غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-04-2015, 04:02 PM
9amt 9amt غير متصل
©؛°¨غرامي جديد¨°؛©
 
Post رواية: ومن هنا أعلن أن لا حياة دونك، لا حياة في غيابك ! / بـقلمـي


السـلام عليكـم ورحمـة اللـه وبـركاتـه ...

أحببت أن أضـع روايتـي الآولـى هنـا ، فمن هذا المنتدى تعلمت الكثيـر والكثيـر
لا أجيد كتابـة المقـدمة لأنـي أشعـر أنها تميـت حمـاس الولوج إلـى الموضوع

الـروايـة باللهجـة الإماراتيـة ...

أتقبـل النقـد بكل أشكـاله !


.......................


{ .. الـبـارت الأول .. }

…..: ماما فهميني هو مافي شي على قولتكم بس أنا ما أباه
…..: الريم شو قصدج على قولتكم ليش شايفه شي على ولد عمج نطقي
الريم “لو قلت بتصدقوني” : مافيه شي بس انا ما اباه ما اخذ واحد جابرينه علي
أمها: ومنو قال انه مجبور عليج يابنت الحلال مافي ريال ينغصب على بنت واذا على سالفه ان الشواب محيرينكم لبعض لو انتي مب في خاطره جان رمس
الريم: وليش انا اللي تحيريوني لييييشششش في غير وايد
أمها: انا تعبت من الرمسه وياج الولد بعد العيد بيرد وذيج الساعه بنشوف شو بيستوي .. وتطلع معصبه
الريم سكرت الباب بالمفتاح وتمت تذكر هذيج الليلة المشؤومه

محمد: السلام عليكم
أم محمد: وعليكم السلام ، محمد من وين ياي هالوقت ؟
محمد: كنت عند نوره
آم محمد: هييه زين روح ابوي ارقد وراك دوم باجر
محمد: ان شاء الله .. محمد راح غرفته وصل الغرفه بدل وانسدح “افف اعوذبالله منك يا ابليس الحين البنيه توها مربيه وانا رايح اضارب وياها على موضوع ما يسوى
بعد هي غلطانه تعرف اني يوم اعصب ما اتحكم بعمري ليش ما تسكت عني لازم المرادد يعني”

• أول عائلة •
محمد : 30 سنه عنده ولدين مايد وحمد ومتزوج نوره أخت اربيعه -بعدين نعرف قصته-  يشتغل ويا ابوه في بزنسهم الخاص في العقارات والبناء شيخة: 28 متزوجة عندها بنت وهي حامل الحين ريلها احمد من برا العايلة بعدين بتتكلم عنه
حمد: 26 أعزب  يشتغل في ادنوك بس في الحقوا البحرية في بوظبي
حمدان: 25 مالج على بنت خاله يشتغل في البلدية وخيال بعد
الريم: 24 مهندسه معمارية تشتغل ويا ابوها ومحمد
حمده: 22 باقي اخر كورس حقها ومهندسة بعد

..

العنود: مبروك الناموس ومنها للأعلى
حمدان: الله يبارك فيج اقولج العنود شرايج ايج يوم الاربعا ؟
العنود: حياك
حمدان: ان شاء الله حبيبي بكلم انا خالوه بعد اقولها، انزين شحالج بعد ؟
العنود استحت يوم قالها حبيبي فردت بخجل: بخير عساك بخير
حمدان عرف انها مستحية : فديت مستحاج انا بنكمل شهر من ملجنا وانت بعدج تستحين
العنود : انت قلت شهر مب سنه
حمدان : هههههه بتتعودين عليه

..

• ثاني عائلة •
خليفة: 28 سنه دكتور يدرس برا وبيرد بعد العيد ومحير لريم
سيف: 26 معرس قريب وحرمته احلام من برا العايلة يشتغل في الشرطة وبعد عنده بزنس توه في بدايته في بوظبي
- احلام حرمة سيف 24 من بوظبي
راشد: 24 خيال ويا حمدان ويشتغل في الشرطة وراعي بنات
العنود: 21 خطيبة حمدان وتدرس في الجامعه والبنت الوحيدة ودلوعة الكل

..


عند سيف واحلام ..
احلام: سيف دخيلك بس هالويكند ببات عندهم
سيف: لا ما امايه وابويه وبيسالون عنج
احلام: ماعليك انت انا برمسهم والله اشتقت للمة ويا خواتي واخواني
سيف: احلام عاد خلاص بسج حنه تبين سيري عندهم يوم الاربعا كامل من الصبح لين المسا ويوم تشبعين بنرد العين
احلام حز في خاطرها بس سكتت مافيها على المشاكل من اول زواجهم وعلى اشيا سخيفة: خلاص انزين ان شاء الله وقامت راحت فوق
سيف انتبه ان هي زعلانه " افف غبيه تعرف اني ما اصبر عنها وبعد الظالمه تبا تقعد عندهم اربعا وخميس وجمعه وسبت وما يهون علي زعلها" راح لها فوق شافها على الشبريه ( السرير) بترقد
سيف راح انسدح عدالها وهي معطتنه ظهرها وهو يلعب بشعرها : احلام !
احلام وهي ماسكة عمرها: هلا سيف آمر
سيف: احلام والله ما يهون علي ترقدين وانتي زعلانه
احلام : مب زعلانه سيف ارقد وراك دوام
سيف: ياهل انا ترقديني شو يزول الدوام شرايج ما اداوم باجر الصبح ونظهر نروح قاليريا مول نتريق ونقضي حايتنا وبعدين اداوم مسا
احلام تعرف انه ظاغط عمره بين شغله والبزنس ماله وهو بروحه مريض فيه الظغط : لا لا ما يحتاي نأجل الطلعه الاربعا ولا الخميس انت بروحك مظعوط
سيف ابتسم وحضنها من ورا : وحتى وانتي شاله في خاطرج مني تحاتيني عساني ما أنحرم منج
احلام: ولا منك ومب شاله في خاطري منك بس سيف ماعليه اتحملني هالفتره شوي مستويه حساسه
سيف: من عيوني يلا بس خلنا نرقد

ثاني يوم الصبح ..
شيخة: أحمد قوم يلا دوام ابوك بيعصب عليك صارلك اسبوع اداوم متاخر
احمد يسحب شيخة واطيح في حضنه : صبحج الله بالنور والسرور ام شما
شيخة استحت: صبحك الله بالخير يلا قوم بتتاخر
احمد: وانا أتأخر كل يوم ليش ؟ مب منج ومن وحامج ها
شيخة تلومت : والله مب مني بعدين مب الحمال والتعب حقنا بس حتى انتو ذوقوا شوي
احمد: يعطيج العافية ويبوسها على راسها ويقوم

*أحمد ريل شيخة وحيد امه وابوه امه توفت من يوم هو صغير وهم ناس عندهم خير ماشاء الله شافها يوم كان مره زاير بيت ابوها عشان صفقه بينهم

تحت في غرفة الطعام
أبو أحمد: شيخة لو ما يآمر عليج عدو نبهي على الخدامات يجهزون غرف الضيوف اختي موزه وبناتها بيون اليوم المسا وبيقعدون كم يوم
شيخة اضيقت بس ما حبت تبين: تأمر امر ياعمي من عيوني
أبو أحمد: فديت عينج يا شيخة لو الله رازقني ببنت ما بتي مثل غلاتج
أحمد: احم احم
أبو أحمد : صباح الخير جان ما قمت
احمد تفشل من ابوه : ابويه مب مني من شيخة
أبو أحمد: لا تعق بلاك على الحرمة ادريبك خيشة رقاد وبما انك صارلك اسبوع وشوي اداوم متاخر وانا أقابل الشغل عنك فاليوم انا ما بداوم ابا اقعد ويا شما حبيبت يدها
احمد انصدم لان احمد اصلا عياز وإذا ابوه ما داوم كل شي بينعق عليه : اببببووووييييي!! اهون عليك جيه تسوي فيني انزين وأبو شما جيه اتعبه
بو احمد: يلا يلا برا هذره على دوام
احمد: انزين بتريق
بو احمد: هناك تريق عندهم في الشركة
احمد التفت على شيخة شافها ماسكة ضحكتها بالقو قالها بقهر: ضحكي ليش قابضتنها وطلع معصب
شيخة بعد ما هدت من الضحك : عمي حرام عليك والله امس طول الليل وانا ارجع اكرمك الله وهو مب راضي يخليني
آبو احمد: ادري يابوج بس احمد وايد متعود على الدلع وزاده يوم خذاج خليه شوي يتحمل مسؤولية مب دايم له
شيخة بخوف: بعد عمر طويل عمي لا تقول جيه

في بيت بو محمد ...
محمد: حمده انتي شو مقومنج الحين وأجازه غريبه
حمده : اصلا انا ما رقدت من امس
محمد: وليش هالسهر ماله داعي بس سهر طول الليل ورقاد طول النهار لا صلاه ولا عباده
حمده: ما يسوى علي ترا هذي اول مره .. بدت حمده تتمصلح محمد شو رأيك اطلعني نتريق برا
محمد: جدامج الريوق ما تشوفين وبعدين انا عندي اجتماع مهم وشرد منها
حمده: شو هالملل بسير ارقد احسن لي عيل محمد لو يعرف اني مب راقده لين الحين عشان اصور صوره بس شو بيسوي فيني بيكسرها الكيمرا على راسي
- حمده تهوى التصوير ومحترفة نوعاً ما فيه ،، كان في خاطرها تدرس اخراج بس اخوها حمد ما طاع وعصب وهي وايد تحب حمد فحولت هندسة -

عند حمد في الدوام ...
قاعد يتذكر ذاك اليوم [
سالم صديق حمد: شوفيها يا حمد تراك انت ماشاء الله عليك اشطر واحد فينا ومب تقليلاً من شانك انك تروح تشرح لهم عن ادنوك وطبيعة الشغل فيها
حمد: لا لا مالي خلق بنات ودلع ومصاخه
سالم: تراها مب مدرسه بنات بس اولاد بعد فيها
حمد: انا بس بقعد لين وقت الاولاد وبعدين برد
سالم: يصير خير يلا قوم

وصلوا المكان وكان حمد يتكلم لشباب عن شغله وطبيعته وعن دراسته خلص وقت الاولاد وصار الحين وقت البنات حمد ما انتبه الا فجاه فوج بنات يدخل حمد اتوهق يبا يظهر بس يو بنات عنده يسالونه وكان يجاوب حمد كان لابس نظارات عشان عيونه كانت منفخة مب راقد عدل ومزاجه مب ذاك الزود وحمد فيه جاذبيه خصوصاً ان عنده غمازه وحده في خده اليمين ونص البنات يتميلحون عنده وهو مب طايقنهم
حمد: عنبوه ثانويه عامه وجيه فاصخات الحيا بعدين شو بيسون
سالم: لا تحط في ذمتك يا ريال
فجاه حمد سمع من ورآه بنات يرمسون
البنت1: اونه لابس نظاره عشان يطالع البنات على كيفه بس عشان صورته جدام ربيعه يذمهم
البنت2: مهره شعليج منه ما تبين تسالينه تاخذين فكره مب انتي تفكرين تدرسين هندسة بترول
حمد هني عصصصصب وكان خاطره يلف يعطي البنت اللي تكلمت عنه كف
مهره: ما ابا من هالمغازلجي شي قومي قومي خلينا نرد
حمد لف وراه وقال بصوت شبه عالي عشان تسمعه يهال اخر زمن
مهره قالت بصوت واطي بس هو سمعها قليل ادب هو شو يحسب عمره بخبر عليه انا المس يا بيرد عليها يته وحده من الأجنبيات : hey mr. ?
حمد: Hamad
الأجنبيه -اللي هي اصلا ادرس عندهم-
: okay mr. Hamad what do you have tell me
حمد وهو يالس يخبرها فهي يوم عرفت ان المكان عن البترول لفت :
Mahra and Mariam come here
مهره فجت عيونها : مريم هالمس تستهبل شو تبا فينا
مريم: خلنا نقوم احسن نشوف ... راحوا عندها
يوم وصلت عندهم مهره : yes Ms
حمد لف عليها شافها اول شي انصدم "بسم الله ماشاء الله عليها شو هالجمال وها هي مب حاطه شي بس شو فايده الجمال بدون اخلاق استغفرلله سو أباها البنت ياهل "
المس: they can help you to know better about your career in future you told me that you will study engineering
مهره توهقت وما تبا ترمس وياه ما تعرف ليش:
no Ms I changed my mind I think I'll study IT
حمد حس انها ما تبا تكلمه عشان يقهرها: عندنا IT في ادنوك وانتي كبنت تخصص الIT عندنا اريح لج وتم يتكلم ويتكلم مع انه ما يخصه هو عن الIT سالم المسؤول بس هو حب يقهرها ]
قطع حبل أفكاره تلفونه اللي رِن بعد ما خلص الحين هالياهل قليلة الادب شو يابها في بالي استغفرلله ورد لشغله

عند نورة حرمة محمد...
نوره وهي تصيح في حضن أمها : حتى ماهان عليه يدق لي يراضيني يسال علي هذا يزاتي ادور مصلحته
ام نوره : يابنت الناس اي مصلحة اللي تبين ريلج يتزوج عليج شو ناقص عليكم عيال وعندكم
نوره: امايه تعرفين ان محمد من البدايه ما سكان يباني لو مب المرحوم وصاه ولا مخذاني هو كان في خاطره بنت اذكر حتى هزاع الله يرحمه كان يقولي عنها ان شكثر محمد يحبها
ام نوره: ياحبيبتي اذا هو يباها جان من زمان خذاها مب بعد ما يبتوا هزاع والحين سلطان وبعدين بسج من هالطاري بيمل منج ريلج
نوره تصيح زياده: والله ان محمد يستاهل عشان جيه انا أباه ويا اللي يحبها
ام نوره: يابنت الحلال انتي بس زعل منج وما دقلج صحتي صياح عيل لو تزوج سكتي عن هالموضوع ترا محد بيندم غيرج بعدين
نوره تمت تصيح لين ما رقدت
قامت امها غطتها وشلت من عندها سلطان عشان ترقد ودقت على محمد
ام نوره : محمد انت وين
محمد خاف نوره عن يكون مستوي لها شي لان طلع من عندها وهو معصب عليها من خاطر : عموه نورت فيها شي ولا واحد من العيال هزاع فيه شي
ام نوره : لا يا محمد هزاع مافيه شي بس ام هزاع اللي فيها توه غفت من كثر الصياح بالهون عليها يا محمد
محمد سكت شوي بعدين تكلم: عموه حتى انا تعبت قوليلي شو اسوي صارلنا ثلاث سنوات معرسين وهي مصره على الموضوع مب راضيه تفهم ان كان حب مراهقه
ام نوره: ماعليه يا ولدي نوره حست ان هزاع الله يرحمه ارخص فيها وغصبك على شي انت ما تباه
محمد: عموه كلها ساعتين اخلص اللي في ايدي بمركم

في الشركة في مكتب بومحمد
الريم: ابوي باقي أشياء بسيطه بس اضيفها على التصميم ما اظن ساعه وحده تأخير بتخلي الدنيا عندهم تخترب
بو محمد بعصبية: الريم تعرفين اني أساس الثقة بين custmore وبينا هو الوقت واذا اليوم تاخرتي ساعه باجر ساعتين بعدها يومين
الريم بروحها مالها خلق من بعد ما ضاربت ويا امها امس : ابوي هذي اول مره اتاخر دوم التصميم يكون جاهز قبل التسليم بيوم السموحة منك انا بروح اكمل التصميم وطلعت بدون ما تعطي فرصه وابوها يرد عليها
بو محمد: استغفرلله انا ما اعرف هالبنت شوفيها من امس
محمد يدخل المكتب عند ابوه : ابوي انا خلصت اللي علي لو عادي عندك اطلع الحين بسير عند نوره تعبانه شوي
ابو محمد بشوي عصبيه:توكل توكل يوم انتو مالكم بارض للدوام شو له تشتغلون عندي انا اباكم عون مب تخربون علي شغل
محمد: ابوي هد مايسوى كل ها لو ماتباني اطلع ما بطلع منو مزعلنك
بو محمد: منو غيرها اختك الريم هالبنت ابد ما تسمع كلامي لا بزواج ولا بشغل ولا بدراسه
محمد: يا ابوي مب هالريم اللي تتمدح شخصيتها وتقول انها عن عشر ريايل
بومحمد بعصبيه اكبر: بس انا ابوها وادرى مصلحتها واطلع برا ما ابا اشوف حد منكم عيال تيبون هم
محمد يطلع وهو مستغرب وراح مكتب الريم
الريم: ادخل
محمد: شو صاير بينج وبين ابوي
الريم باستغراب : مب مسويه شي بس قتله احتاج ساعه زياده على وقت تسليم التصميم عصب علي
محمد: انتي تعرفين هو من شو معصب لا تمين تستهبلين
الريم ببرود : لا ما اعرف من شو خبرني ! -كانت تباه يتكلم عشان توصله رفضها-
محمد: ماشي انا طالع بروح اشوف نوره
الريم: سلم عليها بمرها بعد الدوام
محمد: يوصل

عند نوره …
آم نوره: حياك يا ولدي زين يت هالوقت تعالي تغدا ويا حرمتك
محمد يبوس عمته علي راسها : الله يحيج ويبقيج متغدي انا قبل ما ايكم ما تقصرين
أم نوره: زين ولدي دخل هالاكل حق نوره وانا بسير ارقد هزاع
محمد وهو ياخذ الصينية عنها : وينه هزاع حبيبي امس ما شفته
أم نوره : موجود بزقره حقك قبل ما يرقد روح عند حرمتك
محمد وهو داخل شاف سلطان في حضنها وهي راقده راح حط الاكل على الطاوله وشل سلطان وباسه على خذه وحطاه في شبريته
وراح عند نوره وبصوت اقرب للهمس: نوره .. نوره
نوره بصوت كله نعاس : بس شوي خمس دقايق من امس مب راقده
محمد: قومي كلي بعدين رقدي قومي يلا
نوره بعد ما استوعبت فزت مره وحده
محمد: بسم الله عليج نوره شوفيج
نوره بتوتر: متى ييت ؟
محمد: توني ياي يلا قومي عشان تتغدين
نوره قامت وراحت الحمام وتغسلت وجيه وطلعت وراحت قعدت علي الكرسي اللس صوب الطاوله اللي في طرف الغرفه
نوره : انت ما تبا تاكل
محمد: لا كلي انتي بالعافية
نوره كلت لقمتين وشبعت
محمد: وين وين تعالي كملي اكلج
نوره بهدوء بسني شبعت الحمدالله
محمد قام صوبها شو بسج ما كلتي شي شايفه ويهج كيف مصفره ما تاكلين
نوره نزلت راسها وسكتت
محمد راح صوبها وقعد على ركبتها : نوره نحن لازم نتكلم ونحط حد حق هالموضوع
نوره : الحل الوحيد انك تعرس، محمد ان نفذت وصية المرحوم وزياده يا الوقت اللي لازم تشوف في حياتك تبتسم بألم صار عمرك ثلاثين وانت بعدك
محمد بعصبية : أنا شكيت لج الحال ها !!! انا شكيت الحال !! حياتي وعايبتني انتو شو يخصج
نوره تخاف من محمد يوم يعصب: محمد شفيك ما قلت شي انا بعدين انا اعرفك محمد ما بتقصر وياي ان شاء الله
محمد بعصبيه وبصوت عالي: لا ما تعرفيني ما تعرفيني انتي غبيه ها غبيه
نوره انصدمت اول مره محمد يسبها وتزلن دموعها : محمد لا تصارخ بينش الولد وقامت صوب سلطان عشان تخفي دموعها عنها
قام من قعدته وقعد مكانه يستغفر ربه رفع راسه شافها واقفه عند شبريه سلطان وتمسح خدها
قام لها وحضنها من ورا
نوره زاغت وشهقت - هذي من عاده نوره -
محمد: نوره بسم الله عليج كم مره قتلج لا تشهقين جيه
نوره ساكته حضنه حسسها بالامان وتحس تبا تصيح زياده
محمد لفها وصارت مقابلتنه وباسها على جبهتها
محمد: السموحة منج يا أم هزاع ما كان قصدي تعرفين
نوره ساكته تصيح بصمت محمد حضنها زياده
محمد : تعالي انتي شكلج من امس مب راقده تعالي وبنبره خبث ما اشتقتي ترقدين في حضني
نوره استحت وضحكت : مب وقتك محمد
محمد سحبها لين الشبريه حط راسها على ريله وتم يلعب بشعرها : متى بتردين البيت
نوره: يوم بخلص الاربعين وهي اصلا مخلصه بس نفسيتها تعبانه ما تبا ترد
محمد: نوره تقصين على منو من زمان انتي طالعه
نوره انصدمت ورفعت راسها : أنت شدراك
محمد رد نزل راس نوره : ما تبيني اعرف كم يوم غبتي عني فيه انتي وهزاع
نوره سكتت ورقدت تحس مافيها طاقه


انتـهـى ..

هذه فقط البدايـة ..
في انتظـار آرأكم أعزائـي !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-04-2015, 02:58 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية: ومن هنا أعلن أن لا حياة دونك، لا حياة في غيابك ! / بـقلمـي


باااااااااااااااااااارت راااااااااااااااائع
لا تعتمدي على الحوار وكثري السرد والوصف
ابعدي عن الالوان الفاتحه واختاري الالوان الغامقه
اختاري شكل الخط مناسب للكل ويكون واضح مثل هذا Arial
تكفين اذا تبغين اقرا روايتك كبيري الخط 5 وابعدي عن الالوان الفاتحه لان عندي ضعف نظر اختاري الالوان الغامقه
ارسل رابط روايتك على ملفات زوار الاعضاء عشان تلقى تفااااااعل
تكفين نزلي باااااااااااارت طوووووووووويل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-01-2016, 10:13 PM
9amt 9amt غير متصل
©؛°¨غرامي جديد¨°؛©
 
الافتراضي رد: رواية: ومن هنا أعلن أن لا حياة دونك، لا حياة في غيابك ! / بـقلمـي


السلام عليكم ورحمة الله وبركاته
بعد غياب طويل بسبب الظروف الدراسه
قررت أرجع مره ثانية ..
أعتذر عن الأخطاء الإملائية في أول بارت
واعتذر عن جودة الخط ما انتبهت على هالنقطه لأن سويت بوست من التلفون
الجزء القادم إن شاء الله بيكون قبل يوم الأحد
انتظروني ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-01-2016, 05:21 AM
ميرنـا ميرنـا غير متصل
©؛°¨غرامي مشارك¨°؛©
 
الافتراضي رد: رواية: ومن هنا أعلن أن لا حياة دونك، لا حياة في غيابك ! / بـقلمـي


اهلا ياجميلة
بارت جدا رائع
بالتوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-01-2016, 09:25 AM
9amt 9amt غير متصل
©؛°¨غرامي جديد¨°؛©
 
الافتراضي رد: رواية: ومن هنا أعلن أن لا حياة دونك، لا حياة في غيابك ! / بـقلمـي


اقتباس:
المشاركة الأساسية كتبها روعة غلا مشاهدة المشاركة
باااااااااااااااااااارت راااااااااااااااائع
لا تعتمدي على الحوار وكثري السرد والوصف
ابعدي عن الالوان الفاتحه واختاري الالوان الغامقه
اختاري شكل الخط مناسب للكل ويكون واضح مثل هذا arial
تكفين اذا تبغين اقرا روايتك كبيري الخط 5 وابعدي عن الالوان الفاتحه لان عندي ضعف نظر اختاري الالوان الغامقه
ارسل رابط روايتك على ملفات زوار الاعضاء عشان تلقى تفااااااعل
تكفين نزلي باااااااااااارت طوووووووووويل
مشكورة وإن شاء الله باخذ اللي قلتيه بعين الاعتبار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-01-2016, 09:26 AM
9amt 9amt غير متصل
©؛°¨غرامي جديد¨°؛©
 
الافتراضي رد: رواية: ومن هنا أعلن أن لا حياة دونك، لا حياة في غيابك ! / بـقلمـي


اقتباس:
المشاركة الأساسية كتبها ميرنـا مشاهدة المشاركة
اهلا ياجميلة
بارت جدا رائع
بالتوفيق
أهلين .. مشكوره عزيزتي
ويوفق الجميع ❤

الرد باقتباس
إضافة رد

رواية: ومن هنا أعلن أن لا حياة دونك، لا حياة في غيابك ! / بـقلمـي

الوسوم
رواية، اماراتية، صمت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية عروس البحر/بقلمي Goong روايات - طويلة 9 13-10-2015 01:41 AM
رواية يوميات أسبار/بقلمي هدوء *() ~ أرشيف الروايات المغلقة - لعدم إكتمالها 10 25-07-2015 04:52 AM
رواية جوليا داليا السعود روايات - طويلة 33 03-05-2015 04:43 PM
رواية i need y o u / بقلمي eyzo-30 روايات - طويلة 2 01-02-2015 01:44 AM

الساعة الآن +3: 12:51 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1