غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-04-2015, 12:24 PM
صورة بنت بو محمد الرمزية
بنت بو محمد بنت بو محمد غير متصل
©؛°¨غرامي فعال ¨°؛©
 
الافتراضي روايتي: سوالف بشر


السلام عليكم ورحمة الله وبركاته
صباح/مساء الخير
أرحب فيكم في روايتي وأتمنى أن تنال على إعجابكم وتفاصيل الرواية من الخيال
أتمنى ان تكون لروايتي لها بصمه رائعة في صفحات منتداكم الرائع
رواية سوالف بشر
تحياتي بنت بو محمد ( أسماء )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-04-2015, 12:25 PM
صورة بنت بو محمد الرمزية
بنت بو محمد بنت بو محمد غير متصل
©؛°¨غرامي فعال ¨°؛©
 
الافتراضي رد: روايتي: سوالف بشر


البارت الأول

بداية الصباح الكل صاحي ينتظرون الفطور يجهز
ريم : ي عيال وينكم تعالوا الفطور جاهز
بدر: هنوف , جوريه , جوهره تعالوا يلا وراكم دوام
حمد: ايه هم بس تحاتوهم واحنا عيال البطة السوداء
محمد: وانت الصادق ي اخوي بس يالله نمشيها
ريم : كلكم نفس الشي
حمد :ايه يمه واضح
جوهره: الغيره ذابحتهم مساكيين ههههههه
حمد : انتي انطمي لا يجيك كف
هنوف: خلاص عاد انتوا ما تشبعوا من الهواش
جوريه ساكتة طول الوقت
بيت بدر مكون من 3 بنات و2 شباب
جوريه اكبر البنات وعمرها 20 تدرس بجامعه
هنوف أخر أيام دراستها بالمدرسة وعمرها 18
جوهره اصغر البنات والشباب وعمرها 15 وتدرس بالمدرسة
حمد عمره 22 وما يدرس
محمد عمره 25 ويشتغل بشركه
بيت فهد الكل توجه لدوامه م عدا عنود و فيصل
عنود: فيصل وينك يلا تأخرنا
علياء: بعدكم م رحتوا شو تسوا من الصباح
عنود: مو هذا ولدك يبيله لحد يحط الميك اب ويستشور شعره وحركات
فيصل: يلا مشينا لا يجيك كف
علياء: ديروا بالكم ف الطريق
فيصل : ان شاء الله يمه
بيت فهد
الأب فهد والأم علياء وتكون أخت ريم زوجة بدر
عنود عمرها 15 سنه تدرس بنفس المدرسة إلي تدرس فيها جوهره
فيصل يشتغل بشركه وعمره 26
مرايم مخلصه دراسة وما حصلت وظيفة
علي عمره 22 عنده شهادة دبلوم بس كمل دراسته
في مدرسة البنات
كان عندهم استراحة
عنود مع صديقاتها : بنات احد يروح ياخذ لي أكل
فرح: نعم م سمعت عيدي
عنود: يلا طسي تراني جوعانه
فرح: اشتغل عند ابوك انا روحي لحالك
عنود: طييييب أوريك انا -.-
عنود راحت تاخذ لها أكل ولتقت مع بنت خالتها جوهره
عنود: جوهررره ( بصوت عالي)
جوهره سمعت احد يناديها وبدون قصد اصطدمت بوحده من البنات
جوهره: اسسسفه ما قصدي
البنت: ما تشوفين انتي وين عيونك ولا ما فيك عيون
جوهره: قلنا لك اسفه وخلصنا
البنت : نظفي ملابسي لا تتكفخين وبعدين روحي
جوهره : انتي شكلك مريضه اقول روحي نظفيها بروحك
البنت و جوهره زاد الشجار بينهم
عنود: ياربي شو الي صاير جوهره خلاص فكيها
جوهره: م را ح اتركها اوريها بشغلها
عنود ركضت لعند احد المعلمات
عنود: استاذه ألحقي في ضرابه صايره
الملعلمه راحت ركض مع عنود
المعلمة : انتوا م تستحون يلا قدامي لعند مديرة المدرسة
مديرة المدرسه اعطتهم انذار وفصل من الدراسه لمدة ثلاث ايام
( يعني م يداومون 3 ايام )
مديرة المدرسه : يلا كل وحده تتصل لاهلها يجوا ياخذونها
جوهره : حمد وينك تعال خذني من المدرسه
حمد : شايفه الساعه كم !!!!
جوهره: مالك دخل تعال خذني وبس
حمد: اي مصيبه مسويه يلا دقايق وجاي
في السياره
حمد: شو الي صاير؟
جوهره: مالك دخل
حمد: بتقولي ولا ارميك بالشارع
جوهره: قلت لك مااالك دخل
حمد: طييييب اوريك ي الحيوانه بالبيت
---------------------------------------------------------------
في بيت بدر
حمد: يمه يممممه
ريم : شو فيه تصارخ كذا
حمد: تعالي شوفي بنتك اي مصيبه مسويه
ريم: شو فيه جوهره ! وليه رجعتي بدري من المدرسه
حمد: اكيد ضاربتلها احد البنات واطردوها
جوهره ي حبيبي مو مثلك امشي و أسوي مصيبة
حمد: شكلك تبين تتكفخين اليوم
ريم: بس عاد انتوا الاثنين وانتي يلا روحي غيري ملابسك وبعدين نتفاهم لما يرجع أبوك
حمد: يلا يمه انا طالع
ريم : طيب لا تتاخر
بيت فهد
( راجعين من دواماتهم )
عنود: يمه انا بنام لا حد يصحيني
علياء: ما بقى شي ع الغداء انتظري شوي
عنود: لا يمه ما اريد شبعت
علياء: شو الي شبعك غير هذاك الاكل الي ما ينفع
فيصل : هلا يمه بروح ارتاح بغرفتي
علياء: لا تنام شوي ويكون جاهز الغداء
--------------------------------------------------------------
عند الغداء في بيت بدر
على طاولة الاكل جوريه وهنوف ومحمد وريم وبدر
بدر: عيل وين جوهره وحمد
حمد : يلا جيت يبه
بدر: وينك فيه م تشبع صايعه
حمد اتنرفز من ابوه وما رد عليه
بدر : وجوهره وين
ريم: نايمه بغرفتها
حمد: عشان م تعلمك بمصيبتها الجديده ههههه
بدر: روحي ناديها وانت انطم
حمد : ان شاء الله يبه

في غرفة جوهره:
ريم:حبيبتي يلا قومي اصحي
جوهره:مابي غداء يمه خليني لحالي
ريم: ابوك يبيك
جوهره: ما شاء الله لحقتي تعلميه
ريم : م تستحين انتي يلا قومي اخوك مخبره مو انا
جوهره: طييب اوريك انا
نزلت جوهره مع امها
حمد : زين شرفتي
جوهره: انت انطم
بدر : ع الاقل احترموا وجودي بينكم م تستحون انتوا كله هواش
جوريه : ههههههه تستاهلون
بدر: وبعدين -.-
جوريه: حاظر يبه
بدر: جوهره ترا اتصلوا فيني ادارة المدرسه
جوهره: هاه
بدر: ابي اعرف منك كل شي
جوهره: دامك عرفت يبه ليش جاي تسمعني
حمد: ايييه انتي تكلمي عدل لا يجيك كف
بدر: حممممد
حمد: مو سامعها يبه كيف تقل ادبها
جوهره: ايه طلعوا حرتكم كلها علي
وراحت لغرفتها مضايقه
ريم: شو مسويه بعد هالبنت ي ابو محمد
بدر: تضاربت مع وحده من البنات واطردوها من المدرس هاهي والبنت
حمد: مو قلت لكم هذه ما وراها غير المشاكل
ريم: ي حسرتي ولا يكون بتجلس ف البيت دوم
بدر: لا بس 3 ايام وترجع بس فهميها م عاد نبي مشاكل خليها تعقل
حمد: هذه ما يبيلها غير التكفييخه وراح تتسنع
هنوف: وانت ما عندك غير كف رايح وكف جاي
حمد: وانتي شحااارك انطمي
هنوف: هذه صغيره فهموها بالزين وراح تصير احسن مو كله تهاوشوها
بدر: تغدوا وبعدها كل واحد لغرفته مابي اسمع اصواتكم
---------------------------------------------------------------------
بيت فهد
عنود: يممه ابي اطلع والله طفشنا من هالملل
مرايم: وينك ي حظي انتي ع الاقل تطلعين مدرسه مو انا م غير اطالع جدارن البيت
علياء: روحي بيت خالتك
عنود: لا يمه ابي اروح المول ازين خلي فيصل ياخذنا
فيصل نزل من غرفته وكان يبي يطلع
عنود: ييمه قولي له تكفييين
فيصل: شعندك بعد -.-
علياء: البنات يبون يطلعون يستانسوا
فيصل: مشغول مو فاضي
عنود: شفتي مو كله مشغول ومو فاضي لنا
فيصل : كلمي علي ما وراه شي أنا عندي أشغال بروح أخلصها
عنود تصرخ بصوت عالي( علي .. علي .. علي )
علي بغرفته : ما يخلون ننام ع راحتنا لازم يخربونها
عنود: اافففف شكله نايم ما عاد يصحى الا الفجر
رجعت تناديه مره ( علي .. علي .. علي)
علي: شو فيك كذا تصارخين كأن مره بتولد
عنود: يمه يلا حين دورك
علي: اوووي خلصينا شو فيك لا يجيك كف خربتي نومي
عنود: خذنا المول والله طفشنا م غير راحين المدرسه وراجعين وكل يوم ع هالشي ومرايم غير جالسه بالبيت تقابل هالجدارن ومن زمان م طلعنا نستانس ووو
علي: خلصتي!!
عنود: تكفى اخوي حبيبي
علي: بفكر وارد عليك .. ورجع يكمل نومه
------------------------------------------------------------------------------ في بيت بدر
صحت ريم ع صوت ازعاج
ريم: ي عيال ما تطفشون من الهواش
حمد : والله لا أكسر راسك ي الحيوانه
جوهره: تخسي
و ركضت جوهره لغرفتها ولحقها حمد
ريم: م تستحون انتوا حين كل الجيران سامعين ازعاجكم
حمد يحاول يفك الباب وجوهره من الطرف الثاني تحاول تقفله بس حمد غلب عليها
دخل حمد غرفته و كفخها
حمد : والله لا أعلمك الادب
جوهره: عارفته قبل لا اشوف شكلك
فجأه حمد دفشها ع الكنبه بكل قوه وتعورت ف راسها واغمى عليها
حمد ما عرف يتصرف راح ينادي امه
حمد: يمه يممممه
ريم: شفيك تصارخ بتصحي ابوك بصوتك
حمد: احلقييييي يمه جوهره مدري شو صار فيها
ريم اول ما سمعت ركضت على طول في غرفة بنتها
ريم : بسم الله عليها بنيتي شو سويت فيها
حمد : والله يمه مو قصدي
ريم: روح صحي ابوك بسرررعه
وعلى طول اخذوها المستشفى
--------------------------------------------------------------

روايتي: سوالف بشر

الوسوم
لنا في الدنيا حكايات
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية:غرورك مجنني يابنت عمي/كاملة وربك نسيتك روايات كامله - يتم نقل الرواية هنا بعد اكتمالها 139 25-09-2018 01:13 AM
سوالف البنات بالطابور &دنيا ماترحم& نكت - ضحك - وناسة - فرفشة 22 16-11-2015 01:42 AM
روايتي الاولي:احبك يعني اعشقك اعشقك يعني اموت فيك آوٌتٌـآر هّـآدٍئهّـ. أرشيف الروايات المغلقة - لعدم إكتمالها 17 23-04-2015 10:17 AM
روايتي الأولى : هديتك قلب ما يحلم فيه مخلوق وهديتني جرح ؟ هه ما يتحمله كافر • mondil • أرشيف الروايات المغلقة - لعدم إكتمالها 10 16-04-2015 09:21 PM
روايتي الاولى / ودعتك الله ي حبٍ رسمته بحياتي حگايه‍ مشاعر أرشيف الروايات المغلقة - لعدم إكتمالها 10 26-03-2015 02:30 AM

الساعة الآن +3: 06:42 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1