منتديات غرام روايات غرام أرشيف الروايات المغلقة - لعدم إكتمالها رواية من عام وأكثر كنت أجي وأدور أحبابي هنا/ بقلمي
حكايا ناي ©؛°¨غرامي جديد¨°؛©

بسم الله الرحمن الرحيم
روايتي الاولى بإسم : من عام وأكثر .. كنت أجي وأدوّر أحبابي هنا وأقول يـ اللي غايبين الله لنا ..!
رواية تحكي حب صادق حب عفيف راح يكون فيه صراع بين اشخاص راح يكون فيها دموع رجال و... بالنهايه راح يكون كل شيء بوقته حلووو


من عام وأكثر .. كنت أجي ..!!
وأدوّر / أحبابي ....!!
هنا ..!!
وأقول يـ اللي غايبين .. [ .. الله لنا .. ] !!
و .. (لا / يردّ ) .. إلا .. الشجر ....!!
صوتها .. وهواها ..!!
و .. ( أنا ) ..!!
صرنا .. مع الوقت .. ( أصدقا ) .. وأحباب قلبي .. ( مادروا )
ولو هم .. ( دروا )
مآيرجعون ...!


الساعه 7 الصباح فتح عيونه على صوت المنبه ورجع يغطي وجهه بالمخده وتألمم
مسكته بيده : سعود ! شفيك سعودد
بعد المخده : مافيني شيء بس صداع
ابتسمت بوجهه وكل بسمتها حنان : يلا اصحى حبيبي الدوام لك كم يوم تاخر عبدالله دق علي يقول خله يقوم
بعد البطانيه ونزل وباس راس خالته : صباح الخير يخاله
قالت بضيقه : انا مثل امك نادني يمه
ابتسم : صباح الخير يميمتي
وراح يدور تي شيرته بين الحوسه ولما عجز يلقاه دخل الحمام بدونه
يسمع قربعه اغراضه زفر وغسل وجهه ودخل تحت الدوش ياخذ شاور سريع ينعشه قبل الدوام
طلع هالمره مبكر غرفته مرتبه اكيد خالته شاف تي شيرته على الكنب
ابتسم وراح يدور له ملابس


الساعه 7 خلصت كشختها لبست عبايتها ونزلت مع اخوها ارتجفت توها متروشه والجو بارد
ركبت معاه قدام شافت سيارته لسى ماتحركت استانست وهي تشوفه طالع طار قلبها لها كم يوم ماشافته
قال اخوها بعصبيه : غطي عيونكك الرجال
عضت شفايفها ما امداها تشوفه وتشبع منه
غطت عيونها وناظرت فيه بضيقه
اشر لاخوها يسلم عليه وقرب منه : خويلد ياهلاا .. شلونك يرجال من زمان عنك
قال خالد وهو يضحك : انا اللي من زمان عني وانت يخوي لك كم يوم ما داومت
ضحك : والله عارف التعب هالايام احس بصداع وحمى قالت خالتي لا تروح خابر تخاف علي من النسمه
قال خالد وهو يشهق : يرجاااال صادق
ضحك وكمل : عاد موب النسمه المهم تعال الدوانيه اللي انت خابر خلنا نتقهوى نعدل هالراس شوي
قال خالد : معاي هالفالحه راقده عن المدرسه توها تصحى تحسب الكل على كيفها
انقهرت
قال سعود برزانه لانه مايدري انها معاه : زين اذا خلصت من الاهل تعال
قال خالد : ابشر بس احطها بمدرستها قريبه واجي
ابتسم سعود : طيب
وراح
قالت وهي تزفر : سعود ليش ساكن عند خالته
لف عليها خالد وهو يزفر : مادري عنه كان بالدمام بس كرهها كره كبييير فجأه فقدوه بالدمام ولقوه عند خالته هنا بالرياض وعنده الالم بالراس ودايم يصدع ويفقد وعيه
هزت راسها وهي تحس حبها له يكثر بقوه وتتمنى يحبها


بعد يومين فتح سعود عيونه على صوت جهاز كرهه ومكان يزيد كرهه له
تحرك وسحب المغذي من يده بحذر واخذ منديل وحطه مكان المغذي يمنع الدم
دخل الحمام غسل وجهه ملامحه شاحبه شعره مبعثر وعيونه ناعسه اكثر ويحس بجفاف
طلع لاقى خالته قدامه حضنته وبكت : سعود حبيبي وش فيكك .. وش صار لك
ضحك بهدوء : ياخاله انتي تخوفيني مافيني شيء شوفي عافيه عافيه
قالت وهي تمسح على راسه : طمني عليك طمني شلون راسك مافيه صداع
صقع راسه بيده : ابدد مافيني شيء تحبون تخوفوني بس ما فيني شيء
بعدين تذكر قبل امس
كان بالدوانيه الصباح مع خالد فجأه حس بصداع قوي واغمي عليه ولقى حاله بالمستشفى

نعرفكم على سعود
شاب بنهاية العشرينات من عمره ملامحه عربيه اصيله واللي يبين ملامحه البدويه عيون سوداء زي الليل وبشره سمراء من البران وحدت صوت ودايم يحب يلبس ثياب انفه سلت سيف وحواجبه مرسومه بدقه رموشه كثيفه محليه عيونه الحاده الواسعه فيه دقن خفيف وشنب محافظ عليه بشكل دايم يقول وش حلاة الرجال بدون شنب شعره مخفف وطويل ونحيف بس عرض جسمه مخفي نحفه ولد قبيله ومايحب حركات اللف والدوران والدلع واللعب

وهو جالس حس على صوت ضرب الباب من جايه بهالظهر
وقف وفتح الباب ابتسم : هلا خالد هلا تفضل
قال خالد وهو واقف وسلم عليه : اهلين شخبارك الحمدللّه على السلامه
سحبه سعود : ادخل ترا لحالي وطفشان
قال خالد : اعذرني معاي الاهل
قال سعود بحذر : هنا بالمستشفى عسى ماشر
قال خالد وهو يبتسم : خبرك دلع بنات قاعده تسوي فحوص ومادري ايش وجينا نطلع قلت امرك
قال سعود : خلهم يدخلون محنا صوبهم ابي اسولف لك
ابتسم خالد وقال : طيب اصبر

طلع وتوجه لاخته جالسه بكراسي الانتظار
قال : ترفف امشي معاي
وقفت وهي تمسح دموعها بطنها يعورها معاها الدوره ومتعوره بشكل
قال وهو يمشي : بجلس عن خويي بدخلك معاي لما يجي فهد ياخذك وهو طالع دوامه بينتهي شوي خبي عيونك طيب
هزت راسها بدون نفس اصلاً
ضرب الباب اول ما دخلت جلست بعيد منهم على الكرسي اما خالد راح صوب سعود يسولف وياه
قال سعود وهو يبتسم : تدري والله اشتقت لأهلي بس ما احب الدمام
قال خالد وهو يحك راسه : ما يجون هنا
قال سعود وهو يضحك : قريب قريب يجون وانساك وانسى هواك يولد

وبنلتقي مهمآ يكون عندي شعور بنلتقي واحضن كفوفك فِ يدي

رفعت ترف راسها شافت سعود يضحك تقطع قلبها على جماله وملاحته ذكرت الله بداخلها
وظلت مفهيه فيه وهي تعبانه خلاص مالها خلق شيء تحس بعطش
مالقت شيء تنادي فيه خالد دقت عليه رنه وسكرت
قال خالد وهو يطالع سعود ببغرابه : اعتقد اهلي معصبين ينتظرون
فتح جواله بهلع شاف اتصال من ترف
عصب ولف صوبها : نعم خير ؟ وش تبين
نزلت راسها وسكتت وقف وجاء صوبها : نعم تبين شيء بيجي فهد واذلفي وياه ترى رافعه ضغطي
قالت ترف بهمس : ابي مويااه عطشانه
شوي انضرب باب غرفة سعود كان فهد
طلعت وياه ترف وراحت
رجع خالد جهت سعود اللي ابتسم : ليش تهاوشها كذا مسكينه تعبانه ؟
قال خالد بملل : انت ماتدري انها مصحيتني امس اخر الليل تبي المستشفى كنت بتفل بوجهها دلع بزران اي بطني اي جسمي اي رجلي
ضحك سعود برزانه : حتى لو هي حرمه ضعيفه اي شيء يألمها
قال خالد : تكفي فكني من طاريها يكفي انها قدامي بالبيت مرتزه 24 ساعه
قال سعود : لحووول جارات موب اخوان
ضحك خالد : بس اني احبها واخاف عليها
ابتسم سعود : اختك شلون تكرهها غبي اذا كرهت اختك

وصلت ترف البيت متحقنه دموع وعيونها تلمع
نزلت بعبايتها وركض لغرفتها تبكي الم

الساعه 8 الليل دخل خالد البيت : يمه صلحوا قهوه سعود عندي بلملححق
قالت امه وهي متوجهه للمطبخ : مير قلي وش علومه كان بالمستشفى
ابتسم وقال : الحمدللّه صار احسن دايم تجيه هالحاله
سمع وراه صوت صياح مكتوم لف شاف ترف وجهها احمااار وعيونها متنفخه نوم مع صياح وصوتها مبحوح صياح
قالت وهي تمسح دموعها : ابي فيفادول عطنني اذا عندك تكفى وراحت تنسدح على الكنب
رحم حالها وقال : يمه وش فيها ترف
قالت امه : وش فيها يعنني جايتها عمتها ومعاها حراره
احمر وجه خالد خجل وطلع للملحق الصيدليه ياخذ فيفادول
قال سعود : خالد اذا ماعليك امر ابي باندول اذا عندك
قال وهو يهمس : كل اللي حولي تعبانين
ضحك سعود على الحلطمه
اخذ الحبه واكلها اما خالد طلع لترف اعطاها وطلع لسعود يجلس وياه يتقهون
قال سعود : خالد تخاويني انت وفهد
ابتسم خالد : على وين
قال سعود : والله الاجواء هالايام زينه وشتاء وهبت ريح نطلع مع الشباب نخيم بالروضه اسبوع هه .. هه
قال خالد : زين اشوف ابوي عشان نجي وياكم

بعد مرور اسبوع الا يومين بيرجعون الشباب بكرا
اتصل جهاز الثريا حق خالد
رد : هلاا ... اي هلااا .... ايشش ..... وش فيها .... " حط سعود يدينه حول راسه وهو ييطالع خالد بصمت ما تكلم
كمل خالد : طيبب .. شلونها اللحين ... كيفف مرتفعه من ثلاث ايام .. لحوووول طيب بنرجع بكرا .. اليوم ماقدر ..... حتى فهد ... مادري بشوف الشباب ... ايه بحاااول .... زين زين .... ماتشوف شر ان شاء الله ...... ابرجع مع فهد ...... بإذن الله
قال سعود وهو يقرب صوب خالد : عسى ماشر خالد الاهل فيهم شيء
قال خالد وهو يزفر : اختي اعطوها حقنه منومه ذاك الليل وموب الحقنه المحدده لخبطو ودخلت بالعنايه المركزه حرارتها مرتفعه من ثلاث ايام بنرجع انا وفهد
قال سعود : ظني برجع وياكم احس الصداع يزيد اكثر
فجأه طاح من طوله
ارتعب خالد ونادى الشباب صحوه ورجع مع فهد وخالد للرياض
بنفس المستشفى غرف جنب بعض بالعنايه مايفرق بينهم الا زجاجه
خالد وفهد يطالعون بسعود وبأختهم
قال خالد : اللحين وش صار بترف
قال فهد وهو يبتسم : اظن قال دكتورها ان حالتها متحسنه شوي بيفكون الجهاز حق التنفس صارت دقات قلبها طبيعيه
كمل خالد : طيب سعود ها بشر
قال فهد : بعد سعود حالته صارت تتحسن نبي ملفه من الدمام عشان نشوف ونفحص بس مستوصفهم بالدمام تعبااان ومهمل للأسف

الساعه 11 الليل اضواء العنايه المركزه لسى مفتوحه الناسس يزاورون لسى لانه مستشفى خاص فتح سعود عيونه
ودار حوله شاف الاجهزه لف للغرف الثانيه شاف بنت نايمه بهدوء بيدينها جهاز وعلى صدرها
ناظر صدره بس مالقى حاجه
لف صوبها ثانيه فيها جمال خلاه مايششيل عيونه منها مرسومه ملامحها انفها شفايفها شعرها الاسود المنساب على المخده ومبعثر بياضها ونصوع بشرتها وحمرت خدودها وشفايفها كانت قريبه منه بس بينهم زجاجه رقيقه عليها سلسال ذهب

فتحت ترف عيونها تحس بتعب قوي بكل جسمها ماتدري وينها جلست على حيلها تطالع حولها لمست شفايفها بيدها ونزلت على رقبتها تلمسها وتلمس السلسال وترتب شعرها بهدوء بعده قررت تتحرك انفتح الباب كان فهد دخل عليها اول ماشافها ضمها بقوه
سعود بالغرفه الثانيه شاف فهد مايدري حس بغيره يحس حاله يحترق مايدري ليش بس اللي اشغله شلون يضمها وهو مايعرفها
مايدري انها ترف اخته
قال فهد وهو يبتسم : شلونك ترف عساك بخير
قالت بصوت مبحوح : صرت احسن بس جسمي يعورني
ابتيم وقال : بتطلعين من العنايه اللحين ترتاحين بكرا العصر بسجل لم خروج امي وابوي مشتاقين لك مقطعين حالهم عشانك

سعود سمع حسهم عرف انها اختهم غمض عيونه حشمه وماعاد نظرها

افتقدته كثر ماخانوا اصحاب
كثر الجروح وكثر طعن القرابه

فتحت عيونها لها اسبوع بالمستشفى
زياده ماكانت تاكل ولا تختلط بالناس حتى ماعادت تلمحه زي اول
انضرب الباب دخل خالد : هلاا بالزينه اليوم احسن ولا
شهقت وضمته : لاااااا تعبانههه
قال : لحووول ترف شفيك فيك شيء
قالت بصوت كله بكى : لااء صدقني ما فيه شيء
حضنها وهمس : طيب ياعين اخوك تطلعين من المستشفى ترى المستشفى مرضض اسألي
قالت : لااء مرتاحه هنا
زفر وقال : طيب براحتك
طلع ومشى صوب سعود اللي ينتظر الدكتور يعطيه ملفه يوديه لمكان الملفات
قال سعود : بشر عسى الاهل بخير
زفر خالد : مادري مادري اختي موب طبيعيه فقدت حيويتها الدكتور حذر من انها تجلس زياده بس حالتها سيئه بالمستشفى
قال سعود : طيب خليها ترجع للبيت يمكن ترتاح وترجع صحتها
قال خالد : والله رفضت اذا جينا نطلعها تبكي وتبكي وتسوء حالتها بدقيقه ونضطر نتركها لجل ما تتعب حاولنا نعرف الابره اللي عطوها لكن متحفظين عليها بشكل رفضوا يخبرونا
قال سعود : الله يعين هي اللي كانت جنبي بالعنايه
هز خالد راسه وتنهد بحزن : والله البيت دونها ولا شيء امي مقطعه حالها عليها تبكيها ليل نهار وابوي نفس الشيء مغير يهدي امي ويطلع يدوج ويرجع
قال سعود : اسألوا فهد لازم يعرف وش هالحقنه اكيد فيها ضرر خلالها تصير كذا
نزل خالد راسه : والله انه من ذاك اليوم يدور ويدور للأن نبي نعرف بس مالقينا شيء
قال سعود : الله يشفيها بعيد عن طاري المستشفى احس اختك هذي زي اختي زي التصرفات بس اختك غير شوي
دايم مبثرتني ودني جيبني
ابتسم خالد بدون نفس حتى هو الثاني كنه نحفان وعيونه طاغي عليها سواد
كل اللي حوله تعبانين
صح هو زي عمر سعود بس ماقدر يتحمل كل هذا امه تنوح اخته تشكي ابوه مايدري وش يشيل همه اخوه مشغول بسالفة اخته صديقه تعبان مايدري شفيه ومتحمل كل اعبائهم
طلب له سعود قهوه تعدل مزاجه
رشف اول رشفه بهدوء وقال : طيب احنا ما سألنا الدكتور اللي اعطاها الحقنه ويا النيرس يمكن يخبرونا
قال سعود : خالد حبيبي .. جبتك هنا تنسى هالطاري شوي حالتك مو حلوه صدقنييي بتتعب زي اختك ارتاح
اخذ نفس وطالع بعيون سعود : ماقدر قلبي ياكلني عليها هي لسى صغيره وش سوو فيها حسبي الله ونعم الوكيل
قال سعود بهدوء : اهدى ارجوك ترى تزيد حالتي انت رجال الرجال مايضعف انت ولد قبايل ماله داعي تنحني والرجال والقبايل ماتنحني ادع لها هذا شيء حلو ممكن تقدمه تجاهها
قال وهو يبتسم : لما كانت بأول ثانوي حلمت انها لابسه فستان زفاف ابيض حيييل وبشرتها صايره ابيض اكثر وحاطه مكياج وسادله شعرها وطويل وتمشي بزفه لحالها وتبتسم وقدامها على الكرسي واحد لابس ثوب وغتره وعقال ومشلح اسود تروح صوبه وتحضنه كنا نبتسم" كمل وهو يزفر " : لما يقرب صوبها ويبوس جبيينها تتغير كل حاجه فجأه اشوفها بنفس فستانها بس لونه باهت وفيه دمم وزوجها طايح جنبها زي الميت وهي تبكي وتنوح زوجها ماشفت وجهه ولا لمحت غير بشرته سمراء
تكرر علي كثثثثثيير سألت شيخ قال اضغاث احلام فحاولت اصدق لجل ما انشغل
انت وترف خبرتكم ببهالحلم بس كنت احلمه واصحى اللقى الكل حولي خايف علي مايدرون وش شفت
بس ترف اللي تعرف تلتم حولي وتهديني وتطمني
حاولت فيني اخبر اهلي يمكن يلقون شيء يوقف هالحلم ولا يقرون علي قلت لااء انقطع الفتره اللي راحت بعده رجع لسى
قال سعود وهو يناظر بعيون خالد يتفحص : قريت الاذكار طيب .. انت محافظ عليها يمكن كلها اضغاث
قال خالد ونبرته رايحه : صدقنني هذا دايم يتكرر علي دايم اشوفها بنفس الفستان نفس الضحكه نفس الزوج نفس الحضنه والقبله اللي بجبينها كلها نفس الحاجه كنه ينسخ نفسه وينعاد
غطى عيونه بيدينه وصار يبكي
قال سعود بدون تفكير : خالد ماعندكم مانع استجوب اختكمم خليها تتغطى وبدخل اشوف
هدى خالد وطالع بسعود : انت تكره البنات
ضحك سعود : مادري وش صار بس ابي احاكيها

كانت ترف لابسه نقابها عيونها صاير ناعسه وحواليها سواد
دخل سعود : السلام عليكم
بلعت ريقها الناشف : وعليكم السلام
جلس بعيد عنها وقال : وش اخبارك عساك بخير
اكتفت بهزت راس وبكت
انجلط شفيهها
قال خالد وهو مستعجل : شوي دقايق وجايكم
وطلع وتركهم
وقف سعود وقرب منها كانت ترتجف وتبكي همس : انا حافظ اسرارك ..! احكي لي وش صاير معاك تكلمي محد نافعك فضفضي دام خالد مو موجود
قالت بتردد : بسس لاااااا .. لا لا
تنهد : شيء يعورك شيء مأثر عليك احد مأذيك
جاء خالد بيدخل قابله سعود
وطلع بسرعه خالفه خالد كان معصب
دخل خالد : وش فيه
ارتجفت ترف وقالت : مادري .. مااا ااءاا " وبكت "
هز كتوفه وطلع وتركها
تشاهق
وراح يدور على سعود كل حاجه ممكن تصير الا سعود لايعصببب ولا يضيق ولا شيء
راح يدوره ويدور لقاه واقف عند مكتب فهد يفرك اصابعه ببعض
يحس الدم متجمع بوجهه الاسمر
راح صوبه وربت على كتفه : سعود .. سعود حبيبي .. .. شفيك سمعتك ترف كلام مو حلوو
لف لخالد : انتوو شلون مخلينها بالمستشفى دون مرافق .. ؟ خالد ماخفتوا عليها من احدد ماخفتوا يتعرض لها احد ويمسها البنت صغيره ما تعرف تتصرف بنفسها وضعيفه
قال خالد بصوت هادئ : صاير لها شيء .. هي حكت وياك عطتك كلام
قال سعود وهو يزفر : قالتي كلام ينقط من طاريه الشررر .. انت عارف ان الدكتور يتحرش فيها هذا وفهد دكتور هنا اجل لو مافيه احد
شهق خالد : تتااارررف صار لهاء كذااا .. ؟!
بعدين على صوته : مين هو ملعون الجدف من قرب صوبها لجل اذبحهه
وراح لغرفة فهد يسأله من مشرف حالتها
حكاله انه الدكتور سميح
طلع زي المستجن يدوره ويدوره
واخيراً فتح الباب لقى الدكتور قدامه انهبل وهو يشوفه مع النيرس ويا بعض
قرب منه : ياحيواننننننننن
وؤء.............
انتهى البارت


لامــارا ©؛°¨غرامي نشيط¨°؛©

السلام عليكم

ما أدري ليش أنا وحدة أحب الروايات إللي فيها جو المستشفيات والطب وكذا

روايتك جات على الكيف

إن شاء الله اتابعها معك يا قمر

المهم قلبي معك

في انتظارك

ملاحظة لوتكبري الخط الى 5

يكون تمام

سي يو سون يا قلبي

أنفاس غاليها ~ ©؛°¨غرامي مشارك¨°؛©

أحلى صباح مع هالروايه الي راقت لي ,
موفقه حبيبتي بكتابتك ,
حبيت شخصيات كل الي بالروايه
ماعدا الدكتور الحقير ,
اممم ترف اتمنى تكون من نصيب سعود,
بس سؤال؟ ليه كانت منسدح وشعرها مو مغطا؟
اول مافتح سعود وشافها وشاف جمالها؟
صحيح بمستشفى لكن المفروض تستر ,
الله يستر عليها ويحميها من شهوات الدكتور ,
,,
كثفي الوصف والسرد
وبنتظار البارت الثاني
ودي لك~
الكاتبة مريام:$


حكايا ناي ©؛°¨غرامي جديد¨°؛©

المشاركة الأساسية كتبها لامــارا اقتباس :
السلام عليكم

ما أدري ليش أنا وحدة أحب الروايات إللي فيها جو المستشفيات والطب وكذا

روايتك جات على الكيف

إن شاء الله اتابعها معك يا قمر

المهم قلبي معك

في انتظارك

ملاحظة لوتكبري الخط الى 5

يكون تمام

سي يو سون يا قلبي

وعليكم السلام
من عيوني راح اكبر الخط
مشكوره على متابعتك

Omnia reda ©؛°¨غرامي جديد¨°؛©

بداااااية رااااااائعة
إن شاء الله هتابعك
دي روايتي هيا رواية باللهجة المصرية
https://forums.graaam.com/604353.html#post27833974

وردة الزيزفون
✿ إدارة الإقسام ✿

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1