منتديات غرام أعضاء غرام سكون الضجيج - مملكة العضو لأنني أنثى أرتدي الحياء حين اكتب حروفي
هيفاء الخالد ©؛°¨غرامي نشيط¨°؛©

..







مساء النقاء والصفاء

ومدونه جديده لي بتاريخ مميز بالنسبه لي 16 /8 / 1436

كثرت مدوناتي
هذي المدونه هي كـ يوميات لي فقط
يعني كثرة حكي بما أن هـ المنتدى هو متنفسي الوحيد ولا برنامج للتواصلي عندي غيره





..

هيفاء الخالد ©؛°¨غرامي نشيط¨°؛©

..







المهم وحصاد اليوم
أجزت اليوم وهالشىء من الفرحه فيه ماخلاني أنام سوالف ورقص وحللت اول يوم لما تعبت
بـ المختصر تعب ثلاث اسابيع من الأختبارات فرغته اليوم
بجد مستانسه ومدري من الوناسه ايش اسوي
الحمدلله الله يكمل وناستي
بموادي والنسبه الحلوه احاول اتناسى هالشىء كـ دواء مؤقت

الله يوفق الجميع


..

هيفاء الخالد ©؛°¨غرامي نشيط¨°؛©

..


شكرا بجد لكل من سأل عني وأهتم لأمري
أسعدني سؤالكم حيل ربي يسعدكم
غيابي عن المنتدى ماكان إلا لسبب واحد وهو الأختبارات
كنت محتاجه الدقيقه عشان اذاكر واشوف شغلي لكذا أنا تركت المنتدى لأسبوعين
مو لأي سبب ثاني



..

هيفاء الخالد ©؛°¨غرامي نشيط¨°؛©

..



في طريقنا لأبها ديار الأحباب
مواصله مانمت غير ساعه ومتكسره وحالتي حاله
اخوي من مشينا وهو يقول مافي نوم ومطلع ع صوت الشيلات
يادوب خذينا كم كيلوا طفاه وناموا اخواني وخواتي العزيزات وحشروني بالزاويه
ليتني اقدر أنام بالسياره ولا احس بالعجز عن الحركه مع هالمهبل





..

هيفاء الخالد ©؛°¨غرامي نشيط¨°؛©

..




هالييله مي طبيعيه فيني تعب ونوم مو طبيعي
مواصله يومين عشان اخر اختبار والنتيجه
في الأخير حملت ماده متأكده حليت فيها ونجحت بماده متأده خبصت فيها لاوبعد جبت +b
ابكي واضحك ع هالحظ المايل والقدره العجيبه
وأمي تناظرني بنص عين 》هبلوا فيني يمه
الحمدلله ع كل حال
رجعت كلمت دكتوري عن درجتي ع وعسی يعطيني وجه ويستجيب





..

هيفاء الخالد ©؛°¨غرامي نشيط¨°؛©

_






قسم بالله ي اني احس بحالي فوووق السماء فرحه لاتوصف
للأمانه ماكنت اعرف اي تشجيع واي مشاهده غير أن تشجيع الهلال كان ميول اهلي ابوي واخوي فديتهم
شفت مباراتهم مع الاتحاد ثمن هذي
تحمس وتكسملت وصرخت وجلست وقمت
وماصدقت يجي هدف التعادل ونصراخ انا واخواتي وامي تصرخ علينا نسكت بس مافي امل امي لحد ماجلست تضحك وتقول صوتكم وصل الشارع وجع
ظهري يوجعني وارجولي من حاسه فيها من النطنطه بس مش خساره
ماراح تشجيعي وصراخي خساره

الحمدلله الحمدلله الحمدلله

#مبروك_ياهلالي

تغاضوا ع الأغلاط :)





_

هيفاء الخالد ©؛°¨غرامي نشيط¨°؛©

-



زهقانه بجد
فيني نوم ولازم اقعد مصحصحه عشان التسجيل
وبكره وراي طلعه بدري وامي حالفه إلا تصحينا 11
زهق بجد ايش هالحال وايش هالأجازه سهر وساعتين نوم





-

هيفاء الخالد ©؛°¨غرامي نشيط¨°؛©

_






ياحي ياقيوم برحمتك استغيث





_

هيفاء الخالد ©؛°¨غرامي نشيط¨°؛©

_





صباح / مساء الخيرات

ماادري صراحه كيف يناموا اهل الخميس مع اصوات الطائرات
يعني شئ مقلق ومايريح ابد
اي صوت قوي صار يجيب الرعب الله يكون معهم ويحرسهم بعينه اللي ماتنام






_

هيفاء الخالد ©؛°¨غرامي نشيط¨°؛©

_





مساء الخيرات

تو رجعت من الطلعه استمتعت فعلا وقضيت وقت جمييل
طبعا الحديقه كانت نسائيه ، جلست فتره اتأملهم واشوف الأختلافات بينهم شفت وشفت وشفت
بس مثل ...! البنت اللي تجلس مع كل معاق تشوفه بالحديقه وتسولف معه ويبداء يتأقلم عليها ماشفت ..
انبسطت كثير لما شفت فئه منا تتعامل بلطف وذوق مع ذوي الأحتياجات الخاصه
ع قد انبساطي الا اني تضايقت من بعض التصرفات يعني هو انسان مثله مثلنا بس الله سبحانه سلب منه عافيه واعطانا عافيه فليش التفرقه ..؟
ليه لما يمر معاق تبداء الأنظار تقيمه وتتأمله بكل شفقه
ماااحب النظره الدينيويه للمعاق هالشئ يضايقنا احيانا فكيف هم ..!
كان ودي اشاركها بس خفت اني اغلطت بتعامل معهم خفت فعلا اني اجرحهم فلذا تركت هالمحاوله مره اخرى لأني محتاجه تدريب فعلا ..


اخيرا مجتمعنا فعلا محتاج توعيه ومنهم انا للتعامل مع فئه غاليه من المجتمع وهم ذوي الأحتياجات الخاصه




_

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1