Deema wd ©؛°¨غرامي جديد¨°؛©

انا عشقت الكتابة كعشق النحل لرحيق الزهور كعشق النجوم للقمر كعشق الغيم للمطر عندما انفجرت مشاعري للكتابة بدأت ألامس سطور روايتي الا وهي (الا ليت العمر يعود لحظة الصفر)

لا احلل نقل روايتي دون نقل اسمي deema wd عدد البارتات لم يحدد أوقات نزول البارتات هو كل جمعة

البارت الأول راح ينزل بعد ربع ساعة بإذن الله وإنشاء الله تعجبكم مولودتي الأولى


فيصل.! ©؛°¨غرامي جديد¨°؛©

بآلتوفيق لك ^^

Deema wd ©؛°¨غرامي جديد¨°؛©

آسفة بنات بس بنزل البارت بكرا اعرف ان هذا مخالف للقوانين بس والله مضطرة

Deema wd ©؛°¨غرامي جديد¨°؛©

البارت الاول

ا
المآآضي المدمر

تركض وهي خائفة على ولدها فجأة وقفت وهي تشوف شارع فرعي مبين عليه انه فاضي وجمبه حي شعبي على قد حاله وقامت تتلفت يمين ويسار عسى تلقى مكان تحط فيه ولدها وهي تدور أي مكان يفي بالغرض لقت عمارة مكسرة وحالتها حاله راحت بسرعة عشان ما يتبلل ولدها بالمطر وحطته قدام باب العمارة وقبل لاتروح عنه نزلت رأسها عند رأسه وهي تبوسه وتبكي وحطت في الصندوق الي حطت فيه ولدها قلادة مزخرف على شكل زخارف العصور الوصطى مصنوعة من الذهب ومرصع بالألماس

وقفت وهي تكتم عبرتها وقالت :لا تقلق يا صغيري فسوف ادعوا الرب بأن يجمعنا في المستقبل

لما خلصت كلامها عطته ظهرها وقامت تركض وهي تصيح

بعد 6سنين من هذي المأساة وفي احد بيوت حي شعبي فقير
:بابا يا بابا وينك����
الأب: نعم يا متعب ايش تبغى يا روح بابا

متعب وهو يصيح :شوف خالتي نور تطقني وتقول لا تدخل عند عيالي يا اهئ أهئ


الأب وهو مكسور قلبه على ولده وفي نفس الوقت معصب على نور :وش قالت لك ال####

متعب :قالت لي ......

تم البارت التعريفي ولله الحمد
طبعا انا عارفه ان البارت قصير
بس والله هذا الي قدرت عليه
ويوم الجمعة انشاء الله راح يكون
طويل بإذن الله وانشاء الله تعجبكم روايتي


Deema wd ©؛°¨غرامي جديد¨°؛©

المشاركة الأساسية كتبها فيصل.! اقتباس :
بآلتوفيق لك ^^
اشكرك على الرد لك ودي deema
wd


Deema wd ©؛°¨غرامي جديد¨°؛©

. البارت 2


الأب والطبلون عنده بينفجر قال : تعال يا بابا في حضني (راح متعب وجلس في حضن ابوه وهو قاعد يمسح دموعة الي مو راضية توقف كمل الأب وهو يقول :لا احنا ما تفقنا على كذا مو أنا قلتلك خلك رجال ولا عاد اشوف ادموعك

متعب وهو يحاول يمسك عبرته قال : صح خلاص يا بابا أنا ما راح ابكي


[COLOR="Magenta"[/COLOR] twq
stop

(كثير من الناس يفكرون ان الولد ما يصير يبكي ليه لان رجال الولد مايصير يتألم لان رجال الولد ما يصير يسوي أشياء كثيرة عشان سبب واحد بس وش هو عشانه رجال ياناس ترا الكائن المسمى برجل له مشاعر وأحاسيس يقدر يحس مثل ما احنا نحس حتى ان الرسول صلى الله عليه وسلم كان يبكي لما يسمع القرآن يعني الرسول صلى الله عليه وسلم نفسه كان يبكي فما بالك برجل عادي يعني هو مو كل الناس عندهم هذا المعتقد بس أنا اتكلم بشكل عام )

التكملة
ابو متعب وهو يتنهد بتعب: يلا يا متعب إِيش قالتلك نور

متعب وهو يطالع ابوه بخوف قال : أنا يوم رحت لخالة نور ....

نرجع لقبل عشر دقايق



متعب وهو مستانس لان الغدا خلص : خالتي نور حطيلي أنا بعد أبغى رز

نور بقهر من ذَا البزر الي دخل حياتها على قولتها : تخلخلت عظامك أنا مو خالة واحد ولد حرااام
ولد حرام
ولد حرام

متعب والكلمة الى الحين في باله : بس هذا الي قالتلي

ابو متعب والشياطين تنط نط فوق راسه من العصبيه : وينها بنت ال#### الي ما تستحي ال#### وينها

فجأة تدخل هي وعيالها

نور هي مبتسمة ابتسامة خبيثة : شفيك حبيبي ليكون عصبت على الي ما يتسمى وكملت وهي تحط ولدها الي كمل سنة وست شهور وبنتها الي ما خلصت الشهرين وأخيرا ما بغينا تقطه في اي شارع وإلا أقول هذا حتى الشارع ما يتقبله
ابو متعب وهو خلاص ما عاد يقدر يتحمل شرها وخبثها على ولده : إنتي عارفة مين الي قاعدة تتكلمين عنه هاا

نور وهي معصبه من طريقة زوجها : ايه عارفه ولد حرام ومن الشوارع جا.......ما كملت كلامها الا كفففف قوي جا على خدها
ابو متعب بعد ما برد حرته قال : إنتي طال.....قاطعه متعب وهو يقول

متعب وهو يشاهق ودموعه تنزل بقوه : بابا أنا تعبت خلاص دايماً خاله نور تقولي انت مو ولدنا وانت من الشارع وولد حرام بابا أنا دايماً لما أجي انام أتأكد اذا الباب مقفول عشان ما تجي خالة نور وتخليني انام في الحوش بدون مخدة ولحاف أنا اذا جيت من المدرسة اعطي الشغالة الباقي من الفسحة حقتي عشان تعطيني غدا لان خالة نور تقولها لا تعطيني وإذا قلت للشغاله عطيني تقولي اول شئ عطني فلوس بعدين اعطيك غدا بابا انت اكيد بتقول كذاب بس والله هي تسوي كذا وهي تتعمد انها تسوي كل هذي الاشياء لما تكون انت مو موجود او بتتأخر في الشغل او انك مسافر ليش يا بابا أنا إِيش سويت ها إِيش

ابو متعب وهو مصدووووم صدمة عمره : اششش خلاص يا بابا لا تبكي أنا معك ماراح تشوف ذا ال استغفرالله بس المهم انك ماراح تشوفها مرا ثانية طيب بابا (بعدين لف عليها ووجهه ما يتفسر ) وانتي امشي قدامي للغرفة

نور وهي ميته خوووف بس مع ذلك الا تسوي الي في راسها وتقهر متعب : طيب حبيبي بس بشيل عيالي لان ما اقدر اخليهم هنا يعني انت تعرف أنا مستحيل أحط عيالي عند عيال شوااارع
ابو متعب وهو ما يقدر خلاص استنفذت كل صبره : أقولك تعاالي هنا إنتي ما تفهمين (سحبها من ذراعها بأقوى ما عنده)أقولك تعالي
راحوا لغرفتهم ودخلوا وهو لازال ماسك ذراعها بأقوى ما عنده
وقال ابو متعب : إنتي يا مزبله ان ما مسكتي لسانك هذا ترا والله ثم والله انه راح ينقطع تفهمين إنتي وإلا لا هذا الولد الي تتكلمين عنه ولدي ولا تنسين ان زوجتي المرحومه وصتني عليه
نور وهي تطلع دموع التماسيح : هذا مو ولدك تفهم مووو ولدك انت و نهاد إنتوا لقيتوه في عماره مكسره ومهدمه وهو لسى باقي صغير فأيش تفسر هذا الشئ ها قولي إِيش تفسر هذا الشى

تم البارت 2 ولله الحمد
والله الله بالردود والتوقعات
وطبعا مثل ما تفقنا ان البارتات راح تكون
كل جمعة بس أنا نزلت هذا البارت عشان البارت 1
كان مرا مرا قصير فعشان كذا نزلتلكم هالبارت
كتكملله فقط وإلا الوقت بيييكونن نفسس ما هو

أنفاس غاليها ~ ©؛°¨غرامي مشارك¨°؛©

مساء الخير..
بدايه موفقه ومشوقه..
ياترى لماذا تركت الام طفلها؟
لا أعتقد بأنه أبن حرام !!
بنتظار التكمله بكل شوق..
ودي لك..


Deema wd ©؛°¨غرامي جديد¨°؛©

المشاركة الأساسية كتبها الكاتبة مريام اقتباس :
مساء الخير..
بدايه موفقه ومشوقه..
ياترى لماذا تركت الام طفلها؟
لا أعتقد بأنه أبن حرام !!
بنتظار التكمله بكل شوق..
ودي لك..
اهلين حبيبتي شجعني ردّك وانشاءالله راح يبين كل شئ في الأحداث الجاية


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1