غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-06-2015, 11:28 PM
صورة العنود.. الرمزية
العنود.. العنود.. غير متصل
©؛°¨غرامي جديد¨°؛©
 
Uploadfef5c031fd روايتي الأولى : ياطوق الأمان يامرسى المدينه اللي فيها ألف عاشق ماينام


السلام عليكم ورحمة الله وبركاته
حبيت انزل لكم روايتي"بعدك على بالي" وهي اول روايه اكتبها وفكرت انو انزلها في منتدى غرام بعد تردد كبير لازمني
مااحلل نقل الروايه بدون حقوق وبدون ذكر اسمي
الروايه خياليه واحداثها نقدر نقول ممكن في الواقع وممكن لا ..
على بركة الله نبدأ ...

البارت(1)


أريدُ أصابعَ أخرى..
فيها شيء من إيقاع المطرْ
وشيء من غبار القمر
وشيء من حزن الغيوم الرماديّة
وشيء من توجّع أوراق الصفصاف
تحت عَرَبات أيلول.

نزار قباني ..
في الرياض
صحت من النوم على صوت المنبه المؤقت على الساعه 8:30 ص. بتعب وارهاق راحت عند البلكونه ورفعت ستارتها اللي تطل على حديقه يغطيها الورد الملون والنافوره الكبيره اللي على شكل سمكه مقابله باب المنزل الرئيسي الذهبي ابتسمت على المنظر اللي يفتح النفس وراحت لخزانة الملابس تطلع لها ملابس ودخلت لدورة المياه اكرمكم الله تحممت وتوضت وطلعت راحت صلت وبعدها جففت شعرها وكحلت عيونها ولبسها عباره عن فستان بسيط لونه رمادي كان لتحت الركبه وبكم طويل لمت شعرها كوكينا ولبست فلات اسود وخرجت من الغرفه نازله تحت ..
*نتعرف عالبطله الاولى : جوزاء فهد المرشودي , العمر 18 تدرس ثالث ثانوي , بيضاء شعرها الين اسفل ظهرها بني غامق حواجبها مرسومه طبيعي وعيونها وسيعه شوي وحلوه جسمها متناسق جدا مع شكلها عندها غمازه في خدها اليمين, حبوبه و حساسه وبتتعرفون عليها من خلال الاحداث القادمه ..
___________________
نزل بثوبه الابيض بخيوطه الفضيه اللامعه شايل بيد شماغه الابيض وعقاله وبيده الثانيه ملف ازرق وابتسامته الهاديه كانت ماليه وجهه لما شافها تقرب منه بجلابيتها المخمليه اللي تناسب طولها وعمرها وبشعرها الاسود المفتوح وعيونها المكحله وجمالها البداوي وابتسامتها العذبه اللي ماتفارقها دوم
../ ياهلا ويا مرحبا صبحك الله بالخير يا وجه الخير
ابتسامته كبرت اكثر/ صبحك الله بالنور والسرور
مشوا لين غرفة الطعام اللي كان يطغى عليها اللون الذهبي وبمفارشها الحمراء اللي على طاوله طويله واللي كان موجود عليها مائدة فطور من جميع الاصناف جلسوا وبدو يفطرون
التفتت عليه بإحباط / عليك الله يبو ريان تترك هالشغل وتقابلني انا وعيالك ترا العمر يخلص بس الشغل مايخلص !
ابو ريان بمحاولة تخفيف/ يا حسناء انتي عارفتني مايحتاج اعيد واقول ان شغلي اهم من كل شي (وبضحكه) واذا على مقابلك انتي وعيالك؟؟ الاجازه بعد اسبوعين ان شاء الله بقضيها معكم
حسناء برضا تام/ يلا ماعليه الله ييسرها ان شاء الله (وبزهق) اهم شي انكم كل واحد بشغله وانا هنا جالسه لوحدي بالبيت لا انيس ولا ونيس
ابو ريان بدون مايلتفت/ ولا يهمك مايصير خاطرك الا طيب يالغاليه ..
*نتعرف على ابو ريان : فهد المرشودي , العمر 50 , اسمر شوي طويل نوعا ما وعريض شعره نصف مايمليه من الشعر الابيض , مالك محلات المرشودي للذهب والحُلي ,شخصيه قويه وحنونه لكن مخفيه وبنعرفها في الاحداث القادمه .
*ام ريان : حسناء الوافي , العمر 44, بيضا , سبق وتم وصف شكلها ^ , ربة منزل واذا طفشت طلعاتها ماتخلص , طيبه وحنونه عصبيه اكثر شي وتتذمر < مدري كيف ابو ريان صابر عليها :)
------------------
اثناء ماهم يفطرون رفعوا روسهم للي تدق الباب تدخل وتسلم ردوا عليها السلام وصبحت عليهم وجلست بهدوء تفطر
ابو ريان رفع راسه لبنته اللي تاكل بهدوء وسرحان واضح عليها /جوزاء وانا ابوك وش فيك مسرحه وراء ماتعطينا علومك ي بوك؟
جوزاء اللي كانت مسرحه ومافافت الا لما ابوها هزها من كتفها/ها..هلا يبه؟ولا..ولا شي بس بالي مشغول مع الامتحانات
نزل كوب الحليب اللي بيده وناظرها مبتسم/ وانا ابوك لو فيه شي مستصعب عليك قوليلي وانا اجيب لك احسن مدرس ها وش قلتي؟
جوزاء وهي من كثر ماهي نادر ماتشوف ابوها حست ان هالنبره اللي طلعت ف ابوها صار لها سنين ماسمعتها/لا يالغالي مايحتاج بس تعرف هالشي مو جديد لازم كل سنه
حسناء وهي تاخذ كوب وتصب لبنتها من الحليب وتعطيها/ وانا امك هالترم هذا حساس لازم تنتبهين اكثر
جوزاء / ان شاء الله ربك يسهلها
ابو ريان وهم يقوم طالع/على خير ان شاء (اتجه للمرايا اللي ماليه الجدار الطويل يلبس شماغه) حسناء اليوم لاتنتظروني عالغداء احتمال العشاء برضوا لأن يمكن اطول .. (سمع ردها ب_طيب_ وخرج)
قامت حسناء /يلا يمه افطري وخلصي وقومي ذاكري الله يوفقك
جوزاء تهز راسها ب ايه/ ان شاء الله يمه
_______________________
في جده
صحيت بدري عشان تبدأ تذاكر ولها وقت طويل تدور هالكتابين مالقيتهم بصراخ هز الارض / يا ربي وين ذلفت هالكتب ي ربييي
كانت ماره من جنب غرفتها ولفت نظرها العفسه اللي داخلها راحت ودخلت عليها وانفجعت من اللي تشوفه قدامها
.../ بت ! ديالا اش تسوي انتي اتجننتي؟
ديالا من القهر صاحت فيها فجأه / زارا انقلعي عن وجهي كتبي مو لااقياهااااااااااا
زارا تطالع ف اختها مصدومه وكانت تبي تدور معها بس انتبهت للكتب اللي على طاوله جنب سرير ديالا
راحت اخذتهم وكان الود ودها ترميهم على اختها الحولا/يا غبيه شوفيهم على الطاوله قدام عيونك الله لا يعمينا
ديالا توها تستوعب ان كتبها كانوا وراها وهي لها ساعات تدورهم / افف حسبي الله هذي بدايتها الله يستر
طالعت زارا اختها وضحكت لها /روحي روحي ذاكري اناحبنزل انادي الخدامه ترتب الحراج دا .. (طلعت من الغرفه نازله تحت)
ديالا ترمي نفسها عالسرير وحضنت كتبها /ي الله ي رب انك تسهلها علي قادر ي كريم
*نتعرف عالبطله الثانيه: ديالا خالد العزيزي , العمر 19 تدرس ثالث ثانوي, طويله شوي شعرها لنص ظهرها لونه اسود بخصلتين زرقاء بسيطه وحنطيه وعيونها وسيعه حيل رموشها طويله حواجبها مرفوعه شفايفها ورديه مليانه من الاسفل شوي لا هي سمينه حيل ولا هي نحيفه تقريبا في النص,فيها نسبة غرور شوي,طيبه حيل اللي يشوفها يقول العكس ينادونها بالمغروره , بنتعرف عليها خلال الروايه اكثر
*زارا : اخت ديالا , العمر 26 , معلمة انقلش في ثانويه يعني مع ديالا (: , كانت متزوجه وعندها بنت اسمها لمار , طيبه ححييييل وحنونه وتحب اختها ديالا لانها اختها الوحيده , طولها حلو شعرها فيكتوريا , قمحيه نوعا ما ,حواجبها مرسومه دايم ,شفايفها صغيره شوي , بنتها لمار عمرها 6 سنين .
___________________
في الدمام
كانت جالسه مع امها ومعصبه من الكلام اللي امها تقوله .. "بعد هذا اللي ناقص اي ماصدق على الله الحين بخلص دراستي ويشرف حضرته هو واهله".. / يممااااه.. خلاص قولي لاختك الله يرزق ولدك بوحده تقدره وتحترمه (وبقرف)لان بنتي ماتتحمل خلقة ولدك
امها فتحت عينها على اخر شي من كلام بنتها .. بنتها اللي اول مره تسمعها تقول هالكلام معقوله يطلع منها كذا /وليه ان شاء الله حضرتك؟ ولد اختي مافيه شي ينعاب ! اذا انتي شايفه عليه شي قوليلي وشو هو طيب؟
..بقلة صبر .. "الله ياخذه ويفكني منه"../ يمه الله يرحم والدينك انا قلت لا يعني لا خلاص(جات بتقوم الا سمعت امها)
../ والله ثم والله ي صبا لو راددتيني بعدين على نفس هالطريقه لينقال الكلام هذا لابوك وهو اللي يتصرف (وقامت امها صاعده فوق)
صبا بضياع وقهر/ ي الله انك تصبرني وانك تفكني من اللي انا فيه ي ربي
*نتعرف عالبطله الثالثه: صبا عبدالرحمن العلايلي, العمر 18 سنه , ثالث ثانوي, طويله شوي برونزيه شعرها لرقبتها ماتحب تطوله لو طال قصته لونه بني فااتح, حواجبها مرسومه دايم , عيونها انسيابيه ورموشها من الله كثيفه نحيفه شوي , حنونه , تتضايق بسرعه صعب ترضى , حساسه , وبتعرفون الباقي من خلال الروايه
____________
في الرياض
هذي خامس مره تتصل عليها ولا ترد .. كانت جالسه جنب المسبح وكتابها ف حضنها كانت لابسه بنطلون جينز وبلوفر كحلي, افف هذي وين ذلفت ماترد (قامت بترجع داخل) الا لقيته قدامها واقف /بسم الله انت كيف دخلت هنا ؟
ضحك على علامة الاستغراب اللي على وجهها/صبرك علي اشبك؟ ابد والله اشتقت لك وحبيت اشوفك فيها شي!
تلفتت وراها ووراه قبل لا احد يشوفهم/ماجد روح من وجهي قبل احد يشوفنا ويفهمنا غلط ..يلاااااه
راحت من وراه تبي تركض بس مسكها من زندها اليمين/نبراس ترا محد بيفهمنا غلط ع قولك انتي خطيبتي وهذا من حقي
افتحت عيونها على اخر شي من الكلام اللي يقوله/ايش اللي من حقك تستهبل انت؟مين اللي ضحك عليك وقال لك اني خطيبتك؟قالوا اني انا وانت مسمين لبعض وهذا كلام مو فعل وانا عادتك اخوي انت بحسبة اخوي طارق فاهم! (شافت اتصال من جوالها ورجعت طالعت ماجد لثواني ثم نزلت راسها بعد ماشافت الغضب الواضح بعيونه وراحت لداخل البيت)
ماجد وعيونه اللي حمرت من الغضب/ههين ي نبراس مو اول مره يحصل هالشي بس انا اعرف كيف اطحن الحب اللي براسك(التفت حوالينه ثم رفع راسه لشباكها وتنهد من قلب ثم مشى طالع من المكان اللي فيه)
*نتعرف عالبطله الرابعه: نبراس احمد المحسن,العمر 18 ثالث ثانوي,طويله تقريبا,شعرها طويل بني غامق,حواجبها مضبوطه ماتحب ترسمها لان شكلها حلو بدون رسم,عيونها وسيعه رموشها كثيفه وطويله,بشرتها بيضا بسمار حاجه بسيطه,شفايفها وسيعه شوي ,تدلع احيانا ومجنونة شوبنق وهذا بتعرفونه خلال الروايه
*طارق المحسن:اخو نبراس الكبير , العمر 27,طويل وعريض ,شعره كثير وطويل نوعا ما , بشرته برونزيه,حواجبه مقرونه شوي ,دكتور طب نفسي له عياده ف مكان معين وهالشي مهم بنعرفه قريبا
*ماجد محمد المحسن,ولد عم نبراس وطارق,العمر 25 ,يشتغل مع ابوه في شركة العايله شركة المحسن للمقاولات , طويل معضل شوي شعره بني كثير شوي ومسوي عوارض وجهه طفولي حواجبه مرسومه خلقه,يحب نبراس بنت عمه وبتتعرفون عليه قريبا

هالبارت^مجرد تعريف بالبطلات والبارت الجاي تعريف بالابطال .. لحظات وينزل...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-06-2015, 11:45 PM
صورة العنود.. الرمزية
العنود.. العنود.. غير متصل
©؛°¨غرامي جديد¨°؛©
 
الافتراضي رد: روايتي الأولى : بعدك على بالي / بقلمي ..العنود


البارت(2)

مرتني الذكرى وانا واقف في نفس المكان
في غير الزمان ياما ضحكت أيام
لكني بكيت ياما حلمت أحلام لكني
صحيت منها ابتديت وفيها انتهيت

خالد الفيصل..

وابتدا اسبوع الاختبارات اول يوم ..الساعه 7 الصباح دخلت المدرسه بروح كلها نشاط ومستعده لهالايام المتعبه
كانت جالسه عالدرج تراجع الماده اللي عليها ..وفجأه جات اللي تغمض عيونها وتقرب من عند اذنها تقول/ماوحشتك ي جوز هانم؟
شالت ايدها بسرعه وضحكت من قلب وضمتها بقوه/ فنوو ي قلبي اشتقت لك ,كيفك؟وش اخبارك؟ وش مسويه؟طمنيني عنك؟يلا بسرعه بسرعه
افنان تغمض عيونها وتفتحها تستوعب الاسئله ذي كلها/وش ارد و وش اخلي!المهم اني طيبه وبخير خلاص ذا جواب للاسئله كلها ذي
ابتسمت لها جوزاء من قلب شقد تحب هالبنت صديقة الطفوله الين هاليوم/جعله دوم يا رب .. المهم كيف المذاكره معك؟
افنان تكدر خاطرها من كلمة مذاكره/ي شيخه خليها على الله هالماده جلست فيها اسبوع بحاله اذاكرها
جوزاء وهي تسكر الكتاب وتدخله شنطتها /ماعليه الله يسهلها بس ابعدي التوتر عنك شوي
افنان وهي تجمع كفوفها وتوجها لجبينها /الله يعين يا رب

*افنان الهادي,العمر 18 ,صديقة جوزاء الروح بالروح,شعرها ماشاء الله طويل ولونه بني غامق بخصل فاتحه,مو طويله ولا قصيره مره بالنص ,بيضا,بتعرفونها قريببباااا
-----------
للحظه بس اعلن الجرس صوته دليل على انه بدا وقت التوجه للقاعات .. ثنتينهم ودعوا بعض وكل وحده دعت للثانيه ودخلو قاعاتهم.. مرت 3ساعات على خير ,طلعت من القاعه وهي حاسه براحه انها افتكت من هالماده ..لفت نظرها وحدها تمشي جنبها ولازقه فيها استوعبت انها هي ي الله نست وجها مع الاسبوع اللي مر هههههههههه(لفت عليها وبصرخه تضحك)/نبراس و وجع اشتقت لك(وضمتها وهي تضحك)
نبراس حضنتها وبادلتها الضحك/ وربي مو كثري(بعدت عنها شوي وحطت يدها على كتف جوزاء) وش سويتي في الاختبار؟
جوزاء وهي تطقطق اصابعها/ الحمدلله سهل,وانتي حليتي؟
.. نبراس وقفت فجأه ثم لفت لها/ مو فاهمه ولا شي اصلا لي حوالي اسبوع اتصل على جنان بس ماترد كنت ابغاها تفهمني بس
كملوا مشي جوزاء /ذي دافوره تبينها ترد على اشكالك بالله!
جلسوا في الكراسي اللي موجوده بحديقة المدرسه .. طلعوا كتبهم وبدوا يراجعون الماده الثانيه وجاتهم افنان وسألتهم عن الاختبار وجاوبوها بالمثل
واثناء ماكانوا يراجعون لمحتها نبراس من بعيد تسولف مع صحباتها ثم نادتها/جنااااااااان! بنتتت جنااااااااااان ..
انتبهت لها واشرت لها بيدها بمعنى تعالي.. جاتهم جنان وسلمت عليهم وعلى جوزاء اللي كانت من بداية السنه وهي مو مرتاحه للي اسمها جنان/ كيفكم بنات طمنوني عنكم؟ ..
البنات بصوت واحد بخير الحمدلله طيبين.. نبراس وهي تسحبها بعيد/ تعالي هنا لما اتصل عليكم ليش ماتردين؟ ..
جنان وهي تحاول تتذكر/مدري والله جوالي موجود بس ماافتحه ,معليش اعذريني, بغيتي شي مهم؟
نبراس في نفسها "بعد ايش يا حظي؟" /طيب مو مشكله ,كنت بتطمن بس يلا سلام.. (وافترقوا)
*جنان الخالد,العمر19 ,بيضا مره عيونها خضر,شعرها لنص رقبتها اشقر بخصل حمراء<لحجيه شوي,انانيه بس ماتبين,,طويله شوي وبنعرفها قريبا قريبا
---------------
مرت ساعه ودخلوا لقاعاتهم للفتره الثانيه ..ومرت ساعتين وطلعوا من قاعاتهم واصدا الجرس صوته معلن لحظة الانصراف ..
ودعوا بعض وطلعت جوزاء تنتظر السياره ولمحتها رنج روفر2014 سوداء مظلله اسرعت بخطواتها عشان تركب .. ركبت واسندت ظهرها وفزت لما سمعت صوت مو غريب عليها ومن شكله اللي لها سنين ماشافته..ابتسم لها بخبث /ياهلا ويامرحبا بأختي الصغيره .. افا وانا اخوك! ماتكلميني طول هالسنين اللي مضت؟ ماتقولين هذا اخوي؟لي الحق اني اكلمه!
جوزاء خافت اكثر واكثر وجات بتنزل الا قفل الابواب من عنده وحرك السياره بسرعه جوزاء عيونها بدت تدمع وترجته/طلال الله يخليك نزلني ابوي بيذبحني لو درا اني معك..طلبتك نزلني
طلال اشر لها بمعنى اسكتي/اششش ولا حرف بنروح انا وياك لمكان اقدر اكلمك فيه واخذ اخبارك زين ي ماما!
جوزاء سكتت ولفت ليمينها للشباك مو مستوعبه انه قدامها ذا الادمي ..سألته بسرعه/وين وديت السواق؟؟
طلال بلامبالاة/نزلته وقلت له يروح بيتكم مشي
شهقت جوزاء من اللي يقوله/نعععم؟؟وش تقول انت؟حرام عليك؟الطريق طويل؟انت وش تبي فيني اصلا؟
طلال بطفش/اوهوووه علينا ماسويت شي الا اني حاسب حسابه يعني ارتاحي اهلك مابيوصلهم خبر (وبصرخه خلت جوزاء تفز)فههممتي الحين!
سكتت وهدت نفسها مادرت الا هي ب حاره اول مره تشوفها ,وقف عند بيت كبير ثم لف عليها قال/ياويلك ان نزلتي
تحسبت عليه جوزاء ف نفسها ثم استغفرت هذا اخوها كيف تدعي عليه, نزل وبسرعة البرق وصل عندها وفتح لها الباب وشافته عن قرب , كان متغير! بداية شيب في شعره وفي سكسوكته وصاير له عُرض كان لابس ثوب ومشمر الاكمام بدون شماغ شعره كثيف وكأنه معفوس كان عاض على شفته السفليه ورافع حاجبه اليمين ويتلفت خايف احد يشوفه, نزلت جوزاء وفي نفسها "بسم الله متى طول ذا؟عز الله ي جوزاء ذا بيدعسك هالحين" ,سكر الباب ومسكها مع يدها وقفل السياره ودخل البيت
*نتعرف عالبطل الاول: طلال الراشد: العمر 38 ,صاحب شركة الراشد القابضه, اخو جوزاء بالرضاعه ,^ ,انسان متسلط ونذل وعصبي بس ماندري اذا هو طيب ولا لا؟بنتعرف عليه بالاحداث الجايه
نقطه مهمه** الكل الحين يسأل كيف اخوان بالرضاعه؟؟
ام طلال بعد سنين جابت اخ لطلال و اليوم اللي هي جابته فيه ولدت حسنا جوزاء ووقتها تعبت وماقدرت ترضعها ف اخذتها ام طلال ورضعت جوزاء ..
______________
نرجع للدمام
كانت تركض متوجهه لبيتهم قبل يشوفها "حسبي الله عليك يا ليث يعني نفذت اللي براسك وجيت تاخذني!لكن هين انا اوريك واكسر كل توقعاتك" وصلت بيتهم تلهث حمدت ربها ان مفتاح البيت معها طلعته ودخلت البيت ..شافت عبدالعزيز اخوها بوجهها منفجع من شكلها/خير خير وش فيك؟؟
طلعت عبايتها وجلست عالكنب بتعب/ليث جاء ياخذني وجع صدق نفسه
جلس جنبها عبدالعزيز استوعب اللي قالته وفقع ضحك عليها/ لا اله الا اله وش هاالحقد اللي فيك عليه؟بس تدرين!زين سويتي فيه لاني انا مااطيقه هالكريه
مسحت كفها بوجها وتنهدت بملل ثم شالت اغراضها وقامت رايحه للدرج وقبل ماتصعد ,عبدالعزيز يطمن اخته/صبا وانا اخوك لاتضايقين نفسك انا بتصرف معه وانتي اهتمي باختباراتك
ابتسمت صبا بسخريه وهزت له راسها ثم طلعت ,قابلت امها سلمت عليها بهدوء وقالت بسرعه/وش فيه شكلك مبهذل كذا
ردت عليها بضحكه قويه/ ولا شي جيت مشي (وبنغزه)وانتي عارفه ليش (ثم دخلت غرفتها بسرعه)
نزلت راسها بأسى على حال بنتها /الله يعيني ويعينك على اللي جاي ي يمه
*نتعرف عالبطل الثاني :ليث الفيصل,العمر 26 سنه, مذيع في اذاعة Arabia Fm> اسم الاذاعه جايبته من راسي ,بشرته قمحيه شوي معضل شوي وعريض وطويل شعره مو طويل ولا قليل بالنص , مافي بوجهه الا شنب زي الاوليين وهذا اللي محليه ومعطيه رزه,مغروووور لأبعد حد ,بتتعرفون عليه قريبا
*عبالعزيز العلايلي:اخو صبا الكبير ,العمر 28 سنه,متزوج من ليال, يشتغل بشركة ابوه المتوفي قبل 3 سنوات في بيع مواد بناء واسمنت والشغلات هذي, طويل اسمر شوي ومسوي عوارض ودايم يحلق شعره ,عنده بنت اسمها وسن وعمرها 5 سنين
*ام صبا:حصه :العمر 54 , ربة بيت , بتتعرفون عليها قريبا قريبا
__________
في الرياض
كانت توها داخله البيت مع اخوها واصوات ضحكهم ماليه البيت,شافوا امهم نازله مع الدرج وسلموا عليها وقالت/ مهند وانا امك ترا رَوَاد ولد عمتك ينتظرك ف المجلس له نص ساعه ..عجل عليه
قام بسرعه مهند وقال/يوووه ي يمه وراء ماخبرتيني من البدايه ..يلا يلا بروح له(وراح)
افنان لفت لامها /يمه! رَوَاد وش جايبه عندنا؟
امها بأستفهام/علمي علمك .. بعد هالقطاعه توه يدري ان عنده عيال خال
افنان بطفش /افف يلا زين ماجاب امه معه ولا كان ابثرتنا .. المهم انا بروح انام اريح واصحى بعدها اذاكر
امها تاخذ الريموت/ان شاء الله يمه
نروح لعند مهند و رَوَاد ****
كان جالس بثوبه الابيض وشماغه الاحمر اللي لافه حوالينه بطريقه تميزه
مهند وهو يمد فنجان القهوه لرواد/ياهلا ويا مرحبا بولد العمه
رواد ابتسم بثقل ورزانه/ اسلم ي ولد الخال ماقصرت
جلس مهند جنبه وبدوا يسألون عن احوال بعض وكيف صايرين .. فجأه رواد نزل فنجانه عالطاوله /مهند انا جايك بطلب بسيط وانا اخوك وابيك تخدمني فيه
مهند استغرب شوي ثم رد/جاك ماطلبته
رواد بخجل بسيط /ماتقصر ي مهند .. بس بغيت تعطيني رقم اللي انت تشتغل عنده وانت تعرف رقمك غيرته ولا دريت عنه
مهند بأنحراج/ اعذرني وانا اخوك مشاغل الدنيا.. ولا يهمك الحين اعطيك اياه .. بس ماقلت لي تبي منه شي؟
رواد يتنهد/ ابد والله صار لي سنين ابي اكمل هالدراسه ويضيق خلقي واتركها واأخرها الين صار عمري 30 قلت ابي اشتغل عنده لعل وعسى يفكني من اللي انا فيه
طلع مهند جواله من جيبه /ابشر ماطلبت شي .. بعطيك رقمي هالحين وثم ارسله لك
رواد وهو ياخذ الرقم /تسلم يا مهند .. انا اعتذر اني جيتك بس عشان هالطلب لايجي في بالك اني جيتك مصلحه؟ لا يخوك لي ان شاء جيه عندك ولا انا عزمتك
مهند بشوية زعل/افا يا رواد ماهقيتها منك! انا عارفك زين انتي اخوي الصغير انا اللي مربيك (وبفخر)يعني عارف تربيتي
استأذن رواد وسلموا على بعض وراح مهند ياخذ لرواد طريق عشان يطلع...
*نتعرف عالبطل الثالث:رواد الفيصل ,العمر 30 , انسان شخصيته بارده لدرجة ان بعض المواقف له يقابلها ببرود يذبح (وتتعرفون عليها هالصفات الثانيه قريبا),شعره كثير وناعم,حواجبه محبره سوداء طبيعيه دايما يرفع حاجبه الايمن وله عوارض لايقه عليه ,قمحي شوي,طويل نوعا ما ,عريض شوي ,معضل,يفضل لبس الثوب والشماغ اكثر ,قريبا بتعرفونه اكثر.
*مهند الهادي:اخو افنان و ولد خال رواد:العمر 37 ,سكرتير عند ...... ولا اقولكم!قريب بتعرفون, المهم ان كان متزوج بس زوجته توفت في حادث ..
_______________
نرجع للرياض
كلامه لها كان يتردد في بالها من اول ماطلعوا من البيت وهي تفكر فيه "مجنونه انا اسوي كذا؟مستحيل اوافق..ياربي انه ينسى افف"
اثناء ماهي تفكر كان يكلم بالجوال وانتبه لها من المرايه الاماميه انها مسرحه بعدها سكر من المكالمه وقال/اتمنى انك تفكرين باللي قلته لك ولا تفكرين بأي شي ثاني غيره انا اخوك وابي مصلحتك
تنهدت بصوت مسموع /طلال واللي يرحم والدينك ترا هالكلام ماابي اسمعه مره ثانيه(وبصوت باكي)اتركني بحالي خلاص
وانتبهت انه وقف عند المدرسه بس ماترك لها مجال انها تستغرب وتسأل ..كانت فيه سياره بيضاء قدامهم نزل منها واحد وعرفت انه السواق وقبل لاينزل طلال/جوزاء لو حصل معاك اي شي قوليلي ترا انا الوحيد اللي بهتم فيك وبسمع لك شوفي الكل حولك محد فاضي لك وانا ماعندي الا الله ثم امي هه وثم انتي (طلع ورقه صغيره) امسكي هذا رقمي كتبته لك قبل مانطلع
ترددت انها تاخذ الورقه بس فالنهايه اخذتها .. ودعها طلال واتجه لسيارته وركب السواق واتجهو للبيت..
________________
في جده
سلمت وجلست جنب امها /ماما ترا ولد خاله هدى طفشني كل مايشوفني يقول مو ناقصكم شي؟اصلح لكم شي؟ ماما شوفي لك صرفه مع امه ترا زودهااا
ردت عليها بضحكه/ديالا ياحبيبتي ترا عيسى بحسبة اخوك يعني لاتاخذين تفكيره غلط
ديالا وهي ندمت من فتح هالسيره /اش معنى انا طيب؟ليش مايسأل زارا ؟ المهم انا حقوم اغير وانزل لك(وطلعت فوق لغرفتها)
بعد نص ساعه تقريباً
كانت ديالا نازله مع الدرج وسمعت احد يدق باب البيت الخارجي.. وراحت لقيت طرحة امها عالكنب اخذتها وخرجت تشوف مين.. ديالا وهي تقرب من الباب/مين؟؟
../اي انا ي اختي
ديالا كانت بتصرخ فيه وتقول انقلععع طفشتني بس تأنت وقالت متقصده/نعم اخووي عيسى!
عيسى رد عليها بهدوء ورزانه/ياليت ادخل لان والدتك طلبتني
تأففت/طيب لحظه(تركت الباب مفتوح شوي وراحت)
عيسى عرف ان مافي احد وفتح الباب ودخل المجلس الرجالي على طول ..
جلس لدقايق قليله ودخلت عليه ام زارا عليه بعبايتها ومعها ظرف/السلام عليكم ي عيسى
قام عيسى بسرعه وكان منزل راسه/وعليكم السلام تفضلي ي خاله اسمعك
مدت له الظرف قالت /معليش ي ولدي ي عيسى بتعبك شوي بس ياليت هالظرف تعطيه امك ضرووري
عيسى بأستغراب ماخفى على ام زارا /ان شاء الله ي خالتي واذا على التعب انا بحسبة ولدك بسام الله يرحمه
ام زارا حست بغصه من الطاري /الله يصلحك ي ولدي ماتقصر
ودعها عيسى وطلع من البيت بكبره
وهي كانت تطالع فيه من شباكها من يوم ماخرج ,تنهدت وقالت../نفسي اعرف اش قصتك ..الايام جايه وبتكشفك لي ي عيسى..
*نتعرف عالبطل الرابع:عيسى الخالد:العمر 25 ,موظف في بنك ,طويل وعريض يميزه السكسوكه السوداء وشعره اللي يوصل لنص رقبته ,عيونه بنيه حواجبه شوي كثيفه بس محليته وشعره اسسود,انسان غاامض وطيب وخدوم..

الى الملتقى لليوم المحدد هو الاثنين ان شاء الله
هالبارت^مجرد تعريف بالابطال .. وراح تبدا الاحداث قريبا ان شاء الله.. لاتبخلون بالردود ...

"سبحان الله وبحمده سبحان الله العظيم"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-06-2015, 11:47 PM
صورة محمود الزهراني الرمزية
محمود الزهراني محمود الزهراني غير متصل
©؛°¨غرامي مبدع¨°؛©
 
الافتراضي رد: روايتي الأولى : بعدك على بالي / بقلمي ..العنود


طرح في قمة الروعه

يعطيك العافيه وما قصرتي

تشكرات كثيرات

أعجبني كثيراً

تقبلي مروري / محمود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-06-2015, 10:28 AM
صورة 1nawal الرمزية
1nawal 1nawal غير متصل
©؛°¨غرامي مشارك¨°؛©
 
الافتراضي رد: روايتي الأولى : بعدك على بالي


روايتي الاولى :https://forums.graaam.com/597249.html#post27193235 واتمنى النشر والدعم والردود السنعه .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-06-2015, 02:24 AM
صورة العنود.. الرمزية
العنود.. العنود.. غير متصل
©؛°¨غرامي جديد¨°؛©
 
الافتراضي رد: روايتي الأولى : بعدك على بالي


صباح الخير..

انا ماشفت للأسف أي تفاعل يحمسني انزل البارت
هل من ردود لو سمحتم؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-06-2015, 02:48 AM
صورة العنود.. الرمزية
العنود.. العنود.. غير متصل
©؛°¨غرامي جديد¨°؛©
 
الافتراضي رد: روايتي الأولى : بعدك على بالي


السلام عليكم والرحمه .. كيفكم .. هذا البارت وصل

بارت(3)

من عذلني في الهوى الله يبيحه
ومن عذرني ما حصل مني خطيّه ..


مرت 4 ايام على ابطالنا ايام جدا عاديه ماكان فيها اي احداث سوا البعض اللي كانو يفكرون باللي حصل معهم قبل هالاربع الايام ..

في الدمام الساعه 10

كانت تمشي في ساحة المدرسه وتشرب من عصير الفراوله اللي كان بارد ومو حاسه فيه /افف شكلنا ي نور ماراح نخلص من هالسالفه!
نور برزانه وبعقل فاهم وضع هالانسانه اللي بالنسبه لها اخت /صبا انتي مالازم تتسرعين على كل شي مو كل شي تتسرعين فيه سواء كان بالرفض او بالقبول ترا فيه شي اسمه صلاة استخاره
وقفت صبا بنص الساحه وحست انها خلاص ماعاد فيها حيل من سمعت هالخبر وهي بس تفكر وتفكر زين ان هالشي مابيأثر على اختباراتها "الله يكافيك يا ليث من عند ربي" /هي كلمه وحده بس بقولها .. ماني موااافقهه (راحت وطلعت للساحه الخارجيه ولحقتها نور)
نور وهي تمسكها من كتفها/ يا بنت الحلال شفتي كيف انتي متسرعه حتى كلامي ماخليتيني اكمله
صبا/نور ممكن اسألك سؤال وابيك تجاوبيني بصراحه.. لو واحد يقرب لك اياً كان يحبك طيب؟ يلاحقك من كل مكان تروحين له لدرجة انه يتسلل لغرفتك بغفله من اهلك لا ويكون سكران ويجي يتلمس فيك ولما تصحين من نومك يقول انتي قريب بتكونين لي والمصيبه ان فيه شخص ثاني يراقب هالوضع اللي صار مسلسل مانتهت حلقاته بذمتك مو شي يخوف ويقهر!!مو شي يخلي......
نور تقاطعها/ بس بس بس خلاص وربي فاهمه يرحم اهلك..يا صبا احمدي ربك انه يقولك هالكلام شوفيه صار قد كلامه وجاء يطلبك تكونين له لو كان واحد ثاني مابيجي ولا بيقول هالكلام لانه بيتسلى
صبا وكل مايجي طاري هالليث تسب فيه وتدعي عليه من قلبها ان الله يكفيها شره..
وماهي الا لحظات واعلن الجرس صوته عن وقت الانصراف..

________________
في الرياض

كان يمشي جنب مهند بهدوء وهو قاعد يتخيل كيف بيقابل هالرجال اللي لطالما كان وده يشوفه من اللي يسمعه عنه بالسيره الطيبه ..
دخلهم السكرتير لعنده وطلع وقفل الباب وراه .. انبهر من المكتب اللي كان يطغى عليه الجلد والاضاءه الرايقه والتحف اللي باينه من الطراز الايطالي .. سلموا عليه وجلسوا
ابو ريان كان يتأمل رواد ويرجع يطالع في الملف اللي بيده ثم قال/ مااصدق يا رواد ان عندك كل هالمؤهلات ومنت راضي تكمل الدراسه مع ان واضح على وجهك ان عندك شي بتحققه بس منت عارف كيف صح ولا انا غلطان؟!
رواد وحس كأن فيه احد فاهمه ولأول مره/صحيح طال عمرك احيانا ودي اكمل وودي اترك (رفع راسه لمهند) صحيح ان عندي حلم وابي احققه(ثم التفت على ابو ريان) بس مو عارف كيف ف قلت اشتغل عالاقل دام ان الدراسه مابتنفع
حط ابو ريان الملف عالمكتب قدامه/ماعليك ي رواد باذن الله بيتحقق لك مرادك وتقدر تداوم من بكره لو تبي
مهند لف على رواد بضحكه/ من قدك يا ابو فيصل توظفت من وقتها الله يجعلها خير وبركه
رواد شي بداخله ارتاح مو عارف من ايش/ مشكور ي طويل العمر (وبسخريه من نفسه) افرجتها علي جعلها تنفرج عليك يارب
طلعوا اثنينهم وتوجهوا لمكتب رواد عشان يشوفه .. انبهر رواد ماتوقع ان يكون مكتبه كذا حمد ربه ان الله صخر له هالرجال اللي بيكون شكله وجه خير عليه
جلسوا فيه وتكلموا شوي وجاء اتصال لمهند من ابو ريان يقول انه يبيه ضروري سلموا على بعض وطلع رواد وراح مهند لابو ريان
_________________
في جده

كانت توها طالعه من المدرسه وراكبه جنب ابوها / بابا ابغا السوبرماركت ابغا شوية اغراض
ابو زارا/ طب ماتقدري تأجلينها لشوي بكره ويكند يعني تقدري تروحي لها بأي وقت
ديالا/لا يا بابا ابغاها دحين فيه اغراض انا محتاجتها ماتحتمل اني انتظرها لشوي
ابو زارا وهو مايقدر يرد لدلوعته طلب/ ابشري ح وديك
ديالا بفرحه/ شكرا بابا الله لايحرمني منك
ضلوا يسولفون الين ماوصلوا للسوبر ماركت
ابو زارا /يلا انزلي انتي وانا بنتظرك لا تتأخري
ديالا / ان شاء الله
نزلت ديالا للسوبر ماركت وجلست تحوس بالاغراض اللي تدورهم وكانت تمشي ولافه وجها لليمين تطالع تدور الين ماحست ان كتفها صقع بشي قاسي تألمت شوي وطالعت فاللي صقعت فيه .. كان طويل ومعضل كانت بتسبه بس خافت يدفنها ف مكانها
ديالا/ بسم الله ماتشوف انت!!
.../ معليش انا اعتذر
ديالا "بعد ماهديت كتفي جاي تعتذر"وكملت مشي تدور..اخذت اغراضها وحاسبت وطلعت وركبت السياره
كان طالع وراها ومعاه اغراضه حطهم بالمرتبه الخلفيه وركب سيارته
طلع جواله ودق عليها .../ اسمعي انا بجي بطياره ساعه او ساعتين بالكثير وانا واصل ان شاء الله جهزي نفسك ..وقفل وحرك
_______________
في الرياض

بعد ماانصرفوا ووصلوا للبيت

كانوا جالسين على الصوفا البنفسجيه الطويله وكل وحده تفكر بحل
(حطت فنجان القهوه عالطاوله وكأن توها تستوعب اللي حاصل) ../نبراس وربي خايفه مو عارفه وش يبي فيني اصلا حتى يتصل علي كل يوم وانا ما ارد عليه
(نبراس اللي خبرت امها قبل لاتداوم انها بتطلع لبيت جوزاء) / اي يمكن جاي يبي يعرف انتي موافقه على اللي قاله لك ولا لا
جوزاء/ اللي قال عليه شي صعب مدري كيف اسويه؟
نبراس (وهي تفكر باللي يحصل)/ ياخي انا نفسي افهم ليش انتي هالقد تخافين منه مع انك قبل كنتي تحبينه لدرجة ان هو اللي اقرب لك من ريان! وليش اهلك محرصين انك لاتشوفينه ولا هو يشوفك!!
جوزاء (وهي تهز راسها تنفض هالاسئله اللي وجعت لها راسها )/ مادري مادري انا حتى كل ما اجي اقول اسمه قلبوا الدنيا على راسي..
(التفتت لجهة باب الجناح اللي ينطق)/ ثواني الحين راجعه لك(وقامت تشوف مين)
كان الباب بعيد عن الصاله شوي بحيث انه محد يقدر يطل عاللي داخل
فتحت الباب وهي عارفه نغمات هالطقه لمين (وبابتسامه هاديه)/ نعم اخ ريان؟
ريان وهو شايل اللاب كوت وشنطته وببتسامه عذبه/ انا طالع للمستشفى قلت ابي اسلم عليك مره وحده وانا مار من جنبك ,ها كيف اختبار اليوم؟
جوزاء صدق ان ريان كان قبل اقرب شخص لها بس من يوم دخل هالطب وهو لاهي عنها لذلك فضلت طلال على ريان /سلامتك ياخوي انا بخير الحمدلله واختبار اليوم ماشي حاله
ريان بتمثيل العصبيه/ نعم نعم انسه جوزاء! شلون يعني ماشي حاله !(وبهداوه) هالكلام هذا ماابي اسمعه انتي قدها(قرص خدها بخفه) اوكي؟
جوزاء بضحكه/ شوي شوي خوفتني ان شاء الله ربك يسهلها
سلم ريان على راسها واستأذن منها انه خارج لدوامه..بدورها هي ودعته ورجعت لغرفتها

*نتعرف على ريان: اخو جوزاء الكبير, العمر 28طبيب عام ,طويل معضل وجميل شعره بني وبشرته قمحيه شوي , اللي ميزه انه مايهتم بالسكسوكه ولا العوارض ,عيونه نفس عيون جوزاء له غمازه في ذقنه ,من درس هالطب وهو منطوي على نفسه لدرجة انهم نادر يشوفون ابتسامته ولا ضحكته كل شي عنده جد في جد ..

__________________
في الدمام

كان ماخذ اجازه من دوامه وطالع مع اصحابه للشاليه الخاص فيهم يغير جو الفتره الاخيره باللي صار معاه
كان اثنين من اصحابه يجهزون الغدا وثلاثه جالسين عند البحر يستهبلون على بعض
الا هو وصديق عمره بندر كانوا جالسين في الحديقه يتفرجون على حركات اصحابهم ماكان له نفس يضحك او حتى يقول شي صدق انه اخذ اجازه بينسى اللي صار معه منها بس للاسف قدرت هي تغلبه..
حط يده على كتفه وهزه ../ ليث تسمعني انت!!
ليث لف له بسرعه/ هاه ..هلا فيك شي؟؟
بندر باستغراب/انت اللي فيك شي؟ تكلم يابني ادم لنا ثلاث ايام من يوم جينا لهنا وانت ساكت وابيك تتكلم بأي طريقه بس الظاهر اللي فيك كايد.. تكلم قول ترا اسمعك!
ليث رجع جسم كله عالكرسي وراسه مقابل للسماء وغمض عيونه ببطء/ وش اقولك ي بندر تعبان من الشغل وبس
بندر بشك/ ترا كلنا تعبانين من الشغل وهذا حنا مستانسين ولا فينا شي .. ليث تكلم احسن لك
ليث بنفس وضعيته/ وش اقول ووش اخلي اللي فيني هالكني اكثر مما انا عليه.. (فتح عيونه) ولو بتكلم اصلا الوقت مايساعد اتكلم في اي شي
بندر وهو يقوم متجه للداخل/ الليله ان شاء بعد ماينامون الشباب القاك هنا تقدر تتكلم في اللي تبيه .. ويلا انا بساعد العيال داخل
...راح وخلاه يتأمل في هالسماء تنهد وقال/
"ايهه ي ليث بعد كل اللي سويته ورتبت له تجي هي وتهدمه في يوم..بس لا مو ليث اللي تردينه خايب"..
___________________
في جده

كانت جالسه في الحديقه تنتظر امها ترجع من السوق اللي راحت مع جارتها الساعه 9 الين 11 وربع ماردت
كانت تتأمل في الزهور اللي ماليه الحديقه وتأملت زهور الدراق اللي كانت تعشقها ولا زالت تعشقها من اول يوم انهدت لها من اللي كانت تحبه ويحبها ومن لم تزوجوا كانت حياتهم من اجمل مايكون لكن طرف ثالث تدخل بينهم وهدم لها حياتها ..(تذكرت لما اول مره طلبها يقابلها)

قبل 7 سنين

كانت واقفه عند الشباك تناظر فيه والجوال عند اذنها /انت مجنون كيف دخلت
كان مخبي زهور ورا ظهره وطالع في شباكها اللي حفظه في كل مره يجي لهم /عشانك انتي اصير مجنون .. يلا ماتبغي تنزلي تسلمي عليه!
خجلت زارا ونزلت الستاره بسرعه/ لا ماراح انزل ويلا روح قبل لا يقوم احد ويشوفك
../ شوفي ترا انا مجنون قدرت ادخل بيتكم يعني تتوقعي مني اي شي مثلا ماتقدرين تمنعيني اني اصرخ وانادي بأسمك .. (وبخبث) هاه شرايك؟
زارا بقلة صبر وهي عارفه انه يقدر يسوي اللي يبيه/ طيب طيب بس ابعد شوي لحد يشوفك
كان عارف انها بترضا فالاخير وابتسم لها/طيب بس انتي انزلي يلا
سكرت منه زارا واخذت لها جلال وطلعت من الغرفه كانت تتلفت يمين ويسار ماتبي احد يشوفها الين طلعت من البيت وتوجهت للحديقه الخلفيه
كانت تمشي وتدور عليه الين ما انتبهت لزهور كثيره محفوره بالارض وورقه طايحه جنبها قربت واخذت الورقه وقرت باللي فيها../ هذي اللي كنت بعطيك اياها وكان نفسي اعطيك هي يد بيد بس احترمت رغبتك ان ماودك من الاول تنزلين وكان ودي اقولك كلام بس بخليه للايام الحلوه اللي جايه, حبيبتي زارا انتي لي انا وبس والله يجمعني فيك قريب.. احبك .. لؤي..

سرعان بس مافاقت وكانت تتأمل بالزهور نزلت دمعه حاره حرقت خدها /حسبي الله عاللي كان السبب
قامت بسرعه ودخلت داخل ماتبي تشوف احد طلعت لغرفتها وقفلت عليها ودخلت بفراشها ماتبي تحس بأحد..

______________________
عند طلال

كان له ساعتين واصل للرياض دخل بيته وتحمم وتوضا وصلى وراح ينام يريح نفسه من عنا الطريق
مرت ساعتين وصحى من النوم بتعب مو طبيعي قام اسند نفسه عالمخده واخذ جواله
فتح جواله وشاف المكالمات واكتشف انه كان حاطه عالصامت.. 9مكالمات من رواد و 3 مكالمات من امه و 7 رسايل من الشركه
حط الجوال عالطاوله ودخل الحمام وانتو بكرامه غسل وجهه وراح لبس بنطلون اسود وشوز وانتو بكرامه رياضه لونها عنابي وتيشيرت رمادي كت
جلس على جنب السرير واخذ جواله اتصل على امه واخذ اخبارها وطمنها انه وصل وبعدها قفل منها
اتصل على رواد وانتظر وانتظر ومارد ../يوم انك ماترد ليش تتصل بالاول ..قام ورسل له رساله كتب فيها/انا وصلت الرياض لاتجي البيت لاني طالع وعندي شغل
سكر جواله واخذ مفاتيحه وبوكه وطلع

بعد ربع ساعه

رفع جواله يتصل عليها ..ثواني بس ووصل له صوتها اللي التمس فيه نبرة خوف/ ه..هلا
طلال بهدوء يخوف/انا عندي شغل الحين بس الساعه 9 انا بكون تحت البيت
جوزاء بسرعه/طيب اوك
قفل منها بدون رد منه..

______________________

عند جوزاء

عالساعه 9

لفت طرحتها بسرعه ولبست لثمتها ومشت بسرعه واخذت شنطتها ولفت عليها/يلا ي نبراس
نبراس تعلقت شنطتها ونزلت معها
قابلت جوزاء عند الدرج امها وهي شايله اخوها الصغير/ها يمه طالعه؟
جوزاءبسرعه/اي اي يمه مع السلامه..
نبراس/ مع السلامه خالتي
وطلعوا بسرعه
واضح الاستغراب اللي على وجه حسنا بس ودعتهم وكملت طريقها لفوق


سلمت نبراس على جوزاء /انتبهي لنفسك ولا تسمحين له يخليك تستسلمين
سلمت عليها جوزاء وراحت
ركبت نبراس مع سواقها وراحت
قربت جوزاء من الباب الخلفي وسمت بالله وركبت
تلقائيا راحت عينها عالمرايه الاماميه وكان طلال يطالعها
وبابتسامه/تعالي قدام تراني اخوك مو وحش
نزلت راسها وغمضت عيونها بقوه تدعي
فجأه تحركت السياره وماحست فيها




الى الملتقى ليوم الخميس باذن الله
ردودكم ماابي انحرم منها وممكن فيه اشياء مافهمتوها بس ان شاء الله من خلال الاحداث القادمه راح يوضح لكم بعض التفاصيل
استودعكم الله....

"سبحان الله وبحمده سبحان الله العظيم"..


تعديل العنود..; بتاريخ 08-06-2015 الساعة 02:56 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-06-2015, 01:29 AM
الحلوة المزيونه الحلوة المزيونه غير متصل
©؛°¨غرامي فعال ¨°؛©
 
الافتراضي رد: روايتي الأولى : بعدك على بالي


رواية جميلة ...يعطيك العافيه

أكثر شي متحمسه اليه قصة طلال مع جوزاء وليث مع صبا

بنتظارك لا تطولي علينا ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-06-2015, 03:17 AM
الحلوة المزيونه الحلوة المزيونه غير متصل
©؛°¨غرامي فعال ¨°؛©
 
الافتراضي رد: روايتي الأولى : بعدك على بالي


أتمنى الدعم منكم في روايتي https://forums.graaam.com/590531.html

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-06-2015, 07:48 PM
صورة العنود.. الرمزية
العنود.. العنود.. غير متصل
©؛°¨غرامي جديد¨°؛©
 
الافتراضي رد: روايتي الأولى : بعدك على بالي


السلام عليكم ..كيفكم..هذا البارت وصل

البارت(4)


يطيح جفن الليل و اهز كتفه
نجمٍ يشع وباقي الليل مطفي
واحاكي الجدران عن وصف غرفه
ما تشبه الجدران و يطول وصفي


بدر بن عبدالمحسن


في جده

في الصاله بالتحديد كانوا جالسين يتقهوون ماعدا هي من الظهر الين الليل وهي مقفله عليها غرفتها
كانت جالسه عالارض متربعه تصب لابوها القهوه/ تفضل بابا
مد ابوها يده واخذ منها الفنجال/يزيد فضلك ..الا اقولك ديالا وين اختك ماشفتها من يوم جينا
ام ديالا/اي صحيح من يوم رجعت من الساعه 3 الين دحين مااشوف الا بنتها
ديالا رفعت راسها لابوها وامها/والله ماادري سالت الخدامه عنها قالت انها شافتها دخلت غرفتها ومن بعدها ماطلعت
قال ابوها/روحي وانا ابوك شوفيها هي حيه ولا ميته اعوذ بالله
قامت ديالا بسرعه وطلعت فوق لغرفة اختها.. دقت عليها الباب مره ومرتين وثلاث الين مابدا الخوف يزيد قامت تدق الباب زي المجنونه/زارا زاراااااا زاروووه افتحي الباب
انفك الباب بسرعه وخافت اكثر ديالا من منظر اختها
طالعت زارا ف اختها وقالت/نعم فيه شي؟
ديالا طالعت فيها من فوق لتحت/لا ولاشي بس كنا خايفين عليك ..اش فيك؟
دخلت زارا غرفتها ودخلت وراها ديالا/تعبانه ماقدرت اداوم وصحيت جلست شوي وبعدين رجعت نمت
ديالا حكت راسها وقال/احنا خفنا عليك المهم دام انك زي الجنيه مافيك شي انزلي تحت عندنا
هزت راسها زارا ودخلت الحمام وانتو بكرامه طلعت ديالا من الغرفه ونزلت عند امها وابوها
ابو ديالا/هاه شفتيها؟
تربعت ديالا عالارض/مافيها الا العافيه وهي بتنزل دحين
كملوا سواليفهم وارتفع صوت ضحكهم الين مانزلت لهم زارا وغيرت جوها الكئيب..


_______________________
في الرياض

فتح لها الباب ودخلت حست بنسمة برد سرت فيها حست بقشعريره وكملت طريقها لمدخل كبير
مسك يدها وسحبها معه للصاله الداخليه ووقف وفك يدها وراح جلس على اول كنبه قابلته/هلا ب جوز منوره بيت اخوك
جوزاء نزلت لثمتها وكانت تناظر فيه من فوق لتحت و راحت جلست لكنبه مقابله له
حط رجل على رجل وقال/علشانك وانا اخوك تركت كل اشغالي حتى امي مارحت لها أجلت كل شي عشان اللي بقوله لك واللي بسمعه منك
قالت وهي تناظر بالارض/طلال لو سمحت اللي تطلبه مني هذا صعب (ورفعت عيونها له) وترا اللي تسويه هذا ماله اي فايده معي
مازال على نفس جلسته كان مغمض عيونه اخذ نفس عمييق و وزفر بقوه /برضو مصر عاللي ابيه بس الظاهر ان الكلام ماينفع معك يا هه يا بنت فهد
جوزاء كانت مكتفيه بس انها تطالع فيه ببرود
قام طلال وراح لدولاب كبير اسود طلع من جيبه كومة مفاتيح وكانت فيه عدة ابواب لهالدولاب فتح اول دولاب كان متوسط الحجم شكله وكان وراه باب برقم سري بحركه سريعه منه ضغط الارقام بسرعه وانفتح
كانت تطالع بجهه ثانيه بعيده عنه ماتبي تشوف وش بيطلع
طلع شي ملفوف بقطة قماش بيضا وحطه على جنب وسكر ابواب الدولاب واخذه وجلس جنبها
بعدت جوزاء بسرعه وقدرت تشوف وش اللي كان بيده
فك القماش ببطء وكان حاس انها تطالع فيه الين ماطلع وش اللي كان جوة القماش
طلعت صرخه من جوزاء وطاحت من فوق الكنب وجات بتقوم الا سحبها من يدها اليمين/وين بتروحين للحين مابديت بشي..(وبصرخه)اجلسي
جلست جوزاء ومسكت خصلات من شعرها وحطتهم ورا اذنها
كان واقف بعيد عنها شوي ومعطيها ظهره/هاللي بيدي هذا ياما تهددت فيه (سكت ثواني) وجاني يوم من الايام بظرف كبير مع ورقه (وكأنه بدا يتذكر اللي صار) هالورقه مكتوب فيها كلام وانا عارف مين اللي كاتبها (اخذ نفس) بس للاسف شفتها مره وحده بس ..بس متذكر كل كلمه وكل حرف فيها
كان معطيها ظهره وماتسمع الا صوته وكل اللي تبي تسويه الحين انها تنحاش
لف عليها بقوه وبعيون تلمع قهر وبتهديد/لو ماسويتي اللي طلبته منك... بتكون ايامك الجايه اخر ايام لك (وصوب اللي بيده ع تحفه كبيره)
طلعت صرخه قويه من جوزا وقامت بسرعه طالعه من البيت ومن الفيلا بكبرها
قامت تركض مو عارفه وين تروح الين طاحت طيحه قويه من قوة الصقعه اللي جات براسها حست ان الدنيا بدت تظلم...
_____________
عند نبراس

كانت تتصل عليها لها 4 مرات وماكانت ترد عليها
نزلت تحت عند ابوها اللي كان جالس قدام التلفزيون ويتابع الاخبار/مساء الخير داد
ابو نبراس كان لابس النظاره وكان يتابع الاخبار بدقه/هلا يبوك
نبراس كانت حيل متوتره مو عارفه وش تسوي"ان شاء الله خير ان شاء الله خير"
انتبه ابو نبراس لبنته قصر على صوت التلفزيون ونزل نظارته/وش فيك وانا ابوك؟تبين شي؟محتاجه شي؟
انتبهت له نبراس وابتسمت له بتوتر وبكذب منها/هاه؟لا سلامتك يبه بس تعرف يبه توني جايه من عند جوزاء وكانت تعبانه وتعرف خايفه عليها
ابوها يطمنها/ماعليه ان شاء الله انها طيبه وبخير انتي بس استودعيها الله
جزء من نبراس ارتاح شوي ورددت بقلبها"ان شاء الله"
مرت خمس دقايق واعلن جوال نبراس عن مكالمه شافتها من مين بسرعه وقامت تركض عشان ترد
/ ايوه الو الله يرجك خوفتيني عليك ليش ماتردين؟
وقف بصرها عن الحركه لمدة دقايق كأنها ساعات من الشي اللي قاعده تسمعه وفجأه تسكرت السماعه
نبراس برجفه/ وش بتسوي فيها ي طلال حسبي الله عليك

_________________
عند جوزاء

مرت عليها ساعات وهي مو حاسه بنفسها فتحت عيونها ببطء من النور اللي موجه على عيونها بالضبط كانت تفتح عيونها وترجع تسكرهم اخر شي سكرتهم وماعاد فتحتها وانتبهت انها كانت جالسه على كرسي ومربوطه فيه وان النور اللي جاي عليها نور سياره كان ثابت عليها بس
رفعت راسها لقدام وحست ان فيه احد يمشي بجهتها ماالتفتت له لانها عارفه مين
جاء عندها وجلس يمسح على شعرها/انا اسف اني خوفتك (وبسخريه) بس انتي اللي اجبرتيني على كذا
لفت راسها عليه بجمود/اعتقد اني ما اجبرتك على شي انت اللي جاي بعد كل هالسنين وتبيني انفذ لك اوامرك ..اذا انت لك حق عند روح له بنفسك مو انا اللي ترمي بلاويك اللي الله العالم فيها علي
عطاها نظرات غريبه وقام على حيله يفك قيودها/فيه كلاااااام كثير كنت بتكلم فيه بس للاسف ماسعفنا الوقت واتسرعت (وبتشديد ووعيد)لكن اللي بقوله لك الايام تثبت لك قديش انا معي حق في كل اللي اسويه
جوزاء وعلامات الاستفهام اللي على راسها
طلال/يلا البسي ارجعك بيتكم
وقفت جوزاء لدقايق تحاول تستوعب اللي هي فيه وحست ان راسها بدا يألمها .. راحت لبست وركبت السياره وكانت راكبه ورا من دون ماتتكلم
طول الوقت كانوا ساكتين كل اللي يصير ان جوال طلال يرن ويقفله
وصلوا البيت ونزلت بسرعه جوزاء ودخلت البيت
اخذ جواله واتصل على رقم/الو...سلام...كيفك...الحمدلله بخير...اسمعي...المره هذي جاء دورك اما بالنسبه لي انا دوري بيختفي للمدى المجهول سوي اللي قلت لك عليه(خلص المكالمه وقفل وحرك لبعيد)..

___________________
في الدمام

كانت توها طالعه من الحمام وانتو بكرامه كانت تتحمم "يازين الراحه اي هالحين الواحد يقدر ينام وهو مرتاح وبدون قلق"
سكرت كل اللمبات وفتحت الشباك طالع منه نور خفيف راحت دخلت بفراشها ومدت يدها لجوالها وفتحته لقت مكالمه من رقم غريب ومكالمتين من نور .. طنشت الرقم الغريب واتصلت على نور
قابلها صوتها تهلي وترحب/هلا والله هلا بست الحسن والدلال هلا باللي من يوم انخطبت وهي شايفه نفسها علينا
صبا بالبدايه كانت تبتسم على الكلام من اوله لكن ركبت فيها شياطين الانس والجن على نهاية الكلام/وووجعع ي نوروه وش هالكلام ماهقيتها منك والله
ضحكت نور/ياخي نمزح معك وش فيك!المهم هاه كيف النفسيه عال العال صح؟
صبا بغرورمصطنع/ولا يقدر ولد امه انه يعكر لي نفسيتي..هاه انتي بشري بعد؟
تنهدت نور بكل مافيها/وش اقولك بالله ..اخوي اتصل علي قبل شوي ويقول انه بيمدد سفرته مع زوجته وعياله وانا جالسه بين هالاربع جدران والخدامه الاسبوع الجاي بتسافر لاهلها وكل ماطفشت هي راحت لبيت الجيران عشان خدامتهم و.........
قاطعتها صبا بسرعه/نور بسك عاد من التحلطم الزايد ..تدرين؟ روحي نامي وانا بنام بعد
نور /اصلا انا من اول بنام بس قلت اشوف وش عندك
صبا/وش عندي؟اللي عندي هو اني اقولك تصبحين على خير(وسكرت المكالمه)
وحطت الجوال عالطاوله جنبها وتنهدت"الله يفرجها عليك ي نور"
غمضت عيونها لدقايق الا الجوال يرن بسرعه رفعته شافت مين..طلع الرقم اللي له يومين يتصل عليها وهي تسحب ماترد
ثواني بس تبي تشوف مين
قررت انها ترد/الو
../____
صبا/الوو
../____
صبا/وجع انزين؟.
قفلت السماعه وخلت الجوال صامت وحطته عالطاوله ولفت للجهه الثانيه عشان تقدر تنام..

______________________
عند ليث

كان جالس قدام المسبح وحدها حواسه بس كانت معها كلها انشدت لها
ضحك على كلمتها الاخيره ونزل الجوال من لما سكرته بوجهه وتأمل بالسماء ..كان الجو والمكان يفتح النفس "هه لو انك ترضين وتقبلين باللي سويته كان انتي الحين عايشه بجنه بس شكلك تبين تجربين لسعة النار..استغفرالله شقاعد اقول انا شكلك يا صبا بتقلبين الايه عليك"
فز من الخبطه اللي جات على ظهره..وجلس جنبه/كنت حاس انك بتنتظر يلا قولي وش فيك
لف ليث على بندر بهدوء/انا اقولك ان المكان مايساعد مثلا احد جاء وسمعنا هالحين و...
بندر يقاطع كلامه/لا لا محد بيسمع العيال نايمين وتوني رحت شفتهم ..ها تكلم
ليث/توني اتصلت عليها مثل كالعاده هه وكالعاده سكرت بوجهي حتى كلمه وحده ماتعطيني مجال اقول
بندر بعصبيه/يااخي حرام عليك انت تبي تغصبها عليك خلاص قالت ماتبيك يعني ماتبيك
ليث رفع حاجب/بندر مستحيل انت تقول هالكلام؟انت اللي ياما كنت تقويني عاللي اسويه وتغصبني على اشياء انا ماابيها تقوم تقول لاتغصبها عليك!
بندر بقلة صبر/وانا شدخلني فيك اذا انت تسوي اللي يعجبك وانت مو بكامل عقلك لا وتطلب مني هالحين بحل معها؟ شوف من الاخر اتركها ولاعاد تتصل عليها وامك قولها انا ماابيها خلاص النفس طابت
ليث بقهر/لو مااخذتها بالطيب باخذها بالغصب وتشوف(وقام)واذاعلى طيبة النفس!قابلني لو طابت(راح عنه)
مسك بندر راسه / افف طول عمرك عنيد وراسك يابس..

_______________________
في الرياض

كان جالس على صخره كبيره بمكان مرتفع بحيث انه يشوف الرياض كلها قاعد يفكر ويفكر الين ما اوجعه راسه
والثاني كان توه طالع من دوامه وجاي بس عشان يسمع له
..يتثاوب/طلال حرام عليك تكلم تراني تعبان ابي انام
طلال كان مثبت عيونه على نقطه مو واضحه بالضبط/اذا بتروح روح خلاص
../طلال انت قابلتها؟
طلال من سمع الطاري وهو قرر على اللي بيسويه/ايه شفتها (وبحقد) شقد اكرها هي وابوها ي رواد هذول مجرمين
رواد قرب من طلال وجلس جنبه/هي مالها ذنب وابوها ذا لازم انت بنفسك تدور خطه عشان تاخذ حقك منه خلاص لين متى والغلط عليك انت لين متى وانت ساكت عليه
**ملاحظه(طلال يقصد ابو جوزاء ومايدري ان رواد يشتغل عنده ورواد يدري ان جوزاء اخت طلال بالرضاعه بس مايدري ان اللي يشتغل عنده هو ابوها واصلا هو مايعرف اسمه لان طلال ماقد قال له اصلا ولو دروا هم ؟ الله اعلم وش بيصير)
طلال قام بسرعه بيخلي هالامور قدام /قدامنا الايام ونقدر نفكر ترا انا طلال مثل مااخذت حق ابوي الله يرحمه اقدر اخذ حقي انا بعد(وراح للسياره وركب)
رما رواد سيجارته وزفر اللي بصدره بقوه واتجه لسيارة طلال وركب
كانوا طول الطريق يسولفون ويضحكون واللي سكّتهم صوت جوال رواد
ابتسم بخفه و رد/ياهلا ...وعليكم السلام....اي من اول طالع.....لا ولا يهمك بكرا اقوم بدري واشيك عليهم.....لاتشيل هم ابشر...يلا مع السلامه
لف عليه طلال/مين؟
رواد/ اللي اقولك انه وظفني بشركته
طلال/لو انك جاي تشتغل بشركتي وخليتك معاون لي بكل صغيره وكبيره مو كان احسن لي ولك!
رواد ناظره بنص عين/انت عارف انا وانت مانتفق
طلال بصوت عذب/مانتفق يا صاحبي مانتفق
تاهت بنا كل الحواري و الطرق
كل ما مشينا نفترق
واحنا دنيانا عشق
لكننا ياصاحبي مانتفق
حد يذوب بصاحبه
والثاني خله تاعبه
درب الهوا ما أصعبه
ما فيه حد يغلبه
لو غاص في بحره وغرق
رواد بعذوبه/وأحنا مثل باقي البشر
وننصهر .. نذوب .. نعشق
و أحلامنا صارت عمر
واذا افترقنا نحترق
طلال/يمكن تذكرنا السنين
رواد/و يمكن يبكينا الحنين
طلال ورواد/و أيامنا تصبح أنين
والسيره للعالم تبين
والعبره فينا تختنق
لكننا يا صاحبي مانتفق
ضحك طلال/بالله مو كأننا زودناها
ضحك رواد/ ايه كذا يا زين وجهك وانت تبتسم كمل كمل يبه طريقك
ابتسم طلال وركز على طريقه وبس..
______________________

اليوم التالي

في جده الساعه 11 الظهر

..كانت نازله مع الدرج تركض لسماعة التليفون اللي يرن..شالت السماعه/الو
..صوت انثوي/السلام عليكم
ديالا/وعليكم السلام..مين؟
../ديالا صح؟
ديالا /اي يا هلا مين؟
../انا خالتك ام طلال ي ديالا نسيتيني؟
ديالاوهي تتذكر/اي اي ياهلا بخالتي ام طلال..كيف حالك؟
ام طلال/بخير حبيبتي وانتي كيفك؟وكيف امك وابوك واختك؟
ديالا وهي تشوف امها طالعه من المطبخ/الحمدلله تمام وكلهم بخير وهذي هي امي جات خذيها
مدت لامها السماعه/مين؟
ديالا/شوفيها مين(وبستهبال)واتحدى اذا ماقفلتي السماعه الساعه 4 الفجر (وطلعت)
اخذت كتبها اللي حطتهم وطلعت برا للحديقه
لقيت لمار تلعب برا نادتها/لموور تعالي
جلسوا عالمرجيحه الكبيره اللي تكفي خمس اشخاص
سألتها باهتمام/لمور كيف الالم اللي هنا (واشرت على قلبها)
لمار/خاله قلبي دايما يوجعني قبل ماانام ماادري ليه
ديالا بحزن على حال هالطفله/ماعليه يا قلبي حاجه بسيطه وحتخف ان شاء الله(وباستها)
لمار ببرائه/ ان شاء الله.. خاله انا اشتقت لبابا
ديالا ملامحا بدت تتصنم وبكذب/لمور حبيبي بابا مسافر ماندري متى يرجع بس اوعدك اذا رجع بقول لمامتك تتصل عليه طيب؟
لمار بفرحه/ههههييييهههه يعني بشوف بابا
ديالا ماعرفت وش تقول بس ابتسمت وهزت راسها

________________

في الرياض

كانت جالسه قدام التلفزيون وبالها مو معه بالها مع اللي صار امس كانت تحاول تستوعب اللي قاله لها امس وتحاول تفهم الجمل اللي قالها بس هي من الخوف وقتها ماكانت فاهمه ايش يقول او وش مغزى كلامه.. تنهدت ومسحت على شعرها / اموت واعرف معك حق على ايش يا طلال؟ يارب انك تصبرني بس
طرت على بالها اللي قالها تسويه "طب انا ليه مااسوي عاللي طلبه مني كود يتركني بحالي؟"
ماهي الا ثواني وشافت امها جايه ومعها اخوها الصغير راكان
جلست امها بعيد عنها عشان تفطره
جوزاء بدون ماتحس/يمه انتم ليش مانعيني اشوف طلال او يشوفني؟
امها ماتوقعت تجيب هالسيره/وش جاب هالطاري الحين؟
جوزاء/يمه انا اسالك تقومين تردين علي بسؤال؟
حسنا/ارد عليك ب ايش بالله؟ ترا انا حالي حالك ما ادري ليش ابوك سوا هالشي

جوزاء وهي تتذكر قبل 3 سنين

كان توه داخل البيت بعصبيه وبصراخ/ حسنااااء يا حسناااااء
نزلت حسناء خايفه/ شفيك وش حاصل؟؟؟؟
كان يلهث وعيونه محمره ونفسه يعلى وينزل/ ناديلي بنتك بسرعه ناديههاااا
حسناء طلعت بسرعه تنادي جوزاء وفتحت عليها الباب
جوزاء كانت نايمه ماتدري وش حاصل .. سحبت امها اللحاف عنها بقوه/قومي ابوك يبيك
جوزاء فزت وماعرفت شتسوي الا انها لحقت امها نازله تحت
نزلت وشافت ابوها جالس على طرف الكنبه وشكله كان يخوف
رفع راسه لها وقرب منها /اسمعيني (اخذ نفس) هاللي اسمه طلال ما ابيك تشوفينه ولا هو يشوفك فاهمه؟؟ ولو شفتك معه ولا حتى بس سمعت سيرته بيكون موتك على يدي سمعتيني؟
جوزاء خافت من اللي قاله/طيب ليش؟ فيه سبب؟
ابو ريان بصرخه/مافي سبب ولا عاد اسمعك تجيبين اسمه خلااص انسي ان عندك اخو اسمه طلال(وراح عنها)

رجعت جوزاء للواقع /انا لو بظل افكر في هالموضوع بنجن(وقامت خارجه برا)
سمعت امها تقول/وين رايحه؟
جوزاء/ طالعه برا الحديقه بشم هوا (وطلعت)




الى الملتقى باذن الله ليوم الاحد
استودعكم الله....

"سبحان الله وبحمده سبحان الله العظيم"..


تعديل العنود..; بتاريخ 11-06-2015 الساعة 09:15 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-06-2015, 07:49 PM
صورة العنود.. الرمزية
العنود.. العنود.. غير متصل
©؛°¨غرامي جديد¨°؛©
 
الافتراضي رد: روايتي الأولى : بعدك على بالي


ارائكم و ردودكم الله لايهينكم ....


تعديل العنود..; بتاريخ 11-06-2015 الساعة 08:13 PM.
الرد باقتباس
إضافة رد

روايتي الأولى : ياطوق الأمان يامرسى المدينه اللي فيها ألف عاشق ماينام

الوسوم
..العنود , الأولى , تالي , بعدك , بقلمي , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى اه يا عذابي/كاملة &نـــونـي بنت الجنوب & روايات كامله - يتم نقل الرواية هنا بعد اكتمالها 5837 20-01-2019 01:13 AM
روايتي الأولى : موتك بإيدي وأنا أول من يحضر عزاك !/كاملة *MEERA روايات كامله - يتم نقل الرواية هنا بعد اكتمالها 598 07-04-2017 02:54 PM
روايتي الأولى: ثم مضى؛كاملة شدن ا روايات كامله - يتم نقل الرواية هنا بعد اكتمالها 441 04-03-2017 04:12 AM
روايتي الأولى: مغربية في دولة خليجية همسة الورود الحب روايات - طويلة 6 18-02-2017 11:06 PM
~ودك تشوف الحب بـ اصدق معانيه شوف نادي الاتحاد وحب جمهوره*تغطية المونديالي ~ اميرة الروز كووره عربية 205 27-01-2015 07:55 AM

الساعة الآن +3: 01:02 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1