sheikhax ©؛°¨غرامي جديد¨°؛©

ربي يعافيج ويخليج
مشكوره من ذوقج
ان شاءلله قريب راح انزل لكم <٣
.
.
.



sheikhax ©؛°¨غرامي جديد¨°؛©

لو ضاقت بك الارض عيوني لك سما ..!♡





















































عند ميثه فالجامعه

ميثه طلعت من الجامعه بسرعه وهي متوتره و متنرفزه تحس في شي صاير و شي غلط دقت على ميره
ميره : ميثه بكلمج عقب ها
ميثه: بعدني مارمست ميره وبتسكرين ، قوليلي شو صاير لاني اعرف صاير شي
ميره بتوتر: ها لا لا منو محد هذاك ماعرف ماعرف
ميثه بخوف : ميره الله يخليج قوليلي شسالفه وانتي ليش جي لخبطتي فالكلام قوليلي مخنوقه والله مخنوقه احس في شي
ميره نزلت راسها : ميثه تعالي صوب مستشفى ……. نحن بنوقف نترياج
ميثه: مستشفى ليش شسالفه شو صاير ؟
ميره : تعالي وبقولج شو صاير
ميثه : خلاص يايه الحين بوصل


—————————


عند البنات

شيخه : ميره منو اتصل عليج ؟
ميره : ميثه دقت
ميثه : هيه خليها تي ابا اتفاهم وياها انا بعد
بشائر : يا بنات شسالفه الله يخليكم استرو عليه لاتخبرون الكل
شيخه : بشائر يا امي ميثه اكبر وهي تعرف تتفاهم و انا ماخذه هالقرار لكني بعد برمسها عشان نعرف كيف نتصرف بعد
بشائر سكتت وهي خائفه من الاشياء الي بتصير


———————


وصلت ميثه عند البنات


ميثه : ها بنات شسالفه
البنات ظلو ساكتين و هم يشوفون بشائر وعقبها بشوي بشائر بنفسها قالت كل شي من الف لين الياء لميثه
ميثه انصدمت من الكلام الي سمعته : كيف صار كله هذا يا بشائر وماقلتي لنا شي ، تعرفين كنا بنساعدج كنا بنسوي لج كل شي كنا بندور حل يا بشائر ياربي
شيخه : عفواً على الي بقوله لكن يا ميثه جد لاحظنا انا و ميره على بشائر تغير كبير ، هي ماعادت بشائر الي نحن نعرفها من صغرنا ، نحن احياناً نرمس عن اشياء وهي ترمس عن شي ثاني ، عقلها مب ويانا باختصار احسها ياهل بتفكيرها واحس الي صار وياها اثر فيها فلذلك ميثه اتخذت القرار اني راح اوديها المستشفى عشان تعالج نفسيتها اول شي ، وبعدين ابوها هذا لازم نسوي له شي و اكيد المستشفى لو عرفو ماراح يخلونها براحتها بيحققون معاها و اكيد بييبون ابوها وانا ماراح ارجع عن قراري
ميثه نزلت راسها و اشرت لهم ان يصبرون و سكتت وهي تفكر

.
.
.
.
.
.
.
.
.
.
.
.
.
.
.
.
.
.


بعد السكوت هذا ميثه خذت نفس عميق : اسفه بشائر لكن بالفعل هالشي لازم يصير والله عشانج انتي واظن ابوج لازم يتعاقب لانه كل شي من البدايه غلط و بما اني انا اكبر وحده و انتو ييتو وكلمتوني ، ان صار شي فالعائله انا راح اتخذ المسؤؤلية فلاتخافون


——————



في المستشفى

خذو بشائر عشان الفحوصات
الدكتور وهو مستغرب شوي : يا بنات هذه الفحوصات تصير لكن فقط للمتزجين و بعدين انتو يايين هني عشان الفحوصات و بروحكم ف انا اسف الفحوصات لازم تكتمل لكن نبا شخص كبير من العائله او ابوها
ميثه : يا دكتور خذ هويتي وحطه عند عشان ضمانك لكن حالياً نحن مابنزقر حد من نخلص و تحققون معاها
الدكتور : خلاص ماعليه لكن رجال الشرطه بييون يمكن باجر عشان التحقيقات وبالمره بتطلع النتائج
ميثه انهد حيلها : خلاص مشكور دكتور


——————


عند ميره و شيخه

ميره : ليش مابيخلونه نسير ويا بشائر يحليلها خائفه خليني اسير لها
شيخه : ميره مابيدخلونه لانه هذه الفحوصات لها شي كبير وهذه الفحوصات يسوونها للمتزوجات وهي مب متزوجه في بيكون تحقيقات في السالفه
ميره : يحليلها والله خائفه الله وياها ، بس ان شاء لله مابيصير شي
بنفس الوقت شيخه شافت تلفونها وصل لها رساله من رقم غريب استغربت : ميره تعرفين هالرقم ؟
ميره : لا ماعرف بس الرقم مميز وحلو ، شوفي شو مطرش انزين
شيخه : مادريبه ، خلاص بشوف شو مطرش

.
.
.
.






" آلشوق مآ يرحم جريح آلمحبّہ تهزّه آلذكرى لو آلجرح ما طآب لو هو يكآبر في هوى من يحبّہ مآ يشكي الفرقآ و لآ يذكر اسبآب ��



1/6/2015

غيرك راح يكون في الفستان الابيض
و باقه الورود في يدينه و البسمه على ويهه
كل شي راح يكون بيرفكت ، لكن وجودج شيخه راح يكون احسن
انا اسف والله اسف لكن احتاجج في هذه الخطوه
7 سنين معاج كانو غير والله غيره عشان هال7 سنين اتمنى تحضرين عرسي

اسف
من ذكرياتج ( ح )

طاح تلفونها من ايدها نزل دمعها بدت تنهار من الصياح و حضنت ميره وهي تصييييح بدون ماتوقف
ميره هذه الرساله من ( ح ) بيتزوج بيتزوج شهر 6 يتزوج ،هي تصيح
ميره : ياربي بعد كله هذا مطرش لج رساله ، لا وبعد عشان تحضرين عرسه
شيخه : ياربي شو ها هني مصيبه بشائر بصوب و هناك ( ح ) بصوب ياربي صبرني
ميره : حبيبتي شيخه لاتحاتين كل شي بيتعدل وخليه يولي هذا بعد


——————


بعد ما خلصو الفحوصات وغيره
الدكتور : يا استاذه الحمدلله تعالى البنت سالمه ومافيها شي ، لكن اظن انها تعاني من شي
ميثه وهي فرحانه : جد يا دكتور مافيها شي ورفعت ايدها تحمد يدها ، ماعليه دكتور بنوديها عند دكتور نفسية عشان يشوفها
الدكتور : لكن يؤسفني اقول بانه الشراطي وصلو و التحقيقات لازم تصير لانه اكيد في شي وانتو يايبينها هني ، انا اسف بدون التحقيقات ماتطلعون من المستشفى
ميثه : ماعليه دكتور التحقيقات بتصير بتصير و اشكرك مره ثانية


————————



عند البنات


ميره: شيخه خليج عادية ميثه و بشائر واصلين عندنا
شيخه : ان شاءلله
بشائر يت و دفنت عمرها في حضن شيخه و هي تصيح : شيخه انا مافيني شي بعدني بنت ، يعني اقدر اعيش حياتي يعني اقدر اتزوج اقدر استقر ياربي شيخه و ردت تصيح في حضنها
شيخه : الحمدلله انه مافي شي يا بشائر ، لكن الشراطي هني ولازم يحققون و اباج تقولين لهم كل شي ماتخافين اوكي
بشائر: ان شاء لله و دكتور النفسية ؟
ميره : هيه خذينا لج موعد ان شاءلله من باجر تروحين عنده




الشراطي وصلو : استاذه بشائر لازم تيين ويانا عشان التحقيقات
بشائر وهي خائفه : ان شاءلله
الشرطي 1: بشائر لاتخافين نحن وياج و ان شاءلله لو شو ماكان بيكون عدل فالموضوع
و طلعو للغرفه عشان التحقيقات



موعدنا بعد الامتحانات ان شاءلله


sheikhax ©؛°¨غرامي جديد¨°؛©

كُن مُبتسم وأنسى أنّ هُناك ما يُسمّى سوءُ حظ،قُل بإنّها خيرة وأترك امرك لله 💗.





















































عند البنات

ميثه : يلا بنات انتو روحو لانه بشائر الحين بتخلص و بعدين بردها انا البيت ف ماعليكم
شيخه و ميثه : لا عادي بنتريا
ميثه : قلت لكم روحو خلاص
شيخه : خلاص بنطلع الحين


—————


عند الشراطي

الشرطي1: ماعليه اخت بشائر موضوعج هذا بينحل ولاتحاتين نحن وياج
بشائر :مشكور
الشرطي 2: يلا اخت بشائر تقدرين تروحين الحين و فالج طيب كل شي بيتعدل
بشائر .: ان شاءلله

—————

عند ميثه

فونها يرن ( اللهم ارزقها الجنه )
ردت : هلا امايه
امها : —————————
ميثه : امايه الف مره قايه لج هالموضوع ماتناقشينه وياي
امها : ——————
ميثه : اسفه امايه انا مب موافقه على هالشي
امها:——————
ميثه : امايه اخليج انا مشغوله الحين و هالموضوع لاتفتحينه وياي
امها: خلاص نتفاهم بعدين فحفظ الرحمن

سكرت الفون و هي حاطه ايدينها على راسها : ياربي شو اسوي بس كل هالمشاكل يت مره وحده ، التفت شافت بشائر خائفه ويايه لها
ميثه : ها بشائر حبيبتي خلصتي
بشائر : هيه قالو ان احتاجوني بيزقروني بروحهم لكن الحين اسير ارتاح
ميثه : خلاص خلينا نسير احسن
بشائر : يلا

—————

عند شيخه وميره

ميره : اقلج شواخ شسمه مممممم ها ممم لا لا
شيخه : اي اي شفيج قولي و خلصيني شو ها و اممم و ها شو قولي يلا
ميره صح الحين الوضع مايساعد لكن ربيعتي عندها حفله يوم الاربعاء و ابا اسير اذا ممكن ونزلت راسها
شيخه : ههههههه ضحكتيني والله على فكره ترا مب صائر شي وعادي موضوع بشائر قرب ينحل و عيشي حياتج مثل ماتبين اصلن انتي لازم تطلعين
ميره وهي مستانسه : يعني عادي اسير
شيخه : هيه وانا بي وياج و بنتكشخ ماعليج وغمزت لها
ميره استانست وايد و قالت لربيعتها انها بتي الحفله
شيخه : اقلج باجر بنسير نتسوق ها عشان الحفله
ميره : فكره حلوه احبج واييييييددد يختي
شيخه : وانا اموت فيج

—————

بشائر و ميثه

بشائر راقده بعد يوم شيق و مثير وايد ، لكنها لاول مره راقده مرتاح لانه كل المشاكل راح تنحل
لكن ميثه زعلانه وايد و متضائقه من موضوع ————— دقت لامها : امي انا باجر راىحه الجامعه و ارجوج لاتييبين سيره الموضوع الثاني وسكرته

—————

شيخه و ميره

شيخه : يلا ميييييره الصراحه وايد تتاخرين انا بسير كل المولات اليوم ها مايخصني فيج
ميره : انزين انزين شفيج تعرفين من زمان مب طالعه للاسواق وجي
و ركبو السياره و مشو

















شيخه بعد السكوت سالت ميره : ميره تفكرين تتزوجين ؟
ميره : شيخه ارجوج بعد المرض الي ياني انا طلعت سالفه الزواج من راسي
شيخه : بس ميره انتي جميله ماشاءلله عليج وبعدين شسمه عادي ماصار شي كان مرض وعدا وخلص ترا و صار لج 4 سنين على هالموال خلاص يا بنت عيشي حياتج
ميره : شيخه كل شي في وقته حلو ولا وصل الامير يصير خير
شيخه : ههههه يعني نتريا الامير عادي يعني في امل مب انه مافي امل صح ؟
ميره : سكتي انتي بس كملي سواقه لازم اتشرا انا
شيخه : ههه زين زين

—————

ميثه و بشائر

ميثه دقت على ميره : ها انتي وين
ميره : في المول نتسوق عندنا حفله هالاسبوع
ميثه : وماتعزم بعد اقلج بي لج نغير جو يا بنت
ميره : خلاص اترياج ها

—————

البنات

يحوطون فالمول و يدرون لهم احلى اللبس كالعاده البنات يبون يكونون احلى الناس في الحفلات وغيرها
ميره : اي بنات الازرق ولا الوردي ، شرائكم
شيخه : اخيييج بعدج على اللون الوردي ما اداني هاللون
ميثه : هههه هبله والله لون الوردي انثوي بلاج انتي ، اكيد بتختار وردي
بشائر بصوت خفيف : هيه الوردي حلو لون بناتي
ميره و ميثه و شيخه مع بعض : نطقت نطقت كولولولولولششش واخيراً نطقتي بشي
بشائر مصدومه منهم : شفيكم ترا ارمس عادي
ميثه : هي بس انتي كله ساكته عشان جي
شيخه : اخيراً رمست هههههه ماعليكم بنخليها تنطق
رن تلفون جواهر استغربت : بنات رقم غريب شو اسوي ؟
ميثه : ردي بعد شو شوفي منو

انتهى


sheikhax ©؛°¨غرامي جديد¨°؛©

بما انه مافي حماس ف قلت ما اكمل
شو تقولون اكملها ولا لا ..... ابا رائكم
قبل لا اكمل او اسكر
و شكراً


sheikhax ©؛°¨غرامي جديد¨°؛©


واخيراً قررت اني اكمل روايتي ، احياناً الانسان يستسلم لكن م نعرف يمكن ان كملت الروايةة في كثير اشياء راح تتغير
المهم اخليكمم مع التكمله و عطوني رائكم ،،،،!





كل ما أحسنت نيتك،
أحسن الله حالك !
وكل ما تمنيت الخير لغيرك ،
أتاك الخير من حيث لا تحتسب !



































































شيخه : اخيراً رمست هههههه ماعليكم بنخليها تنطق
رن تلفون بشائر استغربت : بنات رقم غريب شو اسوي ؟
ميثه : ردي بعد شو شوفي منو

.
.
.
.
.

ردت بشائر : الو ….!
الطرف الثاني : السلام عليكم اخت بشائر
بشائر : وعليكم السلام : منو وياي ….؟
الطرف الثاني : اخت بشائر وياج الشرطي علي ، انا المسؤؤل عن قضيتج
بشائر : هيه عرفتك ، امرني اخوي
علي : والله اخت بشائر بغيت اعطيج البشارهه
بشائر : بشاره ؟
علي : هيه نعم موضوعج خلاص اعتبريه انتهى ، بس اتمنى انج تخلينه صفحه انطوت خلاص
اعتبريني صديقج او اخوج اي شي لكن هالكلام بنفعج انتي ، خليه خلاص شي انتهى انا اعرف الموضوع كبيره و بالفعل يعور القلب لكن لاتخلينه نقط ضعفج انتي ، اتمنى تعيشين حياتج و تطلعين و تغيرين كل شي ، لكن اول خطوه تسوينها انج تبتعدين عن اي شي يضرج والله حالياً هذا الي كان عندي و قلته …! اتمنى م ازعجتج و السموحه طولت
بشائر : لاه عادي اخوي علي و مشكور ، سكرت الفون


.
.
.


خذت لها نفس عميق وهي ماسكه الفون على صدرها نزلت راسها و هي تحمد ربها على كل شي
ميثه : ها منو ها علي بعد ؟؟
شيخه و ميره نقزو على طول عند ميثه و بشائر : ها ها شسالفه سمعنا علي
بشائر : تراكم مكبرين الموضوع شفيكم ، هذا الشرطي علي
البنات : ها و شو قال ؟ و بعدين ليش داق عليج هالوقت
بشائر : استغفرلله منكم و من تفكيركم ، فرحني وايد الصراحه تم ينصحني وايد و قال لي موضوعي انحل و ما افتكر فيه خلاص
شيخه : الصراحه احس هذا وراه شي ، بس زين والله نصحج بعد السالفه فيها ان و لكن
ميره : هههههه سكتي شواخ دومج انتي جي ، المهم انه بشائر ارتاحت
ميثه : ااه الحمدلله احس اني ارتحت
شيخه : يلا بنات يلا لازم نحتفل قومو بسرعهههه يلا
البنات : هههههه تخبلتي انتي





————————————————



يوم الحفله

شيخه لبست لها الكحلي الي خلاها ملاكك ، ميره كالعاده تكشخت بس لبست شي هادي مب دفش و بشائر كانت عادية و ميثه لابسه لها الاسود جنه حد مات

ماشاءلله و كالعادهه شله شواخ كانت معروفه انهم دوم احلى شي ولو كانو بسيطين
شيخه : ياخي اي بنات خلونا نقعد ويا هذيلاك شكلهم فله
ميثه : انثبري مكانج بس كله تتناقزين من مكان لمكان
شيخه : اوووههه منج انتي عاد ، المهم انا رايحه ادق شوية سوالف
ميثه : انا قلت لج عاد وانتي كيفج تبين تروحين روحي
شيخه : يلا مناكك انا رايحه


———————————



شيخه راحت عند البنات و تمت تسولف وماخذه الامور بسهاله و كانت تعرف وحدهه فيهم
ف لذلك ارتاحت لهم و كملت سوالفها عادي



بعد فترهه من سوالفهم و بعد ما خذو وعطو


عايشه البنت الي تعرفها شيخه من المدرسهه: اقول بنات يلا سيلفس سيلفي بصور اسناب
شيخه ترددت بس قالت يلا ماعليه ربيعتها و تثق فيها : يلا اوكي



و تصورت وياهم سيلفي و كملو عادي



————————————————


البنات في بيت شيخه


ميرهه : اوههههه تعبتتت مرههه اليوم عاد انا اليوم ضيفه عندج شيخه برقد هني
شيخه : فديت روحج انا كم ميره عندي ، يلا ارتاحي البيت بيتج
ميثه : وانا بعد عيل ما يخصني
بشائر : وانا وين رحت ها ها
شيخه : هههههههههههههههه عادي تمو ماقلت شي شفيكم
ميره : غصبن عنج اصلن
شيخه : سبحانك اقول انسدحي وانتي ساكته


————————————————



عند بشائر

رن تلفونها التفتت لتلفونها ، استغربت : هذا علي شو يبا مني بعد ؟ لايكون في مصيبه ثانيةة بعد اوهه
راحت لبعيد عشان محد يشك او يعرف ، ماتبا تخرب فرحتهم الحين :ردت : سلام عليكم
علي : وعليكم السلام ، لايكون ازعجتج
بشائر : لا ابد امرني
علي : لا بس بغيت اتطمن عليج ، و بالمره اسالج بعض اساله تخص القضية
بشائر : اتفضل
.
.
.
.


و خذتهم السوالففف لوقت طويل

نكمل يوم ثاني ؟










أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1