غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-04-2015, 02:35 PM
أمل مستحيل أمل مستحيل غير متصل
©؛°¨غرامي جديد¨°؛©
 
B6 روايتي الأولى : أيام عشناها زمان


بسم الله الرحمن الرحيم


السلام عليكم ورحمة الله وبركاته

إليكم أحبتي إحدى كتاباتي الروائية

إليكم نبضة من نبضات خاطري

إليكم جوهرة من جواهري

إليكم ما كرثت له وقتي الثمين

إليكم روايتي وها قد وضعتها لكم وبين أيديكم

\\\\\\\\\\\\\\\\\\\\\\\\\\\\\\\\\\\\\\\\\\\

روايتي الأولى } أيام عشناها زمان{

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

أبطال روايتي

عائلة المالكي

(بيت أبو فيصل)

أبو فيصل: بسام عمره 48 سنة ... إنسان حنون جدا ما يقول لعياله لا ابدا وان قالها فهو لسبب مقنع ناجح بحياته العملية له شركة كبيرة وله كذا فرع بكذا دولة

أم فيصل: أم بمعنى الكلمة قدرت تفهم عيالها وتكون صديقة لهم ويشاوروها بكل شي ويشكوا لها همومهم

فيصل: الولد الكبير عمره 25 سنة دارس إدارة أعمال جميل جمال خيالي ملامحه خليجية بحته عيونه عسلية ووساع انفه مسلول يهتم بأخوانه وأخته كتير

فارس وفراس: توأم عمرهم 23 سنة أخر سنة بالجامعة رابشين أهلهم لأنهم يشبهوا بعض وما يقدروا يفرقوا بينهم بشي مرا حبوبين ودمهم خفيف يحبوا يعملوا مقالب وان اجتمعوا الإثنين مع فهد قولوا على الدنيا السلام حياتهم وناسة وضحك×ضحك ما في شي يكدرهم ابد وفيهم شبه من فيصل

فتون: بنت الكل يشهد بأدبها وأخلاقها وجمالها تشبه أخوها فيصل بكل شي نحيفة مرا عمرها 21 سنة تدرس طب بكندا باقي لها 3 سنوات وتخلص
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

بيت أبو أحمد

أبو أحمد: صالح أخو أبو فيصل ما صارت تجمعهم أي علاقة ببعض بسبب مشكلة رح تعرفوها بالبارتات الجية عمره 45 سنة وطيب مرا يسهل الضحك عليه

أم أحمد: رح تتعرفوا على شخصيتها بالرواية

أحمد: الولد الكبير عمره 25 سنة يدرس طب هو كمان وبكندا لكن ما يعرف عن بنت عمه أي شي لأنه بمنطقة غير منطقتها هو في ( البرتا ) وفتون في ( فيكتوريا )

ندى:إنسانة هادية مرا وحلوة فيها شبه من فتون شوية عمرها 21 سنة تدرس ادب انجليزي

نها: عمرها 19 سنة أول سنة بالجامعة تدرس اقتصاد منزلي

رامي: 15 سنة بتالت متوسط انسان فلة يحب الضحك وفرفوش والجلسة ما تحلى من دونه ويشبه احمد

رائد: 13 سنة بأول سنة بالمتوسط طبق الأصل من أخوه رامي

محمد وحمد: توأم عمرهم 8 سنوات بتالت ابتدائي


\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

بيت ام فايز

أبو فايز: حامد عمره 40 سنة انسان ما يعرف الجد ابدا حياته كلها مزح × مزح

أم فايز: أخت أبو فيصل وابو احمد عمرها 38 سنة

فايز: الولد الكبير عمره 21 سنة يدرس طب هو كمان لكن بجدة اسمر وعيونه عسلية فيه شي معقده رح نعرفه في البارتات.

فواز: عمره 18 سنة يدرس ب3 ثانوي علمي ودافور مرا يشبه رامي ولد عمه.

فايزة: 15 سنة بتالت متوسط

فوزية: 13 سنة بأول متوسط

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

بيت أم فهد

أبو فهد:عمره 44 سنة انسان هادي وما يطلع له صوت ابد طيب حبوب اتزوج ام فهد وهي صغيرة

أم فهد: عمرها 35 سنة اتزوجت وعمرها 12 سنة عيالها وعيال اخوانها واختها ابد ما يعتبروها عمتهم او خالتهم يعتبروها وحدة بعمرهم وينادوها بإسمها

فهد + راما + ميرال:توأم عمرهم 23 سنة
فهد شخصيته مثل فارس وفراس
راما وميرال بنات هاديين

ليلاس: 19 سنة بأول جامعة تدرس علم نفس

لينا: عمرها 16 سنة بأول ثانوي

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


[أيام جات وأيام راحت

وحقوق الجار ما زالت

لكن مع مرور الزمن زالت

وللذكرى هذي الأيام صارت

لكن مهما كبرنا ومهما أتغيرنا

هي أيام عشناها زمان ]

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

طلع من الفلة وراح يمشي بحديقة القصر بحسرة والم وندم نزلت دموعه جلس يتذكر كل شي من يوم انولد ألين قبل 5 سنين قبل لا يفترقوا بسبب مشكلة

حس بأيادي تنحط على أكتافه

لف عليهم

فارس وفراس: فيصل هذا صار ماضي المكان صار مهجور له 5 سنين

فيصل:ياليت أقدر أرجع ورا 5 سنين بس ثواني عشان أتكلم واقول انه الكلام إلي أنقال عن فتون مو صح بسببي أنا القصر دا صار مهجور معد صار فيه روح الفرح والمرح فيه ... كله بسبب غبائي وخوفي منه

فراس:أخويا حبيبي إنت مالك دخل بالي صار

فارس:ويلا خلينا نرجع البيت أمي أتصلت تقول أبويا رجع من دوامه

فيصل صرخ: يااااا نااااااااااااااااس حسوا فيني هنا كل حياتي هنا لمن أول مرة جلست فيها مع احمد وهنا حبيت ندى وهنا لمن محمد وحمد قالوا لي بابا عارف ايش يعني عيال عمك ينادوك بابا؟؟ هنا جلسنا كلنا انا وانت وانت احمد فهد رامي رائد فايز وفواز كلنا كنا نجتمع هنا كنا نضحك مع بعض هنا ونمقلب بعض هنا وهنااااك لكن الحين ولا شي من دا موجود ابد وكله بسبب اني ما اتكلمت وقلت انه كداب

صمعوا صوت صفير وسمعوا واحد يتكلم لفوا للصوت ما لقوا احد

....: تراك ما جبت شي جديد يا فيصل كلنا نعرف ليش اتفرقت العيلة..

سمعوا صوت واحد تاني

....:وربي يا فيصل انك بريييييييييييء وعلى نياتك انت تحسب ان العايلة اتفرقت عشان انت ما اتكلمت؟؟؟

وهذا صوت واحد تالت: يا ولد عمي يا تاج فوق راسي ترا الكل كان يعرف ان عمر كداب وما صدقوه لكن العيلة اتفرقت عشان شي تاني...

والرابع:حاولنا قد ما نقدر نوصل لكم بأي طريقة لكن ما لقينا لكم اي رقم..

الخامس:فيصل احنا الشباب كل يوم نتجمع هنا ومحنا فاقدين غيركم انتوا الثلاثة

طلع فهد من ورا الشجرة: إحنا مالنا ذنب بالي صار

وطلعوا كلهم:ولا انت لك ذنب بالي صار..

فارس وفراس صرخوا:مززززززززة العيلة هناااااااا؟؟

فهد:ههههههههههه ايوة انا هنا وراح حضنهم كيفكم اخواني وكيفها امي؟؟

فارس: والله احنا كلنا تمام وامي والله مو حازنها اكثر منك تقول رضعته وكبرته وفي النهاية يبعد عني

فهد: يا لبى قلبها والله

وكلهم سلموا على بعض

فيصل يطالع فهم واحد واحد: رامي فين أحمد؟؟

رامي: هه أحمد!!! أحمد يا فيصل صار انسان تاني اتغير مرا...تخيل من الخمس سنين الي راحوا ما شفناه غير اسبوع واحد

فيصل: ليش إيش إلي تعرفوه وما نعرفه احنا؟؟

فهد:فيصل تعال انا اقول لك .... أمشوا شباب يلا..

واخذهم فهد للفلة الي كانت حقت ابوه وامه جوا القصر وطلعوا لجناح فهد..

فيصل: ليش جبتنا هنا؟؟

رامي: فيصل ترا والله العظيم احنا مو مصدقين دا الشي صهيب وصل الصور لأهالينا

فهد طلع الظرف الي فيه الصور بتردد:خذ فيصل هذي الصور لكن والله وربي الي خلقني متأكد ان الصور مفبركة

فايز:فيصل كلنا عارفين مين عمر ومين فتون والله مستحيل نصدق ان فتون تسوي كدا

فارس راح سحب الظرف من يد فيصل وطلع الصور وشافها هو وفراس:لا كذب مو صحيحة دي الصور

فراس:أكيد مو صحيحة دي الصور فتون مستحيل تعمل كدا

فيصل سحب الصور وشافها: حسبي الله ونعم الوكيل

سكت لأنه سمع صوت جواله يدق

شاف مين: كأنها حاسة انه فيه شي

فهد: هذي فتون؟؟

فيصل أبتسم: إيوة ... ورد عليها: هلا حبيبتي

فتون:أهااا طالما اولها هلا حبيبتي انا اسمعك يلا قول ايش فيه؟؟

فيصل: ومين قال لك انه فـــ ....

فتون قاطعته: فيصل الحركات دي خلاص صارت معروفة من زمان حفظتها خلاص يلا قول ايش فيه؟؟

فايز همس له: قول لها اي شي رقع لها الموضوع

فيصل: والله يا أختي وضعنا مو عاجبني

فتون: مع السلامة يا فيصل

فيصل:فتون دقيقة

فتون : قلت لك مع السلامة

فارس سحب منه الجوال: فتون لا تزعلي والله فعلا فيصل متضايق على حالنا

فتون: أنا اتصلت عشان اقول لكم اني بعد اسبوعين ونص راجعة سلام ... وقفلت بوجهه

ومسكت كوبها تبع الكابتشينو وجلست تشربه

مايا:ولك فتون شو بك؟؟

فتون: ولاشي يا قمر

جا الوليد خطيب مايا:هاي صبايا

فتون ومايا:أهلين

الوليد: يلا مايا قومي سريع عشان نلحق نخلص..

مايا: أوكي يلا لكان انا جاهزة بس كيف يترك فتون لحالا؟

فتون: ما عليكي انا دحين برجع الشقة روحي حبيبتي
مايا: لكان اومي نوصلك لباب العمارة
فتون: وليد خذ خطيبتك وروحوا انا بجلس شوية وبعدها بروح
الوليد:اوكي بس انتبهي على حالك واذا تبي أي شي كلمينا
فتون :طيب بس روحوا خلاص
الوليد اخذ مايا وراحوا

فتون جلست نص ساعة بعدين قمت ترجع للشقة

(ببيت أبو فصل)

أبو فيصل: فين العيال؟؟

أم فيصل: قالوا لي انهم مع أصحابهم ومو جايين على الغدى

ابو فيصل: أمممم طيب مو مشكلة ترا فتون راجعة بعد إسبوعين ونص

أم فيصل: أدري كلمتني


\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


بيت أبو أحمد

ندى: نهى حبيبتي بسرعة روحي جيبي الشاحن.

رامي ورائد دخلوا: سيبيكي من الشاحن الحين تعالي نباكي بسرعة بنقول لك شي
ندى:ايش في؟
رامي:تخيلي مين شفنا اليوم؟
ندى:مين؟
رامي ورائد بحماس:فييييييييييصصلللل
ندى بحماس زيهم:قولوا والله! كييييف؟؟؟
جلسوا يحكوها كل شي صار


\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\


في بيت أبو فايز

على الغدى

فواز:إيوة كمان شفنا أصحاب لنا من زماااان ما شفناهم تقريبا من كم سنة وسبححان الله قابلناهم بنفس المكان الي كنا نجلس فيه دايم ويا انهم احلوا مرررااااا صايرين بجد أية بالجمال..

أبو فايز:فايز أخوك ايش شارب؟؟ههههههههههههه

فايز:أعذره يا أبويا والله من الوناسة الي فينا مو عارفين ايش نقول هههههههههههههههه

أم فواز: الله يهنيكم يا رب

فايزة رفست فايز من تحت الطاولة واشرت له بعيونا بمعنا ايش الموضوع

وفايز أشر لها بعيونه بعدين اقول لك

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\

بيت ابو فهد

فهد دخل البيت: أمي ... سوسو يا سحورتي فينك؟؟

أم فهد: أنا هنا يا فهد بالمطبخ..تعال..

دخل فهد المطبخ
وامه حست بأحد يحاوط خصرها:إزيك يا مزة؟؟

أم فهد طاحت الملعقة من يدها:بسم الله الرحمن الرحيم

ولفت عليهم لقت اتنين واقفين جنب بعض ومافي اي فرق بينهم: فهد مين هذول؟؟

فارس: أوووووووووووووه لالالالالالا كدا احنا نزعل صح يا ماي توينز؟؟

فراس:صح يا حلو

فارس: تفتكري إلي كانوا يقولوا لك " يا مزتي ليش ولدك طالع مزة زيك؟؟" هههههههههههههههههههه

أم فهد فرحت: فارس فراس ... وحضنتهم: كيفكم عساكم بخير؟؟

فارس وفراس: الحمد لله بخير من بعد شوفتك يا مزة

أم فهد ضربتهم بكتفهم: أعقلوا خلاص انا صرت كبيرة ما يصير تتكلموا معايا كدا

فارس بإستهبال: قولي والله

فراس: على أساس ان عمرك 40 سنة؟؟ ترا كلها 34 او 35 سنة يا حلوة

كلهم:هههههههههههههههههه

أم فهد: أااااه ياليت أيامنا ترجع تاني

فارس وفراس: بترجع نوعدك انه قبل ما يخلص الشهر نرجع ببيت واحد وقلب واحد بس شهر واحد وكل شي يتصلح...


\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\



توقعاتكم

• إيش رح يصير إذا الأبوان دريوا ان عيالهم يشوفوا بعض؟؟
• فتون وأحمد إيش بيصير معاهم؟؟ هل بيقابلوا بعض ولالا؟؟
• فارس وفراس هل بينفذوا كلامهم إليقالوه لأم فهد؟؟
• وأخر شي عمر مين هو وهل له دور بروايتي ولالا


أنتظر أرأكم بالبارت وعليها بكمل روايتي يا حلوين



تعديل وردة الزيزفون; بتاريخ 18-04-2015 الساعة 09:54 PM. السبب: تعديل البارت
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-04-2015, 02:41 PM
أمل مستحيل أمل مستحيل غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان / بقلمي: أمل مستحيل


السلام عليكم

كيفكم حايبي ... هذي روايتي الاولى من زمان كتبتها ونزلتها بالمنتدى بس ما كملتها بسبب ظروف وتركتها كم سنة واليوم حبيت ارجع انشرها لانها كاملة وعدلت عليها اشياء كمان

بكملها ان شاء الله معاكم


يا رب تعجبكم الرواية وانتظر اتنقاداتكم وارأكم


استودعتكم الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-04-2015, 09:46 PM
أمل مستحيل أمل مستحيل غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان / بقلمي: أمل مستحيل


ليش مافي ردود؟


والله شي مرا محبط :(


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-04-2015, 11:21 PM
صورة وردة الزيزفون الرمزية
وردة الزيزفون وردة الزيزفون متصل الآن
مشـ© القصص والروايات©ـرفة
 
الافتراضي رد: روايتي الأولى : أيام عشناها زمان


مساء الخير .. ياهلا فيك بغرام .. موفقة بطرحك .. عندي ملاحظات على روايتك اتمنى تستفيدي منها لاتعتمدي على الحوار استخدمي السرد والوصف لمكان الحذث وللشخصيات

روايتك فيها اشياء تفتقد للمصداقية واشياء غير مقبولة اول شئ مهما اخذت فتون من دراسة في الصيف مستحيل تخلص الطب بعمر 21 سنة ممكن في تخصص ثاني لكن الطب اقل شئ ممكن بعمر 24 مع دراسة الصيف سواء هي او ولد عمها

اما الاشياء الغير مقبولة تجميلك ااعلاقات المحرمة بعذر الحب عزيزتي مايجوز لفتون تجلس مع احمد وتروح وتجي معاه وتسولف ولا ندى وفيصل طالما مابينهم عقد شرعي الي بينهم حرام

ذكرتي ان المشكلة صارت قبل خمس سنين يعني مدة موطويلة واغلبهم بسن كبير فكيف احمد وفتون ماعرفو بعض ؟ والاسماء والالقاب ايش دورها لو فرضنا ماعرفو بعض بالشكل مع ان هالشئ مستحيل

عزيزتي اذا تبغي ردود وتفاعل ابتعدي عن العلاقات المحرمة وكوني واقعية في احداثك حتى تقنعي عقلية القارئ

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-04-2015, 01:36 PM
أمل مستحيل أمل مستحيل غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان


اقتباس:
المشاركة الأساسية كتبها وردة الزيزفون مشاهدة المشاركة
مساء الخير .. ياهلا فيك بغرام .. موفقة بطرحك .. عندي ملاحظات على روايتك اتمنى تستفيدي منها لاتعتمدي على الحوار استخدمي السرد والوصف لمكان الحذث وللشخصيات

روايتك فيها اشياء تفتقد للمصداقية واشياء غير مقبولة اول شئ مهما اخذت فتون من دراسة في الصيف مستحيل تخلص الطب بعمر 21 سنة ممكن في تخصص ثاني لكن الطب اقل شئ ممكن بعمر 24 مع دراسة الصيف سواء هي او ولد عمها

اما الاشياء الغير مقبولة تجميلك ااعلاقات المحرمة بعذر الحب عزيزتي مايجوز لفتون تجلس مع احمد وتروح وتجي معاه وتسولف ولا ندى وفيصل طالما مابينهم عقد شرعي الي بينهم حرام

ذكرتي ان المشكلة صارت قبل خمس سنين يعني مدة موطويلة واغلبهم بسن كبير فكيف احمد وفتون ماعرفو بعض ؟ والاسماء والالقاب ايش دورها لو فرضنا ماعرفو بعض بالشكل مع ان هالشئ مستحيل

عزيزتي اذا تبغي ردود وتفاعل ابتعدي عن العلاقات المحرمة وكوني واقعية في احداثك حتى تقنعي عقلية القارئ

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا


الله يسعدك يا رب اسعدتيني بانتقادك

وابشري حبيبتي بعدل البارت وانزله بكرا اليوم ما اقدر لأن عندي اختبار بكرا


بإذن الله بكرا العصر بيكون التعديل موجود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-04-2015, 01:18 PM
صورة #هدوء الرمزية
#هدوء #هدوء غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان


ي هلا حبيبتي
حبيبتي السرد والوصف يشد القارئ لروايه ويحسسه انه عايش بين ابطاله
كثري من السرد والوصف
ومثل ماقالت اختي وردة الزيزفون ابتعدي عن العلاقات المحرمه

بدايه حلوه
وان شاءالله اكون من متابعينها
كمليها للاخر حتى لو مايكون فيه ردود
بالوقت راح يكون لها متاببعين بعون الله
ننتظرك
...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-04-2015, 01:02 AM
أمل مستحيل أمل مستحيل غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان


اقتباس:
المشاركة الأساسية كتبها #هدوء مشاهدة المشاركة
ي هلا حبيبتي
حبيبتي السرد والوصف يشد القارئ لروايه ويحسسه انه عايش بين ابطاله
كثري من السرد والوصف
ومثل ماقالت اختي وردة الزيزفون ابتعدي عن العلاقات المحرمه

بدايه حلوه
وان شاءالله اكون من متابعينها
كمليها للاخر حتى لو مايكون فيه ردود
بالوقت راح يكون لها متاببعين بعون الله
ننتظرك
...

ان شاء الله حبيبتي ابشري واسعدتيني بمتابعتك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-04-2015, 02:40 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: روايتي الأولى : أيام عشناها زمان


باااااااااااااااااااارت راااااااااااااااائع
لا تعتمدي على الحوار وكثري السرد والوصف
ابعدي عن الالوان الفاتحه واختاري الالوان الغامقه
اختاري شكل الخط مناسب للكل ويكون واضح مثل هذا Arial
تكفين اذا تبغين اقرا روايتك كبيري الخط 5 وابعدي عن الالوان الفاتحه لان عندي ضعف نظر اختاري الالوان الغامقه
ارسل رابط روايتك على ملفات زوار الاعضاء عشان تلقى تفااااااعل
تكفين نزلي باااااااااااارت طوووووووووويل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 20-04-2015, 02:35 PM
أمل مستحيل أمل مستحيل غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان


اقتباس:
المشاركة الأساسية كتبها روعة غلا مشاهدة المشاركة
باااااااااااااااااااارت راااااااااااااااائع
لا تعتمدي على الحوار وكثري السرد والوصف
ابعدي عن الالوان الفاتحه واختاري الالوان الغامقه
اختاري شكل الخط مناسب للكل ويكون واضح مثل هذا Arial
تكفين اذا تبغين اقرا روايتك كبيري الخط 5 وابعدي عن الالوان الفاتحه لان عندي ضعف نظر اختاري الالوان الغامقه
ارسل رابط روايتك على ملفات زوار الاعضاء عشان تلقى تفااااااعل
تكفين نزلي باااااااااااارت طوووووووووويل



ههههههههههههههههههههههههههههههههههههه الله يسعد قلبك يا شيخة وربي احس قلبي مبسووووووووط مرا بس قرأت كلامك

ابشري حبيبتي والله ما طلبتي شي دحين اجمع البارت التاني والتالت وانزلهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 20-04-2015, 07:59 PM
أمل مستحيل أمل مستحيل غير متصل
©؛°¨غرامي جديد¨°؛©
 
الافتراضي رد: روايتي الأولى : أيام عشناها زمان


البارت التاني




بكندا
فتون جلست شوية بعدين قامت تتمشى شوية وتشتري هدايا لأهلها
راحت للمجمع التجاري وجلست تلفلف في المحلات وطلعت بأكياس كثيرة
راحت للكوفي تريح شوية لأن باقي لها اغراض
كان في الطالولة الي وراها شلة شباب اشكالهم سعودية واصواتهم عالية عاملين ازعاج لفت تشوفهم لقتهم مو بوعيهم جالسين يشربوا
لفتها واحد من الي جالسين شكت انها تعرفه
قطع شكها كلامه وهو سكران
....: لالالالالا هي الي راحت هههههههههههههه سابتني وراحت كانت تقول لي احبك يا بيبي هههههههههههه وووطلعت كذابة ههههههههههههههههههههه فتون طلعت كذااااابة ههههههههه كانت تخونني هههههههههههههههه وتخيلوا مع مييين!
الشباب : ههههههه ميييين
احمد:هههههههههه مع مع مع عمممرررررر ههههههههههههههههههههه
فتون اتجمعت الدموع في عيونها تحس انها تحلم
واحد من الشباب كان معطيها ظهره وكان بوعيه مو شارب: احمد يكفي خلاص بطل شرب انت وعدتني بس كاسة وحدة واشوفك تكيت معاهم
احمد:لالالالا خليني انا ابا اشررررب عشان عشان انسىىىى ههههههههههههههههه
الناس انزعجوا منهم
فتون قامت ودموعها تزلت على خدها اتجهت لأحمد ووقفت وراه من غير لا تتكلم
الي كان معطيها ظهره قال بصدمة: فتون؟!!!!!!!!
فتون طالعت فيه وابتسمت له ابتسامة ذابلة
احمد مو بوعيه: هههههههههههههه صهيب انا احبها 5 سنين حاولت انسى لكن ما نسيت خيانتها 5 سنين تركت اهلي عشان لا افكر فيها لكن كل شوية افتكرها ونزلت دموعه.
صهيب:احمد اسكت انت مو بوعيك دحين خلاص اسكت
احمد أبتسم:هه انا بوعيي يا صهيب تحسبني شارب؟ لا والله مو شارب انا بوعيي لسا ما نسيت مين انا ومين ابويا ومين عيلتي وقبل دا كله ما نسيت ديني
صهيب استغرب: كيف والكاسات الي شربتها؟
احمد:اتظاهر هذا عصير يا حمار اتظاهر عشان ابا انسى لكن ما نسيت ولا شي ولا شي يا صهيب ما ادري ايش اسوي
صهيب طالع في فتون:احمد خلاص اسكت دحين قوم خلينا نروح الشقة وهناك نتفاهم
احمد:صهيب انا تعبان احس قلبي يوجعني
صهيب طالع في احمد: احمد... واشر له بعيونه على فتون الي لسا واقفة وراه
احمد استغرب:ايش فيه؟
صهيب:لف طالع
احمد لف وراه وشاف شي ما يتوقعه
قام وقف وهو مو مصدق ان الي قدامه فتون


نروح للسعودية
بجدة تحديدا بهيفا مول
فهد: أوووووه ليش أتأخروا؟؟؟
رامي:أقول فهيدوووه أصبر ترا ملنا غير خمس دقايق جالسين...
رائد:ونت الصادق يا رامي فهيد ترا إلي يسمعك يقول انه لنا ساعة منتظرينهم..
فهد شاف رائد أقرب واحد له راح ضربه على راسه:أقول أسكت انت وهو لا ألفعكم دحين وأنكد عليكم يومكم..والله مو مصدف اننا لمينا شملنا خلاص ومو باقي غير أحمد وفتون..
رامي:فهد ليش ما قلت مليون ريال أهو أحمد يتصل..
فهد:هههههههههه رد رد ونت ساكت..
رامي رد على أحمد:ألو هلا أخويا...
أحمد:رامي تذكر فتون بنت عمي؟؟
رامي:أكيد أذكرها ترا هذي فتون مو أي أحد بس ليش؟؟؟
أحمد:طيب تقدر تعرف لي هيا فين؟؟؟
رامي:إيوة أقدر بس ليش؟؟
أحمد:إنت أول أعرف لي هيا فين وبعدين أقول لك..
رامي:أوكي أعطيني 10 دقايق أو ربع ساعة بالكتير وأتصل بك تاني..
أحمد:أوكي ... وقفل السماعة بوجه رامي..
فهد:إيش فيه؟؟
رامي:حن للحبيبة بعد خمس سنين غياب..
فهد ببرود:ما حن لها..
... السلام عليكم:...
فهد ورامي ورائد:هلااااا وعليكم السلام..
رائد:أخيرا جيتوا تفكونا من دا الي كل شويا يصفقنا..
فيصل:ههههههههه عاش من صفقكم..
رامي:لا يا شيخ..
رائد:قول والله..
فارس:هههههههه لالالا يمزح معاكم ما عاش من أذاكم...
جو فايز وفواز:السلام عليكم..
سلموا عليهم وجلسوا
رامي:آآآاا فيصل فين فتون؟؟؟
فيصل:فتون مو هنا سافرت للمزايين..
رائد:يعني إحنا مو عاجبينك؟؟
فارس:إلا عاجبينه بس هم مزايين وانتوا مزز..
فراس ضرب كفه بكف فارس:هههههههه صح عليك جبتها..
رائد:فيصل من جد أتكلم فينها؟؟
فيصل أبتسم:تذكروا حلمها؟؟ ايش وفين؟؟راحت تحققه..
فهد مفجوع:تدرس طب؟؟
رامي:بكندا؟؟
رائد بهمس محد سمعه:عند أحمد؟؟
فيصل:إيوة تدرس طب وبكندا
رامي ورائد طالعوا ببعض وسكتوا..
بعد ربع ساعة
رامي:شباب شوية وراجع..
فيصل:رامي كيف الجو تبعك؟؟
رامي:ههههههههههههههه دقايق وراجع لك..
فارس:ههههههههههه رايح يكلمها مو قادر يصبر عنها..
رامي:لا يا حلو مو رايح أكلمها رايح أكلم واحد يبا مني شغلة وبروح أقول له إيش صار..
رائد وفهد:خذني معاك..
رامي أتورط ما يبا أحد يعرف ان فهد سأل عن فتون وبسبب رائد وفهد الكل بيسأل إيش فيه..
رامي:آآآأااإإ إنتوا ايش دخلكم؟؟ بروح أكلم الرجال وراجع ماني مطول خليكم خلاص ما يحتاج تجوا..
فهد:أبا أحرك رجولي شوية خدني معاك..
رامي:طيب يلا..
((في بيت أبو فيصل))
أبو فيصل نزل للصالة:فين العيال؟؟
أم فيصل:ما رجعوا لسا..
أبو فيصل:غريبة مو بالعادة..
أم فيصل:قالوا لي انهم مع أصحابهم من زمان ما شافوهم..
أبو فيصل:أمممم طيب الله يرضى عليكي جهزي القهوة والشاهي والحلى بكلمهم يجوا عندنا..
أم فيصل:طيب من عيوني..
((في بيت أبو أحمد))
ندى:نهى فين محمد وحمد؟؟
نهى:نايمين حرارتهم مرتفعة مرا حطيت لهم كمادات..
ندى:الله يستر من يوم ما رجعوا من المستشفى وهم تعبانين..
نهى:الله يعين..
((بيت أبو فايز))
أبو فايز:فين فايز وفواز؟؟
أم فايز:خرجوا تاني قبل المغرب..
أبو فايز:أنا متأكد إن ورا خرجتهم هذي في شي لأن مو عادتهم يخرجوا ويطولوا برا..
أم فايز:قالوا لي انهم خارجين مع أصحابهم من زمان ما شافوهم..
أبو فايز:خير إن شاء الله رح اشوف ايش وراهم

..
(( بهيفا مول))
رامي:فهد إيش أقول لأحمد؟؟
فهد:هات الجوال..
رامي:ليش؟؟
فهد سحب منه الجوال:هات وبس.. كتب رسالة لأحمد[ أحمد فتون عندك بكندا راحت تدرس طب راحت تحقق حلمها مثلك لكن هي أختلفت عنك هي كانت ومازالت تستغل كل إجازة برجوعها لبيتها وأهلها أما إنت سافرت 5 سنين ما شفناك خلالها غير اسبوع واحد شفت الفرق الي بينك وبينها؟؟ هي قالت إن أبويا وأمي هم إلي أجبروك انك تتركها ما صدقت انك انت الي تاركها لكن انت من شوية صور مفبركة وكم سؤال تركتها وراك ... أبعد عنها يا أحمد أحسن لك]..
وأرسلها وبعد ما أترسلت أعطى الجوال لرامي:خذ..
رامي:إيش سويت؟؟
فهد:أفتح الرسايل وشوف..
رامي فتح أخر رسالة أترسلت وأنفجع:الله يخرب بيت إبليسك إيش دا الكلام؟؟؟؟؟؟
فهد ببرود:هذا الي لازم يصير من زمان..
رامي:طيب أنا إيش دخلني تورطني أنا؟؟دحين إيش أقول له؟؟
فهد:أقول أمشي ترا الي ربي كاتبه رح يصير سامع؟؟يلا خلينا نرجع لهم..
رامي:الله يستر.. يلا...
((بكندا عند أحمد))
أحمد جالس بالشقة مع صاحبه صهيب والوليد وسرحان بجواله ينتظر مكالمة رامي..
قطع عليه سرحانه الوليد:أحمد أنا صاحبك وأخوك وكل شي بالنسبة لك ما تبغا تقول ايش فيك؟؟دوبني العصر سايبك مافي زيك مبسوط ومتهني... دحين تقول قاتل لك واحد أتكلم الله يرحم أهلك..
أحمد:وليد أنا أتدمرت خلاص... مستحيل تسامحني...
الوليد:أول شي لا تناديني وليد اسمي الوليد تانيا لا تتكلم لي بالألغاز مين هي الي ما بتسامحك؟؟
أحمد سمع صوت رسالة توصله على جواله فتحها وقرأها وأنصدم صدمتين... صدمة ان فتون معاه بكندا وهو ما يعرف والصدمة التانية من أخوه إلي يقول له ابعد عن فتون:فتون هنا ومعايا طوال من زمان؟!!
الوليد:أحمد بسم الله عليك إيش فيك؟؟
أحمد كل ما أتذكر كلام أخوه نزلت دموعه من غير لا يحس والوليد جالس يحاول فيه انه يتكلم عشان يعرف منه ايش فيه
الوليد:صهيب ايش فيه انت كنت معاه..
صهيب ما حب يتدخل: انا كمان ما ادري
[جدة (هيفا مول)]
فهد ورامي رجعوا للشباب
رامي خايف ومتوتر
فهد هادي ومبتسم ابتسامة نصر
والكل جالس يتكلم ويضحك إلا رامي سرحان ومو منتبه لهم
فيصل هف بيده قدام وجه رامي:ها رامي ايشصار معاك؟
رامي انفجع:ها إيش فيه؟
فارس بإستغراب: ها إيش فيه!!!!
رامي:آآأآإإآآآآ .... أمم ... مافيني شي.. ليش؟!!
فايز:من أول نتكلم معاك وانت مو معانا أبدا
رامي زاد توتره وصار يهز رجله بسرعة ويتلفت على المحلات والرايح والجاي:ها ربي يسلمكم مافيا شي أبدا يتهيــــ سكت لأنه سمع صوت جواله يدق
أخذ الجوال وشاف المتصل لف عل فهد وهو حده متوتر
فواز:ليش ما ترد؟!!!
رامي:هاااه... وقطع الإتصال
رائد:رامي ايش فيك من وقت ما رجعت خايف ومتردد وحالتك حالة... مو حالتك هذي قبل لا تروح تتكلم ... مين إلي كلمته واتصل عليك دحين؟!!!
رجع الجوال يدق تاني مرة
فايز سحب الجوال من رامي وفهد قام بسرعة سحب الجوال من فايز رد وحطه على سبكر وحط الجوال على الطاولة
أحمد بصوت مبحوح وتعبان:رامي كيف عرفت؟ كيف عرفت ان فتون بكندا؟ وليش ما قلت لي من زمان؟!!!
كلهم أنصدموا ان الي رامي خايف منه هو أحمد..
أحمد صرخ:أتكلم يا رامي مين قال لك دا الكلام؟
فهد:لا تلوم أخوك لأن الكل يدري عن إلي صار والكل يدري عن السبب الحقيقي وانت كمان تدري ... لكن فيه أشياء كتيرة يا أحمد انت ما تعرفها ... الصور الي صهيب خلاك تشوفها غير عن الصور الي خلانا نشوفها وإلي أعطاك هي غير وأقوى من الي خلانا نشوفها ... وبعد ما فسخت الخطبة وشردت يا رجال جا وجاب معاه صور أقوى من اللتنين لكن ما اعطاها لك او لنا راح أعطاها لخالي صالح وخالي بسام ...
عمر اتورط وقال رح يستر عليها واتقدم لها خاف على سمعتها خاف عليها الناس تاكلها بكلامهم لكن هي عشانك عشان ما تبا تتركك يا رجال قالت تبا تروح وتكمل مسيرتها وحلمها ولمن ترجع هي يسوا الي يبوا ... شفت الفرق الي بينك وبينها؟؟ أحمد عمر بدأ بشي وانا بنفسي الي رح أساعده انه ينهيه ولا أقول لك عندي فكرة أحلا اليوم الي العيلة تتجمع فيه رح يكون يوم ملكتها والأحلا من كدا انك انت كمان تكون رجعت رح يكون دا اليوم مميز لأنه بتكون ملكتهم على بعض قدام الكل..
الكل سكت ومصدوم من الكلام إلي قاله فهد..
أحمد:رامي مين هذا؟!!!
فهد: هههههه ما الومك يا ولد خالي إذا ما عرفتني لكن ما رح اتعبك أكتر بقول لك مين أنا ... أنا يا بابا الفهد ولد عمتك ... وقفل الخط بوجه أحمد...
فارس:فهد إيش الكلام هذا إلي قلته؟
فهد:إلي سمعتوه بنفذه بالحرف الواحد..
فراس:بس فتون مستحيل تاخذ عمر
فهد:بياخذها يعني بياخذها ونشوف يا أنا يا أحمد.
فيصل عصب:بس ما يجوز فتون تاخـــــــــــــــــ...
قاطعه فهد:أقول قوم انت وهو مو خالي بسام قال تعال انت والي معاك؟؟يلا قوموا تراه وحشني 5 سنين ما شفته غير بالصور يلا قوموا..
فارس وفراس:أنا مو قايم إلا لمن أعرف إلي براسك..
فهد:قوموا وانتوا تعرفوا..
قاموا كلهم وتجهوا لبيت أبو فيصل

[ كندا بشقة مايا وفتون ]
اول ما تدخلوا فيه سيب صغير الي هو المدخل على اليمين في مراية وشماعة وعلى اليسار دولاب الجزم "اكرمكم الله" بعد السيب في صالة صغيرة تقدروا تشوفوا المطبخ منها لأنه مفتوح على الصالة وعلى يمين المطبخ في 3 غرف
مايا:ولك فتون شوبك؟!!! تركتك بالكافيه مابكي شي وهلأ من وئت ما رجعتي ونتي عم تبكي... شو صار معك؟!!!!
فتون:مايا الله يخليكي انا تعبانة وابا انام..
مايا:أوكي براحتك حبيبتي هلأ رح أتركك براحتك لكن لما بتفيئي ما بتركك حتى تؤلي شوبك ماشي؟
فتون:ماشي يصير خير... يلا برا
مايا:ههههههه أوكي حبيبتي تصبحي على خير..
فتون: ونتي من أهل الخير.... بعد ما طلعت مايا جلست تفكر بكل شي وما لقت حالها غير وهي جالسة تبكي..
[ جدة][سيارة فيصل]
كلهم ركبوا مع بعض بسيارة فيصل
ترتيبهم
فيصل يسوق وجنبه فراس
وراهم
فهد - فارس – فايز
وراهم
رامي – رائد – فواز
فيصل:فارس أتصل بفتون حاسس ان فيها شي
فارس وفراس:الحمد لله انه مو احساسي انا بس..وطالعوا ببعض
فارس:طيب دحين اتصل بها...
دق عليها 5 مرات ما ردت..
فارس: 5 مرات وما ترد انا خايف عليها يا شباب..
فهد:هات الجوال انا ادق..
اتصل مرتين ما ردت والمرة التالتة ردت
فتون وباين من صوتها انها تبكي:هلا فارس
فهد اعطى الجوال لفارس
فارس:هلا فتون كيفك؟
فتون:ما عليك مني انتوا كيفكم؟
فارس:إحنى مو بخير لأن عارفين ومتأكدين ان فيكي شي
فتون ما قدرت تمسك نفسها اكتر جلست تبكي وتشاهق من البكى: فارس كنت اظن انه تركني مجبر حسبت عمي اجبره يتركني لكن طلع هو الي تركني بكل ارادته ... وجلست تبكي
فارس حزن على حال اخته رجع راسه على المركى وغمض عيونه:خلاص يا حبيبتي لا تبكي الله يخليكي
فتون جلست تبكي وماهي قادرة تتكلم
فارس عصب وبكي معاها:باااااااااااااااااااااااااااااااسسسسس خلااااص لا تبكييي إذا هو تركك وباعك بيعييييه برخخخصصص الترااااااااب ... إذا هو ما وثق فيكي وتركك ليش تبكي وتعذبي نفسك عشانه؟؟؟؟ خلاص طلعي نفسك من العذاب الي انتي عايشته يا اختي ... خلاااااااص لمتى بتعذبي نفسك؟!!!!!!
فراس لف نفسه على ورى وسحب منه الجوال:خلاص يا فارس اهدى سمي بالله
فارس وهو ما زال معصب:فهمها يا فراس انه واحد جبان تركها بسبب واحد أ###### وياما حذرناه منه لكنه كان يقول صاحبي ويتيم مستحيل يسوي كدا واهو هو الي فرق بينهم قل لها تنسااااااه لأه بالساهل باعها وباع اهله ..
فيصل وقف السيارة قدام البحر ونزل سحب فارس:أهدى يا فارس سمي بالله...قول لا اله الا الله.
فارس رفع صوته:لا تلومني يا اخويا اذا عصبت وبكيت لا تلومني روح شوف اختك كيف شوية وتموت بسبب البكا وكله بسبب ولد عمك لا تلومني يا اخويا احس بقهر بقلبيييي.
الشباب نزلوا من السيارة لمن شافوا فارس وكل ماله يثور على فيصل.
فراس:فتون حبيبتي شوية وارجع اكلمك
راح عند فارس: فارس لا تتكلم صرخ بسرعة.
فيصل يكلم رائد:رائد حبيبي روح جيب موية من الكشك هناك.
رائد راح وهو مفجوع من منظر فارس
فراس:فارس جالس اقول لك صرخ بسرعة خذ نفس كبير وصرخ بقوة.
فارس يتنفس بسرعة:بعدوا عني؟
فايز:يا فارس لاتتكلم صرخ بسرعة.
رائد جا:فيصل خذ.
فيصل: هات حبيبي شكرا ..فك الموية ولف على فارس:يلا صرخ.
رامي:فارس صرخ عشان تطلع القهر الي بقلبك
فارس:القهر الي بقلبي يا رامي اخوك سببه هو الي ولع النار الي تحرق قلبي دحين مسكني من يدي الي توجعني انت ما سمعت صوت فتون كيف تبكي اذا سمعت صوتها ما كان لمتني يا رامــ.... قطع كلامه الموية الي انكبت عليه
فيصل كب كل القارورة على وجهه وراسه ومسح لفارس وجهه:انت مجنون تبا تطيح علينا كم مرا قلنا لك صرخ؟!!! ترا الي عندك القلب مو كحة ولا مستغني عن نفسك؟ اذا ما انتبهت لنفسك رح تعرض فراس للخطر لانه مهدد يمرض مثلك.. لا تخلي حالتك تتدهور عشان حالة اخوك لا تتدهور فاهم ولالا؟
فراس:فارس ايش صار لك اول لمن كنا نقول لك صرخ على طول تصرخ ايش معنى دي المرة؟
فارس وهو يتنفس بسرعة:اتصل عليها واسمع صوته بكاها كيف يحرق قلبك عليها... اليوم اختنا تبكي بدل الدموع دم يا اخويا .
فيصل سحبه وقومه:قوم دحين خلينا نرجع البيت ... سحبه الين السيارة:يلا اركب وخذ دواك لا العن ابو خماسك دحين.
كلهم ركبوا السيارة بنفس الترتيب
فيصل فتح صندوق السيارة وطلع منه دوا :فايز الله يسعدك ناوله الدوا.
فايز طالع في الدوا ورماه من الشباك:مر الصيدلية اذا سمحت يا فيصل
فارس:ليييش رميته.
فايز في دوا احسن منه ومفعولة سريع شهرين وتشفى من القلب باذن الله .
فيصل وقف قدام الصيدلية:بسرعة لا تطول.
فايز:طيب.
رائد حب يلطف الجو حط يدينه على خده واسند كوعه على الكرسي الي قدام:آآآآآآآه ياقلبي.
فهد يستهبل:سلامة قلبك من الاه يا رورو تبا من الدوا حق فارس؟
رائد بهيام:لالالا الي بقلبي ما بيشفيه غيرها هي..
الشباب:اووووووووووووهههه اوووووههه
رائد:تخيلوا 5 ساعات ما شفتها.
فواز استغرب:مين هي؟
رائد:تبوا تعرفوا مين هي؟
الشباب:ايوة.
رائد:حبيبتي هي
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
خدامتنا ميري يا زينها زيناااااه.
فيصل:هذا قلبك يا ورع؟
فواز:هههههههههههههههه حسبتك بتقول فوزية استغربت لمن قلت 5 ساعات ما شفتها.
قطع دخولهم فايز:شباب.....



انتهى البارت التاني

توقعاتكم

• ايش فيه فايز؟
• فتون ايش رح يصير معاها؟
• احمد ايش رح يسوي؟ هل رح يعتذر لفتون ويحاول يرجعها ولا بيتركها لعمر؟
• عمر مين هو وهل له دور بروايتي ولالا؟
• فارس هل بيشفى من مرض القلب؟
• الشباب هل رح يوصولوا لأبو فيصل ولا في شي رح يمنعهم؟
• إذا راحوا لأبوا فيصل هل بيستقبلهم؟




انتظروني يوم الجمعة في البارت الثالث


الرد باقتباس
إضافة رد

روايتي الأولى : أيام عشناها زمان

الوسوم
أيام , مستحيل , الأولى , بقلمي: , روايتي , زمان , عشناها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى اه يا عذابي/كاملة &نـــونـي بنت الجنوب & روايات كامله - يتم نقل الرواية هنا بعد اكتمالها 5837 20-01-2019 01:13 AM
روايتي الأولى : البُكاء في الحب مصداقية مشاعر ليس ذُلًّا/كاملة تَرَفّ روايات كامله - يتم نقل الرواية هنا بعد اكتمالها 169 26-01-2018 04:05 PM
روايتي الأولى : كادي إيلآيل روايات - طويلة 667 17-05-2017 02:43 PM
روايتي الأولى : زادت حكاوينا وكأني تعلقت الكاتبه العهود روايات - طويلة 9 29-03-2015 05:41 AM
~ودك تشوف الحب بـ اصدق معانيه شوف نادي الاتحاد وحب جمهوره*تغطية المونديالي ~ اميرة الروز كووره عربية 205 27-01-2015 07:55 AM

الساعة الآن +3: 10:47 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1