابغى الاكل يكون بارد قبل مانوصل بكم دقيقه بكلمهم هم قريبين من هنا وكل شي جاهز بس ينتظرون اتصالي""
طالعت بعيونه بحالميه
اول مره اشوفه بهذا الوجه المؤثر
حسيت اسلوبه بالتبرير وملامح وجهه ع ضوء الشموع وهي غرقانه احراج
خطفت انفاسي
قلت بظ²بتسامه اهون عليه وانا لسى حاضنه خصره""احبك انا تدري""
نقل نظراته بين عيوني بحب وبامتنان واضح وقال بنبره ثقيله""ايوه ادري وانا اكثر""
صح هو اول مره يقولها بلسانه حتي لو انا اكثر بدل احبك
بس كثير حسيت فيها ومصدقتها
قلت بعد ضحكت انتصار صغيره""ادري""
رفع النقاب عن وجهي وسحبه كله وحطه ع الطاوله وكظ±ن بينهم عداوه
كل ماشافه شاله
حط يدينه الثنتين ع خدودي ورفع وجهي وقال وهو ينزل راسه شوي""لا ماتدرين انا كل تصرفاتي كانت غلط وعد اني اعوضك عن كل شي سويته""
قلت بظ²بتسامه لنبرة الوعد ولاحساس انه عارف انه غلطان ويعترف قدامي وناوي يعوضني كلامه كفاني""مصدقتك""
نقل نظراته بين عيوني بسرعه وكظ²نه يدور ع شي
وانا لسى كنت ع وضعي حاضنه خصره وهو يدينه ع خدودي
والجو الهادي بهذا الساعه وضوء الشموع والهواء الي يمر برقه ويحرك الاشجار برقصه تناسب شعوري وفرحتي
نزل راسه للمحه خاطفه ومابعد كثير
ورجع قال وهو يبغى يثبت لي اكثر""وابغاك تحملين من هذا الشهر""
ابتسمت بخفيف وانا افتح عيوني
وطالعت فيه بشر
اخذ نفس عميق ونزل يدينه لرقبتي من تحت الطرحه ونزل يده اكثر شوي
ارتجفت من برودة يده ع رقبتي ومن المناقض له في مشاعري
هذا المكان فيه سحر اكيد
قربت منه اكثر ورجعت ابتسمت وقلت بتهديد مبطن بس والله بروح حلوه""انا لي رائي بعد لا تنسى مو كل شي ع كيفك من الحين اقول لك""
قال بهمس وتدليل""انتي تتشرطين""
قلت""نجلس هنا اسبوع بالقليل""
رفع يده لفكي وثبت راسي
وقرب وباسني ع جبهتي بعمق
وقال وانا احس بحركت شفايفه ع جبهتي""والله احس انك حملتيني جميله برضاك السريع""
قلت وانا ابعد راسي واطالع فيه بطرف عيوني""تعبيرك غلط""
فهمت قصده بتعبيره الغلط
بس هذا هو ليث وانا صرت افهم عليه
رجع مسك وجهي بحزم وقربني منه اكثر من اول وقال بنبره مخمليه وانا احس بظ²نفاسه الدافيه تمسح ع ملامحي بنعومه وتوعد قلبي بالسعاده""خلاص طيب اذا تعبيري غلط افعالي بتكون واضحه اكيد""
قلت بهمس""اش تحس الحين""
مسح ع حواجبي بأبهامه وهو لسى ماسك وجهي وقال بتفكير""احس ب.......يعني اني فرحان و.......(طالع بعيوني وكمل بتساؤل حقيقي)تعرفين الارباح والفايض"
تركت خصره وضرب كتفه وانا ابعد خطوه واقول وانا اتكتف""ترا ماراح اطلع معاك الشقه حتى تقول كلام حلو يعجبني""
نزل يدي الثنتين ورجع سحبني وحضني بقوه
وانا رافعه راسي اطالع فيه انتظر كلامه واطالع بنص عيون
هذي المره مافي سماح حتى يعبر عن احساسه صح
قال بهمس""احبك واحس اليوم عيد""
مع انه كرر كلامي الا انه قالها بأسلوبه وكأنه محى ذيك الليله
ونظراته بعد وحركت اصابعه ع ظهري خلت المعنى اعمق ابتسمت برضى
وهو لما شاف الرضى قرب وجهه
بس انا بعناد رجعت راسي ورا وقلت وانا اترك خصره وابعد عن يدينه قبل مايقرب اكثر
وجلست ع الكرسي""تقول تعرف تتصرف اذا تصرف واتصل ع المطعم مو تقول هم هنا قريب وكل شي جاهز""..



...الـــنـــهـــايـــه...





الحمدلله كما ينبغى لجلال وجهه وعظيم سلطانه..
لا اله الا الله..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 132
قديم(ـة) 30-11-2015, 12:46 PM
صورة روح تتنفـــس ..~ الرمزية
روح تتنفـــس ..~ روح تتنفـــس ..~ غير متصل
©؛°¨غرامي مبدع¨°؛©
 
الافتراضي رد: من المستفيد /الكاتبه : عجايب ؛كاملة


يعطيك العااااااااااااافية
م قصرتي رواية حلووووة
بس كان عندي فضوول اعرف شوو صاار مع شووق وخالد
ليث وتاج < اسمهاا حلوو اعجبني هه
مدري تاج بتزعل بسرعة بنفس اللحظة بترضى منجد سهلة الارضاء جدا جداا
على عكس ليث عوووذ بالله حاقد خخخ
كان ودي اعرف طريقة تفكيره كيف لان غالب تصرفاته كانت تخليني اشك فيه .؟
يعطيك العافية مرة تانية ي الغلا
بانتظااار جديدك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 133
قديم(ـة) 18-12-2015, 02:10 PM
صورة بيبه الاموره الرمزية
بيبه الاموره بيبه الاموره غير متصل
©؛°¨غرامي فعال ¨°؛©
 
الافتراضي رد: من المستفيد /الكاتبه : عجايب ؛كاملة


يسلموااااا حلوه كتير بالتوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 134
قديم(ـة) 02-02-2016, 06:07 AM
صورة عاشقة ياسمين الرمزية
عاشقة ياسمين عاشقة ياسمين غير متصل
©؛°¨غرامي فعال ¨°؛©
 
الافتراضي رد: من المستفيد /الكاتبه : عجايب ؛كاملة


قمة الروعه والابداع ما شاء الله

تسلم ايدك حبيبتي ووفقك الله

الرد باقتباس
إضافة رد

من المستفيد /الكاتبه : عجايب ؛كاملة

الوسوم
المستفيد , الكاتبه , عيادة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عشق بلا قيود/بقلمي؛كاملة رشآ_الخياليه روايات كامله - يتم نقل الرواية هنا بعد اكتمالها 1811 03-10-2018 11:26 PM

الساعة الآن +3: 08:01 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1