Queen.norah ©؛°¨غرامي جديد¨°؛©

.................................

Queen.norah ©؛°¨غرامي جديد¨°؛©

بنات راحح تكون البارتات كالتالي

السبت:بارت
الاثنين:بارت
الخميس:بارت

💗💗

Queen.norah ©؛°¨غرامي جديد¨°؛©

تكملة البارت الثاني
.
.
.
.
.
.
.
.
.
.
.
عند شركة عبدالله الـ....
سعود:طيب اللحين يايبا شخبار اخر اجتماع لك مع الشركه

ابو سعود:والله الحمدلله ياوليدي تمت الموافقه على العرض

سعود:اما يبا مبروك عقبالي عقبال ماافتحلي شركه ان شاء الله

ابو سعود: الله يبارك فيك طيب..يلا اللحين ضف وجهك عندي شغل يلا

سعود: افا يبا طرده

ابو سعود: سميها اللي تسمي يلا بس ضف وجهك

سعود:مقبوله منك يلا مع السلامه

ابوسعود:يلا بس صكر الباب معك وانت ساكتة

سعود:(احترم جبهته وصكر الباب)
.
في جامعة البنات .....................
اصايل: ريما يلا امشي معي مع فهد

ريما: لا خلاص دحوم شوي وجاي

اصايل: دحوم اجل اصبري لصلاة العشاء

ريما: لا خلاص شوفيه جا يلا باي

اصايل: مع السلامه

وركبوا السياره




انتهى البارت الثاني

انا مجهزه بارتات وش طولها وش عرضها لكن ابي تفتاعل وابشرو ا باللي تبون


جورية تذبل ©؛°¨غرامي فعال ¨°؛©

السلام عليكم
كيفك يا حلوة
بدايه جميله كملي
و أن شاء الله تلاقي تفاعل
حاول تنزلي بارتات اكثر علشان توضح فكره الروايه اكثر
و ارسلي رابط الروايه لأكبر عدد من الأعضاء
ننتظرك بالبارتات القادمه
ودي لك

Queen.norah ©؛°¨غرامي جديد¨°؛©

البارت الثالث
.
.
.
.
.
.
.

راحت ريما عندسيارة عبدالرحمن


ريما:دحموه يالحمار وش هالتأخير عبد الرحمن: ماتأخرت بس الطريق كان زحمه

ريماسبحان الله يعني بتقنعني انك ماكنت صايع مع ربعك

عبد الرحمن:لا والله الطريق كان زحمه عشان كذا تأخرت

ريما: طيب امشي خلصني

عبدالرحمن: وجع جايه بشرك انتبي

ريما: امش لا اكفخك باللي برجلي

عبدالرحمن: خفي غلينا ياقرانديزر
ريما اسندت راسها ى عالكرسي وخذتلعها غفوه













طيب على مايوصلون البيت حنا نروح عند مدرسة الثانويه للبنات

بالر او بالطلعه على مايسمونها بعض البلدان

نجود: بنات راح اشتاقلكم
وقاموا خموا بعض
ريم: يعني كاننا مب شايفينك بكره يلا بس روحي اللحين لااخوك يطنقر علينا اللحين
نجود: طرده يعني
رزان: اعتبريها اللي تبين اللحين يلا بس خلصينا روحي



وصلت ريما للبيت وراحت وحبة راس ابوها
ريما:بابا شوف دحيموه خلاني انتظر تحت الشمس وماجاني الا متأخر
ابو سعود: دحوم يالتبن وش اللي اخرك على اختك
عبدالرحمن: والله يايبا الطريق كان زحمه وعشان كذا تأخرت
ريما: زحمه ولا هياته مع الربع
عبدالرحمن: انتي بتسكتين ولا شلون
ابو سعود: تراني عندكم
ريما: العذر والسموحه يالغالي وهاذي حبهة راس
عبد الرحمن: وانا بعد هه وهذي وحده
ام سعود وهي طالعه من المطبخ : يلا اللحين روحوا غيروا على مالغدا يجهزيلا
عبدالرحمن وريما قاموا يغيرون ملابسهم
وشوي خل سعود ومرته هتون والعيال
جوري ويزن: جدوو
ابوسعود: عيون جدو
جوري ناظرت الصاله شوي: جدوو وين ماما سمر
ابوسعود: شوفيها بالمطبخ
جوري راحت ركض للمطبخ
جوري: ماما سمر حنا هنا
ام سعود: اهلين حبيبتي تعالي خميني ( يعني ضميني )
وه ياقلبي ( وجالسه تحبحب فيها )
جا يزن ركض : وانا وانا
ام سعود: وانت بعد


وجلسو على هالحال


في بيت ابو فهد

اصايل: راحت دقت على ريما
طوط .........طوط.......طو
ريما: الو
اصايل : اهلين ها وشي اخر اخبارك
ريما: ولاشي كل شي بحاله طيب وانتي
اصايل: والله فهيدان بيروح لندن
ريما: ياي ياحظه ودي اروح معه
اصايل : عادي روحي معه موهو حبيب القلب
ريما: لا ياحماره مو كذا يعني هو بصراحه انا احب واحد بس مو هو
اصايل : قولي مين طيب تكفين بليييييييييييييييييز
ريما : اوكب بقولك بس بعدين موالحين باي بروح اصلي الظهر باااااي
وسكرت الجوال

*ريما : اففف ياربي لمتى بجلس ساكته عن هالحب ياربي طفشت من كثر مااني كاتمته اففف ناظرت الساعه هيييييييييييييئ تاخرت عن الصلاه





السلام عليكم ورحمة الله السلام عليكم ورحمة الله
)( خلصت صلاه)(

طق طق ( صوت الباب ينطق)
ريما: ادخل
عبد الرحمن: امي تقول امشي تغدي
ريما : خلاص طيب اطلع وصك الباب الحين انزل
عبدالرحمن: طيب
صك عبدالرحمن الباب
وفصخت ريما جلا لها
وفكت الباب ونزلت لغرفة الطعام
ريما: هالو
الكل بردود متفرقه : وعليكم السلام .... وعليكم الهالو... تكلمي زين يامسلمه
حلست ريما وهي تضحك وبعدين سحبت لها كرسي وجلست تاكل وبالها مشغول باللي خذا قلبها
عبدالرحمن وهو يدقها: ريما ريما ريما
ريما: هاااااا شتبي دقيت مخي دق
عبد الرحمن: لي ساعه وانا ادق فيك اقولك ابوي يسالك شخبار الجامعه
ريما: والله الحمدلله الامور ماشيه تمام يارب لك الحمد
ابوسعود: الحمدلله
قامت من الكرسي: اكرمكم الله
الكل: صحه وعافيه
ام سعود: وش بك ماكملتي صحنك
ريما: لا ابد بس شبعانه ماكله بالجامعه
ام سعود: مب مكفيك عموما بغرفلك شوي لا جعتي انزلي كوليه تلقينه بالمايكرويف
ريما: شكراً يااحن ام في الدنيا ورقت فوق











خلص البارت الثالث نتقابل ان شاءالله بالبارت الجاي


Queen.norah ©؛°¨غرامي جديد¨°؛©

[size="5"][/البارت الرابع
.
.
.
.
.
.
.
عند عبدالرحمن: آه طفشت من المذاكره الممله
شاشة الجوال ترن باسم مشعل
مشعل: السلام عليكم
عبدالرحمن: هلا وعليكم السلام
مشعل: ها شلخبار
عبدالرحمن: والله الحمدلله عايشين
مشعل: افا وش بك مطنقر
عبدالرحمن: منب مطنقر بس طفشان من الروتين اليومي الممل اللي عايشه
مشعل: افا طيب خلاص امش معي اللحين مارك
عبدالرحمن: لا والله مالي خلق
مشعل: اقول بس انزل تراني عند بابكم
عبدالرحمن: ماشاءالله امداك
مشعل: اصلاً انا داق عليك عشان اقول لك تراني عند الباب يلا لاتلطعني تحت كني سواق
عبدالرحمن: طيب اغير وانزل
عبد الرحمن لبس ونزل
عبدالرحمن وهو يفك باب السياره: سلام عليكم
مشعل: وعليكم السلام ها وين تبينا نروح
عبدالرحمن:خلنا نروح الممشى نتبادل الهموم
مشعل: يا الله يا الله يالعربيه الفصحه
عبدالرحمن: امش وانت ساكت
مشعل:طيب يلا سرينا



طيب على مايوصلون نروح عند نجود الكاذبه الولهانه
خلود: اي ياحماره وش سالفة عبدالرحمن ذا ياتبن
نجود: شوفي الصراحه الصراحه ماعندي احد احبه يعني انا سويت كذبه بسيطه يعني صراحةً انا ما احبه ولا هو يحبني يعني انا كذبة بس عشان اسكت البنات لان طول الوقت يقولون لي ماعندك احد تحبينه ومدري شاون وكلام ماله داعي فانا كذبة هالكذبه البيضه ويعني خليهم يصدقونها شهر واقولهم اني اكذب عادي يعني بس انتي اسكتي
خلود: لا والله عادي مره طيب لو وحده درت وش راح تسوين
نجود: راح اقول لها الحقيقه واخليها تعزز لي بس تكفين خليك بصفي اهم شي محد يدري ابغاك تعززين لي طييييب
خلود: افكر
نجود: خوخه بليييز خلوده بلييييز
خلود: امممم اوكي
نجود: نطت على السرير يسسسس يااي الحمدلله
خلود:طيب الحين باي بروح اتروش بطلع مع اهلي بااي
نجود:باي



في بيت اخر في جناح سعود وهتون
سعود: ها هتون وين تبينا نروح
هتون: تونا راجعين سوسو ماودي اطلع والله تعبانه
سعود: سم الله عليك من التعب خلاص من عيوني اللي تبينه بيصير
هتون: طيب شرايك نروح بكره السوق
سعود وهو ياشر على عيونه: من عيوني هاذي قبل هاذي يلا اللحين خلينا ننام
هتون:اوكك
ونامت في سعادةٍ وهناء


في الممشى عند مشعل وعبدالرحمن
مشعل: اشكي لي همومك ياخوي
عبدالرحمن: والله الله يسلمك طفشت من القلب الخالي واشر على قلبه
مشعل: اخ بس وانا بعد كلنا بالهوا سوا
عبدالرحمن: اففف طفشت يلا خلنا نروح مكان ثاني
مشعل: وين يعني
عبدالرحمن: اي مكان مطعم شي اي شي اي شي
مشعل: وين مطعم شوف الساعه كم(( شاف ساعته)) اووف الساعه 10 وحنا ماحسينا امش خلنا نروح نتعشى همن كل واحد على بيته يلا بكره ورانا دوام
عبدالرحمن: يلا يلا بسرعه ترى فيني نوم حدي واصل يلا مشينا
مشعل: مشينا
وراحو لسيارة مشعل ......
وصلوا المطعم وجلسوا على طاوله
مشعل: ها ماقلتلي مين من قرايبك بعمرك
عبدالرحمن: هممم نجود الخبله انا اكبر منها بثلاثه شهور
مشعل: وراها خبله
عبدالرحمن: امهبوله هي والثنائي المرح التبنه ريما واصايلوه الخايسه
مشعل: هههههههههههه وش هالكره
عبدالرحمن: بلاك ماشفتهم لا اجتمعوا ام المقالب حقتهم فينا
مشعل يكلم الجرسون اوالنادل:اوكي ثانكيو جست اي وانت ذا ووتر
الجرسون: اوكي
مشعل: ايه كمل
عبدالرحمن: بس يعني اقولك ان مقالبهم تخرع مثل اخر مره اجتمعنا فيها الويك اند اللي راح جو الثلاثه ودخلوا علينا متلثمين بشمغ ولا بسين عبيهم وجايبين رشاشات مويه وهاتك يا ترشيش فينا الين ماتروشنا وعقبها هجوا
مشعل: ومتى بتردون المقلب لهم
عبدالرحمن: والله اتفقنا حنا يالشباب اننا نرد المقلب لهم
مشعل: ماشاءالله ودي تشوف ووجيههم لارششتوا عليهم
عبدالرحمن: تعال مافيها شي حياك الله انت والاهل عاد امك بمثابة امي وبعدين تعرف امي صديقة امك من سنييين عادي جداً مشعل: لا وين جالس استهبل معك امي ماراح ترضى نجي لمكم
عبدالرحمن: لا والله ان شاءالله بتجي وبقول لامي تدق على امك وانتهى الموضوع بعدين انت ساحر امك (( كلمة ساحر امك يعني حاول بامك بس هذي بلهجتي القصيميه))
مشعل: اشوف ان شاءالله اذا رضت امي جيت بس يلا اللحين خلص عشاك وخلنا نلحق قبل 11 يلا كل بسرعه
.......…………...............……
وهكذا خلصنا البارت الرابع التقيكم بالبارت الجاي فمان الله
اكتبولي توقعاتكم
size]

Queen.norah ©؛°¨غرامي جديد¨°؛©

السلام عليكم سوري مانزلت بارتات لان الدنيا عيد وكذا لكن ان شاءالله اليوم بنزل بارت انتظروني

Noor queen ©؛°¨غرامي جديد¨°؛©

وينك كثير طولتي

Queen.norah ©؛°¨غرامي جديد¨°؛©

ياعمري مايوحشك غالي 🌹🌹
بس تراي سحبت كتبت الروايه قبل سنتين
والحين ماعجبتني لكن ان شاءالله
جايه بروايه اقوى 🔥🔥

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1