غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-04-2015, 12:50 PM
جـوريه جـوريه غير متصل
©؛°¨غرامي مشارك¨°؛©
 
الافتراضي روايتي الاولى: مابه أحد غيري يابنت أحبابك سرو


السلام عليكم ورحمة الله وبركاته..
اليوم اقدم لكم روايتي الأولى بهالمنتدى

قبل كل شي اقول لكم
انا روايتي مادري كم بارت بتكون او كم بارت بخليها .. انا للحين ما قررت . يمكن ماتكثر عن 40 بارت يعني يمكن اقل من 40 .. فاللي بيقراها هلا به وحياه واللي ماعجبته كمان هلا به ، اتقبل جميع الانتقادات والرأي ووجهات النظر لازم تختلف بين شخص وشخص .. بس ياليت بحدود الادب الانتقاد .. وشكرا لكم جميع
بسم الله نبدأ




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-04-2015, 12:51 PM
جـوريه جـوريه غير متصل
©؛°¨غرامي مشارك¨°؛©
 
الافتراضي رد: روايتي الاولى: مابه احد غيري يابنت.. احبابك سروا..







الـــبــــــارت الأول

ملاحظه: العوائل مو كلها بنفس المدينه ، ابو ساره وابو نواف وابو عبدالعزيز وابو عمر مع الجد بالرياض ، ابو ناصر وابو متعب في جده ، ابو احمد في مكه ، وترى ابو نواف ساكن مع الجد هو وعياله

في جده أم الرخا والشده
الساعه 3 العصر بالضبط
واقفه تحت الشمس وتتأفف وهي ودها تشم نسمة هوا وقرفانه من نفسها ودها تقطع ملابسها وشوي بتبكي مرت سياره عليها وفتح الشباك: ياحـلو شرايك اوصلك ..؟!
طالعت فيه بنظرات اشمئزاز مو يكفي الجو يجي هو يكمل عليها: للأسف انا مو مثل ما انت مفكـر .. وخر لو سمحت عن طريقي..
....: غبي اللي يضيعك .. احد يشوف هالقمر ف الصبح ويضيعها لا لا لا مايصيـر..
قمر وف الصبح !! هه فاضي ينكت من العصر: شوف ترى والله لو ماتروح انادي لك الأمن..
:امن !! ياشيخه الجامعه قفلت من نص ساعه أي امن تتكلمين عنها أنتي هه اصلا لو اخذك محد درى عنك..
حست بخوف: شوف الله يخليك انا وراي اهل واخوان .. تكفى اتركني اروح والله اعطيك اللي تبي بس اخوي الحين بيجي وبيذبحني وبيذبحك معي لو شاف سيارتك واقفه عندي..
رد عليها بعد تفكير ورما لها الورقه: خذي رقمي .. أول ماترجعين بيتك اتصلي علي ياقمـر .. وإذا ما اتصلتي بجلس كل يوم قدام باب جامعتك عشان اوصل لك وأنتِ لك حرية التفكير .. يلا مع السلامه..
بعد ما حرك سيارته حست بأمان ومسكت جوالها تبي تتصل ع اخوها الا هو يتصل عليها: الو .. أي أي .. اوك يلا استناك..
كلها 3 دقايق وسيارته جت فتحت الباب وودها تذبحه: إلى متى..؟! هاه رد يامتعب..
متعب: والله آسف وحقك علي يا جوري ماعيدها ان شاء الله .. بس شسوي ماهو بـيدي والله لو بيدي قبل لاتطلعين بنص ساعه أنتظرك .. بس سؤال يطرح نفسه ليه واقفه كذا برا ..؟! شكلك مب حلو ابد انتظريني داخل وبجيك مره ثانيه لا اشوفك برا واقفه في الشارع كذا .. مفهوم..؟!
جوري: قفلت الجامعه من نص ساعه ومليـت وانا أنتظرك .. حتى حراس الأمن راحوا تبيني انام داخل يعني ولا وش اسوي .. وانا قايله لك انت وابوي جيبوا سواق بس الله يهديكم ماتبون وبالاخير محد يأكلها الا انا..
متعب: طيب خلاص لاتكثرين كلام..
جوري: طيب على آمرك..
كلها كم دقيقه ووصلو بيتهم ..
اول ما دخلوا انصدموا بوجود عمهم وبهالوقت
متعب: وش فيكم .. وش صاير..؟!
ابو متعب بكل برود: ابد انا وعمك تعرف اننا متهاوشين من فتره وعشان قربت اجازة الصيف وبنرجع جميع لأبوي لازم نثبت ونوضح لأبوي القلوب متصافيه وما بيننا شي فقررنا نزوج جوري لـ ناصـر..
جوري ما استوعبت يعني ابوها بيخليها بين هواشهم وهي تتحمله ! زين ليه مو مشاعل او وداد .. شمعنى هي باقي تبي تكمل دراستها !!
متعب بحده خافته: كيف يبه ..؟! جوري باقي ما كملت دراستها عندك مشاعل او وداد .. ما يصير كذا يبه..
ابو متعب: في اخر عمري تجي تعلمني الصح من الغلط .. انا قررت وخلصت وانت تعرف وداد مخطوبه لـ وليد ومشاعل محجوزه لـ عبدالعزيز من صغرها..
ابو ناصر: اجل على بركة الله .. يلا يابنتي ياجوري جهزي نفسك من باكر وانتِ في بيت زوجك..
وطلع ابو ناصر
جوري بـحزن: الله يسامحك يبه كانك خليتني بينكم ف النص وانا مالي دخل .. وانت شايف فارق العمر بيني وبين ناصر يوم انك تزوجني له .. 18 سنه يا يبه..
حسن دخل على اخر كلمه قالتها جوري وطلعت لغرفتها: هلااا بالحلوين ..
ابو متعب بارد ما همه شي: يلا فمان الله بطلع اكمل باقي مشاويري وانتي يامره جهزي بنتك من اليوم..
حسن بعد ما طلع ابوه: وش صاير .. واي بنت تتجهز ..؟!
نطت مشاعل له : مادريت ابوي زوج جوري لناصر وقالت له كل شي
متعب: هاه وش رايك يالاخ ..؟!
حسن: مالي رأي دام ابوي قرر خلاص ليش احنا نتكلم..؟!
متعب: اهاا يعني انت شايف اللي سواه ابوك صح..
حسن: مالي دخل اشوفه صح او لا بس هذا قراره ومستحيل يتراجع عنه..
وداد: انا بروح انام ازين لي .. وترى هي مب اول بنت تتزوج بهالطريقه خلاص فكونا عاد..
متعب: أي انقلعي قبل لا احط حرتي فيك..
وداد: خير ؟ ما سويت شي .. ما قلت الا الصدق...
متعب: طيب وعادي عندك تتزوجين انتِ بهذي الطريقه..؟!
وداد: طبعاً لا .. ولا تقارني انا بـجوري نختلف باشياء كثيره ع العموم انا غير عنها .. فاهم ياخوي العزيز ..؟!
متعب: لا بقارنك ولو قارنتـك بتطلع هي احسن منك بمليون مره..
وداد: الله يشفيك صدق متخلف ..
قام متعب ومسكها من يدها بقوه: عيدي وش قلتي..؟!
وداد: اتركني ياحمار..
متعب:قلت عيدي وش قلتي..؟!
وداد: متخـــلف .. خلاص وخر عني والله اقول لأبوي..
متعب تركها مو خوف من ابوه لا عشان ماتبكي: انقلعي لا اشوفك هنا نازله مره ثانيه..
مشاعل: شكلي بروح حتى انا عشان مايقلب علي..
حسن:تعـــالي خذيني معاك شكله بيجرم في الكل الليله..
متعب استغرب هدوء امه حتى يوم تهاوش هو و وداد ما قالت شي: يمه فيك شي..؟!
ام متعب: لا بس خايفه على اختك جوري المسكينه الله يسامح ابوك على هالسواة..
متعب:استغفرالله ياربي .. يمه خلاص اطلعي لها وخليها تقتنع بالواقع وهذا اللي مكتوب لها بيصير ..
ام متعب وهي تأشر لخشمها: من هالخشم بس انت بعد اطلع لها واقنعها ما تقتنع الا منك..
متعب:حاضر بس بروح اكمل شغل فالمستشفى ولا رجعت المغرب اللي تبينه بيصير..
ام متعب: زين دير بالك ياولدي..
متعب قام باس راس امه ويدها وطلع

في مكان ثاني بس بـنفس المدينه ..
عند ناصر
ناصر: يبه انت عارف وش اللي سويته ..؟!
ابو ناصر: أي وخلاص جوري من بكرا وهي عندك .. جهز لي حالك الحين بعد المغرب مباشرة بنروح لهم ..
ناصر بضيق والوضع مو عاجبه: حاضر .. طيب هي راضيه..؟!
ابو ناصر: هالاشياء ماتهمك قم اشوف تجهز
في الصاله كل اخوان ناصر مجتمعين
سامي: يوه للحين مو مستوعب كيف صار كذا..؟!
دانه بمزح: الله يعينها عليه ههههه..
حور: أي والله ههههههههههههههههه مسكينه..
رائد: ما تستحون انتو اخوكم ترى .. يا مال اللي منب قايل..
فجأه يمر ابو ناصر من عند الصاله وهجدوا كلهم: هالموضوع اللي بيتكلم فيه مره ثانيه ما بيلوم الا نفسه .. مفهووم..؟!
الكل هز رأسه بمعنى أي مفهوم..
ابو رائد: وين سالم وعزام وعاصم ..؟!
ام رائد: سالم مع ربعه بالاستراحه .. وعزام رجع من الجامعه تعبان ونام وعاصم نايم بعد ..
ابو ناصر: هالمراهق ما يقدر يجلس بالبيت لو يوم بس والله لاوريه خل يرجع لاسحب منه مفتاح سيارته..
سامي: يبه أي مراهق تراه مب ورع صغير عمره 30 الحين ..
ابو ناصر: أي 30 بس تصرفاته تصرفات مراهق وإذا هو بيظل كذا بسحب منه مفتاح سيارته عشان يعقل..
ام رائد: ماينفع معاه راسه يابس .. تكفى يابو ناصر طلبتك لاتسوي له شي إذا مو عشانه عشان امه ياخوفي باكر يترك لك البيت ويروح ولا ندري وين رايح .. يسويها وسواها قبل ناصر واخذ عقابه بس سالم مو مثله اعرفه حيل..
ابو ناصر: قايله لك حركات المراهقين ذي ماتمشي معي .. يا يعقل ويصير رجال يا يطلع من بيتي ولا هو ولدي ولا اعرفه ..
حور:يبه حرام عليك ..
ابو ناصر: لاتحللين وتحرمين على كيفك ..
حور: زين اسكت ازين ..
دانه: تدرون في ايش افكر..؟! ناصر الحين مو عنده عياده للي عندهم امراض نفسي .. باختصار يعني مو هو دكتور نفسي واكثر من 48 حاله تشافت عنده ليه ما ياخذ سالم يمكن عنده شي نفسي..
مادرت الا علبة المنديل ف وجهها : ييووووه عمه وش قلت انا..؟! ما قلت الا الصدق..
ابو ناصر: قومي عني انتِ واختك كانكم بتجيبون لي الجلطه..
ام رائد بشهقه: بسم الله عليك لاتفاول على نفسك..
ابو ناصر: ما اتفاول بس هجدي بناتك ..
قامت دانه باست راسه: آسفه .. عن أذنك..
حور تلعب بحواجبها وابوها يطالع فيها ينتظرها تعتذر: ما سويت شي انا ي سعود..
ابو ناصر: قومي عني ما تستحين أنتِ..
حور حست بنبرة الجد في كلام ابوها وقامت وسوت مثل ماسوت دانه ولحقتها..
رائد: حرام عليك يبه شوي شوي عليهم..
سامي: أي شوي شوي عليهم ترا مايتحملن مثلنا .. الله يهديك يايبه..

مر اليوم خفيف ع الكل الا ع ناصر وجوري وطبعا كتبوا الكتاب وصارت زوجته خلاص ومن بكرا هي عنده ..
اليوم الثاني وتحديداً في مكه..

وليد: والله صدق يمه قالت لي وداد..
ام احمد: الا على طاري وداد .. هاه متى قررت الزواج..؟!
وليد بعججله: بعد شهر يايمه خلاص اول كان عذرها تبي اخواتها جميع يفضون لها ويروحون معها السوق والحين جوري خلاص قربت تخلص ومشاعل ما تدرس ليه نأخره زياده ..؟! وشوفي جوري تزوجت الحين وخلاص..
ام احمد: ياربي منك خلاص نشوف البنت وامها بالأول..
وليد: يلا طالع يا يمه للشركه .. تأمرين على شي..؟!
ام احمد: ابد سلامتك .. انتبه على نفسك يا يمه..
احمد دخل عند امه ووراه اخواته يترجونه: لا لا لا .. انا مو فاضي مشغول مره ..
ام احمد: وش فيكم..؟!
هيام: خاله تكفين اقنعيه نبي نروح نعتمر بس مو راضي..
احمد: خلاص مره وحده نروح كلنا بس مو هذا الاسبوع .. الاسبوع الجاي يوم الجمعه خلاص ارتحتن كذا ..
شموخ نطت عشان توصل له وحضنته: حبييييبي شكرا مره مره ..
البتول: يييييييييسسسسسس احبك يالدوب ..
ام احمد تطالع في شموخ: هذا وانتِ اكبرهن كذا !!
البتول باستهزاء ومزح: اكبرهن لكن اقصرهن
هيام: هههههههههه كفك حلوه
مدت كفها البتول لهيام وهن يضحكن
شموخ بوزت وكتفت وهي جنب احمد: شوفهن سكت خواتك هالخبلات..
احمد: خلاص اعقلوا لحد يقرب من بنتي..
شموخ: عمري 27 وش اللي بنتك .. كلها سنتين اللي بيننا ترى ..
احمد: سنتين بيننا .. بس اللي يشوفك عندي يقول بنته مو اخته ههههههههه..
ام احمد: هههههههههههه شفيكم مستلمينها اليوم..؟!
شموخ: مو اليوم بس كل يوم مايستحون ما يحترموني..
البتول: نحترمك وأنتي توصلين عند رجلنا هههههههههههه ..
هيام: من جد مايصـير ..
البتول: والله لو يشوفوني عندك يقولون امها حشى مو اختها ..
هيام:وانا اللي يشوفني يقول جدتها هههههههههههههههههه..
شموخ: الحمدلله عارفين انكم عجايز جميع ههههههههههههههههه ..
هيام: ييييييمه شوفيها ..
ام احمد: خلاص اعقلوا كلكم..

ف الرياض وتحديدا بيت ابو ساره
ساره: افنان ياغبيه امشي بسرعه قبل لايجي..
افنان: اف ترى طفشت من ابوك هذا المتخلف .. ماصارت كل يوم نقفل على انفسنا بالغرف..
هنادي بعد ماسمعت صوت الباب:بناااااات جا ابوي بسرعه ادخلوا
جت عذوب: يمه معاه رجااال .. تتوقعون سكران ولا واعي..؟!
ساره:رجال واحد ولا كم..؟!
عذوب: لا تقريبا 6 او 7 مادري..
افنان: شوفي والله ما اتحمل انا بروح اتصل على الشرطه..
ساره:هيه أنتي صاحيه تتصلين على الشرطه .. وش تقولين لهم..؟! تبلغينهم عن ابوك ياشاطره..؟!
افنان: أي خليهم يتفاهمون معاه ما كننا بناته كل يوم مدخل علينا رجال ولا هو جاي لنا سكران..
كان واقف عند الدرج ويتأملهن وحده وحده:واو كملوا شفيكم سكتتوا..؟!
عذوب بخوف: مين أنت..؟!
بضحك : انا اللي بفككن من ابوكن ..
ساره وباقي اخواتها بس سمعوا صوته دخلوا الغرفه الا عذوب لا خافت تتيبس مكانها ماتقدر تسوي شي
عذوب:امانه الله يخليك روح والله اعطيك اللي تبي .. بس تكفى خذ ابوي واللي معه وروحوا ..
....: مو بهالسهوله بروح ياحلوه..
عذوب التفت حواليها ما قلت خواتها بكيت ودموعها تنزل من خدها زي المطر وطالعت فيه وبكل ترجي:تكفــى الله يخلي لك امك واهلك كلهم .. روح تكفــى ترى تكفى تهز رجال..
تأمل ف عيونها وكيف تبكي قلبه عوره:والله ماني مثل ما انتي مفكره .. مو سكران انا وولاشي .. ابوك عنده استراحه وكل اسبوع يجمعنّا واليوم استغربت انه مو سكران صاحي فقرر يقولنا موضوع قـال عندي بنات وابي أأمنهم بعد ما اموت ..
تركت كل شي وانتبهت لاخر كلمه بعد ما يموت ليه وش فيه عشان يموت صح انه ماقد عاملهم زين بس مهما يصير هذا ابوهم: ليــش ,.؟! وش فيه ابوي عشان يموت ..
تكلم بكل برود: ابوك عنده مرض غريب وماتعرفوا عليه .. بس اللي يعرفونه هالمرض الشخص مايبقى كثير ويموت .. يعني بـأختصار مرض مميت ..
عذوب سكتت شوي ورجعت بهدوء: زين كيف تقول مو مثله وانت معه باستراحته..؟!
نزل عينه ف الارض : موضوع طويل .. بتعرفينه باذن الله لما تكونين زوجتي على سنة الله ورسوله..
عذوب رفعت عينها وبوقاحه: زوجتــك !! وعلى سنة الله ورسوله .. لا خير انا ولا وحده من خواتي رخيصه عشان أبوي يبيعنا لرجال مثلكم..
ناظر فيه بنظره ارعبتها: الا رخيصه وبثبت لك هالشي ياحلوه ..
ابو ساره بصوت عالي:خالد وينك..؟!
خالد:هنا ياعم .. آمرني..؟!
ابو ساره: البنات فوق..؟!
خالد بكل جرأة سحب عذوب ونزل لنص الدرج بحيث ابو ساره يشوفه : أي .. انا شفت هذي ياعم وابيها تكون زوجتي على سنة الله ورسوله..
ابو ساره: تم لك اللي تبيه .. عذوب روحي بسرعه خبري خواتك ينزلون هنا ف المجلس اللي جنب مجلس الرجال لأني بجيب المملك الحين وكل وحده من هنا تتوكل على بيت زوجها..
عذوب كل شي نزل عليها كالصاعقه ماهي مستوعبه طلعت ع طول ودقت الباب ع غرفة خواتها بعد ما تركها خالد
ساره: مين..؟!
عذوب: افتحي ياساره بسرعه..
فتحت ساره الباب وطاحت في حضنها عذوب تبكي:الحقي ..
افنان: اغتصبـــك الرجال.؟!
عذوب: يلعن ابو تفكيرك المخيس.. لا مو انا قلت لكم ابوي جايب معه رجال ..؟!
هنادي: أي قلتي .. وش صاير..؟!
عذوب: ابوي عنده مرض مميت .. وييبي يتطم علينا قبل لايموت وجايبهم عشان كل وحده تتوكل معاه ..
ساره بفهاوه: يعني شــلون..؟!
عذوب: بيزوجنا وهالرجال معاه ف الاستراحه اللي يسويها كل اسبوع ويسكر ويدشر ومادري وش يسوي فيها بعد..
ساره: أيـش .,؟! يعني بنتزوج سكير كلنـا .. اكيد انهم معاه ف نفس الاستراحه من طقته ..
هنادي: لا فكروا فيها شوي .. ابوي اكيد اختار الرجاجيل الصح لنا عشان يتطمن علينا ..
عروب اللي كانت مستمعه فقط: ما ظنتي..
ارعبهم صوت ابوهم اللي فتح الباب: وينكـن..؟!
افنان: يبه فهمني وش هذا اللي سويته..؟!
ابو ساره: طيب بقول بس خلوني أكمل للاخر ومابي وحده منكم تقاطعني زين..؟!
هزوا رأسهم بمعنى ايه كلهم
ابو ساره: طيب انا ماسويت هذا الشي الا لمصلحتكم .. انا عندي مرض مميت واحتمال اموت وما اعيش كثير كلها شهرين او 3 اشهر ومودع هالحياه .. وابي اشوفكم مبسوطين ومرتاحين وعيالكم حولكم .. يعني أأمنكم لشخص يستاهلكم وهذا من حقي .. وانا ادري اني غلطت عليكم بس صدقوني هالرجال مو مثلي .. يعني ماني خبل ولا عقلي ضايع ازوجكم رجال سكير والله كلهم فيهم الخير والبركه صح جايبهم من الاستراحه بس مو كلهم سكارى .. وانا كلمت السكير منه قلت له يترك هالعاده ويشهد الله علي أني احبكم جميع واخاف عليكم من نسمة هوا .. انتبهو لأنفسكم كلها كم يوم وانا مودعكم..
حضنته افنان وعذوب وهنادي وهن يبكون
ساره: يبه احنا اللي آسفين..
ابو ساره: يلا ربع ساعه تجهزوا وانزلوا جميع تحت ف مجلس الحريم وانا مع الرجال ف المجلس اللي جنبكم .. المملك شوي ويجي استعجلوا الله يرضى عليكم..
عروب بعد ما طلع ابوها: يعني كـيف بنتفارق..؟!
افنان:مو احنا متفارقين من أول .. ماتغير شي عادي ..
وراحت كل وحده تجهز اغراضها
بعد ربع ساعه
ساره قبل لاينزلن: اسمعوا انتبهو لأنفسكم زين .. ويمكن مانتقابل ابد فـ نتقابل ب الجنه يارب ..
عروب نزلت بكل برود: والله ماعندكم سالفه..
لحقوها البنات بعد ماحضنوا ووصوا بعض ودخلو المجلس
كلها كم دقيقه وابوهم داخل لهم بالكتاب: وقعوا .. وتأكدوا ماعطيتكم لهالرجـال الا ااني متأكد بيصونونكم ..
عذوب وهي توقع وبنفسها: خالد آل.... !! كن هالاسم مو غريب علي او اني مشبهه عليه ..
عروب مسكت الكتاب بعد عذوب ووقعت بدون نفس وبدون لاتشوف اسمه: يلا اطلع له الحين..؟!
ابو ساره: اصبري شوي .. يلا افنان وقعي
مسكت افنان الكتاب ووقعت وهي تقرأ اسمه اكثر من مره: يبه انتبه لنفسك والله نحبك كلنا..
ساره وقعت وهي تفكر لمستقبلها ووظيفتها اللي لها اسبوع ماتداوم وايش بيصير لها
هنادي: يبه مابي اوقع اخاف..
ابو ساره: مافي شي يخوف يا بابا .. توكلي على الله يابنتي .. الله حافظك يارب ..
هنادي وقعت وهي ترجف ما كانت تتمنى تتزوج بهذا الطريقه واكيد مو هي كل اخواتها ضمت ابوها بعد ما وقعت: احبك الله يخليك لاتتركنا ..
ابتسم ابو ساره: ماهو بيدي يا بنتي..
وقفو كل البنات وجلسوا يودعون بعض للمره الثانيه وانهى تودعيهم صوت ابوهم: يلا يابناتي تعالوا ..
طلعوا البنات مع ابوهم للسيب اللي يفصل بين مجلس الرجال والحريم
ابو ناصر: خالد وهذي بنتي .. عطها في عينك ولاتضرها ب شي يتيمه..
خالد باس رأسه: تسلم ياعم .. بنتك في عيوني ..
مشى بعد ما شال شنطتها والكيس اللي في يدها: أنتظرك في السياره يا عذوب..
مشت وراه عذوب بسرعه
سطام هيثم تميم مشاري ناظروا عمهم والبنات وراه اللي يشوفهم يقول اكيد خايفات الا وحده منهم بجنبه واقفه وكنها تنتظر بطفـش قطع الصمت صـوت تميم وهو يبتسم: وانا وين زوجتـي ياعم ..؟!
سحب من وراه هنادي: هذي هي..
عروب تناظر لهم من فوق لتحت ووبصوت واطي محد سمعه: حشى سلعات جالسه تنباع مو بنات..
افنان بكل دفاشه تقدمت وهي تناظرهم: مين منكم سطام ..؟!
سطام عز الله انكم متزوج يا سطام خويك مو بنت : احم احم .. انا سطام ..
ابو ساره: اهجدي يا افنان .. لاتتعبينه يكفي هو مو مثل ابوك بيتحملـك ترى عادي يطلقك ويرجعك لي ..
افنان خافت لا طلقها من لها بعده وابوها مرضه مميت بكيت : طيب انتبه لنفسك..
باست يده وراسه وسوا نفسها سطام وراحوا
ابو ساره: وهذي ساره لك ياهيثم ..
ساره: يبه عورتني شوي شوي ..
كملت ساره: انتبه لنفسك يبه وخلك قد وعدك الاشياء اللي كنت تسويها قبل لاترجع لها .. احبك والله ..
هيثم: يلا امشي معي يا ست ساره..
راحوا وتركت عروب لثمتها: يبه الله يهديك انكتمت .. ليــش ماخليتني اروح اول وحده وفكيتني من هالدراما اللي سويتها أنت وبناتك..؟!
ابو ساره باس راسها: عشاني أحبك على كثر حلطمتك وطولة لسانك .. انتبهي لنفسك ياعروب وانتِ ادرى بمصلحة نفسك يابنتي (التفت لمشاري) اسمع ياولدي انت شايف حلطمتها وهي قدامي كيف هي طبعها كذا تكفى لاتسوي لها شي ولاتمد يدك عليها تراها ضعيفه يتيمه آمنتك عليها .. وترى تكفى تهز رجال وانا مازوجتها الا لك الا لاني عارف مافي احد منهم بيصونها ويحفظها كثرك ..
مشاري ابتسم لحنيته لها : حاضر ياعمي ماطلبت شي .. والله لاحطها في عيوني ..
عروب: بسوي نفسي ما اسمع .. انا مو بزر توصيني عليه يا يبه..
ابو ساره بحده خفيفه: خلاص ..
مشاري باس يده وراسه : انتبه لـ نفسك ياعمي وباذن الله قدامك العافيه يلا مع السلامه..
سوت عروب لثمتها ومسكت شنطتها تبع اليد السودا ومشت ورا مشاري اللي شال شنطتها وبخنقه: آسفه يا يبه يلا مع السلامه ..

في نفس المدينه لكن في بيت ثاني
فلة الجد جامع عياله: أنتم تدرون اخوانك بيجون من جده ومكه بعد كم اسبوع .. ووابي اجتمع فيكم كلكم واشوفكم قدام عيني وخصوصا يحيى ابو ساره ابي اشوفه والله اني ندمان من تبريت منه هو ما جا ولا سأل عني..
ابو نواف: اخوي يايبه مو لهدرجه غبي عشان انت تتبرى منه ويرجع لك ..
الجد:مير انا ابوه بغيت مصلحته وهو ماسمع كلامي وطنشني وتزوج سميره ..
ابو عمر: مافيها شي لا تزوجها هو حبها والحب مو حرام .. ككان مراهق وقتها وحبها ومو عيب إذا عشان هي مطلقه مرتين ولقيطه..
الجد: كل هذا وماتسميه عيب..
ابو عبدالعزيز: خلاص يايبه الموضوع مايحتاج يكبر..
الجد: كــيف ما يحتاج يكبر ويقول ما هو عيب .. بالله قولي وش هو العيب اجل..؟!
ابو عمر: والله اسكت احسن لي..
الجد: أي اسكت لا تتكلم بكلمه وحده
ابو عمر بضيق: طيب على آمرك..
ابو نواف: يبه صدق له اكثر من 30 سنه مانعرف اخباره ميت ولا حي ..
الجد: مادري والله انا غلطت وابي اصلح غلطتي واعترف الحين .. بس هو غلط ولا اعترف بغلطته اصلا ..
ابو نواف: الله يهديه يارب ونشوفه قريب..
ابو عبدالعزيز: يبه الوقت تأخر .. احنا بنمشي تبي منا شي..؟!
الجد:سلامتكم .. بكرا جميع تعالوا عندي..
سلموا ع راسه وطلعوا
ابو نواف: يبه انا بروح انام بعد ..



في جده وفي احد الفنادق
جوري تشاورت مع نفسها وقررت تسوي شي يخلي ناصر يندم انها اخذها ويرجعها على طول بيت اهلها خططت لأكثر من شي ولعل وعسى تضبط منسدحه على الكنبه وتتابع تلفزيون عاد اليوم مباراة بين الهلال والاتحاد وهي هلاليه ..
ناصر واقف عند باب المطبخ: يـا جوري..
جوري مب لمه تتابع المباراه:يلعن امكككك ياكلب غغبي ..
ناصر ما استوعب ع باله تقوله هو تقدم لها وشافها متربعه قدام التلفزيون طفاه وقرب لمها: وش قلـتي تو..؟!
جوري:الله ياخذك وخر ..
ناصر يحاول يمسك نفسه: لاتدعين علي ممكن..؟!
جوري: كل زق وخر ياورع ..
ناصر سحبها من بلوزتها : تبين تعرفين مين الورع..؟!
جوري ما اهتمت لكلامه او بالاصح ما سمعته: هيه انت وخر ابي اتابع المباراه ..
ناصر بقوه سحبها للغرفه: تعالي .. انا بس ابي اوريك من الورع..
جوري استغربت وخافت كلمه عاديه من 3 حروف كذا تسوي فيه: اااه عورتني .. وخر يدك عني والله لاقول لمتعب..
ناصر: بتخوفيني بـ متعب حقك يعني..؟!
جوري رفعت يدها حتى توصل لشعره وشدته بقوه: كلب وخر عني..
ناصر رماها ع الارض وجلس يشوف يدها شعره صار كله بيدها: شعره وحده بقيها لي طيب ااخ ..
جت جوري بتطلع بس ماكانت اسرع من ناصر قفل الباب وسحب المفتاح وحطه ف جيبه: اليوم بالذات بس ابي اوريك مين الورع ..

أنتــــــــهــــــى الـــبــــارت.
توقعاتكم..؟!
جوري وناصر..؟!
بنات ابو ساره ومصيرهم..؟!
ابو ساره وش بيصير عليه..؟!
الرجال اللي جا لجوري بداية البارت تتوقعون مجرد مغازلجي بس ولا ما راح يمر مرور الكرام..؟!
عروب ونهاية برودها..؟!
وجوري نهاية اللي تفكر فيه..؟!
وليد ووداد..؟!
الجد وتفكيره برجعة ولده ابو ساره..؟!



تعديل وردة الزيزفون; بتاريخ 02-05-2015 الساعة 09:44 PM. السبب: بطلب من الكاتبة
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-04-2015, 12:54 PM
صورة محمود الزهراني الرمزية
محمود الزهراني محمود الزهراني غير متصل
©؛°¨غرامي مبدع¨°؛©
 
الافتراضي رد: روايتي الاولى: مابه احد غيري يابنت.. احبابك سروا..


طرح في قمة الروعه

يعطيك العافيه وما قصرتي

تشكرات كثيرات

أستمري بالطرح

وياليت ترسلين لي الرابط في كل مره تنزلين فيها البارت

تقبلي مروري / محمود

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-04-2015, 03:39 PM
صورة سّولطانه « الرمزية
سّولطانه « سّولطانه « غير متصل
©؛°¨غرامي جديد¨°؛©
 
الافتراضي رد: روايتي الاولى: مابه احد غيري يابنت.. احبابك سروا..


خطيييييييرهه الروايه ()
موفقه يَ روححححي ()

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-05-2015, 02:24 PM
جـوريه جـوريه غير متصل
©؛°¨غرامي مشارك¨°؛©
 
الافتراضي رد: روايتي الاولى: مابه احد غيري يابنت.. احبابك سروا..


البارت الثاني
في جده الساعه 3:50 الفجر
جايه المطبخ وتمشي بشويش عشان محد يحس فيها طلعت حبوبها ع الطاوله وجابت لها مويه بلعت حبوبها وشربت المويه وهي تمسك قلبها اللي كل ماله تزداد نوباته .. حست بصوت خطوات خبت الحبوب في جيبها وتنتظر اللي بيجي مين !!
متعب: مشـاعل ! شفيك هنا..؟!
مشاعل مسكت قلبها وهي تضغط عليه: يـمه خوفتني يامتعب..
متعب حس فيها: للحين تجيك النوبات صح ..؟!
مشاعل هزت رأسها بضعف
متعب قرب منها وحضنها: ياعـمري أنتِ اعرفي ان هالشي كله ابتلاء وربي إذا احب عبد ابتـلاه لاتكونين ضعيفه .. احتسبي الأجر..
مشاعل: بس انا صبرت بما فيه الكفايـه .. وخصوصاً انك تعرف ابوي وامي مايعرفون !! ولا عبدالعزيز ما قلت له .. لو دروا وش بيسون ..؟!
متعب: ما بيسون شي .. هذا شي مكتوب وصار لك خلاص مايصير نعترض على اللي مكتوب لنا..
مشاعل: الحمدلله على كل حال .. اصلاً في ناس اردى من حالتي المفروض ما اتكدر ..
متعب بعد عن حضنها وهو يبتسم: أي هذي مشاعل اللي اعرفها ..
مشاعل ترددت كثير قبل لاتتكلم: متعب .. جوري افكر فيها خايفه عليها ..
متعب: ما راحت لغريب يا مشاعل .. لولد عمنا ..
مشاعل: أي تروح لـ غريب ولا تروح لولد عمنا اللي ب السنه مانشوف بعض الا مرتين .. أي اولاد عم تتكلم عنهم..؟! يعني نقول يمكن احنا علاقتنا معاهم زينه بس ابوي وعمي وأنت ادرى وش صار بينهم من قبـل .. ويوم نروح لـجدي ب الرياض يسوون نفسهم احنا الاخوان اللي نحب بعض ونصل الـرحم ..
متعب مشاعل قالت كل اللي في خاطره: احنا مابيدنا شي نسويه .. الله يصلحهم يارب ويخليهم على قلب واحد..
مشاعل: ترى احنا مايصير نسكت .. انا بقول لـجدي عنهم لهم 4 سنين كذا إلـى متى..؟! خصوصا اخر مره رحنا جدي شك فيهم عشان كذا زوجوا جوري لـ ناصر .. بس جوري وش ذنبها يخلونها بينهم في النص .. كل شي صار غلط بـ غلط وبس نروح الرياض بقول لـجدي إذا انت راضي كذا بكيفك بس انا مو راضـيه عيب عليهم كل منهم صك الخمسين وعيالهم طولهم وكذا أفعـالهم اجل باكر لا كبروا عيالهم لايلومونهم لا صاروا مثلهـم ..
متعب: ما ادري وش اقول .. خلاص خليهم اخوان وهم ادرى بـمصلحة نفسهم .. متى بتنامين..؟!
نطت عليهم وداد: ماشاء الله اشوف السهره صبـاحيه .. خير وش عند الاخوان مجتمعين هـنا ..؟!
مشاعل: عن أذنك متعب بروح انام ..
وداد بعد ما راحت مشاعل: مـالت عليها .. وأنت الحقها بعد..
متعب: الله يهديك ياوداد .. حاولي تغيرين من أسلوبك شوي ..
وداد: هاه انت قلتها !! اسلوبــــي يعني مالك دخـل فيني ... فاهم..؟!
متعب بحده: شوفي مابي ازعـلك بس احترمي نفسك .. انا ما ادري شكل وليد امه داعيه عليه وماخذك ..
مشى متعب لغرفـته
وداد تكلم نفسها: مالت علي طيب !! اصلاً هو وش دخله بيني وبين وليد متخلف ..
في بيت الجد في الرياض
مرام: انهار وجع .. قومي اذن صلي وارجعي نـامي ..
انهار: يابنت الحلال اصبري علي بس 5 دقايق بنـام..
مرام سحبت منها البطانيه: قــومي احسن من يجي ابوي يقومك ياخبـله ..
قامت انهار وهي تتأفف: خلاص خلاص قمـت ..
دخل عليهم ابوهم: صليـتوا..؟!
مرام: أي صليـت والحين بتقوم انهار تصـلي..
انهار: صباح الخير بـابا..
ابو نواف: هلا صباح النور يابـنتي..
مرام: اطول مني وعمره 22 وتقول بابا .. استحي على وجهك..
ابو نواف: وانتِ وش عليك .. خليها تدلعني ..
مرام بابتسامه: لنا الـله..
انهار قالتها قاصده تحرج اختها: لا انتِ لك عمر ولا نـاسيه ..
مرام حمر وجهها: هاه !
ابو نواف: ههههههه الا على طاري عمر .. مايصير بنتي لك اسبوع عندنـا متى بتروحين له ..؟!
مرام بتوتر: لا انا جيت اجلس مع انهار تونسني واونسها يعني كذا ومشتاقه لكم .. هذا شي ثاني إذا وجودي يضايقك يايبه..
ابو نواف: لا والله مو كذا .. بس طولـتي عليه يعني اول ثلاث قلنـا عشان كان مرابط في شغـله بس الحين رجع .. هاه وش السبب اللي يردك ماترجعين له..؟!
مرام: مافيه سبب بس طفشانه..
انهار بصدمه: طفــشانه كيف يعني..؟!
مرام: هو اغلب وقته يا مرابط او عند اهـله يعني ما يجي الا للنـوم وانا اطفش في البيت لوحدنـا !! ومافيه احد الا الخادمات .. والله لو سكنا في بيت اهله ازين على الاقل لو كان مرابط اتونس مع اخواتـه ..
ابو نواف بحده خافته: أنتِ ادرى بشـغله وما وافقتي عليه الا وأنتِ عارفه ظروف شغله وهو خـلاك ببيت لوحدك عشان ما احد من اهله يضايقك وخصوصاً فيصل اخوه تدرين بحـالته عنده توحـد واهله لهم فتره يحاولون يطلعونه من هالحاله ويخلونه حولهم ولا يحسسونه بـشي وهم يبون يعودونه عشان كذا ..
مرام: طيب .. وش تبيني اسوي الحين..؟!
ابو نواف: تبين الصدق .. كلمني هو قبل يومين يقول يبيك ترجعين طولـتي عليه ..
مرام: خلاص طـيب بس مابي ارجع لكم بعد كم يوم عشانه مرابط .. ترى يقدر يأخذ اجازه عادي لو اسبوع بس ..
ابو نواف: طيب اجـل بـقوله اليوم يجي ياخذك..
مرام: اوك طيب..
انهار بعد ماخلصت صلاه وقرت شوي من القران: حسيت نفسي مزهريه وانسحبت بهدوء وصليت وخلصت وانتو باقي تهرجون بهذا الموضوع..؟!
مرام وابو نواف: الله يـتقبل..
انهار ابتسمت: وش توصلتوا لـه هاه..؟!
مرام: برجع لـه اليوم .. يلا انا بنام ..
ابو نواف: نوم العـوافي لاتنسين أذكارك يابنتي ..
انهار شافت مرام انسدحت على السرير وابوها طلع وقفل الباب لحقـته
انهار شافت ابوها رايح لمكتـبه حبت تخليه لـحاله شوي وراحت تشوف اخوانها انصدمت وهي تسمع من عند بابها للكلام اللي يقوله اخوها: أي أي .. اسمع يوم السبت بعطيك الفـلوس وانت جيب لي الحبوب .. تكفى والله ان راسي يعورني حيــل .. ما اقدر اصبر واخاف اهلي يشكون فيني .. زين شرايك اليوم الظهر بجيك .. اوك يلا مع السـلامه..
مشت انهار وجلست في الصاله ع الكنب مصدومه
قاطع صدمتها ريان يدندن: الحلوه هنا ليش..؟!
انهار: هاه..؟!
ريان ضحك: وين وصلـتي ..؟!
انهار تغير الموضوع: وين كـنت..؟!
ريان: وين يعني بغـرفتي .. هذا انا من انكسـرت رجلي ما طلعت مكان..
انهار بابتسامه: تستـاهل ههههههه ..
ريان: والله انك حيوانه عساك تجربين الألم بس..
انهار: ترى مو من قلـبي ..
ريان وهو يسعبل بعيونه: أي مو من قلـبك ادري..
انهار: يـاعيني على الثقه ههههه ..
ريان:وش مصحيك هالوقت..؟!
انهار: ابد والله اني نايمه من بعد العشا وقمت للصلاه ومارجعت نمت..
سلطان طلع من غرفته ويحاول يقاوم ألم راسه وماسك راسه يحاول يخفف من الألم على الاقل: مين عنده مسكن للألم ..؟!
ريان باستغراب: ليـش وش فيك..؟!
سلطان: لا بس بطني يألمني..
انهار هه بطنه اجل انا اوريه: بطنك !! أجل ليه ماسك رأسك..؟!
سلطان بنرفزه: وانتِ وش عليك..؟!
انهار حبت تستفزه أكثر : يمه وش فيك عصبت .. مجرد سؤال سألته ..
ريان: أي شفيك تنرفزت سألت هي بس ..
سلطان: كلي زق مالك دخـل غبيه ..
ريان : ليش عيونك حمر طيب ما تنـام أنت ولا وش فيك..؟!
سلطان اخوانه بيكشـفونه !! توهق: هاه !! عيوني حمر أي من قلة النوم ما انام وبس على الجوال ..
انهار: كيف من قلة النوم وامس شايفتك رجعت المغرب نمت لين 1 الفجر ..
سلطان بعصبيه: كلي زق انتِ لاتكلـميني عشان ماتشوفين شي مايعجـبك .. فاهمه..؟!
انهار والله لأجيب أجلك ياسلطان وتشوف: والله لاقول لابوي .. أحترم نفسك مريض والله..
ريان بحده: خــلاص انت وياه .. احترموني طيب اخوكم اكبر منكم تتضاربون قدامي ..
انهار: قول له هو قـالب علي مادري شفيه .. كنه مجنون ..
سلطان: ريان هجد أختك ولا والله لتشوف شي ما عمرها شافته ..
انهار قامت وهي تمسح دموعها تحاول محد يشوفها : أي أي عشان ابوي مو هنا تعاملني كذا لكن هين والله اوريك ..
اتجهت انهار لمكتب ابوها ودقت الباب وفتحته: عـادي أدخل..؟!
ابو نواف ترك اللابتوب وناظر لها: أي تعالي..
انهار مو عارفه من وين تبدأ الموضوع سكتت لدقايق وابوها يراقبها وقطع صمتهم ابوها
ابو نواف: خير يا انهار وش فيك..؟!
انهار: بدون مقدمـات .. بابا أبيك ترجع امي..
ابو نواف: إذا الموضوع كذا اطلعي من مكتـبي..
انهار: بس..
قاطعها ابوها:لا بس ولا شي .. ماعمري قصرت عليكم جبت لكم اللي تبونه من بعد ما امكم راحت .. وتجين أنتِ تطرين اسمها الحين ليـش..؟! انا ماحرمتكم من شوفتها بس هـي ماتبيكم ..
انهار بكيت على طول: لا امي كانت تحبنا كثير .. كيف الحين تقول ماتبينا..؟!
ابو نواف: الموضوع أنتــهى بالنسبه لي ..
انهار: انا فاقده وجودها والله مره فاقدته .. هي حتى زواج مرام ما حضرته مو معقول !! بناتها يا بابا كيف تسوي فينا كذا والله نحبها ونبيهـا انت حتى سبب الطلاق ماقلته لنا .. لي 7 سنوات فاقده حنان فاقده حب فاقده اشيـــاء كثيره مستحيل أحد يعوضني عنها .. ما انكر انت ماعوضتنا بس مو مثل تعويضـها ترى انت كذا ما بتستفيد بتجرنــي لأشياء غلط وانت ادرى بها .. لو سويتها لاتلومني يا بابا لاتـــلومني طيب !! من عمري 16 كل ما شفت بنت تتكلم عن امها اجي انا واقولـهم امي ميته .. أي أي ميته بالنسبه لي والله ميته من 7 سنوات .. أتمنى يابابا تسوي هالشـي بس وانت تعرف ماقد طلبتك طلـب مو زي مرام قبل لاتتزوج كان كل يوم لها طلب .. هذا طلبي الأول وبعتبره الاخير إذا مانفذته .. حرام عليك اللي تسويه فينـا ترى انا احتاج اكثر من مرام .. مرام لقت من يعوضها ويصير لها الاب والاخ والام وكل شـي بس أنا ..؟!
طلعت انهار وخلت ابوها يفكر بنـفسه حيــره كلامها كثير وش تقصد بـالأخير كانها تقولي تبي تتزوج.. الله يهديك يا انهار كانك بتعذبيني بطـاري أمك

بجده وبأحد الفنادق
ناصر بعد اللي سواه فيها طردها برا الغرفه وقفل على نفسه الباب ونام وبـالفندق مافيه غير غرفه وحده وما فكر وين بتنام .. وخصوصا عنده دوام لازم يقوم بـدري صحى الصبح وهو فاتح عين وحده وفتح جواله شاف الساعه 9:30: اوف تأخـرت ساعه ع الدوام الله يهديك ياناصر ..
قام دخل الحمام غسل وجه وفرش اسنانه وانتبه لـشي بيده: اح الله يلعن ابليس عضتها صارت كانها رضـه حشى اسد موب بنت ..
طلع من الحمام لبس اللبس المخصص للدوام وواخذ البالطو في يـده ومشى جا بيفتح الباب تذكـر شطنته سحبها من الدولاب وهو يتأكد كل الاوراق والملفات فيه توكل على الله وفتح الباب بس انصدم وهو يشوف جوري نايمه على الأرض !! خبله هذي ولا الصاله بـارده وما معاها بطانيه ومـلابسها مشققه ما فوقها شي يدفيها قرب منها يصحيها: جــوري .. جوري يابنت قومـي..
جوري لا حياة لمن تنادي ما تسمعه !!
ناصر يكلم نفسه: يمـه كانها ميته !! وش سويت فيها انا امس !! عادي صارت هي زوجـتي بس شكلها ماتحـملت ..
شالها ناصر ودخـلها غرفة النوم وغطاها بالبطانيه وقبل لايطلع قفـل عليها الباب: آسف ياجوري .. انتِ بديتي وانتِ تحمـلي..
طلع بسرعه وركب السياره جاه اتصال من سكرتيرته: وعليكم السلام .. هلا والله .. آسف تاخرت بس كلها ربع ساعه وجاي إن شاء الله .. لا لاتخلين احد من المرضى يروح اليوم مواعيدي كلها مهمه ولازم اخـلصها .. اوك يلا مع السـلامه..

وفي مكان ثاني بمكه
ببيت ابو احمد
بيت يعم فيه الهدوء الكل نـايم الا هي على سريرها تـبكي تعبت من حالها .. عند الناس وقدام الكل هي مبتسمه ومبسوطه وبس تضحك حتى الناس يحسدونها على الضحكه .. بس مايدرون لوحدهـا وش يصير ..؟! تعبت هي وتحـملت إلى ما فيه الكفـايه بس وش تسوي مو بيدها .. طلعت جوالها وهي تقرا رسـايلها معه والكل كان يشهد انهم حبايب ويعرفـون بس رجعت ذاكـرتها لـ 3 سنوات ورا ..

هي وعبدالرحمن بالمجلس يسولفون: خـلاص دحوم ترى استحـي ..
عبدالرحمن: فديت اللي ييستحون انا ..
شموخ بدلع: دحوووم..
عبدالرحمن: ياقلب و روحح وعين دحومك ..
شموخ ضحكت باحراج: احبـكك ..
عبدالرحمن صرخ: انتِ تحبيني ! بس مو اكثر مني والله ..
شموخ: لا لا انا اكثر ..
عبدالرحمن: لا انا اكثر ياعمري ..
شموخ ضربته بخفه ع كتفه: لا والله انا ..
عبدالرحمن بابتسامه: طيب أثبتي لي هالحب ..؟!
شموخ قربت منه وباسته ع خده: كذا يعني ..
عبدالرحمن قرب منها وشالها بخفه خباها في حضنه: احبك والله ..
شموخ وهي ترجع الخصله اللي طاحت لعينها: اثبت لي طيب ..
عبدالرحمن خباها في حضنه زي الام اللي تحضن طفلها خايفه تفقده: بدون ما اثبت لك انتى ادرى بمحبتي لك .. (سكت ثواني) شموخ لو مت بتحبين غيري ..؟!
شموخ شهقت: يـمه لاتقول كذا ..
عبدالرحمن وهو يشدها لحضنه أكثر: جاوبي علـي طيب..
شموخ وهي تبكـي: لا انا ماعرفت معنى الحب الا يوم حبيـتك والله اموت ولا احب غـيرك .. انت روحي وعمري وقـلبي والله اخاف عليك لاتقول كذا جعلني قبلك يارب ..
عبدالرحمن بحنان وهو يسمح على شعرها: لا بسم الله عليك الله يطول بـعمرك يارب ..
شموخ بكيت اقوى ما تتخيل نفسها بدون عبدالرحمن: طيب لو تزوجنـا وش تبي اسامي عيالنا..؟!
عبدالرحمن: ميهـاف هذا الاسم احبـه عشان أنتِ حبيتيه قبـلي .. اما الاولاد حمد و معاذ ..
شموخ: باذن الله نشوفهم قدامنا معـاريس ..
عبدالرحمن ابتسم : ان شاء الله .. يلا انا بروح الحين ..
شموخ تمسكت فيه أكثر وبكت: لا اخاف عليـك .. تكفى لاتـروح اجلس عندي اليوم ..
عبدالرحمن وهو يقرص خدها: ما يـصير اهلك فيه .. يلا حبيبتي أنتبهي لـنفسك بس برجع البيت بكـلمك .. زين ..؟!
شموخ: طيب اجلس شوي بس..
عبدالرحمن: مايصير تأخرت
قامت شموخ عن حضنها و وقف هو حضنته: احبك دحوم ..
عبدالرحمن وهو يناظر لها تحت: ههههههه يازين القصيرين شوي لوين توصلين لفخوذي ..
شموخ بدلع: أي انت طويــل بزياده..
عبدالرحمن : انا طويل ولا أنتي قصيـره
شموخ بضحكه: الثنتين ..
عبدالرحمن شالها بحيث يكون وجهها لوجهه: احبك والله يشهد علـي .. انتبهي لـنفسك ..
شموخ باسته بجبينه: الله حافظك يارب ..
دخل يوسف عليهم بعربجيه: ماخلصوا عصافير الحب ..؟!
شموخ غطت وجها بحيا: خلاص دحوم اتركني..
عبدالرحمن يشد شموخ له اكثر: لا ماني تاركك ..
يوسف: كتاكيت يازينـكم ..
دخل وليد بعده وهو يضحك: الله يديم محبتكم يارب ..
شموخ: لاتطالعون ماني تلفزيون انا ..
وليد: روميو وجوليت ههههههههه ..
يوسف بضحكه: صادق هههههههه ..
ابتسم عبدالرحمن: أي واحسن من روميو وجوليت بعد ..
شموخ همست لعبدالرحمن: والله استحي خلاص ..
عبدالرحمن باسها في خدها: يلا مع السـلامه
سلم عبدالرحمن على ووليد ويوسف وطـلع
طلعوا وليد ويوسف معه للباب
شموخ جت بترتب المجلس وتطلع انتبهت لمحفظة عبدالرحمن اخذتها وهي تجري للباب: دحووم .. دحـــوم ..
وليد وهو يقفل الباب: خـير توه طالع من عندك وتصايحين بأسمه ..؟!
يوسف: تراه راح ..
شموخ: نسى محفظته كنت بعطيه بس .. عادي بعطيه بكرا بيجي ..
يوسف: هات الحقه واعطيـه .. يمكن يكون يحتاجها لا سمح الله ..
شموخ: لا خلاص بعطيه بكرا ..
يوسف: براحتك يلا عن أذنكم بنام ..
وليد: حتـى انا بروح انام ..
شموخ رجعت تكمل ترتيب المجلس ورجعت غرفتها ربع ساعه وجاها اتصـال من عبدالرحمن ردت على طول: هلا حبيبي..
...: هلا أختي .. أنتي وش تقربين لصاحب الجوال..؟!
شموخ بخوف: ليش وش فيه..؟! انا خطيبته..
....: لقينا سيارته مركونه على جنب باحد الشوارع المظلمه والرجال واضح انه مطعون او معتدي عليه ..
شموخ ماعرفت وش تسوي صدمه توه طلع من عندهم ما فيـه شي !!
من حسن حظها احمد اخوها توه فتح باب غرفتها وظلت هي تكلم اخوها بكلمات مو مفهومه: احمد احمد خذ الجوال يقول دحوم سيارته ومطعون..
اخذ احمد الجوال وهو مو مستوعب شي كان جاي يطمن عليها بس وهي خوفته : هلا اخوي .. مين أنت؟ هذا جوال عبدالرحمن انت مين..؟!
...:عبدالرحمن في مستشفى آل.... مجموعة شباب حصلوا سيارته مركونه على جنب ومطعون وبنفس المنطقه سو تفتيش ويحاولون يعرفون مين الفـاعل وحصلنا جواله نفس ما هو واتصلنا على اخر رقم هذا هو ياليت إذا انتم من اهله تجون الحين المستشـفى ..
احمد: طيب مع السلامـه..
احمد رمى جوال شموخ: تعالـي البسي عباتك بسرعه ..
بعد 5 دقايق وبالمستشفى
احمد سأل عن غرفته بالريسبشن وراح لـعنده هو وشموخ
كلها دقيقه وطلع الدكتور
احمد: دكــتور عبدالرحمن آال .... وش صاير عليه..؟!
الدكتور بحزن: عطاك عـمره .. لاحول ولا قوة إلا بالله عظم الله أجركم..
شموخ جملة الدكتور تتكرر في اذنها عطــــــاك عمره !!!
عطـــــــاك عمره !!
عــطاك عمره !!
واغمى عـليها ..
وصحت شموخ من ذكرانها للي صار قبل 3 سنوات ورجعت لواقعها بصوت اخوها احمد: نـمتي شموخ..؟!
شموخ غمضت عيونها ما ردت
طلع احمد بهدوء
شموخ: اه يا دحوم مر على اللي صار 3 سنوات وللحين أذكر كل شي صار بـ تفاصيله ودي اعرف مين اللي تسبب بهالشي والله ما اسامحه .. حسبي الله عليه حسبي الله عليه كان المفروض الحين انا زوجته وعندنا بنت بعد !
ونامت شموخ وهي تفكر بعبدالرحمن اللي توفى من 3 سنوات

وفي بيت ابو عبدالعزيز
الساعه 2:30 الظهــر
كانوا يتغدون جميع
ابو عبدالعزيز: مي ونوره كيف جامعاتكم..؟!
مي ردت من غير نفس: تمام ..
نوره: زي ما قالت مي تمام ..
عبدالعزيز: وش فيك تردين من غير نفس..؟!
نوره: وش دخلك..؟!
عبدالعزيز: اصلاً ما كلمتك كلمت أختي ..
ابو عبدالعزيز: عبدالعزيز احترم نفسك انت ونـوره بتتهاوشون قدامـي..؟!
عبدالعزيز: لا يبه بس هي ماتحترم احد ..
نوره: أي كيفي..
ابو عبدالعزيز: نـوره وبعدين ممعك..
نوره: خلاص طيب قول له يسكت عني ماله دخل فيني..
ابو عبدالعزيز: بتجيبون لي الجلطه أنتو ..
مي: بســم الله عليك بابا .. في عدوينكك يارب..
بندر: يوه يا يبه لاتقول كـذا ..
ابو عبدالعزيز: هذا اللي ربيتكم عليه .. تتهاوشون ويا بعض..؟!
نوره: ترى والله انا وعزوز نحب بعض وعلى قلب واحد بس احياناً ينرفزني..
عبدالعزيز كمل: أي صح وحتى هي احياناً تنرفزني..
ابو عبدالعزيز: خـلاص طيب ابيكم دوم على قلب واحد عشان لا مت ماتتفرقون وكلكم اخوان من ام ولا من ام واب مفهوم..؟!
نوره: أي مفهوم..
ابو عبدالعزيز: عبدالعزيز يوم يجي عمك ابو متعب نخطب لك مشاعل رسمي خـلاص ..
عبدالعزيز ابتسم: أي أي ونسوي ملكه بعد ..
بندر: يمه منك مستعـجل ..
مي: يحق له يستعـجل دامها مشاعل (غمزت له)
عبدالعزيز: اسكتي لا اشوفك متكلمه عنها..
مي: الله لنا ..
بندر: أي والله الله لنـا مالت بس..
ام عبدالعزيز: لا تجلس تقول مالت وما ادري ايش .. كانك تبي تتزوج تعال وقول لي وهذي الساعه المباركه..
بندر: أي أي ابي بنت على ذوقك يا يمه .. من اول ابي افاتحك بس خايف تقولين بزر وما ادري ايش .. بس مين بتختارين لي..؟!
ام عبدالعزيز: شرايك في حور ولا فجر بنات عمك سعود او عبدالرحمن ..؟!
مي: أي أي أي عز الطلب فجر..
نوره: ما اتخيلك متزوج يابندر ههههههههههههه ..
بندر: وجع وش ناقصني انا ..؟!
نوره: لا ابد ولا شـي كامل والكامل الله ..
ابو عبدالعزيز: خلاص باذن الله اسبوع بالكثير ونخطب يوم يكون الكل فيه ..
ام عبدالعزيز: نوره وين امك..؟!

انتــهى البارت الثاني

توقعاتـكم ..؟!؟
مشاعل وايش قصة النوبات..؟!
بندر وخطوبته
ام نوره وينها وايش فيها..؟!
جوري وقسوة ناصر ..؟!
شموخ وقصتها مع عبدالرحمن..؟!
انهار ومحاولاتها مع ابوها في رجعة امها..؟!
سلطان والحبوب ..؟!
مرام وش قصتها مع عمر..؟!


اععتذر حاولت اطوله قد ما اقدر ..



تعديل جـوريه; بتاريخ 01-05-2015 الساعة 04:11 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-05-2015, 03:31 PM
صورة روح تتنفـــس ..~ الرمزية
روح تتنفـــس ..~ روح تتنفـــس ..~ غير متصل
©؛°¨غرامي مبدع¨°؛©
 
الافتراضي رد: روايتي الاولى: مابه احد غيري يابنت.. احبابك سروا..


يعطيك العافية ،،
اووو شموووخ اكتر شخصية جذبتني بالبارت الاول لخفة دمهاا مسكينة من جد مو كل من ضحك كان مبسوط ،،
جوري تراهاا زودتهاا بالغلط عليه ايه يستاهل بس مو هيك وهو التاني م صدق خبرمفروض انو مقدر انهاا متلوو م كانت بدهاا هالزواج ،،
مشاعل مسكينة م تستاهل شكلهاا طيووبة اختهاا وداد قاهرتني م عندهاا اسلوب الله يعين وليد عليهاا خخ
ي الغلاا شو بالنسبة لعذوب وعروب وافنان وهنادي م حكيتي شي عنهم بهالبارت ‫،،
بانتظارك ي الغلاا بالباقي ،،
.
.
.
احترامي ،،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-05-2015, 10:50 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: روايتي الاولى: مابه احد غيري يابنت.. احبابك سروا..


ماش اء الله العنوان جميل

وأول بارتين حلويين بس عاد كملي بليز

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-05-2015, 11:08 AM
جـوريه جـوريه غير متصل
©؛°¨غرامي مشارك¨°؛©
 
الافتراضي رد: روايتي الاولى: مابه احد غيري يابنت.. احبابك سروا..


اقتباس:
المشاركة الأساسية كتبها لامــارا مشاهدة المشاركة
ماش اء الله العنوان جميل

وأول بارتين حلويين بس عاد كملي بليز
هـلا حياك .. بكمل إن شاء الله
اليوم او الاثنين في بـارت بأذن الله ..
اقتباس:
المشاركة الأساسية كتبها جنون الياسمين مشاهدة المشاركة
يعطيك العافية ،،
اووو شموووخ اكتر شخصية جذبتني بالبارت الاول لخفة دمهاا مسكينة من جد مو كل من ضحك كان مبسوط ،،
جوري تراهاا زودتهاا بالغلط عليه ايه يستاهل بس مو هيك وهو التاني م صدق خبرمفروض انو مقدر انهاا متلوو م كانت بدهاا هالزواج ،،
مشاعل مسكينة م تستاهل شكلهاا طيووبة اختهاا وداد قاهرتني م عندهاا اسلوب الله يعين وليد عليهاا خخ
ي الغلاا شو بالنسبة لعذوب وعروب وافنان وهنادي م حكيتي شي عنهم بهالبارت ‫،،
بانتظارك ي الغلاا بالباقي ،،
.
.
.
احترامي ،،
الله يعافيك .. وبخصوص عذوب وعروب وافنان وهنادي وساره البارت الجاي متصدرينه هم ان شاء الله .. خليك ف القـرب ياخيه

اقتباس:
المشاركة الأساسية كتبها محمود الزهراني مشاهدة المشاركة
طرح في قمة الروعه

يعطيك العافيه وما قصرتي

تشكرات كثيرات

أستمري بالطرح

وياليت ترسلين لي الرابط في كل مره تنزلين فيها البارت

تقبلي مروري / محمود
هلا يعافيك .. نـورت اخوي
واتشرف بك كـ متابع ،، إن شاء الله أرسلك
اقتباس:
المشاركة الأساسية كتبها سّولطانه « مشاهدة المشاركة
خطيييييييرهه الروايه ()
موفقه يَ روححححي ()
هلا نـورتيني ،، واتشرف بكك كمتابعه..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-05-2015, 11:55 AM
شذى المطر شذى المطر غير متصل
©؛°¨غرامي مجتهد¨°؛©
 
الافتراضي رد: روايتي الاولى: مابه أحد غيري يابنت أحبابك سرو


السلام عليكم ورحمة الله وبركاته وكيف حال الجميع قريت الرواية بناء على طلب احدى الخوات ولكني بعدني اقرا البداية وبدايتها حلوه مع انه التعريف بالشخصيات كثيره وننساهم فانا ما احب يكونوا كلهم مع بعض في البداية حتى اني اترك الرواية اذا لقيت بداية الصفحه الشخصيات وثاني شي من كثر ما الكاتبات ما يكملن الرواية وما ينزلن اعتذار ونحن نضل ننتضر بدون فايده لهذا السبب افضل المكتمله ومع هذا بقرا الرواية وبعطيكي رايي واتمنى لكي التوفيق

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-05-2015, 12:28 PM
صورة assyirt alhorrya الرمزية
assyirt alhorrya assyirt alhorrya غير متصل
©؛°¨غرامي نشيط¨°؛©
 
الافتراضي رد: روايتي الاولى: مابه أحد غيري يابنت أحبابك سرو


السلام عليكم

قبل ما ابلش في الرواية بدي احكيلك شغلة

انا بس قرات اسماء الاخوة وسطلت بطلت عارف حد من حد

فبدي غلبك كل عيلة بيظهروا جميع افرادها اذكري العيلة كامله لانو ابطالك كثار والواحد بتخربط

ههههههههههه اتحمليني من اولها

بس ان شاء الله رح كون متابعة اكيد ولا يهمك


روايتي الاولى: مابه أحد غيري يابنت أحبابك سرو

الوسوم
يابنت. سروا..
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية:غرورك مجنني يابنت عمي/كاملة وربك نسيتك روايات كامله - يتم نقل الرواية هنا بعد اكتمالها 139 25-09-2018 01:13 AM
روايتي الاولى :أ نت وأنا نور وعين أن غاب نورك وش أشوف ؟ وأن غبت أنا وش به تشوف نهر الخيال روايات - طويلة 5 26-11-2016 07:13 PM
روايتي الاولى خانتني حبيبتي وعوضت باخرى Hena9 روايات - طويلة 27 26-11-2016 06:17 PM
روايتي الاولى :شفتك صدفة وحبيتك صدفة فاطمة غلام ارشيف غرام 3 28-04-2015 10:33 PM
روايتي الاولى bylsan روايات - طويلة 0 10-04-2015 10:00 PM

الساعة الآن +3: 11:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1