غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 151
قديم(ـة) 30-04-2015, 12:13 AM
صورة ثرثره صامته الرمزية
ثرثره صامته ثرثره صامته غير متصل
©؛°¨غرامي متألق ¨°؛©
 
الافتراضي رد: روايتي الثالثه : خيانه لا تغفر


البارت الخامس



_



















..











*عند ضاري


كان ضاري طول اليوم جالس مع امه وابوه , وماكان في وقت يجلس مع داليا

تأخر الوقت وراحو هم ينامون اما ضاري ف توجه لغرفته

فتح الباب وشاف داليا وهي جالسه عند التسريحه وكانت متزبطه من لبس ومن مكياج خفيف وفاتحه شعرها المموج

طالعت فيه وابتسمت : اخيرا جيت , كنت استناك

ضاري رد لها الابتسامه وما قال شيء غيرهه

قربت منه داليا : من يوم ماجينا هنا ماجلسنا لحالنا بجو رايق زي كذا

ضاري مسك يدها : طالعه حلوه اليوم , بس انا تعبان الحين السفر هلكني -تركها وجلس على السرير

داليا حست انه يبي يتجنبها , جلست جنبه : ضاري وش فيك ؟ حاستك متغير هاليومين

ضاري بدون ما يطالع فيها : ابد والله , بس تعبان شوي

داليا بدلع : ضاري انا ودي احمل , ابي يكون عندي بيبي

ضاري : لا لسا بدري , بعدين ورانا دراسه وسفر ما اقدر اتحمل مسؤولية زياده

داليا : كنت موافق قبل مانرجع جده وش الي غير رايك ؟

ضاري : ابد ..

داليا قاطعته : ضاري انا عارفه حركاتك الغريبه هذي كلها عشان ايش !

ضاري طالع فيها باستغراب

داليا : كله عشان بنت جيرانكم ! ولسا بتقول لي مابيني وبينها شيء ؟ ضاري انا اعرفك زين

ضاري : لا حول رجعنا لهالموضوع مره ثانيه

داليا : ايه بنرجع له مره ثانيه وثالثه بعد لين ما اعرف وش بينك وبينـ..

قاطعها ضاري بعصبيه : يوووهه وبعدين معك انتي ! كل شيء شاكه فيه , انا بخليلك الغرفه هذي ولا تدرين بخليلك البيت بكبره !

داليا : وين رايح ؟

ضاري : مالك شغل لا خلصتي زن ناديني - تركها وطلع







طلع ضاري برا البيت وهو معصب من حركات داليا

راح يهدي من نفسه مسك جواله ولمح رقم هيله

اتصل بدون اي تردد وهو يقول بنفسه "ماعندي شيء اخسره!"


اما هيله فكانت لابسه بجامتها وفاتحه شعرها وهي رايحه تنام

دق جوالها , ردت : الو ..

ضاري سكت شوي ورد عليها : هيله ..

هيله بصدمه "هذا صوت ضاري! بس ليش متصل علي؟" : نعم ..

ضاري : هيله ابي اشوفك ..

هيله بارتباك : تشوفني ؟

ضاري : ايه , ابي اشوفك الحين !

هيله : بس ضاري امي وش بتسوي اذا عرفت , وبعدين وين داليا ..

قاطعها ضاري : هيله انا قدام بابك , تعالي -وقفل بدون مايستنى ردها


هيله كانت خايفه وبنفس الوقت ابتسمت , وكأن حركاتهم في الماضي قاعده تنعاد اليوم ..

طلعت هيله وهي تمشي على اطراف اصابعها خايفه لا تقوم امها وتشوفها

فتحت الباب بشويش وهي تطالع بضاري بدون ماتقول شيء

صارو اثنينهم يتأملون ببعض بدون اي كلمه , ضحك ضاري فجأه لان هالحركه كانت كثير تصير بينهم

ابتسمت له هيله , وبارتباك : ضاري اخاف امي تقوم ..

ضاري : جيت اعطيك شيء -طلع ضاري اسورة هيله من جيبه

واخذ يدها وصار يبلسها الاسوره

اما هيله فكانت متوتره من حركته , وبنفس الوقت سألته باستغراب : للحين معاك ؟

ضاري : ايه , للحين ..


نزلت هيله عيونها وهي مستحيه وتطالع بالاسوره

مامرت دقايق الا سمعت صوت باب غرفة امها

شهقت هيله وبصوت واطي : امي قامتت !

دفت ضاري بشويش وهي خايفه : اكلمك بعدين - وسكرت الباب وصارت تمشي بالصاله بارتباك


ام هيله باستغراب : للحين مانمتي ؟

هيله : لا لسا , الحين بنام ..

الام : زين يلا روحي نامي تأخر الوقت

هيله : ان شاءالله - وراحت لغرفتها

ماكانت مصدقه الي صار من شوي , كان كأنه حلم وصحت منه

ما جا على بالها انها ممكن ترجع تتكلم مع ضاري لانه متزوج الحين ..



اما ضاري ف راح بعيد عن شقة هيله قد مايقدر

وقف مكانه وهو يضحك على الي صار

تغير مزاجه وماكأنه عصب قبل شوي ..













..












*يوم جديد
الساعه 10 الصبح


كانو سعود واخواته جالسين في الصاله وكالعاده لا شغل ولا مشغله

كل واحد حاط رجل على رجل وماسك جواله ويطقطق فيه


دخلت الام فجأه ووراها خدامتين وحده تشيل عنها الشنط

والثانيه تنتظر منها امر ..

الام : سيتي طلعي اغراضي فوق ورتبيها زين

سعود التفت ببرود : هلا يمه , ماقلتيلنا انك جايه

الام كتفت يدينها وهي تطالع فيهم : خساره فيكم هالعيشه , انا بدال ما ادلعكم خربتكم

سعود رجع يطقطق بجواله وماكان في احد يتكلم

لمى وهي جايه عندها وتحضنها : يممه اشتقت لك خلاص عاد لا تسافرين كل شوي

الام : اجل تبيني احط رجل على رجل وانتظر كل شيء يجي لحدي ؟ -وهي تأشر على سعود وندى : مثلهم ؟

ندى بملل : يمه شغل المكتب ماعجبني ممل ..

قاطعتها الام بعصبيه : انتي اخر وحده تتكلمين مسكتي الشركه يومين بس وخربتيها

سعود : يمه هدي وش فيك ..

الام قربت منه ومدت له يدها : عطني مفاتيح سيارتك

سعود : ايش !

الام : بسسرعه ! كلامي مابي اكرره , هات مفتاح سيارتك

سعود : يمه احتاج السياره انا ..

قاطعته الام : سسسعود !

سعود طلع مفاتيح سيارته : يمه تكفين ..

سحبت منه مفاتيح سيارته بقوه : وبطايق الصراف بعد

سعود بعصبيه : يممممه !

الام : بتعطيني ولا اقفل حسابك بكبره ؟

اعطاها سعود كل بطايق الصراف حقته ..



اما ندى فصارت تمشي على اطراف اصابعها تحاول تروح لغرفتها بسرعه قبل لا يجي دورها

بس للاسف التفت عليها امها قبل لا تبعد : وين رايحه ؟

ندى بارتباك : طالعه غرفتي ..

مدت الام يدها بدون ماتتكلم كانت نظرتها تكفي

ندى بتحجج : البطايق بشنطتي مو معي الحين ..

الام : روحي جيبي شنطتك وعبايتك والحقيني السياره

ندى باستغراب : على وين ؟

الام : الشركه اكيد ! -وراحت للسياره


لمى كانت تطالع فيهم وتضحك : الحمدلله اني مشغوله بالدراسه

ندى وهي متنرفزه : مايضحك !

سعود : لمى حبيبتي , انتي ماتحتاجين بطاقتك هاليومين وش رايك تعطيني اياها

لمى : حبيبتي ؟ من متى انا حبيبتك ولا بس عشان تبي فلوس ؟ احسن تستاهل قم حرك رجولك مو بس جالس

سعود : انا غلطان اطلبك شيء اصلا











اما ندى والام ف ركبو السياره مرسيدس بانوراما سودا

كان السايق ينتظرهم يجون عشان يفتح لهم الباب

ما اخذ منهم وقت طويل ووصلو للشركه


دخلت الام للشركه وهي تكلم السكرتيره حقتها : نادي جاسر

السكرتيره : حاضر

دخلت مكتب ندى والغريب ان ندى شافت طاولة مكتب ثانيه مقابله لمكتبها

ندى باستغراب : يمه هذا مكتب مين ؟

وقبل ماتجاوب الام دخل جاسر : اهلين استاذه مريم الحمدلله على السلامه

الام : الله يسلمك , جاسر من اليوم ورايح هذا مكتبك الجديد

ندى وجاسر بنفس الوقت : ايش ؟

ندى بعصبيه : يمه بتخلينه معاي ؟ وبنفس المكتب بعد !

جاسر كان ساكت وهو كاره فكرة الام , لانه مو قادر يستحمل تعليقات ندى اكثر من كذا

الام : جاسر , انا حطيت لك المكتب عشان ابي ندى تتعلم منك , وبنفس الوقت اكيد هي بتحتاجك في اشغال الشركه وزي ماتعرف انا ما اثق الا فيك بهالامور

ندى : يمه ما احتاجه ! بعدين انا ابي مكتب لحالي ..

قاطعها جاسر : ان شاءالله استاذه مريم تحت امرك

ندى التفت عليه وهي معصبه لانه وافق على هالشيء

الام : زين , يصير من الحين تبدأ شغلك بهالمكتب -التفتت على ندى : وانتي ابيك تاخذين الشغل بجديه , زي جاسر بالضبط


طلعت الام بعد ما قالت الي عندها وسكرت باب المكتب وراها

اما جاسر وندى ف صارو يطالعون في بعض وكل واحد كاره الثاني اكثر

تركها جاسر وراح للمكتب الي مقابل مكتب ندى عشان يكمل شغله

تأففت ندى بصوت عالي عشان تسمعه وجلست في مكتبها ..














..











* عند ريم
الساعه 1 ونص الظهر


بعد ماخلصت من الجامعه توجهت للاكاديميه الي تشتغل فيها هناك كمتطوعه يومين بالاسبوع

دخلت ريم وراحت لغرفة الاستراحه تشرب لها مويه

كانت في وحده جالسه هناك

والتفت عليها : انتي كل مره تتأخرين ؟

طالعت فيها ريم : كل مره !

البنت وهي رافعه صوتها : ايه كل مره تتأخرين وتأخرينا معك , راحت علينا نص ساعه وانتي عارفه سعود مايبدأ الا اذا اكتملنا كلنا !

ريم حطت يدها على خصرها : وانتي وش دخلك فيني ؟ انا ما تأخرت بكيفي وراي جامعه ..

قاطعتها البنت : كلنا ورانا جامعه يعني ماتقدرين تجين بدري زينا ؟ تراها يومين بالاسبوع اذا ناسيه

ريم قربت منها : انا اجي وقت ما ابي اجي ..

وقفت البنت من مكانها قبل ماتكمل ريم كلامها : لا والله ؟



دخل سعود بالصدفه على مهاوشتهم

سعود : وش صاير ؟

ريم سكتت اول ما شافت سعود , اما البنت ف كملت بعصبيه : ريم كل مره تتأخر وتأخر الشغل مو حاله هذي !

سعود : مو ريم الي اخرتنا حنا كذا كذا مانبدأ بدري

البنت وهي لسا متنرفزه : الا نبدأ بدري انا ماعندي اليوم كله استنى الست ريم لين ماتجي واستناك انت لين ماتبدأ وراي اشغال ثانيه !

سعود ببرود : عدلي اسلوبك لمن تتكلمين معي

البنت وهي رافعه حاجبها : وليش اعدله ان شاءالله مين كنت !

سعود تنرفز من اسلوبها وماتعود على احد يكسر كلمته , وقرب منها : ماتبين تعدلينه يعني ؟

ريم خافت وصارت تحاول تبعد سعود : سعود اهدى خلاص !

اما البنت ف كانت تحاول تسوي نفسها مو خايفه : وش بتسوي بتطردني على غفله ؟

سعود ابتسم لها : تتوقعين مقدر اسويها ؟ تقدرين تروحين بيتك , مافي شيء لك هنا

اخذت شنطتها بعصبيه وراحت وهي مقهوره من الي سواه سعود


التفت سعود على ريم وابتسم لها

اما ريم ف كانت خايفه من الحركه الي سواها سعود بعدت عينها عنه وجلست على الكرسي

وصارت تحاول تشغل نفسها بالجوال لين مايروح ..


لكن مع هذا ماراح سعود وارتكى بيدينه على الطاوله , كان قريب جدا منها : لا تخلين اي احد يكلمك بهالطريقه

ريم ماكانت تبي تحط عينها بعينه , ف ماردت عليه

سعود : طيب ؟

ريم هزت راسها بـ نعم : طيب ..

سعود : يلا قومي ورانا شغل نسويه

قامت ريم وراحت وراه وهي تفكر "طردها عشان قالتله كلمتين كذا بكل سهوله ! اجل انا اذا غلطت عليه وش بيسوي فيني وهو يعرف كل شيء يخصني .."

تنهدت ريم وهي تحاول تبعد هالفكره من راسها

وكانت تقنع نفسها بـ"مستحيل يسوي اي شيء يضرني"












..











* عند داليا

كانت تفكر في ضاري والكلام الي دار بينهم امس

ماكانت مقتنعه بالرد الي قاله لها , لانه كان له رد مختلف تماما عنه

والشيء الوحيد الي جا على بالها هو هيله ..

وبنفس الوقت كانت خايفه ان ضاري يتركها ويروح لهيله

ماتنكر انها من فتره كانت تبي تحمل , بس الحين زادت رغبتها اكثر , كانت تقول بنفسها "اذا حملت الحين رح ادبس ضاري فيني , وبينسى هيله تماما ! سواء كان بينهم شيء او لا مثل مايقول"





اما ضاري ف كان برا البيت وتوه داخل العماره بعد مارجع من الصلاه بالمسجد

ولمن جا شاف هيله وهي واقفه قدام الاصنصير وتنتظره ينفتح

وقف جنبها : توك ترجعين من الجامعه ؟

التفت عليه هيله وابتسمت له : ايه الترم هذا عندي مواد كثير ..

انفتح الاصنصير ودخلو اثنينهم

ضاري : وانتي كيفك ..

هيله ماكانت تبي تطالع فيه : الحمدلله كل شيء تمام بس الجامعه ..

قاطعها ضاري : مابي اسمع عن الجامعه , ابي اسمع عنك انتي وش مسويه ؟

هيله ارتبكت من سؤاله لها وبنفس الوقت كانت متوتره لان مافي احد معاهم

راحت هيله تبي تضغط زر الاصنصير : ضاري نسيت تضغطه ..

ضاري مسك يدها : هذا المكان الوحيد الي اقدر اكون فيه معاك , لحالنا

هيله بعدت عنه : ماتقدر تكون معاي انت متزوج ياضاري وانا مابي اخرب حياة اثنين عشان ماضي تافهه

ضاري باستغراب : تافه ؟ الي كان بيننا ابدا مو شيء تافه

هيله : جد ! ليش تركته وراك اجل ؟

ضاري : انا ماتركت ولا شيء وراي ولا انتي ناسيه الي صار !

هيله ماكانت تبي تفتح هالموضوع مره ثانيه , ضغطت زر الاصنصير على الدور الثاني بدون ماترد عليه

ضاري : هيله !

هيله : انا ماعندي شيء اقوله

انفتح باب الاصنصير تقدمت هيله عشان تطلع بس ضاري قفل الباب : عندك اشياء كثير تقولينها وانا ابي اسمعها الحين

هيله كانت مطنشه وهي ترجع تضغط زر الاصنصير تبي تفتح الباب

كان كل ماينفتح يقفله ضاري

هيله بعصبيه : ضاري وبعدين معاك ! - رجعت فتحته

ضاري : ابي افهم كل شيء - وقفل الباب

ومن كثر مايقفلونه ويفتحونه اهتز الاصنصير وقفل من نفسه

هيله بخوف وهي تحاول تفتح الباب : وش صار !

تنهد ضاري : كله منك

هيله بعصبيه : مني انا ؟ لو انك تركتني اروح ماصار كل هذا ! -تأففت هيله وكتفت يدها وهي واقفه بعيد عن ضاري

ضاري مسك يدها : ليش عصبتي فجأه ؟

هيله بعدت يده عنها : لا تلمسني !

ضاري : هيله وش فيك !

هيله : وش فيني ؟ انت الي وش فيك متزوج وتنتظر عيال وتجي الحين تمسكني وتقولي وش فيك !

ضاري : انتي عارفه مين كان السبب في زواجي

هيله : لا والله ؟ الحين صرت انا السبب في زواجك ؟

ضاري بعصبيه : انتي تغيرتي فجأه وبكل برود تعطيني خبر خطبتك بمسج وش تتوقعين مني تبيني احط يدي على خدي وانتظرك ؟

هيله وهي ماسكه دموعها وماتبي تبكي بس كان باين من صوتها : اييه ! انتظرني اذا تحبني صدق بتنتظرني

ضاري : انتظرك لين تروحين ف ذمة غيري ؟ ولا تبيني استأذن منك عشان اتزوج بعد !

هيله ضربته من كتفه على خفيف : ماكانت خطبه رسميه حتى !! -غطت وجهها بيدينها وصارت تبكي من قهرها

اما ضاري ف ماعرف وش يسوي لمن شافها تبكي

كان يبي يمسكها وهديها بس تراجع عن هالشيء حط ظهره على الجدار ويدينه بجيوبه -وبصوت واطي : اسف ..



مرت حوالي 5 دقايق وهم لسا محبوسين بالاصنصير

جلست هيله بالارض وهي تمسح دموعها

هيله : حاول تفتحه , ابي اطلع ..

قرب ضاري وجلس جنبها : هيله مسحي دموعك , انا اسف ..

هيله : على ايش اسف

ضاري : كل شيء - مسك يدها بيدينه الثنتين : قوليلي وش صار

هيله وهي تطالع بمسكة يد ضاري , مسحت دموعها : ما اذكر وش المشكله الي صارت بيننا عشان نفترق

ضاري ابتسم بحزن : ولا انا ..

هيله بتردد : انا ماكنت موافقه على الخطبه , لكنه جا وقت ماكنا متهاوشين وقلتلك عنه لاني اعرفك .. بتغار وترجع تكلمني ! بس هذيك المره مارجعت

ضاري طالع فيها ومو عارف وش يقول

هيله : كنت ابيك ترجع بس الظاهر اني ابعدتك اكثر , ندمت كثير على الي سويته ..

وقبل مايرد عليها ضاري تحرك الاصنصير فجأه وانفتح الباب

بعدو ضاري وهيله عن بعض بسرعه

وقابلهم حارس العماره : انتم هنا من اول ؟

ضاري بارتباك : ايه , قفل علينا

الحارس : الله يهديك ليش ما اتصلت على احد يجي ويحل المشكله

ضاري : مو مشكله حصل خير

طلعت هيله بسرعه وراحت لشقتها ماكان لها وجه تطالع بضاري او تتكلم معه مره ثانيه بعد الي قالته

كان المفروض يكون بينها وبين نفسها ..


تنهد ضاري ودخل لشقته وهو ندمان على تصرفه الطايش

زواجه من داليا ماكان الا مجرد قرار خاطيء بلحظه عصبيه















..











* في الشركه


كانت ندى حايسه بالشغل من اول بس ماكانت حابه تسأل جاسر او تتكلم معه بأي شيء

باختصار كانت تبي تعتبره مو موجود اساسا

لكن الوقت تأخر جدا وهي لسا ماسوت ولا شيء ..

حطت كبريائها على جنب وكلمته بدون نفس : جاسر تعال ماني عارفه كيف اشتغل على هالموقع معرف وش طالب بالضبط !

ترك جاسر الي كان يسويه وراح عندها عشان يساعدها

جاسر : اي واحد تقصدين ؟

ندى وهي تأشر على الكمبيوتر : هذا الموقع

جاسر قرب كثير عشان يمسك الماوس ويعلمها : كل شيء وصلك لازم تدخلينه هنا , عشان يسهل علينا نرجع للبيانات المطلوبه بعدين

ندى رجعت على ورا بالكرسي وهي تطالع فيه من فوق لتحت

جاسر كان يكمل كلامه وانتبه لحركاتها وبعد عنها شوي : فهمتي ؟

ندى : ققرف !

جاسر : نعم ؟

ندى : ايه قرف ! مين سمح لك تقرب مني هالكثر ؟

جاسر تأفف ورجع مكانه ماكان له خلق لهالحركات من جديد

ندى بعصبيه : وش فيك رجعت ! تعال فهمني

جاسر : وليش اجي ؟

ندى : لان للاسف امي امرتك تساعدني , ولا الود ودي ما اشوف وجهك غير ماشفته

جاسر قام من مكتبه بعصبيه : خلاص ! وبعدين معك ؟

ندى قامت وحطت يدها على خصرها : لا والله ! تكلمني بالطريقه هذي بعد !

قربت ندى منه وهي تأشر عليه من فوق لتحت : انننت تكلمني بهالطريقه ؟

جاسر معاد يقدر يمسك نفسه اكثر وصار يمشي باتجاهها : ايهه انا اكلمك بهالطريقه وش بتسوين ؟ بتطرديني ؟ ابركها من ساعه

ندى رجعت على ورا لين صقعت بالمكتب , كانت تحاول تبين انها ماخافت من قربه : صدقني قاعده احاول اطردك اليوم قبل بكرا

سحبت ندى شوية اوراق من المكتب وضربتها بصدر جاسر : كمل شغلك

اما جاسر ف اخذ الاوراق ورماها على الارض ترك ندى وطلع من المكتب وقفل الباب وراه باقوى ماعنده


شهقت ندى من حركته وطلعت من المكتب وهي معصبه تبي تقول لامها كل شيء

دخلت وشافت جاسر وهو واقف قدام مكتب امها

ندى بعصبيه : يمه هذا الحقير لازم ينطرد !!

جاسر : هه حقيير ؟ -التفت على امها : استاذه مريم انا ماقدر اكمل بهالشركه اكثر من كذا , انا اشتغلت باماكن كثير ومثل هالاهانه ماشفت !

ندى : تستاهل اكثر بعد لسا ماشفت شيء !

جاسر طنشها وكمل كلامه : استاذه مريم بعد اذنك انا ابي ارجع لمكتبي او بقدم استقالتي واطلع من هنا

الام : جاسر وش هالكلام تفضل اجلس ومالك الا الي يرضيك

ندى : يممه ! خليه يستقيل ويفكنا

الام بعصبيه : ندى خلاص عاد ! انتي ماينفع معك اي شيء ؟ اجلسي وخليك ساكته

ندى : يمممه

الام قاطعتها : ولا كلممه !

جلست ندى وهي مكتفه يدها ومعصبه

الام : جاسر مستحيل اخليك تقدم استقالتك انت احسن موظف بهالشركه , اذا تركتها بنخسر موظف رائع صراحه وانا ماودي اخسرك كموظف

جاسر : انا ماقدر اسمع كل الاهانات هذي واسكت , معليش يا استاذه مريم يا ارجع لمكتبي او استقيل

الام : انت مارح تستقيل ولا رح ترجع لمكتبك بس بعطيك كلمه مني ندى مارح تغلط عليك مره ثانيه

ندى ضحكت بسخريه وبصوت واطي : ايه صح

الام طنشت ندى وكملت : ها ياجاسر وش قلت ؟ واذا غلطت عليك مره ثانيه من عيوني برجعك لمكتبك

جاسر وهو يتنهد : ان شاءالله

الام : حلو , ان شاءالله هذي اخر مره

جاسر قام من مكانه وطلع

الام التفتت على ندى : انتي حسابك بعدين

ندى بملل : يمه خليني ارجع البيت , ابي اتجهز اليوم معزومين ولا نسيتي

الام طنشتها وكملت شغل

ندى بدلع : يمه تكفين تكفين خليني ارجع تكفيييين

الام تنهدت : انتي مارح تاخذين الشغل بجديه ابدا , ارجعي البيت ما اقول الا الله يصلحك

ندى : شششكرا الحمدلله هالشركه مره ممله

وطلعت بسرعه قبل ماتغير الام رايها











..



توقعاتكم :



تعديل وردة الزيزفون; بتاريخ 09-05-2015 الساعة 01:56 AM. السبب: بطلب من الكاتبة
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 152
قديم(ـة) 30-04-2015, 12:37 AM
صورة جورية تذبل الرمزية
جورية تذبل جورية تذبل غير متصل
©؛°¨غرامي فعال ¨°؛©
 
الافتراضي رد: روايتي الثالثه : خيانه لا تغفر


حلووووو
ضاري و هيلة يا ربي بجننو ان شاء الله يكونو لبعض
داليا يارب تتطلق او تموت
ندى و جاسر اتوقع بعد كرهم رح يحبو بعض
ريم و سعود احلى ثنائي
و شكرا على البارت الرائع
ننتظرك و لا تنسيني من الرابط
سلاام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 153
قديم(ـة) 30-04-2015, 12:51 AM
صورة وتـيـن الرمزية
وتـيـن وتـيـن غير متصل
©؛°¨غرامي جديد¨°؛©
 
الافتراضي رد: روايتي الثالثه : خيانه لا تغفر


رووووووعه الله يسلمك

اممممممممم
اتوقع انو
ضاري راح يتزوج هيله
وجاسر راح يتزوج ندى وراح يحبون بعض

هذي توقعاتي
واتمنى انك الحين تكملينهااا بليززز

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 154
قديم(ـة) 30-04-2015, 07:24 AM
صورة assyirt alhorrya الرمزية
assyirt alhorrya assyirt alhorrya غير متصل
©؛°¨غرامي نشيط¨°؛©
 
الافتراضي رد: روايتي الثالثه : خيانه لا تغفر


السلام عليكم

كيفك؟؟

هف البارت قصير والله قصير ما اكتفيت بدي كمان

سعود هاد ما بيستحي ع دمه بالمرة انسي
كيف بيرضاها امه واخته يشتغلن وهو بيتصرمح؟؟
بس هو شكله بيشتغل اعمال تطوعيه ولا اتنا غلطانة؟ ولا بدرس ولا مش عارفة شو؟ يعني مش عطال بطال

ندى اعوذ بالله من ندى
بدها ترباية من جديد فعلا
لازم امها تحرمها كلشي بتحبه حتى البلفون
او تعرفي تساومها
كل ما بتتعلمي شي جديد بعطيكي شي من اغراضك اللي الك طبعا بعد ما تسحبها منها اصلا

ضاري يا ضاري
معها حق هيلة لو بدك اياها بتتعرضلها وما بتسمح لحد يتزوجخا
برسل اختي تفهم القصة مش هيك بالساهل بتخلى عنها

جيسون اله علاقة او قرابة عربية
يمكن ابوه صديق واحد عربي وان بينهم بزنس بس اتفرقوا عن بعض وكل واحد راح في حاله العربي رجع لبلاده مثلا وابوه وصاه يزوره ويشوفه
او ممكن
ابوه عربي كان يدرس برة وحب ام جيسون واتزوجها وتركها وما كان بعرف انها حامل وبدة يرجع لبلاده يشوف ابوه ممكن

بانتظارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 155
قديم(ـة) 30-04-2015, 07:30 AM
صورة +bayan الرمزية
+bayan +bayan غير متصل
©؛°¨غرامي مشارك¨°؛©
 
الافتراضي رد: روايتي الثالثه : خيانه لا تغفر


البارررررررررررت يجننننن
ساره اكيد بتعرف السبب ليه ذاك يبي يتعلم عربي
ضاري بيطلق داليا المستفزةةةة وبيتزوج هيلة لان لسه يحبها
جاسر وندى اكيد بيصير موقف يخليها تحترمه او تحبه ويتزوجوننن

ودي لك
الكاتبه:bayan

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 156
قديم(ـة) 30-04-2015, 09:00 AM
صورة محمود الزهراني الرمزية
محمود الزهراني محمود الزهراني غير متصل
©؛°¨غرامي مبدع¨°؛©
 
الافتراضي رد: روايتي الثالثه : خيانه لا تغفر


أتوقع ضاري راح يتزوج هيله

طرح في قمة الروعه

يعطيك العافيه وما قصرتي

تشكرات كثيرات

أعجبني كثيراً

تقبل مروري / محمود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 157
قديم(ـة) 30-04-2015, 12:57 PM
صورة Life is a Dream الرمزية
Life is a Dream Life is a Dream غير متصل
©؛°¨غرامي مجتهد¨°؛©
 
الافتراضي رد: روايتي الثالثه : خيانه لا تغفر


اممممممممم كالعاده البارت جنان
بس يلا عاد انتي كريمة واحنا نستاهل ونبي بارت طوييييييييل نتعب واحنا نقراه
ريم وسعود....هيلة وضاري....جاستن وسارة...جاسر وندى احب احكيلكم الحب في الطريق فافتحو له ابواب قلوبكم
وداليا نفسي اموتها اكرها اكرها اكرها اكرها مع انها ما عملت اشي بس اكرها
وضاري ليش تخلى عن هيلة بمجرد انها خطبت لازم دافع عن حبه مش ينسحب ويتجوز وحدة ما بحبها
وبانتظارك لا تتأخرين علينا نبي بارت طويييييييييييييييل طويل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 158
قديم(ـة) 30-04-2015, 01:06 PM
صورة White Dream الرمزية
White Dream White Dream غير متصل
©؛°¨غرامي متألق ¨°؛©
 
الافتراضي رد: روايتي الثالثه : خيانه لا تغفر


البارت روووعة بس للأسف إنقهرت ماكتبتيلنا ردة فعل شوق بتتقبل زوجة جاسم وإلا :( > بس صدقيني البارت يجنن

ماعندي توقعات للأسف :(
أترياج ع البارت الياي بالتوفيق :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 159
قديم(ـة) 30-04-2015, 02:32 PM
صورة ثرثره صامته الرمزية
ثرثره صامته ثرثره صامته غير متصل
©؛°¨غرامي متألق ¨°؛©
 
الافتراضي رد: روايتي الثالثه : خيانه لا تغفر


اقتباس:
المشاركة الأساسية كتبها جورية تذبل مشاهدة المشاركة
حلووووو
ضاري و هيلة يا ربي بجننو ان شاء الله يكونو لبعض
داليا يارب تتطلق او تموت
ندى و جاسر اتوقع بعد كرهم رح يحبو بعض
ريم و سعود احلى ثنائي
و شكرا على البارت الرائع
ننتظرك و لا تنسيني من الرابط
سلاام
ششكرا عيونك الحلوهه
حرام داليا ماسوت شيء هههههههه
توقعاتك جميله نورتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 160
قديم(ـة) 30-04-2015, 02:33 PM
صورة ثرثره صامته الرمزية
ثرثره صامته ثرثره صامته غير متصل
©؛°¨غرامي متألق ¨°؛©
 
الافتراضي رد: روايتي الثالثه : خيانه لا تغفر


اقتباس:
المشاركة الأساسية كتبها وتـيـن مشاهدة المشاركة
رووووووعه الله يسلمك

اممممممممم
اتوقع انو
ضاري راح يتزوج هيله
وجاسر راح يتزوج ندى وراح يحبون بعض

هذي توقعاتي
واتمنى انك الحين تكملينهااا بليززز
تسلمين حبيبتي
جميله توقعاتك بكملها ان شاءالله
نورتي

الرد باقتباس
إضافة رد

روايتي الثالثه : خيانه لا تغفر/كاملة

الوسوم
ثرثره صامته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مأقسى من غيابك الا شوفتك صدفه / بقلمي ؛كاملة اتالم بصمت روايات كامله - يتم نقل الرواية هنا بعد اكتمالها 43 08-06-2017 04:39 PM
روايتي الاولى: ابي عطر من ريحتك 1nawal روايات - طويلة 53 26-11-2016 06:04 PM
روايتي الثالثه / بنت ابوها اللي بتييب راسي شله'ه خوقاقيه'ه `~ روايات - طويلة 113 10-02-2016 03:52 PM
روايتي الاولى : تائه في متاهة الدنيا كـــلاي..! روايات - طويلة 19 12-06-2015 01:40 PM
روايتي الأولى : أيام عشناها زمان أمل مستحيل روايات - طويلة 10 21-04-2015 12:21 PM

الساعة الآن +3: 05:35 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1