غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-05-2015, 02:17 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رواية والله ان عمري بدا من يوم حبيتك واعرف انه ينتهي لو قلت تنساني / بقلمي


رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي

عائلة أبو وليد :
( أبو وليد : خالد ) : حنووون على عياله و ما يحب أي أحد يغلط عليهم
( ام وليد : فاطمه ) : تحب عيالها و دووم تدعي لهم بالخير و ان الله يبعد عنهم الشر
( وليد ) : عمره 27 ، طبيب أطفال عصبي ، دايما جدي بي احيانا يمزح و يستهبل متزوج هديل بنت عمه عندهم ولد اسمه نهيان عمره 4 سنوات / ( هديل ) : 25 سنه ، مرت وليد و اهي تحببه شخصيته تنقلب لما يكون عندها و عند و لده / ( نهيان ) : عمره 5 سنوات دلووع البابا و الماما حتى انه انه دلوع يدته و يده متعلق بأبوه و يغار من هاجر عمته لأنها دلوعة أبوه بعد و يغار من أمه احيانا
(إيمان ) : عمرها 24 ، إنسانه هاديه بس لما تكون مع ربعها و أخوانها و أهلها تنقلب أحيانا و تصير تستهبل و تمزح ، بسرعه تعصب ، تخصص إنجليزي ، مخطوبه لولد عمها سيف
( ناصر ) : عمره 22 ، يشتغل طبيب أسنان ، عككسس وليد هالأنسان ديما يمزح و يستهبل و يحب يستهبل على اخته هاجر اهو و أخوانه حامد و محمد صح أنه مزووح و يستهبل بس وقت الجد جد
( فهد و حمد ) : عمرهم 17 ، ثالث ثانوي ، التوأم المرح في البيت هم معطين للبيت جو مرح و لما يجتمعوا مع ناصر البيت ينقلب فوق تحت دايما يستهبلون على هجور و يسون فيها مقالب و آخر همهم الدراسه و ديما يغيبوا و يتنازع عليهم وليد الفرق امبينهم انه فهد عيونه عسليه فاتحه و و حمد عيونه عسليه بس غامقة
( هاجر ) : عمرها 16 أول ثانوي ، عيونها كحليه إنسانه فرفوشيه و دايما تقول اللي فقلبها يعني اللي بقلبها ع لسانها بس احيانا تخبي و دايما أخوانها يستهبلون عليها لأنها الدلوعه فالبيت و اهيه تعصب منهم و تروح تشتكي عند وليد و الا ابوها و اهي تحب نهيان ولد وليد حييل و دايما تلاعبه بس لما يكون مزاجها معكر لا تدورونها
البارت الأول :
بيت أبو وليد : الساعه 7:00
: شوي شوي لاتحس فينا هاي
: الحيين أنت ما حصلت أحد يحس فينا غير هاي ؟ هاي لو شو ما يصير ما بتحس خلنا نكمل اللي بديناه
كملوا الين وصلوا لسريرها و .... 1 2 3 و طشششششششش
هجور : بسم اللهالرحمن الرحيم أعوذ بالله من الشيطان الرجيم شوه ها ؟
فهد و حمد ناقعين ضحك على شكل هجور و هجور للحين مصدومه و مب مستوعبه الشيء اللي انكب على ويها شيء بااارد و لما اسوعبت صرخخخخخت : فهههههاااد حممد و الله لوريكم و نشت تركض وراهم و اهم شخطوها ع الدرج اليين ما وصلوا صالة الأكل و يلسوا يدوروا حول الطاولة و هجور تصارخ فيهم
أم وليد : ههههههههه شو مسوين بالبنت انتوا ؟
أبو وليد يمسك نفسه لايضحك : ليج مسوين بأختكم جي ها ؟ ليج مسبحينها بالماي ؟؟
فهد و اهو يضحك : هههههه هههه ترا أمي ما قدرت تصحيها و و لا الخدامه أختي نومها ثقييل
كمل حمد : فقلنا نسوي خير و نصحيها من الرقاد صح هجور ؟ حلوة الطريقة مره تنفع كل يوم نسويها ؟
هجور بصراخ : صدقوني ما بطوفها لكم جذي يا أنا يا أنتم
فهالحظة دخل ناصر صاله الأكل و نقع ضحك على شكل هجور
هجور تصارخ : صبروا علي بوريكم ، و أنت لاتضحك
وطلعت من صالة الأكل ناصر صد عليهم : ههههههه ليج مسوين فيها جذي الحين بتخبر عليكم وليد
فهد و حمد : ههههههه عادي ايزي
هجور طلعت من صالة الأكل تبا تشوف أخوها وليد شافته نازل من الدرج و بأيده الجريده يقراها
وليد شاف شكلها و مسك ضحكته على شكلها و شك أنه حد من الثنائي المرح مسوي بها كذا
وليد : هئئئ منو مسوي فيج جذي ؟
هجور بدموع : اهئ اهئ هذولا فهد و حمد كبوا علي ماي بارد اونه يبون ينششوني من الرقاد كبوا علي و شردوا شوف كيف سو فيني
و ليد مدلع هجور لأنها أصغر أخوانه . سار وليد صوب صالة الأكل و شاف أمه و أبوه و سلم عليهم و باس راسهم و سلم على ناصر و لف على فهد و حمد و قال : فهد و حمد
تجمدوا فهد و حمد يعرفوا وليد كل شيء الا هجور ما يرضى عليها
فهد و حمد : هااه
وليد : يخبي ابتسامته على شكلهم : ليج كبيتوا الماي على هجور ؟ ها
حمد : كنا نبا نقومها من الرقاد مالها هاذا
فهد : هيه هيه صح كلام أخوي صح صح لسانك
وليد : و ليج ان شاء الله تقومونها بها لطريقة ، بدال لا تقومونها تفزعونها من نومها ؟
أبو وليد بضحكه : عليك فيهم ههههههه
أم وليد : حرام عليك أولادي ذيلا
وليد : لا أنا مابسوي فيهم شئ اللي تباه هجور بسويه
ناصر : هيهيهيهيهي ياويلكم منها
حمد يدق فهد و بهمس : رحنا فيها
هجور : بسوي فيهم مثل ما سوا فيني الحين يسيروا يوقفوا برع و بكب عليهم ماي بارد
فهد و حمد : لا والله
هجور عطتهم نظره
وليد : أوكيه كيفج بس حرام عليج خفي عليهم شوي
هجور : يحمدوا ربهم قلت نفس ما سوا فيني و الا اللي ببالي أكبر
وليد : سامحيهم هالمره عشان خاطري هجور
فهد : يلا جور علشان وليد ، حمد : هيه هيه
فهد : يهون عليج تكبين علينا ماي بارد ؟
هجور : هيه يهون و أنا ما هنت عليكم تفزعوني من نومتي
حمد : كنا نباج تنشيئ للمدرسة يلا عاد هجور

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-05-2015, 02:35 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


السلام
انا احب اقرأ الروايات وقلت اكتب روايه وهاذي اول روايه لي و اتمنى منكم تشجعوني
و عطوني رايكم بالرواية...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-05-2015, 03:16 PM
صورة خيـال الروح الرمزية
خيـال الروح خيـال الروح غير متصل
©؛°¨غرامي مبدع¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


بارك الله فيكم
وفي عملكم الموزون
دمتم بطيب النسيم
وعبق الرحيق المختوم
شكرا لكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-05-2015, 05:45 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


البارت الثاني :
فهد و حمد : بليييييييييز
هجور : بس علشان خاطر و ليد ترا
فهد و حمد : فديييييييتج
هجور و اهي تطلع : يلا أنا سايره أبدل بتأخر بعدين و بتيلس إيمانوه تتحرطم علي أخرتيني و أخرتيني
ناصر : إيمانوه ما بتسير تقول ما تقدر
أم وليد : أنا أصلا أبا أفهم ها لبنت ليج كذا دوم تغيب لا وربعها ما يقصرون يسجلونها حضور و هي محطيه راسها و نايمة
ناصر : أونه تعبانة و مالها خلق مدام عندها محاضرة وحده اليوم بتنقلها عن ربعها
أبو وليد : الله يهديها ، و يلف صوب هجور : يالله بنتي سيري بدلي لا تتأخرين على أخوج بيوصلج
هجور : من عيوني باباتي
طلعت هجور واحت غرفتها عشان تتسبح و تبدل لبسها و تلبس تبع المدرسة و نزلت تفطر ويا أهلها أول ما دخلت...
وليد : حيا لله هجور تعالي قعدي عدالي اليوم
هجور و هي تمشي صوب وليد : من عيوني
وليد : تسلم عيونج
يلست هجور عدال وليد
فهد لحمد بهمس : هيييه كل الدلع لهجور اللي يقول عمرها شرات نهيان ، نهيان قلنا ياهل بس هجور كيف أول ثانوي تتحرا عمرها ياهل
وليد انتبه حقهم و خزهم بنظراته و سكتوا
أم و ليد : وليد وين مرتك اليوم ما شفتها ؟
وليد : يمه هديل شوي تعبانه أمس طول الليل صاحية ما رقدت نهيان ولدي اسنانه تعوره و ما نام إلا متأخر و نامت وياه
أم وليد : فديته ولدي
ناصر : هذا كله من كثر الحلاوة و يقلد صوت نهيان " ناثثر وديني الدكان " بعد لا و يناديني ناصر حاف بدون عمي ما كأني أخو أبوه
وليد : و أنت ما شاء الله ما تقصر توديه على طول
ناصر : وش أسوي بعد أنت مدلعنه لو ما حصل اللي يبيه يحصله بأي طريقة
هجور بفخر : تراه ولد الشيخ وليد شيخ الريايل
ناصر : ههع ، طلع أخوي شيخ و أنا ما أدري
هجور : الا أقول يمه وين أبوي مب توه كان قاعد هني ؟؟
أم وليد : يقول اونه اليوم عندهم شغل وايد وطلع
هجور : اهااا
وليد : وانتو فهد وحمد ليج ما لابسين كندوره المدرسة و الا ما ناوين تروحون ان شاء الله ؟
فهد : ما نقدر نسير هذي آخر الأسابيع نسير وش نسوي كله لعب ؟
حمد : و المدرسيين كل واحد مشغول بأشغاله
وليد : حتى ولو تراكم كثرتوا غياب ها لفصل بسكم انززين
فهد وحمد : أنزززين
ناصر و اهو يقوم : يلاه جور لا نتأخر
هجور : ان شاء الله
راحوا ناصر و هجور و باسوا رأس أمهم و أخوهم الكبير و طلعوا
وليد و هو يقوم : يلا عيل أنا اترخص تا مرين على شيء يمه ؟
أم وليد : ما ابغا شيء الا سلامتك
وليد باس راس أمه و قال لفهد و حمد : آخر مره
فهد و حمد : أوك ، وطلع وليد
حمد : يلا باي مامي بسير أرقد
فهد : يلا أنا بسير أرقد بعد شوي فيني النوم
أم وليد : الله يكملكم بعقلكم ، وصح أنا بعدين يمكن أسير بيت جيرانا أم جواهر
فهد و حمد : أوك ، و ساروا باسوا راس أمهم و طلعوا و ناموا
عند هجور لما وصلت المدرسة
دووووم ( رفست الباب ) ودشت
هجور و اهي رافعه ايدها :السلاااااام
البنات بأصوات متفرقه : وعليكم السلام ، هلا ، يالله صباح خيير ، شوه عندها اليوم
عبير : هجور شو عندج اليوم داشه النا تقول داشه حرب ؟
شهلا : اتحراج كل يوم ادشين و انتي يالله يالله تشوفين الدرب من الرقاد
هجور : و الله ماشي بس عندي مزعجين نششوني بطريقة استغفر الله بس وخلوني أصحصح
فهالحظة دشت ابتسام ينادونها بـ ( سام ) الكلاس يايه من تحت داشه بعربجيه
سام تصارخ : ياهلا والله مليوون ما يسدوا فذمتي بهجور الغالية
هجور : هلا فيج ، سام شو عندج اليوم يالسه تهللين فيني مب من عوايدج ؟
سام أونها زعلت : أفا ما يستوي أهلل بربيعتي و الا طايحة من عينج ؟؟
هجور : لا أنتي الخير و البركه و يخسي اللي أنتي تطيحين من عينه ، بس بعدنج ما أقنعتيني
سام : أبد بس فرحانه لأن اليوم الخميس و قلت أهلي فيج
هجور و اهي تحط جنطتها على الكرسي و تعدل جوتيها و تكلم سام : اها زين زين
وتمشي صوب سام : الا أقول وين البنات ؟
سام : البنات تحت يتريونج و طرشوني أشوفج و ارد
هجور : يلا عيل نروح لهم
دشت يها لحظة ميثة الكلاس
سام بصوت ما سمعه إلا هجور : وع وع و ش ها لقرف
هجور كتمت ضحكتها بس ابتسمت
ميثة بدلع ماصخ : هاااي قيرلز كيف حالكم ؟
سام و نظراتها اللي تبين أنها منقرفه من ميثة : أكيد قيرلز تتحرين أولاد مثلا ؟
ميثة : نعم ؟؟
هجور : بس سام خلاص سكتي ، صدت لميثة : شحالج ميثة ؟؟
ميثة : الحمد لله بخير ، بس قولي للي عدالج ما تتعدا حدودها وياي
يات سام تبا تتكلم بس سكتتها هجور
هجور : انزين انزين يصير خير / و سحبت سام معها وطلعت من الكلاس
سام بعصبية : ليج ما خليتيني أكلمها ؟؟
هجور و اهي تمشي و ببرود : أدري لو كلمتيها ما تنتهي السالفة على خير
سام : أفففففف من برودج أنتي و بعدين عادي و ش بتسوي ها لدلوعة ؟؟
هجور : أنتي ناسية هايييك المرة لما تضاربتوا و عطوج فصل ؟
سام : عادي و يعني ؟
هجور و اهي تدفها : أقول أمشي أمشي أنتي ما منج فايدة
سام : هييييه لا تدفي
هجور : أنززين أنزززين عيل أمشي بسرعة
حمده من بعيد تصارخ : هجووووور....... سااااام ...... تعالوا هني


عطوني رايكم فالبارت ؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-05-2015, 07:50 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


البارت الثالث :
ربع هجور :
( جواهر ) : عمرها 16 أول ثانوي ، أقرب ربيعه حق هجور و الا عقولة هجور تؤام روحي أهي ربيعه هجور من لما كانوا صغار و أسرارهم عند بعض ما يخبوا شيء عن بعض وهم بنفس الكلاس
( حمده ) : عمرها 16 أول ثانوي ، ها لبنت خبال × خبال و لسانها طوويل ودووم تشرد من الحصص و الدراسه فوادي و اهي فوادي بس على الأخير تشد حيلها و تنجحح
( عليا ) : عمرها 16 أول ثانوي ، هاي البنت تهمها دووم دراستها و عقولة حمده مرت مصطفى و لوا بغوا شيء بالإختبارات ماشاء الله ما تقصر
( أريام ) : عمرها 15 أول ثانوي ، ها لبنت متقلبة المزاج مره نفسيتها زينه و مرة شينه و لو تخبلت مع الشلله تطلع عندها أفكار جهنميه
( ملاك ) : عمرها 16 أول ثانوي ، هاديه و ما تحب إزعاج ربيعاتها و دوم أهي اللي تنصح فالشله و مسمينها ماما ملاك ، و اهي هاديه و حبوبه تنحب بسرعه و عنيييييده
( ابتسام ) : حلوة لاكن ما تحب تبين جمالها دفششه وتكره البنات الدلوعات و الصايعات لاكن عليها استهبال وطبعاً ما تحب الدراسة
.................................................. ...................
حمده من بعيد تصارخ : هجووووور....... سااااام ...... تعالوا هني
هجور و سام ساروا صوبهم شافوا ربعهم جواهر و حمده و أريام و ملاك
سلموا على بعض و يلسوا بالاستراحة
أريام : ليج تأخرتوا أخت هجور و أخت سام و أنتي هجور شفناج يايه من البوابة من زماان ليج تأخرتي و أنتي أخت سام مطرشينج تيببينها ليج تأخرتي ها ؟ يلستوا تسولفوا شكلكم صح ؟
هجور و سام : ويييييي كلينا بعد
هجور : يلا يلا كلينا
أريام : جب يلا و يلا جاوبوا
سام : أنزززين ، سرت و دشيت الكلاس و شفت حضرتها قاعده تكلم شهلا و عبيروه و اهي بعدنها ما منزله جنطنها فسلمت عليها و خليتها تنزل جنطتها و ينا نبا نطلع بس.. وييع استغفر الله بس انزين ينا نبا نطلع
قاطعتها هجور : و شفنا ميثة داشه الكلاس و تعرفون عاد أنتوا ميثة و دلعها و بعد ما شاء الله عليكم ربيعتكم المصون سام ما تسكت و..
سام وقفت بعصبيه : هيييييه شقصدج ؟؟
جواهر تيلسها : سكتي سكتي هجور ما قالت إلا الحق
سام تصد على جواهر : نعم ؟؟
ملاك : سكتوا خلو هجور تكمل
هجور تكمل : انزين ميثة قعدت تتدلع و سام بغت ترد عليها و تستهبل عليها فااا سكتتها ما شاء الله علي ما أحب أشوف حد يضارب
حمده : هع أنتي عاد حرام عليج
هجور : هيه أنا ، المهم خلوني أكمل عملي الإنساني ، انزين يلست أسلك شوي لميثة و طلعنا أنا و سام و هاذونا جدامكم
ملاك تقول لسام : هيييه أنتي خبلة شو ؟؟ ما تذكري هايك المرة شو صار ؟
سام بملل : أمبله أعرف ، أنفصلت عن المدرسة أسبوع عشان الآنسة ميثة ألفت قصة عند الإدارة عني
حمده : عيل يوم تعرفين ليج تعاندي ها ؟
هجور : كلموها فهموا عيت تفهم
سام : خلاص كلتوني ما صارت
هجور : الا أقول وين عليا ؟ ما أشوفها مكانها ف الكلاس فاضي بعد
جواهر : الله يسلمج عليا غايبة اليوم تعبانة
هجور : اهاا ، سلامتها ما تشوف شر ، بس قهر و الله بتحصل 3 أيام إجازة
حمده : و هاذا اللي يهمج أنتي ؟
هجور : لقد قلت رأي ليس إلا
أريام : هههههههه يا زينها من لغة عربية فصحه بس وين أبلة شمسة عنج أنتي ؟
البنات : هههههههههههههه / و ضرب جرس الطابور تررررررررررررررن
يات أبلة حليمة من وراهم و قالت حقهم : يلا بنات ع الطابور
البنات : انزييييين
و وقفوا البنات
مشت الأبلة عنهم شوي و ردوا البنات قعدوا الا تصرخ الأبلة : تستهبلوا أنتو اشو ؟ قلت لكم يلا على الطابور أشوف
نشوا البنات و مشوا و ما قالوا و لا كلمة
جواهر تدز هجور و بهمس : أوف و الله شو ها أحنا ياين ندرس و لا نرتز حقهم تحت الشمس ؟
هجور بهمس : سكتي سكتي يعني أنا اللي عايبني الوضع الحين
بدأ الطابور و كان الجو حاااار و يا لله يا لله اليين ما خلص الطابور و بدت الحصة الأولى ، دشت الأبلة الكلاس و بدأت تشرح و نصهم كالعادة مب فاهمين و نصهم فاهمين و اللي نايمة على الطاولة و حاتهم حالة
نروووح حق بيت بو بدر
محمد : عم هجور
( أبو بدر : محمد ) : عصبي و يكره الإستهبال و دوم يعصب على البنات لا أستهبلوا فبيت يدهم و عنده شركة
( أم بدر : أميره ) : قلبهاا طييييب و تحب عيالها و دوم معاهم
( بدر ) : عمره 27 ، ربيع وليد الروح بالروح و وليد يعتمد عليه واييد و اهو عكس شخصيه و ليد دوم يستهبل ، و اهو ووليد نفس التخصص طب أفال دشوه مع بعض ، و اهو متزوج ( بسمه ) بنت خالته عمرها 24 و الحين اهي حامل بالشهر السادس و أحمد فرحاان مرره
( إبراهيم ) : عمره 25 ، نفس شخصية بدر أخوه و يشتغل و يا أبوه
( عذاري ) : عمرها 16 ، بنت عم هجور أول ثانوي بس مب بكلاس هجور وااايد خجوله بس اهي من أهدأ البنات بس لما أحد يمدحها تستحي
( ميس ) : عمرها 8 سنوات ، دلووعه و دوووم تخبل بعذاري تلعب بأغراضها و عذاري تنهبل منها و لسانها طوويل
.................................................. ...............................
( جناح بدر )
بدر : أقول بسموه
بسمة و هي نص راقده و نص واعية : هممم شو ؟
بدر : تتوقعين البيبي بيطلع يشبهني و لا يشبهج ؟؟
بسمة و اهي تفتح عين و حده : أنت ليج ما سرت الدوام اليوم ؟
بدر اونه زعلان : أفا تطرديني بسموه ؟
بسمة : لا حشى أنا أطردك محشووم بس تراك حشرتني منششني من الصبح تسألني البيبي بيطلع يشبه منو ؟
بدر : و أنا اللي ما خذ إجازة عسب أتم و ياج و أنتي تقولي لي حشرتني
بسمة و هي تتربع على السرير : و هاي يلسه ها يلله سولف ، لااا صبر أنت سألتني البيبي بيطلع يسبه منو ؟ أنا أقولك أكيييييد بيطلع يشبهني
بدر و اهو رافع حاجب : يالواثقة أنتي .. شدراج يمكن يطلع على باباته ؟
بسمة : يممممكن بس مب أكيييد
و نزلت بسمة من على السرير
بدر : وين سايره ؟
بسمة : بسير أخذ شاور و ببدل و بننزل تحت عشان نفطر
بدر : سيري أخذي شاور و بدلي بس مب بننزل تحت نفطر
بسمة : عيل ؟
بدر : خلينا نمشي نطلع الحديقة و ناخذ لنا فطووور و نقعد هناك
بسمة : أوك....... و سارت
تحت بالصالة عند أم بدر
أم بدر : أنتي دواج حد يخبر عليج أبوج لعبة أهي المدرسة احنا نوديج عشان تلعبين ها ؟ اخنا مودينج عشان تدرسين و انتي اليوم و الثاني غايبة
ميس و اهي نايمة على ريل أمها : ماماتي أحبج لاتخبرين بابا و الله العظيم يعصب علي بعدين
أم بدر : ترا دواج يعصب عليج
ميس : مامي يلا عاد دخيلج ما أقدر أسير اليوم علينا رياضة أنا ما أحب هايك الأبلة دوم تتدلع و تقولنا سوو جذي و سوو جذي ما تسكت حشىىى مصرية وحده
بدر و بسمة و هم نازلين و رايحين صوب أم بدر و باسوا راسها
بدر : منو هاي اللي ما تسكت ؟
أم بدر : هاي أختك أم لسان يالسة تحش فالأبلة مالها
ميس : مامي أنا ما كذبت اهي دوم تتدلع و تتأمر علينا كلاب أبوها شو احنا ؟
بسمة بضحكة : حتى و لو ميوسه ما يصير عييب اهي أكبر منج
بدر : صح أسمعي كلام بسمة الأبلة أكبر منج
أم بدر : فهموها
ميس : خلاص فهمت بس ما تخبرون أبوي أني قلت جذي أوك
الكل : أوك
ميس راحت و عطت كل واحد فيهم بوسة و قالت لهم : أحببببكم
بسمة : و احنا بعد
ميس : بسومتي متى البيبي بي ؟
بدر : بعد شهرين و اهو يأشر بصبعه
ميس : أحس أنه وايد بس عادي المهم بييينا بيبي البيت و بعدين أنا بصير عمته وااااي و ناسهه
الكل : ههههههههه
أم بدر : هههههههه صح بينا بيبي صغير مثلج
ميس : بس مامي أنا كبيرة عمري 8 سنوات
أم بدر : فعيوني بتمين صغيره و ياهل و دلوعتي
ميس لوت عليها : أحبببج ماماتي
أم بدر : و أنا بعد
بدر و أهو يقوم : يلا أحنا طالعين.. تامرون على شيء ؟
أم بدر : ما نبا إلا سلامتكم
بسمة : و ميوسه ما تبين شيء ؟
ميس و اهي تعدد بأصابعها : امبله ، ابغا مصاص الكبير مال الألوان و آيس كريم شوكولاه و بطاطس هالة و حليب بالموز و
بدر : بس بس خلاص شو أنتي تبيني أيب الدكان بكبره عندج ؟
ميس بتنهيده من الخاطر : آآآآه ياليت
أم بدر و بسمة : هههههههههه
بدر : اللي بشوفه جدامي بيبه ما أقدر أحفظ طلباتج
ميس و اهي تسوي حبتين و شاقة الحلج : أوك
بدر و بسمة : باااي
و طلعوا

نهاية البارت الثالث......

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-06-2015, 03:01 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


ليج ماشي ردوود ؟؟
لو تميتوا جي بوقف الروايهه...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-06-2015, 04:43 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


البارت الرابع
فبيت أبو وليد
إيمان ناشه من النوم و نازلة من الدرج و اهي ماسكه الفون و فهد و حمد يا لسين جدام التلفزيون و انتبهوا لها و قالوا بنستفزها شوي
حمد : يالله صباح خير ناشة من النوم يالسة على تلفون بدل ما تفتتحي يومج بقرآن و بكم آية يالسه تغني استغفر الله بس
فهد : صح و أنا أخوك حتى الكلية ما سارتها الشيء اللي بيفيدها ما سارته شو تتريا منها يعني ؟
إيمان عطتهم نظره و كملت دربها صوب المطبخ
فهد بصراخ : لا تحسبينا بنبكي الحين انزين اونه عطتنا نظره
حمد : هيه محسبتنا بنظره بنخاف منها منو اهي عشان نخاف منها ؟
طلعت إيمان من المطبخ و بأيدها كوب قهوهه و راحت الصالة و قعدت و مسكت فونها و يلست تفرفر فيه و ما عاطيه فهد و حمد ويه لأنها عارفتنهم بيلسوا يستهبلوا
حمد يهز راسه : استغفر الله بس استغفر الله أول شيء طافت و ماصبحت علينا و ماسكه التلفون بعدين قعدت و مسكة التلفون مره ثانية وبعدين شو ما أدري ؟
فهد يهز راسه مع حمد : هيه و الله و عاد تعرف البنات و سوالفهم معرووفه كلها حش فخلق الله
إيمان و عيونها بفونها : إذا خاطبك الجاهلون فقل سلاما
شافوا هديل و نهيان نازلين من الدرج
هديل : صباح الخير
الكل : صباح النور
نهيان بصراخ : هيييه فههدوه و حمممدوه و إيمانوه ، ليج ما سرتوا الدوام أنتوا ها ؟
إيمان : هييييه أنت تراني عمتك ما تناديني إيمانوه أنزين ؟
نهيان و اهو يلس صوب أمه : إيمانوه
إيمان برفعة حاجب : نعم ، و الله و لسانك طايل أشوف نهيان
نهيان ببرود : إلا لسانج بس أنتي فريتي الشيء علي عشان محد يقول عنج لسانج طويللل
هديل تضحك : هههههههههه عيب بس نهيان حبيبي
نهيان : لا أحسن ماما علشان ما تضربني اهي و ناصر مره ثانيه و بعدين يعطوني حلاوه و اسناني تعورني
إيمان : و هاذي يزاتنا نراضيك بعد ، و الله ما أدري على من طالعين يهال ها لعايلة لسانهم طويل
نهيان : عليج طالعين
إيمان : لاا حوووول
و تصد على فهد وحمد تشوفهم صادين على بعض و جنهم مصدومين من شيء
إيمان : شبلاكم أنتوا الأثنين ؟ فجأة انقلبتوا ؟
فهد : ........

نهاية الجزء الأول من البارت الرابع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-06-2015, 07:36 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت [ تنسآني ]/ بقلمي


الجزء الثاني من البارت الرابع
حمد : جنه بس الحبيب نادانا بأسمائنا حافيه بدون عمي ؟
إيمان : هه ،هيه مب من مستواه ينادينا بعمي و عمتي
فهد : عيل ع قولتهم يا ويله يا سواد ليله ، ويصد على حمد : تعرف اللي يستهين فينا شو نسوي فيه ؟
حمد بخبث : أكيييد
هديل تحظن ولدها : والله أعرف سوالفكم أنتوا الأثنين بعدوا عن ولدي
حمد : و الله ولدج جنا على نفسه هالشي
فهد : و أحنا ما قلنا له تعال جرب النار كيف تحرق أيدك
وقربوا شوي شوي و نظراتهم تخوف و مبتسمين ابتسامة تخوف
إيمان : أييي وش بتسوون ؟
فهد و حمد : أبد ما شي
نهيان يحضن أمه : بعدوا بعدوا و الله أخبر بابا عليكم
فهد : يا ليت بس جنان تشوفك الحيين
نهيان : ويييييع
قربوا منه فهد وحمد و مطوه من ريله و ما سكينه من ريله و راسه تحت
هديل بخوف : فهد حمد دخيلكم ودروه تراه ياهل
نهيان يصيح : ماما ابا بابا اهئ أخاف
إيمان بخوف : أيي نزلوه تستهبلوا أنتوا ياهل ذا؟
فهد : أول يقول عمي فهد حبيبي
حمد : بعد يقول عمي حمد حبيبي
هديل : نزلوه حراام عليكم ترا وليد بيتنازع لو عرف عنكم
حمد : نووو أول شيء يقول
نهيان و هو يشاهق : عم..ي فهد حب.يبي و عمي حمد ح...بيبي
حمد و فهد نزلوه و ركض سيده صوب حظن أمه و يلس يبكي
إيمان : حرام عليكم فيه جذي تراه ياهل
حمد و هو يضحك : تراج ذليتينا ياهل و ياهل ندري أنه ياهل
هديل تمسح على راس نهيان و هو يبكي : انزين تعرفون أنه ياهل عيل ليج تسون فيه جذي ؟
فهد : عشان يعرف أنه لازم ينادينا بعمي فهد و عمي حمد
نهيان يصارخ : انتوا مب حلوووين بخبر عليكم بابا و جدو
حمد : أبوي اللي هو ( يقلد نهيان ) " جدو " مقدور عليه بس أبوك من بيسكته ؟
دشت أم وليد الصالة على صراخ نهيان و راحت صوبه
أم وليد بخوف : شو فيه ليج يبكي ؟
و تاخذ نهيان بحضنها و نهزه و تبوس راسه
نهيان : هذولا الينانوه الأثنين حطوا راسي تحت و ريلي فوق و ما رضوا ينزلوني
فهد و حمد : أحنا ينانوه ؟
أم وليد معصبه : هيه ما جذب حد يسوي بياهل سواتكم هاي ؟ تكلموا لا تحسبون أن هالياهل عمره مقلكم تراه ياهل الا هو عمره 4 سنوات لو صار فيه شيء شو بتسون فيه ها ؟
فهد وحمد : سوووري
أم و ليد : أستغفر الله بس ، يلا سيروا لاعبوه الحين و لا ههههه سيده بيخبر غليكم و ليد وو ليد لو عرف بيخليكم تشتغلوا تحت ريله
فهد : نهيان شرايك نروح الدكان ؟
نهيان : هيييه
حمد : بنوديك عيل يلا
نهيان : أول شيء ما بتسوون فيني مثل مساعه
إيمان بضحكه : خرعتوا الولد منكم
فهد : جبب انتي
حمد : لا حبيبي ما بنسوي فيك شيء بس أحنا كنا نبا نلعبك و نفرحك
هديل : الله الله من وين الطيبة نزلت عليكم ما أدري
فهد : سكتي أحنا نسوي جذي علشان ولدج يلا نهيان
تهيان نط يفوم : يلا و طلعوا من البيت
أم و ليد : الله يكملهم بعقلهم
هديل و إيمان : هههههههه آمين
إيمان : بس أنا كان ودي و ليد يعرف علشان أشوفهم مثل ذيك المرره لما طلعوا يفسحونه و طلعنا و ياهم
هديل : هههههه و الكسبان الوحيد معهم هجججور
عند هجور و ربعها في الفسحه يالسين يمشوا صوب الكراسي بعد ما أشتروا من المقصف
ملاك و اهي ترمي نفسها و تيلس : أوووف ما بغينا أول شيء أبلة العربي و بعدين زحمة المقصف شو ها ؟
حمده و تحط الشيلة على كتفها : لا و بعد الصراحة الجو يساعد مره
أريام : ألا أقول تراني عازمتنكم اليوم على بيتنا أوك
هجور : أنا ما أقدر أيي بسير بيت يدي
حمده : و أنا احتمال أطلع أسير بيت عمي
جواهر : و أنا محد عندي يوديني اليوم
ملاك : أنا ما أقدر
أريام : خيييبه كلكم ما بتيون و بعد أكيد عليا فوقكم ما بتي تعبانة و سام ما بتي بروحها
جواهر : يب يب
أريام : عيل نخليها بيوم ثاني
البنات : أوك
تهاني تركض من بعيد و وراها ميره و عندها دبة ماي
تهاني تصارخ : بعدوا بعدوا خوزوا ها لخبلة عني
أريام تضحك علة شكل ميره و هي ماسكه الدبة تبع الماي و الشيلة محد : هههههه شو مستوي ؟
تهاني تتخبا ورا جواهر و تصارخ : بعدوها بتسبحني بالماي ها لخبلة
حمده تضحك : ههههه مسويه فيها شيء أكيد
ميره تصارخ على جواهر : جواهر بعديي عنها و لا بسبحج معها بروحي معصبة
جواهر خايفة لا الماي أي عليها : لا دخيلج ميره لا ترشين علي
تهاني و اهي تضحك : الا امبلا بترش عليج الماي و ياي
جواهر تدف عنها تهاني : بعدي بعدي يا لحماره ما حصلتي غيري
هجور : هييه ميروه الا جواهر لا ترشين عليها
ميره تقلدها : " هييه ميروه الا جواهر لا ترشين عليها " من زينها عاد الحين
جواهر : شقصدج ؟
ميره : أبد ما شي ، ورشت الماي و يا على جواهر و تهاني بعدت بسرعة و ما لحقها شيء
جواهر : هييييء ليج سويتي جي ؟ أنا أوريج ، صدت على البنات : ما منكم فايد هيلا يل ايبوا دبات الماي بسرعة ربعها فهموها و ضحكوا
يلسوا يراكضوا بالساحة و يترششوا با لماي ليييين ما تعبوا و يلسوا بنص الساحة و يلسوا يضحكوا على هبالهم
و شوي يسمعوا صراخ أبلة خلود ( أبلة العربي ) : هييي أنتوا يا لهبل شو تسووون ؟
هجور و اهي تنش توقف و بضحك : ههههههههههه أبلة ما تشوفينا قاعدين ناخذ شااااور مدرسي هههههههه
البنات : ههههههههههه
جواهر و اهي ميته ضحك : هههههههه صراحة شاااور من نوع ثااااانييي
تهاني : الصراحة طلع الشاااور اللي بالمدرسة تحححححفه
البنات : ههههههههههههههه
أبلة خلود و اهي موصلة حدها : أنا انتوا ما بسوي وياكم شيء الحين شغلكم عند اهاليكم كل وحده بتصل فأهلها الحين علشان يأدبوها
ميره : أبلة عيب تقولي يأدبونا أخنا خلاص أهلنا مأدبينا من زماااان
أبلة خلود و اهي تمشي صوب الإدارة : مررره مبين
حمده و اهي تصارخ علشان الأبلة تسمعها : أبلة دامه مبين عيل ليج تتصلين ؟
أبلة خلود من بعيد : علشان أشكرهم على التربية
هجور بصراخ علشان تسمعها : ما يحتاي أحنا نوصل لهم الشكر أبلة
أبلة خلود : خليها علي أحسن ، و دخلت الإدارة
البنات : ههههههههههه
و ضرب الجرس و خلصت الفسحة و كل وحده سارت كلاسها
نهاية البارت الرابع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 09-06-2015, 06:40 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت تنساني / بقلمي


البارت الخامس
الجزء الأول
ردت هجور البيت تعبانة و أول ما دشت شافت إيمان أختها تتابع التلفزيون فرت شنطتها على الغنفة و رمت نفسها جنبها
إيمان و عيونها على التلفزيون : شفيج ؟
هجور : ماشي بس حررر برع ، الا وين أخواني ؟
إيمان : وليد اليوم عنده دوام الين العصر و ناصر خلص محاظراته ورد البيت قعد شوي بعدين طلع و فهد و حمد فوق يالسين يلعبون بالبليستيشن و أمي و أبوي راقدين
هجور و اهي تقوم : اها
إيمان : أمي تقول تغدي لما تردين من المدرسة
هجور : مالي نفس سيده بتسبح و بنخمد بالفراش
إيمان : كيفج
هجور : باي باي
إيمان : باي و كملت تتابع البرنامج
أما هجور راحت و تسبحت و بدلت لبسها و يات بتنام بس حست نفسها يوعانة فنزلت تحت المطبخ و اهي بدربها للمطبخ مرت بالصالة
إيمان : ليج مانمتي ؟
هجور : ماشي بس حسيت نفسي يوعانة قلت أنزل أشوف شيء خفيف أكله
وسارت هجور المطبخ شلت لتفسها بسكويت و عصير و سارت الصالة تاكل
إيمان : من حظج عاد اليوم تعبانة و بتسير بيت يدي عالساعة 7
هجور : أحسن و الله تعبانة اليوم حيييل بنش أرقد بعد ما أخلص هاذا
إيمان : صبري لا تنامي ما بقا شيء على الأذان
هجور : أوك
و تمددت على الكنبة لين ما يأذن بدل ما تفوتها الصلاة و تنام
...............
هجور غفت شوي و إيمان يالسة تتابع التلفزيون شوي و أذن سارت إيمان علشان تتوضى و قالت بتنشش هجور بعد ما تخلص وضوء وطلعت
عند فهد و حمد
حمد : هههييييه أ،ت
فهد : محد غيرك أنا ما سويت شي هههههههه
و كملوا لعب و دش عليهم أبو وليد و هم يلعبوا
أبو وليد : هيي أنتو ايلا على المسيد ما سمعتوا الأذان ؟
فهد و اهو يكلم حمد : ههههه حلو صح ؟ و يصد على أبوه : هلا يبه ألا سمعناه و الحين بنقوم و رد كمل لعب
أبو وليد سار و فصل البلستيشن
أبو وليد بعصبية : يلا صلاة أشوف سيده على المسيد
فهد و حمد و اهم يقوموا : ان شاء الله
و ساروا
أبو وليد و اهو نازل شاف هجور نايمة على الكنبة سار لها
أبو وليد يهز هجور بشويش : هجور هجور بنتي يلانشي صلي و نامي بغرفتج
هجور صحت : ان شاء الله
و دشت إيمان و شافت هجور ناشة
إيمان : صحيتي ؟
هجور : هييه
أبو وليد و هو بطلع : يلا أنا ساير المسيد فمان الله
إيمان و هجور : فمان الله
و يات هجور بتروح غرفتها عشان تصلي الا و فهد بويهها و شوي كان بيطيحها لو ما مسكه حمد
هجوربخوف : بسم الله الرحمن الرحيم
إيمان : هيي أنتوا هبل ؟
فهد و حمد و هم طالعين من البااب : مع السلامة
إيمان : الحمد لله و الشكر
و طلعت كل وحده غرفتها و صلوا و هجور نامت
المغرب
أم وليد : يلاه جور خلصي بنطلع
هجور : انزين خلصت
.................................................. ...
في بيت اليد فهد
بميلس الريايل قاعدين و يالسين يسولفوا ، انفتح الباب و دش نهيان : السلام
الكل : وعليكم السلاااام
اليد لنهيان و اهو يفتح يدينه : تعاال نهيان
ركض نهيان حق يد أبوه و قعد بحضنه
إبراهيم : يلا ياكم الدلوع
و ليد و هو يدش و يا أبوه : ما غيرك الدلوع
إبراهيم : تراك عاطنه ويهه هالنتفه
وليد و هو يسلم عليهم : كيفي عاد هذا ولدي و ادلعه و الا مو صح يبه ؟
أبو وليد : صح شيخكم نهيان صح نهيان ؟
نهيان و هو يضحك : هههه صح
أبو جاسم : عيل و ين ناصر و فهد و حمد ؟
أبو وليد : ورانا الحين بيون
و فجأة طراااخ و ينفتح الباب و يدش فهد و هو ماسك و يهه

نهاية الجزء الأول من البارت الخامس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-06-2015, 05:08 PM
صورة طبع ملكه!! الرمزية
طبع ملكه!! طبع ملكه!! غير متصل
©؛°¨غرامي جديد¨°؛©
 
الافتراضي رد: رواية والله ان عمري بدا من يوم حبيتك واعرف انه ينتهي لو قلت تنساني / بقلمي


الجزء الثاني من البارت الخامس

الجد فهد و الجده حليمه
أبو وليد ( خالد ) ، أبو بدر ( محمد ) ، أم سيف ( فاطمة ) ، أبو جاسم ( فيصل ) ، أمل

فهد : الله و أكبر عليك حشى ما يدين عليك ؟
حمد و هو يضحك : تستاهل ههههههه محد قالك
ناصر و هو معهم : هههههههاي عسا ما نكسر خشمك بس ؟
فهد و هو بعدنه يتحسس و يهه : الا الحمد لله ما صار فيه شيء بس عوار بويههي
سيف : خير شو مستوي عندكم ؟
فهد : الله يسلمك هاذيلا الأثنين ... و سكر حمد على حلجه
ناصر : ماشي ماشي بس كذا يالسين نمزح
فهد يبعد يد حمد و يروح يسلم : بعدوا خلوني اسلم
اليد فهد : لو كملتو بعد
فهد يحب راس يده : حرام يدي يرضيك يدزوني على الباب كذا مرة ثانية ؟
اليد فهد مارد عليه
و سلموا ناصر و حمد عليهم و بعدين يلسوا يسولفوا
صوب البنات
هجور محطيه راسها على ريل عذاري و يالسه تكلم ربعها فالفون
عذاري تدز هجور : هجووروه اشوفني صايرة مخده حقج
هجور : زين عرفتي
عذاري : بعددد ، أقول يل ايلا قومي حصلي لييج مخده ثانية
هجور و هي تضحك و عذاري تدفها : ههههه خلاص خليني سوري
عذاري : الحين سوري لاه ؟
هجور : محد بيخليني غيرج ذيلاك دلوعااات
البنات : نععم
هجور : هييه عذاري شيختكم
عذاري : هيه هيه قصي علي بكلمتين أنتي ياهل محسبتني ؟
هجور : يلا عاد عذاري
عذاري : نوووووو
هحور : كيفج ، أصلا أنتي يحصلج هاجر بنت خالد تنام على ريلج ؟
شيخة : شوفوا هاي مصدقة عمرها
سارة : بنت شيخ و أنا ما أدري
.................................................. .
طالعة من غرفتها و سارت الصالة و شافت أمها و أبوها قاعديت سلمت عليهم و قعدت و ياهم
أبو أحمد : شحال الدراسة ؟
جود : آه تماام
أم أحمد : شفيج ؟
جود : ماشي بس مشتاقة حق أحمد
أم أحمد : هيه و الله فديته ما أدري شو يبا يطلع يدرس ببلاد الغرب ؟
أبو أحمد : ولدج رايح ييب لج الشهادة اللي ترفع الراس ، و بعدين اهو اللي يبغا ها لشيء فخليه على راحته
مانع و اهو يدش الصالة : ياسلاام الكل يالس اهني و أنا ما أدري ؟ أفا أفا نسيتوني ؟ خلاص أنا بسير بعد بسافر و يا أحمدوه أدرس برع
أم أحمد : هيه علشان أقص أيدك ، أنا مكفيني أحمد راح و سافر أتي الحيين أنت تبا تسافر ؟
..............................................
عند هجور
سارة : بنت شيخ و أنا ما أدري ؟
هجور : بنت شيخ أبوه شيخ و ولده شيخ
روان : هذي نهايية تدليع عمي لها صدقت نفسها
هجور : عادي أبوي و بيدلعني أنتوا شيخصكم ؟
مثايل : لا بعد نسينا تدليع وليد لها بعد
هجور : وافدييت طاري وليد بس
هديل و اهي تدش و عندها أكل حق نهيان علشان تأكله : شفيه وليد ؟
إيمان : استلموها ياتكم الثانية بعد
روان : و أنتي إيمان محد يدلعج ؟
إيمان : يا حسره بس محد عندي غير أبوي بس أحياااانا يدلعني
شيخة بضحكة : ما عليه أنا بقول حق سيف يدلعج
البنات : ههههههههههههههههههه
إيمان استوت طماطة : جبببببب
عذاري : و وين راحوا عنج إيمانوه و ليد و ناصر و فهد و حمد ؟
هجور : هههههههههاااي فهد و حمد و ناصر عااد
إيمان : وليد معذور ، أما ناصر و حمد و فهد هه ذيلا ما يدلعوا ذيلا يكفخوا حبيبتي
شمايل : و الله حرام عيل مظلومه بس ما عليه بييج سيف
البنات : هههههههه
هجور حطت راسها على ريل روان
روان و اهي تدزها : هييي بعدي بعدي
هجور : فديتج روان يلا بس ها لمره علشان خاطري
روان : هميتيني نامي نامي بس آخر مره
هجور : فدديتت
هديل تتصل على وليد
وليد : هلا
هديل : أهلين
وليد : ها هديل تبين شيء ؟
هديل : وليد خلي نهيان اييني ترا من مساعة اطرش له ميس و عنود أقوله اييني بأكله ما راضي
وليد : أوك تامرين على شيء ثاني ؟
هديل : سلامتك ، وسكروا
عند وليد
وليد : نهيان حبيبي سير حق ماما بتعطيك أكل
نهيان : ما أبا باكل هني
وليد : يلا نهيان بابا
نهيان يهز راسه بـ لا
إبراهيم بضحكة : هندي و أنا ما أدري ؟
وليد : هيي لا تغلط عليه
إبراهيم يهز راسه بشكل يضحك : ههههههه ان شاء الله بابا وليد
وليد : هيه كذا ، يلا نهيان سير لماما
ناصر بخبث : نهيان حبيبي سير مع ماما هناك عندها هجور عندها حلاوة واييد و عندها مصاص بعد
عبدالله : ناوي على نيه أستاذ ناصر ؟
ناصر : أنا ؟
عبدالله : لا أنا ! أقص أيدي لو ما وراك شيء أنت ؟
ناصر بهمس : اسكت شوي أنت ، ناصر لنهيان : ما تبا الحلاوة ؟
نهيان : اباها الحين بسير و سار يركض
ناصر لعبدالله بهمس : اصبر شوي و تسمع
نهيان راح يركض حق هجور و هجور مانت متمددة على ريل روان و تسولف مع البنات ، و الا شيء ينط فوقيها و تصرخ : آه ه ه ه ه
عبدالله بهمس حق ناصر : حرام عليك
ناصر بعدنه يستوعب الموضوع
اليد فهد بخوف : حد ينش يشوف شصاير ؟
هجور و اهي تتألم : آهه نهيانوه يعور
نهيان يالس فحضن أمه خايف
اليده حليمة بخوف تمسك هجور : هجور بنتي وين يعورج ؟
سارة ترد على فونها و كان عبد العزيز متصل لها
سارة : هلا
عبد العزيز : أهليين ، شو صاير ؟ شبلاها هجور صراخها واصل عندنا ؟
سارة : هذا نهيان ياي ركض ونط فوق هجور
عبد العزيز : ههههه و أنا أقول شبلاه ناصر يضحك لما راح نهيان
سارة : شو السالفة ؟
عبد العزيز : يلا باي هههههه
سارة سكر عبد العزيز فويهها و اهو يضحك : الحمد لله و الشكر
صدت على هجور اللي يالسة عند يدتها و تمسح على شعرها و شافت نهيان بعدنه متخبي بحضن أمه سارة بنفسها : ههههه و الله أنه ما أدري كيف كأنه خيفات من هجور و اهو مسوي بها جذي
في الميلس
عبد العزيز : هذا نهيان لما كلمه ناصر ـنه شيء حلاوة و يا هجور سار ركض و نط على هجور
اليد فهد : و كيفها الحيين ؟
عبد العزيز : ما أدري
عبد الله لناصر بهمس : شفت ؟
ناصر بهمس : ما كان قصدي يصير جذي
اليد فهد و اهو يقوم : أنا ساير لهم هناك أشوف هجور
و سار صوبهم دق الباب و دخل
اليد فهد : شحالج هجور الحين ؟
هجور : بخير يدي كان عوار خفيف و راح
اليد فهد : متأكده بنتي ؟ ما بتسيري المستشفى ؟
هجور : لا عاد يدي مستشفى مرة وحده الا هو نهيان نط علي و عورني بالبداية بس الحين زيين
اليد فهد و اهو يصد عل نهيان اللي متخبي بحظن أمه : نهيان ليج ساويت جي ؟
نهيان : ما كان قصدي و الله
اليد فهد : أنزين لا تسوي ها لحركات مرة ثانية أنزين ؟
نهيان : انزين
نش اليد فهد و سار الميلس
أبو وليد : ها شبلاها هجور ؟
اليد فهد : ماشي بس نهيان الله يهديه يالس يركض و طاح عليها ، وصد على ناصر : و أنت ليج جي سويت ؟
ناصر : أنا ؟
اليد فهد : لا أنا ، اسمع ودر عنك ها لحركات أنت و اللي عندك
ناصر : ان شاء الله يدي ، و بضحكه : شيء ثاني بعد ؟
اليد فهد : هيه أقعد بمكانك
حسن بهمس : هيهيهيهي
ناصر : جب يلا جب
.................................................. ......
بيت أبو أحمد
أم أحمد : هيه علشان أقص أيدك ، أنا مكفيني أحمد راح و سافر أتي الحيين أنت تبا تسافر ؟
جود : مانع شرايك نسافر أنا و أنت نكمل دراسة برع لما بيي أحمد البلاد ؟
مانع : و الله فكرة مب بطالة ، أنتي تدشين الجامعة و أنا أدش أكمل مدرسة
أم أحمد : ومنو بيخليكم ؟
أبو أحمد و هو عارف مرته تصدق بسرعه و كمل استهبال مع عياله : أنا بخليهم خلهم يكملوا مستقبلهم و أنتي لما بيرد أحمد تمي و ياه و أنا بسافر و ياهم
مانع : حياك
جود : هيه والله يا أبوي
أم أحمد : ودروا عنكم هاي الرمسة عارفة أونكم تبون تخوفوني
أبو أحمد : حشى أحنا نبا نخوفج.... لا
مانع : يبه بعد ما ناوي تحصل لك وحده حلوه هناك تعرسها ؟
أم أحمد : نعمم !!
مانع : أنا أكلم أبوي أميه فديتج اسأله يعني
أبو أحمد بضحكه : جان زين والله
جود : هيه بابا
أم أحمد و اهي تقوم : استغفر الله بس استغفر الله أنا ما أدري شوم قعدني عندكم ؟ و سارت عنهم
الكل : ههههههههههه
( أبو أحمد ) : زوج خالة هجور
( ام أحمد ) : خالة هجور
( أحمد ) : 22
( جود ) : 18
( مانع ) : 14
.................................................. ..

بيت اليد فهد
هجور من بعد ما كلمت نهيان
هجور : يعني السالفة فيها ناصر ؟
نهيان : هييه
هجور : زيين زيين
مثايل تكلم يدتها : الا أقول يدوه أمل متى بتي ؟ ما ملت من هناك ؟
اليده حليمة : و الحين أنتي ما تستحين على ويهج تقولين أمل هاي عمتج
مثايل : يدوووه الله يهداج جم مره بنقول لكم الا هي أكبر من شواخ و إيمانوه بسنه شتفرق يعني
اليده حليمة : حتى و لو
سارة : يدوه خلاص بعدين عطي مثايل درووس ف الأدب الحين أمل ااا اقصد عمتتتتتتي أمل امتى بتي ؟
اليده حليمة : و الله الأخبار عندكم أنتوا عندكم هاي التلفونات و تكلموها فيها
هجور : يدوه أحنا لو عندنا خبر جان ما سئلناج اهو كل ما نسألها قالت ما أدري
أم عبد العزيز : عيل يدنكم شدراها ؟
إيمان : أمها لاه يمكن بس تقول لأمها و احنا ما تقول
روان : الللاه يا سلام
إيمان : هيه و الله
اليده حليمة : أقول خوزوا خوزوا عني صدعتوا براسي حشى بس ترمسوا ما تسكتوا ما تعبتوا ؟
هجور : لا يدوه الرمسة ما تحلى الا عندج أنتي
أم سيف : يلا سيروا صلوا ممساعه مأذن و أنتوا بس تتكلموا
أم بدر : هيه و الله من مساعه الريايل رايحين المسيد
البنات و كل وحده تقوم تروح تصلي : يلاا رايحين نصلي تشاااو
و بعد ما صلوا قعدوا شوي سوالف و بعدين كل واحد سار بيته

نهاية الجزء الثاني من البارت الخامس


الرد باقتباس
إضافة رد

رواية والله ان عمري بدا من يوم حبيتك واعرف انه ينتهي لو قلت تنساني / بقلمي

الوسوم
تنسآني , بقلمي , حبيبك , ينتهي , رواية , عمرى , والله , واعرف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عاشقي/ بقلمي آحـْـسَآس عَآشِقهـْـ روايات - طويلة 114 08-01-2019 11:39 AM
رواية غابت شمسي وبدت رحلتي مع الظلام / للكاتبة : reem/كاملة عنوود الصيد روايات كامله - يتم نقل الرواية هنا بعد اكتمالها 32 13-10-2015 01:43 AM
رواية عشاق من رحم القدر/ بقلمي رواآد روايات - طويلة 36 30-09-2015 10:39 PM
رواية سبحت بمدك وجزرك وبحرك مايغرقني/بقلمي قلبي صويب روايات - طويلة 29 18-04-2015 09:42 AM
رواية سطور من الماضي / بقلمي مشاعر_قلم روايات - طويلة 21 28-03-2015 02:26 PM

الساعة الآن +3: 07:10 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1